|
بارت اليوم بارت مؤثر حتى الوجع كنت بكمل الجزئيه الاخيره لنقطه معينه لكن ماقدرت الرجاء عدم طمر السطورررررررر البارت السادس والاربعون عند ام سالم دخلت غرفتها وموضوع ساره في بالها مستحيل تسمح لاي احد يوقف ضد هالزواجه عاجبها صقر ولو ما تزوجها يمكن اخطبته لبنتها ام سالم بقلق / ياخوفي ياصقر ترفض بنتي وبدال ماكون بمشكله اصير بثنتين لازم اتصل على امه وحط حد لهالموضوع رفعت جوالها واتصلت على ام صقر عند ام صقر كانت بالصاله جالسه مع منى ونجود بغرفة امها سمعت جواله اخذت جوالها شافت ام سالم ام صقر بجديه / الو ام سالم بجديه / شخبارك فاطمه ام صقر بجديه / الحمد لله كلنا طيبين واليوم منى عندي ام سالم بجديه/ شلونها وشلون عيالها ام صقر بجديه / معليهم خلاف بشريني عنك ام سالم بجديه / الحمد لله بخير تراني متصله عليك ابيك بموضوع ام صقر بجديه / جعله خير قولي الي عندك ام سالم بجديه / الامانه الي لكم عندنا متى بتاخذونها ام صقر باحراج / قريب ان شاء الله ام سالم بجديه / قلتي لولدك ام صقر بضيقه / ايه وفرح بنسبكم ام سالم حست براحه / الحمد لله ام صقر بجديه / قلتي لبنتك ام سالم بقسوه / كلام الرجال ماتغيره بنتي وزواجها بيتم رضت والله جعلها ماترضى ام صقر بحنان / حلفتك ما تقسين على بنتك واذا تضايقت من الموضوع سهليه لها وقولي ان صقر بيحطها بعيونه ام سالم بقسوه / معليك من دلع البنات بنتي بعرف اقنعها بالموضوع ام صقر بضيقه / الله يهداك ياموضي ويلين قلبك على بنتك ام سالم بجديه / يله مع السلامه منى مركزه على المكالمه وماصدقت امها تنهي اتصالها منى بحماس / منهي هذي الي صقر بيحطها بعينه ام صقر بضيقه / ما قالت لك نجود ان صقر متزوج منى بصدمه / متزووووووج ام صقر بضيقه / ايه متزوج ساره بنت الضامي منى بفرح / صدق زين ماختار الا متى تزوجها ام صقر بضيقه / متزوجها من يوم كان بزر ماخط شاربه منى بعدم استيعاب / شلون متزوجها بزر قالت ام صقر لبنتها طريقة زواجهم منى بتاثر وحزن / ليه يمه طاوعتيهم وخليتهم يدمرون على عيالهم ام صقر بتانيب ضمير / الجهل يمه وفعايله منى بجديه / وان شاء الله صقر اقتنع بالموضوع ام صقر بضيقه / غصب عنه رضى الخوف على المسكينه لقالت لها امها عاد ام سالم ماعندها تفاهم بترمي الكلام بقسوه على بنتها وتجبرها على الي تبيه والبنت ماتستاهل منى بجديه / اذا صارت في بيتنا صيري لها ام وغرقيها من حنانك ام صقر بحب / بتكون زوجة الغالي وبتاخذ من غلاه وبتصير لي بنت وبعوضها عن فقدها لامها شافت بنتها نازله وقفت / يمه بارتاح دخلت غرفة امها ماتبي تطلع فوق ويجمعها مع بنتها الدرج كلام بنتها معها حسسها بحقارتها انسدحت على سرير امها وعيونها على نجود النايمه عند ديما انعصر قلبها وهي تشوف امها تترك المكان علشانها متاكده ان امها تتجنبها حست بعظم ذنبها قربت وجلست مقابل جده ام سالم انقهرت من الي صار قدامها وبعصبيه ام صقر / عاجبك الي سويتيه بامك صارت تتهرب من الجلوس معك علشان ماتضايقك ديما بحرقه / يمه ام صقر بعصبيه / ام المسكينه الي كسرتيها بكلامك خافي ربك ياديما والي تسوينه عقوق وانتي منتي جاهله تعرفين عقوبة العاق ديما وقفت وداخلها بركان بينفجر / انا كنت نازله براضيها لكن هي لما جيت اقرب بعدت ام صقر بفرح / الله يرضى عليك ادخلي عليها الغرفه وطيبي خاطرها ديما بضيقه / يمه خليها لين تهدا وعد ماترجع لرياض الا مستسمحه منها واصير لها البنت الي تبيها وقفت ام صقر وحضنت ديما / الله يرضى عليك يمه ويريحك مثل ماريحتيني والله وضعكم موجعني ديما باست راس امها / ماعاش من يسبب لك الوجع عند ندى جالسه مقابل الغداء وعيونها على الساعه له اكثر من ساعه متاخر عن موعد رجعته ندى بضيقه / وش فيه تاخر يمكن عنده استلام واذا عنده مايقول فيه وحده محترقه تستناه بانتظر نص ساعه اذا ماجاء باتصل اشوفه بيجي ولا اتغداء مرت النص ساعه وفوقها 10 دقائق قامت لغرفتها اخذت جوالها واتصلت بسلطان عند سلطان كان بسياره وكل حواسه عند منى سمع صوت جواله شاف رقم ندى سلطان بضيقه / ياربي شلون نسيت اكلمها واقول لها عن سفري رفع جواله / الو ندى بلهفة / سلطان وش فيك تاخرت سلطان ببرود / مسافر للجنوب ندى بصدمه / وش عندك بالجنوب وبعدين مادامك مسافر ليش ما