سلام عليــــكم ورحمــة الله وبركــاته

قبل آن نبدآ: لســـت من مــلائكة السماء لاكــون منزهه عن الغلط ...فآن وجـــد بالرواية غلط فآن النصح يجــدي
وآلتمســـوا لي سبعـون عذرا ...

-شكراً لتواجدگم بالمتصفح او خلف الكواليس
-شكراً لدعمگم،تقاييمگم،ردودگم المحفزه



لا اله الا الله ،وحــده لاشريـك له، له الـملـك وله الحمد، وهو علئ كل شيء قـدير


لا تلهــيكم الرواية عن العبادات..

بســــم الله نبـــدآ


..
كيف يكون النفاق جميلا ؟
وبين كلام الهوى في جميع اللغات..
هناك كلام يُقال..لأجلكِ انتِ
وشِعر سيربطه الدارسون
بعصركِ أنت
وما بين وقت النبيذ ووقت الكتابة ..
يوجد وقت يكون به البحر ممتلئا بالسنابل
وما بين نقطة حبر..ونقطة حبر
هنالك وقت...ننام معا فيه
بين الفواصل
وما بين فصل الخريف ..وفصل الشتاء
هنالك فصل ..اسميه فصل البكاء..
تكون به النفس...
اقرب من اي وقت مضى للسماء

..
لـِ نـزار القبـاني ~♥ ..

..

البـ 29 ـارت

()

: لا أنـا ابيـها..
هتف بتلك الاحرف أندفاعاً و تشتت، وبشجاعته البته اكمل: يبـه انا ابي بنت عمـي عبدالله..
تنهـد ابو خالد ليهتف ناصر لمتعب: منت مجبـور تتزوجـها، انت اخترت بنت عمي سلمان بالاسم لانك تبيها..انا ماراح يضرني لاخذيت جنئ لاني ماكنت افكر بـ ليان..
متعب بترقب: انت متأكـد انك تبيهـا!
ناصر بهدوء ظاهـري:أكيــد وش الي يعيبها عشان ارفضها ..
ابو خالد براحـه:اجل اكلم عمامكـم اليوم والله يكتب اللي فيه الخير
ابتعـد عنهم ليهتف متعب بضيق:اذا تحب ليـان تكفى لا تتهور وفكر
ناصر: وانا مـتى قلت اني احبهـا انا قلتلك شفتها واعجبتني بس.
متعب: انا رضيـت انك تأخذها لاني واثق اني راح اظلم جنى وانا احب ريم
وانت بعـد اذا تحب ليان لا تظلـم جنى ماتستاهـل..
ناصر بعجل وهو يغادر لسيارتـه: تطمـن من هالناحيـه لو أحب ليان ماوافقت تعرفنـي زين ..

،

اقترب من اخوانه وهو يراهم بأنتظاره امام سيارته وبحرج هتف:السموحه علئ اللي صار بالمجلس ..
ابو احمد بود: الا بيض الله وجهك طلعتني من ورطـه..
اكمل ابو طلال بصدق: واذا كنت جاد بكلامـك داخل والله انها الساعه المباركه.
ابو خالد : الا والله اني صادق العيال لهم فتره من فاتحوني بالموضوع
علئ اساس بكـره افاتحكم بالموضوع بس خير البر عاجله..
ابواحمـد: وحن وين بنلقئ لبناتنـا احسن من متعب وناصر
ابو طلال اردف:وانا أشهـد والله يافرحتي ماتنشرا هالليله
أبو خالد: ماكان ودي افاتحكم الا على فراشكم بس من مره عشان تكلمون البنات وتأخذون رايهـم..
ابو طلال بأستنكار باسـم: افا عليك اعتبرهـم موافقين من هاللحضه..
ابوخالد : اجل علئ بركة الله متعب يبي ريم وناصر يبي جنئ..
ابو احمـد بفرحه: الله يتمم لهم علئ خير ان شالله..
ابو خالد: مثل ماقلت داخل اذا تحبون الملكه الاسبوع الجاي!
ابو طلال: ولابعـد كلامك كلام يافهد الاسبوع الجاي الملكه ان شالله.
ابو احمد:أجل بكره ناخذ البنـات يحللون ؟
ابو خالد: بأذن الله نخليهم يحللون بكره عشان يمدي تطلع النتايج
*ألتفت لابو طلال وبتذكر* سلمـان لاهنت ألحقني البيت
ابو احمد بتوجس: خير صاير شي!!
ابو خالد بنفي: لا ان شالله بس فرح تقول تبيني انا وعمها ضروري بموضوع..
ابو طلال: يلاا بألحقك ماعندي اشغال بعد المغرب ..
ابو احمد:وانا بالاذن اروح البيت خبركم المره مو فيه ..محد عند البنات
ابو خالد بتذكر : ماطمنتونا على جوري ان شالله طيبه؟
ابواحمد بتنهيـده: الله يرفع بلاها ان شالله للحين مابدأت كيماؤي..
ابو طلال : اللهم لا اعتراض على حكمـه..ان شالله يفيد معها
أبو خالد: امانه عليك يابو طلال لافيصل وزوجته بحاجه شي هناك
علمونـي تراني عمهم واعين وأعاون بمثل هالمواقـف .
ابو طلال: مامنك قصور ياخوي اكيد لا أحتاج كلنا محنا مقصرين

