السلام عليكم ورحمة الله وبركاته

حمد لله اختباراتي عدت على خير ،وراضيه بـ نتيجة الي توصلت لها
ردودكم شجعتني اكتب البارت مع انو المفروض ها البارت يكون الجمعة المقبل
بس دام انتهيت منه وراضيه عنه حبيت انزله لكم
بس يبي له مراجعة أخيرة.. موعدنا على العصر بإذن الله

.
.
.


ارجو الي خلف الكواليس تلقي نظرة هنا وتضع ردها |~

.
.
.

عمر الغياب

البارت
-5-



.
.
.








ويرحل عنا زمان الأمان

فأشتاق من راحتيك الحنان

وأحمل قلبي كطفل جريح

يصارعه الشيب قبل الأوان

وأصبح بعدك لحنا.. عجوزا

شقي الزمان غريب المكان

وتبقين وحدك فوق الزمان

وتبقى عيونك أحلى مكان

سنين من العمر تمضي علينا

وفي الفرح ننسى حساب السنين

أعد الليالي.. ربيعا ربيعا

ويمضي الزمان ولا ترجعين

وتبقين وحدك نبضا بقلبي

ويرحل عمري ولا ترحلين

وسافرت بعدك في كل أرض

وكم كنت أشعر أني غريب

وجربت يا حب عمري كثيرا

وأسأل قلبي.. ولا يستجيب

فألقاك في كل حلم بعيد

وألقاك في كل طيف قريب

* * *

وأبحث عنك كثيرا.. كثيرا

يدور الزمان وقلبي لديك

يضيع الأمان فأبحث عنك

ويشتاق قلبي كثيرا إليك

إذا جاء صيف سألت النسيم

ترى من عبيرك هذا العبير؟

وإن طال ليل تساءل قلبي:

بربك أين ملاكي الصغير؟

وإن جاءني الحزن ضيفا ثقيلا

يعاتبني الدمع هل من رفيق؟

فأبحث عنك على كل ضوء

وعمر الحيارى ظلام سحيق

لأنك مني وأني إليك

كما يعرف الزهر طعم الرحيق

وأبحث عنك كثيرا.. كثيرا

فأنت الضياع وأنت الطريق!!



فاروق جويدة




.
.
.







بـ ماضي قد زارته الجوارح وخفق بها الوجدان ..

أم حميد: يا ولدي استر على بنت خالتك ..
ليضحك بسخرية: ما عندي شيء بدون مقابل .. مستعد اتزوجها من اليوم.. لكن ملاك بنت أبو جمال تكون لي.. وعاد ابيك تدهنين سيرتي .. وان اسمي سالم لا تنسين خالتي..
بصدمة: مزور اسمك.. انت بعقلك
طارق بخبث: اجل تبيني أتقدم لهم وأنا تاجر مخدرات..
من هول الفاجعة سقطت ولامست الأرض
ام حميد: الله اكبر.. عليك يا الظالم.. تتفاخر بـ انك تتاجر بالمخدرات.. ما تخاف الله
طارق بتهديد: شوفي لو احد شم خبري.. قسم بالله ان حياتك انسيها واعتبري خبر بنتك منتشر
لـ يقهقه بـ ضمير ميت: وقابليني إذا احد تقدم لـ بنتك
لـ يوليها ظهره وبخطوات مستفزة .. امسكت كفيه
ام حميد: ليه تبي ملاك؟ وش الي فيها!! ما تشوفه في بنتي
ابتسم: اولا ماهي بنت.. والله العالم حامل بولد مين ، وثانيا فرق بين بنت العز والفقر
اظن الحين عرفتي وش سبب اختياري لها..
موقف صعب جدا .. ابن اخيها يتاجر بالمخدرات ، طول السنين التي مضت كانت تأكل مال حرام
ام حميد: وش المطلوب مني..؟
ابتسم طارق وينفث لهيب السيجارة وبخبث: المطلوب يا عمتي العزيزة.. تروحين لأم جمال وتقسين النبض.. ثم تقولين ان ولد اخوي سالم من ثوبكم ومستواكم المعيشي وانه بـ يدللها وبـ يعشها بجنة ،ومثل ما قلت لك استر على بنتك بالمقابل...
ابتعد بهدوء لـ يتصل على مساعده الايمن..



