تسلم يداتك ياعسل بس شتان بين البارت اللي فات وهالبارت. اللي فات ايش زينة وايش من مشاعر فيه وكمية احاسيس وهذا ثقيل بثقل طينة هالنورة وولدها ياكرهي لها متى تختفي من الرواية وينقطع ذكرها ياربي على صغر البارت الا اني حسيتة طوبل بسببها ثقيلة الطينة ذي 🌚🌚🌚🌚

ماعارفة بس قلبى بقول فى بلا فى عوادشى مشوش عليه الفهم ولا هو من الاول تبع مصلحتو وبس

مشكوره كريستال على البارت عواد يعيش بحاله توهان وتخبط وضياع واصدار احكام خاطئه انسحابه من حياه البنات يعد جبن وهرب من المسؤوليه عواد للاسف لم يستطيع ان يكون على قد الحمل وعند اول محنه ضعف واعلن الاستسلام اما ماجرى بينه وبين ناديه يعد تعسف وتناقض بقراراته فهو يرفض حضور ممدوح وبنفس الوقت يقبل ان يعزم زوج امه ويرفض ان تسامح ناديه اخيها وللاسف يرضى بالفلم الذي افتعلته نوره وينخدع بدموعها وكذبها ويسامحها ناديه بدات تشعر بان عواد ليس كما ظنته ورغم انها اثبتت انها احسن بالف مره منه لما تنازلت عن شهر عسلها من اجل ان يبقى على وعده وتحمل وصاه بنات اخيه الذي للاسف لم يستحقها هل سياتي يوم وتندم ناديه على ارتباطها بعواد ام ما يمر به هو بسبب الضغوطات وسياتي وقت يشعر بحجم وكبر غلطته وخاصه ان بنات عبد الله قرروا مقاطعته والابتعاد عنه وهو للاسف رافض الاعتراف انه غلط بحقهم \\\\ نوره قررت العوده لساحه الملعب وسمعت كلام ابن امه فيصلو واختارت تمثيل دور المنكسره والنادمه لتكسب الجميع فهي عرفت ان دور القويه والمستبده جعلها تخسرهم فغيرت سياستها وخطتها وطبعا الجازي حليفتها قررت ان تعقد معها معاهده شيطانيه لتتخلص من نوق فالاثنتان تعد ان من اخوات الشيطان والله يستر من القادم \\\\\ بنات عبد الله هل خروج وتخلى عواد عن الوصاه سيدمرهم ويضعفهم ام سيجعلهم اقوى \\\متعب اختار الابتعاد والبحث عن مايجرى بالخفاء من فيصل وامه اعتقد انه سيصل للحقيقه واتمنى ان يعود بالوقت المناسب لكشف مايجرى ويكشف عن ورث البنات البارت روعه وبانتظار القادم

صباح الخير
وش هالبارت الله اكبر يانوره ياكثر النفاق تعتذر وتحب راس عوّاد :) !!

ناديه وش وضعك مسرع نست اللي سواه فيها اخوها ولا وتلوم عوّاد عوّاد معه حق اخوك حذفك واهانك !! وبعدي اذا بتجلس تقارن بين تصرفات عوّاد معها ومع اهله بتتعب بعدين مهما كان ذي أمه ومستحيل مايستقبلها زين ولا شرايها يعني يقاطع امه عشانها هذا اللي ماراح يصير ؟
عاد منتظرين لقاء العمالقه نوق والجازي هههههههههه ولو اني خابره نوق ماعندها سالفه بتأكلها الجازي اكل !

يعطيك العافيه كريس 💕

مساء / صباح .. الخير للجميع 😻✍

توقعاتي للبارت 😍

*""كيف بيقدم عليها وهو يدرك أبعاد المرض ومشاكله .. حبه لبنت خاله يمنعه أحيان من أنه يتقدم خطوة .. ويجي في باله كثير أنه بقدر هالمحبه المفروض يتمنى لها شخص أفضل منه .. متعافي وسليم""

يالله حتى وهو يبيها م يقدر يخطبها وهو في هالحال والمرض يشوف نفسه أناني ويتمنى لها شخص أفضل منه روح يا شيخ والله م فيه احسن منك في هالرواية شخص يعرف الحق وأهم شي اخلاقة عاليه م يحذف اغلاطه ع انه عصبي ما يمسك نفسه عرفتوه 😒*بس في النهاية اقول الناس مختلفة في انفعالاتها وشخصيتها

