كاتب الموضوع :
متمللة
المنتدى :
القصص المكتمله من وحي قلم الاعضاء
رد: انتماءات كاذبة
" البارت الواحد والثلاثين "
- حب الجميع , وثق بالقليل , ولاتخطئ بحق أحد .
ابتسـمت بنعومة في منتصف الإجتماع وهي تفتح مسجـه
أمـا بعد :
لن أحب أحدا بعدك ,
أما قبل :
فأنا أساسا لم أعرف الحب إلا بكِ !
: أخت إبتسام .؟!
رفعت راسها : أيـــوه .؟!
ضحك الموظف بخفة : هههه وينك الله يهداك مو معنا .. التوقيع وقف عندك
ابتسمت بانحراج وهي توقع على الحضـور .. وتسحب ملفاتها وتطلع من قاعة الإجتماعات ومجرد مافتحت جوالها من وضعية الصامت رن بأسمه ردت مباشرة : ههههههههه فهيت بي بالإجتماع يقطع بليسك
نايف بدرامية : أنتي ليش قاسية معي كذا .؟! معقولة ما اصحى يوم على وجهك ... اركد منبهي عشان اصحى بدري الحق اشوفك ما احصلك !
ابتسام وهي تمشي بالممرات بقصد لمكتبها : شأسوي بعد مع رمضان كل العالم مالهم خلق يداومون وش بيدي .!؟ لا وفوقها اخوك لؤي مقدم اجازة ولازم استلم شغله خذ لك يعني
نايف : والله انتي متعذبه ومعذبه نفسك .. شوفيني مو راضي اقوم من الفراش للحين وانتي تحوسين
ابتسام : والله انت متفاهم مع نفسك والحاله اللي انت عايشها ! انا خلاص تعودت على الشغل مايهون علي اتركه
نايف : اشوف هالشغل وين بيوصلك ..؟! متى بترجعين ماخلص دوامك الساعة 2
ابتسام : إلا خلصت هذاي دقيت على السواق بالطريق اكيد ..
نايف : راح تجين معـاي اليوم لأهلي .؟! امي عازمتنا على الفطور
ابتسام : همممم لا بجلس مع غادة
نايف : ماتكوني للحين ماخذه موقف منها عشان اخر مرة .؟!
ابتسام : والله ياحبيبي اكذب عليك لو اقولك لا مو ماخذه موقف .. انا للحين مانسيت كلامها واذا هي تمادت معاي وقالته لي فوق اني صابرة على اشياء كثيرة معناها بتتمادى تقولي اكثر من كذا بعدين
نايف : لايكون تقصديني بس بانك صابرة على اشياء كثيرة .؟!
ابتسام بعناد : ايه اقصدك .. لو بس اني صابرة عليك مفروض تدعي لي وتعطيني راتب بعد
نايف : ههههههههههههههههههه ولا يهمك انا اعطيك راتب بس عشان تجلسين عندي
ابتسام : DEAL , واذا ولدت كمان تزيد الراتب عشان اصبر على عيالك بعد
نايف : ههههه ي ساتر! وبنقضيها طول عمرنا علاوات .؟!
إبتسام : يب يب واذا توأم على قولتك دبل كمان
نايف : هههههههههههههههههه لنا الله ندفع وش نسوي بعد .. بس وقت يجون احفادنا تفاهمي مع عيالك انا مالي دخل خلص دوري
ابتسام : ههههههههههه يله حياتي هذا السواق يدق اكيد جـا
نايف : يله في امان الله
***
: صـــح النوم ! الساعة 5
أسماء وهي تتثاوب : شأسوي ماما مانمت الا 10
أم فراس : كلن في هالبيت ينام ويصحى زي العالم الا انتي عايشة عالم لحالك !
اسماء : حاولت الاحقكم واصير زيكم بس ماقدرت سريعين مرة انتو بروتينكم شاسوي .؟!
ام فراس : مابقى على الفطور شي روحي اقري لك شي ولا انتفعي
اسماء : من عيوني انتي بس هدي .. عشان فراس أجل رحلته شبيتي فينا حريقة
ام فراس تنهدت : شاسوي .؟! يوم استانست وقلت خلاص بيستقر هنا انعاقت معه وصار يأجل .. ظنك مايبي يعيش عندنا .؟!
اسماء : والله هو ابرك له وابرك لنا يعني
ام فراس طالعتها بحده وهي تقبصها : انا الغلطانة اللي جالسة احاكيك واحسبك اخته وسنعه .. انقلعي من وجهي
اسماء : هههههههههههه اسفة اسفة ... إلا بتروحين انتي بكرة لعزيمة ام نايف .؟!
ام فراس : والله مفروض ما اروح عقب ماسحبت ميهاف علينا .. بس يله نروح كود ان النفوس تصفى والقى حل لهالاثنين
اسماء : انتي ليش مصرة ان بينهم مشكلة .. يعني انا اشوف بدر عادي عايش حياته لو فيه مشكله وضح
ام فراس : لا انا قلبي قارصني متاكدة ! ولا كيف ثنين تو متزوجين عادي عندهم يعيشون منفصلين .. اللي اعرفه بداية الزواج يكون كله لهفه ابوك الله يرحمه ماكان يتحمل يفارقني بداية زواجنا
اسماء : يمكن يبون يقون نفسهم الفتنه بما انا رمضان
ام فراس : شف البازع وين تفكيرها ! روحي روحي صلي بس
***
فـراس /
وطــأت قدمه باب المستشفى مباشرة بعد وصوله من المطار .. واعصابه مشدوده تنهد وهو يوقف عند الباب ويسحب له سيجارة قبل يدخـل .. مو متخيل نفسه يشوف بنت لؤي ويعرف انها بنت لؤي ! : ............................
دق جواله رفع السمـاعة بربكة " لؤي " سكر جواله .. مايقدر يكلمه اللحين يكفيه الضغط اللي عايشه بعد ماهدت اعصابه رمى السيجارة وهو يسحقها برجله ويدخل المستشفى .. وقف عند الإستقبال : can I ask about a patient here call sara walker ?
الإستقبال : ofcourse from here please
رافقته الموظفة حتى مقدمة المـمر : the third room in your left
هز فراس راسـه ..وهو يتـأمل الباب زفر بتعب ( انا وش جايبني .؟! ) تراجع بخطواته وهو يديــر ظهره .. عقد حواجبه وهو يطـالع الشاب الواقف أمامه ويطالعه بتعجب : you look as arabic .. don't tell me that you'r loai
فراس : and you being …?
جاكسـون : seem it's really you ! what are you doing here ?! coming to see her after every thing she's been throgh
فراس تنهد وهو يتجاهل الشخص الواقف قدامه ويمشي بطريقه للغرفة المقصودة .. لكن استوقفه سحب جاكسون له من خلفية ثوبه : don't ignore me !
فراس مسك يده وهو ينطق بحده : you'r really a troublesome ! I don't have time to deal with a brat so get off
جاكسون : I am a brat ?! so you'r the man ?! I wonder how you gonna feel like a man when hear her crying all this time becouse of you
فراس ببرود : I don't know who'r you .. but it seems to me that your another fan of her .. will don't blame me for you'r feeling as a love rival , and if you want her for real here she is infront of you take her she's completlly your's
جاكسون : you ***** ! she loved you for real !!
فراس:. I would rather if you don’t mistake me with him
جاكسون عقد حواجبه : so ! you'r not loai ?
فراس ارمقه بنظرة .. وطرق باب الغرفة : get in
سحب مقبض الباب وهو يدخل .. فتحت سارا عيونها بوسعها بينما كانت جالسة على طرف السرير تستعد للرحيل ومهد وردي بين يدينها : فــراس .؟!
الجدة وهي تطالعه : who's he ?
سارا وعيـونها تلمع بالدموع أثر ذكريات ايام مضت .. نطقت وهي تطالعه : suufi .. leave us alone for a moment
فراس نطق بهدوء : don't suffi .. " التفت لورا " you too you can inter
دخل جاكسون وهو يطالع سارا : sara who'e the hell is he !
سارا عضت شفتها وهي تمنعها من الإجهاش بالبكاء : ......................
فراس وعيونه معلقة بالمهد الوردي .. رفع عيونه مباشرة لسارا وهو يبعد عن هالطفلة او يتجاهل وجودها : مبـروك.
سارا نزلت عيونها لطفلتها : تبي تشوفها .؟!
فراس تنهد : ما أتجرا احط عيني فيها وأبوها ماشافها حتى ..
سارا عضت على شفتها ونطقت بقهر : ماتصلحت الأمور .؟! مافيه مجال ؟
فراس ارتفعت وتيرة صوته : انتي للحين عندك أمل !؟ ظنك لو فيه أمل من الاول كنت ببعدك لآخر الدنيا ! غبية انتي ؟! " تنهد بضيق " آسف على هالكلام بس ابيك تفهمين انك تقطعين الأمل في هالموضوع نهائي
نزلت دمعة غير محكومة من عينها :لا عادي .............................
فراس شاح بنظره عنها : بالنسبة لموضوع الطلاق ! ماراح تقدرين تتطلقين إلا بقضية رسمية بالمحكمة .. يعني لازم تتواصلين معاه ..وهذا صعب فانا اقول الاحسن تنتظرين لين هو يزهق ويقرر يطلقك وكذا ننتهي
سارا هزت راسها بصمت : ...........................
صوفي : مالذي يخبرك به يا ابنتي .؟!
فراس : انا ماشي
مجرد ماطلع من الغرفة .. نزلت سارا راسها ودموعها تنساب لا إرادي حضنتها صوفي بقلق : what happened baby ? who's that man ?
***
أم فـراس بسعـادة على مائدة الإفطار : اخوكم بيوصل بكرة إن شاء الله
بدر وهو ياكل : أكيد هالمرة ولا زي اخر مرة .؟!
ام فراس تنهدت : نقول ان شاء الله اكيد
اسماء باحباط : فراس هذا احسه عقاب لي على كل عمايلي السوداء في هالدنيا
ام فراس : أستغفر الله العظيم ! جني هو ! اخوك خوت عظامك بعد
اسماء بتجاهل : ياسمين مرري لي صحن السمبوسة
ام فراس : خلصتي صحنك خلي صحنها المسكينة
اسماء : مجعومة هالبنت ماراح تاكله " طالعت ياسمين " اخلصي هاتيه
تنهدت بحب لصحن السمبوسة بين يدينها : مهما تزعلني الحيـاة .. الأكل يراضيني على طول الله يخليه لي
ام فراس باهتمام : بدر يمه شخبار بيتكم جهز .؟!
بدر وهو ياكل : تو كلمت المصمم امس يقول بسلمه لك بعد ثلاث ايام .. يعني قولي الاسبوع الجاي بنكون فيه ان شاء الله
ام فراس : حلو ما شاء الله .. وعطيت ميهاف خبر .؟!
بدر : لا لسى .. بقولها ان شاء الله
ام فراس : ايه اهم شي لاتنسى عشان يمديها تجهز بعد
بدر : ان شــاء الله
***
بيت أبو نايف .. بعد صلاة المغرب دخل ابو نايف البيت ومعاه نايف ولؤي واجتمعت الأسرة /
نايف وهو يحتسي فنجاله : بتسافر متى .؟!
لؤي : بكرة ان شاء الله بالليل طيارتي
نايف : الكويت .؟!
لؤي : ايه باقي عندي كم شغله هناك أبي اخلصها ..
ابو نايف : اهم شي وظيفتك يابوك .. مابي اللي صار يتكرر
لؤي : لا ان شاء الله ماحيتكرر
ميهاف : ومو تسافر تطول وتسحب علينا .. ارجع طل علينا كل فترة وفترة
لؤي : من عيــوني .. وش بعد ؟!
ام نايف : اقول نويف .. وين ابتسام ماجت معك انا قايله لك تعال انت وياها .؟!
نايف بطبيعية : ابتسام زعلانة عليك ماتبي تجي
ام نايف كبست بعيونها ...: زعلانة علي انا ؟!
نايف : ايه انتي وبسببك بعد زعلت علي انا بس الله ستر !
نقل ابو نايف بصره بين أم نايف ونايف : شصاير ؟! وليش زعلانة من امك ؟
نايف : تسألني .. العلم عند امي , وش صاير بآخر عزيمة ؟
ميهاف : يوووه ياعمري للحين زعلانة ..
ام نايف : شأسوي والله مو بيدي اسكت ! يعني اللي سوته هي الله يهديها غلط
ابو نايف بحدة : جدار انا هنا ! تكلموا وش صاير !
ام نايف بربكة : هد اعصابك الله يطول بعمرك .. آخر عزيمة لبدر وميهاف تفاجأت لما دخلت ابتسام اختها غادة معها وانا ماتحملت وجودها الصدق .. يعني سمعة البنت شينة والحكي عنها ماينقال ومن دخلت والكل يشوشر ويحكي فيها .. يعني ابتسام الله يهداها ليش جايبتها مدري تفشلنا وبس .؟! فانا وش سويت يعني كلمت ابتسام قلت لها ان وجود اختها مسبب شوشرة ونبيها تطلع ..
ابو نايف : يعني طردتيها !
ام نايف : هاه وش بغيتني اسوي يعني .؟! اتركها تسود وجهنا باختها
ابو نايف ارتفع صوته : سواد الوجـــه هو اللي سويتيه ! اجل ضيف دايس بساطنا تروحين تطردينه ! وين كرامتك وضيفتك تنطرد من مجلسك .؟ هذا غير مرة ولدك اللي فشلتيها وقللتي قدرها ... عيب يامرة عييييب
لؤي : روق يبه مايبيلها كل هذا ...
نايف كان ساكت ... اما ابو نايف وقف ومشى بطريقه لبــرا مجرد ماطلع طالعت ام نايف بنايف : كذا تقول هالحكي قدام ابوك !! انت عارف انه مايحب ذالحكي
نايف هز كتوفه : انتي سالتيني وانا جاوبت وش تبيني اقول يعني !؟ اكذب ؟!
ام نايف : لا حطني بمشكلة مع ابوك !