.
.
.



في الوقت الحالي


الدمام

قبل الزفاف بـ ليلة


طارق: تراني مليت منك ومن عيالك.. ابي الفلوس.. بوصلك لأهلك وان ما جاءتني الفلوس تذكرين المستشفى وجلسات الكهرباء تبين اردها لك..
وهي تصرخ بألم: لا.. مابي مستشفى سوي الي تبيه بس مابي مستشفى
لـ تبكي بذل ومهانة تحت اقدامه ..
لـ يضرب وبقهر: كل فلوسي ضاعت فيك وبـ عيالك.. انا ما دريت ان تكاليف المستشفى تأخذ لي مبلغ كبير ، والله يا ملاك ان ما وصلت لي الفلوس اوديك للمستشفى، وعيالك انسيهم
بهلاك: حرام عليك انا ماني مجنونة
لـ يقل تنفسها الضعيف بتدريج ، ولولوة من الخوف قد بولت دون شعور
لـ ينظر طارق بكره دفين: انقلعي داخل يـ ............
لـ ينزع عقاله من رأسه ويصفع جسدها وتصرخ بـ انين
ملاك غير قادرة على الحركة وبنشيج: بنتي لا..
لـ تغيب في غياهب الظلام

لتصرخ ببكاء: ماما.. ماما ماتت
هو ببهوت تغير لون وجه ثم نظر لـ وجها المزرق
لـ يصرخ على ابنته: جيبي عباية امك بسرعة..
وهي تبكي بخوف وكأن اقدامها تنملت عن الحركة لـ يضربها بالوسادة ويزمجر: انقلعي جيبي عباية امك.. الله يأخذكم
وبكاء خالد لـ يشعر بـ اوجاع والداته
طارق: غيري لبسك واذلفي داخل.. بسرعة وهاتي اخوك
خرجت لولوة وتحمل اخيها الرضيع وتمسكه بقوة كي لا يسقط
لـ تدخل السيارة مع ابيها حتى تنطلق سيارة بـ اقصى سرعة..






.
.
.







بعد وصلوهم للرياض لـ يقف سيارته ثم ضرب خديها..
طارق: ملاك قومي وصلنا.. قومي يا مره
استيقظت وكل خلية تئن من الاوجاع وحرارة جسدها وصورة من امامها ليست واضحة.. رمشت اهدابها ثم فتحتها مره ومرتين لـ تنهل عليها الآلام من كل هدب
طارق: وصلنا بيت اهلك.. والبيت باين انه خالي.. ما فيه احد .. حتى الحرس ما احد متواجد ،واظن عندك نسخة مفتاح

هي دون استيعاب.. لا تصدق
هل هي أمام بيت والداها؟؟
هل هي تحلم مجدداً ؟!

نظرت للقصر بحنين لم يتغير شيء.. بل هي التي تغيرت.. نظرت لـ ابنتها الضائعة تحطمها تلك النظرة..
لـ تنتبه لكدمة وجهها الطفولي
و تشهق بفاجعة: وش الي سويته في بنتي!!
لـ يصرخ بتوتر: اقول انزلي ما عندي وقت.. ماني فاضي لك وخذي عيالك.. معك يومين تدبرين لي الفلوس و إلا المستشفى تنتظرك

بفرحة وهي تحرر من زمن العبودية.. لتأخذ طفلها وتعانقه بحب .. لتنزل ولولوة متشبثة بـ عباءتها ،وتسير بـ انحناء ،غير قادرة على تحمل الألم..
دخلت من البوابة الخلفية المطلة على مكتب والداها..
وبرجفة وضعت المفتاح بداخل الباب.. من ثم أدارت مقبض الباب وبخطوات قصيرة دخلت بداخل المكتب

