ان شاء الله تستمتعون بالقراءه..
..البارت السابع عشر..
طالعت بعمتي بستغراب مو علشان اسلوبه لا ليش اروح انا بس بدون عمتي كان واضح ان الكلام لي وحدي وبعدين ليش بالبر بس شكلهم اصحابه مثله يحبون البر وطبعا عرفت من صوره انه يحب البر ولا هو وين يتكلم معاي ديما اسلوبه مو حلو يتكلم بدون ذوق وامس اكبر دليل نفضت راسي من هذي الافكار خلاص انتهى امس وكفايه اهتمام عمتي فيني شي يعوض شي مو حلو اسلوبه يتكلم كذا عمتي بتروح معانا يعني انا حابه اتعرف ع ناس واغير جو وطبعا رماح مايكون موجود قلت""نروح سوا مااحب اكون عند ناس مااعرفهم""
طبعا تعودت قال عمتي""لا مااقدر مواعده حرمه من اسبوع وكل يوم ااجل بروح عندها اليوم""
خفت انها بس تخترع شغله علشان ماكلمها رماح من نفسه""لا لازم تروحين كان يقصدنا كلنا""
قالت بأبتسامه""عارفه كلمني من امس بس انا اعتذرت منه""
طالعت فيها شوي ونزلت عيوني كلمها من امس ماحبيت اتعمق اكثر قلت بتسأل""تعرفين متى نرجع"" قالت وهي تقوم""يقول بكره بتنامون هناك كل شي مجهزينه اصحابه""
طالعت بزيدان الي مستمع بهدوء وقلت""لو نرجع بنفس اليوم كان رحت معانا""
قال زيدان بأبتسامه""اصلا بروح وافق رماح يوم مايفرق""
ابتسمت بأحراج مسويه نفسي سوبر ويمن كل شي مرتب وانا مالي خبر حسيت نفسي مالي مكان بينهم قمت وساعدت عمتي وانا ساكته طيب لازم يعرفون انه ماكلمني الا الحين لو انتظر اكون وحدي ويكلمني مثل ماكلمهم وحدهم تجاهلت كل شي وركزت ع الطلعه نفسها اتعرف ع بنات من سني واكون علاقات انا كل زميلاتي زمان سافرو يكملون دراستهم او تزوجو مااعرف بنات غيرهم تحمست لهذي الفكره من زمان نفسي بصديقات بنجلس يوم يعني راح اعرفهم زين حلو ابتسمت ع الاقل في شي جديد جلست بالصاله وقلت لعمتي""اجهز ملابس لزيدان""
بر يعني تراب لازم ملابس قالت عمتي""جاهزه الله يصلحه ماخلاني بحالي لين جهزتها""
ابتسمت وانا اقوم""بشوف اش حطيتي""
فضول وبنفس الوقت من الحماس دقيت باب الغرفه قال""ادخلي رؤيا""
فتحت الباب مبتسمه وقلت""جاهز""
قال بحماس وانا ادخل""اعد الدقايق من زمان مارحت البر وبتدرب مع صالح هو شاطر بالكوره(وكمل بغرور مو بعيد عن العايله)هو الوحيد الي يهزمني""
ضحكت بقوه وكأني من زمان ماضحكت دقيقه مو كأني الا حقيقه ضحكت وانا اشوف بهذي اللحظه رماح صغير قدامي ضحكتني الفكره حطيت يدي ع فمي علشان اسكت بس كل ماتذكرت شكله وهو يقول هذا الكلام مااقدر اسكت كان زيدان يضحك مع ضحكي بس واضح انه مو فاهم ليش اضحك كل هذي الضحك انحنيت من التعب وقلت بين ضحكاتي""فديتك زيدان تجنن""
مره يجنن مو متخيلته لما يكبر شلون بيصير لما خفت ضحكتي وقفت وطالعت بزيدان وانا مبتسمه طالع فيني وطالع من فوق كتفي اللتفت كان رماح وعمتي واقفين بس فرق بين وجه عمتي المبتسم ووجه رماح المتجهم شديت رقبتي وانا اعض شفايفي يعني كان صوت ضحكي عالي بزياده قالت عمتي بأبتسامه""اش الي ضحك كذا""
طالعت برماح ورجعت طالعت بعمتي كان لسى واقف حتى هو ينتظر الاجابه لو مو هنا كان قلت الحقيقه وضحكت معاي بس بوجوده اش اقول قلت وانا ماعندي اي فكره""ع كلام زيدان""
اثنينهم طالعو بزيدان قال""ماقلت شي قلت اني متحمس اروح علشان اللعب مع صالح""
طالعو فيني حسيت المساله تحولت لشي ثاني مره فقلت بسرعه""لانه يقول محد يهزمه غير صالح""
قال رماح وهو معقد حواجبه""تضحكين عليه انتي لو تشوفين زيدان كيف يلعب كان ماضحكتي""
فتحت عيوني ع وسعها اضحك ع زيدان وانا الي اصريت يروح يشجعه مصر يفهم كل شي عكس بهذي اللحظه مااهتميت بالكلام الي بقوله همني مايصدق زيدان او عمتي كلامه قلت بصوت ثابت""لا مااضحك عليه لما قالها بغرور حسيته انت ع صغير نفس الاسلوب""
قال وهو يتكتف""يعني انا اضحك""
غمضت ثواني هذا مو صعب وبس يبي له تعليمات وقلت""ضحكت لاني ماتخيلته اذا كبر راح يصير مثلك ع بالي شخصيته بتكون غير ع بالي بيكون(سكتت ثواني وكملت وانا طالعه من الغرفه بصوت حاد)يالله حتى ع الضحك لازم سبب منطقي""
وقت نكون وحدنا اقدر افهم زيدان اما اذا هو موجود لازم يخرب كل شي مشيت للغرفه ماكنت ابغى ادخل بس بأخذ لبس علشان كذا دخلت بستعد لطلعه لاني الحين متأنقه بزياده مايصلح لروحت البر الحين زاد اصراري بالروحه بطلع بغير جو من هذا البيت وابغى بعد اطلع بزيارات بغير نظام حياتي دخلت الحمام اخذت دش سريع وطلعت بقي نص ساعه ع اذان العصر ونطلع مع اني بروح مع رماح الا اني متحمسه دام زيدان موجود بيغير جونا ماكان بالغرفه وقفت قدام المرايه دام البر والرجال بعيد وفيه حريم وبنزل الغطا حطيت مكياج مريح احترت بشعري والاخير جمعته بجهه ولبست ساعه ضروري اعرف الوقت وانا ماعندي جوال الحين الكل معتمد ع ساعة الجوال الا انا اخذت عبايتي وحطيتها ع الكنبه وانا اسأل عمتي اقيس نبضها زعلانه من الكلام او لا""اخذ شي معاي قدامي نص ساعه اسوي شي""
