السلام عليكم
يا عمري يأم احمد كل ما تكتبينه جميل وائع
وبانت سالفة خالد وهوازن كلها ونفس ما توقعت تنازل عنها بكل بساطه علشان يحقق حلمه نسفها من حياته بدون رحمه....علشان كذا اتمنى ما ترجع له ابدا ﻻنه واحد ما يستاهل حتى لو ندم 13 سنه من عمره هوازن تداوي جرح ما برا ولا طاب
اتوقع مواجه بين خالد وبيت ابو مؤيد قريبه بس شنو نتيجتها....الله اعلم
بهيه ومحمد ثنائي جميل اتمنى ما يعكر صفو حياتهم تدخل احد ...اساس حياتهم الاحترام والموده والرحمه وهذا في نظري اهم من الحب لأن الحب بدون مقومات كثيره ما يعيش
مشكوره اراده💖

شكرا لك يامبدعه،،وشكرا لقلمك الراقي الذي لايحتاج بوحه الى تطبيل او تشجيع
يسيل مداده ليروي عطش مشاعرنا ومشاعر ابطالناليتجاوزوا المحنه بانفس زكيه تستمد قوتها من ايمانها
(صبر وكاظم)ثنائي لاتدرين ايهم تتعاطفين معه اكثر فكلاهما ضحيه
هوازن وخالد) واخيرا عرفنا قصتهما وربما ابتلاء الله لخالد --بشوقه--عقوبة له لانه لم يحترم رابط الزوجية المقدس ولم يحترم من اواه وقربه دون غيره
اتمنى(ان يعود خانعا لشوقه وهي بدورها تسقيه من نفس الكاس
حلا ) اتمنى ان لايكون حبها لوليدها سببا لنززع روحها ،، وهذا مسوغ اخر لعودة هوازن لخالد
ساره امرأة تجاوزت ماهي فيه ونجحت دون ان تؤذي احد،،اتمنى ان تكون صديقتها مثلها وتبحث عن سعادتها بعيدا عن بهيه فهي لاتستحق الخيانه
محمد كن رجلا الى النهايه واستمر في نجاحك دون ان تهدم بيتك فحبيبتك عاشت حياتها بعيدا عنك واستطاعت ذلك وستستطيعه الان بوجود ابنائها واحفادها
مؤيد اتمنى ان لايكون ضحية لحقد اعمامه فهو لايستحق الا الافضل
مهند اتمنى ان يرتاح في حياته فهو سند حقيقي غير مزيف العواطف ترى هل يكون هو مخرج صبر لحياة افضل ؟
امنيات وتساؤلات لايستطيع فك طلاسمها الا مبدعتنا (ابلا اراده) دامت لمنتدانا الحبيب مشرفة وكاتبة متميزه

السلام عليكم
ابها الخاشعة سعيدة جدا بتواصلكم وتحليلاتكم متصورون شكد افرح بيها احسها نصائح اكثر منها تعليقات على قصة
ام الدره
اكثر ما يعجبني بمتابعي قصتي انهم متابعين ناضجين في تعليقاتهم قصص ومواعض سعيدة بانضمامك لمتابعي قصتي
اتمنى ان ينال جزء اليوم رضاكم
دقائق ويكون الجزء جاهز

حتى نعيش الحاضر علينا اغلاق صفحات الماضي
ولكي نعيش الحاضر بصفاء يجب ان نطوي احقاد الماضي
ولكي ينتهي الحب بالزواج يجب ان يكون اساسه قوي

(12)



