كاتب الموضوع :
ارادة الحياة
المنتدى :
القصص المكتمله من وحي قلم الاعضاء
رد: احبك ذاتي بقلمي / ارادة الحياة .
احياننا نشعر ان المستحيل يحيط بكل افعالنا وفي لحظة من لحظات القدر يتحطم المستحيل لتتضح حقيقة تقول
انا استطيع
(20)
بهية بهية كومي سوي ريوك اجونة خطار
تركتها بدهشتها ولم اجب عن سؤالها عن الوقت واسرعت الخط ودقاقت قلبي تتسابق مع الخطوات
ابو خالد وفي ساعات الفجر الاولى ماذا يريد
فتحت الباب ومددت يدي مرحبا واستقبلته بالاحضان هو ومن معه رغم جهلي بشخصه
ابوخالد افرشلكم اكيد تعابنين من الطريق
اجاب وهو يعترض طريقي : اي تعبانين بس الحجي يريحنا مو الفراش بس جيبلي مي واكعد اريد اسولف وياك
في غرفة الضيوف وضعت براد مثل الذي يتواجد في المحلات لحفظ المشروبات الباردة لكي لا انحرج ان جائني ضيف ولا اسبب الحرج لاهل بيتي
ناولتهم علبة الماء ووضعت امامهم عصائر متنوعة وجلست انتظر الحديث الذي ابتدأ بقول ابوخالد: الصغير من يغلط المن يرجوع ابو ياسمين
قلت بهدوء : للجبير(الكبير) مالته
اجاب بقهر: واني اتشوفني جبير لخالد لو اقل منها
قلت يعتب :على بختك ابوخالد انت قدرك عالي هاي مو حجاية منك
اجاب بجد :خوش حجاية زين من ابني يزوج ويطلق وتطلع منه ناقصة واني ما ادري يحقلي اعتب عليك لو ما يحقلي
اخذت نفس عميق ولا ادري ما اقول فاجئني بالزيارة والمفاجئة الكبرى في ما وراء الزيارة
قلت بهدوء: صلي على النبي ابوخالد
اجاب: اللهم صلي على محمد واله وصحبه اجمعين
ثم قلت: ابو خالد الموضوع مايخصني وحاولت ادخل بس اصحاب الشأن ما قبلوا وتريد احلف الك ما اعرف تفاصيل الموضوع ولا هم سمحوا لاي شخص يعرف التفاصيل ابنك الله يسلمه جرحهم جرح لا كدروا يعالجوا ولا عرفوا يتعايشون وي المه اني باوع واكول ياجماعة ترة غلط هذا التصرف بس الناس جرحها كبير وصدمتها اكبر بخالد كل واحد منهم كان يتوقعا الضرب تجي من ولد عمهم وما اتوقعوها من خالد
ثم سردت له ما اعرف وما يعرف الجميع عن خذلان خالد الهم
وبعدها قلت: هذا الي اعرفه يمكن الجماعة يعرفون اكثر
نظرة لرفيقه قائل:ا سواها خالد هاي السوالف
اخفض رفيقه راسه وهزه بمعنى نعم
قال بوهن :لا حول ولاقوة الا بالله
ثم قال :ازوجت البنية
قلت :لا رافضة الزواج نهائي وعايشة تربي ابنها فاذا جاي تاخذ الولد ترة اني اول الي يوكفون بوجهك لان ابنك كسرها وخلالها علج تلوج بي المنطقة ما تجون هسة تاخذون الولد
اجاب بهدوء :ما راح اسويها اني جاية اريد اعتذر منها ومن مؤيد ومن مهند اريدهم يبرون خالد الذمة ابني بين الحياة والموت ما ادري يصحه ما ادري ميصحى اريد اهذ الولد مؤقت بس حتى يشوف ابو
قلت بقلق: خيره
اجاب بحزن: جلطة وسولة قسطرة وهسة بالعناية ممنوع من الزيارة والحجي اخر كلمة قبل لا يوكع كالها دانيال وهاي اني يمك بس عرفت منو دانيال ركبت سيارتي واجيت
نظرة الى الساعة وقال :بيش الساعة اكدر اشوف مهند
قلت: تريد تشوفه بالبيت لو بالمعمل
اجاب بهدوء: بالعمل احسن ما اريد اقلق اهل بيته
قلت بفخر:: والنعم منك ابو خالد واعذرني والله ماكان بيدي شي كلما اريد ادخل الجماعة يحملوني امانة انو ما ادخل نفسي