جيت تغير لبس الشغل وتاخذ شنطه سلطان بعصبيه / مسافر وراجع بالليل وياليت تروحين عند اهلك لين اجي اخذك ندى بقهر / ترجع بالسلامه عند ندى قفلت من سلطان وصارت تبكي / ااااااااااه من حظك ياندى الرجال مو شايفك وسافر بدون مايعبرك وناظرت بطنها وبصوت باكي / يخوفي حظك مثل حظ امك ياليت ابوك يفرح فيك وتقدر تغيره وتحببه فينا رجعت للمطبخ شالت الاكل ورجعتهم بالصواني وحطتهم بالثلاجه اتصلت على جوال ابوها وحاولت ماتبين انها تبكي رد عليها ابوها ابو ندى بحب / اهلين ببنتي شخبارك ندى بضيقه / الحمد لله بخير ابو ندى بجديه / وش فيه صوتك ندى بضيقه / توني صاحيه من النوم ابو ندى بشك / نايمه بهالوقت وينه سلطان ماجاء للغداء ندى بصوت باكي / سلطان مسافر بشغل انت وينك ابو ندى بجديه / بالبيت اتنظر امك تحط غداي ندى بجديه / اجل اذا خلصت غداك تعال اخذني الليله سلطان بينام برى ابو ندى بحب / ليه استنى بعد الغداء بجيبك نتغداء سوى ندى بجديه / اجل بجهز نفسي علشان ماتاخر عليك جهزت نفسها على السريع واخذت شنطه ليوم واحد عند شوق كانت بالسياره تاكل سندويشتها بعد ماخلصت شربت عصيرها شوق بطفش / سالم وش رايك توقف سالم بستغراب / وش عندك شوق بطفش / بمطط رجولي تعبت من الجلسه بالسياره سالم بسخريه / الي يسمعك يقول عجوز عمرها ستين وبعدين من مشنا اربع مرات وقفنا شكلنا بنوصل بعد شهر شوق بطفش / ماتعودت اسافر بالساعات و بر سالم بهدوء / باقي كم ساعه خليها تمر شوق بطفش / الحين المغرب متى بنوصل سالم بجديه / يمكن على 2 بالليل شوق بصراخ / يووووووووووووووووووه فزت نوف الي كانت نايمه وبحضنها بنتها وبخوف / وش فيه سالم يطالع اخته بعتب / شوق ماعندها سالفه كملي نومك نوف بجديه / طيرته شوق وش فيكم شوق بطفش / الزبده اني طفشت من الجلوس بالسياره وتدرين باقي كثر المسافه الي راحت ويمكن اطول نوف بجديه / والله انها صادقه معاد نتحمل الجلسه اكثر يمه سالم وقف منها ابدل لاختك ومنها نغير من جو السياره سالم بطفش / الله يعين شكل ثامر بيوصل قبلنا نوف بحب / لا تضايق عمرك مافيه شي نستعجل علشانه سالم بجديه / شريف وقف عند المحطه الي قدام بعد ربع ساعه وصلو لمحطة بنزين شوق بجديه / بنصلي المغرب مع العشاء سالم بجديه / اجل بوقفكم عند مصلى نساء ووقف سيارته مقابل دورة مياه وجنبها مصلى صغير فتحت شوق الباب وصارت تتمطط / ياحلووووو الوقوف على الارض نزلت نوف شايله بنتها وقربت من شوق / انتبهي لا تتقطعين شوق رفعت نقابها وصارت تشم هواء / يمه حاسدتك لا نقاب ولا غطى ولا عباية تكتفك نوف بجديه / محد جابرك تلبسينهم شوق بابتسامه / تبين عمي يقصبني ويعلقني عند باب بيتنا نوف بحقد / عمك مثل الشوكه بالبلعوم حاشر نفسه بكل شي شوق بحب / يحبي له والله يمه على كل الي يسويه اموووووووت فيه نوف بسخريه / ماكان هذا كلامك يوم رميتي الجوال علي شوق بجديه / المشكله عمي لعصب يتلفظ بالفاظ مدري كيف وانا ما تحمل وانفجر عليه وقلت اجل أي نقاش معه لين اقابله اعرف طرق ضعف عمي واستغلها نوف بحقد / فكينا من سيرته قطع الله سيرته شوق بعصبيه / يممممممممه لا تدعين على عمي خليني اعطي اختك لسالم شوق بجديه / طيب غيري لها اول نوف بابتسامه / وش رايك تغيرين لها شوق بقرف / ووووووووع نوف بابتسامه / اجل اذا جاء لك عيال من بيغير لهم لهم شوق بابتسامه / خليهم يجون اول وبعدين افكر بهالموضوع نوف بجديه / قريب بتتزوجين ركان وتجيبين عيال شوق مافكرت بهالموضوع مستحيل تجيب من الغثيث عيال ويطلعون نسخه من ابوهم حست بقهر من الفكره شوق بحقد / يجيب ربك مطر لو جبت عيال من الغثيث نوف بابتسامه / وينه حبك للبزراران شوق بحقد / احبهم لكن اذا ابوهم الغثيث متنازله عنهم انا ياله اتحمل ابوهم الغثيث يجون له نسخ عندي نوف بجديه / والله ان ركان مافي منه لكن انتي ترفسين النعمه والظاهر انك تبين مثل ابوك يصبحك باهانه ويرقدك باهانه والطيب معك ماينفع شوق بجديه / يمه ليش ماخذه مقلب بالغثيث ماصرتي تشوفين الا زينه وربي عاميك عن عيوبه نوف بجديه / قولي عيب واحد شفتيه منه شوق صارت تفكر وتفكر / اولها كسر يدي وثانيه الكف الي للحين حرارته بوجهي نوف بجديه / الي جاك ثمرة للسانك الطويل شوق بصراخ / ياعالم غثيثثثثثثثثثثثثثثثثثثثثثثثثثثث