مازالت ماسكه ..الجوال...وهي ..حاسه ...ان ..ثقة الوليد تجاهها...مو ..سبب المشاكل ...
الا ثقته ...بالامان والاحساس فيه...معدومه...
لازم تفهمه ...وتتقبله ...لانها تحبه....
ذكرت ..انها تبي تدق على غاده ...جت تدق...وقالت بنفسها
اتحمم ...واتجهز ...بعدين ادق ...الوليد ..باقي له ..ساعتين ويجي ....شالت قميصها من السرير ....وغرقته ...من كثر ..مارشت ...عليه ..من عطرها ...خذته ...وعلقته ...بغرفة ..الملابس ...بمعلاق ...اثياب الوليد ...
ودخلت الحمام ..تتحمم ...
............................................................ ..
مر الوقت بسرعه ....تحممت ....ولبست ...الجاليه ...الاسود....الي شراه الوليد...مع ..بنطلون ..جينز...مبين ..حناياها ...فتحت شعرها ....عشان يغطي ..ظهرها ...ومتونها ....
تكحلت ...وحطت مسكار ...وقلوس ...وردي ...
وتعطرت بعطرها الي تحبه ..من ذا بودي شوب ..
توباكو فلاور....
سمعت دق ...على الباب ...
فتحت ...وشافت ..عيون ..ماريتا ..منبهره ..وابتسمت ....
نجلا- اهلين..كويس ...مانسيتي ....هاتيه.....خذت منها ...المدخن ...ودخلت ...
دارت بالمدخن بعد ..ماحطت ..على الجمر ...شوي من البخور الي خذته ....من ام سلطان....
حطت المدخن ....ورفعت جوالها بتدق ..على ..غاده ...
الساعه الحين ........1.42.....اكيد قاعدين يتغدون ...
طوووووووووط.............طوووووووووط...
نصوري- الو؟؟؟
نجلا- الوووو..يابطل...
نصوري-...نزلا....هيه.....نزلا....نزلا..
نجلا- بس ..بس ..ياعمري ...بس...
نصوري- انتي وين؟؟
نجلا- انا في بيتي...تجي؟؟
نصوري- ايوه...
نجلا- خلاص ..قول لماما ..بروح لنجلا...طيب..؟؟
نصوري ..- طيب ..اندس ..هلاو؟؟
ضحكت نجلا- ايه عندي ...واجد ..بس ..خل امك توافق انك...تجي...!!
نصوري ينادي ..على امه- ماما....مامـــــــــــــــا....نزلا ..زيبين هلاو...
سمعت غاده ...تهاوشه على رفع السماعه ...
غاده- الو؟؟؟
نجلا بلعت ريقها – الو سلام ..غاده ...اخباركم...؟؟
غاده- الحمد الله...غريبه ..داقه؟؟؟آآآه ولا تبين الجازي؟؟؟تراها راحت!!!
شدت نجلا على شفايفها ...- لأ ابيكِ انتي ...
غاده سكتت- وش تبين؟؟؟لا يكون بترجعين؟؟؟
نجلا- ..لا بسم الله علي ...وش يرجعني ....كنت ابيكِ ...تنقليني رقم ...شيخه من النوته ..حقتي .....سكتت ..وهي تتوقع ...اللسان ..الطويل ..والعصبيه ...الزايده...المعتاده ..
غاده- وش ذكركِ فيهم ؟؟..
نجلا- ماينكر العشره الاولد الحرام...
غاده- طيب ...طيب...وذا وين القاه؟؟
علمتها نجلا ..وجابته ...وقبل تسكر منها ....
غاده-...لا تنسون المصروف؟؟؟!!!
نجلا- يكون خير....مع السلامه .....
سكرت ...وهي متخوفه من رد فعل ...شيخه ..اذا كلمتها ...
.من زمان ...منعها ابوها ..تتصل ..بأي احد ..معها بالمدرسه ...
دقت .....واستنت ...وقلبها ..يدق ..ويدق...
طووووووووووط.......................طوووووووووووط
سمعت صوت ..ام عبدالعزيز....
ام عبد العزيز- الو؟؟؟
نجلا- الو...سلام خالتي ...؟؟؟
ام عبد العزيز- وعليكم السلام ورحمة الله وبركاته ....مين؟؟
نجلا بلهفه-...انا نجلا ..ياخالتي ..نسيتي صوتي؟؟
ام عبد العزيز- مين؟؟؟نجلا ؟؟اخت سعد؟؟؟
نجلا- ايه ...انا...اخباركم؟؟
ام عبد العزيز- وينتس ...يابنيتي ....حي الله هالصوت ..وراعيته ...!!
ابتسمت ..نجلا ..بشوق- ..وحشتوني ..ياخاله.....من زمان عنكم.....
ام عبد العزيز- ..وانتي بعد ...يالحبيبه...دقيت على ...بيتكم ...ابي اشوفتس ...ولا لقيت رد...متى جيتوا من السفر؟؟
استغربت نجلا- ماسافرت ...انا ..ياخالتي ..
.وقالت بخاطرها...
يمكن ..يحسبوني ..مسافره ..شهر عسل...
ام عبد العزيز- اها...مارحتي تشوفين سعد؟؟؟؟
نجلا ..بسرعه-..ليه وش فيه سعد؟؟؟
ام عبد العزيز- ماقالتس رجلتس؟؟؟
نجلا- لا ماقالي شي ...!!وش فيه؟؟؟سعد...صاير له شي؟؟؟
ام عبد العزيز- الظاهر رجلتس ..مايبيتس ...تشيلين ..هم .....
دورت نجلا اقرب ..كرسي ....ورمت نفسها عليه ...
نجلا بخوف- هم ايش؟؟
ام عبدالعزيز....- اوخيتس...ضعيف صار له ..حادث ...يوم كان بيروح للمطار عشان يلحق على عزى ..الوالد....وكملت ...لها ..ام عبد العزيز ....وعلمتها ..عن كل شي ....
تاهت نظرات نجلا ...بالمكان الي هي فيه ....وظلّت ..ام عبد العزيز ..تتكلم ...وتتكلم ..ونجلا ..سارحه ...بفكر غايم ....
ام عبد العزيز- نجلا؟؟؟نجلا ياميّ؟؟
نجلا..برجفه- نعم ..خالتي؟؟طب ..سعد ...شلونه الحين؟؟؟
ام عبد العزيز- لا ماشالله ..احمد يقول ..انه صار تمام ...اليوم بيصولون ..ماتدرين؟؟؟
تذكرت ..ان الوليد وعدها ..بمفآجئه....
نجلا بلهفه- متى؟؟؟أي وقت ؟؟
ام عبد العزيز...-..مدري ..والله .هو اكيد اليل...بس أي وقت ..اصبري انادي شيخه ..تعلمتس....
راحت ام عبد العزيز...وسرحت نجلا ...تفكر ...
ياحبيبي ..ياسعد....كل هذا يصير لك ...وانا مدري ؟؟؟والوليد ..يسوي ...كل هذا؟؟؟ولا قالي؟؟
مسحت ..دمعه...مشتاقه ..ولهانه....
شيخه- الووووو.؟؟؟نجيلوه ...يالقاطعه؟؟؟اخباركِ؟؟؟
نجلا بصياح- الحمد الله...
