ان شاء الله تستمتعون في القراءه..
..البارت السادس..
قلت وانا اطالع بنجود الي طالعه من الغرفه""ان شاء الله""
ماراح اسأل ولا عن اي شي لانه مو مهم مثلا ليش ماتجي امه ليش ماجاب رجال معاه او رجع مره ثانيه بخطبه رسميه ولا ليش يأخرون كذا المهم ان الخطيب هو رماح واي شي جنبه رمادي جلست نجود وقالت""متى ينتهي الرجال من تصوير الكتاب انا وعدته ارجعه له اليوم""
قال حامد وهو يطالع بالساعه""كذا نص ساعه(ووقف)بمر ع واحد وبعده بجيبه""
قالت نجود""طيب عادي اروح معاك""
قال""يلله""
قامت طيران للغرفه اخذت عبايتها وقلت لها وهي طالعه""حطي الطرحه ع شعرك""
صح هي شكلها مره صغير بس بعمرها المفروض تتغطى خلي كم شهر بس واغطيها حامد مره متسأهل مع انه لو يشوف وحده بطريق مو متغطيه زين مايرتاح الا ويعطيها كلمتين يمكن لانها قدام عيونه ع طول مايحسها كبرت الا ع طاري الكلمتين الي يرميها ع خلق ربي مدري اش صار مع البنت الي اشتكت عليه بالشرطه للحين مو مصدقه ولا متخيله بنت تسوي كذا ولا بعد اهلها واقفين معاها مو يقول عمها كبير مركزه طيب مو خايف ع سمعته بس يمكن معاها حق انا متأكده ان حامد هو الي خلاها تسوي كذا انا شفته شلون كلمها وهي رجعتها له مدري ليش استسلم حامد ونسي موضوعها يمكن حسها اقوى منه وقفت يمكن حامد يبغاله وحده مثلها علشان يسكت دخلت المطبخ وفتحت الفرن اتأكد اذا جهز العشى او لسى..
قلت""مين""
قالت""افتحي انا ام رماح""
بسرعه فتحت الباب اخيرا جات بعد اسبوع من الكلام تأخرت وانا كل يوم كنت انتظرها قلت""ياهلا تفضلي""
سلمت عليها ودخلتها تعذرت كثير عن تأخيرها من كثر عذرها انحرجت ان عتبتها بقلبي اساسا قالت""والله ماابغى غيرك لولدي""
وقفت وقلت لها""ارتاحي البيت بيتك""
وطلعت اعوذ بلله من الشيطان الرجيم مادري ليش طلعت بس تفأجأة من نفسي لاني غصب منعت نفسي اقول وانا ماأبغى غير ولدك حسيت نفسي وقحه شلون لو قلتها منجد مستغربه من نفسي منصدمه بتعبير اوضح معقوله وصلت لهذي الدرجه من حبه لدرجة عادي اتغزل فيه قدام امه ومايربطني فيه شي شرعي جد خفت انا مو كذا ان شاء الله اول ماتروح راح اصلي صلاة استخاره مع اني صليتها بس علشان ارتاح اكثر مسحت وجهي بيدي ورجعت دخلت وانا مبتسمه وجلست تقريبا كل الجلسه احس بشد اعصاب من كثر ماني مركزه ع نفسي و ع كلامي بذات لما قالت""رماح قبل مايروح وصاني عليك يقول لا ينقصها شي""
احلفي قالها رماح والله قالها يعني مهتم او يمكن مظاهر او يمكن يبين لامه انه راضي المهم انه قالها قلت""حامد مايقصر""
ع اني عرفت ابوي بس احس بفخر اكثر بأخوي الي مأخلانا ولا نقص علينا شي بجد ربي يحميه ويسعده قالت ام رماح""اي والله مافي مثله""
بعد كذا بدت تتكلم عن التجهيزات احنا بعاداتنا للحين العروسه ماتنزف قدام الناس تتجهز و ع طول يودونها بيت زوجها والناس بعد العشى يروحون والزفه تصير للعريس من القصر لبيته يعني الزواج يخلص بسرعه مايحتاج تكاليف كثيره يادوب الحجز والعشى واشياء بسيطه علشان كذا عندنا بعض الاحيان تنخطب البنت وبعد اسبوعين بالكثير يكون الزواج قالت ام رماح وهي تقوم""اعذريني مااقدر اطول برى البيت واخلي زيدان وحده""