ابتسمت بفرح: لولو هذا بيت جدك.. شوفي هذا مكتبه.. تعالي نندس تحت المكتب عشان ما احد يشوفنا..
لولوة: ماما.. بابا كله يضربك دائما
وحضنت لولوة وصدرت آه من الأعماق: سامحيني يا بنتي.. ابوك زعلان.. بابا يحبك يا لولو..
لتبعد عنها بغضب طفولي: بابا يكرهني كله يضربني ويضربك.. ماما انا احبك لكن ما احبه..
لـ تبكي بخوف لـ فقدهم.. انها بين الجنون والعقل (شعره) إذا فقدتهم مجدداً سوف تموت لا محالة
تبكي بضعف وبقلة حيلة.. كثير تزور الشوارع الفقد.. لم يحن عليها عين.. وهي تلملم نفسها.. لا تريد الرجوع له ولو كلف الامر ثمن حياتها..
لـ تحضنهم وتستلقي تحت طاولة المكتب هي وطفليها ،ومن الأوجاع غرقت في ظلام من جديد، ولولوة شعرت بـ سكون لكي يغفون دون شعور ،وهم يحتضنون جسد غاب عن الوعي..







.
.
.





في صباح اليوم التالي



بعد ما انهى صلاة الفجر بالمسجد القريب من قصره.. والذي بناه بـ نية ابنته ملاك
دخل البيت لـ يصل لمكتبه وبضيق شديد..
لا يعلم هل ابنته حية ترزق؟! ام توفت
لـ يستغفر ربه ، ويشده سماع اصوات غريبة
بكاء خالد .. من ثم همس لولوة: ماما قومي.. ليه نومك صار ثقيل..
بصدمة لـ يسقط عكازه وينظر لـ احفاده وابنته الصغيرة الغائبة..
هذا مكانها المفضل عندما تكون مُتعبة..
قلبه يخفق بشدة.. ودمه يضخ ويجري مجرى الوريد
بخطوات وصل لـ ينحني لهن وينظر لـ لولوة النسخة المصغرة
من ابنته ملاك


ابو جمال وصوت يختنق به وببكاء عجز أن يخفيه: يبه انتِ بنتها!! انتِ بنت ملاك!!
لـ تهز رأسها ببراءة: ماما من امس وهي نايمة.. لعبت بشعرها وقرصت خدودها بس ما تقوم!!
لـ يقلق من ثرثرتها الصغيرة لـ يمسك كفيها الضعيفة: ملاك.. يا أبوك يا ملاك انتِ بخير يا عيوني..
بصعوبة فتحت عينيها لـ تجد اللحية ابيها والشيب يغطي رأسه.. نظرته الحنونة لـ تبتسم
ملاك: يبه انت قدامي.. انا قاعدة اشوفك انا ما احلم صح يبه.. والله يبه اشوفك انا ماني مجنونة..
ثم تضحك بهستيريا: يبه شوف انا جلست بـ ها المكان عشان عارفة بـ تلقاني هنا.. حتى قلت لـ لولو بس ما صدقتني.. شفتي يا لولو قلت لك جدك راح يجي هنا ويحصلنا..
بوخز بقلبه.. لـ يعانقها: يبه مين قال لك انك مجنونة.. انت عاقله بنتي ذكية عرفت كيف توصل لي.. انتِ بخير يا ابوك وراك نحفانه يبه.. ما تأكلين اجيب لك الفطور الي تحبينه..
لـ تبكي بكاء يمزق القلب..

