انا عارفة من الأول إن أسماء هتوجع قلبى
غلطانة وعلقت نفسها بالوهم ولطعت لؤى بس اتأثرت علشانها
يا ترى هيكون ليها فرصة مع هيثم ولا لأ
غادة لحد الوقت على المحك مع أحمد
مش عارفين نيته ايه
بس لو كملت معاه للزواج شكلها كده هتتبهدل جامد من أهله
القفلة كانت بدر وميهاف
بصراحة مشوقانى ومش عارفة اتوقع مين مع مين
شكرا ليكى
وعلى انها بقت بتنزل فصلين فى الأسبوع

السلام عليكم ورحمة الله
تسلم ايدك زهقانه من حاللك[متملله] اسماء تعدت مرحلة اللزئه بشويه واصبحت لزئه بغرا فى الهيثم اللى ماهو دارى عن مشاعرها الجياشه وبدل ما تركز جهودها مع لؤى اللى متقدم لها ركنته على الرف لحد ما تشوف مية هيثم حترسى على ايه واهى لاطالت عنب الشام ولا بلح اليمن طار لؤى وهيثم اداها الوش الخشب بمنتهى الصراحه ومتشيليش الكلفه بينا يعنى متخليش عندك امل انى ابص لك
لؤى اخدها من قصيرها وثار لكرامته وسحب عليها وطبق عليها المثل اللى بيقول من حبنا حبيناه وسار متاعنا متاعه ومن كرهنا كرهناه يحرم علينا اجتماعه ولا فكر فى اهل ولا قرابه وكرامتى قبل حبى
هيثم بيتعامل مع اسماء كائنه عاوز ينسف اشكالها من المجتمع كان وده تكون كسر رقبه مش كسر رجل ومبيتعاملش عدل الامع صديقته ساره
احمد طلع شهم المره دى لكن اهله يبدو انه كان ناقصهم شغاله عشان كده حيجوزوه اهه منه زوجه ومنه شغاله ببلاش وتخليص دين لابوها تلاته فى واحد وبسعر واحد
ميهاف سرقت عقل النجم الله يعين مع انها مش محجبه لاكن ازاى اول مره يشوفها وهما ولاد عم وهى كاشفه وش وشعر وكانت بتتزلج وهى بدون حجاب والدنيا بحالها شايفاها اكيد النجم احول
تسلمى على البارت وفى انتظار الباقى موووووووووووووووووووواه

" البارت الرابع "
طلع بسرعة من البيت وسكر الباب ودخل سيارته .. ومرت عليه ذكرى قبل فتره
( العائلة مجتمعة وبدر ماسك راسه .. واسماء وياسمين متحمسات : ايييه بدر تكفى وافق
بدر : اوافق ع شنو ؟
ام فراس : وش لنا ساعة نتكلم ؟ ميهاف بنت عمك وأنت اولى فيها
ياسمين : بدر صدق ميهاااااااااف تجنن حللللللوه مره
أم فراس : ايه والله صادقة سبحان اللي خلقها .. جمال يكتم الانفاس من لمحه لجسم لاخلاق
بدر اشر على فراس : اللحين جالسين تخطبون لي وفراس موجود !
فراس : والله تبون تخطبونها لي ماعندي مانع .. بس لاتلوموني اذا صار اللي صار
ام فراس : عارفه عارفه .. انت براحتك اذا مشغول بس انت يابدر وش وراك خل منك هالعروض والسفريات والهبال واعرس
بدر : انا انا بدر الكل يحط صوري ويحكي عن وسامتي .. آخذ مين ؟ ميهاف ؟
فراس ابتسم باستهزاء على غطرسة بدر : حطو صورتك بكم مجلة فاسقه وتحسب محد قدك ؟ صدق انك بزر
بدر نفخ: انت خلك برا ! انا ما أخذ وحده أي كلام
أم فراس : وميهاف شفيها ؟ كامله وحلوه
اسماء : ايه والله بجد حلوه مره .. احلى مني بكثيييير
بدر : انا مابي وحده مثلك حتى .. ابي احلى منك واحلى من كل عائلتنا تليق بمقامي مو دون مستواي
ام فراس : وانا وش لي ساعة اقول ؟ ميهاف احلى وحده بعائلتنا
بدر : اسف ! ماشفتها الا بعبايتها بس بصراحة قزمه وقصيره .. ما أتزوج سنفورة اعذروني
اسماء : هي صح قصيرة .. بس مو عيب القصر بالعكس كيوت
بدر : لااااا ! ومليون لا والله ما أخذها .. بدر الشمري من تزوج ؟ ميهاف بنت عمه .. وييييييع )
والله واحسب امي تبالغ طلع معها حق .. وانا الغبي جالس احلف ما اخذها بس اللحين كلش تغير والله ماياخذ هالجمال كله غيري .. اصلن محد يستاهل وحده بهالجمال إلا واحد بهالوسامة
دخل السيارة نايف وولده يزيد :وينك دورتك بالحوش ماحصلتك ؟
بدر : هاه ؟
نايف : ههههههههه شفيك شارد ؟
بدر وهو يحرك السيارة : لا مافيه شي .. وين نروح ؟
نايف : نروح بيت نهى نحط يزيد وعقبها اللي تبي
بدر : ههههههههههههه قل لنهى تعزمنا اجل عقب نوصل ولدها
نايف : ياليت والله بس عارفها بترفض
بدر : شفرقي عنك ؟
نايف : انا طليقها قد شفتها وشبعت منها بعد .. وشوله حركات نستحي ومدري ايش
بدر : اللي هو .. خل اجل نروح عقبها للبحرين مافيه وناسه هنا بالسعودية
نايف : ع قولتك
***
اسماء جالسة بغرفتها على البلكونة وتحس بهم وهي تطالع الحديقة الرائعه من فوق .. دخلت ياسمين : اسسوم
اسماء : نعم ياسمين
ياسمين : امي تبغاك
اسماء : قولي مشغولة ماتقدر
حطت ياسمين يدها على خصرها : نصابه مو مشغوله .. يله تعالي ولا بعلمها انك تكذبين
اسماء : ياسمين مب احسن لك التفت لك .. انقلعي من وجهي وقولي مشغولة لاسطرك
طلعت ياسمين وعقب فترة دخلت أم فراس : هذي المشغولة ؟
التفتت لامها وقالت بضيق : أهلين ماما
ام فراس جلست على الكرسي المقابل لها وحطت يدها على يد بنتها : هدي بالك يابنتي .. الزواج قسمة ونصيب
اسماء : مو زعلانة عشان كذا ماما ..
ام فراس : وش مزعلك طيب ؟
اسماء بحزن : حاسه ان هالسالفة ضرتنا دون تنفعنا .. خربت علاقتي مع ميهاف ومو عارفة اذا بقدر ادخل بيت عمي بشكل طبيعي عقب كذا ..
ام فراس : انتي وميهاف صديقات من صغركم .. وبيت عمك كله بمكانة بيتك وهالموضوع ماراح يخرب شي
اسماء : بس ميهاف زعلانة مني كثير ..
