كاتب الموضوع :
نبضي آبها
المنتدى :
القصص المكتمله من وحي قلم الاعضاء
رد: جنوبي وعشق مهرة من مهرة جنوبية
البــــــــــــارت العشــــــــــــــــــــــــــرون
في بيت ابوسلطان /
ابوسلطان:حياالله ابوخالد يامرحبا ..
ابوخالد: الله يسلمك ياابو سلطان والله جيت اسلم على سلطان واتحمد لكم بسلامته وخرجته
من المستشفى والمعذره على التآخير مشغول الآيام ذي بنتي خلود تعبانه من الحمل ذا
وكل ليلة وحنا بها في المستشفى الله ييسر لها..
ابوسلطان : ماقد قصرت ياابوخالد وخيرك سابق وفاطمة قالت لي والله عن اختها الله يقومها
لكم سالمه لكن خل آم خالد ترقيها تقرأ عليها المعوذات وخواتيم البقرة وآيات السكينة البنت
صغيره وبكريه وبتخاف ..
ابوخالد: بتنهيده وخوف على خلود والله ياابوسلطان حال آم خالد مايسرك ان شافت خلود تبكي بكت
معها وارتفع عليها الضغط وتنومت جبنها اخذت امي تجلس عندنا لكن رجعتها بعد يومين تقول برد
ذبحني وربك كريم
ابوسلطان : وهو يشوف وجه فاطمة المتآثر على اختهاذحين تروح فاطمة معك وتشوف اختها وآمها
سلطان قده بخير وماعليه آمه حوله مابتقصر
سلطان : وهو يمط عيونه في ابوه خير تروح وهو يعني وش وضعه له ثلاث
ايام في المستشفى ويحتاج زوجته رجع يناظر في فاطمة اللي جنب ابوها وهي
مسنده راسها على كتف ابوها وتبكي علاقتها في خلود مره قويه وخايفة عليها
حن قلبه هو عنده خوات وجرب الشعور ذا وبنفس الوقت هو يبي فاطمة ضروري
الليله يبي يشكرها على وقفتها معه فكر يشتري هديه لها بس مافي هديه تليق بها
سمع ابوخالد وهو يقول حياالله فاطمة عندنا نحتاجها والله خاصة انها عاقلة فديتها
وراكزه اعتمد عليها والله لكن زوجها اولى منا وهو يناظر فيه كان مرقد في المستشفى..
سلطان : وقلبه يتقطع لاباالله ياعم انها تروح معكم والحمد لله انا بخير وفطوم ماقصرت
معي وانا راح اجي عندكم بيتكم بيتي
فاطمة : وهي تناظر فيه تعرف انه يكذب تسلم سلطان لكن الليلة بنام هنا والصباح اروح لهم
إن شاء الله عندي غسيل ملابس وكوي وماخلصته
سلطان : وهو بيطير من الفرحة شوي وبيقوم يرقص فديتها الشاطرها اللي حاسه فيني
يعرف انها بتجلس علشانه وإلآ شغل البيت منظمه مره مستحيل يتراكم عليها غسيل او كوي ..
ابوخالد: على راحتك ياالغالية والتفت للآبوسلطان وهو يقول فرحتي بسلامت سلطان كبيره
والله شاهد حبه في قلبي من حب فاطمة وقلت باالمناسبة ذي ابغى اسوي له عزيمة ولكن فاطمة
قالت لي حتى انت بتسوي له وجيت اشاورك بشور وإن شاء الله انه يعجبك ياابوسلطان وانا
ولدك وكلمتك مسموعه ..
ابوسلطان : جعلك تسلم وابشر بسعدك ..
ابوخالد: بما انك انت بتسوي لسلطان عزيمة وفاطمة تقول بتسوي وانا بسوي له ايش رايك
نجتمع انا وانت وفاطمة ونسويها في ليلة واحده منها تخف التكاليف ونجتمع مع بعض
وانا اشوف اننا نحط ست تيوس نتشارك فيها انت تعزم من يعز عليك وسلطان يعزم
اصحابه وانا بعزم جيراني واهلي والتبذير الله ماآمر به ولاهو شكر لله على
سلامت سلطان نذبح ونبذر ناخذ ذبيحتين ونوزعها على فقراء نعرفهم واربع نتعشى
عليها ان حبيت هنا في بيتك او عندي في بيتي ..هذا شوري وانت وش قولك .
