متمللة
فين الفصل
منتظرينك

" البارت الخامس "
بوسط الغرفة البسيطة .. كلش محيوس وغادة جالسة ترتب شناطها وتضب غراضها دخلت ابتسام : غدو الغدا جاهز
غادة : جايه جايه .. بس بخلص هالشنطة
ابتسام ابتسمت : خلاص ثلاث ايام و بتفارقينا ؟
غادة : مين قال ..؟ بيضل بيتي وبزوركم على طول
ابتسام : طبعا . المهم لاحقه على الشناط تعالي تغدي وبعدين كملي
سكرت غادة الشنطة بإحكام وراحت لغرفة ابوها وجلست تتغدا : ااا جويعععاااااااه
ابو هيثم : تعالي تغدي يابوك .. لك فتره ماتاكلين كويس
غادة : ريجيم بابا .. ولا اروح لزوجي دبه يعني
ابتسام : تنحفي اكثر من كذا وعع .. والله نحفك يخوف
غادة : غيرااانه !
أبو هيثم : لا والله الحق ينقال ابتسام ازين منك .. جسم معتدل مب انتي
غادة بقهر : بااابااا !!
ابتسام : ههههههههه بعد عمري أبوي جعلني ما اخلا
غادة : مايهم .. اهم شي احمد عاجبه
ابتسام فتحت عيونها ونغزتها : استحي قدام ابوي
غادة : ماقلت شي غلط !
ابتسام مسكت راسها : اغسل يدي رسمي منك
غادة خلصت صحن سلطتها ووقفت : اقول حمد الله شبعت .. اكرمكم الله
ابتسام : ويين تعالي غسلي معاي المواعين
غادة : مقدر لازم احافظ على نعومة يدي .. بعد غيري يسوون عناية عرايس كامله وانا مالت
ابتسام : اقلبي وجهك .. صدق مامنك فايده
***
في صالة رياضية كبيرة مليئة بانواع الآلات ..وانواعج الاجسام الرشيقات والبدينات .. زادت سرعة جهاز المشي وهي تركض وانفاسها تتسارع لحد ماحست انها بتنقطع وقفت الآلة ونزلت وهي تشرب الموية .. جتها المدربة : ليش وقفتي ..؟ تركيزك مو تمام اليوم ياميهاف
ميهاف : معليش ديانا شوي مصدعة
ديانا : ماينفع لازم يكون عقلك صافي
ميهاف : انا طالعه اسوي لي مساج
ديانا : راح تجي بكرة .؟
ميهاف : اكيد
دخلت غرفة تبديل الملابس وهي ماسكه رقبتها تحس فيها كمية توتر كبيرة .. بدلت ملابسها وعبايتها وطلعت من النادي مع السواق وهي للحين تفكيرها بحركات بدر .. يوتر فعلا تاففت لازم تتجاهله وتنسى الموضوع من اساسه لسى بتفكير انها بتنسى وصلت البيت وكان سيارته واقفه قدام الباب .. اكيد ينتظر نايف نزلت وضربت الجرس سمعت ينزل النافذة ويصوت لها : ميــن ...؟ بنت الجيران
ميهاف دون تلتفت : ايه ام فواز
بدر ( ههههه ام فواز اجل .. ع بالك ماراح اعرفك ) : اوه ام فواز عرفتك والله الوالدة تعزك .. كيف حالك خاله .؟
ميهاف ( خاله بعينك ! ) : الله يستر عليك ياولد .. ليش تتكلم معي ؟
بدر : نتكلم عادي ياخاله وش صار دام كلنا ملطوعين عند الباب .. ليش جايه ياخاله .؟ زيارة عاديه ولا ناويه تخطبين
ميهاف فتحت عيونها وش ذاه يهذري يقول ..
بدر : بنتهم ما شاء الله حلوه وخطابها واجد .. خاف انك وحده منهم
ميهاف ( ااا يقققهر .. والباب ساعة عشان يفتحون ) ... الفرج انفتح الباب تو بتدخل رجع يتكلم : معليش خاله تبطلون الخطبه خاطري فيها
ميهاف التفتت له .. وتو بتتكلم جا نايف طالع من البيت : هلا ميهاف .. جيتي ؟
ميهاف ( ليش تققول اسمي !! ) : هاه ايوه ..
نايف : يله اانا طالع بدر يحتريني برا لطعته
هزت ميهاف راسها بفهاوة ..
طلع نايف وبدر يلعنه بداخله .. وش جابك تو التفتت ابي اضيع بهالعيون اكثر ..اما ميهاف دخلت وهي بحيرة من جد معقولة صدق يكون بدر ناوي يخطبها ؟ ماكملت تفكير دقت على اسماء : هااالو
ميهاف : كيفك اسماء ؟
اسماء : طفشانة من الامتحاانات وطفشانة من التجبيرة وطفشانة من كلش
ميهاف : والله قلت لك تسجلي معاي بالنادي والله تسلية
اسماء بملل : اقولك رجلي مكسورة تقولين نادي ! هبله انتي ؟؟
ميهاف : اقول اسماء
اسماء : هلا
ميهاف : سمعت .. بس سمعت كلام ان اخوك بدر ناوي يخطب
اسماء : هاه ! من وين سمعتي ؟
ميهاف : صدق يعني .. ؟
اسماء ببساطة : لا مو صدق .. من اشتهر ومليون الف شائعة تنزل عنه فطنشي
ميهاف : اها .. يعني ما براسكم وحده تخطبونها له
اسماء : من جدك ميهاف ..؟ نزوج بدر وفراس لسى
ميهاف : هههههه معك حق .. صدق اني غبية
اسماء : وش تسوين اللحين ؟
ميهاف : لسى رجعت من النادي وابغى اتسبح .. اكلمك بعدين
اسماء : اوكيه . نعيما مقدما

***
في الكويــــت .. بمجموعة آلشمري : -
لؤي جالس بمكتبه بملل يوقع القرارات وتو طلع من اجتماع متعب رن جواله " فراس " رد : هلا والله
فراس : كيف الأحوال ؟
لؤي : ابد كلش تمام .. تو وقعت صفقة مع الشركة الجديده .. وخلصنا اجتماع فرع الجنوب
فراس برضا : تمام تمام
لؤي : وانت كيفك مع تركيا والمزز ؟
فراس : والله حتى ماصارت فرصة اتمشى .. في اجتماعات من جينا
لؤي : اذا خلص شغلك اجلس يوم سياحة
فراس : طبعا... خصوصا ان عندي سكرتير اعتمد عليه
لؤي : افا عليك ..( انتبه لسارا من نافذة مكتبه تدخل الشركة ) فراس احاكيك بعدين مضطر اسكر
سكرها ونزل لتحت حتى استقبلها بالردهه : هلا والله .. جيتي ؟
سارا : هلا فيك مدير..
