كاتب الموضوع :
ارادة الحياة
المنتدى :
القصص المكتمله من وحي قلم الاعضاء
رد: احبك ذاتي بقلمي / ارادة الحياة .
مد وجز امواج ثائرة تارة تحتظننا في اعماق اعماقها وتارة تنبذنا* الى اقصى شواطئها المهجورة
ونحن نتشبث بالامل تارة تعجبنا حركة المد ونعيش احلامنا في شواطئ زين لنا الوهم جمالها وتارة ننجرف نحو الجزر ونذهب في رحلة سباحة ونرى فيها* اعماق البحار وجمال اللؤلؤ والمرجان* وفجاءة يرجعنا* المد الى شاطئنا وبعدها يرجعنا الجزر الى بحرنا فمن نحن فقدنا هويتنا وو هنت قوانا بين مد وجزر تعبنا ونحن نرمم اماكن عودتنا فنحن بشر* ولنا طاقتنا
(3)
عدت بعد منتصف الليل كالعادة وجدتها في الفراش والغرفة مظلمة الا من الضوء الخافت لجهازها تتصفح النت وانا واثق ما هي عنواين تصفحها ان لم تكن كيف تنجح عملية طفل الانابيب تكون لدي خلل في الرحم ماهو نسبة نجاح العملية وان كانت متفائلة ما نسبة ذكاء طفل الانابيب وان كانت متشائمة كيف اقنع زوجي بتجربة اخرى بصمت غيرت ملابسي وتمددت بقربها وتلقائيا اتت بقربي وتوسدت ذراعي وهي تنثر القبلات عليها توجعني بقدر ما تفرحني هذه اللمسات اجاريها بحب نعم احبها عشرت اكثر من عشرة سنوات انا وهي سعداء تنغصت سعادتنا بعدم استطاعتها ان تنجب طفل قالت بهمس خالد اسفة والله مكان قصدي تصير عصبي
سحبتها اكثر ليكون راسها قريب مني وقبلتها بود
وقلت حلا ترة اني خايف عليج شيضرني بالموضوع بس والله اني انمرد عليج من تخلين املج كله وبعدين تنهارين انهيارج مؤلم بالنسبة الي وتعرفين اني شسوي اطلع من البيت وانتي تتاذين زين اني اظل يمج اتاذة والحل تعبت باخر تجربة
اعرف جيدا هي في طريقها الى ذرف الدموع ولكن المصارحة لا بد منها
اجابت بحزن راح اموت واسمع كلمة ماما لدرجة اتحمل اذية زواجك الي ممكن ايطلع روحي واسمعها من ابنك وهاي اخر محاولة لاتعتقد اني ما اتذة اني اروح للاذية بيدي بس علمود افرحك بطفل وافرح العائلة
قاطعتها بحزم زواج ما ازوج لا تلحون على هاي الشغلة
اجابت بلوم ليش هشكل انت قاسي اني دا ابذل كل جهدي حتى اسعدك انت ليش متقبل تسعدني
اجبتها بحزم هذا الموضوع ما اريد تدخل بي الي الف سبب حتى ما ازوج وانت مو طرف بالموضوع ولا تفتحي
اجابت بوهن حواجز مخلي بينة حواجز
اجبتها بهدوء مو حواجز اني كلي الج بس بموضوع الزواج هاي شغلة تخصني اني مو مراهق تقررون يزوج ويفرح بالعروسة ويكول اي ترة اكو مليون شغلة بدماغي اتجاه فكرة الزواج بثانية
اجابت بضعف انت مضطر مو واحد بطران وتريد،تزوج
لاغير مجرى النقاش احتظنتها
وقلت اكلج هسة انتي صدك تردين ازوجين وانام بحضن وحدة غيرج واحتمال احبها واضربج بوري ولا تحصليني ولا تحصلين ولد مني ومنها
