‏

‏
‏
يا مسا النور و السرور ..




بارت يجنن يجنن ياضمضم والله كل بارت يقول الزود عندي اسم الله عليك💕


بس ياااربي ع القفله جالسه افكر لو نفوود ولا هاللقاء اهوون<< فييس الطمع .. ليتنا ع نفوود كنّا سالمين🙊
بس يلا هالأسبوع انكشفت سالفه نفوود والله يعجل بالسبت اللي مطول علينا ونشوف هاللقاء..
عاد ضمضم معليش بنبدأ لك بطنّه جديده .. ماودي أضيق صدرك واقولك من اللحين اني شلة هم البارتات القصيره😔




بعددين يابنات ماهو مااخذها مااااهو مااخذها مااااهو ماخذها رياش ان شاء الله يعني..
من جدكم رياش هالشاايب ياخذ الزين كله.. خلاص قفلوا هالسالفه الله لايعيدها🤐




ورد رهيييبه والله ..كمييه استفزاز لغيام هبلت به😂 .. والله خفت قلت بس بيصفقها .جابتها ع بلاااطه راعي خبال وبنات😂
والله لو انهم عشره اهون وقتها نعرف انه لعاب وقلبه ماهو يم احد ..البلى بهالوحده اللي قلبه طااير فيهاا..

غيام هذي مشكله من دق باب الناس بيندق بابه.. عشان كذا حييله حاطه بهالورد مشدد عليها بِسْم الله عليه.
ووهيج عادي اللي تسويه حلال.. بس ذبت ورد 😂😂😂 ماخلتها بنفسها ..

ماادري اذا بتقدر تصبر لنهايه لان هالشي مرهق نفسياً..خاصه لو مالقت اي استجابه منه وع مواله القديم..
يااا انها ثقييله ع غيام اجل تمشي ع رموشه😂وهي ولا همها.. يقهر غيام يعني رجع الاسم بالاخير مااش لسى ماتأدب*🙄

بعددين خيير ياغيام اذا هي ماتستحي انت والسحليه اللي تكلمها وش تصييرون..

‏

اقتباس :-   المشاركة الأصلية كتبت بواسطة ضمني بين الاهداب

اردف بعصبية..\ وش قلـتي لها...وش قالت لك..؟ ‏

وش قلتي لها..وش قلتي لها..قلقلوك بقدر انت وياها..
يعني خايف ع مشاعرها وهالضعييفه بغيت تكسر يدها..


ورد صار عندها خير بالعطية كنت احسبها ماتدري..زين ماسوت سالفه عليها ..




غتار في علاامه استفهام كبيره عنده..
هل هو فعلا محتاج سالفه نفود عشان يضغط ع ابوه بشي ثاني..انا اشوف بندر ضعيف قدام حبه لغتار..
لو غتار بيضغط عليه حبتين بيوافق ع اللي يبيه من غير سالفه هالنفود..
لان حتى سالفه نفود ممكن يمشيها له لو انه شافها ومهتويها..وحس انها فعلا رغبته ..

الظاهر غتار يخطط ع شي اكبر بكثيير عشان يساومه بنفود..السالفه فيها غموض..
لو قلنا عشان ياخذ فخر..بندر اتوقع بيرحب في الفكره اصلا انه يبي بنت عمه بغض النظر عن اللي بينهم
ويمكن يحس ان هالزواج بداية الصلح..بس بيشيل هم اخوه كيف يقتنع..بس هل غتار عارف انه عقاب
مارح يوافق وبيطلب شي كبير من بندر..وقتها بندر ممكن مايوافق عشان كذا اخذ عليه العهد..🤔
او غتار ناوي يسوي لفه لعقاب وياخذ فخر ويخلي ابوه يسكت ومايعترض ع طريقته..
بندر مارح يعترض ع الزواج يمكن يعترض ع الطريقه اذا غتار جاابها بطريقه ملتوية..بس عقاب هو اللي بيلعب بغتار مارح يسمحه..



‏

اقتباس :-   المشاركة الأصلية كتبت بواسطة ضمني بين الاهداب

معصي والا عشاني متشفق على عرسك تبي تسوقني سوق..! ‏*

هيين يابندر والله اني حاسه انك بتنساق سووق ولاخوك بعد..


غتار بهالبارت حسّيت انه طيب بس لا احد يدعس له ع طرف..عجبني وهو يتعزو بأمه..عاش مع امه الين كم يعني يذكرها..يذكر تفاصيلها؟
سالفه نفود صاارت طقطقه عشان تصير كررت ضد ابوه اصلا ماكنت مصدقه سالفه الاسم ع طول وافق عليها..
بس النفود شخصييه حقيقه موجوده يعني..لان بندر بحث عنها...بس معقوله بهالبساطه تقابل معها ع طول ..!

اييه ياعقاب حط بنتك ع قلبك الين مايجيها الشيخ غتار..وهو شكله يبيها لغتار بس عاد مايدري وشلون..
المهم انه يذلهم شوي ويطلع حرته من بندر..لانه مارح يرتاح ويسامحه الين مايرد له حركته..
شوفي ضمضم احنا علينا انهم يتزوجون عااد انتي عليك الطريقه الغير متوقعه😂مانحب نتوقع كل شي نعطيك فرصه اللامتوقع🤓



الرمح نجمه هالبارت والله😋..يازينها بررد قلبي بفويرس ..مافي الا قووة جلد..اجل يوم زان شكلك😂فويرس وش عنده ماينسى...عاد والله عجبتني نكتت ابوه شل حديد ضحكت عليها : )

والله صاير خبيث وش جاب ع باله فلوه ..هي اكيد ماغيرت اسمها الا انها كارهته..
حتى استفزازه لها اللحين بيصير ع شكله وكيف صار له كومة معجبات ..
وحركة انه ياخذها كذا هذي اكبر مذله لها خلصنا عاد ماتسوى عليها هالكلمة اللي قالتها..
ويستاهل العضه عساها بس اخترقت هالعضلاات..بس احسه كذا مبسوط من جوا قلبه انه جابها عنده بس طبعا مايبي يبين🤓

عهد شخصيتها قويه بالرغم اللي صار له..البلشه بهالاعمام اللي يفشلوون عمى بعينهم ..
اهم شي لااا تضعف لفارس ولاتبين لها انه متفصل عليها وجابها..ورآها ظهر بيسنع فويرس



عقاب اللي يتأمل نفسه...ابدا نفس تأملات غتار ماهي بعيده عنه ..

ياربي ع الغزل اللطيف وسط هالمعمعه..والله عقاب جنتل ع هالرزه والثقل..
و أشوا ان رياش فارقنا هالبارت ولا كان ماشفنا هالرومنسيه..ليت يتعلم من عقاب ..

حتى عمشا تجنن زي ان عقاب مااخذ العنود ولا مااكان شفنا هالرمح😉
صدق تجنن وأوسع صدر من ام حاكم هاللي تجيب الغلقه..
عشان كذا بنيدر دايما نفسيته ضاايقه وبيته بعد يجيب الضيق😂..عكس عقاب رايق ويتغزل بمرته وجلستهم وش حلوها..
بس العنود للحين بقلبه ولا طوتها عمشا..يوم عارف ان فارس نصاب وللحين يحبها يكون هو بعد😔


وبعدين عقاب لو سمحت غتار عااد ماهو احمق..ان كان فيه حماقه فهي منك ..
ولا هو ابعد مايكون عن ابوه..



‏

اقتباس :-   المشاركة الأصلية كتبت بواسطة ضمني بين الاهداب

أخبرني بندر انه يريدها معه..فـ..هو لم ينعم بحب فتاة..!!! ‏*

بندر ظالم و مايشوف نفسه الا مظلوم..
جا في بالي لو النفود عايشه وقتها..يمكن وقفت في وجهه ولا رضت انه يتزوج العنود عشان اخوه عقاب..
لانها بتدري انه بتصير القطاعه..ولاني احس قرارته كلها ماهي مضبوطة بعد النفود

انا من اول قااهرني ع بنته كيف تاركها تعيش مع زوج امها..وبنته يمكن علاقتها ماهي مرا معه حاسه انه مرخص فيها.. وفي امها يوم طلقها ..يلا استلم هذي تبعات ظلمك لهم .. لاتجي وتقول جملتك السامجه
حتى لو انه عازها ومكرمها وماهو مقصر عليها من الناحيه المادي..بس كون انها تصير كفارة ذنبه للعنود هذا اللي يقهر..
المهر قلتي ياضمضم قصتها غير متوقعه..جا بالي يمكن العنود تكون زوجة ثانيه او متزوجه واحد عنده عيال ..
والمهر تكون قصتها مع واحد منهم ..بس ترا يقهر اكثر لو زوج امها عنده عيال شباب وعايشة عندهم وقته بندر يكون استخف رسمي..
اذا بندر رضى عياله وشلون رضوا..