شيخه بتغهم- يابنت الحلال ..وسعي صدركِ...الحين هو بخير ...بس غريبه ..زوجكِ ..ماقالكِ...؟؟
نجلا- ..الا قال ..بيفآجئني اليوم......قالتها نجلا بعفويه....
شيخه بعبره- هه خلاص ...ليه الصياح....سكتت شوي ...وبعدين كملت...
ياسلام ..والله صوتكِ له ...وحشه.....
نجلا-وانتي بعد....متى سعد بيجي؟؟
شيخه- يووه لو تشوفين امي ..مناديه ..خالتي ...وخوالي ...مسوين عشى ..لاحمد وسعد....
نجلا- طب متى بيجي ..؟؟
شيخه- يمكن يوصولون ..على ...الساعه 11وشرايكِ تجين ؟؟تعالي تكفين ...الله يخليكِ ...من زمان عنكِ ...والله اني قلت ..تزوجتي ..بتذكريني ...ونسيتيني...
نجلا- مانسيتكِ يالشينه...مانسيتكِ...بس....ترددت
شيخه- طيب ...تعالي اليوم ...سعد بيتعشى ..عندنا ...
نجلا- اكيد ....بيجي ....
شيخه- ايه ..اكيد....العشى هذا له...
نجلا- طيب ...بجي!!
شيخه- يعني ..بتجين ؟؟وعد؟؟
نجلا- انشالله...
شيخه- يلا اجل ..يام عيون ...بستناكِ ...بروح ..اشوف امي وش تبي......
شيخه تصايح- طيب يمه!!.....
نجلا- يلا روحي ....مع السلامه...
سكرت من شيخه ....ورفعت يدها ..لوجهها ....
فرحه ...ووله ..وشوق...وخوف...تجمعوا ...وتكوّنوا ..
صاروا ...دموع...ودموع....
معقوله ؟؟؟هذا يصير ..بخوي...وانا مدري؟؟؟ راحت الحمام غسلت وجهها ...من آثار ..الكحل السايح ...والروج...ومسحت..احلا ملامح ..بالمنشفه ...ناظرت نفسها بالمرايا ...يااااااااااه ياكثر ماني مشتاقه لك!!..
والوليد...كيف قدر يكتم ..ولايقول .......؟؟
وهو الي تكلف بكل شي!!وهو مب ملزوم...


............................................................ ...............................
الوليد ..كان يراجع اوراق...بالمكتب...
دخل عليه ..طلال- الوليد ...ورا ماترد على تليفونك؟؟؟المدرب ..يدق عليك ...من شوي؟؟؟
الوليد..- كان معي مكالمه ...ليه ..خير انشالله...
طلال مضطرب- لا بس ..بيقولكِ...عن الفرسه ...الحامل؟؟تذكرها ...؟؟
الوليد- ايه وش فيها؟؟
طلال- تعسرت ولادتها ...ويمكن يفقدونها ...
الوليد- الله يهديك ياطلال...ليه ..ماجيت من اول...؟؟؟!!
طلال- هاذاني ..جيت وانا اخوك!!!
الوليد- خلهم يجهزون ..السياره ..خلنا نروح....!!!
خاف الوليد يفقد هالفرس ..لانها اصيله ....وخساره لو فقدها ....
ذكر...سعد ...اخو نجلا ...وفكر ...ان الوقت ...طويل ...قبل يجي ...
دق عليها بسرعه ...ماردت .....دق مره ثانيه ...ولاردت بعد ...
طلع من المكتب ....وراح الاسطبلات ....
............................................................ ...............
طلعت من الحمام ....ناويه ..تكلم الوليد.....
شافت مكالماته ....دقت ..عليه ....مره ومرتين ...وثلاث......مارد...
نجلا-وينك يالوليد؟؟؟رد...!!!
رد!!...ليه ماترد؟؟؟توك داق!!!
...تركت الجوال ..وقررت تستناه ...لما يجي ....
انسدحت على سريرها ....وهي تفكر ...بالي سواه ...ومستغربه ...كيف ..ماقالها ...ومتى ..اصلا ..راح ....؟؟؟...
.............
جت الساعه ...2,5والوليد مابين ولااتصل ...نزلت ...للغدى ....
رنا- مشالله ...لا اليوم احسن؟؟؟
نجلا- ايه الحمد الله....
رنا- وش في عيونكِ...صايحه؟؟
نجلا ارتبكت- ايه اخوي ..سعد بيجي اليوم ....
رنا- يييوه راح عن بالي ..ان عندكِ اخو؟؟؟من وين جاي؟؟
نجلا- من فرنسا....كان عنده دوره ....
رنا- يعني ..هاذي ..دموع الفرح...؟؟
نجلا ابتسمت- ايه..اكيد....من زمان ماشفته ...ولا تعودت يفارقني...
رنا- طب يعني بيجي هينا؟؟
نجلا- لا.. جيرانا ..مسوين له ..عشى ....وعازميني..
جتهم سمر.....تناشق....
سمر- حسبي الله عليكِ..يانجول؟؟؟عاديتيني....
التفتوا لها ....
قلبت سمر عيونها ....
سمر- وراكم قالبين ...عزى...!!؟؟
ام سلطان دخلت – وش عزاه الله يخلف علي فيتس...
سمر- ليه ...يماما...تتفاولين علي؟؟؟
رنا ضحكت- تكفين لاعاد تقولين ماما ....على لسانكِ ...كن الي قايلتها بقره!!!
سمر- انتوا وش فيكم علي ؟؟
نجلا ضحكت- لالا مافينا شي ...بس شكلكِ ...جناااان...انتي ...وعيونكِ المتنفخه...وخشمكِ!!
قاطعتها سمر- اسكتي ..لآ اعطيكِ عين ...تسل خشمكِ...!!بعدين ..انا طالعه على الوليد!!!!
قطبت نجلا ..حواجبها ...وبستنكار- حرام عليكِ......والله حرام!!!الوليد يشبه لكِ؟؟؟ماحزرتي!!!
ضحكت ام سلطان- محدن فيكن يشبه الوليد ....مافيه غير سلطان ...
نجلا بسرعه- لا ياخاله الوليد احلى ..
رنا- ياعيني ...ياعيني....
ام سلطان- مغير عشانتس ...تحبينه ...ولا يتشابهون....
ما اقتنعت نجلا ...براي ام سلطان ...بس مازادت ....ولا علقت...وعطتهم ..ابتسامه...
رنا- هااه يمه ..زان غداكم...؟؟؟
ام سلطان- ايه ..بس الوليد ...ماجى ...كلمتوه.....قالتها ..وناظرت نجلا ...
نجلا- كلمته ...مارد ...!!ولا قالي بيتأخر...
ام سلطان- الغايب عذره ..معه ..بس مب عوايده ...
انشغلت نجلا ..معها ....وهي اصلا ..اخوها شاغلها ....كيف تروح ...وهي ..ماقالت للوليد...
قررت تستنى ..لين ..بعد العشى ....واستنت ......ولا جى ....وجواله ....مايرد عليه ....
رنا دخلت عليها الجناح...
رنا- هااه بتروحين ؟؟
نجلا – مدري الوليد مايرد....كيف اروح ..ولا قلتله ...اخاف ..يضيق..
