كاتب الموضوع :
هاجس ليل
المنتدى :
الارشيف
السلام عليكم ورحمة الله وبركاته ,,,
في البداية اهنيـك على التميـز والتثبيت وهذا أن دل على شي فيدل على نجاح القصة مشاء الله ,,,
::::::::::::::::::::::::::::::::::::::::::::::::::
في البداية صراحة إلي جذبني لقراءة القصة لأن الكاتب رجل !!
على طول ذبحني الفضول أول مره بحياتي كلها أقرا قصة كاتبها رجال بعالم النت او الروايات دايم بنات
قلت فرصه لاني اتعذب وانا احاول اوصف مشاعر الرجل ,, قلت هنا بلقى وصف دقيق لانا بطبيعة الحال بنكون مبدعين بوصف البنت بس الرجل صعب علينا شوي وشي ثاني
حياة الرجل بصفه عامه تفكيره , رجولته , طبعه , وش يشده وش يكره وش يحب هنا شفت اشياء حلوه من خلال تجمعهم حوارهم
يعني فعلا نبي كتاب رجال ,, مبدع مشاء الله عليك لا بوصف المشاعر لكل الطرفين الرجل والمرأة
حزنا لحزنهم فرحنا لفرحهم ضحكنا لموقفهم مشاء الله ولا حول ولا قوة الا بالله
اعجبتني قصتك من جد احس فيها شي يجذبني شي من مجتمعي مدري ليش
نجي للقصة نفسها ببدى
بالجازي مع اني اتوقع انك ماتبي تخليها بطلة قصتك وان البطله مزون لكن انا تعجبني الجازي وخاصة يوم قابلت خطيبها وهي مدهنه بفقس
هههههههههههههههههههههههههههههههه
مجنونه بس وش قصة طلال , وكيف طلع على الساحة تصدق كنت اتوقع انك مسوي فينا مقلب وانهم متفقين اهلها انها بتاخذ عناد ومسمينه طلال فيصل عشان تعليقها على الي يغازلون بس طلعت توقعاتي كلها هباء منثورا
نجي لمزون معقولة يامزون ما نطقتي القهر ما حرك مشاعرك الجرح ماخلاك تصرخين معقولة كل صرخاتك داخلية الي ما يبينا مانباه واتوقع ان مصيرك عند عناد والله العالم
شمس حسبي الله على يوسف كثر الله ما كثر الصيع مارحت تصيع معهن الله لا يوفقك جعلك تموت يالي ماتخاف ربك الحمدلله الذي عافانا مما ابتلاهم وفضلنا على كثير من خلقة انا صراحه اسمع مواقف كثير من خلال المجتمع بس معقولة ذولي ماعندهم شرف ويلحقون قريباتهم الله لا يوفقهم نعنبوهم وين الدين وين الخوف من الله وين الرحمه اذا البنت ماتبيك روح للصيع مثل ما قلت وش ذنب الي تحافظ على نفسها حطمت مستقبلها الله يحطمك صراحه ان شمس خبلها وش مسكتها المفروض اخوي تخليها تكون قوية وتعلن لهلها على سوات ولد عمها فيها عشان تنقذ البنات الغافلات الي يسكتون نار اهلي ولا جنته *** اعتذر سبه قوية مقدر اكتبها احترام لكم كل بنت تكون قوية وتعلم اهلها ولا تصير تسليه له متى مابغاها جاها اسفه اني اقولك شي يمكن انت ما خططت له بس الي مثل شمس او الي نخاف عليها تصير مثل شمس بحاجة لقلم فاهم يمكن محد ينجيها ويمكن ما يجي لها ناصر وينقذها نبيها تروح لهلها وتعلمهم يمكن يحلون الموضوع اهم شي ما تسكت
هتان اتوقع اسمها نسيت الي طلعت هذا بسبة خالد بعد الله لا يوفقه بغى يضيع اخته بسبب تصرفه
العنود مالت عليها صراحه تعاطفت شوي مو واجد معها في البداية لكن يوم تبي تلعب بمشاعر ضاري عشان خالد ودي انها حولي اكسر راسها ماتساهل حبه
عناد رهيب صراحه حلو اسمه وحلو شخصيته الجازي مناسبه له بس ليه ما يبيها مع ان ربي عوضها بطلال صراحه حلو اسلوبه معها :)
مدري وش اكتب او اقول ودي اعلق على كل شخصيه وان شاء الله اكون متابعه معكم للنهاية باذن الله
ورجع وقول مشاء الله قلم رائع واسلوب مبدع مشاء الله عليك
|
27-10-08, 12:53 PM
جديد مواضيع قسم الارشيف
العرض العادي
