حبيبتي هو الفصل بينزل اليوم واي ساعه بانتظارك

" البارت الخامس والعشرين "
- نحن بشكل أو بآخر , لانوزع مشاعر آلحب كما نريد !
بل ينتزعها منا من يستحقونها رغما عنهم ..
فتحت عيـونها بكسل .. رفعت راسها وحست بمنديل يطيح من جبهتها لحضنها رفعت يدها تقوس حرارتها : حمد الله خفت ..
طالعت بأنحاء الغرفة المظلمة .. ونور القمر من النافذة الكبيرة .. سرير رنيم فاضي ! وقفت بسرعة وعقدت حواجبها وهي تشوف نفسها بالمراية مازالت بالفستان الأبيض والمكياج سايح بشكل مخيف وكشختها يوم طلعت معه للحين .. تنهدت وهي تطلع من الغرفة كان بالصالة جالسة المربية ورنيم نايمة بنص المكان .. طالعت المربية بحدة : تاركتها تنام بالبلاط البارد كذا ؟!
المربية : what are you saying ?!
غادة وهي تنزل وتشيل رنيم من الارض : ماعليك شرهه دامك كافرة .. مالت بس
المربية تنحت مو فاهمة ... غادة : انقلعي من وجهي بس !
دخل الشقة مسعود .. ماعمرها وقفت قدامه دون حجاب اقل شي لكن معد تفرق بعد ما مشت بمطعم كامل قدام الكل بكامل زينتها .. مسعود : بسم الله الرحمن الرحيم وش هالوجه !
غادة حطت يدها ع خصرها : وانت تارك بنتي مع هاللي ماتخاف ربي ؟
مسعود : اقول امسحي هالوجه واشكريها ! لولاها جلست بنتك هاليومين اللي مرضتي فيها مامعها احد
غادة : يومين ؟!
مسعود : ايه يومين .. بدري عليك ؟!
غادة طالعتها بنص عين : تخسى اشكرها بعد .. المهم ! ابي اغير وين ملابسي ؟!
مسعود ببرود : رميناها !
غادة شهقت : ووش اسوي اللحين ؟!
مسعود : راح نوصي لك على ملابس
غادة : ابي اجيبها انا !
مسعود : مالك حق تتشرطين وتاخذين اللي يجيك غصب !
غادة استسلمت : طيب .. اقل شي لو سمحت جيبها ساتره .. وجيب شيرابات معها وملابس لرنيم
مسعود بابتسامة سخرية : لاتتشرطي واللي يجيك احمدي ربك عليه
غادة عطته ظهرها وهي تدخل غرفتها .. وحطت رنيم بسريرها وهي تطالع من النافذة الشارع المليان بالناس بلعت ريقها وتخبت ورا الستارة وهي تشوفه بطلته المعروفة نازل من سيارته اكيد بيجي هنا !! كل ماتحس انها بخير وبتمشي بحياتها ... تشوفه وترجع تتوعك , سمعت صوت مسعود : مرحبا طال عمرك
فراس وهو يجلس ورجل على رجل ...والسماعة باذنه : كذا اجل ؟! ............ زين ماسويت استاذ خالد .... اعرفك رجال فماحبيت اخبي عليك انك متزوج مجرمة ..... ممكن تدلني على السجن اجل ؟!
سكر السماعة وابتسم ابتسامة واسعة .. وهو يحس انه مبسوط بجد : مسعود !
مسعود : سم
فراس : جهز لرجعتي للرياض بكرة
مسعود : لحالك ؟!
فراس : وانت طبعا
مسعود : والضيفة ؟!
فراس كانه كان ناسيها ... تنهد : فينها اللحين ؟
مسعود : بغرفتها .. تو صحت وطلعت وصارخت كالعادة ورجعت غرفتها
فراس : جبها لي
دخل مسعود الغرفة حصلها منسدحة .. وواضح من عيونها تتغصب النوم رفع حواجبه : قومي !
غادة ضغطت ع عيونها اكثر : ...............
مسعود : قومي قبل اسحبك له سحب
جلست غادة وهي تطالعه بحدة ... وطلعت من الغرفة طالعها فراس من فوق لتحت نفس ثوبها اخر مرة وشعرها رافعته ومكياجها مسحته : .............................
غادة كانت واقفة وشادة على ثوبها : ..................
فراس : شأسوي بك انتي اللحين ؟!
غادة رفعت راسها وكبست بعيونها : اتركني بحال سبيلي ..
رفع حواجبه كانه يستبعد هالشي ... كملت غادة وهي تطالع بالارض : اساسا مدري ليش حاجزني او وش بينك وبين لورا ... فتقدر تتركني
فراس : جاوبي اجل .. وش علاقتك بلورا ؟!
غادة : صديقتها ..
فراس : متأكدة ؟! يعني تعرفين كلش عنها
غادة : مو صديقتها مرة ....
فراس : اها وساكنة ببيتها ؟!
غادة وعيونها بدت تلمع دموع وشفايفها ترجف وهي عاضه عليها : ............
فراس : مازلتي تراوغين .. وهذا اللي يخليني مقدر اتركك بحال سبيلك مثل ماتبين ..
غادة ودموعها نزلت : انت اللي بأي حق تاخذني دون حتى تعطيني فرصة أتكلم !
فراس وهو يتقدم بجلسته ويشبك يدينه ببعض : هذا انا اسمعك اللحين .. وهذي فرصتك الوحيدة اذا تقدري تقنعيني اتركك فلا تقصري
غادة نزلت راسها : .............
فراس : تكلمي بسرعة ! ماوراي غيرك انا ؟!
غادة طالعت حولها مسعود واقف مسحت دموعها : انا مو فاهمة .. مو فاهمة حتى ليش مسكتوها
فراس ابتسم ابتسامة جانبية : لا صدقتك !
غادة والعبرة خانقتها : والله
فراس بحدة : لا تحلفين ! مالك رب انتي تحلفين به !
غادة ورجلها ترجف ماعاد تشيلها : ..........
فراس رفع حواجبه : معناها مقدر اساعدك ... " التفت لمسعود " مانقدر نتركها بروسيا احجز لها ترجع معنا
غادة : ...................
فراس وقف : وانتي ترا مطول بالي عليك اللحين .. بس وقت ينفذ صبري الله يعينك
ومشى طالع .. غادة جلست على الارض ودموعها على خدها , ماتبي تطلع ماتبي شي بس ماعاد تبي تشوفه .. !
***
إبتســام : -
رجعت من الدوام بدري .. اليوم بيجي يزيد ويتغدى معهم وتقابله مره وحده طالعت بشكلها قدام المراية كلش تمام ! سمعت صوت المفتاح طلعت تستقبلهم .. ابتسمت وهي تطالع يزيد مايشبه لنايف نهائي .. ابيضاني ونايف اسمراني .. اكيد زي أمه ؟! بيضاء اجل .. عيونه بنية نايف زيتية .. لمحته ناعمة .. نايف لمحته حادة ... اكيد مثل امه ... ! لا ابتسام لاتفكري كذا ؟! ابتسمت وهي تمشي ناحيته وتجلس قدامه وتمد يدها : سلام ياحلو
تشبث يزيد ببنطال نايف وهو يتخبى وراه .. نايف طالعه : زوزو ! مو قلت لك تسلم .. هذي عمه سلم
إبتسام نزلت يدها ووقفت وتكتفت : الأطفال الحلوين اللي يسلمون بوديهم الحديقة وبشري لهم قريقعان
يزيد عقد حواجبه : وس قريقعان ؟!
نايف : ههههههههه بأي لغة تكلمينه انتي .. خكيري ولدي مايعرف ذالعلوم
إبتسام بطريقة طفولية وهي تضوق عيونها : قريقعان هذي حاجة سحرية سرية .. لما نروح الحديقة أوريك اياها
يزيد طالع نايف : بابا تلوح معنا ؟
إبتسام ردت مباشرة : ايه بابا معنـا .. ماشي ؟!
يزيد : ايه !
ابتسام قبصت خده بنعومه : فديــتك تجنن
طالعت نايف : بصعد البس عبايتي ونطلع ..
هز نايف راسه وهو مبتسم ويطالعها بحالمية : اوك
أول ماصعدت .. جلس نايف القرفصاء لمستوى يزيد وغمز له : حلوه صح ؟!
يزيد وهو مستنكر كلش : من هذي ؟
نايف ضربه بخفه على راسه : لي ساعة افهمك ! هذي عمه ..
يزيد بذكاء : اخت بابا ؟ زي عمه ميهاف ؟
نايف : هههههههههه وش يفهمك اللحين انت ... زوجة بابا مو اخته
يزيد كشر : وماما ؟!
نايف حك راسه : مشكلتك ذكي ! اقول يزيد اجلس هنا شوي وجايك
صعد نايف ودخل الغرفة .. طالعته ابتسام وهي تعدل طرحتها : .........
نايف مشى ناحيتها وهو مبتسم : شرايك فيه ؟!
إبتسام : مايشبه لك
نايف : انا احلى صح ؟!
طالعته بنص عين دون ترد : ..............
نايف : إبتســام .. صدقيني انا مقدر كل اللي تسوينه معاي ومو محصل طريقه اشكرك فيها
ابتسام ببرود : ماسويت معاك شي .. مفروض ماصعدت وتركته لحاله واضح دون شي ان راسه معبى علي
نايف : مين قال ؟ يزيد سحوي دون شي .. فلا تاخذي بخاطرك
سكتت ابتسام وهي تسحب شنطتها من الدولاب وتحط اغراضها داخلها .. مشى نايف ناحيتها : شفيك إبتسام ؟ اذا زيارة يزيد بتضايقك ماكان له داعي تطلبينها من الأول ..
إبتسام دون تطالعه وهي تكمل شغلها : من قال ضايقتني .؟ بالعكس فرحتي بشوفته قد الدنيا
نايف انحنى لخدها .. اشاحت ابتسام براسها مباشرة عقد حواجبه وهو يشوفها تكمل شغله , عض على شفته وطلع من الغرفة .. حتى لو قالت انها سامحته واضح انها مازالت شايله عليه ..
***
ميهـاف : -
رجعت للبيت وقت طلوع الفجر .. البيت هادي تماما صعدت مباشرة قابلها ابوها وهو طالع للصلاة : ميهاف ؟!
ابتسمت ميهاف : هلا يبه
طالع ابو نايف الساعة : تو ترجعين ؟!
ميهاف : ايه .. طولنا بالسهرة شوي
ابتسم ابو نايف : وكل هذي حفلات عشان بتتزوجين يعني
ميهاف : ههههههه شاسوي كل رفيقاتي يحرجوني .. واذا حضرت لوحده لازم احضر لهم كلهم
ابو نايف : أيه بس لك اسبوع بهالحفلات .. ماصرنا نشوفك حتى نبي نشبع من دلوعتنا قبل تروح
ميهاف ضمت ابوها وهي تبوس راسه : من عيوني اليوم انا لحسابكم .. امروا بس
طلعت ام نايف : ميهاف ؟! تو ترجعين !
ميهاف : أيه يمه .. اهلها احرجوني ماقدرت اطلع
ام نايف : ولو مفروض ترتاحين هالكم يوم .. وراك عزايم مقبله
ميهاف : بيعيني الله ان شاء الله ..
دخلت غرفتها وهي تعلق عبايتها وتطالع بكشختها الكاملة .. تنهدت وهي تجلس قدام التسريحة تمسح المكياج هالاسبوع فعلا فقدت النوم حتى تحت عيونها اسود تاففت .. كيف تتزوج بهالسواد ! بكرة ببيت ام فراس حفلة الحنا وعقبه زواجها .. تنهدت بحالمية اخيرا بينلم شملهم .. وقتها بعرف اهجدك يامغرور
***
فـراس : -
دخل لغرفة السجن خاصتها وهو يحس غليله يشفى فيها .. خالد وقت اكتشف الخيانات بحث عنها بدقة وعرف عن تزويراتها واعمالها الغير قانونية وبلغ مباشرة طالعته بحده من ورا القضبان : مو من مصلحتك ! لو بيعرفوا اني بالمخفر راح يسودو عيشتك
فراس : هذا اللي ابغاه بالضبط ... ابغاهم يطلعوا من جحورهم عشان اعرف كيف اتصرف معهم
ريم : فرصتك الوحيدة انو تفلتني مشان ينسوك
فراس : افلتك ؟! انا على راسي ان الحبس 7 سنين بس .. بس مو مشكلة صدقيني راح اتذكرك بعد سبع سنين
ريم : معارفي مراح يتركوني
فراس : تدرين ليش انخلقت المقامات بهالكون ؟! عشان كل شخص يعرف مقامه ويتصرف على اساسه ... يعني اذا كنتي ***** تصرفي على هالأساس .. باختصار كلمات معارفك وعلاقاتك وامكانياتك هذي كلمات مو بقاموسك , اتركيها لأهلها .. راح انطقها بالنيابة عنك
ريم : شو جاي تعمل هون .؟! انقلع من وشهي
فراس ابتسم ابتسامة جانبية ومشى طالع : اقامة ممتعة ..