ام فراس : اخرتها راح ترضى ياعمري لاتضايقي روحك
اسماء هزت راسها : ماراح ترضى انا عارفه
ام فراس : لاتتكدرين كذا .. يله بسرعة انا بنزل والحقيني العشاء جاهز
اسماء تنهدت : مالي نفس
ام فراس : انزلي وعن الدلع
اسماء : يووه ماما قلت لك مالي نفس خلاص اتركيني بحالي شوي
تنهدت ام فراس : دامك بتزعلين كل هالزعل كان وافقتي من بدري وفكيتينا
نزلت اسماء راسها .. اذا امها للحين تلومها بين فتره وفتره كيف بيت عمها ؟ كيف ميهاف اللي عارفه السالفه من اصلها ؟!
قامت بضيق ونزلت لتحت وهي تحس بقهر .. ماتعودت تكون لحالها ومنغلقه متعودة تطلع وتروح وتجي وتنبسط نزلت للحديقة وهي تفكر شتسوي ؟! انتبهت لبدر يسحب كرسي ويجلس : شعندك انتي وهالحديقة ؟ 24 ساعة هنا
اسماء : اتركني بحالي بدر مالي خلقك
تنهد بدر بقهر : روقي حالك أسوم .. اصلن هو الخسران
اسماء : افففففففف ! ليش الكل يحسبني ضايقة عشانه موع شانه ..
بدر : عشان شنو أجل ؟
اسماء : تزاعلت مع ميهاف عشان هالموضوع ..
بدر ومعنوياته ارتفعت قال برواقه : ايوه شفيها ميهاف ؟
اسماء : لما كنا بجدة قلت لها كلام يضايق اني مابغى اخوها و ... وهي زعلت وعقبها بيوم سحب لؤي خطبته
بدر : ولو اسوم .. انتو خوات ماراح تضلون كذا
اسماء بخنقه : عارفة .. عشان كذا ابي اصلح الموضوع ومو عارفه كيف
بدر : بتلقي طريقة حاولي
اسماء : مافيه غير اكلمها بالجامعة بكره .. واعتذر لها
بدر بسرعة يلحق على نفسه : لا لا .. الجامعة ماينفع ووقت ضيق ومكان غلط اعزميها عندنا هنا بكرة وتكلمو برواقة
اسماء : صحح والله جبتها .. بكرة بعزمها وبعتذر لها ونتصالح ان شاء الله
بدر ابتسم ابتسامة وسيعة : شفتي الموضوع انحل كذا
اسماء : لسى .. قول ان شاء الله ينحل بس
بدر : بينحل .. ميهاف قلبها طيب وتحبك شوفي انا مو زعلان من لؤي عادي لان عيال العم مهما صار يضلو عيال عم
اسماء طالعته مستغربه : هذا اللي اليوم يسب بلؤي ويلعن فيه .. وتقول مو زعلان اللحين
بدر ( أخو المزه وش طالع بيدي ؟ ) : هههههههههههه مين قال ؟ كان لحظة غضب بس
اسماء : الله يستر من لحظة الغضب حقتك هذي
بدر : المهم وينها امي ؟
اسماء : داخل
دخل لداخل وهو مبتسم ويخطط كيف يطيحها في شباكه ..
***
اثناء ما لؤي بسيارته والسماعة باذنه : يعني مو مضايقك اني سحبت الخطبة ؟
فراس : شايف عندي وقت عشان اتضايق على تفاهات خطبة .. المهم ابغى منك خدمه ؟
لؤي : آمر
فراس : السكرتير حقي مات قبل كم يوم .. وانت تعرف منصب السكرتير صعب وما اثق في احد غيرك ياخذه
لؤي : من جدك ؟
فراس : ايه طبعا .. انت تعرف مكانتك عندي لؤي صدقني حتى بدر ما أثق فيه زيك
لؤي : اللحين تحسسني بالذنب اني ماصرت نسيبك
فراس : ههههه اذا الحال ما ماشى مع اسماء ياسمين تفداك
لؤي : هههههههه تفداني ببنت بالابتدائي
فراس : متى ناوي تجي اجل ؟
لؤي : اليوم اذا تبغى
فراس : لا ارتاح ليش مستعجل ؟ بكرة حياك
لؤي : اشوفك بكرة اجل
فراس : ع خير
سكر لؤي السماعة وهو مبسوط بروحته للكويت عند فراس
***
بالجامعة .. طلعت من محاضرتها وبطريقها لقسم ميهاف حصلتها تمشي مع صديقاتها التفتت لصديقاتها : معليش بنات ثواني وراجعة .. ( رفعت صوتها ) ميهاااف
التفتت ميهاف ثم كملت مشيها .. لحد مامسكتها اسماء من يدها : ميهاف اناديك
التفتت لها وبنظارتها الشمسيه وخشمها مرفوع : نعم !
اسماء : بكلمك شوي
ميهاف : ماعندي وقت .. وراي محاظرة مابغى اتاخر
اسماء : ماراح أأخرك .. 5 دقايق بس
ميهاف طالعت ساعتها : اوك .. شبغيتي ؟
اسماء : تعرفي ياميهاف الكلام كثير ومقدر اقوله هنا .. فجايه اقولك تعالي بيتنا اليوم ..
ميهاف : ما أقدر مشغولة ولا لي خلق اجي
اسماء باصرار : اذا ماراح تجي أنا بجيك
ميهاف طالعتها باستهزاء : لك وجه تجي .. عادي ؟
اسماء بحدة : تعرفي اني كنت ناوية اوافق عشانك انتي بس ! بس طلعت غلطانة وانك ماتسوي كل هالتضحيه .. الظاهر اني كبرت من حجم صداقتنا
ميهاف التفتت تطالع الجهة الثانية : راح اجي بس ماحطول ..
اسماء : المهم تجي وراح نتفاهم اذا تطول او لا
ميهاف : انا تأخرت على الكلاس
ابتسمت اسماء : اشوفك عصر أجل
***
وصل لؤي لأراضي الكويت .. دون تأخير اساسا جو السعودية مايناسبه كثير خصوصا مع طبيعة اهله الاجتماعية البعيدة عن طبيعته الهاديه .. دخل سيارة الليموزين قادته مباشرة للشركة دخل وتوجه للاستقبال : فين مكتب فراس ؟
استغرب الموظف طريقته الطبيعيه في الكلام دون كلافات القاب : قصدك الرئيس فراس ؟
لؤي : ههههههه ايوه قصدي طال عمره فراس
الموظف : وش اللي يضحك ؟
لؤي : سلامتك .. بس انا لي معاه موعد عطه خبر ان لؤي موجود
الموظف اجرى المكالمة ثم التفت للؤي : تقدر تتفضل.. مكتبة بالدور الخامس
توجه لؤي للمكتب ودخل مبتسم : هههههههههه والله وصرنا ناخذ مواعيد عشان نشوف حضرتك
فراس ابتسم : والله معطيهم خبر يفوتونك على طول .. بس هالموظفين دلوخ
سلم عليه لؤي ثم جلس : ايوه وشخبارك ؟
فراس : على حطة يدك .. انت كيفك عقب حوسة هالخطبه ؟
لؤي : اخخخ .. ابوي مقاطعني وامي زعلانه بس ولا يهمك كلش يتصلح
فراس : مصيرهم .. تكبير الأمور عاده عند الشيبان الله يصلحهم
لؤي : عارف يافراس .. بخاطري كلام لكن مستحيل اقوله لغيرك
فراس : كنت حاس انك ساحب الخطبه لسبب .. قول شصاير ؟
لؤي : جتني معلومات موثوقه أن البنت ماتبغاني .. فسحبت الخطبه عشان ماتنجبر علي وتنحط بموقف
فراس رفع حواجبه : من هالمصدر الموثوق ؟
لؤي : هي بنفسها قالت لميهاف اختي ..
