منتديات ليلاس - (موضوع حصري) يادنيتي يكفيني عذاب

ادري اني تاخرت عليك وبدال مانزل البارت الخميس نزلت الجمعه لكن قلوبكم تتحمل تاخري وظروفي

اليوم البارت ختمته بالشوفه والاحداث المكمله بالبارت الجاي باذن الله

البارت طوووووووووويل ارضاء لكم عن تاخري

الرجاء عدم طمر السطورررررر

البارت الخمسون

عند تركي

دخل عند ركان الي جالس ينتظره تركي بضيقه / ما نمت

ركان بجديه / لا انتظرك

تركي جلس وبرجاء / ركان تراني واثق فيك وقلت لها انك رجال مستحيل تنحاش

ركان بصدمه / لو بنحاش ماجيتك اخطب وبعدين وش بينحشني

تركي بضيقه / والله مدري شكل البنت مالها نصيب بالزواج

ركان بستغراب / شلون مالها نصيب

نركي بضيقه / بنت اخوي خطابها كثير وكلهم اذا شافوها معاد رجعو وهي تعقدت من نحشتهم

ركان بستغراب / وليش ينحاشون

تركي بستغراب / اشوف بنت اخوي اجمل البنات لكن مادري وش سبب نحشتهم

ركان بنفسه / وانا اشهد انها اجمل البنات لكن وش السر لنحشتهم امها قالت ان بنتها بطريقتها تنحش الخطاب لازم اعرف طريقتها بنفسي

ركان بجديه / تركي طالبك لاتقول لها أي معلومات عني لين تتم الشوفه

تركي بستغراب / غريبه طلبك ممكن تفهمني ليش

ركان بجديه / بعدين اقول لك ليش طلبت منك هالطلب

تركي بستسلام / لك الي تبيه الحين نام وارتاح

تمدد تركي على الكنب وركان منسدح على السرير وتفكيره بشوق والسر الي وراء نحشت الخطاب كل شي فيها يجذب متشوق لشوفه والي بيكشفه بالشوفه

وهو بتفكيره نام

وتركي تفكيره بالحبيبه العدوه شاف خيالها قدامه ابتسم بحزن / يازينك ويازين شوفتك الي موجعتني ومالي امل فيك

شلت صورتك بابعد مكان ابي انسى شكلك لكن شكلك محفور بالروح والقلب

تذكر لمسة وجهها رفع يده الي لمست تفاصيل وجها وباسها بحب

وبتنهيده الم / ااااااااااااه يزينه ويمره من احساس

عند سميه

طول وقتها تقراء على صديقتها وتدعي لها

وقفت سيارة الاسعاف نزلو سرير منى وهي نزلت بسرعه

ودفت معهم سرير منى وصلو لغرفه مغلقه افتحوها حط الممرض يده بيمنع دخول سميه لكنها بعدت يد الممرض ودخلت

شافتهم يحطون صديقتها على السرير ويقلبونها بلا حول ولا قوه وهي واقفت مكانها تتفرج عليها

شافت مجموعه من الدكاتره يدخلون معاد تشوف صديقتها بسبب تجمعهم حولها

صارت دقات قلبها سريعه خافت من تجمعهم

شافت ممرضه معها كيس واضح انه كيس ثلج مدته على الدكتور اخذه منها وحطه على جبهة منى وعلى رجولها

ودخلت ممرضه ثانيه معها صينيه فيها ابره

اخذ الدكتور منها وضربها بالابره

صارت تراقبهم ساعه وكل ماله عدد الدكاتره يزود

قربت منهم وبرعب وصوت باكي / لو سمحتو ممكن اعرف وش فيها صديقتي

انصدم الدكتور من تواجدها وبعصبيه / ليش انتي هنا ومن سمح لك تدخلين

سميه بعصبيه وصوت باكي / سمحت لنفسي بالدخول ولو سمحت قول وش فيها صديقتي

الدكتور بعصبيه / صديقتك لو تهمك كان ماتاخرتو بنقلها للمستشفى الحراره مو راضيه تنزل واجروحها قويه واحتمال يكون فيها نزيف بالراس