قلت وانا قوم معاها""معذوره اهم شي شفناك الله يعينك وحياك الله بأي وقت""
لما طلعت حسيت براحه منجد وجلست بالصاله بعد مااخذت كوب مويه تخيلو من يوم الزواج المفروض اكون ساكته بس انا احتمال اخربها وانا الي اتكلم معاه بكذا اثبت فكرته وارجعها راسه بس ليش التعقيد مو انا زوجته عادي اذا حاولت اتعود عليه او اذا قلت له احساسي تنهدت ليش التعقد مااسوي شي حرام بالعكس تماما..
طلعت من الحمام وانا احس بانتعاش من بعد الدش الي اخذته من بعد مارجعت من السوق صليت الوتر واخذت القران وانسدحت ع السرير وانا اقرا وردي ولما خلصت حطيته ع الطاوله الي جنبي وغمضت عيوني هذي ثاني مره اروح السوق وخلاص خلصت الحمدلله لاني مااحب السوق خلصت كل شي من طلعتين وقدرت لاني كتبتها بورقه علشان مو ارجع البيت وبعدين اتذكر ان هذا الغرض نسيته بكره ان شاء الله ارتبها بالشنط كلها وكذا اخلص بس بقي نروح بعد ثلاثه ايام قبل الزواج بيوم نأخذ فستان لنجود وبعد بقي فستاني تمتم بسورة الملك وانا حس براحه لاني خلصت كل شي..
كانت نجود فرحانه مره يمكن مافكرت بعمق اني بروح بيت ثاني ولا يمكن هذا الي فرحها علشان تأخذ راحتها بس ولا يجي في بالها انا هنا قريب كل شوي عندهم ماراح اخليهم ان شاء الله وعلشان اثبت لهم هذا الشي اصريت ان اسوي العشى مع ان حامد قال بيجيب من برا اريح بس رفضت نزلت الاكل ع السفره بمساعدة نجود الاستثنائيه هي تطوعت مو انا كلمتها جلسنا وبدينا نأكل قالت نجود بفرح""الحمدلله اني اخترت السبت""
انا خيرتها تغيب يوم واحد الاربعاء او السبت وهي قالت انها بتغيب الاربعاء والسبت وش دراني عنها بس انا قلت اني بأجي من الصبح اشوفها اذا بتداوم او لا وهي صدقت صعبه طبعا اجيها من السبت اشوفها بس مرت عليها لما ماشافت احد علق ع كلامها تأففت وقالت""ليش ساكتين""
وبعد محد رد عليها حامد كان مشغول بالجوال وفجاءه قام وقال""خليكم بكره من بدري مستعدين انا بطلع وبرجع متأخر لا تنتظريني""
قلت بأستغراب""ماكملت اكلك""
قال""شبعت المهم خليكم جاهزين من بدري""
قربت نجود راسها مني وقالت بصوت منخفظ""تتوقعين بيروحون يسون حفله مثل اخو سحر سواها مع اصحابه قبل زواجه في البيت""
اها قصدها بيروح هو عند رماح وبالبيت عادي اروح قلت وانا اقرب راسي منها بنفس طريقتها مع ان مافي احد بالبيت""لا مااتوقع واذا تبغين تروحين معاي بكره نامي بدري انا بصحيك مره وحده اذا ماصحيتي بروح اخليك""
قالت وهي توقف""طيب بصلي العشا وافرش اسناني وانسدح وتصحيني بكره لين اصحى""
قمت وحضنتها وقلت""طبعا راح اصحيك لاني ابغاك تروحين معاي""
ضحكت وقالت""عرفت قصدك اني انام علشان اصحيك انتي ماراح يجيك النوم اليوم""
بعدت عنها وقلت""الا بنسدح وبنام من بدري صاحيه""
بس ماقدرت انفذ كلامي انسدحت وماجاني النوم مع اني امس نمت قليل واليوم صاحيه من بدري بكره يوم زواجي ع رماح نطقها يكفي يسهرني يوم وهو رجع امس من الدوره اخر الليل وحامد كان بأستقباله احس مو كأن مر بينهم سنين مايعرفون بعض والحين رجع بقوه يمكن مثل مشاعري لما راح نسيته ولما رجع رجعت بقوه انقلبت للجهه الثانيه بكره راح يوضح التعب علي اذا مانمت بس اش اسوي ابعد شي عني الحين هو النوم طيب هو الحين نايم ولا مثلي جلست وانا اتنهد شكله مو جاي وقمت اشغل نفسي بشي احسن ماانسدح وافكر وبس كل شي كان مرتب مافي ولا شغله فطلعت الحوش وقمت مسحته مع انه مايحتاج بس كذا طلعت كل النشاط الي احسه فيه يادوب انسدحت ع السرير ونمت حتى ماادري اذا كملت سورة الملك او لا..
مااذن المغرب الا وانا بالبيت وحدي نجود جات اخذتها عمتي ام رماح للقصر بعد ماسلمت علي وقالت قبل ماتروح""الساعه تسعه ونص راح نوديك بيتك ترتاحين شوي وعشره بيزفون رماح""
حمدة الله اني جالسه لان كلامها كان راح يفقدني توازني حسيت برعب بهذي الحظات ولانتظار زادني تمنيت احد يكون جالس معاي اي احد المهم مااجلس وحدي حاولت اغير تفكيري عن الليله بس ماقدرت كنت احس بتشنج بكل اعضائي جلست ع سريري واخذت القرأن وبديت اقرى حتى حسيت نفسي تهدا سكرت القرأن ورجعته بالشنطه لاني خايفه انساه منجد ليش كذا مرعوبه مو هو رماح الي تحبيه وتبغينه ليش الخوف اذا اخذت نفس طويل وارخيت نفسي الموضوع مو صعب بس راح اشوفه وبعدها كل شي بيمشي من نفسه مشاعر ثانيه راح تكون اقوى من الخوف رجعت ظهري وانا اتذكر شكله بالتفصيل فديت رزته ياناس انا كنت ماابغى ذاك اليوم اشوفه وحاولت اطلع بسرعه بس لما شفته عند الباب تغير احساسي علشان كذا راح يكون نفس احساسي اليوم ان شاء الله وقفت ودخلت المطبخ اشرب مويه كان فستاني هادي طبعا لاني ماراح اروح عند الناس فأخذت واحد يناسب جسمي ومكياجي بعد مو مبالغ فيه انصدمت لما قلت لها ابغاه هادي فقلت لها لاني مابنزف ع طول بروح البيت صدمتها زادت بس قلت لها عاداتنا كذا قالت ان في بالها انتهت هذي العادات من زمان وشعري فتحته بطوله كله واكسسوار بسيط بشعري من عند اذني يعني بشكل عام كان مورضي بالنسبه لي حطيت الكوب ع الطاوله وانا احس برجفه لما سمعت حامد يقول""يلله رؤيا البسي عبايتك وينك رؤيا""
كل الكلام الي هديت نفسي فيه تلاشى وانتهى ورجع نفس الرعب لي بلعت ريقي بصعوبه وطلعت من المطبخ..
..نهاية البارت..
..عافاكم..
..عجايب..
الحمدلله.

الف مبروك زواج رؤيا من رماح
نجود بتطير من الفرح لأنها اخت العروس
يلا ارتاحت من انها تقابل الناس
بس الله يعين
يعطيك الف عافيه اختي وبإنتظارك


تم الإرسال بواسطة iPhone بإستخدام Tapatalk

شعورحزين اللي حسيته وانا كأني اشوف رؤيا وهي لحالها بزينتها البسيطه مع فستانها الهادي
لكن لوحدها دون ام تنصحها او اخت تزينها وتونسها او صديقه تواسيهاوتدعمها وتفرح لفرحتها
حتى ام رررماح ما قامت بنص الدور اللي المفروض تقوم فيه تعتبرام العريس وام العروس
مسكينه يا رؤيا

والله يستر منك يارماح عساك العوض لرؤيا
وشكرا يا عجايب انتظر بكل شوق الجزء السابع ياليت تنزليه هالحين مثل هالوقفه أليمه

ايه طرا علي مثل اللي ماله ام حاله يغم وهذذا حال رؤيا من جد كسرت خاطري