كاتب الموضوع :
فيتامين سي
المنتدى :
القصص المكتمله من وحي قلم الاعضاء
رد: جنوبية برت حالي ولاادري وين ديرتهاوكل ماأسأل من ين انتي تجاوبني جنوبية/بقلم نبضي
البارت الثامن عشر
علي/
وهو جالس على طرف السرير وماسك
يد ريم الصغير مقارنة بيده الكبيرة
ويناظر فيها وهي غايبة عن الوعي
يحس كأن اللي صار حلم او معجزة
مو مصدق انها بخير وقدامه ذحين
ناظر في أشواق اللي لابسه قفاز
طبي وبيدها ابره وتحطها داخل
المغذي الموصول بيد ريم اللي
مو حاسه بشي حولها
كان يحاول انه يمسكها علشان ياخذ المسدس
وفجئه سمع صوت رصاصة حس ان قلبه انخلع
من مكانه وهو يحسب انها ضغطت على المسدس .
اثاريه ولده محمد اللي كان واقف عند
الباب ويشوف اللي يصير وعلشان
ينقذ الموقف اخرج مسدسه ورمى
رصاصة في الهواء علشان ريم تخاف
وتفك المسدس لان الإنسان مهما
قال بنتحر يظل عنده حب البقاء
لو انها صدق تبغى تنتحر
كان انتحرت بمكان محد يشوفها فيه .
لما حسيت فيها تتمايل شلتها بقووة
وهو يلتفت لولده اللي يأشر له بالمسدس
اللي بيده وعرف السالفة .
لكنه شاف علامات الصدمة على عيالها وابوه
اللي قاموا من النوم على صوت الصراخ وصوت
الرصاصة .
ماكان عنده وقت يبرر لهم يقولهم ذي زوجتي
طنشهم وهو يقول بأمر اشواق تعالي باخذها
المستشفى.
أشواق/وهي ترتجف من اللي صار
وترجف خوف على ريم وترجف خوف
من اللي باقي جاي لهم
قالت له لا ياعم مايحتاج تعال حطها في الغرفة
بركب لها مغذي وبتكون طيبة اكيد انخفاض ضغط.
دخل الغرفة وهو شايله والمصيبه ان اول من شافته
أمه اللي كانت نايمه مع ندى وقامت تشوف ايش
صار مارد عليها وهي تضرب في صدرها علي
منهي ذي وايش صاار ..
نزلها وهو خايف عليها خايف انها تروح من يده.
شاف أشواق اللي تفك غطوتها وطرحتها
وجها اللي منتفخ وعيونها من كثر مابكت
كان يتمنى ياخذها في حضنه يحسسها
بألامان اللي فقدته اللي صار لها ماهو هين
لا أب ولا اخوان ولا اهل ولا شي .
شاف أشواق تقيس لها الضغط وبسرعة
ركبت لها اكسجين ومغذي بيدها.
رفع عيونه عن وجها وهو يسمع اشواق تكلمه
أشواق /عم ترى جدي يبغااك في المجلس
وريم اذا صحيت راح اقول لك .،!
علي/وهو يفك يد ريم وهو يمسح وجها
بنظره شاملة يبي يحفظ ملامحها
وبدون اي كلمة خرج وهو عارف ان
اللي ينتظره من ابوه شي كبير
ومن عياله ومن جميلة اذا عرفت .
خرج من الصالة متوجه للمجلس
دخل وهو يشوف ابوه وامه وعياله
كأنهم في عزا ساكتين ولا احد من عياله ناظر له
او وقف له بالعادة لما يدخل ابوهم وهم قدامه
يوقفون له حتى لو انه خرج ورجع يدخل .
بداية المشوار صعب كذا .!
إذا كان عياله كذا ..؟
اجل ابوه جميلة وخاله وعياله كيف .
جلس على اول كنبه وهو يرفع عيونه لأبوه
وماانتظر احد يسأله مستحيل يسمح لأحد يتدخل
في حياته وقراراته يبغى لو مرة في حياته يتخذ
قرار شخصي بدون تدخل من أحد.
يكفي انه ولا مرة هو اختار زوجه له رغم انه حقه .
اخذ نفس عميق يحاول يرتب عذر يبرر .
