ان شاء الله تستمتعون بالقراءه..
..البارت الثامن..
لما حسيت بخطواته قربت بسرعه لفيت وجهي لجهه وشعري غطا جانب وجهي حمدة الله اني مارفعته ذاك الوقت حسيت ان كل شي اختفى وتجمد لما سمعت الباب انفتح مع انه مايشوف وجهي ولا انا اشوفه بس غمضت عيوني كل حواسي كانت متيقضه كل شي حتى صوت عقارب الساعه اسمعه ماادري شلون كانت نظرته قال بصوت هامس واضح فيه الراحه""انتي هنا""كل شي توقعت حتى انه يخاصم بس اسمع صوت الباب تسكر لفيت راسي برعب ليش يدخل ويسكر الباب بس ماكأن موجود بالغرفه حطيت يدي ع قلبي الحمدلله طلع بدون مايتكلم او يدخل لاني بجد ماني عارفه اش كنت بسوي بس في شي جواتي حس بالخيبه ليش ماسألني انا هنا او اكلت او قال لي تعالي غرفتنا يعني يعودني عليه مو كذا يطلع بس لا كذا احسن انا اليوم حاسه برهبه وخوف من كل شي الايام قدامنا ان شاء الله راح اتعود عليه بعدين الحين خلاني ع راحتي وهذا يدل ع اهتمامه براحتي ابتسمت وانا اعدل شعري بس خساره صراحه ع الفستان لا ناس شافوه ولا حتى هو شافه وحتى المكياج الحين اش اسوي اكيد شوي وتجي عمتي مو حلوه تجي تلقاني في غرفتها ليش مو حلو عادي هي اكيد بتعذرنا شافتني شلون خايفه طيب الحين شلون اغير لبسي واغراضي كلها بالغرفه مستحيل اطلع من هنا عاد شلون ادخل الغرفه عنده رجعت للألبوم الي عندي شفته كله كانت اخر صوره له وهو لابس البذله العسكريه ومعاه مجموعه من اصحابه بس بنسبه لي كان هو الوحيد الى لفت نظري جد حسيت ان رماح مالي عيوني ولا بيوم راح يلفتني احد حمدت الله ان ربي يسر زواجنا ويسر هذي الليله الي كنت اتوقعها كارثه رفعت راسي وانا احس ريقي جف اخذت نفس طويل لما عرفت انها عمتي طالعت فيني بأستغراب ورجعت طالعت بالصاله وبعدها طالعت فيني وقالت""وين رماح"" قلت وانا اللعب بأصابعي من التوتر خايفه من ردت فعلها رماح ولدها يعني اكيد بتكون معاه وراحته اهم عندها ومعاها حق هي امه""اتوقع بغرفته""
كررت وراي وهي لسى عبايتها بيدها ماحطتها ع السرير ""تتوقعين بغرفته""
بللت شفايفي ورفعت راسي وطالعت فيها وقلت وصوتي فيه لمحة بكى""لما رحتي خفت وجيت هنا وهو جاء هنا شافني وراح""
عقدت حواجبها وقالت""مو فاهمه شي احكي ولا تبكين عارفه احساسك لا رؤيا""
بس قالت لا تبكين ماقدرت امسك نفسي حاسه اني بموقف غريب علي وناس غريبين عني حاسه اني غلطانه بس مو بيدي حسيت بعمتي لما جلست جنبي وحاوطت اكتافي وقالت""خلاص رؤيا عادي تحسين انك خايفه وانك تبغين ترجعين عند اهلك هذا احساس عادي كل البنات يحسون فيه تتعودين مع الوقت اذا تبغين تتعودين وهذي الليله اصعب ليله بس يجي بكره راح تحسين نفسك بالغتي ورماح تريه رجال يهمه راحتك ب......""
قاطعتها وقلت بلهفه""طيب قولي له بنام عندك اليوم""
كلامها والاهم تفهمها ريحني انا مو متعوده ع المؤاساه علشان كذا كان كلامها اكثر من الي احتاجه بس الي جلس في بالي تقول ان البنات يبغون يرجعون عند اهلهم انا ماحسيت بهذا الاحساس ولا لثانيه ابغى رماح من كل قلبي بس مو متعوده عليه وهذا صعب علي قالت بصوت فيه عتب""بس يابنتي غلط كذا لازم تتعودين عليه""
قلت بأستعطاف""الله يخليك عمتي بس اليوم بكره اذا جلست معاه راح اتعود الله يخليك""
قالت""طيب تبغين شي من الغرفه""
قلت وانا اعدل جلستي""ايوه جيبي لي اي ثوب والشنطه الصغيره""
لما طلعت من الغرفه مسحت دموعي وانا احس بتوتر اخاف يزعل ولا يشيل بخاطره ابغى بس هذي الليله تعدي ع خير وبعدها راح اعرف اتصرف وبعدها راح اعرف اتصرف ان شاء الله ماتأخرت عمتي بسرعه جابت اغراضي قلت لها اول ماشفتها""قلك شي""
قالت وهي تمد اغراضي""لا كان نايم""
تنهدت براحه بس كانت راحتي اكبر لما تخلصت من الفستان والمكياج يعني ماتوقع اني انام عنده يعني عذرني او يمكن نام علشان لما ادخل القاه نايم وارتاح بكل الناحيتين اعجبني زود انسدحت جنب عمتي النايمه لاني تأخرت بالحمام بعد ماصليت الوتر خفت اني انساه او انشغل تنهدت بسعاده اليوم تحقق امنيتي المهم اكون زوجته وبعدها كل شي ينحل ان شاء الله تمتمت بسورة الملك وبعدها نمت..