‏

اقتباس :-   المشاركة الأصلية كتبت بواسطة ضمني بين الاهداب

لكني لن أغضب أخواتي وأجعل مابينا قطيعة كما بينه وبين اخيه...ابداً..! ‏*

ام حاكم اللي تسويه لها نورة بيثمر معها ولا للحين متعنفقه..
بس هنا وش قصدها بتتم اللي يبونه خواتها عشان مااتزعلهم يعني ؟ حتى بعد حلوف بندر
نورة يبغالها علاج نفسي عشان تتقبل شكلها وحياتهم مع حاكم.. صايره معلقه امالها ع امه بس..
بعدين شكلها هل فعلا فرق عن قبل ،،





الله الله اخر مقطع اخير صار اللقاء 😍😍
أهم شي خلي رياش يتووووكل ع الله مو اللحين يينااط لنا هو وهاللسان🌚





تسلم الايادي ياضمضم والله يسعد قلبك زي ماتسعدينا بهالجمال ..
الله لايحرمنا منك ولا من هالجمال ..❤



‏
‏
‏
‏

صباحكم سعادة جميلات ليلاس
دودي وبس ياااصبااح الردود الجميله
انا ماني معك ان بندر بيوافق على طول لو عرض عليه غتار فكرة الخطبه
عقاب محد عاارفه زي بندر والدليل ان بندر تجنب عقاب
وكل طريق يوصل لعقاب انه عارف ردت فعله وان عناد عقاب مثل الي يناطح جبل
وغتار مكار امكر من عمهم اخذ العهد من ابوه
انه بيوافق على اي وحده غير نفود
اكييد لها ابعاد غير سالفة انه حاط براسه فخر
او شخصيه جديده غيرها مابعد طلعت معانا😉
عهد فارس كره فيها السطحيه وماخذ فكره انها مااراح تتغير
والدليل اسمها ماااتبي طاري له
هي غيرت وانتم مجبورين تتقبلون التغير
وفارس اتوقع بيجرحها كثير بها السالفه
انا عندك زي اسم يوم ماعجبك غيرتيه
ما خذتي با الاعتبار انه اسم جدتك
اهم شي نفسك وضعك بين صديقاتك

بسم الله الرحمن الرحيم
.
.
.
عثرة خامسة
.
.
.
مدخل
.
.
.
ما هو صحيح القلب للقلب شاهد
لو هو صحيح أصبحت مفتون فيني

بيني وبينك حب من قلب واحد
ليته يجيك من الهوى ما يجيني

وليتك تعرف الشوق لي صار واجد
وليتك تعرف أوجاع كثر الحنينِ

ما قد شكيت الحر والجو بارد
ولا سهرت بليل طول السنينِ

ولا مشيت العمر والحظ قاعد
ولا تحديت الألم والونينِ

أضحك وأنا لجروح الأحباب جاحد
أداري المكنون عن كل عينِ

ما ودي أفرّح على القلب حاسد
وإلا عذابي في عيوني يبينِ

شيٍ يهون وشي بالحيل كايد
يا كود تجريح الخفوق الحزينِ

من عانده وقته وقلبه يعاند
مالت به الدنيا يسار ويمينِ

غرّتني أمثال العرب بالشواهد
يبيك قلبي وأحسب إنك تبيني


بداية..
صبحهم وربحهم يارب ...
الاحداث في العثرات ان حنا نلقي الضوء على بطلين او اربع ابطال في العثرة الواحدة عشان مساحة تكون مشبعة وجميلة..
ونتسلسل في كل عثرة...فـ مو تقولون ضمضم البطل الفلاني اليوم مو في البارت وينه...,

سنابيomalyzad
سناب نوف بنت نايف لنقاش n-umuawaf5555
.
.
.
لاتليهكم الرواية عن الصلاة في وقتها...
.
.
.

نظر له بتفحص من ثم ارتسمت على شفتيه ابتسامة هازئة...\لا ذيب ما خليت الذيابه تآكلك.!
بـذات السخرية..\ تربية اخوك..!
باستهزاء..\الي خيـره كله من مره..!
غتار بـخبث..\بس يظل احسن من الي ترك اخوه عشان مره..!
ومباشرة من دون لف او دوران همس بثقه عالية..\وش المطلوب ذلحين ..يعني تبي تقول لي انا بكل ثقلي الحين بـطرف الثانـي..!
عقاب بـخبث خالص..\ غتار..انت واجد نافخ عمرك انت ربع ثقلـي ينهيك انت وابوك بعد..!

أبتسم بخبث...\ياعمي الغالي حنا اثنين مثل ماا تقول وانت واحد والناس دايم يستضعفون الوحيد..!

صرح مباشرة..\اتـرك ناصر الرماح ..!

بعدم مبالة..\افا ياعمي مستكثر علي اشكره بنفسي...!
عقاب ساخر..\عشان امك نفود بقولك نصيحة وانا معروف عني ما نصح احد حط لك عيون في الظهر من اليوم احسن لك...!



..\ما شاء الله ورنـي خشتك...رجالن زين ذا ولد بندر اجل..!
من ثم اردف بحماس \رجال مزيون ولد اخوك ياعقاب وش رايك نزوجه بنتي مليحة ونطيب الخواطر صح ياعقاب..!


القى غتار نظره لشخص الجالس بجوار عمه...تفحص نظارته الغليظة وسبحته الملونة وذاك الكرش الممتد امامه..

كان شفتيه مائلة بسخرية..\ذا خويك..طبيعي الي يخلي اخوه يكون خوياه بذا الشكل..!
رياش بخبث..\ماعليك خويه يبديه على عمره ماهوب يبدي عليه مره ..اقولك تغدا معنا هنيا مطعم عراقي زين كود تصلح لبنتي وانا ابوك ويغدي سمننا في دقيقنا..!!!

غرق بضحكه ساخرة خبيثة..\ انا والله رجال مولع بزين واتبع الزين لو هو بقندهار وبنتك ماظنتي وانت ابوها كانها مثل خشتك يجيب الله مطر وانا اذا بغيت العرس ماني مبعد حولك وحواليك باخذ بنت عمي عقاب عرفت انها دكتوره..!!

شعر عقاب بـ سهم اخترق قلبه من قوسه الخبيث..


تدخل رياش بسرعة..\أأأيه هقواتك بعيدة خشيف الريم ما أنت بحولها لوتصب شوارع الرياض بدال الزفلت ذهب يامسيكين..!


كان بمقابل غتار يبتسم بخبث وهو يغلق باب عمه ويضع اصبعيه على نصف جبينه وهو يشير له بـ التوديع ..!!





التفت عقاب لـرياش بصدمة...!

ليهمس رياش..\ وش عرفه ببنتك..ذا ثعلب انتبه منه ماهوب على عمره..!
حك ذقنه عقاب وهو يعاود التماسك فا الامور في حضور حبيبته فخر تتبعثر..!
شده هاتفه لـيبحث عن رقم فخر..
همس رياش بحزم...\وش بتكلم بنتك وش بتقول...اسكت ذا يهوش ووصل للي يبي اقلق مخك على بنتك في دقيقة...
نظر لرحيل غتار ومشيته التي تمتلئ فخامة لا ضعف
ظلت عينيه عالقة به وهو يتوارى بعد ركوب سيارته ..
رياش بتعجب..\ياسبحان الله ياعقاب والله ها الولد ماخلى شي منك اول مره اشوفه وجه لوجه
عقاب ببرود..\غتار ماشوفه يشبهني..يمكن ماخذ الماح جده ابو نفود..!
رياش..\سبحان من يحيي العظام وهي رميم والله ماهقيت ذاك الوجه الي شفناه با المستشفى عودة له الحياة مع الحيين
ثم اردف رياش..\الحين ام غتار لكم قرابة فيها..
عقاب..\اي نفود تقرب لنا كلنا تصير بنت خال امي الله يرحمهم ويبيحهم كلهم ماعليهم الاهي وعليه خير وحلال جاء من حظ بنيدر ونفود جعلها با الجنة اعرس عليها بندر وانا وقتها صغير وحالنا ماهو بذاك الزود مثل اغلب الناس
من ثم اردف..\ وقتها نفود مااقولك تعاملني كني اخوها والله كني ولدها وان بندر وامي يقسون علي جعل امي في الجنه وام غتار تزعل من زعلي وتقول عقاب مامثله والايام بتثبت لكم ان يطلع رجال علمه يهز المجالس
من ثم عقاب برهافة..\ونفود من يوم حملت بغتار وهي مريضه بندر وجهاً اقشر عليها مدري وش جاها عين والا مرض ماانعرف له علاج وقتها لين توفت وغتار توه صغير وابوها وقتها عنده تجاره وفاتح ربي عليه ومبارك بماله زي ماتقول ماكل السوق اكل وتوفى وهو حاج مع ام نفود عقب عرسهم ماقولك انه وجه اقشر عليهم ومن عقبه مسك حلالها بنيدر وماكان لهم قرابة الا امي...,
رياش..\ماكل السوق بعد الله يرحمه اجل كدينا خير والله انت وولد اخوك على خالك مدري عمك عقاب ومن زين الحظ سميه بعد ياعزتي لتجار تضربونهم اشوا اني خويك ومشاركك والا نتفت ريشي..

ابتسم عقاب وبهدوء..\انت خوي روح ..

رياش بخبث ..\دامني خوي روح مثل ماتقول ماتزوجني الحب الشريهاني ياخوك اذكرها وهي صغيره فيها لمحات من شريهان...!

عقاب بضحك..\وانت أي وحدة فيها مواري زين قلت تشبه شريهان...بنـيتي بعيدة عن شواربك ياابو ممدوح..!

رياش ضحك من ثم بتفكير..\طيب الحين القرد ذا وش بتسوي معه والله ماتصك باب الا يطلع لك من باب اعرف القرود الي مثله..

نظر له بنصف نظرة..وعدل ساعته الانيقة..\انا من فترة بسيطة داز لي واحد ذكي عندهم ويجيب لي اخبار شغلهم وكنت حاطه بس عشان اذا طرى لي اقرصهم .
من ثم اردف وهو ينسف شماغه لجهة الاخرى..\وقال لي انهم مستوردين اثاث وبيكون موضة جديدة في المملكه عملي جداً وقيمته حلوه بنسبة لجودته..وبيصير الهبه الجديده لـلي توهم متزوجين او العائلة الصغيره..لاملوى مخازنهم فيه وسكرو باب مخزنهم فيش كهرب التمس وقضاء وقدر ..!