اجاب بامتنا ن: معذور ابو ياسمين
قلت بهدوء :تتريكون لو ترتاحون فد كم ساعة لان هسة يالخمسة ومهند يفتح بالتسعة
اجاب بهدوء: سويلنة ريوك نتريك ونرتاح ويخلص الوقت
ذهبت للمطبخ وجدت ام ياسمين اعدت فطور يليق بالضيوف
قالت: منو ذولة
قلت: جد دانيال
شهقت وقالت: خطية هوازن
اجبتها بحدة :شبيج راح تلطمين جاي يشوف حفيده مو يبوكة
قالت بحزن: يعني ما ياخذ منها
قلت بجد :لا ما راح ياخذه
اخذت صينية الفطور وتوجهت لضيوفي
وبعد ان تناولوا الفطور تركتهم يخلدون للنوم قيلا وذهبت لارتاح قليلا
فالمواجهة بين الطرفين لن تكون سهلة
★******************************
تحاملت على جراحي وتوجهت الى المستشفى لارى قلبي وشريك حياتي
وجدت عمتي تقرأ القرأن في الاستراحة القريبة من الغرفة التي يتواجد فيها خالد جلست بقربها واغلقت القرأن عندما شعرت بتواجدي
وضعت يدها على كتفي وقربتني منها وقبلت راسي وتناولت يدها وقبلتها
قالت بمودة :اشلونج اليوم
قلت بهدوء :الحمد لله قدر الله وما شاء فعل كل شي ما اريد هسة بس سلامة خالد اشلونه اليوم
اجابت بفرحة: الحمد لله الدكاترة يكلون عدة مرحلة الخطر وعشرة ايام ويخلونة نزوره
قلت بتوجس: يعني يحجي
قالت بفرحة :اي يحجي وي الدكاترة بس قليل مايردون يتعبوووا الحمد،لله الله لطف بينه
قلت بتساؤل: عمو وين سافر
رئيت التردد واضح عليها حين قالت: عنده شغل سافر وي حازم
قلت باستفسار :معقولة عمو يعوف خالد هذا وضعه ويروح هذا شنو من شغل
بعدها قلت :عمه صح الموضوع مو وقته اني ادري بيكم تردون خلفة لخالد واني بعد طاقة ماعندي قنعوا يزوج
قاطعتني بعتب: حلا هذا وكته تحجين صدك خالد الله كتبله عمره جديد وهو شيريد يسوي براحتها احنه مراح ندخل بقرارته
واكو موضوع اذا انتي قوية صدك وفعلا ناوية تزوجين خالد ادكدرين تتحملي
قلت بجد :شنو الموضوع
اجابت بجد:ميفرق عن موضوع زواج خالد
قلت باستفسار: يعني شنو
اجابت بهدوء: خالد مزوج قبل لا يزوجج
خرجت شهقة مني رغم عني
عاتبتني عمتي قائلة: هاي شهكتج والزواج قبلج اشلون اذا الزواج وانتي موجودة
قلت بهدوء عنده اولاد
قالت بفرح: عنده ولد واحد
قلت :شكد عمره
اجابت بفخر : ثلاث عشرة سنة
لا ادري ما اقول بين فرحة وجود ولد يحمل اسم خالد وحزن استوطن قلبي لان هناك امرأة في حياتي زوجي كنت ارى طيفها في نظراته
ربتت على كتفي وهي تقول :يمة حلا شغلة قديمة والبنية مطلكها ويمكن مزوجه عمج راح يفتهم القصة
قلت بهدوء: منو هي
اجابت واصابتني بمقتل: بنت اخو صديقة مهند
اذن هوازان صاحبة الصفحة المميزة التي تعرض تصاميم الملابس المميزة هي طليقة زوجي وحبيته التي تسكن نظراته والتي يغيب فكره لها
قلت بهدوء اروح اتوضى ما بقى،شي على الصلاة
لعل الوضوء يطفئ لهيب روحي
كنت في حالة شك اشعر بالراحة وعندما اتى اليقين ذهبت راحتي
*************************************
المطبخ العصري المخصص لنا اصبح شبه مكتمل نراقبه انا وبهية كام تراقب ابنها البكر هو يخطو اولى خطواته
تدرين ام هديل شنو ناقصنا
نظرت لها باستغراب وقلت :شنو
اجابت بحماس: وحدة تسوي حلويات شنو رئيج نكتب اعلان على حايط المعمل الجديد
استحسنت رئيها وتبادر الى ذهني شخص محدد
قاطعت افكاري قائلة: نكدر نخصص الها غرفة خاصة بيها وادواتها الخاصة بيها حتى متختلط بالاكل وتتاثر ريحة الحلويات
قلت بتردد :اني اعرف وحدة محترفة بهاي السوالف
اجابت بحماس: منو
قلت بسرعة: ختام
بهت لون بهية واخذت نفس طويل وبعدها
قالت: ام هديل تدرين اني ما ماخذة موقف من ختام ومقتنعة تماما بزواجه من محمد وسواء ازوجته اولا هم متفرق عندي بس هي ماخذة موقف مني وموقف قوي واني ما الي ذنب هي تصور من تتعرض لشغلتي القديمة كدام الناس نفسيتي تنكسر صدكيني ما عرفتني الشغلة الي تعيرني بيها خلتني قوية وهيج حجي مياثر عليه
زين اسئلج ام عادل تقبل تشتغل هيج شغلة وتشارك بهية ام الكبة لو تشتغل بمعمل بهية ام الكبة
قلت بجد :ختام اتشوف هيج شغل عيب هي تشوف الشغل كله عيب والي يشتغلون محتاجين فللوس وتعرفين خير اهلها وما مقصرين وياها
اجابت بثقة :مهما كان خير الاهل تفرق من المرة هي تقوم بواجب نفسها احنه حكمنة على نفسنا بهذا المجتمع نعيش واكو من يصرف علينه ادري راح تكلون بهية ام الكبة اكيد تسوي شغلها بس هو وبس
قاطعتها بجد :شوفي ام ياسمين الي كدامج لحد فترة قريبة كنت متخبطة وما اعرف اتصرف مشاكل بيتي الها اول ما الها تالي علاقاتي وي اهلي وي عيالي اريد، بتعتد اريد اقترب ما اعرف شبيها مثل سفينة بحر من اشتغلت هاي المساحات بدماغي الي كانت مملوءة لغوة زايدة انملت
هواي امور تفهتها هسة بديت ازور اهلي وازور عيالي بشكل متقطع والزيارة اعتبرها لوجه الله الحجي الزياد ميهمني اسمعه باذن واطلعه من الاذن الثانية كانما ما صار الشغل كان بالنسبة الي مثل طوق النجاة للغركان انطاني ثقة بنفسي عالية وفلوس اكدر اتصرف بيها براحتي صح ابو هديل ما يقصر بس مرات يسأل شسوين بالفلوس هسو اصرف وما احسب حساب واحد يسألني
قاطعتني قائلة :يعني ام عادل ممكن تقتنع
قلت بجد :ام ياسمين الشغلة يمج اولا اني محسبه حسابج انت
اجابت بهدوء: اعتبريني موافقة اني وافقت تكون ضرتي وهي تعاملني كدام الناس اسوء معاملة ما اقبل تكون شريكة عمل بعد ما تغيرت
اعجبني ردها وقررت طرق الحديد وهو حار
اتصلت بختام وبعد ثواني اتاني صوتها النائم وهي،تقول شكو من الصبحيات شعندج
قلت بمرح: وج يا صباحيات الساعة عشرة ونص كومي اكعدي غسلي وجهج واتريكي وخابريني
اجابت وهي تتثائب : لا خليني هسة بفراشي كولي شتردين
قلت بجد: الموضوع جدي واريدج مصحصحة
اجابت وهي تاخذ نفس: مصحصحة كولي شكو
قلت بهدوء :المعمل ناقصة فرع مال حلويلت
احابت بتملل :اي شكو بيها
قلت :تشتغلين ويانا شريكة والج فرع الحلويات وستاف عاملات يشتغلن وياج
كان الصمت جواب الطف الاخر ظننت ان الاتصال انقطع
قلت :ختام
اجابت بصوت صافي خالي من نبرة النوم :وياج
ثم قالت: وهذا اقتراح منو
قلت بجد: الفرع اقتراح ام ياسمين بس الادارة اقتراحي
اجابت بتوجس: وهي شنو رئيها
قلت :تردين الصراحة لو الف وادور
احابت بافافة: هسة دكولي سويتيها سالفة
ضحكت من ضجر ختام واردت ان اغضبها ولكنني اعرف مزاجها الصباحي الدائم التعكر
اخبرتها بما قالت بهية عن شراكتها بزوجها فكيف لا تشاركها العمل
وبعدها قلت: ها شكلتي
صدمني جوابها حين قالت: افكر
قلت بفرح :موافقة
اجابت بهدوء:احتمال اوافق بس ما ارتبط بدوام وتصيرن عليه مديرات واذا تاخرت اشوف خلقجن مكلبة تتحملن مزاجيتي
اجبت بفرح: نتحمل يمعودة بس تعالي
اجابت: دروحي هسة خل ابقى بالفراش نص ساعة اشوف وضعي وياجن يرهم
قلت يجد:يرهم لا تفكرين
وانتهى الاتصال وانا اتخيل كيف سوف يكون العمل الثلاثي انا بهية ختام
**★************************
يتصل بدون انقطاع منذ ثلاث ايام اغلقت الهاتف وضعته في خانة الرفض وعندما افتح الهاتف يتصل رقم غريب واجده نفس الشخص
هسة شتريد زواج ما ازوج وخطوبة وفسخت ما ازوجك لو تبقى اخر واحد بالكون شتريد
اجاب بتوسل: اني ما سويت الي سويته لانواكرهج اني احبج وما اتخيل حياتي بدونج
قلت بحده :واني اكرهك وكرهت الحياة كلها من وراك وكرهت الزواج والزلم كلها يا اخي حل عن سماي والله ما اريدك تفتهم شنو ما اريدك
اجاب بكل صلافة: انطيج فرصة تفكرين
قلت بتحدي: بس تخابر اني اعرف شسوي اروح اكله لماما تصرف وياك يعني شتريد تسويلي وشيريد يصير اكثر من الي صار شخسر اني خسرت غالب وخسرت امي بعد شريداخسر
اجاب بكل قباحة :خسرتي من ورة سوالفج عبالج تلعبين بعقل الولد واطلعين سلامات
قلت بحدة: بالضبط ما طلعت سلامات بس ما اصير ثولة واقبل بواحد ماعنده ذرة انسانية وحقود مثلك
ثم اسرعت الخطى وذهبت الى والدتي وقلت اتفاهمي وي هذا النذل
اجابت :منو هذا
قلت: هذا النذل الي خرب حياة
وقفت بقربها وهي تقول: شتريد ما كفاك الي سويته
وبعدها قالت :لو تبقى اخر واحد بالكون ما زوجتها الك بنتي ما ميتة جوع حتى انطيها الك
وزادت حدة كلامها وهي تقول: احترم نفسك غلطت مو خوش بنية ابتلت بواحد مثلك والله تاب عليها روح شوف وحدة غيرها شسوي ببنية تلعب على الولد مو هذا حجيك اتصور اخذت حقك وفوك حقك مرة ثانية تتصل تصير زلم بزلم الي سويتي كافي والله يجازيك على كد نتيتك
وانهت الاتصال
ونظرة لي نظرة تمنيت بعدها لو ابتعلتني الارض وتخلصت من هذه الحياة
قالت بحدة: شلون كنتي تحجين وياها لا اسلوب لا اخلاق انسان انتهازي ماعنده كرام
قلت بهدوء :خلاص انتهت وخذت جزاي
قالت بجد: اتمنى تكون هاي التجربة عبرة الج ومتنعاد
قلت بجد :توبت وتعبت والي اجاني مو سهل
قلت بتردد :ادوام من يجي الدوام
اجابت بهدوء: اني امج واريد مصلحتج وشهادتج تهمني بس انتي كسرتي ثقتي بيج اني كنت اعرف انتي الج علاقة وما ردت اكون ام منغلقة كلت خل تعيش تجربتها واكيد هي كبيرة وتعرف تختا ر بس ماكنت متوقعة انتي واصلة لمستوى كل يوم تحجين وي واحد اني مو ضد انو انتي تحبين الحب مابي شي اذا عرفتي تختارين متعرفين تختارين صوني نفسج والف واحد يتمناج
لم اتحمل اكثر اندفعت الى غرفتي افكر بكلامها ماتكدرين تختارين صوني نفسج والف واحد يتمناج ما صنت نفسي ومن الالف ردت واحد صار قسمتي وعقابي
********************************
منذ ان تعدت ازمة مؤيد ودانيال يرافقني الي المعمل الساعة الان الحادية عشرة الجو شديد الحرارة صرفت العمال وجلست مع دانيال نشاهد مبارات كرة القدم لاحد الفرق الانكليزية في الغرفة المخصصة لي في المعمل سمعت صوت سيارة تتوقف في الخارج نهضت لارى من القادم البعض ياتي لتسديد الديون وان شاهد المعمل مغلق ينصرف
وكانت المفاجئة ليس في قدوم محمد بل بمن يرافقه
مد يده وهو يقول: تذكرني
قلت وانا امد يدي :صاحب المعروف ماينسي
سحبني من يدي واحتضني وهو يقول: معزتك من معزة خالد وعتبي عليك بكد قهري من خالد
بهتت ملامحي هل عرف بسر ابنه
طلبت منهم الدخول لان قدماي اصبحتا تتارجحان وخشيت ان يلاحظ هو ومن معه ارتجاف جسدي
اعتذر محمد باشغاله بعد ان اخذ وعد بان الغداء في منزله
شكرته من اعماق قلبي فان صدق حدسي بان السر انكشف سوف اتكلم بصراحة وافتح صفحات الماضي واطويها الى غير رجعه
دخلنا الي حيث دانيال المنسجم مع اللعبة
وما ان دخلنا حتى هب واقفا وهو يرد السلام على من القى السلام
واحتضن حازم وهو يسال عن والده بلهفة دون ان يلاحظ جده
قبل ان يتكلم حازم
قال الجد بحب وحزن :واني متسلم علي دانيال
نظر له باستغراب
فقلت لكي امنع الحرج عنهما: دانيال سلم على جدك
اقترب داني بحذر: وهو يقبل يد جده لياخذه الاخر بالاحضان ويقبل راسه ووجنتيه وهو يقاوم عدم ذرف الدموع موقف لم يتحمله حازم فلقد خرج وهو يقول: راح ارجع للمعرض يم ابو ياسمين
لم نعلق تركناه يذهب بصمت
قال دانيال بعد ان هدأت مشاعره ومشاعر جده : جدو بابا صار اسبوع اتصل بي مايجاوبني
اجاب وهو يسحبه ويجلسه بقربه: هو دزني عليك كال روح اتعرف على دانيال
اجاب بتساؤل:ليش ما اجه وياك
قال الجد بعتب: انت هسة ما فرحانة بي بس تسأل على ابوك
اجاب دانيال برجولة: جدو اني من شفت بابا اول يوم سئلت عليك حتى اسئلة
لمحت حزن عميق في عيني الرجل وملامح وجه
اجاب بهدوء: دانيال اريدك تتركني اني وعمك مهند وحدنا وتروح لبيتكم وما اريد ادكل لامك انت شفتني
اجاب بدهشة :ليش
قال بجد: مثل ما راح اكعد وي مهند راح اكعد وياك بس اريدك هسة تسمع حجي
نهض دانيال وقبل راس جده واستاذن مني وخرج
قال الجد بهدوء وهو بينظر بعيني :مهند شنوشوفين اوكف وي الحك لو وي البطال
قلت بعد ان اخذت نفس عميق :وي الحق
اجاب بجد:ليش ما اجيت الي
قلت وانا اضع يدي على راسي فهذا الراس تحمل الكثير وبات يتعبني :شكول قبلت ازوج ابنك بدون علمك لو ماعندي ثقة باهلي وعمامي وقبلت بالغريب حتى احافظ على تماسك عائلتي كنت بوضع ما انحسد عليه البنية فقدتها ثلاث ايام وفقدت خالد رحتلهم للبيت لكيتها منهارة من البجي وعشر ايام يالة هدئت وافتهمت منها انو خالد كان يتفق هو وشخص اسمه حازم يطلكها ويرجع لاهلة ادكول ردت انطي فرصة بلكي يتندم ويرجع ما كلتلة وهي تعرف وبقت وحدها بالبيت ثلاث ايام يمكن يتندم ويرجع
نظرت له وقلت خل نفسك بمكاني بنية باول شبابها حامل ومطلقة واهل الولد ميعرفون وانت تعرفنا وتعرف عائلتنا خفت خفت من الشوشرة على سمعتها مو بس اني كلنا امها اخوها هي فضلنا نتحمل الوجع ولا نواجهك ويمكن تلومنا اشلون زوجتوا بدون ما ننطيك خبر
اجاب بعتب :لو خالد كايلي اريد ازوج بنت سعد امنعه
كرر سؤاله :مهند جاوب امنعه
هززت راسي بمعنى لا
وبعدها قلت: صار الي صار وهذا الوضع كدامك بس اكلك شغلة ترة حياة هوازن متعلقة بدانيال وعمرها فنته لخاطره رفضت كومة شباب علموده وحتى لا يصير عنده زوج ام خليك وي الحق اعرف انت جاي تريد حفيدك وابنك يعرف ميحصلة منا الا عن طريقك اني اكلك ارحموا هوازن لان هي مراح تمنعكم تاخذون دانيال بس من تاخذوا تقتلوها
اجاب بوهن :خالد بالعناية المركزة انجلط بعد ولادة ابنه ميت واخر كلمة كالها دانيال عرفت بعض التفاصيل من حازم وبعضها من محمد وانت كملت الباقي
لا ادري ما اقول ااواسي هذا الرجل بابنه ام اكون الشامت مما حصل له ام استسلم لمشاعر الحزن والاسى على رفيقي الخائن
قلت بهدوء: الله يكومه بالسلامة
اجاب بجد :من كل قلبك
نظرة له دون جواب
وتفهم الوضع وقال :اني اريد دانيال حتى يطلع ابو من ازمته واريد ام دانيال تطمأن مراح اخذ دانيال منها ولو يعز عليه هذا الشي حفيدي الوحيد والي شايل اسم العائلة يبقى بعيد عني بس ما اريد القلوب تبقى شايلة علينة الولد ابنكم بس نريده بين فترة وفترة يزورنة
قلت بامتنان: الي تريده يصير
اجاب بمودة: وصلني يم محمد وروح اتفاهم وي اهلك لان اني قلبي ميحمل ابني مريض ما اعرف شيصير بي واني هنا اريد اسافر اليوم العصر سلملي على هوازان والها زيارة خاصة مني ومن ام خالد وخواته اعرف زيارتنا ما راح ترجع الماضي بس نامل تطيب الحاضر
هناك هم كبير انزاح عن كاهلي بزيارة هذا الرجل سبحان الله يكسرنا البشر ويجبرنا هو برحمته
*************************
مشاعر مضطربة لا اعرف تحديد هوية لها فتارة اقول هذا جزائه على ما فعل بي وتارة اقول الله يشافي لخاطر دانيال الي اتمنى يتمتع بدلال الاب وترة اخرى تخرج نبضة من دهاليز قلبي تذكرني بحب اسدلت الستار عليه
بعد المغرب وبعد سفر دانيال كنت في غرفة صبر اذرف دموع ساخنة وبمشاعر موجعة وبحسرة قلب قوية
هسة انتي ليش تبجين
قلت وانا ابتلع الغصات: ما اعرف تصدكين اذا كتلج ما اعرف
اجابت بجد :هوازن انتي تحبين خالد
حاولت المقاطعة ولكنها حشرت المناديل الورقية في عيني وقالت بغضب مزيف : خليني اكمل
واكملت وهي تقول : ترة احنه مو اجانب هي هاي البنية العربية صعب تكره واحد حبته يمكن تقشمر على روحها وادكول اكره بس اذا صار موقف وجمعها بي يرجع الحب عبالك البارحة خاصة اذا قلبها باقي مثل ماهو ماكو احد اخذ مكان الحب القديم
اخذت نفس عميق وقلت : صايرة تحللين النفسية
اجابت بجد : اذا تحبي صدك سامحي وانطي لنفسج فرصة تعيشين ترة الحقد والعتب والملامة ماتفيد واني متاكدة هو يريد يرجعلج اني ما اكلج رجعليه لخاطر دانيال لا
لا ترجعين لخاطر احد رجعي لخاطر نفسج اذا عندج مشاعر الة رجعي حتى تريحين قلبج
قلت باستهزاء: شو سويتيها روميو وجوليت وسويتيني عاشقة وانتظر العاشق الولهان يرجعني تعتقدين حتى اذا احبه اغفرله سنين عمري الي راحت قهر عمي حسرة امي انكسار اخوي شماتت عمامي حجي الناس الي نهشني
اجابت بثقة : يمكن تغفرين فلا تحجين هسة شي زياد متعرفين شراح يصير وشنو الاحداث الي راح تمرين بيها ترة احنه بشر ناثر ونتاثر واكو اشياء نكول مستحيل نسويها وتروح ايام وتجي ايام وننسى كلمة مستحيل ونشوف نفسنا مسويها ليش اكو وحدة ويانا بالمدرسة تتوقع هوازن الكسولة باقيلها سنة وتتخرج من كلية الاداب فرع الانكليزي
رميتها باول وسادة شاهدتها بقربي وقلت : وج لا تكلين كسولة
اجابت : بمرح لا بالله ترة دافني سو وبشعبة وحدة انت كسولة ونص كل يوم تشبعين رزيال ومن تنجحين باخر السنة المدرسات يموتن قهر يكلن اكيد غشيتي
قلت بهدوء : بس اني ما كنت اغش كنت اقرة بس باخر السنة واني اعرف بنفسي اكدر اطلع نتيجة بس ماكنت احب ادرس
اجابت وهي تنظر لي بعد ان ضيقت فتحت عينيها : شنو الي خلاج تقرين
حاولت الاجابة ولكن لم تسعفني الافكار وبعد صمت قلت : الصدك ما ادري وقت فراغ او اثبات ذات ما اعرف
اجابت بمحبة : هوازن انتي ما ردتي تزوجين ولازم تمنعين اهلج من التفكير بزواجج فاحسن شي الشغل والدراسة يشوفوج مشغولة وما يفتحون وياج موضوع الزواج
اردت المقاطعة ولكنها قالت : خليني اكمل يعني هسة دانيال راح يروح بين فترة واخرى لبيت جده يعني اكيد ماكو مجال غير عطلة نصف السنة وعطلة اخر السنة وهذا موسم الزواجات والخطوبات تعتقدين ما راح يتقدملج احد
قلت باندفاع : ماكو شخص يكدر يجبرني
اجابت بهدوء : انتي راح اجبرين نفسج كوني على ثقة
قلت باندفاع : يعني احتمال بعد سنة تزوجين
اجابت بكل ثقة: هوازان اني شنو شفت من زواجي حتى ما ازوج او اخلي الزواج فكرة واردة
دهشت من الجواب وظهرت الدهشة على ملامحي
لتكمل قائلة : بس هسة وبعد تجربتي بالزواج راح اختار صح افكر انو الزواج لازم يضيف شي جديد بحياتي ما راح ازوج حتى اكون ام لاطفال زوج اخر او شخص يريد وحدة تشتغلة خدامة اختار انسان اني اقتنع بي وبضروفه ما انوجد مو مشكلة ابقى اربي اولادي ما خسرانة شي
قلت بتردد : بعدها ام كاظم تلح عليج تاخذين اخو
اجابت بهدوء : تدرين رغم اعتراضي على زواجي من اخو بس من انطرح الموضوع ريحني لان عرفت ام كاظم تريد مصلحتي واذا ما قبلت بابنها يجي يوم هي تكون عون الي حتى اختار رجال يناسبني وحتى اذا ما اختاريت الله يطول بعمرها وجودها بحياتي سند الي اكثر من اخوتي الي همهم حجي الناس
قلت باستنكار : اخوتج ما اعرف اشلون يفكرون يردون يخلوج من بيت لبيت بيناتهم مثل الطوبة مايفكرون بمشاعرج بمشاعر اولادج
قالت بحزن : هاي ثاني مرة يخيروني لو اجي يمهم لو مهما يصير بي ما اجيهم شكاية وما الهم علاقة بولدي تدرين كلش انقهرت اكول ليش دائما يتخلون عني ليش مينطوني فرصة ويكلون جربي واذا ما عجبج الوضع بيوتنا مفتوحة الج يخلوني اعيش رعب واحس روحي مستنده على الهوا بس اغفل عنه اوكع
قلت بود : خلي سندج رب العباد وربج ماينسى عبده
قالت بهدوء : ونعم بالله
سمعت رنين هاتفي ونظرت الى الساعة وجدتها العاشرة والنصف تناولت الهاتف على عجل دون ان ارى هوية المتصل لانه بالتاكيد مهند او امي
ولكنه لم يكن مهند ولم تكن امي
ولنا لقاء قريب
قراءة ممتعة ومفيدة اتمناها بكم
|
13-08-16, 03:52 AM
جديد مواضيع قسم القصص المكتمله من وحي قلم الاعضاء
العرض العادي