قال يأبو أحمد العذر والسموحة منك وسكت يحس
لما ناظر فيه أبوه ضاع كل الكلام اللي كان بيقوله
مازال يخاف من ابوه حتى وكبير وعنده عيال
هيبة ابوه تخليه غصب يخاف منه بلع ريقه بصعوبه.،!
يبه بعد ماتوظفت انا واحمد رحنا المحكمة وسوينا لبعض
وكالة عامة شاملة لكل شي علشان اذا احد فينا مسافر
او مشغول الثاني يخلص اشغاله.
وكلته وكالة عامة حتى في امور زواجي لاننا كنا مقررين
مانتزوج إلا اخوات ماكنا نبغى نفترق عن
بعض حتى بعد الزواج والوكالة عندي منها نسخة
موجودة بصيغة صحيحة في وكالة الزواج .
ولما جيت عند زوجة أحمد اعطتني شنطة فيها
اوراق تخص محمد وبناته وحصلت من ضمنها ملف
خاص في ريم ..وقبل مايروح أحمد الحج راح المحكمة
وعقد لي عليها واعطاني وكالة عامة عليها لانه هو كان
الوكيل الشرعي لها ..
وكان اول من وقف ولده فارس ويقول كذا يبه تتزوج
على أمي تجازيها .
صوت جده الحازم هو اللي خلاه يبلع باقي كلامه.
الجد(محمد)انثبر مكانك ولا كلمة اسمعها .!
ناظر في ولده وهو يقول له طيب ايش ناوي تسوي.
وايش ترجع زوجتك ذي.
علي/مابسوي شي زوجتي على سنة
الله ورسوله وامس كلمة الشيخ وقال عقد الزواج صحيح
توفر فيه كل اركان وشروط الزواج واعطيته نسخة
من الوكالة اللي سبق وسويتها لأحمد وقال صيغة التوكيل
صحيحة لأنك ذكرت اسم الموكل عنك في صلب العقد
وريم اخت رقية زوجة احمد كلهم سعوديات
اوراقها كلها معي تثبت انها سعودية
ابوها سعودي وأمها سعودية وباقي امها
عايشة في نجران ومن ال قاسي ناس
معروفين ابوها طلق امها واخذها
وبعد زواج أحمد من رقية ابوها قال
انا راح اعطيك وكالة شرعية عامة على ريم
اخاف اموت وياخذونها خوالها وكانت
بينهم مشكلة كبيرة وصار احمد الوكيل الشرعي
لها كمل وهو يناظر وجه ابوه اللي ماوضح عليه
اي ردت فعل وتراها مارضعت مع بنات احمد
لأن زوجته رقية كانت مريضة حتى بناتها ماارضعتهم
واحمد كتب لي كل شي عنها .
محمد(الجد)هو قرر انه مستحيل
باقي يدخل في حياة اولاده مرة كفاية احمد الله يرحمه.
بأختصار الله يبارك لك لكن قبل
مايتم زواجك تملك لعيالك على بنات اخوك.!
الليلة انا راح اكلم الدكتورة اشواق .
علي/وكأن ثقل جبال انزاح عن ظهره كان خايف
من ابوه قال ماراح احصل افضل من بنات
اخوي لعيالي وابركها من ساعة.
لكن مستحيل اغصب احد فيهم والأهم عندي بنات اخوي
ماراح اجبرهم ابد .!
وهو يناظر في عياله محمد اللي ساكت
واحمد اللي يناظر في الأرض وفارس
اللي مانزل عيونه عنه كأنه يعاتبه
ايش رايكم تبغون بنات عمكم.
محمد/انا موافق لكن بشرط زوجتي
مالكم دخل بيني وبينها لا من قريب
ولا من بعيد.
محمد(الجد)/
بتوافق ورجلك فوق رقبتك وبلا شروط
وانا دون بنات ولدي اللي بتجي
تشتكي منكم والله اللي رافع السماء بلاعمد
وباسط الأرض وقاطع الذرية والعصبه
القوية اني مااخلي فيه عرق ينبض
وهو يأشر على سميه محمد انت تاخذ
الدكتورة اشواق فاهم .
وانت وهو يأشر على احمد تاخذ ندى.
والداج عبدالله ياخذ خزامى،
وسالفة زواج ابوكم لاتخرج من باب هذا لجنس مخلوق.
