وعليكم السلام ورحمة الله وبركاته
المواعيد الرسمية كل اثنين وخميس , مدركة لأني متخلفة عن المواعيد على الرغم من وجود الرواية كامله عندي ..
بس جالسة انتظر تفاعل لان مو معقولة انزل تشابترين ورا بعض دون آي رد ..

السلام عليكم ورحمه الله وبركاته
شكرًا جزيلا على مواعيد نزول الروايه عجبتني الروايه كثير وكرهت شخصيه احمد وابوه ناس طماعة وماتتعطى وش وابتسام بردت ناري فيه يستاهل
وعذرا على قله الكلمات

موعدنـا غدا اذا بإذن الله

" البارت السادس عشر "
الكويـت /
كوب قهوتها بيدها .. وتمشي على ارجاء المكان كلش رائع كلش تمام .. كلش مثل ماتبغى بالتمام ابتسمت لمسؤول الديكور جمبها : مشكور ثامر .. بجد كلش كان تمام وراح ادفع لك القسط الثاني بس يكمل الشغل
ثامر : ولا يهمك سارا .. والله لو تعتبريها هدية كمان ما أمانع
سارا ابتسمت : لا تعرف اني مستحيل اقبل وراح ادفع لك فورا
ثامر طالع المكان : بس ماقلتي لي .. كيف حصلتي هالمكان .؟!
سارا : حصلته وبس .. بس بعقلي حوسة كيف راح انظم باقي الشغل
ثامر : قدها وقدود .. تعلميني فيك مافيه شي يوقف بوجهك ما شاء الله عليك
سارا تنهدت : الظاهر سهرتي طويلة اليوم على ما أنظم الإدارة وكلش ..
ثامر : والموظفين ؟
سارا : خلصتهم .. نشرت اعلانات وحصلت عدد مو سهل بس كلهم كان عندهم مخاوف بس ان شاء الله يكملوا
ثامر : الله يوفقك .. انا طالع اللحين حابه نتعشى سوا ؟
سارا : فرصة ثانية ثامر .. ماتدري وراي كثير اشغال لازم اخلصها بما ان الافتتاح الاسبوع الجاي
ثامر : بس لازم تعوضيني عشاء ثاني هاه !
سارا : ولا يهمك .. تستاهل كرمال الشغل المرتب
طلع ثامر وسارا ارتشفت قهوتها اكتشفت انها خلصت . . توجهت لماكينة القهوة وحضت كوب ثاني وجلست على مكتبها وشدت همتها العالية عشان تنظم كلش , كان دافعها من هالشغل بس ردة فعله اذا شاف المكان تبيه يكون فخور بانجازها ويعرف ان هديته لها ماضاعت .. رغم شعور الفراغ العاطفي المسيطر عليها هالفترة دونه
مطعـم فاخر للعشاء .. كان جالس مع فراس وينتظرون العشاء /
لؤي وهو يطالع المكان بضيق : بالله مالقيت احسن من هالمطعم تعزمني فيه ؟
فراس رفع عيونه من جواله : خمس نجوم المطعم ! ولسى ماذقت الأكل عشان يضايقك
لؤي وعيونه على مجموعة مراهقات على طاولة ومبالغة بالشكل وبالضحك : حمد الله والشكر .. لاتموت وهي تطلع الضحكه غصب !
فراس ابتسم بسخرية : لا والله معك حق .. بزر بمطعم تضحك تضايق اكثر من بعض الناس اللي فالينها ضحك مع شباب وطلعات آخر الليل
لؤي ندم على التعليق وطالع فراس : انا مو قلت لك انها انتهت .. ليش ترجع تجيب طاريها !؟
فراس : انبهك بس لاتنتقد الناس وانت عندك قسمك
لؤي : خلاص اسفين .. بروح اعتذر لهن كمان عشان ترضى !
فراس : براحتك
لؤي تنهد بضيق من طاريها : مو كأنه طول العشاء ؟
فراس : اذا الجلسة على راسك تقدر تقوم ترا ..
وقف الجرسون وحط طبق كيكة شوكلاته مغرية جمب فراس .. طالع فراس لؤي : انت طالبه ؟
لؤي : لا
الجرسون : هذا هدية من الصبايا هونيك
كشر فراس وهو يقرا الورقة مع الطبق (( حلو للحلوين .. بالعافية )) .. ابتسم لؤي بسخرية : شفيك ؟ عادي مايضايقون !
فراس طالعه .. ثم اخذ الملعقة واكل : والله لذيذة .. تبغى ؟
لؤي : ههههههههههه لا شكرا .. بالعافية ياحلو
فراس وهو ياكل من الصحن : اقل شي عندهن ذوق
لؤي : ههههههههههههههههه لذيذة مرة هجل ؟
فراس مد الصحن له : اقولك جرب والله يجي
لؤي اكل ملعقة وتقلبت معدته وهو يستوعب طعم جوز الهند مسك المنديل بسرعة وطلعها : ياحيوان
فراس افلت ضحكته النادرة : هههههههههه عشان تعرف تصير نكدي
لؤي : الله يغثك ياشيخ .. اعععع حامت كبدي معد ابغى عشاء
فراس : لا وين تنثبر معي لين اتعشى
لؤي بعد ماشرب كاس الموية مرة وحده : الله يعز النعمة بس
كملوا العشاء ولؤي ابتسم براحة وهو يطالع فراس يسولف كعادته , له فترة ماجلس معه جلسة كذا وضحكوا وانبسطوا وهذا كان كل اللي يحتاجه
***
طلع هيثم من مكتب الدكتور .. بعد ما كملوا الاجراءات الطبية , وتقرر انه بيسافر مع رنيم لحاله بسيارة طبية لحد ماتوصل للرياض وعشان يشرف على حالتها نظرا لخبرته , دخل لعند غرفة غادة وقالها الخبر ..غادة بضيق : طيب مقدر اروح معاك ؟
هيثم : لا ماتقدري .. انتي روحي مع ابتسام بالطيارة
ابتسام : خلاص غادة هيثم معاها ! وبتوصل
غادة : مدري مو مرتاحة تروح لحالها
هيثم : وانا فين ؟!
ابتسام : اهم شي كلش يكون بأقرب فرصة .. متى بتطلع هيثم ؟
هيثم : بعد العصر مباشرة ..
ابتسام طالعت الساعة " 1 ونص " : وحنا طيارتنا الساعة 4
غادة وقفت : انا رايحه اشوفها ..
طلعت غادة .. طالعت ابتسام بهيثم : هيثم ..
هيثم بشرود : هممم
ابتسام : امس كلمني عمي
هيثم التفت لها بسرعة : ايه ؟!
ابتسام : طلب ادفع غرامة احمد ..مليون ريال
هيثم : عارف ! قالي هالكلام .. وآخر مابيني وبينك يا ابتسام اذا دفعتي ريال
ابتسام : ما راح ادفع .. قلت له ماراح ادفع بس هو هدد , هدد ياخذ رنيم من غادة لو اخذها معي الرياض
هيثم : بيديه ورجليه واعلى مافي خيله يركبه ! ماراح يطلع بيده شي لأن الحضانه لأمها خصوصا وابوها مجرم
ابتسام : ما أدري .. احس الوضع مو لصالحنا نرجع غادة ورنيم معنا وهم مو راضين اخاف بعدها تصير مشاكل مالها نهاية
هيثم : ماراح يصير شي ! عمي هذا راعي حكي بس اتركيه ينبح لين يتعب ولا راح يطلع بيده شي
ابتسام : ان شاء الله ..
هيثم : انا رايح لمستودع المستشفى محتاج كم غرض
ابتسام هزت راسها .. اول ماطلع وجلست لحالها مسكت جوالها تحاول تدق على نايف للمرة المئة .. بس مايرد ! انقهرت ماتعرف وين بيتهم حتى ولا سكنهم عشان تروح له وقت يوصلون .. وتحس احراج تكلم ام نايف بس وش طالع بيدها دقت على ام نايف وجاها الرد على طول بلهفة : هلا والله .. مرحبا ومسهلا
ابتسام : هلا فيك زود .. كيفك خالتي اخبارك ؟
ام نايف : بخير جعلك بخير .. اخيرا سمعت لكم حس
ابتسام : ههههههههه مالنا غنى عنك .. والله وحشتيني
ام نايف : ونايف وينه هاتيه اكلمه ..
ابتسام : والله مدري شا أقول لك خالتي
ام نايف انقرص قلبها : شصاير ؟
ابتسام : انا بجدة ..
ام نايف : ششلون ؟!!