ابوسلطان : مابعد شورك شور ياابوخالد والعزيمه اتمناها في بيتي والله لكن ماابغى
اشق على آم خالد وتجي هنا وبنتها تعبانه لكن بيتك هو بيتي ولا بيننا فرق ..
ابوخالد: آجل على بركة الله بكره الآربعاء بآذن الله العزيمة والله يتقبلها مناوخرج .
ليلة الآربعاء في بيت ابوخالد/
زينه وهي تناظر فاطمة اللي تكلم في الجوال جده وش قولش في وحده تجي عند اهلها
علشان تساعدهم ومن تدخل ان الجوال في آذنها على طول وهي تضحك..
الجده : اخس شي الحرمه اللي ماتنزل الجوال من يدها عيب وشرهه ومنقود تغدي
به قدام العرب ..
فاطمة: وهي تقفل الجوال وتحطه في الشنطه طيب يازينه ياحماره
زينه: وهي تضحك ايه باالله صدق لسانش يابنت جابر هذي سميتش جتنا الصباح تقول بساعدكم
وماشفنا منها شي من جت انها تهذري على زوجها اعوذبالله منه وهي تضحك ..
فاطمة: والله انك كذابه يازينه سويت السلطات كلها والحلى والآيدامات جدتي محاسن حلفت
هي تسويها ..
آم خالد: بتعب وهي جالسه جنب خلود اللي تعبانه يمه فاطمة فديتك ماقصرتي خلي الخبله
ذي طيب انت يازينه ايش سويت ..
زينه: مشغوله مع جدتي محاسن في المطبخ اساعدها وهي تضحك على دخلت محاسن بيدها
كوب حليب ها ياجدها موانا ساعدك ..
محاسن : وهي تضحك ماقصرتي فديتش وهي تروح عند خلود يمه خلود قومي اشربي حليب
حار شوي خليه يدفيش الغدا ماطب بطنش مايصير يابنتي كيف تسهل عليش الولاده وانت صايمه
من الزاد قومي فديتش..
خلود: بتعب وهي تحس ظهرها بينكسر من الآلم ومغص يروح ويرجع مو مشتهيه ياعمه والله
الجده : بعصبيه اشربي ياخلود احسن لش وبعدين معش شوفي وجهش كيف اشربي لو شوي بس
كرمي عمتش واشربيه الورم ذا اللي فيش من الجوع البزر كيف يتحرك وتنزل وانت جافه كذا ..
فاطمة : وهي تقوم يمه يله ننزل تحت سلطان يقول في الطريق واهله واهل عمه معه.
زينه: حتى اهل عمي حسن وعمتي صفيه في الطريق ابوي قال لي ..
صالحة : وهي تناظر في خلود وهي تتآلم وتشد على شفايفها تنزل معك جدتك وعمتي
محاسن انا بجلس مع خلود..
خلود: لايمه انزلي حتى انا بنزل بريح شوي وبغير ملابسي وانزل طفشت هنا ..
بعد صلاة العشاء وكاعادتهم العشاء يكون بعد الصلاة مباشرة/
في مجلس الرجال ابوخالد ياهلا ومرحب فيكم تفضلوا على عشاكم من عند ابوسلطان وانا
بمناسبة سلامت سلطان ..وبا المناسبة ذي زوجته تهديه سيارة بانوراما 2013وهو يروح لسلطان
ويسلم عليه ويقول تستاهل السيارة والله يعطيك خيرها ويصفح عنك شرها وهي واقفه برا في الحوش
سلطان منصدم يقوة بانوراما مره وحده علشان كذا لها يومين تسآله عن السيارة اللي يتمنى يسوقها
بس ماتوقع ان فاطمة تهديه السيارة الغالية ذي ...
حسن : منصدم فكه تدلى من الصدمة سيارة هديه مواي سيارة كم قيمتها لو انه وافق ولده يتزوجها
كانت السيارة ذي لولده ..