اجابت وهي تدفن نفسها بين اضلعي اعرف مراح تسويها اول زواجنة كانت عيونك ادكول متحبني بس تصرفاتك ادكول انت عاشق الا ان غلبت تصرفات العاشق على نظرة العيون الي كانت صريحة بمشاعرها الي يكدر هشكل يسوي ميكدر يغدر او يخون او يترك حبيته لمشاعر مو حلووووة
علي ان اخرج نفسي من جو هذه الكلمات وحان دوري لادفن نفسي في حظنها لتغرقني بحنانها كلماتها دفعتني الى شطئان منسية على ان اغرق بالانثى التي بقربي قبل ان يجرفني التيار بعيدا
*************★********************************************** *****************
تتسابق الايام من هي تاتي اولا ولا شك ان يوم الاحد هو الذي يحصل على المركز الاول لايام الدوام مسكين هذا الاحد فنحن ننقم عليه كل اسبوع ونستقبل الاثنين بود اكثر اراقب الطريق بضجر رحلة الذهاب الى الجامعة مزعجة خاصة ان كان النوم يداعب العيون التفت الى والدي وقلت له بابا نعسانة اجابني بمحبة بابا هاي السالفة كل احد من انتي بالروضة هاي سالفتج وي الاحد
اجبته بصدق لعد شكد سالفة قديمة ولحد هسة محسيتوا شكو بيها اذا احد واحد ما ادوام
اجابني باسما ينتقل الكره للاثنين
اجبته بتاكيد لا ابد الاثنين احبه بس الاحد نايم على عيوني
كم هي جميلة ضحكات والدي بالمناسبة والدي وسيم جدا جدا تتاسبق عليه الحسنوات اللواتي غايتهن الحرام ام الحلال لا يهم المهم محمد القاسم يكون بقربهن اعرف والدي لن يقربهن لا حراما ولا حلالا فهو يقدس والدتي وممتن لها لانها قبلت بفقير مثله وهي ايضا ممتنة له لانها اقترن بمتواضعة جمال ومعدومة مال مثلها
قال ها بابا وين وصلتي
يالة رقة والدي
اجبته ما وصلت لمكان اني وياك افكر اسحب على الكلية واخلصك من الشغل اليوم وافرفر وياك
قاطعني بحزم لا تحلمين هواي الكلية اداومين والشغل اروحله ويوم الخميس نطلع
اجبت بحالمية حبيبي الخميس لقاءه يعني اكتمال،السعادة وراحة السعادة ترك والدي مقود السيارة وهزة يده دلالة على يئسه مني
اقتربنا من الجامعة ودعت والدي واقتربت من بوابة الجامعة بزهوا اشعر بالفخر عندما يوصلني والدي اعرف انهم يراقبون حركاتي واعرف اني جميلة ولكن كل من حولي لا يعني لي شيئا فانا فخر ابي وابنته الوحيدة ولن ارضى على نفسي التسكع انا الياسمينة الدائمة الخضرة لن يذبلوني بعيونهم ونواياهم ذهبت الى ركننا المميز وكالعادة خلود ماخوذة بجمال الحديقة وزهرة ماخوذة بصداقات الفيس بوك قلت لهن صباح الورد ياورداتي اجابن صباح النور ياخائنة اجبتهم وانا اتصنع التكبر اكو وحدة يحصللها محمد القاسم يوصلها وادكول لا يا خط يا صديقات حدقن بي شزرا
قلت لهن كيفج باوعن هشكل هذا حبيبي انا
اجابت زهرة بغرور ظلي بهذا الحبيب ترة ميوديج شهر عسل
اجبتها بثقة بابا عندي احلى من شهر العسل انت افكارج تعبانة وانا اترفع عنها
اجابت زهرة ماكو بنية طبيعية متفكر بشهر العسل وبفارس الاحلام بس انت ثولة لو عندي فلوس ابوج كان هسة شباب الجامعة كلهم خليتهم خدم لنظرة عيني