أول ماطلع دق على مسعود : انا متوجه للمطار .. اقابلك هناك
سكر وهو يستعد يرجع .. اللحين يقدر يرجع لأهله وهو مرتاح شوي .. اهم جزء من انتقامه نفذ والباقي راح يتفرغ له بعدين ..
***
لؤي : -
لأول مره يطلع من غرفته وهو لابس ثوبه .. استوقفه صوت امه : لؤي ؟! لوين ياحافظ ؟
لؤي التفت لامه : ماحـطول ..
ام نايف : شأقول لابوك لو يرجع ومايلقاك ؟!
لؤي : ليش حجز هو ؟! مو لكم شهر تقولون اطلع من غرفتك .. خلاص هذاي طلعت
وطلع مباشرة .. ركب سيارته وتوجه مباشرة لبيت فراس وقف لفترة وهو يسند جسمه على الكرسي ويتنهد .. ام فراس بمكانة امه ومو دايم تطلبه .. اكيد عن فراس ! نزل من السيارة ورن الجرس ... : مين ؟!
لؤي : هذا انا خاله .. لؤي
: ايه يمه تفضل غرفة الضيافه جايتك
جلس لؤي بعد فترة دخلت أم فراس وهي بطرحتها وجلست : شخبـارك يمه ؟! تراي شايله همك هالفترة .. ليش معد ترجع زي أول ؟!
لؤي ابتسم : على راسي خالتي
ام فراس تنهدت : للحين براسي كنه أمس ... انت وفراس سوا مع أبو فراس وهو يوعد كل واحد فيكم ان سياراتكم عليه ... ايييه يالدنيا كبرنا
لؤي : الله يرحمـه ..
ام فراس : انت عارف انا وش أبي منك .!
لؤي : فراس ؟!
ام فراس بقلق : وش صاير فيه ؟! اكيد صاير معاه شي .. انا مو مرتاحه قلبي دليلي
لؤي : لا تشيلين همه .. فراس ذيب ماينخاف عليه !
ام فراس : وهذا اللي كسر ظهره .. المسؤوليه اثقلته وتغير , ماعاد فراس الأول اللي يجيني يشتكي .. يمه الشغل واجد ! يمه الدراسه صعبه ! معاد سمعت شكواه .. صار بعيد عني حتى وهو جمبي احسه بعيد ... " كملت بهم " او يمكن انا اللي ماكنت قريبه
لؤي انكسر على صوت ام فراس المتهدج : طولي بالك خالتي .. هو صح تغير بس حمد الله رجال
ام فراس : امنتك الله يا لؤي .. ولدي صاير معه شي انا ما اعرفه ؟!
لؤي : صدقيني مو صاير شي ..
ام فراس : ما اتكلم عن اللحين .. عن زمان .. من رجع من امريكا عقب موت فهاد الله يرحمه ماكان هو نفسه ولدي , رجع لي ظل ولدي مو هو ...
انعصر قلب لؤي .. الأم حتى لو سكتت مو معناها ماتدري .. تحس حتى وقتها حست باللي صار : ....مو صاير شي خالتي تعوذي من ابليس
ام فراس والقلق مازال بصوتها : ان شاء الله .. ان شاء الله مو صاير شي
لؤي ظل يتمعن بأم فراس .. يدها ترجف وصوتها متهدج قلق وخوف فهم بهاللحظة حاجه مهمه كان غافل عنها : ...................... خالتي انا لازم امشي ..
ام فراس هزت راسها : انتبه على نفسك ..
طلع لؤي .. وام فراس اسندت ظهرها وغطت وجهها وانسابت دموعها .. وهي تتذكر (
بعد موت أبو فراس باسبوعين ... دخلت غرفة فراس كانت خايفة عليه من رجع مانزلت دمعته وصوته مخنوق اذا تكلم ماحس حتى انها دخلت الغرفة كان جالس على البلكونة وشاارد حطت يدها على كتفه التفت لها .. : .......
جلست ام فراس جمبه وحطت يدها على يده : انت بخير يمه ؟! اكيد تعبت ايام العزى بالوقفة طول اليوم مع عمك
فراس بشرود : يمه ..
ام فراس : عيون امك
فراس لمعت عيونه وهو يلتفت لها : قد ايش تحبين ابوي ؟!
ام فراس مسحت بيدها على خده : احبه قد اللي ماله قد يمه
فراس : ليش تحبينه ؟
ام فراس استغربت حالته .. عيونه تلمع دموع ويده ترجف حضنت يده بقوه : شفيك حبيبي ؟!
فراس غطا عيونه بيده .. ام فراس فتحت عيونها وهي تشوف دموعه تنساب على خده وقفت بفزع وهي تضمه لصدرها : شفيك فراس .. خضيت قلبي شفيك ؟!!
حاوط خصرها وهو يدفن وجهه بصدرها وهو يتمتم بين دموعه : كسر ظهـري ... كسرني يمه ..كسرني
ام فراس كانت تمسح على راسه وظهره بخوف : وش اللي كسرك .. ؟ " نزلت دموعها على منظره " شفيك ؟!
فراس سحب نفسه من حضنها وهو يمسح دموعه ويجلس على الكرسي ويضغط على راسه بيدينه الثنتين : اتركيني لحالي شوي ..
ام فراس : والله ما اتركك ؟!
فراس : تعبان .. منهد حيلي اتركيني بنام
ام فراس قبل تطلع جلست وهي تمسك يده : يمه ... انا ادري انك تحب ابوك .. وكلنا نحبه بس انا ابيك تصبر انت بكري وسندي , انت رجال هالبيت عقب عينه
فراس بسخرية على حاله : رجال هالبيت .؟ لو تدرين .. لو تدرين قد ايش رجفت وقتها ماسميتيني رجال البيت ..
ام فراس تنهدت : انت ارتاح اللحين . لك ثلاث ايام مانمت
طلعت ام فراس .. وهو تقوس على حاله بدوامة ألم : رجال هالبيت ..هه )
ماتدري ليش هالذكريات ترجع لها ... كله اللي تعرفه ان ولدها مو مرتاح .. وان صاير معه شي , عقب هالذكرى بيومين طلب يسافر يكمل دراسته ومن عقبها ماعاد استقر عندها ..
***
لـؤي : -
بعد مـاطلع من ام فراس .. مسك جواله يدق على فراس لكن سبقته مكالمته رد : هههههههه تو بدق عليك !
فراس : الطيب عند ذكره اجل ..
لؤي : بكرة عزيمة اخوك متى ناوي تجي ؟!
فراس : وينك فيه ؟!
لؤي : بالرياض وين فيه يعني !
فراس : عارف انك محبوس بالرياض ... وين بالضبط ؟!
لؤي : بالسيارة ... مو مكان محدد
فراس : كيف اقابلك اجل ؟!
لؤي بعد ما استوعب : اياااا الخسيس !! بالرياض ؟
فراس : ايه تو وصلت ... قابلني بشركة ابوك
لؤي : شركة ابوي ؟! شتسوي هناك ؟
فراس : اسلم على عمي .
لؤي : ماراح اجي شركة أبوي .. اشوفك بكرة انا راجع البيت
سكر لؤي السماعة ... ودق مباشرة على نايف .. بس مافيه رد رجع يحاول بس مافيه رد رمى الجوال : وانا عمري ادورك واحصلك !
***
رجعو للبيت .. وابتسام طول الطريق محتفظة بالصمت وسط كلام نايف ويزيد , واضح يزيد نافر منها فماحبت تدخل نفسها وقفوا قدام بيت متـواضع ونزل يزيد " هذا بيتها أجل ؟! "
التفت نايف لإبتسام بعد مانزل يزيد : شفيك هاديه ؟!
إبتسام : مافيني شي .. شكلك نسيت اني ابتسام الهادية المملة
نايف عقد حواجبه : احد قال كذا ؟!
إبتسام بسخرية : اللي يرمي السهم مو زي اللي يتلقى السهم
نايف : انا قايل كذا ؟!
إبتسام فتحت جوالها متجاهلته : .......................
تنهد نايف وقال بصبر : داقه علي !؟ ومرجعتني من سفرتي ؟! عشان اخذ يزيد لنزهه وانتي ساكته تراقبينا ؟! اقدر اخذه وقت ثاني .. ماله داعي تعجليني والغي سفرتي
إبتسام : ما أذكر اني اصريت ترجع ! كان خيارك
نايف رفع حواجبه : كذا يعـني ؟!
إبتسام : بالله نايف خل نسكر الموضوع .. محد راح يقنع الثاني فنسكت احسن
نايف وقف سيارته فجأة والتفت لها : من قال ؟! انا مستعد اقتنع .. ومستعد اقنعك ! انتي عطيني فرصة وبطلي برودك الزايد وقتها نقدر نتفاهم
إبتسام عضت ع شفتها : مافيه شي نتفاهم عليه ..
وهلة صمت .. وهو موقف السيارة ومحدق فيها وهي تصرف نظرها لنافذة السيارة بعد فترة صمت قالت ابتسام : لاتظل واقف كذا بنص الطريق .. السيارات تبي تمر
زفر نايف زفرة طويلة .. وقال بهدوء : مقدر اتحمل ... الحياة هذي والطريقة هذي مقدر امشي فيها !
إبتسام : انت مكبرها .. رغم ان غلطتك كبيرة ماحطيتك تحت ضغط ! عشت حياتي وتركتك على راحتك !! وش ماتقدر تتحمل ؟! ماتقدر تتحمل تعيش حياتك طبيعي ؟! حاجة تضحك بجد
نايف : مابيك تعيشي حياتك ! مابيك تتركيني على راحتي !! انفجري فيني .. هاوشيني .. تكلمي انطقي اصرخي ابكي أي حاجة بتكون ارحم من هالأسلوب الناشف !!
إبتسام والعبرة بصوتها : وقت ترفع صوتك علي راح انفجر فيك .. وقت تكذب علي راح اهاوشك .. وقت تهمل مسؤولياتك راح اهاوشك !! حتى لو تضربني وقتها راح ابكي واصرخ .... بس وقت تخون عقد شرعي بيني وبينك وقتها انا مابيني وبينك كلام .. بينا مسؤولية نقوم بها وانتهى ! ....... اقدر اسامحك بكلش نايف بكلش !! بس الخيــانة انسى اتساهل معك فيها
نايف : وانا ماخنتك !!
قاطعته ابتسام بعصبية : وتكذب بععد ؟! ع بالك ما ادري انك على تواصل مع ام يزيد ومشاوير وروحه وجيه !! واكيد اكيد العلامة على بلوزتك منها !!
نايف تنهد بقلة حيلة : ماكان عندي خيار .. هي ام ولدي
ابتسام هزت راسها : في هالدنيا مافيه شي اسمه ماكان عندي خيـار ..
نايف سند راسه على الطـارة .. وابتسام مسحت دمعتين عبرت خدها ... بعد صمت طويل ونايف على وضعه رفع راسه بهدوء وحرك السيارة حتى وصل للبيت ... نزلت ابتسام حتى دون تسأل ليش مانزل معها ..
***
غـادة :-
وصلت للرياض وهي تحس بسخرية القدر بجد .. يعني راحت لآخر الدنيا وبالأخير رجعت ! كان مرافقها بالرحلة شخص ماعرفته وأول مرة تشوفه بس فضلت تلتزم الصمت ..
كان فيه شخص في استقبالهم أول ماوصلوا .. ركبت معه لحد ماوصلوا فيلا قمة بالجمال , فتحت عيونها بإعجاب بالفن بهالمنبى .. وقفت السيارة امام ملحق برا الفيلا الرئيسية واكتفى الشخص الساكت طول الرحلة بكلمة : لاتعتبين هالباب !
وطلع .. تنهدت غادة وهي تغير لرنيم وتعطيها أكلها , رغم معاناة انها " مخطوفة " إلا انها تحس براحة يمكن لانها ماعاد صارت تشوف مناظر لورا والفحش اللي تسويه مع اصدقائها .. غير ان العناية هنا كاملة هي وش تحتاج غير تاكل وتنام براحة ؟! ... ولو شخص غير فراس كان ارتاحت تماما .. بس اصراره يعرف من هي يخوفها أكثر ..
بعد مانامت رنيم بحضنها اثناء انغماسها بالتفكير .. بحيـاتها وبأشياء كثير ... استلقت على السرير الناعم ورنيم نايمة جمبها .. وهي تدعي ربها يسهل أمرها
***
بيت أبو فراس – الساعة 9 مساءا /
اثناء ما اسماء ببلكونة غرفتها .. والنسيم الناعم ينعش روحها وبحضنها دفتر وتكتب فيه بإنغماس :
يادنيتي الحلوة وغاية مطعمي
لك ياحياتي حب ماتتوقعه
في قمة احساس الوعي واللاوعي
أحيا غرامك واعشقه واستمتعه
انفتح الباب بقوة وبفزع : اسمااااااااااااااااااااااااااااااااااااااااااء !!
ضمت اسماء دفترها لصدرها بكل قوتها : يمممممه !!
ياسمين وهي تلهث : فرااااس هناااا
اسماء سكرت الدفتر وهي توقف : وجع بعد وكذا تجين تعلميني خرعتيني ! بكرة عزيمة بدر اكيد بيجي !! والله الذكية صح
ياسمين : ايه ويدورك يقول وين اسماء ؟!