ماينبلع احس بغصه لم افكر اني بعد كل الي جوني اوافق عليه صدق اني صمت وافطرت على بصله نوف بجديه / ياخوفي ياشوق ماتعرفين معدنه الا اذا فقدتيه نسومه تقول ابشرك بيجي هاليوم ) ) مشت قدام بنتها وقربت من ولدها الواقف نوف بجديه / امسكها بتاكد من نظافة الحمامات وبجي اخذها اخذ اخته وصار يبوس خدها شافها تفتح عيونها ابتسم دخلت نوف مع بنتها الحمامات شافتها مقبوله دخلت على شوق المصلى وطلبت منها تجيب اختها رجعت له شوق اخذتها منه سالم بستغراب / مسرعكم صليتو شوق بابتسامه / مدري عن امك يوم جلست بصلي قالت اطلعي جيبيها سالم بابتسامه / شكلها بتاخذ الحب كله شوق تبوس خد اختها / تعرف امك مفتونه بحب الاطفال وربي عطاها الي تحبه وصار عندها بدال الواحد 11 لو مثلها كان كرهت شي اسمه اطفال سالم بجديه / الام لو عندها ميه بتحب عياله وكل واحد اكثر من الي قبله شوق سمعت صوت امها تناديها التفتت شافت نوف واقفه عند الحمامات شوق بابتسامه / شوف امي تناديني تاخرت عليها مشت وسالم دخل مصلى الرجال لقى شريف يصلي عند ماجد بعد ماخلو من الغداء رجعو للفندق وقرر سيف يسافر بدري كان مع سيف بغرفتهم بالفندق وعيونه على سيف الي يلبس سيف بجديه / خلصت ترتيب شناطك ماجد بجديه / ايه غريبه تعجيل السفر كنت تقول المغرب والحين العصر ماذن سيف بجديه / مابي اسافر ليل ماجد / اجل يله مشينا سبق ماجد سيف وطلع من الغرفه وسيف اخذ الشنطه الخاصه باورقه ولحق صديقه ركبو سيارتهم وكان السواق سيف عند ركان وصلت طيارته بعد المغرب مطار الرياض اخذ شنطته الي كانت معه بال طياره وطلع برى المطار بعدها غير رايه ورجع وجلس بكفي بالمطار واتصل على صديقه عند تركي من بعد الي صار بينه وبين امه وهو ماله خلق يدخل البيت وتفكيره بالشخص الي تجرء عليهم وتزوج اختهم تركي بعصبيه / بموت قهر وانا ماعرفت من تكون وبعدين وش فيها امي متحمسه عليه طيب يومه خطب ساره ليش ماقالت لنا وزوجتها من ورانا معقوله يكون ماسك عليها ممسك و خايفه منه لاحول عقلي وداني بعيد من متى امي تخاف من احد طيب ليه رافضه تقول لنا منهو والي بيجنني متى ساره سوت الفحوصات وعلى كلام امي ان ساره ماتدري بزواجها ياليتك اطيح بيدي والله ما خلي فيك عظم صاحي وعرفك شلون تتجرء وتسوي شي من ورانا سمع صوت جواله / خير من بيتصل علي كان بيحطه على الصامت شاف رقم ركان تركي بجديه / يالله حيه ركان بجديه / الله يحيك ويبقيك تركي بمزح / اليوم راضي علي مكلمني مرتين باليوم ركان بجديه / دائما راضي عليك لكن تعرف المشاغل تركي بجديه / الله يعينكم ركان بجديه / وينك فيه تركي بستغراب / في بيتنا وش عندك ركان بجديه / اذا ماعندك شغل تعال اخذني من المطار وقف تركي وبصدمه / انت بالرياض ليش ماقلت انك جاي يوم اتصلت فيني ركان بجديه / جت السفره بدون تخطيط تركي بجديه / الله يحيك جاي لحالك ولا معك الشايب ركان بجديه / لحالي اعجل علي ولا جيتك بتكسي تركي باصرار / اقول انتظرتي مسافة الطريق وانا عندك انهى اتصاله وقف وداخله يحمد ربه جيت ركان جت بوقتها وكان ربي مرسله يطلعه من الحاله الي فيها طلع من المجلس شاف اخوه جالس بسيارته واضح عليه الضيقه والهم قرب منه تركي بجديه / عسى ماشر وش فيك جالس بسيارتك وهي مطفيه سالم بقهر / ضايقه فيني الدنيا والبيت يخنقني تركي بضيقه / امي مراح ترتاح الا لو ذبحتنا ولا سواتها تسويها وحده فيها عقل سالم صرخ بوجه اخوه / تررررررركي احترمها ولا تنسى انها امك تركي بقهر / مقهور ياخوك صرت انا وياك زول رياجيل الي خلى واحد خسيس يخطب من حريم وفوقه يرضى ان الحرمه تزوجه بدون مايرجع لرياجيل البيت سالم بقهر / الي بفهمه منهو ومتى صار هالشي وشلون ساره حللت وهي ماتدري تركي بابتسامه / كل اسئلتك دارت براسي وبنجن خلاني حتى الظن بامي الشينه وانه مبتزها بشي سالم طلع من السياره ومسك اخوه برقبته وبعصبيه / ثمن كلامك وهذي امك تخاف ربها مصليه وصوامه وش شينته الظاهر ماعاد تميز الحكي تركي بقهر / وش السبب الي خلاها تزوجه وفوقه بدون ماندري وهو لونه رجال كفو شلون يرضى يتزوج بهالطريقه ماظنتي يا سالم ترضى تزوجك حرمه تركي تذكر شغلها كان ناسيها وبابتسامه / ابشرك زواجها باطل ولو رحنا للمحكمه فسخنا العقد سالم بامل / شلون باطل تركي