شكرا ام أحمد .

محمد الله يهديك دامك عارف إن بهية
العشق الأول والأخير .. مالك حاجة بحب
الشباب الناقص اللي ما اكتمل ..
وأظن ما راح يكتمل عقب ما تقارن بين
الاثنين ..

زهرة مبروك الملچة ..
وان شاء الله تلهى بنفسها
و تكف غثاها عن ياسمين .

كل الشكر أبلة ارادة وبانتظارك .

تعتذر تتأسف اذن انت انسان تتغير وتعود الى اصلك الانساني

(17)
اكتمل السحور وبعدها الصلاة وكعادتي في رمضان انتهي من التنظيف في الساعة الخامسة وبعدها اخلد الى النوم
وما ان اغمضت جفوني حتى ازعجني صوت الهاتف نظرت للشاشة وجدته رقم غريب تجاهلته ووضعته على الصامت ولكنه عاود الاتصال والرقم كان كاظم
لم يتصل بي زوجي منذ فترة طويلة لا يمكنني تحديددها
اجبت دون ان اتكلم اتاني صوت ليس صوت كاظم قال بارتباك انتو اهل كاظم
قلت ولقد اخذ القلق يطرق ابواب فؤادي :اي اخوي منو انت
اجاب بهدوء :اختي انتو مؤمنين
قاطعته بهلع: كاظم مات

