بالانتظار

" البارت الثالث عشر "
اسماء ماصدقت المنظر !! معقولة ؟ هي قالت لأم نايف تخطب من جدة بأسم انها تحبه بس ماتوقعت اللي ينخطب وحده تقرب له ... رفرف قلبها لفوق ابتسمت بقوة حتى بانت اسنانها يعني حلم هيثم مو بعيد ؟!! هذا هو قريب نطت من الفرحة : يسسس يييـــسس !!
رجعت لداخل وهي تغني : جمعتنا صدفة .. واحلى صدفة بعمري , طب رايح فين ؟ ماتخلي ألبي بشوفتك يطير
ياسمين طالعتها بنص عين وهي تمشي تغني : حمد الله والشكر
اسماء مسكت ياسمين وباستها بخدها باقوى ماعندها : اااااااااااااااا اححححبببببببببببككك احلى اخت بعمري
ياسمين مسكت خدها وهي مصدومة !! اول مرة تسوي معها حاجة حلوة بحياتها !!
اسماء كانت طايرة .. كانه حلم وتحقق بالنسبة لها صار مو بعيد تقدر توصله
***
في الظلال بسيارة بدر /
كان جالس جمبها وحاضن يدها بيده طبع بوسه على ظهر يدها بنعومة : مو مصدق هاللحظة , عمري وحياتي كلها جمبي
ميهاف : هههههه يمكن مو صدق , يمكني وهم
بدر : راضي والله لو جنية
ميهاف : المهم عيوني مقدر اتأخر لازم ارجع بسرعة
بدر : استني شوي طيب .. ماودك تاخذين هديتك ؟
ميهاف : إيش ؟ لا حياتي وش داعي الكلافة وربي ما يحتاج
رجع بدر بجسمه لورا واخذ كيسة متسوطة الحجم وحطها بحضنها وقال وهو يطالعها بنظرات ناعسة : أنتي خطيبة بدر مو حي الله .. وخطيبة بدر تحتاج كلافة واكثر
بنص انسجامة دق جواله تافف وهو يشوفه .. ميهاف بفضول : مين ؟
بدر : اسماء !! من دخلتي السيارة وهي تدق
ميهاف : طيب رد عليها
بدر : تنطق مو فاضي لها .. خليني معاك انتي بس
ميهاف مسكت الكيسة : افتحها ؟
بدر ابتسم : افضل تكوني لحالك وانتي تفتحينها
ميهاف : ههههههههه ليش ؟
بدر : براحتك تبي تفتحيها اللحين افتحي
رجع جواله يدق بدر وهو شوي ويمعط شعره : افففففففف !!
ميهاف : ههههههههههه روق شوي
مسك جواله وصمته : وكذا تنخرس للأبد , ولعنه بعد وش هالبثارة
ميهاف : اجل بفتحها بعدين .. يله قلبي انا رايحة
بدر تنهد : الله يعين قلبي مبتلا يشتاق طول عمره
ميهاف نزلت وهي مبتسمة بحالمية .. وتبي تفتح الكيس بس تركته على جمب وراحت لأهلها حاليا كانت اسماء واقفة ويدها على خصرها قدام امها وصاخبة كعادتها : ليش ؟ لماذا ؟ عللي ؟ فسري نفسك ؟!
ام فراس : هاو ! وانا وش دخلني ؟
ام عبد المجيد : اسماء انجنيتي ! اركدي شوي
اسماء تربعت قهر بنص الصالة : ماااااااابي وينه ؟ وين دعوة امي علي بدر ؟
ميهاف فتحت عيونها : شفيك انتي شصاير ؟
اسماء التفتت لها بنظرات نارية : جييييييييتي ؟!! بدر يسكرها بوجهي الحيوان دقي انتي ماحيسكرها بوجهك
ميهاف : طيب ليش كل هالحوسة شصاير ؟
ام نايف : تبي واحد مصور الملكة .. وفراس يقول ماصور ولؤي يقول مدري .. ونايف وبدر مايردون
ميهاف : ههههههه ووش تبين بالصور ؟
اسماء وقلبها يدق : كيفي ! حرة ! بتمقل بها ! بعلقها ! ابيها وبس
ميهاف : طيب روقي ليش معصبة
اسماء : لان لي ساعة اشحذها !
ميهاف مسكت جوالها ودقت : الو
شهقت اسماء : رد !! رد عليها وانا ساحب علي
بدر : امداك تشتاقي
ميهاف وردت : هههههههههه مو كذا .. بس نبي كاميرا تصوير الملكة معاك ؟
اسماء خطفت السماعة : خير ان شاء الله ! ليش ماترد علي ؟ عدوتك تسفهني وترد عليها هي
بدر : هلااا اسوم
اسماء تتهزا به : هلاا اسوم
ميهاف سحبت السماعة : افففففففف اركدي ولا ترا بسكرها ومافيه كاميرا
بدر : هههههههههههههههههههههههه كل هالمكالمات عشان الكاميرا
ميهاف : شاسوي بها هبلة
بدر : مدري انا ماصورت اتوقع مع نايف
ميهاف : اوكيه , شوف نايف طيب
بدر : من عيوني .. كم ميهاف عندي انا ؟ وحدة واموت فيها
ميهاف عطت الموجودين ظهرها وهي تعض شفايفها بربكة : ههههههههههه اوك
بدر : هههههههههههه اوك ؟
ميهاف تبيه يفهم : ايه هذي امي عندي , تبي تسلم عليها ؟
بدر : ههههههههههههههههههههههههههه لا سلامتك فهمت خلاص .. يله احاكيك بعدين اجل
ميهاف : اوك
اول ماسكرت والتفتت كان اسماء تقزها بنص عين : ايه ؟ وبعدين ؟
ميهاف : شنو .. خلاص يقول بشوف نايف
اسماء : اكيد نايف ماصور بعد وش هالاحباط .. المعرس كيف بيصور يعني
ميهاف : لا نايف دايم يصور .. واذا ماصور يعطي كاميرته احد يصور مكانه
اسماء : آممميييين
ام فراس : الله يفشل العدو , ماتستحين على وجهك وش تبين بصور الرجاجيل
اسماء بهمس : من زين عيالكم بتمقل فيهم .. ابي اشوف الخفوق بس
بعد فترة دخل انس بالكاميرا : هذي الكاميرا ويقولون الرجاجيل اخلصو تجهزوا بنرجع خلاص
خطفت اسماء الكاميرا من يده وحطتها بشنطتها .. انس : هيييه انتي حقت نايف يقول رجعوها
اسماء : يجي يقابلني نايف !
ميهاف : من جدك ؟ اغلى ماعنده كاميرته
اسماء : ماراح اكلها .. برجع البيت وبشوف الصور وبرجعها له
ام فراس : يله يا اسماء وياسمين البسن عباياتكن بدر برا
مجرد ماوصلت اسماء البيت دخلت غرفتها وسكرت عليها وطلعت لابتوبها وانسدحت على السرير بحماس وهي تمشي على الصور .. جلست تمشي وهي مكشرة نص الصور للحين بدر ونايف : ياليل ماشبعو وهم يصورون خششهم !!