ثم اكملت بنغزة بس مو كلها ادور الفلوس اكو هواي يشترون النسب بملايين
لحظة صمت وحساسية مفرطة اكتمها في داخلي لنسب والدي الذي لا يعرفه اجبتها بثقة ظاهرية وانكسار داخلي حبيبتي واحد كفى عباده وبدون تشابيه ابوي ثبت نفسه بنفسه وثبت باعماله منبته الطيب عندج حجي(كلام) زايد احجي كله وخلصينا مو كل يوم فاتحة السالفة
اجابت خلود باستنكار لما وصل له الامر بنات شبيجن صلن على النبي مو هشكل هسة جنجن ورد شجاجن
رددنا جميعا اللهم صلي على محمد،وال محمد
قالت زهرة انتي بيج حساسة هسة اني شحجيت ليش ما اتحسس منج من تجين تتباهين بابوج واشلون مغرقج بهدايا الذهب وبفلوسه وسيارته وانتي تعرفين وضعي
اجبتها بحدة اني من اسولف ترة ما احجي حتى اضوجج اني احجي حياتي الطبيعية ما اتعمد اغث احد او بمعنى ادق اعير احد
حاولت مقاطعتي ولكني اسكتتها
وقلت شوفي زهرة وخاف اني ما مسولفة بهذا الموضوع بس خل احجي بي حتى نخلص بابا ممخلي شي ممسولفة الي وهو عنده اهل واهلة ناس معروفين بس جدو الله يرحمه اختلف وياهم وفصل نفسه عنهم حتى من يسألوا شنو عشيرتك ميحب يذكرها ومات جدو وبيبي وبابا صغير وميعرف منو اهلة والمنطقة الي عاش بيها هم ميعرفون كل الي يعرفوو عن جدو قاسم ابو محل الخضرة
كانت نظراتها مشككة ولم يعجبني اتكلم عن عائلتي وسط هذه النظرات المقززة قلت مو مشكلة مراح اكمل
اجابت زهرة لا ليش كملي خوش موضوع للنقاش
اجبتها بحدة اهلي فخر الي حتى،اذا كانوا معدومين العبرة بالنهاية المهم عاشوا بتعب جبينهم ماعاشوا عالة
احابت بغضب شنو قصدج
قلت بلا مبالاة ما اقصد،شي احجي عموميات
اجابت بكل حدة لا تقصدين
وبنفس اسلوب رددت عليها هاي شبيج اتحسستي
وقبل ان تجيب قلت يلة باي بنات تعرفون محاضرات طب الاسنان مو شي سهل حتى اوكف وياكم عذروني
وانطلقت لمستقبلي وتركت خلفي خلود المذهولة لتكبري الذي لم تعتده وتلك الصديقة الدخلية على صداقتنا يتدفق الحقد من عيونها منذ قدمت الى منطقتنا هي و والدتها وعاشوا باسم جدها لامها طارق الجاسم عائلة كاملة فيها شخص واحد في كل جيل يبيض سواد وجوه البقية
★****************★****************************************** ******************
انتهيت من ترتيب منزلي والفتيات غادرن الى الجامعة كلاهما في نفس الجامعة الكبرى ثاني علوم كمياء والصغرى اول طبية الجامعة تقع في جنوب العراق حيث الاصالة والنخوة العراقية الخالصة يسكنن سويا القسم الداخلي قلبي مطمان لان المنطقة امان كنت اتمنى ان يدخلن جامعة بغداد ولكن بغداد رغم الامان تحدث انفجارات بين فترة واخرى وقلب لام لا يحتمل هذا القلق اما الاولاد فثلاثة لازالو بالمرحلة المتوسطة اول ثاني ثالث تتسائلون كم لديك اقول لكم خمس وانا لست من عشاق الاطفال ولكنه رزق من الله احمد الله عليه رغم تعبي النفسي،والجسدي