اجاب بلوم :اختي كاظم شهيد والشهيد ما موت حي عنده ربه
دا اتصل من المغرب وما حصلت احدغيرج بلغي الاهل هو شيصير منج
قلت بجزع وصوت موجوع حاولت كتمانه: رجلي
اتاني صوت الرجل وهو يعتذر ويقول :اختي كولي انا لله وان اليه راجعون ولا حول ولا قوة الا بالله
احنه قريبين من المنطقة ياريت تنطين اخوه خبر
واغلق الهاتف وفتح مواجع روحي كاظم ايها الغائب دائما اصبحت غائب ابدا
اتصلت بهوازن وصوتي قد تغير لشدة ضغطي عليه وكتمي له
قالت بهلع من بكائي المرير: شبيج صبر
قلت لها بوجع :كاظم راح وراح يدخلو لبيته بالعلم كاظم بعد ما اشكي على كاظم بعد ماكو بالدنيا
بعدها تمالكت نفسي وقلت: اني وخالتي والاولاد وحدنة وتعرفين بيت اخو بعيد هوازن اشلون اكل لعمتي اشلون اطبب كاظم لبيته وهو جنازة
اجابت هوازن :سدي التلفون وفتحي الباب راح نجي اني وعمي وماما
صبر ان لله وانا اليه راجعون
رددت خلفها انا لله وانا اليه راجعون مات كاظم قبل ان يمنح اولاده حنان الاب وقبل ان يمنحني حنان الزوجة غفر الله لك تعذبت كثيرا
**************
ايقضت والدتي بهدوء واخبرتها عن كاظم لم تتمالك نفسها فهو ومويد ومهند اعمارهم متقاربة وكان الشارع يشهد صولاتهم
و الدتي لبعد مويد عاطفية لابعد الحدود
تركتها وذهبت لاوقض مهند فالوقت ضيق كانت الصدمة هي ردة فعله قال بذهول: كذب انتي متوهم
قلت بقوة لان الموقف مرير وكل من حولي بدا ضعيف: عمو الله يخليك مو كتها صبر وحدها ولزلم راح اطب عليه بجنازة رجلها
عمو الله يخليك تماسك
وضع يده على راسه وبدأ ينتحب وهو يقول: انا لله وانا اليه راجعون وتناول هاتفه وبدأ يجري اتصالته تركته واسرعت لايقاض دانيال
وغادرنا سريعا لبيت اهل كاظم
ومع وصولنا ترجل محمد القاسم وزوجته من السيارة ودخلنا سويا
لم يكن من السهل اخبار والدته كانت كلماتنا متقطعة ومواساتنا مبتورة امام مشاعر ام مفجوعة ما صدمني انهيار صبر
صبر التي لسانها لا يكف عن الدعوى على كاظم صبر مفجوعة وتحتظن ولديها لدرجة الاختناق
صبر عوفي الاطفال خنكتيهم
تحرك راسها يمينا ويسارا بمعنى
احاول ان ابعد يديها عن رقبة الاولاد واصرخ بحدة: صبر عوفيهم كافي
انتزعتهم منها بقوة وما ان حررتهم حتى حررت شعرها بيديها وبدأت تلطم بشكل هستري
تركت الاولاد يذهبون الى حيث نعش والدهم وامسكت يدي صبر واحتظنتها وبصعوبة سيطرت على حركتها وبدأت بقراءة ما احفظ من القرأن على رئسها وهي تتكلم بكلمات متقطعة غير مفهومة
: ليش ردت يوم حلو ليش ما تركتلي ذكرى يوم حلو يعني الارهابي احسن مني وحظنته
وبعدها هدأت وسريعا ما اطلقت صوتا موجعا وهي تصرخ كاظم يوم واحد والله يوم يوم واحد الله يخليك
اتى صوت والدة كاظم موجوعا مفجوعا وهي تقترب من صبر وتحاول تقبيل يديها وتقول: يمة صبر ابري الذمة يمة راح لدار حقه ابوس ايدج ابري الذمة ابني ما شاف يوم راحة وادري ما الج صوج صوجي يمة اني ردته يزوج وكسرتج
مشهد يقطع القلب ويجعل العين تذرف الدمع مع كل كلمة تنطق بها ام كاظم كان صبر تتلوي بين يدي تحاول ان تحرر نفسها لكي تبدأ موجة اللطم خرج الكلام غير مفهوم من حنجرتها حي قالت :مبري ما اريد شي بس يرجع يوم
لم تسمع جيدا والدة كاظم ما قالت صبر فكررت كلامها: يمة صبر ابري الذمة قبل لا يدخل قبره
نظرت لها صبر نظرة وجع وقالت: مبري الذمة من كل قلبي
وبعدها قالت عمه بس يرجع يوم واحد والله ما اريد شي خل تروح روحي ويرجع يوم واحد
حررت صبر واحتظنتها والدة كاظم
وتركتهم وذهبت بعيدا لا طاقة لي فالمشهد موجع وفتح عليه هواجس لم تطرق باب خيالي وقلت
طول بعمره الاهي بعيد وسعيد ولا تفجعني به
*****************************
رقد كاظم بسلام وانتهت عذابته اختار ان يبقى في ذاكرة التاريخ فقررر احتضان الارهابي
رحمك الله كاظم ارقد بسلام فحياتك كانت بحر متلاطم الامواج ولا بارك الله بارهاب سلبك راحة بالك وسلبك روحك النقية
اقتربت من محمد وقلت :اريدك شوية
غادرنا المكان المكتض بالمعزين فهذا اليوم الثالث للعزاء
قال محمد بهدوء :شكو
قلت بهمس: قبل فترة اجاني كاظم نص الليل واناطني ظرف وكال اذا صار على شي انطي اهلي
قال باستغراب :اي شكو بيها انطيهم ايا
قلت بتردد :خاف مصارحهم بالشغلة الي صارت زمان واني اريد صورته تبقى نظيفة
قال بجد: صا الها سنين هاي الشغلة شيصارحهم انت شبيك
قلت :محمد انت متعرف ترة علاقة كاظم الله يرحمه بزوجته ميعرف بيها غير الله ولا تسالين شلون هسة كلي انطيه الها لو لا