اخيرا جت الصورة .. كان جالس بأناقة رجل على رجل ويده تحت ذقنه وبثوب ابيض وشماغ ابيض وجمبه لؤي ويسولف معه .. دق قلبها حتى حسته بيطلع من صدرها : فدا الجلسة الملكية انا .. يمه قلبي !!
انقهرت كانت الصورة الوحيدة له وثانية من بعيد ورا بدر ونايف وهم يصورون وهو ورا بكثير يكلم بجواله نسخت الصورتين وضمتها لصورته اللي لقطتها بالمستشفى وانسدحت تتأمل وهم تمرر باصبعها على ملامحه : ياجمالك .. ابي افهم كيف انت كامل كذا .. " تنهدت بحالمية وهي تبوس الصورة "
***
بعد صلاة الظهر .. دخل أحمد الشقة وتنهد وهو يشوفها على حالها من طلع منسدحة ومعطيته ظهرها وعيونها الحمراء شاردة بالجدار قدامها .. جلس على طرف السرير وتنهد : غادة
غادة : ..............
احمد : لا حول ولا قوة الا بالله .. ردي يابنت الحلال حسستيني ذابحك !
غادة : .................
احمد : احسن اجلسي على حالك لين تموتين .. اللي بيشوفها بيقول مجرمين فيها اللحين
سكر الباب وغادة على حالها .. دق جوالها وما استجابت كلش فيها جامد عكس تفكيرها اللي ثاير افكار امرضتها
***
فراس كان بمكتبه بدبي .. ويعيد حسابات كل شي , بعد انتهى حساباته ارخى جسمه على الكرسي وطق رقبته وهو يحس فيها توتر من الجلسة الطويلة على الأوراق .. رجع يشغل هاجسه شكل البنت أمس .. اختلطت ذكرياته بشوفتها بهالمنظر ذكريات فراس صاحب ال 20 سنة نفس الصراخ نفس الركض .. نفس الظهر يندار له نفس الإنحنائة اليائسة على الأرض والصوت المتهدج .. هز راسه يبعد هالذكريات المزعجة من راسه ومسك جواله ودق : هلا فراس
فراس : كيفكم ؟
ام فراس : حمد الله .. جالسين نستعد لليلة الحنا اليوم
فراس : اها .. اجل الزواج بكرة ؟
ام فراس : ايه .. مافيه امل تقدر تحضر؟
فراس : أقدر بس مابي .. اححم شصار لما رحت ؟
ام فراس : ما صار شي تعشينا وخلصنا ورجعنا البيت
فراس : مو قصدي كذا , قصدي شصار بالبنت ؟ ماعاد صار شي ؟
ام فراس : لا والله على علمك راحت مع زوجها ولا عاد سمعت عنها ولا سالت
فراس : هي مين ؟!
ام فراس : اخت زوجة نايف .. والله البنت وضعها حلو والحمد لله غريبة هاللي صار لها
فراس : اها .. حبيت اكلم واشوف شمسوين , مع السلامة
ام فراس : في امان الله
سكر السماعة والسالفة تعقدت براسه اكثر , من كلام امه ان زوجة نايف امها ميته معقولة يكون زوجها معه حق والبنت مجنونة ؟ .. جايز شيعرفني انا
***
بيت أم نايف .. كان كلش جاهز الحنايات صارو موجودات والجلسة التقليدية الأرضية , والأكل مجهز وموزع بكل مكان .. كانت مناسبة ام نايف المفضلة والكل متحمس للحنا الجيران كانوا موجودين بالفعل وميهاف عازمة صديقاتها عشان يشوفون زوجة نايف .... ميهاف كانت واقفة بالمطبخ مع نايف جلابية كحلية مذهبه فخمه مع روج أحمر ومكياج خليجي .. وشعرها المطعج تاركته مفتوح على وجهها وكعب ذهبية ماتستغني عنها
نايف : الحريم موجودات يعني ؟!
ميهاف بضجر : ايه كم لي اقولك !! يالبى لؤي من قلت له امي تقول اطلع من البيت ولا ترجع الا فجر طلع .. وانت تحقيق !
نايف : ايه لأني عازم بدر هنا !
ميهاف : لا والله من متى انت وبدر تتعازمون بالبيوت؟
نايف : نناشد الاستقرار لاتوقفين بوجهنا
ميهاف : والله انت كيفك .. خل امي بس تدري انك انت وبدر موجودين بتذبحك
نايف : مو كافي حريتي بتصادر مني بكرة وبعد تتشرطون !
ميهاف : البيت كله حريم يعني وش بتجلسون تسوون ماادري.. حتى ابوي بعد عمري مو موجود
نايف : بقول لبدر مالك امل .. يبي يجي كان يحتك بس ماله امل
ميهاف رفعت حواجبها : اييييواه ! يحتك ولا يكحل بالحريم ؟
نايف : كلها طبعا
ميهاف : اقول انقلع برا
نايف : على فكرة طالعة مزة
ميهاف : لا تتميلح اذلف
دخلت لداخل وهي ماسكة راسها : حشى مابغى يروح ..
اسماء كانت موجودة ولابسة فستان بوهيمي مخطط اسود ورمادي مع ياقه بخرز الوآن ناطعه واكسسوار بوهيمي مزين اطلالتها وشعرها الاشقر مسرمكته ستريت على غير العادة .. ومكياج ناعم كحل اسود وروج وردي خفيف ..
اسماء : هههههههههه يمكن جالس يتميلح يبي يقابل زوجته
ميهاف بسخرية : هه تمزحين ؟ اللي جاي يتميلح اخوك مو هو
اسماء : هههههههههههه بس ملاحظة شي ؟
ميهاف : شنو ؟
اسماء : ان زوجة ولدكم دايم متأخرة
ميهاف : مصيرها تجي .. تعالي متحمسة اوريك صورة الحنا اللي ناوية اسويه
اسماء فتحت عيونها : بتتحني ؟
ميهاف : طبعا ! اجل ليش اسمها ليلة حنا ؟ وانتي ؟
اسماء : نو واي ! تخيلي اتحنى بس وعع
ميهاف : وع بوجهك .. هذا حنا ياحبيبتي وش وع
اسماء تهلهل وجهها وهي تشوف ابتسام داخله .. صارت تشوفها هيثم مو ابتسام خلاص : هلا وغلا ومرحبا ومسهلا بعروستنا الحلوة , يااااحلوك بس
ابتسام انحرجت من هالترحيب : ههههه هلا فيك
اسماء حاوطت ذراعها : مستعدة لزواجك بكرة ؟
ميهاف سحبتها منها : وخري انتي تحككي بحريم اخوانك خلي بنتنا
اسماء بقهر : اخواني مقاريد ماياخذون الا شيون
ميهاف شهقت : احترمي نفسك !
ابتسام : وي حرام عليك احد حاصله ميهاف والله لو مو مخطوبة اخذها لأخوي وانا مغمضة
اسماء انهبلت : اخوك !!!
ابتسام : ايه جمال واخلاق .. ومكملة ما شاء الله
ارمشت ميهاف بعيونها .. اما اسماء قالت بحمق : زوجة اخوي وش تبين بها لاخوك مافيه !!