هذا غير الكسر الي برجلها اليسار

وبصوت عالي / ممكن افهم منو الي سوى فيها كل هذا

سميه انصدمت من كلام الدكتور واعتقاده ان منى متعرضه لضرب

سميه بعصبيه / صديقتي متعرضه لحادث سياره مو لحالة ضرب

الدكتور باصرار / بنرفع تحقيق بوضعها وكلامك تقولينه هناك

سميه بصدمه / وش تحقيقه البنت متعرضه لحادث سياره فقدت فيه عايلتها

الدكتور بعيون ناريه / ممكن تطلعين برى

سميه بصوت باكي وبضعف / ماقدر اتركها واذا فاقت بتثبت لكم كلامي

الدكتور بعصبيه / احنا نحاف دخلت بغيبوبه

سميه بصرخه / غيبوبه لا مستحيل

وصارت تبكي بحرقه

الدكتور بعصبيه / ممكن تطلعين برى وجودك يضر بصديقتك اذا كانت تهمك

افتحت سميه الباب وهي تبكي بحرقه اخذت جوالها واتصلت على جوال اخوها

عند ماجد

بعد ما طلعت سميه دخل المجلس شاف صديقه جالس

سيف / وش قال الدكتور

ماجد بضيقه / انقلوها للمستشفى وسميه راحت معهم

سيف بجديه / زين سوت

ماجد بخوف / الله يستر شكل حالتها ماتسر

سيف بجديه / شكلنا بدال مانكحلها عميناها

سمع صوت جواله شاف رقم سميه رد سمع صوت بكى سميه

ماجد بعصبيه / سميه اهدي وش فيك

سميه بصوت باكي منهار / والله لو صار لمنى شي مراح اسامحك و انسى ان عندك اخت

ماجد بصراخ / اهدددددددي وقول وش صار

سميه بنحيب / منى يمكن تدخل بغيبوبه

ماجد بصدمه / بغيبووووووووبه

سميه بصوت باكي / ايه بغيبوبه والشرطه بتحقق معنا شاكين انها متعرضه لضرب

ماجد بصدمه / وش ضربه وش هباله الحين بجيكم

انهى اتصاله من اخته والضيقه الي بداخله تهد جبال

سمع صوت صديقه / وش صار

ماجد بضيقه / الحرمه دخلت بغيبوبه وبيحققون معنا وشاكين ا نها متعرضه لضرب مو لحادث

سيف ببرود / تطمن محد بمحقق معنا

ماجد بعصبيه / هذا الي هامك ماهمتك الي طايحه بغيبوبه وبسبتنا

سيف بعصبيه / انت اصحى مالنا علاقه بالي صاير فيها هذي نتيجه للحادث الي صار عليها

ماجد بعصبيه / هبالنا الي خلنا ناخذها لرياض بدال مانتركها تروح مع عيالها

سيف بعصبيه / الهبال هبالك نسيت يوم اقولك خلها تروح مع عيالها وتقول خايف عليها تنفجع من شكل بنتها والحين تحملني المسئوليه معك

ماجد بضيقه / انا الغبي والاهبل وذنب هالمسينه برقبتي

وقف سيف وبجديه / امش نروح نشوف حالتها واذا استدعى الامر بنسفرها تتعالج برى

ماجد بعصبيه / مالها اهل نسفرها ونعالجها لازم نعرف منهم اهلها ونكلمهم يجون عند بنتهم

سيف بجديه / اهلها بيرمون الوم عليك وانك سبب بحالة بنتهم

ماجد بضيقه / ان شاء الله ما نحتاج لرايك

طلعو من البيت ركبو السياره بطريقهم للمستشفى

عند ندى

دخل عليها ابوها وهي في الصاله والقلق مرسوم على وجهها قرب منها ابوها

ابو ندى بحب / وش فيها بنتي الغاليه

ندى بقلق / يبه سلطان قال بيجي والحين الساعه 12 الظهر وبعده ماجاء ولا اتصل

جلس ابو ندى جنب بنته / يابوك الغايب عذره معه

ندى بقلق / جواله مغلق

دخلت عليهم ام ندى / من صباح الله خير وهي ماكله بنفسها خايفه على سلطان

ابو ندى بجديه / ما تنلام خايفه عليه زوجها وابو الي في بطنها

ام ندى بجديه / ما تعرف رقم اخوانه

ابو ندى بجديه / لا التفت على بنته / يابوك ماعندك رقم زوجته

ندى بضيقه / اتصلت عليها قلت يمكن عندها خبر عنه لكن جوالها مغلق

ابو ندى بضيقه / والحل يابوك

ندى بضيقه /عندي رقم زوجة اخوه لكن ماعمري اتصلت فيها

ام ندى بجديه / هاتي رقمها بريحك وبتصل عليها

مدت ندى الجوال على امها بعد مادقت الرقم

عند منال

كانت تبكي على منى وعيالها سمعت صوت جوالها شافت رقم غريب

منال بصوت باكي / الو

ام ندى بقلق / زوجة فيصل

منال استغربت صوت ام ندى / ايه من معي

ام ندى بجديه / معك ام زوجة سلطان ما عندك خبر عن سلطان من الصباح نتصل عليه وجواله مغلق

صارت تبكي بحرقه / عظم الله اجركم بسلطان وعياله

ام ندى ماقدرت رلاجولها تشيلها جلست على اقرب كنبه وبصوت باكي / ان لله وان اليه راجعون ومنى معهم

منال بصوت باكي / لا ضايعه يقولون الي ساعدوهم اخذوها معهم والله العالم وين ارضها من سماها

ام ندى بصوت باكي / ان لله وان اليه راجعون مع السلامه يابنتي

انهت اتصالها من منال

ركضت لها ندى وبخوف / وش فيه يمه

ونزلت دموع ام ندى على خدها وبصوت باكي / الله يعوضك

ندى بصرخه / سلطان مات

ام ندى بصوت باكي / الله يرحمه هو وعياله

ندى بصدمه / عياله ماتووووو

ابو ندى بجديه / قولي ان لله وانا اليه راجعون يابوك

ندى بحزن / ومنى

ام ندى بصوت باكي / الله يجبر مصابها عيالها راحو وهي ما يدرون وينها

جلست ندى على الكنب وحطت يدها على وجها وصارت تبكي ابوها تركها تبكي مدام تصرفها مافي اعتراض العين لازم تدمع فقد الغوالي

ام ندى قربت من بنتها وحضنتها وتركت بنتها تكمل بكاها على صدرها

عند عبدالله

وصل للمستشفى دخل غرفة صديقه جلس على الكرسي مقابل نايف وصار يبكي بصوت عالي

فتح نايف عيونه واستغرب صوت البكي التفت شاف صديقه يبكي بحرقه

نايف بصوت ضعيف / عبدالله وش فيك

مسح عبدالله دموعه / ما فيني شي شلونك انت الحين

نايف باصرار / الحمد لله بخير قول الي فيك

زاد بكي وحس بغصه مايقدر يتكلم

نايف بصوت باكي / لا تكملها علي عبدالله

عبدالله بصوت مبحوح / سلطان صار عليه حادث هو وعياله ماتو

وبصوت باكي / ومنى ضايعه والله العالم وش حالها

نايف بصوت باكي / لا حول ولا قوة الا بالله والله مدري اواسيك ولا تواسيني حتى بالمصايب تساوينا

عبدالله بصوت باكي وحرقه / الي موجعني اختي الي خايف انها بيدين ماتخاف ربها والا العيال الله يرحمهم

نايف بصوت باكي / والحادث وين صار

عبدالله بصوت باكي / بالجنوب

نايف بصوت باكي / اجل بنطلع لموقع الحادث اكيد بنلقى شي يدلنا على مكانها

عبدالله بصوت باكي / لازم تدفن اخوك وبعده نروح لمكان الحادث

نايف بصوت باكي / مصيبتك نستني مصيبتي

عبدالله بصوت باكي / بنادي الدكتور يعطيك مهدي تكفى ياخوي لا تنهار محتاجك قوي

نايف بصوت باكي / مصيبتك خففت علي مصيبتي ماله داعي للمهدئ امش نطلع للمستشفى نطلع مبارك وبنصلي عليه العصر

عبدلله بصوت باكي / اجل بنادي الدكتور يكتب لك خروج

دخل عليهم الدكتور والممرضه وقرب من سرير نايف

الدكتور بابتسامه / الحمد لله على السلامه

نايف بصوت مبحوح / الله يسلمك

طلب الدكتور من الممرضه تجهز الابره

نايف بجديه / ماله داعي الابره اقدر اتحمل على نفسي بدون الابره

الدكتور يتامله / متاكد انك ما تحتاجها

نايف بصوت مبحوح / ماحتاجها ياليت تفك عني الاسلاك

طلب الدكتور من الممرضه تشيل عنه المغذي

الدكتور بجديه / لازم تهتم بتغذيتك وراحتك وهذا نص علاجك

نايف بحرقه / ان شاء الله

وقف نايف وقرب منه عبدالله بيسنده لكن نايف منعه / اقدر امش لحالي

طلعو من المستشفى وكلم صقر واخذ عنوان المستشفى الي فيها مبارك

بعد ساعه خلصت الاجرائات ونقلو مبارك للمغسله

دخل نايف وصديقه بيغسلون مبارك انفجع من شكل اخوه

المغسلين صارو يستغفرون لله من منظر مبارك

كانت ريحته معفنه غير لونه المنقلب لسواد والهيئة كانت تفجع نايف ماقدر يبقى طلع برى المغسله وانهار بكي

لحقه عبد الله / تعوذ من ابليس

نايف بنحيب / ياليتني ماشفتك يامبارك وصار عندي امل انك من اهل الخير

وطالع بصديقه / واضح انه مغضوب عليه وان خاتمته سيئة

عبدالله في نفسه / يارب تحسن خاتمتنا

عبد الله بمواساه / لاتظن هالظن اخوك وحيد واكيد انه طول في بيته ميت ولا تنسى ان اليوم له ثالث يوم بثلاجة الموتى وهذا الي خلى شكله كذا

نايف بصوت باكي / الله يرحمه ويتجاوز عنه ذنوبه

عبدالله بصوت باكي / الله يرحمه ويرحم موتى المسلمين

نايف بصوت باكي / خلنا ندخل

دخلو لقو المغسلين مكفنينه نقلوه لسيارة الاسعاف وانقلوه للمسجد بيصلون عليه العصر

في بيت الجده

عند ركان

ماقدر ينام ساعتين على بعض جلس والتفت لتركي شافه نايم

ركان في نفسه / وش سرك يابنت ناصر والله من حماسي لشوفه طار النوم من عيني

فتح تركي عيونه وبصوت كله نوم / وش عندك صاحي

ركان بجديه / احاتي الشوفه وانت الله يهداك خوفتني زود

تركي اعتدل بجلسه وبصوت مبحوح وبجديه / اذا شاك انك بتنحاش من الحين اقول لك مالك نصيب عندنا مابي تصير مثل غيرك تشوف وتقول مافي نصيب وتزيد على بنتنا

ركان باصرار / وش هالكلام والله لو انها جيكره ماهونت عنها يكفيني نسبكم هو المطلوب

تركي بجديه / المشكله انها اطيح الطير من السماء لكن حظها الطايح

وقف ركان وبجديه / انا طالع عطني مفتاح سيارتك

تركي بستغراب / وين بتروح

ركان بابتسامه / بتزين لبنت اخوك

تركي بمزح / جمالك يغطي على جمال البنات

ركان بابتسامه / لازم احلق ولا تبيها تشوفني كاني طالع من السجن

رجع تركي انسدح على الكنبه / مفتاح سيارتي بجيب ثوبي اخذه واذا رجعت قومني اصلي العصر

ركان وقف وبجديه / ترى الصلاه مابقى عنها شي وانا منت بشايفني الا مع صلاة المغرب وقت الشوفه

تركي بجديه / البنت تبي اخوها الي يكون معها وانا وسالم بننتظرك بالمجلس

ركان بجديه / يصير خير

طلع ركان وركب سيارة تركي وتركي كمل نومه

في غرفة ساره

صحت على صوت اذان الظهر فتحت عيونها بكسل قامت من سريرها ودخلت الحمام توضت وصلت وبعده فتحت باب غرفتها شافت امها