رنا هزت كتوفها- عادي ..مافيها شي ....اخوكِ وجاي من السفر ...ليش يزعل ...؟؟؟
نجلا شبكت اصابعها- لانه هو قايل مسويلكِ...مفآجئه...!! عرفتي؟؟وانا شاكه انها ...سعد ...بس مدري ليه مايرد ...ماقال ماني جاي على الغدى ...والحين الساعه ...9...ولابين....وش اسوي...؟؟
رنا- ياشيخه روحي ....او ارسليله رساله ....ومب ..ضايق...
نجلا- والله فكره .....اجل ضنّكِ ارسل .له..وبس؟؟
رنا- مافيه ..الا ذا الحل ....اكتبي له ....وروحي .....مابقى الاساعتين ....مب تقولين ..اخوكِ ..بيجي الساعه ...11؟؟
لفت نجلا ...شعرها ...على ..جنب...وانتبهت رنا ..ان اثر مسكة الوليد ...مازال موجود..
رنا- ياربي...لين ..اليوم ..والي في يدكِ ..ماراحت؟؟؟
نزلت نجلا راسها ....وشافتها ....
نجلا منحرجه ..فردت شعرها مره ثانيه ...- بتروح لاتخافين ....
.......................................................
الوليد بالاسطبلات ...لين الحين ...وانشغل ...مع الفرسه ...وولادتها ...ماوده يخسرها ...لانها اصيله ...وهم يزاوجونها ...بخيول اصيله ..بعد......
الوليد ملتفت..لطلال –خلاص ..ياطلال؟؟
طلال- ابشر وانا اخوك...!!يعني نستناك في البيت ؟؟
الوليد- انشالله ...بلحق ..عليكم ..قبل تدخلون ...
طلال- اذا وصلنا ..دقينا عليك ..
الوليد- المشكله جوالي نسيته ..بالمكتب ...هات جوالك بدق على هلي..!!
خذى الجوال بيدق على نجلا ....
طوووووووووط.....طوووووووط
طوووووووط.......طووووووووووط
ماترد ....
الواليد- خذ جوالك....يلا ..عشان يمديكم ....!!
طلال- يلا فمان الله ...
الوليد- مع السلامه ...
............................................................ .............................
نجلا ..دق عليها رقم غريب ..ولاردت ...في غنا ..هي عن المشاكل ...والشكوك....
قالت لام سلطان ....تبلغ الوليد....ان جى ...ورنا بعد ....اما سمر ...الحمّى لاعبه فيها ....وماهيب مع العالم ....
وصلت ..لبيت شيخه ....وهي ...غامرتها ..احاسيس....غريبه .....
شيخه بدموع وزغاريط- هلا ....هلا ...ياحيوانه....وينكِ....؟؟؟لا وزاينه ..انتي ووجهكِ...
نجلا حظنتها- كبرنا...يا خشه ...على ..هالكلام...تراني اعرست!!
شيخه- تكبرين ..على الناس كلهم ..الا انا ..يالشينه....
ام عبد العزيز- هلا ..بالحبيّبه ...والله ....اخبارتس ..يامي ؟؟؟علومتس؟؟؟...سلمت نجلا ...عليها ...وهي ..مو مصدقه ..نفسها انها بينهم .....
............................................................ ...............
مطار الملك خالد الدولي
الساعه...11,45
يعقوب ...واقف ..عند صالة استقبال الرحلات ...القادمه ..ومعه لوحه ...مكتوب عليها ..
سعد محمد العارضي
كانت فكرته هو ...بدل مايقعد يسأل ..حط هالوحه ...
طلال كان يستناه ..على الكراسي .....
اخوه ..الوليد...وصّاه ...يستقبل سعد ...ويروح معه البيت ...وهو بيلحقهم ....
.........
وصل احمد وسعد....
احمد- يازين ..ديرتنا...زيناه...
سعد كان لاهي ....بفكره ومشغول ....سلطان عطاه وصف ..بيتهم ..ومكانه ....يبي يروح بسرعه ..لها ...
احمد-..سعد؟؟؟شوف ..مب ذا اسمك؟؟؟
رفع سعد راسه ...- ايه ...مين ذا ؟؟؟يمكن الربع؟؟
احمد- مايعرفونك ؟؟؟لا مب هم ...الي ماسك الورقه...مانعرفه....
سعد- امش نروح له ...تعال...!!
راحوا ليعقوب....
يعقوب- هلا ..فيك اخوي ..انت سعد؟؟؟
احمد- لا مب انا ..هاذا هو.....واشر على سعد ..المستغرب ...
يعقوب ..مد يده لهم وسلم...- انا من طرف عمي الوليد!!....هو قالها ولا ماقالها ...ثار ..بركان خامد ...بسعد ....واحتدت نظرته...
سعد بهدوووء-..وينه؟؟هو؟؟
كان بيرد يقوب ...لال بجية طلال...
طلال شافهم واقفين- هلا والله ...حمد الله على السلامه ...وين سعد؟؟
ناظره سعد بحقد...واستنكار- انا سعد؟؟!!
احمد انتبه ..للهجته ..وطلال بعد...
طلال- وين ..ارقام الشنط؟؟
احمد- خلها يارجال ...بجيبها انا ..
طلال- لاوالله ...ناظر يقوب....
طلال- يقوب ..روح..جيبها ...
خذى يعقوب ...الرفام من احمد ...وراح...
احمد انتبه ...لنظرات سعد ..لطلال...
طلال- مد يده ..وسلم على احمد ....ومدها ..لسعد....
سعد- ماتتشرف يدي تسلم على خسيس!!
احمد- هد ياسعد...وش فيك؟؟
سعد-..انت الوليد؟؟؟صح؟؟..ماعطى طلال فرصه يتكلم ...وكمل هو
سعد- حركاتك كلها ...لاهي من شيم الرجال ...ولاهي ...مرجله...ومهما ..بتحاول...اختي اليوم باخذها ..
طلال عرف انه يحسبه الوليد ..
طلال- استهدي بالله ياسعد...انا..
سعد قاطعه- ماابي اسمع منك أي شي ..لين اشوف اختي !!!وبعدها نتحاسب!!!
احمد اشغل نفسه عنهم بفتح جواله ...
طلال- اسمعني ياسعد!!
سعد بتريقه وقهر- لا وتمشي زين بعد!!ولا هي لعبه ..مثل؟؟غيرها!!!
تنرفز ..طلال من اسلوب سعد ...وتريقته على الوليد...
احمد- سعد ...اهلي ..مسوين عشى ..لنا ...نمشي؟؟
سعد ابعد عينه ..عن طلال..
سعد- لا يااحمد انا بروح ..لاختي!!..مره ثانيه ...انشالله...
احمد- بس سيارتك ..انا وقفتها عند بيتنا...امش ناخذها ...وبعدين نروح..
سعد ناظره وابعد عن طلال- مافيني صبر ..وانا اخوك ..ودي ..اشوف اختي!!...
احمد- خلاص ..بوصلك...بتكسي ...وبرجع...بعد ...ساعتين ...آخذك...تم!!
سعد- تم...
جى يعقوب وخذى احمد منه ..الشنط...
طلال- ياسعد؟؟انا ..اخو...