فتحت عيوني وانا احس اني بمكان غريب ولما شفت المكان ابتسمت ورفعت عيوني اطالع الساعه بسرعه قمت ودخلت الحمام ليش ماصحتني الصلاه راحت علي كانت الساعه وحده ونص انا نايمه من بدري ليش ماصحيت بدري واليوم الجمعه واول صباح لي صليت الظهر لاني الفجر صحيت بوقته صليت وصحيت عمتي وانا اسمع صوت الباب شكله رجع من الصلاه لما صلت عمتي قلت لها اسوي له فطور قالت ان ايام الاجازات يصلي ويرجع ينام بدون مايأكل كذا ارتحت وانسدحت وماادري متى نمت سلمت من الصلاه ورفعت سجادتي وطالعت بنفسي بالمرايه عقدت حواجبي وعضيت ع شفتي الحين كيف اجيب لي لبس مستحيل اطلع كذا بس يمكن مو موجود بالبيت طلعت من الشنطه المشط مشط شعري وحطيت مكياج بسيط جدا احتياط اذا شافني وبعد علشان الوقت البس واطلع بسرعه فتحت الباب بخفيف كان صوت التلفزيون عالي ومااسمع اي صوت ثاني وتو كنت بفتح الباب شفت باب الصاله انفتح صغرت الفتحه علشان اشوف مين كان زيدان وبعده دخل رماح سكرت الباب ع خفيف وانا احس نفسي متورطه حطيت يدي ع فمي ياربي ليش ماتأخر بس شوي الحين اكيد بتناديني عمتي للغدا شلون اطلع كذا لازم اكون جاهزه تأففت ورجعت جلست ع السرير خلاص اذا جات عمتي تناديني واقول لها تجيب لي لبس مثل امس وطال انتظاري حتى سمعت أذان العصر فرحت الحين اكيد بيطلع انتظرت شوي وبعدها طلعت من الغرفه وانا متأكده انه راح لصلاه مشيت للغرفه بخطوات سريعه وانا احس اني تأخرت ماطلعت فتحت الباب وبسرعه فتحت الدولاب واخذت لي لبس وطلعت من الغرفه اسرع احتمال يرجع اي وقت رجعت غرفة عمتي ودخلت الحمام اخذت دش ووضيت بعد ماصليت عدلت شعري ومكياجي وطلعت وانا احس بترقب وانتظار بأي وقت يجي واشوفه لقيت عمتي بالصاله سلمت عليها وانا احس بالاحراج اكيد في بالها اني نايمه من امس قالت""ماتغديتي معانا بس رفعت لك الحين بقوم اسخنه""
قلت لها وانا اقوم بسرعه وكأن شي جواتي يقولي لا تجلسين هنا كنت حاسه كأني جالسه ع جمر""لا انابروح المطبخ""
مشيت وانا اسمعها تقول""لا تتعبين نفسك""
دخلت المطبخ ماكأن نفسي برز فأكلت نواشف وانا اسوي قهوه وشاهي مثل في بيتنا وطبعا طولت لاني مااعرف مكان الاغراض بس مو كلها لان بعضها ماغيرت مكان لما رتبنها معاها شلت الصحن وطلعت حطيتها ع الطاوله وانا اسمعها تقول ليش اتعب نفسي هي الغدا ماكانت تبغاني اسخنه اقوم اسوي شاهي وقهوه بس انا وضحت لها انه عادي كل يوم اسوي كذا في بيتنا ماادري اش يسوون الحين حامد ونجود قمت وقلت""بروح الحمام""
كأني استغل اخر فرصه لي واجمع انفاسي دخلت غرفة عمتي ع اني بروح حمامها وقفت قدام المرايه طالعت بنفسي بتشجيع صراحه ماتوقعت اني كذا اخاف وبذات مع رماح وانا من زمان انتظر هذي الايام وانا احس ضيعتها اخذت نفس طويل بس لما سمعت باب الصاله عرفت انه رجع وكل شي تبخر مع الهواء ليش كذا ياربي لازم اطلع حتى لو اموت من الرعب بس يمكن علشانها البدايه وعلشان اعزز ثقتي بنفسي عدلت شعري وتتعطرت وفتحت الباب بهدوء كانت الصاله هاديه شكلهم طفو التلفزيون ومشيت خطوه بس وقفت مكاني ورفعت راسي وانا اشد ع اسناني لاني كنت اسمعه يتكلم بصوت يلعلع ولا قدام زيدان يقول رايه فيني وبتصرفاتي ويتكلم بعد بكل جديه""كل شي سكتت عنه الا انك تخدمينها اساسا لو هي تعرف الاصول ماخلتك تقومين"
..نهاية البارت..
..عافاكم..
..عجايب..
الحمدلله.

السلام عليكم. ياااااي لا لا.مايسير البارت صغنون حبيبتي والله عجايب. نبي برات يشبع. هههههههه. وتسلم انمالك. عجووبه اموووواح

السلام عليكم. ياااااي لا لا البارت صغنون. حبيبتي والله عجايب البارت مايشبع هههههههه تسلم انمالك عجووبه. امووواه

مرحباا عجووبه وش هالقفله تضيق الصدر من اولها هواااش
طيب وش فيها لو خدمتها امك يوم هي عروس المفروض ماتسوي شي
وبعدبين هذا انت بطولك وعرضك وامك تخدمك يعني جت علي هالضعيفه تري كلها يوم واحد
الله يكون بعونك يارؤيا شكل احلامك بتتبخر
عجوووبه
تسلم الانااامل علي هالابدااع والمتعه الف شكر لك ياغاليه
بانتظااارك

القفله قويه جدا وخصوصا كلامه عنها ان هي خدمتها الله يعين شكل احلامك يا رؤيا تبخرت


تم الإرسال بواسطة iPhone بإستخدام Tapatalk