مساء الفل

كان الوضع تمام حتى يوم كلمته
بس من رجع و هو معتفس من صج اصعب شي ان الريال يقول لمرته
ماني واثق فيج ،،
مصيبه
اكيد في شي استجد بالموضوع
خاصه ان اهو متذكر مو ناسيه
بس فجأه يقلب و بسبب هالموضوع
هل ممكن العم او ولده كانوا قالوا شي
خلاه يحس ان الموضوع ما وقف عليه بس !!



دمت بود

السﻻم علبكم
كل ما قلنا زانت طلع علما جديد
عﻻمه رماح .... بﻻ شك العم ورا تقلب مزاجه ولقى المعمول
من يصب جام غضبه عليه ... قلبي معاج رؤيا

شكرا من قلب للقلب عجايب

من قريت صحن المعمول نغزني قلبي
وبعدين يعني متى تصفى الاحوال بينكم كل ما قلت ماشا الله انخزى شيطانكم
رجعتو من اول لوضعكم الغريب ياليت تريحييييينا عجايب

اسفه حبايبي ع التٲخير والله غصب عني بس ولا يهمكم الحين اضيف البارتات ان شاء الله وبعدها برد عليكم براحتي ومشكورين لصبركم..

ان شاء الله تستمتعون بالقراءه..
..البارت السابع والثلاثون..
رفعت الكيكه علشان تشغل يدي واشغل عيوني فيها ودي اعطيه كف واقول له يعنى حبيبتك الي تقول عنها مو اخس مني بكثير بعد اش ماسكه عليك يعني بس ماعندي الجرائه اتكلم بهذا الاسلوب ماعندي القوه لتحمل ردة فعله العنيفه مستحيل يرضى عليها ولا كلمه ولا ع نفسه بهذا الكلام قال""ايوه تمام""
بنبرة صوت متقشفه بعنى الكلمه معقوله هذا الي قلبه كذا المعمول هو من جاء وهو معصب وطلع عصبيته فيني يعني احتمال بعدين يهدا حركت راسي بطريقة ايوه بقوه وانا افكر انه تمام تكلم وتمام علم امه لانه لما يعرف يندم ندم كبير وبيحس انه قد ايش غلط بحقي كل شي ولا يتكلم عن اخلاقي مشيت بخطوات سريعه ومريت من جنبه وانا رايحه بتجاه الباب حاسه اني ابغى اطلع من هنا ماابغى يفرغ عصبيته علي واضح ان لسى ماارتاح وبقي كلام كثير بيقوله حرام عليه والله اوجعني بكلامه حاسه اني اشوف كل شي ينهد قدامي احلامي توقعات وحتى افكاري ماابغى اروح وانا بهذا الشكل ولا ابغى اجلس هنا وهو موجود لما طلعت الحوش نزلت الكيكه الي احسها نحس لو رحت من بدري كان ماسمعت هذا الكلام الحمدلله ان محد موجود بالبيت حتى لو موجودين هو ماشاء الله عليه مايحب يخبي شي لازم قدام الناس كلهم خفت يطلع ويشوفني كذا علشان كذا تغطيت ونزلت شلتها طالعت فيها اكيد خرب شكلها ولما مشيت خطوتين سمعت باب الصاله ينفتح سرعت بخطواتي للباب جاي يكمل هنا علشان الي مايعرف يعرف وطلعت من البيت تتذكرون لما قلت ان نفسي اليوم ماروح عند جميله واجلس مع رماح الحين احساسي العكس جدا خايفه اساسا لما ارجع اش يصير اكيد بيهدا بس هو قال انه مو ناوي يتكلم ليش يعني مو ناوي يتكلم انا ابغى اتكلم فيها بدون جرح ونتفاهم وتروح هذي العقبه فتحت الباب ودخلت مثل العاده مو مسكر الباب ولما مشيت كم خطوه سمعت رماح يقول""خذيها""
اللتفت وهو يعدل وقفته وطلع طالعت بالارض كان حاطه عليها المعمول دقيت باب الصاله بعد مااخذت نفس عميق ومسحت خدي زين وتنحنحت علشان تروح لمحة الدموع من صوتي ثواني وفتحته نجود وقالت""تأخرتي مره الحمدلله ماانتظرتك""
ايوه الله منجدك الحمدلله بس طبعا ع اسباب مختلفه قلت""روحي جيبي المعمول عند الباب""
طلعت نجود وانا دخلت كانو اثنينهم موجودين بالصاله حامد وجميله ابتسمت ابتسامه بسيطه وانا اتقدم حطيت الكيكه ع الطاوله وفسخت عبايتي ورحت سلمت ع جميله الي شكلها مو مهتمه فيني يعني عادي سلمت وجلست طالعت بحامد ومديت يدي تأخر وبعدها صافحني بسرعه وهو جالس ياسلام كملت باقي هو يزعل علي جلست ع الكنبه وقال حامد حتى قبل مااتعدل""بعدين ابغاك بكلام""