عبدالرحمن: بحزن وهو يشوف سلطان قاعد على الكنب وبجنبه عكازين ماتوقع لو1% انه سلطان
يرجع يمشي اول كان عنده امل ان فاطمة راح تطلق او سلطان يموت وهو يتزوجها لكن خبر حملهاو
رجوع سلطان يمشي خلاه يفقد الآمل في فاطمة تنهد وهو يشوف سلطان بيده جواله ويضغط فيه ويضحك
اكيد انه يراسلها الله يسعدها فاطمة مهما كان يتمنى لها السعادة هي مو من نصيبه ..
ابوسلطان: كثر الله خيرك وخير فاطمة والله انها اكبر هدية هي من دخلت حياتنا والخير يمطرنا ربي
به والله اني مقدم على ارض منحه من الدولة يمكن ان لها اكثر من 20سنه ولاجتني إلآ ثاني يوم من
دخول فاطمة علينا موقعها ممتاز ومساحتها كبيره وقيمتها اليوم على 2مليون واكثر وعلى ماتشهد هذه
الوجيه الغانمه ان الآرض ذي لفاطمة هبه مني لها لايشاركها فيها مخلوق ومن بكره اروح انا وهي
وسلطان واسجلها بآسمها هديه مني لها وتستاهل بنت محمد اكثر
سعيد (ابومها) من الصدمة طاح الفنجال من يده وهي مصدوم من كلام اخوه صاحي ذا
ابوخالد: طاح الشر ياابوثامر عساك سلمت من القهوة ..
ابوثامر : وهو يمسح القهوة من ملابسه سلمت الحمد لله وهو في داخله يتحسب على بنته
مها .
عبدالرحمن: يناظر في ابوه اللي مصدوم للمره الثانية ...
ابواحمد: تستاهل فاطمة اكثر والله ان بنات ابوخالد جواهر وخير ورزق من الله خلود من تزوجها
ولدي والخير دخل معها يستاهلون وانت ياسلطان فاطمة جوهرة حطها في عيونك ولاتفرط
فيها ماراح تلقى مثلها وهو يناظر في احمد للي ساكت ..
سلطان : فاطمة في عيووووووووووووووني مايحتاج احد يوصيني عليها..
ايوخالد: حياكم الله على العشاء تفضلوا..
عندالحريم/
خلود وهي نازله مع الدرج وآمها معها يمه فديتك علشاني إذا تكلمت عمتي صفية
لاتردي عليها مهما تقول
آمها : وهي تمسك يدها طيب اصلآ قلبي موفاضي لصفية قلبي معك انت ليت الآلم فيني
ولا فيك
خلود: وهي تشد على يد آمها لاوالله سلامتك يمه والآلم طبيعي يمه وهانت خلاص باقي كم يوم
وتشوفي اول حفيد لك وهي تضحك ..
صالحة : اهم شي عندي صحتك وتكوني بخير وهي تدخل وتسلم
صفية: وهي تشوف خلود متغيره جسمها المنفوخ السواد حول عيونها وبطنها الكبير
وغصب تمشي ..منال يمه شوفي زوجة احمد كيف شكلها ..صفية يمكن انها حامل بتوأم
منال: لاابوي يقول عندها الضغط مرتفع وزلال حمل ..صفية طيب وانت ماكلمتي الحرمه
شهرين ولاصار شي بعت ذهبي على الفاضي واعطيتها30الف وخلود ماجتنا ولا شي
منال : بحقد يمه الحرمه تقول ماقدرت اسوي لها هدايه بدون اثر منها حاولت تقول ماقدرت
واحمد مقفل الملحق مايفتحه ..صفية والحل فلوسي تروح على الفاضي ..منال بخبث استني
انا بتصرف ماراح اخرج من هنا إلآ بشي لخلود...
مها : بغيره من فاطمة وهي تشوفها كيف كاشخه كآنها عروس فستانها التركوازي الماسك
على جسمها مكياجها الآوفر شعرها مرفوع بتسريحه بسيطه حاقده عليها بقوة وهي تشوف خالتها
آم سلطان شوي وبتشيل فاطمة من الآرض خاصة وهي حامل ..