عندما يفتح الشتاء باب للربيع لا يأتي الربيع في العراق بل ياتي الصيف معلنا موجات حر
كل شيئ حار الجو والمشاعر وقلوب العشاقة و الحائرة كلها في حالة حر
اكلج هذني حمواتج ميجوزن من سوالفهن
قلت بلا مبلاة :شريد منهن الله يهديهن
اجابت : قبل اسبوع شفتهن بفاتحة من يحجن عليج يكلن المسعدة هو رجال لو كاعد على الحلك
قلت بدون اهتمام :يمعودة هذا الحجي بعدني مخطوبة وسمعته ومليت منه
اجابت باستغراب: يعني مايهمج
قلت بجد :ولا يحرك شعره من راسي اني بيتي ورجلي واولادي هاي اهتماماتي الي يحجي علي اعتبرها حسنات مجانية اجتني
قالت :طبعا كان حجن اكثر بس انتبهن لتواجدي وسكتن
قلت بهدوء: الله يهديهن
دخلت احدى العاملات وخلفها امرءة متشحة بالسواد عباية راس وغطاء الوجه لم اتبين من هيئتها من تكون وعندما نزعت الغطاء كانت المفاجئة بهية
بادرت بالسلام قائلة :هلا هلا بيج ام ياسمين شنو هاي المفاجئة نورتي البيت والمعمل
اتبادل خلسة النظرات مع ختام واحثها على السلام
كان السلام ياردا جدا بين ضيفتي احببت ان الطف الجوو وقلت: مدكللي شتاكلن وهشكل محافظات على هاي الرشاقة الحلوة
اجابت بهية :ام هديل حبيبتي اصل العافية سمينة ضعيفة المهم الله منعم عليج بالعافية
قلت بتايد: ونعم بالله
بعد تبادل الاحاديث التي كانت لا تخلوا من نغزات ختام المؤذية ولغير مبررة لبهية كانت المفاجئة
حين قالت بهية : ام هديل اليوم اني جايتج برزق الج والي
قلت باستغراب: خير اللهم اجعله خير اكو احد يكره الرزق كولي ام ياسمين
قالت بجد :الارض الي بظهركم اشتريتها وراح ابني بيها معمل متكامل مال مواد غذئية مصنوعة بالمنزل واريدج شريكتي ونضم المعملين
قلت بجد :ام ياسمين اني ملكة نفسي وشغلي ميحتاج شريك
قالت بود :ام هديل عيني اني ما اجبرج احنه نكمل المعمل ونبدي نشتغل ولادارة الج واني اعتبريني من العاملات
قلت بود :انتي الاصل ام ياسمين بس صدك ما الي واهس اشارك احد
قالت بالاحاح غريب :جربي مخسرانة انتي متا اتفقنة نفك الشراكة
قلت بجد:ما اريد اخسرج وماكو شراكة تنفك ببلا مشاكل
قالت بود:شراكتج وياي اذا الله ما كتبلها راح تنفك بدون مشاكل
قاطعتنا ختام وقالت باستهزاء :وشراح تسوين كبة
لم يهتز جفن لبهية وقالت بكل ثقة :فعلا راح اسوي معمل متكامل انتاج كبة واتوسع بورك وفطائر اني اعتز بعملي الي كنت اشتغله ومحمد يعتز بشغلي
قاطعتها قائلا :يعني رجلج عاجبة ترجعين لشغل القديم ثم قالت بتمثيلية غير متقنة :اسفة اذا اذكرج بايام مو حلوة بالنسبة الج
اجابت بهية بثقة :انت تحجين عن احلى ايام عمري الايام الي تعرفت بيها على محمد لو ما الكبة كان مشفت محمد وشافني
محمد ما معترض على الشغل ونوعه محمد معترض على طلعتي من البيت ويخاف عليه اتعب
قالت ختام بحدة :مو انتو متوالمين شكو يعترض عليج على الاقل انتي عندج اهل
قاطعتها لكي يتغير مسار الحديث فختام غاضبة الى درجة لم تعد توزن كلامها : عيني ام ياسمين اشوف ابو هديل واذا اتفقت وياه اتصل بيج
قالت بود :اني اريد اتعلم منج كل شي يخص الشغلة ونطور سوو
ثم قالت: عندي قناعة مرات الانسان رزقه على كده بس من يتشارك وي واحد ثاني الله يبارك برزقهم اثنينهم لذلك قررت افاتحج
ثم نهضت وهي تقول اخذت من وقتج هواي ردي الي خبر اذا وافقتي واذا ما وافقتي
ودعتها بود
ورجعت الى صديقتي الحانقة
وما ان دخلت حيث تتواجد في مكتبي حتى انفجرت بوجهي قائلة: صدك اتشاركيها الا اذا اتخبلتي
جلست في مكاني وقلت: ترة هاي العصبية ماكو داعي الها هذا شغل مو موضوع شخصي وكم مرة اكلج المراة ما الها ذنب الرجال خطب وهي قبلت واذا مو هي غيرها يعني محمد بكل الاحوال ميضل عايش على اطلالج
اجابت بحدة عوفي محمد راح تشاركيها
قلت بحدة :اشلون اعوف محمد وهو مربط الفرس بالله هسة لو جاية اي وحدة حتى اذا جنية وتريد تشاركني هشكل تكون ردت فعلج ختام اعقلي
قالت بحدة :هاي تريد تدخل بينة مو تشاركج تريد تخرب صداقتنة تريدج بجانبها هاي العقرب حاسة بشي وتريدج وياها بهاي الخطوة