،

ألقت بجسدها علئ الاريكـه وهي تقول بأبتسامه مرهقه: لازم تأخذ
ساره تمشيها شوي بنيويورك حرام تجي وماتتمشى...
ام احمد بتأييد: صادقه اختـك انا بروح مع جوري المستشفى محد بيجلس عندها..
احمد بهدوء:يمـه الله يهديك حنـا جايين عشان جواري ماجينا نتمشى
جوري :وجواري ماتبيك بتروح المستشفى،مشي حرمتـك شوي وحنا نخلص من المستـشفى ونتقابل برا .
احمد برفض: مافيـه بروح معكـم المستشفى ابي اتطمن عليـك.
فيصل: جوري صادقه طلع حرمتك تمشوا شوي وحنا نخلص ونلحقكم
جوري بمداعبـه :مايصير نروح كلنا عشان موعد روتيني بيطردونا مافيها كلام..بعدين توك رحت معي الصباح وبثرت الدكتور بأسئلتك ..ماراح اطول بس اخذ ابره ونلحقكم..حتى امي خذها معاك..
ام احمد بنظره خاطفه: لا ياحبيبتي رجلي على رجلك ماجيت الا عشانك
احمد بضحكه: خلاص ولا يهمك بس ترا بكره غصب عنك بروح معك المستشفى...
وقفت بضيق وهي تتصنع الابتسامه: ان شالله..بروح اجهز عن اذنكم
لم يلبث سوا دقائق ليلتحق بها بعد ان لمح الضيق يخط بتعاريجه سبل ملامحها..وقفت امام تسريحتها وهي تبعثر مايركن عليها دون هواده،
وقف خلفها مباشره وهو يهمس بخفوت: شنو تفكرين فيه؟
رفعت انظاره للمرأه وهي تراه خلفها وبزفره نطقت: اهتمامكم يخنقني
استنكر قولهـا ليردف علاوه على ذلك: من متى الاهتمام يخنق !!
ادارت بجسدها لتقابله وبضيق اردفت: مااحب اشوف الخوف بعيونكم علي غصب اشوف نفسي ضعيفه ..ويزيدني وجع
مسد شعرها بكفه ليردف: لاتخلين المرض يأثر عليك بسلبيه
ولاتعتقدين اهتمامنا فيك شفقه عشان اللي فيك..لانه اساس الحب اهتمام...وحن نحبـك..
جوري بتنهيده: وعشان حبكم ماأبيكم تقاسموني الوجع...
*أكملت بتشتت* مابي حبكم لي يتحول لشفقه او رحمه..
فيصل : هالكلام ينطبق على غيري مو علي...انا مالك حق تمنعيني
اقاسمك الوجع..نذرت حبي حتى لاوجاعك تبيني اكفر عنه!!
ابتسمـت بأبتسامه باهته وهي تهتف بخفوت: شلون اجازي حبك ؟
فيصـل بأبتسامه يافعه: الجزا من جنس العمل*بخفوت اكمل*حبـــيني
اتسعت ابتسامتها لتقول بخجل: تدري انه يوم عن يـوم يزيد حبك ..
اقترب منها اكثر وببطء اكمل: طمـااع...ابي دقيقه عن دقيقه يزيد حبي ..
اشتعلت وجنتيـها بحراره وهو يمنعها عن الرد..بضمأ ملتاع ألتثم ثغرها
ليسرد لـها كم هو جشع بحبها وكم يطمع فيه حد التملك..يريدها عشقاً
وعمراً..يريدهـا حباً مؤبداً لايهـرم ولا يفنى...يريدها له وحده دون لعنهً
الفراق و عدوان الفقد..يريدهـا وسيظل يخبرها كما الان حتى ينفد منه اخر رمـق من عمر حبه والذي لايبدو بأنه سيشيخ يوماً ﻷجل ينفد..
همس بعد ان سمح للهواء يعبر بينهما: ابي حبك يرد فيني الروح مثل ماردت لي روحي بهالثانيه..*ارتعش فكها برعشه خجوله ليكمل*
مابي ينتهي اسم فيصل بدون مايبتدي بجوريــته..
خطفت نفس وهي تلتزم الصمت بخجل وسط حديثه الملتاع والذي اكمله قائلاً: روحي وروحك وحده لاتكونين انانيه وماتقاسمينها الوجع..
هتفت بخفوت وهي تغمض جفنيها: اقاسمك عمر كامل الا الوجع
ماتستاهله...يكفيني وجودك جنبي ..
فيصل: وانا غاوي شقا وابي اقاسمك الوجع غصب..لاتفكرين تمنعيني
جوري: وانا اقدر امنعك...مدري من متى صرت كتاب مفتوح قدامك
فيصل بأبتسامه ماجنه: من وأنتي بزر تجلسين بحضني اقص لك قصه
ضحكت بخجل وهي تقول: شلون باقي تذكر هذيك الايام كنا بزران..
فيصل بمكـر: تكلمي عن نفسك كنتي بزر بس انا كنت كبير وكنت اعرف احب...وعلقتيني فيك غصب حتى حبيتك ..
جوري بخفوت : كان حضي حلو لدرجه كنت غافله عنه!! *هتفت بتساؤل*
فيصل انت شلون حبيتني ؟
ابتسم قائلاً بنبره خاصه: ماراح اقول شلون لاني ماأحب اعبر بالكلام وورانا موعـد لاتخلينا نسحب على الموعد وخالتي تنتظر برا .
ابتسمت بخجل وهي تدفعه من أمامها لتتخطى امامه بعجل وهي ترتدي حجابها..

،

أملئ عليه فيصل ان يأخذ سيارته ويستدل علئ الاماكن بالخريطه من الهاتف ولكنه رفض وفضل اخذ التاكسي،فقد كانت تعتبر تلك المره الاولئ له بنيويورك ويخشى ان يتيه بشوارعها المكتضه بزحام السير،
تجلس بحانبه وعيناها تختطف النظر قسراً لشوارع والمباني الشاهقه التي اذهلت ناظريها..لم تكن لترئ مثل تلك المباني الناطحه لسحب ،
شاهقـه بعلوها حتئ انه لم يتسنى لها النظر لآعلاهـا ،لذا كانت تخفض رأسها قليلاً لعلها ترى نهايتها المختبئه بين السحب ..تخيلت لوهله لو انها تتسلق احدها،بل راودتها فكره ان تدلف لها من الداخل وذلك لاستنكارها كيف ستكون تلك الابراج التي جعلتها تغفل عن الزحام والازعاج الذي يتسلل من النافذه المفتوحه...بل حتى انستها ذلك الذي يقبع بجانبها..والذي بمنظرها المندهش ووجها الذي يتلفت يمنه ويسره كالطفل الجاهل جعلته يخرس عن الكلام وهو يحدق فيها بترقب..لم تجذبه تلك المناظر فلربما قد زارا اماكن اكثر ربقه وازدهار منها..شدته هي لتأمل منظرها المنذهل والمتلهف،انتابته الحرقه على حالها...ابتسم بحزن علئ حالها وهو يهمس بخفوت: وين بخاطرك نروح؟..كان سؤاله ساذجاً واشبه بالسخف..كيف له ان يسألها رغم يقينه بجهلها التام حتئ لربما تجهل اسم الولايه التي هم فيها لذا عاد مجددا يهتف بأبتسامه: اول مره ازورها علئ فكره..بس فيصل خبرني على اماكن كثيره ان شالله نلحق نزروها كلها..
هتفت بهدوء باسم: ياليت خذينا خالتي وجوري بعد
هز كتفيه وهو يقول: مره ثانيـه ان شالله..
استدار لسائق وهو يملي عليه وجهتهم، انحدر السائق لطرق مختصره
منعاً لمصادفه الزحام...وبعد دقائق استوقف جانباً،ليدلف احمد وهو يوثق ساره بكفه وبكفه الاخر مد اجره التاكسي له وهو يشكره..
استدارت للخلف وهي تلتف على ذراعها الممسك بها وهي تشهق بخفوت للمنظر الذي اذهلها استدار معها وهو يقول بأبتسامه : هذا معلم سياحي أهدته فرنسا لامريكيا ..من حسن حضـنا مافيه زحمـه اليوم
اقتربوا منـه عن كثب لتهتف بذهول:طويــل حيــل
ضحك بخفوت وهو يقول : طوله 93متر اذا دخلنا بتشوفين ارتفاعه من فوق..
ساره بخوف:لا لا مايحتاج ندخل اخـاف ..
احمد:نجـي نتفرج من برا يعني، لازم ندخل بيعجبك صدقيني..
انتظرا حتى يخف ازدحام السياح المتواجدين بالداخل،وقفا جانباً ليهتف وهو يشير لتمثال : تدرين شنو يرمز له هالتمثال!! وجهت انظارها نحوه بتساؤل ليردف: يرمز لحريه مراءه تحررت من قيود الاستبداد
هتفت بتساؤل: وش معنئ كانت مره ماكان بدالها رجال؟
هز كتفيه وبتفكير: يمكـن لانه بهذيك العصور كانت المراءه مضطهده وتحت الاستبداد ..
ضحكت بسخريه لتردف: والحين يعني تعتقد معاد فيه اضطهاد للمراءه!
احمد: اكيــد زمان الاستبداد والجهل راح، ألحين الناس متعلمه وواعيه
والمراه صار لها رأي ومنصب ..وصار للمرأه حقوق غصب تأخذها بالقانون ..
بأسى قاطعته: ويـن هالحقوق ! تتكلـم وكأنه فعلاً زمان الاستبداد ولى
احمد بتركيز هتف: ايه ولى..الحين المره قادره توقف قدام ميه رجال وتدافع عن حقهــا.. اذا كنتي تظنين الناس اللي بتعطي المره حقها بدون ماتطالب فيه صدقيني غلطــانه..المره هي نفسها اذا تبي كرامتها و حقوقها تسعى عشانها وتدافع ماتنتظر غيرهااا..
بضعف هتفت بخفوت: قصـدك نقدر نمحي ضعفنا حنا بيأدينا ونواجه مجتمعنا المتحجر!!
احمد : اذا كانت حقوقكم مسلوبـه ايه تقدرون تأخذونها ..
سـاره: احيانا ماعاد يكون لك خاطر تدافع لما تحس لحضتها ان كل حقوقك مسلوبـه..غصب تستسلم للواقع لانك بأختصار متجرد من حقوقك كلها
عن اي حق بالضبط تقدر تدافع!!
احمد بضيق: لو ماربي زرع فينا الصبر والاراده ماكانت لنا حقوق ..
لو كانت ارادتك موجوده وصبرك ،مافيه مستحيل وبترجع لك حقوقك..
ساره: لو الاراده انقتلت بداخلك مايحييها لاالصبر ولا الايام..
احمد: ليش حنا مانحييها ليش نركنها على الايام!!
ساره بذهول: بشنو نحييها اذا حنا مسلوبين منها!!
احمد:بالايمان ... لانه اولاً واخراً الاراده ماتكون الا لما يكون ايمانك بربك كبير *اكمل وهو يشتت انظاره للماره* ماأدري لأي حد عانيتي بحياتك
بس ادري اني انا بعد ماقصرت فيك وسلبت منك حق من حقوقك..
ولا افتخر بفعلتي بالعكس اشوف نفسي ظالم ومستخسر فيني تسامحيني ... بـس انتي اكبر من انه توقفين متعثره عشاني او عشان غيري..بأمكانك تستردين أرادتك وتكون لك حيااه بصفحه جديده وبحقوق كامله *اكمل بنصح* لا توقفين حياتك بأنتظار احد يمشيها معك ياساره
لان العمر يمشـي...امشي معه بحياتك واللي يبيك بيلحقك ..
ساره بأسى تنهدت : ماهو بس حقوقي وارادتي اللي انسلبت،حتى قلبي انسلب حقه بعد...كبت زفرته وهو يعض باطن خده...هذا مالايود سماااعه ،استنتج ماأشارت أليـه لذا أطبق شفتيه بصمت دون جرأه منه على التحدث بعد أن ألجمته بحقيقه مشاعرها تجاهه،والتي لم تخفى عليه
وكم كـان يحاول تجاهلها ويملي على ذاته بانها "أوهـام"