معالي : ها مهاوي شوفي زوجة سلطان حامل انت قلتي اتحدى
مها: بحقد طيب خلاص ايش اسوي بها مالت عليها وعلى سلطان معها المعقد
ميعاد: بنات لايفوتكم وهي تناظر في جوالها اخوي ثامر يقول زوجة سلطان
اهدته هديه بمناسبة انه رجع يمشي ايش تتوقعوا الهديه..؟؟
مها: ايش راح تكون يعني ساعة او جوال
ميعاد: سيــــارة بانوراما وهي تمط الكلمه
معالي : بشهقه لاتكون اللي واقفه في الحوش الفضيه
مها: بصدمة نفس السيارة من الزمان يتمنى يشتريها ويقول اول من يركبها
انت يامها
ميعاد:وشوفوا عمي علي ايش اعطاها هديه ..
معالي : أيــــــــــــــــــــش بسرعه
ميعاد: ارضه اللي جته منحه تخيلي
مها: وهي تحس بدوار في راسها تمنت انها ماحضرت الليله توقعت انها راح تنخطب
على طول بعد طلاقها ولحد ذحين محد خطبها اختها معالي انخطبت وهي كل اللي يخطبها
ويعرف انها مطلقه ويعرف السبب يرفضها بس ابوها وعدها يتصرف ...
عند الرجال بعد العشاء /
سلطان وهو يتمنى ياخذ فاطمة ويرجعون البيت خرج من المجلس وهو يتصل
عليها هلا ياعيون سلطان اشتقت لك
على الطرف الآخر: هلا فيك سلطان اخبارك بشر عن رجولك عسى ماتوجعك
سلطان : لا الحمد لله فطوم ليش الهديه ذي مكلفه على نفسك مره ..هي بهمس لاعادي
تستاهل اكثر والله ولاعاد اسمعك تناقش الموضع ذا وانا قاصده ابوي هو يعطيك علشان
ماتسوي لي سالفه ..سلطان هو يتنهد وجودك في حياتي اكبر هديه والله يافطوم ماادري
كيف اجازيك
عبدالرحمن اللي كان في الحمام سمع كلام سلطان زفر بضيق هو يبغى ينسى فاطمة خلاص
مستحيل تكون له فتح الباب بقوة وهو يخرج علشان سلطان ينتبه له ويسكت مايحق له يسمع
كلامهم ..
سلطان : طيب انتظرك ترجعي معي ..فاطمة بهمس مااقدر سطان خلود مره تعبانه وبساعد
اهلي ..سلطان بضيق طيب انتبهي لنفسك ترى انت حامل ..فاطمة طيب الله يحفظك بقفل
ذحين جدتي موجوده وتحب تنقد يله مع السلامه ..
منال : وهي تبغى تطلع فوق علشان تاخذ شي لخلود وفرصة الكل في المقلط يتعشون طلعت
ودوبها في وسط الدرج تبغى تكمل موقادرة تحس بصداع ورجفه بكل جسمها رجولها ترجف
رجعت تنزل بس بنفسها شي تسويه تشجعت ورجعت تكمل طريقها لين وصلت فوق وهدوء
يعم المكان ماغير صوت القرآن تسمعه وصلت وهي تشوف الشغاله في المطبخ المفتوح على
الصالة ماحست فيها رجعت تناظر الصالة الكبيره بكنب كلاسيسكي بلونه البيج متداخل معه البني
والعودي والذهبي وتحف في الزوايا شاشة بلازما كبيره في الجدار صوت القرآن منها بس صوت
خفيف مونفس صوت القرآن اللي جاي من احد الغرف محتاره وين غرفة خلود كذا باب موجود
راحت عند اول غرفه شافتها وهي خايفه فتحتها كانت غرفة اطفال حتى الجدران كلها رسومات
ورد وفراشات ونجوم سريرين صغيرة في الوسط والعاب منتشره في الغرفة درة مياة بنفس الغرفة
اكيد غرفة مشاري وتولين ..خرجت وهي تشوف باب ثاني حاولت تفتحه بس مقفول
رجعت تمشي ناحية الغرفة اللي بعدها كانت مفتوحه وكبيره مره شكلها غرفة البنات
رجعت للغرفة اللي بعدها فتحتها وكانت حوسه من شكلها عرفت انها غرفة خالد
التفتت لورا وهي تشوف الشغالة تناظر فيها بس ماتكلمت ورجعت تمشي لين وصلت
لباب شبه مفتوح صوت القرآن جاء منه حست بنبضات قلبها تزيد تبغي تبكي صوت
القرآن يخنقها رجعت تدخل مع الباب قدامها غرفة شبه مفتوحه دخلت غرفه كبيرة بلونها
الموف والوردي بدرجاته سريري كبير توسط الغرفة انبهرت من جمال ديكور الغرفة
زينه وهي تراقب منال من وقت ماخرجت من المقلط شافتها وهي تفتح الغرف ورا بعض
وقفت وهي تشوف منال واقفه تناظر في الغرفة قالت منال خير ايش عندك هنا
منال وهي تحس ان قلبها طاح في رجولها من الخوف قالت آآ كنت ابغى هذا شسمه
ذا ..زينه وهي تقرب منا تبين ايش يامنال قولي ..منال كنت ابغى مرايه علشان اضبط
الكحل..زينة وهي تشوف الآرتباك على وجها تبين مرايه ها وماحصلتي ولا مرايه في كل
الغرف اللي فتحتيها إلآ هنا في غرفة خلود وهي تقرب منها منال ايش عندك هنا يامنال
منال بربكه مرايه بس ..زينه بنبرة مختلفه منال عيب اللي تسوينه ترى عيب انك تفتحين
غرف النوم والله عيب تحت المرايا وش كثرها رغم اني مو مصدقه انك تبين مرايه لكن
انزلي تحت ولاعاد اشوفك تجين هنا سامعه ..خرجت منال وزينه وراها بعد ماقفلت
غرفة خلود وباقي الغرف ونزلت ..
بعد العزيمة في بيت ابوسلطان /
سلطان وهو يحس بضيق فاطمة مو عنده خلاص تعود على وجودها جنبه كان يكلمها
بس اعتذرت منه تقول مشغوله لماتخلص هي بتتصل..وزاد الضيق وجود عمه وعياله
خاصة مها اللي اكثر من مره تخرج عنده وتسوي نفسها ماشافته ..
سعيد وضغطه مرتفع خاصة لما اخوه اعطى زوجة سلطان ارضه اللي قيمتها كبيره
مها الحمارة اللي ضيعت الفرصة من يدها لكن باقي اخوه يملك اكثر من ارض قال
ياعلي فرحتنا في سلطان كبيره الحمدلله على سلامته واحس انه باقي شايل في خاطره
علي خاصة من بعد طلاق مها وقبل يرد سلطان وابوه ..قال سعيد ومها تراها جته هديه
بمناسبة قومته سالم لا ابغى فيها لامهر ولا شي بنت عمه من لحمه ودمه وهو يحبها وهي تحبه..
سلطان المصدوم يناظر في ابوه ..
يوم الخميـــس /
عبدالرحمن راجع من صلاة الظهر مهموم يتمنى ينسى فاطمة وهو يحاول كل ماتجي على
باله يقوم يصلي ركعتين ويستغفر مايجوز له يفكر فيها وهي على ذمة رجال دخل البيت
وهو يسمع ابوه يكلم في الجوال وكان الجوال على مكبر الصوت سمع صوت عمته صفيه
تقول : والله ياحسن ولدي تعبان وقلبي يتقطع عليه منال كلمت وحده تعرفها قالت بتسوي
لخلود هداية تجينا لين البيت وطلبت منا اول شي 30 الف وبعت ذهبي ولها شهرين تقول
ماقدرت اسوي شي ضروري اثر من خلود ولا حصلنا شي لها والبارح كلمتها قالت اعطيني
20الف زيادة وخلال يومين زوجة ولدك عنده وانا مامعي 20الف بغيتك تعطيني سلف واردها
لك بعدين ..