لؤي : ايش هذي مدير ؟ قولي لؤي ابسط واحلى
سارا : اوك .. عموما مدير ما ابغى اطول بالكلام جايه اقولك اني ارفض العرض انا بجد مو ناقصة مشاكل
لؤي قبل يتكلم رن جواله .. طالع المتصل بضيق ابتسمت سارا : اتركك تشوف مكالمتك
قبل تروح بطريقها مسك لؤي يدها وبيده الثانية رد على الجوال وهو يطالعها : استني
لؤي : ايوه
نايف : هلا لؤي .. شخبار الكويت ؟
لؤي : تمام .. نايف فيه شي ضروري ولا اكلمك بعدين
نايف : ايه فيه ! .. ابغى فلوس
لؤي : اللحين ؟
نايف : ياليت .. لاني قدام السوق
لؤي : اصبر نص ساعة .. يله باي
سكرها .. وسارا سحبت يدها على طول : لا تحاول انا قررت وماراح اتراجع
لؤي ابتسم ابتسامته السمحه : ماراح امنعك .. ولا راح احاول اقنعك .. بس ممكن خدمة ؟
سارا : شنو ؟
لؤي : انا عندي اليوم مقابلة مهمة مع شركة هولنديه .. ومو محصلين مترجم فياليت تساعديني اليوم وبدفعها لك ( كمل بتوضيح ) كخدمة مستقله طبعا
سارا هزت راسها : اوك مو مشكلة .. متى بالضبط ؟
لؤي : الساعة 9
سارا : خلاص تمام اجل
لؤي : اشوفك
سارا : باي
***
أم فراس جالسة بالصالة وأنس قدامها واقف ومكشر : ليه يعني ؟
أم فراس : عشانك مادرست .. والله والله يا أنس لو ترسب ان امحطك واعلم فراس
أنس بصراخ : بدرس ساعتين ثم بطلع !!
أم فراس : الله وكيلك .. ادرس ثم انقلع
انفتح الباب ودخل بدر والمفتاح بيده يلعب به ويصفر : هاي
ام فراس : وعليكم السلام
جلس بدر جمبها مبتسم : كيفك يمه ؟
ام فراس : وش عندك . ؟ جاي البيت بدري وتسأل
بدر : ابي اشاورك بشي
أم فراس : شاورني
بدر بارتباك : هممم .. يمه تذكري قبل فترة لما اقترحتي علي اتزوج ميهاف
ام فراس باحباط : ايه .. وقلت سنفوره وماتعجبك
بدر ابتسم : غيرت رآيي
ام فراس فتحت عيونها : وشهو !! شلون يعني ؟
بدر : شفيك خرعتيني .. عادي بتزوجها يعني
ام فراس ابتسمت بفرح .. لكن اختفت ابتسامتها بسرعة وبنظرات شك طالعته : بدر ! تراي اعرفك لايكون خاطبها عشان تنتقم من لؤي
بدر بمزح : والله فكرة مب شينه
ام فراس : بديران !
بدر : إنا لله .. وش بديران هذي ماحبها .. ولا ماني منتقم انا خاطري بالبنت من جد
أم فراس : ان شاء الله يمه .. بس مو اللحين
بدر عقد حواجبه : شلون يعني ؟
ام فراس : تو خطبة لؤي متكنسله .. وللحين امورنا مو تمام وفيه توتر خل الموضوع هذا ينسى ثم بخطبها لك
بدر : يمه الله يهداك .. وش دخل هذي في هذي ؟
ام فراس : وانتظر لين يرجع اخوك .. ولا بتروح تخطبها لحالك
بدر : خلي الخطبة الرسمية على جنب .. اقل شي كلمي امها
أم فراس : قلت لك بعدين .. انا للحين مو قادرة اكلم زوجة عمك طبيعي عقب اسماء
بدر وقف بقهر : اللي تشوفينه
ومشى طالع لبرا قاطعته ام فراس : لوين رايح ..؟ الوقت متاخر
جاوبها صوت الباب يتسكر بقوه .. هزت ام فراس راسها .. هي اكثر وحده تبغى ميهاف لكن الظروف جت عكسيه .. مسكت جوالها ودقت على فراس : سلام
ام فراس : هلا يمه شخبارك ؟
فراس : حمد الله .. انتي شخبارك ؟ وشخبار اخواني ؟
ام فراس : حمد الله طيبين .. ماشتقت لنا يمه ؟ متى ناوي ترجع من الكويت ؟ طولت كثير هالمره
فراس : انا باسطنبول حاليا ومقدر ارجع .. ليش فيه شي ضروري ؟
ام فراس ابتسمت : تخيل وش صار من شوي ؟
فراس : وش ؟
ام فراس : بدر يبي يتزوج
فراس بسخرية : لقى الحرمه الاسطورية اللي تليق بشيفته
ام فراس : ايه بنت عمك
فراس ببرود : ميهاف ؟
ام فراس : ايييه .. والله هالبنت تمنيتها قبل لك بس حمد الله ماضاعت بدر بياخذها
فراس : شالسالفة هالاسبوع الا غصب تخلقون زواج يعني
ام فراس : ايه كلكم ماعدتو صغار .. وكل واحد منكم خالق لنا هم
فراس : والله زوجي بدر واسماء وانس لو تبغي .. بس انا اتركيني على جمب
ام فراس : بيهديك الله
فراس : هاديني دون بنت ابليس جمبي
ام فراس : اعوذ بالله .. وش هالحكي ؟
فراس : هذا الحق .. عموما قولي لبدر اذا يبغى يتزوج يمسك فرع الغربيه ويطلع المهر لاني ماراح اعطيه ولا ريال
ام فراس : انت تعرفه مستحيل يشتغل .. وعنده شغله ومكفيه على كلامه
فراس : شغل بنات شوارع .. والله لو انا عمي ما أزوجه لو يموت
ام فراس : اللحين انا مكلمتك ابشرك .. قلبتها مواضيع تضيق خلقي
فراس تنهد : سلامتك يمه .. بس انا ارفع يدي ولا ياخذ ولا ريال من المجموعة اللي ضيعت عمري اشتغل فيها وهو يسربت
ام فراس : بكلمه وبشوف ..انتبه على نفسك ولاتطول ارجع
فراس : ان شاء الله .. مع السلامه
***
الكويـــت /
كانت سارا واقفه قدام المطعم اللي بيحصل فيه الإجتماع .. تنتظر وصول لؤي ببنطال جنز ضيق وبلوزة بيضا فوقها جاكيت رسمي وشعرها البني الداكن مموج بطبيعته وصندل اسود .. بعد فترة وصل لؤي بسيارته ونزل بطله رسمية جنز وجاكيت رسمي ووجهه البشوش المعتاد : تأخرت عليك
هزت كتوفها : يعني
لؤي : كيف قدرتي تجي بدري بهالزحمه ؟
سارا : جايه مشي
لؤي : اجل بيتكم قريب ؟
سارا : تقريبا
لؤي : عموما تفضلي
دخلو غرفة الإجتماعات , ومر الإجتماع بسلام ..ولؤي منذهل بلغتها كأنها لغتها الأم غير كذا جمالها أوروبي .. وش اللي يخلي فراس يرفضها ..؟!
