سبحان الله والحمد لله ولا أله ألا الله والله آكبر

الجزء (7)
حاولت ان اسيطر على مشاعر تأنيب الضمير ولم افلح صورتها بوجهٍ باكي على الرغم من كوني لم أرها باكية وملامحها لم تثبت في مخيلتي بعد
ولكن الصورة الباكية لفتاة بمثل استدارة وجها سكنت كل تلا فيف دماغي
أحاول طردها
وتعود
هربت منهذه الصورة الى أوراقي ومشاريعي ولم افلح في طردها
قررت أنام وتقلبت على سرير اشتعل بالجمر واتقدت النيران فيه
ماذا افعل أي جنون ما أنا فيه
قررت أن انهي الموضوع فهذه النيران التي اتقدت أصبحت بحاجة لمن يطفئها
لذا أصبحت في صراع بين انتظار الصباح لعله يأتي بفكرة وبين محاربة الأرق لعلي أصل للنوم وأحظى بحلم أجد فيه الحل
قاومت الأرق بشراسة وخلدت الى النوم المؤرق
وجدت نفسي نائم وغير نائم
استيقظت بسهولة على رنة هاتفي
ظننته أول الأمر منبه بعدها أدركت أنه رنة اتصال
نهضت بكسل وضغطت على زر التوصيل
ليأتني صوت طفلة تقول :السلام عليكم
آه آه هذا ما ينقصني رغد وثقل دمها على الصباح
قلت بصوت مرتفع :رغد سدي التلفون لو تصحين أمج ترة أجيج اكسر راسج
وبعدها قلت بصوت اعلى لكي ارعبها :اني كم كلت موبايل امج معليج بيه ولا اشوفة بيدج
يلة بسرعة روحي صيحي امج
بعد أن انتهيت من كلامي هذا كله فوجئت بالصمت على الجهة الثانية وهذه ليست عادة رغد
قلت :رغد
ليأتي صوت الطفلة ذاتها وهي تقول :اني مو رغد أني منار
قلت بحذر ودهشة :منار بنت الخالة اسماعيل
اجابت بثقة :نعم
لم أتكلم لأني كنت في حالة ذهول وأفكاري بدأت تتجول في دهاليز مظلمة
وأسئلة منطقية وغير منطقية تداخلت مع بعضها في مساحات دماغي المتعرجة
كيف حصلت على رقم هاتفي الخاص كيف تجرأت واتصلت وبأي صفة تتصل بي
اتاني صوتها القائل : الو حضرتك وياي على الخط
ووضعني في واقع يقول منار تتصل بك ويجب أن تعرف ما ورائها
قلت بعملية :هلا منار خير اكو شي
اجابت بثقة :اكو أشياء و ياريت نتفاهم عليه وننهي الموضوع كله
اجبته وأنا اجهل تماما عن ما تتكلم :أي موضوع
قالت بحدة في الكلام :موضوع زواجك بطفلة عمرها 9 سنوات وموضوع كسرت قلب علي على مود سعادة اختك
اذن الأوراق كشفت
اجبتها بكل برود :والمطلوب
قالت :انت كايل(قائل) اسمع منها طلكني(طلقني) اني اطلك وهاي أني اتصل واكلك(اقول لك) طلكني
قلت كمحاولة لإخافتها :اهلج يعرفون بهذا الاتصال
كان الصمت جواب الطرف الاخر ومن وراء الصمت اكتشفت أن الأهل لاعلم لهم بالموضوع
قلت بأستهزاء :يعني اهلج ماعدهم علم
اجابت بدفاع على النفس اعجبني :ماكو داعي تتعامل وياي بهذا الأسلوب وصدكني
(صدقني)اذا يعرفون او ميعرفون متفرق كل ما هنالك ردت اقدم خطوة لحل الموضوع
وحتى لانطول الموضوع
اريد بس انطيك معلومة وانته افهم منهة
وبعدها قالت بصوت واثق :
لو خيروني بين احسن رجال بالعالم وبين علي ما اختاريت غير علي واعتقد واحد مثلك
يعرف قيمة الخوان واشلون لازم الواحد يفكر بسعادة اخوته حتى اذا سعادتهم على حساب
تعاسة ناس غيرهم
قاطعتها قاائلا :يعني قرار بلا تفكير لخاطر علي ما فكرتي اذا اني مناسب الج لو غير مناسب ولا بحثت لا عن عيوب ولافكرتي اتشوفين مزايا
قالت :ما احتاج الموضوع منتهي واعتقد حضرتك ما شفت مزايا علي وخلتك اتغير رأيك وتكمل زواج اختك منه ولا خليت عيوبه سبب للرفض
اجابت بأستهزاء :شنو هو ثار
قالت :لا مو ثار الموضوع بسيط اني ما اعرفك ولا اعرف أي احد غيرك بس اعرف علي اخوي والبارحة يالة عرفت سبب عصبيته المتكررة كل ما يشوفك وهاي العصبية ما اريدده تتكرر أني صار بأخوي شي من ورة وحدة من نوبات العصبية منو يفيدني ويفيد امي
رجاء انريد نفتح صفحة جديدة تكونون بيه بيت عمتنا وبس وحتى علي يفكر بنفسه وينسى الماضي ويزوج ويرحينة من هذا الموال
كان كلامها مقنع وشعور بالاعجاب غزى افكاري قلت ولا ادري لما قلت :لو تغير الوضع وعلي قبل ممكن يتغير كلامج
اجاب :اللو زرعوهة ما حصدوها
الله يخليك خلينة بعيدين عن الخيال ونؤمن بالامر الواقع
قلت بأصرار :شوفي منار ولاتسألين ليش خل الموضوع علي اذا ما عرفت احلة صدكيني(صدقيني) راح يصير ألي أنتي ترديه واذا تردين تريحين علي بس كوليلة(قولي له)انتي موافقة على كل شي يطلبه
وخليني احاول
قالت :رجاءاً ماكو داعي
اجب بقة :اكو داعي شوفي منار وهذا الكلام اني امي متدري بيه من وكفت بوجه علي واستقتلت حتى زينة تاخذ ماهر مو حبا بماهر ولا كره بعلي
اثنينهم عزيزين عليه
بس وقتها كنت بثورة شباب وعالم تحقيق المستحيل وخليت قضية زواج زينة وماهر قضية حياة او موت بالنسبة ألي
خاصة اني بوقتها كنت مقتنع انو مثل هذا النوع من الزواج بيه ظلم
وأتجسد الظلم كدامي(امامي)بزينة وقررت اخلصهة ونجحت وحسيت نفسي منتصر وجمعت
اختي بصديق عمري الي قرر يعوف العراق كله ويهاجر من اتحدد موعد زواج زينة وأني ما اعرف السبب
يمكن فكرت بالناس القريبة مني وما فكرت بعلي ولا بأهلة ولا حتى بيج وبوضعنا لان هدفي كان واحد وماخلاني اشوف غيرة
وإذا اكلج اني ندمان اني اكذب عليج ليش اندم واني اشوف اختي سعيدة بحياته ومرتاحة وابن
خالي واخوي استقر بالعراق وصار استاذ جامعي أصدقائه يتباهون بيه قبل أقربائه
راح تكولين (تقولين) وعلي
علي هو وقف حياته زينة بالنسبة اله ابنية اتزوجهة وهي أصغيرة اكبر منج اي بس هم اصغيرة
وما شايفه غير مرات معدودة
قاطعتني بقولها :انت اتشوف الشي الي يناسبك بس اني اشوف الواقع الي كدامي (امامي)
اشوف علي متوقفة حياته يمكن انتة اتشوف تعلق ما ألة داعي بس هو يشوف نفسه انخدع
منك ومن زينة ومن عمتي كلكم اتفقتوا عليه
ضحكت في نفسي على ما تقول وقلت :سويتيهة حرب وخدع والموضوع ببساطة اثنين عقدوا وفسخوا لا اول اثنين ولا اخر اثنين
قالت :اكيد لأن احنه وراهم
وقبل أن اقاطعها قالت :ما اريد اطول الي انتة تريده سوية بس اريد اكلك (اقول لك)لاتبني امل كبير على الموضوع
وشغلة وحدة خليهة على بالك اني علي مراح اتخلة عنه
مع السلامة
قلت :مع السلامة والله كريم رب العالمين يحلهة
هذا ماكنت لم أتوقعه منار تقف مع علي
والموقف يعيد نفسه بطريقة مختلفة
فتحت الباب على نفسي وقفت مع زينة لسعادتها لتقف منار مع علي ضدي من اجل الانتقام ليس من اجل سعادة علي
فيا ايتها المنار ثقي انتي مناري وأنا من سوف اتحمل كل تلك القرارات التي اخذتها وابعدتك عني
فأنتظريني

&&&&&&&&&&&&&&&&&&&&&&&&&&&&&&&&&&

نهضت بكسل أرى الساعة إمامي تشير الى الرابعة صباحا ً لازال الوقت
مبكر اليوم المناقشة وعلي أن استعد بشكل جيد لها لكي ابهر من امامي بثقتي ونقاشي
قررت أن أتجول في صفحات الفيس بوك واقحم نفسي بالنقاشات التي تمدني بطاقة لهذا اليوم

دخلت ووجدت أمامي معمعة من الأسئلة الطبية أجبت عليها وأخبرت من يحتاج لمراجعة طبية بضرورة عدم الاكتفاء بالجواب والتوجه ألى الطبيب المختص
باركت لاحد زملاء الجامعة خطوبته من أبنة أحد معارفه واكتشفت أن خطيبته هي إحدى المتواجدين في صفحته
وباركت لها وذهلت من الصورة التي تضعها في بروفيالهة كانت صورة جريئة ومثيرة لرجل وامرأة في وضع لاتعليق عليه
لماذا تضع الصورة و وكيف يرتضي زميلي بهذه الصورة لخطيبته وزوجة المستقبل أسئلة مبهمة طردتها من افكار ودعوت الله لهم بالهداية
نظرت الى المتواجدين في دردشة الفيس بوك وجدتها من ضمنهم دخلت عليها وكتبت :صباح الخير ياعراق
كان جوابه ضحكة وهي تقول :صباح الخير لندن
كتبت :اشلونج سنا واشلون احوالج
اجابت :الحمد لله بخير انت اخبارخ واخبار الدراسة
كتبت :الحمد لله بخير ادعيلي اليوم المناقشة وبعد اسبوعين النتيجة والله كريم
اجابت :الله يوفقك وبعدها كتبت :وليش كاعد هسة ليش متروح تنام وترتاح
كتبت :متوتر واريد اجمع طاقة
اجابت :هههههه على كيف وي روحك واسترخي
كان جواي :حاولت ماكدرت
وبعدها كتبت :ممكن سؤال
احابت :اتفضل والجواب على حسب السؤال
كتبت :ههههههه لاتخافين ادكدرين(تقدرين) اتركيه
وبعدها كتبت :اسمك سنا الــ ... هل هذا اسمك الحقيقي
اجابت :اي اسمي الحقيقي
كتبت :سلام الــ يقربلك لو مجرد تشابه باللقب
كتبت :خالي
وكانت المفاجئة كتبت بسرعة :سنا نحن اقارب
اجابت :اشلون
كتبت :اني محمد الـ.... أبن دجلة عمة همام زوج خالتج الله يرحمهة
اجابت :اتشرفنا وبعدها
كتبت :انتي الي انخطفت وسافرت للخارج مو
كتبت بهدوءوصورة ذلك اليوم المشؤوم لاتفارق خيالي :اي اني اتمنى ما اكون ضايقتج
اجابت :بالعكس واني عادي عندي انطي اسمي مو دائما يعني
مرات خاصة اني واثقة انو اني ما مسوية شي غلط
كتبت :والله سنا مو مجاملة بس اني افتخر اني اكو بنية مثلج تعرف اشلون تستخدم النت ويارت كل البنات مثلج الله يحفظج
اجابت :شكرا شكرا خجلتني وصارت الساعة هسة عدكم بالستة الله وياك هسة حتى ترتب امورك وترفع راس العراق
كتبت :بأذن الله يظل راس العراق مرفوع بيج وبكل اهلة
اجابت :مع السلامة
يالها من فتاة رائعة يفتخر بها الاب والاخ والزوج الله يحفظها ويحفظ من على شاكلتها
سمعت صوت هاتفي الذي كتمته تحت وسادتي ذهبت مسرع الخطى له
وتلقفته بلهفة لأني عرفت هوية المتصل
ضغطت الزر الاخضر وقلت :هلا بالسند هلا بأخوي الغالي
جاء صوته هادئا وهو يقول :اشلون النفسية اليوم
قلت بثقة :الله وياي والي رب العالمين وياه مراح يخيب
اجاب بيقين :ونعم بالله
وبعدها قال :بس خلص واني ارتب رجعتك ولاتنطي لأمي خبر بالرجعة
قلت :زياد لاتشيل هم رجعتي ولاترتبهة الا من اني اكلك (اقول لك)
حاول الاستفسار ولكني لم اعطه مجال تحججت بالوقت وقلت :زياد لازم اروح استعد بعدين اخابرك واكلك (اقول لك)
واغلقت الهاتف بعد أن ودعته
لقد خططت لرجعتي ولم يبقى سوى التنفيذ لن اقلق زيادة بعودتي بل سأفاجئه بها



&&&&&&&&&&&&&&&&&&&&&&&&&&&&&&&&&&



لازلت في فراشي استذكر ماحصل البارحة كانت ليلة مؤلمة ولكني في النهاية أحسست وكأن هم كبير وانزاح عن كاهلي
لم يكن حبها يأسرني
كل مافي الامر هو تعلق الخاطب بمخطوبته
وكل مافي الامر هناك غصة في القلب تقول انها فضلت غيرك عليك
وشعور داخلي في النقص من كثر الكبت والكتمان كبر تدريجيا حتى اصبح وحشا يخنقني ويخنق كل من حولي
هذا الوحش قتلته البارحة بتلك الثورة البركانية التي أحرقته
نعم سببت ألم الجميع ولكني
اليوم اشعر براحة كأني أطير في الهواء وأسابق قطع الغيوم
نعم صرخت نعم مزقت ملابس وفي كل حركة اعملها كنت بكامل وعي اريد أن افعل ذلك اريد ان اعبر عن مدى ما كنت اكبت
أهلي اقرب الناي لي لم أكن أشكو لهم
هذا البوح بما اكبت داخل نفسي تأخر كثيرا واحمد الله انه اخيرا استطعت البوح

نهضت من السرير بتمهل واغتسلت وتعطرت وتوجهت الى حيث تجلس والدتي
دخلت المطبخ حيث مائدتنا الصغيرة و والدتي تجلس شاردة الدهن
قلت :صباح الخير
رفعت رأسها نحوي وحولت اتجاه نظرها بسرعة
وقالت :صباح النور
حاولت التقاط ما تعني نظرات عينها ولكني لم افلح
جاءني صوتها المعاتب يقول :ارتاحيت من خربت على أختك
لتقول بعدها بشدة :بس اريد اسألك سؤال واحلفك بالله تقول الصدك (الصدق)
قلت :اسألي وأني أجواب
قالت :هو انتنقام لو انته مقتنع انو زيادة ميصلح
اجبت بحدة :انتقام ميصلح الاختي كلها واحد لأن النتيجة هي أني ما أريد لاختي رجال اني ما احترمة لأن اختي بكل الأحوال متضررة
اجابت :بس اذا انته ردت وحدة اختك متريدهة ومتحترمهة محد يكدر (يقدر) يوكف بوجهك
خاف الله بهاي المسكينة
كبت غضبي وقلت :يعني اني ظالم وما اخاف الله
بعدها قلت :مقبولة منج يمة هشكل اتشوفيني
اجابت :يمة زياد خوش زياد اختك حتى اذا كالت (قالت) ما اريدهة مو لأن هي صدك(صدق) متريدهة بس شافت حالتك وفضلتك على مصلحتها
مثل زياد ما فضل مصلحة اختة على كل شي
وراح نظل على هاي التضحيات الي منحصل من وراها غير قطع صلة الرحم
قلت بحدة :هو بدأ ويستاهل الي يشوفه
قالت :يمة فكر بعقلك وفكر بمصلحة اختك ما اريد يجي يوم تندم على هذا قرارك
قلت وأنا اقف :لا مراح اندم وزياد ماعنده نصيب بيتنه
وخرجت لكي أبدأ رحلتي في دراسة الماجستر التي اخرتها ويجب علي أن ابحث عن دورة متقدمة في الحاسوب وأترك كل ما اخر مستقبلي خلف ظهري وأبدأ مع شقيقتي صفحة جديدة خالية من حرف الزاء



&&&&&&&&&&&&&&&&&&&&&&&&&&&




عدت لمنزلي الذي لا اجد الراحة الا فيه حيث اول دقة قلب برجفة حب شعرت بها فيه
وفيه قتلتها وودعت الحب الذي يربط رجل بأمرأة ورحبت بالحب في حياتي بكل صوره
دخلنا سويا وبدأت بإكمال إعداد وجبة الغداء وهو ذهب ليشاهد قناة الجزيرة الرياضية لم نتكلم مطلقا
هو مندمج بما يحب وأنا مندمج بالمطبخ لاعد الطعام لمن أحب
أكملت الغداء وكل ملحقاتها من السلطة واللبن وتوجهت لكي أأخذ حمام دافئ
مررت من عنده ليأتي صوته قائلا :منى تعالي
جلست بالقرب منه فكانت الحركة التي لم اتوقعها من همام مطلقا حاولت التملص دون جدوى أطلقت أصوات اعتراض ولم افلح
ليفلتني برغبته وينهض دون أن ينطق بكلمة واحد
كنت في حالة ذهول وعدم استيعاب
أهذا أعلان بدأ ما يريد دون أن يراعي ما أريد
كبرت عقلي وذهبت الى الحمام فأن اعترضت على ما حصل سوف ابدوا اما طفلة أو اريد المزيد وكلا الاحساسين أن وصلا الى همام بالتأكيد الخاسر الوحيد أنا
خرجت من الحمام على صوت الاذان
توجهت لغرفتي الخالية منه افترشت سجادتي وتوجهت الى خالقي ونسيت العالم من حوالي