قلت بهدوء :ترة وضعج نهائي مو طبيعي وما اريد اجرحج هاي صار ثلاث سنوات من اجيتي للمنطقة محمد لو رايد يزوجج شنو المشكلة هو مو اول مرة يزوج على مرته
رأيت الدهشة والخذلان بعيون صديقتي وبعدها لملمت عبائتها وارتدتها بسرعة
حاولت ان اثنيها وقلت بود :ختام والله مو قصدي انت تعرفين بمعزتج انت اختي والله
ولم تفلح محاولاتي غادرت وهي غاضبة حانقة
هل سافقد ختام فهذه الشراكة تروق لي
***********************
هناك نقاط لا بد ان توضع على الحروف
وصلت الي البيت وتناولت هاتفي واتصلت برقم معين
اتاني صوتها مرحبا
قلت بجد: محمد شوكت تخطبني
كان الصمت جواب الطرف الاخر
اعدت السؤال شوكت تجي تخطبني
كان رده افأفة واضحة وبعدها قال : شكو ياستار صاير شي
قلت باستغراب وروح موجعة لرده الذي يقلل من قدري:يعني الا يصير شي يالة اطلب منك هذا الطلب محمد شعبالك اني ميته على الزواج
وقبل ان يقو ل كلمة قلت بحدة :اني الزواج تجربه عمري ما افكر اعيدها وي احد غيرك تفتهم شنو قصدي
قال بهدوء :اني امنيتي اليوم قبل باجر بس انتي ماتنطيني مجال مسويتها نديات وي بهية وهي حاسة بهذا الوضع بهية عدها تزوجني اليوم قبل باجر ولا انتي تصيرين زوجتي اني اعرفها كلش زين من اضوج ومن تشيل بقليها اكلج خفي على المرة وانتي تزيدين
قلت بغضب :مرتك بهية خانم تريد تشارك سارة تعرف شنو سارة بالنسبة الي مرتك تريد تصير بينة
قال باستغراب: وانتي شكو هذا شغل بينهم انت صديقتها عمر وبهية شريكة عمل
قلت باستغراب :يعني تعرف مرتك تريك تشارك سارة كالتها وما صدكت
قال بكل جدية :اي اعرف ليش اكو مرة تسوي شي بدون متنطي خبر لزوجها هاي الشغلة خليها بالج
قلت بحقد :يعني ترجع لشغلتها القديمة ام الكبة
قال بحدة :ختام
ثم قال بغضب :شغلة الكبة عيشتها بكرامة وشرف والله باركلها بشغلها
ثم اخذ نفس وقال: اي ترجع ترجع حتى ادكل لكل متخلف يشوف شغل المراة عار انو شغل المرة شرف تفتخر بي وهي فقيرة وهي غنية واغلق الهاتف ولم يسمح لي بالكلام
كرامتي تنتحب ومحمد اوجعها كثيرا اذهب الي غير رجعة تبا للحب الذي يهدر الكرامة
****************************
ها هو العام الدراسي شارف على الانتهاء وعودة مؤيد باتت وشيكة ولا اعرف الى من التجئ خارت قواي وانقطع حبل رجائي بكل البشر وبات متعلقا بالخالق هو وحده من يقرر لي طريقي الصح ان كان بقرب مؤيد ام بعيدا عنه
قلت لها بدون مقدمات ماما تتوقعين بابا يقبل بمؤيد اذا رجع
قالت وعلامات الحزن تخط اخاديد عميق في وجهها يمة لا تتعلقين بهذا الموضوع ابوج من سنين ماكل قلبه الحقدوحتى اخوتج شربهم الحقد مثله
قلت بوهن: يمة على شنو اذا الفلوس احنه وضعنة احسن من وضعهم اذا ولد احنه اربع اخوة وهم بس مؤيد على شنو
قالت بهدوء :ما اعرف من اخذت ابوج وهو يكره سعد ويكره زوجته والكره انتقل لاولاده والله يرحم سعد من مات حتى اهل المنطقة حتى اطفالهم ما خلوهم يرحون للمدرسة ذاك اليوم صار مثل الحداد العام بالمنطقة بلا تدخل حكومة
قلت بتوسل :ماما ما الج تاثير
قالت بجد : رحمة الله واسعة ابوج مخبل بهاي السالفة هو اني بحالج بحال مراهقاته كل يوم يريد يزوج مدري شبيها الزلم كل واحد صار عنده فلوس اول شغلة يسويها يكوم يزوج منا ومنا ويخيط ويخربط
اصابتني الدهشة لاول مرة تصرح والدتي بامور تخص علاقتها بوالدي
قلت بود :ليش هو وين يحصل مثلج ماما عيونج الخضرة تسوو عشر نسوان
قالت بهدوء :يحصل ميحصل اني هم اخر همي هو عايشة ملكة زماني بورث ابوية مراح يقصر عليه شي اذا ازوج
قلت بمزح :هذا ظافر يهون عليج ليش هو بس فلوسس
قالت بجد :من يقرر الرجال يزوج على مرته يعني اكو جزء من المشاعر راح واذا هو مو حريص عليها ماكو داعي اني احرص عليها تبقى عيشة واني مراح اقصر
قلتباستغراب :ماما يعني بابا صدك يريد يزوج
قالت ببرود :ومحدد العروس
قلت بتساؤل :منو
قالت بلا مبلاة: ختام ام زهرة
وقبل ان تكمل قلت :مستحيل ماما مراة كبيرة صح حلوة ومهتمة بنفسها بس هو الي يريد،يزوج على مرته يزوج وحدة عدها اثنين بنات كبار وعمرها بالاربعين ماما خاف متوهمة
قالت بهدوء: لا ما متوهمة راخ خطبها من اخوانها بس هي ردته وهو خلاها خطوبة مفتوجة شوكت متقتنع
اصابتني الدهشة وقلت :ماما على شنو كان يحبه قبل مثلا
قالت بلامبلاة :ما اعرف كل شي يطلع من ابوج
قلت بلوم: ماما
قالت بهدوء: خلود ماما معليج بي وبابوج بس شيلي مؤيد من دماغج ترة ابوج ينطيج للشيطان وميزوجج مهند
اردت ان اهدئ هواجسي فزادت ولكني املي بخالقي كبير اريد ان يهيئ لي الافضل
تسللت الى غرفتي بهدوء بعيدا اعين الرقباء ضغطت على اسمه الحبيب واتاني صوته المحبب لي
هلا ابوي انتي
قلت بهدوء: اشلونك عمو اخبارك
قال بكل ود اسئل عن اخبارج بشريني عنج مستعدة للامتحانت
قلت بكل محبة :الله يسلمك عمو تسأل عليك العافية الامتحانات نهاية الخامس والله يسهلها ونخلص
قال بمحبة الله يفرحنا بنجاحج ونجاح مؤيد يعني قبل رمضان تخلصين
قلت :يومين برمضان ونخلص
ساد الصمت من جهتي ومن جهته
وبعدها قال: عمو خلود بيج شي ناقصج شي
قلت بمحبة :اريدك سالم وطيب مناقصي شي بس
قاطعني قائلا بس شنو
قلت بهدوء :عمو بالنسبة لمؤيد
قال باستغراب: شبي مؤيد
قلت وانا احترق: الظاهر ما النة نصيب سو
اتاني صوته المنتفض: ليش شكو صاير شي جديد مو كتلج اذا يصير شي خليني بالصور احجي خلود لمنو انخطبتي
قلت بعجلة :عمو على كيفك ما صاير شي بس اني اشوف وضع بابا وسئلت ماما كلها ما تنطي امل اني املي بالله بس خايفة ومرعوبة والف فكرة براسي زين اني اذا مو من نصيب مؤيد لمنو راح اكون اني من هسة احس بتأنيب ضمير لان اخابر مؤيد اشلون اذا صرت من نصيب غير
اخد نفس عميق وقال: انتو بعدكم تتخابرون
قلت: هو يتصل بس اني ما اجوب اريده يتعود اني ماكو بحياته
قال :اكلج وين املج بالله وين هذا التشاؤم
قلت :عمو اني افكاري مخربطة ومن اشوف بابا يحجي عليكم اكول ماكو امل ومن اشوف وكفتك وي مؤيد واصرار مؤيد اكول تنحل عمو والله تعبت وحتى لا دكولون عني اني موخوش بنية وما وكفت وي مؤيد عمو اني ما اكدر اوكف بوجه بابا ولا اكدر انزل راسه اثنيننهن صعبات عليه ونفسي متتقبلهن وبنفس الوقت ما اريد مؤيد ينكسر عمو ورطنة نفسنة والباب مسدود بوجهنة من البداية
قال بهدوء: عندي محاولة وحدة اذا صارت يعني انحلت المشاكل واذا ما صارت اني اوكف بوجه مؤيد واروح اخطبله بس انتي هسة اهتمي بدراستج ولا تفكرين
قلت بود: الله لا يحرمني منك
قال بمحبة: ويحفظج الله ويستر عليج ابوج ميستاهل بنية وردة مثلج
قلت باستنكار: عمو لا تحجي على بابا هذا بابا ممقصر وياي ويحبني عمو عفية اذا تحبني لا تحجي عليه
قال باستهزاء : الله يكبر عقله ويهدي
قلت باعتراض :عموو
قال باستنكار: شكو ادعيلي اني ما ادعي عليه
ثم قال :يلة روحي عندي شغل ولا تسلمين على ابوج
واغلق الهاتف قبل ان اعترض
محاولة وحدة هي من تحدد الوصل ام البعد ولا اريد ان اعرف كيف ومتى
*************************
انا والدوري الانكليزي ضرائر اقتربت منه وبيدي كوب الشاي وقطعة حلوى مغمسة بالمربى اعدت مخصوص له
تناولها بمحبة وهو يقول عاشت الايادي :خل ندلل قبل لا تجي العطلة وكل هاي الخدمات بعد منشوفها وبناتج يجن جايبات كوب الشاي من ورة خشومهن
قلت بعتب :حرام عليك ليش هشكل شو خطية مدليلاتك
نظرة لي نظرة من لم يعجيه الكلام
ثم قال :ما بيجن حيل على كوب الشاي اشوف الي وحدة بيها حيل
قلت ببرود: ياريت حتى تاخذها شهر عسل وبالشرع لازم تاخذني مثلها لان موديل هذا الوقت شهر عسل بالقليل بالشمال مو مثلنا ايام الحصار ويوم بالفندق
قال باستهزاء: هسة انت ترديني ازوج علمود شهر العسل
قلت بلامبلاة :انت كلت تريد تزوج واني نويت استغل زواجك لصالحي ما اطلع خسرانة
ونظرة له نظرة تكبر
وهو ضحك ضحكة استهزاء: خل نشوف اشلون مطلعين خسرانة
هل صدمكم الحوار انه ببساطة مزح زوجي هكذا هو عندما يمزح
قلت بلوم: دخيل الله عوف المداهر مالتك عندي موضوع مهم
انتبه لي بجدثم قال: خير
اخبرته بتفاصيل زيارة بهية دون ذكر الجانب الذي يخص ختام وبعد ان انتهيت قال: انت مقتنغة تشاركين احد بجهودج انت خير من الله ومعملج صح صغير بس اخذ سمعة واسعة
وبعدها قال :اقترح عليج اقتراح
قلت بلهفة: كول
قال: ابقي انتي عزايم كبار وذبايح محشية وخصصي الجزء الي تشاركين بي وي مرة محمد كبب بانواعها وممكن توزعون للمحلات يعني شغل مرتب
قلت باستفسار :يعني ما اشاركها بارباح شغلي
قال بجد :انتو راح تصيرون شراكة يعني الربح واحد بس كل مكان اله تخصصه يعني في حالة لا قدر الله انفضت الشراكة ماكو اذية كلمن يكعد بمكان
اعجبني اقتراحه وقلت : فدوة لعينك ولعين افكارك
احتضنته بود
نظر لي وقال : ليش هي الافكار الها عين