ملاك: يبه ضمني.. كنت محتاجة حضنك كنت مشتاقة لكم بس والله يبه غصب عني ما كنت اعرف مكانكم.. يبه بنتك صارت مجنونة..
لتقهقه ثم ابتسمت لـ يضع انامله ويمسح دموعها
لـ يبتسم بحنان : لا تبكين يا ابوك دموعك تكسرني.. نذرن علي ما ترجعين له مسود الوجه.. هدي يبه بسم الله عليك.. خذي نفس..
نظر لـ لولوة وبخوف: وين دوا امك ...
لتهمس بكذب: يبه دواي خلص..
بحزن: لا حول ولا قوة الا بالله.. قومي يا ابوك ارتاحي بغرفتك.. ترى امك تنظفها كل يوم على امل انها ترجعين.. تعالي يبه
بتعب: يبه ما اقدر اقوم.. ظهري بموت من الوجع.. يبه تكفى طلبتك لا تقول لأحد اني جيتك.. مابي احد يعرف..
ابو جمال: يا ابوك.. امك متشفقة على شوفتك وشوله ما تشوفك...
لـ يضع يده على جبينها: انتِ مسخنة يبه.. حرارتك واصله عندي..
ابتسمت له: يبه تكفى لا تعلم احد
انقطع صوتها على دخول والداتها


ام جمال: ابو جمال الله يهديك.. وراك تأخرت عن الــ .......
لـ تبلع الكلمات وبصدمة: ملاك بنتي!!
لـ تسقط دون استيعاب.. لتقف على اقدامها والرجفة تحتضن اطرافها
ملاك: يمه وحشيتني والله فقدتكم يمه
لـ تحضنها ام جمال وتبكي: ليه يا امك ما تزوريني على اقل ارفعي سماعة ودقي علي.. يا ويلي وراه وجهك كذا.. ابو جمال البنت تعبانة قوم نوصلها للمستشفى
ملاك بجنون: والله ما اروح المستشفى
لتمسك بـ قميص والداتها: يمه لا توديني المستشفى.. دخيلك يمه والله بـ يعذبوني يمه تكفين.. يبه صح ما راح تأخذني للمستشفى

واختفى صوتها وغابت عن الوعي لـ تبتسم بدمعة بكائية..
ام جمال بخوف: وحسرتي على بنتي.. صالح بنتي فيها بلا.. يا حسرتي على شبابك الي ضاع..
أبو جمال وهو يحضن لولوة وبيده خالد
ليردف بهدوء: قومي يا ام جمال.. سكتي الولد
التقت عينيها بـ عيني لولوة التي تبكي بصوت اعلى ويشاركها البكاء خالد..

دخلت ياسمين وبصدمة: وش ها الصوت.. يمه ابويا ..
لـ تتسع عينيها وبخوف: ابويا
ابو جمال: تعالي يبه خذي ولد اختك.. وخذي بنتها انا بشوف اختك..
ياسمين وآثار الصدمة ظاهرة على ملامحها: يبه ملاك رجعت.. يمه هذه ملاك الي بحضنك ..
لتبكي ام جمال..

أبو جمال وهم متلثم بـ شماغه: استهدي بالله يافاطمة وقومي خليني اشوف البنت
لـ تتقرب ياسمين وهي تأخذ خالد وتتأمل في ملامحه: يا حبيبيتي يا اختي ولدت وحملت وهي بعيدة عنا..
ابو جمال حمل جسدها رغم رعشة يديه.. خرج من المكتب متوجه للمصعد يسير بضعف وثقل ابنته وجسدها الخاوي ..
صعد للطابق الثاني من ثم بضع خطوات بين الممرات لـ يدخل غرفتها دلف الباب بقدمه وهو يتنفس بصعوبة ثم وضعها على سريرها الوثير
لتأتي أم جمال وتقف بجانب الباب
لتردف: صالح.. ملاك رجعت لي .. يالله لك الحمد
ابو جمال: يا مره جيبي كمادات لها وخافض الحرارة.. البنت كل جسمها
حار..
ام جمال: ابشر.. الحين اجيبه لك..






.
.
.