نايف : اللحين هالكلمتين اللي قالها مشكلة .؟
ام نايف تنهدت : بكرة عزيمة عندي قل لإبتسام تحضر ومالها الا اللي يرضيها .. واذا غادة بتجي بعد حياها الله
نايف : الله الله الله ! كل هذي هيبة يا أبوي ... اعزم ابتسام " كمل بتهويل " وغاااااااااادة كمان .؟!
ام نايف : خل مني هبالك واعزمهم .. ومو تنسى بكرة يكونون هنا اعرفك دمك بارد بتسحب علي
ميهاف : هههههههههه خلي يكون عنده دم بالأول وبعدين نتفق على درجة الحرارة اذا بارد ولا حار
نايف : الله الله ياخفة الدم يا ميهاف .. وين بتروحين اخت نايف
ميهاف : ههههههه اعوذ بالله .. " عانقت لؤي من رقبته " انا اخت لؤي وبس
لؤي ابتسم : كأنك انجحدت من كرت العائلة نايف
نايف : طقاق خل انجحد عندي كرت عائلتي يغنيني عنكم كلكم
ميهاف : اخس والله شرتك ابتسام معد يهمه احنا
نايف بحالمية : جعلي فــداها
وقف لؤي : انا صاعد اكمل تجهيز اغراضي
صعد لغرفتـــه والشوق ذابح صدره .. لحد اليوم كانت الأيام تمر عليه بملل دون أي تغير سوى التاريخ , يحس نفسه ميت وهو بعيد عنها : الله يبلغني شوفتك قريب .. والله ماراح تضبط حياتي دونك
***
صبــــاح اليوم التــالي .. إنتشر في الأخبــــار :
" عملية طلق نــاري في ضواحي شيكــاغو على المليـاردير السعودي فـراس الشمري "
أم فراس بمجـرد سماعها الخبر اغشى عليها وسط عيالها ... اسماء صرخت بقوتها : يمممممممممممممممممه !! بدددددر ويييينك
نزل بدر بسرعة من الدرج اثر صراخهم وركض ناحيتهم بفزع : شصاااااااااااااااااير شفيها امممي .؟!
اسماء وهي تبكي : فرااااس فراااس بيموت وامي ..
توسعت عيون بدر وصرخ فيها : شنو فراس بيموت ..؟!!! انهبلتي انتي
رفع عيـونه للتفزيون والأخبــار ... توسعت عيونه ثم نفض راسه وهو يرفع امه بين يديه : اسماء افتحي لي باب غرفتها
حطــها على سريرها وبحضنه صحن مــاء يمسح به على وجهها : يممه ... يمه
اسماء بفزع : بدر امي مو بخير خل نوديها المستشفى !
فتحت أم فراس عيونها ببطء لحظتها : فــ ... راس .؟!
التفتت بدر لها مباشرة : يمه هدي اعصابك الله يخلي لنا اياك .. فراس مافيه الا العافية ان شاء الله " التفت لاسماء " خليك جمبها انا راجع
طلع مباشرة من الغرفة والبيت ... وهو يدق على رقم فراس وقلبه يضرب خوف , جاه الرد بصوت متعب مبحوح : هلا
بدر بقلق : فراس .؟! شصاير انت بخير !!! الاخبار يكذبون صح .؟ !من مطلع هالخبر
فراس : كيف امي ؟!
بدر : امي حالتها حاله الله يعينها من سمعت الخبر غابت عن الدنيا !!! بس انت شفيك شصاير وش هاللي جالسين نسمعه ؟
فراس تنهد : ماعليــك مافيني شي اللحين ... راجع للرياض بكرة
بدر بفزع : يعـــــــــــــــــني صدق ؟!!!!
فراس : ايه صدق بس جت سليمة ..
بدر : ليش ومن هذا اللي يطلق عليك وليش متعدوي لك ؟!
فراس : ما أدري ..
بدر : اساسا انت شتسوي بامريكا !! مو على اساس مسافر للكويت ..؟!!!
فراس بتعب : ياكثر حكيك بدر .. خلاص قلت لك راجع بكرة
بدر : لا ! ارتاح عندك وانا جايك ... كيف بتركب طيارة وانت بهالحال
فراس : مافيني الا العافية .... شال الدكتور الرصاصة واللحين تمام
بدر بعدم استيعاب : والشرطة .؟! وينهم عن هالمجرم
فراس : ........ ما أدري
بدر حس ان فراس تعبان بجد وبصعوبة ماسك نفسه يتكلم معه : خلاص فراس ارتاح اللحين ... اهم شي لاتفكر تجي الرياض بكرة ارتاح لحد ما يلتئم جرحك ويصرفونك المستشفى ع مسؤوليتهم
فراس : مع الســلامة ..
سكر فراس السماعة وهو يسند راسه على السرير ويطالع الشاش الملفوف على صدره .. : مرسل عصابة مافيا كاملة للسجن وجالس امشي بالشوارع دون حماية .. أستاهل اجل ! بس هين انا لكم ياعيال الكلب
غمض عيـــونه بانزعاج .. يحـاول ينام بس الألم مو تاركه تنهد بضيق وهو يستسلم للأرق : ............
***
غـــادة واقفة مكانها بصدمه ورا باب غرفتها وهي تسمع نايف يتكلم مع ابتسام : إلا الخبر صحيح
ابتسام : يمــــه !! وان شاء الله بخير .؟!
نايف : لا كلموه وطلع بالمستشفى يعالجونه ... بس للحين مامسكوا هالمجرم
ابتسام : الله يستر دنيا تخوف .. اهم شي سلامته
نايف : هذي فايدة حياة رجال الأعمــال .. يخلقون لهم مية عدو دون يحسون ..
ابتسام : يعني معقولة يكون اللي اطلق عليه قاصده هو خص نص
نايف هز كتوفه : اجل ليش بيطلق على شخص عشوائي يعني ؟
ابتسام : انا بجهـز اروح مع اهلك اليوم لأم فراس .. يقولون تعبانة مسكينة
نايف : متى بتروحي .؟!
ابتسام : عقب الفطور ان شاء الله
نايف : انا بروح لأبوي اللحين اشوفه ... بعطيك خبر اذا برجع للفطور او لا
هزت ابتسام راسهـا ... وفور خروجه دخلت غرفة غادة : لاحول ولا قوة الا بالله .. شايفة هالمصيبة الي طاحت ع راسهم
غادة بفزع : وهو بخير مافيه شي ..؟! الاصابة جت خطيرة ولا ..؟
ابتسام : لا حمدالله يقولون كلموه وان شاء الله انه بخير .. بتروحين معاي اليوم لبيت ام فراس ؟
غادة بتأنيب ضمير : ايه بروح ..
تنهدت غادة بضيق ... متعرض لطلق ناري وانا جالسة ارسل له رسالة بايخة لازم استرجعها اليوم !! , من معقولة يكون مطلق عليه ...؟! معقولة يكون لهم علاقة بريم ولورا ... إلا اكيد ...
***
لؤي : انا رايح له اليوم ان شاء الله
ابو نايف : لا مالك روحة ! بتجيبه طيارة طبية بكرة ان شاء الله وخلاص
لؤي : برضو يحتاج مرافق
ابو نايف : بدر بيروح مايحتاج انت كمـــان
لؤي : يبه لاتسدها بوجهي ... انا كنت مسافر مسافر الكويت ولا امريكا مافرقت ! بكلم بدر وبحجز معه ماراح اقدر اجلس
ابو نايف : بس فراس مو كانت سفرته للكويت ... وش وداه امريكا
لؤي : طبيعي هالرجال مايستقر بمكان ! الله يعينه مدري من تجرأ يسوي فيه هالعملة الوصخة
تنهدت ام نايف : حسبي الله فيه ونعم الوكيل ... جعله مايربح
ابو نايف : آميـــــن ... اجل استعجل وشف بدر قبل يروح وتجلس
وقفت ميهاف من الجلسة وهي تطلع لغرفتها ... مسكت جوالها وهي تضغط على رقمه جاها الرد بعد فترة بصوت هادي : هلا
ميهاف بربكة : الــو .. هلا والله هلا .. كيفك ؟
بدر : ماعلي ..
ميهاف : حمدالله على سلامة اخوك
بدر باقتضاب : يسلمك
ميهاف بتردد : وكيفــك انت ..؟ سمعت انك مسافر لامريكا ... وكيف امك ؟
بدر : ايه بكرة رايح ارافقه .. وامي الله يعينها
ميهاف : راح ازوركم اليوم ... نتطمن على امك ونوقف معها
بدر بإرهاق : حياكم الله
ميهاف : ومحتاج أي شي قول .. انا موجودة
تنهد بدر : الإهتمام مَطلب ياميهاف .. مايطلب
ميهاف : عـارفة .. ليت وضعنا غير واوقف جمبك وأشيل عنك بس انت مو تارك لي فرصة ارضى
بدر : ....................... اهـا
ميهاف سكرت السمـاعة وهي تتنهد بضيق .. واضح من صوته التعب بس وش طـالع بيدها .؟
***
سحبــت جاكيتها وهي تلمه على جسمهـا وتستعد للرحيل /
دخل جاكسون الغرفة ... صوفي : is the car ready ?
جاكسون بتردد : yes ,, " طالع سار " but have You seen the news today
صوفي : no is something important in it ?
جاكسون وعيونه على سارا المنشغله بتجهيز بنتها : The man who came here yesterday has an accednt
التفتت سارا : what !!
جاكسون : someone shoot him
سارا : and how's he now ?
جاكسون : he's in the samehospital here , but in The VIP ward
سارا : oh my gad , so can I see him ?
صوفي : I don't think getting to the vip ward easy
- جناح ال VIP /
دخل مسعـود بين الممرات حتى وصل لغرفته .. ثنى فراس الصحيفة اللي بين يديه واستقبله بوجه مكشر : وش هالخرابيط بالجرايد !؟
مسعود : كيف حالك ..؟! ان شاء الله احسن .. اسف ماقدرت القى حجز اقرب من كذا
فراس : مو مشكلة .. حجزت تذكرتي للرياض .؟!
مسعود : كيف احجز لك .؟! الدكتور يقول خطر عليك تسافر
فراس : راح اسافر على مسؤوليتي
مسعود بقلق : بس خطــر كذا !
فراس نطق بنبرة منتهيه : مسعـود احجز طيارتي بأقرب فرصة وارسل تذكرتي
تنهد مسعود وهو ينحني باحترام وينطق بيأس : ان شاء الله
دخـلت الممرضة : mr fras , there is a visitor for you and she want to come in .. should I let her or no ?
فراس عقد حواجبه : she ?
الممرضة : her name sara ,
فراس : مسعـود تفضل لشغلك .. " التفت للممرضة " let her in
تنهد مسعود بيأس من اصراره وطـلع ... بعد فترة دخلت سارا طالعته والشاش ملفوف على صدره ورامي جاكيت صوف كحلي على كتوفه .. نزلت عيونها مباشرة وهي تنطق : حمد الله ع سلامتك
فراس : دخلت المستشفى امس اشوف بنت لؤي .. وحوبته وصلتني على طول دخلت اليوم اللي عقبه مريض
سارا تنهدت بضيق : انـا ... " بلعت ريقها " امس ماقدرت اتكلم معك .. بس انا بسـافر الليلة ان شاء الله لمكان اعيش فيه لحالي والبنت سجلتها باسمي ..
فراس بعد صمت لفترة وعيـونه معلقه بالمهد الوردي بين يديها : ............................. ممكن شوي ؟!
سارا مافهمت ... لما انتبهت لعيونه وهو يطالع البنت فهمت : اا ... بس اصابتك
فراس : هاتي اشوفـها ... مافيني شي
سارا تقدمت ناحية سريره وهي تحطها بين يديه ... تسمرت عيونه فيها وهو شايلها بين يديه نطق وهو يطالعها : اسمها .؟!
سارا : مـايا
رفعها فـراس بين يديه وهو يتــأملها .. وهي نايمة وجهها الأحمر ريحة الطفولة فيها قرب اذنها اليمنى من فمه ونطق بصوت معتدل هادي : الله أكبر الله أكبر .. الله أكبر الله أكبر أشهد ان لا إله الا الله أشهد ان لا اله الا الله اشهد ان محمد رسول الله اشهد ان محمدا رسول الله .... " بعد ما انتهى من الأذان انتقل لاذنها اليسرى وكمل الإقامة "
سارا ظلت تتـأمل حتى انتهى .. رفع عيونه منها لسارا : أنتبهي لهـا .. واذا احتجتي شي رقمي عندك
هزت سارا راسها وهي تستلم بنتها منه وتحس نفسها تنفطر : الله يشفيك .. وحمدالله ع سلامتك مرة ثانية
وانسحبت من الغرفة .. وهي تحضن دمعتها نزلت عيونها تتأمل بنتها انتبهت لبـطاقة في مهدها لحسـاب بنكي , ومكتوب بورقة " تكاليف راحتها واي شي تحتاجه .. عيشيها بمستوى يناسب بنت لؤي "
عضت شفــتها بألم .. : واذا هي عاشت براحة .؟! وانا ..؟ والله ماتمنيت شي تمنيت بس علاقة معه دون تكلف تمنيت نكون شخصين راضين بعيوب بعض وبس ..
في غرفـــة فراس /
كان واقف عند نافذة غرفته ومسند كتفه وراسه على جمب ويطالع ... تنهــد بضيق وهو يصلب طولة ويوقف طالع المراية على الحائط والإصابة القديمة تحت الاصابة الجديدة بإنش للحين مرتسمة بشكل ندبة.. سحب الشاش وهو يمسح بيده على اصابته الجديـــدة : ................ هالمرة من قلب استاهلها ..
دق جـواله كشر بوجهه من الألم اللي مسكه فجأة من اثر الهواء على اصابته شد على قبضته وهو يضغط نفسه حتى استلقى على السرير وسحب جواله " بدر " : هاه بدر .؟!
بدر : ايش اسم المستشفى اللي انت فيه .. بالطريق جايينك انا ولؤي
فراس : اسم المستشفى **** بس عموما انا بطريقي اللحين للمطـار راجع للرياض دور لك انت ولؤي مريض ثاني تزورونه
بدر : من جـــــــــدك انت .؟!!!