ابتسام : نايف بالمالديف لسى .. بس انا غادة اختي ولدت وصارت معها مشاكل فاضطريت ارجع
ام نايف ارتاحت على بالها مشاكل مع نايف : ما شاء الله الف مبروك وحمد الله ع سلامتها .. وش جابت ؟
ابتسام : بنت
ام نايف : ما شاء الله الله يخليها .. والله ماكان له داعي ترجعين وتخلين نايف لحاله
ابتسام : هو راضي خالتي .. والله مضطره لو فيه احد يمسك مكاني مارجعت بس مالها غيري
ام نايف : يله تعوضونها بعدين ان شاء الله
ابتسام : ايه بس شكل نايف مسكر جواله .. وانا طيارتي بعد العصر للرياض و .. ما أعرف حتى فين شقتنا
ام نايف : ولا يهمك .. علميني متى بتوصلين وبوصي لك السواق ينتظرك ويوصلك بيتك
ابتسام : مشكورة كثير خالتي .. والله تعبتك معي
ام نايف : تعبك راحة .. ولازم نشوفك لاوصلتي عاد
ابتسام : حياكم الله بكرة .. تعالوا نشوفكم انا مقدر اطلع واترك غادة
ام نايف : ان شاء الله .. في امان الله
سكرت ابتسام وهي تحس بارتياح .. مشت المكالمة على خير ونايف خله بالعسل حتى ماكلف نفسه يعلمها فين بيتهم , طايش بجد ماعنده ذرة مسؤولية اتجاه احد !
***
سكرت ام نايف السماعة وهي مستسلمة خلاص لوضع نايف .. حستها مو حلوة من نايف انه تركها ترجع لحالها ومو حلوة من ابتسام انها رجعت وتركته لحاله كلهم غلطانين .. !
دخلت ميهاف من برا وفصخت عبايتها : هاي مامي
ام نايف : تعالي اسمعي اخر الاخبار
ميهاف : شنو ؟
ام نايف : ابتسام بجدة !
ميهاف : هاه .. امداهم يخلصون
ام نايف : مدري عنهم .. اخوك بالمالديف مارجع بس هي اختها ولدت ورجعت
ميهاف : ماكان له داعي ترجع لاحقه على اختها
ام نايف : شاسوي والله الجمتني .. تقول اختي مالها غيري
ميهاف : يله كيفهم .. ماتدرين يمكن كمان ما اعجبها الجو مع نايف
ام نايف شهقت : الله لا يقوله !
ميهاف : هههههههههههههههههه امزح مامي .. وبتضل بجدة ؟
ام نايف : لا طيارتها عقب العصر للرياض .. وعازمتنا بكرة
ميهاف : بجد ! حلو خل نطلع ونشوف بيت نايف لي زمان ماشفته من ايام نهى
ام نايف : لا تغييير .. انا سويت له اعادة تاثيث من اوله لآخره
ميهاف : افف متى ! من ورانا ام نايف !
ام نايف : شاسوي حرام والله تدخل على نفس اثاث نهى
ميهاف : انا صاعده ماما .. بعد العصر عندي نادي
صعدت لفوق .. ودقت مباشرة على بدر وهي تستلقي على سريرها : ياهلا وغلا
ميهاف : هاي حبيبي .
بدر : ياهـلا .. شلونك ياروحي ؟
ميهاف : تمام .. تو رجعت من البنك وبعد العصر النادي وبس
بدر : اقول ميهاف
ميهاف : عيونها
بدر : ابي اطلب منك طلب بس خايف ترديني هاه !
ميهاف : ماعاش من ردك .. شنو ؟
بدر : شرايك بعد النادي امرك ونتعشى سوا
ميهاف شهقت : لحالنا !؟
بدر : ايه .. ناخذ العائلة معنا مثلا !
ميهاف : لا بدر صعبة .. مستحيل لو يدرون اهلي ذبحوني
بدر : اولا ماراح يدرون .. كلها عشاء قولي طالعه مع صديقاتي ثانيا حتى لو عرفوا انتي خطيبتي وزوجتي بالمستقبل فما فيها شي
ميهاف : هممممم .. مدري للحين احس مستحيل
بدر : مو مستحيل ياعمري .. فكري مضبوط عندي لك مفاجأة
ميهاف : ما أدري بشوف .... اكلمك بعدين
بدر : اوك باي
سكرت ميهاف وهي مو مستوعبة انها تسوي حاجة كذا ! ماعمرها كانت تخاطر او تتهور بقرارات مجنونة كذا لا لا مستحيل تسويها كيف .. ؟ حتى لو خطيبها غلط !
***
طلعت غادة من عند رنيم بعد ماودعتها الله .. رجعت للغرفة وكانت ابتسام هناك : يله غادة ؟
غادة بتصميم وهي ترمي كل حاجة ورا ظهرها .. هالقرار بالذات مافكرت فيه كثير اتخذته مباشرة : يله ..
تجهزن ووقعن الخروج .. بطريقهن لبرا كان ابو احمد واقف : هلا ببنات مشعل .. هلا باللي يرفعن الراس
ابتسام تقدمت وكأنها تحط غادة ورا ظهرها : هلا عمي !
ابو احمد : لا هلا ولا مرحبا .. ومالي كلام معك انتي , غادة !
غادة وراسها منزل : هلا
ابو احمد : تتوقعين حركة عاقلة اللي جالسه تسوينها ؟!
غادة : ..............
ابتسام : رجاء عمي انت مالك كلمة عليها .. هي اتخذت قرارها وخلاص !
ابو احمد : هي بكيفها .. بس بنتها لا
غادة رفعت راسها بسرعة : شلون !
ابو احمد : بنتك مالها روحة معك .. هي بنتنا وبتضل عندنا
غادة طالعت ابتسام : شلون يعني ؟!
ابتسام : ماعليك منه ! اللحين هي مع هيثم بطريقهم لهناك
ابو احمد عصب : نعععم !
ابتسام : ايه .. رنيم بالطريق اللحين وحنا سابقينهم !
ابو احمد : كذا يعني !
ابتسام : ايه كذا !!
غادة بهدوء : عمي .. انت ماقصرت معاي , بس هالمرة بالذات انا محتاجة اتخذ قراري بنفسي
ابو احمد : بلا قرار بلا بطيخ !! هذي حفيدتي بتحرموني منها ؟
ابتسام : مين قال ؟! متى مابغيت تشوفها .. ( كملت بحده ) يا مية اهلا وسهلا بتنور بيتي
ابو احمد : غادة !! اذا بتتخذين هالقرار اتخذيه بكيفك .. بس تأكدي انك بتدفعين ثمنه غاااالي !
غادة تزعزعت ثقتها .. اما ابتسام مسكت يدها بقوة وقالت بثقة : غادة ؟
غادة طالعت ابتسام .. ثم طالعت عمها : اسفه .. بس قرار اتخذته , انا رايحة مع ابتسام ما أقدر اجلس
ابو احمد : ماشي ماشي .. بيجي يوم تندمين وتذكري كلامي !!
طلع ابو احمد .. اما غادة نزلت راسها وكلها خوف وش ممكن يصير مو لها ! لبنتها .. هي بالطقاق اللي جاي مو اعدى من اللي راح ..
ابتسام : انسي كلامه غادة .. صدقيني ماراح يقدر يسوي شي
غادة هزت راسها : ان شاء الله مايقدر ...
ابتسام : يله لا نتأخر على الطيارة
مشو بالطريق وغادة طول الطريق وتفكيرها بالايام اللي راحت , هذي مرحلة جديدة تماما وش بتسوي كيف بتعيش وبنتها ..؟! تنهدت بضيق تحس بعدم استقرار تام ..
***
دخلت اسماء البيت وهي تحس بانتعاش اخيرا خلصت الصيفي تقدر تعيش اجازتها اللحين ... دقت على ميهاف مباشرة : هااااااااالو !!
ميهاف : هلااا هلاا .. ممممبروك خلصصتي
اسماء : اييييييييييييه .. مو مصدقة مبسسسوطة من قلبي
ميهاف : هههههههههههههه اخيرا خلصتي من النكد
اسماء : يله فكري وش نسوي بكرة ! السوق ؟ الملاهي ؟ المشغل ؟ المملكة ؟ العليا ؟
ميهاف : لا لا .. بكرة عازمتنا زوجة نايف
اسماء : هاه ؟ مو بالمالديف ؟
ميهاف : سالفة طويلة بعدين اقولك .. بس هي رجعت وتخيلي اختها ولدت
اسماء شهقت : يممه ! تحققت دعوتها لما قالت المرة الجايه بشوفكم وهو بيدي
ميهاف : ههههههههه ايه ياحليلها .. هاه بتجين ؟
اسماء دون شك : طبعا بججي ! شلون ما أجي ؟
ميهاف : يله اجل اشوفك بكرة
اسماء : سي يو
سكرت اسماء ووناستها زادت تنهدت : ياهلا والله برجعة اخت الغالي
***
وصلوا الرياض .. واستقبلهم السايق اول ماركبوا دقت غادة على هيثم : الو
هيثم : هلا غدو .. وصلتو ؟
غادة : ايه .. وانت ؟
هيثم : لسى بالطريق .. اول ما أوصل بقولك
غادة : وكيفها ؟
هيثم : بسك وسوسة بخير مافيها شي
غادة تنهدت : خلاص .. مو تنسى هيثم اول ماتوصل تقولي
هيثم : ماراح انسى .. انتي ارتاحي ترا الدكتورة تقول لسى تعبانة ولازمتك راحة طويلة
غادة : ان شاء الله .. يله باي
ابتسام : قايله لك لسى ماوصل !
