هو الطبق الرئيسي الذي يتم تقديمه عادة في وجبة. طبق الشيخ المهاشي هو طبق لذيذ لا يتطلب الكثير من الجهد. إنه طبق من المطبخ السوري.
الطريقه:
نحفر البطاط .. والسماكه حسب الرغبة .. ونقليها بزيت غزير نص قلي
الباذنجان اما انكم تختارونها كبيرة وبالتالي نقطعها شرايح دائرية سميكة .. وهمن نقليها نص قلي لا تهتريء معاكم
(او) تختارونهم صغااار وتفتحونها من الجنب ونرش عليها ملح و شوي زيت ونشويها بالفرن (وهذا اللي سويته انا)
نحضر حشوة اللحم كالمعتاد
نقلب بصل وثوم لمن يذبل .. نضيف اللحم ونقلبه لمن تنشف الماي
نضيف الصنوبر .. ونضيف البهارات حسب الرغبه .. انا اعشق مع حمسة اللحم اضيف دارسين وبهار حلو وفلفل اسود وملح فقط واحيانا اضيف جوزة الطيب
نحضر صلصة الطماط
عندكم اكثر من خيار اما انكم تهرسون طماطم وتخلطونه ببهارات ومعجون وانتهينا او تسوون التالي
نقلب بصل وثوم .. لمن يذبل . نضيف معجون طماطم وبهارات حسب الرغبه مع (مكعب مرق لحم)
بعدين انزل مهروس الطماطم وماي زيادة .. وبعد الغليان طحنته بالمكينه اليدوية وقصرت النار وخليتها تتسبك وتتخثر
التطبيق
نحشي البطاط والباذنجان باللحم ونصفه بالصينية وفوقه نغمره بالصلصة وبالفرن حرارة عالية .. يمكن تحتاج نص ساعه بعد غليان الصلصة او اكثر شوي وبالعافية