بعد انتهاء الإجتماع وبدو ياكلون طبق العشاء .. التفت لها لؤي وبصوته الهادي : ليش ماتاكلي ؟
سارا ابتسمت : لا شكرا .. شبعانه
لؤي قرب الصحن لها : مصر .. تعبتي طول الإجتماع
جاهم صوت باللغه الهولندية يضحك " هههههه هل أنتما احباء ؟ "
سارا حمرت وقالت بسرعه : لا لا .. لقد اسأت الفهم هو فقط رئيسي بالعمل
استغرب لؤي تلون وجهها .. طالعها : وشهو يقول ؟
سارا ماتت .. قالت تصرف : يسألني ليش ما آكل
لؤي : شفتي حتى هوا لاحظ , اكلي يله
سارا نزلت راسها وكلت بصمت .. ولؤي مسترسل يسولف وهي تترجم بهدوء بعد انتهاء العشاء وخروج الضيوف التفت لها لؤي : فين تعلمتي الهولنديه .؟
سارا : بمعهد قريب من بيتنا زمان .. قضيت فيه الصيفية
لؤي رفع حواجبه باعجاب : بصراحة انتي مذهله .. ومبدعه وخساره لشركتنا انك مو فيها
سارا : احرجتني من جد .. بس صدقني هي خساره لي قبل تكون خساره لكم
لؤي : أجل ايش الداعي نخسر ؟ اقبلي العرض ونشتغل سوا
سارا : أنت مو فاهم .. رئيس المجموعة صار بينا اكثر من موقف مستحيل يقبلني عقبها
لؤي تنهد : وش هالمواقف ..؟ أنا متأكد انك تبالغي
سارا :هو فعلا المواقف مو كبيرة مره .. بس هو عصب كثير منها وبسببها ماقبلني
لؤي : مو قلت لك موضوع فراس عندي
سارا طالعت الارض بصمت ... استرسل لؤي : عموما انا مابي اضغط عليك واعملي اللي يريحك بس رجاء اذا غيرتي رايك تعرفي فين تحصلينا
هزت راسها دون ترد .. لؤي بطريقه لسيارته : اوصلك بطريقي ؟
سارا : لا راح اوصل لحالي
لؤي : انتبهي على حالك
سارا : وأنت كمان
مشت بطريقها للبيت وهي تحس بضياع .. ليش قطعتي مشوار للكويت اذا ناويه ترفضي العرض ؟ ولا كنتي متأمله ان هالقاسي فراس يوافق ويندم .. ولما شفتي اللطيف لؤي صرتي تبي تشوفي قيمتك واهميتك وتتغلي .. غبية صدق مفروض قبلت العرض وخلاص .. !
***
اليوم التآلي .. صباح :-
دخل لؤي الشركة .. قابله مصعب : عندك ضيف بمكتبك ؟
لؤي : مين ؟
مصعب ابتسم : سارا والكر
لؤي مسك ذراع مصعب ونطق بشغف: امانه !
مصعب : هههههههه ايه .. جايه تسأل عن الشغل
لؤي سارع بخطواته لمكتبه ودخل : وش هالزياره الحلوه ؟
سارا : تسلم .. أنت قلت اذا بغيت اشتغل اعرف فين احصلك عشان كذا جيت
لؤي : فرحتيني كثير .. وصدقيني شغلنا مريح ومكسب بالوقت نفسه
سارا : مايهمني مريح ولا ابغى شغل مريح .. ابغى شغل يستغل قدراتي ومواهبي
لؤي : هذي هي الروح المطلوبة .. قبل نتناقش تفاصيل الشغل ايش تشربي ؟
سارا : قهوة سوداء
ضغط على التلفون وطلب لهم قهوة .. وناقشها بتفاصيل شغلها وهو متفائل بانضمامها لشركتهم ..
***
الامتحانات .. حاجه مزعجة لكل شخص وتصيب بإحباط .. سكرت الكتاب بطفش وهي تهز برجلها الكرسي لآخر الغرفه لاولها .. مافيه امل قامت ونزلت لتحت حصلت أمها جالسة بضيق .. جلست جمبها بقلق : ماما ايش فيك ؟
ام فراس تنهدت بضيق .. اسماء خافت اكثر: سلامات .. صاير شي ؟
ام فراس : بدر من أمس ماجا البيت
اسماء : مسافر ؟
ام فراس : على خبري لا .. بس اكيد زعلان
اسماء : ومن ايش ؟
ام فراس : طلب مني حاجه وانا رفضتها .. عشان كذا اكيد زعلان
اسماء : ايش هاللي طلبه ؟ غريبه عليك ترفضي طلب لدلوعة البيت بدر
ام فراس : مارفضت بس اجلته شوي
اسماء : حمستيني ماما .. وش يبغى حضرته ؟
ام فراس : لا مقدر اقولك .. انتي لسانك مفلوت
اسماء : ماما .. حرام عليك والله ما أقول
ام فراس : لا تحلفين ولا توجعين راسي ماراح اقول .. دقي عليه شوفي يرد عليك
دقت اسماء على جواله لكن مافيه رد .. طالعت امها : مايرد
ام فراس بهم : وينه يعني ؟
اسماء : شفيك ماما ؟ حتى لو زعلان ترا رجال يقدر يدبر حاله
ام فراس : ان شاء الله
عــــــند بدر /
بمنتجع خاص في بدر ونايف .. وجمعات ربعهم بمعنى استراحة بمصطلح ارقى المكان مليان اللي جالسين يلعبو بلاي ستيشن واللي على البلياردو .. واللي على فلم والموسيقى راجه المكان هو كان مرخي جسمه على الكنبه .. جا نايف بعد ماخلص لعب وجلس جمبه : شفيك متكدر ؟
بدر : قرفان من حالي .. قرفان من كلش
نايف : الله يلعنك يانكدي .. احد ينقرف وهو بهالنعيم
بدر بهم : ليش مقدر آخذ الشي اللي نفسي فيه .. احس حالي معدم
نايف طالعه باستسخاف : طول عمرك تاخذ اللي تبغاه .. ولما ماقدرت تاخذ حاجه صرت مسكين ؟
بدر : ماتعرف وش هالشي فلا تسوي حالك فاهم
نايف هز راسه : اجل شاقول انا ..؟ لي شهرين معدم من جد وماصرت مثلك
بدر : لازم اصير مثلك يعني ؟ حنا نختلف واللي يزعلني غير عن اللي يزعلك
نايف : طيب ايش هالشي ؟
بدر تنهد بصمت : ..