ام نايف طلعت : هلا ابتسام .. جيتي وجالسة هنا تعالي ادخلي الحريم ينتظرونك
ابتسام : هههههههه معليش خالتي خذوني بسوالفهن
دخلت ابتسام وميهاف اما اسماء وقفت وقشعريرة بجسمها : قال ميهاف لاخوها قال .. وانا فين ؟!
اثناء الجلسة وابتسام يدها بحضن الحناية تنقش لها .. جلست اسماء تراقب : ابتسام فين غادة ؟!
ابتسام بهم : ماحتجي .. مشغولة
ميهاف : اما كيف كذا ؟ لايكون ماحتجي الزواج كمان يكفي الشاليه واليوم
ابتسام : لا ياويلها .. بتجي اكيد
ميهاف طالعت با ابتسام : بس بتسوي يديكي ؟
ابتسام : ايوه
ميهاف : ليش ماتسوي ساقك كمان ؟! وترا اذا تبي مناطق خاصة عادي تسوي روحي لحالك معاها
ابتسام فتحت عيونها : كيف !!
ميهاف : هههههههههههه يعني زي ظهرك .. خصرك صدرك كذا
ابتسام حمرت : يا جرئك ياميهاف .. مستحيل نو واي
ميهاف : ليش عاد ؟! انا بروح معاها تسوي ظهري بصراحة
اسماء تفزع : لانك ماتستحين .. هي بنت تستحي جعلي فدا بس
ميهاف : شعندك انتي اليوم قالبة علي ؟! مو كأنك حاطة بخصرك اخر مرة ؟
اسماء فتحت عيونها وشهقت : انا ؟! يالنصابة !!
ام نايف : اسماء وميهاف قومو من ابتسام .. اشغلتوها واشغلونا عنها
اسماء : اسفين بس خلينا جمبها تكفين
ابتسام : هههههههههههههه اتركيهن خالتي مبسوطة بسوالفهن
طبت سجى بينهن : انا بشهد لميهاف .. اسماء يوم زواج فايزة تذكرين ؟! حطيتي بخصرك
اسماء : خير انتي قاطة اذنك عندنا من اول !؟ سكت دهرا ونطق كفرا
ميهاف : ماعليك منها سجو .. خلك مع الحق واسفهيها
ابتسام : هههههههههه عادي مو ناقدة .. بس انا مستحيل اقلها مو اللحين
سجى وهي ترقص حواجبها : متى اجل ؟
ابتسام وردت خدودها : يعني ... بعدين
اسماء : اسكتو لاتحرجونها .. متى ماطاحت الميانة متى يعني ؟!
ام نايف : اسماء وسجى ! قومن اشرفن على الخدامات بالعشاء
اسماء : ليش ماتقوم ميهاف ؟
ام نايف : ميهاف بتتحنى .. انتي وسجى معروف ماتتحنن بس مسويات ازعاج على الفاضي قومن
اسماء قامت : مقبولة منك , الله يسامحك بس اجل انا تحطيني مزعجة مع هالصاخبة سجى
سجى : ولا يهمك مرة خالي بنسويه اللحين
راحن .. وابتسام ضحكت بخفه : هههههههههه ياحليلهن يوسعن الصدر
ميهاف : ههههههههههههههه طول عمرهن كذا مو صاحيات
ابتسام : الله يسعدهن ان شاء الله دوم هالبسطة
ميهاف : وكيفك انتي ؟ مستعدة نفسيا للزواج والعيش بالرياض
ابتسام : صاعبين علي أهلي .. بس هذي هي الحياة وانا لما كنت بجدة كنت لحالي وامل بالبيت فأشوف حياتي احسن تعبت ارد خطاب و .. خلاص لازم اعيش
ميهاف : كنتي بالبيت لحالك ؟
ابتسام : ايوه .. من توفى بابا الله يرحمه .. وهيثم بالمستشفى على طول وغادة تزوجت
ميهاف : تصدقي افهمك نوعا ما يعني .. لؤي مسافر على طول مانشوفه وبابا نفس الشي .. نايف 24 ساعة برا البيت وماما على طول بزياراتها فتقريبا نص اليوم جالسة مع حالي
ابتسام : تقدري تسلي حالك .. يعني انا على انه قبل بوجود غادة وبابا بس توظفت وظيفتين اسلي حالي شوي
ميهاف : وظيفة ؟
ابتسام : ايوه .. يعني مو وظيفة صعبة خذي حاجة جزئية بنص اليوم بحيث ماتعارض دراستك وتكون تسلية لك تطلعي وتشوفي ناس وتتعرفين صدقيني بتنبسطي
ميهاف بتفكير : والله فكرة ,
ابتسام : جربي وادعي لي .. انا كان المتنفس الوحيد بيومي
***
وصلت سارا للمطار واستلمت شناطها .. انتبهت له يشر لها بيده يستقبلها ابتسمت وراحت لناحيته : قلت لك مافيه داعي تستقبلني !؟
هيثم : معك حق .. بس كنت طفشان على كل حال فقلت خل امرها واشوفها
سارا : وكيفك ؟
هيثم : حمد الله .. احمدي ربك جيتي ولا كان ابتسام ناوية عليك
سارا : ههههههههه فديتها بعد عمري كيف افوت زواجها
هيثم : توقعتك تفوتيه بعد ماتعرفي ان زوجها من آلشمري .. اعرفك حاقدة على العائلة
سارا تنهدت : خلاص ماعدت حاقدة عليهم .. ماعدت احس بشي ناحيتهم
هيثم : احسن لك .. انا من البداية قايل لك لاترجعي للشغل
سارا : شفتهم بمناسباتهم اجل
هيثم : ايوه شفت هذا فراس .. يصير ولد عم العريس
سارا كشرت : وعع وكيف ؟
هيثم : والله ماصار بيني وبينه احتكاك .. يعني عادي الرجال
سارا : وزوج ابتسام كيفه ؟ سنع ؟
هيثم : مقدر احكم .. بس ان شاء الله خير ماشفت عليه حاجة للحين يعني
سارا : اجل شكل كل العائلة ماشي وضعها الا هالفراس
هيثم : هههههههههههههههه سيبيه بحاله راح بخيره وشره
سارا : آممين .. يله وصلني لشقتي بما انك كلفت على حالك وجيت
هيثم : شقتك جمب شقتنا .. وبوديك مع ابتسام يكفي المسكينة لحالها من راحت غادة مع زوجها
سارا : من عيوني كم هيثم عندي ؟
***
يوم الزواج – مغرب /
كان بدر يسوق السيارة وجمبه نايف .. بكامل كشخته ثوب ابيض وغترة بيضاء والمشلح الأسود المذهب .. بدر ابتسم وهو يطالعه : مرتبك زي أول زواج ولا عادي ؟
نايف دون اهتمام : عادي .. مجرب وش بعد ؟! مافيه شي جديد
بدر : اظن لو مكانك واتزوج 10 مرات .. بكل مرة بيكون شعوري غير
نايف : لأنك نسونجي
بدر فتح عيونه : انا نسونجي ؟! وانت وش يعني ؟
نايف : انا عادي يعني .. حرمة زيها زي غيرها , لو املها زي نهى طلقتها
بدر : اقول اقصر الشر .. تطلقها من هنا تجيب لك امك جديدة من هنا .. ودامها حلوة ع كلامك خلها عندك
نايف سكت وهو يطالع القصر لما وصلـو وكيف راقي وفخم والأنوار تجهر العين طالع بمراية السيارة وضبط شماغه .. ونزل والكل كان يستقبله ومسك طابور السلام ..