قربت من امها وباست راسها / اسفه يمه على الي صار

ام سالم ببرود / ماصار شي انزلي تغدي ترى بنت اخوك بغرفتي لا تزعجينها

ساره بفرح / شوق رجعت

ام سالم بجديه / ايه رجعت ومانامت الا متاخر

نزلت ام سالم

وساره استغلت نزول امها ودخلت الغرفه شافت شوق غاطه بنومها قربت منها وشالت اللحاف

ساره بصوت عالي فزت منه شوق / يالخاااااااايسه تجين ولا تمريني وتنامين عند امي

شوق بخوف وبعصبيه / الله ياخذك ليش تصارخين

ساره قربت منها / اصارخ من شوقي لك يالخايسه

شوق بصوت نايم / اقول اطلعي وخلي شوقك لصحيت

ساره بحب / قومي بلا بياخه والله لو تدري امي اني داخله عليك بتذبحني

شوق بصوت نايم / وينها امي تجي تذبحك وتفكني منك

قربت منها ساره وشدتها بيدها / قوووووووومي ولا والله لجيب لك ماء مثلج اسبحك فيه

شوق بصراخ / ياناس فكوني منها تدرين اني مانمت الا الساعه 9

ساره ببرود / مو مشكلتي

فكت شوق يدها من ساره وتربعت على سرير جدتها

شوق بطفش / هذاني صحيت قولي وش عندك

ساره بابتسامه / تعالي لغرفتي عندي اخبارررررر لا تصدق

شوق بتثاوب / ادري انك تكذبين

ساره بابتسامه / والله خبر طازج يخص حبيبك تركي وامي ضربتني بسبته

طار النوم من عيون شوق وقامت من السرير وبحماس / روحي لغرفتك وانا باخذ شور والحقك

ساره بابتسامه / اخاف اطلع تكملين نومتك

شوق بجديه/ من وين بيجيني النوم بعد ما حمستيني باخبارك ويويلك لو خبرك مثل وجهك

ساره بجديه / اضمن الخبر مثل وجهك انتي

قامت شوق وفتحت دولاب جدتها اخذت روب الحمام ومنشفتها

التفتت على ساره / باخذ شور سريع وبجيك ياليت تجهزين لي شي اكله

ساره وقفت / دايما همك الاكبر كرشتك والله لو اكل اكلك صرت ماطلع من الباب

شوق وهي عند باب الحمام / اذكري ربك لعينك تسدحني

ساره وهي عند باب الغرفه / يله بانتظرك

طلعت ساره من غرفة امها شافت هيا على الدرج

قربت من هيا

ساره بابتسامه / شوقه جت

هياء بابتسامه / خبر قديييييييييييم

ساره بحب / سلووووووووم وتروكي وينهم

هيا بحنان / سالم ياقلبي نايم بغرفة سعود وتركي ماشفته

ساره بصدمه / وينه فيه

هيا بجديه / اسئلي اخته عنه

فتحت شوق وقربت من هيا وحضنتها / مشتااااااااقه لك ياحلى عمه

هيا بحب / وانا مشتاقه لك والبيت خرابه بغيابك

اسحبت نفسها من حضن هيا / قديمه ادري لغبت صار خرابه

ساره بجديه / اخوك تركي وينه

شوق بجديه / اخوي عند امي

هيا بصدمه / وشوووووووو

شوق بجديه / عند امي وش فيك مفجوعه

ساره بجديه / وامي درت

شوق ببرود / واذا درت وش الجريمه الي صارت ولد وعند امه

ساره بجديه / انتي تعرفين راي امي بالموضوع

شوق بجديه / خلي تركي عنك وتعالي قولي اخبارك

هيا بابتسامه / واخبارها هي الي مطلعك بروب الحمام

شوق باحراج / الا صوتكم الي مطلعني بدخل البس لا تشوفني جدتي وتنحرني

دخلت شوق غرفة جدتها ولبست على السريع وطلعت ما شافت احد دخلت غرفة ساره شافتها حاطه شكولاتات وعصيرات

قربت وبسخريه / هذا الي ربي قدرك عليه

ساره بسخريه / والله هذا الموجود ما تبينه انزلي جيبي لك اكل غيره

شوق وعيونها بغرفة ساره / وينهم البنات

ساره بجديه/ عند هيا

شوق بضيقه / حرام كل مسئولية اخواني على عمتي هيا لا تنسين انها حامل ومحتاجه لراحه

ساره بجديه / هيا هي الي تبيهم والبنات مبسوطات عندها

شوق بحماس / قولي خبرك

ساره بابتسامه / الخبر ان تركي بيتزوج

شوق بصدمه / بيتزوج بيتزوج شلون وكيف

ساره بجديه / شلون وكيف مدري لكن الي اعرفه ان تركي قال لامي انه بيتزوج بنت صديقه وامي رافضه وطالبه منه ير جع اميره

شوق بقهر / يوووووه يهالاميره الي منشبينها بحلق تركي الر جال مايبها ولا فكر فيها بيوم بالاول اجبروه بتكمل وبتجبره عليها حرام الي تسويه جدتي زوجة عمي سالم وظلمت بنت الناس طلقها عمي وزوجت عمي تركي اميره وهو كارهه والضحيه

ولد ماله ذنب

ساره بقهر / قلت هالكلام بوجه امي وجزاي عطتني كف للحين من قوته خدي يوجعني

شوق بقهر / المشكله باميره تدري ان عمي مايبيها وهي متشبثه فيه مو راضيه تفك عنه وتريحه منها

ساره بجديه / اميره طيبه وحبوبه يصلح لها الي احسن من تركي لكنها ترفضهم ماكان خلق ربي رجال الا تركي

شوق بجديه / حبها لعمي الي مخليها ترمي بكرامتها الارض ماقول الا الله لايبلانا بالحب

ساره بابتسامه / تتوقعين بيجي اليوم الي تحبين فيه وتهينين كرامتك لخاطر الي تحبينه

شوق / الله لا يجيب هاليوم ولو خيروني بين قلبي وكرامتي باختار كرامتي على قلبي

ساره بهيام / الحب لجاء مايستاذن يصيب القلب بسهامه واذا صاب القلب كل الحواس تعطلت

شوق بسخريه / يافيلسوفه زمانك من متى تتكلمين عن الحب وش يعرفك بهالسوالف

ساره بتنهيده / البركه بالمسلسلات التركيه

شوق بسخريه / تراهم يالخبله يكذبون وانتي جالسه تسبلين بعيونك وعايشه جو معهم حطي في بالك الحب ايام قيس وليلى وعنتر وعبله بزمانا مافي حب كله كذب بكذب

ساره بجديه / انا ماطمع اني احب وبعدها الحبيب يخطبني وبعدها نتزوج الحب هذا يرفضه دينا ومجتمعنا انا ابي اعيش الحب مع زوجي

شوق بسخريه / خلي الزوج يجي الحين وبعدين عيشي الحب مع زوجك

ساره بهيام / متى يجي واخلي ايامه حب

( نسومه تقول كلام اليل يامحوه النهار )

وقفت شوق وبسخريه / الحمد لله والشكر انزل عند جدتي ابرك من سوالفك

ساره بمزح / انتي جلفه وش يفهمك بالرومنسيه

شوق بابتسامه / على طاري الرمنسيه اليوم جايني خطيب و نايم بغرفة الضيوف والشوفه المغرب