قال بجد: هي تعتبر وصية لو لا
قلت بصدق :اي وصية
اجاب: يعني اطلع منها هاي امانة والي كتبها كتبها بكامل قواه العقلية وهو يريد يوصل الحجي الي بقلبه لاهلة
قلت: راح ادزها بيد الاهل ورة العزاء والله يهون عليهم
************************************
وجاء العيد ورغم موجة الحزن التي خلفها استشهاد كاظم
ولكنه اسعد عيد عندي والعيد الاكثر استقرارا بمشاعري كنت اتخبط ببحر من المشاعر الزائفة في كل عيد وارسل واستقبل سيل من التهاني التي كانت مجرد كلمات مستنسخة وملصقة
ولكن هذا العيد مختلف عيد لشخص واحد فقط وبمشاعر صادقة تمنيت ان تبقى العمر كله
ان كان رمضان انتهى باستشهاد كاظم العيد انتهى بموتي الايام السعيدة تسابع الرياح العاتية والايام الحزينة ثقيلة وموجعة
لقد كانت اجمل سبعة عشر يوم قضيتها في حياتي كان غزله من النوع الجميل وتصرفاته ناضجة هادئة يمسك يدي بحنان ويقبل راسي بود واحترام وان بالغ بتصرفته اكون ماسورة بارقى تصرفات واحن لمسات اشتاقه لدرجة الشعور بجمرة في قلبي من فراقه اشتاقه لدرجة اني اشعر بتواجد ظله كلما اغلقت وفتحت عيني اريد ان ابكيه عمرا كاملا واطلب من الرحمن طلبا واحد اعده لي يا خالقي فلقد تبت توبة نصوحة
فهل انسى عييد معه احتاج لعمر كامل حتى انسى طلته في العيد قبلاته في العيد هديته في العيد توسلت والدتي ان تبقي هذه الهدية ولكنها
قالت: كل شي منريد منهم الله لا يردهم
ردتت بقلبي الموجوع: الله يردهم
وان كان مستحيل ولكني ما توقفت يوما عن الدعاء بالله يردهم
احتاج لعمر اخر لا محي حواره الاخير معي
اتى بعد العيد بيومين وهو يرتدي ثوب خليجي وشعر راسه غير مرتب بلحية مهملة اسرني بمنظره الوسيم واسرعت له بشوق غياب يومين واحتظنته بلهفة شعرت ببرودة احتظانه ولكني اوهمت نفسي وقلت ربما مشغولة يكفني رؤويته ومجيئه من اجل رؤيتي جلس بالكرسي المنفرد وهو الذي اعتاد الجلوس على الاريكة التي تكفي شخصين حتى لا اهرب منه لاقصى الاريكة عند خجلي حتى يكون خجلي بين يده ويتمتع بتورد وجنتي هذا هو حبيبي الذي بدا غيربا عند جلوسه منفردا
قال بهدوء ووهن: زهرة اسمعيني زين واريد القرار قراررج واتسامحيني
قلت بمودة :اسامحك على شنو انت مامقصر وياي
اجاب باندفاع :اريد افصخ الخطوبة
شهقت بوجع فاشار لي بيده بمعنى اسكتي
وبعد قال :اني من خطبتج كنت مرشحة من امي وسئلت عليج شخص واحد لان هذا الشخص اعرفه ماكو بنت عائلة حلوة عدها استعداد اتسوي علاقة هو واحد من الي تسوي وياه علاقة هذا الشخص ابن عمي واكدلي انت مو من صاحباته يعني انتي خوش ابنية
الي ما حسبت حسابه انو انت الج علاقة بكومة شباب وما قبلتي اتسوين علاقة بابن عمي بس
صرخت بوجه وقلت :احترم نفسك
وحاولت الدفاع عن نفسي
ولكنه قال بوجع :العيد عندي يوم واحد من ثاني يوم العيد ومن كلي صديقي على علاقته بيج واشلون كتليه اتقدملي الي احسن من راسك واني هذا مستواي واني كاره روحي وكاره الدنيا واشار الى قلبه وهو يقول بس هذا عاند وياي واني اليوم جاية وقلبي بيدي اقتله بيتكم واطلع
حاولت الكلام وانا انتحب بوجع ولكنها في كل مرة احاول مقاطعته يسكتني بحركة من يديه التي تجبرني على السكوت
اكمل قائل:ا الله يستر عليج يا بنة الناس حاولت اتقبل حاولت اكول مثل ما انت الك نزوات هي هم الها حلال عليك وحرام عليه بس ما اتقبلتها وما جرعتها احسها مثل الغصة بقلبي
نهض واسرعت له وامسكت بيده وانا اتوسل به بحب نمى واستحكمت جذوره: الله يخليك غالب والله العظيم ما حبيت احدغيرك مو نزوات لان النزوة بيها مشاعر بس كنت حالي حالة الي اعرفهن حجي بس حجي بالموبيال لو بالفيس بوك محد شايف ظفري ولا يعرفون شكلي
اجاب بوجع: انتي طالق والله يسترعليج كولي لامج انتي طلبتي الطلاقة لان انتي حاولتي تتقبليني وما اتقبلتيني واني من عندج طالع للمطار راح اسافر واظل سنتين يوم يومين وتنسى بس نصيحة يا بنت الناس احنه مجتمع شرقي ميتحمل سوالف موبيال سوالف فيس بوك
وغادر وغادرت سعادتي معه وذنبي مجرد كلام مسموع وكلام مكتوب كنت اظن بانني اقضي به على وقت فراغي
ابن عمه لم اقبل بعلاقة معه لانه ببساطة للعلاقات التي تتعدى الكلام وانا علاقتي مجرد كلام
**********
كنت اعتقد ان الاعياد اتت كلها دفعة واحد وبعد ايام وجدت الاحزان اندفعت كلها دفعة واحدة استشهاد كاظم وطلاق ابنتي وعدم رغبتي باكمال الزواج من حبيب العمر كيف اهيئ نفسي للسعادة وابنتي تتوجع الما وتتحسر قهرا
