ان شاء الله تستمتعون بالقراءه..
..البارت الثاني عشر..
""احب ايش""هو مايتقبلني ولا تعجبه تصرفاتي ويشك فيني ولا يشوفني بالاساس يعني بس يتسلى شوي مع الي ماتعرف ترد وتخليه يحس بذكاءه وقوته سحبت شفايفي لجوة فمي طول امس وهو مايدري عني اذا هنا او لا وفجاءه كذا يسولف معاي ويبغاني اجلس افطر معاه قلت بختصار""ابغى انام""
طالع فيني شوي وبعدها بعد عن الباب وقال بعد نظرة استهزاء واضحه""كيفك كنت ابغى(ورفع اكتافه كانت نظرته تكفي للي كان يبغاه وكمل)براحتك""
شفتو كيف مثل ماتوقعت تسليه مافي شي بالتلفزيون الحين طلعت من المطبخ وانا احس اني جد كنت مسخره عنده عضيت ع شفايفي بقوه الحمدلله لما قال مااحب اكل وحدي كان عندي سبب اني مااكون معاه وحتى لو كان السبب اني ابغى اكون حلوه فعيونه المهم سبب وهو مايعرفه طفشت من هذا الدور بس انتظر اي شي منه كٲنه يتكرم علي انسدحت ع السرير بكره اقصد اليوم ماراح اطالع في وجهه ولا راح اكلمه واذا اضطريت اطنشه راح اطنشه اما انه يعاملني بهذي الطريقه ابدا لا انا مو ناقصني حاجه الحمدلله اليوم راح نشوف شلون بتكون ردة فعله نمت بعد ماقريت سورة الملك..
ع الساعه عشره رحت لبيتنا ورتبت وغسلت وسويت الغداء وغطيته مع ان عمتي قالت اننا بنرسل لهم بس انا مارضيت قلت بسوي لهم ولنا بس بالاخير اقتنعنا هي تسوي لنا وانا بسوي لهم لازم يتزوج حامد بيجلس لمتى مو اقصد اني تعبت ولا ماابغى اروح عندهم لحامد ونجود هذا الحل جات نجود واخذت لها دش وانا اشوف كتبها بعد ماخلصت تو كنت بدخل المطبخ اعطيها الاكل سمعت الباب ينفتح طالعت كان حامد داخل رفعت حواجبي بستغراب وقلت""ماشاء الله راجع اليوم بدري(وطالعت فيه بتركيز اكثر وكملت)تعبان""
ضحك وهو يجلس""بخير الحمدلله بخير بس غيرت وقت دوامي""
قلت وانا لسى في مكاني""يعني من متى لمتى""
قال""من الفجر لظهر بس قللت عدد الساعات انتي اش تسوين هنا""
قلت""بنزل الغداء""
قال بصيغة امر""انتي روحي بيتك كفايه سويتيه نجود بتنزله لا تتأخرين يمدي رماح وصل البيت""
قلت وانا امشي بتجاه عبايتي""طيب""
مو علشان رماح جاء لا علشان نجود تعتمد ع نفسها شوي وبنفس الوقت من الاصول اني ارجع البيت الحين طلعت بعد ماوصيت نجود كان واضح عليها الاضطهاد وكأنا منجد ظالمينها ابتسمت مو متخيلتها بغير هذي الشخصيه لما وصلت عند الباب وقفت سيارة رماح بعد عند الباب كملت مشي ودخلت بدون مااطالع فيه او انتظره بنفذ الي فكرت فيه امس دخلت الصاله كانت عمتي جالسه مع زيدان سلمت ودخلت الغرفه محتاجه دش بعد الشغل في البيت ندمت اني مااخذت ثوب بس بعدين حسيت اني ندمانه اكثر اني مابقيت شي من الاساس في بيتنا دخلت الحمام وبعد مااخذت دش طلعت من الحمام كان رماح منسدح عرض ع السرير وقال اول ماسمع الباب""تأخرتي""
وقفت قدام المريه امشط شعري بدون ماارد عليه و بدون مااطالع فيه مع انه عاكس بالمرايه لانه تكى ع يده قال بعد فترت سكوت""وين كنتي""
قلت بأختصار""ببيتنا""
كنت اتمنى من كل قلبي يقول هذا بيتك او اي كلام من هذا النوع بس ماعلق ع كلامي طلعت من الغرفه وساعدت عمتي وبدينا نأكل حتى قال زيدان""بكره اخر التدريبات وعادي يسمحون للاهل يجون""
رفعت راسي لقيته يطالع برماح برجاء بس رماح ماكان يطالع فيه قلت حتى يتكلم بالموضوع اكثر""بس الاهل من الرجال يعني""
قال بحماس""لا لا حتى امي اذا تبغى تجي عادي""
ابتسمت عمتي بس قطع الجو كلام رماح""بكره عندي شغل مهم""
طالعت بزيدان الي يقول بترجي""بس ساعتين العصر او المغرب عادي التدريبات مو بالمدرسه""