غادة : ماراح ارتاح لحد مايوصل .. احسها بعيدة عني
ابتسام : وحتى اذا وصلت بتجلس بالمستشفى .. لازم تتعودين
غادة : الله يعدي هالفترة على خير وتتعافى
ابتسام : ان شاء الله .. تصدقين اول مرة اشوف فيها بيتي احس احساس غريب
غادة : انا شفته مرة من برا بس لما وصلت شناطك
ابتسام : كبير ؟
غادة : لا حجمه وسط .. يعني مو زي بيت اهله
ابتسام ابتسمت برضا لما وصلوا وشافت البيت .. تصميم حديث من برا ابيض بزجاجات طويلة ملونة مزينة المكان : واااو رايق بصراحة
اول مانزلوا وشافوا الحديقة المريحة المزينة بألوان الورد .. وبالداخل خدامتين يستقبلونها وتصميم البيت حديث بحت , متطور من جميع النواحي , غادة ابتسمت : منزل مبارك
ابتسام : هههههههههههه لا وخدم وحاجة تفتح النفس
غادة : ما أدري بس احس للحين مو مستوعبة ان هذا بيتك
ابتسام : استوعبي ونص .. خلاص حياتي هذا مستواي من اليوم ورايح . بس سالفة الخدم هذي ما أعجبتني
غادة : شلون يعني ؟
ابتسام : ماراح اخليهن .. بطردهن البيت مو كبير مرة وما أحبهن يعيشن هنا يجن يومين بالاسبوع ينظفن يكفي
غادة هزت كتوفها : سوي اللي يريحك .. بيتك
ابتسام : بروح اتفاهم معاهن .. انتي ارتاحي هنا
جلست غادة وهي تحس بتعب من الوقفة .. تنهدت بضيق وهي تطالع بالساعة .. , اما ابتسام مشت مع الخدم على البيت يعلمونها بنظامه نظام دورين الدور التحتي صالة واسعة انيقة بغرفة ضيوف جانبية ومطبخ وغرفة معيشة وغرفتين اضافية .. والدور الفوقي غرفة نومهم مفتوحة على غرفة ملابس وغرفتين اضافية مسكرة وصالة ناعمة بشرفة وملاحق خارجية للضيوف والخدم .. اول مادخلت غرفة نومهم كانت حاجة خيالية الون الأبيض الشرح والرمادي والأصفر كانت الوان مرتبة ابتسمت برضا وهي تطالع اغراضها مرتبة .. تفاهمت مع الخدم على النظام اللي تبغاه وهو يجو يومين بس واضح عدم الرضا عليهم لكن مايقدرون يعارضونها .. !
نزلت ابتسام لغادة : شوفي حياتي .. فيه غرفتين اضافية هنا اختاري وحده لك
غادة : أي وحده ابتسام ماتفرق
ابتسام : مادام كذا بختار لك على ذوقي .. اذا حابه تنامين ترتاحين لك شوي ارتاحي
غادة : ما أقدر بنتظر هيثم ..
ابتسام : ياحياتي ارتاحي .. هيثم ماحيطير ووقت يوصل انا بصحيك
غادة كانت مرهقة فما طولت بالمعارضة .. اول مانامت طلعت ابتسام ولبست عبايتها وطلعت مع السايق , ماخلت حاجة ماراحت لها , اشترت حلويات استقبال بكرة وشرت كل المواد الغذائية اللازمة لهم .. وماخلت محل اثاث ماوصلت له عشان تأثث غرفة غادة وبالاخير اختارت لها غرفة انيقة مع ركن طفولي لبنتها , بعد فرفرة طويلة رجعت البيت كانت غادة صاحية بالصالة عقدت حواجبها بضيق : فين كنتي ؟! صحيت ماحصلتك
ابتسام والخدامات وراها يدخلون الاغراض : وليش صاحية ..؟
غادة : دق هيثم وصحيت
ابتسام : وصلوا ؟
غادة بارتياح : ايوه .. نطلع نشوفهم ؟
ابتسام : ما اتوقع وقت زيارة اللحين .. دام هيثم وصل بدق عليه يجي يتعشى معانا
غادة : حاولت قبلك .. يقول مشغول واحسن اتركيه بالمستشفى قريب منها
ابتسام : طيب ابعدي من هنا عشان العمال بيدخلون اغراض الغرفة
غادة فتحت عيونها : ايش غرفته
ابتسام دفتها لداخل : ادخلي ومالك دعوة !
اما ابتسام كانت بعبايتها وترشدهم لحد ماخلصت الغرفة وصارت كاملة .. غادة بضيق لما شافتها : ليش كل هذا ابتسام؟
ابتسام : وشوي بحقك ياقلبي .. !
غادة : وربي كثير .. وانا ماراح اضل هنا على طول
ابتسام ماحبت تتعمق بهالموضوع : اللي هو ! بكرة بيجون ضيوف ومو حلوة ماتكون غرفتك كاملة
غادة : ..........
ابتسام : يالله ياغدو اعرفك تمونين على حلالي .. صاير حشاد كذا ليه ؟! اجلسي ارتاحي
غادة تنهدت : اوك
طلعت ابتسام وهي متحمسة .. شوفة البيت اكسبها حماس فضيع وغير كذا غادة ورنيم بيضلوا عندها تحس انها كسبت سعادة الدنيا كلها .. جهزت عشاء لها ولغادة وهي تحس بانتعاش .. وجلسوا جلسة خوات بالحديقة , وهن يحسن زمان عن هالجمعة وابتسام كان كلامها اكثر من غادة .. سولفت عن المالديف وايش صار وايش سوت اما غادة ماكان عندها مواضيع كثيرة تتكلم فيها غير موضوع واحد ولو فتحته ماراح يتسكر .. وهي ماهي محتاجة نكد اليوم بعد فترة طويلة تذوق طعم الراحة .. نسيم منعش بعيد عن كل حاجة تضيق نفسها
***
الكويـت – مؤسسة الشمري /
دخل لؤي المكتب وجلس على الكنبة وكان فراس مو موجود باجتماع .. اول مارجع ودخل المكتب : كانك فالها هاليومين زيارات .؟ ماعندك شغل ؟
لؤي بملل : لا .. ماعندي غيرك اجي اتسلى عندك
فراس وهو يجلس على كرسيه : وليش ماتتوظف ؟
لؤي : توظفني ؟
فراس طالعه بسخرية : كرمال صداقتنا لا
لؤي : هههههههههههههههه والله فيه كم وظيفة بس مالي خلق اللحين
فراس : مسكين عمي بيكتشف انه خلف فاشل ثاني
لؤي : والله مو فكرة شينة اصير زي نايف .. اصلن محد عايش حياته غيره
فراس وهو يشتغل على اللاب : قواك الله .. استمتع بآخر ايامك بالكويت قبل النفي
لؤي : اقول وش تشرب ؟
فراس : شاي عدني
لؤي وقف طالع : انتظر اعرف لك شاي عدني بيوقف قلبك
طلع لؤي .. وفراس جلس يكمل شغله , سكر اللاب توب بعد ماخلص وقف وجلس على الكنبة بوسط المكتب باسترخاء انتبه لجوال لؤي يدق مسج " سارا " .. كشر وهو يطالع الجوال
دخل لؤي وبيده مشروباتهم : تفضل احلى شاي عدني .. بالله ماتوظفني قهوجي ؟!
انتبه لؤي لملامحه المكشره وجواله بيده .. ثم رجع يرميه على الطاولة وقال ببرود : الظاهر عندك موعد ناسيه مع خويتك
لؤي عقد حواجبه : شنو ؟!
مسك جواله .. وقلبه رجع يدق على طاريها , من زمان ماطلع اسمها على شاشة جواله ابتسم بلا شعور , اما فراس فتح عيونه وهو يشوفه يبتسم للجوال: شوي شوي لاتشقق
لؤي طالعه : وانت وش قاهرك اللحين ماعادت تشتغل عندك ولا تخصك ؟!
فراس : دامك عارف انها ماتفرق معي ماكان له داعي تكذب وتسوي مأساه !
لؤي : على بالك اني اكذب ..؟ صدقني اول مرة تراسلني من بعد ماتكلمت معك الله اعلم في ايش !
فراس بسخرية : بجد ؟! ريحتني الله يريحك
لؤي : بكيفك بتصدق ولا لا تصدق
فراس : عموما ما راح اتفاجأ انها رجعت تتواصل معك , شافت واحد غبي عطاها مؤسسة كاملة قالت ارجع واخذ اكثر
لؤي بدفاع : سارا مو كذا !