في حلول الظهيرة



نزلت من الدرج لـ ترى ام جمال تستغفر والقلق قد آكل ملامحها
لـ تجلس بجنابها: خالتي هدي.. إن شاء الله انها بخير..
أم جمال: لهم ساعة يا وهم.. لا عمك دق ولا جمال.. ولا كأني ام قلقانة على بنتي و متشفقة بخبر يطمني عليها .. دقي عليهم يا بنتي ما عاد فيني حيل للصبر..
وهم بضيق: يا خالتي ما يرد جواله مقفل
أم جمال: يا ويل حالي على بنتي..
وهم: خالتي هدي الله يخليك.. مو زين الي تسوينه بصحتك..
أم جمال: ماني مصدقه.. بنتي رجعت لي.. يا امك ماهي بنتي لبسها خفيف والبرد ينهش بـ عظيماتها وعيالها.. خلفت وانا ماني بجنبها مدري تعسرت ولادتها.. 7 سنين يا بنتي والله ماهي هينه
وهم بحزن: الله يلوم الي يلومك.. وانا بعد خالتي ماني مصدقة.. بس ادعي لها




لـ يدخل بدر ...
ام جمال: ارجع وراك.. حرمة اخوك موجودة
ابتسم بدر: حي الله بنت العم..
بخجل لـ تهمس: الله يبقيك.. خالتي انا بشوف لولو وخالد..
أم جمال وهي تمشي بصعوبة لـ تصل: يا امك يا بدر.. دق على ابوك
اختك ملاك رجعت
بصدمة: رجعت ملاك يمه.. وينها فيه؟؟
أم جمال بحزن: خاذوها للمستشفى.. تكفى يا بدر لا ترجع الا بهم
بدر: إن شاء الله يمه.. بدق على جمال الحين.. هدي يمه
أم جمال: يا حسرة قلب امك يا ملاك يا حسرتي..
بدر: يا يمه اذكري الله.. انا رايح بس حالتك ما تتطممن
ماني قادر اخليك بروحك
لتمسح دموعها: روح يا امك وانا يصبرني الله.. عجل يا بدر ولا تطول علي
بدر: إن شاء الله يمه..





.
.
.









بالمستشفى

كانت مستلقية على سرير ابيض.. وتشعر بخوف من مكان باتت تكرهه كل يوم

كانت تصرخ بهستيريا: اقولكم خرجوني من هنا.. يمه يبه ....
جمال: ملاك.. هدي يا عيون اخوك.. بـ اخرجك بس ارتاحي..
ملاك بغضب وجنون: لا تقولي ارتاحي.. كأن راحة بـ يدي .. والله لو بـ يدي كان اشتريت راحتي من زمان.. مابي مستشفى انا قلت لك يبه مابي.. انتم ليه تكرهوني
أبو جمال يضمها: يا يبه.. كنت مسخنه واغمى عليك.. تبين اخرجك الحين نخرج
ولا يضيق خاطرك..
ملاك بغضب: لا تعاملوني كأني مجنونه.. انا ماني مجنونة.. يبه عيالي لا يأخذهم
خرجوني من هنا.. هو بنفذ تهديده بـ يأخذ عيالي مني.. يبه تكفى خرجوني من هنا..

جمال: ملاك حبيبتي هدي.. مو زين لصحتك.. الاجهاد مو زين لك
ملاك بحساسية: دريت البارح تزوجت.. سامحني ما حضرت زواجك
جمال بغبن: تعتذرين على شنو.. ملاك انتِ مرتاحة مع سالم وينه هو
ملاك بخوف: يبه هو قال لي شروطه.. ما هقيت ان بعدكم يوجع والله يبه
جمال: الخسيس وش شروطه؟!
ملاك وهي تحاول تبلع ريقها وبنظرات الضائعة: يبي مئة مليون
لـ تتسع عيني جمال ويضحك بسخرية: بس هذا هو شرطه يأمر الحبيب وش يبي بعد
والا ليه ما كتب شروطه بورقة..
أبو جمال: لا حول ولا قوة الا بالله.. ارتاحي الحين وموضوع الظالم ما بـ نسكت لك عنه..
ملاك بوجع: ابي اخرج من هنا..

جمال: شوفي عنادك وين وصلك يا ملاك.. رجعة لـ ها الحقير ما في سامعتني..
أبو جمال: يا ولد احترم مكاني.. لا مت تحكم بـ اخواتك مثل ما تبي
جمال: لك الحشيمة يبه.. انا ما قصدت
يقاطعه أبو جمال: خلنا بروحنا شوي..