دخلت الدفتر بصندوق وحطته فوق دولابها وهي تدف ياسمين قدامها : يله هذاي وراك
نزلت الدرج بكسل دون نفس ... طالعتها ام فراس : اسماء ! سلمي على اخوك ؟!
اسماء بحمق وهي تتجه له : زييين .. بسلم على اخوي الرجال اللي يوفي بوعده
رفع فراس حواجبه وهو يبتعد عنها خطوتين : خليك وراك .. ولا ارجعي لغرفتك احسن
بدر : وش وعده ؟!
ام فراس : المهبولة تبي تسافر برا ! وفراس واعدها ولا قدر عشان زواجك
بدر التفت لها : يعني ودك ماتحضرين زواجي ؟!
فراس توجه للصالة وجلس : عقب هالتصرف احلمي حتى عقب زواج بدر .. احتري زوجك الرجال يسفرك دامني مب رجال
اسماء : من جدك ؟! مناب مسافرين عقب عزيمة بدر ؟
فراس ببرود : ايه .. " دق جواله "
بدر : سكر هالجوال شوي خل ناخذ علومك
فراس رد مباشرة : ايوه .... لا اتركها بالسيارة باخذها بكرة .. لا سلامتك ...( كمل وهو يطالع اسماء ) ايه مسعود ! التذاكر اللي حجزتها والمنتجع والفندق .... ايه كنسلها كلها ... ايه متأكد
اسماء طارت عيونها وهي تهز بدر : وشهو يحكي عنه ؟! لايكون يكنسل سفرتنا ؟!
بدر : وانتي من جدك تناقرين فراس .. تستاهلين
اسماء ضربت برجلها : فراااااااس ياسخيف اممزح !
فراس : وانا ماعمري هضمت مفهوم المزح كله .. فوفري .. اصلن الواحد يشتري الفكة منك وانا ناوي اسافر معك .. وين عقلي ؟!
اسماء بقهر : طيب آسفة ..
فراس : اقولك شتسوين بأسفك هذا ولا مايحتاج ؟!
اسماء بحلطمة وحمق وهي تصعد لفوق : مايحتاج .. اصلن ماتبي تاخذني من البداية ! واصلن محد يحبني واصلن ليتك ماجيت !!
فراس بقرف : بزران آخر زمن
بدر : طول باااالك .. شأقول انا هالشهر طلعت روحي معها , لو اقولك وش فعايلها ماصدقت
فراس : انس ياسمين اصعدوا غرفكم ..
بعد ماصعدوا .. التفت فراس لبدر : شخبار امورك كلش تمام ؟
بدر : ايه الله يسلم أمي ماقصرت بشي .. كلش سنعته
فراس : وعزيمة بكرة فين ؟!
بدر : عزيمة بكرة حجزنا لها قاعة .. وحريم بس
فراس هز راسه والتفت لأمه : يمه أبيك بموضوع بعدين
بدر : فهمت ترا .. يله انا طالع معزوم خذو راحتكم
بعد ماطلع بدر .. ام فراس : شفيك يمه شتبي تقول ؟
فراس : كم سؤال بس .. ولا تسأليني ليش اسال ..
ام فراس : ليش شالسالفة ؟!
ابتسم فراس : مو قلت لاتسألين ليش اسال ..
ام فراس : لنا الله .. هات اسال
فراس : زوجة نايف ... اختها اللي انحاشت
ام فراس عقدت حواجبها : غادة ؟!
فراس ( والله كنت حاس انه انتي ! ) : اها اسمها غادة .. معليش توصفينها لي
ام فراس باهتمام : ليش حصلتها ؟!
فراس : ايه شاك بوحده ..
ام فراس بفرحة : جزاك الله خير .. زوجها واخوها واهلها يدورونها !!
فراس : متزوجة ؟!
ام فراس : ايه .. متزوجة وعندها بنت اسمها رنيم صغيرة ... " عقدت حواجبها " وصفها اممم طويلة شعرها طويل نحيفة ..
فراس تأكد خلاص .. ماعمره احساسه خاب : لا معناها مو هي .. اللي شفتها برميل
ام فراس تنهدت : الله يصلحها مدري وش هالسواه اللي سوتها .. اخوها تبرى منها ويقول لو اشوفها قتلتها
فراس : ماينلام الرجال معه حق
ام فراس : وانت شخبارك ؟!
فراس تسند على الكنبه وتنهد : مرتاااح يمه .. فوق ماتتصورين مرتاح
ام فراس : جعله دوم يانظر عيني .. جعله دوم
فراس وقف وباس راسها : انا طالع انام .. حدي هلكان
ام فراس : نوم العوافي
صعد فراس وافكاره توديه وتجيبه ... مايبي يبتلش فيها مفروض يرميها على اهلها او زوجها , هذا اللي بيصير ان شاء الله
دق منبـه ساعتها الساعة 11 .. ابعدت الغطا من عيونها وهي تتمغط بحماس .. جدولها مرتبته اليوم تنام حتى تشبع نوم عشان مايتوتر وجهها .. اللحين لازم تاكل حاجة خفيفة .. لبست روبها الناعم ونزلت تحت ابتسمت امها وهي تقابلها : هلا بالعروسة
ميهاف وردت خدودها : هلا يمـة
ام نايف : شبعتي نوم ؟!
ميهاف : ايه .. واليوم ماراح افكر اكشر حتى ابي وجهي مايكون فيه توتر بهاليوم
ام نايف : اجل تعالي افطري
جلست ميهاف مقابل امها على الطاولة : فين لؤي يفطر ؟!
ام نايف : فراس جا .. من امس مارجع للبيت
ميهاف : كويس .. فراس عاقل وبيفهمه
ام نايف : ان شاء الله .. مدري لمتى وهم على هالمنـوال ؟!
ميهاف وهي ترتشف حليبها : مصيرهم يتصالحون .. روقي اعصابك انتي
***
عـند بدر :-
التعليقات ماخلص من دخل المقهى .. وهو ابتسامته مافارقته : شوفووو شوفوو بس شوي شوي على فمك لا يتشقق
بدر : اقول فكني بس .. الا فين نايف ماجا ؟
خالد : نايم بالاستراحة .. صحيناه نبيه يجي معنا عيا اخلاقه بمناخيره اصلن
بدر : له فترة على هالحـال شالسالفة ؟
: هذي الحياة الزوجية اللي انت مقبل عليها
بدر : تقارن زواجي انا بزواج نايف ؟! وش جاب بنت الشمري عند بنت فقر جده
خالد : ماعادت بنت فقر .. واضح انها شايخه اخر مرة كنت بشركة عمك مع نايف شفتها وهي تمشي تقول شركة ابوها
بدر وهو يرتشف قهوته : شايخه لانها ماشافت خير .. تصدق عاد نفسي اروح شركة عمي اشوفها بس ماضبطت معي
قال واحد من الموجودين بضيق : حرام عليكم .. تراهي زوجة خوينا لاتحكون عنها كذا
كشر بدر : اقول ابلع لسانك .. خوينا ماخذها غصب ولاهي تفرق معه لوه هنا نكت معنا
سكت بضيق لانه مايقدر يرد ع لسان بدر المتبري منه : ..............
بهاللحظة دخل نايف المقهى .. عقد حواجبه وهو بنظاراته الشمسية وهو يدور عن الموجودين .. رفع بدر يده : نيوف هنا !
جلس وهو يرفع يده لنادل : قهوة سوداء لو سمحت
بدر : وجهك منتهي وراك مكشر كذا !؟
نايف بقرف من كلش : وجهي ؟! ملامحي ؟! اجل كيفي اسوي بها اللي ابي
رفع بدر يده : هووه بشويش علينا ماقلنا شي ترا
ارتشف نايف قهوته بصمت ... احد الموجودين بقلق : بجد نيوف شفيك ؟! حتى امس ماكنت على بعض ..؟ لايكون الصداع رجع لك ؟
نايف ببرود : هو تركني عشان يرجع لي
بدر : اكلت حبوبك ؟
نايف : ماتسوي شي هالحبوب .. لازم اغير المعيار
بدر : ايه غيره واللي يعافيك ناقصك تجي بكرة لعرسي بهالنفسية
" تررن .. تررن "
رفع نايف جواله ثم رجعه للطاولة دون يرد ... بدر : ماحترد ؟!
نايف : تؤ
بعد فترة رجع يدق .. كشر نايف بوجهه وهو يمسك اعصابه مد الجوال لبدر : رد .. قل نايف نايم ميت في اجازة باع جواله اللي هو
طالع بدر المتصل " نهى " : وليه ماترد عليها ؟!
نايف سحب الجوال من بدر بعصبية : شكرا لخدمتك
ووقف طالع .. فتح بدر عيونه بدهشه : يمه شفيه ذاه ؟ انا قلت شي
خالد : قايلين لك من امس وهو مقفل
عند نـايف : نععععععععم !
نهى : هو هو هو .. شوي علي
نايف : ماتفصلين انتي ! من امس تقدين !
نهى : اليوم سفرتي ! مو مشكلتي انك ناسي ! تعال خذ ولدك !
نايف : اقسم بالله اني ناشب يوم جبت منك ولد !
نهى : نعم ؟!
نايف سكر السماعة .. وهو يركب سيارته ويسوق بسرعة يفرغ غضبه , وصل لبيت نهى طلع له يزيد بشنطته ..
يزيد بطفولة : بااباا
نايف دون نفس : نععم
يزيد : امث جت نونه
هز نايف راسه : ......
يزيد : باباا
نايف بعصبية خفيفة : يزيد راسي مصدع ومالي خلقك ! اقصر شري وخلك ساكت لين نوصل
نزل يزيد راسه والعبره خانقته من نفخته : ..................
اما نايف ما اهتم كان عقله مشوش كليا .. والسؤال الأكبر ( زعلت ! مليون جدار تطق راسها فيه ..؟! انا ليش اهتم ؟! ليش شايله معي هالمخلوقة ) ...
وقف قدام بيت أهله : انزل !
نزل يزيد مباشرة وهو يركض لداخل ... استقبلته ام نايف : هلا هلا هلا حبيبي
ضمها يزيد والدموع نزلت مباشرة ... ام نايف : هاو هاو شفيه حبيبي ؟
يزيد وهو يبكي بانهيار : بابا ثرخ علي
هزت ام نايف راسها : الله فيه بابا الخايس .. تعال تعال حبيبي انا اراضيك
***
اسمـاء : -
واقفة بنص القاعة والتجهيزات مستمرة وام فراس ترشدهم : ليييييييه ليه ؟! انا وش دخلني تخربون نومتي عشان اجهز لحنا ميهاف وهي راقدة بالبيت .. مو عرسها تجي هي تسنع عمرها !
ام فراس : عرس اخوك ! وميهاف بنت عمك ! ماعندك حشمة لاحد انتي ! ؟
اسماء : ايه انا كنت صابره على كل هالضغوط عشان اسافر .. اطلع من السعودية ! ارتاح شوي من الازعاج النفسي اللي بالرياض ! دامكم كنسلتوها انا اعلن الحرب
ام فراس بعد مافقدت صبرها كليا عليها .. قامت من مكانها وتوجهت لها اسماء نقزت من مكانها : يمممه يمه !
قبصتها ام فراس من ذراعها وسحبتها حتى دخلتها غرفة جانبية للتجهيز ونفخت فيها : خل اشوفك طالعه بس ولا موريتني وجهك ! نامي هنا ! وفكيني من الحنه فكييييني !!
وسكرت الباب .. كبست اسماء بعيونها : احول شفيهم عصبوا ! هذا وانا تو مافرغت اللي داخلي ! افففففففف سحقا لك يافراس ماتجي هنا الا تدمر كل معنوياتي
طالعت السـاعة 7 مساءا ... تاففت : لزوم البس ! خلاص معد بقى شي
جلست على التسريحة تتمكيج مكيـاج بسيط ناعم يناسب طفولة ملامحها .. ثم وقفت وهي تسحب فستانها التركوازي المذهب وتلبسه
حطت رجل على رجل بملل وهي تخبص بجوالها : اففف انا غبية ! ليش ما اخذت رقمه ! كان امداني اشبكه !
كبست بعيونها وهي تستوعب .. اوه ابتسام بتجي اليوم ! تخيلي تجي اللحين !وامي معصبة مني ! وكلهم يشتغلون حتى ياسمين وانا بالغرفة راقدة ! لاااااا ! لاااااااااا ! فتحت باب الغرفة وطلعت مسرعة لأمها ..
ام فراس واجهتها باصبع تهديد : اسماء وخري من وجهي !
اسماء مسكت يد امها اللي توجهت لها بتهديد وباستها : آسفة يمه .. بس بجد كنت مقهورة يعني والله ماله داعي فراس يكسر بخاطري كذا
ام فراس : جايه تكملين حلطمة ؟!
اسماء هزت راسها : لا ! جايه اقول آسفة واساعدك واشتغل معك ! عزيمة زوجة اخوي كيف اجلس ؟!
ام فراس تنهدت : رجع عقلك ؟!
اسماء : ايه رجع ابشــرك ..