ابتسام كانت هناك من بدري ومعها سارا بغرفة خاصة للعروسة .. وأهل العريس بغرفة خاصة ثانية , غادة وصلت على أذان العشاء ودخلت كانت ابتسام جالسين يحطون مكياجها وقفتهم لما شافت غادة داخلة : غغغدو ؟! هلا بالقاطعة .. احس سنين ماشفتك
ابتسمت غادة : هلا ابتسام .. اعذريني والله انشغلت
ابتسام : معليش فاهمة .. بس كل هذا تغلي عاد
غادة طالعت سارا : اهلين سارا .. جيتي ؟
سارا بمرح : هلا وغلا ومرحبا بأم كرشة .. افصخي عبايتك اشوف
فصخت غادة عبايتها كشت سارا عليها : هههههههههه مالت كلش فيك صغير حتى كرشتك
غادة : اححم انا داخلة البس
ابتسام : أوك
دخلت غادة الحمام واسندت جسمها عليه .. لازم تضغط على نفسها عشان ابتسام اذا كانت ماتبيها تعرف فاكيد لأن امها ماتبيها ماله داعي احد يعرف انها عرفت ويشيل هم مسكت صدرها بقوة وهي تحسه مهشم تحس بوهن فضيع
برا القصر كان ميهاف وسجى ووداد مخبوصات يشرفن على التجهيزات ..
ميهاف كان لابسة فستان خربزي طويل .. عاري من الصدر والظهر وكريستالات فخمه مغطيته من منطقة الصدر مع قلادة الماس فخمه وشعرها جعدته تجعيد كثيف كعادتها مع مكياج لبناني ناعم بدرجات فستانها .. وظهرها المكشوف واضح فيه الحنا اللي سوته وكان حنا هندي رايق , مناكيرها السوداء .. مع هيلز ترفعها شوي نظرا لقصرها .. كانت طلة ساحرة ومغرية كعادتها
سجى : بصراحة ميهاف طالعةحاجة خرافية
ميهاف : بجد ؟ تسلمين والله ماتدري ايش صار لي مع هالفستان بسبب لورا وسفرها مرة مرة انحست .. كان ماراح
يوصل !
وداد : غريبة على لورا ماعمرها نكبتني
ميهاف : وين اسماء ؟
اسماء : هذاي .. امداك تفقديني ؟
كانت لابسة فستان سماوي ناعم أميري .. كم كت مع ظهر مكشوف تماما مع شعرها الأشقر المرفوع بتسريحة رايقة كانت طلتها سيندريلا .. ومكياجها ناعم مع خاتم الماس فخم كبيركان كفيل يحطها ملفتة ومكمل للبسها .. وجزمة بلورية كعب ..
ميهاف : الله الله .. سندريلا
دارت اسماء على نفسها : كيف ؟
وداد : ما شاء الله .. احس اول مرة اشوفك لابسه حاجة كذا غريب عليك
اسماء : هههههههه ايه حبيت البس حاجة جديدة
ام نايف : ميهاف تعالي سلمي
ميهاف : جاية ... يله بنات تعالوا معاي
طلعت غادة وسارا من الغرفة .. عشان تكمل ابتسام لبسها /
غادة فستان واسع سكري كم طويل ناعم شعرها ملفف بكثافة ومرفوع بتسريحة ومطروحة خصل ملفلفة على جانب وجهها الجذاب ووردة بيضاء مثبته التسريحة من جمب وروج احمر غامق .. مع مناكير حمراء ..رغم شحوب وجهها الا انها عالجته بالمكياج فطالعة جميلة بكل المقاييس ..

سارا فستان أسود مشجر بورد من اول لاخره .. كان قطع وطوله فوق كعبها حبه شعرها الأسود رافعته بتسريحة منظمة .. مع روج احمر .. وظل اسود طالع يفتن مع لون عيونها التركوازية كان حضورها فاتن لأن الكل يشوفها للمرة الأولى ..وكان قمة بكل شي ..
اسماء : بنات من هاللي مع غادة ؟
سجى : تعالوا سلمو ونسأل !
اسماء تقدمتهن وراحت : اهلين غادة
غادة ابتسمت ابتسامة صفراء : هلا والله ..كيفكم ؟
ميهاف : حمد الله بس مشتاقين لك , وينك مناسبتين ماجيتي ؟
غادة : مشغولة ..
اسماء بفضول : ومين هالحلوة ؟
غادة : هذي سارا .. تصير صديقتنا
ميهاف : هلا والله نورتي .. بس فينك ماجيتي انتي كمان بالمناسبات اللي قبل
سارا : هههههههه هلا فيك حبيبتي .. ماكنت بالرياض والله بس الزواج ماقدرت افوته عاد
اسماء : حياكم الله هلا
راحو البنات وجلسوا على طاولة مخصصة بينما ميهاف قامت مع امها .. واسماء ماتقدر تفوت جلسة مع اخت هيثم ولو ان غادة مو بالمود فكانت السوالف مع سارا ..
سارا : بصراحة يعني ابدا ابدا ماتوقعت ابتسام تتزوج.. كانت دايم ترفض بس بعد عمري والله تستاهل كل خير
اسماء بفضول : ايوه وانتي صديقة مين بالضبط ؟ يعني ابتسام ولا غادة ؟
سارا : كلهم .. بس انا بداية معرفتي كان بأخوهم وهو عرفني عليهم
اسماء وهي تاكل متحمسه وتسأل شرقت بلقمتها : احححححم ... " نوبة سعال "
وداد ضربت ظهرها : بسم الله الرحمن الرحيم ! .. شوي شوي ياهبلة وانتي تاكلين
اسماء شربت كاس الموية كله دفعة وحدة ثم مسحت فمها ( شنو شنو ؟! معرفة بمين ؟! لا ويعرفها على أهله !! ) : عفوا وش قلتي ؟
سارا : انا كنت ادرس بامريكا وهناك قابلت هيثم أخو ابتسام وغادة . وبصراحة ساعدني كثير وكان طيب هو اللي عرفني على السعودية لأول مرة بحياتي
اسماء دارت فيها الدنيا !! وقفت فجأة ....
سجى : وين اسوم ؟
اسماء : بروح اساعد ميهاف !
راحت وهي بتكسر الارض بمشيها ( صديقها ؟ درست معاه ...؟!!! كم سنة الدراسة بامريكا ؟!! لاااا وهو اللي عرفها على السعودية لأول مرة بحياتها ....!!!!! ) راحت لعد ميهاف ... سالت ام نايف : من هالحلوة ام عيون زرقاء ؟
كشرت اسماء : مدري من هي ؟! وميب حلوة ...! انسدت نفسي من الجلسة بسبتها
ميهاف فتحت عيونها : ليش ؟! والله كأنها حبوبة البنت
اسماء بانفعال : ايه حبوبة !! اصكتي انتي اصلن عندك كل الناس حبوبين
ميهاف طالعتها بنص عين : وانتي عندك كل الناس يسدون النفس !
