السلاام عليكم

عشوووقه تدرين اسلوبك رهييييب ونوع غيييير ندخل جوو يعني تحسين انك عايشه مع هيوونه واخوانها ماشاءالله تبارك الرحمن

نجي لابطالنا اللي فعلاا يستحقون يكونون ابطاال فعلى رغم صغر سنهم وحالتهم البائسه الا انهم متعاونين مع بعض وصااامدين رغم ان كل الظروف ضدهم

هيوووونه ..رحمتك والله صحيح في البدايه كنت ضد اسلوبك مع ابوك بس بعد اللي سواااه مايسستحق حتى كلمه بابا

بس فهد وين يودي هالفلوس هل هو يصرف على احد غيرهم ؟؟ او يتعاطى ؟؟

حااازم ياحبييله هالانساان احسه الوحيد العاقل فيهم الله يوفقه ونشووفه اكبر دكتور بالدنيااا

معتز احس صوره ابوك اهتزت او لنقل سقطت من عينك للابد وردة فعلك دليل البركااان اللي يتأجج بداخلك

سااااارة >> عيدي اللي قلتي ؟؟ مرواان مو ولدكم ؟؟ >> فيس بقق عيونه

تدرين انا جا ببالي حازم انه مو ولدهم لاني احسه غييير عنهم ..

طيب وش اللي يحد فهد على انه يربي ولد مو له ؟؟ عليه قل عيال مثلاا والا من زين حالته الماديه .. بصرااحه امر غريب

والله حسيت ان كل العياال مو عياله هههههه الا محمد لانه يشبهه بتصرفاته

بس ان طلع فعلا ان واحد من هالعيال مو ولده فهالشي دليل على ان قلب فهد كبييير رغم كل اللي سواه ويمكن هالشي يرجع ثقة عياله فيه

طيب اذا كانت نيه فهد انه يربي هالولد من باب الرحمه لييييه هالخووف من صاحب الامانه ؟؟ طيب يرجع الولد لاهله دام انه يعرفهم ؟؟ اممممم ممكن هيونه اللي مو بنته وخااف اهلها ياخذونها ويضيعون عياله من بعدهاا ..>> فيس الاحتمالات

فهد كله على بعضه كووومه غمووووض ..

عشووووقه قصتك لها طاابع خاااص ومحتواها يختلف عن بااقي القصص اللي قريناها لاغلب الكاتبات ..

فعلاا القصه رهيييبه بكل المقاييس الله يوفقك وتوصلين فيها لبر الامااان

لازلنا في دوامة الغموض*
فهد مستهتر لعاب والمال الحرام منزوع البركه ولحم نبت من حرام فالنار اولى به
صلاح من شب على شيء شاب عليه الله يحسن لنا الختام
هيونه المزيونه شخصيه صقلتها الصدمات فأصبحت حاده أكثر من اللازم وقد تؤذي نفسها قبل غيرها كنت اظن انها ليست من العائله ومازال الاحتمال قائم اتوقع يتحقق لها امنيتها بأن تتزوج من عائلة ثرية في قابل الأيام*
حازم البركان الخامد عصامي واثق الخطو يسير باجتهاد للعلا جا ببالي انه موب من العائله خصوصاً بعد سالفة الأمانه ولكن تراجعت ورجحت انها هيونه المزيونه
الصغار تعجبني مشاكساتهم كلامهم اللي اكبر من سنهم خصوصاً سارونه يالبيه حبيتها *😘*
بشورة الأمورة راح تكون محط اهتمام زاهر وراح يتزوجها*
توقعي الأخير اللي ما اتوقع احد يتوقعه (( فهمتو شي)) انه حارتهم هي منفوحه مدري مع إني موب من الرياض ولا اعرفها*

كلي حماس لمعرفة الاحداث القادمة ... دمت بخير❤

السلام عليكم ورحمة الله

شكراً للجميلات اللي اتحفوني بتعليقاتهم ...جداً سعيدة فيكم ...


الجزء السابع

ذات يوم الذي يصادف كونه يوم الأربعاء فترة المسـاء .. بعد صلاة العشاء ..كان الجميع بحالة عمل دأوب
لتجميع مايمكنهم تجميعه من أغراض قبل أنتقالهم غداً فالمالك أعطاهم فرصة لنهاية الأسبوع حتى يخلو المنزل..
هيونة مشغولة للغاية بالمطبخ لترتيب الأواني بكراتين تساعدها أحيان سارة ...فهد لم يعود ولامحمد الذي ربما لايعرف عن