ام فراس : هاه روحي جيبي الدخون بالمطبخ
اسماء : ان شاء الله
***
إبـتسام :-
وصـلت للقـاعة .. وهي تضبط اناقتها قدام المراية ثم دخلت بثقة وعز وهي مكونة علاقات مع نص الموجودين خصوصا بعد الوظيفة .. والإدارة سلمت على أم فراس : ان شاء الله الف الف مبـروك .. الله يسخرهم لبعض ويخليهم لك ذخر
نقزت اسماء : هلاااا ابتساااااااام كيفــك شخبارك ؟!
ابتسام : هلا والله فيك ياقلبي .. كيفك انتي ؟ وش احساسك واخوك بيتزوج خلاص
اسماء بصدق : قلبي منفطر .. بشتاق له الوصخ
ابتسام : والله انا احس بك اول .. يعني ماكنت اتخيل هيثم يتزوج بس عقب ماتزوجت اتخيله خلاص عادي تزوجي عشان تتبلدي
اسماء : يله ان شاء الله على يدك !
ابتسام : ههههههههه من اعطيكي ؟! هيثم اخوي .. بيوم زواجكم يقولك انا طالع مشوار عندي عملية ضرورية !
اسماء رفرفت لفوق اخيرا تلميح اخيرااا : عادي احب الدكاترة انا
ابتسام : لا ما اصفطه لك عيوني تستاهلين اكثر
ام نايف : هلا ابتساااام .. تعالي حبيبتي تفضلي
كشرت اسماء يوم راحت : ما استاااهل اكثر ما استاااهل ! استاهل قده بالضبط ! افففف كريهه هالابتسام ماحبيتها سبحان الله عقب الشين تفهم
دخلت وهي تجلس جمب ميهاف اللي محاوطينها الحنايات يشتغلون فيها : امنيتي اشوفك مبتسمة اليوم ابتسمتي شوي يم جت ابتسام هم سلمتي وعودتي مكشرة
اسماء بهم : تحبين بدر ؟!
ميهاف وردت وتلعثمت : وش .. وشب .. وشهو ؟! وش هالسؤال !
اسماء نغزتها : اف بلا هبال .. جاوبي صدق ! تحبينه ؟
ميهاف بحيا : لو ما احبه ماتزوجته
اسماء تنهدت : ياحظك .. بتتزوجين اللي تحبين
ميهاف : الله يرزقك واحد يخطبك وتحبينه !
ام فراس من بعيد : اسمممماء وين الكليجة ؟!
اسماء : رجع الشغل ! حرام اسماء تجلس شوي اليوم ... ياويلك ماتعوضيني انتي وبديران !
***
وقف فـراس قدام الفيلا .. توجه مباشرة للملحق انتبه لأصوات داخل عقد حواجبه وهو يشوف الباب مفتوح نصه التلفزيون يشتغل على كرتون طفولي جدا ورنيم جالسة ببرائتها قدام التلفزيون وغادة جمبها جالسة ومتحمسه وهي تتابع وشعرها الطويل مرتمي وراها على الأرض .. ابتسم بسخرية وهو يشوف منظرهم كانت متحمسة اكثر من رنيم وهي تتابع : وش تركتي للبزورة انتي ؟
فتحت غادة عيونها وهي تشوفه يدخل قالت بدفاع تلقائي : شتبي ؟!
رفع حاجبه : عندك مشكلة في تواجدي في ممتلكاتي ؟
غادة وهي تحرك شعرها ورا اذنها بتوتر : ......... لا .. بس ... وش هالمكان !؟
فراس ( اذا هي أخت زوجة نايف .. فأمها وابوها ميتين .. وش علاقتها بلورا اجل ؟ فيه حاجة مفقوده بهالأحجية ) قال بكبر وهو يحط رجل على رجل ويجلس بالكرسي الوحيد بالغرفة : تقولين البنت هذي بنت صديقتك ؟!
غادة وهي تطالع رنيم اللي تطالع فراس بصمت .. : آيه ...
فراس : غريبة .. تشبه لك متأكدة مو بنتك ؟! ترا عادي طبيعي اللي يعيشون حياتك بيوم يجيهم بنت
غادة عضت على شفتها وقالت بقهر : وش قصدك ؟
فراس : قصدي واضح .. البنت هذي بنتك ! وبطلي كذب لأرميك بالشارع
غادة سكتت وهي تنزل راسها ودمعتها تنزل بخدها ... فراس بتقزز : وبعدين انتي وهالدموع ؟! حومتي كبدي بهالدلع ترا !
غادة شاحت بنظرها للجهه الثانية بزعل والدمعه بخدها وقالت بنبرة دلال عفوية متذمرة : آففف !
رغم نعومتها ودلالها .. إلا ان فراس ماقدر الا يحس بغثيان كشر بوجهه وهو يقول : لا وصرنا نقول آفف وعلوم ؟! لا ترفعين خشمك قبل ادقه لك !
غادة سكتت وهي مازالت شايحه بعيونها ماتبي تطالعه حتى : .................
ورنيم كان ساكته وهي تراقبهم طول الوقت ... ابتسمت رنيم وهي تحبي حتى وصلت لساقه وهي تتعلق فيها فراس طالعها وقال بهدوء وهو يطالعها : والله حرام هالبنت فيك
غادة التفتت وهي تنتبه لرنيم اللي جالسه تبتسم له وتصفق وتضحك قالت بصرامة : رنيم !
طاح قلبها وهي تشوف يفتح عيونه ويرفعها لها فور صرختها : قص يقص لسـانك !!
غادة بقهر : بنتي كيفي !
ابتسم فراس هنا وهو يرفع حواجبه : اهااا بنتك ! هذاك قلتيها بعظمة لسانك .... تعرفين الأبو ولا ناسيه بعد ؟!
غادة بقهر : ايه بنتي ... ومايهمك تعرف أي شي ثاني ! ورجاء انا تعبت من هالطريقة اتركنا نشوف حياتنا
فراس بهدوء وهو يسند ظهره : موافق ... راح اشتري لك بيت ملك خاص فيك وأوفر لك وظيفة اذا محتاجة عشان تربين هالبنت بالمكان اللي تختارينه ..
غادة فتحت عيونها : بجـد ؟!
فراس قاطعها : بشرط واحد ! نفذيه وكل اللي قلته بيحصل لك
غادة بلعت ريقها : شـنو ؟
فراس : وش كنتي تسوي ببيت لورا ؟!
غادة سكتت بقهر : ...........................
فراس : هذا عرضي لك .. وبما انه عرض كريم لزبالة مثلك ماراح يطول هي يومين تتكلمين فيها ولا وقتها انا مو مسؤول عن اللي يصير لك
غادة اكتفت بأنها تضم رنيم بحضنها والدموع تنزل رغم مقاومتها : ..............
وقف فراس وطـلع .. غـادة بلعت ريقها مافيه طريقة بيتركها فيها .. لازم تتصرف .. لازم تسوي شي .. فكري غادة ! فكري فكري ..
***
أم عبد المجيـد : سمعت ان فراس رجع ..
ام فراس : ايه رجـع .. بس تو ماكلمته بالموضوع بكلمه اليوم ان شاء الله
ام عبد المجيد : وان شاء الله زواجهم راح يكون بعد ما أخلص وداد وعرسها
ام فراس : ايه خذي راحتك حنا مو مستعجلين .. ابي اخلص بدر بعد انا
اسماء كانت جالسة قريب منهم وساكته وهي تطالع بقهر .. وقفت وهي تبعد عن جلستهم انسدت نفسها يتكلمون كأنه موافق ! احسن يافراس خذ سجى خلها تأدبك وتعلمك اني عاقله ! طلعت برا القاعة بكبرها ... وهي تجلس على درجات المدخل حاوطت نفسها من نسمة برودة هبت فيها .. تنهدت بضيق وهي تحس بحصا خانقتها .. سندت راسها على ركبتها وهي تعض على شفتها تمنع نفسها تبكي ... ليش أبكي ؟! شصاير ؟! ...... ما صاير شي بس تعبت .. تعبت .. ليش اللي يحب أكثر هو اللي ينوجع .. قلبها رهينته ماعاد بيدها ...
انتبهت لصوت ورا : اسماء ؟!
التفتت لسجى اللي فتحت عيونها بخوف وهي تشوف وجهها مب على بعضه وعيونها تلمع دموع : بسم الله شفيك ؟! وش جالسة هنا تسوين ؟!
رجعت اسماء تطالع قدام : ...............
عقدت سجى حواجبها .. جلست جمبها وقالت بخوف : اسوم فيك شي ؟!
طالعت اسماء سجى ... شردت فيها وهي تستوعب بهاللحظة شغله وحده .. انا وسجى نشبه بعض .. اكيد إبتسام تشوفني زي نظرتي لها .. وأكيد هيثم يشوفني بزر ومزعجة زي فراس مايشوف سجى رجعت تطالع قدام وهي تحس بسخرية على حالها : ...............
سجى هزتها : اسسمااء ! شتسوين هنا ؟!
وقفت اسماء وهي تمشي سافهتها ... وهي تدور حول القاعة , تحس بوحده فضيعه .. اول مرة تحس بنفسها وحيـدة لهالدرجة محد يفهمها .. محد تقدر تكلمه ... رغم كل اللي حولـها تحس نفسها وحيده بجد .. هيثم انسان قاسي وصعب بالنسبة لها وبعمره ماراح ينجذب لها ... بهاللحظة صحت للواقع وكان الواقع قاسي وصادم
***
إبتسـام :-
عقدت حواجبها وهي تشوف يزيد بين الأطفال يلعب .. التفتت لأم نايف : خالتي .. مين جايب يزيد ؟!
ام نايف : ليش مادريتي ؟! امه الثعلبه سافرت اجازة وجالس عندنا هالفترة ..
إبتسام : شدعوه ينام عندكم وبيت أبوه موجود ؟!
ام نايف : مدري عن نايف .. انا قلت اكيد انك معارضه
إبتسام : لا خالتي الله يهداك .. اساسا ما ادري عن هالموضوع كله .. اتركيني اليوم أرجع معكم اخذ اغراضه ويجي معاي
أم نايف : لا حبيبتي لاتضغطي على نفسك .. اتركيه عندنا ماشي حاله
إبتسام : انا مصره خالتي .. وش بيقولون الناس بيقولون اكيد اني طاردته وما ادري ايش ! مو حلوه بحقي ولا حق نايف ولا حقكم
ام نايف : اجل انتي روحي البيـت وانا برسلك شنطته مع السايق
إبتسام : ان شاء الله
وقفت إبتسام .. وهي تتوجه ناحية الأطفال الي يلعبون يزيد وقف عن اللعب واختفت ضحكته لما جلست عندهم بينما فهد ارتمى بحضنها : إبتسااااااااااااااام
ضمته ابتسام : هلا فهاده .. هلا عيوني
فهد اللي مازال متعلق برقبتها : يذيد هذي ذوذة نايف
ابتسام : ههههههههههههههههههههه ذوذة أجل ! " طالعت يزيد بحنية " كيفك يزيد ؟!
يزيد طالع فهد : فهود يله نلعب
ابتسام حصلت حيلتها : فهودي تجي تنام عندي اليوم ؟!
يزيد طارت عيونه .. ًصديقه بينام بمكان ثاني وبيتركه : ......................
فهد بحماس : اييييييييييييييييييه !
ابتسام : خلاص حبيبي انا بقول لماما تنام عندي اليوم .." طالعت يزيد " هاه يزيد تجي تنام عند بابا اليوم مع فهد ؟!
يزيد هز راسه بمعنى " ايه " وخدوده مورده حيا من الانثى الغريبة .. باست ابتسام خد فهد : يله بروح اقول لماما .. روحو العبوا اللحين
مسكت جوالها وبنيتها تدق .. لكن قررت تكتفي برسالة " اليوم يزيد بينام عندنا ! خلك بالبيت " ودخلت جوالها شنطتها وتوجهت لجلسة البنات حول ميهاف ... ابتسمت لها ميهاف : إبتساااام ! تذكرين ليلة الحنا حقتك
إبتسام : ههههههه شلون انساها ؟! ايه اذكرها
وداد بخبث : تذكرين وش قلتي فيها ؟!
إبتسام عقدت حواجبها مو فاهمه : .................
ميهاف تكمل : قلتي بعد فترة من زواجي بتحنا باماكن خاصة !
ابتسام فتحت عيونها وحمرت : انا قلته !؟
الكل : اييييييه وكلنا شهود !
إبتسام فعلا ماتذكر انها قالت شي كذا : مستحيل ! وين اسوم هي اللي تشهد بالحق مو انتو الخونه
سجى بضيق : صح بنات .. احد منكم شاف اسماء ؟
ميهاف : لا لي فترة ماشفتها الدبه ! وينها ؟
سجى : تخيلو برا .. كلمتها بس شكلها متضايقه مرة
ميهاف انقرصت : شتسوي برا ؟! .. هي فعلا اليوم كنها مو اسماء ضايقة ومكشرة ومعصبة
التفتت ميهاف للحناية : معليش توقفين شوي
وداد : لا ميهاف كملي وحده منا بتروح تشوفها ... سجى روحي
سجى : لا والله ! رحت ماعرفت اكلمها
وداد : وانا ماراح اقدر اكلمها .. بعمري ماشفتها بهالحالة بتستحي مني حتى
إبتسام : طيب قولوا لأمها تروح تشوفها ..