حسن: الله واكبر عليها الحرمه ذي ليش 50الف غاليه مره انا اعرف سوداني يسوي
هداية وكل شي ب خمس الاف وبنفس الوقت
عبد الرحمن مصدوم نزل كلام عمته وابوه عليه مثل الصاعقه لا مستحيل يوصل الخبث
في عمته وبنتها لدرجة انهم يسحرون خلود وابوه يبغى يزوجه منال الساحره اخرج
جواله واتصل على احمد مايرد اكثر من مره وعمه محمد مستحيل يقول له رجع يتصل
على زوج عمته صفيه وهو يدعي انه يرد انفتح الخط وهو يرحب فيه ..قال مستعجل
عم ابراهيم انت وينك ابغاك ضروري ذحين ..ابراهيم انا عند جدتك خير ايش صار
عبدالرحمن قفل وهو يخرج لبيت جدته شاف الباب مفتوح دخل وهو يشوف عمه ابراهيم
معه زوجته الفلبينيه من دخل قال له عمه خير عبدالرحمن ايش صار
عبدالرحمن : عم ابراهيم الحق عمتي صفية ومنال بيسحرون خلود زوجة احمد
ابراهيم : وقف مصدوم وطاح جواله من يده ايش مين قال لك
عبدالرحمن : انا سمعتها ذحين تكلم ابوي تبغى سلف 20 لآن الساحره طلبتها
الجده فاطمة: لااله إلآ الله وهي تحط يدها على راسها حسبي الله على صفيه
وبنتها وحسن يبغون البنت تنجن حسبي الله عليهم
ابراهيم : وهو يدنق ياخذ جواله من الآرض خاله فديتك لاتزعلين ان سويت شي في
بنتك والله ماعاد اسكت لها قبل كنت صابر علشانك انت وخالي عبدالرحمن اللي تكفل فينا
من بعد موت ابوي
الجده فاطمة : الله يسامحك خذني معك عندها سودالله وجها مثل ماهي بيتقهر اخوها في بنته..
عنــــد صفية /
جالسة هي ومنال دخل ابراهيم وهو ينادي صفية صفية
صفية : وهي جالسة خير ايش جابك عندي مو متزوج وفي شهر عسل ايش تبغى
ابراهيم : وهو يقترب عندها وهي وقفت لماشافت زوجته وآمها انت ماتخافين الله تسحرين
بنت الناس وهو يهز يدها بقوة
صفية : بصدمة ماسحرتها ولا شي اتصلت على حرمه تعالج تحط لها هداية بس
ابراهيم : وهو يعطيها كف على وجها ياشيخه انت ماتخافين من الله هذا سحر عطف
ياغبيه تبغين البنت تنجن وتجيك لين هنا ..
احمد: وهو يدخل ويشوف آمه يدها على وجها وابوه باقي يهز يدها خير ليش تضربها
ابراهيم : وهو يناظر في ولده شوف امك سحرة خلود هي ومنال امك تبغى خلود تجيك
لين البيت ..
احمد: بصدمة وهو يناظر في ابوه وآمه ايش مو مستوعب سحر
الجده فاطمة : وهي تمشي عند صفية تفو على وجهك لعنة الله عليك ياصفية
مافي قلبك خوف من الله تسحرين بنت اخوك تخلينها مجنونه حسبي الله عليك
احمد: وهو يمسك يد آمه يمه صدق الكلام ذا وهو يهز يدها يمه رحتي عند ساحره
مره ثانية يمه حرام خلود حامل تكلمي مين الساحره ذي علشان تبطل السحر بسرعه
قبل خلود تموت ..
صفية: مو سحر والله هدايه بس هدايه علشان تحبك وترجع لك ..
ابراهيم: وهو يهز يدها ياوسخه ذا سحر عطف والله انه سحر تكلمي مين الحرمه ذي
صفية: مااعرفها منال تعرفها ..
احمد : وهو يفك يد امه ومسك منال ياحماره تسحرين خلود ها ويعطيها كف من قوته طاحت
على الآرض ويرجع يمسكها بشعرها تكلمي مين الحرمه ذي وهو يشد شعرها وهي تقول وحده
تكرونيه في جده كلمتها بالجوال .احمد وهو يرفسها على بطنها بقوة ياوسخه في جده انت ماتخافين
من الله ويرجع يمسك شعرها ويضرب راسها باالجدار..
صفية : وهي تشوف بنتها كيف تنضرب احمد اختك حرام عليك تبغى تروح تمسك احمد
ابراهيم وهو يمسكها ويدفها خليه يذبحها تستاهل تربيتك ذي ...
احمد: بتعب وهو يشوف منال تنصرع جلس بعيد عنها وهو يشد شعره ابوي ايش
اسوي ذحين خلود بتموت والله
ابراهيم : ياخاله ترى صفية مطلقه ماعاد ابغاها ماكنت صابر عليها إلا علشانك
انت سمعتي ياصفية انت طالق طالق طالق والشغاله بكره اسفرها وجهك مو وجه احترام
والدور الآول يكون لك انت وبناتك والثاني والثالث لااشوفك تقربين منه بيكون لترايسي زوجتي
صفية : بغضب فكه منك بروح بيت ابوي..