فراس : مجرد انك تبي تصدق انها مو كذا وانها حلفت لك انها مو كذا مو معناها انها مو كذا !
لؤي : مجرد انك ماتبي تصدق انها تحبني ورجعت عشاني مو معناها انها ماتحبني !
فراس بسخرية : انا مابي اصدق ..؟ حشى وانا اقدر انكر الحب الاسطوري والوعود والنذور اللي بينكم .؟
لؤي سحب جاكيته من الكنبه : كمل شغلك .. انا طالع
طلع لؤي بطريقه لبرا الشركة , وفتح المسج وهو ملهوف يقرا :
( هاي لؤي .
كيفـك ؟ ان شاء الله مبسوط .. ابشرك المبنى اللي اهديتني صار تمام ومرتب والافتتاح بعد بكره .. أنت اول وأهم شخص يحضر الأفتتاح .. لانه لولاك ماكان راح يكون فيه افتتاح اساسا ..
هممم .. وبس بتشرفنا بحضورك <3 )
ابتسم لؤي حتى بانت اسنانه .. كتب بسرعة ( متشوق أشوفه , راح اكون موجود )
ارتفعت معنوياته .. لما اهداها المبنى وطولت ماردت عليه على باله بتبدا شغلها وبتنساه لانها كانت جادة وقاسية معه الفترة اللي راحت .. لدرجة فقد الأمل انها بتناديه او بتحاكيه عقبها !!
***
صحت غادة من النوم .. طالعت الساعة على الحائط 2 ونص ظهر .. شهقت ماتدري كيف نامت كل هالوقت !! بس ماتنلام امس سهرت مع ابتسام للفجر .. ونامت نومة مريحه مانامتها لها شهور , طلعت من الغرفة حصلت ابتسام موجودة بالمطبخ تشرف على الخدم رفعت غادة حواجبها : على اساس ماتبين خدم ؟
ابتسمت ابتسام : ًصح النوم .. ما أبيهم بس بالمناسبات ابيهم طبعا !
غادة : اها ..
ابتسام : روحي ارتاحي الغدا جاهز بجيبه اللحين
غادة : لا ابتسام .. بسرعة خل نروح المستشفى
ابتسام : يؤ ! اللحين ..؟ مقدر اهل نايف بيجون عصر
غادة : اجل اجلسي انا رايحة
ابتسام : هم جايين يشوفونك كمان !!
غادة : مالي علاقة .. بعدين اشوفهم راح اموت لو ما اروح اشوفها
ابتسام : ماشي غادة استني بروح معك نزورها وعصر نرجع على طول !
غادة : اوك
ابتسام عطت تعليماتها للخدم وطلعت مع غادة الي كانت مستعجلة حتى مارضت تجلس تتغدا اول
***
هيــثم /
لبس جاكيته وطلع من غرفة الاستراحة بعد ما أزعجته غادة بنومه لحد ماصحى .. صداع براسه من امس مانام الا ربع ساعة ولا تهنى فيها حتى وصل لحضانة الأطفال لعند الجسد الصغير الضعيف ابتسم وهو يطالعها محد يقاوم براءة الأطفال : مبسوطة ياقلب خالك . ؟ ماتركتيني انتي وامك انام ارتاح
دق جواله تنهد : امك هذي بذبحها بيوم !
عقد حواجبه وامله يخيب .. المكالمة من رقم غريب سكر دون يرد .. لكن رجع يدق رد : الو
: هيثم مشعل .؟
هيثم : ايه وصلت .. من معاي ؟
: معك القاضي سلطان بن *****
هيثم : ووش بغيت طال عمرك ؟
: عمك يتهمك انك انت واختك اخذتوا حفيدته بعيد عنه ومنعتوه من شوفتها .. ويأمر ان اخته تحضر ببيت الطاعة
هيثم : نعععم ؟!
: وانا اطالبك بالحضور غدا ومعك اختك عشان نشوف وش لكم وش عليكم
هيثم : بس هالحكي مو صحيح ! حنا مامنعناه ومتى مابغى يشوفها مرحبا ومسهلا
: هالحكي ماينفع ! لأن اختك زوجة ابنه ومن ضمن طلبات عمك انها تحضر لبيت الطاعة بأمر زوجها
هيثم : خل زوجها يطلع من السجن اول ونتفاهم !
: مهما كان يضل زوجها وله الحق والأمر عليها
هيثم شد على قبضته وهو ماسك اعصابه : حاضر .. راح اكون موجود بكرة
: واختك !
هيثم بحدة: ماعندي حريم يدخلون محاكم ! وانا بكون نيابة عنها !
: راح نحاول نمشي الامور على هالوضع ونحاول مانحتاج لتواجدها
هيثم دون نفس : مع السلامة !
دخلت غادة وابتسام لعنده وكلهن متلهفات لشوفة رنيم : هاي هيثم
هيثم : دام جيتوا انا رايح ..
غادة : وين وين اصبر ! ابسألك شخبارها وش صار ومتى تطلع
هيثم : برسلك دكتورتها .. انا عندي كم شغلة مقدر اجلس
طلع وهو براسه بيحل المشكلة دون يدرون حتى ! حتى لو اضطر يقتل عمه او يمكن هذي امنيته اساسا ؟ قال ايش قال بيت الطاعة .. ماشي ماشي
***
بيت ابو فراس – بغرفة اسماء /
من ظهر وهي تتعافس بخزانة ملابسها والروح المعنوية عال العــال فوق الغيوم : يااااااي وش هاليوم المبارك اخلص الصيفي وترجع اخته .. لازم ابحكها اللحين اعرف اخوها هذا وين !
جهزت لها حمام بأزكى الروائح .. واغلى منتجاتها اللي نادر تستعملها من غلاها على قلبها طلعت وهي ترقص بالروب : يله يله يا أسوم صيري مزة .. يمكن تتحرش هذي ابتسام وتخطبك له
غطت وجهها بيدينها وهي تستوعب الكلمة : يممه قلبي ! خطبة !! خطبة !! اتخيل طلته بالثوب والمشلح وجمبي على الكوشة ( صرخت باقوى ماعندها وهي تنطط وتتدحرج بالغرفة ) لا لا يا اسوم بدري على كذا اعقلي .. معاد اقدر اوقف عقلي من افكاري اللحين ..!! لازم اوقف هالافكار وامشي خطوة بخطوة .. يله خل اصير مزة بس واخرفنهن خواته هالغشيمات لي عزيمتين احاول فيهن مايتحركن !
سحبت فستانها الفكتوري , الصدر ابيض بياقه حمراء رسمية .. وحزام احمر ومنسدل لنص ساقها ولبسته وهي تحس بانتعاش حاست فمها قدام المراية :شهذا يا أسوم ! كاني بزر .. الفستان طفولي مرة ماينفع لازم اصير كأني حرمة .. ؟
دخلت ياسمين : اسوم ! توك !!! بسرعة السواق تحت
اسماء شهقت : تونا ظهر !!
ياسمين : الله يخلف بس شوفي الساعة 4 ونص
اسماء شهقت .. كيف مر الوقت كذا دون تحس ركضت تكمل لبسها لبست جزمة بكعب خفيف سوداء وساعة ذهبية شانيل .. وشعرها الذهبي تركته على طبيعته المتموجة ومسكت نصه بفيونكة سكريه وحطت فل ميك اب بدرجات ناعمة تناسب نعومة الفستان كانت قمة بالبراءة والأناقة مع جسمها النحيل جدا جدا .. وعيونها الزرقاء وفمها الصغير كانت بيبي فيس والفستان عطاها طفولة اكثر تناسبها .. لبست عبايتها وركبت وكلهم يهاوشون فيها : تاخرنا !
اسماء : يوه شاسوي ماحسيت بالوقت والله
بدر : شاطرة ! اخرتيني على النادي اللحين
اسماء : محد قالك تودينا ! كان بنروح مع السواق
بدر : يمه سكتيها ولا أنزلها !
ام فراس : اسكتي ! انا ابيه يوديني .. حشى اروح مع السواويق كأن ماعندي ولد
وصلـوا لبيت نايف وهم حافظينه من كم زيارة لبيت نهى .. لكن مجرد مادخلوا عرفوا انه متغير وهم لسى بالحديقة متغير تصميمها استقبلتهم ابتسام عند الباب ..
• طلتها
فستان مغري انوثي ضيق اسود لفوق الركبة مباشرة مع كرستالات بيضاء في الاكمام ومنطقة الصدر وتحته كيلون أسود وهيلز سوداء بكعب عالي جدا مكسبها طول فوق طولها ..ومكمل اكسسوارها خاتم الماس وشعرها الأسود رافعته لفوق بتسريحة انيقة مع روج كبدي ومكياج سموكي .. كان مكياج غريب عليها ومكسبها شكل غير تماما , وهذا انجاز غادة فيها وهاللوك الجريء كله اختيار غادة ولا هي ماعمرها كانت مؤيدة للمكياج الثقيل وماتحبه رغم انه يكسبها انوثة تناسب عيونها الكحيلة ولمحتها الشرقية .
