بارت اليوم بارت قصير لظروف خاصه فيني كنت باجله للجمعه لكن لعيونكم نزلته اليوم وقلت لكم الفجر بينزل ونزلته قبل وقته




ادري انكم متضايقين من اعذاري وتاخيري لكن باسباب وانا كما سبق قلت موعدنا بيكون كل ثلاثاء لانه مناسب لي واليوم الثلاثاء يعني ما تاخرت ولله الحمد





الرجاء عدم طمر السطوررر









البارت الاربعون





عند صقر



كان متمدد بالمجلس ينتظر صديقه شافه داخل عليه وجلس من غير كلام واضح عليه الضيقه



صقر بسخريه / وش فيك منقلبه حالك لا سلام ولا كلام ليكون الخطيبه وامها انحاشو

ركان بضيقه/ كسرت يدها


صقر بفرح / ياليتك مع كسر يدها قاطع لسانها هذي اذا ماسبتك يمكن تموت


ركان بقهر / من يصدق اني اسوي هالشي بالوحيده الي فز لها قلبي

صقر بسخريه / صدق الحب اعمى ولا هذي تنحب

ركان بضيقه / على قولتك القلب اعمى والا انا الهادي احب هالمتوحشه


صقر بسخريه / قول لي كم تهزيئه وسبه سمعتك من شافتك لين جيتني


ركان بابتسامه قهر / مالهم عدد


صقر وعيونه بعيون صديقه يشوف لمعه غريبه وهو يتكلم عنها


صقر بجديه / يا خوفي عليك ياركان من هاحب الي اظنه وصل للعشق

ركان بتنهيده يمكن تخفف الي داخله / وصل لاكثر من العشق ماتخيل يجي يوم ماشوفها فيه او اسمع سبها الي على قلبي مثل العسل اعشق كل مافيها عصبيتها عنادها قسوتها صدق من قال العشق بلوى


صقر بشك / اكيد انك شايفها ماصدق انك تحبها من اخلاقها الزينه


ركان ابتسم ومارد على صديقه


قرب منه ومسكه برقبته / يالخاين شفتها وماقلت لي شلون وكيف


ركان فك يد صقر من رقبته وبهيام / دخلت غرفتي وانا منسدح على سريري من دخلت وعيوني ما انزلت عنها اصدمتني وهي ترمي عطوري من شباك غرفتي


صقر بخبث / دخلت غرفتك والشيطان وينه عنكم


ركان بحرقه / وش شيطانه تعرفني اخاف ربي وبعدين البنت تكرهني لو درت اني كنت موجود واطالعها يمكن سوت فيني سوات خالها ااااااااااه ياليت اقدر ابدل هالكره لحب



صقر / وانت الصادق كان خلتك تلحق عطور ورمتك من دريشة غرفتك


ركان بهم / الي بعرفه ليش انزرع كرهي بقلبها
يشوف الهم والضيقه بوجه صديقه


صقر بعصبيه / مدري عنها لو انك ذابح كل اهلها ماكرهتك هالكثر وانت رابط نفسك فيها والمصيبه انك كاشف كرها لك


ركان بضيقه / عندي امل انها تحن علي وتعطيني ريق حلو
صقر بجديه / تراك اجنبي عنها والمفروض ماتشوفها ولا تكلمها

وكمل بابتسامه خبيثه /واذا مستعجل على الريق الحلو تملك عليها بسرعه

ركان با حراج / صدق تفكيرك وسخ


صقر بخبث / من حياك ماصدق انك بتلمس زوجتك واغلب ضني بتخليها زينه في بيتك


ركان بعصبيه / صقيررررررر ان ماسكت ترى والله مجلسك مادخله

صقر حط يده على فمه / سكتنا يالخجول

ركان بتغير الموضوع / امش نطلع لمحل جوالات بشتري جوال لزوجة ابوي وبشتري لها شريحه مؤقته

صقر بستغراب / جوالها وينه

ركان بجديه / تصدق مامعها جوال مدري شلون ماسالتها

صقر بحقد / ليكون ناصر مانعها من الجوالات

ركان بقهر / لا تستبعد شي على ناصر

وقف صقر بتعاطف / جوالها علي والشريحه عليك

ركان برجوله / كلهم علي هي مسئوله مني يمكن اقدر اكفر ذنب زواجها من ابوي

صقر وهو يمشي / شكلها راضيه ومبسوطه بزواجها من ابوك ولا كان من ثاني يوم وهي عند عيالها وانت ماتقدر تمنعها