،

يتبــع ~

ازدردت ريقـها وهي تردف اخيراً: احنـا ماندري شيبي منهـا عـشان كذا قلنالكـم ..
والدها بغيض مكتـوم: ليش كنتوا ناوين تخبون علينا يعني!!
فرح بتبرير: لايبـه مو قصدي بـس احنا مستغربين من وين يعرف ليان
ابو طلال بأنفعال غاضب: فرح لا تحاولين تطلعين ليان بريئه اذا هي غلطانه قولوا الحقيقه ولا ترا مايحصلكـم طيب..
اردفت ميرال بقهر: عمـي شلون تقول هالكلام ليان تربيتك و..
قاطعها وهو يهتف بقهر :اجـل شلون جات صورتها عنده شلوووون!!؟
ابوخالد بضيق لحال اخيه:سلـمان استهدي بالله لازم نحل الموضوع بهدوء
ميرال بتوتر: يبـه ..هو يعني كان ..قاطعها والدها بقوه :كان أيش تكلمي
ميرال بأندفاع: يعني هو نفسه قبل شهر كلمها يوم ولمح ان صورتها عنده بس حنـا ماصدقناه و..وغيرنا شريحه ليان كنا نعتقد انه يكذب
ابوخالد بغضب: من شـهر هالكلام وتوكـم تتكلمون وين عقولكم وين!!
*ألتفت لفرح وبتوبيخ* ليش ماتكلمتي يافرح هذا وانتي العاقله بينهم شلون تسكتين..
فرح بأرتباك:ماكنت ادري يبـه والله العظيم تو دريت معكم
ميرال: يبـه حنا ماخبرنـا حد خفنـا نسبب مشكله علئ الفاضي
ابو طلال بغضب: وش عالفاضي انتوا صاحين! هذا عرض وشرف
شلون شهـر صورتهـا عنده ويبتزها فيها وتو تكلمون!
ابوخالد بقهر: حسافــه فيكم الثقه اللي عطيناكم اياها حسافه..
ابو طلال بضيـاع:وألحيـن شالسواه يافهـد!!
ابو خالد بزفره: مالنـا الا طلال بيساعدنا بحكم شغله
هتفت فرح بأنفعال:لاااا يبـه تكفى *ألتفت نحوها بقوه لتكمل بتبرير* يبه العيال متهورين يمكن تصيير مشكله كبيره وطلال متهور اذا صار وقلتوا له راح يتهور ويسوي شي يضره ..يعني انتوا تقدرون تحلون السالفه بدون مايدخلون عيالنا فيها ..
ام خالد بتأييد خرجت من صمتها وهي تؤثق رداء وجهها: صادقه فرح يابو خالد الحين صار فيه قسم لتبليغ عن هالحالات وبيجرونه بأذنه للمركز وبدون فضايح..
صمت ابو طلال بتنهيده ليهتف ابو خالد بأتزان: ميرال كلمي ليان تجي الحين ،ان كان لها يد بموضوع الصوره ماراح تفلت من جزاها وان كانت صادقه وبريئه اكيـد ماراح نخذلها ..

،

جلست بجانبه وهي تناوله كأسه الشاي وبأبتسامه يافعه: السموحه ياباشا عبدالله اذا ماأعجبك الشاهي بس هذا اللي ربي قدرنا عليه..ادري مايعجبك غير شاهي ست الحبايب بس سلك لنا حتى ترجع..
ضحك وهو يرتشف رشفه من الشاي ليهتف:والله البيت ظلمه من بعدها
جنى بمكر: الله الله ماأمداها سافرت اصبر يومين ثلاث وقول هالكلام..
هتف بمكر: والله عاد الشكوى لله غصب مشتاق لها محد بيظل معي غيرها..خواتك وتزوجـوا وانتي بيجيك النصيب وبتروحين عني .
ضحكت بخجل لتردف: ولا يهمـك جالسه علئ قلبـك مانيب متزوجه..
ابو احمد : والله اذا جاء النصيب يابنتـي محد يقفل بوجهه الباب..
جنئ بأتزان: ولين يجي النصيب لهذاك اليوم يحلها الله..
ابو احمـد بترقب: واللي يقولك ان النصيب موجود ينتظر ردك..
نظرت له بأرتباك ليكمل: ماشالله عليك يابوي كبرتي ومابقى لك الا هالترم وتتخرجين ..الشهاده وبتأخذينها ومابقى الا النصيب دامه جاء
اكيد بأذن الله ماراح تردينه وبتفرحيني فيـك..
جنئ بتوتـر: يبـه شتقصد!
ابتسم ليهتف بهدوء مترقب: ناصر ولد عمك فهد تقـدم لـك..
ازدردت ريقها بصدمه ليكمل : ياليت تفكرين بكلامي عدل وماتردين ألحين بس ضروري تعطيني رايك قبل الليل لان بكره لازم تروحون تحللون انتي وريم بنت عمك لان حتئ هي خطبهـا متعب..
انسحبت من أمامه بعجل،ليبتسم وهو يعتقد هروبها خجلاً..
دلفت لجيهان بغرفتها،التفت لها جيهان وهي تغلق هاتفها :جنئ شفيك؟
تقدمت نحوها وبربكه هتفت بتيه: ناصر خطبنـي..
جيهان وهي تهتف بأندفاع بغير محله: ايه تو خالد يقولي ..
الحمدلله ان عمي تدخل ولا كان صار لك مثل ماصار لخالتي من سنين.
اتسعت عينها بأستنكار شديد وهي تقول:شلـون!!
جيهـان دون تركيز:اقصد ابو ياسر الحقير اللي كان يبيك لولده..الحمدلله عمي تدخل بالوقت المناسب*أردفت بفرح*عاد تدرين خلود يقول انه متعب وناصر كانوا مكلمين عمي بالخطبه قبل تصير هالسالفه..ارتحت صراحه كنت اعتقد انه انجبر عشان ماتصير الخطبه لبو ياسر وولده..
جثت جنئ امامها وهي تقول بعجز: جيهـان ماني فاهمه شصاير؟
ناصر ليش خطبني وهو يبي ليان !!
جيهان بأستنكار: جنى بسم الله عليك شفيك! وبعدين من قالك يبي ليان
جنئ بأنفعال: مو مهم من قال ألحين..انتي قولي وش سالفه ابو ياسر!
جيهان بأستغراب: ماقالك ابوي يعني!*هزت جنئ رأسها بنفي لتكمل جيهان بهدوء* بجمعه القبايل اليوم ابو ياسر طليق خالتي طلبك لولده ياسر بس عمي وقف وقال ان متعب وناصر خطبوكم انتي وريم
وانه الملكه الاسبوع الجااي..
اندهشت جنى وهي تخلل أناملها بشعرها بقهر وبأسى هتفت:يعني مجبوره اوافـق!!
جيهان بتبرير: ناصر مافيه منه اثنين وبعدين عمي تكلم قدام القبايل
وابوي لو ماهو واثق ان ناصر يناسبك ماوافق قبل يأخذ رأيك..
همست جنئ بخفوت واهن : مابيه جيهان مابـي ناصر...
جيهان بذهول: وش اللي يعيب ناصر عشان ماتبينه!!
جنى: اكيـد انه مجبور علي هو كان يبي ليـان والله كان يبيها..
جيهان : وش اللي يخليك واثقه ان كان يبي ليان انتي صاحيه!!
جنئ: والله العظيم ميرال قالت انه يبي يخطب ليان والله.
جيهان بزفره: ياربي منك ياجنى تأخذين بكلام ميرال ..ميرال تجيب هياط من رأسها مفروض متعوده عليها واصلاً دايم تمزح وتقول هالكلام *اكملت بجديه* ماودي اقول هالكلام بس انتي مجبوره توافقين
لانه علئ كلام خالد حددوا الملكه الاسبوع الجاي تو مقفله منه
ويقول بكره بيروحون العيال يحللون..ناصر لو مايبيك ماكان انجبر
علئ الزواج صدقيـني اعرف ناصر واعرف أطباعه..