قالت""لا العزيمه علشانكم لاتأخذين شي""
تنهدت براحه عمتي مو زعلانه بقي زيدان طالعت بغرفته قالت عمتي لما شافت نظراتي""طلعو لصلاه""
قلت بستغراب""لسى باقي""
قالت""لا ماباقي الحين يأذن""
قلت بأهتمام""متى بترجعين البيت وصعبه تجلسين وحدك(لما طالع فيني بنظرات كملت بأبتسامه)ادري مو خايفه بس مو متعوده""
قالت بأبتسامه""برجع بدري انتي لاتهتمين انبسطي بس""
قلت وانا اسمع الاذان""ان شاء الله""
بعد ماصليت لبست عبايتي وتجهزت ثواني وجاء زيدان يجري وهو يقول""يلله رؤيا""
وقفت ومشيت وراه بحماس وانا اقول لعمتي""مع السلامه""
ان شاء الله مايروح حماسي ع الفاضي ويكونون بنات كويسات سكرت الباب بعدي كان رماح بالسياره ينتظر حسيت تفكيري مبتذل بس صدق فكرت اخلي زيدان يركب قدام بس لما طلع زيدان ورا ماخلى لي خيارات فتحت الباب وطلعت عدلت عبايتي وهو يحرك السياره قال زيدان وراسه بيني وبين رماح""بنوصل قبل المغرب ولا مايمدينا""
قال رماح""بنوصل قبل الغروب ان شاء الله""
اجابه دبلماسيه تذكرت اني ماكلمت حامد بس عادي يعني مو ضروري اكلمه اذا رجعت ان شاء الله اقول له بعد دقايق من السكوت قال زيدان وهو يأشر""اش نوع هذي السياره رماح""
واستمرو ع هذي الحاله ع انواع السيارات الي جاهله فيها واسمع اسماء غريبه حتى طلنا من الطريق الرئيسي وقلت السيارات تذكرت ان زيدان لما جاء يناديني مااخذ ملابسه اللتفت عليه وقلت""اخذت اغراضك ولا نسيتها""
قال""لا اخذتها شوفيها""
واشر ع الكيس الي جنبه رجعت تعدلت بجلستي وقلت""خليه بالسياره علشان مايضيع""
قال زيدان""طيب مر هنا رماح اشتري لي كوره احتياط""
قال بصوت فيه ابتسامه""شفتك معاك ثنتين""
اللتفت عليه حتى اشوف ابتسامته ماقد شفتها عليه والله انها مخليه وجهه احلى واكثر انسانيه لو يبتسم ع طول احلى قال زيدان""والثالثه احتياط""
قال رماح وهو يلف بالسياره""لو مافي صغار يمكن يبغون يلعبون كان ثنتين تكفيك""
منجد اهتمام زيدان بالكوره قوي ان شاء الله يكون مستقبله فيها دام يستمتع ويحبها وقف السياره وقال وهو يطالع فيني""تبغين شي""
حركت راسي بطريقة لا وزيدان فتح الباب ونزل اللتفت عليه رماح ورجع يطالع فيني وقال""بأخذلي شاهي ماتبغين""
لاول مره هذا الاهتمام كم التاريخ اليوم بحفظه ابتسمت وقلت""لا شكرا""
نزل من السياره وانا مستغربه تصرفه لما رجعو غير رايه رماح مااشترى شي حرك السياره وهو يقول لزيدان""خلي الرابعه بالسياره""
ضحكت واللتفت ع زيدان وقلت""اش بتسوي فيها""
قال""بلعب""
لما تكلمت معاه اول عادي رد بس الحين لما تكلمنا عن الكوره رد كذا لانه تذكر شكله بجد زعلان معاه حق المفروض مااضحك قدامه حتى لو حسيت كذا بكلمه اليوم ان شاء الله ماابغاه يزعل علي وانا بصراحه مشجعته وبقوه نزلت السياره التراب شكلنا قربنا قال زيدان""خلينا نجلس يومين""
قال رماح بأبتسامه""اذا وصلنا نشوف""
وانا الي اقول كاسر خاطري ماعنده اصحاب لانه معقد مره طلع عنده اصحاب وقراب غير اخويه والدليل مزاجه مبتسم ويسولف ولا سألني اذا ابغى شي لهذي الدرجه مبسوط معاهم ولا يفكر يجلس ودوام تصدقون احسه مأخذ اجازه بس يطلع عند اصحابه بعذر الدوام لان امه ماراح تسكت له مو معقوله ع كيفه يوم يتأخر ويوم يروح بدري ويوم يستأذن سمعت رماح يقول""هم اربعه حريم ومعاهم عيالهم وكلهم معاي بالدوام(سكت فتره طويله وكمل)ام خالد لا تجلسين معاها كثير""
شكله يبغى يعطيني فكره عنهم بس ليش مااجلس مع ام خالد طالعت فيه وقلت""ليش""
قال""اخلاقها مو تمام""
قلت بشك""شلون تعرف اخلاقها وانت ماتعرفها""
قال بعد مااخذ لمحه علي""سمعتها مو كويسه""
قلت وانا اتكتف نظرته العقيمه بيحكم عليها من كلام مثل مايحكم علي بنيته السيئه معروفه نظرته ابتسمت بسخريه""مو كل الكلام الي ينقال صح انا اعرفها بنفسي واحكم عليها""
قال بصوت أمر حاد قبل مايوقف السياره""لا تقربين منها رؤيا""
زاد اصراري اثبت له ان وجهت نظره خطاء بالحكم ع الناس هو مايعرفها اساسا
..نهاية البارت..
..عافاكم..
..عجايب..
الحمدلله.