وبعد أن أكملت فرضي توجهت الى المطبخ لكي اعد السفرة حتى يأتي الجميع
دخل همام عائدا من الجامع توجه نحو لا أدري لما تخشبت كل مفاصلي حاولت النطق ولم افلح لأن مفصل الفك أبى أن يفتح فمي
اقترب مني حتى التصقت جبهته بجبهتي وقال :اشبيج
استجمعت كل شجعاتي ونطقت بصوت هزيل :اني كل شي ما بيه انته اشبيك
قال وهناك ضحكة ارتسمت بعيونه :فرحان حرام افرح
اجبته :الله يديم عليك
قال :يعني ما سألتي ليش فرحان
استغليت الوضع وقررت أن انتقم قلت :اخاف اسئل تطلع مزوج بنت الفلاح الي يشتغل بكاعك (ارضك)
لتنطلق ضحكاته الصاخية ويقول بعدها :تدرين فكرة حتى استفاد منه مضبوط
حتولت أن افلت نفسي منه بغضب حقيقي ولكنه ثبتني قائلا :منى شنو القصة يعني ميصير نعيش حياتنة مثل أي اثنين مزوجين ابدي وياي صفحة ما استهال
كان هناك صخب داخلي يقول نعم انت لاتستحق وهناك اعلان للحرب من نبضات قلبي تقول أنه يستحق
قلت :همام هي الشغلة موتستاهل لو متستاهل
بعدها قلت بترجي :الله يخليك لا تفرض نفسك عليه مو من شرط يكول (يقول) الزمي حدودج وياي الى اعلان بكسر الحدود بلا تمهيد
اجاب بمرح :احسن بس افكر وتفكرين راح نرجع النقطة الصفر
قاطعته بغضب :خايف من نفسك ما خايف مني لأن انته تعرف نفسك مراح تقدر تستمر وياي بالطريقة الي هسة تريدهة
افلتني واخذ نفس قوي
وقال :منى أني ازوجت وعمري 20 سنة والله اليشهد ما عرفت غير زوجتي كل فترة زواجي ألى أن ماتت الله يرحمهة
من ماتت اني رجال عندي احتياجاتي الخاصة ولازم اوفرهة بالحلال بس ما اريد مسؤولية وحدة تجي اتقيدني بأولاد واهلهة واجبات اجتماعية ما عندي استعداد الهة كلش كافي عشت
وي المرحومة هذا الشعور وي غيره ماعندي استعداد
قاطعته : اتحبهة
قال :مو حب بمعنى الحب والهيام لاااا تعود احترام الفة شتردين اتسميهة سميهة بس حب وعشق لااااا
ليقول بعدها :المهم بديت رحلة الزواجات وحاولت استقر وي وحدة بس ابد ما رهمت وياي
ألى أن بالصدفة خواتي سمعتهم يحجون عليج اشلون انتي مخلصة لسلام وغير من الكلام
فاتحت مناف بالموضوع
قاطعته قائلة :وشفتني عز الطلب بت عائلة ومثقفة اتريد اتعيش الماضي وابد ابدا ما فكرت بيه زوجة
جلس على مائدة الغداء وقال :مو هذا الي انتي كنتي ترديه
ليقول بعدها بخبث :الا اذا كنت تكلين (تقولين) شي وبكلبج (بقلبك) شي ثاني
حاولت الكلام ولكنه نهض واقترب مني واغلق فمي بيده وقال :منى اوراق الماضي عوفيه
وخلينة هسة نعيش الحاضر اذا رهمت حياتنة بالطريقة الجديدة انكملهة ما رهمت نرجع لحياتنا السابقة ما خسرانين شي
ورمقني بنظرة عجيبة لم استطع تفسيرها
نعم انت لم تخسر ولكني انا من سوف اخسر قلبي بكل تأكيد وسوف اخسر كرامتي بعدها عندما تحطم قلبي تحت قدميك
قلت بتحدي :بس اني اريد وحدي ما اريد اسلوبك السابق واذا شفت مني تقصير روح دوره عند غيري
بس ماكو تقصير من عندي ما اسمح بوجود وحدة اتشاركني
عاد لنوبة الضحك وقال :لا دكولين اتغايرين والله اشوفه صعبة
قلت :صح صعبة لأن اكو شغلات اسهل من الغيرة
تدري شنو الي اسهل منه
اجاب :شنو
قلت بحدة :الواحد يدفن قلبه ومشاعره ويعيش بلا يهان والي اسهل منه الواحد يعيش بس لتلبية غريزة وحدة ويفكر بأنانية بنفسة وبس
قال بصوت محتد :منـى
قلت :اسفة ما قصدت بس انتة جبرتني
اجاب :كلنة صفحة جديدة وانشوف الوضع ماكو داعي نستبق الاحداث
بعدين خلي ابالج شغلة المرة تعرف اشلون اتخلي الرجال ميدور على غيرهة يعني هاي الشغلة بالذات راجعة الجن انتن النسوان
لم احتمل هذه الكلمات التي يريد بها راحته
وقلت :همام بالله لاتقنعني بهذا الكلام انته محد يوكف بوجهك من تريد تزوج ولو اشعل ايدي
عشر شمع الك اتفكر بس براحتك وبس
ماكو داعي اتخلين طرف بقرارتك
لأن ألي يريد يزوج على زوجته اكيد راح يشوفهة كتلة من التقصير
والي ما مخلي هذا الموضوع براسه مهما قصرت زوجته ميفكر يزوج عليهة
اجاب بهدوء :منى موكلنة صفحة جديدة لو تردين نرجع للوضع السابق
قلت :شنو هذا تهديد ترة متفرق عندي
اجاب بكل هدوء :اني ما احتاج التهديد اني انفذ وبس
حاولت الكلام
ولكن دخول هديل وفرحتها بأول يوم ممتع في دورة الحاسوب الجم لساني ولكنه لم يمنع نظرات الغضب في عيني من التوجه له
ليصدها بقوة وهو يتحدث مع هديل السعيدة التي تكلمت بسرعة وذهبت لكي تبدل ملابسها لانها جائعة
ليقترب مني ذلك الاناني ويعيد ما فعل في صالة المنزل وسط اعتراضات لاتصل لمركز السمع عنده
لن اقول لست سعيد ولكني ببساطة خائفة

ضجيج دخول خالد وحسام جعله يفلتني ببساطة شديدة وكأن شيئا لم يكن
وبنفس البساطة الظاهرة والاضطراب الداخلي
وضعت الغداء على المائدة

وكانت وجبة غداء حقا مميزة هديل بثرثرتها عن الدورة
ونوادر حسام وخالد عن أصحابهم
وضحكات همام ونظراته الغريبة نحوي
وانتهت الوجبة سعيدة مثلما بدأت
المختلف في هذا اليوم
هو أنا
قررت أن ابتعد عن غرفة النوم واقلقلت قيلولتي بترتيب المطبخ وكأنه غير مرتب
وبتنظيف الطباخ تنظيف مبالغ فيه
همام لم يقتحم علي المطبخ مطلقا
ولم اشعر بالوقت ألا بعد أن سمعت طرقات عالية على الباب الخارجي
عندها التفت الى الساعة لاعرف من يحضر بمثل هذا الوقت
واكتسفت انها الساعة ال 3 عصرا
ذهبت لأوقظ خالد ليرى من على باب
ولكني فوجئت بهمام يتوجه لفتح الباب بعد أن وجه لي الكلام الساخر قائل :باجر شنو راح اتنظيف حتى نعرف الجدول ونعرف اشوكت(متى) يخلص كل البيت
أجبته ببرود :الوقت اني احدده وانتة نسيت كلامك من كلت (قلت ) اخذي راحتج
اجاب وهو يعطني ظهره متوجها نحو الباب :والظاهر راحتج راح اطول
واختفى
توجهت الى شباك الصالة لاعرف من جائنا بمثل هذا الوقت
ويالة المفاجئة الغير سعيدة
انها ام غيداء تتكلم بغضب وهمام يحاول ان يخرجها من المنزل
ذهبت نحوهم وقلت :خير ام غيدء
اجابت :ياخير ست منى حسبي الله ونعم الوكيل بيج
هاي وانتي خوش مرة لعد لاعتب على غيرج
اجابها همام بصوت مرتفع غاضب :اسكتي احسن الج وطلعي من بيتي لو افضح بنتك واخلي سيرته على كل السان
قالت بعدم مبالاة :ما قصرت مرتك فضحتها الله يفضحهة بالدنيا والاخر
ليقترب منها همام ويحاول ان يدفعها نحو الباب
وقفت بينهما وقلت همام :شنو القصة تريد تدفع مرة
اجاب بغضب :شوفي فوك (فوق) قلة ادرب بته جاية تهدد
كان جواب ام غيداء رائع جدا قالت :احنه ما دكينة (دقينة) بابك انته دكيت (دقيت)بابنا واجيت تخطب
وبعدين كلت بطلت
لتقول بأستهزاء :رجال عمرك فوق الاربعين وكلامك كلام زعاطيط
عندها صرخ همام بأعلى صوت وهو يتجاوزني ويدفعها :اطلعي برة بيتي لو هسة ادفن أهنا
لتخرج ام غيداء :وترفع صوتها وتسمع الجيران بما فعل همام بأبنتها
عندما غرر بها و وعدها بالزواج
نعم قصة ملفقة ولكن عندما تُسمع من ام معذبة تصدق بكل بساطة
وأكتمل المشهد بوجود خالد وحسام اللذان أعلنت أعينهما الغضب الواضح
وهديل التي اختبأت خلف باب صالة المنزل وهي ترتجف خوفا
نهرهم همام بشدة قائلا :روحوا جو
اجابه خالد بغضب :ليش بعدنة اصغار ومنعرف اذا انته هسة عرفت شنو تحجي ام غيداء عنك
اني صار اسبوع واصدقائي يتغزلون بزوجة ابوي المستقبلية واشلون ابوي انضحك عليه من وحدة لعوب وأني بالع الغصة وساكت

كان الصمت الغاضب جواب همام
واسترسال خالد بالكلام قائلا :بابا احنه مو اصغار وللاسف الشديد الظاهر العمر ما ألة علاقة بالعقل
ليرتد صدى صرخة همام الغاضبة هو يقول :انجب احسن الك
واقترب منه وبدأ يضربه بعنف ويلتفت نحوي في كل ضربة موجهة لخالد ويقول :تربيتج هاي مو يا ست منى
كنت الوذ بالصمت والمشهد المرعب امامي شل حركتي وحسام وهديل يمنعون والدهم من خالد الذي لم يقاوم مطلقاً وهم بدروهم يتلقون ضربات موجعة بدل خالد عندما يخطئه همام
عندها ثارت الام داخلي
وسحبت همام بعنف من فوق خالد وابعدته قليلا ولكنه ابعدني
واقترب من خالد ورماه بعيدا بكل قوته
لينتهي المشهد بخالد مدد في سرير في المستشفى نتيجة الجرح العميق الذي أصاب رأسه نتيجة ارتطامه بأرضية مدخل الصالة المرتفع
وكسر يده نتيجة لي ذراعه العنيف من قبل والده

لم يفارق همام خالد ونظرات الندم تشع من عينه والكلام فقد طريقه الى لسانه وأنا وحسام وهديل نلوذ بالصمت امامه وبالكلام عندما لانجده
اعلنا عليه حرب يجب أن ننتصر فيها


استغفر الله وأتوب أليه

سبحان الله والحمد لله ولا أله ألا الله والله آكبر

الجزء (8)
منذ أسبوع ونحن نتراكض مع همام الذي أوقعنا في مشكلة كنا في غنا عنها
همام الرجل الوقور
لا ادري ماذا أبقى لطيش الشباب
وتمكن ذلك الـ زياد من اقتناص الفرصة ليضع قدمه بثبات في عائلتي فلو لا معرفته بعم البنت لأصبح همام زوجة غيداء بأوراق ثبوتية وبحفل رنان
اتهمته والدتها بأنه غرر بأنتها الفتية ووعدها بالزواج وخلا بها
وحشدت حشود الخوال والعمام الذين لم يبالوا بها يوما ً
وأصبحت بوجود كعكة اسمها همام محط اهتمامهم لأنها صفقة رابحة
فهم أن لم يستطيعوا تزويجها همام فبالتأكيد سوف يأخذوا مبلغا وقدره لما لحق بهم من فضيحة مختلقة
كرد اعتبار لهم
وها أنا انتظرهم لأعرف ماذا حصل في الجلسة التي اجتمع بها خالي مناف وهمام وزياد وأعمام لوالدي و والد همام
جلسة مضجرة في بيت الخال مناف خاصة ومنار هي رفيقتي لكي تنفض الغبار عن بيت الخال ناف
وكلما جلست في مكان جلسة مسترخية أخرجتني منه لأنها سوف تقلبه رأسا على عقب
وها أنا اجلس في غرفة الخال مناف حتى تنتهي من صالة الضيوف
صحت بصوت مرتفع لأني مللت الانتظار :منار خلصتي ترة والله راح أجي واخربط ألج كل شي
ليأتي صوتها قائلا :علي الله يخليك بس خمس دقائق
اجبتها :اكثر من خمسة دقائق اجي ومعلي بيج
لا ادري بما أجابت لأني انشغلت برنين هاتفي عنها
وأجبت بسرعة :ها بشر خلصت
ليقول الطرف الاخر :أي الحمد لله فضت بالفلوس
قلت :الحمد لله عاد كون الله يهدي ويبطل
أجاب : بعد هاي السالفة هم ناقص يبقى على سوالفه
قاطعه همام الجالس بقربه بصوت غاضب لم اميز ما قال
قلت بتساؤل :خالي شبي همام يدردم
أجاب :معليك بيه صاير عصبي الاخ
ليقول بعدها :معلينة هسة خلصت منار تنظيف
أجبت :اي خلصت بس ما ادري شنو اسوي بالاستقبال
أجاب خالي بعجلة :خالي رتب عشة راح نجي هسة وكل لاختك كافي خل تطلع من الاستقبال
اجبت :ان شاء الله

الحمد لله انتهت مشكلة همام وعلي أن أتفرغ لطلاق منار واخذ دورة
ICDLبالحاسوب لكي اضمن مستقبلا مقعد الماجستير
أخبرت منار بما امر به خالي
واتفقنا ان تعد السلطات والمقبلات وتوجهت لأحضر من السوق دجاج على الفحم وكباب مشوي
لأنها اولا
لا تملك وقت وثانيا طباخ خالي لايساعد على أعداد الطعام وكأنه مخصص للشاي فقط

عدت بزمن قياسي والضيوف لم يحضروا
عاودت الأنصال بالخال مناف
اخبرني أنهم على مقربة من المنزل وطلب مني أن أضع الطعام على المائدة وهذا ما فعلته منار ورتبته بعناية

وما أن انتهت حتى سمعت طرقات على الباب لتسرع منار ويدخل خالي وهمام واخر شخص اود استقباله
وهو زياد اضطررت أن امد لكي أصافح يده الممتدة نحوي
بالكاد تلامست أيدينا وسط نظرات خالي المؤنبة ونظرات همام الحائرة
جلسنا على مائدة الطعام ومسك خالي زمام الأمور وهو يقدم الطعام أمام ضيوفه ويحثهم على

تناول كل ماموجود بالصحون لانه لازوجة له تهتم بما تبقى

وبالفعل كانا جياع فالتهمنا الطعام ولم نبقي سوى بقايا قطع من الخبز
نسيت تماما امر زياد عند الطعام الا يقال عند البطون تعمى العيون
وهذا ما حصل معي
كوب من الشاي الدافئ هو ما ينقصنا وجلسة لوم هي ماكانت تنقص همام حتى يغضب
وويقول :مو كافي مو صرت مثل الجاهل بنصك
ليقول بعدها بغضب وهو يحدق بالعيون :غلطة وصارت وكلكم ممكن توكعون بيه كافي بعد مو
الدنيا كلهة طلعت من عيوني
لا بالبيت مرتاح ولا بالشارع مرتاح يعني شنو تردون انتحر لو اهج من الولاية
كان الصمت جوابنا أنا وزياد
لان الخال مناف بادر بالقول :همام ماكو داعي للعصبية الشغلة انتهت والكلام والملامة لازم
تسمعهة حتى مترجع حليمة لعادته القديمة
حاول همام المقاطعة ولكن خالي كان أسرع منه عندما قال :تريد تزوج اخطبلك أحسن وحدة
واني اروح وياك حتى اذا تزوج ثلاث فوك(فوق) اختي المهم زواج بلا مشاكل بلا هم
بلا عواائل مستواهم الأخلاقي تعبان
ليقول بعدها بإصرار :همام هذا زواج مو لعبة
نهظ همام وهو يقول :اني اروح احسن من هذا الحجي (الكلام)
ليهز يده وهو يقول : طلعت ما افتهم وجاهل وما اعرف اتصرف وكل واحد بدة ينطي نصايح وكعت بحلوككم
وانتو كل واحد وراه قصة اتعس من قصتي
واحد مزوج صارله قرن وميعرف يكمل زواجه
واحد عايش على الاطلال وضيع الخريطة
وميعرف يرجع
واحد عايش عشيتين عيش خفافيش وعيشة اوادم
وخرج دون أن ينتظر منا جواب
تبادلنا النظرات المبهمة
والصمت هو واقع حالنا
ليقطع الصمت خالي هو يتحدث عبر الهاتف ويقول :منار تعالي اريدج بشغلة
كدت ان ارمي خالي بالتحفة حين قال :لا تعالي همام راح محد غريب
عندها نطقت بحدة :خالي شنو القصة تريد تشعلهة
بعدها نظرت لذلك الصامت وقلت :منار تعرف بالموضوع كلة وقرارهة هو قراري
والتفت الى خالي وقلت :لاتحرجهة رجاءا
لم اكمل كلامي لأن منار دخلت وهي تثرثر على خالي وعلى بيته المهمل
وكعادته دائما بعد وجبات الطعام تنظر لتحت المائدة لتلتقط بقايا الخبز الدقيقة وتوبخ من لايحرص عليها
نزلت تحت المائدة وهي تقول :ادري مو حرام يعني ششنوو يضركم اذا تباوعون زين وتنتبهون على النعمة الي بيدكم لاتوكع بالكاع (بالارض)
لتخرج وبيده كسرات قليلة من الخبز
وتنتبه لذلك الذي انزل رأسه ولم يبحلق بها كعادته
حاولت الهروب ولكن خالي استوقفها بقوله :منار تعالي
كانت نظراتها مركزة نحوي أعطيتها إيماءة بماهو معناه تعالي
تقدم وقالت :السلام عليكم
فرددنا عليها السلام
جلست بقربي
وبدأ الخال مناف بتوجيه الكلام للجميع قائلا :الوضع هشكل مراح يستمر اليوم ينحل يا اما زواج يكتمل يا اما طلاق وينتهي الموضوع