رياش يضحك بقوه\ماعليه قل كسور ترفق فيه ياخويي...!!

من ثم اردف بلوم..\ويومك تخطط لحالك وتدبر من راسك ذا الكله متى دزيت ها الرجال ومتى جاك حكيهم انا ماهو خويك الي روحك وروحه وحده..!!
عقاب يبتسم..\طبوعك الشينة يارياش واجده وسوالفك واجده خوفي تزحلقك بكلمة تنكبني فيها فا اخش عنك الي مابيه يطلع واعرفك منت بزعول ...!
رياش يضرب كتف عقاب..\ايه والله هذا عيبي قلبي شاش ولاني بزعول..!
.
.
.

قبلها بثلاث ساعات...!

حاكم في مكتبه بــستغراب من تواجد غتار...
غتار..\يعني وش ماتبي تشوفنـي..!
حاكم بستغراب..\لا بس استغربت..وبعدين نظرك سته على سته تقول ابي تشطيب...تستهبل..!
غتار بـ أبتسامه...\زين احسبها نقصت صار يروا لي شي شككني في عيوني..
جلـس بمقابله وبستفهام..\ وش ..مافهمت عليك..!

غتار بمكر..\لاماعليك لاتدقق..اقول حاكم..!
حاكم ..\سم..!
غتار بخبث خالص..\بقسم جراحة الاطفال لقيت وحده اسمها فخر.لاتكون بنت عمنا الي سولفت لابوي عنها ذاك اليوم..!

حاكم التقط غاية ماجعل غتار يأتي لأجلها ليردف بـتهرب..\مدري...الكادر الطبي وش كثرهم وش يعرفنـي هي فخر بنت عمي او لا؟؟
غتار با ابتسامه..\الله أكبر اكيد انها هي يعني في خبل مثل عمك شايف عمره بيسمي فخر بنته مافيه الاهو..!
حاكم بقتضاب..\مدري..!
غتار بخبث\يعني انا ادري وانت يا الي تداوم يومياً ماتدري..
حاكم بحزم ..\بس مابي ادري..!
غتار بـمكر..\يعني تدري وتبي توهني...!
من ثم اردف..\ماشاء الله بنت عمنا دكتوره أد الدنيا...!!!
حاكم ..\ماشاء الله واصلني حتى لمكان شغلي ياغتار بـمعارفك وعيونك..!
ابتسم بمكر.\وش اسوي عارف ان اخوي ماهو فطين..!
حاكم بحزم..\وش تبي بشي مالنا دخل فيه ومدفون من سنين..!
غتار يتناول كوب الشاي..\لاننبشه ماعليك لاتخاف..!
حاكم بعقلانيه..\انت عارف انها سالفة ماتسوى ابوي كان له وجهت نظر فيها وعمي سواها قضية عمره..وحنا ياليت نكون كافين خيرنا وشرنا...والبنت مالك شغل فيها تفهم..!
ابتسم بخبث..\صادق صادق...ياالله أستأذن اجل..!
حاكم وقف مع غتار...ليهمس بجدية..\غتار..البنت مالك دخل فيها..وش تبي بعمـي تركنا من سنين ومانعرف عنه شي كافي خيره وشره عنا..!

ابتسم وهو يريد الخروج..\انا ماقلت لك انك منت فطين عمك ذا الي كافي خيره وشره على قولتك بـغى ينكـبني بمشروع داسه لـي عشانه فازع مع واحد من الي انا بيني وبينهم عدواه وتقول افكه...!
حاكم..\ وش مشروعه..!
غتار يودعه..\خلك بعمليات العيون انت مشكلة لو تدخل مشاريع تجاريه تجيب فيها العيد..خله علي لاتشغل مخك..! انا نكبة عمره الحين...!

ودعه قبل ان يكمل كلامه ليعض طرف شفتيه وهو يتخيل حجم مصائب غتار..فـ هو لايحشر انفه في شيء الا يجعله كارثياً...!


كان يشد الخطوات لنائب مدير المستشفى ..وابتسامة ترتسم على شفتيه...,

جاء لـشيء معين..واضح...وصريح...!!




بعد نص ساعة...!

كانت هـي تطرق الباب..وتدخل لـمكتب بـ أستغراب...
القت السلام...ليأتيها الرد..!
راشد..\تفضلي دكتوره فخر...
فخر بـتقطيب..\خير دكتور راشد..مستدعيني..!
راشد كـان يشير لـكرسي الذي امام مكتبه والذي كان في مقابله شخص جالـس ايضاً...

جلـست بهدوء واستغراب..
راشد بهدوء..\الاستاذ غتار يصير خال واحد من الاطفال الي كنتـي مشرفه على حالته قبل فتره ومعه اوراق تثبت انك سمـحتي لـه يطلع قبل وقته وسبب له هذا الشي مشكلة .المفترض يجلس ثلاث اسابيع وانتي جلستيه بـس اسبوع..
كانت هـي تتناول الاوراق التي تثبت كلامه وحالة الصغير الذي نُقل لأستشاري كبير في الرياض وفصل حالته بتفصيل..
همست بقتضاب..\صحيح..هذا الكلام قبل شهرين وكان خطأ غير مقـصود من القسم كان فيه لخبطه بينه وبين طفل ثاني سمحنا لهذا يطلع بداله..بسبب تشابه اسمائهم..!
راشد\الغلط غلطك انتـي..انتي الي وقعتي على خروجه والغلط راكبك انتي والاستاذ غتار ناوي يقدم شكوى فيك وفي المستشفى..!
فخر..\بس هذا ماكان غلطـي هذا كان غلط الممرضه الي راجعت بيانات الطفل وطلعته وجاها فصل تأديبي لـسبوعين وبعدين ابوه تواجد هنا بعد القصة وتقبل اعتذارنا منه ..ليش الحين بعد شهرين جاي الاستاذ وناوي يشتكـي المستشفى..؟


راشد\ دكتوره فخر..المستشفى في غنى تام عن أي شوشرة بتـجي وانتي تعرفين وسائل الاتصال المسموعه والمقروئه كيف تبهر وتزيد وتعيد..والاوراق لو مشى فيها الاستاذ راح يكون الغلط راكبك ميه باالميه..

من ثم اردف..\بس هو لأنه رجال سمح ومتفهم تقبل انه يتقبل اعتذار المستشفى عن هذا الغلط الي ماهومقصود بس اشترط انه يقابلك شخصياً وتعتذرين ..!

فخر بغضب مكبوت..\انا مستغربه كلامك دكتور راشد..هذا شي مو طبيعي سالفة لها شهرين وانا قابلة ابو الطفل بوقتها واعتذرت له وتقبل اعتذاري يجـي خاله الحين ويقول اعتذري بعد على سالفة ماتسوا هذي الشكاوي والتضخيم لأنها تصير في ارقى المستشفيات وأجودها ..!
تدخل بـنبرته الواثقه..\بعد شايفه ارواح الناس ماتسوا ماراح استغرب المجازر اليوميه من اغلاطكم الطبيه اذا في اطباء من نوعيتك..!

وقف...\راح امشي قضائياً يادكتوره في سالفتك ذي الي ماتسوا واعلامياً راح نشوف هي تسوا او ماتسوا..!

عينيها المشدوه في الشخص الذي يتكلم بـنبرة تهديد واثقه...
ليقف راشد بـمحاولة تهدئه..\استاذ غتار الله يهديك تونا اتفقنا والاعتذار راح تعتذر الدكتوره واكيد الارواح ماهي برخيصه عند احد..
من ثم اردف بـنبرة جديه..\دكتوره فخر ياليت تعتذري لـ الاستاذ عن الغلط الطبي الواضح افضل من ان تجري نفسك واسم المستشفى لـشي حنا فـي غنى عنه..!

وقفت فخر بغضب..\الاعتذار حصله أبو الطفل..واما الخال الي طالع لنا فجأه واتوقع والله اعلم انه مايبي اعتذار يبي يتكسب مادياً من ورا قضية بيرفعها واعلامياً يبي يسلط عليه الضوء..لو لك حق مد يدك قضائياً ولاتقصر..بس اعتذاري راح لصاحب الشأن..وأعتقد يادكتور راشد ان لعبتك مكشوفه انت والارجواز الي جايبه معك يكمل لعبه بايخه...!

راشد بـتوتر وهو يعاود الجلوس...\لعبة ويش يا دكتوره...اا...

فخر بغضب..\اسمعنـي زين وخلـني على بالك يوم فشلت محاولة ترصدك لـي وكلامك الغزلي والهابط قلت خلـني اجيب لها مشكلة جامده وأكسر الحب الي في راسها وتجـي مثل فلانه وعلانه لـي...تخـسي انت وامثالك تفهم !
وأشارت بيدها بتهديد..\شيلنـي من راسك افضل لك عشان مايوجعك راسك ماهو أي طير ينوكل لحمه وعلى فكرة انا بتصل الحين با المدير الدكتور ممدوح بن رياش ويتفاهم معك افضل خلها تصير رسمية بين المدير مو نائبه وبين المشتكي اول مايرجع من اجازته راح يطلع على هذي الشكوى..!

غتار الذي كان يشتعل في مكانه وهو يقف \..تقولين يترصدك ويرمي عليك حكي..!

