السلام عليكم ورحمة الله وبركاته
الصراحه بس امس ابله اراده وفروشه مدحولي القصه وقلت بحطها ف
القائمه اذا فضيت قريتها
وفريت المنتدى اليوم الصباح فقلت بالقي نظرة سريعه و الله
ماتركتها لين خلصت ما شا الله وش هـ السرعه كم تمشي انت ؟
من جد ما قدرت اشيل عيني من الشاشه الاحداث في القصه تهلهل هلهله
اقرا وانا فاتحه خشتي<<<خخخخخ
معدل عنصر الجذب التشويق مرتفع عندك مررررة وتخش في الموضوع على
طول بس بجد روعه وهذا اللي مميز قصتك تسلم يمناك . .
اكثر شي شدني وضع شمس جدا محزن لانها انطعنة من قبل شخص
ممكن تحتمي به !!
اما بالنسبه للعمام اللي يسكنون مع بعض اكثر ما يفرض هالشي هم
الروس الكبار (الجد و الجده) يحسبون ايامنا مثل ايامهم اصلا على ايامهم
الولد ما يجلس في البيت من يصير عمرة عشر سنين وهو يطلع من الفجر
يشتغل مايرجع الا المغرب وراسه مصلي من الشمس يدور الاكل والنوم وعساه يدل البيت . . . . .
مو مثل الحين بعدين بغض النضر عن ان العيال في مكان و ومفصول عن البنات
في البيت يكفي ان المدخل والمخرج واحد يعني لازم يكون فيه طبات ونظرات
ولا اذا صار الدرج واحد اللي يرقون وينزلون معه . . . .يا سلاااااااااااااام على
قلة الحيا <<<<< ودي اسهب في هالنقطه هههههههه
على فكرة مرة قدمنا بالجامعه ندوه عن الاعتداء الجنسي على الاطفال
وسوينا استبيان من 100 ورقه من ضمن النقاط اللي فيه الاعتداء من قبل
السائقين والعماله و النقطه الثانيه الاعتداء من داخل اسوار المنزل
الاغللبيه رشح النقطه الثانيه مع انه استبيان عشوائي الا انه يخوف
ومايقدر الاطفال يعلمون اهلهم سواء يكون بتهديد من المعتدي او خوف من
الطفل وان تكلم الطفل
يضطر الاهل انهم يسكتون ويطمطمون الموضوع واحيانا الاهل يهددون الطفل
حتى ما يعلم احد خوفا من الفضيحه
اما مزون اللي راحت احلامها ادراج الرياح . . .
اكثر شي اثر فيني لما طلب متعب ان تكون مواصفات زوجته نفس مواصفات مزون
وكانه يمسك احاسيسها ومشاعرها بين يدينه ويعجنها ويكورها ويرميها في وجهها . . .
زين منه ما قالها بس ابغاها تتكلم على باله مايبغى يجرحها!!
للاسف متعب كذب الكذبه وصدقها انشالله ربي يرزقه بزوجه لسانها يصم اذانه. . .
اتوقع ان مزون بتتكلم واول كلمه بتنطقها بتطلب الطلاق. . . .
بتكلم عن من يعانون مثل مزون:: انا ما ادري المجتمعات العربيه تقدمت في اشياء
كثيره ومجالات عديده الا ان نظرتهم لأصحاب الفئات الخاصه ما ابغى اقول ما تقدمت
لكن تقدمها بطئ جدا فاما ينظرون لهم نظرة نقص و احتقار ويندبون حظهم
او يوجهون لهم اهتمام زايد عن اللزوم وفي كلا الحالتين فيه تحطيم لهم
وعدم زرع الثقه بانفسهم وبالتالي تنكس رؤسهم داخل الاسرة وامام المجتمع
وترا فيه اسر عندههم اطفال ذوي احياجات مخبينهم اهلهم بين جدران
بيوتهم مايشوفون حتى الشمس<<<تحمست مرررررة
اممم جينا للجازي اعجبتني شخصيتها بس لو تقصر لسانها شو ي لكن برضه
هي ارروع شخصيه
لان فعلا البنت لازم تكون قويه وتدافع وتحمي نفسها وما تسمح لاحد يكسرها وياذيها
وتاخذو تعطي من الحنان والمحبه ممن حولها بقدر الا عاد الام والاب تا خذ راحتها
وتكون متحكمه في احاسيسها ومشاعرها (لان اللي يستحق هذا هو الزوج
اللي ببادلها الحب والمشاعر بصدق وبدون ملل )وطبعا اهم شي الرزانه
و الاحترام ويغلف طبعا كل هذا الحياء . . . .
لكن الاحظ ان كثير من البنات يعتقدون ان اههم صفات الانثى التدلع والتميلح
وما ضيعهم الاهالتميلح والدلع الفاضي. . . .

بس حبيت اعلق على الزهرات الثلاث لانهم ملح القصه
يعطيك العافيه هاجس
لك خالص احترامي

قصه رااااااااااائعه

اشكرك اخي هاجس ليل

لطرحك مثل هذي المشاكل الاجتماعيه وتنبيه المجتمع بخطورتها

أكثر من توضيح الصح والخطأ وحكمه بالشريعه

قرأت القصه اللي قبل

والحين هذي مااتوقع انها تكون اقل من اختها

الله يجزاااااااااك خير

مرحبـــا اخ هاجس

بصراحه اعجت بقلمك الذي خط روايه (مافادني زينه) وتحمس كثير لقراءه هذه الروايه ايضا لثقتي التامه بأنها ستكون مثل سابقتها او افضل منها وقد اثبت كلامي من الاجزاء الرائعه لهذه الروايه ... قصه جديده من نوعها تحمل الكثير في طياتها كما انها تكشف الكثير ايضا من الواقع .....

احببت التنوع الكبير في الشخصيات وخصوصا شخصيات الفتيات الثلاث الجازي,شمس و مزون.....
انسجمت كثيرا في الروايه حتى ان البكاء ارهقني وانا اقرا مواقف شمس مع يوسف الخسيس وايضا مع مزون التي تحس بالعجز وانها كبكماء لاتسطيع الحصول على ماتريد رغم ان البكم لايعتبر اعاقه لانها بسبب صدمه نفسيه اصابتها في صغرها ,,, وهي احست باعاقتها من معامله الناس من حولها واقربهم الى قلبها (متعب) الذي جرحهامن غير ان يشعر رغم حنانه وطيبته الا انه لم يقدرها كأنثى وهذا اكبر جرح قد تتعرض له فتاه .....
الجازي الفتاه القويه خارجيا فقط اما من داخلها فهي انثى ضعيفه حساسه الا انها تكابر امام الكل وتظهر القوة لكرهها العميق للضعف (وانا في الحيقيه احب قوتها الا انها عنيفه بعض الشئ ولا مباليه ايضا)ولكن قوتها مطلوبه في هذا الزمن.....
شمس الفتاه الضعيفه والتي اعتبرها اضعف واحده من الفتيات الاخريات لان شرفها قد سلب وانوثتها انكسرت وفقدت اغلى ماتملك وهذا اشد وطئه واشد عذاب قد تتعرض له الفتاه وهو ان تعيش كباغيه رغم كرهها ورفضها ورغما عنها وفي بيتها وقد يكون فراشها ايضا شاهدا على ذلك مااعظمها من اهانه وذل وانكسااار... يوسف الذي سوف تودي به وحشيته الى الجحيم كم كرهت هذا الانسان رغم ان خالد يتمتع بنفس الصفات الا ان كرهي كله انصب على يوسف الذي انمحت الغيره من قلبه فمع ابنه عمه فعل ذلك فكيف مع الاخريات حتى ان اقل حق لها سيحرمها وهو الزواج .....

سلمت اناملك التي طبعت هذه الاجزاء الرائعه وننتظر البقيه بفارغ الصبر

ولكـ تقديري واعجابي بقلمكـ
دمت بود

السلام عليكم ورحمة الله وبركاتوه

أأأأأأأأأأأأأأأأأأأســــــــــــــــــــــــــــــــــــــفـ ــــــــــــــــــــــــــ

على التأخير بس ماكان فيه وقت اكتب اليومين اللي فاتوه

محيوس مع الجامعه والجداول وارقى وانزل لحد مادخت ولو كنت كتبت

البارت بذاك الوقت كان ذبحت كل اللي بالقصه من القهر

بس بإذن الله تكون آخر مره الا عاد اذا جد جديد

وابي رايكم ونقدكم اللي عودتوني عليه

اعرفو ان اي نقد او راي تطرحونه بيكون محل النظر واستقبله بصدر رحب

واذا كان هناك اي خلل او تقصير ارجو تنبيهي عليه حتى اطور من الأسلوب

واصل به لمستوى يرضيكم ويرضيني فانا اولاً واخيراً اكتب لكم وابحث عن رضاكم






وهاذي شجرة البرتقال مادري العائله اللي تبونها

ابكتب بس الشخصيات اللي طلعت للحين بالقصه



%الجد اللي يجتمعون عنده كل اسبوع اسمه ضاحي

وهو ابوـــــــــــ> لأم الجازي وام شمس وام متعب وابو عناد

* أم الجازي عندها [محسن + الجازي + وام سطام]

(محسن عنده [ضاحي + ضاري + ذياب +خالد + صقر+ هتون + مها ])

*أم شمس [شمس ]

*أم متعب [متعب + العنود + مزون بنت اخو رجلها]

*ابو عناد [عناد بس]

* ام يوسف وناصر


%واخو الجد متوفي وله من الأبناء

* ابو شمس

* ابو يوسف وناصر

* ابو الجازي


% طيف اخت مزون من امها

% عبد العزيز ولد جيران الجد تربطتهم صلة قرابه بعيده والجد له افضال عليهم وجمايل
&&&&&&&&&&&&&&&&&&&&&&&&&&&&&&


الـــــــــــــجـــــــــــــــزء الـــــــــــــــرابــــــــــــــــــع

&&&&&&&&&&&&&&&&&&&&&&&&&&&&&










(( صــــراعـــــات عــــلــــى ارضـــــــــ الـــــــواقـــــــــعــــــــ ))











دخلت غرفتها ملجأها الوحيد ......مكان تقدر فيه تفرغ اللي داخلها براحه

للحين هي بصدمه للحين ماهي قادره تصدق اللي صارلها

كانت تطنز على اللي ينغصبون على الزواج تسخر من ضعفهم وسلبيتهم قدام اهاليهم وانهم يرضخون لحكمهم بسرعه

هي مانغصبت وبس هم استغفلوها وزوجوها بدون علمها وين حنا عايشين فيه ويـــــــــــــــنـــــــــــ ؟؟؟!!

عيشوها عيشة رجال تامر وتنهي بالبيت وكلمتها تمشي يشاورونها بأمور تتشاور الرجال بها وبالاخير يصدمونها بزواجها

ماتدري وش تسوي ودها تصارخ ودها تصيح ودها تضرب احد .....تبي اي شئ يفرغ اللي داخها

تتمنى دمعه دمعه وحده بس لأجل يخف اللي داخلها ....بس من زود قهرها رفضت عينها تدمع وغصه بحلقها منعت صوتها يطلع

تتلفت على نفسها مثل المجنونه تدور اي شئ يطلع من العدم عشان تفرغ حرتها فيه وقهرها استقرت عيونها على التسريحه

قربت لها مثل المجنونه واخذت عطر ورمته على المرايه تبيها تتفتت وتتكسر مثل ماانكسرت نفسها بس ظلت المرايه صامده وكانها تعاندها أو تتشمت بها

زاد قهرها وغيضها ورمت الثاني والثالث لحد مانكسرت واستحالت لقطع .....تنهدت

ورمت جسمها على السرير وهي تلهث من بعد المعركه اللي سوتها وسرت دمعه حاره يتيمه على خدها مسحتها بيدها ومدت يدها قدام وجهها بتشوف هالدمعه اللي جننتها ولا طلعت

ابتسمت واخيراً نزلت واخيرا وتبع هالدمعه دمعات وارتفع صوت صياحها ودست وجهها بين مخادتها تكتم صوت صياحها وانينها المقهور

ماتبي احد يشوف ضعفها ماتبي احد يشهد انكسارها وخيبة املها بأهلها اللي بنظرها غدروا بها وطعنوها بظهرها واستسلمت لألمها وحزنها بس بين جدران غرفتها مايشهد عليها الا خالقها








...........................








سكرت باب غرفتها بيدين ترتعش وقفلتها مره ومرتين وتسندت على الباب رجلينها ماعادت تقدر تشيلها وبداخلها كل هالالم كل هالخوف كل هالحزن

حمل ثقيل لو وزع على الناس لكافهم واثقلهم بعد .....بدت رجلينها تنهار وجسمها يطيح لحد مااستقر على الأرض بوهن وبعجز

للحين ماهي مصدقه اللي صار....للحين تحس نفسها كانها بحلم وماصحت منه لا هذا مو حلم هاذا كابوس .....

تعوذت من الشيطان كذا مره تماشي احساسها اانه كابوس لكن لا .... هذا واقعها ....واقع انحطت به غصب عنها وكل ماله ويهديها صدمه جديده تقضي على الباقي بداخلها

لعنت نفسها الف مره واستغفرت بعدها مليون مره .....ليه راحت للموت برجلينها لــــــــــــيــــــــــــه ...؟؟؟

ليه ماطاوعت قلبها واحساسها ليه ؟؟؟ يوسف قضى عليها واحالها لرماد ...لكن بقى شعله خامله تحت الرماد وجاء ناصر وبكل قسوة وطفى هالشعله

بتعيش حياة بلا سعاده بلا احلام بلا اماني ......حياة جامده بلا ملامح ....يوسف كان ومازال هو المتحكم وصاحب القرار بحياتها

هي حمدت الله الف مره انه طلعلها ناصر من العدم وانقذها ......ماكانت تدري لو دخلها يوسف الغرفه وش راح يكون مصيرها

هي ممتنه له وشاكره لو ظن بها السوء لو ضربها لو حطمها لو سوى بها اللي سوى بيظل جميله على راسها ولا راح تنساه

لكنه بنفس الوقت قتل كل حلم جميل بحياتها ....كل حلم خجلان يجمعها هي وياه ....هي ماكانت تقدر تجتمع وياه على ارض الواقع

فأكتفت بالحلم هو وياه يجمعهم الحب بعالم بنته بخيالها ...

بعد اللي صار مايحقلها حلم ....مايحقلها فرح ... بتعيش واقعها بكل الآمه واحزانه وحقارته بعيد عن خيالها

ثنت ركبها وحضنتهم بيدينها واسندت راسها عليهم واستسلمت لدموعها دايم كانت بجمبها وبتكون دوم .....( ضربتين بالراس توجع )








..................................






تحط ملابسها بالشنطه ملابس تكفيها اسبوع وشوي بكل برود وآليه وكأن الحياة ماعادت تسوى بعينها

للآن آثار الصياح على وجهها حاولت تزيلها .....غسلت وجهها كذا مره وحطت كحل لكن بدون فايده

نزلت الدرج بهدوء عكس عادتها وبيدها شنطه وباليد الثانيه العبايه حطتهم عند الباب ودخلت على ابوها بالمكتب

- يبه ابروح لبيت جدي

رفع راسه لبنت باستغراب داخله وبدون استأذان ولا سلام ونبرة الأمر اللي بصوتها

ساكته ماتكلمت تنتظر الأجابه وهي منزله راسها

- انتي تستأذنين ولا تامرين ؟؟؟

- وش تشوف يبه ؟؟

- اشوف انتس تامرين

رفعت راسها له / ايه آمر

لو كانت بوضع غير وضعها لو ماشاف آثار الصياح بعيونها لو ماشاف ذبلان وجهها لو ماسمع النبره الغريبه اللي بصوتها

كان له تصرف ثاني كان عصب وهاوش بس اللي يشوفها قدامه ماهي بنته ......بنته المرحه اللي تعود عليها

- تبين اوديتس انا او حدى العيال ؟؟

- ردت بسرعه / لا

ناظرها باستغراب / وش اللي لا ؟؟

- مابي لاانت ولا العيال تودوني ابروح مع الشغاله والسواق

- ليه ؟؟

سكتت وماردت وش تقول تقول انها للآن مقهوره منهم .....كلهم كلهم متفقين عليها كلهم كانو يدرون بموضوع الزواج ولا جابو لها طاري

تحس اتجاههم بكره بحقد غدرو بها واستغفلوها .....قلبها شايل عليهم .....يمكن اذا ابعدت عنهم تنسى اللي سوو بها

كل ماتشوفهم تتذكر اللي صار ويزيد القهر بقلبها ....بعدها عنهم مده تصفي القلوب

محتاجه مكان هاددي بعيد عن الضغوط مكان تفكر فيه دون توتر ......بترسم الخطوط اللي بتمشي عليها بحياتها

ماتبي تجي فترة بمستقبلها وتضعف تبي تكون طول الخط هي الانسانه المتحكمه القويه اللي مااثر فيها شئ ولا راح يأثر






..........................






طقت الباب ووصلها صوت بنتها بمين

- انا يمه شمس افتحي الباب

فتحت الباب لامها وسكرته وراها

- وراتس تسكرين الباب وش خايفتن منه البيت مليان ماحدن جايتس

ابتسمت بسخريه وبنفسها [انا خايفه من اهل البيت انفسهم ]للحين تتصور لها صوره يوسف وهو يسحبها للغرفه

للآن تتخيل وجه المرعب وكانه بيذبحها تخاف على نفسها تخاف يجي ويكمل اللي سواه

صدق البيت مليان بس هذا شخص الواحد مايتنبأ بتصرفاته بايع الدنيا ولا يهمه احد

- تعالي يمه اجلسي ابيتس بسالفه

جلست بهدوء بجمب امها على السرير / انتي كبرتي ولا عدت صغيره بتدخلين الـ26 وانتي تردين بذا الخطاب

قلنا يمكن تخاف من الغريب تخاف مايعزها ويصونها لكن جاتس خاطب قريب بالحيل اظن مالتس حجه وابوتس موافق ويقول بلغيها البنت ماتتشاور بولد عمها

من دون تفكير وانتظار وفرحه بخبر امها / انا موافقه...... توقعت يوسف يرفض ....يسوي اي شئ الا انه يرضخ بهالسرعه

حضنت بنتها بفرحه ودموع الفرح تسيل على خدها بنتها بكرها واخيرا بتتزوج وتشوف احفادها ومن بين دموعها / تستاهلون بعض ....ناصر رجال مافيه اطيب ولا احسن منه

بعدت امها بصدمه من الأسم يمكن امها غلطانه بالاسم ولا هي ماسمعت الاسم زين / نـــــــاصـــــر ؟؟؟....سؤال تنتظر اجابته بس تتمنى ماتكون الموافقه عليه ناصر وشلون وشلون ؟؟؟؟ويوسف !!

-هوّ شمس ماتسمعين ناصر

- يمه ناصر ولا يوسف ؟؟

- وعععععععع وش يوسف وش جاب ناصر الدين الخير ليوسف الداشر الصايع لو على قص رقبتي ماخذتيه

- لا يمه لا مااقدر اخذه مااقدر

-هوّ شمس تو موافقه وش قلبتس

- ناصر لا ناصر لا حسبته يوسف ماتوقعته ناصر

-ناظرتها امها بشك / انتي تردين الخطاب عشان تبين يوسف

- لا والله يمه ....بس مابي ناصر

- العلم جاتس وابوتس موافق ولا رد الشور لتس وبكرى الصبح بتروحين انتي وابوتس تحللون ناصر مستعجل

-بس مابي ناصر على كيفكم هو

ناظرت بنتها نظره ناريه / وش بينتس وبين يوسف ؟؟

- والله والله ان مابينا شئ من اللي ببالك

مسكت بنتها مع عضودها وهزتها بقوه / لا تكذبين وش بينكم وخلاتس تردين ناصر وتوافقين عليه انـــــطـــــقــــي

حركتها ذكرتها بحركه يوسف وانعاد المشهد عليها بكل الامه واحزانه واوجاعه وارتمت بحضن امها وهي تصيح

- والله يمه مابينا شئ والله انا بنتك تربيتك وشلون تشكين فيني

مسحت ظهر بنتها بحنان / عارفه وانا امتس بس يوسف ماله امان وينخاف منه والشيطان حريص الله يلعنك يابليس الله يلعنك سامحيني يمه سامحيني

ماردت على امها تبي تتنعم بحضن امها تبي تحس بالامان عقب الرعب اللي عاشته الصبح ماتبي تفارق حضنها

تتمنى ترجع ذيك الطفله الصغيره البريئه كائن لا يشيل هم ولا يعرف الحزن ولا شاف وعاش سواد الحياة ولا ذاق غدرها ومرها

مايهمه بالدنيا الا ضحكته وسعادته وبالليل يلقى حضن امه بانتظاره مفتوح له يرمي فيه كل تعبه ويحس بالامان والدفا

نتمنى ونتمنى لكن ولا شئ من امانينا تحقق كل مانتمنى شئ يتحقق عكسه






.......................





بــــــــــــعــــــــــد ايـــــــــــــــامـــــــ




ترن ترن

ناظرت اسمه على شاشة الجوال ولا ردت واي احد يدق على الجوال من اهلها ماترد

دق مره واثنين وعشر ولا ردت لحد ماملت اونزعجت وقفلته مالها خلقهم ماصدقت متى نفسيتها تزين شوي يقومون يعكرونها باتصالاتهم وازعاجهم

وصلها صوت جدتها اللي بالايام اللي عاشتها هنا ملازمتها تقوم معها وتنام معها واللي مريحها اكثر ان عناد عنده انتداب ولا هو فيه

- سمي يمه

- تعالي يمه انزلي لصاله

نزلت بسرعه بس اول مابان لها الشخص اللي مع جدتها رجعت على طول ورقت الدرج ولا درت الا وهو ماسكها وساحبها ومدخلها للغرفه اللي بجمب الدرج

لفت له بعصبيه وقهر / وش تبي فكني

- الجازي هدي انتي شايشه عليهم انا وش علي

- لا والله لا تستهبل اكيد كنت تدري ولا قلتلي كلكم كلكم استغفلتوني

مسكها مع كتوفها / والله ثم والله وهالشوارب مهب على رجال لو كنت اكذب ....ماعندي خبر بزواجك وانتي عارفه اني كنت مسافر الأسبوع اللي فات مع الشركه

كلامه صادق بس ناظرته بشك / والله ...انتي ماتامنين بالله هذاني حلفتلك ....تتوقعين لو كنت ادري ابغبي عنك انتي عارفه رايي بهالموضوع كل شئ بالغصب الا الزواج

ناظرها بس للحين نظرة الشك بعيونها / ماصدقتيني للحين ...؟؟

ابتسمت بوجهه وحضنته / اشتقت لك يادب والله هههههه

- ايه هاذي الجازي اللي اعرفها مب تو تجيبين الهم .....بس مب كنك صرتي رقيقه اليوم واشتقتلك ومادري وش ولا تسوين بروفات لزواج

بعدت عنه بعصبيه / تصدق انك مــــــــــــلـــــــــــيــــــــــــغ

- ههههههههه من زمان توك تدرين

- هه هه هه ياخف دمك انقلع بس ......ومسكت يده وجلسته على الجلسه واجلست جنمبه

- هاه وشلونك ووشلون اهلي ووشلون البيت من غيري ووش هببتو من وراي ووشلون ابوي وامي ....كـــــــــــلــــــــكــــــــــم وشلونكم

- بس بس بالعه رادو مدامهم هامينك بهالشكل ليه ماتردين عليهم وهم مكسرين الجوال عليك

- مابي ارد

- وليه ماتبين تردين ؟؟ ان شاءالله ولا كبر راسك يوم صرتي مرت طلال بن فيصل

- ضــــــــاري ترى والله لأقوم واخليك وقامت

مسكها من يدها ورجعها تجلس / اجلسي بس .....بعدين ردي على جدتي هي مالها ذنب باللي صار تسمع كلام جدي وتمشي على قوله خايفه عليك حرام عليك اللي تسوينه بها

- لفت له بضيق / ضايق صدرها علي عسى مايرتفع سكرها والضغط بسبتي

- خايفه على صحتها ....ردي عليها اجل

- ابدق عليها اليوم ان شاءالله

- طيب وجدي

- لا

- ليه تقولينها بهالعصبيه عشانه هو غاصبك

- طالما انك عارف الجواب ليه تسال

- ابغاك انتي اللي تجاوبين عشان تفرغين اللي داخلك شوي بدال ماتنفجرين من العصبيه والقهر اللي بك

- لا تخاف كلها يومين وارجع لطبيعتي

- لا تضغطين على نفسك وتكبتين بداخلك مو عيب ولا ضعف انك تصيحين او تفضفضين لأحد هذا انا رجال وكل شئ يصير معي اقوله لك واشكي لك

- انا غير .....انا عمتك

- لا والله من زبن العمه واصغر مني بعد

- عمتك وتاج راسك وش عندك وضربته على راسه وطيحت شماغه

مسك يدها ولواها / كم مره قلتلك لا قد تضربيني على راسي وتخربين كشختي

- آي آي اتركني كسرت يدي

لواها زياده / قولي آسفه عمي ضاري

- لو تموووووووت ماتأسفت لك

- لواها زياده / قوووولي

- لاااااا

وزاد اللويه زود / آي آي آي جده جــــــــــــــــــدهـــ

- خليني اشوف وش بتجي جدتي عليه على هلكوبتر ولا دباب على بال ماتوصل تلاقيني كاسر يدك هههههههه

-آي آي آآآآآآآآآآآيـــــــــــــ






.............................






جالسه بالصاله بصمت لكن مو مثل العاده ....جالسه ساكنه من دون اي حركه وكانها تمثال يتنفس بس

تشوفه وهو يدخل ويطلع يرقى وينزل لا بس بنطلون وبلوزه مصغرته ومجملته بعينها مع انها مليانه تراب وبويه وشعره بعد ماسلم من التراب

والتعب واضح عليه مقسم وقته بين شغل البيت وشغله بالشركه

عيونها تتابعه بكل حركه يسويها وكل تنهيدت تعب يتنهدها تزيد اوجاعها .....ودها تاخذ كل تعبه ولا يتوجع ودها تروح تساله وش اللي يوجعه عشان تداويه ووش مضايقه عشان تخفف عنه

بس لحظتها بيطيح القناع اللي لا بسته واللي تموت تحته الف مره .....عارفه ان قربه بيحطم قوتها وبيكسر قناع القوة والا مبالاة اللي لابسته

تبي قربه وتبي بعده ....!!!!

كلهم ملاحظين هدوءها الزايد كلهم حاسين بها هم إناث يعرفون مشاعر بعض ووشلون تكون ويعرفون لما الوحده تكون بطبيعتها ولا تتصنع الشئ

الا هو لا هي مع اشغاله لا هي مع خطبته وزواجه القريب ولا اهتم بها ولا عاد سأل عنها بالعاده يسال عنها ويشوف وش اخبارها ووش محتاجه

لكن من اول ماخطب وهو سافها ولا يعبرها وكانه يعطيها اشاره على كيف بتكون حياتها معاه بعدين كانها رسمه برصاص محاها من حياته يوم خطب

خطبه غريبه وسريعه باسبوع خطب ووافقو وحللو وبعد شهر وشوي الزواج اغرب واسرع زواج

والأغرب من هذا كله انها هي اللي خطبتله هي اللي اختارت غريمتها بيدها هي اللي اختارت السكين اللي بتنذبح بها

وصلهم صوته التعبان / تعالو شوفو وش سوو العمال بقسمي

قامو خواته اللي مجتمعين اليوم عندهم وامه بفرحه واخيرا اخوهم الكبير بيتزوج

راحو كلهم وتركوها حتى بدون مايلتفتون لها تركوها جثه من دون روح

اخذت حرمته مكانها وغلاها وهي ببيت اهلها وشلون لاجت وش بيصير حالها

حست بيد على راسها ورفعته والتقت عيونه بعيونها المتسائله

- ماتبين تشوفين وش سوو العمال بقسمي كل البنات رقو الا انتي فقدتك وجيت اناديك يالله تعالي

- بنفسها [لا لا الله يخليك مابي اروح لغرفتك مابي اتخيلك انت وياها فيها مابي .....الصورة تذبحني

مابي اتخيل كلامكم وضحكاتكم ولمساتكم ]

استشف من وجهها الرفض بس مصر انه يقضي على الباقي الصامد بها

جلس قبالها وحط يده على خدها بحنان ابوي مثل ماتعود / مزون وش فيك ؟؟ احد ضايقك بشئ ؟؟قوليلي

تبين تروحين لخوالك ؟؟ تبين تروحين لشمس ولا الجازي ؟؟تكلمي مااحب اشوفك متضايقه

-[لاااااااا ابعد مااتحمل لمستك مااتحمل نبرة الحنان والخوف علي اللي بصوتك ابعد .....ابعد وارحمني ....ارحمني من قربك ]

بدت عيونها تدمع خلاص مابقلى بها قوة مصمم اليوم انها يحطمها انه ينهيها ونجح بكل جداره وهاذي دموعها تبكي وتنوح على بقايا قوتها اللي راحت

استغرب دموعها وخاف عليها / مزون وش فيك ليه كل هالصياح لا تخوفيني عليك

سكتت ولا ردت ودموعها تمشي على خدها بصمت سالها مرتين وثلاث ولا لقى رد منها

رفعت راسها بابتسامه لها واشرت له

وثواني واطلق ضحكه مدويه رغم تعبه / الحين كل هاذا لأنك ماتتحملين لحظات الحنان والله انك سوالف

اجل ابشري بصير لك ام ثانيه عشان اتشمت على دموعك

ابتسمت من بين دموعها جرحتني من قبل لين تعودت على تجريحك ماعاد يهمني مايضر الشاه سلخها بعد ذبحها






...........................




-ماودك ترجعين معي اليوم

- لااااا

- ماكفاك اللي جلستيه ؟؟ بعدين بجلستك تضايقين الرجال

- سالته باستغراب /اي رجال ؟؟

- عناد

- عــــنــــــااااااد .....اولاً هو مسافر لا تخاف وثانيا وش اضايقه هو بيته هذا بيت جدي زي ماهو جده كلنا لنا نفس االحقوق والمكانه

يعني لو اجي اسكن هنا ماله دخل ماناقصني الا انحرم من بيت جدي عشانه والله حاله

- الجازي هذا بيته ماله غيره وهو احق به والسكنى فيه وانتي الحمدلله عندك اهل وبيت

- لا تقول بيته هذا بيت جدي ولا تدخلها براسي اجلس هنا شهر بس عشان اضايقه على قولتك

ناظرها بتهديد/ شوفي ياجويزه صيري حرمه عاقله واياني واياك تسوين حدى حركاتك معه

ذيك المره ربك ستر ولو ماجيت ووديته للأسعاف كان راح فيها وعرف انه انتي اللي حاطه الكلوركس

وبعد حبة الراس هجد ولا قال لأهلي شئ بس لا عاد تقربين صوبه بأي شئ

انتي ماعدتي الجازي الصغيره وهو ماعاد عناد الصغير كبر وشيب حرام تراددينه وتحاكينه بليا سبب ســـــــــــامــــــــــــعـــــــــــه

سكتت الجازي نبرة ضاري خوفتها شوي اول مره يهددها وبنفسها [هين ان ماوريتك ياللوح مااكون الجازي رايح تتشتكي لضاري مثل الحريم ....نشوف ياانا ياانت اجل صار البيت بيتك تخسي والله]

- هيييييييييه وين وصلتي ...؟؟

- هنا بس افكر بالكلام اللي قلته

- قال بعصبيه / مايحتاج تفكير تنفذين وبس لا يوصل الكلام لأبوي ضاري عاد ذيك الساعه دوري احد يفكك منه

- خلاص خلاص مايسوى علينا عنيّد تهاوشني عشانه

- عنيّد !!! اصغر عيالك هو

- يالليل شكلنا ماحنا خالصين من عناد ذا اللي مسببلي قلق وهو فيه وهو رايح خلاص الشيخ عناد حلو كذا

- ايه كذا حلو الواحد يحشم الرجال ويقدرهم مهب يصغرهم

- ان شاااااااااااء الله ....الحين انا مشتاقه لك وانت تهاوشني عشانه

رق قلبه عليها / ماهاوشتك بس بعد مايرضيني تقللين من الرجال قدامي وهو غايب يرضيك احد يقلل من قدري قدامك ؟؟

لفت له / ومن يتجرأ يقول عنك شئ قدامي لأخربط ملامح وجهه هاذا اللي قاصر بعد

- هههههههه بعدي عمتي والله ....هاذا انتي مابقيتي شئ ماقليته عن الرجال

- وش جاب الصين لطين وش جابك لعناد

قال بعصبيه وصراخ افزعها / الــــــــــــــجـــــــــــازي وش هالكلام حكيي اللي قلته لك تو اشوفك نسيتيه

- طيب بسم الله هبلتني بصراخك غير السالفه لان شكلنا بنتذابح عشانه .....وشلون البنات ؟؟

- اي بنات ؟؟

- من يعني ...ضاحي ولا خالد مثلا

- ههههههه ماقصدت كذا .....البنات بخير مفتكين منك عندهم عيد بالبيت

- حرااااااام عليك والله فاقدتهم الوحيدين اللي اكلمهم هم بس ولو مشتاقه لشوفتهم وخصوصاً هالبارده هتون وشلونها صدق ؟؟

- هتون على حطت يدك معتصمه بغرفتها فوق ماتنزل الا تاكل وترقى من جديد من اول ماردينا خطابها ذا اللي مادري من وين جايبتهم وهي مضربه بغرفتها

- لين الحين مستغربه منها من صدقها ذي جايبتهم اصلا مفروض ردتهم من الأول لاهم لمنا ولا الينا بس فشلت نفسها واحرجت صديقتها على غير فايده

- خايف عليها

-ليه سوت بنفسها شئ ؟؟

- لا بس انتي عارفه هي طيبه وعلى نياتها وكلمه توديها وكلمه تجيبها وتتأثر باللي حولها بسرعه

- ووش اللي يخوف بالموضوع مافهمت ؟؟

- انتي ماتلاحظين تصرفاتها قبل وبعد مادخلت الجامعه اختلفت تماماً صارت شخصيتها غير

- اكيد بتتغير خلاص كبرت ونضجت تبيها تظل بزر...بعدين مو مره متغيره

- الا مره متغيره ودي اكلمها بس خفت تظن اني اتحكم بها وآمرها .....كلميها انتي يمكن تسمع منك

- وش اقولها ....اقولها انك متغيره ارجعي مثل اول اصرفلك

- لا قوليلها انتبهي على نفسك فكري مية مره قبل ماتصادقين وحده من البنات بالجامعه وتثقين بها ولا تصادقينها لين تتاكدين من اخلاقها وتربيتها

- مادري احس خوفك ماله مبرر كذا بتخلي البنت عالمها محدود

- انتي ماتفهمين الجامعه مب مثل المدرسه كلهم عيال الجيران ومعارف نعرفهم من سنين ونعرف اهاليهم مجتمع صغير ومحصور

وكل اخباره معروفه عند الناس بس الجامعه غير غير ناس من كل مكان انواع واشكال مختلفه شخصيات غير تحس انك ضايع بينهم

حنا يارجال كم وكم سالفه تصير لنا وكم واحد يحاول يجرك للحرام بانواعه فيه اللي انجرو لهالطريق وخسرو كل شئ دراسه مستقبل سمعه دين

وفيه اللي يحارب عشان يظل مثل ماهو متمسك باخلاقه ومبادئه

فما بالك ببنت عالمها اصغر من الرجل وتنفتح مره وحده على هالعالم ووحده مثل هتون بتاخذ الزين والشين

- مفتحه عيونها على الآخر فعلا كلامه صحيح بس اول مره تنتبه له ولا يجي على بالها

يمكن لانها ماضطرت تصادق احد واكتفت بصديقات المدرسه وزميلات بس من الجامعه

او يمكن لانها قويه مااحد تعرض لها ماتدري اللي تدري فيه فعلا ان هتون يمكن تكون بخطر

بس فيه وقت تحذرها وتنبها توها سنه اولى جامعه يمكن مامداها تصادق احد مع ان شخصيتها تغيرت تماماً عقب الجامعه

- تصدق انك خــــــــــطــــــــيـــــــــر اول مره انتبه لهالنقطه الله يستر عليها بس ماعليك تربية محسن ان شاءالله ماعليها خوف وابكلمها بإذن الله لا تشيل هم انت

- آآآآهـــ الله يعين

- ياخي لا تتنهد تحسسني كأنك ابو وشايل هم عياله

- هههههههه وش اسوي اخواني ولا وراي حاجه الا هم

- اتزوج عشان يصير وراك حاجه ثانيه غيرهم

- الله يجيبها بنت الناس مليت ابي اتزوج

- تبي اخطبلك ؟؟

- لاااااااا ابي وحده تخش هنا .....ويأشر على راسه

- الله يعجلّك حالتك ميؤس منها

- ههههههههه كذا تحطميني ...ماعليك حاس اني قريب ابتزوج مادري ليه ؟؟؟!!

الجازي وبسخريه / لاااااا توك تحس يوم وصلت الثلاثين مبرووووووووك اشوى انك ماحسيت بالخمسين

- تتطنزين ان ماجيتك بكرى قلت اخطبيلي فلانه مااكون ضاري

- يـــــــــــــــاربـــــــ يجي هاليوم ونشوف اخرتها معك






..........................






- والله انه سخيف طيب مافيه احد من اخوانكم يجيبكم ؟؟

- لا كلهم رفضو

- الحين ليه مايجيبكم هو وش وراه

- مشغووووووووول مره بالقسم حقه

-و بنفسها [جعله مايزين وكل مايصلح به شئ خرب شئ ثاني ويتاجل الزواج كمن سنه ولا تدخل على ترباته وغبراته ]

- الجـــــــــــــازيـــــ

- عمى فجرتي اذني

- لي ساعه اناديك وانت ماتردين

- قاعده افكر بحل عشان تجون

- مافيه الا نجيكم بتاكسي

- عشان اخوك ينحرك بدون مايوجهك للقبله

- هههههه والله مااستبعد على متعب شئ

- المشكله سواقنا مادري وين ارضه مايرد على الجوال .....بس لقيتها ابشوف حدى العيال يجيبكم

- لالالا مو لازم نجي

- والله لو وقفتك عليك آنسه العنود ماهتميت فيك بس ابي صديقتي من زمان عنها

- سألتها بخوف وتبيها تنطق غير الاسم اللي ببالها / طيب من من العيال

- امممممم مافيه متوفر بالخدمه حالياً الا سطام وضاري ابشوف ايهم بيرحمني ويجيب لي صديقتي واهلها النشبه

تنفست بارتياح انه ماطلع هو الي بيجيبهم ماتدري وش بتكون رده فعلها اذا شافته خصوصاً وانها للآن تعاني من جرحه لها / خلاص بنتجهز .....بتجين معه ؟؟

- لا ليه خالتي فيه ليه اجي لو كنتو لحالكم انتي و مزون جيت معه

- يالله اجل مع السلامه يالله يمديني اللبس

-هدي شوي تراه مو عرس لا تقرفينا مثل طيف ترى بعدين اكرهك وانسى الدم اللي بينا

- ههههههههه حرااااااااام عليك انا مثل طيف

- اممممم بقى شويتين وتصيرين مثلها

- عـــــــــــمــــــــــى يابقره

- ههههههههههه






........................





السياره هاديه الا من صوته الرجولي وصوت خالته يقطع حكيهم ضحكات تطلع منه او منها

مستمتع بالسوالف معها وصوت ضحكات خفيفه وناعمه وخجلى توصله من ورى كل ماقال تعليق او سالفه مضحكه

استغفر ربه بنفسه ولعن ابليس اللي خلاه يتسمع لصوت ضحكاتها وركز على السواقه وصوت خالته بس



وصلو عند باب الجد ودخلو بالحوش ....جلس بالسياره لحد ماينزلون عشان ياخذون راحتهم ولا يحرجهم

مشو خالته وبنتها اللي كانت جالسه وراها بالسياره لداخل البيت

بس اللي وراه واللي كان يسمع صوت ضحكها كانت تمشي ببطء شديد واثار هالشئ انتباهه وصار يتبعها بنظره

وبدت تتمايل بمشيتها وكانها على وشك السقوط .....فتح باب السياره ونزل بخوف ومشى لحد ماقرب لها

- أختي اختي

ماردت عليه بس حطت يدها راسها وصارت تضغط عليه

- انتي بخير ؟؟؟ تبين انادي لك احد ؟؟ طيب اجلسي لا تطيـــ.......

مادرى الا وهو راجع على ورى ويطيح شماغه من قوة طيحتها عليه وماكان قدامه الا انه يجلس على الأرض وراسها بحضنه

جلس شوي بدون مايدرك اللي حوله يبي يستوعب اللي صار

نزل راسه بحضنه بشوف هي بخير ولا لا

واتسمرت عيونه على وجهها كان منكشف .....مغمضه بحضنه بسلام ....النعومه والرقه مرسومه عليه وملامح ءاسرته

صدق ماكانت جميله بس فيها شئ جذبه مايدري وشو وماخفت عليه مسحت الحزن اللي فيه مجرين بكل خد من كثر الدموع

ظل يطالعها ونسى كل اللي حوله كانه بعالم ثاني.....مشاعر هايجه بصدره ....يدينه اللي ماسكتها تعرق

رعشه خفيفه تسري بجسمه وضربات قلبه زادت سرعتها

نسى كل شئ بهاللحظه دينه اخلاقه مروئته مبادئه تربيته ....بس هو وهي

لحظات بس لحظات هي اللي عاشها معاها وحس باحساسه وتأمل وجهها وانطبعت بقلبه

صوت من بــــــــــعــــــــيـــــــــــد ينبهه ويصحيه من حلمه الي عايشه

انتفض وادرك غلطته وحجمها مس نار ولو احد يشوفهم وش بيظن بها وبه

مد يده واخذ شماغه من على الأرض وكوره وحطه على الأرض ونزل راسها من حضنه بهدوء وبيدين تنتفض لين استقر على الشماغ وغطى وجهها بطرحتها اللي طاحت وهو يودع هالملامح

طلع جواله من جيبه ودق

ووصلها صوتها المرتبك / آلو الجازي فيه وحده من بنات خالتي طاحت مغمى عليها قدام باب الحوش

- مغمى عليها !! يالله جايتك الحين

طلعت تركض له ...شافت الجسم الأسود المدد على الأرض راحت بسرعه لها ولف وعطاها ظهره ولمح الحرمه الثانيه اللي طلعت ورى الجازي

سألها بارتباك ونبره ماقدر يخفي الخوف فيها / هاه وش فيها ....؟؟ صحت ؟؟

يبي يلف ويسترق النظر يبي يشوف هل هي بخير ولا لا بس فيه اشياء كثيرة تردعه نساها بتهوره تو

رجع يسالها / تحتاج مستشفى ؟؟

وصله رد الجازي متأخر حس كانه دهر / لالالا خلاص الحمدلله صحت مافيها الا العافيه بس تدلع شوي بندخلها داخل الحين

- تنهد بارتياح / اجل ابروح المجلس عشان تاخذون راحتكم وكان احتجتم مستشفى ولا شئ انا حاضر

ساعدوها تمشي لداخل البيت ولفت نظر الجازي الشماغ وهزت كتوفها ومشت

ماتدري وش اللي جابه ولا من اللي حطه تحت راسها ولا انتبهت انه كان هو نفسه بدون شماغ






...............................







ارخى الليل ستاره واتشحت السماء بسواد يبث الهدوء والسكون بالأنفس

سواد يزينه لمعان النجوم ويتوسطه القمر بنوره وجماله مناجي المهمومين والمحبين العاشقين

فيه الي يشتاق لليل لأنه وقت راحته ووقت يتخلص فيه من التعب ومن المجاملات والناس ووقت يصفى ذهنه فيه

وفيه اللي يكره الليل ويكره سواده لأنه وقت يكون فيه لوحده تحاصره الهموم والأفكار والهواجيس




وهذا هو حاله ....مستلقي على السرير وعيونه تطالع السقف والنوم مجافيه والتفكير اقلقه ومحاصره ولا هو راضي يفك عنه

قام وتوضأ وصلى ركعتين يبي هالأفكار تروح عن بالله لكنها متمسكه به ومحاوطته من كل جهه

رجع على السرير وتقلب مره واثنين وعشر لحد ماتعفس المفرش تحته وانحاس

جسمه معرق مع انه شتاء والبروده قارصه الا ان جسمه يعرق فسخ بلوزته ورماها يبي شوية برد ينعشه يبي يلتهي بالبرد عن افكاره

لكن كل ماغمض عينه انرسمت صورتها قدام وجهه انقلب على جنمبه غمض عيونه وفتحها يبيها تروح من قدامه لكن مافيه فايده

رفع يده وشمها وغمض عيونه وتنهد للحين ريحة عطرها عالقه فيها ماتعشى عشان مايغسل وتروح الريحه واذا جا يتوضى مايفرك يده بقوه

يخاف عليها لاتطير ويمكن ان الريحه راحت بس للآن عالقه بخشمه ومخه ويتوهم انها بيده

طرد الأفكار الغبيه من داخله واعتدل بجلسته على السرير ومسح وجهه كذا مره وتأفف بصوت عالي

- خلاص ماعاد فيني صبر هبلت بي وجننتني وسرقت من عيني النوم آآآآآآخ ياقلبي

ضغط على قلبه مايدري ليه يمكن يبي يهدي دقاته اللي تزيد كل مانرسمت صورتها قدامه .....

او يمكن بيطمن قلبه او يمكن يخاف عليها لا تختفي من قلبه ويبي يحتفظ بها داخله مايدري ليه

افكار وافعال مجنونه قاعده تحصل له ...قلبت كيانه بمره وحده ءأسرته وهي فاقده لوعيها وبدون شعور منها أجل لو كانت صاحيه وش بتسوي به ووش بيكون حاله

رمى نفسه على السرير بقل حيله شكل النوم مو زايره هالليله وبيظل سهران وبيذبحه التفكير الا اذا نزلت به رحمة ربي وجاه النوم غصب عنه

وبنفسه [لازم اكلم الجازي واسالها من هي لازم .....هي حدى بنات خالتي يااما العنود وهذي صغيره مره علي ويااما مزون وهاذي مشكله

بس هي الأنسب لي بس وشلون اخطبها اروح لمتعب واقوله طلق حرمتك ابي اتزوجها مشكله والله مشكله

يــــــــــــــاربـــــــــ رحمتك وعفوك ] وحط الوساده على وجهه ينشد النوم







............................





صبح الشتاء شئ غـــــــــــــيــــــــــر احساس حلو غير ايام الصيف تستمع باشعة الشمس بدون ماتحرقك حرارتها

تستمع لتغريد العصافير بسعاده شعور جميل تشتاق له وتتمناه باايام الصيف الحاره



جالسه ومستمتعه بالشمس والبرد وصوت العصافير وصوت النخيل والشجر لاهب هوى وتحركت

ريحة الزرع والطين المختلط بالمويه منعشه وحلوه

تنفست بعمق وملأت صدرها من هوى المزرعه اليوم هاذا مايجون العمال فماخذه راحتها

دفى نسبي يجيها من النار المشتعله والمجتمعين حولها تطالع البخار الحار اللي يطلع من ابريق الحليب

ويصتدم مع برودة الجو ويشكل سحابه دخانيه استهوتها ورجعتها طفله تنتبه لأبسط الأشياء واتفهها ابتسمت

هي فعلا رجعت طفله حاطه راسها بحضن جدتها ولا وراها مسئوليات مثل ماكانت عليها بالبيت

نفسيتها ارتاحت كـــــــــثــــــــيــــــــر يوم هدت اعصابها فكرت بعقل وشافت ان ردة فعلها مبالغ فيها

جالسه عند جدتها اسبوع وزياده .....اشتاقت للبيت اشتاقت لأبوها وامها بالخصوص

لكنها عارفه نفسها اذا جلست بالبيت راح تصتدم معهم كل يوم ولا بتلقى وقت عشان تهدى اعصابها وتفكر ويمكن تتهاوش معهم

بس يوم ابعدت هدت وفكرت وقررت .....

بتسلّم بامر الزواج لأنه صار وانتهى ....بس ماراح تكون بهالاستسلام والخضوع لرجلها

بتظل مثل ماكانت ببيت اهلها واذا ماعجبه بيت ابوها مفتوح لها ولا هو عجزان عنها

وتوقف تفكير لهنا اما ان يعطيها كل الصلاحيات اللي ماخذتها ببيت اهلها أو يرجعها لبيت ابوها


- يــــــمـــــــه يــــــبــــــــه


دخل بقامة الطويله وملأ المكان بحضوره

رفعت راسها له .....ابتسامه صادقه وكبيره تزين وجهه ويبادلها امه وابوه

شكله منقلب 180 درجه لما يكون فيه احد بالبيت يكون جامد ووجهه بدون تعابير أو احساس

اللي يشوفه الحين يشوف طفل فرحان بشوفة اهله

مخها للان ماشتغل عقب سرحانها كانت سرحانه وتطالع فيه ولا انتبهت انها منسدحه وماتغطت

تناظره بكل قوة عين وعاقده اللي بين حواجبها وتدقق بوجهه وكانها رجعت ذيك البزر اللي ماتتغطى عنه

وتشوف ردات فعله يوم دخل وهو مبتسم ويوم وقف عن الابتسام بصدمه وشوي وعيونه تطيح ويوم نزل راسه وطلع

ماتدر ليه سوى كل هاذا ليه

اشتغل عقلها بسرعه وبدت صور تقلبات وجهه تمر قدامها وحده ورى الثانيه اعتدلت بجلستها كانها ملدوغه

[عــــــــــــــنـــــــــاد]

حطت يدينها على راسها وهي تناظره بكل قوة عين وجرأه وكانها متعوده على هالشئ

هي صحيح ترد عليه وجريئه لكن مو كذا ابداً [وش بيقول عني وش بيقول اهلي ماربوني ولا متعوده تخز الرجال يـــــــــــــارب ]

بس كبريائها مارضى انها تلوم نفسها وتشيل الغلط / [بس هو الغلطان مدرعم كنه بيته بدون لا يسلم ولا يتحمحم المفروض الواحد يسلم لا دخل الغرفه الفاضيه

ايه والله كنه بيته حادر بدون سلام ....اكيد قاصد عارف اني هاليوم انام هنا واقوم الصبح معهم ]

وصلها صوت جدتها وصحتها من تفكيرها / الجازي حطي جلالتس على راستس بيدخل عناد

- لالا ابقوم وادخل من داخل

- مسكت يدها وجلستها / اجلسي ابيكم كلكم حولي

جلست غصب عنها وكانها جالسه على شوك وتغطت

نادت الجده بوهن وحاولت ترفع صوتها اللي اهلكه الدهر / عناااااااااد حياك يمه تغطت الجازي

دقايق وطلع من بين النخيل والأبتسامه الي تو راحت وبدلها بوجه جامد قرب لجدته يسلم عليها وكانت الجازي قريبه منها

بعدت الجازي عن جدتها وهي تتأفف بصوت عالي اللي سمعه عناد

لما انتهى من سلامه على جدته توجه لجده يسلم عليه وهو بطريقه دف المركه برجله واللي كان فوقها جيك المويه البارد واستقر بحضنها

نقزت من برودة المويه اللي جتها على غفله منها وشهقت /آآآآآآآآهـــ

الجد / بسم الله عليتس وش فيتس؟؟

لف لها وهو يغالب ابتسامته يعرف انها بتنفجر من العصبيه تحت الجلال وان اذانها تدخن من القهر

ويعرف ان مليون سبه جته منها ومليون دعوه وصلته من فمها ويعرف انها ناويه عليه وتتحلف له بس مااهتم

مايعرف ليه سوى هالفعل بس رغبه طفوليه بداخله الحت عليه مايدري ليه

يمكن منقهر منها وبيرد شوي من حركتها مايدري بس سواه من دون تفكير منه وسعاده حقيقيه ماحس بها الا تو

يبي يضحك يبي ينسدح من الضحك بس مايبي يلفت انتباه جدانه

الجده / الجازي روحي غيري هدومتس لا يدخلتس برد وتركدي مرتن ثانيه هالمره ربتس ستر ومويه المرة الثانيه يصير فوقها شئً حار ويحرقتس

لفت لعناد بعصبيه وبقهر ولو كانت النظرات ترسل شرر لأحترق بمكانه

تناظره وهو رافع حاجب بتحدي وكانه يقولها كانك بنت علمي علي

عارفها انها ماتستعين باحد عشان يقضي اشغالها من صغرتها واكيد يوم كبرت صارت اشد

بتاخذ حقها بيدها وهو يستنى هاليوم

افكار غبيه وطفوليه يسويها ويفكر بها مايدري ليه يمكن يبي يحس بالأثاره والتشويق بحياته البارده الراكده

يمكن بيحس ان عنده اهل وانه رجع لحضن اهله بعد مافقدهم سنين ويمكن بيحس انه رجع ذاك الشاب اللي يحب يعاند الجازي الطفله ويشوف ردود افعالها

مايدري وش يفسر فيه حاله بس اللي يدري عنه انها للحين ذيك الطفله بعصبيتها وعنادها وجنونها

وصلها صوته / اسمعي كلام امي وروحي غيري مالنا خلق بانصاص الليالي نوديك للأسعاف

لفت عنه بعصبيه وطلعت من المزرعه عارفه انه يقصد نفسه وانه بيعلمها انه عارف انها هي اللي حطت الكلوركس ويبي ينغزها / طز ولا هميتني اصلاً







.........................




حطت جوال خالتها بمكانه بعد مااخذت الرقم منه وهي تتلفت بخوف ماتبي احد يشوفها ورقت لغرفتها بسرعه

صار لها من الأشياء المجنونه اللي ماكانت تتخيلها الكثير الكثير ولو تدق عليه مايضر

دقت عليه وبالمره الثالثه رد

- آلو آلو

وهي ساكته خايفه منه والمشهد يوم يسحبها والخوف اللي حسته ذيك اللحظه ينعاد عليها

-آلو بترد ولا اسكر ماني فاضي لك

وصله صوتها المرتجف بحروف متقطعه / آلـ ــــ ــو

- هـــــــــلاااااااااا والله هلا لأحلى الو

سكتت ماتعرف وش ترد

- من انتي؟؟ تعرفيني ولا واصلك رقمي من احد ؟؟

- آ آ آآ ....ولا قدرت تتكلم

- خلاص مب لازم تقولين لي خلينا نتعرف على بعض اكثر وترتاحين لي وذيك الساعه تقولين لي ...حلو الكلام ؟؟

شوفي من الحين اقولك كانك من بنات اخاف من اهلي اخواني وابوي ومادري وش ولا مااقدر اطلع من الحين مع السلامه

بس كانك فري ياهلا بك ولو تبيني اصرف عليك وعلى اهلك واللي خلفوك ماعندي مانع

معاك يوسف ....واسمك ياحلو ....بلاش اسمك الحقيقي اسم الشهره طيب

ههههههههه ولا توك مبتدأه مالك اسم شهره

انقرفت من حقارته ودنائته ماكفاه اللي سواه فيها يبي زود انسان متمرغ بالفساد والحقاره تمرغ

وردت بسرعه لا يسترسل بالكلام وتنقرف زود / يوسف انا شمس

فال باستغراب / شـــــــــمـــــــــس

- ايه

وانقلبت نبرة لأستحقار وسخريه / نعم يااخت شمس وش تبين ؟؟

-ناصر خطبني

- لاااااااا مبروووووووووووك مبرووووك الله يهنيكم

- اقولك ناصر خطبني تقول مبروك وش السواة روح قل لاهلي انك تبيني روح قولهم

وبسخريه / لاااا وش تبين بعد ؟؟

بلعت سخريته / لو تزوجني ناصر بيعرف بحالي وبيفضحني ومو بعيده يذبحني

قولي لأهلي اتك تبيني بدال ناصر ولا قله هو خلي يتراجع وانت تخطبني قل لأي احد اهم شئ الزواج مايتم

- انا ماصدقت افتك منك تبيني ارجع واقول ابيها

الله يعافيك استر علي بس كم شهر ثم طلقني الله يعافيك تبيني ابوس رجولك بستها بس استر علي

- اقووووول شموس لا تسوين حركات الأفلام هالشويتين اللي تسوينهن مايمشن علي

وين راح لسانك اللي فرحانه فيه يوم تهدديني

- انسى كل شئ انا آسفه آسفه بس خل ناصر يفك الخطبه خلاص مابيك تتزوجني بس خله يبعد عني

- انا اللي قلتله يخطبك وانا اللي ابيه يفضحك ولو يذبحك ويريحنا منك يكون احسن

مو يوسف اللي يتهدد وينلوي ذراعه ســـــــــامــــــعـــــــه وخليني اشوف وشلون بتتصرفين

والله واحلوت اللعبه بيصير اكشنات على كيف كيفي هههههههههه

سلاااااااام ....تصدقين صوتك حلو بالجوال اعجبني حــــــيــــــــل بس خــــــســــــــارهــ بتصيرين مرة اخوي

وانا مااخون اخوي سلااااام ياحلو ..ههههههه


انزلق الجوال من يدها الأمور تعقدت وتداخلت ببعض عقلها مو مستوعب اللي يصير لها

ناصر دخل بالسالفه ماتدري وش بيكون مصيرها

يوسف قاله ولا ماقاله يمكن يكون قاله لالالا ماتوقع يوسف يدخل نفسه بالمشاكل

يمكن يوسف قاله وحط الخطأ عليها

ماتقدر ترفض ابوها موافق ولا حتى سالها رايها بس كيف بتكون حياتها معاه

هل هي جحيم وخوف مثل هنا او اشد وا اخف ماعاد يهمها اهم شئ خواتها بامان اصرت على امها انها تدخلهم معها بقسمهم مافيه الا هي واخوانها الصغار برى القسم

هي انذبحت وانتهت بس خواتها لالا

يمكن يوسف فهمه السالفه ونعيش انا وياه بسعاده

بس نبرة يوسف ماتدل لهالشئ نبرة شيطانيه

كل ماجت تفرح بشئ تلقى الهم مترصد لها ويخرب فرحتها

مظلومه دايما ً ....

ماتبي تنفضح عايشه طول عمرها وساكته وصابره خوف الفضيحه خوف تنزل روس اهلها للأرض

بس كل صبرها كل سكوتها طار بالهواء بزواجها من ناصر

ملت من الحياة ملت لــــــــــيـــــــــه عايشه لو تموت اريح / لو اموت اريح


قامت وصورة الموت والراحه اللي بتلاقيها بموتها قدامها طريق سهل وقصير عشان تحس بالراحه

فتحت علية الحبوب قوة الحبه 700 ملم وفرغتها كلها بفمها

وهي تبتسم من بين دموعها اخيراً بتذوق طعم الراحه اخيراً ......






........................






لها كم يوم من رجعت لبيت اهلها تحس انها من سنه ماشافتهم مشتاقه حيل لهم حضنت كل واحد فيهم حتى الشغاله سلمت عليها

عاتبوها مها وابوها وضاق صدرها بس هم اللي حدوها تسوي كذا

جالسه بالصاله وهس شايلتها بسواليفها مابقو سالفه ماقالوها لها حتى هتون اللي ماتتواجد تحت دايما حاضره وتسولف

والجازي من بين السوالف تدس النصايح ولا تجيبها على شكل سالفه تبي تنبه هتون لها من دون ماتحس انهم يتحكمون بها على قولة ضاري

جاها اتصال وردت وهي ترقى الدرج

- ههههههه استغربت انها للحين جالسه والله

-مها / هههههههه حاشمتك عشانك توك جايه

- الله يهديها ويرجعها لعقلها

دخل بهيبته وقامو يسلمون عليه سلمت عليه بس فيه شئ بوجهه متغير وجهه مسود وعيونه محمره وش صاير

حطت يدها على كتفه بخوف / محسن وش فيك ؟؟

رفع راسه لها وتنهد ....طاح قلبها بين رجولها / احد فيه شئ ابوي جدي العيال..؟؟

ماقدر يتكلم العبره خانقته هو الغالي ... هزته / تكلم ابوي فيه شئ ..؟؟ انـــــطـــــق

طلع الكلام منه وكانه من بير عميق ويالله ينسمع ثواني اللي مارد بها لكن عند الجازي دهور

بدت عيونها تدمع ....مسكت يدينه بقل حيله / راح وهو عتبان علي راح وهو عتبان علي ماارضيته ماارضيته

حضنها مايقدر يشوفها بهالحال ومسح على ظهرها / ابوي بخير

- آآآهــ الحمدلله ههههههه الحمدلله

تضحك وتصيح ابوها بخير ومااهتمت ليه وجه اخوها بهالشكل

بعدت عن حضنه بسرعه / اجل من ....؟؟

نزل راسه / ذيــــــاب بــــ.....

قاطعه صراخ بنته / لاااااااااا

وهي حطت يدها على فمها بصدمه وفتحت عيونها على آخرهم

الموت مادخل بيتهم ولا تبيه يدخل لكن مو كل مانتمنى يتحقق






........................







- لاااااااا اخاف

- وش تخافين منه ؟؟

- لالا اخاف يالله يالله كلمته

- انتي مهبوله هذا خطيبك لا تنسين انه خطبك وانتم رفضتوه

- انتي عارفه اني ابيه بس اهلي وش اسوي بهم

- طيب مدامك تبينه وتحبينه قابليه

- لالا حنا اتفقنا على مكالمات مو مقابل

- لا هو يبي يشوفك عشان يتمسك بك ويرجع يخطبك

- يعني اذا ماشافني مو راجع وخاطبني ؟؟

تلعثمت بالكلام / آ آ آ لا مو كذا قصدي عشان يشوف هو يرتاح لك ولالا

مثل النظره الشرعيه تمام وكانه مارتاح ليه يخطبك وتتزوجون وتعيشون بنكد

- مادري مادري خليني افكر

- مايبيلها تفكير انتي عارفه ان بنات عماني وخوالي حاطين عينهم عليه ماتخافين احد ياخذه منك

- لا هو قالي انه يحبني وبيحاول باهلي عشان يوافقون عليه

- طيب اطلعي معه عشان يلقى دافع انه يستمر بخطبتك انا مادري ليه اهلك رفضوه مع انه ماقاصرنا فلوس

- اهلي ماتهمهم الفلوس ولا اعترضو عشانها وقالو من اول مفروض ماتجون تخطبون لأنكم عارفين انهم بيرفضون لانكم مو من مواخيذخم

- ايه ايه....و فكري على قولتك اخوي مرسلني يقول اقنعك لأن راسك يابس وعجز يقنعك

بس لا تجين بعدين وتشكين لي وتتندمين ان وحده من اقاربنا ماخذه مكانك

خافت صدق لااحد يجي وياخذ اللي حبته من بين يديها وقالت بسرعه ومن دون تفكير منها بحالها ولا وش راح يكون مصيرها

- موافقه بس خليني اشوف وقت مناسب

- ابتسمت بنصر وخبث/ خلاص ابروح ابشر اخوي مسكين تلقينه جالس على نار مادري وش سويتي له جنتيه بااااي

- ابتسمت بخجل/ باي وقوليله تراني انتظره يدق علي

وكانت صيده سهله

استغلو هي واخوها الكثير الكثير من البنات عارفين ان البنات صارو اكثر حذر من قبل.... تعلمو وتثقفو وسمعو من القصص الكثير اللي خوفتهم من العلاقات المحرمه

بس الشيطات شاطر علمهم خطه بديله وهي انها تصادق البنت حسب مواصفات معينه ماعندها خبره وطيبه وعلى نياتهاوينضحك عليها بسهوله ومن عايله مايقبلون الزواج بهم

لحد ماتثق بها ثم يتقدمون لخطبتها وهم متاكدين من رفض اهل البنت لهم

ساعتها يبدأ دور اخوها ...تقولها ان اخوي يحبك من كلامي عنك عنده وانه متعلق بك واكبر دليل على حبه انه جا وخطبك وانتم رفضتوه

بس هو ماينام الليل يفكر منك ومن هالكلام اللي يعيش البنت بين السماء والأرض وينعش ارواحهم ويفرح قلوبهم العذراء

لحد ماتتعلق به البنت ...ثم تقول انه يبي يكلمك مايقدر يعيش من دونك ومن دون لا يسمع صوتك

سامحيني انا مره فتحت على السبيكر وانتي تكلميني وسمعك ولا نام الليل يهوجس بك

مكالمه ورى مكالمه ثم خليه يقابلك يبي يشوفك النظره الشرعيه عشان يتمسك بك لاارتاح لك ويرجع يخطبك ويتحدى الكل عشانك

تروح تقابله ويعجبها شكله وكلامه ولمساته تتوق نفسها لطلعه ثانيه وثالثه لحد ما يطيح الفاس بالراس وياخذ مبتغاه ويرميها

ويطبق خطته الحقيره نفس البطل لكن البطله غير وضحيه غير ......








......................






فتح عيونه ببطء ورجع غمضها النور فوق راسه واعماه

وريحه يكرهها داخل خشمه عقد حواجبه هاذي ريحة مطهرات ومعقمات

يحس بالآم فضيعه ببطنه وصدره ويده اليسار حرك يده اليمنى بضعف وتعب لكنها كانت متصله بسلكين واحد فيه سائل احمر والثاني ابيض

غمض عيونه بالم اللألم فضيع فوق الأحتمال ثلاث جروح وثلاث طلقات شئ فوق طاقته بكثير

يوم حس بالراحه وان الألم خف شوي غمض عيونه يبي يتنعم بهاللحظه من دون الم وسرقته الذكرى

- يالله انا باحمي ظهرك وانت تقدمني

- لالا خلنا نعلم القناصه خطر نمشي لهم

- لا مافيه وقت حنا شفناهم خلنا نصوبهم من دون مانذبحهم لو القناصه شافتهم بتذبحهم على طول وحنا نبيهم احياء

- نايف قلبي منقبض خلينا نعلم القناصه ونرتاح

- قو قلبك ولا تخاف تعودنا كم اصابه وبعدها بنقوم مثل الخيول كالعاده هههههه

شاركه الضحك بس قلبه ماهو مرتاح

يمشي بحذر وهو يتلفت يمين ويسار ونايف يغطي ظهره بيروحون للمكان اللي اختبأو به ولا احد شافهم من الشرطه الا هم

ورفض نايف يبلغ القناصه عنهم يبيهم احياء يبي يحقق مع الصغار حتى يوصل للكبار


ضرب فيه نايف بقوة ومن قوة ضربة جسم نايف فيه طاح على الأرض

اعتدل بجلسته بسرعه ولف لنايف اللي مرمي على الأرض وحاط يده على جمبه وضاغط عليها

ماقدر يستوعب اللي صار / نايف نايف انت انصبت ؟؟

ابتسم نايف بوجهه بألم ورفع يده المغرقه بالدم / لاوشلون ؟؟

وانطلقت رصاصه ثانيه واخترقت ذراع نايف قاصده جمبه الثاني

اللي يطلق عارف ان الستره اللي تحميهم من الرصاص مفتوحه من الجنبين عشان كذا يطلق على هالاماكن

فسخ سترته من دون تفكير وحطها على العرض على نايف عشان يحمي جنوبه

صاح به نايف بصوت متالم وتعبان / مـــــــــــجـــــــــنــــــــون البسه لا يصيبونك

ماعاد يهمه شئ كل همه يحمي صديق عمره

ثواني اللي انتهى فيها نايف من الكلام وثلاث طلقات متتاليه تصيب جسمه العاري من اي حمايه

واستقرت ببطنه وصدره ويده اليسار ورمته على الأرض بعييييد

قوه غريبه تمتلكها هاذي الرصاصه الصغيره تخترق الجسد وترميه بعيد مع ان الجسد يفوقها حجم وبثواني تفجر دمه وتقتله

دقايق استغرقها حتى يستعيد شوي من قوة ويشوف صديقه تحامل على نفسه واخذ يزحف

تعود جسمه على الأصابات كم وكم انصاب هو ونايف لكن هذا ماردعهم ولا خوفهم ولا قلل من عزيمتهم مستمرين بعملهم ومتفانين به وكل اصابه هي حافز لهم ودعم وتشجيع

وكل جرح هي وسام يحمله.....شرف عظيم حصل عليه .....انصاب لأجل وطنه لأجل شعبه

رد جميل وطنه عليه اللي قدمت له وقدمت ولا زالت تقدم له الكثير وتتعب عشانه

كان يستحق الترقيات لكنه رفض مايبي يجلس ورى المكاتب ويطلع بالتلفزيون والجرايد

يبي يكون بساحة المعركه بين اصغر الجنود ويشارك بحماية ارضه ووطنه

يموت ولا يضرها شئ ولا يضر اهلها عمره فدوه لها ويسقى شجرها بدمه ولا يهمه

وصل بعد جهد لصديقه وتحامل على نفسه وجلس وهو يطلق التنهيدات المتوجعه المتالمه ويصر على اسنانه من قوة الألم

اخذ يضرب على خده بيده السليمه / نايف اصحى خلك معي الحين بتجي المساعدات

نايف لاتغمض عيونك خلك مفتح نايف

وهذاك جثه من دون حراك ومغمض عيونه .....نايف نايف رد رد








............................





دخلت اصبعها بحلقها وطلعت كل اللي بجوفها ...جلست على بلاط الحمام بوهن وهي تصيح

ودخلت اصبعها مره ثانيه تبي كل اللي اكلته يطلع ....وطلع كل شئ نصه على الأرض ونصه على ملابسها

منظر مقرف ومقزز هي نفسها منقرفه منه ....مستمره بصياحها

ماتدري وين كان عقلها يوم تسوي اللي سوته بلحظة ضعف استغلها الشيطان وزين لها طريق الراحه السريع قررت تنتحر

ضربت راسها كذا مره تبي تصحي نفسها وتنبها على اللي كانت بتسويه .....مايحقلها تزهق روحها

روحها ماهي ملكها هي امانه عندها بياخذها الله متى شاء وكيف شاء

وبنفسها [كنت ابذبح نفسي كنت ابنتحر مايكفي عذابي بالدنيا بعد عذاب بالآخره وش بيصير يعني اذا تزوجني ابتعذب اكثر من هالعذاب بيستحقرني اكثر من ماانا مستحقره نفسي ماعاد يهمني.....بالجنه السعاده تنتظرني]

تحس بتعب تحس بخمول تحس بنفضه بجسمها ودقات قلبها سريعه صدق طلعت كل الحبوب من جوفها بس هاذي اثار اللي تحلل منها

تذكرت شئ غفلت عنه لجأت للكل الا هو لحظات ضعف تمر عليها ماقد شكت له وتضرعت له

قامت من مكانها وهي منقرفه ودخلت تحت الدش بملابسها وتروشت وهي جالسه مافيها حيل انها تاقف

ولفت نفسها بفوطة اليدين اللي ماتغطي اللا القليل من جسمها

وراحت لغرفتها ولبست ملابس ثقيله النفضه للحين تسري بجسمها غير رعشة البرد

فرشت السجاده بوهن وهي يالله تصلب طولها وكبرت / الـــــــــلـــــــه أكـــــــــبــــــــر

نعم الله اكبر .....اكبر منها ....اكبر من حزنها وهمها والمها ....اكبر من من ظلمها ....اكبر من كل شئ

هو الكبير المتحكم المتصرف واقفه بين يديه تدعوه وتطلب رحمته تطلب عفوه وغفرانه

تطلب انه يفرج همها ويفك ضيقتها ويقدلمها الخير بحياتها

جلست على الأرض جسمها تعبان ولا تحمل وقوفها وكملت دعائها وهي جالسه







.......................







فتح عيونه على صوت الأزعاج اللي حوله

- قمت يمه ذياب ؟؟؟ عسى بس مازعجناك ؟؟

- ابتسم بوجه امه بتعب / لا الغاليه مازعجتوني بس شبعت نوم طول اليوم وهم ينوموني

قربت له وهي تمسح على راسه ودموعها تسري على خدها / الحمدلله اللي احياك اسبوع وانت بين الحياة والموت وايدي على قلبي اخاف تروح مني ...

بس الله مايخيب رجا عباده وهذاك حي وطيب قدام عيني

مسك يد امه وباسها.....مشاعر صادقه مشاعر امومه غمرته ودموع يحس قدامها بالضعف والصغر

وقفت الكلمات بحلقه مايدري اي شئ ممكن ينقال بهاللحظه ويوازي دموع امه مايدري وش الكلمات اللي تستحقها هالأنسانه العظيمه

وقفت الكلمات عاجزه ومخذوله ......الموقف اكبر من اي كلمه تنقال

ودمعه وحيده سرت من عينه تشاركها دموعها وتوصل القليل القليل من مشاعره لها

مسحت دمعته هو ولدها كل القوة به لما تشوفه ببدلة تحس بالفخر والغرور يملأ صدرها ويرفع راسها فوق فوق بين الناس ماتقدر تشوف دموعه ابد

لحظات صادقه بين ام ووولدها رجع طفل صغير على السرير وهي واقفه بجمبه لا حول له ولا قوةولا يقدر يتكلم

بس عيونه هي اللي تعبر وممتنه لها مثل الطفل الرضيع تمام لا كلام ولا حركه بس عيونه هي اللي تتبعك

تكلم يبي هاللحظه تنتهي لأن شكل امه وهو تعبان يحسسه بالذنب وتانيب الضمير زود على اللي فيه

- وين ابوي وجدي ؟؟

- بالسيب برى هم والعيال مايبون يزعجونك وانت نايم وطلعو

- الله يعافيك يمه ناديهم لي ابيهم بسالفه بس بدون مااحد يحس

ناظرته باستغراب وخوف

- لا تخافين يالغاليه شئ يسعدك مايكدرك

ناظرته بشك

- والله يالغاليه انه مافيه شئ يخوف والله

دقت على رجلها ودقايق ودخل الأب والجد قربو له وسلمو عليه

- انتم دارين اللي كان معي بالمواجهه نايف

- الله يرحمه صلينا عليه وقمنا بواجبه

- انا ابي اخطب اخته

محسن / نـــــــــــعـــــــــــم وش تقول انت

- اللي سمعتوه ابي اخته

الجد / قم بالسلامه اول ثم اخطب

- لا ابي اخطب الحين وبعد مااطلع ابتملك على طول

محسن / مانت صاحي بنت الناس لعبه عندك ومالها قدر تخطبها وانت طايح بالمستشفى ماندري وش حالك واخوها توه متوفي

- انا عارف جدها زين لو اني ماصحيت من الغيبوبه بيزوجها لي

سكتو كلهم ماعجبهم الحكي فيه اصول واسلوم تربو عليها وولدهم بتعداها الا الام اللي فرحانه فيه

- جدي يبه انا قلتلكم لاني مابي اتعداكم واخلي اللي اصغر منكم يخطبلي انا ابي ابوي وجدي يخطبونلي

شاف نظره التصميم بعين حفيده ونظره حزن نظرتين مختلفات تحملها واكيد وراها سالفه

وقال بصوته القوي الآمر اللي مااثرت به السنين بالعكس زادته عمق وقوه / تم ...محسن نروح نصلي المغرب حنا والجماعه بمسجدهم وبعد الصلاة حنا ببيتهم خطاب

ابتسم بوجه جده شاكر له / تسلم يبه والله يخليك ذخر لنا

طلعو تركوه واخذو معاهم امه.....حس بالراحه والنوم يغالب جفونه مفعول المسكن بدى

وغمض عيونه وسبح بالظلام ورجعت ذاكرته لليوم المشئوم

-نايف نايف فتح عيونك ....مره يضرب على خد صديقه ومره يضغط على جروحه وخد نايف امتلى من دم ذياب

فتح عيونه بتعب وابتسم ذياب / الحمدلله عايش الحمدلله ....خلك معي لا تغمض عيونك بتجي المساعده الحين اسمع الطلق هدى

ابتسم بوجه ذياب بابتسامه غريبه ماعمره شافها طول سنين صداقتهم بالمدرسه والكليه والشغل

وتكلم بصوت متقطع تعبان / لا تـ ــخــ ــافـ ذيــ ــابــ مــ ـا احــ ــتــاج مــ ــســ ــاعــ ـده حـ ــاس نـ ــفــســ ــي بـ ـااســ ــلّــ ــم

انتفض من كلامه نايف بيموت بيعيش حياته من دون صديقه الوحيد...... بكل مكان كتفه بكتف نايف باخطر المواقف واصعبها

يحمون بعض وكلن منهم مايتردد يفدى الثاني بروحه

- نايف لا تقول كذا وش هالكلام هذا تأثير الوجع ....اسمع اسمع مافيه صوت طلق اسمع......الحين بيجون الحين

- ذيــ ــابــ امــ ــانــ ـتــك أخــ ـتــ ــي امــ ــانــ ـتــك تــ ـزوجــ ــهــا انـ ــتــ اللي عــ ــارفــ بالـ ــظـ روفــ مــ ـاامـ نــهـ ـا الا مــعـ ـكـ

- اســـــــكــــــتـــــ بتقوم بالسلامه وانت اللي بتزفها لي

اتسعت ابتسامته حتى بانت اسنانه وغمض عيونه وفتحهم ورفعهم لسماء

- اشــ ــوفــ مــ كــ ــانــ ــي بالـ ــجــنـ ــه ذيــ ــابــ اشــ ــوفــ مــ كــ ــانــ ــي

انــ ــ ـتــ ـظــ ـركـ لا تـ ـتـأخـ ـر

دقايق اللي عاشها ذياب بخوف والم وحزن مشاعر كثيره عاشها فوق طاقته

صديق عمره قدامه ينزف طريح الأرض يموت وهو مابيده يصلح له شئ

ثواني ووصله صوته التعبان الواهن مره يعلى ومره يوطى كلمات واضحه وكلمات ماهي واضحه وحروف متقطعه

- أشـ ـهـ ـد انـ ـ لا الـ ـهـ الا الـ ـلـ ـهـ واشـ ـهـ ـد انـ ـ مـ ـحـ ـمـ ـد رسـ ـولــ الـ ـلـ ـهـ

وتبعها صوت غرغرة الروح وانقبضت روحه الطاهره

عيونه مثبته على وجهه وهو يناظر خويه قدامه ينازع الروح ويتشهد

بيفارقه بيروح لمكان غير بيروح ويخليه وحيد بدنياه

ناداه بصوت واطي / نايف

يمكن كان يتوقعه نايم ولا يبي يزعجه بصوته ويمكن كان يبي ينبهه انه هو هنا حوله ويبيه يلتفت له او يمكن كان بيتاكد انه مات وفارقت روحه جسمه

شكله شكل واحد نايم وهذا اللي خلاه يقرب منه ويهز راسه ويناديه مرات / نايف نايف نايف نايف

ابتسامه واسعه تتوسط وجهه اللي انقلب لأبيض عقب ماكان مسود من التعب والألم والنزيف

ثواني واستقر جسده بجمب جسد صديقه ....التعب تمكن منه والنزيف اخذ كل قوته ولا عاد فيه اللي يتحمل الوجع عشانه خلاص راح راح

مسك يده وضغط عليها بأقوى ماعنده بيكون آخر عهده بنايف هاللحظه

ولا هو عاد شايفه ولا مكلمه ولا لامسه ولا حاضنه الا كان التقو بالجنه وقريب قريب نايف ينتظره .....وغرق بالظلام


وريحة المسك انتشرت بالمكان ريحة غريبه تطلع من بين الدم والتراب والملابس والأجساد اللي اخترقها الرصاص

ريحة دم الشهيد .....الــــــــــــلــــــــــه اي مثوى سيلقى

واي جزاء .....يدفن بملابسه ودماءه ويبعث بها ....اي شرف واي مكانة هذه

يتزوج بـ72 من الحور العين

ويشفّع بـ70 من اهله ويزف يوم القيامه كالعريس عندما يزف لزوجته ....اي عز واي كرامة هذه

هذا هو حال ابطالنا من فدو اوطانهم ودينهم بدمائهم وارواحهم





.........................






-نـــــــــــعـــــــــم مو صاحي ذا والله وين حنا عايشين فيه سرقه عيني عينك

- والله ماندري عنه بنقول لذياب ونشوف وش يقول






عــــنـــد ذيـــابــ


- ووش قال جدها ..؟؟

- قال مية الف مهرها

ذياب / جاها وغيره

- و500 الف له وماتنكتب بالعقد

ذياب / نـــــعـــــم ؟!!

- هذا كلامه ويقول ماتبون ترى غيركم طوابير وهذا ابو صالح يبيها ومستعد يعطيني اللي ابي

لف ذياب لأبوه بعنف وعصبيه / بيزوجها ابو صالح !! انهبل ذا

صرخ به ابوه / ذيــــابـــ هو ولي امرها ويحق له يزوجها اللي يبي

ذياب / يبه الله يهديك ابو صالح كبر جدها ولا اكبر بعد وهي توها مالها الا كم سنه متخرجه من الجامعه ترضاها يبه لوحده من بناتك

- لا مارضاها لكن وش الشور ..؟؟

- الشور اني اعطيه اللي يبي ولو يبي مليون اعطيه

- حرام ياخذ هالمبلغ من دون حق مية الف حق البنت بس هو ليه

- يبه اخوها فداني بعمره وانا استخسر بها وسخ دنيا

عندي بالبنك اللي يغطي هالمبلغ وزود

- افا ياذياب مهب انا اللي يعز على ولده شئ وفلوسي كلها فدوى لك ولو تبي الحين رحنا ملكناك عليها

السعاده بقلبه ماتنوصف وهو يسمع كلام ابوه وده يقوم يحب راسه بس مايقدر

- لالا كلها يومين ويطلعوني ونروح نملك

-ضاري / ههههههههه والله اغرب ملكه منصاب ومتلفلف بالشاش من كل جهه ورايح تملك

ابتسم على كلامه / وش اسوي امانه ياخوك امانه وياثقل الامانه الله يعين






....................





الكل مجتمع اليوم بالبيت الفرحه فرحتين فرحه خروجه من المستشفى وفرحة ملكته

اغرب ملكه مرت على العائله ويمكن لو قالوها لأحد بيضحك عليها اخذوه من المستشفى على بيت العروس على طول

لكنهم مع ذلك مبسوطين وفرحانين مو مهم الظروف اللي حصلت بها الملكه المهم النتيجه

وهذا حفيد جديد من احفاد العائله تملك وودع العزوبيه

وبمجلس العقد ببيت المرحوم نايف وبعد مانتهو من كتابته كلن قام يسلم عليه ويبارك له

سطام / ياخي ودي اضمك حيل لين تتلاقى ظلوعنا

دفه بخفه / انا عارف انك نذل ماقد سويتها من قبل وانا سليم وطيب

جاي تتنيذل وتسويها وانا كلي غرز ولصقات

- هههههههههه كاشفني ياولد خالي

وطلعو وكملو الأحتفال ببيتهم ووسط جماعتهم واهلهم






........................




طق عليها الباب بهدوء ووصله صوتها / خُش الباب مفتوح .....فتح الباب ودخل

- غريبه وش جايبك فوق لقسم البنات شكل مافيه نقطة تفتيش تحت

- والله قهر انتم متهنين فوق وكل القسم لكم وحنا ملحطين ومرمين برى كننا سواويق

- هههههههههه معليش تحمل انت عارف ابوي لايمكن يخليكم بالدور الفوقي معنا ولا تنسى ماطلعكم الا يوم تزوج ضاحي

- لا والله حتى اول كنا تحت ودي ارقى الدرج اقول ابروح انام فوق راضي بالتعب بس تصير غرفتي فوق

لو بالسطح على الأقل احس اني داخل البيت قولي لجدي يرجعنا لداخل البيت ترى خطر ننحرف

- ههههههههه لاتخاف منت منحرف ولا تنسى ان مرت ذياب بتجي يعني افقد الامل

- ليه مايطلع ويفكنا من البدايه

- صعبه يطلع ويخليها بالبيت لحالها وهو يستلم باليومين والثلاث حتى اهل ماعندها

اذا سكنت معنا اريح له يروح وهو مطمن عليها ولو جاها شئ حنا حولها

- ماعلينا انا ....وقطع كلامه وهو يلف للمرايه/ الــــــلـــــه وين مرايتك راحت....؟؟

- احم انكسرت

- انكسرت !! ووش اللي كسرها ؟؟

- ابد الله يسلمك لقيت ابرص يمشي على الجدار رميته بالعطر مادريت الا وهو صاك بالمرايه وشوفة عينك انكسرت

ناظرها بشك / الجـــــــــــــازي

ناظرتها بالا مبالاة / والله انها انكسرت يوم رميتها بالعطر والله .....ماصدقتني بكيفك

- المهم ماعلينا انكسرت والا مانكسرت وش عندك مخالف الانظمه والقوانين وراقي فوق

- احم احم

- فيها حمحمه السالفه ......اجلس اجلس

وجلست هي وياه على السرير

- احم ....... ابي اتزوج

فتحت عيونها بفرحه / صــــــــــدقـــ مبروك مبروك وقامت وباسته على خدوده

الــــــــلـــــــه بالجمله ماشاءالله يتزوجون عيال اخوي محسن

- قولي ماشاءالله لا تطقيني عين ثم اهون عن الزواج

- ماشاءالله ماشاءالله ....بس وش اللي غير رايك ولا لقيت اللي تخش مزاجك على قولتك

- البنت اللي طاحت ببيت جداني اي وحده من بنات خالتي

ناظرته بعصبيه / وش لك بها ؟؟

- آ آ آ لا بس ابي اخطبها

- تبي العنـــــــــــــود ....والله البنت حبوبه وسنعه بس صغيره عليك مره كبر هتون عمرها 19 بس

- انا خايف لا تكون هي .....صغيره علي مره توقعتها مزون ما عاقني الا افكر وشلون اقول لمتعب اني ابخطبها

ناظرته بنص عين وبخبث / وانا اقول وش جاب الشماغ تحت راسها وش سويت بها .....؟؟

- والله حرام علي اني ماسويت بها شئ بس بس

- تكلم وش بلاك تبس بس وش هببت بها

- بس قعدت اناظر وجهها

- قالت بصدمه / كان وجهها مكشوف ؟؟

- ايه وانا غطيتها يوم ناديتك ومتندم وتانيب الضمير ذابحني وشلون اهاوش خالد وانا اخس عنه

هو يقابل بنات بكيفهم ورضاهم بس انا ....انا قعدت اشوفها بدون اذنها وعلمها وبدون وعيها والله اني استحقرت نفسي وحسيت اني مااسوى شئ

حطت يدها على يده تواسيه عارفته وعارفه ان الذنب ماكله اكل

- مو تبي تتزوجها ؟

قال بتاكيد وبقوه / الا بإذن الله وبنروح لهم خطاب

- اجل خلاص هاذي شوفتك الشرعيه لا تطلب شوفه ولا شئ

ابتسم بوجهها وباس جبينها / مادري وش اقول لك بس تخلين الواحد يرتاح ويفضفض غصب عنه الله يخليك لنا

- احم احم عشان تعرف قدري بس

- ههههههههه عارفين قدرك عارفين

بس ابيك تكلمين البنت وتشوفين وش رايها كانها وافقت رحنا خطاب كانها ماتبي عليها وعلينا ستر الله مانبي يردونا ويصير حزازيات بينا

_ ان شاءالله من عيوووووووني وانا ذيك الساعه اللي اخدم ضروي فيها





........................





- لا يمه مابي اشوفه

- انزلي بس لايسمعتس ابوتس ثم يشيش علينا

- يمه ليه اشوفه وجيهنا قبال بعض طول هالسنين

- يقول ابوتس بيشوفتس وبيتكلم معتس طول هالسنين وانتي تتغطين عنه وبن شافتس معه

سرى الخوف بجسمها وش ممكن يقولها / مابي انزل مابي

- انزلي واللبسي شئ عدل

- طيب مو الحين خلوها الظهر والعصر

- وش فرق الظهر والعصر عن الصبح

تبي اي شئ يأخر المواجهه معاه ماتدري ليه خايفه بس ماتبي تشوفه تحس ان بيغمى عليها

لبست جلابيه ولبست جلالها وتزلت

قابلها ابوها عند الدرج / وينتس ليه تاخرتي

- آ آ آ كنت اللبس

- يالله روحي للمجلس هو ينتظرتس

لفت لبوها بصدمه وخوف / بدخل عليه لحالي

- ايه ....بياكلتس هو بيتكلم معتس شوي هو قايل يبيتس 5 دقايق بس

ناظرته وعيونها تترجاه/ الله يعافيك بيه ادخل معي مابي ادخل لحالي

- روحي بلا دلع ولد عمتس ومتعوده عليه وبيصير زوجتس ليه الخوف

وحطي الجلال على كتوفتس عشان يشوفتس


راحت تجر رجلينها جر ماتدري وش بتكون ردة فعل ولا وش بيسوي ولا ليه طلب هالخمس دقايق لحالها ولا تبي تدري

جاها اللي يكفيها وزياده بتروح ترمي نفسها بواقعها وتتقلب فيه بدون مقاومه

دخلت وخطوه تقدمها وخطوه تاخرها واللي خلاها متردده زود وجهها اللي كاشفته واللي طول هالسنين تغطيه وتستره عنهم

دخلت وعيونها بالأرض ومشبكه يدينها ببعض تهدي نفسها والنفضه اللي تسري بجسمها

وصلها صوته القوي / انا طلبت من عمي اني اختلي بك 5 دقايق ابقولك كلمتين ورد غطاهم

انا يوسف قالي كل شئ

رفعت راسها له بصدمه / كل شئ كل شئ

قابلتها عيونه البارده استشفت من وجهه انه مو معصب ولا شئ / [يعني يوسف قاله عن حالي عشان كذا جا وخطبني يحبني يحبني ]

ابتسمت [ربي استجاب دعائي معقوله يوسف قاله الحقيقه من دون زياده معقول ....كل شئ معقول كل شئ بالدنيا ممكن يصير ]

اخيراً بتعيش بسعاده اخيراً بتعيش بدون خوف وخيراً احلامها بتتحقق [احمدك يارب احمدك واشكر فضلك ]







.........................




جالسه على كراسي مطاعم السوق بخوف ماتدري وشلون طاوعت صديقتها وجت

الخوف وتانيب الضمير بياكلها اكل

خلاها وراح يجيب لهم شئ يشربونه

خوف غريب تملكها ودها تنحاش قبل مايجي بس صوت الشيطان يثني عزمها ويحليلها الجلسه

جا بصينيه فيها كوبين صحن كروسان وابتسامه تزين وجهه الجميل

ماتنكر انها انصدمت من جماله ووسامته وكشخته ورزته وطوله توقعته حلو بس مو لهدرجه ابداً

- تاخرت حبيبتي عليك

-ردت بحيا وكانها اول مره تكلمه /لا عادي

حط الصينيه على الطاوله وقرب كرسيه لها حتى ماصار يفصل بينهم شئ الا الشيطان

- ليه متحجبه كننا بنصور للجواز..... فكي طرحتك تقول اختي احلى مافيك شعرك مع اني اشوف انك كلك على بعضك قمررررررر

ابتسمت بحيا على غزله / لا كذا انا مرتاحه

- مد يده بجرأه وفك طرحتها بنعومه / مانبي نتعبك انا باشيلها لك اهم ماعلي راحتك

نزل الطرحه على كتوفها وحرك شعرها بيده فعلاً كان احلى مافيها شعرها

لمسات محب كاذب خادع تمر على شعرها خدرتها وشلت حركتها ماقدرت تبعده او تنبهه نست كل شئ بهالوقت

نست عيون ماتنام تراقبها وملائكه يكتبون ذنوبها واهل تنزل روسهم بفعلها وعذاب ينتظرها








.......................






رمت نفسها على السرير بفرح ودها تناقز على السرير تعبر عن فرحتها

توها مسكره منها وتسألها اذا جوهم خطاب بتوافق ولالا

- اكــــــــــيــــــــد بوافق استنيت هاليوم بفارغ الصبر

عرفت انه مو متاخر وبيجي خاطب .....حست بكل حركاته ذا ك اليوم

حست برجفة يدينه وهي بحضنه وحست بعيونه اللي تناظرها وشوي وتحرقها

عارفه انها مو جميله بس بعد فيها شئ يجذب


خطتها مشت مثل ماتبي واحسن وهاذا هو جا يخطبها وبيبدأ انتقامها منه

- انا اوريك ياخالد تحسبني لعبه عندك تلعبي وترميني وراك .....بنشوف وش تسوي لادريت ان ضاري خطبني

تملكها الحقد والقهر وسيطرت عليها رغبة الأنتقام وانستها انها تتلاعب بمشاعر انسان طاهر ماله ذنب الا انه حبها واعجب بها







...........................






وصلها صوته القوي الآمر وصحاها من احلامها / غطي وجهك عني

رفعت راسه له بتسائل

-عاد الأمر بقرف / غطي وجهك الوسخ عني مابي اشوفه

ماحركت ساكن ظلت مبحلقه بوجهه ماهي مستوعبه اللي يصير بس صرخه منه افزعتها / غطي وجهك

غطت وجهها بسرعه

- قالي يوسف كل شئ عنك قالي عن سواد وجهك ....لو بيدي كان ذبحتك وقطعتك بس اخاف الفضيحه

تبين ترمين بلاك على اخوي..... تطلعين وتخربطين ويم حملتي وراح وخلاك ولد الــ...جيتي لأخوي تبينه يتزوجك

ويكتب ولد الـ.... باسمه ويصير ولده .....انتي انهبلتي تبين عيال الزنايصيرون عيالنا بس وحده مثلك وش نرجي منها

آآآآخ مايشفي غليلي غير موتك بس لو سويت بك شئ بننفضح انتي بنت خالتي وبنت عمي والفضيحه بتطول كل عايلتنا وبننفضح عشان وحده ماتسوى نعال والنعال اكرم


كلمات كاذبه تنقال عنها .....كلمات بذيئه تنعت بها قوة الكلمات الجمتها ولا قدرت ترد وصدت حلقها ووقفت الحروف ولا طلعت

- اسمعي بنملك وابقول لاهلنا ان عندي دوره وابي اخذك ونروح لحدى هالدير القريبه وننزله ولو تموتين معه ونرتاح منك احسن

ابخليك على ذمتي وبنطلع من البيت انتي مامنك على خواتي وحتى على اخوي يوسف

بأخليك مثل الشغاله واردى ابصبحك بضرب وامسيك بضرب الذبح بيكون رحمه لك ....ابعذبك واخليك تتمنين الموت وتتوسلين لي عشان اذبحك وارحمك

وان فتحتي فمك بكلمه والا اعترضتي ماراح يحصلك طيب

انا واقف قدامك وبالعافيه ماسك اعصابي اني ماذبحك او على الاقل اضربك لين يخف اللي داخلي

بس مابي عمي ينصدم بانه عنده بنت مثلك تعب وربى وبالاخير تخونهم وتنزل روسهم بالتراب


وطلع وخلاها من بعد مارسم حياتها ومستقبلها على اساس كاذب

يرمي قرارات بوجهها من دون اساس

مفتحه عيونها ومارمشت حياتها المستقبليه قدام عيونها ولها ان تتصور وشلون بتكون.... بالكلام بس انرعبت وشلون الحقيقه والواقع

ماتبي تفكر ولا تبي تتصور سلّمت امرها لخالقها هو اقدر واعرف واحكم منها

دعته والتجات اليه وماخاب ولا رُد من دعاه





.......................




حسو بحركه غريبه عاملة النظافه رايحه وجايه بشكل مريب

- البسي طرحتك ونقابك وخلينا نطلع شكل العامله مايطمن

لبست طرحتها ونقابها بخوف وتوهم بيطلعون الا حراس الامن قدام وجيههم انتفضت من الخوف خلاص انفضحت انفضحت

تكلم بثقه / وش فيكم ليه مجتمعين حولنا ؟؟

تكلم حارس الأمن / من اللي معك ؟؟

- حرمتي ....وجاء بيحط يده على كتوفها يبي يبين انها فعلاً حرمته

بس صرخه منها وقفته وخلت حراس الأمن الباقين يمسكونه ويجرونه معهم

- عبد العزيز خذ شنطتها لحد ماندق على الهيئه يجون ياخذونها

سحب شنطتها منها وصار يفتش بها وصلها صوته وهي تترجاه

-الله يعافيك استر علي والله اول مره .....والله هو كان بيشوفني الشوفه الشرعيه هو خاطبني من اهلي بس ارفضو

الله يعافيك رجع الشنطه خليني اروح الله يعافيك استر علي والله لو يدرون اهلي بيذبحوني

رجع الشنطه استر علي احب رجولك الله يعافيك

مالقى لها بال متعود على هالحالات ياما وياما مسكو كثير قبلهم فتوسلاتها وكلامها الغير موزون ماهمه ولا اثر به

طلع بوكها وقعد يفتشه يبي اي اثبات فيه اسمها ولقى بطاقه الجامعه

ناظرها بصدمه وشوي وعيونه تطيح / انتي اخت ضاري وخالد ؟؟

سمع شهقتها وتاكد شكه يعني هاذي اخت خالد وضاري .....طالعه ومقابله من ورى اهلها

بتجيب لهم الفضيحه والعار .....ابتسم بخبث ولمعة شيطانيه بعينه وابليس فوق راسه يوزه ويحرضه على الأنتقام

[هاذي اللي ابهدم بها غرور خالد الفضيحه بأخته بتخليه مايرفع راسه من الأرض

هاذا اللي بكسر بها خشمه واعلمه ان الله حق]

ابتسامه خبيثه تتوسط وجهه وهو يتخيل وجهه اذا عرف واذا الناس بدأت تتكلم عليه

شعور بالنصر والنشوه يحس فيه

[بنشوف وشلون بترفع عينك بعيني بعد اليوم ياخويلد ههههه]













& اتمنى لكم قراءة ممتعه ومشوقه &





& اخوكم / هاجس ليل &