اني صرت انحرج من الناس الي تطلب منار مني واني ارفض لازم نخلص من هذا الموضوع

أجاب من لا أحب أن اذكر اسمه :الي يريحكم اني حاضر أله بشرط موافقة منار وبرضاهم
لتجيب حبيبة قلب اخيها :الي يريد علي يصير
عندها حانت الضربة القاضية وعدت بذاكرتي لذلك اليوم الذي استقبلني فيه زياد في منزلهم وكيف اجلسني بغرفة الضيوف في منزله
وأوقف زينة خلف بابها وقال اسألها أن كانت ترغب بالزواج بك ام لا
وسألت السؤال وكان جوابها :علي انتي عندي مثل زياد ومحمد
فكانت الفرحة المبتورة والضربة القاضية التي جعلتني اصرخ بهم وانعتهم بأبشع الألفاظ واسبب بفضيحة لبيت عمتي في منطقتهم
كل ما فعلت لم يطفئ نار القلب اليوم فقط سوف أطفئها
قلت بهدوء : زياد نصيبك مو يمنة الله يرزق عند غيرنة
كان جوابه نظرات اتجهت نحو منار التي لم تلتقطها لأن عيناها تراقب حركات أصابعها
لينبهها بقوله :منار قابلة بكلام علي
أجابت وهي لازالت على وضعها :أي قابلة
اجاب بهدوء :الله يوفقج
ليفاجئنا الخال مناف بقوله :زيادد وكفتك ويانة تسو ملايين واذا انقطع نصيبك بيت اسماعيل نصيبك موجود بيت همام
بنت همام هديل اجتك عطية
أجاب زياد بذهول :استاذ مناف بس هذا الكلام ميصير اني ما اقبل اختي تزوج بهاي الطريقة حتى اقبل على بنات الناس
لا وناس عزيزين عليه
شوفوا البنية شدكول(ماذا تقول) واني اتشرف بيكم
التفت خالي الى منار وقال :منار روحي بابا انتهى الموضوع
وبعد أن غادرت منار قال :اعتقد لازم تبدون صفحة جديدة
كوم زياد انت وعلي
نهضنا سوينا
وكانت الصدمة عندما قال الخال مناف :يلة سلمو على بعض بس مو السلام البارد لا سلام ناس انتهت مشاكلهم وكافي بعد
كان السلام افضل من السلام الاول ولكنه ليس سلام الأحبة والأصدقاء ولكنه سلام الأعداء في أول أيام السلام

وتركنا وحدنا وانصرف وسط نظراتنا المندهشة هذا هو الخال مناف لديه تصرفات لا ادري ما يدور في رأسه عندما يقوم بها
نظرت الى زياد ونظر لي وبعدها انفجرنا بالضحك
ليقول زياد :بعده هاي سوالفة زين خل يجامل اشوي هاي اول مرة افوت بيته
اجبته بمرح :اخر واحد يجامل خالي زين ما طردنة وكال اريد انام

بعدها انتبهت مع من اتكلم ولمت لساني على كلامه المرح
لانه انتهز الفرصة وقال :علي أن مشتري منار وشغلة بت همام مو صغرا بيه لو بهمام بس صدكني(صدقني) مو على بالي
لاتخلي الماضي يجرنا لأخطاء أكثر
أجبته ببرود :زياد الموضوع انتهى وهديل خوش ابنية الله يسعدك وياهة
اجاب وهو ينهض :علي بعد عندي امل فكر بالموضوع زين وأسأل عني ومعليك بزياد ايام زمان
اجبت بحدة :اعتقد سمعت منار شنو كالت(قالت) وشفت بعينك ما وكفته(اوقفتها) ورى الباب حتى تتكلم وياهة

اخذ نفس عميق واجاب :علي فكر بالعقل وبلا حقد وثارات وخليك احسن مني وسامح
لو خليك مثلي وفكر بمصلحة اختك
وبعدها قال بكل ثقة :صدكني(صدقني) اخليهة بعيوني
أجبته :الموضوع انتهى
زياد وصدكني(صدقني) اني سامحت واول واحد راح يححضر زواجك على هديل اني
نهض وهو يقول :الله كريم سلملي على الاهل
قلت :الله وياك والله يسلمك
سرت خلفه لأؤدي واجب الضيافة كاملا
أوصلته حتى سيارته وألقيت عليه السلام وغادر
انطوت صفحة زياد واصبح ابن العمة الذي التقي به بالسنة مرة حتى وأن تزوج بهديل


&&&&&&&&&&&&&&&&&&&&&&&&&&&&&&



فضيحة بجلاجل تعبير حفظناه عن طريق المسلسلات المصرية اليوم فقط أدركت معناه
مر أسبوع على تلك الفضيحة التي أحدثتها ام غيداء في شارعنا ولم تكتفي بها
بل جمعت أعمام غيداء وأخوالها وذهبوا الى احد أعمام همام الكبار ولفقوا عليه كلام
والكل صدقه لان همام بتصرفاته جعل الجميع يصدق أي كلام عنه
واليوم فقط انتهت الجلسات العشائرية التي فصلت تلك الفضيحة بمبلغ وقدره
ولكن هذا المبلغ لن يمحها ببساطة من ذاكرة المجتمع
إنا أخر همي كلام الناس واستطيع أن أواجهه ببساطة اعتدت الأمر وتمرست فيه
اما خالد الذي تماثل للشفاء تدريجيا أصبح منطويا ولا يرغب باستقبال أصدقائه الذي يترددون دائما للسؤال عنه
ويخرج لهم حسام ويتحجج بنومه
حتى دراسته لايهتم بها ولايسأل عنها إجازته المرضية انتهت وهو لم يسأل عن مافاته من الدروس
والكلام معه في هذاالوقت جوابه صمت
فهو بالكاد ينطق بكلمات قليلة اما بحضور والده فهو صامت كليا هذا أن لم يتمكن من اللوذ الى غرفته قبل أن يأتي همام
وضعي مع همام اسوء وضع وصلنا له
لاني شاركت هديل غرفة نومها
وهي احترمت رغبتي ولم تناقشني ولم تفتح الموضوع معي
حسام وهديل يتحدثون مع والدهم الذي أصبح حديثه مختصر جدا
كنت اعد الأسئلة عندما دخت هديل وبيدها كوبين من النسكافيه بالحليب
وقطع من الكيك
قالت :احلى كوب نسكافيه لاحلى مدرسة رياضيات بالعراق

قلت بمرح :بالعراق مرة واحد
اجابت :اكيد لا بالوطن العربي طبعا هذا اذا مو بالعالم
اجبتها :كافي كافي بد الجذب (الكذب)
اجابت :لا والله انتي صدك(صدق) خوش مدرسة بس مواهبج مدفونة بمنطقتنا انتي لو ترحين لبغداد صدكيني(صدقيني) اتصيرين اشهر من نار على علم
اجبتها :واني ما عندي استعداد اعوف منطقتي الي مرتاحة بيهة

اجابت وهي تبتسم وتتمدد على سريرها :يبوو ماما كلبتيهة درس وطنية
لتقفز فجئة وهي تقول :تدرين نومتج يمي بنفس الغرفة خلتني اذكر شغلات قديمة

قلت :شنو هي بالله
اجابت بمرح:راح اجاوز لهجة الاستهزاء الي تحبط معنوياتي وراح اجاوب
اول ما خطبج ابوي كلت لو تموت ما اصيحه يمة
عند هذه الكلمة فتحت عيني
لتنقول هديل :فدوة لعينج هاي النظرة من جنت طالبة عندج تخوفني
وتغمض عينيها بيدها بطريقة تمثيلة وتقول :ما اكمل وما افتح عيني الا اتغيرين نظرت عينج
اجبتها بهدوء :غيرت نظرتي ولا تكملين انتي اول جملة بيه موت
اجابت :لا لا ماما انتظري
شوفي هو مو كره لأ انت جنتي مدرستي والج شعبية كلش كبيرة يعني محبوبة بس مرة الابو دائما شريرة وأني حبيت دور السندريلا
وكنت اتمنى اتشغليني واصير مسكينة حتى يجي الامير ويخلصني منج
وبعهدها قالت بترجيدية :بس حرامات طلعتي خوش مرة ابو وما شغلتني وكرهتج لان ما اجه الامير
أسلوبها وكلامها أجبرني على الضحك بصوت عالي جدا لا ادري منذ متى لم اضحك هذه الضحكة
لتغير تلك الماكرة الموضوع تماما
وهي تقول :ماما سولفيلي على خالو سلامة
اربكني السؤال ورجع بي الى سنين ماضية
سلام وهو سلام أسم على مسمى
إنسان رائع بكل المقياس حتى خطواته على الأرض هادئة مسالمة
كلامه بلسم وبسمته شفاء
آه آه سلام كان العمر معك حقا سلام
اجبتها بهدوء :خالج سلام إنسان نادر مستحيل اكو مثله قمة بالنادب والأخلاق الحب عنده عطاء
والظلم ما موجود بقاموسة
المرأة عدهة استعداد تعيش وياه طول العمر بس حتى تسمع كلام الموزون
خالج سلام هو سبب بنجاحي كمدرسة
اني ما كنت شاطرة بالمدرسة ومن ازوجنة كان عمري 17 سنة وكنت ناوية اترك المدرسة
بعد ازوجت شسوي بالمدرسة بس سلام ظل ورياي ألى أن كملت الاعدادية ودخلت الكلية
بس مو اجباري لا اقنعني بضرورة المدرسة
اجابت بتساؤل :حبيتي
جواب هذا السؤال بالنسبة ألي جدا جدا بسيط واستطيع تحديد مشاعري فيه
اجبت بصدق :سلام كان ابوي الى ما عشت وياه هواي واني كنت امه الي يحتاج حنانهة علاقتنا يستحيل احد يفهمها
اجابت :وبابا
هذا الموضوع بالذات لا اعرف كيف أجيب عليه لان مشاعري مع همام عبارة عن بحر هبت فيه عاصفة وأمواجه تتلاطم على صخوره بعشوائية
أجبت :ما اعرف
لتصاب بخيبة امل وهي تقول :يعني ما حبيتي بابا طول هاي الفترة
قلت بصدق :صدك ما اعرف لان مرات أحس روحي احبه ومرات أحس روحي اكره
ابوج ما طبع شي معين بالذاكرة مثل ما طبع سلام ابوج كل يوم حالي وياي شكل
ومشاعري هم تختلف تتبدل وي الاحوال
سمعتها تتنحنح وهي تقول :ماما الاسئلة اشوكت أتخليصه اساعدج بيه
اجبت :تدرين ايام زمان كنت اساعد سلام من يخلي اسئلة اللغة العربية لطلابه
كان شغلتي ادور على أبيات شعر تصلح انشاء لو جملة للأعراب
الله يرحمه عمري مراح انسة ايامي وياه
وكانت المفاجئة
دخل دون كلامي ودون سلام ولم انتبه لدخوله مطلقا
وجه الكلام لهديل قائلا :خلينة وحدنة
نهضت من السرير الذي نستعمله للنوم في سطح المنزل عند انفطاع التيار الكهربائي صيفا
الذي اصبح سريري لأن
تشاغلت بتعديل شرشف السرير عن نظراته الناري
وقبل أن تخرج هديل قال :سدي الباب وراج
وبدأ الخوف يتسرب لخافقي
اغلقت هديل الباب وفتح همام فاهة قائلا :كملي خل نسمع مو أني صرتت طرطور كل واحد اسمعه منه كلمة
وكملت هسة مرتي تتكلم وي بتي على زوجها السابق وتمدح وتمدح ومن توصل يمي ولا كلمة بيه حظ
طلعت همام المرعب

اجبت بخجل :همام والله موقصدي هديل سألت على خاله سلام واخذنة الكلام مو قصدي والله
ليقول بغضب وصوت يحاول كتمه :ولا كلمة كل هاي السنين وياي ما لينت كلبج اشوي ألي
يعني هيج همام كتلة تمشي على الارض ما بيه فايدة
اجبت بصدق :همام صدكيني ما قصدت الكلام بعدين ما تكلمت بشي يجرحك أني فعلا ما اعرف احدد مشاعري اتجاهك انت كل يوم حالة بالنسبة ألي ومشاعر من يمك ما اعرف احددها
يمكن هذا عقاب من رب العالمين الك وألي لأن قبلنه بهيج حياة
ليقول بغضب لم يهدأ :وهاي النومة بغرفة هديل شنو اتسميهة
اذا زعل فأني ما زعلتج واذا اعتراض
على شنو شو أني غيداء وامهة اثنينهم وكفتهم على حدهم من انتي طلبتي مني وسألت وعرفت هم شنو والي صار ما ألي يد بيه شنو اعلم الغيب
اجبته بحد لانه تناسى اهم فقرة :وخالد الي شبع ضرب وكلام عن تربيتي هاي مزعل
اجاب بحدة :يعني حضرتج راضية عن كلام ابنج المحترم
قلت :لا ما راضية بس العقاب هواي كلش هواي
همام الولد اتعقد
اجاب :وهسة المطلوب اروح ابوس ايده
اخذت نفس عميق وقلت :همام على هاي الوضعية البيت مراح يرجع مثل الاول
اجاب بثقة :لا يرجع بس انتي رجعي نامي بالغرفة
ما دام يشوفج برة الغرفة معناها اكو خلل من ترجعين تنامين بالغرفة اشوي اشوي يستقر الوضع
ليقول بنرة هازئة :بعدين لاتخافين اخذي راحتج وطولي بيهة بعد ما يهمني
وأذا على خالد لاتعتقدين اني هاين عليه بس شغلة وصارت وصعب ترجعين الماضي وتصححين اخطاءة
الله اليشهد اتمنيت ايدي مكصوصة ولا تنمد عليه
اجبت بخوف :اسم الله عليك همام شنو هذا الكلام
اجاب بهدوء :يلة لمي غراضج وروحي للغرفة كافي بعد لأن اني نفسيتي زفت وصدك محتاجج
اجبت:همام شنو صار
اجاب وهو يضع رأسه بين كفيه :خلصت الشغلة واخذو مبلغ محترم
ووضع يده على شاربه وهو يقول :على حساب هاي الشوارب الأ اني البنية ما شايفه
اخذ نفس عميق وقال :لحظة شيطانية خلتني اخطبها الله لايعيده
بعدها قال :يلة منى الله يخليج لمي غراضج ولا تزيدين عليه
اجب :اي هسة اشبيك هي يا غراض غير كتب التدريس والاوراق شنو اني مهاجرة
بعدين انتة ليش هشكل نفسيتك الفلوس فدوة ألك
اجاب بمرارة :ولج اني على الفلوس الفلوس ما تعني الي شي بس القهر من واحد يضحكك
عليك وياخذهن منك وانتي ماتكدر(متقدر) تتكلم وتعترض وادكله(تقول له ) انته حرامي وطلع
حركت كلبك (حرقة قلبك)
ليقول بعدها :منى الله يخليج هذا الموضوع سدي ويلة لمي اوراقج
انصعت لامره وبدأت بالملة أوراقي وعدت لغرفة النوم المشتركة على امل عودة الحياة


السعيدة لهذا المنزل بعودتي




أستغفر الله وأتوب أليه

سبحان الله والحمد لله ولا أله ألا الله والله آكبر

الجزء (9)

بدأت نوبة التقيؤ عندي وأخذت تسلب روحي وتعصر أمعائي ومعدتي واستسلمت لها لأنها لابد منها
كادت مشكلة همام ترجعني لسابق عهدي وأعود الى نقطة الصفر حيث عيشة الخفافيش كما اسماها همام
ولكني تمسكت في كتاب الله في لحظات ضعفي كغريق تمسك بما ينجيه من الموت
ابتهلت وتوسلت لخالقي ألاهي لا ترجعني للظلال بعد أن أوشكت أن أصل الى النور ألاهي توكلت عليك و وثقت بك فلا تتركني
وما خاب رجائي بخالقي
وها هو الليل ينتصف وأنا أتضرع لله تارة وتقتحمني نوبات القيء تارة اخرى
ولكني لانسى ذكره سبحانه وتعالى في عز ما ينتابني من ألم في تلك النوبات
اسمع رنين هاتفي وأنا في الحمام أغتسل مما أصابني
ذهبت مسرعا بعد أن تمالكت نفسي من يتصل بي في منتصف الليل
وما أن رئيت اسم المتصل عرفت أنه النوم لم يصل لعينة بعد وربما لن ينصل
اجبت بهدوء :هلا زياد
اتاني صوته المنحرج :كعدتك من النوم
قلت :زياد حتى اذا كعدتني المهم أني اكعدت واريد اعرف شنو سبب الاتصال
اخذ نفس عميق واجاب :استاذ مناف لاتفتح عليه ابواب أني ما مستعد الهة بنت همام وابوها وامها والي ربتها على راسي بس والله صعبة وصعبة جدا
خل ارتب اوراقي
اجبته بكل هدوء :ترتب أوراقك لو تريد تقطع الامل بمنار
قلت قبل أن يتكلم :زياد بينك وبين منار علي الي مستحيل منار تتخلى عنه وتختارك
اجاب :ادري وأني ما أريد اخليه بهذا الموقف وخل اكون صريح وياك اني منار عاجبتني
اعجاب بس يعني مو حب وهيام وهاي السوالف لا مرتاح لفكرة الارتباط بيه
وبعد عندي امل بهذا الارتباط بس شغلة بنت همام راح تخلين بحسابات ثانية تماما