كان صوته الغاضب أستغربته لتهمس ببرود..\ بتسوي روحك ماانت متفق معه ياارجواز..!

فجأه ومن دون مقدمات...
كان غتار يستدير بخفه للذي خلف المكتب وبحركة مباغته سريعة ومدروسة منه اوقعه من كرسيه من ثم ثبته بقدمه السليمة ولكمة بقوة على أنفه بـعصاة....!

الرجل المصدوم لم تظهر منه أي ردة فعل سوا النظرات المتفاجئه التي شلت حركته تماماً والتأوهات من ضربت العصى...

فخر بصوت مصدوم..\انت وش تسوي يامجنون وش تسوي تبي تفضحنـي...!

غتار المشتعل الذي تحول لوحش مرعب و بـحرقه وهو يعاود لكمة بعصاه..

راشد المتألم \تكذب...أنت صدقتها..أأأأ
فخر برعب..\فك الدكتور تبي تجيب على راسك مصيبه انت... لاتجيب فضيحه لي بين زملائي في المستشفى..!

أبتعد عنه بعد أن بصق عليه...

راشد وهو يلملم نفسه بتوتر...ويخرج من المكتب تاركه...!

فخر بغضب...\خير ان شاء الله...وش تبي تسوي انت...وانت من انت عشان تسوي ذا الشي كله...متفق انت وياه وصدقني المسرحية ذي ماخشت مزاجي...ولو ابي اربيه خليت الي اقوى منك يربيه بس مابي اعتمد على احد فاهم..!

غتار بـنفس لاهث..وهو يشير لها بـصمت..\اص ولاكلمه..وهذا الكلب صدقيني اخر مره تشوفينه هنا في ذا القسم بسعى انه ينمسح سجله الطبي ماهو بس ينفصل ..!
فخر بـغضب وهي تهم بترك له المكان..\اوه ماشاء الله عليك واصل..مالك شغل فيني تفهم وقضيتك التافهه اذا هي صدق امش فيها وبينا المحاكم يا استاذ غتار..وخلك لبق في الحوار ماحنا عبيد عندك !

وضع عصاه على الباب وهو يمنعها من الخروج وبجديه تامه\فيه غيره هنا احد قد عاكسك علميني..!




امسكت بعصاه من النصف وبصوت صارم ومندهش..\انت من فاكر نفسك لايكون من بقية اهلي بـس ومسوي نفسك حريص علي ..لعلمك عملي هذا اختلاط ومن عينة هذا بشوف كثير..بس انا اعرف اوقف كل عند حده واولهم انت...أبعد..!


شدت عصاه من يده بحركه مباغته منها لتسقطها عند قديمه...!


تركت له المكان وهو من شدة الغيض يشعر بإنه يشتعل ...بل أشتعل وتحول لبركان ذو حمم التقط عصاه ...

من ثم تناول هاتفه من جيبه...يريد شيء واحد الان ذاك القذر ينُسف نسفاً....!


.
.
.
من خوفتي لا أحترق جنّبت
هربت من شمسك لظلك
.
.
.
في بيت عقاب..!

في غرفة الضيوف التي عهد كانت بها...كانت تأخذ لها دش دافئ الليلة الماضية قضتها بكاء مرير...!
برغم من الترحيب الحار من خالتها..الا انها تشعر بـ أنه اعظم وجع بعد فقدان والداها هي زواجها من فارس..
خالتها كانت قد ذهبت صباحاً واحضرت لي ملابسي وأشترت لي ايضاً أخرى جديدة..!
لاتدري ما الله فاعل بها هنا...!
فارس الحاقد والذي قلبه صخر..
فخر التي لاتطيقني..
وانا هنا عالقة الان و هاربة من عمي الذي يتوعدني...

رأت الكدمات تملئ ذراعيها وتشعر بوجعها وهي ترتدي روبها..لفت شعرها بمنشفة...
خرجت وأغلقت باب دورة المياه نشفت شعرها ولم تنتبه للواقف منذو نصف ساعه ينتظرها..!
ابعدت المنشفه من شعره وتركت شعرها الطويل ينتثر بفتنة على ظهرها كي يجف بنفسه..
رفعت رأسها تريد ان تردي أي شي وتخرج لخالتها كي توصلها الى خالها لاتريد الجلوس دقيقة واحدة هنا..هكذا قررت..!

عندما رفعت رأسها صرخت برعب...

فارس ببرود..\بسم الله عليك منظري لذي الدرجة يروع...أحسب اني أمنية كل بنت من جيل اليومين..!

عقدت حاجبيها بغضب..\انت وش مدخلك الغرفه هذي...

فارس يرفع كتفيه من غير اهتمام\زوجك..طبيعي تشوفيني بغرفتك..بس الي ماهو طبيعي هو البارح جيت افتح الباب حصلته مقفلته..ماهو طبيعي كل واحد منا في غرفه ليدي فلوة..!

من ثم نظر لها من ساقيها الى شعرها المنتثر بفتنة ويصل الى اسفل ظهرها وجسدها ذو التقاسيم الانثوية الفاتنه..وبشفتين منزوية..\وبعدين ليش انتي سامنه كذا..وليش شعرك مطولته لذا الطول كله ماهو لايق عليك ابد وش ذا ..!

حركت يدها بشعرها الذي وكأن نعومتة أصيبت في مقتل وانتفضت بـغرور لتنتقم... تركته وتوجهت لـ الدرج لتخرج لها ماترديه...
أخرجت لها فستان شتوي ذو اكمام بلون الرمادي ويصل لمنتصف ساقيها..
أدعت انها غير مهتمة..وهي تريد ان يخرج فوراً..ولو أتضح عليها الارتباك سيستغله ويجلس..!
همست من بين شفتيها بمحاولة هدوء. .\ممكن تطلع بغير ملابسي..!
هتف بسخرية..\عادي زوجك..غيريها قدامي..!
ابتلعت غضبها وهي تغلق باب الدولاب وتغمض عينيها بـقهر..!
شعرت به...
شعرت برائحتة تخترقها...
شعرت انه قريباً جداً ..!
يديه التي احتضنت خاصرتها وهمسه الخافت المتهكم..\خليني انا اغير ملابـسك..!!
وكزته بقوه على بطنه وابعدت وبغضب عميق..\اطلع برا والا والله العظيم يصير شي ماتتوقعه..!
وضع يده بمغاته على فمها ودفعها لدولاب وعينيه تنظر لعينيها التي أمتلئة دموع في ثانية..!

كانت عينيه ليست بعيني فارس القديم..!
اللطيف..!
كانت عينيه ممتلئة سواد قاتم..!
حاقد...!

همس ...\باخذ حقـي...انتي زوجتي وكل ذرة فيك لي..ليش مسوية ها الصياح..امك موافقة..وابوك على حياته خذيتك..وانتي ازعجتي امك عشان تكلم امي وتحدد الزواج من يوم رجعت من السفر والحين تقولين مابيك...لعب هو..!

من ثم اردف...\عمك لو يشوفك كسر رقبتك..وخالي فهاد انتي خير العارفين فيه رجال نشبة ومتشدد على بناته واهله...وان رحتي له كرهتي عمرك...انتي في بيت زوجك...أحد يخلي بيت زوجه ويروح لبيوت الناس ضيف..!

كان يبتسم بخبث..
وهي كانت عينيها المفتوحة على اتساعها..وانفاسها المتعبة...أبعد يده ينتظر جوابها..!

لم ينتظر جواب ...كانت قبلاته تطبع على عنقها وشعرها وتشعل في النار...
كان فارساً أسود كـ الليل روحه..!
لم يراعي ضعفها وحاجتها اليه..!
لم يراعي شيء..كان فقط ينتقم..!
وهي كرهت نفسها..!
وهو لم يعد يهمه أي شي..!
أنزلقت من بين يديه كـ الماء...وسقطت عند ساقيه ..
كانت ترتجف...!
وهي تضم ساقيه بوجع..\في وجه خالتي عمشاء ماتتجرأ اكثر من كذا..!

شعر بماس كهربائي يبتلعه..وهو يبعدها عن قدمية بـحقد ويجر خطواته المشتعلة للخارج ويتركها تبكي
.
.
.
من خوفتي لا أحترق جنّبت
هربت من شمسك لظلك
.
.

يوم جديد...!
.
.
.
...\ذا وش قصته..مسوي حزين ومتيم وهو كذوب..واني انا الوفي الي ماراح اقرب النسوان عقبك...اقول ياكذبك بس عطني وقت بس لاخليك ترقص على رموشك يابو رموش طويلة..!

كانت تعدل بيجامتها الحريريه وهي تسير أمامه ثم جلـست على الاريكة بجانبه وهو يرتشف الشاي وينظر في المنظر الخلاب الذي امامه
فقد كانا في منطقة ريفية وكأنها قطعة من الجنة..!
وكأنها غير موجوده أبداً...
حركت رموشها بخبث وهي تسبلها له عندما القى لها نظرة من تحركاتها الكثيرة..
غيام بستغراب..\فيك شي..ترا هذا اسمه اعاقه مو تميلح..!
غرقت في ضحكه هادئه....\البارح وش حلمت فيه صدق..!
غيام بستغراب..\ماحلمت بشي الحمدلله..!
ورد..\الا..معقولة ماتذكر..!
غيام استوا بجلوسه وهو مستغرب..\لآ..!
ورد تحرك يدها بهواء..\تصارخ واسمي عليك وتصارخ اول شي احسبك تستهبل وتبي تخوفني بس طلع صدق واسمي عليك واقرا عليك ونمت عقبها على يدي...صدق مو متذكر..؟

غيام بصدمة..\لاوالله مو متذكر بسم الله وش الكابوس الي م روعني كذا غريبة..!
ورد..\رحمتك صدق ياقلـبي عليك..كنت بكمل نومتي جنبك بس قلت بتسوي لي شي اذا نمت وانت ماتدري ..!