بابتسامه / من ولي ساره سالم بجديه / بعد موت ابوي صرت انا وليها تركي بجديه / من شروط صحة الزواج رضى الولي وانت منت براضي وتم الزواج بدون علمك واكيد انه باطل سالم بفرح / الله يريحك مثل مريحتني لكن منه زوجها الي بنفسخ عقد اختنا منه تركي بحقد / امي قالت كلها ايام بتقول لنا قبل كل شي ببرد قلبي فيه وخليه يلعن الساعه الي فكر فيها يستغفلنا ويتزوج اختنا من ورانا سالم بجديه / بموت على ماعرف منهو اذا فيه خير تممنا الزواج واذا العكس بنطلقها منه تركي بحقد / اقولك من الحين الرجال فاسد وماهو رجال ما تزوج اختك لسواد عيوانها اكيد علشان يكوش على حلالها سالم بجديه /الا انت وينك طالع تركي تذكر ركان / وش بيفكني من ركان تاخرت عليه سالم بجديه / ركان ماغيره تركي بجديه / ايه سالم بستغراب / غريبه شلون قدر يترك شايبه تركي بجديه / جاي يخطب بنت اخوك سالم بصدمه / متى خطب وليش ماقلت لي ولا بزواجتين اخر من يدري تركي بجديه / ركان جايك من الباب مو مثل الخسيس الي مثل الحرامي داخل من الشباك سالم بهدوء / صديقك ما ينعاب وموقفه مع ابوه كبره اكثر بعيني والي بار في ابوه بيصون زوجته تركي بابتسامه / ترى ضاحي تزوج سالم / تززززززززوج تركي بابتسامه / تعرف سوالف ركان مايبي يسلم ابوه للخدم وزوجه وحده محتاجه وشكلها فقيره علشان تهتم في ابوه سالم بجديه / وان شاء الله انها بنت حلال تركي بجديه / يقول انها جوهره ومهتمه في ابوه سالم بجديه / روح له وتراني موافق عليه وحاول في بنت اخوك توافق عليه مو ينحاش مثل الي قبله تركي بجديه / الله يسهلها وتوافق سالم بجديه / ان شاء الله مشى تركي وركب سيارته دخل المطار وصار يدور بعيونه على صديقه لقاه بكفي قرب منه تركي بابتسامه / ياله انك تحيه وقف ركان وحضنو بعض ركان بجديه / وش فيك تاخر تركي بابتسامه / فتحت موضوعك مع سالم وهذا الي اخرني ركان بلهفه / اربنه موافق تركي سحب كرسي وجلس وبجديه / انت صديقي واخوي ولنا سنين نعرف بعض وانت شخص يتمناك الواحد تصير زوج لبنته واذا خطبت ما تنرد والله لو عندي بنت غصبتها عليك لكن شوق يتيمه وبحاول وبضغط عليها توافق ركان في نفسه / بيكون هذا كلامك لو دريت بالي صاير قطع عليه صوت تركي / اقول لك انا واخوي البنت لك اذا هي وافقت ركان حاس براحه من ناحية شوق ركان بجديه / اجل بنتظر موافقتها واذا وافقت تممنا كل شي واذا لا انت اخو وصديق تركي بجديه / باذن الله بيتم وكمل بابتسامه / اخاف ماتعجبك وتنحاش مثل الي قبلك ركان بنفسه / يحليلك ياتركي ماتدري ماني بمصدق انها توافق وشوفتها جابتني عند ومصر عليها منهو عديم النظر الي يشوفها وينحاش وابتسم / اكيد فيه سالفه من سوالفها منحشه العرسان تركي بصراخ فز منه ركان / وييييييييين وصلت ركان بعصبيه / وش فيك تصارخ فضحتنا قدام الناس تركي بابتسامه / اكلمك وانت منت عندي الا وين طار تفكيرك ركان بضيقه / عند ابوي من طاح اول مره اسافر واتركه تركي بجديه / اجل ليه مزوجه مدامك تبي تلصق فيه كان بيقول ان زوجته مسافره لكن سكت ركان بجديه / متى بتاخذ راي بنت اخوك علشان اتمم كل شي تركي تذكر ام شوق وسوالفها البطاليه تركي بجديه خوفت ركان / قبل كل شي بقولك سالفه يمكن لسمعتها يكون لك راي ثاني وانت تعرف هذا زواج لازم تدري بكل شي الشين قبل الزين ركان حس قلبه انقبض وبرعب / وش شينه مايجي منكم الا كل طيب ولي الفخر بنسبكم تركي بحقد / الشين من امها لا بارك الله فيها ركان لو بظرف غير هالظرف كان وقف صديقه عند حده ولا سمح له يغلط بحرف على زوجة ابوه ركان بضيقه / ارحم بنت الناس من لسانك تركي بعصبيه / الله لا يرحمها حيه وميته بنت ابليس ماكفاها تزوجت وقبر ناصر مانشف مكفاها الزوج الي اخذته صارت تنتقل من حضن واحد لثاني ركان صرخ في وجهه / لا ترمي المحصنات ياتركي تركي بعصبيه / أي محصنات واي بطيخ الحرمه صايعه مضيعه دينها محدن قالي شوف عيوني الي بكره بتشهد علي عن ربي ركان بينفجر راسه من كبر الكلام الي يسمعه الملاك الطاهر الي مامنه على ابوه يصير بهالحقاره لولا حلف تركي ماصدق حس داخله شي كبير انكسر الا تحطم ركان بحرقه / اكيد مستغله جمالها تركي بحقد / وش جماله هذي عجوز ما تنتطالع ركان بصدمه / عجووووووووووز تركي بجديه / ايه عجوز وكبر الفيل