نايف وقف : بكيفك خلك منغمس بهمك .. ( رفع صوته ) مسعود وينك تعال تلعب لعبه ؟
اما بدر جلس يفكر كيف يحلها ... دق جواله " أسوم " رمى الجوال دون يرد .. ووقف طالع وبطريقه لبرا الصالة التجمعيه فصل سلك الموسيقى ...الكل طالع جهته وهو يكمل طريقه طالع ومحد يقدر يتكلم او حتى يرجع يشبك السلك لانه بيعتبرها تحدي على طول ومحد يتحدى بدر في عرينه .. نايف طالعه بصمت وهو فاهم ان بدر بهالنفسية لازم يترك بحاله وماتجي حتى ذبانه بوجهه لأنه بيحرقها ورجع يشبك السلك وما كأن شي صار : يله شباب كملو سهره
اما بدر من الأنانيه اللي بداخله .. منقهر انهم مبسوطين وهو مهموم مايبغى احد ينبسط وهو بهالحال .. المفروض يقيمون حداد على شرف همه ؟ ... حتى أنه من العجيب تعلقه بميهاف بهالشكل ...؟ لحد يفهم غلط هو مايحبها هو يحب جمالها .. وفيه انانيه ان هالجمال يتمتع به احد غيره .. والهم المبالغ بسبب كلمة " لا " ألي ماعمره تعامل معها ولا يعرف قوانينها ..الله يعينك على حالك يابدر
***
الوقت العصــر /
ابتسام طلعت للحوش تبغى تكلم دون احد يسمعها .. جاها الرد : ايوه بسومه
ابتسام : هلا هيثم .. كيفك ؟
هيثم تنهد : عايش .. شخبار غاده ؟
ابتسام : اليوم دخلتها
هيثم : عارف
ابتسام : هيثم مايصير ماتجي .. لازم تاخذها انت له مو حلوه يوديها السواق للفندق
هيثم : ليش ابتسام ماتعرفين اخوك ؟ يعني معقوله باتركها تروح كذا
ابتسام : ريحتني ... ( تغير صوتها للهم ) أقول هيثم مفروض تكلم احمد عن موضوع أمي ..
هيثم : كلمته .. وطمني انه ماحيصير شي
ابتسام ارتاحت من جد تحس جبال انزاحت من صدرها : الله يريحك
هيثم : ويريحك .. خليك معاها اليوم ابتسام وانا جاي بعد صلاة العشاء
ابتسام : ان شاء الله
رجعت ابتسام لغادة تساعدها بشعرها ومكياجها .. قالت ابتسام وهي تسرح شعر غادة: مادريتي اذا بتسافرون او لا ؟
غادة : لا والله .. هو حنا صار بينا تواصل بعد العزيمة عشان اعرف .. حتى عمي جاحدني
ابتسام : عموما شناطك جاهزه اذا بتسافرو
غادة : ايوه .. بس مو كأنه غريبه الدخله اليوم والزواج بكره
ابتسام : لا مو غريبة .. بعائلتنا هذا النظام من عرفتهم
غادة : اها ... يوه ياابتسام احس اطرافي باردة من الخوف
ابتسام ابتسمت : لا تخافي وتطمني .. صيري قوية غادة وبما انك بتسكني في بيت عمي ابيهم مايعرفون يغلطونك
غادة : والله مو حابه اسكن في بيت عمي .. وش فيها يعني لو نسكن لحالنا ؟
ابتسام : ايوه ! تو اقولك صيري سنعه .. لا تقولي هالكلام على لسانك بتخليهم كلهم يحتقرونك واولهم احمد
غادة : ماحقوله .. بس بجد قهر
ابتسام : مو قهر ولا شي .. بالعكس تتسلي وماتجلسي لحالك اذا هو طلع
غادة : إبتسام ..
ابتسام : ايوه
غادة : تكفين تعالي معاي الفندق .. بس وصليني وخلاص ارجعي
ابتسام : تكلمنا قبل كذا غادة .. ماراح اقدر اجي
غادة والعبره خانقتها : احسني لحالي بأهم يوم بعمري
ابتسام : منتي لحالك .. مخبيه لك مفاجأه
غادة وقفت بزعل: شكرا مابغى شي
وراحت تضبط مكياجها .. وتجهز فستانها بعد حوسة اللبس والمكياج خلصت اخيرا فستـان ابيض بسيط .. حتى انه مب مخصص للعرايس .. كم ياباني مع قصة بسيطة جدا من الخصر ومسويوب بشكل عادي طويل مع حنا لنص ذراعها.. وشعرها رافعته بتسريحة أنيقه بسيطه .. كانت كطلة عروس بسيطة جدا .. لكن طلعت جميلة بقوه بفضل جمالها الرباني ذقنها الدقيق .. مع ملامحها الدقيقه المرسومة كانت جميلة بجد .. واللي مثلها مايحتاج يتكلف مع مكياج روج أحمر دموي .. مع تسريحة الثمانينات كأنها من عصر الثمانينات فعلا ..
ابتسام دمعت عينها وهي تبتسم : الله ياغدو طالعه قمر ماشاء الله تبارك الرحمن
ابتسمت غادة نص ابتسامه .. ودخلت غرفة ابوها اللي كان اسوأهم حال وهو مو قادر يقوم حتى يفرح ببنته ودمعته على خده .. مسك وجهها بيديه المتجعده وباس خدها : الله يوفقك يابوك
ضمته غادة وبكت بحظنه .. وهو يمسح على راسها : أبيك ترفعين راسي يابوك .. ولا تعصين كلمته ووقفي جمبه على طول
غادة باست يد ابوها : ان شاء الله
دخل هيثم البيت .. ودخل غرفة ابوه على هالمشهد كسره المنظر مايدري وش يخنقه اكثر حال ابوه الشايب المسكين اللي مافي يده حيل نفسه .. ولا اخته الصغيره اللي تزوجت وشالت مسؤولية نفسها وزواجها كامله بنفسها .. لعن انسانه معينه بداخله على هالمنظر سحب نفسه بهدوء لبرا قابلته ابتسام : هيثم جيت ؟
هيثم بهدوء : ببدل وبجي ..