اسماء : ايه لأني مو ساذجة مثلك .. انا افهم خفايا نفوسهم
ام نايف : روقونا عاد .. اعجبتك ولا ما اعجبتك خلك اخلاق معها
اسماء ( زين ما أطردها اللحين ! وعععععع تقهر حتى لو كذا علاقتك مع الولد لا تكايشين الله ياخذك ) :.......
ميهاف دق جوالها : نايف ؟
ام نايف : ردي شوفي وش يبي ؟
ميهاف : هلا نيوف ..
نايف : هلا .. اسماء موجودة ؟!
ميهاف : ايوه ... ليه ؟
نايف : ممكن ترجع كاميرتي ؟! خذتها وجحدتها !!
ميهاف : اسوم .. وين كاميرا نايف
اسماء قالت بحرة : كسرتها !
ميهاف شهقت وابعدت السماعة عن اذنها : ياويلك بيذبحك !! تستهبلين ؟
اسماء وهي تمشي لجهه ثانية : ماكسرتها بس مب معي ! ولا يقلقني نايف هو وكاميرته الخايسة وصوره الخايسه وعرسه الخايس وزوجته الخايسة
ميهاف فتحت عيونها بوسعها .. شفيها هذي معصبة !! : خلاص نايف الكاميرا مو معاها اللحين
نايف : كيف يعني ؟ انا ابيها بصور !!
ميهاف : خلاص نايف كاميرتي موجودة وبعطيك الصور !
نايف : واسماء هذي ماعندها مسؤولية ترجع الشي لا خلصته ؟! مابي كاميرتك ابي حقتي
ميهاف : الكلام مايودي ولا يجيب .. خلك بعرسك اصلن كيف بتصور
نايف : مو شغلك ! ... المهم ابي ادخل
ميهاف فتحت عيونها : كيف تدخل اصبر الحريم يتقهون وتو الفرقة ما استعدت
نايف : طفشت برا ... حامت كبدي من الثياب البيض والوجيه المشعره يمكن عندكم وناسة اكثر دخلوني
ميهاف : خل نتجهز اول اصبر ... اف طاير على رزقه
سكرت ميهاف ورجعت تشتغل مع امها ويا الضيوف ... راحت لعند غادة : غادة شوفي اختك جاهزة ؟
قامت غادة ودخلت عند ابتسام وكانت خلصت كشختها كلها حيث كانت لابسه فستان عرايسي قطع دون كم وملفوف على جسدها تماما كان الفستان طالع فاتن مع جسمها المنحوت .. والحنا لمرفقها وسوارة الماس هدية من أم نايف , وشعرها تاركته مفتوح ومسويته كيرلي .. مع حركة بسيطة من ورا بمشبك كرستالي .. ومكياج ناعم طالع شكلها جريء مع نعومتها الطبيعية وكان واقفة وتمشي رايحة جاية بالغرفة ..
غادة ابتسمت : جنان ابتسام , الله يحفظك وش هالحلا ؟
ابتسام بتوتر : تسلمين .... شنو شصاير برا وربي احسني جالسة على جمر
غادة : خلاص كلش جاهز .. استعدي بيزفونك
ابتسام صعد قلبها لحلقها : اللحين ؟!
غادة : ايوه خليك جاهزة بروح اعطيهم خبر انك خلصتي
ابتسام وهي مشبكه يدينها ببعض بتوتر وتحس انها بتطيحمن طولها من الربكة .. بعد فترة دخلت ام نايف : ماشاء
الله تبارك الرحمن .. عوذتك باسمه من الشر والحسد
ابتسمت ابتسام بتوتر .. وام نايف اشرت لها تطلع ..
عدلت شكلها وطلعت تمشي بالممر لحد الكوشة المزينة بالأبيض والاحمر .. واشتغلت الموسيقى بانغام فرحاوية ناعمة الف صلي وسلم عليك ياحبيب الله محمد
الف صلي وسلم عليك ياحبيب الله محمد
ياغالية سمي وادخلي باليمين يمناك يافال البنات الصالحات
ياغالية هالليلة كل المسلمين قارين لك يالغالية المعوذات
يا ابتسام سمي وادخلي باليمين يمناك يافال البنات الصالحات
يا ابتسام هالليلة كل المسلمين قارين لك يالغالية المعوذات
ابتسام كانت تمشي وهي تدعي ربها ماتطيح .. وهي تسمع ذكر الله من كل مكان والتباريك .. خلاص اليوم انحسم كلش , جلست على مقعدها بالكوشة واهي تبتسم للموجودين وام نايف جمبها ومحد بفرحتها
محروسة باذن الله رب العالمين , محروسة باذن اللي وهب قلبك صلاة
محروسة باذن الله رب العالمين , محروسة باذن اللي وهب قلبك صلاة
لا يالاصلية مافيه داعي تحلمين .. الواقع بنفسه يلبي امنياتك
ياغالية سمي وادخلي باليمين يمناك يافال البنات الصالحات
ياغالية الليلة كل المسلمين قارين لك يالغالية المعوذات
بعد ماخلصت الزفة قامت ميهاف للفرقة وطلبت اغنية .. ومسكت وداد وسحبتها معها قدام ابتسام وهي مبسوطة بأن ابتسام لنايف وشوي دخلو البنات متحمسين .. ابتسام دورت بعيونها عن غادة بينهم ماحصلتها استغربت .. تعرفها تحب الرقص انتبهت لها جالسة بطاولة وعيونها بحضنها ومو مع العالم .. اشرت ابتسام : ميهاف
ميهاف راحت لها : لبيك
ابتسام ابتسمت : شوفيلي غادة .. ابيها شوي
ميهاف : من عيوني
راحت ميهاف لغادة : غادة ليش ماقمتي ترقصين ؟
غادة ابتسمت : لا مافيني حيل .. لاتخافي اصفق لكم من هنا
ميهاف : طيب ابتسام تبغاك روحي لها
قامت لعند ابتسام : هلا
ابتسام : غريبة مارقصتي !
غادة : مافيني ابتسام .. احس بثقل
ابتسام بتفحص : غادة فيك شي ؟ صاير بينك وبين احمد شي ؟
غادة : لا مافيه ..
ابتسام : حالك هالفترة من وصل للرياض مو عاجبني
غادة : مافيه شي ابتسام .. انت بس ..
مامداها تكمل وام نايف تتكلم بالمكرفون : تغطو ياحريم .. بيدخل العريس انسحبت غادة ورجعت مكانها .. وابتسام تحس نشفت دمها معد يمشي بعروقها ... دخل نايف وأبو نايف وهيثم .. اسماء كانت تطالعه وقلبها مو معها رايحة بخيال معه .. فجاه كشرت وهي تشوف سارا تطالعه وتضحك مع غادة : هههههههههههه اول مرة اشوف هيثم بالثوب مو لايق !
اسماء التفتت لهم بنظرات نارية والغيرة معميتها : ممكن تسكتين شوي نسمع الزفة !
سارا استغربت وش فيها هذي معصبة : اوك بس بأدب لو سمحتي
اسماء : انتي اللي بتعلميني الأدب ؟!
وداد لما انتبهت لاسماء تتهاوش : اسماء تعالي هنا ! اصواتكم بتطلع والرجاجيل موجودين
قامت اسماء لعند وداد وهي تاكل وتقزها ..