،

بعد وصولـها بدقائـق اخذها ابو خالد علئ انفراد بمكتبـه ..جلست امامه والرجفه تسري بعمودهـا الفقري كالتيار ينخر ببرودته عظامها..
هتف بهدوء مدروس: شوفي ياليـان انا بحسبه ابوك ابيك تقولين لي
السالفه كلهـا..عشان اقدر اساعدك اذا كنتـي مو غلطانه ..
هتفت ببحه ممقوتـه : عمـي والله العظيـم ماأعرفـه مدري شيبي اصلاً
فجاأه كذا دق علي رقم غريب وصار يزعجني لين رديت وانصدمت انه يعرف اسمي و...وعنده صورتي
تنهد وهو يقول : عطيني جوالـك اشوف الصوره..
ناولته الجوال،ليستمـر بالتدقيق قليلا ومن ثم اردف: انتي مصوره هالصوره؟
ليان : لامـو انا اصلا هالمكان بالجامعه مدري مين صورني؟
ابو خالد : شاكـه بأحد من صديقاتك بالجامعه ؟ او بينك وبين احد عداوه
ليان : ماعندي صديقات كثير بالجامعه دايم انا وميرال مع بعض
ولا عمرنا تمشكلنا مع احد..
ابو خالد : طلعـي رقمه وكلميه قدامي ..*اكمل وهو يرى الصدمه على وجهها* ليان مو مشكله حنا نبي نعرف هو من، وش هدفـه من اللي يسويه..ناولهـا الهاتف لتلتقطـه برعشه وهي تضغط على رقمه ..دقائق
مؤرقه اقتحمهـا بصوته الماكـر الذي انبثق من مكبر الهاتف : ياهلاا ياهلاا واخيراً تنازل القمر وطل علينا..قاطعته وهي تقول بأقتضاب ونظرها لعمها الذي يحثها على التحدث: انت من؟! وش تبي مني ومن وين تعرفني؟
تقززت من ضحكته الماجنه والتي تلاها قائلاً: الله الله بالهداوه على طول داقه تحققين..على العموم اختصر عليك الاجابات ذي كلها بأجابه وحده..*لوى شفتيه وبمكر* علئ بلاطه انا واحد ابي اتسلى..وعاد حظك جابك بطريقـي وانا محد يعبر من طريقي بسهوله..*أردف ببرود ماجن*على فكره مار علـي كثير من شاكلتك مسوين فيها انهم شريفات..بس ملعوب قديم ..ترا الزمـن تغير ياحلوه وصارت مكشوفه هالحركات..
انفاسها بأضطراب وهي تلتجم بصمت من وقاحة ماتفوه به،ولكن ماأذهلها عمها الذي حثها على متابعه الحديث رغم ماتنبى ملامحه بأنفعال مكبوت
ازدردت ريقها وبأنفعال: صدقني راح ابلغ هلي وماراح يحصل طيب
ضحك بشده ليردف: روحي بلغيهم من وقفك..بس قبل بعطيك خلفيه عني
اذا تفكريني واحد غبي فأنتي غلطانه...انا اذكى من اني ابتزك على صوره والاحقك بمكالمات ..يعني على سبيل المثال
بأمكاني افبرك بيني وبينك مكالمات ورسايل ومن سنين وشهور ..
عاد قولي بالله شلون بيصدقونك هلك..
*أكمل بتحذير * ماراح اتغمس دور العفيف واللي مقصده شريف
انا واحـد اذا حطيت براسي شي جبته...لذلك لاتظنين اني ماقدر عليك
لاني قدرت علئ غيرك وجبته بالغصب ..ماني عاجز اجيبك انتي مثل ماجبت كل معلـومه تخصك ..
اشار لها عمها ان تغلق الهاتف..لذا اطبقت الهاتف بوجهه وهي تنخرط بالبكاء مجددا...زفر ابو خالد وهو يلتقط الهاتف من كفها وبهدوء حاني:امسحي دموعـك ماعاش ولا بيعيش اللي بيأذي وحده من بنات الخالد..صدقيني ماتغفي عينـك اليوم الا وهو مقيد بيدينه..
وقف وهو يمد كفه لها ليكمل قائلاً: قومي يابنتي لا تضيقين خاطر ابوك
خرجت معه للصاله...لترى والدها يجلس وبجانبه فرح تناوله كأس الماء
اقتربت منه وهي تجثو عند ركبته وبضيق هتفت:يبه انت مصدقني صح؟
تنهد وهو يمسح علئ راسهـا وبحنان: مصدقك وواثق فيك..
رفعت جسدها وهي تحتضنه وتقبل كتفه وبوهـن: واخواني؟
ابو طلال : محـد راح يعرف منهم انا وعمك فهـد بنحل الموضوع تطمني
هتف ابو خالد بحنو: دام حنا موجودين ماعتقد لهم راي او كلمه حنا واثقين فيكـم...وان شالله محنا عاجزين عنـكم و ماراح يضركم شي وحنا هنا..
ابعدها والدها عنه وهو يقف وبأبتسامه واهنه: تطمني والحين اسبقيني السياره ابى عمـك بموضوع..*التفت لفرح واكمل* هاه فرح بتروحين معنا؟
فرح بأبتسامـه: لا عمي بنام هنا الليله كلمت طلال وقلتله..
هز رأسه وهو يتجهه لاخيه بالمكتب،اغلقه خلفه وهو يجلس معه على ذات الاريكه ليهتف : وش بنسوي بخصوص هالموضوع ؟ والله اني عاجز افكر
فهد : الحين بكلـم واحد يطلع لي برنت كامل عنه بس بعد لازم نبلغ عنه
بالجرائم المعلوماتيه..
ابو طلال: بس حن لو نبي نبلغ كلمنا طلال يتصرف افضل بدون فضايح
ابو خالد : الموضوع نقدر نحله بدون شوشره اذا تدخلوا العيال بيكبر
فالافضل نبلغ لان الولـد شكل عنـده سوابق ..وبدون حتى نذكر اسم عايلتنـا..انت اترك السالفه علي و الحين بروح للقسم و بغضون ساعات وهو موجود ان شالله عندهـم..