ركان بجديه / تحلف لي من شافت ابوي دخل قلبها وسمعت بنتها تترجاها تطلق من ابوي وهي رافضه تقول ماقدر اتركه ربي عوض صبري خير بوحده متاكد انها تحب ابوي من غير مصلحه


صقر بابتسامه / ول يهالشايب قدر على قلب المزيونه وحبته


ركان / اذكر ربك لا تنحت ابوي


صقر / واذا جينا للجد شكلها ماشافت الراحه والخير الا عندك تبيها تترك كل هذا وتروح لجحيم تركي واهله وبعدين ناسي حقد وكره صديقك عليها والله لو درى انها زوجة ابوك ليقطع صداقته فيه



ركان بقهر / تركي اكبر مصيبه مادري شلو بقنعه بكذبت اخوه


صقر بمزح / ما يحتاج تقنعه ناده لمجلسك واطلب منها تدخل عليه والله لتضيع علومه وزين ماقالك خل ابوك يطلقها وبتزوجها


ركان بعصبيه / قالو لك رخمه ارضى على محارمي


صقر وهو يفتح باب سيارته وبجديه / تتوقع لو شافها مثل ماشفناها شلون بيكون ردت فعله


ركان هو يركب / تعرف خويك يكره صنف الحريم شلون بزوجة اخوه


صقر بجديه / الله يعنها على تركي


ركان بجديه / ماني مرتاح من تركي حاس بتجيني من وراه مصيبه


صقر بجديه / ما يكفيه انه حرق قلبها وحرمها من عيالها


ركان بقلق / ياليتها على حرمانها من عيالها تركي تفكيره مسموم واكيد ناوي لها على شي



صقر بجديه / انت بتوقف في وجهه ولا نسيت وعدك لها
ركان بجديه / خايف يسوي شي من وراي وبدون مادري


( نسايم تقول لك قلب المؤمن دليله )

صقر بجديه/ مثل شنو بيسوي


ركان بضيقه / ياليتني ادري كان اخذت الحذر واستعديت


صقر بجديه / تطمن ما يقدر يسوي شي وهو عارفك


ركان بجديه / هذا الي اتمناه لكن قلبي مو مرتاح لتركي





عند نوف



كانت منسدح وسمعت صوت بنتها تتكلم وتصارخ وقفت مفزوعه و طلعت لصاله شافت بنتها تنزل الجوال من اذنها وجها احمر من العصبية


قربت وبقلق / من كنتي تكلمين الي خلاك تعصبين


شوق بعصبيه وقهر / تخيلي عمي تركي يقول انك ربيتيني على الصياعه والهياته انا صايعه ياعمي وش شايف مني



نوف بحقد / عمك حسابه معي والله لاخليه يندم على هالكلام الي قاله


شوق بضيقه / عمي بيغصبني ارجع لهم


نوف جلست جنب بنتها وبثقه / ارتاحي من بيتي منتي بطالعه


شوق بضيقه / عمي قال لو مارجعت برضاي بيرجعني محمله عمي بعمره ماقسى علي واليوم احسه مو عمي


نوف بقرف / هذا عمك وانتي ما كنتي تشوفين الا زينه ولا كله عيوب


شوق انصدمت من كلام امها بعمها الي بعمرها ماشافته


شوق بستغراب / وانتي وش يعرفك بعمي

نوف بارتباك / احساسي وعمر احساسي ماخاب


شوق بشك / يمه ليش احسك خاشه عني شي يمه انا شوق سرك وغطاك وعمرنا ماخبينا شي عن بعض ليكون الزواج غيرك علي



نوف بحرقه / شوق فيه شغلات ما تنقال ومن الجنون نقولها تدرين ليه


شوق بحماس / ليه



نوف بقهر / لو قلناها نفتح على نفسنا المشكل ونحاول ما نتذكرها لانها تجرح وتوجع وبتخلينا ننصدم بشغلات نظنها نظيفه وهي بقمة القذاره




شوق بصدمه / تقصدين بالكلام احنا وعمي تركي صح وما تبنتا نكشف شي صار من ورانا ونتمشكل معه صح الي فهمته


نوف بضيقه / ياروح امك بعض الاشياء لما تكون مستوره نعمه اكثر من كشفها



شوق باصرار / الي قلته صح


نوف سكتت ماردت على بنتها


شوق بحزن / وش الي سواه عمي بيشوه صورته قدامنا طيب انتي شايفتي عمي ولا متصل فيك يمه فهميني لا تخليني بحيرتي


نوف بقهر / اسئلتك هذي اسئليها لعمك لا تسالينها لي لاني ماعندي لها اجابه


شوق بعصبيه / وش مسوي عمي ليكون علشان وصية ابوي بزواجه منك واتوقع بعد زواجك مالها لازمه


وباصرار / طيب عمي قابلك وقابلتيه يمه دخيلك قولي بردي قلبي



نوف تضايقت من اسئلة شوق / ارتاحي ما تقالنا الا مرتين و ماعرفني فيها


شوق بصدق / اكيد ماعرف انك امي لانه ذايب بحبك

نوف بجدية / هذي ثاني مره تقولين هالكلام عمك قلبه حجر ما يعرف يحب


شوق باصرار / والله يحبك فوق ما تتصورين


نوف بعصبيه وحقد / والي يحب يدمر الي يحبه عمك كان بيدمرني لولا رحمة ربك


شوق بجدية / يمه عمي مختبصه الصوره عنده يحبك ويكرهك بنفس الوقت


نوف باسخريه/ حلي لي لغزك شلون يحبني ويكرهني بنفسئ الوقت


شوق بجدية / عمي يكرهك لانك زوجة ناصر اخوه ويكرهك لانك امنا وربي عاقبه وحبك من صوره وحاول معي يعرف منهي صاحبة الصوره لكن بعد مادريت انك تزوجتي رفضت اقول له ان صاحبة الصوره هي امي لكني قلت له نص الحقيقه وهو انك متزوجه لما سمع بزواجك شفت الضيقه والقهر بوجهه والله انه يحبك ولا حب عنتر لعبله



نوف بحقد / حب عمك مايقدم ولا ياخر عمك سمع كلام ابوك فيني وكرهني ولو درى ان صاحبة الصوره امك ما تغير شي يمكن يزيده كره عمك حقد علي وحرمني منكم وهو مايعرف منهي نوف اهل ابوك كرهوني وهم ماعاشروني علشان يتاكدون من صدق كلام ولدهم ابوك مصورني عندهم بابشع الصور مستحيل صورتي الي شافها عمك تزين الصوره الي رسمها ابوك لي ودخلها بعقولهم وصدقوها تاكدي انا وعمك طريقنا مختلف مستحيل نجتمع بيوم


( نسايم تقول منتي قد هالكلام يا نوف )


شوق برجاء / يمه ادخلي عالم اهل ابوي واكشفي لهم منهي نوف خليهم يعرفون انهم ظالمينك


نوف بحرقه / وش الفائده الحين لي عالمي ولما كنت ابغى عالم اهلك ابوك منعني الحين ماله داعي ظهوري بعالمهم لانه مايشرفني لان عالمهم وسخ كله حقد وكذب وزيف لو اقرب منهم احرقوني ودمروني تبيني ابدل عالمي النظيف بعالمهم


شوق وعيونها على امها / يمه تغيرتي كثير صرتي وحده ثانيه صرتي انسانه لها راي


نوف بقهر / ابوك سبب ضعفي وموته قواني والمصايب الي جتني بعده قوتني اكثر وخالتك مها لها دور بقوتي


شوق بشك / يمه حاسه ان فيه طبخه طبختها مع خالتي مها ضد اهلي


نوف تمسك يد بنتها وتمسح عليها بحنان / شوق بكلمك بنتيتي بعمك و ياليت ما تتكلمين لين اقول لك كل الي عندي



شوق بجديه / قولي اسمعك


نوف بجديه / انتي بنتي واختي عشتي معي معاناتي مع ابوك وشاهده على كره اهل ابوك وحقدهم علي عمك مارحمني لما اتصلت اسئل عنكم رد علي وبقسوة قالي اني ذبحت اخوه وبسبتي سالم طايح بالمستشفى فجعني على ولدي وانا بالغربه وياليته اكتفى بهالشي سافر لفرنسا وبنيته يدمرني لكن ربي انقذني منه
الكره الي بقلبي لعمك ماله حد واذا رجعت لرياض باخذكم منه وغصب عنهم واذا كنتي رافضه تصرفي خليك محايده