لف يناظر في ولده وانت اول تروح لخالك وعياله
وتقول لهم كل شي وتطيب خواطرهم وهذا شرع الله
ماسويت شي حرام وبعدها تروح تطيب خاطر جميلة
ام عيالك وترضيها .
وبعدها تجيني هنا انت وعيالك واللي
يعز عليكم ونملك إن شاء الله .
علي/
حاول يضبط نفسه وهو يحس قلبه يرفرف من الفرح
قام ويبوس راس ابوهابشر على ذا الخشم .
لكن عبدالله يبه ماله خاطر في الزواج من بنات عنه
وقال لي انه يبغى احلام بنت خالته نورة وجميلة كلمت
اختها من زمان وموافقين .
الجد محمد/اجل خزامى ياخذها الخبل ذا يأشر على
فارس اللي صدع روسنا يبغى العرس.
علي /ابشر ابشر
رجع وهو يدنق ويبوس راس أمه ويدها ليش ساكتة
يالغالية .
هيلة/ايش تبغاني اقول ان تكلمت انفضحت وان سكت
انغبنت وين اودي وجهي من اخوي وعواله وبنت اخوي.
علي/ابشري مالش إلا يرضون اهم شي انتِ راضيه عني.
هيلة/ومن متى مارضيت عنك انت واخوك
الله يوفقك ياولدي واهم شي بنت خالك
وأم عيالك لا ترضى فيها .
فارس /بدال ماكان زعلان ومعصب على أمه كان بينط
ويحضن جده لأنه من قال جده عبدالله ياخذ خزامى
انقهر بس دامها تيسرت من حيث لا يحتسب الحمدلله
قام وهو يرسم على وجه الزعل مر من عند ابوه وقال
كنت اتمنى انك تحفظ جميل أمي .
ولا تبدل بنات الشيوخ ب...؟ وخرج بدون مايكمل .
علي/مارد على ولده والتمس له الف
عذر ماكان يتمنى انه ينحط في الموقف
ذا خاصة قدام عياله .
ذحين قدامه اكثر من مهمه صعبه
كيف بيروح ويكلم خاله وعياله.،
كيف بيكلم جميلة كيف بتكون ردة فعل أميرة .!
والأهم والأصعب ريم كيف راح تتقبل فكرة الزواج.
رفع يده وهو يمسح وجهه كامل غمض عيونه وريحتها
تتغلل داخل صدره عطرها الهادي عكس شخصيتها .
لازم يروح يخلص كل اوراقها ضروري اليوم ويشوف
باقي الأشياء اللي تخصها ..
:
:
محمد/
وهو يخرج من المجلس ماهمه زواج ابوه مرة .
علاقته في عمته جميلة شبه عادية ماله احتكاك
معها كثير وماراح ينسى اللي صار قبل اربع
سنوات في حفل تخرج أميرة من الثانوي
كانوا مجتمعين قالت يبه انا ابغى ادخل تمريض
قام هو وعصب وقال والله ماتدخلين تمريض
لو فيها قطع رقاب.
ابوه سكت ولا تكلم ولا اخوانه حتى هم رافضين فكرة
التمريض معروف في عائلتنا بس كلهم مايبغون أميرة
تزعل .
قامت جميلة قالت ايش دخلك انت لاتنسى نفسك
ترى انت اخوها من ابوها بس مالك كلمة على بنتي
تدخل التخصص اللي تبغاه .
وكان صعب عليه انه يرد عليها يحترم ابوه واخوانه
خرج من عندهم وهو مايشوف وراح لشخص اللي
راح يوقف معه حتى لو كان غلطان وقال لجده كل شي
قالته عمته جميلة .!
جده اخذ الجوال واتصل على جميلةوقال والله يابنتش
ماتدخل تمريض لو ماعاد تدرس حياتها كلها
واقصري الشر قبل يخرج مني محلوف ماعاد
تشوفين عيالش مدى الحياة واعتقد انش تعرفين
محمد ال زايد إذا قال كلمة مايتراجع عنها
ومحمد اخو أميرة غصبن عنش وعنها وكلمته
تمشي عليكم كلكم سامعه.!
ومن بعد الموقف هذا ماعاد بينه وبين عمته احتكاك
ماغير سلام بارد..!