بخبث خالص..\صدق قولي ماراح اضحك عليك قولي وش كابوسك..!

عقد حاجبية بتفكير..\والله مو متذكر تبين الصدق بس غريبه اول مره يصير معي ذا الشي...

همست..\يمكن من ذا الكوخ الي ماغير كهرباء يطفى كل شوي..

صمت بتفكير يبحث عن هذا الكابوس في خياله فلايفلح بتذكر شي..!
غريب
همست..\بس لاتقعد تصارخ علي عشان اجي انومك بحضني واقرا عليك يدي البارح اوجعتني..تحصن ونم على وضوء!


أنا أقسم...
أن اجعلك تتمنى النوم بأحضاني..
وأستنشاق عبير شعري..!
ولآتجد نساء العالمين بعدي الى قلبك طريق..!
ولن تقف بنت رجل أمامي..!

.
.
.
من خوفتي لا أحترق جنّبت
هربت من شمسك لظلك
.
.
.

أبتسمت عمشاء بهدوء واشارت لها بترحيب..\هلا ياعهد تعال ياخالتك عندي..




عهد...\السلام عليكم...
من ثم قبلة رأسها وجلست جوارها..
عمشاء..\ها وشلونك الحين...

عهد بصوت مكتوم.\خالة ابي اروح لبيت خالي فهاد..وأبي اتطلق من ولدك ماقدر اعيش معه ماقدر خلاص..صح اني اخطيت بس الحين تغيرت ماكان عندي عقل مثل عقلي الحين..وفارس بس يبي ينتقم مني وبس..!

زفرة عمشاء بهدوء..\شوفي ياعهد...حنا ياامك با الدنيا ماحنا با الجنة عشان كل شي على كيفنا..ترا يوم خذاني عمك عقاب ماكان متقبلني مره..ابد...

عهد بصدمة..\خالتي على زينك ذا كله مايتقبلك مفروض يسجد كل يوم سجود شكر..!
عمشاء تبتسم ..\والله هذا الي اقولك..كان في ديرة وانا في ديرة خذاني بس يوم قالو له انها مزيونة واسمها الرمح من زينها ويسمع سوالف تروح وتجي يوصوفون زين الحريم ولايستحون بعض الرياجيل ونط براسه وخذاني..
عهد بستغراب ..\وكيف تعرف عليكم..
عمشاء تعدل خواتمها في اصابعها...\اخوي وهو كان بينهم خوي عرفهم على بعض..وذا الخوي كان يبيني وانا مابيه و مدحني عنده وقال ماهي بقابلة فيني وانا باخذ وحدة من جماعتي اصفطها لك ياعقاب قام تعرف على اخوي زين عقبها وخطبني..

عهد..\وبعدها ياخالتي وش صار..؟

عمشاء..\بعدها ياخالتك الرجال ماهوب صوبي..شكله كان بس يبي عيال يشيلون اسمه..عقب عرفت بطريقتي يوم اسحبه في الكلام انه متهاوش مع اخوه عشان بنت عم لهم خذاها اخوه وقطع في اخوه عقبها...

من ثم اردفت..\وعقاب طبعه شين ومايتعاشر من عناده بس انه رجال وبتلقينه دايم معك..

عهد با ابستامة خبيثة..\تحبينه ياخالة..!

عمشاء بصدق..\أحبه..الكلمة ذي شوي على ابو فارس...وهو يحبـني ويحب الارض الي امشي عليها الحين بس انه عنيد ومايبين كل شوي ذا الشي...

من ثم اردفت..\طيب لو اني يوم شفت الرجال صاد مني شليت قشي وطرت لأهلي ماكنت الحين بذي السعادة الي فيها معه..وانتي غلطتي على فارس وانتي كنتي تسوين عيونه..تحملي ذا الشي واكيد بترجعين تسوين عيونه..

سمعت اصوات في الدور الارضي جعلت عهد تستغرب وتنظر لخالتها..

عمشاء تقف ..\الله يستر هذا صوتي اخوي فهاد...صح..!

عهود وهي تقف مع خالتها..\اي صوت خالي..!




في الدور الارضي..!

فهاد غاضباً جداً..\لاياعقاب...ماهو انت الي يجهلك السلوم والعوايد...ولاهي بلك انت وولدك ذا الشي الي سويتوه..!

فارس بغضب..\وش تبينا نسوي يعني ..نحط عرس ويطبون علينا عمانها الي يبون الشر..مرتي وخذتها وبرضى امها..ماسرقت ولانهبت!

فهاد غاضباً جداً..\خذتها كأنها مسوية شي وتسترون عليها...وش تبي الناس تقول عقب الي سويته هااا..!

فارس بحدة.\ماهمني احد..الناس تقول الي تقوله..أهم شي انا وش شايف مرتي..!


عقاب بمقاطعة..\مالك الا الي يرضيك يافهاد...وأعذرنا ياأخوي انت وعمهم بغى الدم يوصل لركب هذاني جايبك وكافلك عقب ماضربت عمها لين اشتكاك وتلوم عمشاء وولدها يوم اختبص راسهم وخذو البنت عندهم...

فهاد..\ولو...كان نزلها في بيتي...وياخذها عقب مانحط له عشاء ..

عقاب يشير لأنفه..\على ذا...

عمشاء وهي تنزل الدرج وبأعتذار..\فهاد لاتلومني ياختك مابغيت كذا يصير لكن شي اهون من شي عمامهم مستشرين عليهم يختك
فهاد يرى عهد وبغضب..\جيـبي عبايتك يابنت...ولو يبيك ولد عقاب الليلة عشاك في بيتي ويسري فيك مايبيك يكتب ورقة طلاقك وننتهي من ملكة طالة..
كانت كلمات فهاد الصارمة ارعبت عمشاء وهي تعتذر له وتحاول به..
عهد التي ذهبت لتحضر عبائتها من دون ان تنظر لشخص الصامت المشتعل..!
والذي كان عقاب سوف يقتله لو تكلم وهو يشير له ان يبتلع غضبه..!

تدخل عقاب وهو يرى عهد ترتدي عبائتها في ثواني وتحتضن كف خالها..
عقاب يقبل رأس عهد ..\ونجيك لبيتك يابنت الكاوي والله ثم والله لو ظروفكم ماهي بكذا ان احط لكم عرس يتكلم فيه الناس اقصاهم وادناهم لكن مالكم الا يرضيكم وحنا المحقوقين ماهم انتم..والليله بيجيك وياخذك من بيت خالك...!

فهاد الغاضب شد عهد وترك اعتذارت عمشاء خلفه وهو يتجاهلها تماماً...


عمشاء بقهر...\ياعقاب فهاد زعل علي وزعل فهاد شين..!
عقاب بثقه..\برضيه ماعليك...والليلة تجهزو بنروح لهم ونتعشى وناخذ عهد ...وعقبه لاهدت اوضاعهم سويت عرس لرجال وعزمت الي يعز علي..

التفت يبحث عن فارس...وجده قد ترك المكان وصعد لغرفته..
.

.
.
من خوفتي لا أحترق جنّبت
هربت من شمسك لظلك
.
.
.
حاكمـ بستغراب متهكم...\ماشاء الله عليك مداوم عندنا ها اليومين ماتلاحظ..؟
تناول ورقه طبيه يعبث بها...\عندي ناس اعرفهم أزورهم وبتشوفني يمكن كثير...!
حاكم تناول الورقه الطبيه منه..\اترك عنك اوراقي وقم شف شغلك ...
أبتسم غتار بخبث..\تطردنـي شكلك..!
حاكم وهو يقف ويرتدي بالطوه..\تقدر تقول طرده..خصوصاً بشوف وش قصة نايب مديرنا يقولون قلعوه..!
غتار يقف بهدوء..\...ليه قلعوه..؟
حاكم بستغراب..\مدري يقولون ذمته وسيعه وبالع لـه صفقه بإسم المستشفى...وشكله اكلها صح..!
حركه عكازه ليتكـئ عليه فـ البارحه بطولها لم ينم من ألم أصابه فقد أتكئ عليها بكل قوته وهو يثبت ذاك القذر..\ايه يمكنه يستاهل..!
حاكم بـ أبتسامه..\انا بخليك الحين رح شف الي تقول من معارفك..!
همس غتار..\اقول حاكم ..انت تشوف بنت عمنا كثير..!
حاكم بغضب..\اتركها في حالها ومالك دخل فيها لاتكون ذي الي انت تجي ذي اليومين عشانها انت ناوي لك على بلا شكلك...!
غتار بـ أبتسامه..\لاتاكلني بقشوري...لا بس بغيتك تنتبه لها يعنـي بنت ووسط رياجيل اذا رجعنا فيها..!
حاكم بعدم مبالاة..\لاماعليك من ذي الناحية قول قطوه ماحد يقربها..تاكل كلن بقشوره...سبحان الله دمكم واحد صدق عيال عم..!
غتار يغرق في ضحكه \الله يسامحك خليت اخوك قطو الحين..!
اشار بيده مودعاً من دون يرد وهو يبتسم..!