.
.
.





انتبه على رنين هاتفه..

لـ يجيب: هلا بدر
بدر: انت وينك اشغلت بال امي عليك.. هو صحيح ملاك رجعت
تنهد بأسى: ايه رجعت.. امي عندك
بدر: انا في سيارتي.. انتم في أي مستشفى؟؟
جمال: انا جاي.. جيب امي معك عشان تشوفها..
بدر: إن شاء الله كلها مسافة الطريق واكون عندك ...


لـ يرتجل ثم بخطوات سريعة دلف الباب لـ يصرخ: يمه .. ام جمال وينك يمه..
أم جمال بـ لهفة: ها بشر وش صار اختك بخير..
ابتسم بحنان: إن شاء الله انها بخير.. تعالي يمه بوديك معي المستشفى تشوفينها
بفرحة: أي دقيقة اجيب عباتي.. بدر يا امك انتظر لا تروح
لـ يجلس على الكرسي..
بدر: وهذه جلسة يمه.. خذي راحتك يا الغالية..
لـ تنادي على الخادمة وترتدي عباءتها من ثم خرجت مع بدر ..


في نفس اللحظة خرج جمال .. من المستشفى متجه للقصر





.
.
.






بعد نصف ساعة




توقفت سيارة جمال بمنتصف السور.. لينزل ثم
دخل من البوابة الطويلة.. ويعم المكان هدوء.. وصل لـ جناحه الخاص لـ يجده على ترتيبه
بحث عنها ليست بالغرفة ولا بالمطبخ اطل بشكل سريع على غرفة الاطفال
ولم يجدها

اين ذهبت .. الا تعلم بأن هذا البيت لها ..
لـ يجلس بصالة نصف ساعة تململ لـ يتصل عليها

وبغضب: وينك يا مدام عن البيت
وهم بقهر: لا والله سيد جمال.. اسأل نفسك من يوم ما رحت وانت حتى مكالمة ما دقيت علي والحين توك تفتكر فيني
استغفر بين نفسه: لا تطولين السالفة وهي قصيرة.. تعالي الحين للبيت
بـ تعقيده لـ حاجبيها: أي بيت..
لـ يردف ببرود: لك كم بيت سيدة جنابك
وهم تزفر: جمال انت وش فيك.. نزلتني بيت عمي ثم تقول تعالي البيت
بنرفزة: اطلعي دور الثالث..

لـ يغلق الخط بوجها..
لتصرخ بقهر: هذا خالك الا يبي يرفع ضغطي..
لولوة: وش قلتي
لـ تبتسم لها: اقول بروح لـ خالك وعسى الله يصبرني على مزاجه المتغير.. شوفي لولو انا شوي بروح وبرجع لك
لولوة بخوف: لا مابي اجلس لوحدي.. أنا اخاف
وهم وهي تشد خدودها: ووه يا زينك لا حكيتي ودي آكلك.. لولو يصير آكلك
لـ تضحك لولوة.. خرجت من الغرفة وبحضنها خالد.. ولولوة المتعلقة بـ فستانها..
دخلت للمصعد لـ يصعد الطابق الثالث ..

وهم بخوف: احد دق زر ثالث.. يا ويل حالك يا وهم.. لا يكون البيت مسكون
لتحضن خالد بقوة.. لـ ينفتح المصعد وعينيها تلتقي بـ عينيه الغاضبة
ابتسمت له: والله كنت بطلع لك.. بس لولو خايفة تجلس بوحدها
لـ يخفض نظراته وابتسم وهو يمد يده: لولوة.. الـ شطوره
لولوة وهي تخبي نفسها بـ فستان وهم..
لـ تضحك وهم: خافت منك.. لولو هذا خالو جمال
لـ يضربها على رأسها: تخاف مني ليه.. قولي مستحية
لولو.. ما تبين تسلمين علي.. ترى بروح بعد شوي السوق