فراس : عارف شلون ؟ انت غبي
لؤي : ليش ؟!
فراس : بالله انت بعقلك تخطب وحده عمرها 21 بزر تشيب راسك معاها .. اذا الله باليك وبتتزوج خذ وحده كبيره عاقله تفهم
لؤي : هههههه طيب مناسبه لعمري انا 25
فراس : بصراحة انا اشوف اسماء اختي بزر وسطحية بزياده .. واللي بياخذها لازمه يعيد تربيتها وانت فاضي تربي لك بزر ؟
لؤي : ياشيخ سالفه وخلصت .. الله يوفق كلن بطريقه
فراس وقف : عموما انا طالع اسطنبول بكره عندي معاملات ضرورية وكم حفله .. الشركة هنا تحت يدك وتصرفك بس القرارات المهمه ارجع لي اول
لؤي : بهالسرعة بتروح ؟!
فراس : مفروض من أول .. بس اجلتها لحد تجي ولاترخي على الموظفين وتخربهم علي
لؤي : حاضر .. بس اللحين واللي يعافيك قم نتغدى بموت جوع
فراس : يله شرف قدامي
***
عصــــــر /
لبست اسماء من بدري ونزلت للمطبخ تشرف على تجهيزاتهم .. طلعت للصالة حصلت بدر جالس مسترخي على الكنبه قدام التلفزيون والريموت بيده يقلب بطفش : بددددر !
بدر : ايوه ..
اسماء : ايش تسوي هنا ؟ برا ميهاف بتجي بنجلس هنا
بدر : تجي ماراح اكلها
اسماء بحمق : يالله بدر من متى انت تجلس بالبيت اصلن ؟ من رجعت من دبي ماشفتك ولا يوم جالس .. واللحين عشان صديقتي بتجي تجلس تقلقني
بدر : ترا اقلقتيني صديقتي وصديقتي .. تراهي ميهاف
اسماء : ولو .. ابغى نجلس على راحتنا ..
بدر : تعبان شوي اليوم فماراح اطلع ..
اسماء : بددددددددر
بدر مركز مع التلفزيون : ........
رفعت عكازاتها ونغزته بساقه .. بدر : اححح توجع .. خييير شتبين ؟
ام فراس : يالييييل العنا .. وانا افرع ياسمين وانس اجي فيكم يالكبار .. وش هالصراخ ؟
اسماء : بدر جالس بالبيت عناد فيني بيغثني عشان ميهاف بتجي
بدر : والله يمه تعبان مافيني اطلع
ام فراس خافت وحطت يدها على جبينه : بسم الله عليك حبيبي شفيك ؟
بدر : تعب بسيط يمه لاتشيلي همي
اسماء : اففففففففف خلاص انثبر .. بس روح غرفتك انا وميهاف نبي ناخذ راحتنا ولا نحس بوجودك
بدر : راح اروح غرفتي .. بس فين راح تجلسو ؟
اسماء : بالحديقة ..
بدر ابتسم : اها .. تتهنو يله انا صاعد انام
صعد بدر وبطريقه دق جواله رد : هلا .. لا ماقدر اطلع مشغول مع الأهل .. ياليييل روحو لحالكم مقدر اليوم .. نايف معاكم ؟ .. سلم عليه بس ماراح اقدر .. يله سلام اشوفكم بكره ..
دخل غرفته وهو يحس انه اكثر واحد محظوظ ان اطلالة غرفته على الحديقة .. اليوم بيركز فيها بيقيمها واذا فعلا تستاهل وقتها بيتعب نفسه عشان يوصلها ..
بعد فترة .. رن الجرس ركز من الدريشة وبعد فتره طلعت اسماء تفتح الباب دخلت ميهاف بعبايتها ودخلت البيت وهي مازالت بعبايتها .. تافف بضجر وطولو لحد مارجعو يطلعون للحديقة مره ثانية .. واخيرااا شافهاا كانت لابسه بنطـال جنز وتيشيرت برتقالي بكتابات ورسمات طفولية ... مع جزمة رياضية بكعب طويل .. شعرها الأجعد تاركته منفوش على وجهها
نفس الإنذهال اللي حس به بالحوش .. على بساطة شكلها في كلا المرتين اللي يشوفها فيها إلا انها ماتزال ملكة جمال .. حجمها صغير رغم أنوثة تفاصيلها ..عيونها عيون ظبي .. وفمها مرتوي فصفصها تقزيز , راقية بجلستها بطريقة اكلها بحركاتها ..خلاص هذي هي .. محد غيره بياخذها ولازم من اللحين يرسم لهالشي .. هالجمال حرام احد يملكه غيره ..
من زاوية اقرب نافذة غرفة بدر /
ميهاف ابتسمت وضمت اسماء : خلاص اسوم .. الموضوع انتهى والكل متراضي تدرين انا ماكنت زعلانه منك وفاهمتك بس انقهرت شوي على اخوي .. لاني تمنيتك فعلا تصيري زوجة اخوي وتقربي اكثر
اسماء : ياعمري انا قريبه مايحتاااج .. واذا تبغي تقربي ازوجك واحد من اخواني مافيه مشكلة
ميهاف : ههههههههه تم .. بس مو فراس تكفين هالصعب المراس مقدر اتعامل معه
اسماء : خلاص فداك السوبر ستار بدر اجل
ميهاف : لا لا ..انس يجنن ابغاه
اسماء : استحي كبر عيالك
ميهاف : ما شاء الله عليه اطول مني .. خلاص رجال
اسماء : عشانك قصيره .. ولا مو مره طويل
ميهاف : طالعه منها يالطويله ؟ وربي انك اقصرمني
اسماء : تحلمييين انا اطول
ميهاف بحماس وقفت : تعالي نشوف من اطول
اسماء : لا والله .. عليك كععب ع بالك غشيمة
ميهاف : ههههههههههههههه قسم بالله وحشتيني ياهبله
اسماء : وانتي اكثر وربي .. ميهاف طمنيني اهلك زعلانين مني
ميهاف بحزن : بصراحة يا أسوم الزعل كله صار براس لؤي .. لانه بنظرهم هو اللي مكنسل الخطبه
اسماء حست بتأنيب الضمير : لا مستحيل ...