جلـس قليلاً ليستريح فـ قدم تؤلمه من ثم شد الخطوات للخارج فـ الموضوع الذي اراد ان يأتي ليتأكد بنفسه ان الرجل الذي وعده نفذ وعده هاهو قد حصل...قد تم طرد هذا القذر..


خرج وهو يشد الخطوات للخارج لـيجدها...وكأن الله يضعها في وجها اليوم...
أبتسم بخبث...وهو يراها تودع لها طفلاً صغير مع والديه..
همست بصوت هادئ..\عادي يا ام عبدالرحمن الاصابات هذي تجـيهم وانا كاتبه له خروج وهو بخير وعافيه ورقمي معك أي وقت تقدرين تتصلين علي واطمنك..
ام عبدالرحمن وهي تودعها..\الله يكثر من امثالك واخلاقك العاليه ان شاء الله جلستنا هنا بتكون بداية تعارف لنا وتزورينا ونزورك ومايكون علاقتنا بس بمستشفى
ابتسمت.\ان شاء الله الله معكم..!

كان تحمل بوكيه ورد من الصغير عبدالرحمن وهو يودعها بـ ابتسامة طفوليه...
أغلق الاصنصير وهي واقفه ..لتسمع صوتاً غاضب يبدو لها مألوفاً...\يووو مالحقت عليه والباقـي فل من ها العالم..!
التفت له لـتجد مصدر الصوت الشخص ذاته المقيت..لتحاول تجنبه..وكأنها لم تره..!
همس..\متأكده انه طالع بوقته اخاف تطلع ها البزر وتوهقين بقضية ثانيه..!
عينيها الغاضبه وهي تحرك بطاقتها الطبيه امام عينه والاسم الذي يجمعهما يتراقص امام عينيه وبتهكم مقصود...\ماشاء الله عليك عندك واسطه قويه لدرجة اربعه وعشرين ساعه كافيه تطيـر الدكتور راشد من مكانه..!.
همس بذات النبره..\والـي اقراه الحين من بطاقتك الطبيه ان اسم ابوك كافي يطير اثنين مثل راشد من مكانه...ليش ماقصرتي العنوه علي..!

هي بذات البرود..\عنوه..!
على فكره ترا ماطلبت منك أي مساعده ومثل ماقلت ابوي يطير اثنين من امثاله بس انا ماحب احد يتدخل بمشاكلـي ولابشغلـي..وياليت انت بعد ..!.
قاطعها بـستغراب...\يعنـي ذوقياً العالم يقولون شكراً وانتي دكتوره وفاهمه ومثقفه..أقله كلمة شكر..!
فخر ..\انت في مخك شي..انا طلبت منك شي..انت ليش حاشر نفـسك كذا بيني وبينك مشكله تقول خلاص روح أشتكـني وخل الموضوع يكـون رسمي وبيد القضاء...بس انك تنط لي كذ كل شوي ماهو منطقـي ..!
أتكـئ على عكازه بـيده الاخرى وبتهكم..\صادقه ماهو منطقي انك توقفين بيني وبين الاصنصير وابي اطلع وانتي مانعتني..!
انتبهت فخر لأنها حقيقة تقف بينه وبين الاصنصير فتوتره وهي تبتعد بزفرة...!

أبتسامه مقيته وهو يستدير لها بعد ان ضغط على الاصنصير لينفتح له...
وبصوت ساخر\وقريت اسمك الطبـي الي ترزينه لك ساعه قدامي وعرفت ابوك..وعشان ابوك ماراح اشتكيك بينا معرفه قديمه شوي....ابيك بس تسلمين علـيه..قولليه غتار واتوقع الاسم راح يعرفه...!

فخر تشعر بـفوهة بركان فوق رأسها وهي تراه يدخل المصعد تركته...ليبتسم وهو يراها تغادر المكان...وحاكم يظهر فـي اخر الممر ويغلق الاصنصنير تحت نظرات حاكم الغاضبه..!
.
.
.


في المساء


في بيت ال فهاد..

كان عقاب يتحدث مع فهاد بودية بعد ان استرضاه وأصبح حديثهم ودياً...
همس فهاد..\وش سويت مع ولد اخوك..!
عقاب ببرود وهو يتجاهله..\لاتشيل هم..

فهاد همس بعد فترة وهو ينظر لرسالة أتته على هاتفه..\ياالله ياعقاب انت وولدك تاخذون مرتكم..

نهض فارس بهدوء ونهض والده...وشدو الخطوات بعد ان تركو المجلس الذي كان به اقربائهم من الدرجة الاولى...

دخلا البيت وكانت عمشاء وفخر تستقبلهم بـ المدخن والزغاريد والترحيب... وعقاب المبتسم قبل رأس عمشاء وشدة هي يده..ليقبل راسها ايضا فارس ويدخل لداخل...
عقاب الذي لم يدخل لـصالة المفتوحة...
همس فهاد..\ادخل مع ولدك...
عقاب..\لاخل امها تاخذ راحتها ماهي بعد تغطى مني..!
عمشاء التي بقت معه وعينيها تلحق فارس..همس..\يالله روحي انتظرك ..
أبتسمت وشدة الخطوات بجانب ابنها....بينما فخر بعد ان انتبهت لوقوف والدها وحيداً تمايلت له برقص ناعم ..!
عقاب الذي أنتبه ل أميرته رفع [عقاله..] لها وأشار بحركات رجولية أنيقة..

كان يراقص...حبيبته فخر...!
أميرة قلبه وروحه..
هي لاتمشي على الارض...
هي تمشي بداخل عينيه وقلبه..!


أبتسم وهي تقبل ذراعه ليضع عقاله على رأسها..

همست بحب..\جعل عقالي مايميل يابو فارس...!
قبل جبينها وانسحب لـرجال وهو يبتسم لها..!





كانت عهد تقف بفستان سهرة ناعم جداً بيجي اللون..أعتقد للحظة انها سترتدي عبائتها..لايدري..
كان شعرها ملفوف بطريقة انيقة ومكياج ناعم..
الهدوء الذي عم بعد الزغاريد والتبريكات...
قبلة على جبينها منه...
ودت لو أنها صفعته..!
صفعت فارس لاتريد قبلته..!
انفاسها المتوترة..وارتجافها من قربه اصبح مرئيا جداً
هي تخافه...بل مرعوبة منه وحقده الاسود عليها..!

عمشاء تبتسم..\ياالله قطعو كيكتم وأسرو دام مافيه تصوير..!

فارس بسخرية..\وليه مافيه تصوير ...مالحقتو تحجزون... ايه صح..!

عهد التي سرقت له نظرة قاتلة...وجدته يبتسم بخبث..ومن ثم تناول هاتفه وحضتنها بخفة والتقط صورة سريعه وبتهكم..\خلاص قضينا وهذي صورة لذكرى..!

كان حركته أسرع من الثانية وضع يده على خاصرتها وضمها بشكل سريع والتقط صورة بشكل اسرع لم تستوعب الا بعد ان حررها ..!

شعرت بدوار منه ومن خباثته وسواد قلبه...

ام عهد يقبلها فارس وهي توصيه بها خيراً وهو يشير بعينيه بـ أبتسامة وتودد...

عمشاء التي ساعدت عهد على ارتداء عبائتها ودعائها بتوفيق لهم..

ساعدتها للخروج معه لسيارة واركبتها بنفسها السياره ولحقت الخادمات بشنطة لها..

وقفت بجوار فارس قبل يركب سيارته وبهمس..\اوصيك فيها خير وتراها امانة في رقبتك لاتخلي حقدتك عليها يعميك تراك تحبها وانا دارية ...

أبتسم وودعها وودع والده الذي كان يتحدث مع عهد بعد فتح بابها
فخر التي كانت تنظر اليه من باب النساء اشارة له بتوديع...
لكن هو فتح الباب ونزل اليها..
ابتسمت وهي تشد الخطوات اليه..ضمها بخفه..همست له..\استودعك الله اذا وصلت الفندق دق علي طمني...وبطل خبال خلاص..حاول تفتح صفحة جديدة افضل..!
قبل رأسها من ثم ودعها...
ركب سيارته وتحرك
.
.
.
في بيت البندر...

كانت تضع كوب الشاي المزين بنعناع بجانبه وتقبل رأسه.\ماشفتك اليوم يبه...
أبتسم..\ماعليه ابوك اشغاله واجده..
نوره وهي تبتسم..\ولو لازم تاخذ لك راحه ماهو مشغول بعد جسمك عليه حق صح يايبه..
بندر بحنان..\اي اكيد..
نورة وهي تقف وترتب الاوراق التي امامه ..وشدت انظارها صورة با ايطار انيق والصورة قديمة...
همست بهدوء..\هذا اخوي غتار...
من ثم اردفت وهي تشد الايطار..\لا..مو...شكله عمي عقاب..!!!
ابتسم بألم..\شكل حاكم ماخلى شي الاعلمك به...
ابتسمت وهي تعيد الايطار..\انا بنتكم يابوي وعمي عقاب مهما طال الزمن ترا الظفر مايطلع من لحمه..!
بندر يشير بيده ..\طلع وخلص يابوك وخلصنا وسمحت خواطرنا الله يحفظه بس ويستر عليه..أجلس هنا يا ابوك..

لم يكمل كلمته حتى دخل حاكم..وبا ابتسامة..\ماشاء الله مجتمعين هنا وانا ماخليت مكان ادورك يانوره..
كان شد الخطوات ليقبل راسه والده من ثم أحتضن نوره الواقفه بجانب والده بخفه وقبل جبينها ..!

