الكبسة هو طبق الخليج الذي حظي بشعبية كبيرة بين محبي الأرز واللحوم إنه طبق كبير خاصة في المملكة العربية السعودية حيث قائمة الأطباق الشعبية لذيذة وسهلة التحضير
المكوّنات
كيلو لحمة غنم بالعظم
2 كوب رز بسمتي
لسلق اللحم:
1 بصلة مفرومة ناعم
2 ثوم مفروم
حبة طماطم زغيرة
حبة فليفلة زغيرة
مكعبين ماجي
رشة فلفل اسود
رشة قرفة
معزز نكهات
ملعقة بهارات كبسة
رشة ملح
4 حبات هيل
قرنفل
ورق غار
قشرة حامض
عود قرفة
ملعقة كبيرة زيت
1 بصلة مقطعة جوانح
ملعقتين كبار زبيب كشمش
بقدونس وحامض للتزيين
طريقة التحضير
بنقع اللحم بالخل شي ساعة وبعدها بغسلو كتير منيح وبحطو عالمصفاية شوي
بالطنجرة بحط زيت والبصلة والثوم ناعم جدا بقلبن شوي وبحط اللحمة عليها وبرش البهارات الناعمة كلها وبحط البهارات الصحيحة وبقلبن كلن مع بعض منيح ليبدا اللحم ياخذ لون ذهبي بالفرامة بفرم البندورة والفليفلة وبحطن عاللحمة وبقلبن كمان شي دقيقتين مع مكعب ماجي وبحط فوقن المي وبغطي وبتركها تغلي لتستوي اللحمة كتير منيح
بسحب اللحمة من المرق بعد ما تأكدت من استوائو منيح بصفي المرق وبتركو عجنب لاطبخ فيه الرز
بطنجرة تانية بحط ملعقة زيت فوقها الرز بعد غسلو كتير منيح وبحط مرق اللحم فوقو بشوية وبعدل الملح والبهارات وبتركو يستوي عمهلو واخرا شي بحط اللحمة عوجه الرز ليرجع ياخذ حرارة من بخار الرز
بمقلاة بحط زيت والبصل وبقلبو لحتى يتحمر وبضيف الكشمش وبقلبو ثواني بس
بسكب الرز وبحط اللحمة عالوجه والبصل والكشمش وبزين بمكسرات وبقدونس وحامض وصحتين وبقدمها مع صوص الدقوس