لبس ثوبه الابيض وغترته البيضاء..ونادر ينشاف بهالمنظر ابتسمت ابتسام اول ماشافته : ما شاء الله .. هيثم طالع عريس
هيثم ابتسم ابتسامه صفراء : تسلمين
جال بنظره على انحاء البيت حاله حزين .. ما كأن فيه عروسه وزواجها اليوم اخته ابتسام بشكلها العادي والبيت مظلم والصوت الوحيد فيه صوت التلفزيون الأخبار .. دخل لعند غرفة أبوه وغاده مازالت على حالها قرب لعندها وحط يده على كتفها : غدو
التفتت بسرعة ودموعها نزلت بغزارة أكثر : هيثثم توقعتك ماتجي .. والله آسفه مو قصدي اقولك ..
قاطعها هيثم وهو يسحبها لحضنه ويضمها بقوه ويده تربت على راسها وتدفنها بصدره اكثر وبصوت هادي : وليه عروستنا تبكي ؟
غادة انهارت دفاعات مشاعرها .. بكت من قلبها وراسها مدفون بصدره : كنت خايفه .. خايفة اروح لحالي
هيثم : اموت ياغادة قبل اتركك لحالك ..
ابتسام نزلت دمعتها ومسحتها بسرعة .. وهي متأثرة بمنظرهم بقعة بياض وابو هيثم متأثر اكثر .. ابعدها هيثم من حظنه وابتسم وهو يشر لصدره : شفتي وصختي ثوبي .. والله لو يشوفك احمد كذا يهج
ضحكت غادة وسط دموعها : ههههه اسفه
هيثم ابتسم بحنان : روحي عدلي شكلك وتجهزي نروح .. مانبي نتأخر
راحت غادة تعدل مكياجها ... وجلس هيثم على طرف سرير ابوه : كيفك يبه ؟
ابو هيثم بوهن : هذا عشمي فيك .. ابيك دايم كذا لاتترك خواتك
هيثم باس يده ابوه : تربيتك
ابتسام : بترجع هنا اذا خلصتو ؟
هيثم : بشوف
طلعت غادة ..وهي بعبايتها وقف هيثم وطلعوا يسلمونها لمصير ثاني
***
بعد ماخلصت السهرة .. والكل راح لمكانه طلع نايف وصعد للسطح عارف انه بيكون هناك قال بطفش وهو يطالع القمر : اذا ودك تشوف حالك .. اجلس داخل وبنجيب لك مرايه مشوار تصعد
بدر : احد قالك انك سامج ؟
نايف جلس جمبه : واحد قالك انك ثقيل دم .. اخلص علي شعندك ولا برميك من السطح ترا وصلت هاه
بدر : ماعليك نيوف .. بس تمشكلت مع امي على شغله ومابي ارجع البيت
نايف : بلاا ؟ انا طول عمري مشاكل مع امي واموري سليمه .. لا وفوق امي مشاكل مع ابوي بعد
بدر : ايه كيفك متعود تنكرش .. انا اللي ابيه بوصله
نايف وقف : اقول قم
بدر : وين .. بنام هنا اليوم
نايف : لا والله ماتنام هنا .. تعال نام عندنا بالبيت الملحق
بدر اعجبه الاقتراح .. بس قال : اخاف اثقل عليكم
نايف : افا عليك بس .. البيت بيتك امش بس
وقف معاه بدر .. وراحو للبيت وجلس بالملحق بس ماجت له فرصه حتى يسمع عنها وكان منتهي فنام مباشره ..
***
اقبلت يازينها تنثر خطاها .. تسلب الالباب تأسرها جبر
واغتشت الانوار من طلت سناها .. وانسحر في حسنها كل من حضر
وصلو الجناح المقصود للعروسين ..الموسيقى الهاديه والجو بألوان الوردي الخافت .. دخلت بحياء وهيثم جمبها وخوات احمد وامه تغطن .. رفعت عيونها وطاحت على احمد واقف بطلة العريس ومبتسم بفرحه .. التفتت لهيثم اللي ماسك يدها لحد ماوصلت لعمها وسلمت عليه وعلى زوجة عمها .. وصلت لعند أحمد مدت يدها ومد يده وباس خدها .. ثم سلم هيثم على احمد : غادة امانه يا أحمد .. وتراهي غالية
احمد : ولا يهمك
هيثم بحده : ولا تنسى اللي قلت لك قبل
احمد : زي الحلق بإذني
هيثم : ابغى افعال مو كلام
استاذن هيثم .. ثم طلـــع وفصخن الحريم عباياتهن وكلهن يسلمن على احمد ويباركون له .. استغربت غادة خواته ولا وحده سلمت عليها بس ماهتمت اكيد شوق زعلانه من آخر مره بس تستاهل ! حطت أم احمد الكيكة : يله قطعها حبيبي
احمد همس لامه : يمه وش قلنا بالبيت ؟
ام احمد بحزن : والله ودي اجلس افرح فيك شوي
احمد بين اسنانه : بعدييييين ..
ام احمد ارمقت غادة بنظرة ثم قالت بقهر : يله حنا ماشين .. لاتتأخر بكره يمه
احمد : ان شاء الله
طلعو العائلة لحد مابقو لحالهم .. التفت لها أحمد : الف مبروك ياعروسه
غادة بصوت خافت : يبارك فيك
أحمد مد يده للكيكه : تفضلي أكلي
غادة : لا شبعانه .. مايحتاج
احمد : ماينفع حياتي .. هذي كيكة زواجنا يهون عليك ؟
غادة انحرجت : لا .. اوك باكل
اخذ لها قطعه بيده ومدها لها انحرجت وهي تاكلها لان القطعة كبيره .. ضحك بخفه وهو يشوف القطعه تطيح على فستانها : ههههههههه بشويش
غادة : معليش وربي مانتبهت
احمد : هههههههه حصل خير .. فدا عينيك
غادة ابتسمت بتوتر .. أحمد طالعها : ماودك تغيري فستانك ؟
غادة هنا وقفت اعصابها .. قالت بتلعثم : همم .. والكيكه ؟
احمد بنظرات خبيثة : صارت الكيكه كويسه اللحين ..؟ ولا ناويه تردينا زي آخر مره
غادة بلعت ريقها : آآ خر مره ماكان .. وقته
احمد : واللحين ؟
غادة نزلت راسها : اللي تقوله ...