يتبــع ~

صغرت عينيهـا بذهول وهي تقول: انتي بعقلك وانتي تقولين هالكلام؟
زفرت بتعب وهي تقول بأصرار:أيه يمه ان شالله بعد زواج لجين
هتفت بأنفعال غاضب: حنين اعقلي وش يرجعـك بيتك لوحدك وزوجك مو فيه وش تبيـن خلق الله يقولون!
حنين بقهـر:وش بيقولون يمه وبأي حق يقولون..انا برجع مع عمتي لبيتنا
بربي ولدي ببيت ابـوه وهذا اللي كان لازم يصير من زمان..
عبدالعزيز بتفهم:حـنون ياخيه ماودنـا فيك تروحين وش اللي ناقصك هنا
عشان تبين تروحين تسكنين لحالك؟
حنين ببحـه: ماني ساكنه لحالي عمتي ام مشعل معي بنرجع لبيتنا
مايصير نهجره طول هالمـده .
ام عبدالعزيز:ام مشعل عند بناتها جالسـه ما قالت مثلك تبي ترجع البيت
حنين بضيق:يمـه عمتي ام مشعل تدرين فيها ماتحب تضيق على حد وبخاطرها ترجع بيت ولدها بس ماتبي تضايقني وتلزمني ارجع معها
وغلاتها من غلاه مشعل مستحيل اخليها تظل تتنقل ببيوت بناتها
وبيت ولدها موجود ...برجع يمه بيتي تكفين لاتوقفين بطريقي
*اكملت بعبره* مشعل بيتضايق حيـل لو درا ان امه يتحاذفون فيها خواته
على بعض وانا موجـوده..يمه خليني ارجع بيتي يمكن يحن علينا ويرجع
ام عبدالعزيز بضيق:وانـا ! من بيجلس عندي لجين بتتزوج وبظل وحيده بهالبيت..
عبدالعزيز :افا يالغاليـه وانا وين رحت!! دام هذا قرار حنين محد له الحق
يعترض وهي باقي علئ ذمة مشعل ..
ام عبدالعزيز : انت طول يومك بالشغل ابي حد يونسني ألحين ولما صار عندي حفيد تبي تروح بـه بيتها وتخليني ..
حنين بأبتسامـه ذابلـه: بيتـي مو بعيد يمه كل يوم تعالي عندي ولا انا اجيك مع عمتي ام مشـعل.
ام عبدالعزيز: قاسيــن ياعيال بطني علي بالحيــل قاسين ..
عبدالعزيز بأستنكـار: وش هالكلام يالغاليـه ماعاش من يقسى عليك
ام عبدالعزيز بحنق: بلى أنتـوا..شوفهـا تبى تروح لبيت زوجها اللي الله العالم متـى يرجع..والثانيـه ماني قادره افهمها وانا امهـا،وانت ماانت بأرحم منهم ماحن قلبك علي وفرحتني بشوفتـك معرس ..*تنهدت وهي تكمل بأسى* كل واحد منكم مصمم على اللي براسه ولا تردون لي بال..
قبل رأسها وهو يهتف بضيق: ياليتنـي اقدر افرح قلبك يالغاليه ولكن القلب مجبور ماهو مخير..اعذريني ياعصبة راسي ..
مسحت على رأسه بضيق لتقول: وانا عمري ماعذرتكم دايم اعذاركم جاهزه بقلبـي..ماأقول الا عسى الله يسخر قلبك بيوم واشوفك معرس
*ألتفت لحنين واكملت* وانتي ياحنين اللي بتسوينه سويه عسى ربي يرد لك زوجـك ويفرح قلبك وقلب امه وولده بشوفـته..
عبدالعزيز :وهذا اللي نبيه منك يمه الدعوه الزينـه ..
وقفت بهدوء وهي تقول:الشاهد الله ادعليـكم كل ماقمت وجلست لان مالي غيـركم بهالدنيـا وسعادتي من سعادتكـم..*ابتعدت وهي تردف*
تصبحـون علئ خيـر. صعدت للاعلئ بضيـق..لتزفر حنين بلوعه وبهمس :خذت بخاطرهـا متأكـده..
عبدالعزيز : ماتشيـل بخاطرها أمي تعرفينهـا قلب ابيض..
فاجأته حنين وهي تهتف بأتزان: وانت ماودك تفرح قلبها وتفرحنا ياعزيز؟
*أكملت بتساؤل* ماحل عليك تنساها! ولا للحين تحبهـا!!
تنهـد وقلبه يعتصر الماً وهو يقول بخفـوت: كنـت أحبها..ولاحضي قلت كـنت ..
حنيـن : مايهم اذا باقي تحبها او لا قد ماهو مهم حياتك اللي موقفها عليها..
عبدالعزيز : مااوقفت حياتي بس اكتفيت بهذيك التجربه وماعندي استعداد اكررها..*اكمل بضيق* اكتفيت بشغلي وبكم وبس
ازدردت ريقهـا بضيق لحاله لتهتف بمؤاساه: ماراح تنسى صدقني الا لا تزوجـت وصار عندك ضنى ..صدقني وقتها بتنسى ..
عبدالعزيز: ماعاد تهمنـي فكره الزواج ..انخرس وهو يلتفت لمصدر بكاء من جهة السلالم اقترب وسط العتمه المحيطه بالمكان لتتضح له لجيـن
المتكوره علئ ذاتهـا ومنخرطـه ببكاء صاخب،هتف بخوف وهو يجلس بجانبها: لجيـن بسم الله عليك شفيك؟ تشبثت بحضنه وجرعة بكاؤها تزداد،
لتقترب حنين منهم وبمداعبه حنونه: لجين هالايام صرتي دلوعه بزياده من تحدد زواجك..كل هذا عشان ماتبين تطلعين من عندنا
ضحك عبدالعزيز بخفه وهو يردف: قولي كذا اجل ..انا استغربت عبالي صراحه ان كل هذا خوف من حمد قلت مو معقول !
حنين : شعرفـك انت حركاتنا يالبنات لازم دموع التماسيح ذي قبل الزواج
مسح عبدالعزيز علئ شعرها وبنبره حانيه: لول قولي الصدق فيك شي؟
رفعت وجهها المتشرب حمره لتهتف ببحه متعبه: مافيني شـ ـي
ابتسم بود ليهمس:اجل دلوعه عزيز ليش هالبكاء!
كانت تود ان تنفض تلك السموم العالقه بذاكرتها ،ربما يرحمها ضميرها من عذابه..تود ان تصرخ بذاك السر الذي اختبئ بأضلعها بقسوه..ادماها صبراً وعدم مقدرهً علئ البوح به..كانت تود ذلك ولكــن...انخرس لسانها
وتلاشت قوتها حين نظرت لعينيه الدافئـه..ولله لايقدر ..ذاك الجبل الشامخ الذي أمامها لايستطع تحمل ذلك..لديها الشجاعه البته بأن تخبى السر حتى ولو تكابل وشاخ بين أضلوعها..مقابل ان لاتهدر ماتبقى من سعاده اخيهـا من أجل ماضٍ فر دون عـودهً ...
اردفت بتبرير واهـن : مثل ماقالت حنين بس عشان بشتاقلكم