ميهاف : هذا اللي صار .. بس اهلي مو زعلانين منك بالعكس متعاطفين معك
اسماء بتردد : ولؤي .. شخباره ؟
ميهاف : ماعليه .. اليوم فجر راح للكويت لعند فراس وبيطول هناك على كلامه
اسماء : يصير اجي ازوركم بكره ..؟
ميهاف : ايه طبعا . ياليت تجي والله عشان يحسو اهلي اقل شي ان كلش تمام .. لان بابا ع باله انك زعلانه ومنكسره
وتمت السهره بين مشاعر عذبه بين خوات عمر .. ومعجب يراقب بخفيه
***
بيدها اكياس وتتمشى بالأسواق مع صديقاتها .. وهي تحس الفرحه مو سايعتها اخيرا تقدر تمشي معهن وتشتري بشكل طبيعي
اروى : بصرااحة غدو ألف مبروك .. ماتوقعتك تتزوجي وانتي لسى بالثانوي ؟
غادة باستعلاء : حبيبتي بتخرج هالسنة خلاص .. وايش اسوي اذا الخطاب مو تاركيني بحالي ؟
رحاب بغيره : خطاب ؟ هو واحد بس
غادة بثقة : مين قال ؟ ياكثرهم بس مو ضروري كل ماجا واحد اقولكم
اروى : ايه بس عاد شدي حيلك .. اعرفك دولابك فاضي اخيرا جا هالعرس عشان تعبيه
غادة بضحكة عالية : هههههههههههه .. لاتوصي حبيبتي بأعبيه لين يكسيك انتي وغيرك
أروى وهي غيرانه ان غادة بتتزوج قبلهم وهي افقرهن : قالو لك محتاجه مثلك ؟ .. ولا ناسية كيف دولابي عفوا غرفة ملابسي
غادة : اففف اروى طفشتيني بصراحة .. اسبقوني للكافتريا بدخل قسم ملابس خاصه بالمتزوجات انتو عزباوات مايصير تدخلن ههههه احجزن طاولة وجايتكن
وتركتهن داخله وهي تحس بالانتصار .. طول عمرهن يقهرنها وياخذنها معاهن السوق قصد عشان يحرنها واللحين حصلتها فرصه ترد عليهن ... اما اروى ورحاب دخلو الكافتريا .. قالت رحاب بغيض : تقققققهر من انخطبت صايره ماتنطاق !
اروى : نست حالها .. ع بالها محد قدها .. والله لو مو ولد عمها وملزوم فيها ماشفتيها تزوجت بعمرها
رحاب : تصدقين امنيتي امسك هالاكياس واقطعها فوق راسها
أروى : اص اص .. هذي هي جت
جلست غادة ورجل على رجل : اوووه ليش ماطلبتو حاجه ؟ ولا ماتعرفو تصرفو شي دوني ؟
رحاب : والله طول عمرنا نعزمك .. حسي ع دمك اليوم واعزمينا ع القهوه انتي
غادة انغاضت .. لكن قالت ببساطة : من عيوني .. من عندي اغلى منكن اطلبو اللي تبغو ع حسابي
اروى : والله ع بالي اني بموت ماشفت هالعزيمة
غادة ( آمين يالزفته ) : لا حياتي هذاي عزمتك .. وبرضو معزومة ع بوفيه زواجي
رحاب : انا السواق جا بطلع
غادة برواقه وتحس انها مبسوطة عشان قهرتها : لا رحوبه بدري حياتي .. لسى الساعة
رحاب : لا خلاص شبعت .. والوقت تأخر والمحلات بدت تسكر
غادة : براحتك .. وانتي اروى ناويه تضفي كمان ؟
أروى : لا مستحيل افوت عزيمتك .. اعزميني ع قهوه وبنرجع عقبها
غادة : اوك .. جرسسون المنيو لو سمحت
بعد انتهاء الهجوله والفشخره الطفولية اللي مالها معنى .. رجعت للبيت ودخلت باكياسها الكثير : رجعت
ابتسام : الله لا كان جاب الغلا .. تأخرتي ؟
غادة رمت الاكياس بالصالة وضمت ابتسام من قلب : الزوااااااااااااااااج روعععه
ابتسام : جعله يخلف .. لسى ماتزوجتي وتقولي روعه
غادة : هههههههههههههههههههههه قهرتهن قهرتهن .. رجعت قهر كل هالسنين لو تشوفي كيف يطالعني بيموتن حره مني
ابتسام هزت راسها : والله انا مو فاهمه هالصداقة الغريبه ..
غادة : يخسن الا هن يكونن صديقاتي . بس انا محتاجه ناس امشي معاهم بالمدرسه عشان ما اصير وحيدة وهن يوفن بالغرض
ابتسام : وش الله حادك ؟ دوري صديقات يناسبوك
غادة : هن صادقني .. ومستحيل ارفض صداقة اكشخ بنتين بالمدرسة .. بس فجاه صار الموضوع مصخره علي طول هالسنين .. واليوم علمتهن ان الله حق
ابتسام : صدق انكن بزران .. تعالي بس اشوف وش شريتي
خذت غادة الاكياس ومسكت الابتسام تسحبها لغرفتهن : تعااالي تعالي متحمسه اوريك جزمه شريتها روعه ..
***
أول يوم مباشرة للعمـــل .. بين كومة كراتين بمكتب السكرتير ويرتب اغراض السكرتير القديم بالكراتين عشان يحط اغراضه تافف : راح تموت ناقص عمر من ورا هالوسوسه يافراس .. يعني ضروري يفتش مكتب الرجال ملف ملف !
اثناء ماهو يفتح الملفات عشأن يتأكد فراس طبعا ان ماكان فيه خيانه من السكرتير القديم بين الملفات الفته ملف استقدام لموظفه .. " سارا " هالعيون ماراح ينساها مستحيل نفس عيونها .. هذي هي عقد حواجبه .. معقولة تشتغل هنا اجل ايش كان تسوي بجدة ؟
طلع لمصعب : مصعب
مصعب : تفضل استاذ لؤي .. بايش اقدر اخدمك ؟
قدم لؤي له الملف : لا .. بس شف لي هالموظفه باي قسم تشتغل ؟
مصعب بقهر : مو موظفه هنا ..
لؤي رفع الملف : اجل هالملف شنو يسوي هنا ؟
مصعب : تقديم الموظفين لشهر مايو .. وانرفضت
لؤي : وليش انرفضت ؟ سيرتها رائعه .. وقسم الترجمة محتاج لغتها
مصعب بيأس : نفس الكلام اللي قلته لطال عمره .. بس الله يهديه رفض نهائي يوظفها
لؤي هز راسه : غريبة .. فراس بالعادة يهتم بمصالحه وهالبنت فيها مصلحة كبيره له
مصعب : الله أعلـــم .. بس وش طالع بيدنا والله تعبت كثير احاول اقنعه
لؤي سحب الملف معه : راح اشوف شنو طالع بإيدنا ؟
ودخل لمكتبه والملف قدامه .. مسك جواله بيدق على فراس يسأله لكن هون اللحين مشغول وهو يعرفه اذا يبس راسه يبسه .. حط الملف على جنب وكمل شغله لحد المساء ثم سحب شنطته وطلع من مكتبه وهو يحس بإرهاق .. شغلة السكرتير فعلا مو سهله .. قبل يطلع وقف عند مصعب ورمى عنده الملف : مصعب أبغاك تحاول تتواصل معها .. وتقولها ان الرفض كان غلطه ونعتذر وراح نوظفها
مصعب بخوف : الرئيس عنده خبر ؟
لؤي : انا الرئيس اللحين .. وهو اختار اني اكون هنا معناها اختار قراراتي
مصعب : الله يستر ..