حتى مااعطاني فرصه اسأل عن اخبارهم وابارك لهم
طالعت في الي جالسه جنبه وقالت بنبرة صوت استفسار واضح""وليش بعدين""
قال بدون مايطالع فيها""موضوع خاص""
قالت وهو تتكتف""ياسلام مافي شي اسمه موضوع خاص اذا انت فيه""
طالعت بحامد انتظر رده نفسي اكون مثلها من اول مااشتكت بالشرطه عليه وانا نفسي اكون مثلها مو خايفه من احد ولا مهتمه براي احد الشي الي في بالي اسويه كان قلت قبل شوي لرماح انه يرجع المعمول ولا ابغى اشوفه مره ثانيه دخلت نجود وحطته ع الطاوله بجنب الكيكه وجات جلست جنبي وحامد يقول""اخذتي حقوقي""
قالت وهي تحط اصبعها ع خده""كيفي""
مسك يدها وحطها في حضنه وقال بجديه لي""مااضحك رؤيا تعالي الغرفه(وطالع بجميله وكمل)جد موضوع خاص فيها""
قالت وهي تسحب يدها من يده""طيب بس بعدين لا تقول لي كلام كثير""
كان تهديدها واضح قال بأبتسامه""خلاص تعالي""
طالعت بحامد وانا مستغربه من تصرفاته ووقفو الاثنين ووقفت بتردد قال حامد لنجود""جهزي(طالع فيني)اش جبتي""
قلت بصوت منخفظ وكأن مجرد اسمها سب""كيكه"" قال""قطعيها نجود وجهزيها دقيقه واحنا جايين""
قامت نجود وراحت وشالت الكيكه وانا مستغربه من طاعتها يمكن مستحيه من جميله وكذا مشيت وراهم من اول ماقال موضوع وخاص خطر في بالي رماح بس مااتوقع مسرع يكلمه ماادري حسيت بترقب وانا اجلس ع سريري زمان وجلس حامد وجنبه جميله مقابلين لي قلت بعد صبر""اش فيه""
قال بعد سكوت شوي""اليوم رحنا عند عمي قلت لك(حركت راسي بطريقة ايوه علشان يكمل)انا اتصلت وكلمت ولده رائد وعزمته واليوم عمي يخاصم وزعلان اني ماعزمته وقلت له اتصلت ع رائد وهو انكر مااقدرت اقنعه اني عزمته وطلعت وعمي يتحسب علي""
حسيت براحه نوعا ما الموضوع مايخصني يعني يبغى يطلب راي ولا ايش وليش قال لجميله موضوع خاص يعني عادي يقول لها اكيد حكى لها اشياء اعمق من كذا بس ماكان هذا الي يبغى يقوله لانه كمل بصوت استفسار واضح""وقبل مانطلع حاول رماح يوضح ان العزيمه وصلته بس اكيد نسي ولده او مايبغى يقول له تحول الكلام لموضوع ثاني(وسكت حسيت بخوف يعني دخل رماح بالسالفه ياربي علشان كذا يعني كان معصب علي طيب ومالقي الا ذاك الموضوع انتظرته يكمل وانا احلل كل الكلام الي قاله لي رماح اول بمعنى ثاني بس لما كمل بنبرة صوت تأنيبيه فتحت فمي وانا اسمع باقي الكلام)تكلم ع
موضوع خطوبتك وقال انه ماجاء الا بعد ماطلبتي انتي منه ولما جاء رفضنا يقول تلعبين عليه وورانا دفتر لك كله اهدائات له وانا متأكد ان الدفتر لك هذا الي اعطاك ابوي يوم نجاحك من اول متوسط تتذكرينه مميز""
فتحت عيوني ع كبرها وانا احط يدي الثنتين ع خدودي وقلت وانا اطالع فيه بتركيز""وانت مصدقه""
قال بنبرة اتهام وهو يرجع ظهره شوي""انتي اش رايك وخطك بعد اعرفه""
قلت بأختصار""هذا الدفتر رميته من زمان من اول ماخلصت المتوسط""
وقف وقال بعصبيه""غبي قدامك انا ماكنت ناوي اسكت لك بس رماح حلف اني حتى مااكلمك بس انا قلت له اني بكلمك وبفهمك هذي الخربطه انسيها رميتيه اعطيتيه انتي الحين متزوجه ومالك الا هو سامعه""
نزلت عيوني هذا الدفتر زمان كنت اكتب فيه لرماح كنت مراهقه اقلد صاحباتي هم قالو لي اكتب اهدائات وبعد مااعترف بحبي ونتواصل اوريه وبعد ماسمعت رده رميت وانا متأكده اني رميته بعد مانقل وعرفت ان كل شي غلط بس كيف وصل له ومالقيه الا رائد الي معروفه اخلاقه قلت بصوت منخفظ ادافع عن نفسي""تعرفه انه كذاب تقول حتى نكر عزيمتك ليش الحين مصدقه""