ورغم المها لم ارحمها مطلقا مددت يدي عليها بقسوة مبالغ قطعت شعرها ومزقت ملابسها ولازال قلبي يغلي منها وعليها انتزعتها اختها من بين يدي وهي في حالة اغماء ولم اسئل عنها
اتصلت بمحمد وانا في حالة انهيار تام واخبرته بما اخبرتني دفعة واحدة وبعدها اراد معرفة اسم الولد الذي عبثت معه وعاقبها بفضحها امام خطيبها
وعدت لها وركلتها وانتزعت الاسم انتزاعا
وبعد يومين اتصل محمد : هذا واحد نذل عبالي ابو ادمي طلع ابو انذل منه
قلت بيأس اشلون
اجاب: بنتج كايتله اني ما اريدك ولا تتقدم لخطبتي اهلي ميقبلون وهو ظال وراها ومدور وراها الى ان لازم محادثات وي واحد غيره
شهقت بوجع
واكمل محمد قائل:ا ومشوفهن لخطيبها ويكول حقي اشلون اطلعه لعد تضحك عليه واسكت
اجبت بحزن: يعني ماكو خوف الله ماكو استر بنية بنت بيت الله يستر عليك غلطت بس خل يصير احسن منها ويستر عليها
اجاب محمد :ابو دين وسبحته بطوله من احجي وياه يكول بتكم الله لا يسامحها ضحكت على ابنه وشوهت سمعته وهذا شاب غير ياخذ حقه كتله حجي يا سمعه هي منو الي سمعته تروح الولد لو البنية والستر الله وصه بي وانت رجال دين
اجبت بخوف: وبعدين
اجاب بهدوء :اخذت وعد منهم بعد لا يتعرضون الها وخلصت مو كل ما خطبها واحد سوو هاي الشغلة وخل يخافون الله بعرضهم
اجبت :الحمد لله يعني خلصنة منهم
اجاب بهدوء :خلصنة منهم بس علمي بنتج
قاطعته قائلة :اعلمها هاي الشغلة عوفها عليه بس اريد اكلك شي
اجاب بتساؤل :شكو
قلت :اني وضعي اختلف اسفة على كل شي بس بنتي محتاجتني وانت الف وحدة تتمناك
قال بجد :متلاحظين كل ما نقترب نبتعد
قلت: الله ما كاتب نجتمع بيت وحد محمد لا تشيل بقلبك عليه الله يوفقك ويرزقك الولد الي يشيل اسمك ويسعدك وي مرتك ويستر على بنتك ما اعرف اشلون ارد جميلك ووكفتك هاي وياي
اجاب بهد وء :اني مراح اجاوبج هسة اعرف افكارج مو تمام ومتخربطة شوكت متحسين انت تردين تكملين الارتباط دزيلي رسالة فارغة او رمشي واني راح انتظر مو عجزانة عن الاناظار بعد هذا كله
حاولت ان اثنيه عن قراره ولكنه قال: حاولي تسافرين انت وبنتج وريحي اعصابج ولا تفكرين بشي ثاني
انتهى الاتصال وانا كل امتنان لوجود محمد الانسان في حياتي تجربة زهرة انعاطفة نحو الطريق الصح في حياتي
**************؛****************
استشهاد كاظم اخر مواسم الفرح ام ياتراه اخر صدمات الحزن كنا قد تحضرنا لكي نذهب الى بيت ظافر من اجل خطبة خلود وقد جهزت كل شي ولم يتبقى سوى ان تاتي ليلة العيد ونذهب
قدر الله وماشاء فعل
تناولت هاتفي وضغطت على اسم العاشق المتلهف
اتاني صوته متعبا
قلت : شبيك صوتك تعبان
اجاب بهدوء : ماكو شي ضغط المناقشة ما بقى شي عشر ايام بس
قلت بود صادق : الله يوفقك
احاب بهدوء :امين
ثم قال :اخباركم واشلونهم اهل كاظم
اجبتت بحسرة: عايشين الله يرحمه انطفت شمعته من زمان خل يرتاح
قال بهدوء :تدري ظليت افكر واريد اذكر شوكت اخر مرة شفته ما اذكر صدك انقهرت اشلون نسيت كاظم كاظم الولد الي كان يسوي فريق كرة قدم بس حتى يلعب الاطفال الصغار كاظم الي ما يوم ضحكته فارقت وجه التهيت بالدراسة وما سئلت عليه صدك انقهرت ليش هشكل اني قاطع وما اسئل على ناس كانوا قريبين مني
يلوم نفسه وهو لايعرف ماذا حل بكاظم كاظم كان يبتعد عن الناس لان داخله شخص يرعبه دائما يقول له انت عار على مجتمعك
اتاني صوته المتسائل :ما عرفتوا اشلون مات
قلت باستغراب :ما سولفتلك
اجاب بحزن :شسولف اني بطلت اتصل لان كلشي ما افتهم منكم هوازن تكضيها بجي وامي تكضيها بجي وتوصيني على نفسي وانت تكضيها حسرات وساكت
قلت بهدوء: الله يرحمه داخلة سيارة لنقطة التفتيش ومنزل السايق يفتشه وحاس اكو شي حاضن الارهابي وكايل لجماعته ولا واحد يتقدم كلها تبتعد حاولوا بقناص يقتلون الارهابي بس وي ضربت القناص الارهابي كدر يفلت ايده من ايد كاظم الي لازمته ويفجر نفسه
اجاب بتاثر: الله يرحمه بقى شي بي
قلت وانا استذكر بقايا كاظم التي رتبها من غسله وكفنه : بقيا جسم محروق
اجاب بحزن لا حول ولاقوة الا بالله
لكي انهي الحديث عن المأساة فانا بحاجة ان انسى واستعيد حياتي
قلت بهدوء :ترة ما ناسي شغلتك وكملت كل شي بس وفاة كاظم اجلت الموضوع بس يطلع كاظم الاربعين راح نروح لبيت عمك المصون