قال رماح""مااقدر نجي ان شاء الله اذا بدت المسابقه""
قلت لما شفت وجه زيدان""عادي لو تروح اخر عشر دقايق تشوفه وتجيبه معاك""
رفع رماح راسه وطالع فيني بنظرة تقول مالك دخل انتي وطالع بزيدان وقال""حتى انا ابغى اشوفك وقلت لك كذا مره اني ابغى اشوفك بس بكره مشغول""
قال زيدان وهو يطالع بصحنه""خلاص بس تجي بعدين""
كسر خاطره والله انا سمعته شلون متحمس امس والحين هذا تشجيعه قال رماح وهو يطالع فيني بمعنى شوفي كيف""اكيد باجي ان شاء الله""
ابدا ماحبيت ليش كذا احس هذا حلمه او يمكن يكون طموحه ليش كذا مايشجعه الرياضه حلوه ومستقبلها بعد حلو خلاص انا بوقف معاه قلت بقهر اوكي اذا مادخلني اكلم رماح اش يسوي مع اخوه فأسمع""ولا يهمك زيد انا بكلم حامد يأخذني وعمتي ونجود بنجي نشوفك""
قلت الكلمه الخيره بحماس لاني ماابغاه يحس انه بس كلام قال زيدان بحماس اكثر""والله""
طالعت برماح كان يطالع فيني فأعطيته مثل نظرته بظبط بس طبعا مو بنفس دقتها ووضوحها بس ع الاقل بردت قلبي وقلت""ايوه دام اخوك مشغول""
وقف رماح وقال بنبرة صوت خشنه""تعالي رؤيا""
وراح بتجاه الغرفه اول يتكلم برايه عني بصوت عالي وقدامهم اش اختلف الحين نروح الغرفه او لانه حاس انه غلطان طالعت فيهم وقلت لزيدان ااكدله""بنشوفك بكره خليك مستعد ها""
ومشيت بتجاه الغرفه انا مو حاسه بخوف منه او من كلامه عارفه اني سويت الصح وتعاطفت معاه ماغلطت مع ان واضح ان رماح مايحب احد يغير كلامه تعود ع كذا في هذا البيت فتحت الباب وانا واثقه من نفسي كان وقف بنص الغرفه ومتكتف وشكله مستعد قال بأمر قبل ماادخل حتى""سكري الباب""
دخلت وسكرت الباب واللتفت عليه بهدوء وانا وقفه مكاني وانتظره يتكلم وماطال انتظاري لانه قال بسرعه وهو معقد حواجبه""اش سويتي قبل شوي""
رمشت كذا مره وراحت كل الثقه وماادري ايش ليش لما اكون معاه ماتطلع رؤيا الحقيقيه تطلع رؤيا التابعه له والمنفذه لكلامه كانت نبرة صوته فيها إدانه واضحه معقوله غلط الي قلته فيها شي يعني قلت بتردد""فيها شي""
تقدم خطوه تهديديه وقال بنبرة صوت منخفضه بس الغضب والحزم ماليتها""اسمعي اولا انا الي بروح له مو اخوك وثانيا انتي ماراح تروحين معاي ثالثا اسمه زيدان مو زيد ورابعا واهم شي مالك دخل بزيدان لا من قريب ولا من بعيد ع بالك مو عارف قصدك من وراى هذا كله ولا تحاولين تأخذين احد بصفك وتلعبين عليه""
مرتب كلامه ترتيب يستعد ولا هو يطلع معاه كذا اوامر وتهديد وشروط وصفي وصفك وماادري ايش وين احنا شلون يشوفني هذا الرجال معي قرون فوق راسي هو كذا مع الناس كلهم ولا معاي بس يتذاكاء بطريقه يخليه غبي يبعد بتوقعاته ويفهمها بطريقه مبالغه اكيد مع الكل مو نقل زيدان من مدرسته مو مع حامد بس ماسمعت ان عنده اصحاب محتاط بزياده وكأن الناس مايبغون إلا فشله وهو مايبغى الا يكون قائد ولا مايعيش قلت بعد ماابتسمت بسخريه""تكسر الخاطر""
بجد اذا عايش حياته كذا مايعرف شي اسمه عفويه شي اسمه ثقه شي اسمه تسامح شي اسمه حياه بجد يكسر الخاطر بس ياليتني احتفضت فيها لنفسي لاني لما خلصت كلامي تقدم خطوتين وصار قدامي تماما رفعت راسي وطالعت فيه بتوتر لان خطواته كانت منفعله بس وجهه كان هادي مافيه اي شي بس عرق برقبته كان مشدود بوضوح لو كانت العصبيه واضحه بوجهه كان خفت صح بس محافظ ع ملامحه وجهه وهو معصب بهذي الطريقه رعبتني مره قال""ماسمعت عيدي""
قالها بنبرة صوت فيها ريحة تهديد بلعت ريقي ونزلت راسي وقلت بتأتأه لاني بسرعه اتكلم وابغاه ينتهي هذا الموضوع""اسفه عارفه اني مالي دخل بأخوك بس كسر خاطري كان ي...""