فراس : اللحين بدل ما تهدي العالم وتقول مافيه شي وتريح قلب امي .. تسوي حوسه وتجيني ! مافيني شي زي الحصان امشي واجي وماعلي خلاف ... تبي شغل ؟! استقبلني بالمطار لاوصلت
بدر : الله يصـــلحك مو فاهم ليش كل هالعـــناد !
فراس : ..... أمي شخبارها .؟!
بدر تنهد : من عرفت وهي طايحة جبنا لها دكتور ويقول ارتفاع بالضغط
فراس بضيق : ....... للحين ؟!
بدر : انا تو طلعت منهم ومازالت ..
فراس : خلك ملازمها لين أرجع ... الليلة ان شاء الله بكون موجود
بدر : مقدر البيت كله حريم .. بيت عمي وعمتي وخالاتي
فراس : اهــا ...
بدر : كيف اصابتك اهم شي .... عقب العملية احسن !؟
فراس بنرفزة : شفيكم انتو لي ثلاث ايام من تصاوبت خلاص مافيني شي
بدر : اللي بيسمعك بيقول 3 شهور ! انت مستوعب انها رصاصة
تنهد فراس : دامك مقدر اني متصاوب وحالتي حاله .. ريحني من هالمكالمات واللي يعافيك وخلاص انا راجع اليوم وبتشوفني وتتطمن
بدر : ع خيـــر اجل ..
سكر بدر السمـاعة وتنهد بضيق وهو مو عارف شيسوي بالضبط ..؟! انتهى به الطريق قدام بيت عمه لأنه مواعد لؤي هنا نزل من سيارته وهو يضرب الجرس ... فتحت له الخدامة : تفضـــل
بدر : فين لؤي ؟!
الخدامة : بابا لؤي فوق ... شوي يجي
بدر تنهد وهو يــدخل ... حاس بفمه وهو يمسح بعيونه على البيت الوضع غريب يشوف بيت عمه بهالهدوء محد فيه بالعادة يكون موجود بمناسبات وفوضى .. استرخى على الكنبة وهو ينتظر لؤي : ................
طاحت عيونه على بعض تفاصيلها بالصالة .. هذا طلاء اظافرها ومبردها فوق مجلتها المفضلة على الطاولة ... وانتبه لآيبادها مجلس على الطـاولة سحبه وهو يفتحه ... استطرف انتباهه الخلفية المسجلة بمقولة :
يلزمني قربك .. وليس وجودك !
ليتك تدرك حجم الإختلاف
ظل يتــأمل الخلفية .( تبغين قربي وانتي مو راضية حتى تتصلين فيني .؟! وش تبغي انتي بالضبط ياميهاف .. )
سكر الآيباد وهو يرجعه مكانه لما سمع صوت لؤي ينزل ...: هلا بدر معليش تأخرت عليك ارتب شنطتي ... يله مشينا؟
بدر ويده ورا رقبته يمسجها بارهاق : فراس طيارته اليـوم راجع .. يعني ماحنستفيد
لؤي : كيف بيرجع اليوم ؟! صاحي هو ! واصابته ! ؟
بدر هز كتوفه : عجزت فيه ... كيفه مو بزر رجال وهو ابخص بنفسه
لؤي : ولا عرف للحين من هاللي مطلق عليه ؟!
بدر : لا .... عموما انا ماشي جيت اقولك وبس
لؤي : في امـــان الله ... ماقالك متى طيارته بالضبط ؟!
بدر وهو طالع : نسيت اسأله ...
***
عـــند قـلب الأم /
كانت ام عبدالمجيد جالسة جمب سريرها بكرسي وتحاول تحاورها : يا أم فراس استهدي بالله .. الولد مافيه شي حمدالله اللي عدت على كذا
ام فراس : اللهم لا إعتراض .. مافيني حمل التعب يا ام عبد المجيد ! والله يوم قريت الخبر طاحت علي مصيبة مابي افقده زي مافقدت ابوه .. هو ريحة ابوه اشوفه فيه
ام نايف : وش هالحكي يا ام فراس لاتفاولين على الولد ... حمدالله مافيه الا الخير وانتي لو بس تروقين شوي وتكلمينه هذاهو اليوم مكلم عمه ويقول بخير
ام فراس : ولدي واعرفه ... مايشكي حتى لو فيه هم الدنيا بيقول انا بخير يمه
ام عبدالمجيد : شوفي عيالك كلهم منكتمه صدورهم وهم يشوفونك بهالحاله .. خليك قوية عشانهم انس وياسمين ذابحين عمرهم بكاء واسماء الله يعينها مو عارفه مين تهتم به
ام فراس : استغفر الله ... لا اله الا الله ولاحول ولا قوة الا بالله ... الله يرجعه لي بالسلامة يارب
ام نايف : ايه اعرفك كذا قلبك قوي ومتعلق بربه .. قومي صلي وادعي ربك
اتكــأت ام فراس على راس سريرها وهي توقف .. وتتجه للمغسله تتوضى وتستعد لجلسة مع ربهـا
عـند البنات برا .. كانت اسماء مسنده راسها على ركبتها بصمت .. ميهاف : اسوم مو كويس حالك كذا .. شوفي امك قامت تصلي
رفعت اسماء راسها مباشرة وهي تشوف امها : ................
ميهاف : شايفه .؟! واخوك ان شاء الله انه بخير
اريج " خالتهم " جتهم وجلست معهم : ياسمين مسكينة ذابحة نفسها بكاء ... انس ارحم بعد اقوى منها
سجى وقلبها يتقطع بنفسه على حالته : بس .... كيف صار كذا .؟! من هاللي قاصد يطلق عليه
ميهاف التفتت لها : مو وقته سجى ! خلاص حصل خير والحمدلله على سلامته ..
اسماء والعبرة خانقتها : بس اللي اطلق عليه مره بيطلق ثاني ..... " مسكت حلقها بوهن " انا صح اعصب وقت يجي .. ويا ما دعيت عليه بس .... انا ماعرفت ابوي بحياتي الله يرحمه .. فراس هو ابوي حتى هيبته هيبة أبـو بينا .. مو لحالي فراس ابونا كلنا ... انا خايفة عليه يصير له شي مثل بابا .. راح امريكا وماعرفنا الا انه مات
ضمتها ميهاف لحضنها : اتقي الله اسماء ليش مصرين تفاولون عليه .. خلاص اللحين الحمدلله شالوا الرصاصة وهو نفسه كلم ابوي اليوم .. ولو بيده كلمكم بس انتو الله يهديكم حالتكم حالة عزى كانه ميت بسم الله عليه
عضت اسماء على شفاتها المرتجفه من البكـاء .... وسحبت جـوالها : اذا هو كلم عمي ... اكيد اقدر اكلمه بعد انا
وقفت وهي تبعد عنهم خطوتين .. ودقت على رقمه رجعت الدموع تنزل لما ماحصلت رد : ..............
وقفت ميهاف ناحيتها : شفيك اسوم شصار .؟!
اسماء : مايرد علي ...
ميهاف : معليش يمكن نايم او مشغول ...
" احــــم ...احـــــــم ! احد هنا !؟ "
سحبت وداد وسجى غطاهن على روسهن وهو يطلعن من الصالة .... ونطقت اريج : تفضل مافيه احد ..
دخل بدر ووقف مكانه وهو يشوف ميهاف واسماء بحضنها ضامتها وتمسح عليها ... تنهد وهو يمشي ناحيتهم : اسوم ..... اسوم ...
اسماء تعالت شهقاتها : .............
بدر : اسوم ردي علي
ابعدتها ميهاف نصفيا عن حضنها عشان تلتفت له .... طالعته اسماء وهو تمسح دموعها بذراعها : هلا ..
بدر وهو يمسح على راسها : خلاص اسوم ليش تبكين .؟! فراس مافيه شي صدقيني .. تو كلمني ويكامخ يعني مافيه شي
اسماء : كيف مافيه شي وهو داخلته رصاصة ...!!
بدر : حتى لو ... من دخلت حصلت ياسمين بالحديقة وانس بالمجلس وكل واحد حالته النفسيه صعبة مساكين بزران كيف يواسون نفسهم وانتي وامي الكبار حالتكم حاله
اسماء : شاسوي بدر مو بيدي ..
ضمها بدر لحضنه وهو يمسح على ظهرها : تعوذي من الشيطان وقوي نفسك ... فراس راجع اليوم
رفعت اسماء راسها : كيف ؟! بجد !
بدر ابتسم : ايه بجد .. لاتخلينه يجي وتستقبلونه بهالعزا
اسماء : كيف بيجي واصابته ؟!
بدر : عشان كذا اقولك مافيه شي ... يمشي ويروح وبيركب الطيارة وبيجينا
اسماء هزت راسها : بروح ابشر امي
اريج : ايه تعالي نفرح قلبهــا مسكينة !
ميهـاف كانت تطالعهم طول هالوقت ... ونطقت لما راحت اسماء : هناكم العقلان برجعته اجل مقدما
طـالعها بدر ..ونطق بهمس : نفسي اعرف وش فرق قربي عن وجودي بالنسبة لك
ميهاف مافهمت : شنو .؟ ! مافهمت
تنهد وهو يتوجه للدرج يصعد : هنــاك خير ..
ظلت ميهاف تطالعه وهي مستغربة كلمته ... التفتت وهي تشوف ابتسام وغادة يدخـلون : هلا والله ابتسام حياك .. شفيك تاخرتي اقولك نمرك تقولين لا
ابتسام وبيدهــا صواني معجنات وحلا : شاسوي مو حلوة بعد اجي ويدي فاضيه والعالم حالتهم حاله ... كيف ام فراس اللحين .؟! ان شاء الله احسن
طلعت من الغرفة مرام " توأم اريج ... وخالتهم نفس الحالة " : هلا والله شرفتوا
ابتسام : هلا فيك ... حمدالله ع سلامة فراس وخطاكم الشر ان شاء الله
ميهاف : تعالوا تفضلوا الكل داخل
غادة كانت ساكته وسط كل هذا .. وعيـونها على الدرج باي طريقة لازم تسترجع الورقة : ............
دخلت مع ابتسام ومعظم الغرفة حريم ماعرفتهم ... اللي هم أهل ام فراس وجلست بصمت وابتسام تشاركهم الحديث وسط مصطلحات هو سلامته وكيف صار كذا وحسبي الله على من سوا كذا ..
ام فراس وروحها تجددت : دامه بيرجع اليوم انا صرت بخير .... كلي شوق ولهفة لمتى يوصل
ام نايف : حتى ابو نايف والرجاجيل من الفرحة فتحوا المجلس وجلسوا .. ينتظرون وصوله
عجبـاء " اخت ام فراس وتعتبر بنفس عمرها " : شفتي يختي هذاهو بخير وعافية وبيرجع .. وانتي ذبحتي نفسك لا اكل ولا غيره
ام فراس : خل نروح كلنا اللحين جماعة نصلي التراويح بالمسجد
الكل آيد هالفكرة .... اثناء ما ابتسام واقفة عندالمغسلة وتتوضى وقفت عندها ام نايف : ابتسام
التفتت ابتسام : هلا
ام نايف تنهدت : ماحصلت فرصة قبل كذا اقولك صح ... بس مبروك الله يرزقك اللي ببالك يارب
ابتسام : تسلمين ... آمين
ام نايف : وبنفس الوقت ابي اقولك اني ماكان بقصدي اطرد اختك واقلل منك .... انا والله مدري وش صار لي بس صدقيني اني اعزك وانتي تعرفين مكانتك عندي
ابتسام بمجاملة : مايحتاج هالكلام خالتي وانا مو بشايلة بخاطري
ام نايف : اكيد .؟! اجل وينك هالايام اللي راحت ... اشحذك فيها تجين تفطرين عندي يجيني نايف وانتي تجلسين
ابتسام تنهدت : انا مو شايله بخاطري بس ... الفترة اللي راحت انشغلت وفوق كذا اختي ببيتي ولازم اضل معها
ام نايف : تعالي انتي وياها حياها الله
ابتسام باقتضاب : ان شاء الله خير ..
ام نايف : اهم شي ماعادك شايله علي هما .؟!
ابتسام : نهـائي ..
اثناء انشغال الحريم .. بالوضوء ويدورون عباياتهم يستعدون للصلاة استغلت غادة الوضع وهي واقفة بتردد عند السلم لازم توصل باي طريقة بس كيف .. لو حصلها احد فوق ! وش بيقولون ! مو ناقصها حكي اساسا ! كرهت نفسها مليون مرة .... كيف بتتخلص من هالموضوع كيف ؟!
جتها ابتسام : غادة شتسوين هنا .؟!
غادة شهقت : يمه خوفتيني ! ما اسوي شي واقفة ...
ابتسام : بسرعة نروح نصلي عشان نرجع البيت ... ولا نرجع مباشرة .؟! لاتنسين ان رنيم لحالها بالبيت مع الشغالة والشغالة دوامها جزئي
غادة بيأس : يله ...
وراحت مع ابتسام ... الظاهر مافيه امل تسترجع هالوقة اساسا حتى لو توصل فوق الغرفة مقفلة مايزين ...
***
: ليش ماقلت لي انك بترجع اليوم !!
فراس وواضح على صوته التعب : ماحصل لي فرصة ...
لؤي : كيفك اللحين تحس انك احسن عشان تسافر ؟!
فراس تنهد بضيق : ... كم مرة بتسألوني هالسؤال .. تعبت كثر ما اجاوب
لؤي : لأنها ماصارت بالتاريخ ... تسافر كذا على طول عقب عمليتك بيومين !
فراس : يله هذي رحلتي ... اشوفك لاوصلت
سكر السمــاعة وهو يسند راسه ويغمض عيــــونه ويعض على شفته يبي الحرارة اللي بصدره تبرد لكن حرارة تقتله : ....
وقف عند مسعود وهو قلق من هيئته : طال عمرك .؟!