وأميرة نفس الشي وصار يستقعد
لها على الطالعه والنازله عناد في أمها
بس علاقته في باقي اخوانه مرة ممتازة وما تأثرت
حتى فارس اللي دايم يناقره يحبه ويحترمه ولا يكسر
له كلمة.!
سمع جواله يدق اخرجه من جيبه وشاف انه عبدالله
اخوه الأتصال اللي ينتظره من امس!
محمد/
ارحب ملايين في ذمتي ولا تسد بشر.
عبدالله /الله يحييك ابشر بالخير تيسرت كل الأمور
وصارت كلها في صالحك وانا صورة كل الأوراق
وارسلتها واتس .! وتدري وين المشكلة.!
محمد /الله يبشرك بالخير اولآ
وثانيآ ايش المشكلة عسى خيرر.
عبدالله /تدري ان جدي كلمني امس وارسل لي
صورة من برنت قديم اخرجه لما راح يسأل في
الأحوال المدنية عن عمي هل تزوج او لا
تخيل اني رحت عند الأحوال وماقصر معي
فيصل المقرن بحث لي واخذ الرقم التسلسلي
للبرنت المفاجئة انه طلع برنت وهمي مافيه اي
بيانات مسجلة من الجهاز انا انجنيت كيف
برنت وهمي وثلاث ساعات بحث وتدقيق على
بيانات الموظف وطلعنا اسمه ولما سأله فيصل
كيف تطلع برنت وهمي ماله بيانات في الجهاز
قال والله هذي سالفه قديمة بأختصار يقول
جاه أمر من سلطه عليا بمنع خروج اي معلومة
عن عمي انت متخيل ولما ضغط عليه قال لي
أن الأمر جاه من الأمير .....)تخيل لما سمعت
أسمه جتني أم الركب يعني عايشة ذي داهية
تنافس عصابة المافيا في المكر والدهاء .
الله ياخذها ياخي عليها تفكير مصيبة تمشي
على الأرض .
محمد/الله ياخذها ياخوفي انها حوثية بس
اهم شي صححت اوضاع بنات عمي اوراقهم الرسمية.
عبدالله /كل شي الحمدلله تمام.
محمد/بفرحه الحمدلله وانت ابشرك ان جدي اسقط
عنك بنت العم وحطها برقبة فارس .!
عبدالله/بفرحه الله يسعدك ياشيخ واصلا
ماكنت راح اوافق عليها غير احلام مستحيل
اتزوج وانت تعرفني زين يامحمد انا صح احب
جدي واحترمه لكن مستحيل اخليه يتدخل في قرار
مصيري لي معليش يعني بنات عمي على عيني
وراسي بس يجبرني ارتبط بوحدة منهم مستحيل
يااخي مالهم ذنب مساكين حرام والله على جدي
وانت يامحمد نصيحة لا تطاوع جدي في قرار زواج
ابد حرام عليك خل حبك لجدي على جنب .!
محمد/الله يبلغك تفرح في احلام ياارب وبعدين
مستحيل ارفض لجدي وجدتي طلب مهما كان .
عبدالله /ياخوفي انك حتى انت بديت تميل لبنت
العم ترى عادي تعترف انك تحب وهو يضحك .!
محمد/اقوول ايش عنده فارس الثاني قال حب قال
خلينا الحب لك ياقيس بن الملوح ويله توكل على الله
مع السلامه وقفل منه .؟
قفل من اخوه وهو يفتح الواتس ويشوف
الصور اللي ارسلها اخوه.
1-استدعاء من هيئة التحقيق والأدعاء العام.
لسيدة عائشة إبراهيم عيسى
الجنسية /يمنية.
*التهمة/الأقامه في السعودية
بطريقة مخالفة لأنظمة .؟!
*تزوير اقامة وجواز سفر
لكل من /اليمن /كندا/الأمارات..
*تزوير اقامة وجواز سفر لكل
من أشواق احمد محمد ال زايد
ريم منصور ناصر ال مزهي
ندى احمد محمد ال زايد
خزامى احمد محمد ال زايد
ودخولهم الأراضي اليمنية والأقامة
فيها لمدة شهر بطريقة غير قانونية.،!
2-استدعاء السيدة أشواق بنت احمد بن محمد ال زايد.
سعودية الجنسية /بتهمة السفر والدراسة في كندا
بجواز سفر وهوية مزورة ..
