مسا النور والسرور ،،
تسلم الايادي كرستا باارت يجنن ولا ان القفله تجلط ،، ماادري ليش كذا تسوين فينا رفقا بقلوبنا .. البارت في جهه والقفله في جهه😔💔
ببدا من منصور لان استفزني ولا اتوقعت هذا رده ،، هذا وانا اقول منصور أعقلهم ،، يعني رده لمشعل ع وظيفته ممكن لان يفكر تفكير زمان باعتبار ان الوظيفه أمان بس والله الوقت الحالي أغنى الناس صارت هوامير السوشيل ميديا ،، وبالعكس هو عنده عقليه جيده كون انه ناوي ع مشروع يعني ما وقف ع السناب بس،، اللي
انصدمت منه تفكير منصور رفضه لخطبة لوعد ،، خير إن شاء الله معقوله في ناس لسى تفكر بهالمنطق ماتعرس الصغيره قبل الكبيرة😧.. طيب هذا نصيبها وش فيها يعرس عليها حتى لو انها تدرس عادي ماضرها والله اعرف اشطر البنات متزوجات ومخلفات ماشاء الله والمعدل 5 ،، ماضرها ،،
رفضه ابد ماهو منطق خلي الولد بشوف نصيبه خاصه اذا يبي وحده معينه في باله وهي بنت عمه ليش يسوي كذا ..
نوير ماادري الوحده اذا شافت واحد مزيون ولا حبته يصيبها حاله غباء عنده وعدم استيعاب سريع😂 ابدا ماحبيتها وهي مملكه صايره ترفع الضغط 🤕
نوورة هالشيطان قطع يقطعها زي السووسه تنخر نخر..بتفهمني انها خاايفه ع سمعة البنات ،، هالنصابه ماهمها الا انها تكييدهم وتقهرهم الله يقهرها ،، وبعدين عبدالعزيز انا قايلة من اول انه خٌشخيشه لا يودي ولا يجيب ونوره تسوقه سوق،،
بس انصدمت انه يتوقع من عوّاد اللي يخاف الله انه ع علاقه غير شرعيه مع ناديه ،، ام عوّاد معذوره لانها ماتعرف عوّاد ورمته من هو بالفه،، بس اخوه هاللي عايش معه السنين كلها يظن فيه كذا ..
أتمنى من كل قلبي ان زوج نوره يأدبها ويكف شرها هالشر زي ماادب ولده،، نوره ماعندها بنت عشان كذا كل علومها وسوالف الحريم تصبها في اذن فصييل صاير كانه حرمه ع هالحركات 🙄
اقتباس :-
المشاركة الأصلية كتبت بواسطة #الكريستال#  |
يعرف إنه إذا كان هو ماعطى نفسه الغفران لغلطه من 15 سنه ..وهو يتذكرها ويحس بخنجر ذكراها ماتجرح إلا صدر يومه .. فكيف كان يتوقع منها إنه تغفر له وتنسى !
|
جلووي اول مره يقول شي صح ،،
ماادري اذا مشاعر الكره صابته ،، مااتوقع انه كره ممكن كره للحظه او فعلها ،، 15 سنه وهو يذكر حبها مستحيل تطلع من قلبه بهالسهولة ،،
ماادري ليش البنات توقعوا الجازي ساحرته ،، وزين انك قلتي ماهو صحيح لاني مااحب سوالف السحر 😆 واصلا ماهو بهالسهولة يصير السحر وماهو شي واقعي دايما يصير.. عشان يصير بروايه أحداثها من الواقع 🙂
نوورة ي قوي وجهها داخله كأن البيت بيتها الأخت 😠
بس ضحكتني يوم قالت نوير ماعندها سالفه الا العرس هههههههه،، الصراحه حتى ذبتها ع البنات ضحكتني 😂😂
وش الشي اللي تنتظره ام نوق يصير قدام عيونها ،، يكون نوره ظالمتهم وتستنى الله ياخذ حقهم من هالظلم قدامها،، ولا الموضوع مرتبط بزوج نوره ماادري ليه حسّيت انو زوج نوره معرس عليها ومخلف 🤔 ويمكن ام نوق تستنى الموضوع ينكشف
ماحبيت موضوع الزواج اللي بعد اسبوع ،، معليش يعني امها لسى ماطلعت من العده اقلها يصبر لين تتطلع وش هالتفكير مامداه ابوها يموت ،،
نوق وش هالحركات المفروض ترد ع نوره ماهو تترك لها المجلس ،، تتعود ترد بيصر لها مواقف اكثر من كذا
اتوقع انها مصره ع الطلاق يوم انها بتقوله كلمه وداع وهو ماشي بس وش اللي مااطمن عليها ..اذا هي تبي الفراق ماعاد يفرق معها اذا بيطمن او لا ..و كثر الله خير اللي انسحب ولم اغراضه بهالسرعه😂..
اممم اتوقع انها ورقه طلاق ،، يعني نوق ماتقرا واذا الكلام اللي ع ستكر مكتوب بخط كبير يالله يالله تهجته،، فالورقة صك طلاق فيها شعار وزارة العدل وواضحة ففهمت انها طلاق،، صحيح انهارت بس لان الضغوطات اللي خلتها تنهار ،، اتوقع لان طلقها قبل ماينصفها بالحقيقه هذا لومها عليه فقط ،، ولأنها أستمرت تلوم ابوها في الحقيقه اللي اختفت بموته ..
متعب ماطخ ولين راسه الا يوم شافها تبكي ،، يمكن حزنها وبكاءها لامس شي بقلبه لها ،، وحس انها نفس ماكان فيه من حزن ،، عوّاد شاك فيه وبيكشفه قريب ،، واتوقع لو حبها ورجع يخطبها مارح توافق الا اذا وضح موقفه منها قبل ،،
ناديه مسكينه والله رحمتها ،، هي اللي ضاعت في هذا كله ،، عوّاد اللي مااعلن الزواج وهالزواج اللي محارب من كل جهه ،، ماعندي تعليق عليهم بس ابي اشوف وش بيستقر الوضع عليه 😔
تسلم الايادي ويسعد قلبك كرستا ,, تراني جااايه جري جري قبل ماينزل البارت 😂.. بانتظار بكل شوق ي بعدهم ❤
02-04-17, 08:47 PM
رد: كنا فمتى نعود ؟
جديد مواضيع قسم القصص المكتمله من وحي قلم الاعضاء
العرض العادي
