السلام عليكم
مرحباا كريسوو ماشاءالله ابدعتي بوصف شخصيه نوير.. بس ترى عتبانه عليتس مالقيتي الا اسم نوره تصير شريره.. ترى كل وحده اسمها نوره حبوووبه وطيووبه وتدخل القلب حتى اسألي بنات ليلاس فيس يعزز لنفسه هههههههههههههههه

كريسوو ..انصدمت من جد ان نوق ماتعرف تكتب 😮 ليتها كملت دراستها بعد ماتركها جلوي على الاقل يشوف فيها شي متغير للافضل.. بس دايماا يقولون المخرج عاوز كده ههههههههههه

وبعدين وش هالاهل استغفرالله يعني من الباب والطاقه ياخذون البنات من امهم وهي ياغافلين لكم الله جالسه تهوش على بناتها وتقول روحوا راضوا جدكم .. جعله الزهايمر هالشيبه الي مايخاف الله.. بس دوااه نوير جعلها تفقع عيونه هو وهالعمه القشرى الي حسافه عليها اسمي.. ههههههههههه

شوفي كريسوو انا مع رأي بادي ان البنات يجلسون عند جدهم بس يحطون لهم جناح مستقل مع امهم او بيت ملازم لبيت جدهم..
منها يكونون مع امهم ومنها يكونون تحت عين جدهم جعله مايشوف..

كريسوو تسلم الاياادي يامبدعه.. بانتظاارك

يالغاليات


باتسر موعدنا مع بارت جديد للروايه ..
الساعه 11 بليل

كونوا على الموعد

السلااام عليكم..
تعالي ياابنت ..تعااالي يااشيخه حرام عليتس وش كته الله يعافيتس اللي نط لنا فجأه؟؟ انا ماا احب الكتات وسط الحماس..>>فيس حمقان.
تعالي الله يهديتس ووعطينا بس زياده سطرين نشوف وش سووت نووق بعديم الاحساس المسطول جلوي..
اولا مرحباا بالحامل والمحمووول .. وماعليه كريس والعذر والسموحه لاني تاخرت بالرد ..
ثانيا .. البااارت يهبل وماعليه كلاام.. بس تعااالي يختي فيه شي ضيق صدري بردتس على ردي يوم تقولين عن عواد ان تووه ماوضحت شخصيته ووليش متفائلين فيه وقووو قلووبكم.. ؟ للحين اشووفه ماشي بالسليم... الا اذا كان هو مساعد عبدالله وخلاه يوقف ضد ابوه وعقب انسحب ؟؟ الاكيد ان عوااد لغز للحين بالنسبه لي واحس انه مخبي شي محد يعرفه ؟؟ هل يكون متزوج بالشر عن اهله؟؟ والا هو راعي زواجات مسيار بس لايكون له عيال بعد ومحد يدري عنه؟؟ ؟؟ هو مهوب صغير عمر واتوقع بانه باخر الثلاثينات او اول الاربعينات مهوب اكبر من كذا..ياخوفي يكون متزوج له اجنبيه وتبيع بالانستغرام..ههههههههه
وين حمد ماشفناه اليوم؟؟ والله كنت ابيه لنووير .. وبادي طلع يحب نووير من الصغررر.؟؟ وهي معطيته اكبر طاف.. ههههههه مت ضحك على ابو البنات يوم يسمع بنات عمه يقولن له كذا ..اضعيف رحمته .. بس الحين هو ولد فضيه بنتهم والا ولد اخوهم؟؟؟؟ يعني هم خواله والا عمامه؟؟؟
عاد الصدق انه اللقب ماينفع لاحد كثر فيصل اللي ينقل العلوم كنه حرمه.. لااااا ومن زين امه حاقده على بادي وتقول لايتدخل باللي مايخصه.. ماشفناتس يااا اخت ابليس قلتي هالكلام على ولدتس اللي يتبع الكلام وينم نميمه اردى من الحريم..؟ وماكرهت بادي الا لان له مكانه وله راي مسمووع عند جده وعمانه مدري خواله..وله قيمه اكثر من راعي الهروج فصيله..
هي اكييد غايره من بادي لان له مكانه عند اهلها مهيب لعيالها وخصووصااا الثور فيصل.. وهي تبي هالمكانه لفيصل دون غيره لانها اكيييييد تحس ان بااادي ممكن يأثر على ابوها وخصووصااا من الناحيه الماديه..