ساره بصدمه / قولي انك تمزحين بتحطم اذا صدق

شوق بابتسامه / صدق والي جابني هالخطيب

ساره بمزح / الي يشوفهم يجون يخطبونك يقولون مافي البيت غيرك وانا متى بنخطب

شوق بتقهرها / اذا حجت البقر على قرونها

ساره بمزح / قولي اذا تزوجت شوق وفكتني

شوق بحقد / ابشرك بتفتكين مني وبيجي الغثيث على حمارته البيضاء يخطبني

ساره بجديه / وغثيثك متى بيجي

شوق بحقد / ماقلعته متى ماجاء جاء ولو مايجي ابرك

ساره بتقهرها / اذا ما جاء مافي وظيفه وحلم حياتك بح

شوق بقهر / هذا القهر ان حلم حياتي مرتبط فيه

ساره بجديه / والخطيب وش سالفته

شوق بابتسامه / ناويه له على نيه مهببه

ساره بابتسامه / وش نيته

شوق بابتسامه / بخليه شهر ماينام واذا نام فز من نومه مرعوب

ساره بجديه / واغراضك التنكريه موجوده

شوق بجديه / يبي لي زياره سريعه لسوق بشتري لبس خصوصي لشوفه

ساره بجديه / ياويلك من امي وتركي اذا صادوك

شوق بضيقه / تركي لقيت له صرفه المشكله بامي الي دايما مرتزه بالصاله

ساره بابتسامه / فكري بشغله تشغل امي عنك وقت الشوفه

شوق بجديه / بنزل اشوف امي وبحاول ادور طريقه اطلعها من البيت او تشغلها عني

ساره بجديه / ياويلك لو قلتي لها اني مصحيتك من نومك

فتحت الباب / مدري متى تبطلين خوفك من امي

ساره بجديه / اقول انزلي

نزلت شوق شافت جدتها جالسه مع سالم قربت من عمها باست راسه وقربت من جدتها وباست راسها وجلست على كنبه مقابله لهم

ام سالم بحب / اكلي لك شي

شوق بجديه / اول ماصحى ماشتهي بعد ساعه باكل

ام سالم بحب / عمك قال ان شوفتك المغرب

وبحنان / وانا امك روحي للمشغل وتزيني اربن هالمره فيه نصيب مو مثل الي قبله

شوق بحزن / يمه يعني روحتي للمشغل بترغبهم فيني اكيد انه بينحاش

ام سالم بضيقه / والله ان هالسالفه ذابحتني اظن صايبتك عين موقفه نصيبك والا انتي داعيه له امك الي بيتزوجك

سالم بحنان / هالمره الخاطب غير عن الي قبله متاكد انه بيصر على الزواج وبيحب خشومنا نعجل بالملكه

شوق بنفسها / الله يستر من ثقتكم فيه يبيني ازود جرعه الجيكررره والتخريع علشان يعض ثوبه وينحاش

شوق بجديه / يمه بطلع مع ساره لسوق بشتري فستان لشوفه

ام سالم بحنان / يمك اشتري ولا تهمك الفلوس واذا ماعندك عمك بيعطيك اهم شي لا ينقصك شي

وقفت شوق وبجديه / بطلع استعجل ساره علشان مانتاخر

ام سالم بحنان / وانا امك لا تتاخرين بالسوق مابقى شي على الموعد

شوق بجديه / كلها ساعه وانا عندك

ام سالم بحنان / وانا امك البسي بالشوفه الغالي وحطي مكياج يزيد جمالك

شوق بنفسها / ياحليك يمه تبيني البس له الغالي واتمكيج له ابشري بتمكيج له المكياج الي يخليه سنه ماينام

مشت من قدام جدتها وسالم وطلعت لغرفة ساره فتحت الباب شافت ساره اطالع بلاب توبها قربت منها

شوق بجديه / يله سارونه بنطلع السوق

ساره التفتت لشوق وبسخريه / وش عندك بالسواق

شوق بجديه / نسيتي ان الشوفه المغرب ويبي لي فستان اكشخ فيه

ساره بسخريه / من متى بتشترين له فستان وين الي بتنحشه

شوق بابتسامه / والفستان خصوصي لنحشه

ساره وقفت / يالفالحه امي مراح تخليك تسوين الي براسك

شوق بجديه / الي براسي مسويته وجدتي بزحلقها برى البيت وقت الشوفه

ساره بجديه / وتبين امي تروح وقت الشوفه احلمي بغيرها

شوق بجديه / اخلصي علي بلبس عباتي القاك نازله

طلعت شوق من غرفة ساره وسارة بدلت لبسها والبست عباتها وطلعت من غرفتها شافت شوق لابسه عباتها ونازله

ركبو السياره مع السواق

شوق بجديه / روح محلات هنديه

السواق / طيب

ساره بصدمه / وش تبين بالسوق الهندي ليكون بتلبسين له ساري وتتركين بطنك مكشوف

شوق / هههههههههه اما اخلي بطني مكشوف ولبس الساري فكره مو بطاله

ساره بسخريه / بيقول غاشيني بشغالتهم

شوق بجديه / بشتري خلاقين وباختار الوانها فسفوري تبط العين وهذي الالوان ماتلقي الا بسوق الهندي

ساره بابتسامه / والله انك خطيره

شوق بجديه / استفيدي مني بالمستقبل وسيري على طريقي

ساره بجديه / لا انا مسالمه واجوديه طريقي غير عن طريقك

شوق بجديه / كيفك بغيت لك الصالح وانتي عقلك براسك

ساره بمزح / الحين ماجاء تبينه لجاء اتبطر وانحشه

وصلو لسوق الهندي شوق / انزلي

نزلت ساره ودخلو السوق وشترت شوق الوان فسفوريه متضاربه وقمه بالبشاعه

ساره / ههههههههههه وربي رحمته من البس الي بيدينك

شوق بابتسامه / اجل ارحميه لتزينت خصوصي له

ساره بحماس / والله اني متحمسه كثيررررر ومتحمسه لنهايه اكثر

خلصو من السوق ورجعو للبيت دخلت شوق بالاكياس لغرفة سارة وحمدت ربها ان جدتها مو فيه

عند نايف

اخذو مبارك للمسجد وحطه بالكفن قدام ينتظرون الامام دخل الامام من جنسيه عربيه ومعه 5 هنود