ابتسام رحبت فيهم بحرارة : هلا والله اهلا وسهلا
ام فراس : هلا والله بعروستنا الحلوة .. شخبارك ؟ّ
ابتسام : تمام حمد الله .. تفضلو تفضلو نورتو البيت ياحي هالطلة
ام فراس : فيه احد سبقنا ؟
ابتسام : ايه خالتي كلهم داخل
اسماء : كيف المالديف بس ..؟ ما كأنها محليتك اكثر ..؟
ابتسام : هههههههههههه والله جنان .. ماتدري قد ايش انقهرت
اني طلعت منها بسرعة
اسماء : ولا يهمك ولا تنقهري .. متى مابغيتي يوديك نيوف وش وراه اصلن غيرك ؟
ابتسام : هههههههههه قولتك
دخلـوا لداخل .. وقفت اسماء عند المغاسل وفصخت عبايتها ( افف بالله ليش حلوة لهالدرجة ! ولا الجسم .. لاتكون تلبس كذا قدامه !! ) ظلت تعدل مكياجها وهي منقهرة وهي تشوف ابتسام بانوثتها الطاغية .. حتى غادة رغم نحفها إلا انها فيها مغريات اكثر منها هي كانت طفلة من قلب قصيرة ونحيفة كانها مراهقة .. بنص حلطمتها مانتبهت للي تنغز خصرها من ورا شهقت وهي تلتفت : ميهاف !
ميهاف : هههههههههههه وينك تأخرتي ..؟
اسماء طالعتها من فوق لتحت بجسمها المثالي : اففف اكرهك حتى انتي !
ميهاف عقدت حواجبها : شنو انا ..؟
اسماء : لا تحاكيني !
ميهاف : هاو .. شمزعلك ؟
اسماء طالعتها بنص عين : اصلن لو لابسه الخرابة اللي انتي لابستها صرت زيك
ميهاف : واحلى مني كمان !
اسماء خلاص سمحت : صدق ؟
ميهاف تسلك : أيه طبعا
اسماء : هاه شفتي بنتها ؟
ميهاف : لا تخيلي تو اعرف انها بالمستشفى ..مسكينة مطولة كمان
اسماء : ياقلبي الله يعينها
دخلـوا لداخل .. واسماء تطالع باعجاب : والله متغير بيت نايف !
ميهاف : هههههههههههههه امي غيرته من اوله لآخره .. بجد حرام تجلس على اثاث نهى
اسماء : معك حق
دخلوا جلسة الحريم وسلمت اسماء على الموجودين .. لحد ماوصلت لغادة اللي كان مخصص لها جلسة مريحة تجلس فيها وكانت لابسه جلابيه ناعمه خفيفه وشعرها الطويل رفعته بتسريحة ناعمة على فوق وماحطت مكياج مجرد ملمع شفاه
لبس مريح ومناسب لزيارة .. على انها ماتعتبرها زيارة مهمة , كل اللي جايين كرمال ابتسام ورجعتها من السفر ! مافيه حاجة مخصوصة لها ولو ان ابتسام ما اصرت تجلس كانت ضلت بالمستشفى عند بنتها ..
اسماء : ياااي راحت الكرشة !
غادة : ههههههه والله فاقدتها
ميهاف : من جدك ..؟
غادة : لا مو من جدي طبعا ..
اسماء باهتمام : وكيف بنتـك .؟ ايش سميتيها على فكرة .؟
غادة : رنيم .. ان شاء الله راح تكون تمام بس لأن الولادة مبكرة
ميهاف بقلق : بتطول بالمستشفى ؟
غادة بضيق : هذا الظاهر
ام فراس : اهم شي يكون المستشفى مناسب مو أي كلام
غادة وهي منحرجة من ام فراس .. اول مرة تقابلها بعد الحادثة : لا حمد الله .. مدينة الملك فهد الطبية وفوق كذا اخوي هيثم هناك يدير باله عليها
اسماء فتحت عيونها بوسعها .. طاحت على معلومة من ذهب !! صار موظف بالرياض .. صار موظف هنا .. !!! ما احتاجت تبحك المعلومات جتها على طبق من فضة .... مدينة الملك فهد الطبية اجل ؟ فازت باليناصيب
دخلت ابتسام وبيدها صحن كبير معجنات حطته على الطاولة : اهلين والله نورتوا البيت .. تفضلو ياجماعة مدو يديكم مافيه شي من قيمتكم والله
ام نايف وهي معجبة باستقبال ابتسام ماخاب ظنها فيها هذي الكنة اللي ترفع الراس .. اما ابتسام خذت مكانها جمب ام نايف .. ابتسمت ام نايف وقالت بهمس بينها وبينها : وكيفك مع نـايف ؟ ان شاء الله مو مزعجك
ابتسام : لا خالتي وش مزعجني .؟ نايف مافيه منه .. وامورنا تمام ابشرك
ام نايف ارتاحت من قلب : الله يهنيكم ويهنيه فيك .. انا اشهد اني عرفت اختار
ابتسام استحت من ام نايف : والله انا المحظوظه فيكم خالتي
ميهاف : هههههههههههههه شنو يمه وابتسام ! من اللحين اسرار لاحقين علموني وش تقولون
سجى : جالسة تفضفض لها من نويف اجل .؟!
ام نايف : يمه الله لايقوله .. فالك ماقبلناه , الله يخليهم لبعض بس
ميهاف : هههههههههههههه اميـــن
ام فراس : وعقبال بدر وميهاف ان شاء الله
ام نايف من قلب : ان شاء الله
ميهاف : شنو يمه اشوفك مستعجلة تخلصين مني
دق جوال ميهاف استأذنت وطلعت للحديقة وردت : هلا حبيبي
بدر : هلا والله .. كيفـك ؟
ميهاف : ههههههههه على طاريك .. لسى امك تدعي لنا
بدر : هههههههههههههه لنا ولا علينا ؟
ميهاف : لا لنا لنا
بدر : اجل امني ياروحي .. كيف الزوارة مبسوطة ؟
ميهاف : أيـه .. لو تشوف بيت نايف ماتعرفه تغير 180 درجة
بدر : خل يرجع الحيوان من المالديف واطب اشوفه .. المهم حياتي انا تو طلعت من النادي وحبيت أتاكد منك
ميهاف : شنو ؟
بدر : عشانا .. مو عازمك انا بكرة .؟
ميهاف : هممم ما أدري يابدر للحين مترددة
بدر : لاا ميهاف تكفين .. تزعليني منك كذا
ميهاف : عارفة بس ..
بدر : عارفة .؟ يعني يهون عليك زعلي عادي ..؟
ميهاف : لا مو كذا بس .... ( كملت بتردد ) خلاص حياتي ان شاء الله بكرة
بدر : امرك ولا نتقابل هنـاك
ميهاف : لا صعبة تمرني اخاف يشوفك احد .. هات المطعم وانا بجيك
بدر بلهفة : اشوفك بكرة اجل
ميهاف : على خير ..
سكرت ميهاف وهي مو مصدقة انها وافقت ... كانت مقررة ترفض وتقوله لكن انغلبت على عواطفها ووافقت .. دخلت لداخل وراحت للمطبخ عند ابتسام اللي كانت تصف الفطاير بصحن : ابتسام .. اساعدك بحاجة .؟
ابتسام ابتسمت : لا تسلمي ياعمري .. روحي ارتاحي انا لاحقتك
ميهاف : اوك
دخلت ميهاف لداخل وانسجمت مباشرة مع الاجواء وجلسة البنات والسوالف .. بعد العشاء والحلا ..
ام فراس : اسماء .. روحي شوفي ياسمين وينها .؟ بدر شوي ويجي
اسماء : يله قايمة
طلعت اسماء تدورها بكل البيت .. واخر شي ضرب حظها بالحديقة كانت جالسة مع مجموعة بنات للحضور : شجالسين تسوون ؟
ياسمين بذهول : اسسوم ! تعالي شوفي خولة كيف تحرك اذنها
اسماء : عادي حتى انا اعرف !
ياسمين : نصابة ماتعرفي .. خولة وريها
حرك خولة اذانيها واسماء بدهشة : يمه ! كيف تحركينها .. اصبري بجرب
اسماء وهي تجرب : تحركت
وكلهم يطالعونها باستخفاف : لا ماتحركت ماتعرفين !
عند ابتساء داخل بنص ماهي جالسة دق جوالها : هلا هيثم
هيثم : ابتسام .. انا عند بيتك فيه اوراق عطيتك اياها لما كنا بجدة معاك ؟
ابتسام : ايوه معاي
هيثم : طلعيها لي اجل
ابتسام : تدخل تتعشى .؟!