ابعد فراس يده من عيونه وهو يطالعه بطرف عينه : ايه مسعود هلا ؟
مسعود : انت بخير .؟
فراس : ايه ... ماعلي
مسعود : الرحــلة اللحين وقتها ... مشينا
مسك فراس عصـاه الصغيرة الأنيقة بطول ساقه وهو يتكئ عليها يوقف وهو يحس أي ارتفاع بصوته بتنفك غرز عمليته .. لكن خلاص مو طايق امريكا ! دون شي يكرهها ... فوق كذا مايقدر يترك امه قلقانه عليه اكثر من كذا ..
***
وصـــلت غادة البيت مباشرة واتجهت لغرفتها .. وهي تحس بكئابة : ..............
استغربت ابتسام حالها لكن ماعلقت ... صعدت لغرفتها وهي تطالع غرفة البيبي المعفوسة صايرة هي شغل نايف الشاغل هاليومين ... دخلت غرفتها وهي تعلق عبايتها وتدق عليه جاها رده : هلا حبيبي
إبتسام : هلا والله ... كيفك شخبارك شمسوين ؟!
نايف : جالسين اللحين وشابين الضـو ... والشيبان يتفلسفون عن الأمن والأمان والشباب مايعرفون مصلحتهم وقلبت محاضره
ابتسام : هههههههههههههههه ايش ضارك اسمع المحاضره
نايف تنهد : شوي شوي علي ... هالضحكة بتخليني اركب السيارة واجيك دون احس
ابتسام بنعومة : نبطل نضحك يعني ؟!
نايف بهدوء : إبتسـام ..
ابتسام : لبيه
نايف : احبـــــك .. لا شنو أحبك اموت فيك انا
وردت ابتسام وهي تسمع اصوات الشباب حوله " اوووووووووووووه نايف معد يحس باللي حوله ! تراك بوسط المجلس " : اوه نايف انتبه العالم حولك
نايف : واذا حولي " وجه كلامه للي حوله " طير من جوي يا عزوبي ياحيوان
عبدالمجيد : افاااا ! معد صرنا نعجبك يالعزوبيين ... نسينا
نايف تنهد : ايه والله نسينا الحياه الوصخة هذي ..." قرب السماعة " الله لايخليني بسس
ابتسام : وربي انت مجنون !
نايف : فيك
ابتسام : احم ... انا لسى وصلت البيت
نايف : رجعتي من ام فراس
ابتسام : ايه طلعنا مستعجلين ... عشان رنيم تاركينها واهم شي تطمنا ع ام فراس
نايف : اهـا اذا بتنامي نامي .. نوم العافية انا شكلي مطول
ابتسام : لا معليش انتظــرك ... بتتسحر هنا .؟!
نايف : وانا وين اجلس بعقلي وانتي تقولين بنتظرك ..؟!
سحب عبد المجيد السماعة من اذن نايف : سديت نفسنا انت .... خلاص بس
نايف فتح عيونه : رجع جوالي ياحيوان
عبد المجيد وهو يوقف : اقرب السماعة من اذني .؟! اسولف معها .؟!
نايف وهو يوقف ناحيته وهو يبتعد عنه : سولف من اليوم لبكرة والله شرهتك ان ردت عليك اصلن
عبدالمجيد : اعترف انك تغار ... تغار صح
نايف بطبيعية : اغار عليها منك .؟! انت شايف وجهك .... " رفع صوته " جب الجوال يازفت
عبدالمجيد : هههههههههههههههههههههه نايف عصب
التفت لهم بدر : وش جوكم انتو ! اهجدوا العالم حالتهم حاله وانتو تلعبون
نايف : شدخلني انا خل هالمروق يرجع جوالي
رماهم بدر بنظرة ورجع يطالع قدامه ..... ابو عبدالمجيد بصرامة : عبدالمجيد رجع جوال الرجال !
لزم عبدالمجيد العافية ورجع الجوال لنايف ... مسك نايف جواله : الو .؟! " التفت لعبدالمجيد " شايف! سكرتها
ابو نايف : بس انت وياه ! انا اشهد ان العقل زينة لإبن ادم
نايف باستعباط : ايه فاهمين ان العقل زينة ... بس الزينة حرام يا أبو نايف
عبدالمجيد : بااااااااااااااااااااااااااااااااايخ
ابو نايف بتجاهل لرواقته الغلط : نايف ! فين لؤي .؟!
نايف : شعرفني
بدر : راح عنده مشكلة بالحجوزات مدري ايش وجاي ..
ابو نايف : كلمه قله يعجل يجي هنا !
نايف : ان شاء الله
***
فــور وصول فراس لأراضي السـعودية .. الساعة 3 صباحا /
اتكـأ على عصاته وهو ينزل .. وماينكر تعب الرحلة بالنسبة له عقد حواجبه وهو ينتبه للشخص الواقف قدامه تماما : لــؤي .؟!
لؤي : طبعـا ! ماتبيني استقبلك يعني " التفت لمسعود " هلا مسعود ... كيف حالك ؟
مسعود : حمدالله تمام ... انت كيفك ؟!
فراس : كيف عرفت ان رحلتي اللحين ...
لؤي : تفحصت الرحلات وعرفت .... " تنهد " كيفك انت ؟!
فراس وهو طريقة كلامه طبيعية تماما ما كأنه يتقطع من الوجع : شنو شايف انت .؟!
لؤي عقد حواجبه : شايف انك تضغط على نفسك كالعادة ... نمر مستشفى قبل البيت ؟!
فراس مباشرة : لا ! البيت ...
لؤي : مشينا اجل
ركبوا السيارة ... وفراس مشاعره سلبيه زيادة عن المعتاد , مقابله هالمرة لسارا وبنتها زادت كئابته : ..........
لؤي : لو انت مو عنيد كذا ! كان مارحت هالرحلة لحالك ... كان معك احد يساعدك ويوقف معك
فراس : ومين بيتحمل يجلس معي وين ما اروح .؟! انا فراس اتعايش مع نفسي بالغصب ... شدخل العالم بعد يبلشون فيني ؟!
لؤي : انا مو فاهم كميـــة السلبية اللي انت عايشها !
فراس سحب علبة حبوب من شنطته وبلع حبتين ورا بعض ... لؤي : وش هالحبوب .؟!
فراس : مسكن
لؤي بألم : تعورك ؟!
فراس : رصاصة ترا يعني طبيعي تعورني مايحتاج ترحمني
لؤي : الله يعينك .. اول مانوصل ارتاح وان شاء الله خير
تسند فراس على الكرسي وهو يطالع الطريق ... ومافيه حيل يتكلم حتى ..
***
نطت اسمـــاء بحماس بينما كانت تراقب جلسة الرجاجيل بالملحق الفخم : وصصصصلص وصصصصصــل
اريج ومرام ركضوا وهم يترفعون على الجدار يراقبون : والللللله .؟!!!
ركضت مرام تنزل ... حتى وصلت لمجلس الحريم : وصـــــــــــــــــــلوا وصلوا
ام فراس وقفت مباشرة وعيونها دمعت تلقائي : امااااانة ..؟! امانة .......... وينه اجل .؟!!!
عجباء : المجلس مليان رجاجيل .... أكيد بيشوفهم قبل ثم بيدخل
بعد ربــــع ساعة من وصوله .... وام فراس واقفة على جمر بالممر روحه وجيه وقفت من حركتها وهي تنتبه له واقف بالثـــوب السعودي ... دون غترة ويمشي بالممر وابتسم مباشرة وقفت شافها : يخسون دكــاترة امريكا يلقون لي علاج غير هالوجه
تسارعت خطـوات ام فراس حتى وصلت له وهي تضمه بلهفة وشوق .... وتبوسه بكل مكان ودموعها على خدها : هلا بحبيبي ... هلا فيك ياقلب امك هلا ياروحي .. نشف دمي راحت روحي شفت الموت بغيابك يمهه بسم الله عليك الرحمن الرحيم ... بسم الله عليك الرحمن الرحيم الله لايقدر اشوف فيك شر .... بسم الله عليك بسم الله على ضناي
الكل كان يطالع ام فراس ومتاثرين بسلامها الحار لولدها ... ابتسم فراس بحنـان .. ورغم ان عناقها الملهوف يضغط على جرحه لكن ماهمه : يابعد حيي يا يمه .... كل هذا لي؟!
ام فراس : بغيت اموت يوم سمعت والله بغيت اموت .... جعل يومي قبل يومك
فراس وهو يبوس يديها وراسها ويستقر وهو يبوس خدها : بسم الله عليك ... الله لايقوله
ابتسم وهو يطالع ياسمين اللي تمشي ببطء ناحيتهم وعيـونها دموع : ياسمين .؟! تعالي سلمي
مشت ناحيته وهو تتعلق برقبته : حمدالله ع سلامة
مسح فراس على ظهرها وهو جالس القرفصاء لمستواها : يسلمك
اسماء كانت واقفه بأول الممر وتطالعهم بصمت .. وقف فراس : شعندهم خواتي كل وحده تطالعني كانها اول مرة تشوفني بحياتها ! هيييه تراني فراس
اسماء مافيه استجابه : .............................
فراس بمزح : زعلانه عشان مامت .؟! ماتحققت امنيتك ؟
اسماء مشت ناحيتهم وهي مبوزة : يارخمة !
عقد حواجبه : ....................
اسماء : كيف تركته يطلق عليك ! كيف فراس الشمري يمشي بالشوارع دون حارس !!! استهتار ها
فراس : حمار ما أفهم ... وش تبين بعد .؟!
اسماء : وكلب بعد
فراس : هيييييه لاتزودينها عاد !
: فـــــــــــــــــــــــــــراسوه !
ابتسم فراس لخالاته التوأم " اريج ومرام ..... 27 سنة " : هلا بريه وسكينة
اريج : اححححلف ! هذا وانت تعبان تو تناقر فينا
مرام : اقول اريجوه خل نرجع الشرهه علينا جايين نسلم عليه بعد !
جت خالته عجباء وسلم عليها باحترام نظرا لعمرها : ماتشوف شر يامك ... حمدالله ع سلامتك
: حمدالله على سلامتك يافراس طهور ان شاء الله
فراس وهو يرد على ام نايف اللي من ورا الباب : هلا خالتي ام نايف ... يسلمك يارب
ام نايف : وكيفك ان شاء الله احسن .؟!
فراس : حمدالله بخير مافيني الا العافية
ميهاف : حمدالله ع السلامة طهور ان شاء الله
وداد : ايه والله سلمت .. ماتشوف شر ان شاء الله
سجى : حمد الله ع السلامة
فراس : يسلمكم يارب ... ويعطيكم العافية على الوقفة
ام عبدالمجيد : واصابتك وين .؟!
فراس : بالصدر ... بس حمدالله سليمة !
ام عبدالمجيد تنهدت : يله انا ماشين اللحين وهناك العقلان يا ام فراس .... وبسم الله عليك يافراس ماتشوف شر والله خوفتنا عليك مرجت قلوبنا
وتوافد الزوار بالرحيل ... خصوصا ان الوقت متأخر ... ام فراس : تفضل يمه الصالة اجلس ارتاح.... بتقدر تصوم ولا تعب عليك .؟!
فراس : لا بصوم ان شاء الله ... مالي عذر
جلس فراس على الكنبة وهو يحس انه واقف على جمر طول هالوقت ... وتو ارتاح شوي تنهد من قلب : حمدالله
ام فراس : تعورك للحين يمه .!؟
فراس : شي بسيط ماينشال همه ... بكرة بعد لؤي حجز لي موعد بروح ابدل الشاش ويفحصونه
دخل بدر وجلس باسترخاء .... فراس : تو احد بالمجلس .؟!
بدر : لا كلن راح بيته ...
ام فراس : اسماء ! قولي للخدامة تجهز غرفة الضيوف لاخوك
فراس : ليش غرفة الضيوف غرفتي موجودة
ام فراس : تجلس تصعد فوق .؟! لا ! تعب عليك ..... ارتاح تحت الدرج بيوجعك
فراس : لا يمه لاتجهزوها ولا شي .. انا مرتاح بغرفتي وبعدين الدكتور يقول قد ماتقدر تمشي امشي
بدر : بس امي معها حق ... الدرج صعب
فراس : شايب انا .؟!
اسماء : مو شايف عصاك بيدك ! ايه شايب
فراس : هذا وانا بعصاي تناقريني .. لو مافيني شي شتسوين انتي !؟
بدر : ماعليك منها من ورا قلبها ! يفوتك اليوم تصيح صياح تقول بزر
اسماء : نصاااااااااااااااب ماصحت
انس : الكذابه الا صحتي وتقطعتي صياح بعد
ام فراس : بس ماعرفوا من هالكافر الله لايوفقه ...وش يبي وليش مطلق
فراس : لا والله يمه ... خلاص سالفة وعدت حمدالله
ام فراس : شلون سالفة وعدت كيف و ...
قاطعها فراس بنبره هادية : سكري على الموضوع يمه يضايقني ...
تنهدت ام فراس : اهم شي سلامتك ... " طالعت فيه لفترة ثم كملت " اقدر اشوف اصابتك .؟
فراس : شتشوفين يمه ملفوفه بشاش وخياط بسيط صدقيني ماينشاف
اسماء ابتسمت وهي تشوف بدر اللي مسند راسه على يده وواضح بنص استماعه نام ... مسكت جوالها وهي تصوره : هههههههههه
ام فراس : حسبي الله على بليسك اتركي الولد ينام
اسماء : لا شوي اصوره ... واذله فيها بعدين انشرها على النت
ام فراس : ياعمري مسكين ماذاق النوم له يومين من حوسته فينا
فراس : اسماء ! صحيه ينام فوق
اسماء : الساعة 8 فجر .. مفروض ننام كلنا اصلن متى بنصحى
بعد مانتهت جلست تصويرها قربت منه وهي تهزه : بــــــدوري
فز بدر من نومه بعدم استيعاب ... اسماء : ههههه بسم الله عليك ... قوم نام بسريرك
لما استوعب بدر وقف وهو يتوجه ناحية الدرج ويصعد مبــــاشرة : ..................