*السفر والأقامة لمدة شهر في دولة الأمارات العربية
بطريقة غير قانونية بجواز سفر وهوية مزورة.
ضحك وهو يسوي لها تحديد ويرسلها على رقم
جوالها اللي اخذه من جوال جده بدون مايدري.
خرج من تطبيق الواتس
وهو يقفل جواله ويحطه في جيبه والله يااشواق
مااغير اجيبش على وجهش غصبن عنش وياقهري
كله مااغير اخرجه دفعة وحده فيش انت والعجوز.
دخل المجلس وهو يشوف اخوه احمد جالس قدام
الدفاية وعنده صينية فيها فناجيل قهوة وصحون حلا.
جلس جنبه وهو يشوف الضيق
على وجه اخوه واحب اخوانه لقلبه.
حط يده على كتفه وهو يقول لا يضيق
صدرك يالعضيد تتيسر الأمور
وكذا وإلا كذا حنا بنتزوج
وبنات عمي اولى من الغريبة .!
احمد /وهو يناظر في اخوه وهو يصب
له قهوة ويمد له الفنجال اخذه من يده
وقال ليت ماهمني يامحمد إلا زواجي
انا مو رافض فكرة الزواج ابد.
انا شايل هم أمي كيف راح تتلقى
الخبر يامحمد أمي مريضة ولا احد
يعلم بوجعها إلا الله ثم انا .
انت متخيل كيف بيكون وقع الخبر عليها
افهمني انا مو معارض زواج ابوي
لا والله من حقه يتزوج لكن أمي واللي قدمته له.
محمد/حس في اخوه وهويقول تتيسر صدقني
ايش راح تسوي طيب.
احمد/قلت لأبوي لا يكلمها ابد إلا بعد
مااكلمها انا وفارس وعبدالله ابغى
امهد لها اخاف يصير لها شي.
محمد/زين مابتسوي وانا معكم وحاضر في كل شي.
احمد/وهو يمسك يد اخوه الله لا يخليني منك.؟
محمد/ولا منك يارب وين جدي وابوي
مااشوفهم ولا فارس.،!
احمد/جدي وجدتي عند بنات عمي داخل.
وابوي يقول عنده مشوار وطلع وفارس نايم ..
:
:
:
اشواق/
وهي تحس بتعب الكون كله يسكنها لا نوم ولا آكل .!
الواجب عليها انها تهتم وتراعي الكل وهي محد يحس
فيها خرجت من عند ريم بعد ماتطمنت عليها وعارفة
ان المواجه معها باقي طويلة .
دخلت غرفة أمها وهي تشوف الممرضة جوالها بيدها.
سألتها كيف ماما .؟!
الممرضة/كويس خلاص فطور وانا اعطي علاج كله.
سكر ضغط كله كويس انا اعطي جلسة اكسجين
بعد ساعة.،
خرجت من غرفة أمها وهي تتمنى بس يمر باقي
اليوم بسلام بدون أي شي .!
تحتاج حبوب منومةوتنام شهر قدام
وتقوم وتلقى ان كل شي صار طبيعي .
وصلت غرفة الحريم وهي تشوف جدها
وجدتها جالسين على نفس الكنبة
ماتنكر ان وجودهم يخفف عنها كل شي .!
بس صارت تخاف لما احد فيهم يناديها على
تعرف ان في مصيبه جايه.!
أشواق /وهي تجلس سم ياجد انت وجدتي .
الجد(محمد)
سم الله عدوش يابنت احمد والله انش انت واخواتش
في يومين اخذتوا قلبي واخذتوا غلا فوق غلاكم
وفرحتي لما شفتكم اكثر من فرحتي لما جاني ابوش
وعمش علي .
أشواق /وهي تناظر في وجه جدها وهو
يتكلم عيونه الكبيرة خشمه الطويل بشرته
السمراء لحيته الكثيفه البيضاء.
تحس ان بعد الكلام هذا كله شي كبير بيقوله.
عمش علي جاني هو وعياله
وقال يبه بنات احمد ابغاهم لعيالي
وعيال عمش قالوا بنات عمي لنا.