شوق انصدمت من تصرف عمها وحقده على امها اوجعها قلبها وهي تتخيل استقبال امها وانهيارها بخبر سالم ولا خبر وفاة ابوها متاكده بيفرحها لانها تشوف بعيون امها الكره والحقد على ابوها وماتنلام


لكن لازم تعرف الشي العظيم الي سواه عمها لامها بفرنسا



شوق بصدمه / عمي مسوي كل هذا اي قلب لك ياعمي

وباصرار وعيونها على امها / يمه حلفتك بربي تقولين وش المصيبه الي سواه لك عمي بفرنسا


نوف بحقد / الي سواه هو الي بيرجعكم لي غصب عنه هو الي جنى على نفسه


شوق باصرار / يمه لا تتهربين من سؤالي حلفتك بربي تقولين وش سوى لك عمك


نوف باصرار / لا تحلفين علي لاني مستحيل اقول لك وتاكدي الجهل بشي خيره



شوق باصرار / لا تخليني اتصل على خالتي مها وانتي متاكده انها بتقولي




نوف بثقة / بهالموضوع مستحيل تقول لك والسالفه الي سواها عمك اذا ماطلعت منه مستحيل تطلع منا


شوق باصرار/ تعرفيني اذا حطيت شي براسي اني اعرفه بعرفه


نوف ببرود / تحبين توجعين راسك بموضيع مالك شغل فيها


شوق بستغراب / شلون ما يخصني وله علاقة باغلى شخصين عندي عمي وامي


نوف بجديه / على قولتك الشخصين الي تحبينهم بتقوم بينهم حرب من بتكونين بصفه



شوق بجديه / تعرفيني بصف الحق اذا معك الحق بكون معك واذا مع عمي بكون معه



نوف بجديه / مستغربه ماسالتني وش حربه


شوق بجديه / اكيد بترفعين على عمي قضيه وبتطلبينه باخواني


نوف بحقد / اخوانك ضامنه رجوعهم لي بدون قضايا لكن الي بيحرق قلب عمك اني بسحب منه املاكه وبجلسه على الحديده


شوق بثقه / مستحيل تجلسينه على الحديده ونصيب عمي اضعاف نصيب ابوي



نوف بثقه / اذا مافلسه شفتي شعري ولله لحلقه قرعى


شوق بجديه / مادامك بتضحين بشعرك الي تحبينه اجل كلامك بيصير لكن شلون


نوف بابتسامه / عمك غبي وغبائه جاء بصالحي


شوق بصبيه / ترى مارضى على عمي ومستحيل اسمح لك تحطمينه



نوف باصرار / الي ناويه عليه بسويه رضيتي ولا مارضيتي مانتظرتك تسمحين لي بذوق عمك شي بسيط من الي ذقته منه ومن اخوه



شوق بجديه / انتي ما تعرفين عمي مستحيل يرضى بالهزيمه وبيقلب انتصارك عليك هزيمه وهذاني حذرتك



نوف بابتسامه / الايام بينا وبتشوفين











عند عبد العزيز





بعد ما فاق من المهدئ ودموعه تنزل بحراره الي فيه مستحيل احد يحس فيه كل عبارات الالم ماتقدر توصف حالته ظلم بنت اخوه وغصب ابوها يذبحها وقهر امها المسكينه وسبب ضياع وانكسار اخوه



دخل عليه اخوه الصغير صالح قرب من اخوه الي يعتبره ابوه ركض له / سلامتك وش فيك



عبد العزيز بتنهيده ودموعه على خده / اااااااااااااااااااااااااااااه



صالح فز / سلامتك من الاه وش فيك


عبدالعزيز بصوت باكي / ناد اخوانك ابيهم لازم نلقى اخوك


صالح بضيقه / ليش تذكرته وانت السبب بكل الي صار


عبدالعزيز بحرقه / كله من طلال الكلب اختارني وارسل لي الصور خلاني اشاركه بجريمته دمعت عيونه / البنت ماتت واندفت وهي مظلومه وانا الظالم قولي باي وجه اقابل ربك وانا سبب موت مظلومه