لؤي : ماعليك أنت نفذ وبس .. وعطها خدمة تحرز عشان الغلط احجز لها طيارتها وهيأ لها المواصلات
مصعب : طيارتها ؟ ليش هي مو بالكويت
لؤي : ياكثر اسألتك مصعب .. انت نفذ وماعليك
مصعب : حاضر
***
بيت أبو هيثـــم /
بالمطبخ ابتسام جالسه تسوي حلا قهوة .. وغادة كاشخة بملابسها الجديده تنورة ميدي كحلية وبلوزة اورانج :يااااااي متحمسة مو مصدقة ان سارا بتجي عندنا
ابتسام : وانتي ليه تخربين ملابسك من اللحين ..؟ احفظيها بتحتاجيها بعدين
غادة : نو نو واي .. انا عروسة لازم اصير حلوه
ابتسام : ومثل ماقلت لك .. اذا شفتي هيثم اعتذري وصلحي الامور
غادة : راح يجي معاها ؟؟
ابتسام : ما أدري .. بس دايم سارا تجي مع هيثم ماعمرها جت لحالها
غادة : خل نزوجها اياه وبس
ابتسام : قولي هالكلام قدام هيثم عشان يكسر راسك
غادة : ليش ؟ ايش قلت انا .. سارا ما شاء الله عليها وهو واضح يحبها
ابتسام : ولو .. هيثم مايحب هالحكي خاصه منك .. اتركيه على راحته
غادة : افف .. والله يقهر هيثم صعب الواحد يعتذر له
ابتسام قزتها : يشبه بعض الناس
رن الجرس وراحت غادة تفتح .. ودخلت سارا لحالها غادة بفرح : اهليييين سسسسسوسوو
سارا سلمت عليها وضمتها : ياااي غدو محلوه .. كل هذا عشان العرس يعني ؟
غادة : لاا .. من يومي اصلن حلوه
سارا مدت لها صندوق هدية : تفضلي شي بسيط .. ان شاء الله الف مبروك
غادة : ياعمري ماكان له داعي الكلافة
سارا : وينها ابتسام ؟
غادة : تفضلي جوا
دخلت وسلمت على ابتسام بحرارة : كيفك ان شاء الله بخير ؟
ابتسام : حممد الله .. انتي شلونك ؟ ... وينه هيثم ماجا معاك ؟
سارا : لا والله شكله ممسوك طوارئ اليوم ومو عارفة ايش .. المهم فين ابوك بسلم عليه ..
ابتسام : تفضلي من هنا .. ( التفتت لغادة ) جيبي الصواني للصالة
دخلت سارا وسلمت على أبو هيثم اللي متعود عليها .. سارا كانت صديقة عزيزة للعائلة بشكل عام ..
***
بصالة البيـــت :
ام فراس : ما شاء الله تصالحتن يعني ؟
ميهاف : ههههههه نشبت بحلقي خالتي قلت اسامحها وافتك
اسماء : لا والله .. مالت بس انقلعي لاتسمحين
ميهاف : هش بس احترمي نفسك لأزعل مره ثانية
أم فراس : لا لاتزعلين ترجعين لها حالة الكئابه .. ماشفتيها امس مسكينة ماعرفت تاكل ولاتسوي شي شايله همك
ميهاف : لبى عمرها والله انها غاليه وهي تعرف هالشي
اسماء باستها بخدها : المهم مامتي .. حنا بنصعد لغرفتي وبنتعشى هناك
ام فراس : نبهي الخدامه أجل تجهز عشاكم وتصعده لكم
اسماء : ميهاف اصعدي لغرفتي .. انا رايحة اشوف عشانا وجايه
ميهاف : أوك
خذت شنطتها وصعدت لفوق .. وبنص الممر لغرفة اسماء وقفت عند المراية وتطلع من شنطتها القلوس تعيد عليه وتضبط كشختها ...
بدر بغرفته حس بصوت برا .. فتح الباب بخفة وهو يدعي تكون هي ابتسم لما شافها هي فعلا كان فاتح ربع الباب بس عشان يشوفها وهي واقفة وتضبط شعرها وتغني بنعومة : ابي منه الغلا كله والشوق اللي مامله ..واذا هو طول بغيابه بشيل قشي وأرحل له .
هنا ذاب بجد .. كلماتها جت بالجرح قال بهمس قاصد انها تسمعه : فداك الشوق والغلا كله ..
فزت والتفتت بسرعة .. لكن كل الغرف مسكره مسكت قلبها من وين هالصوت قالت بهمس : احد هنا ؟
بدر بنفس الهمس : محد ..
طالعت غرفة بدر .. الصوت من هنا حاولت تقرب لكن مسكت شنطتها وركضت لغرفة اسماء .. بعد فترة دخلت اسماء نطت لها ميهاف : اسسسوم .. فيه احد من اخوانك بالبيت ؟
اسماء : ايوه بدر .. ليه ؟
فتحت عيونها : مين ؟
اسماء : بدددرر
ميهاف : متأكــــدة
اسماء : من غيره يعني ؟ انس عند الجيران وفراس بأرض الله الواسعة... ليه خوفتيني ؟
ميهاف ( معقولة ..؟ وش يعني حركته ) : لا .. بس سمعت صوت وخفت ع بالي محد موجود
اسماء : ايه اسفه نسيت اعلمك .. مدري شعنده اليوم جالس ..؟ بالعادة مايجي هنا الا ينام النهار كله ثم يطلع
ميهاف قشعر جسمها وهي تتذكر همسه .. انقهرت شيحس به جالس يخوفني الوصخ !