اغلقت باب المنزل الامامي والخلفي وتوجهت الى معملي او مطبخي الكبير حيث اعد الاطباق المميز التي ذاع صيتها واجهت معارضة كبيرة عندما قررت ان اعمل بهذا المجال فكيف لابنة الحسب والنسب وزوجة المهندس الاستشاري في احد المؤسسات العلمية المعروفة تعمل طباخة او على حد تعبيرهم تشتغل مثل حكيمة مرة دواس وقاتلت حتى اقنعتهم باني سوف اكون مديرة هذا المكان وهناك كادر يشتغل تحت امرتي صورة وهمية اعطيتهم من اجل اعطاء عملي بهرجة تناسب تكبر من حولي كان هذا قبل ان استقل واعلن دولتي المستقلة التي لها قراراتها التي لاتخضع لتدخل خارجي فلقد عاث التدخل الخارجي في حياتي فسادا اما زوجي الحبيب فاقد كان المساند الصامت رغم اعتراضه ولكنه منحني شرف التجربة لعلها تكون رغبة عبارة وتنتهي وعندما لاحظ،نجاحي شجعني بتعاونه معي في ادارة المنزل وتغاضيه عن تقصيري في بعض الاحيان
دخلت المطبخ الواسع وجدت ام هاشم تقطع البصل ومنال تنقي حبابات الكشمش قلت صباح الخير
اجابوا بترحيب واضح صباح النور والسرور ام هديل
بدأ بالعمل معهن وقمت بترتيب المواد لاعداد طبق حلوى مميز لصاحبة الطلب واحدى اهم شروط العمل ان يكون العمل صامتا يمكن لكل عاملة ان تضع سماعات وتسمع ما تشاء ومن ضمنهم انا ويسمح بالكلام بعد انتهاء العمل بالطلبية ولكل قاعدة شواذ اكيد نحتاج احياننا الى نقاش ليكون عملنا الذ وافضل
دق الجرس الخارجي معلنا وصول احد الضيوف
نسيت ان اخبركم لا نستقبل الرجال مطلقا
القادم كانت زوجة حماي( زوجة اخو زوجي) هي لطيفة بعض الشيء او لنقل هي افضل الموجود دخلت بعد ان القت السلام رحبت بها بود اخذتها الى مكتبي خشية ان يكون ما جائت به عائلي او شخصي ولا ارغب بمعرفة العمال بامور عائلتي
قلت لها بود شعجب شنو هاي الزيارة المفاجئة
اجابت بمرح شنسوي الي ميجي وياك تعال وياه
اجبتها بود شوفي مراح اكول ملتهية وشغل بس انتي صرتي تعرفين طبعي هذا وضعي احبكم كلكم بس تعبت من العتب وتعبت من الحجي الزايد
وقبل ان تقاطع قلت سهاد انت غير شكل عندي وبعدني اتواصل وياج لان اعرفج لاتحبين اجيبين وتودين واذا سألوج عليه اقصى جواب يحصلووا زينة
اجابت زين حماتج (اخت زوجي) جاية من العمر مترحين الها
بعد زوال دهشتي لمعرفة ذهاب حماتي للعمرة
قلت اكلج سهاد ترة بين بيتي وبيت عالي شارع وتخيلي ما اعرف هي رايحة للعمرة ولا اريد اعرف
اجابت بهدوء فتحي صفحة جديد
قلت بجدية خايبة خلص الدفتر افتح واشكك(امزق) افتح واشكك هو ظل ورق اكتب بي
ضحكت وقالت خوش تعبير اكلج الوصفات الي تسويها هم تشككيها لو تحتفظين بالورقة
اجبتها بفخر خية هذا تعبي راح اسوي مجلد واطبع كتاب
لتعيدني الى نفس الموضوع الذي جائت من اجله عندما قالت يعني مترحين