اشتغلت الزفة بمجرد دخولهم .. ونايف كان بطلة عريس تنحسد عليها أي عروسة ..:-
شرف مكان الحفل بحضوره عريسنا والشوط مامله
نايف وصل والناس مقهوره .. في طلته ياحي هالطله
نايف عقد حواجبه وهو يسمع الزفة .. وصل لامه يسلم عليها وهو مبتسم همس في اذنها : وش هالزفه البايخة ؟ اجل الناس مقهوره ؟
ام نايف قبصته بذراعه: على البركة .. ماتخلي طبعك انت
شرف مكان الحفل بحضوره عريسنا والشوط مامله
نايف وصل والناس مقهورة .. في طلته ياحي هالطله
الشعر باسمه زين سطوره , وصل مكان الطيب واحتله
نايف ومثله مالقت ابتسام .. بالطيب كله والوفا كله
شرف مكان الحفل بحضوره عريسنا والشوط مامله
نايف وصل والناس مقهورة .. في طلته ياحي هالطله
وقفت ابتسام وسلمت على هيثم .. ابتسم : الف مبروك ابتسام , الله يسعدك
ابو نايف سلم عليها : على البركة يابنتي الله يوفقك ويتمم لك
بعد ماسلمو عليها طلعوا .. واسماء عيونها تلاحق هيثم لحد ماطلع .. جلس نايف بمكانه وهو يطالع يزيد جمب ميهاف ابتسم وهو يشر له من مكانه
شرف مكان الحفل بحضوره عريسنا والشوط مامله
نايف وصل والناس مقهوه .. في طلته ياحي هالطله
يالله عسا دنياه معموره .. في بيت فرحه والغلا ظله
يارب تحفظ نايف وابتسام بين الفرح ووروده وفله
ابتسام رفعت طرف عينها تطالعه وهو يطالع بجهه ويبتسم .. رجعت تنزل عيونها وهي تحس مكانها مربك .. مربك لآخر حد !! اول ماخلصت الزف زفر : اخيرا !
عقدت ابتسام حواجبها .. التفت نايف لها : عاجبتك الزفه ؟
ابتسام استغربت سؤاله قالت : ايه
نايف : اول معلومة اعرفها عنك .. ماعندك ذوق
استغربت ابتسام طريقته .. كانها صديقته مو زوجته طالعت جهة ثانية دون ترد وهي تحس انه غريب بجد , ميهاف طمرت بينهم : اول مره اشوفكم سوااا كيوت مرة !
نايف ابتسم : الله الله ميهاف , ايش كل هذا ؟ طالعه قمر
ميهاف : انا طالعه قمر ..؟ مفروض اطيح من عينك وابتسام جمبك
ابتسام عضت لسانها وهي تحتري جوابه .. لكن جوابه كان تغيير للموضوع : ترقصين ؟
ميهاف فتحت عيونها : بترقص انت ؟
نايف : ليش لا ..؟
ميهاف : هههههههههههههههههه ابتسام ماودك تقومي ترقصي معاه
ابتسام بربكة من الجو .. كانت مرتبكة ان اللي جمبها مو مرتبك ابدا ! يسولف ومبسوط حست انها غريبة بلعت ريقها : لا ما أعرف
ميهاف : خلاص اذا عروستك ماراح ترقص معاك لا ترقص
ام نايف جت لعندهم : هاه كيف العرسان ؟ نجيب الكيكة ؟
نايف : شرايك ابتسام ؟
ابتسام ارتبكت لما قال اسمها .. اول مرة يقوله : براحتكم ...
ميهاف طالعت نايف : هاه نجيبها ؟!
نايف وهو متنرفز : مالي دخل تقول هي .. ايش هذا من دخلت وهي ساكته !
ام نايف : شفيك نايف ؟ كلش بالرواقة !
ابتسام خافت بجد .. وش فيه يهاوش , احد يتكلم كذا مع عروسته .. طالعت بأم نايف : ايوه جيبوها ...
ميهاف انقهرت من اخوها .. حست البنت انحرجت بجد وراحوا يجيبون الكيكة ,
نايف : صوتك حلو .. اجل ليش ماتتكلمين ؟
ابتسام ( يستهبل هذا ؟! من جده يسأل يعني .. ) قالت وهي ضاغطة ع نفسها : شي راجع لي ..
رفع نايف حواجبه ماتوقعها ترد : اقنعتيني
طالعته بطرف عينها ورجعت تطالع بقدام .. نايف ابتسم من نظرتها عيونها وهي معصبة تسحر أكثر وكلها طالعة فاتنة وانوثة بالفستان المفصل جسمها رفعت يدها بنعومة وهي تبعد خصلة ورا اذنها .. نايف طالع بساعته وهو يبتسم من نظراتها اللي واضح ان جوها متعكر وضحكة خفيفه طلعت منه : ههه .. نفوت الكيكة ونطلع ولا نجلس ؟
ابتسام دون تطالعه : نجلس .. الكيكة اللي احرجتني عندها لازم اكلها !
نايف وهو متكي على يد الكرسي ومسند وجهه على يده : احرجتك ؟ مو كذا الإحراج يالغلا
ابتسام تكت بنفس طريقته والتفتت له وسندت وجهها وصارت قربية منه : فيه انواع للاحراج يالغلا !
نايف بدال مايربكها اربكته بحركتها تراجع وعدل جلسته .. وابتسام عدلت جلستها وهي منحرجة من حركتها ماتدري كيف سوت كذا !!
وصلت الكيكة .. ميهاف بحماس : يله قطعوها سوا
نايف : لا ميهاف اعفينا .. قولي للخدم يقطعونها ويوزعونها
ام نايف :وليه ماتقطعونها ؟
ابتسام : مافيه داعي خالتي .. خلاص تقطع وتوزع
نايف :ايه وحنا طالعين اللحين
ام نايف ابتسمت بحب : الله يحفظكم
وقف نايف وطالعها : يله ؟
ابتسام بلعت ريقها ورجفة سرت بجسمها : يـ .. يله ..