سعد- عارف اخو ..الي كان شارينا ...ومناسبنا!!..لو سمحت ممكن ..تعجل ..لاني بروح اشوف اختي؟؟؟
سكت طلال ...ومشى ..ويعقوب فاتح فمه ...
.........................................
بعد فتره..
في بيت ...احمد....
نجلا – ماكنهم تأخرو...؟؟؟
شيخه- الا ...يمكن ...الطريق ..زحمه ..تعرفين اجازه ....
نجلا بلهفه- خالتي كلمت احمد صح؟؟
شيخه بضحك- ايه يابنت الحلال...اركدي الحين بيجون....
نجلا ..مشغول بالها بالوليد ...ومشتاقه بعد ...لسعد ...دقت على الوليد مايرد...
كانت قاعده بفرفه ..مع بنات خالة شيخه ....دقت على رنا ..
نجلا- الو رنا؟؟
رنا- هلا ؟؟
نجلا- ماجى الوليد؟؟؟
رنا- لأ...ماجى ..هااه شفتي سعد؟؟
نجلا بتعب- ؟لأ الحين بيجي من المطار ....
رنا- يلا هانت ...ليتكِ تشوفين سمر ..يانجلا ...كنّها الوحيده ..التعبانه...
نجلا ابتسمت ...- كان جتها ...الحمى الي سيرت علي ...الله يعينها ...
رنا- حتى امي ..ماخلت عليها كلمه ...
ضحكت نجلا ...وانتبهت لشيخه تأشر لها ..
نجلا- رنا؟؟يلا شكلهم وصلو ..مع السلامه ..وسكرت بسرعه ..
راحت لشيخه
نجلا- هااه وصلو؟؟
شيخه- سعد راح لبيتكِ...واحمد...معه
نجلا بسرعه- ماقلتوا له ......اني هينا؟؟؟
شيخه- لا ماعطا امي فرصه ...يقول ...عشان رجلكِ ...جاهم ..وراحو معه...
لمعت عيونها ..لذكرى ..حبيبها ...اكيد ..هاذي مفآجئته .....
نجلا- شكلي بروح اجل؟؟
شيخه- والله ..لو مو عشان سعد ...ولا ماخليتكِ....
نجلا- لا تلوميني ...مره واحشني ...روحي نادي ..ماريتا...
لبست نجلا عبايتها ..بسرعه ...وش ذا اليوم ؟؟ماصارت ...
طلعت مع ماريتا بعد ماسلمت على....ام عبد العزيز ....
اخت ام عبد العزيز- ماشالله ...عليها الله يحرسها ...الله يهديتس ...لو انكم مزوجينها ...احمد ؟؟
ام عبد العزيز- ياويلي على وليدي ....راح مهره الي جمعه...كله ...عشان ...خويّه...سعد..
اخت ام عبد العزيز- مايضيع الاجر وانا اختس...مايضيع..
ام عبد العزيز- الله يصلح شانه ويرزقه ..
.........................................
دقت على ام سطان- الو؟؟؟
ام سلطان- نجلا؟؟تعالي ..اخوتس ..هنيّا...!!
نجلا بلهفه- والوليد جى؟؟
ام سلطان- ..والله مدري ...توهم الحين ..وصلوا ...حتى مادخلو ...المجلس...
نجلا- انا باقي شوي ..واوصل ....
ام سلطان- لايسرع راجو....ياميّ...
نجلا- مايسرع ياخالتي ..مايسرع ...
سكرت ..نجلا ..وهي ..تفكر ..وفرحانه ..الدنيا ..اليوم بتضحك لها ...اخوها ...وبتشوفه ...والوليد..
صار ..مالك ..الجسد والروح...
واليوم ...بتقول له ..انه ..هو الي تبيه ...وهو ..الي ..بتعيش العمر وياه ...
وتبي تطمن اخوها ...وتخليه يشوف ...الي ..نبض ..قلبها بحبه ...
تبي تشاور عليه ..بكل فخر ...واعتزاز ...
وتقول
هذا ...الي ..له القلب ..يوله ...ويشتاق
هذا ....الي ...له ...الجسد...
بيسلّم ويستكين

............................................................ ...
يسوق وفكره ..شاغله ....كان يبي ..اليوم ...يجي ...ويشوف ..عيونها .. ..لما تشوف سعد...
.انشالله يلحق ...ماصدّق ..خلص...وتحمم وغير لبسه بالمزرعه.....وجا طاير ...
..ماباقيله شي ....اقبل على قصره ...ودخل من البوابه ...الرئيسيه ...
شاف ...سيارة ..طلال...ومعهم ليموزين .... قطب حواجبه ...
هدى شويه ...شافهم لسه ..مانزلو..لبّق السياره ...
نزل....مع نزولهم ...
طلال شافه- حياكم ....حياكم ....
احمد- اعذرني ...يارجال ...والله الاهل .مسوين لي عشى ...
طلال- دام كيذى ...الله يسهلّك...
احمد ناظر سعد- يلا فمان الله ....ساعه ..ساعتين انا جاي بسيارتك...
سعد-...تسلم ..
جى احمد....بيركب ...وانتبه ..للوليد ..يقرب منهم ..
الوليد- هلى وين يالضيف؟؟
ابتسم احمد وقرب يسلم عليه وهو مايدري ..من هو ...
احمد- والله الامانه ..وصلتها ....بروح عاد للأهل ....
الوليد- انت احمد..؟؟
رفع احمد راسه- ايه .. ؟؟..من معي ..؟؟ماعرفتك؟؟
الوليد مد يده ...- معك الوليد...!!!
يوم قالها ...التفت ...سعد وطلال ...عليه ....طلال كان يراقب ..وجه سعد ...ولاحظ ارتباكه ...
وسعد بسرعه التفت ..لطلال..وبعيونه ..سؤال واعتذار ...
طلال ابتسم- وانت عطيتني فرصه ...؟؟؟انا طلال اخو الوليد...من جهة الوالده...
سعد شاف الوليد يعرج ...ولفت نظره ترحيبه الحار بأحمد....
راح احمد...وقرب الوليد منهم ...وابتسم بوجه سعد ...
الوليد- حيالله ...النسيب ...الغالي؟؟
سعد ..ابتسم ..بحقران- لو سمحت ..ابي اشوف اختي ؟؟

وقف الوليد ...وجمد..من اسلوب سعد ...ونظراته ....ناظر طلال ...ورفع طلال ..حواجبه ...مستنكر ...بدون مايشوفه سعد...
الوليد- حمد الله على السلامه...ياسعد...
سعد زم شفايفه ...-..الله لا يسلمك على الي سويته ...
انتبه الوليد ...ان ..يعقوب ...فيه ....وهاذي امور عائليه ...
الوليد- تفضل ...ادخل ...ولك الي تبي...ولا راح يكون خاطرك الا طيّب...
لف سعد ....مع طلال ....وتقدموا الوليد....الي كان يناظر ..ظهر سعد...
وشكل ..خوفه بيتحقق...
............................................................ ......
دخّل ..طلال سعد المجلس....ورجع بسرعه للوليد ...يعلمه ...بالكلام الي سمعه ..من سعد ...
شد الوليد شفايفه ...- غريبه...!!
طلال- المشكله ..يالوليد....يوم ..بغيت اقولّه ..اني اخوك....قال ...عرف ...انت اخو الي شارينا ...وكان بيناسبنا..!!!
