ي مسا النور والسرور ،،
تسلم الايادي ي ضمضم ،، هالعثرره حببيتها حيييل ع ان اللقاء مووجوع بس يكفي انه حصل..وهذا اللي بيخلي العثرات الجايه في تحول 🤓.. والنيه اليوم أكون اول وحده متواجده 😋
صحيح كلامك يمكن الغلطه مالها علاقه بالشخصية .. بس الشخصية هي اللي تحدد الواحد وشلون يتعامل مع هالغلطة ،،
سووري ضمضم ادري مايهوون عليك نسب بندر بس يعني هو شوي يقهرر🙃
وعلى ان بارت فيه خيوط ومجاوب كل الاستفسارات..
طيب انا كل استفساراتي كنت عارفه جوابها ههههه كيفي وانا واثقه🤓بس ترا صدق يعني كل اللي في بالي قبل موجود😋
وع اللقاء ش اقول بس .. الصدق هالمره كسر خاطري بندر ،، الحركه ماهي سهله ابدا ،،،
يوم سمع اسمه فز قلبه ،، وشلون شوفته عاد ،، ولا انه يعدي من ناحيته ويطنشه،، شي يعور القلب الكل يسلم عليه وهم اقرب قريب نفاهم من هذا كله ..
انا متخيله يده الممدودة وعينه بعين اخوه بعد هالسنين كلها ،، عقاب كيف قدر يقطع تواصل العيوون كيف قدر يشيل عينه من عين اخوه بعد هالسنين ويتركه وييده المعلقه بالهوا ،، يوم قريته احس وجهي برد كيف قوى قلبه يسوي كذا ،،
الموقف ماهو سهل علييه وهذا هو اختنق ويالله يتنفس ..
وش بيضره لو مد يده وسلم عليه حتى لو انه زعلان ولا انه يخليه فرجه للي في المجلس😔
ولااا يوم اقول لنوف تقولي يستاهل بندر هو اللي يحط نفسه بمواقف بايخه هههههههه ابدا ماتبحل بالعذر لعقاب لو ايش😂
تمنيت ردة فعل بندر زي غتار ،، بس هالمره ماالومه اذا من اسمه فز قلبه اتوقع انصدم ومااتوقع هالحركة من عقاب عقب هالسنين كلها..
عقاب كأن الشعور عنده وقف عند نقطه معيننه من الزمن ،،
الولد الطايش وعمه اللي يطرد فيه ويسبه ،، مقارنته مع اخوه العاقل وتفضيله عليه ،، هو حس ان عمه وأخوه اتفقوا عليه وأخوه هو اللي وقف ضده عشان الطيش اللي كان فييه ولا انه اخذ بيده ،،
اللي لاحظته ان العنود ماكان لها او لحبها وجود في هالذكريات الموجعة ،، مجرد لووم لعمه ع تزويجها لبندر اذا كان نيته انه يحفظها ،، الظاهر حبه لها طلع من قلبه من سنين ،،
وإن الحكايه ينقصها الأموات عشان يثبت لهم شلون تغير ،، عمه.. النفود ،، والعنود ماكانت جزء من هالحكايه
جا في بالي يمكن عقاب يقول لبندر من باب المستحيل رجع لي الزمان والأشخاص واعتذر له في المجلس كان فيه اول 🙄.. او يبي اعتراف ان صار افضل منه ،، يعني في شي معين ممكن يخليه يرضى عنه .. لان السنين ماداوته ابدا واللي في قلبه لبندر كأنه حصل امس ،،
اذا هو يتابع اخباره اول بأول يكون حنيين خفي لاخوه بس كبرياءه و عناده ماهو راضي يتنازل..
حتى التفاصيل اللي بذاكرته ..عطره .. لونه المفضل.. عقاب مرهق نفسه بالمكابرة،،
اقتباس :-
المشاركة الأصلية كتبت بواسطة ضمني بين الاهداب  |
راقبت الزمن وهو يقسو عليك..دون اخ..!
|
هالجملة عورت قلبي ،، كيف مرت عليه السنين بدون عضيده ،، وبمراقبته هو لهالسنين .. وأصعب شي ان الزمن مايتعوض ،، خلاص والله السنين هذي كاافية عليه ندم الين قال بس ارحم شيبته .. انقطعت علاقتهم من هم شباب واللحين قدهم جددوا،،
ابو محمد يظهر ان صديق مقرب من الاثنين وخابر كل اللي بينهم ،، تمنيت انه يضغط أكثر ع عقاب ويدخله معه ولا انه يتركه ،، متفائله فيه وبمفاتيحه من يوم مااقال أفرك خشمه🤓 اتوقع بيقوى هالعناد اللي براسه..
ويكون عقاب مسمي فارس عليه من غلاته عنده 🤔
غتار اتضحت نيته في خطبته لفخر انه يبي يرجع علاقتهم لبعض ويسعى ان هالقطيعه تنتهى..
|
اقتباس :-
المشاركة الأصلية كتبت بواسطة ضمني بين الاهداب |
شفت تربية بنيدر..يخطب في عزا...وتلومنـي في اخو مثله شفت خباله في عياله مايعرفون حتى يهرجون..!
|
بِسْم الله على قلبه والمواحن وقلة الحيا اللي سواها في العزا ماهو خبال بعد 🤕 يوم يخلي العالم تتفرج عليهم ..
ترا حتى عقاب ماهي سهله عليه الحركه آللي سواها،، قدر يضبط انفعالاته بالمجلس بس يوم رجع ماهو قادر من العصبيه اللي فيه.. هذا هو فرغها في عمشا ،،
عجبتني عمشا ماسكتت له وقالت اللي مايبي يسمعه من سنين ،، انا كنت استغرب كيف انها عارفه بالقصه وبالعتها وهي تشوف هالقطاعه اللي ظاهريا انها سالفه مره ،، كيف استحملت نظرات الناس اَهلها اللي عارفين بالسالفه حتى لو ماليه يدها من عقاب،، قدام الناس مالها تفسير هالقطاعه الا ان عقاب مانسى العنود...
رياش انا عندي شطحة بخصوصه،، ان هو اللي بيزوج بندر بدل مايزوج عقاب طبعا بعد مايصلحون ويصلح الحال ،، من الفرحه بالصلح رياش يخطب لبندر اخت الذهب 🤓
تسلم الايادي ي ضمضم ويسعد قلبك ع هالجمال اللي نستمتع فييه وكل ماله ويحلوو😋
والاكيييد بانتظار قصر المرايا متحمسة لها حيييل حييل وخاصة مع الرسومات الجميلة من المتابعه الاجمل 😋
31-03-17, 01:18 PM
جديد مواضيع قسم القصص المكتمله من وحي قلم الاعضاء
العرض العادي