سكتت لما تكتف وكانت ذراعه قريبه من صدري كان الباب وراي فماقدرت ابعد عنه حسيت بخطر ودقات قلبي بدات تسرع وغريزتي تقولي بعدي عنه قال وهو مو حاس بأي شي من احساسي مو مهتم الا بالكلمه الي طلعت مني""حتى اخوي بعد كاسر خاطرك""
مو عارفه شلون اتكلم ولا شلون البرر له وانا احس احساس بالخدر ملا عقلي ووقف كل شي فيه غير رغبه وحده وهي انه يحضني يقربني منه يملى حياتي بوجوده رفعت راسي وطالعت بعيونه وقلت بصوت أجش من المشاعر الي متفاعله فيني""اسفه""
مافهمت نظراته لانه شتتها ع كل وجهي قال وهو يحرك راسه بطريقة ايوه""ايوه خليك حاسه بالاسف""
مو حاسه الا بشي واحد وهو وجوده شكله مااعجبه طريقة التفاهم ماحس انه عصب علي وجرحني لانه رجع يقول بصوت اعلى من الطبيعي بشوي""لا تتعبين نفسك وتحاولين تكسبين قلبي بتصرفات مثل كذا""
قلت بعفويه ومن الاحساس الي مسيطر علي""ليش""
ابغى اكسب قلبه ابغاه يحبني كثر مااحبه نزل يده من ع صدره وابتسم وقال""يعني تحاولين""
فتحت فمي ورجعت سكرته مو عارفه مو هو زوجي عادي يعني اذا حاولت اكسبه بس طريقته وهو يقولها وكأنه شي غلط اني احاول ومو غلط بس الا اثم فحركت راسي بطريقة لا مسك ذقني بخفه ورشاقه ورفع وجهي لعيونه وقال""واضحه محاولاتك بس الي مافهمته ليش يوم جاء اخوك حطيتي الصحن ع الطاوله مااعطيتيني بيدي""
كنت حاسه نفسي مثل اسيرته مع ان كانت اصابعه ثابته بس قلبي يقول لي شي ثاني ان واحد من اصابعه يمسح فيه ع بشرتي قلت""كنت متوتره""
حسيته عرف سلطة قربه علي فأستغل الموضوع""ليش متوتره""
غمضت عيوني وقلت بصوت منخفظ""متوتره من وجودك""
سمعت صوته يقول بلمحة ابتسامه""والحين""
فتحت عيوني وطالعت بكل ملامح وجهه مرتاحه بقربه بس ابغى منه اكثر من قربه ابغى قلبه ابغى احساسه اهتمامه ليش مايكون لي قلبه مو زوجته انا كنت بهذي اللحظه بايعه كل شي كنت احس الكره الارضيه وقفت وكل شي حولنا ظلم بس انا وهو ليش مااحاول اكسب قلبه وانا حاولت من قبل والحين راح احاول بس قلت وانا انقل نظراتي ع عيونه الثنتين""ليش مااحاول اكسب قلبك""
علشان يعرف ان الموضوع جدي انتظر الاجابه وكنت متوقعه سبب ينحل اقدر اتغلب عليه سبب نظرته عني اذا حاولت راح اتغير بس هو قرب راسه مني وطالع في عيوني بعمق شوي بلحظه هذي حسيت اني محتاجه دعم مسانده رجعت ظهري للباب قرب شفايفه من اذني وقال بهمس""لان بالقلب غيرك""
..نهاية البارت..
..عافاكم..
..عجايب.
الحمدلله.
........بٲذن الله لي حسنه ولك حسنه......
(هگذآ هِي حيآتنآ لآ نعلم مآلتالي ولآ نستطيع إختيآر مآ سيحدث غداً وبعد غد گل مآ علينآ آن نقول آلحَمدلله ونرضىى بمآ گتبہ آللہ لنا الحمدلله حمدا كثيرا مباركا فيه)