ركان بنفسه / الحمد لله لك يارب انك اظهرت الحق وظهرت كذبتك ياتركي معقوله حقدك وكرهك لها يوصلك انك تحلف كذب ولا نوف عجوز ماتنتطالع وكبر الفيل بعد مادخلت الراحه قلبه حب يستدرج تركي ويعرف لوين بيوصل ركان بجديه / شلون صدتها بالجرم المشهود تركي بحقد / جتني خويتها وشكل بينهم مشكله وحبت تكشف خويتها قدامي قالت ان زوجة اخوك تواعد وعطتني المفتاح ركان بذكاء / يمكن تكذب عليك وودتك للمكان الغلط وهدفها تشوة سمعة ام سالم تركي بجديه / اخذت منها المفتاح وبالليل جيتها بشقتها وفتحت الباب ودخلت مثل الحرامي شفت المنظر الي انجنيت يوم شفته سحبت الرجال من حضنها القهر انه هرب والي ماتستحي حضنه بنتنا لما شفت الوضع اخذت البنت وقبل لاوصل للباب الحقيره ضربتني على راسي وماصحيت الا بالمستشفى ومن بعده دخلوني السجن واتهموني اني مغتصب مربية بنتها انكشف الموضوع لركان ومتاكد ان السالفه كلها مؤمره طاح فيها تركي ونوف والهدف تشويه سمعة نوف شاك ان المربيه لها دور اساسي بالموضوع ركان بجديه / طيب شلون طلعت من السجن تركي بحقد / الحقيره اتفقت مع محاميتها ودخلوني مع شواذ وخفت على نفسي ووفعت على الي يبونها ركان بستغراب / وش الي يبونه تركي بقهر / اتنازل عن عيالنا طلعت واخذ عيالنا وانحشت فيهم وبحقد / ماكفاها كل الي سوته بغت تفرق بيني وبين سالم لولا رحمة ربك كان سالم ميت جته ازمه قلبيه الي قهرني ان سالم مصدق اني بغتصب هالعجوز ركان في نفسه / ودي تشوف زوجة اخوك لو دقيقه بيكون هذا رايك فيها ركان بجديه / شلون سوت كل هذا وهي بالجنوب تركي بحقد / السالفه كانت بفرنسا ارسلت واحد يقول لسالم الي صار بنظرهم ركان بجديه / يمكن السالفه مثل ماقالو ا ن الي بحضن الرجال المربيه مو زوجة اخوك تركي بابتسامه / صاير تمارس وظيفتك معي وداخل بتفاصيل مالها لزمه ركان / انت الي فتحته وانا تعرفني محقق لازم ادخل بالتفاصيل تركي بجديه / ترى ماتنلام اذا غيرت رايك بزوك من بنتها ركان بجديه / الا مصر على نسبكم يابو ياسر تتركي / الله يقدم الخير ركان / متى تعطيني رد بالموافقه تركي بابتسامه / بالاول شوفها يمكن ماتجوز لك واذا اعجبتك قلت لك متى نعطيك الموافقه ركان بستعجال / اجل بكره الشوفه تركي بابتسامه / وش هالعجله سنين جالس عزابي والحين خاطب اليوم وبتشوف بكره وتملك عقبه والله يستر لاتقول بتزوج بعده ركان بجديه / انت ادرى بظروفي تركي بضيقه / المشكله البنت مو فيه عند امها وشكل امها قلبت راسها وغيرتها علينا ركان باصرار / اتصل عليها وقولها عن الخطبه بالتلفون تركي بجديه / من الصباح اتصل ومافي شبكه باليل برجع اتصل عليها واذا جاء منها رد بقول لك ركان وقف بجديه / ياله بنطلع ولا عاجبتك الجلسه هنا تركي بابتسامه / السوالف نستنا ويني فيه امش معي لبيتنا ركان بجديه / بروح احجز فندق ارتاح فيه تركي برجوله / والله نومك عندنا ركان بابتسامه / صار بدون حلفان الساعه وحده بالليل عند عبدالله طول طريقه منقهر على حال صديقه طول سفرهم وهو يبكي بحرقه خاف ان قلب صديقه يوقف من كثر البكي صحاها صوت صديقه الباكي / وقف عند بيتنا عبدالله برجاء / وش يوديك للبيت تعال معي بيتنا وبكره بندفنه نايف لما سمع الدفن زاد بكي وبعصبيه / قلت ابي بيتنا ولا نزلت ورحت له مشي عبدالله بستسلام / طيب وقف سيارته عند بيت مبارك نزلو ودخل نايف البيت من بابه المفتوح كان البيت مظلم ماقدرت رجوله اتشيله جلس بالحوش على الرمل وصار يبكي بحرقه عبدالله بصوت باكي / نايف خلاص يكفي نايف بحرقه / للحين اشم ريحته بالبيت ماني مصدق انه مات واجي البيت بعد مايروح عبدلله مسكه من كتفه وبصوت باكي وبرجاء / يارحم اهلك تعال معي لا تخوفني عليك نايف بحرقه / ااااااااااااااااااه من لوعة الفقد ياخوي اااااااااااااااه يحرقة قلبي شلون بقدر اقبره والله ماااااااااااقدر عبدالله بصوت باكي / اذا ما تقدر انا وصقر بندفنه بدالك نايف يهلوس / خلوه لي مابيه يندفن ابي اشوفه قدامي باخذه معي لشقتنا بعطيه كل راتبي والله بعطيه كل راتبي عبد الله خاف من هلوسة صديقه خايف عليه من الجنون مسك كتف نايف ورفعه بقوة وصار يمشيه بالغصب ونايف رافض نايف بصراخ / مابي اروح خلني هنا ركب وقفل الباب بقفل الامان خايف ان صديقه يتهور وبدون وعي يفتح