وقفت معاه وسلمت على أم نايف وميهاف اما نايف كان يطالعها ومتمعن فيها وحركتها للحين براسة .. كانها انسانه غير طلعت له فجأة .. انتبهت له ابتسام يطالعها قالت بارتباك : شـ .. شنو ؟
نايف مد ذراعه لها : ولا شي .. يله
ابتسام ارتبكت وش قصده يعني .. ماتقدر تتعلق بذراعه وبنفس الوقت احراج تتركه وتمشي سحب يدها بنفسه لحد مامسكت يده وطلع معها ,
***
اثناء ماهيثم جالس مع الضيوف جاه لؤي وجمبه رجال : هيثم .. هذا دكتور مسؤول بمستشفى مدينة الملك فهد الطبية
هيثم وقف مباشرة وسلم باحترام : اهلين دكتور تشرفنا والله
لؤي : دكتور هذا هيثم .. جراح عظام
الدكتور : هلا والله .. لؤي كلمني عنك قبل لحظات
هيثم ابتسم : وكمان كلمني عنك انا مبسوط اني قابلتك دكتور
وانسجموا بالحديث الطبي , والدكتور يشرح لهيثم مميزات مدينة الملك فهد الطبية
***
الجلسة داخل /
كان الجو هدوء بعد ماطلع نايف وابتسام .. والضيوف يطلعون , كانت غادة جالسة مكانها وسارا جمبها .. جت ميهاف وجلست معهم واجتمعوا البنات على الطاولة .. جات ام نايف مبتسمة : ياحلو جمعة البنات
سارا ابتسمت : تفضلي اجلسي
ام نايف جلست : يالله .. هاليوم ذكرني بليلة زواجي
ميهاف : تصدقوا ماما ماعمرها كلمتني عن زواجها هي وبابا
ام نايف : مافيه شي مميز اقوله .. بس اقول ذكرني بيوم زواجي ويوم ولادة نايف
اسماء : ههههههههههه يوه تتذكرين ؟
ام نايف : ايه اذكر .. كان معه توأم بس مات الله يرحمه
اسماء تو تعرف : بجد خالتي !! تو اعرف
ام نايف : من كنت بالشهر السابع .. قالو لي ان واحد منهم ميت وبينتظرو لموعد ولادتي ويطلعونهم كلهم
ميهاف : كان مفروض عندي اخو كمان
ام نايف بهم : بسبب هالتوأم ترتب عليه نقص مناعة عند نايف .. وامراض ملازمة زي الصداع النصفي اللي مايتركه
ميهاف : بجد ! عشان كذا ؟
ام نايف : ايوه معروف التوآم يتاثرون ببعض
غادة ساحت دمعة ماحست بها .. سارا التفتت له متفاجئة : غادة شفيك
الكل التفت لها .. اما غادة تلاحقت دموعها وشهقت شهقت مكتومة .. الكل خاف من هالفجأه ..
ام نايف : شفيك يابنتي ؟
غادة وهي تمسح دموعها : لا .. بس الموضوع يحزن .. يعني كان بيكون موجود بس ..
ام نايف فتحت عيونها معقولة تبكي عشان كذا ضمتها : ياعمري هذي ارادة رب العالمين حمد الله نايف يكفي ويوفي
غادة وقفت ومسحت دمعة وضحكت وسط دموعها : معليش بس الهرمونات مشتغله معاي
ميهاف : معليش عادي
غادة راحت لعند الحمامات وتسندت على المغاسل وقلبها منكسر باختصار وكلش فيها مضطرب ..
عند الجلسة /
سارا : انا بكلم هيثم ياخذنا .. شكل غادة مو بخير
اسماء تمنت تكسر هالطاولة اللي بينهم وتوصلها وتنتفها قالت بتضجر : افففففففف !!
الكل طالعها : شعندك بعد انتي ؟
اسماء وقفت : ابد الجو يسم البدن .. بروح لامي
راحت وسجى قالت بقهر : اسماء متخلفة بجد ! محد يعجبها !! تنرفزز
وقفت سارا : يله ياجماعة الخير حنا نستأذن ..
***
هيثم ولؤي كان يمشون سوا لحد سيارة هيثم ... هيثم : لؤي مشكور بجد .. ما تدري قد ايش افدتني
لؤي : ماسوينا شي .. مايسوى بحقك تستاهل اكثر
هيثم التفت وهو يشوفهن طالعات : يله اجل نشوفك على خير
لؤي : على خير
توسعت عيون لؤي وهو يشوف وحده بعبايتها والثانية بكاب على الكتف والوجه والشعر واضح ويعرف هالعيون الزرقاء .. يعرفها كثر ماضاع في بحورها فتح عيونه بوسعها وهو يطالعها ونطق بصدمة : سارا !
سارا انتبهت له .. كانت تعرف انه بيكون بهالزواج بس انصدمت انهم تقابلوا .. انعصر قلبها وهي تطالعه لكان دعست عليه وركبت ... لؤي تعجب ! وش جابها هنا .؟ وليش راكبة مع هيثم ؟! مايقربوا لبعض ابدا مستحيل .... !!! مسك جواله ودق عليها لكن ماردت .... دق ودق لحد ماتعب وهي متجاهله اتصالاته !
ارسل لها : بتردين ولا ترا اعرف اوصلك ومايهمني وقتها لو كنتي بوسط اهلك !
دارت الدنيا فيه وهو جالس يستوعب انه تو قابلها قدام عينه .. !! دق جواله طالع كان هي المتصلة رد مباشرة : ايش تسوي هنا ؟!
سارا : سو حالك ماشفتني ...
لؤي : لا سارا معاد يمشي معاي هالكلام !! سو حالك ماشفتني .. سو حالك ماعرفتني .. سو حالك ماتحبني
سارا انقبض قلبها وهي تسمع " سو حالك ماتحبني " : ايش تبي لؤي ؟
لؤي : ليش راكبة مع هيثم ؟!
سارا : كيفي .. اركب مع مين ما ابغى
لؤي واعصابه فايره : لا تجننيني سارا !! ليش راكبة معه ..؟ من فين القرابه
سارا بقسوة : من قبل اعرفك وتتنكد حياتي بمعرفتك !
لؤي باندفاع : على بالك انا ما تنكدت بمعرفتك !! من دخلتي حياتي وكلش فيني منقلب .. صديقي وخسرته , وظيفتي وخسرتها , قلبي وخسرته
سارا : لؤي رجاء لاتكمل
لؤي بقهر : حرام عليك ... انا حبيتك واللحظة اللي قررت اعرف فيها مشاعرك استعملتي كل الاساليب تبعديني .. ليش من أول طيب مارميتيني ..؟ ليش من اول ماكشرتي بوجهي ! تعلقيني فيك ثم تختفين كذا ؟!
سارا عضت ع شفتها : آسفة لؤي .. انا شاكرة لكل اللي سويته بس انا ما أفكر فيك بنفس الطريقة
لؤي : قابليني ! قابليني وحطي عينك بعيني وقولي انك ماتفكرين فيني بنفس الطريقة ...
سارا : مابي اقابلك !
لؤي : اجل قولي اللحين وش فراس لاعب براسك ؟!
سارا باندفاع : مالعب !! صحاني للحقيقة اللي كنا نتجاهلها .. انا من الحضيض وانت من القمة ؟ على بالك ابوك بيقولك اوك .. ولا مجتمعك بيوافق علي ... لؤي انا مو ناقصة جروح .. والله مو ناقصة
لؤي : انا كمان .. مو ناقص .. وعشان هالسبب بالذات محتاجك جمبي .. انتي ماتعرفي قد ايش اسودت الدنيا بعيني
سارا وهي تحبس غصتها : آسفة لؤي .. مضطر تعيش وسط هالسواد لاني مستحيل ارمي بنفسي بهالدوامة ...
سكرت السماعة .. لؤي نزل السماعة ببطء من اذنه وتراجع لحد ماجلس على اقرب مقعد جمبه ودمعه منكسرة نزلت على خده .... بس كذا ؟ انتهت ؟ البنت اللي تعلقت فيها بتختفي بهالسهولة ..؟!
***
عند نايف وابتسام /
دخلوا الجناح .... ونايف رمى بالمشلح وشماغة على الكنبة وطالعها وهي واقفة عند الباب ماتقدمت حتى خطوة : بتضلي مكانك ؟
ابتسام بلعت ريقها : فين اروح ؟
نايف : تعالي اجلسي
جلست ابتسام بمكان بعيد عنه بمسافة معقولة : .......