فراس : وش وضعه .؟! كانه ماتزوج ! لمتى بيجلس هنا
ام فراس : شيسوي بعد يصبر لحد مايخلص المصمم بيته ..
فراس وقف وهو يتكي على عصاته : انا صــاعد انام .. الوقت متاخر
ام فراس : اساعدك تصعد .؟!
فراس : لا يمه مايحتاج ... بشيل عمري
ام فراس : اجل اسماء خذي اخوانك معك لفوق
طالعت اسماء بانس وياسمين النايمين بنص الصالة ..: ان شاء الله
صعد فــراس الدرج وهو يحس نفسه انقطع صدق من الضغط ... لحد ماوصل لغرفته وطلع مفتاحه من جيبه ودخل عقد حواجبه وهو ينتبه للورقة اللي قدامه مباشرة على الأرض انحنى يلتقطها وجلس على مكتبه وهو يفتحها :
( السلام عليكم ورحمة الله وبــركاته ..
حبيت أشكرك مرة ثانية على كذبتك الرائعة .. ماتدري قد ايش تغيرت حياتي بعدها ..
عموما مالنا بالطويلة .... ايش كنت تقول لي بالمطار .؟! من بيصدق حثالة مثلي .؟!
اوك بوريك الحثالة هذي وش تقدر تسوي .. تبي تلميح بسيط !؟
لما دخلت الفــيلا ماطلعت خالية الوفاض وعندي ورقة لأسمك بالسوق السوداء
وأعرف اشياء مفروض ما أعرفها على قولتك ..
يقولك عشان تنجز شي ما انجزته من قبل
لازم تكون شخص ماكنته من قبل
يعني اللي كنت تعرفها بالفيلا ماتت لما سلمتها لأهلها .. انا اللحين غير وتراني ما امزح لما قلت لك اني
بايعتها ! )
توسعــــــت عيونه وهو يقرا سطور الرسالة ومو مصدق ! هذي غادة ماغيـــــرها .؟! كيف وصلت غرفتي !!! لا والنجسة ماطلعت بيدين فاضيه حاسبه حساب مصلحتها ..؟!!!
ضغط على الورقة بيده وهو يحس دوخة لازمته اثر ارتفاع ضغطه : ماشي ماشي .. انا لك ياغادة اشوف وش بتسوين
***
بيــــــت نايف /
اثناء جلوسها على ارضية المطبخ مع غادة .. وبينهم الصينية والعجينة يشكلونها , ابتسام : غادة مو مفروض هالاسبوع تطعيمة تسع شهور لرنيم
غادة وهي تشتغل : أيـــوه عارفة ...
ابتسام : شـــرايك طيب تروحين تطعمينها عند هيثم ...؟! يمكن تتصلح الأمور وتتصالحــ...........
سكتت لما رفعت غادة عيونها لها وطالعتها بحده : نعـــــــــــــــــــــــــــم .؟!!!!
ابتسام : شنو شفيك خرعتيني ... مافيها شي روحي في اسوأ الاحوال ماراح يردك ولا راح يكسر قلبك
غادة بانفعال : يخسى هم يخسى هم يخسى ثلاث مرات بعد ! لا والله ياحليلي وهو جالدني جلد الحمير واروح له ابي اراضيه ... اساسا هو لو يرضى اللحين انا مانيب راضية ... ومعك حق مايقدر يكسر قلب مكسور اساسا
ابتسام : ول شهالعصبية خلاص حبيبتي خليك صايمة ...
غادة وي توقف وتغسل يدها : اندري عنك ... اشوف حالية لك اصير مغفلة فوق اني مغفلة واروح اراضي هيثم
ابتسام : غــدو مابيك تكرهين هيثم كذا .. ترا هو طيب وانتي عارفة بس وقتها مانقول الا الله يلعن الشيطان
غادة : صح صح صح .. اصلن هيثم جنتل وقلبه طيب وملاك وله جناحين وفوقه قوس كمان !
ابتسام بقهر : خلاص يختي سكري السالفة ! بوديها انا يمتي
غادة وهي تطلع : يكون احســــــــــــــــن بعد !
ابتسام وهي تكمل شغلها : حشى كبريت ! شبت فيني
: احم احم نحن هنا
رفعت راسها لنايف الي واقف عند باب المطبخ : متى جيت .؟!
نايف وهو يحط اكياس السوبر ماركت على الطاولة : تو اللحين .. شفيك معصبه تتحلطمي مع نفسك ؟!
ابتسام : غادة رفعت ضغطي ... مزاجيتها مو معقولة ! تتبدل 932 مرة بالساعة
نايف : هههههههههههههههههههههههه شصاير بعد ؟
ابتسام : ما أقول لها سالفة الا تعصب فجأة ! حشى فرن
تربع نايف قدامها : ههههههههههه روقي حياتي مايسوى عليك شرايك نطلع اليوم نفطر برا ؟!
ابتسام عقدت حواجبها : وين يعني ؟!
نايف : حديقة شي ... نغير جو
ابتسام : يوه كان قلت من اول تشوفني مشتقه اطبخ واحوس
نايف : واذا ؟! بناخذ طبخك معنا اصلن كلش يهون الا الطلعات اللي بدون اكل مالها داعي والله
ابتسمت ابتسام : خلاص ماشي اجل بس انا وانت لحالنا طبعا ؟!
نايف : طبعــا
***
عـــند فراس /
كان جالس بالصـــالة ... ويهز رجله بتوتر رفع عيونه لياسمين اللي جالسه على جهازها : ياسمين !
ياسمين : هلا
فراس : امس من كان موجود بالضبط .؟!
ياسمين بتفكير : همممممم خاله مزنة وخاله عجبا وخاله اريج وخاله مرام و ...
فراس : لا تعددين لي الي سلموا علي ! فيه غيرهم ؟!
ياسمين بتفكير : همم ... أيه زوجة نايف ولد عمي عبدالرحمن
فراس ضيق عيونه : لحالها ؟!
ياسمين : واختها
دق جوال فراس بهاللحظة رد : هلا لؤي ... يله طالع لك اللحين .؟!
لما وقف طلعت له ام فراس : وين وين ؟!
فراس : بروح انا ولؤي المستشفى ينظفون الجرح ويبدلون الشاش وراجع
ام فراس تنهدت : لا تطول اجل ننتظرك على الفطور
فراس : ان شاء الله . وترا لؤي يمكن يفطر عندنا
طــلع بطريقه وهو تفكيـــره انها اكيد جادة دام جت برجلها لبيتي ! اوريك ياغادة .... خليني افضى لك بس كذا ردك لليد اللي سترتك
ركب السيــارة .... لؤي : دكتورك اخذت عنده موعد ؟!
فراس : ايه طبعـا ... ماعنده شغل غيري اصلن
لؤي وهو يحرك السيارة : معناها مشينا
فراس : ترا اليوم فطورك عندنا
لؤي : مو مشـــكلة
***
بعد ماخلصت ابتسام تجهيــــز شناط القهوه والفطور والشاهي ... دخلت عند غادة : غدو تركت فطورك بالفرن ... انا ونايف طالعين
غادة : الله معاكم
طلعت ابتسـام وهي تطالع نايف اللي جالس بالصالة واللابتوب بحضنه : يله حياتي خلصت
نايف وهو منسجم : دقايق بس
قربت منه ابتسام وهي توقف ورا كنبته .. كان يراسل بايميل غريب وكلام مافهمته .. اللي فهمته ان شخص يحـاول يشتري منه شي وهو رافض : ايش هذا مافهمت ؟!
نايف : صوره انا رافعها على الفليكر وهو يبي يستأذن ياخذ حقوقها
ابتسام رفعت حواجبها : ياخذها بس كذا !!
نايف : لا طبعا ... بفلوس
ابتسام : وانت موافق ؟!
نايف : لا طبعــــا ... بس ابي اعرف وش بيستفيد اذا اخذها لأن المبلغ مو سهل
ابتسام : ايش الصورة بشوفها
فتح نايف لهـا الصورة ..... كانت صورة مجنونة بدقـة فضيعه للحظات المد والجزر : نـــايف وش هالصورة تجنن ؟!!
نايف : ههههههههه هذي بآخر سفرتنا للمالديف صورتها ... وحسابي مليان
ابتسام : مبـــــدع بصراحة ! طيب حياتي دام عندك موهبه ليش ما تشتغل فيها
نايف : هذا انا اشتغل فيها
ابتسام : تشتغلها كهواية بس .... لا أنا قصدي فيه تخصصات تصوير يعني كوظيفة رسمية ! تقدر تشتغل وعقبها منت مضطر تتهاوش مع ابوك وتشتغل بشغله مو عاجبتك ! مو مصدقة عندك كل هالموهبة وجالس كذا
نايف حاس بفمه : مدري مافكرت فيها اصلن
إبتسام وهي تطالع الصور : بس حــرام ... فعلا فنان ! ماخذ دوره انت ؟!
نايف رفع حواجبه : دوره .؟! ياحليلك دراستي كلها اصلن تصوير
ابتسام : كمـــــان ! وليش ماتشتغل
نايف : عــــــجزان
ابتسام وقفت وهي تتخصر قدامه : اقـول تأخرنا خل نطلع للحديقة وهناك اوريك ... ماراح اخليك على هالحال لو تموت ! بعد قلة ادب يعرف ولا يبغى !!! غيرك يتمنى هالوظيفة مو محصلها ...
مسك نايف راسه : بدينـــا المحاضره .. متى بنخلص ؟!
ابتسام عصبت : اكلمك بجد نايف ! وش هالاستهتار اللي انت عايشه .... انت عارف ان فيه ناس يدرسون ضعف دراستك وضعف تعبك ولا محصلين وظايف وانت كلش قدامك بارد مبرد وتعيف ! هذا كفر بالنعمة استغفر الله يارب
نايف باستهتاره المعتاد وقف : اقول حنا تاخرنا ع قولتك .... مشينا يله
ابتسام طالعته بحـده وهي منقهره بجد هي محترقه وهو بـــــارد .... لبست عبايتها وركبت السيارة وطول الطريق وهي تعطيه محاضره على قولته وهو نادم انها شافت الصور ... ماتركته
***
صحـــى بدر من النوم قبل الأذان بربع ساعة كعــادته .... مسك جواله ومباشرة رن بين يديه تنهد وهو يرد : هلا ..... التصوير وين ؟! ...................متى ؟ ................... قبلها باسبوع عطني تنبيه وبجي ..
سكر الجوال وهو يفرك عيونه بنعاس .... وقف وهو يغسل وجهه طق باب غرفته : بدددددددددر
بدر : صاحي .. صاحي .. بنزل
اسماء : بسرعة امي تقول اللحين !
طرح على صدره العاري اقرب تيشيرت قدامه مع بنطــاله القطني ونزل حصل أم فراس واسماء وياسمين مجتمعين على السفرة ينتظرون الأذان : صح النوم !
بدر وهو يتثاوب : صح بدنـــــــــك ..
ام فراس : اخوك وولد عمك بالمجلس يفطرون ... رح افطر معهم
دخل المجلس : السلام عليكم
فراس : بدري كان ماصحيت .. تو الناس
بدر : وفـــر .. تو مخلص من امي
لؤي : هههههههههههههه ذكرتني بنايف صدق انكم ربع ... مايقوم الا اذا قال الله اكبر اذا قام بعد
فراس : مدري وش مفهومهم للصيام ؟! وين الأجر اذا انت ماتعبت
بدر : انت صايم اللحين ؟!
فراس : طبعـــا
بدر عقد حواجبه : وادويتك .؟! وعلاجك
فراس : اغير مواعيدها وخلصنا ... الواحد مايفرط بهالشهر , ونازلي ببجامتك اخلص بنطلع نصلي
لؤي : إلا على فكرة بيتكم ماخلص !؟
بدر بكسل : عجزت اعلم العالم .... نهاية هالأسبوع جاهز
لؤي : ما اظن ابوي يعرف هالمعلومة ! لأنه ترا معصب من هالوضع
بدر ببرود : مايخصه ... الا اذا مزعجه وجود بنته عنده هذا شي ثاني
فراس : بدر !
بدر تنهد : بقوم البس نلحق على الصلاة
فراس : حنا سابقينـــــــــك ..
دخــــل بدر داخل ... وهو للحين ماعطى ميهاف خبر ان البيت بيجهز آخر هالسبوع قال لأمه تقول لأمها وبس , مايدري ليش صايره مهمة التواصل معها مهمة صعبه بالنسبة له : . ....
***
اليــــــــوم التالي /
فراس جالس بمكانه المعتاد بالصالة .. وبحضنه ايباده ..والكل محيوس بالصالة اللي عند التلفزيون واللي نايم على الكنبة ...
ام فراس : فراس يمه بتروح المستشفى اليوم ؟!
فراس : لا رحت امس يكفي ..
ام فراس : وكيفك اللحين ..؟! ان شاء الله احسن
فراس : احسن
ام فراس : المهم اني عازمة الحريم اليوم .... ابي اشكرهم بعد على وقفتهم معنا بيجون عقب المغرب
فراس عقد حواجبه ... وقال بمقصد : من بتنادي بالضبط ؟!
ام فراس استغربت ماعمره ركز على من بيجي بالضبط : يعني عمتك ومرة عمك وخالاتك والجيران
فراس : بس ؟!
ام فراس : واسماء بتعزم من ربعها اللي تبي ... خبرك حريم مدري من بيجي بالضبط
فراس : انا مقدر اطلع اليـــوم ... بجلس بغرفتي اعتبريني مو موجود
ام فراس : براحتك يمه ... اساسا خالاتك يبون يشوفونك
نـــزل بدر الدرج مستعجل : يمه انا بفطر برا اليوم ... بالعافية
هزت ام فراس راسها وهي تشوفه يطلع : ابيه يجلس اليوم ! احاكيه ان مرته بتجي اليوم اقل شي يسلم عليها ... مير عبث ! انا مدري ليش ضربني راسي وزوجته عشان يفشلني عند الناس
اسماء نزلت وراه ووقفت عند امها : يمه انا عزمت ربعي اليوم !