شد الوليد على عصاه ...واول ..ماجا في باله ...سلطان!!
غمض عينه ...ولسان فكره يقول
بتروح ..عنك اليوم ....لانها مو مضطره ...تقول احبك!!عشان ..تعيش...اليوم ..فيه سندها ...ولو صدق ...حبتك؟؟وتبيك؟؟بتعرف ...من تصرفها ....اليوم ..!!
و.محد راح يقدر يفرض ..عليها أي التزام...
تحرك الوليد بضيق...
الوليد- بروح اتكلم معه ...الحين ...
طلال- خلاص ..اجل انا بروح...واخليكم تاخذون راحتكم...
مارد الوليد لان باله مشغول....
راح طلال.....ودخل الوليد ...بيروح ..للصاله ...قابل ....ام سلطان...
ام سلطان- حيّ الله الغالي...وينك...؟؟يالوليد؟؟؟من الظهر واحنا ندق عليك؟؟
الوليد تقدم وباس راسها- والله انشغلت ...بالاسطبلات ...ونسيت الجوال بالمكتب ....ولّموا ...القهوه ...اخو نجلا ..عندنا...
ام سلطان- ييييه..وهي ضعيفه ..رايحتن له ...
قطب ..حواجبه- راحيتن له؟؟
رنا- ايه ...دقت عليك ..وانت ماترد ...وارسلت لك رساله..
ناظر رنا ..بهدوووء...ولارد عليها ...لانه من ..سالفة المزرعه ..وهو مايكلمها ....
نزلت رنا راسها الارض...
ام سلطان- دقت هي على ..بنت جيرانهم ...وعلمتها ....الظاهر ..اخو هالبنت ...كان مسافر مع اخوها....
الوليد بنرفزه- دقوا عليها طيب ...جوالي ..مب معي ...!!!
ام سلطان- بتجي ..وانا امك...بتجي ...
الوليد- ومين بيجيبها ..؟؟لا يكون ...رايحتن لحالها ؟؟
ام سلطان- لا ..ياوليدي ...رايحه ...مع ماريتا ...
رفع يده يشوف الساعه كم ...
الساعه1
الوليد- اول ماتجي ...نادوني ...؟؟!!
ام سلطان- ابشر ...انشالله ....وسع صدرك ...وانا امك...
ابتسم الوليد منحرج منها ...لتعصيبه...بس ماينلام ...
كل ..عصب فيه متوتر ...وهلكان...
الوليد- بروح انا للرجال ....
لف وتركهم ....رنا رقت بسرعه ...وهي ضايقه ...ماتدري متى اخوها بيسامحها ...ويغفر لها ...؟؟
ان كانت صاحبة الشان ,,,رضت !!ليه ..مايرضى ؟؟؟
......................
دخل الوليد ...على سعد ....
جلس مقابله ....وهو كله اصرار ..وتصميم ...انه ..يعرف ..وش سبب ..هالكلام ...الي قاله ...
سعد كان يناظره ...ولاقدر يسكت ...فيه ..بركان ..يغلي ...-.. نجلا وين؟؟
الوليد- بتجي الحين ....سكت ...وناظر سعد بتركيز ...
الوليد بصوت هادي- ممكن اعرف ...ليه ..تتكلم معي بذ الاسلوب؟؟
ماتوقعتك ..تقابلني ...بالطريقه ...الي اشوفها؟؟
.....................................
وصلت نجلا ....وبسرعه .....نزلت ...وفرحت يوم شافت ..سيارة الوليد ....دخلت ...وهي ..تحاول تسابق الريح ...
ام سلطان- اشوى !! جيتي ...اشغلتي ..بالي ...يابنيتي..؟؟
نجلا انفاسها تتسارع ...والدمعه ..تنذر وتهدد...تقول ..وينه ..؟؟سعد!!
نجلا قربت وابست ..راس ام سلطان ..وبفرحه ..وشوق..-الوليد وسعد وينهم؟؟في المجلس؟؟تتكلم بسرعه ...وياّله تجمّع ..نفس...
ام سلطان مبتسمه- ايه يميّ ...في المجلس ...لحظه ..خلني .....سكتت ...ماعطتها نجلا فرصه ...وراحت ركض ...لهم ...راحت ..تشوف السند ...والعضيد...راحت ....تسقّي..العين ...وتطمنّها ...
ام سلطان- شوي شوي ..يانجلا لاتطيحين!!
........
سعد – وش توقعت مني ...بعد ..ماغصبت اختي ..تاخذك؟؟؟وش تتوقع مني ..بعد لعبك على ابوي الله يرحمه ...ورسالتك الي راسلها ...بأسم سلطان!!!ياحيف!!ياحيف!!والله ...هز سعد راسه ...
الوليد بجمود- ومين قال اني انا الي راسلها؟؟؟
سعد- ومين الوحيد الي كاشف ..كل الاعيبك؟؟اخوك ..؟؟الي ماقصر معي...
الوليد يحاول ..يمسك ...اعصابه..ويحافظ..على هدوووء..لهجته..-.انا ماارسلت ..رسايل ..لأحد!!ولا غصبت ..نجلا ...على شي...انا كنت مضطر!!!اني اسوي ...الي سويته؟؟؟!!!!عشان ابوك ..الله يرحمه..!!
سعد ..بصوت ..بدا يعلى -. كثر منها..!!!.الحين انا ..جيت ..وان كنت تظن ان ..مافيه احد يوقف في وجهك ...فأنت غلطـــــــــــــــــ....وفجأه


تشابكت ....عيونهم ....لحضات...
تبادلوا ..فيها ...اجمل ...كلام....
واعذبه...

تصدق اشتقتلك!!
أنا أعترف
بعدك حياتي ترتجف
تايه وحيد
أصيح باسمك وارتجف
في كل شي أتخيلك
ومهما تغيب
عندي أمل
بكره تجي
وبكل شوق
أستقبلك
رد..لها النظره...ومعها ...رسالة شوق..
عليك قلبي يا مني الروح مذبوح
الشاهد الله ما نسيتك ثواني
يلي فراقك حط لي هم وجروح
وأكبر مصيبة عشتها في زماني


دخلت نجلا..عليهم ...وعيونها ...تعاتب...ومشتاقه...
سعد رقت ملامحه ...ولمعت عينه ..- هلا ..بوخيتيّ...
نجلا..ماقدرت تمسك ..عيونها ...عن هل الدمع....وانسكابه...
نجلا برجفه..وعبره....- وينك ياسعد؟؟؟راحت له ...وخذت يده ..وباستها ...مره ...ومرتين ..وثلاث....
مسك راسها ...وباسها..على جبهتها ...
سعد- لا تصيحين ...خلاص...انا جيت ...عشان ..هالدموع ...انسيّك اياها ...
نجلا بصياح- يوووووه...ياخوي...وحشتني.....حركت يدها ...
نجلا- وش صار لك؟؟؟والتفتت للوليد ...الي كان يراقب ..كل ..الي صار ...
نجلا- ليه ماقلت لي؟؟؟انك عارف ..وينه؟؟
رجعت ناظرت سعد ..وهي تذكر سود الايام الي مرت عليها ..وهو مب فيه...وتصيح بنفس الوقت ...