صالح بصدمه / ن و ره بريه من الي شفناه كل الي سمعناه من امها صدق ماكانت اداري فضيحة بنتها



عبالعزيز بحرقه / ماتوقعت ينكذب علي ومن الي يكذب ولد اختك



انتفض صالح من العصبيه ونسى انه يكلم اخوه الكبير / قلت لكم هذي لعبة فوتوشوب مستحيل نوره تسويها نوره ربت بحضن كل واحد فينا وبصراخ / بنتنا كلنا ياعبد العزيز ليه مسحت مخي وخليتني اصدقك واشارككك جريمتك



عبد العزيز يبكي / ماتوقعتها من طلال العاقل يسوي هالعبة علشان يتزوج بنت اخوك


صالح ينتفض من العصبيه / المفرض طلال المذبوح ولا لانه رجال معصوم من الذنب ذبحنا البنت والرجال عايش يسرح ويمرح انا الي ذابحه


عبد العزيز بصوت باكي / اتركه عنك يكفينا ذبحنا نوره تبينا بعد نذبح ولد اختك الوحيد ونقهرها فيه اختك موجوعه من فعلت ولدها ومنحرقه على اخوها تبينا نوجعها بولدها


صالح ماقدر صار يبكي بحرقه / يحرم علي اجلس مجالس الرياجيل وحذف غترته / ويحرم علي لبس غترتي لين القى اخوك ويسامحني وبصوت محروق / ويقول وينه قبرها استسمح منها لكن وش عذري



عبدالعزيز يشاهق من البكي / كبرتها علي ياصالح


صالح بحرقه / باي ارض اندور على وباي وجه نقابله
وقف صالح وغترته بالارض / قبل لا ادور اخوك فيه كلب لازم اربيه على فعلته الشينه




عبدالعزيز بصوت باكي وبقهر / الي جاه مني يكفيه لولا الموظفين كان ماطلع تحت يدي الا ميت


طلع صالح من غير لا يرد عليه طلع من المستشفى بوجه اسود من القهر والعصبيه بكى نوره




جلس بالسياره وطيف نوره بين عيونه ضحكتها وشكلها الملائكي البري


صالح بصوت باكي / شلون صدقنا فيك







عند ياسر وثامر




وقفت سيارة الشرطه عند مركز الشرطه نزل الشرطي والي جنبه فتحو الباب لثامر وسالم وكل واحد منهم ماسكه شرطي دخلو والخوف من المجهول الي ينتظرهم
وصلو للمكتب شافو المكتب خالي



الشرطي / الضابط صقر ماداوم اليوم


الشرطي الثاني / ناسي ان اليوم خميس واجازته الخميس والجمعه


الشرطي الاول / لكن قضيتهم من القضايا الي يمسكها صقر



التفت الشرطي على سالم / اليوم بندخلكم التوقيف لين السبت وياليت تسلمونا جوالاتكم وشغلاتكم الثمينه



سالم بجديه / طيب ليه ما تتصلون على الضابط يجي يحقق معنا مانبي نجلس لسبت



الشرطي الثاني / ليه انت شايف قضيتكم سهله ممكن تطلعون منها ادعو ربكم ماينحكم عليكم اعدام


ثامر بصدمه ورعب / اعداااااااااااااام


سالم بصدق / احنا لقيناه ميت ويليت تسون تشريح للجثه وبتعرفون الصدق


الشرطي / هذي مهمة الضابط صقر واحنا مالنا الا نحطكم بسجن التوقيف والكلام الي تبونه قولوه لضابط لشفتوه



دخلهم الشرطي سجن التوقيف وقبل لا يدخلهم اخذ جوال ثامر وبوكه


بعد مادخلهم طلع وقفل عليهم الباب بغرفة التوقيف الموحشه
ثامر بضيقه / هذا الي مستعجل عليه ياسالم قايل العجله ماتجب الا الشر الحين لو نموت هنا محد درى عنا


سالم جلس على الارض وسند ظهره للجدار وعيونه اطالع بالفراغ



ثامر وعيونه على صديقه / نطلب منهم نكلم عمامك ولا ابوي ينقذنا من مصيبتنا


سالم بيقه / اتصل بالعالم كله الا عماني مابيهم يدرون ويني فيه


ثامر بجديه / واذا درو احنا ماذبحناه


سالم بحرقه / اذا درو اني بالسجن حطو الوم على امي وانها هي سبب دخولي السجن


ثامر بصدمه / وش دخلها امك الحين



سالم بقهر / اتهمو امي انها ذابحه ابوي وامي كانت بفرنسا وبوي بالرياض شلون وانا وامي بنفس الديره