ماحدث حتى ...العم صلاح حين علم بأمر انتقالهم غادر المنزل لوجهه غير معلومة ...
هيونة تنادي :حااازم ..حازم ...
حازم يرتب كتبة في صندوق ..يضع الكتاب من يدة ويلبي ندائها ..
حازم :ايوة خير ان شاءالله
هيونة تشير للأعلي الدولاب :نزلي الكرتون هذا وانتبه تراه ثقيل شيلة لاتسحبه
حازم يسحب كرسي ليصعد عليه :وانتي ماشاءالله ليش مانزلتيه بنفسك
هيونة :يااخي قلت لك ثقيل اوووف من النفسية ذي ..
يرمي الصندوق عند قدميها :أمسكي وبلاهرج فاضي ...
سارة :ليش تاخذي صواني الحلى حينا الجديد مافيه أحد يعرفك عشان يطلبون منك ...
هيونة :أدبر نفسي أنتي خلصي
اللي بيدك لك ساعتين عالكاسات ..
سارة ترمي ورقة الصحيفة التي تغلف بها الكاسات من يدها :ترى مو جالسه ألعب أن اشتغل معك ...
معتز :هيونة أنا خلصت شغلي ملابسي أنا ومروان حطيتها بأكياس الزبالة ..
سارة :الناس تحط بشنط وحنا شحادين بأكياس زبالة
معتز :اللحين ايش أسوي ...
هيونة :نزل هالتلفزيون وحطه بكرتون مع باقي أغراضة ..
تكمل عملها بصف طقم الصين الذي ورثوه عن أمهم .. هم حتى لايستخدمونه كثيراً ..
ربما تتغير الأوضاع وتأتي مناسبات يستخدموه فيها ...
هيونة :روحي شوفي التوأم وش يسون ..
سارة تغلق الكرتون الذي أخيراً انتهت من ترتيب الكاسات فيه:اوووف أنا متى برتاح ...
هيونة :ترتاحين بالجنة ...الدنيا مافيها إلا الشقى ...شوفيني من طلعت على هالدنيا وأنا تعبانة ماعمري نمت مرتاحة
ودايم والهموم تلاحقني وكل ماقلت فرجت رجععت تضيق من جديد ...
في منتصف محاضرتها الصغيرة عن الدنيا أكتشفت أنها تتحدث لنفسهااا..
هيونة :وجع هذي تطلع بدون ماتقول ..
شعرت أن هناك شخص صامت يقف على الباب ...
أزاحت الشعر المتساقط على عينيها لتنظر للأعلى قليلاً
هيونة :وصلت أخيراً شوفت عينك أبوك تحقق مناه وشردنا من البيت اللي ساترنا ...
صمتت قليلاً لم يرد ربما ليجد جواب لهذا الموقف
هيونة :للأسف مالك مكان معنا لأن وجودك يذكرنا بوجوده .. إلا اذا عندك نية تدفع ثلث الأيجار ...طبعاً لا أجل فااارق

وأنسانا ...
محمد بتردد :هيونة ..
هيونة تغلق الكرتون بالشريط اللاصق :أنا مشغولة مو فايقة لك ..خذ أغراضك وتوكل بكرة بنسلم البيت ...
محمد :هياا اسمعيني أنا بورطة ..
هيونة بسخرية :أنت بورطة ياقلبي ياأنت حنا أبد فاضيين ماعندنا أي مشاكل ...
محمد بترجي :تكفين اسمعيني ..
هيونة تحاول الخروج من المطبخ ولكنه يسد الباب :أنقلع من وجهي ...
حين لم يجد أي تفهم منها أبتعد قليلاً ليظهر الشخص الواقف خلفه ...لتتراجع هيونة بصدمة ...
هيونة :وش هذا
محمد بصوت متألم :زوجتي
هيونة بعدم تصديق :أنت خبل سفيية من زووجك الله لايوفقه
محمد:والله غصبوني أتزوجهاا أنا مااأبي زواج ...
تصمت قليلاً تحاول تجميع أفكارها ...
هيونة :كيف وليه غصبوك ..
محمد :كنت أكلمها بالببي ماأدري من هي عندي ألف بنت باللسته ..
هيونة :وش الغباء هذا كيف زوجوك عشان تكلمها بالببي
محمد :واعدتني بعد ماتطلع من المدرسة ...
هيونة تظربة على كتفه:يا*** ياغبي ليش تطلع معها ..
محمد يحاول تفادي ظربتها :ماطلعت كان كمين من أهلها ...
هيونة:وبس يعني مالقووو غيرك يلصقونه ببنتهم ..
محمد بتردد :طلعت أخت متعب صديقي
هيونة بصرخة :ايييييش
محمد بسرعة :والله ماكنت أدري والله ... هي لعبت علي عارفة كل شي هذي خطتها أنا مالي شغل ... بس متعب
يوم لقاني عندها يحسب أني عارف أنها أخته وورطوني ببنتهم غصبوني أتزوجها وهددوني بيذبحوني ...
شوووفي حتى خنقوني لين بغيت أموت والسلاح حطينه براسي ..
كانت تحدق بعنقة الذي يحتوي على خط أحمر وبارز جداً على بشرته البيضاء ...
هيونة تحدق بالفتاةالتي تستمع للحاديث الجاري بينهم ومن خلفها الصغار يحدقون بدهشة ...
هيونة :كم عمرها هذي
محمد على وشك البكاء :ثلاث طعش ..
هوشة بصرخة هزت المنزل :ايييييييييش ...ياويلي ياويلي يامصيبتي مصيبتاه حسبنا الله ونعم الوكيل فيك
وانهالت عليه بالظرب بيديها ...
محمد يحاول الأبتعاد عن قبضتها بتراجع للخلف :أظربيها هي ليش تظربيني هي اللي ورطتني حسبي الله عليها
هيونة :***** يافاسد تكلم بزر تسوي علاقة مع طفلة يامتخلف يامنحرف
وقعت عينها على المكنسة خطفت بسرعها وبدأت بظربه فيها
محمد يهرب بسرعة ويختبأ خلف الصغار :والله قالت عمره ثمن طعش هي الكذابة
هيونة تلاحقة :كذابه هاه كذبت عليك صح يا**** يامررريض بزر تلعب عليك ...
حازم الذي نزل للتو بعد سماع أصواتهم العالية ... يمسك بهيونة ويسحب العصا من يدها ..
هيونة بقهر :خلني عليه بذبحة هذا حيووووان
حازم :وش فيكم
محمد :ألحقني تكفى ..
هيونة تشير للفتاة الواقفة بالزاوية البعيدة :تسأل وش فيه شف سواد أخواك
حازم ينظر للفتاة بعبائتها كاشفة الوجه :وش هذي ..
هيونة بقهر :زوووجة أخواك ..
حازم :انت يومك متزوج وش جايبك عندنا
محمد :بتتخلون عني أنا أخوكم شقيقكم ..
حازم :أنت تزوجت من ورانا وش تبي نسوي فيك
محمد :أنت ليه ماتفهمون أنا خبل أتزوج بكيفي والله أنغصبت ..
معتزالذي حظر القصة من أولها :أهلها هددوه يتزوجها
عيد يتفاخر بمعرفته:لأنه طلع معها
زيد مندهش :عمرها ثلاث طعش
سارة :أكبر مني بخمس سنوات
هيونة :الفاسد المنحلل هذي عقوبته
محمد :والله أني مظلوم
حازم :يعني خلاص تزوجتها
هيونة :عطني أشوف عقد الزواج يمكنك مهربها من عند أهلها ...
محمد بقهر :أنتي خبلة وش أبي فيها عشان اهربها ...
هيونة بتشفي:لأنك مريض ...
سارة التي قامت بدراسة الفتاة من جميع النواحي :هي أحلى من متعب...
زيد ببلاهه:وش أسمها
محمد :تكفين هيونة ساعديني وش أسوي فيها
هيونة بواقعية:وش أسوي فيك خلاص صارت زوجتك يعني أنت مسئوول عنها اهلها تخلو عنها وحطوها بذمتك ..
محمد : بس أنا ماأعرف اصير مسئوول
هيونة :أحسن تستاهل عقوبة وياليت أهلها يبهذلونك ...
محمد :حرام عليك أنا أخوك
هيونة :خوت عينك وش نفعتني فيه واللحين جايب له هالمصيبة
حازم :أنت شايف حالنا كيف مالك مكان عندنا
محمد يكاد يمزق ملابسة من الضيق :وين أروح حرام عليكم مالي غيركم
حازم الجالس على السلم وبجوارة سارة :دبر نفسك روح أستأجر
محمد بتوسل :تكفون خلوني معكم والله لأدفع لكم الأيجار
هيونة تستغل الموقف:ثلث الأيجار ..وأغراض البيت شهر لنا وشهرلك ..
هنا يجري حديث أقتصادي ومساومات مالية ...
في زاوية الصالة يجري حديث من نوع أخر ...
عيد يحدث الفتاة :أنتي أي صف ..
زيد يجاوبة :شكلها أول متوسط
عيد يجلس على الكنبة بالمقلوب ويديه ترتكي على خديه وكأنه يشاهد شاشة التلفاز :غبية ليه تزوجتي محمد تراه خبل ويعرف

بنات كثير ...
زيد الذي يشاركه نفس الجلسة:أهلك وين عايشين مايدرون أن الواحد من شباب عنده باللسته ألف بنت كيف بيتزوجهن كلهن

...
عيد :أهل متعب أغبياء متخلفين ...
زيد :حرام لاتجرح مشاعرها ..
سارة من مكانها جوار حازم :هيووونة شوفيهم أحرجووا البنت ..
هيونة وسط مشادتها مع محمد :ببسسس أنتم ..
وتعود لحديثها :أسمع ماعندك فلوس هذي مشكلتك دبر نفسك قدم على وظيفة
حازم :أنت خلاص تزوجت يعني لازم تستقر وتفكر بعقلانية ..
محمد المرهق من كل مامر به طول اليوم حتى هذة اللحضة :خلاص بسوي اللي تبوون بس أرحموني اليوم ..
هيونة :أوكي أتفقنا واللحين نشوف توزيع الغرف طبعاً ماعندنا غرفة لك لحالك لذلك أنت بتشارك التوأم غرفته
وو البنت معاي أنا وسارونة ..
سارة :المتزوجين ينامون بغرفة وحدة ..
هيونة بعصبية :أنتي أنطمي
حازم :شوف هذا حل مؤقت اذا لقيت لك وظيفة تقدر تسكن لحالك ..
هيونة :واللحين وش أسم زوجتك ..
محمد بملل :سولاف ..
هيونة تتوجة للفتاة :تشرفنا فيك ياسولاف تفضلي معاي بيجري بينا نقاش بسيط ...
وتسحب الفتاة للغرفة حازم وهي أقرب غرفة للصالة وتقفل الباب خلفها بوجة سارة التي حاولت اللحاق بها ..
حازم :اللحين وش بنسوي
محمد المستلقي على الأرض بعد أن فقد كل طاقته بهذا النقاش :وش بعد ..
حازم :زوجتك حنا مو محارم لها ..
محمد :تراها بزر
حازم :انتي غبي أو تستغبي الحلال والحرام مافيه لعب
محمد :خلاص ياأخي أعتبرها مثل أختك كلها كم شهر ويحلها ربك ..
حازم بغضب:أقسم بالله أنك مورجال ...
وغادر المكان بعصبية ...
معتز :زوجتك كبري
محمد بعدم أهتمام:طيب وش أسويلك ..
معتز:عادي أسولف معها
محمد يحاول تشغل هاتفه المحطم:سوو اللي تبي...
بداخل الغرفة هيونة تجلس على السرير وطلبت من الفتاة الجلوس على كرسي المكتب ..
هيونة :مقتنعه باللي صار ..
سولاف الخائفه تفكر أصابعها ببعض :........
هيونة :ترى خلاص صرتي متزوجة شي وانكتب واذا انفصلتوا بتصيرين مطلقة .. خربتي حياتك من بدري ..
سولاف الطفلة التي أكتشفت أن عبثها ثمنه كبير جداً باليومين السابقين توبيخ هيونة لها أنزل دموعها ..
هيونة :شوفي أنا أنسانة حياتي ماتأهلني أكون طيبة مع أحد .. أنتي جيتي من بيتك من أم وأب وأخوان وخوات كبار حياتك

طبيعية جداً وهذا الشيء اللي فقدناه من طلعنا على الدنيا ...عمرنا ماكنا عائلة طبيعية ...عشان كذا حنان عطف شفقة

لاتفكرين تجدينه عندنا هالمشاعر تركتيها وراك يوم سويتي سواتك .. محمد أكثر شخص جاف ومايملك أي عواطف وأنتي

شايف كيف تعامله معك واللي بيستمر طول ماأنتي عايشة معاه ...
تصمت قليلاً لاتتحمل صوت شهقات الفتاة الباكية ..
هيونة تستمر :أنا بعاملك بما يرضي الله بما أني أكبر شخص بالبيت يعني ممكن أعاملك كاأخت صغيرة .. اللي عندي كلهم

عيال أعتبريهم أخوانك .. والوضع هذا ماراح يطول كثير ..
الفتاة التي هدأت قليلاً بصوت مهتز:شكراً
هيونة :عطيني رقم أمك ...
سولاف بألم :أمي ماتبيني خلاص تقول لاعاد أشوفك
هيونة :طيب خلاص خليها لين تهدأ أكيد مصدومة الله يلوم اللي يلومها ..طيب عندك أخت أكبر منك أكلمها
سولاف :عندي خمسة ثلاث متزوجات وثنتين بالبيت ..المتزوجات مايعرفون ..واللي بالبيت أبوي أخذ جوالاتهم وكسرها ..
هيونة :أنتي أصغر أخوانك
سولاف :ايوة أنا اصغر شي ..
هيونة :متعب أخبر أخوانك
سولاف :لا متعب أكبر واحد مو متزوج ..عندي أكبر منه اثنين متزوجين ..
هيونة بأستغراب من هيئة الفتاة التي لاتبدو عليها أي أصابات ولاحتى خدش :شكل أهلك ماظربوك صح ..
سولاف :أبوي بس عطاني كف وظرب أمي وخواتي ..
هيونة بقهر :وأخوي المسكين مصفقينه مو كأنك السبب ..
سولاف أنرعبت من نظرت هيونة الغاضبة :آسفة
هيونة تداركت نفسها هي تعلم أن عينيها مخيفة جداً حين تغضب :خليني أحط لك شي تاأكلينه واعذرينا على القصور شايفه

وضعنا بننقل بكرة ..
تركتها خلفها وطلبت من سارة الجلوس معها ...
جهزت لها عشاء خفيف بماتسمح به ثلاجتهم ..
وعادت لأعمالها المستعجلة ...غداً لاتستطيع الذهاب للعمل لأنهم سينتقلون فترة العصر ... بشورة التي غداً أجازتها
أخبرتها أنها ستأتي لتعاونها بالأنتقال وأعتذرت كثير أنها لاتستطيع مساعدتها اليوم ...
بشورة هي حقاً أجمل ماوهبتها الحياة الصديقة الوفية... لو لم يتزوج محمد لكانت تمنتها زوجة له ..
هل حقاً محمد تزوج لما عقلها لايستطيع أستيعاب هذا الموقف .. أنها تراة كمزحة غبية أكثر من كونه حقيقة ..
حتى أنها لم تفقد الوعي عندما سمعت الخبر .. ربما هي لاتهتم بمحمد كم تعتقد .. لقد تحطم مستقبلة للأبد
وهي تتعامل مع الأمر كأنه يخص شخص غريب.. أوربما هي نضجت دون أدراك منها وتوقفت عن أفتعال المشاهد الدرامية

...حتى أنها أصبحت تدرك أن الأمور تجري هكذا ماحدث حدث وانتهى لن تستطيع أعادة عقارب الساعة للوراء وتغيير

المجريات لصالحها ... هكذا تمضي الحياة والأبحار مع التيار أفضل بكثير من الوقوف عكسة ...
صوت حازم انتشلها من أفكارها :بقى شي أساعدك فيه ...
هيونة :لا بس هذا بخلص بيدي وأروح أنام ..
حازم يجلس على أحد مقاعد طاولة الطعام بالمقلوب:مو بتروحين لبشاير ..
هيونة :وين أروح وزوجة أخوك أخليها لحالها
حازم :أشوفك ريلاكس مرة
هيونة :توي أفكر بهالموضوع
حازم :ولا ايش توصلتي
هيونة :أني عقلت
حازم :ياسلام كذا بين ليلة وضحاها ..
هيونة :هذا اللي توصلت لله وفيه أحتمال ثاني أني للحين ماأستوعبت الموضوع وبكرة لما أستوعب الوضع زين وأصحى

على أمل أنه كابوس ويطلع حقيقة عاد وقتها ماأضمن أني ماأرتكب جريمة بالأثنين ..
حازم بضحكة :آآه كذا هياا اللي أعرفها ..
هيونة :مبسوط يعني
حازم :تعجبني لما تتصرفين بجنوون وهستريا
هيونة :لا ياشيخ
حازم :تذكرين لما تدخلين بيت زميل محمد وتغسلين شراعهم لأن الولد أتهم محمد بالغش ...
هيونة :ايوة اذكر ولد ***** ذاك عمري ماأنساة وش دخله يغش ولايسرق دامه مو منه ياأكل تبن المفروض ومايفتح فمة

وأخوك الغبي الدجاجة مايعرف يتصرف كل ماتورط جاني يبكي ...
حازم :أمة وأبوه وأخوانه كلهم ماقدروا يسكتونك يردون بكلمة تعطينهم عشر لاويوم قال أبوة وش اللي يرضيك وتفارقينا

قلتي عطني ألف تعويض لنفسية أخوي اللي تأثرت ...
هيونة بضحكة :كان عندهم خطبة بنتهم ..
حازم :والله يوم دخلتي عليهم بالمجس كأنك أعصار
هيونة تمسح دموعها التي نزلت من شدة الضحك:شكل البنت دعت علي خربت خطبتها ..ولا أخوهم ذاك اللي سحبني
وأنت كسرت يدة والله يومها أكتشفت ان وراي رجال
حازم :يال**** طول عمري وأنا وراك ..
هيونة :بس ذاك اليوم صدق أثبت لي أن ينشد فيك الظهر مع أنك تصفقت بعدين بس ماقصرت فيهم ...
حازم يبتسم لتلك الذكرى :بعدها وشكر لك صار لقبي الرسمي بالحارة الثور...
هيونةتقف بعد أن أغلقت أخر صندوق:وهذا حنا بنفارق هالحارة بخيرها وشرها لو أن شرها أكثر من خيرها ...
حازم :واخيراً عمري كله ماتمنيت شي كثر أني أطلع منها
هيونة :أنا بعيد تمنيت أني أطلع منها ومن الرياض بكبرها لعل وعسى نبدأ بداية جديدة بدون طارية
حازم :المصيبة لو رجع لنا من جديد وش نسوي فيه
هيونة :عساه مايدل لنا طريق ....
حازم:هذا اللي أتمناه
صمت قليلاً :أنا بروح أنام ..
هيونة :تصبح على خيرر ..
حازم :وأنتي من أهله .. لاتفكرين كثير نامي ...
جلست لدقائق أرسلت فيها لبشورة على الواتس اب أنها لاتستطيع المجيء لها بسبب أمور أستجدت ستخبرها فيها غداً ...

ولأن بشورة لم تكن متصلة لم يجري بينهم أي حوار ..لذلك أغلقت هاتفها ونامت ..
,,,,,
تفتح عينيها بتردد لتسترق النظر لصغيرة النائمة جوارها ..تبدو مستسلمة لنوم بالكامل لايوجد مايزعجها ولاحتى كوابيس كما

يرى الأطفال الذين لايملكون أمهات .. هذا ماتظنة من يملك أم كما تفعل لايرى الكوابيس أبداً ولايوجد مايفزعة .. ولكنها

فقدت أمها للأبد بعد ماحدث هي الآن لاتملك سوى زوجها ذلك الشخص الذي عشقته بجنون لوسامتة الشديدة الآن أصبح لها

للأبد ..
من كان يعتقد أن الأمر سيكون بهذة البساطة والسرعة لقد أعتقدت أنها ستتعذب كثيراً قبل أن تحصل على مبتغاها ..ولكن

الحياة لعبت معها بأنصاف ... هي أحبته بشدة وحصلت عليه ..حتى لو كان يعني ذالك أن تفارق والديها بهذة السن الصغيرة

..الحب يستحق أن تضحي من أجلة ...
حتى لوكان زوجها مستاء من أرتباطه بها قريباً سيعلم أن ماحدث هو مصيرهم المحتم ...
هي سعيدة بالنهاية التي وصلت إليها قصة حبها ..لكن مابال النوم لايريد معانقة عينيها ..هل هذا خوف أم قلق أو ربما بسبب

تغير المحيط التي تعيش فيه ..لقد أعتادت النوم في منزل يضم والديها وأخوتها والآن هي تعيش وسط أشخاص غرباء ..
بالتأكيد هي لن تستطيع النوم بسهولة ..بالحديث عن الغرابة هذة العائلة أغرب مارأت في الحياة ... أي عائلة هذة التي

لاتمتلك أبوين ... لقد شعرت دوماً أن هناك شيء حول شخصية محمد يجذبها إليه ومع الوقت أكتشفت أن الذي يجذبها نحوة

بالأضافة لشكلة الخارجي هو أنه شخص غير عادي هو لايشبة أي أحد تعرفه ...ولكن حين تعرفت اليوم على عائلته أتضح

لها أن محمد طبيعي جداً بالمقارنة بهم ... كل شيء فيهم غير أعتيادي أبتداء من طريقتهم بالبس وأنتهاء بأحاديثهم ..
لقد كان التوأم يرتدون قمصان نسائية ..."تلك القمصان القصيرة التي ترتديها النساء بالمنزل أو كما يطلق عليها بالعامية

روب "...لقد كانت أشكالهم لأول وهلة مثيرة جداً للضحك ...هي لاتعلم كيف قاومت ضحكتها بالتأكيد لقد بذلت الكثير من

الجهد في ذالك ..الأمر الأدهى أن سارة الفتاة ترتدي ثوب نوم رجالي... لقد اعتقدت أنهم كانوا يلعبون لم تشك أبداً ان هذا

شيء أعتيادي لديهم ...ولكن حين سألت سارة لمن هذا الثوب وأخبرتها أنه ملكها وقد أخذته من معتز ..أدركت أن كل

خبراتها السابقة عن الحياة ضيقة جداً ...
فهناك عائلات تعطي الحق لأبنائها أرتداء مايودون دون قيود ... هيونة التي تبدو أكثرهم واقعية باللبس هي أكثر شخص

غريب بالكلام فهي كما يبدو تتحدث بكل مايدور بعقلها لايوجد لديها أي تحفظ ولاتفرق بين ذكر أو أنثى حتى أنها تنادي

والدها بأسمة الأول ... وهذا ماعرفته من سارة أيضاً حين سألتها هل فهد هو شقيقكم..
تصل بأفكارها لحازم الشاب الرجولي لو لم يكن محمد نوعها المفضل لوقعت بالتأكيد بغرام حازم ... هو يبدو كأبطال الأفلام
يملك جسد رجولي للغاية ووجه جذاب جداً وصوته في غاية الفخامة كل هذا يجتمع بشخص واحد ..
ولكن هذا الشخص الذي يبدو طبيعي لأول وهلة هو يملك من الغرابة الكثير .. فأي شاب يمتلك كل هذة الكاريزما
ويحمل أخية الصغير كما لو كان أبنة ويقوم بأعمال المنزل ويحترم أخته لحد التقديس ... الطفل تجزم أن والدته آسيوية هو

بالتأكيد ليس شقيق لهم .. أخرهم معتز الذي يقاربها بالعمر هي تعرف سره لقد رأته وهو يوزع المنشور الذي فيه صورة
والده وقد كتب عنه محتال ...لقد أبحرت كثيراً في أفكارها عن غرابة عائلتها الجديدة حتى سرقها النوم وحملها لأعماقة بدون

حولاً لها ولاقوة ...
’’’’’
وأخيراً أنه موعد الأنتقال .. جميع الأثاث المتهالك قد نقل ..تركوا فقط مالايحتاجونة ...والآن حان وقت مغادرتهم ..ركبت

هيونة مع حازم ومعهم معتز ومروان في سيارة أجرة .. في سيارة محمد سولاف وسارة والتوأم ...منزلهم الجديد عبارة عن

شقة في عمارة من سبعة طوابق .. وهم بالطابق الثالث ... لذلك وصولهم كان مزعج ومثير للأنتباه بدون قصد ..الشقة كانت

بحاجة للكثير من الأصلاحات لكن بماأنهم لايملكون المال تركوها كما هي ...
بدأو بتنظيف الشامل وبعدها قاموا بترتيب الأثاث حازم قام ببعض أعمال السباكة و الكهرباء .. في منتصف عملهم تفاجئوا

بحضور العم صلاح ...
العجوز يدخل وهو يحمل حقيبته التي من حقبة ماقبل الألفية :ماشاءالله تبارك الله منزل مبارك ...
هيونة التي تلف رأسها بمنشفة :كيف عرفت عنوانا
العجوز يتكأ بحذر خشية الأنزلاق على الأرض الرطبة :دقيت على محمد وعلمني ...
يجلس على أقرب مقعد وجدة ..
هيونة تستمر بعملها :أنت تدري أن كل شي تغير وحنا بعد تغيرنا ..يعني ياتدفع وتساهم يامالك مكان وسطناااا ..
صلاح :أنتي يالعاقة ماتغيرين خليني اتنفس شوي بعدين مدي لسانك علي ..
هيونة :عمي أنا أحترمت كثير مع أن مافيه شي من جهتك يعطيني دافع أني أبرك
صلاح بوجه متألم فهو لايحب أن ينفق ماله ويشعر بالمرض من ذالك :خلاص بدفع تكفيكم 300 بشهر
هيونة :حلوو أنجاز أخيراً ضميرك صحى ...
سولاف تخرج من الحمام التي أنهت تنظيفه :خلصت وش أسوي ...
صلاح بدهشة :من هذي جبتوو خدامة ...
هيونة تعيد النظر بسولاف تبحث عن السبب الذي جعلها خادمة بنظر العجوز .. هي تبدو خادمة أكثر منها :يعني محمد قالك

وين نقلنا وماقال لك مصيبته
صلاح لايعلم مالرابط بين الأمرين :وش مصيبته
هيونة :بارك له ولد أخوك تزوج وهذي زوجته ..
صلاح :ماشاءالله مبروك ماعزمني السلقي
كم تمنت أن تملك صفة اللامبالاة التي عند العجوز :ماسوى عرس أهلها زوجوها ورموها بوجهه
صلاح :عوذى وش فيهم الناس خربوا صاروا يرمون بناتهم رجعوا للجاهلية يوم يدفنونهن..
هيونة :والله أنك ياعمي ماأنت داري عن شي ..
توجهه حديثها للسولاف الواقفة بأدوات التنظيف تتنتظر التوجيه :هذا عمي أخو جدي يعني عم زوجك من أبوة ...
عيد من داخل الغرفة يرتب الملابس بالدواليب :يعني ياخال أبوي حك ظهري ...
سارة من غرفة الفتيات :هيووونة مراون جنني ...
هيونة :خلاص سولاف روحي رتبي أغراضنا عن سارة وخليها تمسك مروان ...
صلاح :وأنتي طايحة تأمر على هالضعيفة ماكفتس سارة ...
هيونة :والله مافيه ضعيفة بهالعائلة غيري ..
يدخل محمد وحازم الصالة بعد تركيب الصخان في الحمام الخاص بالرجال ..
محمد :والله ودليت..
صلاح :مبروك يقولون أعرست
محمد يتأفف ويذهب للمطبخ ..
حازم : أتوقع أنا خلاص كذا بطلع أدرس ...
هيونة :وين بتروح ..
حازم :بروح لأي مكان أدرس فيه لأني لو حاولت هنا أكيد بستخف ..
هيونة :أوكي بالتوفيق ..
حازم :سلااام ..
محمد يخرج من المطبخ بكأس ماء يشربه:الثلاجة فاضية وش بنتعشى ..
هيونة أنجزت عملها تنزع المنشفة من على راسها وتنفض شعرها :أكيد فاضية ببننقل ثلاجة مليانه يعني ..
صلاح :من عرفتكم وثلاجتكم فاضية ..
هيونة تعيد ربط شعرها وبسخرية :كان تصدقت علينا تجوز علينا الصدقة ..
محمد :وش بنتعشى
هيونة تجلس أخيراً:بشاير بتجيب لنا عشاء ..
محمد يصفر ويرمي بنفسه على الكنبة:بشاير وصلت لحد هنا حركات ...
صلاح :والله أني بفقد أبو بشاير
محمد: وأنت الصادق بتفقد غداه ...
معتز يخرج من غرفتهم التي بالقسم الأخر المفترض أنه قسم الرجال أو الضيوف ويحتوي بالعادة على غرفتين أحدهما

مجلس والأخر غرفة طعام وبماأنهم لايستقبلون ضيوف جعلوا أحد الغرفتين غرفة نوم لمعتز وحازم ومروان والأخرى غرفة

جلوس ... يتفاجأ بوجود العجوز ..
ليزفر بأستياء:ياءالله يعني نفس بيتنا القديم ماتغير شي ..
صلاح :ماتبيني يالسلقي
معتز :اوووف باقي بس فهود وتكمل عيلة سبعة نجوم ..
محمد بدهشة :كيف تعرف عيلة سبع نجوم ..
معتز بأنكار :كيف أعرفهم لاتشكك بأخلاقي أنا سمعت الأستاذ يقولها ولقطتها منه ...
هيونة :أعجبتني لاتشكك بأخلاقي بس لاتعيدها
معتز يغمزلها :أمرك ياريس ..
محمد :عيب تغمز لأختك ..
معتز بخبث:صح بس أغمز للمزز بالشارع
هيونة لمحمد : هاه أنبسط طالع عليك بس أنه أذكى منك شوي...
محمد ببرود:يعني أنا غبي
عيد الذي خرج للتو من الغرفة متوجه للمطبخ :هذا شي أثبته بالأدلة والبراهين ..
معتز :وخير براهن زواجك ..
محمد :أنتم يبغالكم مدت يد عشان تتربون ..
عيد بخوف :لا شكراً أنا بصير مؤدب كفاية علي ذيك العلقة
معتز بثقة:حاول تلمسني بأتصل على حقوق الطفل واخبرهم أنك متزوج طفلة ...
هيونة تتصنع الحلم :معتز أنقلع عن وجهي دام النفس طيبة عليك ...
معتز الذي يخاف تقلبات ميزاج هيونة يضع يدية على فمة علامة ً على الصمت ...
يرن هاتف هيونة أنها بشاير لقد وصلت هي بالأسفل تنتظر..
هيونة :معتز أنزل للبشورة ساعدها ..وأنتم يارجال للقسم الثاني ..
محمد :وش نسوي هناك مافيه تلفزيون حتى ...
صلاح :التلفزيون حطوه بقسمنا ...
هيونة :والله هذا تلفزيون صغار أنتو جيبو لكم تلفزيون وضبطوا غرفة الجلوس اللي أصلاً هي بتكون غرفة نوم عمي ...
صلاح بأستياء :بعد مالي غرفة لحالي وشهولة أدفع أيجار
هيونة بتهديد :ترى للحين مادفعت شي مو عاجبك الله يسهل دربك ...
محمد :ههي أنتي أحترمي عمي ...
هيونة :يالله البنت بتدخل رحوا لهناك ...
بدأت ترتب من هيئتها قبل دخول معتز حامل حافظة كبيرة وخلفة بشورة تحمل بعض الأكياس ..
بشورة :سلااام عليكم منزل مبارك
هيونة :وعليكم السلام الله يبارك فيك ياعمري زارتنا البركة ...
يتصافحن ويتبادلن القبل الترحيبية ...
معتزبسخرية :مو كأنكم كل يوم تقابلون بالدوام ..
بشورة :والله وحشتني وش علومك
هيونة:بخير عساك بخير ...ارتاحي ياعمري ...
بشورة تجلس :حلوة شقتكم ومرتب الحي
هيونة :والله ماندري للين الحي الله يكتب لنا الخير ...
بشورة :وين سوير
معتز :سارونه نامت هي ومروان وهم يلعبون
هيونة :صدق ياحياتي والله شكلهم تعبوا ...
بشورة :خلينا نحط العشاء وانتي تكي وأنا برتبلك المطبخ
هيونة :ياعمري والله جزاك الله خير صدق مافيني حيل
بشورة :لا أبد أزهيلة وترى أمي موصتني عليك بعد ...
سارت الخطة كما أعدن لها بعد العشاء نام جميع من في المنزل
فقط هيونة وبشاير بالمطبخ ...
هيونة تقص حكاية زواج محمد وبشاير لاتصدق ماتسمع أذنيها ...
بشاير الواقفة على كرسي لترتب الأطباق في الرفوف العليا :يعني بس كذا خبط لزق مسكوهم يكلمون بعض زوجوهم
هيونة :على ماقال أنهم حطوا المسدس براسه
بشاير :وجع وش هالهمجية دام ماسوى في بنتهم شي كان ظربوة وتركوة ليه يغصبونهم على الزواج
هيونة :والله ماأدري وش هالجهل ياليتك شفتيها بزر قسم بزر ...
بشاير:على حظي ياشيخة نامت ...
هيونة :شكلها مدلعة وأنا كرفتها المشكلة ماتقول لا كأنها جاية خدامة ...
بشاير :ياحبيبتي لاتلومينها خايفه منكم ...
هيونة :ماأقول إلا الله يعيني ياخوفي بكرة هذا يختفي ويخليها عندي ...
بشاير تنزل لتحمل المزيد من الأطباق :أذا سواها رجعيها لأهلها ...
هيونة :عشان يدورون عليه ويذبحونه
بشاير :يابنتي أذكري الله وش هالتشؤم
هيونة :لااله الا الله ...لاتلوميني حياتي كلها مصايب...
تصمت قليلاً
هيونة :وش أخبار الدوام
بشاير التي تصف الأطباق ترتجف يدها ويسقط طبق ليتحطم ...
هيونة تقفز بفزع :بسم الله وش فيك بشورة
تسرع لستاعدها بالنزول ... بطريقة مفاجئة لها تنفجر بشاير بالبكاء ...
هيونة تقف أمامها مصدومة تمسك يديها تحاول أن تفهم ماحدث :وش فيك بشوورة بسم الله عليك ...
تجلس على أحد مقاعد المطبخ وتكمل بكائها :آآآآه ياهياا ماتصدقين وش صار لي ...
هيونة :بنت وش صار فجعتيني
وسط بكائها ترفع يدها المرتجفة :تشوفين يدي والله من أمس ماوقفت رجفة كل ماتذكرت الموقف
هيونة التي قلقها جعلها تفكر بأسواء الأمور :وش صار الله يقلعك خلصيني
بشاير لاتستطيع أيقاف بكائها :أمس لما خلص دوامي السايق تأخر علي دقيت مغلق ...صبرت شوي قلت يمكن بيجي ماجاء

دقيت على مازن كان برى الرياض ...قفلت الدنيا بوجهي ماأدري وش أسوي وصعبة أروح مع ليموزين أنتي عارفة البلاوي

اللي تصير كل يوم ...
توقفت لتعاود البكاء بطريقة هسترية ...
هيونة تجلب لها الماء وتحتضنها لتهدأتها ...
بعد عدة دقائق أستطاعت فيها التغلب على هستريتها ..تمسح أنفها السائل وتكمل حديثها بصوت مبحوح :شفته بصدفة وأنا

بحيرة من أمري قلت خلاص هو الحل ..قلت هو ولد حارتنا وطريقي طريقة بترجااه ويمكن يساعدني على الأقل بثق فيه أكثر

من الغريب ...
تصمت قليلاً وزفراتها تخرج من أعماقها :وياليتني ماشفته ولا فكرت فيه ...
هيونة برعب :ليش وش سوي
بشورة بألم :تحرش فيني تخيلي هيونة شخص غريب لمسني تحسس جسمي حاول تقبيلي ولما ماجيت على هواه نزلي

بالشارع بأخر الليل لحالي ...
تعاود البكاء بصوت عالي
هيونة بصدمة :الحقير الواطي بشوورة لازم تبلغين عنه لاتسكتين عنه خلينا نشتكي عند الشرطة أنا أروح معك
بشورة لاتستطيع الحديث من شدة بكائها ولكنها تهز رأسها برفض ....
هيونة بعدم تصديق :زاهد مستحيل كيف يسوي كذا والله لعلم أبوة قسم لأفضحة ....
بشورة تمسك يدها وتهز رأسها بـ لا لأنها غير قادرة على الكلام من شدة الألم ..
هيونة بأستياء :كيف تسكتين عنه أنتي غبية على الأقل نعلم أهله نفضحة عندهم ...
بشورة بعد عدة محاولات تستطيع الكلام :مو زاهد ..
هيونة :ايش
بشورة بصوت لايشبه أبداً:مو زاهد اللي تحرش فيني سلطااان ...
هيونة بعد تفكير بسيط :اللي معنا بالمحل
بشورة تهز رأسها بنعم :أنا طلبت من زاهد يوصلني بس رفض وسمعني سلطان وعرض علي يوصلني ماتوقعت ولا واحد

بالمية أن نيته شينه كان مؤدب مرة ...
هيونة التي لاتستطيع فهم الموقف :ليش رحتي معه غبية انتي
بشورة تصفع نفسها :أدري أني غبية بس وقتها ماعرفت أفكر كنت أبغى أرجع البيت وبس ...
هيونة التي تشعر بأنها قست على بشاير تحتضنها :خلاص حبيبتي أنسي هالمشكلة وبنلقى لها حل ...
بشاير بألم شديد :ماني قادرة أنسى وش سوى فيني مستحيل أنسى الموقف البشع اللي حطيت نفسي فيه ...



هنا نتوقف


الجزء الثامن تنزيلة يعتمد عليكم كل ماوجدت ردود أكثر كل مانزلته بشكل أسرع وهكذا ...

بدت تغير نظرتي لهيون طولة لسانها ماجات من عبث وصارت عنصر دفاع عن العائله باكملها

أرسلت من SM-N900 الخاص بي باستخدام تاباتوك

السلام عليكم "
حياك الله عاشقه ديرتها
فرحانه مرة برجوعك عزيزتي
عودا حميدا
سلمت اناملك على هالبارت
فهد شخصيه موجوده في مجتمعنا"بكثرة
هياء شخصيه مميزة
العم هذا الي ودي اذبحه
سارونه يالبي قلبها
اكثر شي عجبني انتقامها من بانه
هل زواج ابوها من العجوز بتغير حياتهم
منتظرينك