انصدم نايف من عددهم القليل / عبدالله معقوله بس هذولا الي بيصلون على مبارك وينهم الي يعرفهم

عبدالله بقلبه / اخوك ماخلى له اخو او صاحب ماقول الا الله يرحمه

نايف بصوت باكي / اخوك صقر وينه

عبدالله بحزن / الله يعين صقر على حاله

صلو على مبارك وشاله عبدالله وكم هندي من الي صلو عليه ونايف الي دموعه تنزل بحرقه على نهاية اخوه ومخنوق ومجوع من قلة المصلين عليه

وصلوه لمثواه الاخير ودفنوه وانهار نايف بكي وحرقه بالمقبره ارفعه عبدالله / امش معي

نايف بصوت باكي / دفنت اخوي بيدني ااااااااااااه يا عبدالله اول مره احس باليتم والوحده

وصل عبدالله لسيارته وفتح الباب لنايف المنهار وركب مكانه

عبدالله بصوت باكي / ان لله وانا اليه راجعون اليوم ندفن اخوك وبكره بندفن سلطان وعياله

كلنا ماشين بهالطريق يارب تحسن خاتمتنا

صارت يسمع نحيب صديقه الموجع وهو صار يبكي بنحيف حاول يقوي نفسه لكن القوه زالت

نايف بصوت مبحوح / منت برايح مكان الحادث

عبدالله بصوت باكي / وش بسوي لرحت هناك

الليله باذن الله راجع لرياض وبحاول بصقر واهلي يسافرون معنا

نايف بصدمه / واختك

عبدالله بصوت باكي / احساسي يقول انها في الرياض واتمنى انها بفلتها

نايف بصوت باكي / بتمشي وراء احساسك

عبدالله بصوت باكي / اذا مالقيتها هناك برجع ادور عليها بالجنوب وماني راجع لرياض لين القاها ضياعها كاسر ظهر

بغرفة ساره

جالسه شوق تفكر بطريقه اطلع جدتها من البيت باقي اقل من ساعه على الشوفه

ساره بجديه / هاااااااااه لقيتي طريقه اطلعين فيها امي من البيت

شوق بصرخه / لقيتهاااااااااااااااااا

ساره بخوف / وش لقيتي خوفتيني

شوق بجديه / نادي خواتي

ساره بستغراب / وخير وش تبين فيهم

شوق بجديه / سمر وسحر الي بيطلعون جدتي من البيت

ساره بسخريه / قولي كيف يالفالحه

شوق بابتسامه / ناديهم وبتعرفين

طلعت ساره وبعد 10 دقائق دخلت ومعها بنات ناصر قربت منهم شوق

شوق بابتسامه / سموره سحوره ابي فزعتكم

سمر بابتسامه / وش تبين منا

شوق برجاء / ابي وحده منكم تمثل انها بتموت من الوجع والثانيه تبكي وتنزل لجدتي تقول ان سمر بتموت وامي بتاخذها للمستشفى

سمر / انا اخاف من جدتي

سحر / وانا اخاف منها

شوق بعصبيه / مالت عليكم والحل ياربي البنات بيفضحوني مدامهم يخافون من امي

ساره بجديه / وقت نزولك بنتصل على البيت ونطلب جدتي واذا ردت على التلفون وتعرفين التلفون بعيد عن مدخل قسم الرجال انتي تركضين للغرفه الي بيشوفك فيه الخطيب المنكوب

شوق بتفكير / مالي الا خالتي مها هي المنقذه وبخليها تتصل على جدتي وتعزمها المغرب وتعرفين امي مستحيل تنعزم ماتروح

ساره بجديه / اجل تصرفي الحين مابقى شي عن الشوفه

رفعت شوق جوال ساره واتصلت على مها

ساره بعصبيه / متى بتسلميني جوالي

شوق والجوال على اذنها / اذا شريت جوال

لما سمعت صوت مها طلعت برى الغرفه وجلست بالصاله الفوقيه

عند مها

كانت منسدحه بغرفتها شافت رقم شوق

مها بابتسامه / بشري شافك

شوق برجاء / خاله طالبتك ماترديني

مها بحب / ابشري قولي الي عندك

شوق بجديه / ابي اطفش الخطيب وخايفه من جدتي ابي اصرفها عندك

مها بصدمه / وش يجيبها عندي عجوز النار

شوق برجاء / اعزميها وعرفيها على امي لا تدري انها زوجة ولدها قولي لها انها صديقتك وصديقتي

مها معجبه بالفكره / والله فكره وبشوف ردت فعل جدتك لشافت امك

شوق باصرار / لا تدري انها زوجة ولدها ماجاء الوقت المناسب الي يعرفون فيه امي

مها بستغراب / وليه كل الدوران نقول انها امكم ونثبت كذب ولدهم وظلمه لامكم

شوق برجاء / يا خالتي ياحياتي براسي مخطط مابي اتعداه ابي جدتي اول تحبها وبعدين نقول لهم الحين اذا قلنا انها امنا بتنفر وبتنقطع علاقتها بامي وانا ابي العلاقه تصير متينه اول فهمتيني

مها باستسلام / خلاص بسوي الي تبينه وبنصير صدقاتك وجايات من فرنسا

شوق بجديه / تتعرف عليكم باي طريقه لكن اهم شي ما تدري بحقيقة امي الله يخليك لا تغلطين وتحوسين ام الدنيا

مها بجديه / طيب طيب متى تبيني اتصل فيها

شوق بجديه / الحين ولا ترجع الا بعد ما تتعشى عندكم

مها بجديه / واذا اعتذرت عن الزياره

شوق بجديه / اصري عليها امي اجتماعيه وتحب تتعرف

مها بجديه / اجل بتصل عليها اعزمها تجي الحين وبحط عند امك خبر

انهت الاتصال من شوق ودخلت على نوف الي تمشط شعرها

مها بابتسامه / بعزم ام سالم عندي

حست نوف بنفضه وخوف / وليش تعزمينها

مها بابتسامه / والله طلب بنتك وتقول ابيها تعرفكم على انكم صديقاتي مابيها تعرف انا امي امي