ام فراس : وليش ان شاء الله ! اليوم جمعة حريم
اسماء فتحت فمها : امــــــــــا ! وش حريمه
ام فراس : انا عازمة العالم ابي اشكرهم على وقفتهم معي ... مب جوك انتي وربعك بتقلبن لي البيت هبال وصداع
اسماء باحباط : اصلن انا اذا تحمست لشي يخرب يموت يختفي اهم شي مايصير ! وش هالحظ نفسي اشوفهن اليوم
ام فراس : ماراح تموتين اجليها لبكره
اسماء ضربت برجلها : مابي مابي ابي اليوم ! فشله اردهم
ام فراس : يابنتي بكرة وعد مني اجهز لك جلسة احلى ... اليوم خلاص مايزين
فراس : وانتي يمه ليش محترمة خاطرها وتراضيها ! اساسا فيه ناس لو تحترمهم تحس انك قليل ادب ... اولهم هالبزر هذي !
اسماء بقهر : واللللله ؟! لا تتحداني اقهرك بكرة انا وربعي بعزيمتنا !
فراس باستخفاف : قبل لاتفكرين تحاولين تقهريني انتي وربعك السلق مقتنعات انكن تهمني ما شاء الله عشان انقهر
اسماء تجاهلته وهي تلتفت لامها : اهم شي بكرة خلاص لي ! مو تخلقون لي عزيمة بعد
ام فراس : خلاص بكرة لك لاتقلقيني عاد
اسماء من قهرها ماعرفت تمشي دون تبرد حرتها التفتت لفراس : وانت وسفرتك اللي واعدنا فيها ! وينها متى !؟
فراس : ناسيه انها تكنسلت بسبب قلة ادبك ... والله حتى لو اسافر اللحين باخذ كل البيت الا انتي
ام فراس عصبت : تحاكينه عن سفره وهو بهالحاله ؟! مافيك قلب انتي ؟!
اسماء : ياسلام وش قلة ادبي ! وش سويت عشان تتكنسل ما اذكر
فراس : اخر همي اذكر وش سويتي
اسماء : إلا اعرفك ناقة ماتنسى !
فراس : ع حسب الشخص يهمني ولا مايهمني ... وانتي بالذات مالك مساحة بالذاكره اصلن اصرف معلوماتك على طول
اسماء : هاهاهاها حتى انا ما اتذكر عنك شي واكرهك
فراس وعيونه بآيباده ببرود : لا لاتكرهيني .. تكفين واقفة عليك ؟!
ام فراس : اقول تجمعوا على الطاولة وتموا صيامكم ! يله بيأذن الفطور جاهز
حط فراس ايباده على جمب وهو يوقف .. ام فراس : عصاك وينها اليوم ماتستعملها ؟!
فراس : صرت اقدر امشي دونها ... رجلي مافيها شي
تجمعــــوا على الطاولة ماعدا بدر طبعــا ..... فراس : انس اكل اللي يسد جوعك عشان نلحق للصلاة
انس : طيـــب
اسماء اثناء ماهي تاكل عيونها مصوبة على فراس لو النظرات تقتل كان قتلته : ................
فراس اثناء اكله : اسوم كم عدد رموشي ؟!
اسماء عقدت حواجبها : وش هالسؤال الغبي ؟!
فراس : ادري عنك لك ساعة تطالعين في وجهي ... مضيعة شي ؟!
اسماء : اتسائل كيف حتى وانت مريض ماتخليني ارحمك واحبك ...!!
فراس : وكلي الله يا أسوم الحب من الله مو بيدك
اسماء بقهر : بايخ
فراس وقف : يله يا انس اعجل
رمى انس لقيميتين بسرعة بفمه وهو يلحقه : .................
اما اسماء اول ما طلع بدت سالفة الحلطمة عن فراس لأمها : . .....
***
ميهــاف /
اثناء ماهي جالسة على تسريحتها بعد الفطــور وشعرها بين يديها وتحط الجل عشان تجعــده ... دخلت امهــا : خلصتي جهزتي ؟!
ميهاف : على وشك ... من بيودينا ؟!
ام نايف : لــــؤي
ميهاف : على فكرة لؤي كان ناوي على سفرة ... هو اجلها عشان فراس ولا كنسلها ؟!
ام نايف : والله مدري عنه هالولد .. وضعية الصامت وعلمه براسه
طالعت ام نايف غرفة بنتها : ميهاف انتي ماجهزتي شي من اغراضك ؟ اشوف رجعتي
كلش للدولاب ؟!
ميهاف : تعبتني بالشنطة لاجيت البس ما احصل شي .. فرتبتها
ام نايف : بس خلاص هالاسبوع بيتكم بيجهز
تنهدت ميهاف : لا جا وقتها جهــــزتها ..
هزت ام نايف راسها وهي توقف : ان شاء الله ماتنحاسين بس لاجا وقتها .. انا اقول جهزي من اللحين احسن لك
طلعت ام نايف بينما ميهاف رمت الفرشاة على الطاولة بقهر : كيف يبغوني ارتب وهو حضرته للحين ماقالي بنفسه .. توصلني الاخبار من بعيد ! كانه مايقدر يكلمني بنفسه
تاففت وهي تدخل اغراضها بشنطتها الوضع صاير يأزم .. وأزمه اكثر هالانفصال بينهم : ...............
***
إبتســــام /
كانت جالسة تحاول بالمكياج تخفف شحوب وجهها .. من حملت وهي صايره شاحبه بشكل طبيعي : .........
تنهدت بضيق : بتخلص البودرة وهالشحوب مو راضي يروح
سحبت شنطتها وهي تحس مالها خلق زيارة اليوم بس لازم تتجمل .. بس قبل تطلع فتحت لابتوبها وهي ترسل لنايف
ايميل عن امكانيات الوظايف بمجاله : مو بكيفه ! بانشب له لين يحصل وظيفه تعجبه
سكرت اللابتوب وهي تنـــزل دخلت غرفة غادة : غادة !
غادة بالحمام : استني بطــــلع ..شوفي لبس رنيم كويس ؟!
طالعت ابتسام برنيم اللي جالسة تلعب بزاوية العابها : تهبل انتي اخلصي عاد !
غادة بضيق : مدري ابتسام شكلي ماراح اروح !
ابتسام : بدري عليك تقولي ماحتروحي !! من اول
غادة طلعت وهي لابسه وخالصه بس الكئابة مشتغله معها
ابتسام :هذاك تجننين .. ليش ماتبغين .؟!
غادة وهي ضايقة خللت اصابعها بشعرها : مدري مو عارفة مالي نفس
ابتسام : اقول غادة هاليومين عذبتيني معك ! اذا انا اللي حامل ووحام ومنقرفة واشتغل وحالتي حاله بروح .. انتي بتروحين وانتي ماتشوفين الدرب ! لا وفوق كل شغلي ماترحميني بروح بكرة اودي بنتك لتطعيمتها
غادة : شاسوي انتي مصرة محد يطعمها الا هيثم .. ولا لو غيره رحت انا
ابتسام : غادة حنا نبي نطفي المشكلة مو نشبها
غادة وقفت دون اهتمام وهي تجهز اغراضها : من بيودينا ؟!
ابتسام : ألسواق طبعـــا اخلصي نلحق عشان نرجع بدري ... ترا بيني وبين النوم حبه
***
عقب تجـــــــــــمع الكل /
غـادة كانت ساكته ومتوترة خصوصا ان اسماء جالسة تفضفض للبنات عن فراس : قسسسسسم بالله يعني هالانسان .. مريض طيب تعبان مبسوط يضل نفسه مايتغير !! ماكانه مقابل الموت قبل يجينا .." كملت تتهزا به " اذا وعدتك بشي خلاص حسوي ماله داعي كل يومين تذكريني
مرام : وهو الصادق يختي وش هالبثارة ... وعدك خلصنا ! اسكني لين يجيك
اسماء : والله لو اسكت واسكن ع قولتك ينساني انا وسفرتي ! وهذا اللي صار قال ايش قال الغيتها عشانك قليلة ادب
ميهاف : ههههههههههههههههه انا امنيتي بس اعيش عندكم اشوف وضعكم مجانين ! حتى وهو تعبان هواش
اسماء : شايفه كيف فيه بلا !!!
ام نايف من بعيــد : ميهاف !
ميهاف : لبيك يمــــه
ام نايف : اخوك فهـود تعبان يبي المستشفى .. وهنا ابتسام بتروح بكرة برنيم يطعمونها عند اخوها دكتور صاحي يعني روحي معها
ميهاف باكتئاب : يوووووووه ماما تعرفيني ما أحب المستشفيات ولا اطيق ريحتها .. ماحقدر اتصرف
اسماء كبست بعيونها على طاريه : ...................
ام فراس : مسكينه البنت يا ام نايف ... اذا كذا اسماء ما شاء الله عليها اخر مره هي اللي سنعت ياسمين خليها تاخذه
اسماء كبست بعيونها : هاه ! وشهو ؟! ليش وش دخلني في ولدهم ؟!
ام فراس : ياوجه استح ! وش وش دخلك في ولدهم !!! عيب !!!
اسماء : مو قصدي يمه بس ...
ميهاف : اسوم تكفين روحي .. انتي سنعه انا والله ما اطيق المستشفيات نهائي
اسماء : مشغـــوله ماودي
ابتسام : ماعليك اسوم شغلة ربع ساعه اول العصر ونرجع ..هيثم بيسنعنا ؟!
اسماء حست انها نشبت والكل ناقد انها رافضه ... التفتت لغادة : غادة بتروحين انتي طبعا .؟!
غادة كشرت : لا ماحروح .... ليش ابتسام بتروح هجل !؟ نيابة عني
اسماء : بنتك يعني مفروض تروحين طبعا ..
غادة باقتضاب : مشغولة مقدر ..
ميهاف : خلاص انا بروح الله يعين ..
ام فراس وهي ترسل لاسماء نظرات تهديد : لا مو بكيفها ! بتروح يعني بتروح !
اسماء خفست وسط نظرات امها : ................
ابتسام : خلاص معناها بمرك بكرة ان شاء الله ونروح سوا
اسماء : اوك .... اقول بنات مشينا نطلع الحديقة الجو جميل
وقفـــوا البنات معها ... غادة بطريقها انتبهت لغرفة نوم على جمب عقدت حواجبها : اسوم وش هالغرفة .؟!
اسماء : ايه هذي غرفة نوم الضيوف ... بس عشان امي ماتبغى فراس يصعد تعب عليه جهزتها له
غادة ( يعــــــــــني ماصعد ! ماقراها ! ) : اهـــا ..
اسماء : يله مشينا نطلع
غادة : اسبقيني اعرف طريقي .... ابغى الدورات
هزت اسماء راسها وهي تطلع .... اما غادة حست انه الفرج اللحين فرصتها ! لازم تعجل وتاخذ الورقة دامه ماوصلها اتجهت للدرج دون تردد دام الكل مشغول وصعدت بربكة وهي متوترة ...
صوبت عيونها ناحية غرفته بناهية الممر ضربت برجلها : كيف بطلعها اللحين اذا مقفلة ؟!
طلعت مبرد اظافرها من شنـــطتها بتدخله من تحت الباب تسحب الرسالة ! اكيد بنفس مكانها .... : يارب عــــــونك
عـــــند فراس بغرفته /
اثناء ماهو جالس على مكتـــبه ويشتغل على الكومبيوتر عشان يسحب اسمه من السوق السوداء ... صار وجوده خطر عليه ومعلوماته مسربه ..
انتبه لأصوات قريبة ... عقد حواجبه وهو ينتبه لتحت باب غرفته مبرد بنكي ... انسحب بهدوء بالكرسي على ورا وهو يوقف وبخطوات هادية قرب من الباب وهو يراقب المبرد يدخل ويدور ( هي ؟! جايه برجلــــــها ..؟! وانا احسب اني بتعب عشان اوصلها واعلمها درسها ) سند ظهره على الجدار وهو يراقب مبردها المجتهد في البحث سمع نفخة منها : افففففففف وينها متاكدة اني مابعدتها ...
رجع تحاول وهالمرة وقفت بيأس الظاهر مافيه حظ ... مسكت المقبض تجرب حظها وكبست بعيونها لما انفتح الباب .. دقات قلبها وصلت حدودها ( اذا مفتوح ! معناها انه دخلـــها ! واكيد شافها !!!!! ) ما امداها تلحق لحظات الخوف وهي تدخل الغرفة برعب ... كبست بعيونها الرسالة مو موجودة ولا انتبهت للي متسند جمب الباب ويطالعها : ...
مانتبهت الا للباب يتسكر وينقفل التفتت مافيه احد بالغرفة ... اسرعت ناحية الباب تحاول تفتحه مسكر طقته برعب جاها صوته : جــــابك الله
غادة بلعت ريقها وهي تنطق : ففــ .... فــراس ؟!
فراس وهو متسند على الباب من برا : معقولة ماتميزين صوتي يعني .؟!
غادة برعب : افتح البـــاب .. ليش قفلته ؟!
فراس : راح افتحه اساسا محد يأمنك على غرفته يالحرامية ... بس نتفاهم اولا
غادة : علـــى ... شنو ؟!
فراس بحدة : الورقة اللي معك وينها !
غادة : بـ البيت ... بس صدقني مستحيل انشرها ! تعرفني كلام وهياط بس ... " كملت والعبره خانقتها " والله ماحسوي شي بس ابي اطلع
فراس : عشان تنجز شي ما انجزته من قبل لازم تكون شخص ماكنته من قبل ... هاه ؟! وين هالكلام وانا بايعتها ...؟! دام بايعتها وش مخوفك اللحين ؟!
غادة : .......................
فراس : ازعجتيني انا تغيرت وماني اللي تعرفها ... بالنسبة لي مازلتي نفس البزر اللي تقول حكي اكبر منها
غادة : صدقــــني كنت جايه اسحبها ... يعني ندمت اني حطيت هالورقة ... بس كنت معصبة منقهرة وش اسوي !
فراس : لاااا ؟! زين لحقت اشوفها قبل تاخذينها اجل .... زين لحقت اعرف بمدة يدك
غادة : طيب برجعها ...