نجلا- شفت ابونا ..مات ياسعد؟؟؟
سعد برجفه- الله يرحمه ..ويغفر له ...
نجلا- لا ورقمك ..خذاه مني ...ورماه...ولاقدرت اكلمك.......سكتت وغطت ..وجهها ..بيدها ...
سعد- الحين ..راح الله ..يغفر له ...ويسامحه......مسك يدها ....وقعّدها جنبه ...
سعد- خلاص يانجلا ...صدقيني لو ..ماتعبت ...كان ...ماخليتكِ ....تتزوجين ..غصبن عنك!!!!قالها وهو يناظر الوليد....
رفعت راسها ...تبي تقول ..وتتكلم ....هذا النصيب ....وهذا الي ابيه....
نجلا- بس ياخوي...
سعد- لاتخافين ....كل شي بيتصلح...والخسيس..هذا بيطلقكِ!!!
فتحت نجلا عيونها ...ورفعت يدها ...لشفايفها ....يوم سمعت الوصف ...الي ..وجّهه..سعد للوليد....
الوليد بهدوووء اكبر- احفظ ..لسانك ياسعد!!!
سعد- وليه ؟؟؟هذا انت! وهذا الوصف الي يطلق ...عليك!!!بعد الي سويته!!!
نجلا برجفه- لا ياسعد!!ليه هالكلام!!؟؟
سعد التفت لها ...لانت ملامحه..-...لا تخافين ..يانجلا ....الحين ...فيه ...سندكِ...وفيه الظهر ...الي بيشيلكِ...لين يموت...!!
نزلت ..دمعه ...منها...وعضت شفايفها ..لكلامه ...الي وحشها...
نجلا- الله لايحرمني ..منك....بس؟؟الوليد..ولفت راسها ..تناظره...لقت عينه ...على سعد ...رجعت عينها لأخوها...
نجلا- الوليد في الاول....قاطعها سعد...
سعد ابتسم ...بحقران- لعب عليكِ؟؟الوليد ..راسل رساله ..لبوي ...يوم ملكتكِ...
الوليد..توترت اعصابه...نجلا ماتدري ..اصلا عن الرساله ...وحياتهم ..توها تبتدي ...والمصارحه ...الي المفروض تتم بينهم ...ماصارت!!!
سعد- وبأسم سلطان!!!
رفعت راسها ....وناظرت سعد .....وهي تحس بضيق ..لكلامه ...ووصفه ...لحبيب الروح....
مسحت دمعه...متحدّره بيدها...وبكل ..ثقه- الوليد ...مستحيل ..يسويها!!..
ناظر الوليد نجلا ....وسمع ...اللهجه...الواثقه ...الي صبغت كلامها ....
رجفت يده ...بدون ..مايلاحظ احد ...
سعد مستنكر- ..انا متأكد ....سلطان هو الي قالي؟؟؟
رفعت حواجبها ...ياذا السلطان ..الي ناشب لها في حياتها ....
نجلا- آه...وسلطان ..وش يدريه؟؟؟
سعد- هو الي ماقصر معي ...يوم درى ..بالي صار لي ....وقف معي وقفة رجال...وعرفت ..منه ...انكِ ...انغصبتي ..على اخوه....وانا جاي ...وابيه ..يكون ..رجال...ويطلقكِ...وان كان ولد ابوه ..يسويّها!!!
نجلا...رجفت شفايفها ...وشافت ..الوليد ..بدا يفلت اعصابه ...ناظرته بتوسل ...
شد على. نفسه..وكتم ...الكلام الي ..بيقول ...وغيّره
الوليد بجمووود- ماني ..مطلق!!!!وانا ..رجّال..غصــــــــــ....
ناظرته نجلا برجى و...سكت ...
سعد تنرفز ..من غروره ...وشوفة نفسه- ...ان كنت..
نجلا بتعب- سعد!!!ياخوي ....الوليد ....ماغصبني....!!على شي ...وبعدين .....أشرت على صدرها ....
نجلا- انا عارفه ...الرساله ...وش فيها ...ومصدقه الوليد ...و...وواثقه فيه...!!
رفع الوليد راسه ...وناظرها ....وكلامها ...يسطّر ...اجمل ..معاني ..الفرحه ...بأوراق عمره ...
استغرب سعد ..كلامها ...توقع ...كلام ثاني ....ورجى غير ...
سعد- الرساله ..وتدرين ..عنها ....؟؟والاشياء الثانيه؟؟؟ناظر الوليد...وكمل
سعد- تعرفينها ...؟؟!!
نجلا..رفعت عينها لأخوها ...ولفت ..تناظر الوليد....شافت ..النظره ..الي تكرهها...بعيونه ...وحسّت ..برجفة يدينه ...ورجواه...
قبل ..ماكانت تفهم؟؟!!لكن ..الحين ..غير!! ..كل ..حركه ...يسويها ...تعرف ..معانيها ...وكل نظره ...تدري ..بفحواها....
سعد رفع حاجب يكلم الوليد ...-..علمّتها؟؟ياسيد الرجآل؟؟
ابتسم الوليد ...لكلمته ...ابتسامه ماوصلت عيونه-..قول الي عندك!!بدون مقدمات...!!كان عارف ..سعد يلمّح ..لأيش...تذكر احساسه....يوم ...كان يستنى ...راي ..نجلا ...وموافقتها ..عليه ...نفس ..المشاعر ...وقوتها...
لكن ..الرجى ...غير ...والاماني ..شي ثاني!!
سعد ناظر ..اخته...وبهدووووء.- ماودي وانا اخوكِ...الكلام هذا يطلع مني...بس انتي ..عندي غاليه ...وكل شي ..عشانكِ يهون..!!
نجلا بنظره تايه..وخوف من المجهول...-..وش فيه؟؟
عيون الوليد ..كانت ..على يده الي ماسكه ..عصاه...
سعد بينطق....لكن الصوت ..الي ..سمعته ..كان للوليد...
الوليد ...بجمووووووود- انا عقيم!!!!!
ارتجفت ...وانتفض ...فيها ..كل احساس....تدرجت ...نظراتها ..للوليد...عضت شفايفها ....وتجمعت عبرتها ...اكثر ..واكثر...مو للي سمعته...لأ...ماكانت تتمنى ..سندها...يحط ...حبيبها ...بهالموقف...الصعب...
بلعت ريقها ...وابعدت عينها ..وتلاقت نظراتها ...بنظرات سعد...الي ...باين عليه ..كاره الموقف ..من اساس...
نجلا..تركت ..دموعها ..تنزل ...وتكلمت ..بصوت ..حاولت . تبيّن...فيه ...جديتها ...وثقتها..
نجلا- انت اخوي!!..وعيوني ..الي اشوف بها ...واغير مساري..لا تعثرت.....وانت ..غذى الروح...يعني ..بدونك مااعيش... ..
جمدت ..كل عضله بالوليد....ونبض ..عرق نابض...بحبها...يستجير...!!!
مسك سعد يدها ..الي ترجف...
كملت نجلا...وهي تشاور ..بنظرتها للوليد-..وهذا ...زوجي ...والهوى الي اتنفسه!!..
رفع الوليد راسه ...يناظرها ..وعينه ..ماترمش....كملت نجلا...