همس في أذنيها..\شفت الي رسمتيه فوق صح انا الامير والا يتهيألي..!
ابتسمت بخفوت وتجاهلته بعفوية وهي تقفز لتمسك يد بندر الذي ينهض..!
بندر بضحك..\ابوك شباب وناوي على الرابعه بعد..!
عقدت حاجبيها بممزاحة..\لاوالله ماتاخذ على امي عبير خل بس عنا طاري العرس..
غرق في ضحك..\خليني يابوك بطلق رجلي..!
هي تسير بمحاذته وتبتسم..\ابد لين احطك بفراشك..يحصل لي يابو غتار اسند ايدك..!
بندر بهدوء..\جعل ربي يرضى عليك..
كانا يتحدثان غير ابهين با الذي خلفهما بقى وحيداً..
حاكم الذي يراها تبتعد عنه وتلتصق بوالده شعر بشي في صدره لايدري ماهو..!
.
.
.
في وقت متأخر من الليل شعر بتضايق في نومته فأراد تعديلها..
أصتدم باالوسادة الناعمة التي تحت رقبته..!
ناعمة جداً...جداً...ولينة..!
أستغرب فاالوسادة التي نام عليها ليست مريحه.. و الرائحة تقترب منه لدرجة تلتصق بثيابه..!

عندما شد نفسه ليجلس...تفاجئ بإنه في أحضان ورد..!
الذي فعله بصدمة هو ان حركها بقوه..لتفتح نصف عينيها بخبث..
ورد..\وش فيك بعد...!
غيام بستغراب..\الكابوس مره ثانيه..!!!
تحركت بنعومة..\مره مسوي نفسك ماتدري..انت لو فيك هذا الشي من قبل عرسنا وتسوي فيها اني ماادري قول اني اتعب في النوم وبعذرك يعني وش بسوي ماهي أكبر من عثرتك هذيك الي بلعتها ..!

يكاد يجن..لآيتذكر شيء ابداً..!

وبحده..\تستهبلين ولاعمري صار فيني كذا...وش سويت..!

بتمثيل متقن وهي ترفع يدها بتثاوب من ثم..\قعدت تصارخ وابد مو واعي مسكتك وقريت عليك وصرت تهدا شوي شوي لين نمت بسم الله عليك..!

عينيه المندهشة..!

همست...\والحين نام ..انا نمت وماخلصت قرايتي عليك عشان ترتاح بنومك...!
ترك يدها وهو يضع رأسه على الوسادة القاسية عينيه في السقف ويكاد يجن من هذا الكابوس الذي لايتذكره..
شعر بيدها الناعم تنغرس تحت عنقه لم تعطه مجال للكلام فقد كانت تقرأ ايات وتنفث ....أرتاح على صوتها الهادئ...
وعلى رائحتها التي تجعله يهداً قليلاً مع ترتيلها لايات تحفظها..
عينيه بدأ يداعبها النوم...أغمضها وغرق بين احضانها من جديد..!



أيه نام أحسن لك..!
اذا هم عشر فا انا ورد بنت سلمان..!
وش زين نومه يهبل كنه بيبي مايتحرك ولاشي..!
وزينه يناس ..!
يمه يا الرموش يمه يمه...شكلي بنتفها له في يوما ما..
أغار وش اسوي..!!!
.
.

من خوفتي لا أحترق جنّبت
هربت من شمسك لظلك

.
.
.
.
بعد ساعه تأكدت انهم يخرجون خارج الرياض...ليس لمطار ولا لفندق..!
قلبها ألمها وهي لاتدري ماهو فاعل..
فا الصمت المطبق الا انفساهما الاثنين طوال الساعه..
لم يتكلما..!

كسرة هي الصمت بـستغراب...\حنا وين رايحين..؟

شاهدت نصف ابتسامة مقيته..\اوو نسيت اعلمك انا اسف عروستي الحلوه...جدتنا فلوه كلمتني وزعلانه تقول ليه مانتظروتني احضر عرسكم عاد انا مابغيت اكسر في خاطرها قلت انا بجيك وعروستي نقضي عندك اسبوع عسلنا واستانست واجد...!!!


شعرت بألم في رأسها ودوار عميق..!

معدتها تتألم من الذي تكلم به..!

لم تصدق..او لم تستوعب..!!!


همست بعدم تصديق..\تبـينا نروح لديرة عند جدتي..!

..\ايه ماشاء الله سياحة وطنية وجدتي الغالية وديرتهم المزيونة..وش نبي اكثر..!


عهد بعدم تصديق...\فارس انت بكامل عقلك ولاتمزح علي..!

حرك كتفيه بعدما مبالة..\نسيت يافلوة الصغيره انك انتي راعية برستيج وبيسألونك صديقاتك وين قضيتي اسبوع عسلك..عاد قولي لهم بديرة حبينا نجيب شي جديد ..!!!

عهد بغضب..\كم مره لازم اثبت في مخك اسمي الجديد وبعدين انت دامك حاقد علي بذا الشكل ليش تممت هذا الزواج ليش تفنن انك تذلني ليييش..!

لم يرد عليها...بقى صامتاً من ثم همس..\طريقنا طويل حاولي تنامين احسن لك ولطاقتك من ذا الصياح..!

رمت بنفسها بغضب على المرتبة من جديد وهي تسبه بداخلها باأبشع الكلمات...
عثرة بحظي معك يافارس عثرة..!
ياالله ديرة جدتي فلوة..!

يارب صبرك ...!

لآأصدق...!

.
.
.
بعد ساعتين..
شعر بها قد نامت...لم يكن يريد ان يفعل بـ أمرأه هكذا..!
لكن هي تستحق اكثر واكثر...
قلبه ممتلئ غيض عليها ممتلئ..
ولن يغفر لها ...
قشورية..سخيفة..!

نظر لها بطرف عينه...
وجد رأسها قد مال بـ أتجاه..وقد وضعت نقابها بين احضانها..
لآيدري كيف نامت..!
فقد شعر بـببكائها العميق..!
وتظاهر بإنه لايسمع عندما كانت يعلي على صوت الشاعر الذي بسيارته..!
القى نظرة أخرى..!
هاهي الان معي..!!
صف تلك الرموش المطبقة..مكياجها الخفيف الناعم..
وجها المملؤى حزن وتعب..وخيل له هم أيضاً..
رأى مخرج الذي يزينه أسم قريتهم...
أبتسم بخبث...!
من ثم أوقف السيارة بقوة بعد ان صعد عليه لتتوقف بشدة..
قفزت مفزوعه...\وشششش فيه وششش فيه..
كانت تتلفت بخوف....ورعب ..تعتقد ان سيارتهم قد انقلبت..!
فارس بهدوء..\جالس أتاكد من أسم قريتنا على اللوحه وش في قلبك قلب حمامة..!

شعرت بغيض كبير..وهي تتحسس رقبتها..اعتقدت انها كسرت...
من ثم صرخت بغيض..\صدق انك خبيث وقاصدها اكيد..
فارس بتهكم ..\قلبك أسود..عموماً أهلا بك في ربوع المالديف..!
همست من بين اسنانها وهي تتجه بعينيها بغيض لـجبال التي استقبلتها..\مالديف فارس...!
فارس..\اي صادقه..هذي مالديفي ريحة جدتي فلوة لبى جدتي جعل من يكره ديرتها يفداها..!

تجاهلتها وأرتدت نقابها ماهي الادقائق معدودة وهو يقف امام بيت جدته..
المنتشر بحوشه النخل..واشجار السدر العتيقة..!
يااه..!
منذو متى عن هذا المكان..!

نزلا كلاهما من السيارة...الابتسامة اشرق به وجه...وهي العبوس تملكها ...
همس وهو يراها تشد الخطوات..\وين ان شاء الله من بيشيل شنطتك..!

بصدمة..\تبيني اشيلها..

فارس ببرود...\اي نعم..شيليها ماني بعامل عند اهلك..وهنا الحرمة تسوي كل شي بنفسها..!

بغيض..\كيف اشيلها وانا كلي رضوض ..ماهو بلازم بلاش منها احسن.!

تجاهلها ودخل بيت جدتهما غير أبه بها أضطرت ان تحمل حقيبتها بعد أن رأته حمل حقيبته الخفيفة ...حمدت الله ان حقيبتها صغيره..!



عندما توسطا الصالة كان ينظر لساعته وينتظر جدته تفرغ من وترها...
بعد ان سلمت كانت تستغفر وشد الخطوات لها وقبل رأسها بهدوء..
فلوة بفرحة..\ماشاء الله جيتو ماحسيت فيكم يامرحبا يامرحبا..من يوم كلمتني وانا اتحرا لكم ..

فارس بضحك..\جعلني ماخلا من الي يتحرا لي يا فلوتي..

عهد التي قبلت جدتها...من ثم لم تقاوم انخرطت في بكاء عميق..!

الجدة فلوة بستغراب..\وش فيك ياجدتك...عسى ماشر..