اجاب بهدوء: عمي ميشوف وضع العراق ميشوف الحياة اشلون قصيرة والموت شكد قريب ليش يتلذذ بتعذيبنة
قلت لكي اخفف عليه الموضوع وحتى يهتم بدراسته : انت ما بقى شي وتخلص اهتم بامورك وخلصها كلها ولا تفكر تكمل دكتورا تعال وافتح عيادة ترة قلوبنا بعد متتحمل البعد
اجاب بهدوء :باذن الله اني هم مفكر هشكل
قال بتردد : اكلك اخبار دانيال
قلت بتساؤل: ليش شبي دانيال
اجاب بتردد :اكلك بس لااتضوج
قلت بجد :كول بعد ماكو شي يستاهل الضوجة
قال بهدوء :هوازن كلش متندمة على شغلة حرمان دانيال من ورث ابو
قاطعته بجد :يطبها مرض ليش هي بوكتها انطتنة مجال عبالها واحد عنده احساس
قاطعني قائلا :هسة اشلون الولد ديكبر وانت تعرف المراهقين الي بعمره كل يوم يذبولة حجاية ازيد حقده
قلت باستغراب :يعني شتردون
اجاب بهدوء: انشوف جده اني اذكره انسان متفهم
هذه الفكرة روادتني كثيرا ولكنني دائما اتردد،خشية اني ينظر لنا بعين الارتياب والاستغلال
قلت لانهي الموضوع :خلص واخلص من شغلتك وشغلة خلود وهوازن ودانيال على بالي نتفق لشي يحفظ كرامتها وحق دانيال
اجاب بهدوء :باذن الله
عدت الى افكار من قال اني متناسي دانيال وحقه كل ما في الامر احتاج لبعض الوقت حتى ارتب لقاء بين دانيال وجده عن طريق محمد ولا ادري متى
*******************************
مضى اكثر من اثلاث اسابيع واني شبه مقيمة لدى صبر اعود لمنزلي ليلا انتهت من قراء القرأن وجلست بقربي وهي شاردة النظرات
قالت بهدوء: تدرين شكو بالظرف الي دزه عمج
منذ خمسة ايام ارسل عمي ضرف معي وقال سلميه بيد صبر ظننته مبلغ من المال وهي ظنت نفس الظن ولم تتقبل استلامه اتصلت بعمي واخبرته برفضها ثارت ثائرته ونعتنا بالغبيات وبعدها قال كليلليها هذا كاظم وصى اسلمه الها بس يصير بي شي غير عقول نسوان
واغلق الهاتف بعصبية لا ادري هل اقرأ علم الغيب ام صبر تعلم الغيب
لم اجب على صبر فانا حقيقة لا اعرف محتوى الضرف حركت كتفي بمعنى لا اعلم
فاسترسلت صبر بالكلام قائلا :يكلي انتي كلش حلوة
وانقطعت الكلمات لتكفكف الدموع وتسترسل الشهقات
وبعدها قالت: يكول لاتبجين اني ما استهال دموعج بس والله مو بيدي ولا اكدر اكلج ليش بس ثقي بالله مو بيدي
كفكفت دموعها وارتسمت ابتسامة حزن على وجهها وكملت قائلة : يكول ازوجي لا تبقين من بعدي الولد يعيشون بس انتي معشتي حياتج مثل الناس لا بعرس اتهنيتي ولا بامومة تهنيتي بس والله اسفه صبر حلالليني واوهبني من كل قلبج والله موبيدي
قلت بهدوء: الله يرحمه حلاللي واهبي
عادت تلك النظرة الشاردة
نبهتها قلت: صبر
اجابت بعبرة : ا خاف الله يعذبه من وراي يعني اذا كلت محالل ومواهوب واسامحه ربي العالمين يسامح
قلت بهدوء وانا احتظنها: الله واعلم شنو ظرفه وشنو قصته وربج رحمان رحيم هو اعرف بعبده كلش كافي هو ضحة بنفسه حتى ينقذ جماعته شوفي كم واحد رجع لاهل سلامات كم ام الله فرحها بشوفة ابنها كم ابن رجعله ابو سالم هذولة كلهم يدعولة ويترحمون اله صبر لا تفكرين بكاظم كاظم يم الله والله احن من الام على ابنها
فكري بنفسج بوضعج اشلون تبقين يم ام كاظم ترجعين لبيت اخوج
كفكفت دموعها وقالت : الله ميكطع هذا البيت نصه لكاظم ونصه لام كاظم واخوو اخو راح يتنازل للولد واني ولية امرهم وام كاظم ما اعرف راح يسون معاملة بحيث بعد عمر طويل البيت يصير بي حصص بس الي وللولد
قلت بصدق: الله ينطيها صدك رحمان رحيم
قالت بهدوء: الحمد لله
قلت بجد: صح مو وكتها بس راح اجيبلج الشغل للبيت حتى تلتهين الى ان تخلصين عدة
وقبل ان اكمل كلامي دخلت ام كاظم وهي تسير ببطى هذه السيدة كانت قوية المظهر وبعد خبر وفاة كاظم بساعات بدأ سنوات العمر تثقل كاهلها
قالت بود: اية يمة هوازن جيبي الشغل للبيت الله يرضى عليج خل تلتهي صبر
ثم اشارت دون ان تنتبه صبر بمعنى اخرجيها من الغرفة
وبالفعل اخرجت صبر من الغرفة بحجة اريد كوب من النسكافي
وما ان اندمجت صبر في اعداد النسكافية تحججت بالذهاب الى الحمام وذهبت الى غرفة صبر
وجدت ام كاظم مع ام ياسمين يخرجون ملابس كاظم واغراضه وام كاظم في حالة انهيار
ساعدتها بالنهوض وتحت الحاح ام ياسمين اخرجتها من الغرفة وتركت ام ياسمين تحزم ملابس كاظم في حقائب لكي تذهب له عندما يرتديها من هم بحاجة لها
موجع ومؤلم ان ترى ترف ملابس من كانوا احياء وان تعي انهم باتوا تحت التراب
سبحان الحي القوم