اجبته بصدق :شوف زياد شغلة بنت همام من عندي لأن اعرف ابوهة مراح يكول لا بعد وقفتك وياه واعرف زين انو مراح يرفضلي طلب والبنية خوش ابنية روح اسئل عليهة اذا تريد والي ميعجبك بيه كول وصدكني مراح ازعل
هذا زواج مو لعبة
اجاب بنخوة :استاذ مناف اني ما وكفت وي همام حتى انتظر يكافئني لا
والله اليشهد حتى اذا منار مو زوجتي هم راح اوكف وياه مو لخاطرة لا
لخاطر امي الي ربتني
بس استاذ مناف الله يخليك سالفة بت همام ما اريدهة تنتشر ألا أن اقطع الامل تماما بمنار
اجبته :زياد ليش هشكل متمسك بمنار وليش سويت الى سويته بعلي شو
شي ميشبه شي
احسست بسؤالي احرجه لان الصمت كان جوابه وأنفاسه المتتالية تصلني
وبعدها اجاب :الي سويتة هذا الموضوع انتهى ولو ااحاول اقنعكم بتصرفي بوكتهة مراح تقتنعون لأن الكل يشوفني غلطان بس اني شفت نفسي صح وكل الظروف خدمتني الفضيحة الي سواها زياد بالشارع خلت امي تصر على طلاق زينة منه واستسلام علي بسهولة للطلاق والقطيعة الي صارت بين الخوان بسبب الورث قبل لاتكون بسبب طلاق علي وزينة
واتحملت اثم القطيعة لان الكل رادوا شماعة يعلقون عليهة اسباب القطيعة واني قبلت اكون هاي الشماعة لأن زواج ماهر وزينة كان عندي مثل الحلم ولازم احققه وحققت واتحملت الخطأ ما هربت منه
قاطعته قائلا :وتمسكك بمنار شنو سببه
اجاب :لأن امي ترتاح لمنار ولان اني ما اريد ازوج وحدة غريبة واشوي اشوي انسحب من اهلي مهما حاولت هذا واقع امي دجلة مو امي صح احبه واقدرها بس ابقى اني ابن رجلها واذا ازوجت غريبة راح اشعر بغربة اكثر
يمكن اني غلطانة بس هذا تصوري اريد منار لان امي تريدهة اولا ولأن اني معجب بها ثانيا حتى اختيارهة لعلي ابدا ما احرجني بالعكس احترمته اكثر
اجبته :هديلنفس الشي راح تقربك من دجلة
اجاب بتساؤل :منو هديل
قلت ضاحكا :والله زياد انت واحد مضيع
وبعدها قلت: يعني منو هديل بنتي
اكيد بنت همام
اجاب بضحكة وبعدها قال :موكتلك لاتشبك الخيوط براسي خل اصفي اموري وبعدين اقرر
ولي بيه صالح الله يقدمه
اجبته بجدية :زياد لازم اتفكر زين منار يعني علي وانته تعرف شنوا فكار علي
غير افكار علي اتحصل منار تبقى افكار علي على ماهي عليه منار انساها
اجاب :سهلة بأذن الله
لتنتهي المكاملة بالسلام
وتأكدت منها أن زياد رجل لايعوض
وبمكالمة زياد اكتشفت أن الشعور بالغثيان ونوبات التقيؤ يمكن التخلص منهما برفيق يحب الكلام بعد منتصف الليل
ضحكت على نفسي عندما تخيلت نفسي برفقة امرأة تتكلم معي بشاعرية وسط اضواء خافته لتنسني ما أنا فيه أين اجد من هي بمثل ووفاء منى لسلام وحب منار لعلي و وفاء ام علي لزوجها
لو كانت دجلة اصغر عمرا لما ترددت في خطبتها فهي امرأة معروفة بجمالها وحسبها ونسبها وبوفائها لزوجها وحبها لابن زوجها
امرأة تعني العطاء كدجلة المعطاء
صوت رنين الهاتف للمرة الثانية أيقظني من تأملاتي ولكنه هذه المرة أزعجني لأن التأملات أعجبتني
اجبت بسرعة لان الاسم الذي شاهدته على الشاشة ارعبني
قلت : ثامر خير خو ماكو شي
اجاب ثامر بكل هدوء :ماككو شي لاتخاف بس صفا باجر عدهة تفتيش بمدرستك وبالمدارس القريبة منه وحبيت انطيك خبر حتى تبلغ بيت عمتي لأن هيي راح تبقى يمهم اسبوع فترة التفتيش
اجبته بأستهزاء :خوش بشارة بأول ساعات الصباح
لا وحضرتك ما اتحملت للصبح لازم اتنغص علينة اليوم من اول ساعاته
اجاب بضحكة رنانة وبعدها قال :والله أنتة متحامل عليهة خوش ابنية اخلاق وشهادة وحلوة وبنت عائلة ومناسبة الك بالعمر بعد شتريدد رجال شايب عمرك فوك الاربعين مو زين تلكة وحدة ترضة بيك

اجبته بكل برود :ثامر اخت مرتك دور أله رجل بعيد عني أني وياه منتراهم وحدة عافت رجلهة على مود ميخلف وفضحته
هاي لازم أتظل كل عمرهة بلا رجال حتى تبقة عبر لغيره
اجاب ثائرا ً مدافعا :يعني لو العيب من عده جان عادي الرجل يطلكه لو يزوج عليه وعادي وين ميروح يكول صوج مرتي
اجبته بقناعة :هي مو بهذا المنطق بس المفروض المرأة بطبيعته تكون اكثر وفاء من الرجل

وبلحظة اكتشفت أن الكلام سوف يجرنا لوالدته التي تخلت عنه وعندها سوف اتكلم بمواضيع لايرغب بسماعها ثامر
قلت :ثامر انته ماعندك دوام باجر
اجاب بمرح :خوش طردة
قلت :مو طردة بس فدوة لعينك اخت مرتك راح تكابلني (تقابلني)اسبوع اريد اسوي جلسة استرخاء من هسة لأن اعرف راح اعصابي تنشد
يعني بالمختصر اريد انام
واغلقت الهاتف قبل ان اسمع رده
نصير المرأة والمطالب بحقوقها
اريد ان اخلد للنوم لكي اتهيئ لحرقة الاعصاب مع صفاء التي حضورها بالتأكيد لن يكون بصفاء
&&&&&&&&&&&&&&&&&&&&&&&&&&&&&&&&

لا ادري لما اشعر اليوم بنشاط عجيب طاقتي عالية وهناك مرح داخلي يرسم بسمة على شفتي بدون سبب
صحوت مبكرا وارتديت ملابسي وأنا اشتعل من شدة النشاط والحماس
أعددت الفطور وجلست انتظر والدتي لكي نفطر سويا منذ فترة طويلة لم تجمعنا مائدة
جلسن بهدوء وقالت بتساؤل :شكو اليوم شعجب كاعدة من الصبح ومسوية ريوك
اجبتها بصدق :واله ماما ما ادري احس روحي كتلة نشاط وعندي طاقة عالية ما اعرف وين اصرفها
كان الصمت جوابها
وكم أخشى من صمتها الذي يسحبها دائما الى عوالم لا وجود لها
التقطت هاتفي الذي أعلن عن وصول رسالة رسالة اول الامر أردت تجاهلها لانها بالتأكيد رسالة من شركة الاتصالات ولكني فتحتها بأيعاز من داخلي الفرح المتفائل
ووجدتها الرسالة التي انتظر
لقد وافقت والدة صديقتي على اصطحابنا أنا وصديقتي الى بغداد لكي تأخذ صديقتي دورة في الحاسبة وأأخذ أنا دورة في اللغة استعداد لدراسة الماجستير
قلت بصوت مرتفع :واخيرا
لتجيبني والدتي :شكووووو
قلت :هاي بيداء دزت رسالة ادكول بعد بكرة راح نسافر لبغداد حتى ادخل دورة اللغة وهي تدخل دورة الحاسوب
اجابت :امهة اتروح وياكم مو
اجبت :اي طبعا قابل انروح وحدة خاصة السيارة امأجرهة واحد من الي يردون يكملون ماجستير وبيه مجموعة من الولد والبنات واكيد البنات وياهن اهلهن
اجاب بعصبية :وانتي ماعندج اهل مو
تعوذت من الشيطان في داخلي وقلت :ماما هذا الموضوع اتفقنة عليه وام بيداء خابرتج وكلتلج اذا صار عدهة مجال راح تاخذنة شنو الي صار هسة
اجابت بحدة :لا مو انت تكلين البنات وي اهلهن
شنو راح تتكلم علينة الناس وانتي ابوج ما صار اله شهرين من متوفي وانتي رايحة وحدج لبغداد
قلت في نفسي :اللهم طولج ياروح
وبعدها قلت :ماما ليش وحدي مو ام بيداء ويانا
قالت :وام بيداء بنت عمنة بت خالنة المرة انحرجت منج ومني وقبلت تاخذج وي بتهة
يعني انفرضتي عليه
اجبت :ماما الله يخليج ليش تقتلين فرحتي وتشككيني بالناس والله العظيم ام بيداء انسان كلش شفافة لو متريد اروح وياهة عادي كان كالت(قالت) وما استحت
امي هاي الافكار بس عندج الله يخليج خليني اشوف مستقبلي
اجابت بغضب :واني شنو حجيت(اتكلمت) حتى تحجين(تتكلمين) هشكل غير خايفة عليج باجر من يدك(يدق) بابج اذا شافوج وحدة تروح وتجي بلا اهلهة غير تبقين ماكبلتي (مقابلتني)
لتقول بعدها بغضب اكبر :تردين اتكسرين وجهي كوة (قوة)
اجبتها بمرارة :كليلي(قولي لي) موقف واحد كاسرة بيه وجهج بس كولي (قولي)حتى بعد ما اعيده
المرة ام بيداء هي عرضت عليج انو تاخذني وياهة وانتي قبلتي وهسة اني طلعت غلطانة
بس كليلي (قولي لي)شنو اسوي حتى ترضين
امي اريد الله يوفقني اشلون اتوفق وانتي مراضية حتى على التصرفات الي انتي اتسويهة الي
كليلي(قولي لي) شنو اسوي
اجابت بحدة :كافي ليش انتي راح اتسمعين احجاية غير على روحتج روحي الله وياج
غير هذا الي تردين اتسمعيه بس اذا بقيتي بلا زواج لاتسألين ليش لأن محد ياخذ ابنية تروح وتجي بكيفهة
اجبتها بثقة :اني عمري مراح اتصرف تصرف يسئ الج ولتربيتج ولا يسئ لنفسي كأنسانة ولا راح اغضب رب العالمين الي خلقني بشر وكرمني على سائر مخلوقاته
ماما اني احترم نفسي واعرف قدرها ويستحيل اسوي شي يحط من قدر نفسي واذا الناس متعرف رب العالمين شايف وعارف وهو الي يجازيني وينصفني
اجابت وكأن شيئا لم يكن :شوكت اتسافرون وكم يوم مدة الدور
حاولت التماسك وقلت :الدورة شهر نطلع من الصبح ونرجع تقريبا بالخمسة العصر
وام بيداء ويانا لأن عدهة دورة خاصة بالمستشفى الي تشتغل بيهة بنفس وقت دورتنة

اجابت :ومنو الولد الى وياكم
قلت :ماما ما اعرف ولا سألت اني شعلي بيهم المهم اني وبيداء وامهة
شعلينة بالباقي
صمتت وهي ترتشف من كوب الشاي امامها
تختلق زوبعة من الشكوك لا فائدة ترتجى منها
هي لا تراها تؤثر ولكنها في عمق نفسي تحدث اثر وتزيدني اصراراً نحو تحقيق هدفي وقتل كل الظنون داخل افكارها نعم انا ابنتها التي سوف تعترف ذات يوم برجاحة تفكيرها وحسن افكارها
وكلي املي بأن هذا اليوم سوف يأتي

&&&&&&&&&&&&&&&&&&&&&&&&&&&&&&&&&&&


حركات روتينه اعملها كل اليوم واليوم مطلوب مني ان اصنع ابتسامة كل صباح وأن ادعي نشاط كل صباح
نعم وقفت مع اخي وتخليت عن زياد ليس بأقتناع بل ببرمجة عقلية تقول من تخلت اخته عن اخي اتخلى عنه من اجل اخي
كنت اعتقد أن الموضوع سهل وسوف وينتهي ولكن مواجهة البارحة احدثت شرخ كبير داخلي
وكان للخال وما تكلم فيه دور في تشتيت افكار
منذ البارحة وأنا احاول أن اركز لكي اتمنى له ولهديل السعادة ولكن الصورة لاتكتمل في رأسي دائما أرى نفسي معه وهديل تبارك لنا ماذا افعل كيف سوف ارسم البسمة بوجه هديل عندما تعلن خطوبتها
كيف سوف اقول لها مبروك وأنا في داخلي اتمنى المبروك لي
لما هديل ياخالي لما
كيف سأتحمل رؤية خسارتي بوضوح امامي
نعم لا احمل له مشاعر قوية ولكني لا أنكر اعجابي به وبشخصيته وأن لم اعترف امام نفسي بأن اتمناه زوجا بالحلال لي فلمن سوف اعترف
أأمثل على نفسي مثلما سوف اجيد التمثيل على كل من حولي
الاهي اريد منك الحل اما أن تجمعني معه بالحلال او أن تمحيه من رأسي

نفضت افكاري وتوجهت لتناول الفطور مع والدتي التي يجب أن اتقن دوري امامها وألا سوف يكون علي في مأزق معها ويقع في دوامة ملامة لا تنتهي
كلم اقتربت خطاي من المطبخ اسمع اصوات تختلط مع صوت والدتي ميزت صوت الخالة منى
مالذي اتى بها في هذا الوقت المبكر
دخلت المطبخ وعلامة الدهشة مرسومة على ملامحي
ولكنها تبدتت وتحولت الى فرحة كبير ة وتبادلت مع الجميلة الشفافة الاحضان
وقلت :ست صفا مشتاقين والله
احلى مفاجئة من الصبح شنو هذا الصباح الصافي الي خلانة انشوف ست صفا
كان جوابها مرحا كعادته :وهذا احلة صباح الي انشوف بيه احلى وردة اسمها منار
اشلونج حبيبتي
وجلسنا ونحن نتبادل السلامات والاحوال وهناك عيون احاول تفاديها لكي لا تلتقط تعب عيوني
ولكن دون جدوى رغم شعور الفرح والبهجة لتواجد صفا
ولكن الخالة منى لم يفتها ما طرأ على من تغير لتقول :اشبيهن عيونج
قلت بأمتسامة احاول بها طرد ارتباكي :كل شي ما بيهن بس فرحانة لأن شقت ست صفا

اجابت والدتي :لا بيهن شي انتي البارحة انتي واخوج مو على بعضكم هو راح لغرفته ما نزل منه وانتي نفس الشي وأني بقيتوني وحدي
كولي (قولي) شنو صار بيت خالكم
وتلقفتني النسو الثلاث ولم يتركنني الا بعد أن قلت كل ما حصل
لتقول صفا :وهو خالج بكيفة يطلق ويزوج لا ابو يعرف ولا ام عدهة خبر
لتجيبهاالخالة منى :لا صفا مو هشكل بس مناف يعتبر الكل اولاده وبناته وماين الابهات والامهات وهشكل يتصرف وزياد مينرد خوش رجل وينشد بيه الظهر بس شنكول على علي الله يهديه
كانت والدتي تراقب الجلسة لتخرج من صمته بسؤال لا ادري كيف سوف اجيب عليه او حتى اتهرب منه
قالت :منار باوعي علي زين وافتهمي سؤالي
هسة اجيت اني او خالتج منى او خالتج صفا اي وحدة بينة مو مهم وانطيناج مواصفات زياد وكلنة هذا الشخص يريد يخطبج
حاولت المقاطعة ولكنها قالت :معليج بعلي وزينة زياد اعتبريه مو اخو زينة شنو عيبة
اجبت بمحاولة للتملص :بس هو اخو زينة واني ما اتخلى عن اخوي
اجابت والدتي بحدة :منار كلنة عوفي زياد اخو زينة وعوفي كل الي يتعلق ب علي
زياد كشخص تقبلين بيه
اجبت بهدوء :اي
لتقول بما لا اريد أن اسمع :منار انتي فرحانة لهديل لان راح تتزوج زياد او على الاقل راح تنخطب اله
اجبت وأنا ممززقة من الداخل :الله يوفقها
لتستلمني الخالة منى :زين خلصتيني من نص مشكلتي لأن اقناع هديل راح اعوفة عليج لأن اكيد راح تستحي توافق على مودج وبصراحة انتو طيرتوا زياد من ايديكم أني هيج شاب لو ما مزوجة همام كان اتمنيته الي فمراح اضيعة على هديل صح بالعمر اكبر منه ب 17 سنة بس شكو بيهة يدللها
لتجيبها صفا :الرجال مو بالعمر اكو شباب اتحسيهم شاخو قبل اوان المشيب واكو شياب اتحسيهم شباب
17 فرق مو نادر بالعكس اغلب الي اعرفهم هذا الفرق بينهم وبين ازواجهم
ومنى اكبر دليل سلام الله يرحمه كان عمره 34 وهي عمرهة 17 وكان اكبر من مناف وهمام ب10 سنين بس صديقهم من هم صغار
الكل ترحم على العم سلام
لتقول والدتي :سلام كانت روحه شبابية وحلو كان يجي من الكلية يدك(يدق) الباب علينة حتى يلعب وي مناف طوبة (كرةقدم) ومناف من هو اصغير يكلة ازوجك اختي من تكبر
ألى أن انتشرت بين الناس ومنعرف اشلون انتشرت انو سلام خاطب منى
وصدك صار عمر منى 17 خطبهة سلام
كانت الخالة منى صامتة وكأنها تستعيد ذكرياتها مع العم سلام
ولكن صفا بحديثها القاسي عن همام هو ما اخرجها من صمتها :وازوجت همام وما اعرف اشلون ساكتة وصابرة وي همام ابو النسوان
لتقول الخالة منى بحدة مدافعة عن اسدها :صفا شنو هذا الكلام همام رجال محد عنده مثل حنيته واخلاقه داخل بيته ولكل شخص هفوات وهمام هاي هفواتة واني متفهمته
شنو همام ابو النسوان اتحسسيني انو رجلي يركض ورى النسوان مثل المراهقين
لتقول صفا بطريقة مسريحة :واوووووووو شنو هذا الدفاع هسة الي يسمعج يكول همام ميشوف بعيونه غيرج ولا عبالك هو ضرب الرقم القياسي بالزواجات
اجابت الخلة منى :المهم النتيجة هو الي وهذا الموضوع راح ينتهي وشوفي الايام شلون راح تثبتلج
اجابت صفا بهدوء :اتمنى منى واتمنى تفكرين بشغلة لانجاب لأن مهما يكون اولاد رجلج يحبوج اكيد تتمنين اتشيلين طفل يخصج بحضنج
كان جواب الخالة منى مفتضب عندما قالت :الله كريم
بصراحة اعجبني التحول الذي طرأ على الحديث خاصة بهذه الطريقة الصريحة لأن بعض الاحاديث كانت تطرح بسرية تامة
بين والدتي وبين الخالة منى حصرا
عندها جاء دور والدتي بسؤال صفا قائلة :صفا ما تندمتي لأن انفصلتي عن هذال مدكليلي(تقولين لي) شنو حصلتي الرجال كان يحبج على الاقل كان هسة انتي مزوجة افضل من مطلقة
اجابتها بكل ثقة : اي يحبني واحبه بس جواي حب للاطفال اكبر من حبي اله
تسأليني شنو حصلت
أني اكلج حصلت الامل بأني في يوم من الايام راح اشيل طفل بيدي يكبر ويصيحلي ماما
صح العمر يمر وأني لحد هسة ما اجتني فرصة للزواج لأن الكل يرفضني من يعرفون اني طلبت الطلاق من هذال لأن فرصته بالانجاب صفر حتى طفل انابيب حالته متسمح
بس اني صابرة واثقة انو رب العالمين راح يعوضني