نجلا وهي تتعبر-......يعني ..كلكم الاثنين ...مااقدر ..اختار بينكم...ولا اقدر استغنى عنكم...والكلام ..الي قلته ..قبل شوي. ياخوي.....يخصني ...انا...وياه...وبس....
كانت خايفه ..من رد فعل اخوها ...بس ..هذا ..سعد؟؟!!العزيز الغالي ...الي رباها ...وعارفها ...
لمحت ..طيف ابتسامه ...خفيفه...وانشرحت اساريرها...
سعد عينه عليها ...ولسان فكره ...يقول..
يابخته فيك ..حليله ...ويابختي ...فيك...اخت!!
سمعو نقره خفيفه على الباب...جت نجلا ...بتقوم....
الوليد...شد نفسه وقام..وبدون مايناظرها-اقعدي ...انا بروح...
راح...ولو قعد ...ماراح...يقدر ...يفترق عنها لحظه...وبعد الي قالته ...وسمعه...
لو ايش؟؟ماراح يسمح لجنس مخلوق...يبعدها...!!
سعد بصوت مضطرب يقرب للهمس-...بس انا مازلت ..ماني واثق...!!...ابيك تقررين ..بعيد عن أي ضغط!!عشان كيذى ..تعالي ..معي...
نجلا...ارتبكت ...يعني ..مازال ..بيحاول ...يبعد الوليد..
سعد برجى- قدري ..خوفي ....وامهليني...وانا اخوكِ...
......
ام سلطان-..وراكم يابوي ..ماخذتوا...القهوه...؟؟المره ..تاركتها من اول ؟؟؟
الوليد يحاول يبتسم..- ماانتبهنا ..لصوت الباب...
ام سلطان- وش فيك ...؟؟وجهك مب عاجبني ..اجل اخو نجلا ..فيه شي؟؟
الوليد ابتسم هالمره- لا مافيه ..لا تشيلين هم ...بس تعبان ...لا قيّلت ...ولا ارتحت...
ام سلطان- اييه ...جيت يابوي اقولّك...فيه واحد عند البوابه ...يقول اسمه احمد ..ندخله؟؟
الوليد- ايه ..هذا خوي سعد...
ام سلطان- والعشى ..؟؟
الوليد- يمكن معزوم ....دخلوه ....وبشوف الحين ...
ام سلطان- احل يابوي لا راح ...ارق ..وريّح...
الوليد- انشالله ....ولف راجع...
اقبل عليهم ...وعيونه ..تدورها ...تلاقت لحظه النظرات ... ...
الوليد- نجلا ادخلي ...بيدخل احمد...
سعد رفع يده- لالا ...بنروح...تغيّرت ...لهجته...وحس انه..متلخبط....الي توقعه غير ...والي شافه ..غير ...
التفت الوليد لها ...وبصوته...الي ..يبعث ..فيها...كل ..رجفه..
الوليد- بتروحين؟؟؟!!
نجلا..وهي ...مركّزه..نظرتها عليه ...تبيه ..يلمح...الشوق...واللهفه...
نجلا-..بعد اذنك اكيد!!
سعد...كان يراقب ...كل شي يدور بينهم ...وخر عينه ..عنهم ...وقام...
نجلا أشرت بشفايفها ...بدون صوت...
نجلا- احبك..
الوليد غمض عينه ...موافق وهز راسه- روحي...مع اخوكِ...روحي...
سعد- يلا ...اجل استناك...برا....ناظر الوليد....وكمل..
سعد- فمان الكريم...
الوليد- مع السلامه...واجبك ماقمنا فيه...يابو محمد..
سعد احتار وش يقول..تحركت عيونه لنجلا ...ورجعت للوليد-..اعتبره وصل!!....قالها ...وطلع...من المجلس..
بعد ماطلع سعد...خذت نجلا منديل ..ومسحت دموعها ..وهي مُدركه ان الوليد يراقبها ...
الوليد بهدوووء- يلا استعجلي ...اخوكِ يستنى!!
ابعدت نجلا طرحتها ...ومسكت عبايتها بيد...وقامت ...بتروح...بس..وقفت ..قدامه...
ناظرها ...وناظرته...
الوليد بدون شعور- نجلا انا مااجيب عيال!!!
نجلا برجفه-..احبك!!ومايهمنّي!!
الوليد- ومافيه امل!!!
نجلا بهمس– وبستمر...احبــــــــــك... !!
مسكت يد الوليد ...الي ماسك فيها عصاه....وضغطتها ...
نجلا..- عرفت وشهو الشعور ..الي يحتويك...؟؟لما الكل يشك ..فيك...؟؟؟وخصوصا الي ..تحب ؟؟ولما...مايصدق ...اي ..كلمه تقول؟؟؟تحس بغربه ..صح؟؟؟وحتى وانت ..وسط اهلك وناسك ...وعايش بديرتك..؟؟
ماكنت ابيك تحس فيها ...لاني ...طول ..الايام الي راحت ...وطول ..فترة الشك...الي ..حاصرني ...منك!!..كنت احس ..بهالشعور..
وانا ..لأني ..احبك!!عطيتك كل ثقتي...
.........................................
احمد- هااه خلصت؟؟
سعد- ايه ...الله يعطيك العافيه ...بس اصبر شوي ..نجلا بتجي...!!خلني اروح...اقولها تجيب معها لبس ...يكفي...لحظه شوي ..
.ورجع ...مره ثانيه ..
............................................................ .......
الوليد...بهمس- يمكن تندمين..؟؟
نجلا بلهفه وهمس-..انشالله ..مااندم...!!...سكتت....وقربت اكثر ...
نجلا...برجى ..- وبعطيك كلّي ..لو تبي...بس ثق فيني؟؟؟
ترك عصاه ...ومسك كتوفها ...
لمحت نجلا ...نظرة ...عدم ...الامان ....مره ثانيه ...تبي تمحيها ..من ..محيّاه...
الوليد- وانّ......تــــــراجعــــــــ....
قربت منه اكثر ..وشدت نفسها له....حطت راسها على صدره ...وسمعت نِدى...قلبه ...ولبّت...
حست برجفته ...
حضنها الوليد ....وهو مو مصدق ...وحيييل...ولهان...
نجلا..ضمته...اكثر-...الله لا يحرمني منّك...ويخلّيك لي...
.....................................................
رجع سعد....لأحمد....
احمد-سعد؟؟سعد؟؟
سعد....بعد الي شافه وسمعه ...مايحتاج أي برهان ...
سعد- نعم؟؟؟...
احمد- وين رحت ؟؟؟اناديك ...ماترد..
سعد ..التفت ...للمكان الي جا منه ...وانرسمت ابتسامه...
سعد- يلا خل نمشي ..
احمد- واختك مب جايه ..؟؟
سعد- لأ ...يمكن تجي بكره ...
ركب السياره ...هو واحمد ....وطلعوا من القصر كلّه ....
............................................................ ...........................
ابعد يده ..عن خصرها ...ومسك وجهها...ناظرها بشووووووق.......لمس بأصبعه... شفايفها ....
وحس ...بترحيبها ...والقبول....
^_^
تنهد وابعدها ...بشويش....
الوليد بأضطراب- اخوك ِ يستنى....
نجلا احمرت خدودها ...ابعدت عينها عنه ...ووخّرت.........