جلس ثامر جنب صديقه / ليش ماقلت لي انهم متهمين خالتي نوف بذبح ابوك



سالم بضيقه / من كرهم لها كل شي يحطونه براسها لا تستبعد يحطون امي سبب كل كوارث العالم



ثامر بجديه / وش سبب هالكره وهي بعمرها ماسافرت لهم


سالم بقهر/ السبب ابوي الله يسامحه هو الي كره اهله بامي


ثامربجديه / الله يرحمه اذا ما طلعنا السبت بكلم ابوي اتحمل عصبيته ولا الجلسه بهالقرف


سالم بضيقه / كيفك


ثامر بجديه / بموت من الجوع بسبتك ماكلنا شي


سالم بعصبيه / وبعدين كل شوي ترمي الوم علي قلت لك بشيل التهمه بروحي وانت رافض



ثامر بزعل / خلاص اسفين يكلمه ردي مكانك






عند تركي




بعد ما طلع من عند اخته دخل غرفته وهو يغلي من العصبيه رمى نفسه على سريره


بعصبيه / هيييييييين ياشوق كسرتي كلمتي ورحتي لامك
الحين اذا سافرت الجنوب وين بلقاها الجنوب كبيره كاني ادور على ابره بكومه قش


المصايب نزلت علي مره وحده زواجي والمشاكل الي بتجيني من وراه ولا شوق الي عند امها الصايعه ولا واخوها الي مدري وينه



رفع مخدته شاف صورة معذبته رفعها بعشق / تدرين اني بتزوج مجنونه صاير مثل التيس المستعار اخلص لهم الي يبونه و اطلقها لكن كرامتي مارضت اني اكون مستعار وصرت دايم


ضم الصوره لصدره بحراره وبعشق محروق / هذي اخر ضمه لك لانه مو من حقي اضمك او اشوفك وانتي ملك لغيري اااااااااااه شوف وحرق جوف من بعدك عافت النفس الحريم سامحيني لازم ارمي صورتك مابي اعذب نفسي اكثر وقف وقرب من الزباله ورمى الصوره ولف بيمشي لكنه ماطاوعه قلبه يترك صورة الحبيه الي ملكت القلب والوح بزباله اخذ الصوره وحطها بشنطة اوراقه القديمه لانه بتصير ذكرى حلوه وبيحاول ينساها



تركي بحرقه / يارب معاد اقوى على نار العشق على قوتي صورتها ضعفتني ياربي انزع حبها من قلبي





عند مروان




ماقدر ينتظر بعد رسالة اخته دقيقه وقف وعيون عامر تلحقه / على وين مامداك تجلس



مروان / بروح استلم الكنز


عامر بابتسامه / عقبالنا


طلع من شقة عامر وركب سياره وساق بطريقه لبيت صقر




في بيت صقر





البنات جالسات يسولفون قطع عليهم صوت جوال سلوى رفعته شافت رقم اخوها


سلوى / هلا مروان


مروان بستعجال / اطلعي انا انتظرك عند الباب


سلوى بصدمه / للحين ماتعشينا


مروان بعصبيه / تعشي بالبيت بعد للخمسه يويلك لو كملتهم ومالقيتك جالسه جنبي


سلوى بضيقه / ان شاء الله


قفل الجوال بوجه سلوى حاولت ماتبين / مع السلامه مروان
وقفت


ديما بستغراب / خير وش عندك


سلوى باحراج / مروان عند الباب ينتظرني


ديما بصدمه / من جدك مالك ربع ساعه من جيتي


نجود بجديه / والعشاء الي طبخته من بياكله


سلوى باحراج / لو بكيفي جلست لكن مروان ملزم اطلع


نجود بجنان / اجل بحط عشاك بحافظة


سلوى وهي فرحانه انها بتتعشى عشاء سنع
بتصنع / ماله داعي اكيد الطباخه طبخه العشاء باكل معهم