نوره هالحقيره مايحتاج لنا دليل على كرها لحرمة عبدالله.. هذي نوره تكره ام نووق واكيد هالشي عشان ام نوق اكيد محقرتها زمان وهي حاقده وقلبها اسود وتبي تنتقم للذي كان؟؟ والا ا نام نوق عارفه عن نوره سر وهذي خايفه انها تكشفه وتبي تهددها ببناتها لو تكلمت بهي تقدر تسحب البنات وابوهن بغمضه عين؟؟
نوير والله مدري لمتى بتستمر هالقوه ياخوفي انتس تنهاارين باول اختبار..اتووقع الحين وانتي بهالوضع تحاولين تطلعين من بيت جدتس وتروحين لبيتكم بيطلع بادي وهو اللي بيحل هالاشكال .. وبيوديكم مع عواد لبيتكم غصب عن نوره.. يمكن يكون حمد اللي بيجي ويوديكن مو بادي؟؟بس الصدق عاد والاسلم انكم تعيشون مع جدكم المهذري.. والاسلم انهم ياخذون لكن بيت بروححكم والا يحطون لكم جناح خاص.. واخت ابليس مهوب لااازم تجي بيت ابوها ..من زين هالجيات عاد اللي تهدد بانها تقطعها .. الجد صدمني بخباله لهالدرجه فاتح اذنه لبنته نوره والمصيبه ان اخوانها محد منهم قاادر عليها ولا قادر يمشي كلامه عليها؟؟ وش ذا..؟؟ والحين هالمهذري الشيبه شلووون مخلينه يحل ويربط واللي توجهه نوره؟؟ ابد ابد مااعجبوني هالعمان عساها تعمى عيونهم؟؟ والسكنيه غبوره تعرف تقااوم وتقنع مير الله يسلط نوير عليها تخليها تحرم تددخل ببنات اخوها.. واللي يقهر خواتها كيف موقفهم سلبي من هالاحداث كلها ويعيبون على نوير وكانها هي الوحيده اللي انقرصت فيهم.. وطلعوااا يذكرون بااادي ويعرفون عيارته يعني هن بعد يوم تصير هالسالفه اللي من ابوهم كانن واعيات للي يصير وعارفات وش الوضع؟؟
فضيه سبحااان اللي مخلي نووره اختس وانكم جايات من نفس البطن..والمشكله الام بعد طلعت حبوووبه وحليوه طيب هالحيونه اللي طلعت بها نوره جايه من وين؟؟ يااخوفي انها من ابوتس هاللي تقولين نوير مثله..ههههههههه
الا يا ام عبدالله على طاري ان نووير مثل ابوتس وحمد مثل ابوتس بعد هالشي يخليني اقوول لازم نجمع الشبيهان مع بعض ونزوجهم موووو؟؟
وبادي له هيا والا عاد أي وحده من البنات.. بس نوير لحمد ونقطه على السطر.
جلوي ونوق: وقسم بالله انك حيوان كبير وماعندك احساااااس .. الحين تسحب الحرمه وتبيها تخلي خواتها وهن بيسحبن من امها وتروح معك وكان مافيه شي صار وانت قاعد بكل بروود تقول لها مالتس دخل ؟؟.. دخلووو بك عشرين جني والعبووو في عقلك زود ماهو ملعوبن به.. وقسم بالله فقعت قلبي وقهرتني وكان خاطري ادخل من شاااشه االاب تووب واحووسك واعاون نوق عليه وهي تدفك عنها. واعطيم بووكس بعينك اليمين . ترفع الضغط قسم بالله.. انت ويينك عااايش فيه للحين؟؟ عاايش بماااضي نوق وجمال نووق ونعومة نوق .. انت حمااااااااااار كبيييييييير .. عندك كم حرمه وكم ولد وعقب بعد تقول لها اذا شفتي منصور لا تجينه عشان امه ؟؟مالت عليك وعلى امه فووقك .. ؟؟ انت ماخذ لك عصابه مهوب حريم .. وبعدين يااحقير تسألك تقولك وامي وين بتروح تقول لها ما ادري ؟؟ بذمتك هذا رد ياعديم الرجوله.. ماتعرف تقو لها امتس امي وبحطها بعيوني وبيتس بيتها ؟؟ لااااا ومن زين وجهك تبيها تحبك..؟ وش تحبك عليه وانت اسهمك عندها تحت الصفر؟؟
يااااااا الله والله ياشكل هوشة نوق وجلوي بنتنهي بان نوق تعطيه بوكس على عيونه وبتنههي بالضربه القاضيه.. هههههههه
ومن زين وجهه معصب ويرفع صووته عليها وهي تشووف اختها تتعرض للعنف من اخت ابليس عمته..
وبعدين ياااااوقح يااحقير جوالها وش تبي تفتحه وتطالع الرساايل اللي فيه .؟؟.. والا انت مثل ولد عمتك راعي سوالف الحريم وتحب سوالفهم.. ؟؟ عسام تشووف فيه مايغثك وتشوووف الجوال كله صوووور لزوجها الحبيب الطيووووب الله يرحمه ويجعل مثواه الجنه ..وتموووت من الغيره الحره ..وياليت كل الصوور وهي بحظنه وكلها تظمه ويظمها وانت مالك الا الشووف وحر الجووف يمال الحره والله..
فقعت قلبي اشوى ان ربي هداني ولاااا صادرتك على عمياااي كان امشي وانا مغطيه عيوني من الفشيله من هالمصادره الفاشله والمخزيه مير الحمد الله اني تركدت ..هخهخهخه