لـ تقفز عنده وبحضنه وبخبث الاطفال: خذني معك.. انا كله ما روح السوق.. اصلا بابا ما قد خرجني
ويمحي ابتسامته وبحنان: ابشري.. كم لولو عندي.. وش تبين من السوق
لولوة ابتسمت ثم بخوف: لا مابي اروح بعدين بابا يضربني.. وين ماما
ابي اروح عند ماما..
جمال: اوديك لـ ماما لا تخافين.. تعالي معي نروح السوق.. البسي عباءتك بأخذ لهم كم لبس..
وهم: طيب.. وخالد نأخذه معنا.. المسكين توه نام
جمال: عادي.. شوي راجعة ياسمين مع ابوي..
وهم: روح مع لولو.. وانا بـ ننتظركم هنا..
جمال ابتسم: قومي معي عشان نتغدا مع بعض..

وهم: يا حبيبي روح لـ سوق.. باين انك تعبان ومرهق.. وانا بسوي اكله سريعة نتغدا
يقاطعها جمال: انتِ عروس.. ما يصير تطبخين.. البسي عباءتك والحقيني للسيارة
لـ يبتعد ويوليها ظهره..

ابتسمت له بحب لكن شيء ناقص
في هذا الحب هو عدم ثقتها فيه..

باتت لا تعلم ماذا تريد؟؟
تارة تحبه وتارة تكرهه
وكلا شعورين مُتعب ومؤلم ..



لـ تغمض عينها وتسرح بـ كلمات فرح التي تردد برأسها ...
فرح: جاسم يبي قربك يا وهم
وهم بجرح: اسمحي لي يا فرح.. انا ما كنت ملك لـ اخوك في يوم.. هو الي يحب ويمديه يدفن هذا الحب.. أنا احب زوجي يا فرح سامعة ولا ابي أي شيء يمسه لو بطرف
فرح: وحبك وعودك كلها راحت في الهوا بلوشي..
لتقهقه وهم: مين الي يحب ثاني.. فرح لا نضحك على بعضنا.. اخوك اناني ما يحب الا نفسه واسمح لي بـ ها الكلمة.. لكن ما بينا نصيب تدرين من وأنا صغيرة لـ جمال..
فرح بضيق: هذا مشاعر مو نكتة تضحكين عليها..
ابتسمت وهم: اقنعيني ان ما هو طماع فيني عشان حلالي.. بس لـ علمك حلال امي كله بـ اسمي وبـ اسم اختي هاجر واخوي سلمان.. يعني وفري لـ اخوك مشوار الحب وطريقه
وهذاني احذرك يا فرح.. أي شيء يمس له.. صدقيني بـ تشوفين شيء عمرك ما شفتيه..

لتركل تفكير في هذا الموضوع وترتدي عباءتها..






.
.
.







في الجانب الآخر


مستلقية على الاريكة واطرافها تحتضن رواية فـ لتغفري
وعد تضحك: من جدك سوسو الخبلة نفذت شرطها ابو 3 سنين
سلطانه: تعرفين وهم وعنادها.. البارح كان فرحهم..
وعد: والله لو مو اختي تعبانة كان حضرت زواجها.. كيف فستانها وطلتها..
ابتسمت سلطانه: جميله ما شاء الله.. عسى الله يهينهم..
وعد: آمين.. ودي نجتمع أنا وانتِ وملاك.. الا على طاري ملاك ما في اخبار عنها
سلطانه: على حطة يدك.. حيوانه وحشتني..
وعد: ورود كلمتها قبل شوي المسكينة التوأم مجانينها.. اسمعي وش رأيك نجتمع الاسبوع المقبل عندي..
سلطانه: أي والله زهقت من جلسة البيت.. كلمي ورود وردي علي خبر..
وعد: خلاص تم.. اشوفك على خير
سلطانه: على خير إن شاء الله..





.
.
.