الباب احتار وين يوديه وهو بهالحاله قرر يروح فيه للمستشفى يعطونه مهدي او شي يخفف عليه وصل للمستشفى فتح باب نايف وسند صديقه ودخل فيه لقسم الطوارئ قال لدكتور المناوب حالة نايف والدكتور طلب من الممرضه تعطيه منوم لين يجي الدكتور المختص جلس على كرسي جنب السرير وعيونه على نايف الي دموعه تنزا على خده وهو نايم عبدالله بصوت باكي / الله يجبر مصابك في بيت صقر عند منى طول نهارها تشغل نفسها عن الطلعه من الغرفه ماتبي تقابل بنتها وتعذرت انها تعبانه من السفر بعد العشاء اخذت عيالها عندها بالغرفه منعتهم عن النوم لين يوصل ابوهم وينامون بالسياره شافت الوقت متاخر اتصلت على سلطان منى بجديه / سلطان كم باقي وتوصل سلطان بارهاق / ربع ساعه وبكون عند الباب بعد ربع ساعه دق جوالها كان سلطان لبست عباتها وطلعت من غرفتها شالت اغراضها بمساعدة ولدها وبنتها كان البيت هادي مظلم قلبها عورها شلون تسافر وتطلع من بيت اهلها مثل الحراميه لكن معاد تقدر تبقى اكثر طلعت من البيت وقفلته وراها بهدوء شافت سيارة سلطان واقفه قربت منه بهدوء وفتحت الباب الي ورى وجلست ووليد جلس جنب امه وغلا جنب امها انقهر سلطان وهو يشوفها تجلس ورى سلطان بنعاس / فيه احد صاحي اسلم عليهم منى بضيقه / كلهم نايمين سلطان بتعب / النوم كابس علي اجلي الرجعه لبكره منى بضيقه / عندي شغل بالمدرسه حرك سيارته لما شاف ولده وبنته نايمين تكلم مع منى السرحانه بكلام بنتها سلطان بحنان / ليش كنتي تبكين منى بضيقه / سلطان انتبه لطريق وخل السوالف لبعدين رجعت بسرحانه / ااااااااااااااه ياديما كلامك كرهني بنفسي وطالعت بسلطان ياليته يستاهل اني اضحي فيك كلامك خلاني اترك بيت اهلي باتالي الليل وا اروح معه بهالطريقه يمكن اكفر عن ذنبي واصير ذليله لسلطان بعد ساعتين سلطان نعس فتح عيونه وهو يشوف قدامه شاحنه خاف يصدم فيها لف يسار وانفجرت الكفره وصارت السياره تنقلب منى صحت من تفكيره وكانها بحلم مرعب وتاكدت ان هذي نهايتهم وبصوت هستيري / اشهد ان لا اله الا الله واشهد ان محمد رسول حضنت بنتها الي تصيح برعب ونزلت كرسي وليد من وره لين صار قريب منها وحاولت تمسكه بقوتها ووليد مصنم حلمه يشوفه واقع قدامه وقبل لا تنقلب السياره وقف قلب وليد ورجعت روحه لخالقها لما شافت الموت بعيونها تكورت على بنتها تحميها بجسمها واليد الثانيه متمسكه بولدها بقوة خايفه تفقده حياتها رخيصه مقابل حياة عيالها ووبصراخها المرعب / يارب رحمتك يارب رحمتك وهذا اخر شي بعد ربع ساعه صحت كان راسه بينفجر من الوجع وجسمها يوجعها فتحت عيونها بصعوبه شافت فوقها القمر وهو بدر حطت يدها على راسها بتخفف من الوجع الي ماتقدر بسبته تفتح عيونها انصدمت بالدم المغرق يدها تذكرت الي صارت جلست بصعوبه وبصراخ فجر المكان وبرعب / عيالي حاولت تقوم لكن شي يمنعها من الوقوف صارت تزحف لين وصلت لسياره المقلوبه وتمسكت بسياره ووقفت بصعوبه وبصراخ / لييييييييييييش انا هنا تذكرت حضنها لبنتها صارت تتلفت بامكان يمكن تلقاها طايحه جنبها لكن ماشافت احد ماصارت تشوف الا عيالها الي لازم اطلعهم من السياره قربت وصارت اطق على البيبان وبصوت ونحيب / الحين بطلعكم ورفعت عيونها لسماء وبدعاء يقطع القلب / يارب خذ من عمري وعطهم قربت من باب وليد وحاولت تفتحه لكن مافي امل دخلت اظافيرها وصارت تسحب انقشعت الاظافر وصبت دم وهي ماحست هدفها تنقذ عيالها لو الثمن عمرها قربت من باب سلطان يمكن يقدر يساعدها ويطلع عيالها صارت تسمعه هنهنه وونين وبصراخ مبكي / سلطان افتح الباب الله يخليك وليد بيموت غلا بتموت قربت من باب غلا الي كان كله داخل ومافيه ا مل ووبصت باكي وصراخ / لا تتركوووووووووني لا تتركووووووون شلوووووون طلعت علشان اطلعكم كل شي مسكر ياليتتتتتتتتتني معكم صار لها ربع ساعه وهي تدور حول السياره وحاولت بكل الطرق انها تفتح البيبان سمعت صوت سياره والصوت قريب نست وجعها وصارت تركض بصعوبه شافت طريق حست بامل كانت بدون شي يستر راسها والضربه تنزف والدم مغطي وجها وشعرها المنكوش الي كله تراب من طيحتها وثوبها المشقوق من قو الطيحه شكلها كان مرعب الي يشوفها يحلف انها جنيه شافت سياره وانصدمت انها مرت بدون ماتوقف وبصراخ وبكي موجع / ووووووووووقف وووووووقف عيالي