اسماء : يله اختاري فلم نشغله
ميهاف : لا اسوم مقدر .. بكلم السواق يجي يوديني اللحين
اسماء : يووه .. لاتكفين اجلسي
ميهاف : لا والله وراي امتحانات
اسماء : تبغي بدر يوديك دام جالس ؟
ميهاف بسرعة : لا .. السواق قريب اساسا بيجي اللحين
اسماء : اوك
دقت على السواق بسرعة ياخذها ..وطلعت وهي مرتبكة لكن ماطولت اعتبرتها حركة سخيفة او يبي يخوفها بس
***
هيثم كان ممتكأ على باب مؤسسة الاتصالات ويطالع الداخلين والطالعين .. وقف باعتدال وهو يشوف أحمد طالع وقرب لعنده ومد يده : السلام
احمد عقد حواجبه وهو يسلم : وعليكم السلام .. مرحبا شلون اقدر اخدمك ؟
هيثم : تقدر تخدمني بأختي
احمد فتح عيونه وابتسامة واسعه : هيثثثثم ؟
ابتسم هيثم : ايه .. يضحك الحال والله عيال عم ولا نعرف حتى اشكال بعض
احمد : هانت بنعوضها الايام جايه .. حياك البيت تقهوى
هيثم : لا خيرك سابق مايحتاج .. ابغاك بكم كلمة بس
احمد باصرار : كم كلمة بنقولها على قهوة .. تعال هنا كافيه قريب بيعجبك
هيثم هز راسه : تفضل
بالكافيه :-
احمد : وشخبار شغلك ؟ والله ماشاء الله عليك داخل طب .. اعرف كثيرين سنتين بالكثير وشردوا
هيثم : ايه كثيرين كانو معي بأول سنة .. اللحين وصلت لسنة التخرج معاي ثنين منهم بس
احمد : الله يوفقك .. بتتخرج هالسنة ؟
هيثم : ايه اخيرا .. عقب 9 سنين دراسة
احمد : انا اربع سنين واحس كفاح .. الله يعينك
هيثم : حمد الله مرت كانها سنتين ماحسينا فيها
احمد : سمعت انك تهاوشت مع عماني ؟
هيثم : مو مهم .. انا جاي اكلمك عن أختي
أحمد : مايحتاج هيثم طمن حالك ..غادة امانه برقبتي وانا قدها
هيثم : بإذن الله .. بس برضو ماقطعت مشواري عشان كذا
احمد : حيرتني .. شنو اجل ؟
هيثم شرب رشفه من فنجاله ثم طالع احمد بتمعن : موضوع أمي ..
احمد : ايه ؟
هيثم نزل راسه : غاده ماتدري براسها أن امي ميته .. وابغى هالفكرة تضل براسها
احمد فتح عيونه : يعني ماتدري أن ..
قاطعه هيثم : لا ماتدري !
احمد : بس كل اهلنا يدرون .. مصيرها بتدري
هيثم : وهنا تجي مهمتك .. عاشت غادة 18 سنة جمبي ماسمحت لها تدري واللحين جا دورك فهم الكل ممنوع يزل لسانهم بكلمة في هالموضوع
احمد : وليش خبيتو عليها ؟
هيثم : لأن امها احقر من انها تعرفها .. تكون ميته بنظرها أحسن
احمد مسك رقبته : والله مو عارف ايش بقولك ؟
هيثم : ماتقدر .؟
احمد : من ناحيتي ماراح ازل لساني .. بس مقدر اضمن لك العائلة كلها
هيثم : اجمع عماني .. ونبه كل واحد ينبه اهله
احمد هز راسه : ان شاء الله
هيثم : اقدر اتطمن ؟
احمد : ايه هيثم تطمن .. ان شاء الله ماراح تعرف
وقف هيثم : معناها انا استأذن
احمد : وين بدري .؟ اجلس نتعشى سوا
هيثم : لا مقدر طالع بالبريك ولازم ارجع
احمد : في امان الله ..
طلع هيثم .. واحمد جلس يطالع بقهوته متعجب ( معقـــولة ماتعرف ان امها حيه .. معقوله ماتعرف من هي بالضبط ؟)
***
عطست غادة : حمد الله
سارا : يرحمك الله ..
غادة : ايه ايش كنتي تقولي ؟
سارا : اقولكن قهرني .. اقسم بالله ليومك هذا ادعي عليه كل ماسجدت
ابتسام : هههههههههههه ياساتر
غادة : معها حق .. يقهر ايش هذا ؟!
سارا : جالس لي رجل على رجل وساكت .. لما قررو يقبلوني التفت ( كملت وهي تتهزا بطريقة كلامه ) لايكون انت المدير هنا !! متعجججرف يقهر
ابتسام : غريبة رئيس اعمال كبير يبني قراره على موقف شخصي
سارا : الله لايوفقه .. حيوان مايدري قد ايش كنت متأمله اشتغل هنا
ابتسام : ماعليك منه .. اجلسي هنا واشتغلي عندنا وخل نشوفك على طول
سارا : ولا يهمكم
غادة : سارا شرايك تنامي عندنا اليوم ؟
سارا : لا صعبه مقدر !
ابتسام : كيف صعبه ؟ الفندق لاحقه تنامي فيه .. اجلسي وارتاحي وبالمره بكره اطلعي مع غادة للسوق
غادة : اييه تكفين .. تخيلي ابتسام ماتطلع معاي ابد وانا محتاجه احد يشور علي
سارا : خلاص احرجتوني بجلس
ابتسام : الساعة المباركة .. خلينا ننبسط الليله ونسهر
دق جوال سارا .. مسكت جوالها ثم غصت باللقمة بفمها لما شافت المتصل ابتسام جابت لها مويه وتضرب على ظهرها بخفه : بسم الله .. شفيك ؟
سارا شربت الكاس كله : بنااات ! شركة المتعجرف داقين علي
غادة نطت : صدقق ؟
سارا : يمه ايش يبغى ؟!
ابتسام : ردي واعرفي ..
سحبت هوا الغرفة كله ثم ردت : الو ..
: الو .. هذا رقم سارا والكر ؟
سارا : أيـوه
: معليش صار خطأ تقريبا الاسبوع اللي فات وانرفض توظيفك ..؟
سارا : لا مو خطأ .. المدير بنفسه رفض
: وهذا هو الخطأ .. وحنا حابين نصلحه
سارا : كيف يعني ؟
: يعني انتي انقبلتي تشتغلي بشركتنا وتقدري تداومي من بكرة
سارا بقهر : ايه بس ماراح ينفع .. انا مو بالكويت
: راح نحجز لك على حساب الشركة الخاص كإعتذار على اللي صار ..
سارا فهت الوضع جنوني صدق : خلاص تمام
: راح نرسل لك معلومات حجزك ونحرص على استقبالك ومكان سكنك
سكرت سارا السماعة والتفتت لابتسام وغادة المستمعات لها بحماس : شنو شصار ؟
سارا : مو مصدقة .. تخيلو يعتذرون على اللي صار وبيحجزون لي عشان ارجع واتوظف
ابتسام : كيف يعني ؟
سارا : يعني انقبلت بالشركة !!
ابتسام : الفف مبروك
سارا : الوضع مو مطمن .. هو كارهني انا متأكده صار بينا كذا موقف وكل موقف اسوأ من الثاني
ابتسام : انتي موهوبة سارا .. واكيد حس انه غلط ولا مين حاصله انتي تشتغلي عنده اصلن
سارا : ان شاء الله كذا ..
غادة : اللحين الشغل بالكويت .. مختلط صح ؟
سارا : ايه .. اذا الشغل بالسعودية احيان ماتفرق مختلط كيف بالكويت .
غادة : والله فله
سارا : احمدي ربك والله مو فله .. احيان تحرشات تسد النفس
ابتسام : اهم شي انتبهي على حالك سارا .. راح تسكني لحالك ؟
سارا : لا برجع لصديقتي اللي كنت ساكنه معاها هناك
غادة : افف ياحظظك
سارا مسكت جوالها : بكلم هيثم اعلمه
***
كانت اسماء متسندة على الجلسة بنافذتها وعيونها على النجوم .. طفشت لازم تقوم تدرس وراها امتحانات ولها من الصبح تتهرب جلست على مكتبها تحاول تاخذ لها كم معلومة تنفعها لكن مافيه امل خلاص النوم بعيونها .. سحبت درج مكتبها وطلعت صورته وهي تمسح باصبعها على ملامحه تنهدت بشوق .. اشتاقت له ماتخيلت بتشتاق لهالدرجة سندت راسها على المكتب والصورة قدامها وغفت وهي تتأمل ملامحـــه ..