احمد وهو يحضن وجهها بيده ويقربها منه : اها ؟ .. هذا اللي اقوله ...
" مشفر .. رقابه "
***
فتح عيـــونه بكسل وهو يتأفف .. النومه مو مريحه ابد الساعة 4 العصر .. معقولة نام كل هالوقت طلع للمسجد يصلي .. وبطريقه راجع بيشوف نايف حصل مجموعة رجاجيل عند الباب .. وعمه أبو نايف يرحب فيهم تقدم بلباقة وسلم عليهم .. التفت له ابو نايف : وينه نايف ؟
بدر : مدري .. مو بالبيت ؟
أبو نايف : مدري عنه
بدر : اكيد بالبيت .. لحظه ادق عليه
راح على جنب بالحوش بعيد عن الرجاجيل ودق على نايف جاه صوته الخمران نوم : ايه
بدر : اصحى اصحى .. انا انتظرك تحت
نايف : جايك
دخل بدر لعند الرجاجيل .. وهو يسمع سوالف العمل الممله المعتاده , لكن بعد انتهاء مقدمات العمل تطرق للموضوع الرئيسي ... وقال كبيرهم : انا جاي هنا يابو نايف .. اطلب قربك وخاطبين بنتك لولدنا إياد
تشنج كلش فيه ..عيونه تلقائي التفتت لإياد الموجود وهي تفحصه من فوق لتحت . .. ونظراته المصدومه كانت محقره للشخص اللي طلب قرب جميـلته ...؟ لا والله يخسى .. طالع عمه يدور بصيص أمل .. قال عمه : جيتك عزيزه وغاليه يابو عبد الله .. بس بعد اذنك احتاج وقت لاسأل البنت والأهل
ابو عبد الله : ع راحتك يابو نايف .. وناطرين ردك على أحر من جمر
بدر شد قبضته باقوى ماعنده ( جمر يحرقك انت والصعاليك اللي جايبهم ! ) وقف دون مقدمات وطلع برا .. حتى انهم استغربوا .. لكن ابو نايف جاب له عذر باحراج .. مشى بأقوى سرعته لحد وصل البيت ودخل وسكر الباب باقوى ماعنده.. بدر نفخ : يممممه !
قابلته اسماء : اوه بدر .. له زمان القمر مابان .. امي خايفه عليك
بدر : ويييين امي !؟
اسماء : شفيك تنافخ ؟
بدر : ويييييينها !!
اسماء خافت نادر ينشاف بهالحاله . .بلعت ريقها : فوق
صعد لفوق وهو يصعد خمس درجات بخطوه .. دخل لغرفة امه وسكرها وراه دون يطق الباب ام فراس طلعت له من المكتب : بسم الله .. شوي شوي ع الباب
بدر نفخ : مبسوطه اللحين !
ام فراس : شفيك ؟
بدر بصراخ وينتفض من قهره : هذي هي انخطبت .. واللحين هاتي لي حل لاني صرت غبي وانتظرت مثل ماقلتي
أم فراس مسكت كتفه : هد شوي يمه خل افهم
بدر ابعد يدها بقوه من كتفه : مافيه تفاهم .. طفشت اتفاهم مع ناس مايجون الا بالعين الحمراء حلي المشكلة يايم احسن لك ولا قسم بالله لو أقتل هالخسيس اللي خاطبها ماعندي مشكلة
ام فراس المها قلبها .. مشاعر ام تشوف ولدها يصارخ عليها .. صاروا الناس مايحسبون حساب العقوق قالت بضعف : بسم الله عليك تقتله .. هذا قطع ارزاق
بدر وعيونه حمر : ان شاء الله اقطع الهواء اللي تتنفسه هي ... تموت ولا تاخذ غيري
وطلع مسكر الباب وراه بقوه .. وهو مازال يهاوش ويصارخ لحد ماطلع برا البيت دخلت اسماء مسرعه لعند امها : يمه شفيك بدر ..؟ والله حالته تخوف
ام فراس بكت وغطت عيونها بيدها : انا الغلطانه .. انا الغلطانه لو خطبتها له وش كان صار
اسماء : مييين ؟
أم فراس بهم : اسماء يابنتي قومي جيبي لي التلفون
اسماء اصابها فضول .. من بدر ناوي يخطب بس حال امها مايسمح راحت بسرعة تجيب لها التلفون .. وعقبها سكرت الغرفه عليها وتركتها بحيره .. تاففت ماتدري ليش هي دايم مصفوطة على جمب ..
***
بغرفة ميهاف .. اثناء ماهي جالسه ترتب دولابها .. طق الباب : ميين ؟
أم نايف : انا امك افتحي
ميهاف : تفضلي ماما مفتوح
دخلت ام نايف وجلست على السرير : تخيلي وش صار من شوي ؟
ميهاف وهي منغمسه ترتب : ايش ؟
أم نايف : زوج أم عبد الله آل *** .. خطبك قبل شوي لولده إياد
ميهاف بملل متعوده على الخطاب : مابغاه
أم نايف : مو هذا الخبر !!
ميهاف : اجل شنو ؟
ام نايف : دقت علي أم فراس .. وطلبت نرفضه لأن ولدها بدر يبغاك
ميهاف وقفت دون حركه .. والتفتت لامها : شنو ؟
ام نايف بفرحة : بدر ولد عمك .. كان ناوي يخطبك اليوم قبل يجون الخطاب
ميهاف ( مو معقول .. بدر مره وحده ؟ ) : اتركيني افكر .. وبرد لك
ام نايف : وش تفكرين ..؟ هذا بدر .. اساسا ابوك ماراح يتركك ترفضين عقب رفض لؤي لاسماء
ميهاف : ماما انا عاقله .. واعرف قراراتي وبوافق ان شاء الله بس مو بدري كذا
ام نايف : وليش مو بدري .. فرحينا
ميهاف : خلاص ماما قلت لك شوي .. اقل شي بكره
ام نايف هزت راسها باستسلام وطلعت .. اما ميهاف جلست بصدمتها وهي تشوف الورود الحمراء على مكتبها ورسالة اعتذاره وش السالفه هالاسبوع حركاته ماخلصت وعقبها يخطبها ..؟ جلست بهدوء تفكر وترتب كلش بعقلها .. بس عموما الرفض اخر اختيار عندها مستحيل تصير زي اسماء وتكسر بولد عمها وترفضه ..