بيموتون شافت نور سياره جايه من بعيد مستحيل تتركها تمر بدون ماتوقف وقفت بوسط الطريق ياينقذون عيالها يدعسونها وياخذون روحها كان ماجد وسيف بالسياره سيف وعيونه قدام متروع من الجسم الي يشوفه ولما قرب شاف جسم منفوشه شوشته من الخوف خفف سرعته سيف وعيونه على منى وبرعب / بسم الله الرحمن الرحيم ماجد وعيونه على منى / بسم الله شكلنا جينا مكان فيه جنون سيف بخوف / مدري والله اركبي تنتفض ومفاصلي جمدت ماجد بجديه / يمكنها انسيه سيف عيونه تتفحصها / وش بيجيب الانسيه بهالمقطعه وماتشوف شكلها ماجد بخوف / طيب والحل سيف برعب / مادري ماجد بجديه / اذا ماوقفت بتدعسها سيف برعب / ياخوفي اذا دعستها تدخل فيني ولا فيك ماجد بجديه / اجل اقراء المعوذات وبقراء المعوذات وبعدها نوقف قبل لا يوقفون وصلتهم بصعوبه قربت من باب ماجد الي فز مرعوب منها منى بنحيب / نخيتك يابن الاجواد عيالي بيموتون الله يخليكم الحقو عليهم نزل ماجد بشهامه ومازال شاك انها جنيه سيف صرخ عليه / وين بتروح مع الجنيه منى بصوت باكي موجع / صدقني والله انسيه وصاير علينا حادث وحياة عيالي وزوجي بخطر طالعها ماجد شافها كاشفه وملابسه ممزقه صد بنظره عنها ونزل غترته وفتحها ومدها عليها / تستري فيها وباذن الله بنساعدهم نزل سيف بعد ماتاكد انها انسيه وانصدمو وهم يشفونها تركض واطيح وتركض واطيح ماتبي تضيع وقت وهم فهمو عليها وركضو وراها انفجعو وهم يشوفون السياره مختفيه معالمها والي يشوفها يحلف ان الي بداخلها اموات التفتت وراء شافتهم بعيد عنها وبصراخ / بسسسسسسسسسسرعه طلعوهم وقربت من باب ولدها وحطت فمها على بابه وبصوت باكي / وليد لا تخاف الحين بتطلع جبت الي بيطلعكم لا تخافون ولا تبكون الحين بتطلعون لي وضمكم لحضني وتوبه نسافر بالليل سيف متاكد ان فيه وفيات او اصابات قويه رفع جواله وحمد ربه ان فيه ابراج اتصل على امن الطرق وقال لهم عن الحادث ومكانه ماجد قرب من السياره وقلبه موجعه على حال الام الي بتشوف بعيونها موت عايلتها موقف ماترضاه لعدوك حاول يكسر القزاج بدون مايتاثر الموجود بعد عدة محاولات قدر ينزلها الشباك ويفتح تسكيرة الباب شال وليد بجسمه النحيف سدحه على الارض منى كانت اطالعهم اول ماشافت ولدها على الارض ركضت له ورفعته من الارض وحطته بحضنها وضمته بقلب ملتاع موجوع وبصوت باكي تكلم قول يمه صارت تضربه على خده بصراخ / لاتنااااااااااام فتحححححح عيونك يمه لا تموت وتخليني ماجد وسيف سحبو سلطان بصعوبه ومددوه على الارض ومن التعب تسندو على السياره شافتهم واقفين شالت ولدها ماتبيه يغيب عنها وركضت عندهم وبصراخ / ليييييييييييييييش واقفين طلعوووووو بنتي ماجد وسيف انزلت دموعهم شكلها وحالتها يبكي الحجر متاكدين ان زوجها ميت والي شايلته لونن ازرق متاكدين انه ميت املهم ان البنت حيه وتخفف ماساتها فتح ماجد باب غلا وشهق شهقه افزعت سيف قرب من صديقه وشاف شكل مرعب جسم بدون راس او اطراف رجع قفل الباب وتسند عليه خاف على امهم المسكينه لاشافتها اكيد بتنجن صرخت عليهم منى / طلعوووووووووووووووها ليش سكرتو الباب وقربت وهي تحاول تبعدهم عن الباب ماجد وعيونه على وليد الي شايلته واشر لسيف ياخذه منها تمسكت بولدها اكثر لكن قوة سيف قدرت تنتزع وليد الميت من حظن امه وجسم ماجد مانعها تفتح الباب وتاخذ بنتها من النار الي داخله والوجع والحرقه صارت تستفرغ دم انفجع ماجد منها ماجد برعب / شكلها مصابه صايره تستفرغ دم وشكله مجروحه منى بصوتها الكسير / يارحم موتاك ابي اشوفها اذا ميته ابي ابوسها بوست الوداع وحضنها حضنت الودع الله يخليك لا تمنعني وباذلال نزلت عند رجوله / ابوس رجولك لا تمنعني وتخليها حسره بقلبي رفعها ماجد من عند رجوله ودموعه على خده متاثر من حال المسكينه وبدون شعور منه حضنها وبصوت باكي / ارحمي نفسك يابنت الناس وادعي ربي يرحمهم ويعوضكم باحسن منهم قولي اللهم اجبرني في مصيبتي واخلف لي خيرا منها يسمع صوت نحيبها قوليها / اللهم اجبرني بمصيبتي واخلف خيرا منها ماصار يسمع صوتها صارت مثل الخيوط طحت بين ايدين ماجد ماجد بصراخ / سييييييييييييف شكلها لحقتهم سيف بصوت باكي / تلحقهم ولا تنجن الي صاير لها يشيب شعر البزر ماجد سدحها / وحط يده على قلبها كان ينبض ماجد بفرح / قلبها