تنهدت نوف براحه / حلو اعرفها قبل لا تعرفني واعرف شخصيتها علشان اعرف كيف اتعامل معها

مها بابتسامه / ابيك تتعدلين النوعيه هذي يهمهم المظهر قبل الجوهره

نوف بابتسامه / من غير لا توصين متى بتجي

مها بجديه / الحين بتصل عليها وبعزمه

نوف بجديه / ماضنتي بتجي وعند شوق شوفه

مها بابتسامه / بنتك تبي تصرفها عندي

نوف بحب / فديتها شوق روحي اتصلي عليها

طلعت مها واتصلت على بيت ام سالم

عند ام سالم

كانت بالصاله سمعت صوت التلفون نادت الشغاله ترد عليه

دقائق والشغاله جايه عندها / مدام فيه وحده يبي يكلمك

ام سالم بجديه / ماقالت منهي

الشغاله / لا

وقفت ام سالم وقربت من التلفون وحطته على اذنها

وبصوتها الثقيل / الو

مها بجديه / الو معي ام سالم

ام سالم بجديه / ايه

مها بجديه / انا جارتكم وصديقة بنتكم شوق جايه من فرنسا وحبيت اتعرف عليك

ام سالم بستغراب / جيرانا

مها بجديه / ايه وياليت تجين

ام سالم بجديه / الحين مشغوله خليها بيوم ثاني

مها باصرار / اتمنى ماتردين دعوتي

ام سالم بجديه / المغرب مشغوله والعشاء بكون عندكم

مها بستسلام / حياك الله باي وقت

قفلت من ام سالم واتصلت على شوق

عند شوق

كانت واقفه قدام المرايه تتمكيج سمعت صوت جوالها ركضت له شافت رقم مها

شوق بلهفه / بشري

مها بجديه / جدتك رفضت وقالت بتجيني العشاء

شوق بضيقه / وش استفدت اذا بتجيك العشاء

مها بجديه / والله دوري تصريفه لجدك غير طلعتها شكلها لاصقه بالبيت بسبتك

شوق بطفش / اوووووووووف والحل كل ماقلت انحلت تعقدت

مها بجديه / اعرفك قويه مايهمك احد وش لها شايله جدتك فوق راسك

شوق بضيقه / المشكله مابي احد يمنعني عن الي بسويه ومدامها موجوده بتحوس طبختي

مها بجديه / ادخلي وقت صلاتها وبكذا حلينا المشكله

شوق بستسلام / مالي الا ذا الحل يله مع السلامه وسلمي على الي عندك

اتصلت على اخوها سالم وقالت له انها بتدخل على صلاة المغرب

خلصت مكياجها ولبسها وطلعت لساره

كانت حاطه باروكه شعر اسود منفوش وحاطه ربطه قدام لونها اخضر فسفوري

ومكياج مائل لسواد وولابسه عدسات لونين وصايره كانها عوراء

وحاطه تلبيسه لسنونه الي يشوفها يظن ان الاسنان الي قدام طايحه

ولبسها بلوزه اصفر فسفوري وتنوره لتحت الركبه اخضر فسفوري والسروال برتقالي فسفوري

طلعت لساره الي كانت تنتظرها اول ماشافتها ساره انفجرت ضحك

ساره / هههههههههههههههههههههههه والله الجياكره مظلومين عندك وش هالشكل الي يفجع ويقطع الخلفه ههههههههههههههههههههه كله ولا الشريطه الي بشعرك متعوب عليها ههههههههههههههه

ابتسمت شوق / وش رايك

ساره / هههههههههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههههههههه هههههههههههههههههههه اااااااااااااااااااه يابطني وين راحت سنونك ليكون بلعتيهم ولا كسرتيهم علشان تنحشينه هههههههههههههههههههه اضمن لك اول ماتدخلين الا هو طاق من المجلسومن الرياض بكبرها

شوق بابتسامه / وهذا المطلوب روحي شوفي امي بغرفتها

طلعت ساره ودخلت غرفة امها شافتها تصلي ركضت عند شوق

ساره باستعجال / اطلعي امي تصلي

ركضت شوق ونزلت ركض على الدرج وحمدت ربها ان المكان مافيه احد دخلت المقلط شافت اخوها سالم

سالم / هههههههههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههههههههه ههههه

ياخبله اليوم مزوده الجرعه ناويه تجلطين الرجال

قربت من اخوها / ابي لدخلت توقف عند الباب مابي احد يدخل ويشوفني لانهم اذا شافوني بهالشكل بيذبحوني وانت ماترضى ان اختك حبيبتك تنذبح

سالم بابتسامه / تعرفين اني معك ومستحيل اطاوعهم يجبرونك على الزواج

قربت من اخوها وباسته / الله لا يحرمني منك ياحسن اخوووووو بالدنيا

سالم بقرف / ووووووووووع

شوق بجديه / ادخل عند الخاطب ودخله المجلس الثاني وانا دقائق وبدخل عليكم

عند ركان

جالس متوتر وتركي يضحك عليه / لو انك بنت ما توترت هالكثر

ركان بارتباك / متى بشوفها

سالم بابتسامه / باقي وقت على الشوفه تقهو يارجال

دخل سالم وانصدم من ركان قرب منه وسلم عليه / حياك

وقف ركان ومشاعره مخربطه فرحان و مشتاق وخايف ومرتبك وقلقان

وصله سالم للمجلس وطلع لاخته

جلس ركان وعيونه على الباب دقات قلبه زادت وهو يشوف مقبض الباب يتحرك

دخلت شوق بشكلها المفجع وكانت عيونها على الكرسي الي بتجلس عليه

ركان انفجع من الي يشوفه صار يفتح عيونه ويقفلهم ويسمي برحمن بداخله جلست شوق

شوق وعيونها على يدها تتظاهر الحياء / السلاااااااااااااام

عرفها بصوتها وعرف السر وراء نحشت الخطاب ماقدر يمسك ضحكته / هههههههههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههههههههه هههههههههههههه

رفعت شوق عيونها وانصدمت بوجود ركان / خير وش جايبك

شاف فمها ماقدر يتكلم / هههههههههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههههههههه ههههههههههههههههههههه

من كثر ماضحك دمعت عيونه

شوق انقهرت من ضحكته الي زادتها عصبيه بصراخ / وش جاااااااااااااابك

ركان يمسح دموعه بيده / هههههههههههههه جاي اخطبك يالارقوزه

شوق بعصبيه / ارقوز يفقع بطنك ومدامك بتخطب اليوم ماتعرف تحط عندي خبر

ركان / هههههههههههههههههه كنت بشوف هالشوفه الي تجلط

شوق بعصبيه / قول امين جعلك تنجلط وافتك منك

ركان بسخريه / فيه وحده عاقله وفيها ذرة عقل تشوه نفسها وقت الشوفه والله لو ماشفتك قبل كان عضيت ثوبي وانتحشت او انجنيت

شوق بعصبيه / كيفي و ابشرك بيكون هذا مكياجي اليومي لتزوجتك

ركان بيخوفها / وش رايك انادي لك عمك تركي ويشوف بعينه سبب هروب الخطاب

شوق بقوه / ما تقدر تسويها لانك لو سويتها بتكون مرفوض وابن امه يغصبني اخذك يالغثيث

ركان بجديه / ترى ملكتنا بكره

شوق بسخريه / يا شاطر قبل لا اوقع على ورقة الملكه اكون مستلمه ورقة الشغل لي ولساره والا روح لغيري

ركان بثقه / الوظيفه مضمونه وانتي قولي شرطك لعمانك وان مهرك الوظيفه

وقفت شوق / اكيد بقول لهم

من سوء حظ شوق دخل عليهم عمها تركي الي انفجع وعصب من شكل شوق وشوق وقفت مصنمه من الخوف

تركي بصراخ / وش هذااااااااا ياشوق

شوق بارتباك وخوف / عمي

تركي بعصبيه / هذا الي مخليك ماتبين اندخلك وتبين اخوك يدخلك

وبصراخ / ساااااااااااااااااااااالم

دخل سالم بهدوء / خير عمي

تركي بعصبيه / شلون اطيع اختك على خبالها

سالم بجديه / الخطيب جايها وهي ماتبيه وانتم مصرين عليه وبدال ماتعصبكم بتنحشه وترتاح

قرب منها تركي وهو مايشوف من العصبيه وسحبها باذنها

رفعت وجها بعمها وتركي كاتم ضحكته من شكلها المرعب المضحك وبعصبيه / وبعديييييييييين مع جنونك متى تكبرين وتفهمين ان فيه وقت للجد ووقت للجنان الي تسوينه

بصعوبه قدرت تتخلص من تركي وطلعت برى المجلس عند عمها سالم الي كان واقف ونخشت وراه

انفجع سالم اول ماشافها شوق برجاء / عمي دخيلك احميني من عمي تركي بيذبحني

سالم ماقدر يمسك ضحته / هههههههههههههههههههههههههههههههههههههههههههههههههههههههههههه ههههههه وش الحوسه الي مسويتها بنفسك وبحنان / ليه يابوك مشوه نفسك

دخل عندهم تركي بعصبيه / صايره جنيه مقعده

بنت اخوك هذي بتجلطني قول لها تغسل وجها وترجع عند ركان يشوفها بشكلها الاصلي بدون مكياجها

شوق باصرار / ماني بداخله عليه وتكفيه الشوفه الي شافها واذا مصر انه يشوفني بيشوفني بهالشكل ولا قول له

وبصراخ تبي ركان يسمعها / بنتنا ماتبيييييييييييييييييك

تركي بعصبيه / قصري صوتك فضحتينا عند ركان

كمل بعصبيه / معليه يا شوق ملكتك من ركان وزواجك منه بنفس اليوم بكره اول ماتطلع الفحوصات

شوق بعصبيه وبصراخ / سلامتك ياعمي زواجي وملكتي بالوقت الي اختاره وصديقك مستحيل يتزوجني الا اذا جاب مهري واذا ماجابه مستحيل اتزوجه لو تقصون رقبتي

تركي ينتفض من العصبيه / وش مهرك يابنت ناصر

شوق بعصبيه / مهري اشتغل بالمباحث

تركي بعصبيه / السماء اقرب لك يابنت ناصر

شوق بعصبيه / اجل السماء اقرب لكم من زواجي وبعنس عندكم وقول لصديقك يدور على غيري

سالم بحنان / ياشوق الوظيفه ماتصلح لك خطرها كثير ولو انها زينه رضيناها لك

دخل عليهم ركان وبرجوله / انا قابل شرطها يا تركي وبتشتغل تحت اداردتي وعلى نظري

تركي بصدمه / ركان انت صاحي ترضى بشرطها المجنون

ركان وعيونه على شوق وزاد اعجابها بقوتها / انا محتاجها تشتغل معي اكثر من حاجتها لشغل

كان بيتكلم تركي لكن سالم سكته / خلاص مدامك مسئول عنها وانت مديرها رضينا بشغلها

تركي بعصبيه / سسسسسسسسالم

سالم بعصبيه / اسكت مابعد كلامي كلام بنت اخوك بتتوظف ومديرها زوجها وش تبي اكثر علشان ترضى

شوق ارفعت راسها وطالعت بركان نظرات غرور

شوق بقوة / قبل لاوقع ورقة الملكه استلم ورقة الوظيفه

تركي بعصبيه / طسسسسسسسسسسي داخل

شوق بقوه / الي قلته اذا ماصار دور على زوجه غيري

ومشت من قدامهم وهي رافعه راسها بغرور مستحيل تبين انكسارها او ضعفها قدام راكان

لنا لقاء باذن الله ماقدر احدد وقت اخاف اخلف الموعد الاسبوع الجاي الجدول محتاس لكن باذن الله بيكون فيه 3 بارتات باختلاف الايام

اختكم نسايم نجد