الوليد- روحي ...خذي لكِ لبس....
نجلا منحرجه- ...عندي ملابس هيناك ....تشاغلت ...بلبس غطاها ....
نجلا بحرج ...وبسمه مابانت ..من تحت النقاب- مع السلامه...
الوليد يناظرها بشوق...-..مع السلامه...
طلعت . وهي ...ماسكه ..قلبها ...لا يطلع من مكانه..وانفاسها ..كانت...تغرّد....بأسمه ..من الفرح.....
.............................................
دخل الوليد ....مالقى ...احد .....
راح للمصعد ....ورقى ....
دخل جناحه .....وفكره ..معها ...ومع ..احساسه ...الي انخلق .وانوجد....بقربها .....
وثوقها ...فيه....وكلامها ...عنه..عند سعد...اضاف...لمشاعره....
طعم ...ثاني...ومع كل هذا ....اجتاحه...شعور الاحباط....
خذى ...له غيار ....ودخل الحمام ...
نجلا ..تلفتت ..هينا وهناك ...ماشافت احد ....سمعت ..صوت ..يعقوب
يقوب- عمتي؟؟تامرين على شي؟؟
نجلا بسرعه-..وين السياره الي كانت هينا؟؟
يعقوب- من شوي راحت ...
نجلا- راحت؟؟متأكد؟؟
يعقوب- ايه ..عمتي ...توها ماشيه ..؟؟ليه ؟؟عمتي فيه شي؟؟

نجلا- لآ..مافيه ....شكرا...
رجعت ....بسرعه ...وهي مستغربه ..وين راح سعد؟؟يمكن اقتنع ؟؟غريبه!!
دخلت المجلس مالقت الوليد....قفلت الباب ...وفتحت عبايتها ....سكرت الانوار ...وراحت ..داخل ...
شافت سمر ...نازله من الدرج ...
سمر عيونها من النوم متنفّخه..-....وش عندكِ...ياسحاحة الليل؟؟
نجلا..ضحكت...- ضفي وجهكِ...؟؟يالمنفّخه..!!
سمر- روحي ..شوفي ..كحلكِ ذا الي ..يروع....وبعدين تعالي ...تكلمي...
نجلا- يوه ..!!اهبل صح؟؟
سمر- ماخذه في نفسكِ مقلب ...
نجلا – كيف الحمى ؟؟
سمر- ياكرهي لها !!!..انتي الي تطيحين في المويه ....واحنا الي نمرض!!!
نجلا بمزح- مالت عليكِ...توني ..اشم العافيه!!..وخري بس ...وخري..!!
مرت ...نجلا ..من جنبها ..وهي تضحك على شكلها ...وجا في بالها ...شغله ...
رجعت التفتت لسمر
نجلا- سمر حبيبتي؟؟
سمر- ايه ايه ...وش عندكِ؟؟
نجلا رفعت يدها تأشر- ابي ...ابي ..اغنيه ...كيذى ...تتكلم...عن ؟؟يعني ..تقول ..مثلا ..انا ..جيتك...او ..بجي عندك..او..
سمر- بس بس ..؟؟حشى ؟؟إف إم؟؟
نجلا- تكفين عندكِ؟؟
سمر- والله فيه تطورات ...وانا مادري؟؟؟
نجلا- ياعمري ..والسخونه ..خلّتكِ..في حالكِ؟؟؟عشان تدرين عن شي!!؟؟
سمر- وانا اقول ..اخوي وراه..مستخف...هبّلتي ...فيه؟؟
نجلا بضحك– هااه بسرعه..!!
سمر تفكر- الا فيه ...حقت تركي ...نسيت الناس ...تعرفينها؟؟
نجلا بسرعه- ايييييووووووووووه!!!!!!عندكِ؟؟
سمر- ايييه ..بس ماني جايبتها؟؟
نجلا – يانحسكِ...امشي معي ..جيبيها؟؟الله يخليكِ؟؟
سمر- اف....اف!!!منكِ.....ناموا!!!ناموا!!لاحقين ...على قلة الادب!!!
دزتها نجلا من كتفها –استحي!! ...استحي!! ...عيب!!ابغى اكتب كلماتها ...يالشينه!!!
سمر ببرآه- انا قصدي ..في قلة الادب ..لاتسمعين اغاني وتزعجين رنا..مب جنبكم هي...؟؟
نجلا- لا والله؟؟؟!!اصلا ..انا ابي اكتب ..كلماتها...وبس!!..ماني مشغلتها ...وربي ..نازل ..لسمانا..!!
سمر- ايه!! قولي كيذا...؟؟؟وش ذنبي ..لاصار تفكيركِ غلط؟؟!!
نجلا- ارقي ...ارقي ...عطيني الشريط...
راحو لجناح ...سمر ...دخلت الحمام ...تغسل وجهها ...ورجعت لقت سمر ..مطلعه السي دي ...
خذته...وطلعت ...لجناحها ....وقلبها يرجف...
دخلت ...بشويش...وسكرت الباب ....مشت على اطراف اصابعها
تلفتت ..ماشافته ...سمعت صوت المويه بالحمام ...عضت على شفايفها مبتسمه ...وراحت لغرفة الملابس...
واول ...ما شافت ..
قميصها ...لبسته ...وتعطرت ...نفضت شعرها ....ودارت ...تشوف شكلها ...ابتسمت بمكر ...قدمت من المرايا ..حطت قلوس وردي ...وابتسمت ...طلعت ...وراحت ..للغرفه الي ..انوجد لها ....فيها..
ذكرى...جلست على الكنب ...الي ..ينام عليه الوليد....تشاغلت ...بتشغيل ,,التلفزيون.....زلا سمعت ..باب الحمام يفتح...


وقف ..عند باب الغرفه.....وناظرها ...وكأنه يحاول يرسمها رسم.....وكل شوق ...ولهفه ....وفرحه بعد ...بانت على رسومه ...
الي ..تشلّ النفس شلّ...
الوليد- ليه ..مارحتي؟؟
التفتت له
وتراقصت ...رموشها فوق الهدب ...وتكحلت ...عينها ....بنظرته...
نجلا بهمس- هذا بيتي...وهذا مكاني...وهينا تاج راسي..
الوليد رفع حاجب-..تاج راسكِ ...؟؟سعد ..ماراح اجل؟؟
قطبت حواجبها ...- الا راح؟؟
الوليد- غريبه ...داخله ..هينا ؟؟تكرهين هالمكان انتي؟؟!!
نجلا بلؤم...مثل ..خباثته..دارت عينها بالمكان...- ومازلت اكرهه.....سكتت ....
وخر عينه ...بالقوه ..عنها ....ومشى لين ...وصل ..للتلفزيون...سكره.....والمشاعر ...تتضارب...مابين شوق...وضيق ..من انكشاف ...حالته ...بهالطريقه ....قدامها...
جيتها ...لعنده......دليل...لأستسلامها....
بس مايدري ..هو حب ..ولا رحمه..وعطف...
لاحظت هدوئه....وزاد توترها ...
نجلا- الوليد؟؟ايش فيه؟؟
الوليد بدون مايلتفت لها ..-..روحي يانجلا ...وفكري ...زين ؟؟!!انتي ..بكيذى تحرمين نفسكِ...من جنة الدنيا...