ميهاف : صح سجو قولي لخالتي تروح تشوفها برا ..
عـــند اسماء : -
ضاغطه بيدها على راسها .. ويدها الثانية ماسكه الجوال واصابعها ترتجف فيه رمت الجوال بكل قوتها حتى تهشم على الأرض وتغطي وجهها بيديها الثنتين .. كلش هنا ضيق الهوا ضيق تنفسها ضيق .. وقفت بسرعة وهي تدخل وتسحب عبايتها وتطـــلع وتلبسها ماتقدر تجلس هنا ثانية اكثر ...... الدنيا ضايقة فيها : اسماء !
التفتت اسماء لأمها اللي كانت تطالعها بخوف وهي فاتحة عيونها : وين ؟! ليش لابسه عبايتك ! وش بتسوين انتي ؟!
اسماء وهي ترتجف : مدري ..." كملت وهي تصرخ " مدري مدري مدري مدري
ام فراس مسكت قلبها بخوف وهي تقرب منها وتعوذها : اعوذ بكلمات الله التامات من شر ماخلق ... " حطت يدها على جبينها " تعبانة فيك شي ؟!
اسماء اشرت لقلبها : هنا يمـه ... هنا ! تعبت والله تعبت
ام فراس ضمتها لصدرها : بسم الله عليك الرحمن الرحيم ... قل اعوذ برب الفلق ! لا تخوفيني عليك يا اسماء مو ناقصني خوف انا .... شفيك تكلمي ؟!
اسماء وهي تدفن وجهها بصدر امها : مدري .. مو عارفه شصاير فيني .. احسني جالسة اموت
ام فراس حاوطتها وجلستها على درجات المدخل : لا حول ولا قوة الا بالله .. خلك هنا اصبري
مسكت جوالها تدق على فراس .. لكن تراجعت فراس مو المناسب لنكسات المراهقة بيزيد الطين بله دقت على بدر : الو
بدر : هلا يمه
ام فراس : بدر يمه تعال القاعة .. اختك تعبانه ابيك توصلها البيت
بدر : ياسمين ؟ ماتشالت للحين
ام فراس تنهدت : مو ياسمين .. ( ابعدت من اسماء خطوتين اللي كانت جالسة وضامه ذراعها لصدرها ومنزله راسها ) اسماء مدري وش صار لها هالشهر كله مو معجبتني حالتها وشكلها اليوم انفجرت
بدر بخوف : شفيها يعني ؟! اوديها المستشفى طيب
ام فراس : ايه مر بها دكتور يشوفها ... يله ننتظرك
بدر : ماراح اطول مسافة الطريق .. خلها تجهز بس
سكرت أم فراس السماعة وتوجهت لاسماء : يمه حاكيني احد مضايقك ؟! صاير معك شي ؟!
: شصاير يا ام فراس
التفتت ام فراس لام عبد المجيد واشرت لها بيدها تتركهم .. تراجعت ام عبد المجيد خصوصا شكل اسماء تعبانه بجد ..
اسماء هزت راسها بقلة حيلة : .............
ظلت أم فراس معـها .. ورغم كل محاولاتها تعرف شفيها ماتكلمت .. دق جوال ام فراس " بدر " : هلا ... يله بتطلع لك اللحين " سكرت السماعة " يمه بدر برا .. اركبي معه
هزت راسها وهي تلف طرحتها وتمشي بثقل وهي تطلع .. ركبت السيارة بصمت طالعها بدر بتفحص : شفيك !؟
اسماء : مافيني شي ........
بدر : ماراح اتحرك لحد ماتتكلمين ! شفيك وش صاير !؟ هالشهر كله وانتي مبهذلتنا
اسماء : وجعي ! مايوجع غيري فليش احكي به ؟!
بدر رفع حواجبه وهو يحرك سيارته : تمام ! بس اذا مايوجع غيرك لعد تبهذلين اللي حولك !
اسماء سندت راسها على يدهـا وهي تطالع الطريق .....وهي شاردة بالسيارات والناس : .......
: انزلي !
انتبهت للمكان .. موديها لسبب مرضها ؟! !! التفت له : شنسوي هنا ؟!
بدر : المريضين يروحون للمستشفى .. !
اسماء : ماحنزل ! مافيني شي .. ودني البيت !
بدر : اسماء لاتفتريني انزلي نشوف شفيك ؟!
اسماء : مـــابي .. بتوديني البيت ولا نزلت اخذ تاكسي
بدر تنهد ومسك يدها بحنية : اسوم قلبي .. شناقصك انتي ؟ ادخلي لو بس عشاني ريحيني
اسماء وعيونها دموع : بدر تكفى مابي .. بروح البيت .. مافيني شي صدق والله
بدر تنهد بحيرة .. مسح دمعتها بطرف اصبعه : وليه الدموع دلوعتي ؟
اسماء : مابي المستشفى .. ودني بيتنا
بدر : خلاص برجعك بس وقفي هالدموع
مسحت دموعها وطالعته بمعنى " خلاص " ..حرك بدر سيــارته حتى وصل للبيت نزل مباشرة وفتح لها الباب نزلت اسماء ... بدر : اسماء .. انا بتركك الحين روحي ارتاحي .. بس بعدين لازم تقولين لي شفيك
هزت راسها وهي تدخل البيت الهادي الساكن .. سحبت رجلها لفوق حتى وصلت غرفتها جلست بتعب على سريرها فتحت درجها وهي تطلع دفترها المشبع بمشاعرها وكتاباتها .. :
لو شفت شلون كان إنكساري
ماظنتي تقدر عن عيوني تروح
لكن حسافة منت بالحال داري
تضحك مع العالم وأنا كلي جروح
ياروح روحي يابرودي وناري
ياروح روحي مابعد غيبتك روح
انسل بين طيات الدفتر صورتــه .. تناولتها من الأرض وطعناتها تزيد وهي تشوف لمحته الجديـه ..استلقت بجسمها ودموعها تاخذ مجاريها .. لازم تلقى حـل ! لمتى بتظل وراه وهو مو داري .. وبالأخير بتاخذ غيرها مكانها ..
***
عقد حواجبه وهو يطالع رسالتها ... ضغط على الجوال بعصبية وقال بتمتمة : اقسم بالله ان هالمره بتـ ..
: مالك يافندم ؟!
تنهد وهو يطالع الدكتور : بالله دكتور واللي يرحم والديك اعجل علي ابي اطلع
الدكتور : مائدرش اصرف لك الدواء دغري كذا
نايف : راسي بينفجر .. ماعادت الحبوب اللي عندي تهديه بالعكس تزيد الضغط احس عصب براسي بينشل
الدكتور هز راسه : واللهي مش عارف .. يعني كدا بتكون وصلت أعلى معيار
نايف : ما أهتم ! هات اللي عندك دامه بيسكت
الدكتور : المره دي راح اديك اعشاب .. اعملها مع الشاي وان شاء الله بتدعي لي
نايف بقلة صبر : مابي اعشاب ! مابي أي زفت ! عطني حبوب مو فاضي لشاهي انا
الدكتور تنهد : حاضر .. بس لازم توقع انها ع مسؤوليتك
نايف : بوقع بس هات
استلم الأوراق ووقع وهو ينزل للصيدلية ياخذ حبـوبه ... طالع سيارته الواقفه قدام المستشفى تنهد مافيه حيل يسوق تجاهلها ووقف له تاكسي .. وصل البيت دخل وهو ينتبه للمساتها ... بجلسة الحديقة مجـلتها سحب رجله لداخل دون يشغل أي اضاءة , بلع حبتين دون حتى مويه واستلقى .. يحس حتى نظره مشوش غمض عيونه بقوة وهو يجبر نفسه يسترخي
***
دخـلت إبتسام البيت ومعها فهد ويزيد .. يزيد وقف : بابا موجود ؟!
انحرجت ابتسام .. سيارته مب برا اكيد ماجا : لا حبيبي لسى بيجي اكيد .. تبغى تكلمه ؟!
هز يزيد راسه بايه ... ابتسام ابتسمت : خلاص اجل ندخل ونرتاح ثم تكلمه .. يله ياحلوين
دخلت ابتسام البيت .. شغلت الأنوار فتحت عيونها وهي تشوف نايف اللي كشر وقال بإنزعاااج : سككككرووا الننور !
ركض يزيد : بااااباااا
جلس نايف وهو معبس من الإضاءة ... طالع يزيد وقال دون نفس : هلا
طالع فهد وعقد حواجبه : وش جابك بعد انت ؟!
فهد وهو يوقف جمب ابتسام ويمد لسانه : إبتثام تبيني
نايف طالع إبتسام ... طالعه تفتن بالأحمر على شفايفها المقسومة .. اول مرة يشوفها بمكياج كذا قال بهدوء : شخبار العزيمة ؟
إبتسام هزت راسها : تمام ...
تنهد نايف وهو يسند ظهره ويطالع يزيد وفهد : وهالنشب ليش جايبتهم ؟! وين بتحطينهم اللحين ؟!
إبتسام وهي تصعد : اذا ما اسعهم البيت تاسعهم عيوني
فرك شعره بإرهاق وهو يطالعهم واقفين ويطالعونه : شأسوي بكم اللحين !؟
يزيد : بطن يزيد جويع
فهد مسك بطنه بحركه طفولية : وبطن فهد بعد !
نايف : راجعين من عزيمة كلها اكل وتو جويعين ؟! هذا اللي حطكم براميل
يزيد : بابا وين ماما ؟
نايف تنهـد : وش تبون تاكلون ؟!
فهد : أبي مكرونه
إبتســـام :-
لبست بجامتها النـــاعمة الليمونية ... حست بضجة تحت واصواتهم ترتفع عقدت حواجبها ونزلت استغربت الاصوات طالعه من المطبخ قبل تمشي ناحية المطبخ وقفت وهي تشوف الحبوب اللي على الطاولة .. مسكتها وهي تقرا العنوان " لعلاج الصداع النصفي ؟ " عقدت حواجبها ! معقولة نــايف ؟!! .. كانت هيئته مرهقة لما دخلوا بجد ..
تركت العلبة وهي تدخل المطــبخ كان نايف واقف بطولة الفارع قدام الفرن ويزيد وفهد جالسين على الطاولة جمب الفرن يتابعون خطوات الطبخ ... طالع شكله يفتن ببنطاله القطني الرمادي وبلوزته السوداء الضيقه وشعره البني المبعثر بتجعيداته وبشرته السمراء ... كان فــاتن وهو يستلم المقلاه بيده ويطالع كتاب الطبخ جمبه ..
ويزيد يصفق بطفولة مستانس : باااباا تعرف تطبخ ؟!
نايف : شوفوا وش بيطلع معي .. لو يطلع السم بتاكلونه غصب عنكم
ابتسمت ابتسام لاتلقائي من محادثاته معهم ... مشت ناحيتهم حتى صارت جمبه وهي تطل على القلاية : شتسوي لهم ؟
نايف انتبه لها ... : انا نفسي مو عارف وش هاللي جالس اسويه ؟!
ابتسام : طيب ليش ماقلت لي اسويه وبس ؟
نايف وهو يشيح بنظره للمقلاه ويحركها : ماني في وضع اقدر اقولك فيه شي ..
سكتت لفترة .. بعدها طالعت الكتاب وتوجهت للثلاجة تطلع المكونات وتقطع وهي تكمل معه الطبخه بصمت : ......
بعد فترة جهز الأكل .. وجلسوا بالصالة عشان ياكلون : ....
فهد نطق بتذمر بعد ماذاق اللحمة اللي طبخها نايف : اااااااااعععععع طعمها يع
نايف فتح عيونه : بجد ؟!
يزيد اللي جرب وعبس : مملللحح
إبتسام : ههههههههههههه معليش أكلوا الرز طيب
فهد بهم : نايف ماتعلف تسوي شي
نايف وقف : هذا جزا اللي يعطيك وجه يالفصعه ... اقول قم بس ارجعك البيت شتسوي ببيتي ؟!
فهد حاوط ابتسام من خصرها : ماااااااااااااااااااااااابي لااا
نايف وهو يتوجه له : ع بالك بتشفع لك ؟!
فهد تعلق بقوة .. ونايف انحنى لهم وهو يسحبه .. ابتسام : ههههههههههههههههههه خصصري فهود بشويش
وقف يزيد بفزعه لأبوه وهو يسحب فهد .. وابتسام محاوطته : خلاااص سامحه هالمره عشاني
افلته نايف وقال بتهديد : هالمرة بس ! وتبيني اسامحك اكل اللحمة كلها
فهد فتح عيونه بكرب : كلها ؟!
إبتسام : حرام عليك تبي تسممه ؟
نايف : خل يتسمم ملعون الخير مقلقني بجوعه واخرها يذم بعد
إبتسام همست باذن فهد .. عقبها طالع نايف ببراءة : آثف .. آخر مره
نايف رفع حاجبه : اكيــد ؟!
فهد هز راسه مباشرة : ............
هز راسه ومشى ناحية الدرج .. قبل يصعد التفت : فين بينامون ؟!
إبتسام وهي تاشر لغرفة غادة وتحاول تكون طبيعية : هنا .. جاهزة باثاثها ..