،

دلفت بجانبه ووجهها لازال يسكن به أثار البكاء،هتفت بالسلام وهي تتخطى السلالم دون النظر نحوهم،ونحو استنكارهم الذي بدأ علئ ملامحهم،اقترب منهم وهو يتوسط الجلوس بينهم ليهتف طلال بتوجس:صاير شي يبـه!!
اردفت ام طلال: ليـان فيها شي؟
هتف بأتزان:ماهو صاير الا كل خيـر وش عندكم موسوسين..
طلال بترقب: وجيهـكم تقول فيـه شي!
ابو طلال: لاتطمن مافيه شي يخوف*أكمل بأبتسامه* بس دامكم مجتمعين عندي لكـم خبر يفرح ..
ام طلال :خيـر يابو طلال من زمـان عن الاخبار الحلوه..
وجهه انظاره لريـم ليردف بأبتسامه: ريـم جوها خطاب..
طلال بأستنكار باسم:من يبـه..نعرفهم؟
فغرت ثغرها بصدمه وهو يقول لطلال: متعب ولد عمك فهد خطبها مني اليوم وناصر خطب جنى بنت عمك احمد..
طلال : والله والنعم بمتعب رجال وينشد فيه الظهـر..
ابو طلال : هاه ياريــم ماقلتيلي شرايك؟؟
ام طلال بأبتسامـه:وراك مستعجل..خلها تفكر لها كم يوم
ابو طلال: لا أبيها ترد لي خبر بدري لانه ابو خالد يبي الملكه الاسبوع الجاي...*ألتفت لريم وبحنو اكمل * الشاهد الله منيب محصل مثل متعب
يستاهلك...والله انه بخاطري من زمان لان ماودي تبعدون عني...ومنى عيني اللي أشوفـك انتي واختك كل وحده ببيت زوجها واتطمن عليكم قبل الله يأخذ امانتـه..
ريـم بود: بسم الله عليك يبه والله يطول بعمرك ويخليك ذخر لنا *أكملت بخجل وهي مطأطأه رأسها* مابعد كلامك كلام يبه اذا انت تشوفه كفو
انا موافقـه ..
ابتسم طلال وهو يقول: ياليت باقي مثلك ببنات هالجيل وحده عاقله ورزينه ..
ام طلال بأبتسامه: بسم الله على بناتنا كلهم عاقلات الله يحفضهم
طلال بتذمـر: امحـق عاقلاات هالجيـل كله يرفـع الضغط..
ابو طلال بسعاده : الله يكملك بعقلك يابنتي..علئ كذا الصباح نروح نحلل
ريـم بخجل :اللي تأمـر فيه يبـه..
ابو طلال :الله يكتب اللي فيه الخيـر..*بتساؤل* الا مها وين!؟
ام طلال : تتجهز هي وبزارينها بيجي ماجد يأخذهم لبيتهم..
ابو طلال:الله يستر عليهم والله مسوين لنا جو بالبيت..
تسللت بخجل من بينهـم..ماأن غابت عن انظارهم هرولت لغرفتها وهي
تحكم اغلاق الباب،لتستلقي علئ سريرها بصدمه..وجنتيها تشتعل حراره
لاتعلم مامصدرها!! تستشعر الاختلاجات بداخلها والبمهمه مابين اختلاجات
الفرح وشيً اخر تجهله..لم تكن تتوقع بأنها ستقبل بتلك السرعه!!
ابتسمت ببهوت وهي تربط بخيالها ماسيحدث بالغد!!
ابتسمـت ربمـا لهفهً او فرحاً كونها اصبحت محض تفكير احدههم!!
ومستنكره تاره على تسرعهـا بالقبول المغايراً لشخصيتها المعقده والتي لاتقبل بسهوله...!!
تتساؤل أهذا لانه هـو ..فلا أحـد استطاع ان يذيب الجليد المغلف حول قلبها سواه؟!... أم انها باتت تنجرف منذ ذلك اللقاء خلف طيفـه ؟!