هيثم : لا ابتسام فرصة ثانية .. مستعجل طلعي لي الأوراق وبس
ابتسام : ان شاء الله
خذت ابتسام الأوراق وفتحت الباب دخل هيثم لداخل واخذ الأوراق عقد حواجبه : ناقصة وحده ابتسام !
اسماء اللي كان جالسة مع البنات تجمد كلش فيها " صوته .. صوته صوته متأكدة ! " التفتت بصدمة وهي تشوف ابتسام داخله لداخل وهو واقف وبيده اوراق وبالثوب الابيض دون غترة او شي وطالع يفتن رغم ارهاق شكله والهالات السوداء تحت عينه .. مانتبهوا لها مع مجموعة البنات اللي جالسين بجلسة جانبية بعيدة نوعا ما بالحديقة الكبيرة واللي بعضهم رغم صغر سنهم كانو اكبر منها حجم .. اللي صدمها التفت بعيونه يطالع " البنات الصغيرات " الجالسات وهي لفت راسها مباشرة وماكان شكلها شاذ بينهم .. بلعت ريقها وكلش فيها متجمد " شتسوي ؟ شتسوي ؟ شتسوي ؟ ليش ما انتبه وش هالموقف " رماهم بنظرة عشوائية ورجع يزفر وهو يطالع الساعة ..
ياسمين شهقت : اسماء وش جالسة تسوين فيه رجال هنا ؟!
اسماء همست لها : هشششششش .. اصكتي وش اسوي ؟!
ياسمين وصديقاتها كلهن صارن في فوضى بينهن : تبين نقوله يوخر ؟
اسماء بحمق وهمس وهي منحرجة من موقفها : هششش الله يلعنكم بزارين .. أسكتوا شوي خل اركز اشوفه
شهقن : تششششوفينه !؟
اسماء وهي شوي وتبكي : اسسكتن !! اسكتن !
طلعت ابتسام وعطته الورقة : هذي هي
هيثم : ايوه .. يله اجل
ابتسام : في امان الله .. ترا لازم تجي بكرة تشوف بيتي
هيثم : نشوف ..
طلع واسماء احباطها زاد .. ليش مالاحظها . ؟ لسببين : يكون نساها وهذا يزعل .. يكون مالاحظها وشكلها زي شكل أي مراهقة ثانية وهذا يزعل ! تنهدت باحباط وقامت لداخل قابلتها ام فراس بعبايتها : وينك ؟! ارسلك لشي تقعدين لي سنة .. يله بدر برا
اسماء باحباط وهي تمر لداخل : زييين
طول الطريق كان ساكته على غير العادة , اول ماوصلوا صعدت لغرفتها وهي ماتوقعت تكون بهالاحباط اذا شافته تنهدت بضيق وهي تتذكر شكله .. بطوله الملفت وشعره البني الأغبر وعيونه الرمادية وعوارضه تنهدت شتسوين يا اسماء مبتلا قلبك يحب واحد بعيد .. بعيــد ؟! لا لحظة ليش بعيد ..؟ عرفت وين يشتغل بكرة بروح اخذ طله صغيره بس .. لا اسماء انهبلتي وش تروحين اعقلي ..! لا عادي وش بسوي يعني بلا نظرة من بعيد .. حرام يعني ؟!
صحت بدري افكارها ماساعدتها تنام اساسا والصبح وقت مناسب تطلع وترجع دون ازعاج اسئلة .. لبست عبايتها ونظارتها الشمسية وطلعت مع السواق : مدينة الملك فهد الطبية
وصلت المستشفى ونزلت وهي تحس بتردد .. تمشت تمشت لكن المكان كبير ماتقدر تطيح فيه صدفة راحت لقسم الجراحة , وسألت الاستقبال : ممكن اعرف فين الدكتور هيثم مشعل .؟
الاستقبال : الدكتور هيثم مو هون
اسماء باحباط : بيطول ؟
الاستقبال : ماخذ اجازة هالكم يوم ..
اسماء بعد كل هذا مو هنا .. رجعت تجر رجلها لبرا وانخذلت مشاعرها للمرة المليون !
***
جـدة /
فور وصوله توجه لبيت عمه أبو احمد .. فتح الباب خالد : ابوك موجود ؟
خالد : ايه داخل .. تفضل
هيثم : لا ماني جاي اتفضل .. قوله هيثم برا
طلع أبو احمد وقال بخشونة : شجاي تسوي .؟
هيثم : جاي انبهك تسحب هالقضية قبل اقلبها فوق راسك
ابو احمد فتح عيونه وقال بعصبية : احترم نفسك هيثم ! صاير لسانك طويل .. مهما كان انا عمك !
هيثم بتشديد على الحروف : اسحب القضية قبل أقلبها فوق راسك !
ابو احمد : ورني شطارتك !
هيثم : كذا يعـني .؟
ابو احمد : ايه كذا !
هيثم : بما انك رايح توصلها للمحاكم .. اكيد عندك خبره .. فممكن اسألك وش حكم الخلع من السكير .؟
ابو احمد : حتى اذا صار خلع ماراح تجلس البنت عندكم
هيثم : انت غبـي .؟! الحضانة لأمها بغياب ابوها .. يعني ولا أكبر محكمه راح تعطيك حق الحضانه لو تموت
ابو احمد : انا راح اسحب كل هذا بشرط !
هيثم : .................
ابو احمد : تدفع ابتسام الغرامة
هيثم : كذا يعني .؟ هذا اخر كلام عندك ؟
ابو احمد : ايه هذا اخر كلام ..
هيثم : اذا تحسب انك بتسحبني انا واختي بالمحاكم ترا غلطان .. اللي يهايط دون منطق ياكلها كلها بالأخير , ومحكمة اليوم بتفهمك كلامي هذا
ابو احمد : خلاص انا راضي بالنص .. تدفع ابتسام نص الغرامة ..
هيثم بحدة : ولا هللة ..ولدك بينثبر بالسجن هذي حقيقة تقبلها , اشوفك بالمحكمة اليوم
***
المساء – الرياض /
طلعت ميهاف من غرفتها بعبايتها الملفته .. ونظارتها الشمسية وشنطتها الكلتش والكعب الملفت وريحة العطر المنتشرة وماكان احد بالبيت فطلعت مباشرة مع السايق .. فور وصولها انتبهت لبدر ينزل من سيارته بشكل ساحر وطوله الملفت كعادته بنطال كحلي جنز وشيرت ابيض وجاكيت جلد اسود وكاب " اوبي " وجزمة رياضية
ميهاف : طولت ؟
بدر : لا عادي حياتي .. تو وصلت .. ندخل .؟!
ميهاف بربكة : ايوه
دخلـوا بغرفة خاصة وجلست ميهاف وهي تحس الجو متوتر .. بدر : روقي اعصابك ليش متوترة كذا ؟
ميهاف : لا عادي .. مو متوترة
بدر : نزلي هاللثمة خليني اشوفك
ميهاف نزلت لثمتها .. وبدر كان منسحر وحاسد حتى نفسه وهو يشوف جمالها وانوثتها في كل تفاصيلها : ملكة .. والله ملكة ياعمري
ميهاف توردت خدودها : من ذوقك
بدر : ههههههههههه وين لسانك اللي بالجوال .؟!
ميهاف : ههههههههههه موجود .. بس غريبة فين المنيو .؟!
بدر : مايحتاج انا طلبت خلاص
ميهاف : لا .. وايش طلبت لي ؟!
بدر : حاجة تحبيها وبس
ميهاف : واذا ما اعجبني .؟
بدر حضن يدينها بيديه : خلاص حياتي .. مو واثقة بذوقي يعنـي .؟
ميهاف طالعت يده بعروقها الفاتنة وحاضنة يدينها الناعمة : ..........
وصل الطلب , ابتسمت ميهاف وهي تشوف طبقها المفضل برياني : يعطيك العافية ياقلبي
بدر : يعافيك .. قولي بسم الله
ميهاف بتوتر : اقول بـدر ..
بدر : هلا
ميهاف طالعته لفترة ثم قالت باحباط : لا خلاص
بدر : شنو قولي .؟!
ميهاف : خلاص بدر مافيه داعي
بدر : ميهاف بزعل عليك والله .. تكلمي ولا ماراح اكل
ميهاف : هممم .. يعني هو متى ناوي زواجنا .؟
بدر مافكر بالموضوع اساسا .. استغرب السؤال : كيف يعني متى ؟
ميهاف : قصـدي .. الخطبة يكون الهدف منها الزواج .؟ وحنا صارلنا مخطوبين فترة فأبي اعرف متى الزواج او متى ناويه .؟
بدر حاس بفمه : تصدقين مافكرت بهالموضوع اساسا
ميهاف عقدت حواجبها : مافكرت ! اجل شلون .؟ ناوي نكمل حياتنا كذا ؟
بدر : لا مو قصدي نكمل حياتنا كذا .. بس كيف اقولك ماعمره الزواج كان على بالي
ميهاف قهرها رده البارد : ومتى راح يكون على بالك ان شاء الله .؟!