واخيرا احب اشوف رحله البنات بالسوووق وهن رايحات مع حمد وعواد.. اكيد انهن لازم يروحن بسيارتين مو وحده ونوير بتصادف حمد بالسيااره للمره الثانيه والرجال بيتعلق قلبه اكيد فيها.. بس الخوف انه يصير مواجهه لاتحمد عقباها بين حمد وبادي عشان نوير؟؟؟

كريس والله احس بخااااطري كلااام كثير بس عااااد شهرزاد جاها النووم وبتسكت عن الكلاام المباح..ههههههههه
تسلم الاياااادي بس يااقلبي فكينا من هالكتااات والقفلات اللي تخلي حالنا ينقلب.. ياا انتس تسرعين بتنزيل الجزء يااا انتس ماعاد تسووين قفلات.. ؟؟ هااه وش رايتس بهالرائ..هع
بانتظار البارت الجاي اذا الله احيانا بكل شوووق ياا كل الذوووق فلا تتاخرين علينا. وياليت يكون اوول المشهد بالبارت الجاي بووكس على عين جلوي الخبل..من نووق ..ويكون هالبوكس رساله له بانها تغيرت تغيير جذري...هخهخهخه

مساء الخير .. لفتة لـ ( لزارا ) ياخيه ماتعلقين ذا التعليق الزين إلا بنفس يوم
نزول البارت .. الوقت مامن وقت .. بس بادي .. يصيرون أعمامه .. هو ولد
راجح .. أخوانه منصور وعبدالعزيز وعبدالله .. فهمتي ياقلبي ..
ولفتة ثانيه .. لأهل السناب أبطلبكم طلب التعليقات والتحليلات المتعوب عليها
نزلوها فالمنتدى والله حرام أقراها لحالي .. يازينكم بس ..
ولفتة ثالثه .. هالبارت من 35 صفحة أنا كملت أبصراحة بس مالقيت الكت مناسبه .. الأحداث
مابعد كت هالبارت متواصله إن شاء الله مابطول فالبارت إلي بعده .. سامحوني
وطلب أخير .. دعواتكم الصادقة لموضوع يواجهني بالمدرسه إن الله يبعدني عنه وييسر لي
الأمر إلي أسعى فيه .. لعل من بينكم من دعوتها مستجابه ..


بسم الله الرحمن الرحيم

( 4 )
نوق صرخت بقهر : أبعد عني .. فك يدي ترا خلاص طقت تسبدي ياجلوي

تحرك وهو ماسك يدها حتى يوقف بينها وبين خواتها إلي تفصل بينهم المسافه ..
مال بظهره على خفيف لها وعيونها ظلت مرتفعه لفوق تطالعه .. نطق بحده

جلوي : خواتتس ماعليهن خوف .. ولا لنا حيل حنا ندخل في هالمشاكل .. أفهمي وضعنا .. أفهميه .. ماهوب معقوله تونا جايين ولا ندخل إلا مع عمتي نوره ..!