""يشوف من العيب يسافر ويترك زوجة خاله الله يرحمه وبناتها للمجهول يرحلون ولا يوقف بصدره يدافع ويكشف .. مايدري ليش يحس أنها مسؤوليه كبيره مايرميها غير من هو ماهوب كفو لها .. وهو أكيد بيقدر يشيلها من ورا ستار البعد بيقدر .. لو ماحد درى عنه .. أو غاب ذكره من قبال أنظارهم .. وش يهمه غير أنه يبعد الأذى الغريب إلي تدفعه خالته نوره صوبهم""

وهو بعيد عنهم الا راح يساعدهم .. وهم مجرد بنات خاله إلا النخوة والشهامة فيه وفوقها قلبه عندهم يعني اجتمعت كلها وفزع لهم وأعطى وعد لام نوق انه معهم واتوقع من اتصاله في بتار يبي هو يسمسك أو يمشي في أمورهم والله احترت في اتصاله لبتار آخر شي اقول عشان الأرض والا فشله وفوقها مو حلوه بحقهم كلهم يدخل بتار في أمورهم

نادية وعواد والحوار اللي حصل بينهم تدرون فيه حلقة مفقودة في سالفة تركة للوصاية فيه شي مفقود يعني مثل عواد أسس شغله من الصفر واجهته اكيد عقبات كثير كثيير م تركه شغله بالعكس تحمل لكن كذا يتركه الوصاية من باب انه م يقدر عليهم هنا أكبر علامه استفهام وفوقه كلامه مع نادية وضح في كلامه انه في شي محد يعرفه كلهم خلف سبب تركه للوصاية .. وفوقه عدم إعتذاره من نوق خاصة وهو عاااارف أنه مخطي وش اللي مانعه لحد الآن يعني شويه وقت ويروح والا فيه شي أكبر من كذا والا الجواب نفس م قال 👇 أخاف اخطي ثانية مره ع أحد منهن وكذا ترك الوصاية بكبرها بس مدري وش دخل هذه بهذه بس الاعتذار واجب عليك كل م اخطيت

""عواد نطق بقهر : لأني أخطيت في أول الأمر وآخره .. ومانيب واثق ما أكرر هالخطا تسان ثارت علي وحده منهن نفس نوق""

ونجي لسالفة التسجل وأنه قال لبتار السالفة يعني معليش وش بعقلك يا عواد تخرب كذا اوكي حلف عليك م تقدر تقول مشكلة بسيط سوء فهم م تقدر تغير الموضوع قول شي خاص عائلي مو تسمعه الصوت


""عواد ثار بوجها : أن مامسكت الوصاه مانيب مهاجر .. أنا حولهن فيتس شي أنتي يومنتس قاعده تقولين لي هالحتسي .. أخلص من متعب وألقاتس أنتي مستلمتني بهالأمر""*

يا خوفي من قربك منهن لكن م تقدر تسوي شي وتصير بعيد عنهن في الوصاية لو م اني متطمنه أن الوصاية م راح يأخذها عبدالعزيز كان قلت حتى وانت قريب منهن يا عواد م تقدر تسوي شي لأن عبدالعزيز لو استلم الوصاية كان نورة تقول له حلالهن كله حوله لك ونص بيني وبينك وفوقها يزوجون ع كيفهم والله تسويها أم فصفص بسس متطمنه ان كل هالخيال وهالدراما م راح تصير أهم شي الثقة 😂😂

والله وطلع لنادية لسان أي ينخاف من الساكت كنت أخاف أن شخصيتها ضعيفة خصوصا قبال عواد لكن طلعت مو هينه وانا هذا اللي ابيه م يعيش الا اللي القوي .. وبنسبه من تكلمت عن أخوها ممدوح أولا ممدوح ينخاف منه والله والمصيبة زواج وش كبره وناس وش كثرها وفوقها من أهل أمه بعد يعني نخاف من الفضايح وانا مو مطمنه ناحيته احس وراء جيته شي وبعدين انا ناسيه من كلمها فارس هو قال لازم نعزم ممدوح أو ممدوح ينتظر العزيمه يعني مكلم فارس وقايل له ابي أجي وكذا وآخر شي اقول م تحتاج عزيمة مو انت أخو العروس يعني أهل .. ثانيا من تكلم عواد عن جاسر من أخذ نادية من طردتها أخوها وااضح من كلام عواد انه لا دين ولا أخلاق انسان رايح فيها وكيف ممدوح ترك عرضه وشرفه معه*يعني م يعرف خاله وش هو من رجال ؟! ولكن مقارنها أن تركت عرضك يا عواد تحت نورة وعبدالعزيز قلبتها برأسي يمين شمال يسار يمين لقيت م قارنتها مو ظالمه فيها والله يعني أحد يأمن نورة أبد والله لو ع كيفها رمتهم بشارع والا رمت أي بنت ع واحد م يخاف الله وطبعا عبدالعزيز م راح يتكلم ونورة عنده .. بس اللي مطمني أن هذا م راح يحصل أبد لا وصاية راح تصير بيدهم ولا أرض وفلوس < منقعة رجولي في موية دافية ومسترخيه ع الآخر من هالناحية