أشواق/غمضت عيونها بقوة وهي تسمع
كلام جدها سمعت منه الشي اللي استبعدت
انها تسمعه اي زواج يقصده جدها وعمها
وبسرعة كذا كأنهم حمل يبون يتخلصون
منه.،؟
أشواق/ وهي تقوم تجلس على ركبها قدامه وتمسك
يده جد انت جيت تشاور وإلا تأمر ،
الجد(محمد)
لما سمع كلامها انقبض قلبه وهو يشوفها جالسة
لا ماعاش من يأمر بنات احمد وراسي حي.؟
لكن جيت اشاور ولا في عيال عمش شين يعيب
وابغااكم عند عيني وحولي ماعاد اقدر اصبر عنكم .
أشواق /
يعيش راسك ياجد ويدوم لنا وعيال
عمي محشومين من العيب .
لكن ان كنت جيت تأمر فأنا واخواتي طوع يدك لو تحب
ذحين نملك ونروح معهم مااكسر لك كلمة .
وان كان جيتي تشاور فأنا واخواتي مالنا خاطر في
عيال عمي ابغااهم اخوان وعز وسند لا جارت علينا
الدنيا نكون تحت ظلهم.؟
الجد(محمد)
وهو يحس ان البنت ذي سكتته بكلامها
ولاعاد عنده شي يقوله ابد.
شافها وهي تقوم وتبوس راسه وهي تقول
العذر والسموحة منك ياجد لكن قلت
شين في خاطري لا يضيق صدرك
منا انت وجدتي وعمي..
الجد(محمد)
لابالله يابنت احمد حقكم وانا لكم محزم مليان
انا وعمش وعياله..
لكن فكري انت واخواتش وانتظر ردش .
وخرج بضيق وهو ينزل شماغه من راسه ويحطه
على كتفه.
اشواق /وهي تقرب من جدتها اللي ساكته ولاقالت
كلمة رغم انها تشوف في وجها كلام كثير انسدحت
جنب جدتها وهي تحط راسها بحضن جدتها
اول مرة تسويها حتى مع أمها ماعمرها حضنتها
او نامت في حضنها غمضت عيونها وهي تحط
يد جدتها على صدرها وتقول جده كلمي جدي
انا واخواتي مانبغى زواج مررة .
شدة على يد جدتها بقوة وهي تقول جده
ادعيلي قلبي قلبي يعورني حيل ..جده أقري علي
هيلة/بحب وقلة حيله مابيدها تسوي شي
هي فرحان ان عيال ولدها بياخذون بنات
أحمد ولا بترتاح إلا اذا شافت كل وحده
مع زوجها قالت الله يطعن جدتش عن قلبش
أشواق/وهي تتمنى انها تبكي تصارخ مثل
اخواتها بس هي متعوده على الكتمان
ولا تدري ايش نهاية الكتمان هذا.!
انتهى
غراس الجنة/سبحان الله والحمدلله ولا اله الا الله والله اكبر يغرس لك بكل واحدة شجرة من الجنة".
توضيح/
فيجوز للرجل أن يوكل غيره في قبول زواجه، ويكفي أن يقول له: وكلتك في قبول زواجي من فلانة، أو عبارة بهذا المعنى، فيقوم مقامه، ويعقد النكاح مع ولي المرأة في حضور شاهدين، فيقول الولي: زوجت فلانة ـ الزوجة ـ*فلانًا ـ الزوج ـ ويقول الوكيل: قبلته لفلان ـ الزوج ـ*أو: قبلته لموكلي فلان، قال البهوتي الحنبلي -رحمه الله-: وله أن يوكل من يقبل له النكاح، لكن يشترط لصحة عقده ـ أي: الوكيل ـ تسمية الموكل في صلب العقد، فيقول الولي: زوجت موكلك فلانًا، أو زوجت فلانًا وينسبه، فلانة، ويقول الوكيل: قبلت هذا النكاح لفلان ابن فلان، أو لموكلي فلان.
*قال ابن قدامة في المغني:ويجوز التوكيل في عقد النكاح في الإيجاب والقبول; لأن* النبي صلى الله عليه وسلم وكل عمرو بن أمية , وأبا رافع, في قبول النكاح له .
والله اعلم ؟!
|
19-04-17, 03:14 AM
رد: جنوبية برت حالي ولاادري وين ديرتهاوكل ماأسأل من ين انتي تجاوبني جنوبية/بقلم نبضي
جديد مواضيع قسم القصص المكتمله من وحي قلم الاعضاء
العرض العادي
