ان شاء الله تستمتعون بالقراءه..
..البارت الثالث عشر..
قرب شفايفه من اذني وقال بهمس""لان بالقلب غيرك""
كانت ردة فعلي سريعه وقويه لاني شوته بنص ساقه بكل طاقتي وقوتي وهو رجع ورا بخطواته وهو يقول سبه خشنه من الالم وماحسيت الا وهو لوا ذراعي بعنف حتى حسيت انها بتنكسر بس مابينت الالم ولا طلبته يفك يدي يمكن علشان يصحيني او يرجعلي احساسي قال وعيونه محمره من العصبيه""رؤيا""
طالعت فيه بدون ماارمش حتى كانت نظراتي حاده كان هو الغلطان وحجتي قويه خفف مسكته لذراعي وقال بصوت توعد""والله لو تسوين كذا ثانيه اني لاروح فيك قصاص""
ضغطت ع اسناني بقوه نفس الكلمه مايجي منه الا كلام مثل كذا اش ابغى فيه ليه احبه وهو كله يرفضني وانا ارجع له استاهل والله استاهل واكثر نفض ذراعي من يده بقوه وقال""سكتت لك هذي ا....""
سكت لاني ماابغى اسمع كلامه ففتحت الباب وطلعت من الغرفه بخطوات عاديه ماكأني سويت شي مع اني احس بثقل طن من الرصاص بقلبي وجلست بصاله مع عمتي الي جالسه تتفرج ع التلفزيون بأندماج وطالعت بالتلفزيون بس ماكنت اشوف شي من الدموع الي متجمعه بعيوني جد حسيت اني تحطمت اني انتهيت بمعنى الكلمه من هذي الي يحبها وين عرفها او وين سمع عنها كيف قدرت عليه كيف حبها يعني طلع يحب علشان كذا لا اتعب نفسي ايش يقول في القلب غيرك رجعت ظهري للكنبه صدق كان كلامه مثل النار صبها بقلبي بس مااستقرت فيه مشت جسمي كله قالها بهمس فأذني كأنها تعويذت التعاسه مايبغى احد يعرف يعني سر عندي يعني صح كانت ردة فعلي غريبه بنسبه لشخصيتي انا مو عنيفه بس طلعت من قلبي كانت جد حركه لا اراديه مع اني شوته بقوه الا اني مااحس بألم برجلي ولا حتى بذراعي يمكن الم قلبي اكثر من الم رجلي وذراعي علشان كذا مااحس فيها عضيت شفايفي بقوه وانا اطالع فوق ماابغى دموعي تنزل مسحت عيوني بعنف كل شي يمكن ارضى فيه واسامحه حتى لو يضربني بس وحده تكون بقلبه غيري ماارضى والله ماارضى بس يقولها لي وبأذني والله مااسامحه واجرح قلبه بس خليني اعرف مين هذي البنت احساس الغضب والخيانه اشعل اعصابي مالي كم يوم ويقول لي بكل بساطه في القلب غيرك وانا الي ع بالي مو عاجبه تصرفي زمان وللحين يحسه غلط طلع هو يحب فتحت فمي وطلعت كل الهواء الي بصدري وانا ابتسم بسخريه رفعت راسي لما سمعت رماح يقول بعد ماكان صوته بنسبه لي لحن الحين احسه نشاز""ماخلصنا كلامنا""
كان واقف بداية الكنبه رجعت طالعت بالتلفزيون وانا اتكتف ماخلصنا مين يقول اساسا اتوقع يكون هذا اخر كلام بيننا مو بس خلصناه او لسى قالت عمتي بطيب نيه""معاها حقي ياوليدي لازم احد يروح مع زيدان يشجعه""
اش وصلنا لهذا الكلام مو احنا رحنا الغرفه نتفاهم بهذا الموضوع اش الي وصلنا لان بالقلب غيرك مستحيل انسى هذي الجمله مستحيل قال رماح بعد سكوت شوي""خلاص طيب رؤيا طلعيلي ثياب بطلع""
لو قالها اول كان فرحت انه يبغاني اساعده حتى يصير مايستغني عني بس الحين ماابغى حتى اشوف وجه احس اني مجروحه لنخاع مجروحه لثماله والله ماابالغ هو بنسبه لي كل حياتي مستقبلي احلامي وبلحظه اعرف ان كله مو لي حياتي مو لي اعرف انه مايتقبلي بس ع بالي قلبه خالي راح اقدر بس مو خالي ملته له وحده انافسها ع قلب زوجي اش هذي التفاهه ويقول ايش ادور ع وحده اصيله ليه ماقلت اسمها وارتحت ليش ماترضى امك هي ماتبغى الا سعادتك سمعت عمتي تقول بأستغراب قوي""رؤيا زوجك يكلمك""
ابتسمت بحسره وانا اطالع برماح الي لسى واقف يدري انه زوجي ولا تفاجأه مثل ماتفاجاءة انا قلت بغير نفس""ها""
ابغاه تسد نفسه بس كان مصر لانه قال""ابغاك تطلعين لي ثياب""
كفايه بنسبه لي خسرت رماح الي ولا بلحظه كان لي بس ماابغى اخيب ظن عمتي فيني كذا مره تدافع عني وتوقف بصفي من اليوم ورايح راح يكون الاهم عندي عمتي والباقي مع السلامه هي خربانه خربانه قمت مو خايفه منه ولا من كلامه اش راح يقول اكثر فمشيت بدون مبالاه فتحت الباب ودخلت وفتحت الدرج الي فيه ملابسه وطالعت فيه بمعنى خذ الي تبغاه بس هو ماتحرك من عند الباب قال بعد ثواني""ادري اني...."" قاطعته وانا اقول بلا مبالاه""شماغ ولا غتره""