أتسعت عيونها بقوة وهي تتأمل عيونه ..
" حنا .. وضعنا .. جايين .. ندخل "
صيغة جمع ماتدري من عطاه الحق حتى يجمعهم ويربط مصيره ومصيرها
في كلمة وحده .. !
وكأنه بهالصيغه يراهن الأشواق في إنه يقدر عليها .. ونسى إن البعد المرهون
بقطيعه ما تترك إلا الدمار لأي علاقه .. كيف لا كان هالبعد ماجى إلا من بعد
علاقة حب عمرها خمس سنين .. إنتهت بعد ما كل واحد منهم .. كان هدفه يلوي ذراع
الثاني .. بعد ما كانوا مستعدين أتم الأستعداد أنهم يهتفون .. لحزب النسيان القادرين عليه ..!
لهدرجه وصل فيهم البؤس لأبعد من إلي تصوروه .. وبدال مايقول
" ماقدرت أنسى " قاعد يراوغ هالذاكره إلي تأبى فيه تنسى .. !
عقد حواجبه من شاف الدهشه بعيونها ..

جلوي : فهمتي حتسيي زين .. شوفي أنا ماعدت أبي أقعد هينا .. جدي ماعاد يبينا يعني جلستنا هينا ماعاد لها لزووم ..
نوق حست بضياع : وين نروح ..؟
جلوي وهو يشد على يدها : بنرجع لشقتنا .. أنا مستحيل بخليتس هينا
نوق حركت يدها تجرها بقوة من بين أصابعه وبصوت ينهشه الضعف : أنا مانيب رايحه لمكان
جلوي بعصبيه هز يدها : بتقوين ع شوفة أمي .. وولدي وزوجته .. ( حرك يده لجهة الفرشه إلي قاعدين فيها البنات ) وعمتي .. أنا ماجيت إلا عشان أتأكد وأشوف قابلتي أحد ولا لا .. بس دام شفتي البنات .. خلاص يكفي ..

أخذت نفس بقوة وهو مايعطيها إلا السم .. وهي بصمت تتقبله وودها بنفس الوقت تصرخ
تقول له .. من أنت ...؟ من قال لك إني مهتمه فيك وفي عيالك وزوجتك ..!
من عطاك الحق تجمعنا بالكلام وتربط مصيري بمصيرك .. !
من عطاك الحق تقول ضعنا .. بدال ضعتي ؟
وحنا .. بدل أنتي ..؟
من ياجلوي .. من أنت .. من أنت قول ..
من طلب منك تكون لي عون .. وتدافع ..
ليش راجع بكل هالبرود والثقه .. والأشواق ..؟
بس ضاعت هالأمنيات وهي تعيش الضعف .. ماعندها القوه تواجهه .. لاماعندها شي !
أنحنت من جرها بهدوء صوب سيارته .. ولفت بعيونها تطالع خواتها واقفات قبال
عمتها نوره .. هل فعلا بتكون قويه .. ووجودها بيكون له تأثير إذا تركته وراحت لهن ...؟
ويرجع يرد عليها عقلها " لا " وهو يثير فيها الأسئله ..
لو صارت مشكله وطلعت أم جلوي وزوجته الثانيه .. وكبرت السالفه بوجودها !
كيف بيكون وضعها ..؟ لو مثلا زل لسان أم جلوي وعايرتها بشي .. هل بتتحمل ..؟
وقفت من أخذها صوب باب سيارته وفتح الباب

جلوي : خلينا نمشي بس !

أبعد عنها وهي واقفه .. لازالت متردده تسمع كلامه أو تروح لخواتها ..
فتح باب سيارته وركب مسكر هالباب .. وللأسف كان هوعلى ثقه من البدايه أنها ماعندها أي
قوة للقا .. ماجابها هينا إلا يختبرها .. وماطلب منها تركب سيارته إلا أنه بيتأكد هل هي فعلا النوق إلي يعرفها
زين أو أنتهت من زمن فات !
عض على شفاته بقوة وشغل سيارته .. لكن على كل هذا ماينكر .. صمتها قبال هالكم الهائل من الحكي
والأسئله فيه .. يدمره في كل دقيقه .. يخليه في حالة تفسير وأستنتاج من كل شي .. !
يجبره على الشعور بالغربه في حضرتها .. ولايدري كيف يقولها إن هالشعور بشع ..
بشع لأنسان يعرف ومتيقن أنها الوحيدة القادره تجدد فيه الحياه ..
جلست جنبه وسكرت الباب وهو أبتسم بحيره حتى يصد عنها ..
هالحين .. بدا شعور الأختلاف يرسخ في زوايا قلبه .. وأن كل شي تصوره ماعاد هو نفس
ماتركه .. وهي جلست بصمت عيونها بأستقامه على خواتها تطالعهم .. ولحظات
صدت عنهم .. تطالع الفراغ إلي تطل عليه بالجهه إلي قاعده فيها ..
الهروب أفضل شي للشتات إلي فيها .. ولو أنها ماشبعت من شوفة خواتها ..
تحركت السياره .. مبتعده عنهم .. هم إلي كانوا واقفين ماهم مستوعبين إلي يسمعونه ..