الاهي لا ترني لوعة من احب بحق لا اله الا الله
******************************
منذ ان بدأت بالعمل تغيرت ايامي ولكن وجود بهية معي زاد العمل نشاطا ونكهة الطعام بدت اجمل هي تقول انها ليست نكهة طعامي وانا اقول ليست نكهة طعامي والاكيد هي اتحاد نكهة طعامي وطعامها عندما تكون النوايا صافية كل شي يبدوا جميل وطعمه لذيذ
قلت بمودة : اشلونها ام كاظم
اجابت وهي ترتب عبائتها :اشلونها الله يصبر قلبها
قلت بتساؤل :وصبر اشلونها
اجابت بهدوء: الله يوفق هوازن هاي البنية ذهب صافي مخلت صبر وحدها دائما وياها وهسة جابتلها شغل حتى تلتهي بي
قلت بتأيد:هوازن وردة تعجبني تدرين لو كل النسوان اهتمن بشغلهن وتطوير نفسهن كان حتى مجال للنميمة ماكو واحسن شي اتسوي صبر تلتهي بالشغل هم مردود مادي وهم تشغل افكارها
قالت بهدوء: صح الناس تعيب على شغلتي وكضت عمر تعير بي قالت ام الكبة حجت ام الكبة اذا ما اسمعها بوجهي تنكال بكفاي بس والله احلى ايام هي ايام شغل الكبة ما كنت احس اني تعبانة صدك استمتع بشغلي وكل دينار يجيني احسه مليون وشكد سمعت حجي مايوم حسيته اثر على نفسيتي احب شغلي وافتخر بيه
قلت بتايد :هو هذا الصح الناس عمرها ما رضت على احد وانت مامسوية شي غلط ولا مرتكبة فاحشه وكل الحجي تخفيف ذنوب
في عز اندماجنا بالتباهي بعملنا دخلت ختام بهدوء
القت السلام وخصت كل واحدة منا بالسؤال عن الاحوال
استاذنت بهية ولكن ختام اوقفتها قائل:ا ام ياسمين لحظة
احسست ان دقات قلبي وصلت الى مرحلة اخشى ان ينفجر قلبي بها ولساني شل ولم استطع الكلام وانا اراقب نظرات ختام ونظرات بهية
قالت ختام بكل هدوء :اني اسفة اسفة على كل شي اجاك مني انت مامقصود بصورة شخصية اي وحدة مكانج كان ممكن يجيها نفس التعامل ادري غلط وادري تصرفات جبانة بس هسة اني اسفة حالتي النفسية كلش تعبانة هواي ظروف دا امر بيه ومحتاج اصفي دماغي واعتذر من الناس الي اذيتهم وبصراحة دورت هواي ما لكيت نفسي ماذية احد بس انتي ونفسي ومقصرة بامور عائلية تخصني
ثم نظرت الى بهية المذهولة وقالت :ممكن تقبلين اسفي
كنت اظن ان بهية سوف تكتفي بقبول الاسف ولكن المفاجئة رد بهية
اجابت بكل هدوء وهي تجلس: اني عندي محمد بجهة والعالم كله بجهة اريد سعادته واشتريها بملاين اشتريها بعمري واكلج اياها بوجهج محمد يعتقد سعادته ناقصه وانتي تكمليها
قاطعتها ختام: باصرار هذا موضوع منتهي اني بوضع مايسمحلي افكر بالزواج رجاءا لا تخلطين الامور اني اتاسف على كل كلمة جارحة صدرت مني غير شي منتهي
اجابت بتساؤل :يعني شنو منتهي ماتزوجين محمد زين ليش املتي
قاطعتها ختام بحزم: ام ياسمين هذا موضوع شخصي وابو ياسمين عنده علم بالموضوع وانتهى
ثم اكملت :تقبلين اعتذاري
نهضت بهية وقالت: الله يسامحج دنيا واخرة وهسة عذروني اروح اشوف شغلي
وما ان غادرت بهيية
قلت بسرعة :شنو القصة فهميني
اجابت بحزن: عبالي افرح وتكمل فررحتي وفرحت بنتي
قلت بتساؤل،ليش شكو
فسردت قصة الخطوبة وفصخ الخطوبة
قلت باندهاش: ليش الناس صارت متخاف من الله
اجابت بعد ان اخذت نفس عميق وتبعه آه عميقة: اتخيلي قبل لا يدخل محمد يردون ينتقمون الابو يكول اشلون تضحك على ابني استغلوا ماكو رجال دمروا بنتي دمروها صح هي غلطانة بس قبل اكو ناس ادكلك استرها بنية ام بيت الله يستر على بناتي هسة البشر تغير يردون يفضحون وياخذون ثارات
قلت لها بتايد :تدرين صديقة هديل بالجامعة ارتبطت وي واحد بعلاقة وطلع اسلوبه محلو يغلط وبسبها ويسب اهلها كالت هذا علاقة وهشكل بالزواج اشلون عافته ظل يهددها بمحادثات كلها لو تنقلين من الجامعة لو افضحج بالجامعة كلها
اجابت بحدة :نذل ليش الي هشكل يسوي الله يوفقه سنة والف سنة ربج ياخذ حقها البنية حساسة كلمة ونظرة ممكن تاثر عليها والحب مو حرام بس البنات يندفعن واني صوجي هواي اتساهلت الحمد لله على كل حال
قلت بتساؤل :شنو قصة محمد
اجابت بهدوء :ماكو قصة كال اجي اخطبج كتله خل تزوج زهرة ومن صارت هاي المشاكل نفسيتي مو مال ارتباط كال انتظرج شوكت ماتردين اتقدم بس رمشيلي
قلت: وانت شنو قررتي
اجابت بحزن: ما بالي شي هسة غير بس زهرة ومصيبة زهرة ماعندي استعداد افكر بنفس نهائي
قلت لها يهدوء:الله يفرج همج ويريح بالج
هذه الدعوة لها ولي ولكل ام لها ابنة على عتبات العشرين المغريات كثيرة والحرص قليل والستار رب العباد
************★********************