ينبض هات شي نصحيها فيه شاف سواد جنبه كانت عبايتها سحبها وغطاها فيها وسيف رجع لسيارته اخذ عطره ركض سيف وفتح سيارتورجع لهم مد العطر لماجد اخذه منه وبخ على يده وحطه عند خشمها فتحت عيونها وصارو مايسمعون الا بكاها بحرقه شافو انوار سيارات تاكد انه امن الطرق مشى لهم ماجد وجابهم لمكانهم كانت معهم اسعاف وقف عن سياره سلطان المنقلبه والاسعاف نزل منها ممرضين بنقالات وحده شالت سلطان والثانيه شالت وليد ولما قربو بيفتحون باب غلا وقفت بتشوف بنتها لكن ماجد منعها منى بصراخ / فكنننننننننننني شافتهم يحطونها بالاسعاف ركضت بتركب لكن ماجد لحقها ومسكها رافض انها تركب خوف عليها من الصدمه جن جنونها وهي تشوف الاسعاف ماخذها عيالها بدونها صارت تبكي بهستيريا وتحاول تتفكك من ماجد منى وعيونها على الاسعاف الي صارت تبعد وفيها قطعتين اغلى من روحها تفارقها طالعة بماجد بضعف وبصراخ / بروووووووووووح معهم لييييييييييش ماسكنننننننننني فكنييييييييي ماجد بهدوء / انا بوصلك لهم منى بصوت باكي / طيب بسرعه كان سيف بسيارته حاط راسه على الدركسون يبكي بحرقه بعمره ماشاف منظر يفطر القلب سمع صوت الباب الي وراء ينفتح ماحب يطالع ورى مهما يكون مايجوز لهم يشوفونها وحرام عليهم يستغلون وضعها فتح ماجد الباب وجلس وبصوت مخنوق / قفل الباب بقفل الامان استجاب له سيف وحرك سيارته ومنى صوت نحيبها ووناته مغطي المكان سيف بصوت واطي / وين بتاخذها ماجد بجديه / المستشفى سيف برحمه / انت خبل بتكمل على المسكينه ودها لهلها يخففون عليها ماجد بقهر / وش يعرفني من اهلها شكل اثباتاهم ضاعت بالحادث سيف بضيقه / اجل وش بنسوي فيها لا تنسى انها ارمله وحرام تظهر لنا ماجد بعصبيه / اجل تبيني اتركها بالبراري هذي ضروره سيف بحيره / وين بتاخذها ماجد بجديه / بترجع معنا لرياض سيف / طيب يمكن اهلها بالجنوب وبعدين من جك نرجع كل هالمسافه ومعنا وحده بهالشكل من بيفكنا من التفتيش ماجد بحرقه / مدري اذا عندك حل ثاني قوله سيف بضيقه / القهر ماعندي حل ماجد باصرار / اجل مالك الا حلي واذا قربنا من منطقة تفتيش بندور لنا حل وربك عالم بنيتنا وباذن ربك نوصل بدون مشاكل سيف بجديه / والدبره مع عيالها وزوجها ترها صارت مسئوله منا ماجد بضيقه / خلنا بالاول نامن لهالمسينه مكان وبعدين نرجع لهم واكيد لقو شي يدل عليهم سيف بجديه / ا ن شاء الله ماجد بجديه / االمشكله مانعرف اسم المستشفى الي اخذهم سيف بجديه / ماشفت اسم المستشفى على بطاقة الممرض ماجد بضيقه / ماصار لي عيون اشوف فيها سيف بتاثر / وربي تقطع القلب بيوم فقدت ثلاثه اختفى صوت البكي ماجد بجديه / يخوفي تموت شكلها مصابه ماتشوفها غرقانه بدمها سيف بضيقه / المشكله شلون بنعالجها وماعندنا لها هويه ماجد بجديه / ربك بيفرجها ان شاء الله التفت ماجد شافها نايمه مايدري هل هي نايمه ولا مغمي عليها خلااااااااااااااااااص ماعاد اقدر اكمل لنا لقاء باذن الله الثلاثاء اختكم نسايم نجد |
حررررررررررررررررررررررام علیج لیش موتیهم کلهم؟ لیش ما خلیتی واحد عایش؟حرررام الیی صار لمنی کلش ما تستاهل
ماقدر اقول الا بارت یقطع القلب. |
تسلمى على الابداع بارت فى منتهى الحزن ربنا مايكتبها لاحد والله يعينك على الجزء القادم:Taj52:لعل ما حدث لمنى يقرب بنتها لها
|
لا حرا م أيش هذا اللي صار
الله يستر شكل منى بتلحقهم تكفين نزلي جزيئة بكرا |
السلااااام عليك ورحمه الله وبركاته
تسلم يدينك نسومه على البارتات الراائعه لاخلا ولا عدم اما بارت اليوووم موجع بشكل رهييييييييب والله ان قلبي اوجعني وانااقراه حراام مشهد الحااادث يدمي القلب سبحاانه قلب الام كيف ما اهتمت بنفسها ولا باظرهاااا كل همهااا عيالهااااا و كيف انها تنقذهم الله يصبر قلبهااااا اذا ردت انهم ماتواااا بتحس بعقدة الذنب لانها تسببت بموتهم لانها اصرت على الروحه اخر الليل ام ساااااالم في كل مره يزيد كرهي لهااا ولافعالهاااااااا احسه انسانه من غير مشاااااعر حرام عليهااا تسوي كذاااا بنتهااااااا بس هي الخسرانه لانهااااا راح تخلي بنتها تكرهاااا وتبتعد عنهاااااااا تسلم يدينك نسومه على البارت وننتظرك بشووق للبارت القادم |
| الساعة الآن 05:40 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية