السلام عليكم ورحمة الله وبركاته

ماشاء الله بارتين روووووعه أم يزيد ربي يسعدك مثل ماتسعديننا

الجد محمد ماراهق في شبابه بيراهق على كبر ماصدق على الله هيله ترضى به
ونشب لها
لكن الحق ماقصر مع بنات أحمد هو وعلي وقف معهن ضد عيال ولده وبين لهم
أن وراهن ظهر وحذرهم من الغلط عليهن أو التقصير معهن
وموقفه من زواج علي متوقع منه وهو يشوف حال ولده مع جميله

علي ماقصر مع جميله اللي كنت اتعاطف معها شوي لكن بعد اللي ذكره علي عنها
وسواتها فيه أشهد إنه صبر عليها أولا حب فيها وتالي شايل جميلها له لما تبرعت له
وثالثا ماحب يزعل عياله بزواجه على امهم
لكن ربي فرجها له وجاته زوجه ماسعى لها وإن شاء الله بيرتاح معها لأن ريم محتاجه
له وبتحسسه بقيمته عندها ورجولته اللي على العكس جميله ماحس بها معها وذالته على كل شيء
ريم لو مانافست جميله في جمال الشكل لكنها تملك الجمال الداخلي وهذا الأهم لأن جمال الشكل
بيروح مع الحمل والولاده وكبر السن وممكن يتعود عليه بعد فتره يصبح عادي ويبدأ ينظر للجمال
الداخلي
جميله منظر بلا مخبر ومغروره بجمالها وأنانيه وهذا أثبته كلام علي لها اللي مانفته وأنا مثل علي أقول ليتها
ماتبرعت له بكليتها اللي ذبحته بتمنانها عليه بها وآخرتها جابت العيد بكلامها له وطعنها في رجولته مالوم علي
في اللي سواه فيها ومع هذا ماقصر معها وحاول يصالحها وراح للحفله اللي مسوينها عيالها وبهديته لكن هي
أنانيه نكدت على الكل الظاهر زعلها من زواجه ماهو حب في علي لكن كله خوف على برستيجها أمام الناس
وأصبحت اشك إنها تبرعت له محبه فيه

موقف البنات من عايشه أنا أشوف فيه انصاف لها لأنها حتى لو بعدت البنات عن أهلهم كان بدافع الحب لهن
وخوفها من فقدانهن وهي أحسنت تربيتهن وكانت حنونه عليهن وتخاف عليهن وتعاملهن مثل بناتها حتى ترفض
تاخذ شيء من رواتبهن وتحاول تأمن لكل وحده منهن مستقبلها فما جزاء الإحسان إلا الإحسان
خزامى تحفه هالبنت ياحبي لها ولخفة دمها والله جاب لها فارس قدر ولقى غطاه بيكونون ثنائي رااائع
وشكلها بتصدم اخواتها في الملابس والتجهيزات اللي جهزتها لهن

اشواق هي الوحيده أظن اللي بتعاني مع محمد المعقد وحياتهم بتكون أكشن الله يعينهم على بعض لأن ما أظن
بيطول سكوتها واستسلامها هي هالحين في حالة صدمه ولا بد تفوق منها وترجع اشواق القويه

صبا الجنوب كان غيرك أشطر حاولت أنا في أم يزيد فقط تطمني إذا محمد بيشوف أشواق في الملكه في البارت القادم
لكنها دريك ماشاء الله عليها رفضت وقالت بتشوفينه بعدين ماهو عاد تعطيك البارت كامل ههههههه
يالله الصبر للسبت الله يعين
تسلم يمينك أم يزيد لاخلا ولا عدم منك يارب