تعدت الشعر السادس وانتهى خطر الاسقاط وها انا تجول مع حازم في فملي مول في اربيل بدت اربيل عروس وتطورت كثيرا عن اخر زيارة لي ولكنها لازالت تقبض قلبي رغم جمالها فذكريات معها قاتلة خانقة
اراقب الاطفال وهم يلعبون داخل بالمول بلعبة مظيئة بعجلتين يتحركون بها بخفة انا وحازم المضرب على الزواج لانفقه باالعاب الاطفا ل واريد ان اشتري هدية لاولاد امنية اشرت لاحد الاود الذين يلعبون بهذه اللعبة وقلت: عمو هاي شسمها اللعبة
اجاب وهو يوقفها :اسمها سكوتر ذكي
قلت وانا اضع يدي على كتفه :اشلون سعرها
اجاب برجولة :عمو مو سو اكو انواع بس هاي حسن نوعية بمية وتسعين دولار
قال حازم بتساؤل:موجودة هنا بالمول
اجاب برجولة :موجودة تردون ادليكم
وبالفعل رافقنا الى جهة محلات الالعاب في المول ووجدنا مختلف الالعاب اتصلت بامنية لاخبرها عن اللعبة ومواصفاتها ووقعت المشادة بين امنية واولادها هي تقول لتكسرهم وهم يقولون فدوة خالو جيبها اغلقت الهاتف وقررت ان افرح الاولاد كنت في عمرهم حرمت من الكثير من الابعاب بحجة انكسر او اتالم وكبرت وتالمت دون ان اتمتع بالاعاب التي احب
وفي غمرة انشغال مع هذا الرجل الصغير وهو يصف لي مزايا الالعاب التي اجهلها واصبح هو دليلي الملم بها اتاني صوت
لن ولم انساها ماحيت الصوت قال بحدة دانيال ادرت وجهي ابحث عن دانيال
لافاجئ بقول دليلي وهو يقول: ها عمو هسة اجي بس اعلم عمو اشلون تشتغل اللعبة
كلمة عمو غرزت سكين في اعماق قلبي
تبادلنا النظرات انا ورفيق شبابي وكانت المفاجئة عندما اتت وجع قلبي وهي خائفة وخاطبت عمها قائلة : لكيته