بدر : هاو ميهاف شفيك عصبتي .؟
ميهاف : ولا شي .
بدر عقد حواجبه : مو شايف الزواج فكرة مناسبة اللحين .. انا لسى صغير ومايناسبني ارتبط اللحين
ميهاف : وهاللي بينا اللحين شاسمه يعني .؟ مو ارتباط .؟
بدر : الزواج غير وانتي عارفه .. بيت ومسؤولية وبعدها بزران وغثا
ميهاف رفعت حواجبها : وغثـأ ؟
بدر : ايه .. لايكون تحسبي الزواج يعني مجرد حياة وردية .؟ الا غثا وردا كمان
ميهاف : يعني انا بمرحلة من حياتك فالمستقبل راح اكون غثا .. هذا اللي تحاول توصلـه ؟
بدر : وانا قلت انه انتي .؟
ميهاف : هذا اللي واضح من كلامك . اجل ايش الغثا بالضبط .؟ من فيه غيري يعني ؟
بدر : ميهاف لاتقوليني كلام ماقلته ..! انا كل اللي قلته حنا لسى صغار ولاحقين على المسؤولية والغثا
ميهاف : اجل انا اعطيك اياها من الاخير مسيو بدر .. انا اعفيك من هاللحظة عن مسؤوليتي وغثاي
بدر بعصبية : انتي وبعدين معك ..؟ مايسوى علي عزمتك اليوم مشتاق لك قلبتيها نكد .. من نزلتي وانتي تتصيدين كلامي تنتظرين الزلة تحاسبين عليها
ميهاف : انا ..؟ انا انتظر منك الزلة !!!
بدر : ايه تنتظرين .. كان قلتي مابي اطلع معاك وفكيتيني من العشاء النكدي هذا
ميهاف : ولا يهمك استاذ بدر .. انا افكك منه من عيوني انا طالعة
بدر : باللي مايردك سديتي نفسي على الفاضي !
ميهاف طالعته بقهر .. وطلعت وهي معصبة وزاد قهرها لما طلعت وانتبهت الكل يطالع مكان غرفتهم احراج بجد .. هي الغلطانة اساسا اللي طلعت معه ! دقت على السواق ورجعت للبيت وهي منقهرة بداخلها
***
طلع هيثم من المحكمة وفاز دون كلافة .. لان الحق حق والباطل باطل , طالعه ابو احمد بقهر ومد اصبعه بتهديد : يعني كذا ! والله لاعلمها بالسالفة المخبية عليها واشوفها تتحطم قدامكم
هيثم مسك ابو احمد من ياقته وسحبه بقوة وهو شاد بقبضته : تراني سكت لك كثير .. هددت بالمستشفى ومشيتها .. حستنا بالمحاكم ومشيتها .. اذا ماعندك نية توقف هالمهزلة بدخل هالمحاكمة المرة الجاية في محاكمة قتلك ... " نفخ" هالموضوع ينطرى مرة ثانية على لسان مين من كان راح تندم ومو لحالك انت واللي حولك كلهم !
ابو احمد : اجل ادفعوا الغرامة ! هذا ولد عمكم !
هيثم وهو يشد على ياقته اكثر : بسك شحذ غثيتني ترا .. ماراح ندفع يعني ماراح ندفع ! واذا بخاطرك تشوف لي وجه ثاني ماتعرفه فكر بس تكلم غادة ..
افلت ياقة ابو احمد .. وطلع من المحكمة وهو بعقله مستعد لجريمة بيسويها فيه من جده لو يزودها اكثر من كذا
***
الكـويت – 7 مساءا /
مؤسستها الصغيره مزدحمة بالافتتاح .. والكل يتجول بالارجاء ابتسم وهو ينزل من سيارته ويطالع المكان .. كان لابس بدلة رسمية سوداء طالعه شبابية عليه دخل وعيونه تدور عليها رغم انه ازدحم لكثرة الوجيه المألوفه من رجال الاعمال ولازم يسلم عليهم .. اثناء ماهو يتكلم مع شخص انتبه لها تمشي بالمكان بحركتها السريعة المعتادة اللي تحسسك انها مشغولة على طول حتى لو ماكانت مشغولة اشتاق لها بكل تفاصيلها شكلها بسيط مثل ما أعتادها مشى لناحيتها .. وسارا انقلب وجهها المعنقد وهي تكلم المسؤول عن تقديم الطعام لابتسامة : اهلييين لؤي .. متى جيت ؟
لؤي : اللحين .. " كمل بلهجة اشتياق واضحه " كيفك سارا ؟
سارا : تمام .. انت كيفـك ؟
لؤي : صرت تمام ..
قاطع محادثتهم الصغيره والعتب بعيونه .. احد المسؤولين : سارا تعالي اقدمك للمسؤول
طالعت سارا لؤي : همممم شوي بس ..
لؤي : روحي سارا .. نكمل بعدين ..
هزت راسها وراحت .. اما لؤي انسجم مع المتواجدين ولو ان نص وقته كان يلاحقها بعيونه أي شخص يقدر يلاحظ الحب بعيونه توجهت له من بعيد : سوري لؤي تركتك .. بس بجد انشغلت ماتوقعت كل هالعالم
لؤي : وايش جايبـك اللحين .؟ هالمناسبة مهمة ترا هنا تأسسين نفسك وفرصتك تكسبين اللي تقدرين عليه فروحي انسجمي مع المكان
سارا : هههه مو عارفة حاسه بتأنيب ضمير
لؤي : ماراح تكسبي حاجة اذا تكلمتي معاي .. الشركة اللي انا اشتغل فيها نافيتك روحي شوفي حاجة تنفع
سارا : هههههه كانك تطردني .؟
لؤي : ههههههه والله كيفك حابه تجلسي اجلسي .. بس انا انصحك
سارا : اوكيه رايحة .. بس راجعه
لؤي ابتسم : طبعا
***
تنهدت ابتسام وهي جالسة وتشوف غادة على اعصابها وشوي وتنفجر من العصبية : خلاص غادة بسك وش هالاعصاب التالفه اللي عندك !
غادة : يابردك يا ابتسام !! هيثم مايرد وانا ابي اشوف شخبار بنتي
ابتسام : يعني انتي ماتتذكري اول .. كان مايرد بالايام مشغول !
غادة : ينشغل بكيفه وقت تطلع من المستشفى .. طول ماهي موجودة يرد غصب عنه
ابتسام سحبت جوالها من يدها : خلاص انثبري .. هيثم مسؤول اكثر منك ترا فارتاحي بنتك بمستشفى ترا مو بالشارع
غادة : طيب رجعي الجوال !
ابتسام : ما حارجعه .. لي ساعة ابي اقولك سالفة مو عارفة بسبب هالجوال
غادة دون نفس : تفضلي قولي سالفتك اسمع
ابتسام : خير تتكلمين ومالك نفس ! ماراح اقدر اتكلم ..
غادة : يالله يا ابتسام مالي خلق بجد .. غصب يصير لي خلق
ابتسام : ايه غصب .. يله افردي هالوجه الماصخ
غادة ابتسمت بتغصب : استانستي .؟
ابتسام : ايه استانست .." كملت بحماس " المهم اسمعي انا سجلت بمعهد انقلينزي
غادة : وليش ان شاء الله ؟
ابتسام : لاني هالفترة فاضية .. طول ما طال عمره ع قولته ماراح ينقص من اجازته دقيقة وحده فأتسلى واتعلم وبصراحة لما رحت المالديف حسيت بعجز وانا مو فاهمه بالانقلينزي شي
غادة : حـلو .. قواك الله تعلمي
ابتسام : ايوه حأتعلم .. وكمان افكر بدورة حاسب وكلش
غادة : وش هالحماس فجأة ..؟
ابتسام : لأني صرت قادرة غادة .. واي مهارة بتنفعني ابيها , ما ابي اصير جاهلة وسط هالمجتمع وتطورهم وامكانياتهم ! قد ما أقدر ابي اصير اليق بمقامي
غادة تنهدت : بتتوظفي يعني .؟
ابتسام : ليش لا .. اساسا بيني وبينك انا احس نايف هذا مايعتمد عليه , تدرين اللحين جالسة ادفع من مهري وقرب يخلص وهو مايرد عشان اطلب فلوس .. وانا اساسا تعرفيني ما أحب اطلب من احد احب اصرف من جيبي دون اطلب ويحاسبني وما أدري ايش
غادة : بجد انتي ماكلمتيني عن نايف .؟ كيفه يعني رجال .؟
ابتسام اخيرا صارت مع شخص تقدر تفضفض له : بصراحة يعني غادة .. انا مو نادمة على هالزواج ولا حتى واحد بالمية بس انصدمت بهالانسان
غادة : ليش ؟
ابتسام : في يده وصدره تاتو ..