***
فتحت عيونها ببطء .. عشان تدرك هي وين صح امس كان زواجها ابتسمت بنعومه النومه مريحه فعلا بهالفراش حست انها دخلت حياه جديده التفتت للجهه الثانيه ماحصلته جلست حصلته قدام التسريحة يمشط شعره ابتسم لما انتبه لها من انعكاس المرايه : صباح الخير حياتي
سحبت روبها ولبسته وطلعت من السرير وقالت بحياء : صباح النور
التفت لها وحاوطها من خصرها وتنهد : ابفهم .. انتي ليش تجنني كذا ؟
نزلت راسها حتى انسدل شعرها الطويل على كتوفها : احمد خلاص استحي
احمد : عقب امس مافيه تستحين
غادة : إلا استحي .. للأبد كمان
احمد رفع حواجبه : للابد ..؟ معناها مطولين
غادة : هههههههه أحمد
احمد : عيونه
غادة : فين راح نروح اللحين ؟
أحمد : بيت أهلي .. امي من امس منبهه نرجع بدري
غادة احبطت .. لكن مو من أولها تشتكي وتتذمر قالت بنعومه : اجل ابعد يديك اروح البس
احمد : مساعده شي ؟
غادة : احممممد !
احمد : ههههههههه ياليل
دخلت للحمام وتروشت ولبست فستان بيج كم نص .. لنص الساق سادة مع حزام بني ابتسمت اول مره تحس انها مهمه ولها حياه .. حطت قلوس طافي مع كحل بسيط وشعرها تركته مموج بطبيعته .. حست بإنتعاش بجد طلعت لبرا .. واحمد كان جالس على الكنبه وبجواله رفع عيونه لها : خلصتي ؟
غادة دارت على نفسها : أيوه .. شرايك ؟
احمد : تجنني .. بس قبل خمس دقايق احلى
غادة طالعته بلوم : خلاص احمد تكفى ..
احمد : ههههههه جوالك دق .. شكلها اختك
ركضت غادة بحماس لعند جوالها : ابتسام !
ودقت عليها مباشرة : بسسومه
ابتسام بلهفه : هلاااا حبيبتي .. شخبااارك طمنيني ؟
غادة وهي تطالع احمد : مبسوطه
ابتسام : ههههه وش هالصوت أول مره اسمعه .. احمد عندك اجل ؟
غادة : إيوه
ابتسام : كلميني بعدين اجل .. لاصرتي لحالك
غادة : طيب
سكرت السماعة والتفتت لأحمد ... وقف لما خلصت : يله مشينا
غادة : إيه
لبست عبايتها وطلعو بالسيارة .. وهي طايره من الفرحه بنص الطريق سأل بفضول : غدو انتي كم عمرك ؟
استغربت غاده معقوله مايعرف : 18 سنه
فتح عيونه بدهشه : لسى تدرسي بالثانوي ؟
غادة استحت : ايه
احمد : وكيف قدرتي تتزوجي ..؟ ودراستك
غادة : انا منتسبه
احمد : اهاا .. ههههه والله انا استغربت حسيتك صغيره
غادة بقهر : تتكلم كأنك شايب ؟
احمد : هههههه زعلتي .؟ لاتخافي منتي صغيره كبيره
غادة : مازعلت .. بس انت كمان صغير
احمد : معك حق .. بس حلو انك صغيره خل اشوفك تكبري قدامي
غادة ( ياليل .. صغيره صغيره !! محد قالك ماتسأل عن زوجتك )
وصلــو لعند بيت أهله ... اول مادخلو كان السلام حار لأحمد كانه غايب له سنه وسلام رسمي لغاده ..
أم احمد : تفضلو الفطور جاهز .. . افطرو معانا
غادة ( الناس اول مايتزوجو يفطرو لحالهم وحنا مع العائلة كلها ) : ....
هند : شفيك غاده تفضلي
جلست غادة بس كانت بعيده عن أحمد لانه محاوط بخواته وأمه .. وعمها مو موجود فكانت مختفيه من الجلسه لان السوالف كلها بين العائله ظلت تاكل بصمت ثم وقفت طالعها احمد : وين بدري ؟
غادة ابتسمت : شبعت .. وابغى اكلم ابتسام مافيه احد اصعد عادي ؟
ابتسم احمد ووقف : تصعدي لحالك ؟
غادة بخدود متوردة : هئـه
احمد وقلبه طاير مع طريقتها الطفوليه بالكلام .. ابتسم ابتسامه جانبيه وهو ياشر بعيونه للدرج : اجل شرفي
صعدو سوا .. وام احمد منقهرة : والله وقدرت تسحبه معاها لفوق
شوق : والله انا قايله لكم ان غاده مب بسيطة .. لو ماخذين ابتسام يمكن تقدرو عليها
هند : الله لايقوله .. ابتسام اصغر منه بسنه وحده بس
ام احمد : يعني انا جايبته من الفندق .. عشان ينحبس وياها فوق
***
بعد ماخلص لؤي من شغله .. مر على قسم الترجمه قبل يطلع كعادته كل يوم : فين سارا ؟
موظف : موجوده بالردهه تحت
نزل لتحت وحصلها جالسه تتكلم مع موظف وقف عندهم : مرحبا
سارا ابتسمت : اهلين .. خلص دوامك ؟
لؤي : ايه .. وانتي كمان خلص
سارا : ايه .. بس بداوم اضافي عشان بعض التعديلاات
لؤي : نشيطه بزياده انتي .. بس انا عندي لك مفاجئه
سارا باستفهام : مفاجئه ؟
لؤي : ايوه حاجه بسيطه ..
سارا : ايش هي ؟
لؤي : ههههههه هنا اعطيك .. لا بعزمك على العشاء وبعطيك
سارا : أوه اتمنى بجد .. بس والله مشغوله
لؤي : انا الرئيس هنا وانا اقرر اذا كنتي مشغوله او لا
سارا رفعت حاجب : شنو استاذ لؤي .. صرت تستخدم سلطتك ؟
لؤي : هههههههه ايوه وبموجب السلطة الكامله لي اقولك تجيبي شنطتك وتطلعي تتعشي معاي
سارا : مقدر اعارض اوامر رئيسي .. استنى دقيقه وجايه
لؤي : اوك
انتظرها لفتره .. حتى جت باغراضها : مشينا ؟
لؤي : تفضلي
راحو لمطعم قريب ..واثناء ماهم ياكلون حط لؤي كتاب مربوط بشريطه حمرا قدامها : تقدري تشوفي بنفسك اذا جانمون واليسا انفصلو او لا ؟
فتحت سارا عيونها وهي تشوف النسخه الثانيه من كتابها : اقدر استعيره ؟ شكراا بجد
لؤي : قريته وخلصت .. معناها فداك اللحين
سارا : بجد بجد مشكور .. ماتدري فعلا قد ايش متحمسه له ابغى ارجع البيت بسرعه اقراه
لؤي : ههههههه لو عارف بيتركك تسحبي على عشاي ماجبته لك
سارا : ههههههههههه لا امزح ..