هز نايف راسه وصعــد لغرفته ... بعـد ساعة دخلت الغرفة وبيدها صينية حطتها على جمب , كان جالس وبحضنه كتاب يقرا ..
انتبه لها وهي تشتغل بالصينية .. مشت ناحيته حتى صارت واقفة قدامه عقد حواجبه : شهذا ؟!
إبتسام : تو بتقرا ولا خلصت ؟!
نايف استغرب : فيه شي مهم ؟!
إبتسام : لا خذ راحـتك بعد ماتخلص قولي ..
سكر الكتاب وطالعها : خلصت .. قـولي
وقفت ورا كرسي ومسكت راسه واسندته حتى يسترخي نايف جته قشعريرة من لمستها لناعمة .. ضغطت باصابعها جبهته من اليمين واليسار وهي تحركها بهدوء في حركه دائرية قالت بنعومة وصوت حنون رغم برودها : غمض عيونك واسترخي قد ماتقدر
نايف اللي كان يطالعها وهي تدلك راسه بحركه ناعمه .. ويحس اعصابه ترتاح : شجالسه تسوين ؟
إبتسام : شفت الحبــوب .. كالعادة ماتقدر تقولي مباشرة لازم اكتشف بنفسي أي شي يخصك
نايف ابتسم : هذي عقوبتي الظاهر .. فرصتك تقولين أحسن
إبتسام : أحســن .. تستاهل اكثر
نايف تنهد وهو يمسك يدها : وقفي إبتسـام .. انا لو أبي منك خدمه طلبتها
إبتسام : اترك يــدي .. مو عارفه اكمل شغلي
تقدم بجلسته : لا تكمليه .. ماني موافق على كلمتك مابينا غير المسؤولية .. " التفت لها " أنا يا أبيك كلك يا ما أبيك !
مسكت كتوفه ورجعته يتسند غصب وهي ترجع تدلك وقالت بحده : ما أظنك في وضع يسمح لك تتشرط كمان ؟! اتركني ارضي هالضمير الغبي اللي فيني وعقبها بأروح
استسلم نايف وهي تدلك جبينه .. بعد فترة صمت قال : ليش انتي كاملة بكلش .؟ اعجز ادور فيك عيب ما أحصل
إبتسام : ماني كاملة .. ماعرفت تدور ولا كان حصلت .. مافيه احد كويس بكلش .. ومافيه احد سيء بكلش .. " كملت بهم " حتــى انت ..
احتفظ بصمته .. وهو يترك نفسه يسترخي بين يديها حتى انتهت .. تحركت ناحية الصينية وحطتها قدامه : النعناع بيساعدك تسترخي .. اشربه ونام
ومشت لبرا ... نايف : فين ؟
إبتسام : مقدر اتركهم لحالهم تحت .. بنام عندهم
هز راسه .. وهو يحس كذا اريح لها : ...............
طلعت وهو ظل شارد بكاس النعنــاع قال بهم : ضميرك هالغبي صار يعذبني معاك .. كيف تبيني احقرك واكمل حياتي وانتي مو راضيه تروحين ؟
***
دقـوا الطبول .. دقوا الدفوف
خلونا نسمع صفق الكفوف
" ليلة الفــرح "
تمشي بتوتر بين الأغراض .. صرخت بقهر : فيييييييييين الشنطة الصفراء مو محصلتها ؟!
هزت أم نايف راسها : هذي هي قدام عينه ياعميه ..
ميهاف : اوووه ما انتبهت .. طيب الكوشه وصلت ؟! جهزوها ؟
ام نايف : لا تو بدري ...
ميهاف طالعت الساعه : كيف بدري ؟ انا قايله لهم 5 يكونوا هنا .. " مسكت جوالها " والله لا اغسل شراعه
ام نايف : انتي شفيك هدي ارتاحي
ميهاف : مدري يمه .. احس فيه شي بيخرب .. فيه شي مب زاين ابي كلش يصير بيرفكت !
أم نايف : ميهاف ! ابوك برا يله البسي عبايتك نوصل الفــندق بسرعة
ميهاف بربكة : لحظه يمه واللي يعافيك بصعد اتاكد من شناطي وجايتكم
هزت ام نايف راسها : انا طالعه ! وانتي اعجلي ولا رحنا وهملناك
صعدت ميهاف ...وبعد ماتأكدت من كلش للمرة المــليون نزلت وركبت السيارة
هز ابو نايف راسه : كل ذاه تلبسين عبايتك !
ميهاف : معليه حصل خيــر
جلست تلتقط انفاسها من الفرفره ... مسكت جوالها وهي تدق على اسمـاء من امس تدق عليها تبي تتطمن عليها تنهدت بيأس ماترد : ............
***
بيت أبو فراس : -
دخلت ام فراس غرفة اسماء ... كانت نايمة هزتها بهدوء : اسماء !
فتحت اسماء عيونها بكسل : ها يم
ام فراس بصرامة : غسلي واجهك وانزلي ! انتظرك تحت
وطلعت مباشرة ... جلست اسماء وهي تطالع الباب تنهدت وقامت تغسل وجهها بعدها نزلت كانت جالسة وجمبها بدر جلست : ................
نطقت ام فراس : كيفك اللحين ؟!
اسماء : حمد الله .. شكلي توعكت شوي امس
شبك بدر يدينه ببعض : شوفي اسوم ! معد بقى الا 5 ساعات على عرسي وتو ماتسبحت ولا تجهزت ولا طلبت الكيكه ولا سويت شي ! وجالس هنا لين تتكلمين شفيك .... واذا فاتني عرسي ترا منك
اسماء : من جدكم ؟!
بدر : بلاك ماشفتي عمرك امس ! خوفتينا ورجيتنا عليك !! ولا هي على اليوم وامس ... لك شهر وانتي كانك المجنونة
ام فراس بهدوء : حنا خايفين عليك حبيبتي .. قولي شصاير معك ؟!
بدر : وترا فراس فالطريق .. قسم بالله لو ماتتكلمي قبل مايجي لاحطه قدام الموضوع وهو يتصرف معك
اسماء عضت على شفتها .. ومالقت الا هالمخرج : منقهره وزعلانه ...
بدر : من ايش ؟
اسماء : منقهره ان ميهاف بتتزوج قبلي وانا لا ... وزعلانة انك بتتزوج وتتركني
بدر فتح عيونه : نعم ؟!
اسماء : اففف بتنقدون علي انا عارفه .. بس هالموضوع فعلا ياثر فيني ليش هي تتزوج وانا لا وش ناقصني يعني ؟
طالع بدر وام فراس ببعض : .............................
انفتح باب البيت .. دخل فراس : سلام !
ام فراس : وعليكم السلام والرحمة
فراس جلس وهو يطالع بدر مستغرب : شمجلسك هنا انت ؟ ماعندك نيه تتجهز ؟
بدر : إلا حاجز بالصالون ومتاخر عليهم .. " طالع اسماء " انا بسوي نفسي ماسمعت والله انتو يالبنات..." سكت لما ما حصل كلمة تشرح "
اسماء نزلت راسها ( قلت نص الحقيقة .. ): ...........................
ام فراس بجدية : يا يمه الحياة قسمة ونصيب ... " قست ملامحها " وبعدين كانك عجله على العرس ليش ما وافقتي على لؤي ؟
فراس مافهم : شالسالفة ؟
اسماء طارت عيونها بامها يعني اسكتي ... اخر شي تتمناه فراس يعرف هالامنية السطحيه ..
ام فراس كانت منقهرة : المهبولة زعلانه عشان ميهاف تزوجت وهي لا
ارتسمت على ملامحه اكبر تعابير السخرية والإستهزاء وهو ياشر لها: انتي تبين تتزوجين ؟ ..... اقول اكبر ياصغير
اسماء ورد وجهها : مااااااقلت كذااا !! قلت زعلانه عشان بدر بيروح !
فراس طالعها بنص عين : يعني امي تكذب ؟!
اسماء : لاا .. فهمت غلط بس
فراس : والله ماغلط غيرك , صفي قلبك الوحده تستانس لصديقتها وانتي حاقده !
اسماء وقفت بقهر وهي تضرب برجلها : ماااااااااحقدت !
فراس : هجل وش معنى انك زعلانه ؟!
اسماء : عشان بدر !
فراس وهو مستمتع بنرفزتها : ماتبغي اخوك يعني يتزوج وينبسط بحيـــاته .. حاسدته على فرحته
اسماء تبي تنتقم : إلا مبسوطة .. وبستانس اكثر لزواجك ان شاء الله القريب
ام فراس طالعتها بتهديد ... فراس بسخرية : ومن قالك بتفرحين بزواجي ؟! ما اذكرني خاطب( ن ) احد
اسماء ابتسمت : ليييييش ماتدري بمخططات امي العظيمة لك ؟! امي خاطبه لك سجى بنت عمتي الله يوفقكم يارب
فراس عقد حـواجبه وقال بتمهيد : نعــم ؟
ام فراس نطقت بسرعة : خل منك اسماء تهذري ماتدري وش تقــول ..
قاطعها فراس : مافيه دخان من غير نار ! وش طابخين من وراي انتي وعمتي ؟!
ام فراس : ايه وش فيها .. اعرس وريح قلبي هذي امنيتي حرام فيني تحققها لي
فراس : يعـــــــني صـــدق ؟!
ام فراس باستسلام : ايه صدق ..
اسماء : وسجى ياقلبي مبسوطة تطامر بين العالم تعلمهم ان فراس الشمري خاطبها
فراس هنا وصلت معه .. قال بحده : انقشعي فوق !
صعدت اسماء مباشرة وهي تحس بندم .. شكلها بلحظة تهور نست ان فراس لاعصب محد يقربه : ...........
فراس التفت لأمه وهو ضاغط بيده على يد الكرسي حتى بانت عروقه : وش هاللي سمعـــته ؟!
ام فراس : انا خطبت لك سجى بنت عمتك ..
فراس : وبأمر من ؟! وبشور من ؟ وبرآي من .؟ وعلى أي اســـاس !
ام فراس : بامري وبشوري وبرايي .. انا تعبت وانا اشوفك بهالحاله اقل شي لاسافرت معك حرمه تردك عن الحرام
فراس ماقاوم ارتفع صوته : وش حــــالته ؟! مريض لاسمح الله فيني بلا ! ماني بنظرك رجال عاقل يشيل المسؤولية ؟
ام فراس : ماقلت كذا .. بس انا من حقي افرح فيك
فراس نفخ : رجعـــــية وبدائية ! محد يفرح بغير الزواج .. اللحين اللحين بهاللحظة اقدر اعطيك مليون سبب تفرحين فيها دون تنكدين حيــاتي وتنزلين مقامي بنظر العالم
ام فراس : انا نزلت بمقامك ؟! عشان خطبت لك بنت عالم وناس !
فراس شد على قبضته وهو ينتبه لنفسه .. تنهد : اعوذ بالله من الشيطان ..
سكت لوهله بعدها وقف وقال بهدوء : بإختصـار ومن الآخر ... اسلوب لوي الذراع هذا مايمشي معي
ومشى طالع ... ام فراس : من عقلك هالحكي ؟! والبنت واهلها خلاص عطيتهم كلمة
فراس التفت بطرف عيونه : مو قلت لك انك تبغين تلوين ذراعي ؟ ادعي ربك مايجي واحد من اهلها يتفلسف فوق راسي ماراح يصير طيب فاحسن لك تكلمينهم وتحطين نهاية لهالصداع !
و طراااااااااااااااخ سكر الباب بأقوى ماعنده ... ام فراس انقهرت التفتت للدرج بعصبية وهي تتوجه لفوق وناوية عليها : اسمااااااااااااااء !
***
إبتســـام :-
صحت من النوم أثر اصوات الإزعاج طالعت الساعة 5 العصر .. اوفف نامت كل هذا ... انتبهت لفراش يزيد وفهد فارغ وجوالها يدق " ام نايف " تحنحنت تعدل صوتها وردت : هلا خالتي
ام نايف : هلا عيــوني .. شخبارك مع هالبزارين ؟
إبتسام : هههههههههه تمام حمد الله ..
ام نايف : والله ماودي انك خذيتي فهد بيقلقك بس انتي عندتي
ابتسام : شفيك خالتي غريبة انا ؟! حمد الله ونسنا امس
ام نايف : وشهو يسوي اللحين ؟
ابتسام طلعت من الغرفة : والله تو صحيت وشكلهم صاحين قبلي .. بروح ا " شهقه "
ام نايف : شفيييييييك ؟!
ابتسام فتحت عيونها وهي تشوفهم بالحديقة ونايف معه خرطوم الماء وبالبرمود والبلوزة العلاق الماسكه عليه من اثر الموية وشعره مبتل تماما بالماء بشكل جذاب وهو يضحك .. ويزيد وفهد ماعليهم غير صروال داخلي ومبللين بالموية ويتراكضون ونايف يرش عليهم صرخت باعلى صوتها : نااااااااااااااااااااااايف !!!
ام نايف وهي تسمع الإزعاج : إبتسام معي انتي ؟!
صرخت وهي تركض داخل لما رش الموية عليها ... ام نايف بقلة صبر : ابتسااااااام !