غادة : متاكدة ..؟ يمكن حاجة ثانية
ابتسام : متأكدة .. ماسألته ولا كلمته عنها بس انصدمت بجد وقت شفتها " تنهدت " ويشرب
غادة : ابتسام .. ادري مو حاجة حلوة بس انا وانتي تعودنا على هيثم وهيثم واحد من مليون عشان كذا ننصدم من هالاشياء ! لكن معظم الرجاجيل يشربون ومعظهم يخونون اذا مو كلهم .." كملت بهم " دامه مايضرك وحاطك بهالعز كله احمدي ربك وكملي
ابتسام : معك حق ..
غادة : ههههههههه بس بيني وبينك والله التاتو رهيب نفسي اجربه
ابتسام فتحت عيونها : غااااااااادة !
غادة : والله بجد شكله خطير يختي
ابتسام : اغسل ايدي منك اجل .. انا قايمة انام نامي وارتاحي وخلي منك التدبيل على هيثم
غادة : نوم العوافي
ومجرد ماطلعت كملت " تدبيل " على هيثم .. وهي مصممة تعلق لين يرد ولا ماراح يجيها النوم
***
مجرد مافضت المؤسسة وانتهى الافتتاح كانت جالسة معاه لحالهم عند ركن المشروبات وقهوتها بيدها : ماقلت لي .. ايش رايك .؟
لؤي : شغل مرتب ما شاء الله .. بس لو تعبانه على التكييف شوي كنت بكون شاكر
سارا : ليش .؟ احس برد مرة
لؤي : أي برد ؟ .. بموت حر
سارا : مو من صدقك ..؟ انا اقول بجيب ميكانيكي يخفف البرودة
لؤي : والله حر .. وانا مافيه شي يقفل باخلاقي اكثر من الحر
سارا : هههههههههههه بسم الله ع اخلاقك .. خلاص ماراح اغير التكييف
لؤي تسند بمرفقه على الطاولة وراه ورفع راسه يتامل السقف كانه يستحضر الحكي : سارا
سارا التفتت له : هلا
لؤي عدل راسه وطالعها وبنبره هادية : ايش معرفتك بهيثم .؟
سارا : للحين مانسيت
لؤي : كيف انسى وانا مانمت ليلي يومها افكر
سارا : هيثم زميلي .. كان زميل دراسة وصار من اعز اصدقائي عرفني على السعودية وساعدني بكثير مواقف
لؤي : اها
سارا : سمعت كثير عنك الفترة هذي منه
لؤي ابتسم : بجـد .؟ وما تهيجتي بيوم توصي لي سلام معاه .؟
سارا ارتشفت من قهوتها دون ترد ...
لؤي : مو كويسة القهوة اللحين ما راح تعرفي تنامي
سارا : ما أقدر اجلس ساعتين على بعض دون قهوة
لؤي : اوه مدمنة قهوة اجل ؟
سارا : بقوة
لؤي مد يده وسحب الكاس منها وحطه على الطاولة : بس يضل مو زين عليك تشربينها بالليل وهذا الكاس الثاني خلاص
سارا : اجل زوج اخت هيثم اخوك .؟
لؤي : يب .. هذا نايف تكلمت لك عنه كثير
سارا عقدت حواجبها : اللي يطلب منك فلوس .؟
لؤي : هههههههههه ايوه نفسه
سارا : وشفت اختك كمان .. ماتشبه لك نهااائي
لؤي : ههههههه شفتي دلوعتنا .؟
سارا ابتسمت : بسم الله عليها قمر .. بس تصدق اخوك فهد يشبه لك نوعا ما نفس العيون
لؤي : وأعجبك الجو عند أهلي .؟
سارا : بصراحة ميهاف لانها اختك تجنن وروحها حلوه .. بس اخت فراس سبحان الله العرق دساس وقحه وماتنطاق
لؤي : غربية عليها اسوم
سارا بانفعال : من جدك .؟ تخيل من تشوفني تحارش , من شفتها عرفت انهاا اخته ولما سالت طلعت صدق اخته
لؤي : ههههههههه هذي مفروض زوجتي عاد
سارا استوعبت : صاح .. انت تقول خطبت اخت فراس قبل , هذي هي .؟
لؤي : يب يب
سارا : شايف من كثر ماهي ماوراها سالفة رافضتك .. الله بيعوضك احسن منها ان شاء الله
لؤي : موجودة اللي احسن منها .. بس ماتبيني شاسوي اذا حظي طايح .؟
سارا اختفت ابتسامتها وهي متأكدة انها المقصودة : ...............
لؤي : لا تتكدري ... انا ماصدقت اشوفك تضحكين
سارا : لؤي انا .. مو عارفة شأقول ..؟ احس غلط اندفع معاك .. وغلط اكافئ كرمك معاي باهمال تام
لؤي : اذا دافعك لانك تجلسي معاي عشان تردين على كرمي لاتجلسي معي رجاء .. حياتي مليانه ناس ينافقوني مو محتاجك تنافقيني انتي كمان
سارا : لاا .. انت عارف ان اللي بينا مو كذا
لؤي تنهد بضيق : لا سارا .. ماعدت عارف وش اللي بينا اساس كنت اراضي نفسي واقول زميلة عمل بس انتهت هالعلاقة .
سارا قاطعته : انا صديقتك .. ماتقدر تنكر هالعلاقة
لؤي وعيونه بعيونها : ماعدت اشوفك صديقتي .. نظرتي لك تغيرت " هز راسه " مهما حاولت احط خطوط ماعاد اقدر ابي منك تكوني اكثر من كذا
سارا حبست دمعتها وهي تكمل بضيقة : اتمنى .. والله اكثر من أي شي بهالدنيا اتمنى اكون اكثر من صديقتك , بس ..
لؤي : بس حبي من طرف واحد .. تصير عادي
سارا : لا لاتقول كذا .. مو من طرف واحد انا .. انا
لؤي مسك يدها وابتسم : عادي سارا لاتجبري نفسك .. " كمل يلطف الجو " ههههههه والله انا حيوان حطيتك تحت ضغط بسبب هالمؤسسة لا بارك الله فيها
سارا سحبت يدها من يده وقالت باندفاع : لا تقول كذا ! انا ماناديتك اليوم عشان ارد لك دين .. ولا جالسة اقول هالكلام عشان احس بتأنيب ضمير .." كملت بقهر " لؤي انا بجد بجد احبك بس حاسة طريقنا صعب
لؤي كان احد صفقه لما قالتها .. توسعت عيونه العسلية فوق وسعها ارمش اكثر من مرة : شنـو .؟ عيديها ..
سارا توردت خدودها وقالت بصوت خافت : احبـك ..يعني ماكنت تعرف .؟
لؤي : وكيف بعرف .؟ وانتي تصديني وين ما أجيك .. اعترفت لك مرتين وطنشتيني كيف بعرف !
سارا : بس طريقنا صعب مثل ماقلت لك ... وانا مقدر اتعبك واتعب نفسي بطريق نهاية مسدودة
لؤي : وكيف تقولي مسدودة ! لاتحكمي من نفسك.. وانا مستحيل اتعب بطريق دامك جمبي
سارا كانت عيونها التركوازية تلمع دموع .. خلاص العاطفة تغلب كيف تقدر توقف بطريق الحب اذا اختارها , حضن يدينها الثنتين بيدينه وكمل بعيون تنطق بالصدق : صدقيني مستحيل اتركك مستحيل اتنازل عنك اذا انتي اخترتيني .. انا تو فهمت وش معنى يكون انسان كل حياتك
سارا نزلت دمعة ماقدرت تمسكها .. ايه تحبه كان واضح لها من البداية انها تحبه وحاربت بس حبه كسر حواجزها استسلمت ونزلت حصونها عن قلبها , ليش تفكر كثير ..؟ بتعيش لحظتها ابتسمت وسط دموعها .. ابتسم لها وهو ينزل لمستواها ويترك لشفته حرية التلامس مع شفتها ويسجلون بتاريخ حبهم " قبلتهم الاولى "

كملي عمري متابعتك وعجبتني روايتك وعندي فضول اعرف كيف اسوم تقدر توصل لهيثم . اما اكثر شخص حزنت علليه غادةة يعني عن جد شخصيتها فرقت كثير ما بين بداية الرواية واخر فصل في تغير كثير بشخصيتها وحاسة نهايتها تكون مع فراس . اما بتسام طلعت عن جد بنت شخصيتها قويه ويعتمد عليها حبيتها من الاول وعشقته شخصيتها في النهاية اهتمامها باختها والدها يجنن . كملي حبيبتي ومنتظرتك لا طولين .