الجده فاطمة: انقلعي بيتي يتعذرك لااشوفك تجيني مره وان قبض ربي روحي لاتجلسين على عزاي
ياآم الآسحار
ابراهيم : وهو وياخذ جوال منال من الشاحن ويفتح السجل ويشوف المكالمات ويحصل
آخر مكالمه مسجله بآسم حواء التكرونيه نقل الرقم لجواله ورفع جوال منال وهو يرميه في
الجدار وهو ينادي زهرا حليمه بسرعه كل وحده تجيب جوالها ويروح وفصل تلفون البيت
وياخذ الجهاز وهو يقول صفية وين جوالك بسرعه
صفية : بغضب ايش دخلك في جوالي ايش تبغى فيه
ابراهيم : جيبي الجوال ياآم الآسحار والله ما عاد اطمن اجلس معك مره وهو ياخذ الجوال
ويقول ترايسي تعالي معي وخرج ..
احمد : وهو يلحق ابوه ابوي ايش اسوي والله احس اني ضايع
ابراهيم : بدل ملابسك وتعال اهم شي خالك محمد لايدري انا بتصرف حسبي
الله على آمك ..
الجده : ابراهيم انت واحمد لااحد يعلم ابوخالد بسواد وجه اخته اخاف على
ولدي تجيه جلطه من اخته حسبي الله عليها ..
يوم الجمعة /
في المستشفى صالحة وهي تبكي محمد خلود بتموت والله انا حاسه والله
ابو خالد: تعوذي من الشيطان ياصالحة لآ إن شاء الله انت سمعتي الدكتورة تقول
باقي الطلق عندها مو قوي بتنتظر لين المغرب قبل تعطيها طلق صناعي خرج وهو
يشوف زوج اخته ابراهيم وامه سلم عليهم ..ابراهيم هابشر كيف خلود يامحمد
ابوخالد: والله على وضعها من وقت مااتصلت عليك الصباح ..
ابراهيم : طيب اقدر اشوفها ..ابوخالد اكيد حياك الله بشوف لك طريق
دخل ابوخالد الجناح المخصص لخلود وهو يسمعها تتآلم وصالحة تبكي قال ام خالد تعالي الغرفه
الثانية ابواحمد بيغى يسلم على خلود ...
دخل ابواحمد ومعه الجده فاطمة ودخل يشوف خلود سادحه على ظهرها ومغذي موصل في
يدها وجها مسود من التعب سلامات الله ييسر لك يارب وهو يبوس راسها ارتاحي والله ماتقومي
الجده: بخوف على خلود بسم الله عليش باالرحمن الرحيم بسم الله عليش وهي تحط يدها على راسها
حسبش الله ونعم الوكيل على من يبغى بش ضر وسوء استودعتش الله استودعتش الله يابنتي الله يحفظش
خلود:وهي تبكي موقادره حتى تتكلم تحس بمغص قوي وآلم في ظهرها جدها بموت من ظهري والله
الجده لاتخافي فديتش شوي بس وتولدي وتنسي الضيم والله وهي ترجع تجلس على الكرسي
ابراهيم : وهو يمسك يدها لاتخافي إن شاء الله ربي معك كلنا ندعي لك والله
خلود: وهي تعض على شفايفها عم شوف شنطه عندك اعطني منها ورقة في الجيب الخلفي
ابراهيم : وهو ياخذ الشنطه ويخرج ورقه منها..خلود بصوت مخفض عم الورقة ذي فيها
وصيتي آمانه في رقبتك ماتفتحها إلآ بعد مااولد سواء انا حيه او ميته وتنفذ الوصية ياعم
ابرهيم : بتآثر وهو يمسك يد خلود اص خلاص اسكتي إن شاء الله تقومي لنا سالمه وابشري
من عيوني وخرج ..
