|
طبعاً أنتي عاااااارفة يا طيوفه أنك مبدعة ماااافيها كلام الله يوفقك ع هالبارت الأليم
شفت رد إرادة ولقيتها قالت اللي بنفسي :55:مشكورة إرادة بس أتوقع عوق مااااراح تنسى كلمته وأهانته لها وهو حتى يدعي على اللي كانوا السبب بخطبته لعوق :8Pp04714:كلامه هينا مؤلم جداً وأتوقع أنه يعاقب نفسه لأنه كااان وده بالسفر مع عوووق وكان مصر عليه وأنه ابتعد عن أمه وأنشغل بحبه لزوجته وفرحته فيها وأنه وده يختلي فيها بعيد عن الكل وأكيد يعاقب نفسه أنه يحرمها من زوجته لأنه حبها وفرح فيها وأبتعد عن أمه بأخر أيامها ولو يوم واحد وأيضا يقول بنفسه عوق هي السبب في رجعتنا بدري والا كات ماتت أمي وأنا بعيد عنها يعني يجلد نفسه بسوط قوي وهو حرمان النفس من الشي اللي تحبه طيييييييييييييييف يعطيك العافيه متى البارت الجاي تكفين لا تتأخرين الله يخليلك الوليد وأخوانه |
السلام عليكم و رحمة الله و بركاته
مساء الخير و الرضا من الرحمن أبدعتي يا أم الوليد تسلم الايادي يارب ========================= (( زياد و عوق )) بداية حياة صعبة بينهم يمكن لإن وضعهم حساس جدا و من أي كلمة او ردة فعل يتأثرون .. و للأسف أن اللي مروا فيه أول ايامهم أثر عليهم حيل و خصوصا زياد اللي بعده شايل بقلبه من عوق و ذاكر كلامها .. و بعد أن عوق ما عرفت طبع زياد عدل عشان تعرف كيف تخفف عنه حزنه .. بس هي بنت الحلال سوت كل شيء تقدر عليه و مو عيب ان الزوجه تطلب مشوره من اللي أكبر و أعرف منها .. بس زياد أخذ الوضع بحساسية و انفجر مثل ما هي انفجرت باول ايامهم بس كلامه جدا قاسي بــ حياتنا أنا اشوف الوالد الله يحفظة و لا أخواني إذا عصبوا أو تضايقوا نسوا كل خير صار و ما يذكرون إلا الشين و كلامهم يكون قاسي يمكن لإن قلبوهم ما تحكمهم بعكس الأنثى حتى لو زعلت و تضايقت يبقى قلبها يحكمها و عاطفتها تسيرها لأن لو لاحظنا كلام زياد لــ عوق و قساوته .. و كلام عوق بينها و بين نفسها عن زياد كيف كان ... اتمنى انها سحابة صيف و تعدي ... عوق عندي إحساس أن تعبها و عيونها الغايرة أنها حامل و هذا زاد تعبها فوق ما هو نفسي ... سلمتي يا أم الوليد .. .. .. |
السلام عليكم طيوف
بصراحة ما ادري شاقول الله يسامحج رشيتي الملح على الجرح اللي ظنيته مات خليتيني انام وانا حاقدة على اول سنة زواج كتبتي اشياء لو انج معاي ما ظبطت معاج هالكثر بس قعدت الصبح على احلى صباح الخير ممكن احد يصبح احد فيها(بسج نوم العيال كلهم قعدوا قومي سويلنا ريوق) لا تضحكين والله انها احلى صباح الخير مرت علي لانها باختصار رسالة ان انا عايشة بسعادة بين زوجي وعيالي والحمدلله ماطعت الشيطان بهذاك الوقت ولا جان انا ماعرفت معنى السعادة ولا شفت احلى عيال بهالكون فاسمحيلي اشكرج انج فتحتي الجرح علشان افتح عيوني عالسعادة اللي انا فيها واتمنى ان عوق تفتح عيونها عدل وتشغل مخها الكرامة تنصان هذا مفروغ منه وانج تادبينه انا معاج وانج تخلين له البيت وتقعدين عند امج ماييدتج امية بالامية بس الطلاق مو حل بكل بساطة لان مالج عقب عين امج الا زوجج فخلي الطلاق بعيد حتى عن ابعد الحلول والوضع اللي انتي فيه اعتبريه فترة راحة لج وله اذا اهو تحمل انفجارج فيه اول اسبوع بزواجكم انتي لازم تتحملينه لان الرجال مو مثل المرة ,صبره قليل ولسانه سباق بالكلام الجارح بس خل يهدى والله ليندم واعتقد بما اني مجنونة بحب زوجي الله يصلحه ويهديه باوقف بصف زياد طمعانة يكون مثل الحبيب وقت العصبية ما يشوف جدامه ولا هدى قال شالسالفة ليش قالبة البوز (طبعا يقصد اسف بس كعادة الرجال ما يعرف هالكلمة وانا قطوة ميتة بخناقها) اتمنى اني ما طولت ولا اني خالفت بالرد<<فيس مدمع يطالع صبوح برجاء وهو عارفها مايهزها شي وختاما زاد حبي لج بهالبارت طيوف عسى الله يحرم كلج ومن تحبين ويحبج على النار........نمورة |
اقتباس:
صحيح زياد بدى يحس با اليتم الحقيقي وماهو شرط ان كلام الزوج بلحظة غضب هو الكلام الي في قلبه لزوجته ما اقدر اسهب با الرد معاك اجيب العيد بنشوف وش راح يصير با البارتا ت القادمه اسعدني مرورك وتحليلك الراقي |
مسائك هدوء وراحة بال
ام الوليد ابدعتي الله يعطيك العافيه ابد ماتوقعت تكون ردة فعل على واسطة اخته بالطريقه هذه من جد جرحتها وش الذنب اللي ارتكبته البنيه عشان تثور عليها وتقول اللي قلته صدك عنها المده هذه ماكان حزن على امك لا عشانك تشوفها وجه نحس على قولتك يعني انحستك وموتت امك هي ! الموت بيد ربك وهذا يومها وهي كانت تعبانه من قبل هذا وانت رجال مصلي ومسمي وتعرف ربك وتتشأم من زوجتك والله حرام عليك وشلون بترقع الحين وكيف بتتصرف جالسة عوق عند امها اكيد راح تعرف امها بقصتها حتى لو هي ماقالت نست ان زياد صديق نايف قريب ام ابراهيم واذا طولت قعدتك عندها راح تسأل ويمكن هو يرجع من نفسه اذا حصل وكنت حامل بس عاد الكره راح تكون في ملعبك ادبيه ياعوق وخليه يعرف يوزن كلامه تسلم أناملك وجعل ايديك ماتمسها النار |
| الساعة الآن 06:24 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية