لا تجعلون الروايه تلهيكم عن وقت الصلاه..
ان شاء الله تستمتعون بالقراءه..
..البارت الحادي عشر..
اخذت لمحه عليه مع ان النور كان خفيف الا اني تعودت عليه عيوني وحتى قريت قرآن قبل يعني كانت ملامحه واضحه بنسبه لي لانه منسدح ع ظهره ونظرته الي كان يناظرني فيها من طرف عيونه كانت نظرة سخريه واضحه ورجعت راسي و غمضت عيوني بحركه طفوليه غبيه وانا اعض ع شفتي ع اني نايمه مع انه شافني صاحيه وعيوني مفتوحه بس عقلي تجمد مع حركة جسمي كان الوضع بنسبه لي مربك وغريب بطريقه اغرب واستمريت مغمضه عيوني بدون ماارد عليه قال وانا احس فيه لف ع جنبه يعني بتجاهي من ثقله يعني كان يشوف جانب وجهي هذا الشي خلاني من التوتر اغمض بقوه اكثر مو عارفه شلون اتصرف مو عارفه ارد عليه ولا حتى افكر قال بنبرة صوت ماعرفت اميز قصده""بعد محاولاتك كلها علشان تصحيني غيرتي رايك وبتامين""
لسى عقلي مجمد مافهمت كلامه ولسى مصره اني نايمه مع اني قبل شوي كنت ابغاه يصحى يسولف معاي ماابغى احس اني منبوذه بس الحين الاحساس بنظرة رماح علي ومابيننا مساحه كفايه اخذ نفسي فيها بصراحه كانت اصعب كثير وبذات لان اول مره اكون معاه وحدنا وبعد بهذي الاضاءه الخفيفه كنت انتظر اي حركه علشان افز مستعد حسيت فيه رفع ظهره شوي ع المخده وقال بجديه""رؤيا""فتحت عيوني بشويش بستسلام تأكدة انه ماراح يخلني اكمل تمثيلي الفاشل الي مدري ليش امثله اساسا قلت بعد مابلعت ريقي""امممم""
كنت حاسه بشعور غريب لانه راح يكون اول كلام بيننا كنت حاسه بتفائل مع خوف مع ترقب ليش يتكلم بجدي اكيد الموضوع مهم لاني ماسمعت من صوته الا نبرات قليله بهذي اللحظه ماكنت مصدقه الوضع الي احنا فيه كانت كل احلامي من رجع لحظه مثل كذا نكون وحدنا وينادي بأسمي كان صوته بنسبه لي اول ميزاته الي احبها قال رماح بأستفسار عميق""تصرفاتك غريبه""
هذا لانك مو فاهمني ولا تبغى تفهمني غمضت عيوني واخذت نفس طويل وقلت""وانت بعد احس كلامك غريب""
نفسي نتفاهم سكت فتره طويله تعليقاته ع تصرفاتي هي الغريبه ماادري ليش بهذي اللحظه كان ودي من كل اعماق قلبي امسك يده يمكن علشان احس انه معاي لانه نفسيا ابدا مو معاي بس قبظت يدي بقوه امنع اي حركه غير اراديه احس ان احنا محتاجين وقت علشان نفهم بعض المفروض نبدا من البدايه علشان كذا ابغى نتكلم عن ذاك الموقف الي كرهني من بعده وانا ماادري اش السبب كنت صغيره المفروض ينصحني وخلاص يعرف اني بتعلم اكيد بتغير مرة سنين ليش موقفني عند ذاك العمر فتحت عيوني وطالعت بالسقف ماابغى اغير راي قلت وانا ثابتة العزيمه خلي ينتهي هذا الموضوع المعلق بس يمكن نسيه علشان كذا اول بالاصح اشوف ردة فعله من البدايه""تتذكر زمان قبل ماتنقلون بفتره(واخذت لمحه عليه اشوف ردة فعله كان ع نفس سدحته وطالع فيني لما اللتفتت عليه وكملت)تتذكر لما كنت طالع من المجلس وانا منتظرتك واعط.....""
سكتت لما شفته جلس وتكتف وهو يطالع قدام عقدت حواجبي مافهمت ردة فعله اكمل ولا لا بس قبل مااتخذ قرار قال وهو يقوم من السرير بنبرة صوت مستحيل انساها من ثقلها ع قلبي وهو يطالع فيني بنظره تطلق شرار""مره مفتخره بنفسك كمليها ليش وقفتي بشوف عارفتها ولا تخربطينها مع موقف ثاني""
طالعت فيه بصدمه وفتحت فمي ورجعت سكرته وكلامه انعاد في بالي مثل الصدى وقفت انا بعد من السرير وقلت بنبره ميته""اش قصدك""
انا مااعرف اواجه احد ولا انا بقوة وحدة كلام رماح بس مارضيتها ع نفسي كلامه كان تشكيك فيني انا ابغى افهم هذا الشي الي اسمه رماح من ايش مصنوع كان الكلام موجه له ومني انا وانا زوجته الحين هو مايحس بالاطراء مايحس بالغرور مايحس بشي قال بعد ماوقف مكانه وهو يطالع فيني بنظره مستهتره""قصدي واضح""
معقوله هذا توه صاحي من النوم وكلامه كذا قلت بصوت منخفظ ونظره حاده ماكنت اعرف انها عندي وانا اتكتف علشان احمي نفسي من كلامه""بقول هذا الكلام مره وحده ماراح اعيده فركز انا عمري ما(خفظت صوتي حتى اختفى لان رماح مااهتم يسمع الكلام الي ماراح اعيده ودخل الحمام كملت بصوت منخفظ مره)كانت لك وحدك وماكررتها""
عضيت خدي من جوه وانا مو عارفه اش اقول او اش اسوي ليش يسأل دامه مايبغى يسمع الاجابه كيفه مع السلامه هو الي بيندم هو وحده حسيته مستصغرني ماابغاه يطلع من الحمام ويلقاني بنفس وضعي جلست ع السرير معطيه ظهري للحمام وللمكان الي بيرجع ينام فيه احساس ياليت اني عند اهلي كان مضاعف ماكنت مستعده لكذا معامله جافه وحاده الحين منجده ولا يمزح شاك بأخلاقي وجهه يدل ع انه ابعد شي للمزح معقوله مفكر عني كذا ومتزوجني وين رايه بالزواج اووو نسيت كان قدر سبحان الله سمعت باب الحمام انفتح بس ماالتفتت احسن شي لمعاملة واحد مثله تطنيش كلامه وابعد عنه بس هو رماح زوجي تأزمت سمعت صوته يقول بمفأجاه""اوو شعرك طويل ماشاء الله""
غمضت لثواني وانا ابتسم بسخريه توك تشوفه لما اعطيتك ظهري طيب ع العشى وانا رايحه عند زيدان او عمتي اناديها للعشى ولما جاء اخوي وين كانت عيونه يعني ماأخذ علي ولا نظره الشي الطبيعي يطالع يشوف كل شي بس شكلي ماجذبته مااعجبته مجرد مااسكت يشيل عيونه عني وانا وهو رجال شفت كل شي فيه حتى شكل اظافره لفيت شعري بحركه سريعه وانسدحت عليه كرهت شعري بهذي اللحظه وكرهت كلامه ليش الحين ليش مو قبل تغطيت وانا احس بأرهاق من كل شي وغمضت عيوني بنام سمعت صوت رماح يقول""بعد شويه بأاروح الدوام(بعد فترة سكوت ماادري اذا يتتظر مني تعليق او ماتذكر الكلام الي يبغى يقوله الا بعد وقت)تبغين شي""
اضطريت ارد عليه من اخلاقي الي متعوده عليه قلت وانا مغمضه عيوني""سلامتك تبغى فطور""
مغمضه ومنسدحه يعني واضح اني مابقوم وبعدين يداوم والخميس زواجه ومن الحين اتوقع الساعه ثلاثه ونص او اربعه اش فيه ولا يبغى الفكه وبس طيب ياكثر الغرف هنا يروح اي مكان هذي الفكره شلت كل قدرة تحمل باقيه عندي قال""ايوه""
فتحت عيوني بشويش اوكي انا متعوده ع كذا شغل بس يقول ياليت او لو سمحتي لو يلاحظ انا تو عروس يلاحظ هو مالاحظ شعرك بطوله بعدت الغطى عني بعنف لان خلاص وصلت معاي ومشيت بخطوات سريعه ولان شعري بس لميته بدون شي يمسكه انفتح لما مريت من عنده قال بصوت واضح فيه الضحكه المستمتعه""مو يعني مدحته كل شوي تفتحينه لي""مدحه هو وصفه طويل قال الحقيقه بس وقفت في مكاني والله لو كان بيدي مقص كان قصيته وتعب كل السنين ماهمني لو راح اش فيه علي اش الغلط الي سويته علشان اتعاقب كذا يمكن كلامه عادي بس بعد طول هذا اليوم حاسه كانه اخر شي كان سليم انتهى منجد وصلت حدي لفيت عليه بقوه وقلت وانا امد اصبعي بتجاهه بتهديد""اسكت ولا والله مافي فطور""
لما انتهيت حسيت بسخف تهديدي وضحكته القويه العميقه زادتني احساس بسخفي كان يضحك علي بس للحظه ركزت بطريقة ضحكته وصوتها هز كياني ليش انا احبه كل هذا الحب وهو ولا حتى يشوفني عند هذي الفكره طلعت من الغرفه بخطوات سريعه انا مو ناقصه ياناس دخلت المطبخ ووقفت شوي مو عارفه اش اسوي احس عقلي مو معاي اخذت نفس عميق وفتحت الثلاجه وبديت اركز وسويت له فطور بسيط مع كوب حليب بعد حيره ماادري يحب حليب او قهوه وهذا الشي فرحني يعني مااهتميت بكل شي الحمدلله يعني لسى ماوصلت لاخر درجه وانا اطلع الخبز المحمص قال رماح""خلصتي""
اخذت لمحه عليه ورجعت طالعت بالخبز كان لابس بذلته العسكريه وواقف عند الباب كان شكله بالحقيقه احلى مليون مره من الصوره حسيت نفسي مبهذله قدامه بلعت ريقي بعد ماحسيت بغصه علشان كذا قلت بسرعه وانا احط الخبز بالصحن""جاهز""
وكنت برفع الصحن بس غيرت راي ابغى اطلع باسرع وقت فمشيت بتجاه الباب وانا ارجع شعري ورا اذني واقول وعيوني بالارض""انا بنام""
بس هو وقف قدامي ومنعني بجسمه امر وقال""انا مااحب اكل وحدي""
اش فيه روق من بعد تهديدي وهذا عصبني منجد رفعت راسي وطالعت فيه وقلت وانا اضغط ع الحروف""حبه طيب""
قال وهو ينزل راسه شوي بتجاهي لان فرق الطول واضح""احب ايش""..
..نهاية البارت..
..عافاكم..
..عجايب..
الحمدلله.

يررررررررررررررررررررررررفع الضغط زفت رماحوووه وصلت انه يشك فيها
وهي ترفع الضغط اكثر منه هذا شي ما ينسكت عليه