دخل نواف ليجدها تقرأ رواية وبـ انسجام تام.. لـ يقترب منها ويصرخ من خلفها
لـ ترمي الكتاب: نواف.. صبيت قلبي.. الله يسامحك ما تجوز من حركاتك
لـ يضحك نواف: والله شكلك توحفة.. على العموم ابيك تسوين لي قهوة خويي بدر بـ على وشك الوصول
سلطانه: طيب.. الحين بقوم
نواف: اقعدي باقي ما خلصت كلامي.. ابيك تدورين لي على عروس مناسبة لي
واهم شيء انها رزينة
لتضحك بسعادة: احلف.. يا حركات واخيرا بـ تزوج
نواف: يا بنت الحلال اهجدي..
سلطانه: شوف صحبتي وعد تناسبك بكل المقاييس صدقني بـ تعجبك
نواف: صحبتك وعد بنت منو
سلطانه: بنت فهد الـ
ابتسم نواف: ونعم في ابوها.. البنت ما هي متحجره لولد عمها..
سلطانه: كان بس حمد لله.. ابوها ما هو متشدد في ها النقطة..
نواف: دام سالفة كذا.. توكلنا على الله..
سلطانه: هي عزمتني الاسبوع المقبل على بيتهم بروح وبـ قيس لك نبض وش تبي يا عريس زمانك..
نواف ابتسم لها: ابد ابي سلامتك.. عجلي على القهوة.. لا تنسين
ابتسمت له: إن شاء الله



.
.
.


لـ يرن هاتفه.. امسك به
نواف: ها وينك.. وراك تأخرت

بدر: اعذرني.. يا نواف ما اقدر امر عليك
ليتك تأجل العزيمة
نواف: عساه خير.. وراه صوتك متغير؟! عسى الاهل طيبين
بدر: اختي رجعت.. اعذرني اكلمك بعدين
نواف: الله يطمن قلبك.. خيرها بغيرها يا اخوك لا تضيق خلقك...
بدر: ما تقصر ابو سعود.. فمان الله
نواف بهدوء: الله يحفظك..

اغلق الهاتف.. لتمسكه
سلطانه: وش فيك تغير لون وجهك..
نواف: اخته ردت له.. وباين ان عندهم مشاكل الله يفرج كربه
سلطانه وبتحليل سريع بداخلها
( ياسمين تزوجت وتطلقت وعايشه عند اهلها ،وملاك...)
لـ تصرخ بعدم تصديق: ملاك رجعت..



.
.
.


نهاية البارت الخامس من الفصل الأول..

لقاؤنا القادم.. الجمعة بإذن الله


.
.
.


كُن شاكرًا مهما كانت الآزمات
،واصبر فـ المعجزة تحدث في ثواني لا سنوات |~


.
.
.


عمر الغياب

السلام عليكم

عموووووره لبي قلبك ابشري احنا مسنترين ليل ونهار بس لاتقطعين فيناا ههههه

اخخ يافيني قهررررر من هالحيوااان طارق مدري سالم الله لايسلم فيه مغز ابره اجل موديها مستشفى المجانين

حسبي الله عليه تكفين عمووره اتركيني عليه >> فيس شمر عن ذرعانه هههههه

وهم

الله يكفيك شر هالجاسم واخته

ملااك

الحمدلله دام رجعتي لبيت اهلك فانتي باماااان بس هالشيطاان الاخرس لا يلعب بعقلك وترجعين له

ولا يهمك تهديده ترى ماعنده الا الخرطي

سلطانه

احساسي انك بتكونين من نصيب بدر


عموووره ,, تسلم الايادي جزء ممتع بس يرفع الضغط طوييرق هههههه

بانتظاااارك ياعسوووله ..

يَ مساء / صباح الخير

يا حبني لكم وانا اشوف ها الردود الي تشرح الصدر وتبرد الخاطر


اكتشفت ولله الحمد من دعمكم وتشجيعكم أني بإمكاني انزل بارتين في الاسبوع
كل الثلاثاء والجمعة بإذن الله راح انزل بارت




ولي عودة مع ردودكم الجميلة...


الفصل الثاني من البارت السادس.. يبي له مراجعة اخيرة ويتم تنزيل
ابي كل خلف الكواليس يشاركني بـ المواجع وَ الظنون |~


.
.
.




عمر الغياب