انحنى علي وقال وهو يضغط ع الحروف""دفترك خطك حرفه بكل صفحه""
نفس حرف رماح قلت بعفويه وبسرعه""والله ماكتبتها له مااقصده هو""
كنت ابغى ابري نفسي قدامه ماابغاه يصدق فيني مسك ذراعي ووقفني بقوه وهو يقول بصوت عالي""وبعد مو له ها كنتي تكتبينها لمين قبل ماتعطينه""
وقفت جميله بيني وبينه وخلته يترك يدي وقالت""اش فيك حامد هذي اختك لا تستقوي عليها""
قال بعصبيه وهو يطالع فيني بحده""قهرتني""
قالت جميله بحده اكثر من نظراته""صراحه تفاجأة فيك حامد الحين ماترضى ع اختك تكتب بدفتر وتعبر عن الي في نفسها هي ماعندها احد تقول له لو قالت لك كان سويت مثل الحين وبعدين هي ماغلطت لا راحت عنده ولا كلمته مجرد ورق ولو تبغاه وتحبه مثل ماتقول انه خطها كان مارفضته لما جاء يخطب لما جاء عمك هنا كان كلمته ليش تسكت وهي تحبه وتعرف انت الحب اش خلاني اسوي وقفت ضدهم كلهم كان يمديها تسوي مثلي بس هي ماتحبه يمكن كانت مجرد مراهقه وانتهت""
قلت وانا ابكي""والله كنت اكتبها لرماح كنت احبه هو بعد ماكبرت رميته ماادري كيف جاء بيده""
كنت حاسه بأمتنان لجميله الي وقفت معاي وهي ماتعرفني وحامد ورماح صدقوه يمكن علشانها بنت منجد احس اني حبيتها مااقدر ادافع عن نفسي مثل ماتدافع هي عني مافكرو الي بالدفتر هذا وكل شي نسوه حتى حامد نسي نفسه اش مسوي ولا حرام علي وحلال عليه قالت جميله بتشفي""شفت كيف انك ظلمتها بس انتم كذا ماتفهمون شي بس خصم وصوت عالي(مسكت يدي وسحبتني وهي تقول)اعتذر لها ولي ع الكلام الي قلته لانك كنت توجهه لي وانت ماتحس"
وطلعنا من الغرفه ودخلتني غرفتهم جلست ع السرير وانا امسح دموعي قلت""شكرا""
قالت وهي تجلس ع طرف الطاوله""مافي شكر بيننا خلاص الحين صرت اختك يعني بصفك وحامد عقابه جاي والله اني زعلانه منه""
قلت وانا اهدي نفسي""هو كذا اذا عصب مايثمن كلامه""
قالت وهي توقف""عارفه بس بيتركها هذي الصفه اذا انتي تتحملين انا مااتحمل""
نزلت عيوني اش استفاد الحين لما خرب علي وليش وراهم واساسا وين لقيه وليش محتفظ فيه كل هذي السنين انا نسيت سالفة هذا الدفتر ليش هو مانسيه وحامد صدقه كيف رماح الي هو اساسا الفكره براسه من اول بس مقهور والله مقهوره منهم كلهم ليش يظلمني والباقين ليش يصدقون رجعت الدموع تتجمع بعيوني بذات من رماح بعد هذاك الوقت الي قضيناه مع بعض حكم بدون مايسأل بس الي قوي بصدق بعد هذيك الليله تعامل معاي بهذا الاسلوب القوي بدون مايشرح كذا فجأه تكلم وجرحني بقوه وانا الي اقول رماح احسن من حامد لانه يمسك اعصابه ولا يتكلم حتى يحكم صح بس اليوم اكتشفت غير هذا مسحت وجهي لما شفت الباب ينفتح قالت جميله""نعم ليش ماتدق الباب""
قال حامد بستغراب""وليش ادق الباب""
اخذت نفس ومسحت خدي قالت جميله وهي رافعه ذقنها""بس كذا كيفي كل شي محاسب عليه حتى تعتذر وانت عارف امس اش قلت(كان واضح انها تمسك ضحكتها بس شوي وفكتها وكملت)ترا للحين مانسيت""
ضحك هو بعد واشر بيده بطريقة كف وطالع فيني وقال""خلاص فهمت رماح كل السالفه""
قلت بصدمه""اي سالفه""
قال""ان الكلام الي بالدفتر له والحرف حرفه""
..نهاية البارت..
..عافاكم..
..عجايب..
الحمدلله.

...بٲذن الله لي حسنه ولك حسنه..
(الله أكبر الله أكبر الله أكبر
لا إله الا الله
الله أكبر الله أكبر ولله الحمد
الله أكبر كبيراً
والحمدلله كثيراً
وسبحان الله بكرةً وأصيلا)