فراس : مافيها نقاش هذي ! طبعا بترجعينها !
غادة : هجل وش تبي .؟!
فراس : ابي اعرف تهديداتك هذي كلها راحت فيــــن .؟! انا اقول بشوف المرأه الحديدية خلاص ... واخرتها جايه تعتذرين بعد
غادة عضت على شفتها : تدري ليش اعتذر ؟! مو عشان ردة فعلي تغيرت لا .... انا للحين حاقدة على كذبتك وانك طلعت نفسك من السالفة .. انا اعتذر لإنسان مصاب ومايصلح اكدر عليه ... بس الظاهر انت انت ماتتغير حتى لو تصفقك الدنيا
فراس ابتسم بسخرية : لو بجلس اتوعك كل ماصفقتني الدنيا ع قولتك .. راح عمري
غادة والدموع بمحاجرها بتطلع ... نطقت بهدوء وهي شادة على قبضتها وخوفها ماينوصف : فراس ..
فراس استغرب نبرتها : نعــــم .؟!
غادة باقتضاب : افتح ... بطلع ..
فراس ابتسم بسخرية : بدري عليـــــك لسى .. نتفاهم مرة وحده احسن ونخلص من بعض
غادة بهدوء : قــــدها .؟!
فراس باستهزاء : وانا عمري سويت شي ماني قده ... فكري بنفسك انتي قدها هالرسالة .؟!
غادة استنشقت هواء الغرفة وهي تستشعر خطورة اللي بتسويه . : اذا انت متلهف تشوف الإنسانة اللي ماتعرفها .. اجل انا يشرفني اعرفك عليها
فراس بسخرية : متلهف وبس ؟!
غادة وقلبها يـــدق حتى رجلينها تهتز .. لكن هي قررت ان مالها حظ بهالدنيا صرخت باعلى صــــوتها بصرخة مخيفة : اااااااااااااااااااااااااااااااااااااااااااااااااااااااااااا ااااااااااااااااااااااااااااااااااااااااااااااا !!!!!!!!!!!!!!!!!!!!!!!!!!!!!!!!!
فراس سد اذنه تلقائي من ازعاج الصوت : وجعععع !!!
غادة وهي تكمل صراخ : ابتسسسسسسسسسسسسسسسسسسسسسااااااااااااااااااام الحقييييييييييييييييييييني
فراس فتح عيـــــونه بدهشة وهو يستوعب وش اللي جالس يصير .... واستوعب لما انتبه للفوضى تحت وهو يتسائلون عن مصدر الصوت وبلحظة صعدت ام فراس والحريم معها بخوف من الصراخ ...
الكل كان يطـــالع بصدمة ... معقولة اللي ببالهم صح .؟! هذا فراس واللي بالغرفة ميـــن .؟! غادة ! الحريم نصهن رجعن لما شافن فراس واولهن ابتسام لكنها همست بقلق : ام فراس تكفين شوفي لي البنت ! هذا صراخ غادة
التفت فـراس للبـــــاب وهو فعلا ماعرفها بهالحركة " كل هالقذارة فيك ياغادة ؟! " ....
ام فراس اقتربت بقلق : فراس ؟!
فراس بطبيعية : سمي
ام فراس باندهاش : وش صاير .؟! معقولة الصوت من غـــــرفتك .؟!
فراس وهو يحكم اعصابه .. ويمد مفتاح الغرفة لها : ايه ...الظاهر , ابيك تدخلين تشوفين من الموجود ...
ام فراس : ليش انت ماتدري ؟!
فراس رفع حواجبه : شعرفني .. دخلت غرفتي حصلت فيها بنت ماعرفتها فطلعت وسكرت الباب وقفلته ! ابي افهم وش مدخلها هنا قامت تصارخ
خذت ام فراس المفتاح وهي تدخل الغرفة وتحصل غادة غرقانة بدموعها : غادة ؟!!! شتسوين هنا ؟!
غادة غطت وجهها : تساليني ! اسالي ولدك .... هو اللي دخلني هنا
ام فراس عقدت حواجبها من اختلاف اطراف الحديث ... : انتي تقولين كذا وهو يقول دخلت غرفتي حصلتك فيها
غادة : معقولة انا بدخل غرفته ... وش مصلحتي خالتي وش دخلني !
التفتت ام فراس تبي تسأل فراس لكن ماحصلته .... اكيد طلع ! اما غادة وقفت بسرعة وهي تطلع وراحت ناحية ابتسام مباشرة ودفنت نفسها بحضــــنها ..
عــــــــــند فراس /
نزل من الدرج الجانبي وطلع برا البيت .... وركب سيارته وهو يطلع وشاد باقوى ماعنده وواضح على وجهه العصبية حتى تنفخت اودجته !!!! للحين مب مصدق اللي سوته ...... الحيوانة سوتها فضيحة ... كذا تفهمني انها بايعتها ؟! لااا مو بكيفها تضيعني معهـــا !!! بزر بزر يافراس تسمح لها تتمادى كذا ... هين هين انا كنت مصبر نفسي طول هالفترة اللحين اعرفي انك انتي اللي بديتي حرب والله ما ارحمك لو رحمتك بيد غيــــــــري
دق جواله ... " تاج راسي " سكر جواله مايقدر يرد !! مايقدر يستوعب اللي صاير للحين اصلن ...
الشي الوحيد اللي مستوعبه في هذا كله انه في اشد حالات غضبه ..
***
عـــند أم فراس ... ابتسام وغادة غادروا ماطولوا ..
والبنات ميهاف واسماء ووداد وسجى لما دخـــلوا طرطعــــوا من السالفة محد مصدق : ...........
سجى : معليش دون احد يزعل ! بس السالفة واضحة !!! هي داخله غرفته الله اعلم وش براسها .... وش ذنبه هو ؟!
ام فراس تنهدت بضيق : ولدي وعارفته مستحيل يسويها ... بس هذا اللي محيرني اني مو فاهمه شي ...
اسماء : صدق السالفة غريبة ! ليتني كنت موجودة ...... يعني انتو فجأة سمعتوا صراخ ؟!
ام نايف : ايه .. تتبعنا الصوت طلع فوق صعدنا حصلنا صوت غادة من غرفة فراس
ميهاف : وفراس وين ؟!
ام عبدالمجيد : فراس برا
عجباء : معناها الولــــد ماله دخل ... ولا لو هو اللي في بالكم كان ما بتحصلونه برا بتحصلونه داخل
مرام شهقت : اعوذ بالله وش هالتفكير ! لا طبعا حنا مانفكر انه بيضرها من هالناحية ..... بس فعلا السالفة تحير
ام فراس وجوالها بيدها : واللي يقهر فراس مايرد علي اساسا عشان اعرف وش صاير ؟!
" صوت الباب الرئيسي ينفتح "
قامت ام فراس بسرعة تشوف .. لكن احبطت مو هو : هلا بدر جيت ؟!
بدر : أيـه .... " عقد حواجبه " عندنا ضيوف اجل ؟!
ام فراس : جعله يخلف اليوم طلعت ماعطيتني فرصة اقولك ... ايه فيه حريم عندي خالتك ومرتك هنا اصبر تسلم عليهم
هز راسه دون يعـــلق .... جلس بالصالة وبعد دقيقة دخلت ام نايف وميهاف سلم على ام نايف وهو يحب راسها : هلا خالتي شلونك ؟!
ام نايف :حمدالله بخير دامك بخير .... انت شلونك شمسوي ؟!
بدر : انا حمدالله .. وعمي كيفه وكيف صحته !؟
ام نايف : بخير يسأل عنك
بدر : تســــأل عنه العافية ..
رفع راسه وهو يطــــالع ميهاف اللي كانت واقفة ورا امها دون تعليق : هلا ميهـاف
ميهاف انتبهت وهي تسلم عليه : هلا فيك ...
ام نايف حست انها معكرة الجو : يله انا برجع للحريم .. خذو راحتكم
راحت ام نايف .... تنهد بدر وهو يطالع ميهاف وهي منزله عيونها حتى ماتطالعه .. نطق بهدوء : الحقيني ..
وصعـــد الدرج ... لحقـــته ميهاف حتى وصلت لغرفته دخلت بهدوء جلس بدر على كنبته وهو ياشر لها : اجلسي ليش واقفة ؟!
ميهاف جلست وهي تحط رجل على رجل وتشغل نظرها عنه بتأمل الغرفة ..... جاها صوته : وصلك خبر من امك اكيد؟
ميهاف : بيتنا قصدك ؟! ايه وصلني .
بدر : يعني بعد بكرة جـــاهز .. فمن بكرة جهزي عشان ننقل الأغراض
ميهاف : ان شاء الله
بدر : انـــا عارف انك زعلانة ... والوضع كان متأزم من شهر العسل وانا عطيتك فترة ترتاحين واتوقع ان هالفترة كانت اكثر من كفاية ؟! وفوقها اعتذرت لك قبلها ... وانتي عارفة اني احبك ومقدر اتهنى وانتي زعلانة علي
ابتسمت ميهاف بسخرية : لا بدر ... انت ماعطيتني فترة راحة انت عطيت نفسك فترة راحة لاتخدع نفسك ... واللحين البيت زان ومصلحتك أولا طبعا لازم تعدل وضعك معي عشان ماتضطر تعيش بنكد
بدر : لا تصيغين كلامي بهالطريقة ... اللي بيسمعك بيصدق اني بالمرة مو مهتم
ميهاف : هذا الصدق ... بدر انت مايهمك الا نفسك وبعمرك ماهمك انا
بدر تنهد : شلون اخليك تصدقين انك تهميني مو عارف
ميهاف : فلناخذ اخر حادثة على سبيل المثال .... انا زعلت لانك سلمت عليها وجلست معها وتضحك وتسولف ! اعتذرت لي ؟! ايه اعتذرت مليون مرة ؟! بس بتترك هالتصرف ..... لا نهائي مستحيل ... انا وش استفيد من اعتذارك اذا بتضل كذا ؟!
بدر : تعبت اقولك هذا شغلي ... حتى لما تركت اني اتصور مع عارضات عشانك مايزال المخرجه ممكن تكون حرمة المكياج ممكن حرمة ! شاسوي انا ؟! اقلب العالم كلهم رجاجيل ؟!
ميهاف : ماقلت كذا ! اقل شي معاملتك معاهن رسمية .... مافيه داعي ضحك وسوالف وتتعشى معاها !
بدر تنهد : ان شاء الله ... ولا يهمك ماراح اضحك ولا اسولف ولا اتعشى معاهن , اوامر ثانية ؟!
ميهاف : مقدر اخذ كلامك جد .... لأن وقت خطبتني وضحت لك هالنقطة وما سمعتني
بدر بنفاذ صبر : طيب ! والحل يعـــــــــني ؟!
ميهاف : ما أدري بدر .... لأني بصراحة بطلت اصدق كلامك لان كلامك شرق وافعالك غرب ! فانا اصدق الأفعال الاقوال معاد تهمني .... كل واحد يقدر يصفف له كلام
بدر تنهد : انا ناديتك اقولك ان بيتنا جهــــز ... ان شاء الله عقب بكرة بنسكنه خلاص
ميهاف : ان شاء الله .... اقدر امشي يعني ؟!
بـدر ظل يطالعها لفترة ثم قال : ليه زايد وزنك .؟!
ميهاف فتحت عيــــونها بقهر : نعــــــــــــــــــــم ؟!
بدر : هـــذا الصدق ... شكل رمضان شغال معك بلع
ميهاف : باللهــــــــــــي ؟!
بدر : الميـــزان موجود تقدرين توقفين فوقه .... وبتتأكدين انك سامنة ومو حاسة
ميهاف بقهر : شاسوي مشغولة عند اهلي مقدر اروح الجيـــم " كملت تقهره " وبعدين خل اسمن وش فيها ؟!
بدر : براحتك اسمني بس لاصرتي برميل لاتكتئبين ..ها ؟!
ميهاف : ماراح اكتئب لاتخاف ...
بدر : اقـــول ميهاف كلمي النادي وارجعي لهم احسن لك ... السمنة مامنها خير
ميهاف وقفت معصبة : مـــــــــو شغلك !!!
وطلعت من غرفته وهي تسكر الباب وراها بقوة .. كبس بدر بعيونه : اوف كل هذا عصبية ! بتعصبين كذا لاتسمني من البداية
اما ميهاف اول ماطلعت فتحت جوالها وهي تدق على رقم : ألو ! كيفك دارين ؟! برسل لك فلوس تجديد اشتراكي بالنادي انا رجعت
***
إبتســـام كانت واقفة قدام غادة اللي منسدحة ومعطيتها ظهرها : غادة مافيه نوم ! قومي تكلمي وش صار !!!! للحين ماقلتي لي شي
غادة : .........................................
ابتسام : شصار بالضبـــــــــــــط ؟! نشفتني دمي
غادة : ابتسام ... مالي خلق اتكلم بنام
ابتسام : ومتى بتقولين لي ان شاء الله !
غادة : بكرة ....
ابتسام : ماشي ماشي .... نسايرك ونشوف وش تاليتها
طلعت ابتسام بينما غادة تكورت على نفسها .... للحين فيها رجفة من اللي سوته , ياترى وش حطيت نفسي فيه ؟! غلط ولا صح ؟! بس هو الغلــــطان .... انا كنت نادمة .. كنت راجعة ندم ... وهو مارضى يصدق ..
استقعدت من سدحتها وهي تفتح الدرج وأوراقه بالسوق السوداء بيدهــا .. تنهدت بضيق : تستاهل ... محد قاله يستفزني ... وهذا اقل شي اسويه عقب كذبته ..
***
فــراس .. بعد مافرفر وسحب كم سيجاره وهدا رجع البيت بوقت متاخر بحيث يتاكد ان الضيوف راحوا : .......
كانوا اهله متجمعين بالصالة ... ماعدا انس وياسمين وقفت ام فراس مباشرة : وينك ماترد علي ؟!
فراس وهو يجلس : شخبـــار المهزلة اللي صارت ؟!
ام فراس : وانا ليش ادق عليك ! مو عشان افهم وش صار ..