يتبـع ~

[COLOR="Green"]
القئ بجسده على السرير بأكمله دون ان يخلع بدلته العسكريه،زفر بتعب وهو يغمض جفنيه يرتجي النوم ..ولكنه ماأن اطبق هدب عينيه حتئ تمخطرت صورتهـا بمخيلته،حاول طردها ولكن باتت محاولاته بالفشل، تسيطر علئ تفكيره للحد الذي استلقئ علئ جانبه الايمن وهو يدفن رأسه بوسادته..ايقن بأنه لن يهنئ له النوم قبل ان يتخلل مسامعه صوتها والذي بمثابة حُقن مهدأه له،اعتدل بجلسته وهو يرفع هاتفه بين كفيه،وبأندفاع نقش ارقام هاتفها علئ الشاشه ومن ثم وضعها علئ مسامعه بأنتظار مؤرق،من جانب اخر كانت تماما كما حالته الان، مستلقيه علئ سريرها وتعبث بخصلات شعرها بتفكير ينحدر أتجاهه،قفزت بعجل وهي تصغي لرنين هاتفها لتسقط ارضاً وجبينها يرتطم بحافه الكومندينه
تأوهتت بألـم وهي تشتم اندفاعها،ولكنها وقفت بعجل وهي تسحب ايقونه الرد الخضراء ..هدرت انفاسـها علئ مسامعه دون رداً منها
ليهمـس هو بأشبه بالوجوم:مساء الخير..
فرح: مساء النور..
طلال بعجل: دقيتي علي ليش؟
فرح بأستنكار:انت داق مو أنا .
طلال بوجوم:العصر
فرح بتذكـر:أهـا ايه ارسلت لك رساله مارديت قلت يمكن ماشفتها ودقيت
طلال :شفتهـا *لوئ شفتيه بأستخفاف مكملاً* وش المطلوب!!
اتسعت زوج اعينها بشده وهي تهتف بتساؤل:يعني منت متضايـق!
ضحك ساخر وهو يندفع قائلاً:من ايش اتضايق بالله!!
فرح بتبرير:يعني عشان رحت بيت هلي ..قاطعها وهو يردف بقوه:واذا رحتي بيت اهلك نهايه العالم يعني!! *اكمل ساخراً* ولا تفكريني بموت شوق لحضرتك ..قاطعته هامسه بتبرير واهـن:ماقصدي كذا
طلال بأنفعال: اذا تظنين انك بحركتك السخيفه ذي بمشي وراك وارتجي رجعتك تراك غلطـانه ماهو طلال اللي يجري ورا مره ..
صمتت بصدمه من انحدار تفكيره ولكنه الجمهاا عن الحديث وهو يقول: من الافضل تظليـن ببيت ابوك ماني بمجبـور اتحملك اكثر من كذا
فغرت ثغرهـا بصدمه ممقوته،أزهق قلبـها بتصريحه، كما لو أنه نحـره
بمخالب كلامـه الحاده، رمشت بجفنيها دون استيعاب وهي تقول بصوت واهـن : أنت ليش كذا!!
زفر بتذمر وهو يقول بأنعقاد حاجبيه: هالسؤال لك مو لـي ..أنا شخصيتي ثابته وادري شاللي ابيه واللي ماأبيه..مو مثلك شخصيه انهزاميه ماتدري شاللي تبيه واللي ماتبيـه..
بقهر هتفت: العذاريب كلها ألحين طلعت فيني وانت محشوم ملاك منزه
طلال بأنفعال: ايه العذاريب كلها فيك..سلبيه بكل حالاتك ماني مجبور
استمر مع وحده دمعتها علئ خدها اربع وعشرين ساعه..كان ممكن حياتنا من اول يوم طبيعيه حالنا حال اي زوجين ..بس انتي بسلبيتك
فسرتي كل شي على كيفك ..خليتك علئ راحتك قلت مصيرها تعتدل
بس ماكان فيه فايده من وحده مثلك تتخبط بحياتها بدون شخصيه
كانت منصته لحديثه وثغرها يرتجف بعبرات مكتومه مسجي خلف كفها اليسرى،والتي تشد بها عليه كي لاتنفلت عبراتها وتصل لمسامعه..
زفر بغضب وهو يستنتج من صمتها بمحاولاتها ان لاتبكي لذا هتف بقهر
: ماكنت اعتقد اني بأرتبط ببزر اداريها، و انتي اثبتيلي بجداره انك بزر
*اكمل بغضب* تراددين وبلعناها تعاندين وسكتنا بس تعصين اوامري
هنـا خط احمر مو معناته عطيتك وجه تتمادين ..ديني ودين اللي يعصي كلامي ..هذا وانتي زوجتي يعني ملزومه وغصب ماتعصينها ..
تغضنت ملامحه بغضب لصمتها ويود لو أن تصرخ عليه ليصرخ
لايود ان تصمت لانه سيضطر لسكوت وانهاء المكالمه وهذا مالايريده..
بكت بخفوت دون ان تصدر صوتاً سوا انفاسها المتضاربه،
حين زحف الصمت علئ كلاهما،تسلحت بشجاعه متهالكه وهي تزدري ريقها لتتنحئ بحتها الباكيه وهي تقول بأنفعال مشتت: ماكان لازم توضح لي رفضك لي لانه خابره هالشي ..اذا ماتبيني قلت لك ياولد الناس
منت بمجبور فيني ابوي مهو بعاجز عنـي ..مهو من حقك تضايقني بهالكلام ..قاطعها ببرود مستفـز: اللي جبرك علئ الزواج فيني تتوقعين بيوم بيردك عنده!! اعتلت شهقتها مسامعه لتخترقهـا بوجع، كان قد تقصد اذيتهـا ولكنه لم يعقتد بأنه سيتألم قلبه من شهقتها التي تمردت قسراً من حنجرتها،ولكنها طعنتها ببحتها المنفعله بغضب باكي: كذاب ابوي ماجبرني عليـك ابوي كان مغشوش فيـك للأسف..ولاهو بعاجز عني صدقني
ضحك بسخريه نخرت أضلع قلبها: ليش واثقـه هالكثر !
بقوه من وسط بكاؤها هتفت: لانه ابوي تفهـم وش يعني ابوي..
لا أنت ولا عشره من امثالك يظن نفسه انه الامان لي والعزوه مثله..
لو طحت محد بيرفعني غيره..واثقه ايه لان محد يتساهل الثقه غيره..
انخرطت ببكاء مفرط وهي تلتحم بالصمت وسط هدر أنفاسه المنذهله
منها..تنهدد بضيق وهو يفرك جبينه بكفه،اكملت بتعب بعد بكاؤها
:الخذلاان للأسف يجـي من اشكالك مايجي من ابوي..تصبح علئ خير
كان سيتكلم ولكنه التزم الصمت اخيراً وهو يزفر بضيق من حاله ،
انتبه انها لازالت علئ الخط..واستنتج انها لا تود ان تغلق الهاتف هي
لذا هتف بضياع: قفلــي..
اغلقت ماأن سمح لهـا بذلك وهي تقذف بهاتفها بجانبها،ومن ثم دفنت رأسها بوسادتهـا لتعاود ادراجـها للبكاء مجدداً بخيبه تكالبت علئ قلبـها..
ومن جانبه هو تسلل النوم من عينيه بسكون الليل ليسامره الارق ليلتها
والنـدم على ماتفوه بـه علئ مسامعهـا..

،
التاسعه صباحا ..
ابتسمت بعمـق وهي تخطف الأكسجـين بسعاده،تبعثرت أختلاجاتها بأضطراب مابين فرحهً وترقباً حميمياً للقادم..بل للافضل، خرجت سيارتهم من باحه المواقف التابعه للعياده وعيناها لازالت تتلألأ بسعاده بأسوار العياده وبداخلـها تصرخ املا بزيارتها هنا بالقادم،اغلقت نافذتها حال دخول سيارتهم بالازدحام بالخط السريع، ادارت رأسها وهي تسترق النظر
لجيهـان المتهلله ملامحهاً فرحاً وسروراً لها..هتفت بسعاده مستنكره:خمس سنين ياجوج واخر شـي نقص بالبويضه بس!!
جيهان بأبتسامه يافعه: الحمدلله..صحيح انكم غلطتوا بتهاونكم بس لربي حكمه في ذلك..
مـرام بتفكير عميق: كنا خايفين ومترددين ماشجعني للعلاج وانا ماتشجعت...للاسف كنا يائسـين وياليت ماكنا
جيهان : الزمـن مايرجع لوراء يامرام والحمدلله المفروض انك فرحانه
هذا انتي سويتي فحوصات والحمدلله مشكله بسيطه ان شالله تنحل
كمشت علئ كيس الدواء خاصتها وهي تقول بحماس يتراقص فرحاً:ايه الحمدلله.. اللهم لك الحمـد ..
جيهـان بتحذير: مثل ماقالت الدكتوره خليك حذره بأستخدام المنشط ورقمها عندك في حال تلخبط عليك شي..
رقرقت عيناها بضباب معبراً عن فرط الفرحه المتسلله لقلبها وهي تقول ببحه متلهفه: ان شالله...مالي نفس اروح البيت شرايك نروح السوق»
جيهان وهي تخفي تأثرهـا: ليش لا زمـان عن فرفره الاسواق مع بعض
مرام بأستغراب باسـم: مدري وش كان شاغلنا !!
استغرق وصولهم للمجمع التجاري مايقارب ربع ساعه بوسط ربقه الزحام
خطواتها مليئه بنشوه سعاده،قادتها دون هواده لاحد محلات الاطفال،اتبعتها جيهان لداخل، واخذت كلا منهم تتجول بجانب ..
اقتربت من اطقم المواليد المرصوفه بعنايه علئ الرفوف المتفاوته بالطول، تاره تمسك بطقم وردي او بالازرق.. وعينها تتدفق بلهفه عميقه كادت تطرحها مغشيهً عليها من هول الفرحه..استدارت للجانب الاخر بلهفه وهي تتخطى بين الاسره المتفاوته الحجم والالوان..اقتربت من سرير بحجم متوسط بلون الابيض المكسور بدرجات الازرق والوردي
بملصقات مشذبه وتجذب للغايه..هتفت للبائع بحماس :لو سمحت نبي هذا
اقتربت جيهان بأستنكار ضاحك: مرام يالمطفوقه لا تستعجلين بدري..
مرام: عاجبني وخاطري فيه اخاف مالاقيه هنا ثاني
جيهان : خلاص مو مشكله ناخذه*اكملت بمكر* ومنه انوم ولدي فيه حتى تحتاجينه..قاطعتها مرام بأنفعال ضاحك: مناك انتي وولدك والله ماتاخذون حق ولدي...