نجود بابتسامه / اعتبريه ذواقه وابي اموك تذوق طبخي


سلوى وهي تلبس عباتها / مشكوره اجل بسرعه ليعصب علي مروان



وقفت نجود / اجل بنزل




نزلت نجود وديما قامت وحضنت سلوى / والله ما شبعت منك كان بخاطري تكون سهرتنا صباحي



سلوى / حتى انا مشتاقه كثير وبخاطري اجلس معك اكثر لكن وش اسوي بمروان



ديما بحب / توعيديني بزياره غيرها



سلوى بخاطرها / اليوم اخر يوم اشوف بيتكم فيه الي يبيه مروان وصار



ديما بحب / انزلي لا يذبحك اخوك



صحت من افكارها ونزلت وديما ماسكه يدها بحب استقبلتهم نجود بحافظات الاكل اخذتهم سلوى وطلعت لاخوه فتحت الباب الي ورى حطت الاغراض وفتحت الباب الي قدام وجلست جنب اخوها



مروان بعصبيه / ليكون سواق ابوك يالبرنسيسه

سلوى ساكته مالها خلق ترد عليه حاسه بضيقه


مروان باستعجال / هاتي


سلوى فتحت شنطتها بقهر وعيونها اطالع مروان بحقد رمت عليه الجوال / خذ واعتبر هذا اخر شي اسويه لك حتى صديقتي ماسلمت منك



مروان بعصبيه / بتسوين الي ابيه وانتي ماكله تراب


صدت للجهه الثانيه وهي تذكر احتضان ديما لها وشلون قابلت حب ديما بالغدر الحاجه الي خلت مروان يشكلها على كيفه اخوها شيطان انتهك برائتها ورباها على جرايمه





مروان يناظر المقاطع بشهوانيه ويرسلها لجواله
بعد ما خلص مد الجوال لاخته وحرك سيارته راجع لبيته




عند ماجد



دخل الشقه كانت كئيبه بعد سفر اخته والبنات دخل غرفته تمدد على السرير وطيف زوجته قدام عيونه نزلت دموعه بحراره / مشتاق لك يانوره ولايامنا سوى عزوني فيك وانتي بقلبي حيه
لازم ارجع لسعوديه وازور قبرك واشكي لك شوقي لك عفت الحياة من بعدك يانوره

رفع جواله واتصل على سيف





عند سيف




متمدد على كنبه بالصاله ومشغول تفكيره بزواجه من سميه حاول يتذكر ملامحها يمكن تجذبه لزواج لكنه ما يذكر الا طولة لسانها



سيف بضيقه / الله يسامحك يا ماجد الي بليتني باختك
ابتسم / والله لربيك على طولة لسانك واحتقارك لي واطلع فيك كل الي سوته العله فيني


شاف جواله ينور لانه حاطه صامت رفعه شاف رقم ماجد
سيف في نفسه/ الاجودي عند ذكره كانه داري بنيتي في اخته



فتح الخط / هلا ماجد


ماجد بصوت مخنوق / الفجر طيارتنا


سيف بصدمه / اللهم اسكنهم مساكنهم على وين ان شاء الله


ماجد بصوت مخنوق / برجع السعوديه


سيف بستغراب / خير وش صار وبعدين سافر لحالك


ماجدبصوت مخنوق / بكره الفجر طيارتنا وبتروح معي


سيف بخوف/ ماجد وش صاير اهلك فيهم شيئ


ماجد بصوت باكي / انا الي فيني من بعدها صارت فرنسا تخنقني



سيف بضيقه / وانا السعوديه تخنقني مابي ارجع


ماجد باصرار / بترجع معي غصب عنك ولا اعتبر هذا اخر مابينا



سيف بجديه / طيب انت وينك فيه


ماجد / بغرفتي



عرف سيف انقلاب صديقه / مسافة الطريق وبكون عندك



ماجد بضيقه / لا تجي بنام



سيف باصرار/ قلت جايك ماخذت رايك واذا بتنام بنام عندك


ماجد / كيفك يله مع السلام



انهى المكالمه وقف / وبعدين مع حالتك ياماجد شلون اقدر انسيك وقوفك على الاطلال



طلع من البيت ركب سيارته وتفكيره بحالة ماجد




توقعاتكم





لنا لقاء الاسبوع الجاي باذن الله






اختكم نسايم نجد