فراس : قلت لك وش صار .. مو مصدقتني ؟!
ام فراس تنهدت بضيق : مصدقتك بس البنت كلامها غير
بدر عقد حواجبه : ليش وش صاير ؟!
اسماء : يووووووووووووه فاتك ... فراس حابس له وحده من الضيوف اليوم في غرفته
بدر فتح عيونه : تكلمين من جدك ولا تستهبلين ؟!
اسماء : من جدي والله
فراس رماها بنظرة ... ونطق ببرود : عموما سكروا السالفة .. بس اللي صار درس لكم ماتعزمون لنا ناس مهزلة مرة ثانية
اسماء : اصبر اصبر وش نسكرها ؟! كيف اللحين ...... انا كنت معها وبعدين هي قالت تبغى تكلم وبتجينا ! ثم فجاة نكتشف انها محبوسة بغرفتك ان دل كل هذا على شي فهو يدل على انحرافك
فراس : اسمـــاء ... انقلعي غرفتك ولاتتدخلين في سوالف الكبار
اسماء : انا كبيرة !
فراس وهو يطالعها من فوق لتحت : لا واضح بسم الله عليك
بدر : مااااااااااااااني فاهم وش السالفة وش صاير !!! انت حابس بنت بغرفتك صدق
فراس : انا لله ...... !
ام فراس : فراس يمه .. انا مصدقتك بس ترا اللي شافوا السالفة واجد واخاف كل واحد يصدق اللي يبغى هذا غير البنت اخاف تقول لاخوها وتكبر
فراس : خل تقول ...
بدر بعصبية : من بنته !!!
اسماء : هذي غادة اخت زوجة نايف اللي انحاشت وحصلوها ومدري ايش
بدر : ايه ايه ؟!
اسماء : هاه بس ... اليوم حصلوها بغرفة فراس وهو حابسها
بدر فتح عيونه : فراس ؟!!! عيب يارجال وش مسوي انت ..؟!
طالعهم فراس بنص عين ووقف : انا بنــام تصبحون على خير
اول ماصعد التفتت ام فراس لاسماء : وانتي قومي نامي ! وراك بكرة فهد ولد عمك .... مو تسحبينها نومه
اسماء : ايييييه ذكرتيني ! يمه الله يهداك وش سويتي نشبتيني بالسالفة !؟ وش دخلني انا بفهد
ام فراس : ام نايف ماقصرت معك .. وقهرتيني وانتي تردين عليها كذا عيب !! الحرمه تحبك ... حتى يوم رفضتي ولدها ماشاء الله اجودية ما تغيرت علينا بشي
اسماء : وششششش جاااااااااااب اللحين !؟
ام فراس : اعدد جميلها عليك عشان تفهمين ..
اسماء : اييييييييييييييه بس انا مابي اروح ....
ام فراس : بدر يمه تعشيت ؟!
اسماء بقهر : طيب بكلم وداد توديه نيابة
ام فراس : هاه يابدر ؟!
اسماء بقهر : احلفي يمه ! مزهرية انا ..؟! لا وضعي ان تجاوز المزهرية صرت كائن هلامي شفاف لايرى بالعين المجردة
ام فراس : وش اقولك يعني !! بتروحين وانتي حرمة .... وانا اللي رافعه فيك الراس يوم سنعتي ياسمين اقول بنتي سنعه شوي تفشليني
بدر حاس بفمه : اقول انا صاعد .. وايه يمه تعشيت كملو هوشتكم
***
عــــند فراس ... بمجرد ماصعد دق جواله " لؤي " : الو ؟!
لؤي : هلا فراس ! كيفك ؟! وينك ؟!
فراس : بخير وبالبيت
لؤي : شصاير اليوم ..؟! امي قالت لي سالفة ماتدخل الراس
فراس : امداهم يتناقلون السالفة
لؤي : لا تصرف شصاير ! وش ساالفة هالبنت !
فراس تنهد : ماينحكى فيهـا ... انت بكرة مشغول عندك شي ؟!
لؤي : فراس لاتصرفني ... اذا على اللي سمعته ينحكى فيها ونص ! كيف صار وضعك مع البنت هي داخل غرفتك مقفول عليها وانت برا
فراس : سالفة طويلة لؤي ... اقولك بعدين اللحين مالي خلق بنام
لؤي : متى طيب .؟! انا بكرة ماشي الكويت
فراس : الكويت ؟!!! متى ؟!
لؤي : مغرب كــــذا
فراس : ...................................
لؤي : الو فراس .؟! بس يمدي اشوفك قبل امشي ... متى حاب نتقابل ؟!
فراس باقتضاب : بكرة نقرر ... سلام
سكر السماعة .. وهو يحس بصداع وين يحصلها منه هو .. .؟! بس هو قرر ان غـــادة هذي لعبت بالنار وجزاها بيكون على يده ! بس خل اتفرغ لـــك ..
***
اليـــوم التالي :-
اسماء وهي جالسة وعبايتها جمبـــها وتحس باحباط فضيع .... قالت بقهر لام فراس باخر محاولة تتهرب فيها : كيـــف اروح مع ابتسام عقب اللي صار بين فراس واختها ؟!
ام فراس : اسماء لاتحاولين بتروحين وانتي مره
اسماء وهي ماتتخيل ردة فعله لاشافها ... اكيد بيكرشها يكفي كلامه اللي سممها به اخر مره ... بس وش بيدهـا امها مره حاطه راسها براسها هالمرة ... دق جوالها " ابتسام " ردت بكئابه : هلا ..
ابتسام : حنـــا برا
اسماء : يله جايه
لبست عبايتها ... وقبل تطلع طالعت امها : تاكدي يمه ان أي شي يصير بالمستقبل بتكونين سببه
ام فراس : عن الحكي واطلعي يحترونك
طلعت وهي تركب السيارة بقهر ... وفهود معها برا : هلا بالعلة !
نايف برواقته المعتادة : هلااااااا بأســــوم هلا والله
كبست اسماء بعيونها : لحظة لحظة ... اذا انت اخوه موجود انا وش يوديني ؟!!!
نايف : شالسالفة ؟!
ابتسام : هههههههههه اسوم حبيبتي اذا ماتبغين عادي انا ماعندي مشكلة اوديه بقدر لحالي
اسماء وهي تتذكر امها :بتقتلني امي لو ارجع
نايف التفت لابتسام : شعندها ؟!
ابتسام : هههههههههههههه امها غاصبتها تودي فهد المستشفى معي
نايف : مرة عمي غاصبتك !؟
اسماء بقهر : ايه زعلانة علي مدري وش فيها
نايف :مايبيلها زعلانه عليك ازعلي عليها
ابتسام : تزعل ع امها ..؟!!
اسماء بقهر : لاااااااا هم يزعلون لازم نقدر ظروفهم .. انا ازعل لاعيب
نايف : ياحياتي يا اسوم مقهورة .؟!
اسماء : يازينك ساكت انت بعد ... ولا لو منك فايدة كان وديته انت ولا بلشوني
نايف : يا اسوم الدنيا حكم ... يعني ربي يوم مارزق اهلي عيال سنعين يبردون الخاطر رزقهم بنت عم تسوا عيالهم فانتي ليش زعلانه .؟! اكسبي اجر ووديه ماحتموتين
اسماء : يازينك ساكت انت ووعضك اللي زي وجهك
نايف : هههههههههههههههههه شفيه وجهي مو عاجبك .؟!
اسماء : ليش من لعب عليك اصلن وقالك انه حلو
نايف :ابتسام تقول
ابتسام : اقول نايف نفسي اركب معاي بنت السيارة ولا تتناقر وياها ... اولهم غادة ثم زميلتي بالعمل واللحين اسماء !
نايف : لا عاد غادة كنت اسولف عادي وهي زعولة .. وزميلتك هذي اصلن غيريها نفسية اما اسماء انا اناقرها اخبرها وسيعة صدر مدري وش مغيرها
اسماء : اقول نايف خل عيــــونك على الطريق دامك بتوصلنا وبس !
نايف : سيارتي بكيفي اتكلم ... وبعدين انتي من كلمك انا اسولف مع زوجتي
ابتسام : يله هذانا وصلنا
اسماء طالعت المستشفى وهي تحس بتبكي خلاص .... وش بيطلعها اللحين من السالفة .؟!
نايف : اخلصي انزلي بمشي
اسماء بعصبية : فهود اخلص علي انزل !!
نزل فهـــود وابتسام كانت واقفة ورنيم بين يديها .... حرك نايف سيارته اما ابتسام تنهدت : اسوم بسك ضيقة خلاص يله كلها تطعيمة وبنطلع
اسماء : أمري لله مشينا
نزلت اسمـــاء وهي تمشي ورا ابتسام وتدعي ربهـــا .... وقف مصيرها وهي تشوف ابتسام ترفع جوالها وتكلم : الو ... هاه هيثم انا وصلت وينك .! ؟
اسماء ( اكرهني ! ودي الصق لوحه فوقي انا للبيع مابيني مليت مني ومن سخافتي ... ياربي وش بسوي ) : ......
ابتسام التفتت لها : مشينا اسماء من هنا ..
دخــلو غرفة فاضية وقالت ابتسام : هذي الغرفة فاضيه لنا شوي وبيجي ...
اسماء لقت لها عذر وقفت : اقول ابتسام فشله اجلس واخوك وكذا ... وش رايك اطلع ولاخلصتي تجيني ؟!
ابتسام : يوه اعتبريه دكتور عادي كنتي بتروحين ..؟!
اسماء : بس اخوك مدري فشلة صدق ... خلاص ابروح
ابتسام حست ان اسماء ماتبي صدق : خلاص براحتك اجل .. وقت اخلص بكلمك
مشت اسماء بسرعة تطلع .. وباللحظة اللي بتفتح البـــاب انفتح وهو يدخل فتح عيونه وهو يشوفها قدامه , اما اسماء مشت بسرعة من جمبه وطلعت ..
ابتسام : ههههههههه معليش هذي وحده من اهل نايف جايه معي .. وشكلها استحت يوم درت انك اخوي وابعدت
هيثم وهو يطالع جهة ماطلعت .. ومضيق عيونه ناحيتها : ............... اها
دخل وهو يجلس ..... ابتسام : جبت مع رنيم فهد اخو نايف استلمهم كلهم مره وحده
جلس هيثـم وهو يشيل رنيم ويبوسها : هلا بالحلا كــــله ... ياعمري اللي كل شوي يكبرون
عـــــــــند اسماء : -
كانت جالسة بالكافتريا وتطالع بانحاء المكان بكئــابة ... ابتسمت وهي تشوف العامود اللي قدام الكافتريا وتذكر كم موقف لها معاه هنا .. اختفت هالابتسامه اللاشعورية لما تذكرت انها فقدت صاحب هالموقف ..
تنهدت بضيق ... شافها وهذا اللي ماتبيه .. كبست بعيونها وهي تنتبه له يدخل الكافتريا وواضح من عيونه يبحث عن شخص وبهاللحظة دقت عليها ابتسام : الو ؟!
ابتسام : هلا اسوم وينك انا عند الباب يله بنطلع خلصنا !
اسماء : يله ..
بلحظة سكرت السمــــاعة جلس قدامها وهو يطالعها بحدة : وش قصدك ؟!
اسماء :شنو ؟!
هيثم : اسألك انا وش قصدك من جيتك اليوم مع ابتسام !!! تهدديني يعني ؟!
اسماء : اهددك بشنو .؟!
هيثم : ما أدري اجل وش قصدك بانك تقابليني قدام اختي ..
اسماء شاحت بنظرها : اسفه واعتبر اني ماجيت ...
هيثم : لاا .؟! ع بالك بتمشي كذا ؟! اعتذارك الباهت ابشع من غلطتك نفسها
اسماء وهي منجرحة من طريقته معها : ابي افهم انت ليش قاسي معي كذا ..؟! ترا والله انا مو قصدي شي نهائي
هيثم : اكون قاسي ولا اكون غبي ... فاهمة .؟! وانا فاهم جيتك هذي وش يعني .... وابتسام لاتفكرين تحطينها طريق لي
اسماء عضت على شفتها وهي تطالعه : .............. انت تكرهني ؟!
هيثم عقد حواجبه : وش هالسؤال ؟
اسماء بقهر : ما حا اسألك اذا تحبني .. اعرف مالي امل بس ابي اعرف انت تكرهني عشان تتصرف معي كذا ؟! عشان تعلقني متى مابغيت وترميني متى مابغيت ...؟ عشان تحطني بين السماء والأرض ... اذا تكرهني قول
هيثم وعيونه بعيونها الدامعه .. : ......................
اسماء وقفت : انا بمشي ... واليوم ماكان قصدي شي ولو بيدي ماجيت !
هيثم التفت ناحيتها : لا ما شاء الله صايره الأمور تفلت من سيطرتك يعني
اسماء : فالته من سيطرتي من زمان .. ولا ماكان صرت بهالوضع المصخرة ..
ومشت بطريقـــها تطلع ... ركبت سيارة السواق مع ابتسام بصمت حتى وصلت للبيت ...
اما هيثم حضن راسه بين يديــــنه .... وصورت دموعها للحين براسه , ماعمره شافها بهالحزن عادتها مبسوطة .. تنهد بضيق ماعاد يدري وش مفروض يسوي مع هالبنت ...
***
اسماء اول مادخلت البيت صعــــدت مباشرة دون تكلم احد ... ودخلت غرفتها وسكرتها عليها وهي ترمي نفسها على سريرها وتحضن وسادتها وتفرغ دمـــوعها , انساب من وسادتها دفترها ... فتحته بقهر وهي تمشي على ايام مشاعرها ... كانت مشاعرها تسطر بفرحة ومع الوقت بدا يدخلها الكئابة ... حضنت كلمها وكتبت :-
أراك علي اقسى الناس قلبا
ولي حال ترق له القلوب
حبيب أنت قل لي أم عدو ؟!
ففعلك ليس يفعله حبيب
|
09-04-17, 10:47 PM
جديد مواضيع قسم القصص المكتمله من وحي قلم الاعضاء
العرض العادي