...بٲذن الله لي حسنه ولك حسنه...
(ذكر الله يرضي الرحمن ويسعد الإنسان ويذهب الأحزان ويملأ الميزان.. لا اله الا الله..)

صباحكم بارتات حلوة
عجااايب انتي تجنني والله... لالتزامك بمواعيد البارتات وبروعه ما تكتبيه....
هالرماح عنجد ماله حل.. حتى الضحك لازم بحقف فيه..
خرب علىّ رؤيا حماسها الله لا يبلانا...
اما كلامه عن ام خالد ما طمني ... شو سامع عنها..
ورؤيا شو ناويه تسوي عشان تعكس وجهه نظرة.. يت خووفي يطيح كلو عراسها..

بانتظاااار القااادم بشووق
سلااااام

Sent from my GT-I8150T using Tapatalk 2

السلام عليكم
مساء الخير ياسكر
الجزء اليوم هااادي مدري ليه احسه الهدوء ماقبل العاصفه
وهالعاصفه والله اعلم بتثيرها ام خالد والله يستر
يعني رؤيا احسها احيانا تتغيبي يعني زوجة صديقه اكيد بيسمع
من صديقه عن فعايلها وتصرفاتها ..
مااش علم قلبي ناغزني من هالخبله يقالك ابو العريف وبتثبت عكس
اللي قاله رمااح ..يابنت الناس هو اعلم منك فيهم لاتسوين لي
فيها انا الفاهمه لان هي بالنهايه بتطيح علي راسك
والله علي كثر ماانا متعاطفه معك اخااف تجيبين العيد بهالطلعه
الله يستر
ماعلينا ان غدا لناظره لقريب ..

جوجو .. تسلم الايادي ياعسوووله بس لاتتأخرين علينا فينا حماااس
لهالرحله واللي بيصير فيها مدري ليه احس رؤيا بتكون لعبه بين هالحريم
كل وحده تقول لها شي ..كني اشوفها فاتحه خشتها ومفهيه هههههههه
بانتظاااارك ..

شبيه القمرر
انا معك انا رؤيا بتسوي نفسها ام العريف

عشان تثبت لرماح انه غلطان

وانا بعددد متأكده انه كل شي بيتطرربق على راسهااا

وخلي فيدهاا العنااااد ,,,,,,