***
بالمول كانت غادة وسارا طالعات من محل جوالات وغادة مبسوطة اخيرا صار عندها جوال : يااي مبسوطة .. افف ليت كان عندي من أول كان اطلب رقمه
سارا : هههههههههه خلاص مابقى الا اسبوع وتتزوجون مايحمل
غادة : حبيبتي شكرا اليوم صدق انقذتيني .. ياليتك تجلسي هنا على طول تساعديني بالتجهيزات
سارا : بصراحة ماسويت شي .. بس جالسة امشي معاك وانتي ماشاء الله مسنعه حالك
غادة : اقل شي تعطيني ارائك ..ماقلتي لي متى طيارتك ؟
طالعت سارا الساعة : الساعة 7 .. مفروض امشي اللحين للمطار
غادة : اوديك بالطريق معاي ..؟
سارا : لا هيثم بيوصلني .. متواعدين نتقابل هنا
غادة بقهر : صدق ؟
سارا : إيوه اجلسي انتي يوصلك اخوك دام جاي جاي
غادة : لا لا مافيه داعي .. ماراح اعرف كيف اتكلم معه وبيصير الجو بايخ
سارا : لا تخافي بساعدك
غادة : لا بعدين بتتصلح الامور ان شاء الله ..انا اجل طالعة اللحين الله يوفقك بشغلك وترا ماراح اعذرك لازم تجي تحضري زواجي
سارا : ههههههههه طبعا ولا يهمك
طلعت غادة وجلست سارا على المقاعد الجانبية حتى جا هيثم بعد فترة وقفت : تأخرت
هيثم : كويس فيني جيت .. يله مشينا
سارا : يله
هيثم تلفت يمين وشمال : وين غادة ؟
سارا : طلعت قبل شوي
هيثم : اها
سارا : خف عليها شوي المسكينة تبغى تصلح الموضوع مو عارفه
هيثم تنهد : لا تفهميني غلط انا مو معارض زواجها خصوصا بعد قابلت احمد وشكله رجال .. بس طريقتها بالكلام معي هذي ماراح افوتها لها
سارا : صغيره وطايشة .. تجلس تحاسبها ؟
هيثم : هي طردتني طردة صريحة من موضوع زواجها .. وحتى ماحاولت تعتذر .. لا هالكلام مو عندي خل تتأدب اول ثم نتفاهم
ركبو السيارة وبنص الطريق قال هيثم : سارا انتي متأكدة من الوظيفة ؟
سارا : كيف يعني ؟
هيثم : يعني متأكدة انهم بيوظفوك .. مو حركة رخيصه يعني او مقلب
سارا : معقولة مقلب
هيثم هز كتوفه : توقعي كلش .. مفروض متأكدة قبل تروحي ويصير زي آخر مره
سارا : لا ان شاء الله خير .. وبعدين شركتهم معروفة ولو بيسوو غلط كبير كذا بيكون فضيحه لهم
هيثم : ان شاء الله
سارا : ليت اخته لسى مريضه عندك .. عشان لو يطلع مقلب تقتلها لي مباشرة
هيثم : هههههههههه ماراح اقتل لك اخته بقتل لك بنت عمه
سارا : على راسك بنت عمها هذي
هيثم اشر لحلقه : واقفففه هناا .. الله يلعنها ما أغثها
سارا : والله العائلة كلها غثيثة الله لايبلانا
هيثم وقف عند المطار : يله السوري .. تمنيت اوقف معك لحد تركبي بس مضطر ارجع .. انتبهي على حالك وحاكيني بس توصلين
سارا : ان شاء الله .. وانت صلح امورك مع اختك حرام محتاجتك
هيثم : يصير خير ..
***
رجعت ميهاف من الجامعة وفكت عبايتها ورمتها على الكنب وجلست : افف التعب احسني مكسرة
ام نايف : اطلعي بدلي ثم انزلي تغدي
ميهاف : لا ماما شكرا شبعانه .. بنام على طول وترا اسوم بتجي عصر
ام نايف ابتسمت بفرحة : صدق ؟
ميهاف : ايه .. شفيها يعني ؟
نايف : ماتشبعون من بعض أنتو تو شايفات بعض امس واليوم بالجامعة
ميهاف : وانت نفس الحكي .. مو لازم تقابل بدر كل يوم حتى اذا سافر سافرت معه
نايف كشر : نظلتينا .. امس ماشفناه
ميهاف : غريبه .. لا اكيد صاير شي بالدنيا
نايف : مشغول مع أهله امس ماقدر
ميهاف تذكرت همسه قشعر جسمها من جديد .. خذت عبايتها وشنطتها وصعدت وهي تفكر يعني يقولهم عنده شغل مع اهله وهو امس جالس بغرفته ماشفته حتى جالس مع امه .. شصاير عليه بدر ..؟
***
اول ماوصلت للكويت ماتطمنت تجلس .. لازم تروح للشركة على طول وتتأكد من عرضهم الموضوع فعلا مايطمن على ان الوقت كان متأخر والساعة 10 بس لازم تظمن حالها دخلت الشركة وتوجهت للاستقبال : المدير موجود ؟
: لا والله مو موجود
سارا : طيب انا محتاجة اتكلم مع جهه مختصة بالتوظيف
اجرى مكالمة وعقبها التفت لها : تفضلي استريحي شوي
بعد فترة جا مصعب من بعيد وهي تعرفه من تسجيلها الاول : اهلين استاذ مصعب
مصعب : هلا والله .. كيف حالك ؟
سارا : حمد الله تمام .. انا جتني مكالمة امس بخصوص غلط في القبول المره اللي فاتت
مصعب : هالكلام صحيح ..انتي مقبولة وتقدري تشتغلي
سارا : مصعب انت كنت موجود ..المدير بنفسه رفض يوظفني شصاير يعني ؟
مصعب : انسي اللي صار .. وركزي على انك مقبولة وبتشتغلي معانا
سارا : اسفه مصعب .. مو قادرة اصدق الا لحد ما اسمع هالكلام من المدير نفسه
مصعب : طيب مو موجود
سارا : مو مشكلة كلمه وخذ لي معاه موعد بكرة
دق مصعب على لؤي : السلام عليكم
لؤي : اهلين مصعب وعليكم السلام .. غريبه داق بهالوقت فيه شي ؟
مصعب : أيه .. الموظفة سارا والكر موجودة اللحين ورافضه تصدق انها توظفت لحد مايأكد لها المدير بنفسه فأخذت لها معاك موعد بكره صباح
لؤي : هي اللحين موجودة ؟
مصعب : ايوه
لؤي وقف بسرعة وسحب مفاتيحه وجاكيته والسماعة باذنه : لا تتركها تروح انا بالطريق جاي
مصعب : اللحين اللحين ؟
لؤي : ايوه .. نص ساعة وبكون عندك
سكر مصعب السماعة : المدير جاي الحين
سارا استغربت صدق .. يعني كمان بيجي هالمشوار عشانها وعادي ما يعارض فيه شي غريب : اوك نجلس ننتظر
بعد نص ساعة بالضبط .. دخل لؤي مكتب مصعب : السلام
مصعب وقف : انا طالع .. تفضل
طلع مصعب وجلس لؤي مكانه .. فتحت سارا عيونها : انت !!