اجبتها بصدق شوفي سهاد علاقة بيها اذا اجيك تجيني اذا تاخرت يوم ما اجيت بعد المناسبة انت هم لازم تتاخر يوم علاقة فاقدة لمعنى الحب تواصل بهدايا بلا روح مجرد اسقاط واجب وامام الناس نبين احنة عائلة متواصلة وتفتحين القلوب بيها اشكال الوان وغيرة وحقد
واكملت بصدق اني اروح سفرة يستجوبون اطفالي شكد صرفتوا وين رحتوا وبيا مطعم اكلتوا اذا انشر بالفيس اليوم عيد ميلاد واحد من اولادي تتألف عليه قصة اروح ازورهم يكعدن كبالي اني اجاملهن واجر الحجي منهن عبالك هن خطار عندي مو اني خطار عدهم
اجابت بهدوء طبعهم
اجبتها بصراحة تحملت طبعهم فوك العشرين سنة وكافي على ايام عمي الله يرحمه كلنا لخاطر عمي صار عمرهن بالخمسين ونفس طبعهن ممجبورة الرجال يروح لامه ولاخواته الاولاد،علاقتهم حلووو وي عماممهم وعماتهم اني خارج قوس اريد اعيش بعيدا عن عقدهم فوك العشرين سنة شفت العجب يوم يستقبلوج ويوم كانما ميعرفوج يوم يسألون ويوم يغلسون هاي غير الاعياد الي كرهتها من ازوجت ابنهم اجيهم بالعيد ادخل البيت الكيهن وحدة تكنس وحدة تمسح وينتظرن شوكت اطلع والزلم على كلبهن كلها تايدهن
اجابت كلنا هشكل بس انتي احنة اربع جناين
اجبتها بجدية كلجن حضرتن العهد الذهبي الولد كانوا ممزوجين من اني ازوجت وكلهم كانوا يصفون وي خواتهم ومن ازوجوا انتن فكيتن عيونهم على الي يصير
وبعدها
اكملت كل واحد وقابليته وتحمله اني ما اتحمل
ولكي انهي الموضوع
قلت عود من اروح للعمرة لا يجوني ولو ما اوصي حريص حتى اذا اروح الها هم ما اعرف اني اديت واجب لو اديت فروض طاعة و ولاء سهاد يرحم اهلج انت اكثر وحدة تعرفين بالوضع مرة الكبير اني واروح لبيت عيالي وصار عشرين سنة مزوجة اشوف حماي ميسلم ليش شكو متعرفين واذا عتبتي يكلون يستحي او هذا طبعه اذا حالتهم طبيعية فاني مو طبيعية وبعد ما اتحمل
اجابت هو بس وياج ويانا كلنا
اجبتها بهدوء ممجبورة اتحمل مرة مرتين اني اكوم من مكاني واسلم عليه واكول ميخالف عم اولادي والسلام لله من شفت بشر مو خوش بشر كلت ادور اجر بغير شغلة اجر من وراهم ومن ورة صلتي بيهم ما اريد
ثم قلت بالمختصر نسد الموضوع وحتى لا اطلعين من هذا المشوار بلوشي تعالي اخليلج طبق برياني اعرف دوامج ظهري اليوم حتى يبقى لابو حسن وللااطفال
غادرت محملة اليدين دون تلبية طلبها
سوف تقولون حتى اهل زوجك اقول لكم حتى هؤلاء لقد اشتريت راحة بالي وكسبت افكارا مرتبة ومشاريع مميزة وسفرات ترفيهية عاليةر الجودة وعلاقات خارجية ودودة وعلاقات مع عائلتي الصغيرة في طور التقدم هذه انا هكذا اريد مللت حركة المد والجزر فانا انسان ولست سمكة
دون موعد لنا لقاء قريب باذن الله
كونوا قريبين
|
09-05-16, 04:44 AM
جديد مواضيع قسم القصص المكتمله من وحي قلم الاعضاء
العرض العادي