لؤي : تدري انك لطيفه بجد
سارا : وانت كمان .. لدرجة مو مصدقه انك تقرب لفراس من جد فرق
لؤي : ههههههه والله فراس طيب مره .. بس لو تفهميه شوي
سارا : مقدر افهم كلامك هذا للاسف
لؤي : ولا راح تفهمي لحد تشوفي بنفسك
سارا : فراس يصيبني بتوتر .. لاصار حولي احسني متوتره بسبب ردات فعله مو مضمونه اما انت مريح .. مريح جدا احس حالي اقدر اقول أي حاجه معاك
لؤي : شهادة اعتز فيها بجد
سارا : عارف .. نقدر نصير اكثر من زملاء عمل نقدر نكون اصدقاء
لؤي : لسى بتقرري اذا بتصادقيني او لا .. وانا ع بالي انا اصدقاء من اول
سارا : هههههههههه خلاص مو مشكله اصدقاء
رفعت كاسها : نخب صداقتنا
رفع لؤي كاسه .. وبعد العشاء طالعها لؤي : اوصلك البيت ؟؟ الوقت متأخر
سارا : لا عادي
لؤي : الاصدقاء يتركو اصدقائهم يوصلونهم
سارا : لازم تختار تستخدم صلاحيات الرئيس او الصديق .. ماينفع كلها
لؤي : امبلا ينفع .. انتي اتركي منك العناد واتركيني اوصلك
سارا : خلاص استسلمت وصلني
ركبو سيارة اللموزين .. وبنص الطريق رن جوال لؤي رد مباشره : ها نايف .. وبعدين وربي راتبي يروح كله فيك .... الحلال كثير ماقلت شي بس ليش ماتعتمد على حالك شوي .... بعطيك بعطيك خلاص اسكت ... باي
سكرها بضيق .. التفتت سارا : مين ؟
لؤي : اخوي
سارا : ههههه طيب بشويش عليه .. ماحيأثر بكنزك
لؤي : هههههه اخوي الكبير ترا مو الصغير .. وله سنتين عطالي وتاركني اصرف عليه ومصاريفه مو سهله سفريات ومعارض واشياء ماتخطر ع بالك
سارا : عندك اخو اكبر منك ..؟
لؤي : ايوه .. اخو اكبر مني واخت اصغر مني
سارا : ما شاء الله .. الله يخليهم لك
لؤي : آمين .. وانتي ؟
سارا : محد .. انا بس
لؤي : دلوعة العائله اجل ..؟
سارا : مو ليكون فيه عائله بالأول
لؤي : شلون يعني
سارا : وصلنا .. انا لازم انزل .. شكرا على العشاء والكتاب بجد ممتنه كثير
لؤي وهو للحين محتار .. يبغى يعرف وش قصدها .. بس ماحب يضغط عليها : قليل بحقك ولو .. اشوفك بكره
سارا : أشوفك
تنهد لؤي بندم .. ماكان لازم يسأل شكله قلب عليها مواجع ..
بيت أبـــو نايف /
طقت ميهاف باب غرفة امها : مين ؟
ميهاف : انا ماما
أم نايف : تفضلي
دخلت ميهاف مبتسمه : مشغوله ؟
ام نايف : لا حبيبتي شبغيتي ؟
ميهاف : ابي اقولك قراري
ام نايف : بشري .. عسى طلعتي براي يفرح قلبي شوي عقب لؤي
ميهاف : انا موافقه ماما طبعا .. بس بشرط
ام نايف : شنو ؟
ميهاف : قبل أي احد يعرف بالسالفه غيرك وزوجة عمي .. ابغى اتكلم معه
ام نايف : وش بتتكلمين معه تقولين ؟
ميهاف : حاجه بخاطري .. وغير كذا ماراح اقبل
ام نايف : مدري .. بشوف لك ام فراس اخاف ماتوافق بعد هي
ميهاف هزت كتوفها بلا مبالاه : اذا مب موافقه .. اجل انا مو موافقه كمان
ام نايف : ياشين عنادك يهالبنت
ميهاف : مو عناد ماما .. وصدقيني لو مو لغرض ماطلبت هالطلب فافهميني رجاء
ام نايف : ان بفهمك وان شاء الله ما اندم
باست ميهاف خد امها : تسلمي لي يا أحلى وحده بكوني
***
دخلت سارا الدوام وهي تحس روحها المعنويه متجدده عقب الشغل .. دخلت قسمها : صباح الخير
: صباح النور .. غرفة الإجتماع طالبينك
سارا : متى ؟
: اللحين
سارا : اوك رايحه ..
اخذت اوراقها وانطلقت لغرفة الإجتماعات بطريقها صدمت بجسم فتحت عيونها بألم وهي طايحه بالارض طالعت قدامها كانت المصيبة ... العيون القادحه غضب .. والوجه الملتوي اللمحه الحادة وبصوته المربك : ايش تسوي بشركتي ؟

تفضلـي ومعليش على التأخير

معذورة هههه
كده اتشكلت عندى شخصية بدر ..أنانى واللى عاوزه لازم يحصله ،سخيف بصراحة
بينما ميهاف عاقلة وراكزة وماعاندتش انها ترفض قدام رفض أسماء لاخوها
هيثم طبعا واضح من الأول رجل يعتمد عليه واسرته أول حاجة عنده
نفسيته متمررة وواضح ان لهم ماضى مؤلم
غادة بدأت من أول يوم يا عينى وجع القلب وقرف حماتها واخوات زوجها
هنشوف هتتصرف ازاى
بصراحة احييك على شخصية فراس لن أحيانا لما باقرأ روايات تانية
شخصية رجل الأعمال القاسى مبتكونش محبوكة،يعنى من أول مرة بيفقد حصونه ادام بنت أو كده أو بيعلق فى شباكها فى فترة قصيرة
لكن ماشاء الله انتى مخلياه فعلا الشخص اللى مابيتهزش بسهولة ادام جمال أو ضعف واحدة
سارااا متحررة بزيادة ، لكن برده شخصية عاقلة ومتوازنة
بس عقلها قادها انها اصطدمت فى فراس تانى
أظن ان موضوعهم هيكبر وهنشوف بقى معركة حامية
بالتوفيق