فارس بعدم اهتمام..\دلع عرايس ياجديده قالت جدتي ماحضرت عرسنا لازم حنا الي نجيها ونجلس عندها اسبوع عسلنا..وجيت عشان خاطرك لاتزعلين كله والا ام فهاد أمورنا صارت بسرعه والا عرس ماتنورينه ماهو بعرس

الجدة..\الله يبارك لكم ياولدي وجيت وراح زعلي تخبر جدتك ادنى مارضاها

فارس بتعب..\ياجده لي يومين مارقدت زين وين ناوية تردقين عيالك ترى منهد حيلي هد

الجده...\في ملحق خوالك الي في حوش الرياجيل قلت لشغاله تزينها وتفرشها لكم

فارس بخبث..\جده ملحق خوالي..؟؟؟

الجدة..\اي ياامك ملحق منعزل وزين لكم وانا من الصبح جارتي يجوني ماودي ازعجكم وانتم معاريس

غرق في الضحك..\جده ماقصرتي انا فداك بس انا خابر ملحقهم قبل كانو يسمونها الملحق المسكون وحنا صغار اذا زرناك من اول مانقدر ندخله من الخوف

الجده..\ياوجه الله مسكون وش ها الحكي هذي ماغير علوم خالك حمد الله يرحمه يقول مسكون عشان يهججكم وماتحوسون عليه


حمل شنطته بخفه وشنطة عهد..\اي اجل انا بروح لها وانتي نامي اكيد انك تبين النوم الحين بعد..مشينا ياعهد..

قبلت عهد بصمت رأس جدتها..وشدت الخطوات خلفه تحت دعاوت جدتها بتوفيق..

هي كانت ترتجف...وتمشي خلفه حتى وصلا الملحق..

دخلت بخطوات متوترة وهي تطلق التسمية ..

فارس بخبث..\وش فيك تنافضين عسى ماشر.؟

عهد تتفحص الملحق بعينيها..

فارس..\لايكون مصدقه ان الملحق مسكون..

عهد بخوف...\يمه بسم الله علي..

فارس بتهكم...\بروح اجيب باقي اغراضي...
عهد تتمسك بذراعه..\وين تروح وتتركني هنا بلحالي..
فارس بحده..\اقول خلي عنك الدلع وخليك مره تراك منتي ببزر
عهد ببكاء..\بزر ولا مو بزر ماني فاكتك وماابي انام بذي الغرفه بروح انام مع جديده..
فارس بغضب..\سلامات تنامين مع جدتي وانا ان شاء الله وين انام على باب غرفتها..
اقول بس تعوذي من ابليس ولايكثر ومالك نوم الاهنا معي ترى صديقاتك ماهم دارين ان فلوة على سن ورمح ليلة عرسها في بيت في قرية بدال مايكون في افخم الفنادق وبدال السرير الفخم على الارض بننام

نفض يدها بعنف..وخرج..!

وقفت بتصلب وهي تنظر للمكان وتكتم دموعها كيف لاتفرحه ايضاً..!

بعد لحظات دخل هو ببقية اغراضه ووجدها كما تركها..!

فارس..\ليش ماغيرتي لبسك ولانزلتي عباتك تراك في بيت اهلك وبمكان نوم مانتي ضيفه

عهد..\والله العظيم مانت بصاحي انت من جدك تبينا ننام هنا ومالقيت الا الملحق هاذا
فارس بتقطيب حاجب..\عسى ماشر وين اجل تبين المحلق ماعندي مانع روحي خوذي لفه على بيت جدتي واختاري لك غرفه الي ودك ننام فيها..!
عهد بقهر..\ماني مصدقه انك فارس انت انسان ثاني عمري ماتخيلته
فارس يقاطعها..\وش الي متخيلته فارس الي يموت بتراب رجولك ماقدرتي حبه لك وافقتي عليه وانتي مشمئزه منه ماخذته مجرد جسر عشان توصلين لاحلامك..تبين من وراه فلوس وحياه مرفهه وسفريات ودراسه بدوله الي تبينها لاتضربين بعلالي..!
من ثم اردف بسواد قاتم..\وفارس الدب الي خلف الكواليس ياويله ان طلع يحرجك..بشكله السمين واسلوبه الخجول..انتي حتى صور ملكتنا تعمدتي تخفيني فيها نهائياً..ولو بكيفك ماصورتي معي اساساً بس غصب جاملتي امي وامك
انسانه سطحيه عديمة احساس ..!!!

تركها وخرج بعد نفذ سمه بوجها...

عهد بعد ان اخترق كلامها حاجز قوتها الضعيف رمت نفسها على مفرش الارض وبكت بعمق..

بعد نصف ساعه تمساكت قليلاً..وفتحت شنطتها واخرجت لها روبها وبيجامه تريد ان تغسل كل همها بدش دافئ

خرجت من المكان لتواجها الخادمة

عهد...\جدتي وينها...

الخادمة..\جده نوم خلاص وقت متأخر

عهد..\طيب وين الحمامات البيت متغير علي ماهو زي قبل

الخادمة\ايوه بابا فهاد سوي تصليح كل شي غير

دلتها الخادمة على الحمام ...

دخلت واخذت لها دش سريع من ثم خرجت بخطوات سريعه وهي ترتجف...
كان فارس قد سبقها للغرفه وتمدد على فراشه ونام..
كان ينام بدون لحاف كعادته...لايحبه كثيراً يشعر باالحر حتى ولوكان بعز الشتاء..
هي نظرة له بحقد ودعت من صميم قلبها ان لايهنئ بنومه ويشاهد كابوس مرعب...

بعد جففت شعرها بمنشفة معها لكنه مازال رطباً ندياً...ارادت ان تنام في زاوية المكان وتحركت لزاويته الغرفة واخذت لحاف صغير كي تنام به..
لكن ما استلقت حتى عاد اليها كلام فارس عن الملحق المسكون..!
جلست بخوف من جديد وهي تقرأ اية الكرسي...
نظرة برعب للمكان..
تريد النوم ...!

قررت ان تنام بجانبه..وتود لو ترفسه أيضاً يستحق..من ادخل في رأسها شي لاتدري هل هو صحيح ام لا

استلقت بجانبه وشعرت ببرد وتلحفت ببطانية دافئه..

من ثم نامت على جانبها الايمن..وقابلت وجهه ..!
كان مغمض العينين تكاد الوسامة من تفاصيله تتفجر
لاتدري كيف اصبح بهذه الوسامة المطلقة
من بعد رجيم فقط..!
كانت عضلاته تكاد تمزق التي شيرت التي يردتيه..
تشاهد حتى عضلات معدته..!
أي تمرين شاق كلماتي ومشاعري الغبية أدخلتك فيه..!
أي ايام وشهور مرت عليك..قاسية..!
ليت لساني قطع..ولم أجرحك بهذا الشكل المؤلم..!
تحولت لشخص اخر..!
وسيم نعم وكما أتمنى وأكثر..!
لكن مملؤى بـ الحقد والسواد..!
ليتني لم اكن سطحية يافارس..!
وليتني بقيت حبيبتك المدللة.!


كانت تمد يدها بهدوء لطرف ذراعه..تحسسته بهدوء..
دافئ جداً..وكأن ليلي شتوي لايعصف بنا ..ودفاية قديمة فقط من تدفئ المكان هذا..!
حركت سبابتها بهدوء على ذراعه..تشعر باالندم..والبكاء العميق الروحي..!

تراجعت يدها لـبطانيتها وهمت با ان تغلق عينيها

اطبقت عينيها علها تنام...وبعد ثواني شعرت بـقربه...وقبلة...قبلتين...تبعتها قبلات..!

فتحت عينيها ودفعته بهدوء..\أجلها ..!

عينيه القريبة من عينيها..صوته المنخفض..ونبرته المرعبة..\سلامات ياقلبي سلامات ليش اجل انامتزوجك ارز زولك خلفية لجوالي والا تحسب علي الحالة الاجتماعية متزوج..!
قبلة باردة اخرى ..!
عهد بدموع..\الله يخليك فارس لاتحرجني الي فيني مكفيني وفوقه حمام جدتي الداخلي مافي سخانه بموت طلعت..!
فارس بتهكم..\مقدر حياتي..وحمام الرجال فيه موية حاره تروشي هناك..لكن خبالك لو استمر لاتلومين الا نفسك..!
قطع كلامها بقبلات...وهي بعبرات..!.

.
.
.
نقف هنا
.
.
.
همسة محبه/ الحمد لله حمد يليق بجلالة وجهه وعظيم سلطانه
.
.
.
اللقاء يتجدد ان شاء الله السبت القادم.،

.

اووووو بارت ناري على جميع الأصعدة><
..

لقاء غتار وعقاب
ياسلاااام كل واحد قاعد يسدد سهام نارية على الثاني
لايقين على بعض سبحان الله!

غتار
بكذا نقول وقع في حب وغرام فخر
لا الحين بصف مع البنات ونبي نزوجه قريب هههههه

ورد
ياشيخة كفوو كفوو
بصراحة أتوقع غيام راح يرجع بنص عقل منها ههههه
وربي جننته المسكين وقام يضرب أخماس ب أسداس

فارس
يالطييييييف وش هالحقد كله وربي زودها!
إن شاء الله ترجع دب هههه فيس حقد عليه

عهد رحمتها رحمتها رحمتها قسم حالها يبكي!

حاكم
كأنه بدأ يغار على نورة من أبوه! هههه
نورة ماشاء الله ماخذة قلوب اللي بالبيت كله بتعاملها ولطافتها.

رياش من جده ذا؟
أجل يبي فخر هههههههه
لا وجاه الرد اللي يشيلها من مخه!
أجل أبو كرشة يبي فخر بنت عقاب يحلم!

غتار وفخر راح نشوف لهم لقاءات كثيرة
وشكل غتار بيداوم بالمستشفى أكثر من أخوه! هههه
بس ما ألومه الحب أعمى :)

وش بعد! اممممم
تسلمين أم اليزيد بصراحة بارت ولا في الخيال
عاد الحين طار النوم من جمال البارت جد
الله يعطيك العافية يارب

..