فضيه تتحرك واقفه مابين نوره وبنت أخوها نوير : خلاص .. الأمر ( صارت تضرب صدرها بخوف ) أنا بحله .. عندي
فوزيه بقهر تتكلم : عمتي وش بلاتس جايه وجايبه الشر معتس .. تسيف تقولين تسذا للبنات .. فيه شي صار حنا ماندري عنه ..؟
نوره بعصبيه : خليتس ساكته أنتي رجاءاً
فوزيه رفعت حواجبها بقوة حتى تطالع أختها البتول إلي واقفه ماتدري
وش إلي قاعد يصير : ..........................
نوير ترفع يدها بوجه نوره : حنا مامعنا حتسي معتس .. وقعده والله العظيم ماأقعد تسذا عنادن فيتس
نوره بصدمة : تمشين هرجتس علي يابنت ........
نوير وهي ماكانت محتاجه إلا لأحد يزيد هالجنون إلي فيها .. قاطعتها وهي تهز راسها : بنت !!.. بنت مين .. يلا
فضيه دفت بنتها : روحي نادي خالتس عواد ومنصور .. روحي يلا
جود تحركت بسرعه : .........................
فضيه تمسك يد نوره : نوره خافي الله .. ماهوب تسذا تنقال الأمور
نوره ضحكت ورفعت يدها : وش أنا قايله .. جايتن بسلم عليهن وأقولهن حياكن الله معنا اليوم معززات مكرمات .. في بيت جدهن إلي بيضفهن .. اليوم ولا من تالي !
شيما بعدم فهم : تسيف ننام هينا وحنا تاركين أمي وأبوي .. أبوي لا صحى محتاج من يعطيه أدويته ويوكله .. ويهتم فيه .. أمي مالها حيل لمقابل أبوي اليوم كله ... نتناوب عليه حنا
نوره رفعت يدها برفض : لالالا .. لا تشيلين هم أبوتس بيجي إن شاء الله .. لا تحطينه عذر
عهد والدموع غصب أندفعت لعيونها : أنا مانيب فاهمه شي .. أمي هناك تنتظرنا
نوير تحاول تكون هاديه .. نطقت وهي تتصدد عنها : شوفي إنتي مالتس أي علاقه فينا ..
نوره بقهر لفت لفضيه : سمعتي وش تقول .. سمعتي !
نوير أنحنت ساحبه جوالها وشنطتها : أنا هالحين أباخذ العلم من إلي أقفى وجابتس لنا !
نوره رفعت يدها منفجره غضب : أيه وش أنا متوقعه أكثر من ذا الحتسي منتس .. وأنا إلي جايه أسلم وأحييهن وأقولهن أنهن في بيت جدهن

تحركت نوير ماره من عند ساره وريما بنات عبدالعزيز عمها .. حتى تطلع من الفرشه
تمشي بخطوات واسعه .. يقودها القهر صوب الطريق إلي مشى فيه جدها .. تشوف باب
المدخل للبيت يبعد عنها بمسافه .. والشباك إلي بجنبه مشتغله اللمبه فيه ومغطى هالشباك بستاره .. ماأشتغلت لمبه هالغرفه إلا يوم دخل جدها أكيد قاعد فيها ..
تسمع فوزيه تناديها بصوت عالي .. تطلب منها تتعوذ من أبليس وتركد .. الأمر
ماهو نفس ماسمعت .. بس لا مستحيل بتسكت هي .. مستحيل .. من عمتها نوره
حتى تجي وتامرهم ينامون .. من هي حتى تقول لهم هالشي .. تتنفس بقوة وهالأنفاس
تندفع حاره من صدرها مثل هالغضب إلي ياكل جسدها .. ماكان للعايله يخلونها
للهدوء شوي .. ماهم مخلينها ترتاح .. بلعت ريقها وهي تغمض عيونها ..
يشتعل هالجسد فيها بحراره غريبه من جديد .. دوامة غريبه دخلتها مع خواتها ..
ولا تدري وين بتروح .. أندفعت بجسمها صوب باب المدخل .. وقفت قبال الباب
المقفل حتى تبدى تطقه بيدها .. نطقت بصوت مغبون ..