ماابغى اسمع ولا حرف منه كل الكلام الي راح يقوله مايهم ولا يعدل شي الا يكبر الجرح اكثر حتى لو اعتذر اش بيقول ادري اني غلطان بس ماقدرت اتحكم بقلبي خليني اتجاهل وبس تقدم ووقف قدامي ومد يده واخذ من الدولاب وعيونه بعيوني ولا نزلتها هو الي ينزلها مشى بتجاه الحمام وانا سكرت الدولاب بهدوء علشان مااوضح مشاعري كل شي عادي..
من طلع العصر مارجع حتى العشى اتصل ع تلفون البيت ورد عليه زيدان وقال انه بيتأخر وانا طول الوقت كنت منسدحه ع السرير بدون ماانام او اتحرك بس منسدحه ع الساعه عشره سمعت الباب يدق طالعت بالباب بدون مااتكلم كنت بدون شعور شوي انفتح الباب ودخلت عمتي رفعت ظهري شوي وغصبت شفايفي ع ابتسامه جلست ع حافة السرير وقالت""تعبانه تحسين بشي""
حركت راسي بطريقة لا قالت وهي تتفحصني""زعلانه صح""
بلعت ريقي وحركت راسي بطريقة لا الزعل قليل ع الي احس فيه قالت""إلا زعلانه علشان داوم اليوم وحتى مارجع ع العشى""
ابتسمت بخفيف رجع او لا ماعاد يفرق اليوم ع الاقل مايفرق الا خليه برى حتى اتعود واتقلم ع الفكره والوضع الجديد قلت علشان اريحها""ادري انه يحب شغله""
قالت وهي تسحب يدي علشان تجلسني""حتى لو يحب شغله المفروض ماتخلينه يحبه اكثر من البيت انا ادري انكم ماتفاهمتو بس هذا الشي طبيعي خليه يعرف حارم نفسه من ايش""
طبيعي يعني اذا قال انه يحب وحده حتى لو مايحب شغله هذي الايام بيحبه قلت وانا مبتسمه من قلب لاهتمامها بس صدق مافي امل""انا عارفه ياعمه ومقدره""
قالت""اصيله يابنتي بس لاتقدرين خليه يندم انه مارجع بدري مثلا رتبي العشى هنا ع الطاوله وتجهزي له بس بيكون العشى بارد وانتي نايمه ماراح يكررها صدقيني""
ضحكت بخفيف والله ولا ع باله معقوله بيهتم يعني يمكن يفكر ارضيه واغريه علشان اكسب قلبه لا لا انا الي المفروض يحاول يرضيني قلت""لا مااقدر""
قالت بأبتسامه مايله""مستحيه يعني ماراح تشوفين وجهه بتكونين نايمه بس خليه يعرف اش فاته""
لو بيوم ثاني كان والله حاولت وجربت بس الحين صعبه مابرمي نفسي عليه قلت""يوم ثاني راح اجرب نصيحتك بس اليوم مااقدر اساسا اتوقع هو ع وصول""
ماكان توقعي صحيح لاني نمت الساعه وحده وهو لسى مارجع بس فتحت عيوني لما سمعت صوت باب كان رماح داخل الغرفه غمضت عيوني وقلت بعفويه""تأخرت""
سمعت صوته يقول""كنتي تنتظريني""
قلت بهمس وبعفويه""لا""
وبعدها ماحسيت بشي حتى انسدح ع السرير فتحت عيوني ولفيت عليه وقلت بنعاس شديد""لا تتأخر كذا""
قال بأبتسامه""اشتقتي لي""
تسكرت عيوني من وحدها ونمت..
فتحت عيوني بشويش ورفعت عيوني اطالع بالساعه ماكنت اشوف شي من الاضاءه المنخفظه شغلت النور من عندي كانت الساعه تسعه ونص اخذت لمحه ع مكان رماح بشوف رجع امس او مارجع ونام برا بس رجعت عيوني بصدمه لانه موجود ونايم للحين يعني ماداوم اليوم احترت شلون اصحيه بس تذكرت ان نوم خفيف فقلت بدون ماالمسه""رماح الساعه تسعه ونص وانت لسى نايم الصلاه والدوام""
فتح عيونه وقال بخصار""صليت ومستأذن""
قمت ودخلت الحمام ووضيت ولما طلعت لقيت رماح نايم لسى صليت وبعدها اخذت دش ووقف قدام المرايه امشط شعري سمعت صوت رماح يقول بروقان""حلو شعرك ماشاء الله""
اللتفت عليه كان نص جالس ع السرير رجعت اطالع بالمرايه هو صح ارضى غروري بس ماعلقت ولا فكرت ارد عليه ليش مستٲذن اليوم قال بخفه"وش رايك نطلع اليوم"..
..نهاية البارت..
..عافاكم..
..عجايب..
الحمدلله.


.....بٲذن الله لي حسنه ولك حسنه.....
لن يتقدم ولن ينجز .. من يستسلم عند أول عقبة. {وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ}..

هههههههههااااااي…
ضررربتتته !!!
ههههههههه غيرر متوقعه هالحركة ..
بس هههع فششت خلقي الله يسعددهااا ويسلم يمناها…
عجاايب هالرماح منفصم الشخصية رسمي في الليل بمشكلها والصبح بيعزمها عالغدا خخخخ ورااه علووم هالرمااح مو خاالي ههه
عجووبة بانتظاررك بكرا
سلامااات حبوبة

Sent from my GT-I8150T using Tapatalk 2