اتمنى لكم قراءة ممتعة ومفيدة ولنا لقاء قريب

السلام عليكم ورحمة الله وبركاته،

صار اللي كنا خايفين منه ..

موت كاظم لم يطفئ النار التي تتقد في قلب صبر..

بصراحة اثر بي كثيرا الحزن الذي خيم عليهم .. حتى الجيران بدوا وكأنه مصابهم وليس لغريب.


ختام ايقظتها مصيبة زهرة ..

ولكن ما صدمني هو رد محمد.. توقعته ان يحمد الله لخلاصه منها

ولكن على ما يبدو بأنه اعمى بحبها ويصر على ان يورط نفسه معها.


واااو واخيرا رح يلتقي خالد بهوازن وابنه وصديق عمره
اكيد رح تشعلللللل

قفلة خطيرة
لفصل مميز
سلمت يداك
تقبلي مروري وخالص ودي



★☆★☆★☆★☆
بعد نهاية النقاش او الحديث مع أحد
لاتنسوا دعاء كفارة المجلس:

سُبْحَانَكَ اللهم وَبِحَمْدِكَ لاَ إِلَهَ إِلاَّ أنت أَسْتَغْفِرُكَ وأَتُوبُ إِلَيْكَ

السلام عليكم
الله ينطيك ألف عافيه أم أحمد ....جزء أكثر من رائع
بس المقطع الاخير شي ثاني فيه مفاجئه واكشن قريته عشر مرات أتلذذ فيه كأني اشوف ردات فعلهم... في هذي الفتره
خالد ومهند وهوازن الجميع تعدى مرحله الصدمه وعواقبها ووصلو لمرحله التصالح مع الذات وصاروا يفكرون في مسقبل دانيال وشلون يعيش بدون احقاد ومرض الكره
ختام أثبتت ان بذرتها طيبه بس الغيره معميه قلبها وزهره هذا درس لها انها تتقي الله في حياتها
صبر فرحتلها بعد رسالة كاظم احس صارت قانعه مو ساخطه مثل ايام العزا
مشكوره إراده💕😚