في الديره عند احمد /
مرهق ماقدر ينام من بعد ماعرف بسالفة امه مقهور ولابيده شي كلم الهيئه وقالوا مانقدر
نسوي شي من هنا سافر جده وبلغ الهيئه هناك وهم يتصرفون مالقي حجز على جده مره
وسيارته في الورشه بيصلحها ويمشي بكره الفجر ..
سمع جوال وهو يدق وكانت بسمه مارد مو فاضيه لها طفشان كان بياخذ سيارة ابوه
ويسافر بس ابوه من الصباح مو موجود حتى ترايسي مو موجوده ويتصل عليه مايرد
تنهد وهو يسمع صوت الباب يدق راح يفتح وهو يشوف بسمه رجع الغرفة وبسمه وراه
احمد صدق خلود بتولد ..احمد وهو يحس قلبه انقبض رجع يلف لها من قال لك
بسمه خواتها مرسلين على القروب ادعوا لخلود من الفجر في المستشفى ولادتها
متعسره واتصلت على خالي وقال انه عندها من الظهر ..احمد ايش وانا اخر واحد
يدري طلع غرفته ويغير ملابسه واخذ جوال يتصل ماله إلآ عبدالرحمن ياخذ سيارته
في المستشفى بعد صلاة العشاء /
قدام باب غرفة الولاده صالحة تبكي وابوخالد واقف معها يصبرها وهو ينفسه
بيموت من الخوف على خلود..فاطمة وزوجها ..والجده وابو احمد..عبدالله وآمه
وناصر الكل ينتظر على اعصابه ساعتين ومحد خرج يطمنهم ..صالحة وهي تبكي
محمد روح شوف ليش تآخروا لايكون خلود ماتت والله قلبي مقبوض ..
الجده : بغضب ياصالحة تعوذي من الشيطان من بعض الكلام ادعي لها او اسكتي ..
خرجت لهم الدكتورة وهي تقول زوجها وين ..الكل راح عندها ابوخالد خير يادكتورة
هي زوجها ضروري يوقع على العمليه حالتها خطيرة ..ابوخالد موانت قلتي الولاده طبيعي
ماتحتاج عملية ::الدكتورة بربكه ايوه انا قلت كذا الطفل الآول طلع طبيعي والثاني خرج برجوله
بس ارتفع عندها الضغط وباقي الثالث في بطنها وانا خايفه يصير فيها شي خاصة ان نبض القلب
عندها بداء يضعف ..ابوخالد بصدمة ايش عندها ثلاث توأم ..الدكتورة أي احد يوقع ذحين بسرعه
ويقص الفاتورة من تحت ..ابوخالد وهو يوقع .صالحة ايش خلود حامل بتوأم ثلاث ولا ادري خلود
تخبي عني وهي تبكي ..فاطمة يمه ايوه خلود عندها تؤآم ثلاث وهي ماقالت لك خايفه عليك تتعبي
انا بس اللي اعرف ..صالحة بغضب وعصبية تعطي فاطمة كف على وجها حتى انت معها متفقين
علي يابناتي ها ..سلطان وهو يروح عند فاطمة ويمسكها ليش آم خالد تضربيها الله يسامحك بس ..
احمد وهو يدخل عندهم ومعه عبدالرحمن وهو يشوف خاله محمد متلطم باالشماغ وحاط يده على
وجهه ..وصالحة جالس في الآرض تبكي وعندها حرمه تحاول تسكتها وهي تقول والله انها بتموت
خلود كنت شاكه انها حامل في توآم وكل ما اسآلها تقول عندي زلال حمل والله انها بتموت ذبحوها
ولدت بواحد طبيعي والثاني خرج برجوله اكيد انها ماتت والثالث بعمليه وعندها الضغط حسبي الله ونعم الوكيل
على من كان السبب ماقد شافت يوم حلو بحياتها من تزوجت يارب عوضني في خلود بخير ..
احمد وهو يناظر في ابوه اللي يمسح دموعه اول مره يشوف ابوه يبكي ابوي خير ايش صار لخلود
ابوه: زوجتك حامل بثلاث توأم وتعسرت ولادتها وذحين في غرفة العمليات..
احمد :هو يضحك من الفرحة مو مصدق ثلاث توأم وبنفس الوقت خايف على خلود ..
انتهى
|
25-05-13, 10:05 PM
جديد مواضيع قسم القصص المكتمله من وحي قلم الاعضاء
العرض العادي