نوير : جدي أفتح الباب .. أنا نوير .. أفتحه أبي أحتسي معك .. أفتحه

وداخل الغرفه .. كان هو توه منحني بجسمه صوب جده ويضغط بأيديه على رجول هالجد
إلي يحس فيها بوجع غريب .. أنتفض الجد قايم من فراشه وبادي وقف بإستقامه
لاف براسه صوب الباب إلي سكره عشان جده ينام بهدوء .. والتعب مع السهر ماهو زين لصحته ..

أبو عبدالله : هه .. هذي آخرة شور نوره لابارك الله في عدوها .. ماهيب مخليتني
ذي البنت إلا إذا أدخلتني المستشفى
بادي بأستغراب من كلام الجد وبصوت واطي حيل : يمكن أنها محتاجتك بشي !
أبو عبدالله حرك يده للباب وبضيق : رح أفتح الباب وقلها تذلف لا أشوفها هالبنت
بادي بربكه : وش .. لا والله مانيب مقابل حريم عمي وحاتسي معهم .. وأنت توك
قايل أنك تبيهم يقعدون .. لازم يكون بالك طويل

رجع ينطق الباب حتى يسمع صوتها
" أنا عارفه أنك هينا ياجدي .. ماحنا مثل قبل تقولنا أدخلوا ثم نتناقز في كل مكان
تاركينك "

أبو عبدالله رجع منسدح على ظهره بتعب : يابوك والله مانيب حملها ذي
بادي برفض : لالا .. مالي شغل
أبو عبدالله بقلة حيله : أفتح الباب طيب لا تكسره

رفع يده حتى يمسح على شعره الكثيف بعبث .. يتحرك وهو يمشي على فراشه متعديه
لين وصل للباب .. فتح القفل وبهدوء مسك يد الباب منحني فيه .. يرجع بخطواته لورا
وهو يدفع الباب لين ماصار وراه .. متخبي منها .. وقفت تطالع جدها إلي رفع راسه
وبعصبيه

أبو عبدالله : أنتي مانتيب تاركتنا نعيَن خير وننام نفس الأوادم
نوير نطقت والصوت يختنق : إذا تبي تامر علينا تواجهنا .. تقول لنا وش إلي بخاطرك .. ماتروح عنا وتقفي .. ثم ترسل لنا من يقول إنك تسذا فجأه قررت إنا ننام عندك .. وعند مين
ماندري ..!

رفع عيونه لها .. يعاند هالرغبه القاتله إلي تامره مايرفع .. من ورا فتحة الباب كان يطالعها .. قريبه كثر ما هالشعور إلي داخله يحس فيه لذه .. ماتغيرت عليه .. إلا شكلها الظاهري وهالعباه تغطي جسدها .. يحس أنه فخور فيها .. فخور في هالقوة إلي يشوفها ولا
هو قادر يزرعها فيه ..

أبو عبدالله : يابنت عبدالله ......
نوير قاطعته بحده : أسمي نوير ... نوير و تدري كم عمري .. 26 سنة .. أنا مانيب ذيك البنت أم عشر سنين ..
تسمع ياجدي 26 سنه تخليك تقدَرنا شوي .. تجمعنا وتقول إلي تبي .. بس بهالطريقه ذي ..
لا أنا مانيب قاعدة في هالمكان لو وش مايكون .. ( قالتها بعد ماحست إن روحها وصلت لحافة الهلاك )
طالبتك يابو عبدالله تتركنا نرتاح .. هو كثير علينا هالطلب .. كثير على بنات ولدك
وماهوب حق الله في سماه تلزمنا نقعد هينا .. وحنا ضعوف .. خاف الله فينا