نايف وهو يمسح بيده على شعره : بكرة بنروح المالديف .. فخلك جاهزة
ابتسام هزت راسها : .......
نايف : عندك جواز ؟
ابتسام : لا
نايف : خلاص بكرة بنطلع لك واحد ..
ابتسام هزت راسها : ...........
نايف طالع بالمكان وتنهد : فيك حيل اليوم ولا نأجلها ؟
ابتسام انصدمت .. هنا بالفعل صدمتها الكبيرة .. لايكون قصده , ولا يكون متوقع تجاوبه مثلا !! انقعد لسانها بالمعنى الحرفي ..
نايف حط رجلينه على الطاولة قدامه وتسند : ولا أقول ناجلها .. المالديف بيكون الجو فيها احسن
ابتسام ( هذا بجد يتكلم عن شنو ؟! .. مو معقولة طريقته كأنه يتكلم عن عزيمة ولا خطة ) : ........
نايف زفر : انتي طرشاء شي ؟
ابتسام فتحت عيونها : عفوا !
نايف : لي ساعه اكلم روحي ! اذا عندك مشكلة حطيني بالصورة
ابتسام شدت على قبضتها : انا ... انا ...
نايف : إنتي ايش ؟
ابتسام : ماني طرشاء .. ولا عندي مشكلة .. ببساطة انا مرتبكة مثل أي بنت فـ ....
نايف رفع حواجبه : اهاااا ! ومطولة سالفة الإرتباك هذي ؟
ابتسام حسته انسان غريب بجد .. او في عقله شي او متبلد : .........
نايف وهو يشوف نظراتها المتعجبه منه .. ابتسم : لأن الإرتباك ممل .. والحاجة المملة اكرها
ابتسام بصدمة : تكرها ؟
نايف ببساطة : ايه .. يعني لو حضرتك مو مرتبكة كان نقدر نسولف او نرقص او نتابع فلم
ابتسام وقفت وهي فعلا ماتوقعت هالزواج .. وش هالرجال من جده ؟! : .........
نايف : لفين ؟
ابتسام : بنام .. وتقدر تكرهني لأني من اللحين ممله
نايف : نظراتك اليوم بالكوشة .. ماكانت مملة ولا كانت مرتبكة
ابتسام التفتت له : وش قصدك ؟!
نايف : قصدي انك مو مملة عشان كذا ماراح اكرهك
ابتسام كان نايف اغرب شخصية قابلتها بحياتها من جد .. معقولة يكون واحد بزواجه كذا دخلت غرفة النوم وبلعت ريقها وهي تطالع لكن راحت بسرعة تبدل قبل يجي ويسوي سالفة بعد باسئلته الباردة .. لبست بجامة حريرية بيضاء ناعمة برومده .. وبلوزه سيور لكن لبست فوقه الروب الابيض وانسدحت والحقيقة انها مانامت .. النوم فارقها وانتظرت تسمع له حس لكن مافيه شي .. غير مكالمة عادية .. وعقب ماراحت للسرير بساعتين انتبهت له يرتمي بجسمه على السرير وهي معطيته ظهرها ونام مباشرة وهذا الشي اللي خلاها فعلا ماتنام .. شي غريب بيوم تكون ببيتك وعايش حياة لك سنين تعيشها وفجأة بيوم تقابل انسان جديد عليك من كل النواحي ولازم تسوي مع هالانسان حاجات مستحيل تسويها مع انسان تعرفه من سنين .. كانت مشاعرها مرتبكة طول الليل ومانامت ولا لحظة حتى عيونها ماغمضت .. على ان نايف كان هادي بنومه
***
غادة كانت تجهز شناطها بهدوء .. استغرب احمد توقع لما يقولها بنرجع تسوي سالفة لكن كانت هادية .. هادية جدا , بعد ماخلصت وطلعت استغربت وجود هيثم بالصالة مع احمد .. ابتسم هيثم : هلا غدو .. هلا بالكرشة
غادة : اهلين هيثم .. ايش تسوي ؟
هيثم : جاي اشوفك قبل تروحي , واقولك حاجة
غادة : اللي هي ؟
هيثم اشر للمكان جمبه : تعالي غدوش اجلسي
جلست غادة وهي قلبها قارصها : ...........
هيثم تنهد : غادة انا امس جاني عرض من مدينة الملك فهد الطبية ..
غادة مافهمت : ايوه ؟
هيثم سكت وهو يطالعها .. ثم قال : وانا قبلت
غادة استوعبت فجأة : بتضل هنا ؟
هيثم : ايه .. الوظيفة اكثر من رائعة وانتي عندك احمد ماعدتي تحتاجيني زي أول
احمد : غادة انتي تحبين اخوك ولازم تختارين مصلحته
غادة التفتت له : عارفه ! ... ( التفتت لهيثم وقالت ببرود ) ألله يوفقك
هيثم ابتسم : والله وكبرتي غدو .. توقعت كفوف ودموع ودراما وحاله
غادة وقفت وراحت يم غرفتها .. وفي داخلها اقتنعت ان محد دايم لأحد .. هذي هي انرمت وحيدة .. الكل تركها راحت للرياض معاهم كلهم وبترجع لحالها ..
***

انا قريت الفصل مرتين قبل ما اعلق
لؤى اعترافه كان مؤثر جدا والحوار بينهم كذلك
مانقدرش نلوم سار فى ردودها عليه ،لكن حاسه انها حبيته وهو عنده احساس بكده
أسماء اتجننت رسمى، هههه ، بس العصبية اللى هى فيها وطريقتها متهيألى هتخليها تتصرف غلط
مش قادرة اتخيل هتقابل هيثم ازاى بس الأصعب هو هتقدر تلفت انتباهه؟
موقف غادة والوضع اللى شافها فراس فيه ورانا جانب بسيط من حدث كان له تأثير على فراس الشاب ، الموقف حصل على جزء من تفكيره وهو الشخصية اللى صعب شئ يحركها أو يأثر فيها ..لدرجة انه اتصل يسأل عن اللى حصل للبنت فده يدل ان الموضوع له خلفية قوية فى ذاكرته
غادة اتحولت تماما بعد الصدمة ، قالب جليدى يحوى نار مشتعلة من الداخل
بجد بقيت شخصية مأساوية فى الرواية وكمان هتبعد عن اخواتها
يعنى هيبقى منها لمجموعة الحلاليف
بقت بتوجع قلبى
ابتسام ونايف
الحوار مابينهم يجنن
هو متبع معاها الاستفزاز وهى فاجئته بردود افعالها
حقيقى كانت عند توقعى انها مش هتبقى منكسره وهتوريله شخصية تانية ماتخيلهاش
الفصل روعة وشكرا ليكى وبانتظار القادك

اسلام عليكم ورحمة الله
بارت رائع عزيزتى نايف وابتسام واضح ان حتكون بينهم مواقف طريفه نايف قالع برقع الحيا وابتسام خجوله
اسماء بتتصرف بغباوه مع ساره المفروض تشغل دماغها مش لسانها
تسلم ايدك وفى انتظار الباقى وسنه سعيده عليكى واعوام مديده بطاعة الله