ابتسام : اكلمك بعدين خالتي .. بروح اشوف هالمجنون ولدك
ما امداها تتكلم سكرت ابتسام السماعة وهي تسحب فوطتين وتطلع وتمد اصبعها بتهديد : جرب ترش هنا بس ! " التفتت ليزيد وفهد " وانتو تبغون تمرضون ؟! تعالو هنااااه
نايف افلت الخرطوم ومشى ناحيتها .. وهو يأشر ليزيد وفهد : تعااالو صدق لاتمرضون
ابتسام التفتت له ويدها على خصرها : لا والله ! تو تدري انهم بيمرضون انت اصلن ......
مامداها تكمل وهو يشيلها بين ذراعيه ويمشي بها برا ناحية الزرع والخرطوم ويرشه عليها : نااااااااااااااااااااااايف !!
نايف وهو مثبتها وهي منسدحه ويرش عليها وميت ضحك : هههههههههههههههههههههههههههههههههه
اجتمعو يزيد وفهد وهو يصفقون : ههههههههههههههههههه ابتثام ثبحت
ابتسام دفرته من صدره وسحبت الخرطوم وهي توجهه ناحيته : ياااااااااامجنون يا أهبل
نايف ماكان يقاوم الموية .. اتجه ناحيتها باندفاع رغم ان الموية مصوبه على وجهه حتى وصل قدامها مباشرة وهو يضحك : هههههههههههههههه للأمانة انا ماعزمتهم ! طلعت اسقي الزرع جو يبغون يسبحون وانا وافقت
ابتسام : وافقت ؟! هم بزران ماعليهم شرهه .. انت يالكبير مفروض قلت لا !
نايف هز كتوفه : وليش اقول لا خل ينبسطون
ابتسام : حرام عليك بيمرضون !
فهد بدفاع : لااااااااا مانمرض نبي نلعب
ابتسام مشت ناحية الصنبور وسكرته : مافيه ! قدامي داخل انشفكم قبل تمرضون اللحين صدق .. ثم ماتحضرون زواج اليوم
نايف : وانا مين ينشفني ؟!
ابتسام بقهر : نشف نفسك !
ودخلت لداخل مع البزران وهي تحط المناشف فوق راسهم وتبدا مهمة العـلاج ... اما نايف صعد لفوق وهو ينشف نفسه ثم نـــزل تحت دخل الغرفة عليهم وهم قدامها وهي تمشط شعورهم : اقول ابتسام الساعة 7 متى ناوية تروحين ؟
إبتسام طالعته بقهر : اسال نفسك ! مفروض اكون عند الكوفيرا اللحين !
نايف : طيب ليش معصبة ؟ انا شدخلني اذا انتي طولتي بالنوم
إبتسام هزت راسها وهي ترش عطر عليهم بعد ماكشختهم كلهم بالثياب : اجلسوا بالصالة بأدب .. لحد ما اخلص
نايف برواقة : اصير لك كوفيرا ؟!
ابتسام : اتركني بس بحالي خل اخلص ... بتنتبه بعد للبزران ولا بتسبحهم بعد ؟!
نايف وهو يعدل شماغه : لا مقدر اجلس عندهم .. لازم اروح لبدر اللحين متأخر عليه
ابتسام كملت طريقها لفوق : مايعتمد عليك اصلن في شي !
اما نايف طــلع وجواله يدق رد : نعم نعم يالغثه ! خلاص بجيك يخي فكني من اتصالاتك شوي ............ ايه بالطريق اللحين ...... ههههههههههههههههه زين زين ........ قوله يلزم العافيه بس
***
بيت أبــو نايف :-
نزل لؤي بعد ما كمل اناقته بالثوب قابله ابو نايف : هلا والله !
لؤي : امي وميهاف راحوا ؟
ابو نايف : ايه ... ونايف سبقنا هناك باقي حنا
لؤي : يله تفضل
أبو نايف : قبـل نروح .. ابكلمك
لؤي : اللحين ؟!
ابو نايف : ايه ... انا وضعك ماعاد اتحمله ... لمتى ناوي تضل على هالحال ؟
لؤي : آي حال ... مو انت تبيني بالرياض هذا انا بالرياض
ابو نايف : انا ماتركت شي ماسويته عشنا ابسطك انت واخوك .. سيارات شريت لكم احسن سيارات مناصب ؟ عطيتكم احسن مناصب .. اراضي ؟ ما تركت بخاطركم شي ! وعقب كل هذا تقابلني بجحدان
لؤي بهدوء : جزاك الله خير وما قصرت .. على اني ما اوافق على كلامكم هذا ينطبق على نايف مو علي .. انا مسكت وظيفتي من كنت بالجامعة ومن تعبي الخاص طلعت قيمة كل اللي ذكرته .. بس برضوا اقول شكرا ! بالنسبه لانك سويت كل هذا عشان انبسط ... صح انبسطت على السيارة يوم يومين .. وعلى الفلل يوم يومين .. بس عشان اكون مبسوط على طول لازم ينعاد ولادتي بمكان ثاني
أبو نايف والكلمه زعلته .. : عقب كل اللي سويته بس عشان مصلحتك وعشان تعيش مرتاح .. صرت ازعجك ؟ ماعاد تبيني تبي تفارقنا ...؟
لؤي : مصلحتي ؟ .... قصدك مصلحتك ! دراستي طموحي ماكانوا بمصلحتك عشان كذا رفضتها !!! لو انت تهتم بمصلحتي ما اجبرتني اشتغل عندك اتركني اشتغل باللي ابغى وادرس اللي ابغى
ابو نايف هز راسه : اشهد اني ماعرفت اربيك
سكت لؤي :...........................
مشى ابو نايف طالع ... اما لؤي تنهد وجلس جروحه اعمق من اللي يعتقدها .. بحياته ماتمنى شي وحصله كل اللي بخاطره ينلغى ويوافق ويخضع .. بس امنيته هالمرة أكبر من انه يتخلى عنها .. تنهد بضيق وهو يحس نفسه ميت محتاج قربها .. لازم يلقى طريقه يطلع من كل هذا
***
غـــادة : -
تاففت بملل .. رنيم نايمة وهي ملت من مقابل التلفزيون سكرت التلفزيون وطلعت برا الملحق طالعت الفيلا الرئيسية بفضول مشت ناحيتها وهي تفتح الباب مقفول .. تاففت وهي تبعد من الفيلا وتمشي بانحاء المكان تتفحص انتبهت لموقف سيارات ورا الفيلا مافيه غير سيارة وحده .. سيارة سباق باللون الأسود مشت ناحيتها تتفحصها : واااه تجلط اول مرة اشوف وحده حقيقية
فتحت السيارة ,, عقدت حواجبها مستغربة لما انفتحت توقعتها مقفلة انتبهت لصورة في تعليقة بالسيارة مسكتها كان شاب وسيم ... قمة الوسامة بلمحة العروبة المتجسدة فيه : من هــذا ؟ هذا الفايمس بدر ... لاتكون هذي سيارته
فزت تطلع وتسكر السيارة لايجي اللحين احد وتروح فيها ... عقدت حواجبها ورجعت تدخل السيارة كان فيها مفتـاح , ابتسمت : مب ذكيين ! مكشوفه هذا مفتاح الفيلا اكيد
توجهت للفيلا وهي تجرب المفتاح .. انفتحت لها الفيلا وكلش فيها مغطى بشراشف بيضاء عشان ماتتلف القطع الثمينة فيه .. انتبهت لأصوات سيارة برا شهقت وطلعت تركض وهي تقفل الفيلا وتوجه لملحقها قابلها بالطريق مسعود طالع من الملحق : فين كنتي ؟!
غادة بلعت ريقها : كنت اتمشى ! زهقت من الملحق ورحت امشي شوي
طالعها مسعود بنص عين : تتمشي بس ؟
غادة : ايه بس ...
ودخلت بسرعة الملحق وهي تسكر الباب قبل تنكشف قدامه وتروح فيها
***
أسمــــــاء :
لأول مرة ماتتحفز لحضور ابتسام .. وماتتمنى تشوفها ! وخطتها عشان ماينقلب جوها زي امس ..تتجنب انها تجلس
معها .. كانت امها تطالعها بحده للحين منقهره منها .. تنهدت بضيق وهي تطلع من القاعه وتصعد فوق لغرفة ميهاف
ميهاف : خييييييير لابسه ابيض ؟! قاطه !
اسماء : لسانك وش طوله وانتي عروسة ! اخبر العرايس يستحن مالت بس
ميهاف : هههههههه .. خليك هنا بلبس فستاني وبجيك
جلست اسماء قدام المنظرة وهي تعدل مكياجها : اوك
طلعت وهي ماسكه فستانها عشان تقدر تمشي .. : شــرايك ؟
اسماء ابتسمت بفرحة لصديقتها : وااااه ميهاف طالع خيــال
ميهاف وهي تراقب نفسها ومكياجها بألوان مناسبة فستانها الفريد .. وشعرها الكاكو رافعته بتسريحة فوق : لازم اطلع خيـال .. اخوك مايعجبه أي شي
اسماء : تصدقي ماتخيلت بيوم انك انتي وبدر لبعض
ميهاف : وليش مو لابقين يعني ؟
اسماء : لا مو كـذا .. بس بدر يعني كان رافض فكرة الزواج العائلي
ميهاف ابتسمت بنعومة : الله يكتب اللي فيه الخير أهم شي
بالقــــاعة : -
دخلت ابتسام و استقبلتها أم نايف : هلا والله اخيرا .. طولتي وينك ؟
ابتسام : اهم شي جيت .. شخبار العروسة ؟
ام نايف : بخير بس انتي تعالي وش صاير .. خضيتيني على السماعة
ابتسام : لما طلعت ادورهم حصلت نايف جالس يسبحهم بالحديقة .. نشف دمي ! وهذا يزيد مزكوم
ام نايف : نايف ؟ شرع وعادة .. لو تدرين وش سوا بيزيد هذا سوالف
ابتسام : بس شي عن شي .. انتبهو لفهد بعد لايجيه شي
ام نايف : لا بيستر ربي ان شاء الله .. وينهم هم ؟
ابتسام : مع نايف برا عند الرجال
ام نايف : يله اجل ندخــل تفضلي
مسكت طرف فستانهــا وهي تدخل وتسلم على الموجودين
***
جالس بالنص بالمشلح الأسود .. والكشخة الكاملة بوسامته الملفته .. وجمبه فراس اللي كان مكشر وماله خلق ...
بدر : انت افرد وجهك شوي .. الكل يطالعك
فراس اللي كان يحدق بالموجودين .. انتبه لهيثم ولؤي جمب بعض التفت لبدر : من اللي جمب لؤي ؟
بدر طالع ناحيتهم : هذا هيثم .. نسيب نايف دكتور بمدينة الملك فهد الطبية
فراس رفع حواجبه ( هذا أخوها .) ! , وقف بدر يسلم على ابو عبد المجيد وعبد المجيد وقف فراس وسلم على ابو عبد المجيد برسمية ... سلم عبد المجيد واختتم سلامه بـ : وعقبالك ان شاء الله
رغم ان كل اللي سلموا عليه قالوا له هالكلمة .. لكن هنا غير قال بطبيعية : لااا انا مستحيل .. اتركني مرتاح كذا بشغلي
عبد المجيد : واذا شيبت ؟! خلص الشغل خلاص ..
فراس : وقتها باحتري الموت بهدوء لحالي
عبد المجيد استغرب .. لكن ماحب يكثر حكي قرر يخليها بعدين ومشى : ...........
***
دخلت أم فراس غرفة ميهـاف تسلم عليها ... اسماء اللي كانت هنا تهرب من نظرات امها سكتت وام فراس تقزها ثم تسلم على ميهاف : الف مبــروك ياعمري .. الله يجعلها فاتحة خير بحياتك يارب
ميهاف : جعلك تسلمين خالتي ...
طلعت ام فراس مباشرة ... التفت ميهاف لاسماء : شفيها امك تطالعك كذا ؟!
اسماء حاست بفمها : متهاوشات
ميهاف فتحت عيونها : وانتي ماخليتي احد ماتهاوشتي معه ؟!
اسماء : بالله ميهاف اسكتي .. جايه هنا ابي اخلص من ذالحكي
ميهاف بنبره جديه : أقول اسماء .. شصاير معك هالفترة ؟ منتي اسماء اللي اعرفها ؟
اسماء اللي مسترخية على الكرسي وحاطه رجل على رجل : العرس ضارب راسك .. ولا انا نفسي ماتغيرت
ميهاف : باللهي ؟! يعني اسماء اللي اعرفها بيوم زواج بتجلس بغرفة بعيد عن الصجه .. بالعادة انتي طول العرس ترقصين
اسماء طالعت بصديقتها لفتره ... اقولها ؟ يمكن ارتاح اذا تكلمت مع احد ....
دخلت الغرفة وهاجموا البنات يسلمون على ميهاف .. صديقاتها واهلها اما اسماء كانت فعلا ضد الإزعاج هالفترة سحبت نفسها تطلع من الغرفة وتنزل تحت وتاخذ لها مكان على المقاعد بهدوء ... تنهدت بضيق وهي تطالع الكوشه .. واحلام طفولية تنرسم .. تتخيل لو الكوشة كوشتها وعروستها هي وعريسها هو ..