اجبنا بصوت واحد :ونعم بالله
وبعدها تشعبت الاحاديث وبقيت صامتة اراقبهن الى أن حان وقت الذهاب الى المدرسة
ذهبت صفا في جولتها مع لجان التفتيش
وأنا والخالة منى توجهنا الى المدرسة ولكنها قبل أن تذهب ارادت أن ترتب مظهرها في غرفتي
لتقول لي كلام بعث الامل داخلي
وجهت نظرها الى عيني مباشرة وقالت :كولي (قولي) الصدك(الصدق) انتي تردين زياد
اجبت بسرعة استغربتها على نفسي :اي
عندها قالت :خلي براسج فكرة وحدة انو زياد الج ومراح يصير لغيرج واتوكلي على رب العالمين وخل نيتج اتكون التقريب بين العائلتين بهذا الزواج حتى رب العالمين يسهل امرج
اني من طلبت الطلاق من هذال الكل وقف ضدي لأن بنظرهم اني وحدة بطرانة لأن هذال رجل اعمال مشهور وعائلتة كلش معروف بس اني ردت اطفال أربيهم مثثل ما ربتني امي على حب الخير للناس كنت دائما اشوف نفسي وي انسان غير هذال واني وياه انعلم ابننا الصلاة
هاي الصورة مطبوعة بذهني ومتعرفين شنو الصعوبات الي واجهتها حتى اطلق من هذال واكيد راح يجي اليوم الي اتصير الصورة حقيقة كدامي(امامي)
لتقول بعدها بصدق :لاتيأسين من رحمة رب العالمين
اجبتها :أن شاء الله
زرعت الامل في نفسي وانشرحت الاجواء من حولي
وارتجيت فرجا قريبا من خالقي
&&&&&&&&&&&&&&&&&&&&&&&&

اعرف جيدا بأنكم تنتظروني لتعرفوا ماذا فعلت تلك التجربة المريرة في نفس همام
ببساطة شديدة ليس همام الذي ينكسر بسهولة نعم وضعت في مكان ليس مكاني واتهمت بأشياء لا صحة لها وأقسى ما بكل ما واجهت ضربي المبرح لفلذة كبدي لبكري الذي عرفت معه معنى الابوة
لا ادري كيف طاوعتني يدي وضربته كيف استطاع عقلي أن يوعز ليدي بضربه اين كانت مشاعر في تلك اللحظة
لعنت الله على الشيطان الذي سيطر علي في وقتها
وانتقم الله من ام غيداء لانها كانت السبب
لاول مرة ارى نفسي طفل بحاجة لنصيحة الام وحنانها كم تمنيت أن اكون خالد عندما رأيته يستمع لمنى بانصات وبعدها تأخذه بالاحضان وتودعه نحو الباب
هذه المرة الاولى منذ 7 سنوات انتبه للمشاعر التي تربط ابنائي بمنى
كم تمنيت أن اعود للمنزل واراها واطلب منها بصدق بأني اريد أن تتلقفني بأحضانها وتشعرني بأمومتها مثلما تشعر اولادي بهذه الامومة
واعدها بأني سوف اسافر بها لاقصى بلاد العالم لكي احصل على علاج يزيل عقمها فأمرأة مثلها يجب أن تكون ام لصغير ينشأ في رحمها
ارتسمت بذهني صورة جميلة لطفل منى امه وأنا والده وسوف ابذل قصاري جهدي لكي تكتمل الصورة
وها أنا ارى امامي صورة حقيقة لقسوتي يدخل بهدوء ويلقي السلام على عجل لينصرف الى غرفته برأسٍ يكاد يلامس صدره
قررت أن اكسر حاجز الصمت معه وقبل أن يبتعد فقلت :خالد تعال
ليستدير نحوي ويقول :بابا تعبان واريد انام
اجبت :متتغدة
اجاب بهدوء :من تجي امي هي تعرف شوكت ادغدة
قلت :امك مراح تجي اليوم صفا اخت مرة ثامر اهنا وهي معزومة بيت عمك ابو علي الله يرحمه

وبعدها قلت :خالد لا تتحجج وكافي وتعال نتفاهم يعني الوين(الى متى) تظل زعلان لو تريد انزل على ايدك احبه
ليتوجه نحوي ويتلقف يدي ويقبلها بلقطة سريعة لم احسب حسابها او اتوقعها
وتبعها بقوله :بعد اكو شي مطلوب مني
اجبتهة بحدة :يعني هذا واجب المفروض تسوي وخلص الموضوع
اجاب :الواحد صاير ميضمن الوضع اسوي الي تريده احسن مما احجي احجاية حق واحصل ضرب من وراها
اخذت نفس عمق واخذت يده واجلسته بقربي وقلت :خالد أني عمري مديت أيدي عليك
اجاب بمرارة :لو مادها من كنت اصغير كان عادي اكول متعود بس مو هسة وبهذا العمر حتى الى كان ينضرب من هو اصغير اهلة بطلوا يضربوه من صار بعمري
تحاملت على نفسي وقلت :خالد الموضوع ما اريد افتحه واناقشة وانتة كيفك تريد تتكلم وياي او متتكلم هذا راجع الك بس اريد اكلك شغلة
لاتفكر تعاقب نفسك حتى تعاقبني المدرسة والدراسة هذا مستقبلك انته همام ما الة علاقة بيه

اجاب :فترة وراح اتجاوزهة بس هسة نفسيتي تعبانة وانتة تتخيل الموضوع ضرب وانتهى لا الموضوع اكبر اكو طلاب وياي كل ما أفوت من يمهم يكولون (يقولون)اخبار ابوك ورى ما فصل غيداء كعد (قعد)على الحديدة
وغيره من الكلام الي ما اكدر (اقدر)اتكلم بيه
كرهوني بالمدرسة مو بس اني حتى حسام
أجبته بغضب :منو ذولة بس كلي (قول لي)عليهم
قاطعني قائلا :ليش تضربهم
ليقول بعدها بابا مو كل شي ينحل بالضرب واني اعرف اشلون أتعامل وياهم
هاي مو اول مرة اسمع كلام يخص زواجاتك واصبر واتحمل واطنش الى أن املل الي يتكلمون وبعد ميسمعوني كلام
بس بابا كافي الله يخليك كافي
قاطعته بحدة :خالد هذا الموضوع ميخصك وما اريد اسمعه منك فاهم
اجاب بخضوع :حاضربابا بس الله يخليك بابا لاتضغط عليه واذا على الدراسة اني راح ارفع راسك بدراجتي بأذن الله
ونهظ ليغادر ومع نهوضه استيقظت كل مشاعر الابو داخلي وأنا ارى مدى تعبه وذلك الجرح الغائر في رأسه
نهضت معه وامسكت يده وغرسته في احضاني وقبلت رأسه حيث موضع الجرح وتركته لينصرف بهدوء
واحضى أن بالهدوء وابقى حيث انا في مكاني انتظر من سوف تغمرني بحنانها


استغفر الله واتوب أليه

همسو حبيت اشارككم بفرحتي بنتي حصلت على 94 بالمية بأمتحانات الوزارية للصف السادس الابتدائي

سبحان الله والحمد لله ولا أله ألا الله والله آكبر

الجزء (10)

في أعماق الليل حيث السكون الذي يلف كل المخلوقات
ألا أن السكون حولي بعثرني أنفاسه تشبه صوت زئير أسد يكتم غيضه ويتهيئا لاقتناص فريسته
كنت اهرب من هذا اليوم بشتى الطرق والوسائل لأني لا أقوى على تفسير ما يرد مني تفسيره
اقترب مني وعينه بعيني تطلق شرر أحاول تفاديهما ولكنه امسك بوجهي بقسوة
قلت بخوف :همام د تأذيني
لم يجب
ابقى تلك العيون تتجول في وجهي كأنها تريد أن تحرق وجهي بشررها
وأمسك بفكي بقسوة يريد تحطيمه
قلت بتوسل :همام الله يخليك كافي
أجاب بحقد :انتي شنو شايفتني كدامج (امامك)مغفل لو ثورررر
ليصرخ بصوت عالي :جاوبييني
قلت بتوسل :همام راح تفضحنة الله يخليك الأولاد نايمين
اجاب بحقد :7 سنوات منى وداخلين بال 8 ليش ما حجيتي ليش ما كلتي(لم تقولي )
عندها تملكني الغضب وذهب جزء بسيط من الخوف وقلت :شنو أحجي ليش انتة خليت مجال
للحجي ردت هاي حياتنة هشكل
ولاتنكر هسة وادكول (تقول) ما ردته
ولا مكيف الهة
لا شرطت الشرط وكيفت من قبلت بيه
همام تنكر فضلي بصاينة بيتك وتربية اولادك مو هسة تجي اتحاسبني على شي انته ما ردت تعرف بيه من البداية
اجاب بغضب :منى لاتقلبين المواضيع اني اتكلم بموضوع وانتي بموضوع ثاني
منى انتي بقيتي وي سلام 6 سنوات منى لاتخبليني سلام ليش ازوجج وليش محد عرف وليش قبلتي بالشرط منى اني دماغي يفر
اجبت :سلام ازوجني لان انتة ومناف خليتوه امام الامر الواقع من انتو صغار الى أن كبرتوا وانتو تكلون بلا خجل او مستحه اختنا لسلام وسلام ساكت ألى أن امه واخته سهاد خطبوني هو ميدري شيسوي يبطل
لا استمر الزواج وابدا
ما ندمانة على ايامي وي سلام كان ابو واخو وكل شي بحياتي
اجاب بحقد :مو انتي هذا مستواج رجال بالاسم
اجبته بغضب :لا والله رجال ونعم الرجال
اجاب بحدة :لو هو رجال كان ما خلاج كدام الناس بيج العيب هو رجال بلا رجولة
قلت بأندهاش : سلام يخليني كدام الناس بي عيب
\وبعدها قلت بأصرار :
ابدا هو دائما يكول(يقول) هو السبب بس الناس مصدك الرجال
يكولون يحب مرته وحتى لا نلح عليه يزوج يكول(يقول ) أني السبب
وزوجتك المرحومة ما قصرت وين متروح ادكول(تقول) سلام يحب مرته ويخلي العيب بيه وهو كل شي ما بيه
راحت الله يرحمه كانت كل ما تجي بس تريد ازوج سلام
كان حديثي سريعا لكي لايقاطعني ولكنه قاطعني بقسوة بالغة امسك برقبتي وضغط عليها بقوة وقال بحدة وغضب :مرتي متجيبهة على لسانج كل الي صار تستاهلي
لان انتي قبلتي بذاك الوضع مثل ما قبلتي بوضعنة
لتنكشف الاوراق وليتتقيح الجروح المختبئة فما عاد الالم يهم
قلت بغضب :لا ما قبلت بوضعنا خطبت وقبلت واني عندي امل اعيش حياة سعيدة وياك والي
رفضتهم كلهم والحجة حب سلام وما اكدر (ما أقدر)اعيش بلا حب سلام كان حب سلام حجة
لان كلهم عدهم زوجات ورياجيل كبار بس انته الي اقتنعت بيه وقررت اطوي صفحة سلام
بس الظاهر سلام صفحته ذهب صافي متنطوي بسهولة
لأن انته شرطت الشرط واني كرامتي منعتني من الرفض واذا رفضت شنو اكول(ماذا اقول) اكول(اقول) لا اني اريد حياة طبيعية واريد اعيش مثل الناس المزوجة
نظرت له وقلت :كان انته رفضت تزوجني وكلت هاي وحدة متستحي ما اريده
وقلت بحدة :
فضلت الحياء على حياة دون حياء والنتيجة شنو رضيت بالهم والهم ما رضة بيه همام
قبلت بيك واني اعرف مزوج وحدة بوقتهة بالسر وكلت ميخالف تصفى الامور وتكونين انتي الكل بالكل وما صفت الامور ابد
وكلت مخالف اعتبريه مثل اخوج وعيشي وياه ربي اولاده وصبرت واستحملت كلام الناس
وهسة شنو تريد الشرط وكسرته شنو علاقتك بحياتي بسلام شلون ما جانت (كانت)
اجاب بحقد : سلام ظلمج من بقاج على ذمة 6 سنوات اتخيلي لو ما ميت بالسرطان كان شنو مصيرج
قاطعته بكل ثقة /مصيري مثل مصري بيتك بس بيت سلام معززة مقدرة ويمك ما شفت غير القهر
جرني من شعري وقال :ياقهر ست منى شايلج على كفوف الراحة الي ترديه صار وحاضر
وخذتج وانتي غرقانة بحب المرحوم الله لا يرجعه
حاولت الدفاع
ولكنه قال بأستهزاء بعد أن حرر شعري :ها نسينة كانت حجة حتى لاتزوجين شايب وكيفتي (بمعنى فرحتي)بهمام من أتقدم ألج لان شاب
قلت بحدة :همام هسة شنو تريد
اجاب :المصيبة ما اعرف شنو اريد صدكيني (صدقيني)ما اعرف بس اكو نار بصدري ما ا
عرف اترجمهة لكلام ما اعرف شبيه اريد افرح ما اعرف افرح لأن دا اشتعل من جو اشلون سلام المؤن الصيام المصلي يسوي بيج هشكل
على الاقل يكلم لمناف
منى الف ليش بدماغي ما الهن تفسير
اجبت بهدوء :همام لاتفتح صفحات الماضي ما اريد احجي حجي يجرح
اجاب :لا احجي متفرق عندي بلكي (لعل) كثرة الجروح تخدر الالم
اذن هو يريد
قلت :اني قبلت بعيشتي وي سلام محد جبرني سلام انسان العيشة وياه تعني الحياة صدك
مو ذنبة انو انولد بهاي الدنيا هو عاجز مو ذنب انو انتة ومناف فرضتوني عليه
ومو ذنبه اني حبيته وما كان عندي استعداد اتركه
ما اريد احد يلوم سلام ولا اريد احجاية تطلع عليه بعد موته
ومثل ما حياتي وياك الهة اسرارهة حيتي وي سلام نفس الشي
كان جوابه صدمة بالنسبة الي
قال بكل برود :السرير بعده بغرفة هديل تكدرين ترجعين لغرفتهاا
اني طالع هسة وارجع بالليل
خرج مع كلمة الله آكبر التي انطلقت من الجامع القريب تعللن عن صلاة الفجر
فجر كنت آمل ان يكون بداية لحياة لسعيد
لا ادري لما انقلب الوضع تمنيت ان اكون بطلة في قصة يتلقفها البطل بالأحضان عندما يعلم بأنها أرضه التي لم يمسسها بشر غيره
&&&&&&&&&&&&&&&&&&&&&&&&&&&&&&&

أتممت صلاة الفجر في المسجد وتوجهت الى ارضي ملاذي
لا تلوموني ولا تقولوا لما فعلت بها هكذا انا نفسي لا اعلم لما تصرفت هكذا اردت أن ارتوي
من حنانها حتى اثمل اول الامر اردت حضن ام يحتويني وبعدها أردت حضن أنثى بالدلال تغريني
وبعدها اردتها سمائي ارضي ومائي
لينتهي كل شي بكشف سر خبئته السنين طويلا
لم اكن اعي ما اقول لها أأحتيوها كعروس جديدة في اول خطوة لها في عالم المتزوجين
ام اعاملها كأمراة تزوجت مرتين
احترت بأمري وما عرفت كيف احتويها لأني التجأت لها لتحتويني
فضعت معها في غياهب الماضي وقلبنا كل اوراقه فأصبح الماضي هو الحاضر فأي مستقبل ينتظرني
لن اتقبلها بسهولة
لا تسألوا لماذا
هناك حقد في صدري توجه نحوها وتوجه نحو ذلك المقبور زوجها
ارتضى وارتضت وبررت بما فيه الكفاية ولم تقنعني
لديها أخت كان من الممكن أن تلتجئ اليها
كان يجب أن تنبهني ولا اظلمها فوق ظلمها
كانت امنيتي بطفل منها واجوب بها أصقاع العالم لأنقذها من غول العقم اليوم لا اريد طفل منها تورثه خنوعها وقبولها بكل امر واقع في حياتها
اشمأزوا مني فأنا نفسي لا اعرف ما بي
دخلت الغرفة وأغلقتها خلفي وذهبت بسبات عميق
في عمق نومي سمعت صوت محرك سيارة اجبرني على فتح عينيا وانصت بتركيز لاعرف ماهذا الصوت الذي يشبه محرك السيارة
وبعد أن ادركت أين انا عرفت مصدر الصوت انه ماطور الماء الخاص بالارض
نهضت بكسل وتناولت هاتفي لاعرف كم الساعة
ويالة العجب انها الساعة الحادي عشر صباحا وهذه اول مرة انم الى هذا الوقت
صدمني الوقت مثلما صدمني خلو هاتفي من مكالمات فائتة
هل هذا يعني عدم اهميتي لديها
تلك المتخاذلة المستسلمة بالتأكيد استسلمت للأمر الواقع هذا طبعها الجبان