دفعته بخفة وقلت :انت واكفلي على الكلمة اروح اخابر بهية واشوفها شدكول
تركته يفترس قطعة الحلوى وذهبت ابحث عن توسيع عملي
***************************
نراقبه سويا والعيون تنطق بما لا يجرؤ السان على نطقه
يلتهم حروف وكلمات الكتاب التهاما وما ان ينتهي من ورقة حتى يتحول الى الورقة الاخرى دون كلل وملل
تحججت باعداد الشاي وتحجج بمهند بشرب الشاي
اقترب مني وقال : ابنج طبيعي بالقراءة مالته
قلت :الله يهدي
اجاب باستغراب: اول مرة اشوف يقرة بهذا الجد
ثم قال بتحليل :هو صح شاطر ومتفوق بس مو لهاي للدرجة
قلت بهدوء :يريد يطلع اول ويريد يصير دكتور حتى يسويلي بيت ونطلع وحدنا
قال بضحك خافته :شكو ناوي يزوج الافندي
ناولته كوب الشاي وجلست على احد الكراسي بقربه وقلت بوهن: خايفة عليه احسه كلما ياخذ درجة عالية يحقد على ابو اكثر
قال بتشفي: احسن يستاهل هو اشلون ابو
قلت بهدوء: عمو انت شايل بقلبك على خالد بس اني واثقة انت تحبه انت عتبان عليه انت مستغرب تصرفه بس ما كرهته لان الك الف موقف وضحكة وياه
بس دانيال ما عنده ذكريات وي خالد ماعنده مواقف ممكن تخلي شوي حب بقلبه عمو صعب عليه اشوف ابني يكره ابو
قال بهدوء :انتي شعليج هو من كيفه قرر هسة انتي قررتي من كيفج دانيال يكره ابو يمكن فورة مراهقة وردة فعل من الحجي وتروح وتنتهي
قلت بهدوء اني حايرة بين افرح ابني يريد يتفوق وبين اقلق تفوقة متغذي على حقد ابو
قال بهدوء لا تستعجلين الامور بعد العمر كدامة ونشوف شنو قرارت داني من يكبر هسة خلينة باخوج وخلود
قلت بصدق قلبي يوجعني عليهم و لوبيدي ارجع الايام كان رجعتها وقبلت بوضاح كان جمعتهم اسهل حقد ولد حقد لا عمي انطانة مجال ولا احنه انطينا مجال تدري من مؤيد قال احب خلود فرحت واخيرا اكو حب يجمعنا بعمامي بس طلع حب مؤيد وخلود مثل سمجة تعيش بمي حلوو ذبوها بمية مالح لو تشوفلها درب للماي العذب لو تموت وتنتهي مسمومة بالملوحة
وبعد لحظت صمت قلت عمو حبهم ينجح بمعجزة
فهل يصنع الحب المعجزات

قراءة ممتعة ومفيدة اتمناها لكم

تسلم الأيادي أم أحمد ..

"اذهب إلى غير رجعة تباً للحب الذي يهدر الكرامة "
أخيرا ختام هانم أصبح لديك إحساس . وشعرتِ أنكِ
تهدرين كرامتك بملاحقتكِ لمحمد.

محمد .. ( بردت چبدي ) أحسن رد أنك أغلقت الهاتف بوجهها😊

خلود .. عاقلة وازنت الأمور من جميع الجوانب ، الوالدان
ليس لهما بديل ، بينما الحبيب والرفيق والصديق ،
. يأتي بدلهم الكثير .رغم بغضي لأباها الحقود إلا
أن طاعتها له واجبة ورضاه ورقة لا مساومة عليها .
ولعل العم الحنون مهند تأتي مساعيه بنتيجة مرضية.

ساره .. مشاركتها لبهية ستكون الضربة الثانية القاضية
لختام ..😄 business Is business

دانيال... موفق أيها الرجل الصغير ، أمنيتك كبيرة
وأنت كبير بعقلك ..قُرّت عين والدتك بك يا بطل .👍🏼

كل الشكر والتقدير أبلة ارادة

🍃🌸🍃