،

ورقه بيضاء امامه،وقلمه الازرق يرسم عليها خطوطاً متعرجه بلا هوداه ..او تفكير منه لما تخط أنامله، متكئ بساعديه علئ مكتبه وعيناه تحدق بتيه، ربما ليس نادماً علئ مافعل..ولكن شيئـاً ما بعمق قلبه يعتصر!!
لاينكر كم اخذت تتمخطر بتفكيره لايامٍ وليالٍ منذ رؤيتها، ولاينكـر حين يعبر أسمها بفاه احدهم امامه يكاد ثغره يبتسم قسراً، حفرت ملامحها
بذاكرتـه،وكم يستصعب عليه ام يمحيهـا، زفر وهو يضع وزر النسيان علئ عاتق الايام،بيقين ان الله لم يجعلها من نصيبه الا بأنه سيعوضه بما يرضيه، وقف بأحترام وهو ينتبه لوجوده امام باب مكتبه وهو يهتف بأحترام :هلا استاذ تركي تفضل..
تقدم تركي بالجلوس علئ المقعد الذي امامه وبتساؤل حاني:علامك اليوم ماأنت علئ بعض! تراني بحسبه ابوك ياناصر ان كان ناقصك شي!
ناصر بأبتسامه: تسلم ماتقصر وانت راعي الاوله..وتطمن مافيني شي
تركي: توقعـت فيك شي لما ماجيت مكتبي مثل ماانت عارف الوفد الايطالي بيجي بعد ساعتيـن..
ناصر بتذكر: السموحه والله راح عن بالـي..
تركي وهو يقف :حصل خـير..اجل نلتقي بقاعه الاجتماعات بعد ساعتين
ياليـتك تشرف علئ القاعه لاهنـت ..
ناصر:ابشـر ..

،
بعد ساعتين ،بقاعه الاجتماعات المغلقه،وامام شاشه البروجكتر المضيئه وسط الظلام الذي يحوم القاعه،يترأس هو الطاوله المستديره بينما بجانبه الايمن يجلس ناصر بهيبته التي تكبر عمره و جعلته محض احترام ومهابهً ممن حوله بعمله، وبجانب ناصر يجلس محامي الشركه بنظاراته الطبيه وبين انامله يتفحص الاوراق التي أمامه، ومن الطرف الاخر بالمقدمه يجلس احدهم ببدلته الرسميه ونظاراته الطبيه بلونها العسلي الممتده خلف اوذنيه بحبال والتي اهدته عمرا فوق عمره مروراً بالتجاعيد الممتده من فكه حتئ جانبي جفنيه، أضافهً لشاربه الاشقر والذي يهدي بأنه "اجنبي الجنسيه"بجانبه مساعده الذي عقد الاجتماع بالمره السابقه و مرافقه الشخصي من الجانب الاخر...هتف تركي بصوته الجهوري بعد ان انتهى عرض البوربوينت للمشروع والذي بدأ له متكامل من كل الاطراف...وبلكنه ايطاليه :أشيد مجددا بحضورك لهنا واتوق شوق للتوقيع على الاتفاقيه"
نطق ذو الشارب الاشقر بذات اللكنه : وانا كذلك سعيد للغايه للاتفاقيه مع شركتكـم واتمنئ ان تكـون مرضيه لطرفين..
تركـي بأنجليزي لقله معرفته باللكنه الايطاليه: من جهتنـا نحن لامانـع لدينـا لدى بنود العقد ..ماذا عنكم؟
هـو : ايضـاً نحن راضين تمام الرضا عن البنود..
تركي:اذا لنوقع العقد ونبتدأ بالمشروع ببدايه الشهر القادم.
ضحك وهو يقول: يعجبني بالعرب حماسهم واخلاصهم لدئ عملهم لذا لم اخيب حين وددت التعاقد معكم..
ناصر بلهجه انجليزيه متمرسه: بالطبع لن تخيب فنحـن نملك كفاءه عاليه ولدينا سيوله تحفزنا..
هـو: اذا أمـل ان نستفيـد من كفاءتكـم...
استمرت مناوشاتهـم حول المشروع لساعه فأكثر،وانتهت بتوقيع الاتفاقيه.. ليغادر هو واتباعه بعد ذلك وبجانبهم المحامي ليودعهم لخارج الشركه، اقتربوا من باحة المواقف.. ليقف هو امام سيارته الفارهه وهو يلتفت للمحامي وبتساؤل بلغته الام السعوديه البحته: مدير الماليه حقكـم ذا ماأرتحتله..
هتف المحامـي وهو يتلفت بخوف من الماره: هذا ناصر الخالد متوظف من كم شهر .
هتف بأمتعاض: وانا اقول ليش مابلعـته*اردف بحزم* اذا استمر هنا بيخرب عليـنا الشغل لاحضت شلون كان يناظرنا بتشكيك..
المحامـي: حتئ انا ماأرتاح له دايم يدقق علئ الشغل ..
هتف بوجـوم وهو يدلف داخل السياره: تخلصـوا من وجوده بطريقنـا بأي وسيـله..

بداخـل الشـركه وبداخـل قاعه الاجتماعات ذاتهـا...استدار لتركي الذي همّ بلملمت بعثره الاوراق بحماس، ليبتر حماسه بنبرته الواثقه
: ابداً مارتحت لهم وياليـت مااستعجلت بالتوقيع..
نظر له تركـي بأستنكار:ليش!!
ناصر بريبه وتوجس ممقوت: مدري بس ماني متطمن بتاتا اولا من العقد والارباح المثيره لشك ونهايه بتواجد هالادمي احس وجهه مار علي من قبل...قاطعه تركي بتوجس:شلون مار عليك ! هذي اول زياره له لسعوديه...وانا بنفسي مشيك على حجزه ورحلته والفندق اللي ساكن فيها كلها بأسمه وبهويته..
ناصر بهدوء : يمكن مشبه عليه..علئ العموم الله يكتب اللي في الخير..

نقـــف هنــا()

الملتقـى الثلاثاء بآذن الله
احاول نرجع لروتينا الاول بارتين بالاسبوع..عسى الله يقدرني واقدر ..

همســـه:



" 🌹💥اكثروا من الاستغفار واشيعوه فيما بينكم.. فما نزل بلاء الا بذنب وما رفع الا بتوبة..
" استغفر الله العظيم الذي لا اله الا هو الحي القيوم "💥 🌹

.



دمتــــمٌ بخيــر
/
روعــة النسيــان ♥~

مرحبا رورو ايش هالبارات الحلو بعلق اول شي على ردك علي انا ابد ماخلطت ابوطلال بأبو احمد بالعكس ادري انو ابو ياسر بيخطب جنى ولو راجعتي تعليق قديم لي بتشوفي اني قلت انهم بيخطبو جنى بس بيوقف ناصر وبيحيرها بس ماتوقعت ابوخالد يلي بيسويها انا بس استغربت لو انذكر اسم عبدالله ومتعب وافق لاني ادري يبغى ريم بنت ابو خالد (فهد ) بس ناصر رقعها اليوم وبعد توقعت ان ابو ياسر يطلب عوض او شي كذا بحكم ان ناصر اخد البنت يلي طلبوها فيخطبو اخته ميرال
بالنسبه لبارت اليوم عجبني موقف ابوخالد وحكمته مع ليان بس احس ان طلال افضل لو درى لان ماتدري وش بيصير لان زي ماقال يلي بيهدد انه خبره وايده طايله مرام فرحت لها قطعت قلبي بلهفتها بس ياخوفي من هالسفره احمد يضعف وتجيها ساره حامل مدري قلبي قارصني طلال احس قال كل يلي بقلبي لفرح ممكن كان قاسي بس عشان نكون واقعيين مافي رجال بيحتمل هالوضع لو ايش كان السبب ياريت هالشي يعقلها من تخبطها مو يزيد بؤسها وخدلانها صار وقت لازم اتبين له انها كفو له لجين احس السر نفسه يتعلق بالشي يلي شافته من الشباك يتعلق بخطيبه عزوز السابقه وبعد هذا سبب نفورها من يزيد وعزوز لاياقلبي وش مايبي يتجوز وليان وين راحت مافي كلام حيرناك لها مشكوره رورو بانتظارك الثلاثاء ‏‎ ‎