: بو !
مسكت قلبها وهي تشهق .. التفت كانت ميسون " ميسون صديقة اسماء القديمه .. ايام الثانوي ولما دخلوا الجامعة انفصلوا بحكم التخصصات " : ميسوووون !!
ضمتها ضمه حاره : هلا واللله بالحـــــــــلوة .... كيفك يامجنونة ؟ وحشششتيييني موت " كملت بصرقعة " وكيف خطيبي ان شاء الله للحين جالس يحتريني
اسماء : هههههههههههههههه هو للحين جالس بس مدري يحتريك ولا يحتري العنوسة
ميسون : لا ماعليك يحتريني يحتريني
اسماء : والله انك غبيه احد يخق مع ذالمتعجرف فراس ! مالت عليك بس
ميسون : حددددكك حددك ! كلش الا هو عاد ..تو شفته بمقابلته لأنجح شاب ياويل حالي بس يخرففن
اسماء : هههههههههههههههه تبين اوجع قلبك ؟
ميسون : لا قلبي ماله حيل جروح
اسماء : اقول شوفي قدام .. وحده لابسه فيروزي وشعرها قصير
ميسون : ايه ايه اللي جالسه تضحك
اسماء : ايييييييييييه .. هذي امي خاطبتها له
ميسون فتحت عيونه : اماااانه ؟! على اساس مايبي يتزوج ؟
اسماء : ايه خاطبينها له من وراه ... ولما عرف سوا لهم سالفه
ميسون طالعت المسرح بحماس والطق : قدامي خل نرقص هالرقصة
اسماء : لا ميسون مالي خـاطر ارقص
ميسون : امااا عاد القينه اسماء ماتبي ترقص ! وش جرى لك يختي لايكون كبرتي وعقلتي ؟
اسماء : لا يختي بس مالي خاطر
ميسون : معقولة زواج اخوك وماراح ترقصين ! قومي بس بلا هبال
اسماء : ماراح اقوم لا تقلقيني
ميسون كشت عليها : مالت عليك بس .. شفيك لايكون معك الأخت وقافله بجوك ؟
انتبهت اسماء لامها تشر لها من بعيد : لحظه امي تبغاني
مشت ناحية امها .. ام فراس : اسماء الله يرضى عليك بسرعة اركضي للديجي يشغلون الزفه
صعدت للديجي تشغل الزفــة .. مجرد ما اشتغلت الأنغام دخلت ميهاف وسط نظرات الإعجاب كثير تمنوها .. جمالها مشهـود له بنظر الكل طاغية بتفاصيل انوثتها واليوم طالعه بأجمل رونقها .. ماكان الخجل تعبيرها كانت تمشي بباكيت الورد بيدها وتبتسم للموجودين حتى وصلت لكوشتها وجلست بأناقة : ...
اسماء اللي كانت تطالع من نافذة الغرفة فوق عند الديـــجي : بو حصلتك !
التفتت لميسون : يمه وش جابك انتي ؟
ميسون : هههههههههههه ابيك يختي .. الا اقول حرمتكم ذي ماتستحي وراها فاتحه خشتها وتضحك
اسماء : وش تبينها يعني تبكي ؟!
ميسون : لا يختي بس تستحي شوي وش ذاه
اسماء اكتفت بالصمت وهي تطالع ميهـاف .. المتكيفة مع الجو وفور وصول المصورة وقفت بنعومة وهي ماسكة فستانها وتوقف بوضعية تصوير وتاخذ صور تذكارية مع رفيقاتها ..
ميسون : ماحتنزلي تصوري معاها ؟
اسماء اللي كان جالسة ومسندة وجهها على يدها : ما أحب اصور !
ميسون بجدية : اقول اسماء انتي صاير معك شي ؟ منتي على خبري
تنهدت اسماء : شا أقول لك ميسون .. اتركيها بالقلب تجرح لا تطلع وتفضح
ميسون : شفيييييك ؟! خوفتيني
اسماء : مو وقته ...
سكتت ميسون احترام للمكان والوقـــت ... بعد فترة دخـل بدر بطلته الفاتنه ونص الحضور معجبات لنجوميته وجمبه أبو نايف اللي توجه لبنته وباس راسها : الله يحفظك يا أبوك .. " التفت لبدر " تــرا ميهاف امانه وتراهي غالية !
بدر اللي ابتسم برضا لما شافها .. ماغلط لما اختارها : وانا قـدها ان شاء الله
تقـدم ناحيتها وصافحها وسلم عليها بالخد : الف مبروك ياعمري .. تسلم لي هالطلة
ابتسمت ميهاف بخدود موردة حتى بان فصها الألماسي : مـاعليك قصور
جلس الثنـائي الوسيم بنظر الكل بالكوشة ..وأبو نايف طلع عشان يحتفل الكل صعدت ام فراس مباشرة تسلم عليهم ..
بـدر : يمه فين اسوم مو شايفها ؟!
ام فراس وهي تطالع بالموجودين المتغطين : مدري من وصيتها الديجي ماشفتها
بدر طالع ياسمين : ياسمين ناديها لي
الـتفت بدر لميهاف وهو يكحل عيونه بتأملـها .. رفعت ميهاف عيونها وابتسمت : خلصت تكحيل ؟!
بدر : تـؤ .. والله لا أتملك من اليوم لآخر يوم بعمري ماشبعت
ضحكت ضحكه خافته ممزوجه بحيـاء :
بدر : فدا الضحكه وراعيتها
صعدت اسماء المسرح حتى وصلت عندهم : مــبروك !
طالعـها بدر : اخيرا جيتي .. تتغلين ويا وجهك ؟
اسماء لمعت عيونها دموع .. اعز اخوانها لقلبها : .......... هذاي جيت ..
نغزت ميهاف بدر .. وبدر فهم لما شاف وجه دلوعته الطفولي وعيونها تلمع مسك يدينها وهي واقفة قدامه : بلاها ميهاف وبلاه هالعرس كله اذا بيخليك كذا
ضحكت وسط همها : ههههههه بجد ؟ اجل يله ننحاش
ميهاف : هههههههه شفيك اسوم من جدك زعلانه عليه وانتي كل يوم تحشين فيه قدامي
التفت بدر لميهاف وهو رافع حواجبه : بجد ؟!
اسماء : وإذا ... حتى لو حشيت فيك اظل بفقدك ..
وقف بدر وهو يضمها ويبوس راسها ويهمس باذنها : لو اعرس بدل الوحده اربع .. تضلين انتي دلوعتي ! خلاص اسوم بتضلين كذا
اسماء مسحت دموعها وهي تسحب نفسها من حضنه وتبتسم : الله يهنيكم
مسك يـدها وسط انغام الدف ورقص معها حتى تأكدت انها ضحكت وصارت احسن .. بعدها رجع لمكانه ابتسمت له ميهاف : زين سويت .. اول ضحكه تضحكها اليوم
بدر تنهد : والله ماني مرتاح لحالتــها ..
ميهاف ابتسمت وهي تشوف جانبه الأخوي .. رغم انتقادات الحضور للوضع بينهم من ضحك وبدر يمسح بيدها ويرفعها كل ثانية يبوسها .. إلا انهم ما اهتموا اليوم وقتهم يحتفلون بحبــهم ..
***
الفـــندق : -
مجرد مادخلوا الجناح هنا وضح عليها الإرتباك .. وهي تشد على فستانها بيدها ..
اما بـدر رما المشلح اللي بيده على الكنب وجلس وياشر لها : اجلسي ارتاحي
جلست ميهاف بكرسي بعيد عنه بمسافه معقولة : ..........
بدر : وش شعـورك اللحين !؟
ميهاف رفعت عيونها الواسعه له : ... ماينوصف
بدر ابتسم : مو مصدق اني جالس ابدا حياه جديده معك اللحين ..
ميهاف بلعت ريقها : ........................
بدر : اهم شي عندي بهالزواج الإحترام والثناء والحب ... هالثلاثة بالذات ماراح ارضى بأي تقصير ناحيتها
ميهاف : هالحكي ينطبق عليك كمان ..
بدر : وانا ما عمري خليتها ولا راح اخلها ان شاء الله
كان لميهاف راي ثاني بهالنقطة بس فضلت تسكت : ...............
وقف بدر بثانية وسحبها له وهو يحاوط خصرها ويبتسم بنشوة : اما اللحين...
# عيب # مشفر # رقابة # إذن ولي الأمر # أعقلو
***
المجـــلس : -
انتبه فراس لأبو عبد المجيد " زوج عمته " يجلس جمبه : هلا والله با أبو عبد المجيد .. كيف حالك ؟
ابو عبد المجيد اللي كان واضح في فمه كلام : هلا فيك .. حمد الله بخير جعلك بخير , كيف امورك هالفترة ؟
فراس : كلش تمــام حمد الله
ابو عبد المجيد بتردد : والله يا أبو فهاد .. انا انتبهت لسلامك انت وعبد المجيد
فراس : أيه ؟! و ......؟
ابو عبدالمجيد : مو حلوه بحقنا تقول هالحكي انك ماراح تتزوج .. حنا لنا مكانة والبعض سمعك واستغرب
فراس قرر يمشي بالموجه اللي تعجبه : مكانتك محفوظه يا أبو عبد المجيد .. مو فاهم والله كيف اهنتك بأني ماراح اتزوج ؟!
ابو عبدالمجيد حس انه يستغبي بجد : الوالدة تكلمت مع ام عبد المجيد ... وصار رسمي انك خاطب البنت والكل يدري
فراس عقد حواجبه بضيق : وش هالحكي ؟! أول مرة اسمع فيه منك ... " اشر لنفسه " انا خاطب بنتك ؟
ابو عبدالمجيد حس موقفه محرج : ليش الوالدة ما قالت لك ؟
فراس : لا والله ما قالت لي ولا خذت شوري .. واول مرة اسمع بهالكلام هذا كله منك اللحين ! وانا موضح للكل اني ماراح اتزوج فاعذرني يا أبو عبد المجيد
ابو عبدالمجيد : الموضوع ماعاد بيدك .. وش بنقول للناس ؟! تحملوا غلطتكم ولا حنا ماطقينا احد على يده وقلنا اخطب
فراس : لا ترفع صوتك هذا اولا .. ثانيا مو انا اللي اكسر شي من قناعاتي عشان حرمه " كمل بتشديد " حتى لو كانت امي ! مو بهالموضوع ..
ابو عبدالمجيد عصب بجد : وحنا وش بنقول للناس اللحين ؟!
فراس : الصدق راحه .. انا ماغلطت ولا اتحمل أي مسؤولية ! وزواج ماني متزوج لابنتك ولا غيرها
ابو عبدالمجيد حس اهانه بجد .. خصوصا والموضوع يتعلق ببنته كانه يرميها عليه : ......................
وقف ومشى بعيد عنه وهو بداخله يتوعد ام عبدالمجيد ... اما فراس ما اهتم مسك جواله يشوف الساعة 1 .. دخل جواله بجيبه وهو يطلع .. بطريقه وقفه صوت : فراس !
التفت للؤي اللي كان واقف مع هيثم عند المغاسل : على وين .؟!
فراس : معد الا خير طالع
لؤي : البيت ؟!
فراس طالع هيثم وخطه خطرت براسه .. ابتسم : ماتعرفنا ؟!
صافحه هيثم : معك هيثم مشعل .. نسيب نايف
فراس : يا هـلا والله ومرحبا .. دكتور مو ؟!
لؤي استغرب .. مو بعادته فراس يتكلم مع غريب بالعاده يحقر : ............
فراس : تشرفنا والله ... " التفت للؤي " انا طالع للفيلا تجي معي !؟
لؤي وهو ياشر لهيثم : مقدر اللحين متواعد مع هيثم
فراس : حياك انت وهيثم ..
لؤي التفت لهيثم : شرايك ؟ تجي .. تفوتك الفيلا ترا شي ثاني
هيثم : ماعندي مانع قدام ..
فراس وهو يمشي طالع : اجل انا سابقكم
ركب سيارته وهو يراهن على ردات فعلها ... وصــل للفيلا وهو يشوف اوامره تنفذت وكلش جاهز توجه للملحق ودخل كانت مستلقيه بملل وهي تراقب رنيم اللي تلعب بانحاء المكان .. وقفت مباشرة لما شافته : ............
فراس تكتف وهو يسند جمبه على الباب : باقي لك يوم ترا .. ماودك تتكلمين ؟
غادة : مافيه شي اقوله .......
فراس اشر لرنيم براسه : سكتيها ومابي اسمع لكم حس .. عندي ضيوف برا مابي يحسون حتى بوجودكم
هزت غادة راسها بصمت .. اما فراس طلع وهو يسكر الباب وراه ويحس بمخاطرة اللي يسويه ..
دق جــواله رقم دولي .. ابتسم وهو يرد : Fainlly decide to show up !
: you have no idea who you playing with !!

الاسئلة /
- زواج بدر وميهاف , فاتحة خير أو فاتحة شر ؟!
- فراس عرف من تكون غـادة بالضبط .. وش ردة فعله المتوقعه ؟!
- الزواج الجاي من تتوقعون يكون زواجه ؟!