لؤي ابتسم : هههههههههه ايوه .. وانتي استبيان اللقاء
سارا : كيف يعني .؟ انت مو مدير الشركة شتسوي هنا
لؤي : معك لؤي عبد الرحمن الشمري .. سكرتير المدير ونائبه فترة غيابه
سارا : ههههههه يالله على الصدف شلون .. انا سارا اهلين
لؤي : من جد .. لما شفت ملفك ماصدقت فما حبيت اترك هالصدفه تمر
سارا : يعني .. قرار التوظيف منك انت مو من المدير بنفسه ؟
لؤي : انا المدير حاليا لحد مايجي .. فيعتبر قرار من المدير وعليه ختمه
سارا : ايه بس ..
لؤي قاطعها : مافيه بس .. انتي موهوبة ودراستك كبيرة وماتتفوت وانا قررت تتوظفي بقسم الترجمة
سارا : شكرا كثير .. بس من جد انا مو حابه اشتغل اذا القرار مو من المدير
لؤي : كأني طايح من عينك ؟ ايش لي ساعة اقول .. انا المدير الحالي
سارا : الحالي .. بس مصير المدير الحقيقي يرجع
لؤي : وقتها على مسؤوليتي
سارا تنهدت : أنت ماتعرف إيش صار بيني وبين ولد عمك .. مواقف برا الشركة وكلها مواقف سيئة فمستحيل يوظفني
لؤي : يعني إنتي جيتي كل هالمشوار من السعودية للكويت عشان تتأكدي من المدير وبس ؟
سارا بخيبة : على أمل يكون تراجع عن قراره
لؤي : افهم من كذا انك رفضتي الوظيفة ؟
سارا : أترك لي يومين أفكر .. وبقرر
لؤي حاس بفمه ما أعجبه الكلام .. لكن قال : اوك يومين ماغيرها
سارا : ان شاء الله
لؤي ابتسم : اتمنى من كل قلبي أنك توافقين .. وصدقيني ماحتندمين
سارا هزت راسها ووقفت بتطلع .. لؤي : وين ؟
سارا : البيت
لؤي وقف : لا انا راح اوصلك بطريقي
سارا : لا مافيه داعي .. بروح بنفسي
لؤي : مو كافي طالع من بيتي خصيص عشانك .. كمان راح ترفضي عرضي
سارا باستسلام : هههههه اوك بس ماراح ادفع سعر التوصيلة
لؤي : انا ادفعها عنك ولا يهمك .. شرفي
وصلها لؤي وطول الطريق يكلمها عن طبيعة الشغل .. وعروض مغريه بالشغل .. وهي مو مصدقه إن هذا ولد عم فراس خلق وفرق بجد .. قشعر جسمها على طاري فراس ماتتخيل ردت فعله لو يدخل الشركة ويحصلها تشتغل قدامه .. ومن خبرتها فيه انه وقح لدرجة ماتفرق معاه لو يفشلها قدام الناس او يطردها مباشرة ..
***
صحت ميهاف من النوم على المنبه .. عشان تتجهز لأن اسماء بتجي... فستان برتقالي بكم ياباني مع حزام تحت الصدر لنص الساق .. وشعرها الاشقر مسكته كبه من قدام وتركت الباقي مفتوح بطبيعته الجعده مع قلوس وكحل وماسكرا ابتسمت لنفسها قدام المراية : ياناس اجنن
نزلت بسرعة للمطبخ واشرفت على التجهيزات وحطتها على الطاولة .. ثم طالعت ساعتها : اسوم هذي اذا ما تأخرت يوم مااتعتبر اسوم
ام نايف : وانتي مستعجلة ليش حطيتي القهوة .. اصبري لين تجي
أبو نايف : والله ياحليلها هالبنت اللي بتجي عقب سواة لؤي .. كبرت بعيني بنت اخوي
ميهاف ( والله هالسالفة ماخذه منحدر خطأ ) مسكت جوالها ودقت جاها صوت اسماء النايم : هممم
ميهاف صرخت فيها : لاااااا واللله !! احلفي ياشيخة
اسماء : شنو ..؟
ميهاف : خلك بالنوم ياروح امك .. وين اللي بتجي اليوم عصر بدري
اسماء وهي للحين نص نايمة : اوه ميهاف .. يله جايه جايه
ميهاف : لا تجين !
وسكرت السماعة وصرخت بقهر : تققققهر
ابو نايف : بسم الله شفيك ؟
ميهاف : حضرتها نايمه وانا صاحية من بدري اجهز واحوس
ام نايف : حصل خير .. بتجي عاد؟
ميهاف : مدري عنها !!
ابو نايف : هههههههههههههههههههههههه ياحليلكن يابنات .. يله انا طالع تامرين شي يام نايف
ام نايف : سلامتك
طلع أبو نايف وميهاف للحين جالسة ومبوزة واسماء تدق عليها ماترد .. عقب ساعة طق الجرس : مفروض ما أفتح لها !
ام نايف : متأكدة انها هي ..؟
ميهاف : اكيد من غيرها بيجي اليوم
فتحت ميهاف الباب .. ووقفت متكتفه وتطالع اسماء من فوق لتحت : خير .. وش جابك ؟
اسماء وبيدها باقة ورد حمرا مغريه : ميهااف حبيبتي .. شاسوي والله قايله لامي تصحيني ونست
ميهاف : مش مشكلتي ..
اسماء : يله مو حلو شكلك مبوزة
ميهاف : اقول ادخلي بس خل نتقهوى هالقهوة اللي بردت
اسماء مدت لها الباقة .... ميهاف : ههههههههه والله وتعرفين تعتذرين حضرتك
اسماء : والله ياليت .. بس مو مني هذي من بدر اخوي يقول على آخر مره
ميهاف فتحت عيونها : هااه
اسماء بنظرات ملتوية : وش صاااير آخر مره .؟ ماعطيتيني خبر
ميهاف : ماصار شي والله خلاص
اسماء : على كيفك تعااالي علميني !!!
ميهاف وهي معصبة بجد : حلي عن جوي .. تبغي اسامحك خلاص اسكتي
اسماء : اف خلاص سكتنا
ميهاف وهي تطالع الورود : ادخلي مع ماما بالصالة بحط الورد وبجي
اسماء : اوك ..
دخلت ميهاف المطبخ : بعد يعرف يعتذر ..
طلعت باقة وحطت الورد فيها اثناء ماهي تحطها طاح من الباقة ظرف .. رفعته مكتوب بخط رايق ( اعتذر عن آخر مره ماقصدت اخوفك .. بس حلو شكلك وانتي خايفه )