ونبي نشوف النهاية مين الغالب ومين المغلوب بين عواد ونادية والله يستر لا تقوم الحرب بينهم فعلا

"" متغيّر هالعواد .. متغيّر وأقدر أحس بهالشي .. من قرر يترك وصاة البنات وقلبي مقبوض""

أولا اقول لوين راح توصل علاقتكم ورتباطكم يا عواد ونادية لوين اشوفه ينهار وهو من البداية مو ثابت ..*ثانيا اشوف عواد يخفي الكثير والكثير عن أهله مهدد مثلا بس مين له المصلحة جده أبو أمه أو زوج أمه لأن موافقته لعزيمته عجيبة وفيها أكبر حيره طيب إبراهيم مو مباعد فعايل ممدوح ليش فرق هذا عن هذا وانت أبد م تبيه ولا تطيقة الحين تهلي فيه وترحب معليش فيه سر كبير مخفي واتوقع جهه أهل أمه عاد نشوف وش النهاية الأكيد اتصال أمه من صار لبادي الحادث فيه بلاوي .. أجل اشكر أبوك اللي وصل الرياض ولا سألت عنه يعني هذا عذرك أبوك جابك وجبرك يعني عجيبة هالانسانة ثقيلة دم والله أجل اخوانها يبون يحضرون لا يا طيبة وش دخلهم في الموضوع يابنت الناس بدون سؤال تراهم إخوان العروس وبعدين زوجك اللي صدق وش دخله الله أكبر من زين علاقته في عواد والا عالي وعياله وبعدين وش يبجيبه ترى انتي طليقة أبو عبدالله زوجك هذا وش يبجيبه لهم صدق أنكم ترفعون الضغط وبعدين يا عواد ع طول وافقت من طلبت والله مدري وش يفرق إبراهيم عن ممدوح كلهم نفس الطينة الفرق انه واحد زوج أمه والثاني أخو العروس مين اقرب الحين الله يعين نادية يا شين الغبنه والقهر

فيصل وأمه كثر م ضحكت من قال اول الأخبار عندك الحين لا يالله العافية هذا اللي أقوله وبعدين خوفها من سوات ولدها أبد أحب اطمنك جاك الموت يا تارك الصلاة وابشرك طلاقك قرب خلاص وإن شاء الله في دار العجزة وتنكشف علومك وعلوم أم جلوي ويظهر الحق وبإذن الله قرب .. أما اتصال الجازي عليها اقول يالله السلامة صدق وجها مغسول وفوق هذا كل رجعوا وجيه الشر من جديد مع بعض م عليك تضحكن اليوم وبكرة تبكن انتي وياها جلوي لو يدري عنك رايحة لبيت جده بدل م تروحين للبيت أهلك قطع رجولك وانا اقولك نهاية قريبة وطلاقك انتي م سعيتي له للمره الثانية واتوقع حسنا تطلب منه الطلاق ويصير بس المكان لنوق مثل م كانت <تخطيط بسم الله علي 😆

أما سالفة عواد شفتي يمه م يسلمن علي الله أكبر يا ضعيف م سويت شي أبد ع قوله "أم عبدالله لا تلبس ثوب مو ثوبك وتحط نفسك يعنني إلي ماغير يشتكي ولا بيده الدبره"

اما الدخول المهول والغثيث نورة أجل تتبكبك وتقول سامحني أبد طلعت دمعتيني وحبه رأسك وتبوس يدك وكلمتين بعد بس عشان تسامحها والله انه كذوب لكن تبي تعدل الوضع عشان مصلحتها والحين تبيها تعتذر من زوجتك أي نشوف تعتذر والا من جنبها .. ولأنها اختك سامحتها على م سوته واللي راح تسويه تراكم متعادلين أنت ونادية انت سامحت أختك ع م سوت وهي مسامحه أخوها ع م سوى أبد نفس بعض كلهم "الردى" طلع منهم* متعادلين متعادلين ف لا تلوم نادية اذا أصرت ع أخوها يحضر بعد هالموقف لا تلومها

طبعا في هالبارت كثير ناس مختفيه انتظرهم والله ومشتاقة للحبايب بتار ونوير والحب متعب والشيبان بعد ابي اشوف تالي هالقصيدة اللي تقولين يمكن ارددها شهر 😂😂😂

تسلم اناملك كريس ع هالجمال 💖🎊