خرجت من الغرفة ووجدت علي إمامي يلقي تعليماته للفلاح
لم ابالي بنظرات الدهشة وتوجهت الى الحمام واغتسلت وخرجت وأنا انشف وجهي والهواء البارد يعصف به
لم اتحمل فدخلت الغرفة ووجدت علي ينتظرني وفي جعيته الآلف الأسئلة التي لن اسمح له بسؤالها
قلت :السلام عليكم
أجاب بهدوء :وعليكم السلام
وبعدها قال: أله بالخير
أجبته :أله بالخير
قال بتساؤل :من شوكت انته اهنا
قلت :من الفجر
ليقول باستهزاء :ليش طارديك اهلك
أجبته بحدة :بعدهة ما جايبته امهة الي تطرد همام
ثمن كلام علي
اجاب :على كيف شنو القصة انو شنو كلت(قلت) واحد عايف بيته الفجر غير وراه سالفة خاصة انته سوالفك ما تخلص
القيت عليه نظرة والتقطت عيني الشبه بينه وبين خالته
وربطت بين استسلام خالته للأمر الواقع واستسلامه لهواجسه ولماضي لن يعود ابد
هل من المعقول أن ارزق بأبن منها يكون نسخة أخرى متخاذلة
العائلة كلها لديها تخاذل
هي قبلت أن تكون الزوجة غير الزوجة معي ومع غيري
وهو قبل أن يبقى حبيس هواجس الماضي وحب لم يولد ابدا ً
ومناف بقى حبيس الحقد على ام ثامر رغم حبه لثامر وحبيس الخمر رغم كره له
وأم علي كان مستسلمة تماما لابو علي رغم قوة شخصيتها واستلامها لزمام الامور بعد وفاته
اخرجني من تأملي صوت علي وهو يقول :شنو ناوي ترسم صور ألي
اجبته بكل برود :تدري انته تشبه خوالك
اجاب وهو يحك حواجبه :ليش
بية ملامح من خالتي حتى من احد يسألني عادي اكول(اقول) اني طالعة على خالتي مرة ابن عمي همام
القيت عليه نظرة بمعنى :اخرس
ففهمها بسرعة وقال :سكتنا
اجبته :مو بس بالشكل حتى بالتفكير
اجاب :أاشلون
قلت :اكلك(اقول لك) انته تعرف اشلون ازوجوا امك و ابوك
اجاب بدهشة :اشلون يعني غير خطبه من اهلها وقبلت
ورسمه ابتسامة بلهاء على وجهه
إجابته والابتسامة البلهاء اوحت لي انه لايعرف القصة الحقيقية فقررت أروي له حكاية زواج عمي اسماعيل ذلك الرجل الذي لم يرث منه ابنه قوة العزم والإرادة وروح المغامرة
قلت :خل اسولفلك
اجاب بعد أن وضع وسادة خلف ظهره ليجلس جلسة مريحة :نسمع
قلت :ابوك كان خاطب بنت ابن عمه ابنية وحيدة ابوهة وابوهة رجال كبير بيوتهم بقرية فوك (فوق) بغداد
والرجال شوي حازم فمن خطب ابوك كله تجي بعد شهرين تجيب النيشان (ملابس وذهب )
وتعقد وتاخذ مرتك
وبعد شهرين راح ابوك وياه عمامة وابوي واخوته الكبار واهل المنطقة الي يعرفهم
حتى يعقد ويجيب مرته
راح لكه مرته مزوجهة ابوهة لواحد شيخ بالقرية كان يتمنى يخطب بنته واتقدمله من سمع ابوك خطبهة
ومن اتقدملهة ابوهة زوجهة بنفس اليوم
نظرت له بتعمد وقلت :طبعا ابوك رجال ما وكف(أوقف) حياته وعاش على الإطلال وعلى لحظة الانتقام
كان جواب علي نظرات مبهمة وقال:كمل خوش سالفة شنو صار وعوف الكلام الي من جو لي جو ماكو داعي اله
قلت :اكمل
حتى تعرف ابوك شلون كان
وبعدها قلت :ابوك دخل على ابن عمه وكله وين وعدك ابن عمه كله(قالة له) والله هذا الرجال كنت اتمناه واجه وما كدرت ارده وابوك كام (قام بمعنى نهض) من مجلس ابن عمه والجماعة الي وياه كلهم كاموا وياه وكال(قال)قبل لا يطلع من المجلس نتواجه بديوان الله بيوم الحشر ونشوف الحق وي منو
وراح لبيت الشيخ الي ازوج بنت ابن عمه ونفس الكلام كال وطلع من بيته
تدري وين راح
اجاب بلهفة :وين راح
اكملت قائلا :نفس الجماعة الي راحوا وياه حتى يعقدون على بنت ابن عمه راحوا وياه حتى يخطبون امك الي اقترحه عليه واحد من اصدقائه ورب العالمين مراد يفشل ابوك وقبل جدك يزوج امك لابوك بعد اسبوع بنفس النيشان
اجاب :شنو القصد
اجبته :القصد يا ابن عمي انته مخول يعني طالع على خوالك يعجبكم تعيشون المظلومية وادورها بدماغكم الف دورة ومتطلع تبقون عايشين الظلم بداخل ادمغتكم
خالك عايش بقوقعة هسة يال كدر يطلع منه كضة عمره يلف ويدور بيه
وانته تعرف نفسك واخر شي كدرت ترجع الضرب لزياد وبديت ادور على مستقبلك الي توقف اسنين لان انته مشغول بفكرة الانتقام
حتى من كثر ما اتفكر بالانتقام نسيبت اختك شنو تريد لو شنو شعورهة لان هذا الموضوع ميهمك
ليقاطعني بخباثة :هاي اني وخالي واكيد امي هم ما عاجبتك لان ازوجت بنفس نيشان خطيبة ابوي السابق وقبلت بالامر الواقع
با الله ابو خالد وخالتي شنو علتهة
قلت :هذا الموضوع يخصني
اجاب بحدة :لا اني اكلك (اقول لك )خالتي شنو علته
علته انت ونسوانك وهي قابلة بيك وبضيمك الي يبدي ومينتهي لان المفروض تعوف ألك البيت وتصير ثورية ومتقبل بوضعك
وحدة مثلهة 3 بيوت مفتوحة الهة ليش تبقى وي واحد مثلك
قلت ببرود :والله روح اسئلها يمكن اجاوبك
ونهضت لاغادر ولكنه اوقفني بقوله :وانتة الي تزوج كل وحدة شكل وكل وحدة تاخذ منك فلوس بكد شعر راسك
على منو طالع با الله لأن ما اعرف احد بالعائلة مثلك
اجبته بفخر :اني اني ما طالع على احد ولا حياتي تتوقف على مود احد ولا بسبب احد
لا تعتقد أنو ام غيداء كسرت همام لا همام مينكسر والايام راح تثبتلك
وتركته وغادرت المكان توجهت لأعيش تجربة سابقة اريد ان أكسر بها مللا وخيبة تسللوا لداخلي
دخلت السيارة وشغلت المحرك
وتناولت هاتفي وضغطت على زر الاتصال بعد أن اخرجت رقم لا ادري لما احتفظت به
جائني صوتها قائلا :كنت متأكدة راح يجي يوم وتتصل
اجبتها :بس هاي المرة الوضع مختلف اريد زواج بالعلن
هل تعتقدون بأني تهورت لايهم
التهور في الحياة ميزة يجب أن اتميز بها
&&&&&&&&&&&&&&&&&&&&&&&&&&&&&&&&&
اصرت ان اجلس على مكتبي على الرغم من الأصول التربوية تقول أن جلوسها خلف المكتب حق له
والحق يقال كبرت بعيني لهذا التصرف المهذب
منحني الجلوس حيث انا أتوسط المكان مراقبة ما يدور حولي
أدير مدرسة كادرها التدريسي 20 بين مدرس ومدرسة
كلهم اجتمعوا في غرفة الإدارة لكي ينصتوا الى المشرفة صفا القادمة بتكليف من الوزارة

لمتابعة مستوى التدريس لدى المدرسين وكيفبة تطويره ومعالجة المنخفض منه
كانت تجلس بقرب المدرسات اما المدرسين فيجلسون بالجانب الآخر
اعرف نظراتهم جيدا فهم كتاب مفتوح امامي سلمان مدرس الكيمياء الذي لا يرفع بصره مطلقا
ووليد مدرس الاحياء الذي يبحث عن فرصة جيدة للزواج
وهادي مدرس التاريخ الذي يبحث عن فتاة تعيش معه حياة العبث التي يعيشها
وغيرهم وغيرهم كل شخص عيونه تنطق بما هي عليه أخلاقه
اما هي فتتكلم بثقة غير ابه بالنظرات حتى وأن عرفت معناها
انتهى الاجتماع بتوصيات منها لبعض التدريسيين بأخذ دورات في موادهم تساعدهم على اداء دروسهم بشكل أفضل وتوصيل المادة الى الطلاب بطريقة أسهل
وبدأ المدرسين والمدرسات بمغادرة الغرفة لتقول لاخر واحد غادرها : لو سمحت خلي الباب مفتوح
بصراحة أعجبني تصرفها فأنا كنت أراقب الباب ولو لم تقل هي هذا الجملة لكنت أنا قائلها فباب
مغلق خلفه مدير المدرسة والمشرفة التربوية في مدرسة أولاد وكادر تدريسي فيه مختلف نفسيات البشر يعني فضيحة للمشرفة التربوية وكلام تحت الطاولة على مدير المدرسة
وبعدها وجهت كلامها لي قائلة :استاذ مناف ما شاء الله اكو انسجام بينك وبين الكادر التدريسي
اجبتها بثقة :ست صفا 10 سنوات مدير مو قليلة واقل واحد بيهم خدمته 3 سنوات بالمدرسة
لتخرج دفترة صغير من حقيبته وتقرأ فيه وتقول :استاذ مناف عندك مدرس اسمه يحيى
مضظرة ارفع اسمه للوزارة لأن واحد من الكادر التدريسي يكول(يقول) هذا المرسي يدوام مرتين بالاسبوع وفعلا حققنا بالموضوع وطلع كلامه صح
ومثل هيج مدرس يضر بمستقبل الطلاب

تريد ان تعاقب يحيى أفضل مدرس فيزياء بالمنطقة حتى وان كان سجل غيابه يقول الحضور يومان بالاسبوع
ولكنه في هاذين اليومين يعطي للطلاب معلومات تكفيهم لمدة شهر
قلت :ست صفا مو كل الكلام يصدك ولا كل الامور ناخذ منها الظاهر
اجابت :يعني
قلت :استاذ يحيى زوجته مريضة ومرضها يتطلب تواجدها بأربيل لفترات طويلة
وهو يدوام يومين بالاسبوع وبقية الاسبوع وي زوجته بأربيل
وهاي اليومين يكفي وي وفي
اجابت بعلمية :بس هذا يربك الطالب
قلت بخبرة :لا ماكو ارباك اذا عندك مدرس مقتدر يعرف اشلون يقسم الدروس
وهذا المدرس بالذات بضمانتي
اجابت :بس استاذ مناف واجبي ابلغ
قلت بحدة :بس اكو شي اسمه تقدير لوضع المدرس وهاي مسؤولية الادارة واني هذا التدريسي ما اتخله عنه واعرضه لهيج مسائلة
رفعي اسمي وكولي (قولي)المدير عنده تسيب
بس مترفعين اسم استاذ يحيى لأن الرجال يسوي الي عليه احسن من هواي مدرسي يجون كل يوم بلا فايدة
مو هاي احنه الزين نكصص جناحته والزبالة نرفعها فوك (فوق)

أجابت بحدة :استاذ مناف ماكو داعي لهاي الألفاظ
اجبت بتعجب :يا الفاظ شنو زبالة صارت ألفاظ
كان جوابهة الصمت واستأذنت للخروج
وقلت بجفاء :ست صفا خلصتي شغل بمدرستي لأ اني باجر اريد اخذ اجازة وابو زهراء راح ياخذ مكاني عنددج شي اتفاهمي وياه
لم ابالي بنظرت عينيها المندهشة
عندما قلت:وابو زهراء معاون صار اله 13 سنة بهاي المدرسة يفيدج اكثر مني
قالت ببرود :لا ماكو داعي خلصت باجر عندي بغير مدرسة وبالنسبة لاستاذ يحيى اسفة لأن مضطرة ارفع اسمه
قلت ببرود ظاهري وغليان داخلي :لا براحتج بس لاتنسين تكلين (تقولين)بعلم المدير
غادرت المكان بعد أن قالت :اكيد مراح انسه
الم اقل لكم لاتطاق
رفعت هاتفي وأتصلت بثامر ودون سلام قلت :شوف ابن اخوي اخت مرتك استقيل من التعليم واصير رئيس عصابه واخطفها واقتلهة وأوزع لحمهه على ببزازين المنطقة وجلابهة (كلابها )
اتاني صوته مهدئا :عمي مدكلي(متقولي) شكووو شنو صار ليش صاير عصبي
اخبرته بما حصل لافاجئ بقوله :يا عمي غير واجبه
قلت بحدة :واجبه ايطبه مرض قسم بالله العظيم اذا كتبت على يحيى اروح اركبه سيارة وارجعها الك هسة
هو ناقص
الرجال صار أله عشر سنوات ميصير عنده خلفة ورايح لاربيل حتى يسوي هناك طفل انابيب
ومرته هس يالة حامل اشلون يعهوفه الاسبوزع كله وحدها
خل اتخلي عده اشوي انسانية لو بس تعرف اتعوف رجلها على مود الخلفة
عساه عمرهة ما شافت الخلفة وحدة بلا انسانية
اخرجت كل ما بجعبتي وسط اعتراض ثامر بكلمات مبتورة لم اسمح له بأكملها
انهيت كلامي واغلقت الهاتف بوجه ثامر دون أن اسمع منه كلمة واغلقت هاتفي تماما لكي اتخلص من سيل اتصالاته
واتفرغ للتفكير بكيفية معاقبة هذه العديمة الانسانية

&&&&&&&&&&&&&&&&&&&&&&&&&&&&&&&&&&&&&&


تناولنا غداء جامعي وبأجواء مريحة رغم قلقي على منار التي تبدو شاحبة ولكني لم اعلق مطلقا
اما علي فهو يحاول ترطيب الأجواء بنوادر من هنا وهناك وفتح مواضيع مختلفة والتحدث عن
الدورة التي سوف يذهب لها برفقة مجموعة من من يرغبون بأخذ دورة في الحاسوب واللغة استعداداً لدراسة الماجستير
هذه هي عادة علي عندما يحصل على ما يريد يبدأ بالتودد للجميع والتقرب من من جافاه سابقا متناسيا كل ما حدث
في الصباح حاول بشتى الطرق فتح موضوع منار وزياد ولكن لم اسمح له ألا أن فاض به واخبرني بكل ما حصل وكان جوابي بسيط جدا قلت :خير أن شاء الله
لأن اتصال دجلة وتأكيدها على رغبة زياد بمنار
طمأنني كثيرا وبدأنا نعمل سويا من اجل إخماد غضب علي وتهيئة الأوضاع من اجل زواج هادئ لزياد منار
انتهت وجبة الغداء وتكفلت منار بترتيب المطبخ وإعداد الشاي لي ولأخيها
وفي جلسة ودية هادئة ودافئة بتواجد أكواب الشاي
بد علي كلامه قائلا :يمة خابرتي خالتي منى
قلت بتساؤل :اي يمة خابرته وهسة صفا تتغدة يمهة
ليش خير
اجاب بأرتباك :لا ماكو شي بس همام شفته نايم بالبيت الي بالكاع (الارض) وكلت (قلت)خاف متعاركين
قلت بثقة :لا ما حجت منى بس يمكن راح يشوف الزرع من الفجر
قال بهدوء :يمكن
وبعدها قال :يمة أني راح اروح دورة الحاسوب وراح اطلع من الصبح ارجع بالخمسة بالستة العصر
فشنو تحتاجين كليلي من هسة حتى متحتاجون شي اذا اني ما موجود
واذا احتاجيتوا شي اتصلي بخالد وبحسام ومراح يقصرون
قلت بصدق :الله يوفقك يمة زين اتسوي اتفكر بمستقبلك
وقطعت جملتي التي من الممكن أن تفتح مواضيع أنا في غنى عنها خاصة وأني اريد أن اقول له بضرورة التفكير بالزواج مثلما تفكر بالماجستير
خطوة خطوة وكل شي ينحل
انطلق صوت هاتف المنزل وتوجه علي للاجابه
وسمعته يرحب بقوة بالشخص الموجود على الطرف الأخر
وبعدها أدركت بمن يرحب انها دجلة
اعطاني الهاتف بعد أخذ نصيبه من كلمات الاشتياق التي تطرب بها دجلة مسامعه كلما سمعت صوته او قابلته
اخذت السماعة وقلت :هلا ام محمد
اجابت :ابنج اليوم يضحك
نظرت نحوه وقلت :هي عمه وحدة اشلون ميضحك بوجهة
كانت نظراته مراقبة واشار بيده بمعنى أني ذاهب للنوم
وذهب الى غرفته وتركني مع عمته نأخذ راحتنا بالكلام قلت :مو كلتي اجيكم اليوم
اجابت :ابنج مراح اتفوته هاي الزيارة خل يفوت اسبوع واجيكم والي كاتبه الله يصير
بس اخوج خلي برة الموضوع مو يريد يشبك الأمور بعضه
اجبتها بثقة:
لا خابرته (اتصلت به)وفهمتة الوضع وكال كيفكم شتردون اتسون المهم بلا مشاكل
اجابت بثقة :اكيد بلا مشاكل والله ام علي كلام علي لحد هسة يرن بأذني من فضحنا بالشارع
الا اني اشلون اوقف ضد ابن اخوي بس شدكولين الشيطان لعبها صح وانتصر علينة
اجبتها وذكرى ذلك اليوم محفور بالذاكرة :ام محمد علي عصبي وحقة يضيعه من ورة عصيبته
اجابت بفخر :والله ام علي مو لأن زياد ابني بس زياد هادئ ويعرف اشلون يوصل لحقه بالهدوء
وهو الي كال تركوا الموضوع هسة خل احسن علاقتي وي علي وامتص غضبه والله كريم
قلت :الله كريم
وبعدها أخذتنا الأحاديث بعيدا كسابق عهدنا في اتصالاتنا في الماضي
عادت دجلة الصديقة وعدت لها
&&&&&&&&&&&&&&&&&&&&&&&&&&&&&&&&&&&&
تواجد صفا على الغداء معي منحني رفقة رائعة ونصيحة قيمة وراحة بال انا بأمس الحاجة لها
بعد انتهاء وجبة الغداء جلسنا لوحدنا بعد أن استأذنت هديل لإكمال واجباتها الخاصة بالدورة

أخبرتها بكل ما جرى لي في حياتي مع سلام ومع همام
كانت صفا منذهلة من كم المعلومات التي اطلعت عليها ومن استسلام الانثى التي امامها
انهيت كلامي لتستلمني صفا بمحاضرة عن حقوق المرأة اتجاه نفسها :شوفي صفا ألي راح راح صعب يرجع بس انتي غلطانة اذا ويي سلام الله يرحمة واذا وي همام
وبصراحة بغض النظر عن اختلافي وي همام بس هاي المرة اني اوكف وياه
منى اشلون قبلتي بوضعج وي سلام لا ويكلون المرأة مظلومة من قبل الرجل لا والله المرأة هي تظلم نفسه قبل لايظلمه الرجل
اجبتها بهدوء :صفا ان تحجين من وجهة نظرج صفا الي تحجي
صفا الي اتحملت حجي الناس وما قبلت بالظلم لنفسها
صفا هذال مو أبن منطقتج مو جارج مو صديق اخوج سهل عليج الكلام بس اني وضعي وي
سلام مختلف تماما ما أله علاقة بوضعج وي هذال
صفا سلام صدك سلام كان صعب عليه اجرحه للعلم وهو كان يلح عليه ننفصل واني ارفض
وما اقبل
أحس اكو ارتباط روحي بيني وبينه صفا صدكيني كان صعب علي الانفضال
اجابت بقوة :زين هذا سلام وضعه هشكل مناف اشلون قبلتي على روحج
اجبت بخجل :صفا استحيت شنو ااكول لا والله اني ما اقبل اريد حياة زوجية كاملة
والله لو اموت ما اسويهة
اجابت بحدة :موتي احسن الج من حياة التخاذل والانهزام الي انتي عايشته
اكول عيوني منى انتي ليش ازوجتي ترة ما اخذتي من الحياة الزوجية غيي اتعس اتعس اوضاعه والله لو باقية بيت اهلج احسن
اجبتها بثقة :لا بالعكس وي سلام حصلت على الشهادة وقوة الشخصية الي درسنياها سلام وخلاني اوجه المجتمع الي يعتقد اني عقيم بقوة
وي همام تجربتي وي اطفاله مراح انساهة شعرت وياهم بأمومة حقيقية
اجاب :منى كل عقلج انتي
ومشاعرج ورغباتج كأمراة وين هي
اجبتها بصدق :ما كانت شي ضروري بالنسبة للشي الي حصلته شهادة وشخصية قوية وامومة
اذا خليته بالميزان امام الغريزة الانثوية
اكيد راح تكون كفة الاولى ارجح
ركزت نظرها اتجاهي وقالت :تدرين اني ما اعرف اعيش هيج عيشة اني وانتي مختلفين أني صعب اضحي هيج تضحية
اجبتها :بس اذا اتحسين انو الشخص الي عايشة وياه يستحق راح اتضحين
اجابت بهدوء :هذال صح كان يحبني بس كان اناني بهواي اشياء تخصني اذا طلبت منه ازور وحدة من معارفي وهو عنده واحد من اصدقاءه يحضر على العشاء اكيد طلبي مرفوض وطلبي يجب ان ينفذ
اذا كان عندي بحث وهو عنده شغل يأخذ كل وقتي حتى اساعده بشغلة واني وبحثي اخر أهتمامة حتى ميهتم بالوقت الي بقى ألي حتى اكمل بحثي المهم شغله يخلص
اجبتها :سلام كانت حياتي وياه سلام فترة بعمري مراح اندم عليهة
بس همام شي مختلف ما اعرف شنو وضعنا قبل وهسة الوضع اتعقد اكثر
اجابت :اتحبيه
لاول مرة اقولها نابعة من اعماقي :اي احبه وهاي اول مرة اعترف بيه تدرين ليش
قالت :ليش
اجبت :لان مشكلة البارحة خلتني افتح كل دفاتر الماضي ومن فرغت شفت انسب كلمة اكتبه بالدفاتر الي فرغت هي احبك همام حسيت روحي خفيفة كلش وحب همام صار واضح كدام عيوني
بس كليلي شسوي وهو طردني من غرفته واشلون افسر لهديل
اجابت :هو مو يكول انتي انهزامية وتستلمين بسرعة
اجبت :نعم
قالت :ابقي بالغرفة ولاطلعين
قلت بخوف :واذا اجه وطردني
اجابت :كوليلة ما اطلع من غرفتي اذا تريد طلعني رسمي من بيتك
اجبت بخوف :واذا سوها
قالت :انتي جبانة والله حقه يسوي بيج كلشي
قلت بضجر :صفا كتلج هاي أاني مو انتي
اجابت بأستهزاء :زين يا أنتي روحي نامي بغرفة هديل وشوفي اشلون المشكلة راح تكبر اشوي اشوي
بصراحة كلامها صحيح علي ان اجازف لعلة المجازفة تأتي بنتائج مثمرة
قلت بخوف :صفا همام ردود افعالة مرات عنيفة
اجابت بأشمأزاز :يعني شنو يضربج
قلت بأعتراض :لا يمعودة وين راح فكرج
اجابت :لعد شنو
اجابت بتردد :يزوج
اجابلت بثقة عالية :عادي مو جديد عليج
خاف يسويهة لا تسألين بيه واتحملي اشوي
وراح اتشوفين اشلون الصافي الج
كم اتمنى أن ارى اول من قال :الي ايده بالماي مو مثل الي ايده بالنار
حتى اثني عليه واشكره لأنه عبر عن حالي وانا اتكلم مع صفا
راقبتها وهي تتكلم مع ثامر وبدت خجلة جدا واحمر وجهها وانهت المكالمة بكلمات آسى أسف
قلت :شكو شنو القصة
اجابت :ماكو شي بس ردت ارفع اسم مدرس للوزارة وطلع عنده حالة كلش خاص واليوم صارت مشكلة وي اخوج
والظاهر متصل بثامر وهو عصبي
يعني راح ينقص نصه لو متكلم بلا عصبية وشارح الوضعيه ما ادري دماغ اخوج اشلون يشتغل
اجبتها بمرح احاول ان ارفه به عن نفسي :يا اختي اخذيه وشغلي دماغه على راحتج
اجابت :قنعيه واني قابلة ألا اني متأكدة اخر وحدى يفكر بيه اخوج اني
قلت بتساؤل :صفا يعني كلام جد اذا وافق مناف يخطبج تقبلين
اجابت بثقة :طبعا اقبل صح هو عصبي وعليه طلعات بس مواصفاتة البقية كلها مناسبة حتى اصرارة على ترك الشرب ويسعى ويدور على اطباء حتى يتعالج بصراحة هذا شي نادر مو كل واحد يسوه
اجبتها وانا بحالة ذهول :تدرين ما اتوقعت
اجابت :لا يروح فكرج لبعيد ترة مو حب بس عادي اذا اتقدملي اقبل واذا اتقدملي احد غيره مناسب قبله اكيد مراح انتظر مناف
اجبتها بصدق :والله مناف محظوظ اذا انتي نورتي بيته
اجابت :يمعودة اخوج بس يسمع اول حرف من اسمي يطردج من البيت
قلت :لا هو ميحتاج يطردني لان اكله(اقول له) يزوجج لا هو راح يطردني بس يسمع كلمة زواج
عندها بدأنا نتندر بمناف ووضعه
ونسيت مؤقتا ما ينتظرني مع همام
ايتها السعادة هل انتي قريبة ؟؟؟؟؟



أستغفر الله وأتوب أليه


همسة اسفة لاني لم استطع الرد على ردوكم اعزائي المتابعين
ولكني بالتأكيد لن اهملها لي عودة غدا بالرد عليها
سوء الاتصال بالكاد منحني فرصة لوضع الجزء بين ايديكم

صباح الطيب والله ما اعرف اشلون ابرر بس البارحة قطعت الشبكة وهسة يالة اجت والله كاعدة من الصبح على مودكم حتى أبونا يكول شكو اليوم من الصبح كتله عندي احباب اكيد زعلانين عليه البارحة
اتفضلوا الجزء
وفدوة لعين الغوالي ونقاشاتهم لي عودة بالرد عليها


سبحان الله والحمد لله ولا أله ألا الله والله أكبر

الجزء(11)

غروري صور لي أن الفرحة سوف تفقد من تكلمني على الطرف الأخر صوابها ولكن الصمت كان جوابا لم اعرف له تفسير
لتقطعه بقولها :همام شنو نسيت كلامي شلون اهلي راح يوافقون واني ..
وعاد السكون يخيم على الاجواء
نعم تذكرت قصتها وقصة ذلك الحادث الذي أصابها
قلت :نفكر وانشوف طريقة
اجابت بجرئة :همام اني اعجبك وانتي تعجبني ليش اندور على طرق واحنه تقدر نزوج بلا ما احد يعرف
بطريقة مريحة الك والي
تعجبني هل فسرت طلبي على أنه إعجاب لا ادري لما احترت في تفسير طلبي هذا فالإعجاب لا يعبر عنه والرغبة لاتمثله
اذن لم اتصلت
قلت :لا اني هذا الوضع ميعجبني خلينة انفكر بطريقة لو نلغي الموضوع تماما
اجابت بسرعة :لا لا همام الله يخليك اني بعدك ما قبلت ازوج صدكني
فكر بأي طريقة المهم اكون زوجتك بالطريقة الي تريدهة
هل تورطت هل أقحمت نفسي في امر لن استطيع التخلص منه
قلت :سماهر لا تبنين عليه امال اني لو زواج علني والكل يعرف بيه لو مراح ازوج
وانتي ظرفج ميسمح
اجابت :همام خل نفكر وانشوف حل واني راح اتصل بيك وأن شاء الله راح يصير مثل ما تريد

قلت "الله كريم يلة مع السلام
اجابت :همام هذا الطلب جدي وراح اهيئ الظروف بيت اهلي
اجبته :اي جدي وهيئ الظروف بس ظروف زواج علني
اجابت بلهفة :ولايهمك كل تريد راح يجرالك
واغلقت الهاتف
وسط نزاع عنيف داخلي
محوته وتوجهت لكي استعجل طلب الأسمدة التي تحتاجها الارض
واجد من اقضي معه الوقت حتى منتصف الليل
لا اريد أن أعود وارها إمامي لأن لا اضمن ردة فعلي هل سوف أأخذها بأحضان أم سوف ارميها خارج أسوار منزلي


&&&&&&&&&&&&&&&&&&&&&&&&&&&&


عائلة كريمة بطيبة قلب واضحة وفرت لي كل وسائل الراحة من اجل إتمام مهمتي

حتى ذلك الغاضب دائما كانت خطواته التي يظن خفية واضحة إمامي كل مدرسة أولاد ادخلها
يخبرني مديرها
بتوصيات الأستاذ مناف لهم لكي يسهلوا مهمتي واعود سريعا لمدينتي
يريد الخلاص مني
لا ادري لما يراني مصدر غير أمن بالنسبة له
اعرف وجهة نظره تجاهي ولا ابالي بها اعرف بعرض ثامر له بالزواج مني ولايهمني وأن عرضني الثامر فهو لن يجبرني الرأي الحاسم هو لي
وهذا لايعني أني ارفض مناف بل ارفض افكار مناف عني
فأنا لست المرأة التي تخلت عن زوجها لانه لا ينجب أنا المرأة التي تعلقت بالامومة ولم تقتنع
بأنها لن تنجب تحملت معه أنواع العلاجات الطبية حتى طفل الانابيب رغم تأكيد الأطباء على
فشله ولكني تحملته
قضيت معه 8 سنوات كلها محاولات فاشلة وفاض الكيل بي وصرخت بأعلى صوتي أريد أن أصبح ام وهذا حقي
وطلبت الطلاق من رجل الإعمال المعروف هذال ألـ وتركت العز والعلاقات الاجتماعية
والطبقة الارستقراطية خلف ظهري من اجل طفل سوف يقول ماما ذات يوم لي
وها أنا مطلقة منذ 8 سنوات لم يطرق بابي احد وأن طُرق فمن قبل رجال حالتهم شبيه بحالة
هذال او كبار بالسن يردون من تعينهم على ما تبقى من أعمارهم
اما هذال تزوج بفتاة اصغر مني عمرا بكثير واخبرها بصريح العبارة بأنه لاينجب
و وافقت وتخلت عن حلم الامومة معه
لن اقول عن هذال كان يضربني او كان وكان على العكس تماما كان رغم انانيته فيما يتعلق
بعملي ألا أنه انسان كريم النفس لأبعد الحدود وصريح و واضح مع نفسه لأبعد الحدود فهو
بمجرد أن اخبره الدكتور بعقمه صارحني بالموضوع وتحمل معي كل العلاجات والتجارب
التي كنت اصر عليها رغم ثقته بفشلها
ولكنه عند الطلاق قلب الأمور كلها على رأسي وجعلني تلك الزوجة التي لم تقدر زوجها بنظر
الناس لم يشوه سمعتي مطلقا ولكنه شوه مفهوم الزواج معي فزوجة تترك زوجها من اجل
الاطفال مفهوم غير مقبول في مجتمعي واستغل هذا الموضوع وبثقته بنفسه المعروفة
وصراحته التي يشتهر بها كان لا يتوانى مطلقا في قول هذه الحقيقية مع إضافات منه عن مدى
السعادة التي كنت أعيشها معه ولكني كنت ناكرة للمعروفة وتركته من اجل طفل
ولكل يتعاطف معه وينعتني بالمرأة التي لم تحمد الله على النعمة التي منحها لها
واني احمد الله لأنه وهبني هذه القوة لكي اتحمل كلام الناس امامي وخلفي
علي أن اتصل به لأوضح له الامر فأنا اخر امرأة اقف بوجه من يريد أن يحصل على طفل
وهو اخر رجل يرغب بسماع صوتي ولكني يجب أن اتصل
اتصلت بأم علي لأتأكد أن كان علي موجود بالبيت ام لا
وبالفعل علي غير موجود
توجهت الى حيث تجتمع العائلة وجدت ام علي مع منار يتابعون مسلسل اهل الراية السوري
وهن في قمة التأثر على ابنة الزعيم سلطان ابو الحسن وما حصل لها
بعد أن جلست بقرب ام علي قلت :شنو هاي اول مرة اتشوفي
اجابت وهي تمسح دموعها :اي والله هاي اول مرة برمضان بالمطبخ
والصلاة والقرأن عندي اهم من المسلسلات وهن ينعادن بعد رمضان ليش اضيع الشهر على مودهن
اجبت :اي والله ام علي لا ونتعلق من كل كلبنة (قلبنا)اني اذكر اول جزء لباب الحارة كل النسوان الي اعرفهن بس يباوعن على ابوشهاب كتلهن طار الصيام من ورة ابوشهاب
لتجيب بضحكة وهي تقول :هي منى العاقلة تكابل(تقابل ) التلفزيون وادكول فدوة لهاي العيون والشوارب والطول اتخبلن النسوان
وبعد اول جزء باب الحارة كالت بعد ما اتابعه برمضان ضيعت صيامي كله
قلت بهدوء :ام علي اريد رقم مناف بيه شي اذا اتصلت بيه
اجابت :لا يمة ليش شكو بيه هو مثل اخوج خابرية ترة ميقصر اذا تردين شي
قلت :لا والله ام علي ما محتاجة شي بس صارت شغلة واخاف ماخذ على خاطرة ولازم اعتذر منه
اجابت بحذر :صار عصبي
قلت :الظاهر
قالت :لاتخابريه فدوة لعينج خاف يسمعج حجاية متتحمليه ترة مناف صريح زايد عن اللزوم
صح عصيبته خفيفة بس تطلع منه أحجايات قنابل من ايصير عصبي ويذبهة وبوجهج بكل هدوء
قلت:ام علي ميخالف اني غلطانة واريد اوضح وجهة نظري ليش يظل شايل عليه
قالت بأستسلام :كيفج بس مو ادكولين ما كلتلي
اجبتها بأبتسامة :لا على مسؤوليتي يمعودة اني باجر من الصبح مسافرة يعني ابري ذمتي والله ويايي
اعطتني الرقم من هاتفها وتوجهت الى غرفة منار التي اشاركها بها
وضغطت زر الاتصال واستمر بالرنين طويلا ولم يجب وعاودت المحاولة ثلاثة مرات الى أن اتاني صوته الغاضب وهو يقول :نعم
قلت في نفسي :هاي اوله هشكل الله اليستر من تاليهة
قلت :السلام عليكم
اجاب بغضب :وعليكم
وبعدها قال :منو وياي
قلت :اني صفا
اجاب بحدة :هلا ست صفا خير خو ماكو شي نسيتي اسم احد ترفعين اسمه للوزارة وتريد تنطيني خبر
ابعدت الهاتف واخذت نفس واستغفرت الله وقلت :استاذ مناف شنو اني اعلم الغيب مدرس يداوم يومين بالاسبوع يعني متسيب اني شلون اعرف ظروفه اذا محد يوضحلي
اجاب :انتي أنطيتيني مجال حتى احد أوضحلج شفتي دوامه هشكل وكلتي راح ارفع اسمه بلا
متعرفين قصته او حتى اطلبين تعرفين قصته
اجبت بهدوء :استاذ مناف احنه اهل ليش تعاملني بحدية اني ما عرفت قصته وغلطت وما طلبت
اعرف قصته نبهني اعتبرني منى او ام علي ونبهني كلي ترة هذا قصته هشكل وهشكل واني
وياك نتناقش يمكن نساعده اكثر اروح لسليمانية واعرف هناك اطباء ممكن يوفرون لزوجته
رعاية طبية اكثر وهو يرتاح اكثر
بس انته ابدا ما انطيتني مجال ورحت اتصلت بثامر وثامر اتصل بيه ماكو داعي لهاي اللفة مني الك احسن
اجاب بحدة :يعني اني غلطان ست صفا انتي ردتي تعاقبين الرجال وتردين تلبسيني الغلط
قلت بهدوء :حشاك استاذ مناف انته مغلطان وبنفس الوقت اني الي حق الاخوة اعتب عليك لان مما وضحت
اجاب : ست صفا انتي المفروض مشرفة وتنتبهين لكل شي
زين اسئلك ست مرفت شنو رأيج بيهة
قلت بأستغراب :اشبيه خوش مدرسة
اجاب بغضب :طبعا بالنسبة الج خوش مدرسة مو تحكمين على الظاهر لبس مرتب ودفتر خطة ملون واسلوب حلو وي المشرفين
واسلوب تعبان وي الطلاب ومحد يسأل على الطالب كلهة تنغش بالمظاهر
مدرسة انكليزي لفظه يخرب تعلم الانكليزي بس المشكلة تبهر المشرف بشكلهة وميركز على مضمون درسها
الا اكو مدرسة انكليزي تلفظ (بلوشن )( بولتيشن ) >>تلوث (pollution)
اصبت بالذهول فأنا لم اشهاد درسها فعلا لانبهاري بمعلوماتها العامة وطريقة ترتيب الأوراق الخاصة بها حتى كدت أن أرشحها للتكريم
اجبت بلوم :استاذ مناف هاي مسائل المفروض تنبهني عليهة
اجاب بأستهزاء :ليش ست صفا هذا مو شغلج خو اصير اني المشرف وافضهة
ست صفا ست مرفت مو حالة خاصة بمدرستا لا
روحي شوفي المدارس البقية مشكلة اذا
بس أستاذ يحيى طلع موخوش مدرس بنظرج
قلت بثقة :لا استاذ مناف مو لهاي الدرجة بعدين ماكو شغل مية مية لازم نسبة خطأ واحد يتعلم منه واني صدك اشكرك لأن نبهتي على ست مرفت واشكرك لأن انته نبهتي على ظروف استاذ يحيى
اجاب بهدوء :لا شكر على واجب
واني هذا اسلوبي من اشوف واحد غلطان اعترض على غلطه اي وانبه عليه بس ما اوضح الامور كله هذا اسلوبي وما عندي استعداد اغيره وي أي احد
اجبت :وخاصة اذا كان هذا الاحد صفا
اجاب بكل برود :انتي غيرج متفرق عندي
وقال بعدها :اكو شي بعد لو اسد التلفون وراي دواء يقلب المعدة اكثر مما هي مقلوبة هسة
اجبته ببرود :الله يشفيك
اجاب :اشكرج
واغلق الهاتف دون قول مع السلامة او يسمح لي بقولها
عصبي وغير مهذب ولكنه انسان خلوق وشريف
اذن لاطبع صورته وهو يعلم ابني الصلاة برأسي
لأنه رجل يستحق أن يكون أب


&&&&&&&&&&&&&&&&&&&&&&&&&
اتقلب على فراشي لا استقر على جانب
انتصف الليل ولم يحضر اين ذهب منذ ساعات الصباح الأولى
اخذتني الهواجس حتى ارتسمت
في خيالي صورة له وهو يضع يده بيد امرأة ويدخلها المنزل ويقول هذه زوجتي
حتى ردتي فعلي تصورتها
نعم ردت فعل صامتة كعادتي مع همام صامته غير صريحة
حياتي مع همام ابتدأت خجلة جدا غامضة جدا لولا والأولاد لما تجرأت عليه كانت اول قبلة
طبعتها على جبينه عندما عاد من سفرة طويلة عندما اوفد من قبل المستشفى التي كان يعمل بها
قبل أن يستقبل
وكم شعرت بخجل عاصف بسبب تلك القبلة وكم لمت نفسي لأني خيالاتي صورت لي ان
همام سوف يقول في داخله أنني امرأة مستهترة تسعى لأحضان رجال لا يريد احضنها قبلة على
الجبين سهرت بسببها ثلاثة أيام ولم تختفي آثارها ألا بعد أن تأكدت بأن همام لم يأخذ فكرة خاطئة عنها
لانه اعتاد بعدها على تقبيلي على جبيني وبدأنا نتبادل كلمات غزل بسيط تصلح للإخوة والأزواج معا
ولكن الخجل والغموض لم يغادرا حياتنا
على العكس منها حياتي مع سلام
رغم حرج الموضوع ألا أنه كان شفاف لأبعد الحدود ورغم عدم كسر الخجل بين أي زوجين
طبيعين في اول يوم زواج ألا أن سلام كسر كل حواجز الخجل بصراحته وطبيعته المسالمة
كان رائع بمصارحته لن أنسى ليلة زواجنا عندما اجلسني بقربه بهدوء قال :منى راح اكون
صريح وياج واتمنى تتفهمين صراحتي وصدكيني مراح اظلمج
كنت في حالة خجل شديد ولم اقل سوى كلمة :أن شاء الله
ليقوم بسرد تفاصل جعلتني اتصلب ولا اعرف ما أقول
فلقد قال بكل هدوء :منى ألي يصير بين كل زوجين مراح يصير بيني وبينج لأن اني مريض
مراح اقدر اقوم بواجب الازواج
ادري راح تقولين ليش ازوجتني
منى والله العظيم اني حاولت اجبنبج هذا الزواج بس والله العظيم ما قدرت الناس وين ما اروح
تسأل شوكت تكمل خطبتك لبنت ابو مناف
وكملت من امي واختي خطبوج دون علمي
رفضت طلعت من البيت بس منى أني ادري اني أناني
لأن ما كدرت اكسر كلب(قلب) امي واكله ابنج بيه عيب ومراح يقدر يخلف وفضلت اتمم الزواج
منى الله يخليج سامحيني حتى رب العالمين يسامحني ادري هواي هواي الي اني سويته بيج
بس ورب البيت ما كدرت (ما قدرت)
كان يردد القسم مرارا ً وتكراراً ويطلب السماح أما أنا تلبدت مشاعري واقتربت منه ووضعت يدي على يده وقلت :أني زوجتك على الحلوة والمرة ومراح اقصر بحقك ابدا ومراح اكشف سرك لاحد وعد مني
تلقفني بأحضانه وقال :منى اني ادور على علاج وأن شاء الله ربج كريم
تجرأت قليلا وقلت له :يعني أنت مريض ودتعالج
اجاب بخجل :لا منى افتهميني اني راجعت هواي اطباء وكلهم كالوا ني عاجز بلا اسباب لذلك كنت ما افكر بالزواج نهائي وكلام همام ومناف كان مزح بالنسبة ألي بس من كبرتي صار جد وكل الي يعرفوني صاروا يعلقون عليه
منى اني لخاطرج ا ادور على علاج اذا طب عرب لو طب حديث احاول صدكيني
واذا أيست تماما انتي الج مطلق الحرية وتقررين براحتج
كنت في حينها اجهل ما يقول واجهل نوع القرار الذي يجب اتخذه لذا اجبت بأيماءة برأسي لامعنى لها
وانتهت ليلة العمر كما يسمونها بأقناع سلام لي بالعودة الى مقاعد الدراسة واكمال دراستي
وأصبح ابي واخي ومعلمي
وفي كل مرة يقول فيها يجب أن نفترق اقول بأصرار لن نفترق
كيف اترك من سعى من اجل أن يحقق أبن اخي حلمه في الحصول على شهادة الماجستير بالطب
من ألمانية في ظروف يصعب على العراقين الحصول على شهادة خارج العراق
كيف اترك من واجه اهله ذات يوم قائلا :ما اريد احد يتكلم عن الخلفة وي منى الصوج صوج ابنكم مو صوج بنت الناس
لترد عليه اخته ام خالد :كل هذا حب لمنى اتحمل نفسك الصوج بدالهة
اجابها بهدوء :لا والله صوجي
لتجيبه بحدة :سلام لاتحلف هاي السوالف الناس كله تعرفه
كول أحب مرتي وما اريد ازوج عليه نفتهم بس ادكول منك الصوج لا مراح نفتهم هذا الموضوع
لم يتجادل معها بل غادر المكان وهو ثائر الاعصاب
ليقول لي بعدها :منى 4 سنوات واحنه مزوجين منى خلينة نطلق حتى ترتاحين من هاي المشاكل من ورى خواتي
اجبته بصدق :سلام اني مرتاحة وياك ومراح اعوفك ابدا وكلام خواتك اتعودت عليه وصدكني ما اهتم بيه ابدا حتى من اسولفلك عليه ترة سوالف عادية مو معناه اريدك اتروح تحجي وياهم لأن الموضوع عادي عندي
سلام المهم انته
سعادتي وياكم علاقتنة الحلوة سوة
اجاب بأنكسار :منى ميصير صدكيني ميصير حياتنا المفروض تنتهي اني احس روحي اجرمت بحقج وكافي اجرام والله كافي
منى لازم نطلق
اقتربت منه وجلست تحت قدميه وقلت بصدق :سلام اني احبك وراضية بهاي الحياة الله يخليك سلام لاتكول كلمة طلاك لا ادكولهة الله يخليك من ادكولهة صدك تجرم بحقي سلام اني ما اكدر اعيش بلا وجودك بحياتي احس حياتي كلها تتحطم اذا انفصلنة

كان جوابه احضان دافئة كانت تعطني الامان والسلام

اما تلك اللية المشؤمة التي رفض فيها البقاء في المستشفى وقضاها في المنزل على فراشه

كلمني بوهن شديد بالكاد تخرج الكلمات من فمه لانتشار المرض الخبيث في كل انحاء جسده
قال :منى حبيتي عيشي حياتج لاتخليني اخر محطة
وقال بضحكة واهنة :لا ومحطة ما بيهة فايد
حاولت الكلام ولكنه وضع يده على فمي وقال :منى خلي الكلام ألي اليوم أنني بس اليوم عندي مجال والعمر كله الج تتكلمين بيه
تركته يتكلم لاحصل على كلمات ارتوي بها العمركله
قال :منى اني رايح يم رب العالمين الرحمان الرحيم غفار الذنوب وأني الحمد لله والشكر ما اقترفت ذنب يغضب ربي علي واذا اقترفت هو الغفار بس ذنبج منى احس معلقة برقبتي
منى سامحيني
عندها لم احتمل وقلت :سلام والله العظيم مسامحتك ومن كل قلبي ولو ترجع تخطبني وأعرف بعجزك هم راح اقبل بيك
سلام صدكني مسامحتك
نظرة نظرة حزينة وقال :منى بعدي عيشي حياتج ازوجي كنت اكلج سمي ابنج سلام بس ادري صعب ومحد يتقبله بس اكيد مناف وهمام مراح يقصرون وراح يسمون واحد من ابنائهم سلام
ليقول بعدها :منى الاسود مو اظلين بيه العمر كله ميفيدج ولا يرجع الميت لا يزيد الميت قهر بقبره
منى اللطم وشق الثوب يغضب رب العالمين لاتسويه ابدا ابدا
لاتكلين الناس راح تحجي عليه لا اتحملي حجي الناس الجاهلة حتى تكسبين رضى رب العالمين
ولا توكفين(توقفين) حياتج وتركين وظيفتج استمري وثبتي نفسج اكثر منى وصيتي الج نفسج
وامي اتحملي كلامهة هي وخواتي عن الخلفة لأن يحجون من حركة كلوبهم (حرقة قلبهم )ألا
هو حجي ميفيد اتحملي بالفترة الي تقضيهة وياهم لأن اكيد مناف مراح يعوفج بهذا البيت
منى انتي تستحقين احسن واحد لا ترضين بأي واحد لأن انتي ارملة أنتي احلى شابة يحلم بيه احسن شاب
وانته الكلام لأنه لم يعد يستطيع الكلام
وبعد يومين غادر الحياة
ذكرى سلام جعلت الدموع تنهمر دون توقف من عيني والشهقات تتوالى رغم محاولاتي ايقافها
هرعت الى الحمام لكي لا يبغاتني همام ولااستطيع تفسير هذا البكاء الموجع
خرجت من الحمام بعد أن اغتسلت تماما لكي اذهب اثار الدمع
وجدته مستلقي ويستند بجسمه على ظهر السرير
قلت :السلام عليكم
اجاب بهدوء:وعليكم السلام شكو حمام الساعة 1 بالليل
اجبت :عادي استرخاء
لم يجب اكتفى بمراقبتي وأنا انشف شعري بالشسوار
وبمجرد أن انتهيت اقترب مني بنظرات شوق عجيبة
قررت أن أتماسك واسمع نصيحة صفا وامحي كلماته لكي اعيش معه حياة طبيعة خاصة والخطوة الاولى كانت منه

لتكن خطوتي الاولى هي قبول خطوته من اجل سعادتي من اجل راحتي بالي
حتى لا ابحر في بحور الندم أن رفضتها
فهل سوف ابحر ببحر السعادة الهادئ مع همام !!!!!!!!!!!!!

&&&&&&&&&&&&&&&&&&&&&&&&&&&&&&&&&&&&&

صحوت على صوت منبه هاتفي يعلن عن صلاة الفجر
نهضت بنشاط أكملت وضوئي وتوجهت الى المسجد القريب
دخلت المنزل وجدت والدتي قد أكملت إعداد الفطور بهذا الوقت المبكر من اجلي
تناولت الفطور على عجل معها وبكلمات مقتضبة وتوجهت لغرفتي لكي ارتب أوراقي
اكملتها الساعة السابعة
وتوجهت الى حيث تجلس والدتي قبلت رأسها وقلت :ادعي لي ولا تدعين علي
اجابت بلوم :واني شوكت يمة داعي عليك الله يوفق ويفتحه بوجهك
اجبت :ادري متدعين عليه بس انتي هسة ما راضية علية
اجابت :انت تعرف كلش زيبن شنو هي الشغلة الي ما راضية عليه
بس انتة ابني حتى اذا ما رضيت عليك اني جواية اكول الله يرضة عليك ويفتحه بوجهك وينور بصرك وبصيرتك حتى تشوف الناس زين
اجبتها بضحك :لا يمة حددي كولي حتى اشوف زياد زين
وقبلت رأسها مجدد وغادرت المنزل وهي تتبعني بدعواتها الصادقة
وأنا اردد داخلي مستقبلي انا قادم اليك
توجهت الى حيث الملتقى شاهدتهم من بعيد ينتظرون وصولي
مركبتين تحمل كل واحدة منهما اثنا عشر شخص
اقتربت بمن تكفل بهذه الرحلة التي تطلب المستقبل العلمي
وقلت :السلام عليكم ابوعلي
اجاب بمرح :هلا ابو حسين اشلونك
ليقول بعدها :ابو حسين ترة الشباب خلصوا لاماكن بالسيارة الاولى والسيارة الثانية بيهة اربع بنات ويا امهاتهن واني وانت واثنين من الشباب
اجبته بأستياء :يمعودة دبرها ما اريد بسارة النسوان والله ما ألي خلك واتقيد وتنعد عليه انفاسي
واذا التفت صدفة كالن يباوع علينة وشيفضهة بالمنطقة
اجاب بمرح :يمعود فك العزوبية البنات كلهن بنات عوائل وخوش بنات وسمعتهن ذهب
اجبته بصدق :الله يوفقهن اني ادرس ماجستير ومرتي تدرس ماجستير والاولاد شنو يدرسون
يمعودة هاي سالفة تعبان
خل اروح اشوف السيارة الثانية بلكي واحد يصير شريف وينطيني مكان
اجاب :لا تحاول كلها ناوي تكظي الطريق ونسة وسوالف ونكت وتعرفهم من ياخذون راحتهم
اجبته :احاول ما خسران خسارة
اجاب :روحي والالب دعايلك
بالفعل حثثت الخطى وتوجهت الى السيارة التي امتلئت شباب وادخلت رأسي وقلت :السلام عليكم شباب
ولأننا اولاد منطقة وحدة حتى من لا اعرفهم يعرفونني
اجابوا بصوت وواحد :االسلام عليكم هلا ابو حسين
اتفضل
اجبت بمرح :والله شاب اني داخل على الله عليكم
اجابوا :ادلل ابو حسين
قلت :اتسون مكان الي بينكم
اجاب احدهم :عيونة الك ابو حسين بس تعرف الوضع
قلت :يمعودين خلونة كل اثنين بكرسي
ليقول لأخر :احنه هسة 14 والسيارة تاخذ 12 يعني ما بيه مجال ابو حسين
قلت بترجي : مو اني اكبركم ما بيكم واحد يصير شريف ويروح بالسيارة الثانية واجي مكانه
اجاب احدهم :ابو حسين لأن انته اكبرن انريدك تتأهل حتى نحضر عرسك روح يمعود يمكن نصيبك بذيج السيارة
ليبدؤا بمزح وضحك وموضوعهم الرئيسي انا
جلسة شباب تمنيت ان اكون فيها
قلت :يلة الله ويياكم امري للرحمان اروح اشوف مستقبلي
اجاب احدهم :لا روح شوف نصيبك ويجي المستقبل
رفعت يدي احيهم وانصرفت

توجهت نحو السيارة الاخرى ليقول حسين المتكفل بالرحلة :ها أبو حسين
قلت :والله خوش لمة شبابا شقندحية (كلمة يمكن تركية بمعنى ملعبين يكثرون المزح والمقالب )
اجاب :مو كتلك ما عندك امل
قلت بأستسلام امري لله وتوجهت نحو السيارة الاخرى ودخلت وقلت :السلام عليكم ليأتني صوت النسوة واحد الشباب وعليكم السلام
انتظرنا فترة واتى اخر شاب
وانطلقت السيارة تحث الخطى نحو العاصمة بغداد
في اول الطريق قضيناها صامتون ألى أن سمعت الشابان الذان يجلسان بقربي يتكلمان عن الفتاة التي ترتدي اسود الجالسة في اخر المركبة
ليقول الاول :هاي مو اخت مؤيد
اجابه الثاني بعد أن استرق نظرة لا يمكن للفتيات التقاطها :اي اخت مؤيد
اجابه الاول :هاي المعيدة بالجامعة مو
اجاب الثاني :اي هي
ليقول الاول بهيام :والله حلو
ليقول الثاني :وخوش بنية شريفة بس حرامات اصغر منه
اجابه الاول :لا مو حرامات حتى اذا اصغر منه هيج ابنية متتفوت
تركتهم يتكلمون عن سنا هذا ما اذكره عنها عندما كانت صغيرة لم أصادفها منذ زمن
جميل أن تبحث الفتاة عن مستقبلها الدراسي بهذا الشكل
كنت مندمج مع نفسي افكر في وضعي ووضع منار واعد نفسي لاستقبال خطابها الذين بالتأكيد سوف تقابل طلباتهم بشكل جدي
منار وزواجها احدى مسؤولياتي التي سوف احرص على أدائها على افضل وجه يرون في
زياد رجل لا مثيل له والايام سوف تثبت لهم أن منار سوف يأتها من هو افضل منه
قطع علي افكاري صوت امرة تقول :اشلونكم يمة علي لتفت الى حيث الصوت فأصدمت
بالعيون العسلية قبل أن اصطدم بالوجه الحنون لام أياد معلمتي في الروضة
فقلت بترحيب :هلا خالة ام اياد اشلونج واشلون اياد وخوانه
اجابت بحنيتها المعروفة:زينين يمة انته اشلونك اهلك بالبيت اشلونهم
اجبتها :الحمد لله بخير
قالت بعتب :هسة يالة فكرت بالماجستير ليش هشكل يمة مو أنت علي المتفوق ما أنسى الطفل الي من اول روضة وهو يعرف جدول الضرب لحد جدول الاربعة
اجبت بضحكة خجلة :شسوي التعليم بيتني الزامي وين مترحين تلكين مدرس ومعلم
اجابت بمرح :والنعم بيتك الي طلع هيج شباب نفتخر بيه
اجبتها بصدق :احنه طلاب ام اياد
اجابت :الله يعزك يمة
قلت :شنو القصة ناوية اتكملين دراسات
اجابت بأبتسامة :ان شاء الله بس مو هسة فد سنة بعد لأن محتاجة أضبط لغة احسن من هسة واجي انافسك بأذن الله
قلت :هلا بيج على راسنة منافستج
وبعدها قلت :لعد شنو القصة
قالت :اجيت وي بيداء بنتي و سنا بنت أبو مؤيد الله يرحمه حتى يقدمون لدورة اللغات
قلت بنخوة :خالة أي شي تحتاجون انتي والبنات ترة اني ابنج واخوهن
قالت :والنعم بيك انته وكل الولد ولد منطقتنا كلكم ولدنة والنعم بيكم
قلت بصدق :على راسنة انتو
قالت :الله يسلم راسكم يمة
والتفت الى اللواتي يجلسن خلفها وبدأت تتكلم معهن لكي توضح لهن هويتي وكالعادة لابد أن تقول أنا ابن فلانة حتى تتضح هويتي لهن
الخالة ام اياد
بالتأكيد تريدون معرفة من هي
هي معلمتي بالروضة تلك المرأة المرتبة التي تشتغل عاملة لرعاية اطفال الروضة بشهادة المتوسطة وكانت تواصل الدراسة حتى أكملت الدراسة الجامعية في كلية الادارة والاقتصاد فرع المحاسبة
لتحصل على وظيفة محاسبة في احدى المستشفيات في المنطقة
تدرج في المستوى الوظيفي والاجتماعي حصلت عليه بجهودها الشخصية أمرأة طموحة وساعدها زوجها العامل الفني في احدى المصانع على تحقيق طموحها فهي دائمة القول كما تقول والدتي لولا أبا اياد لما كانت الأن محاسبة
هذه هي ام اياد
اما من تنعكس صورتها امامي بزجاج السيارة فلها عينان كصفاء لون الشمس
فهل اصابوا ركاب المركبة الاولى عندما قالوا اذهب ربما تجد نصيبك في المركبة الاخرى !!!!!!!!





أستغفر الله وأتوب أليه