كاتب الموضوع :
نبضي آبها
المنتدى :
القصص المكتمله من وحي قلم الاعضاء
رد: جنوبي وعشق مهرة من مهرة جنوبية
البارت السابـــــــــــع عشـــر
فاطمــة /
لي شهرين من تزوجت ومرتاحة الحمدلله خاصة مع اهل سلطان مقسمة وقتي مابين الدوام
وشغل البيت ولا مضيق صدري إلآ تهاون سلطان في الصلاة وبعض الآحيان مايصلي رغم
ان ابوه امام مسجد وحافظ القرآن كلمته كذا مره وزعل وقال وش دخلك ..الشهر الماضي ماجتني
الدورة وفرحة مره كنت اتمنى اني حامل خاصة ان علاقتي بسلطان الآيام ذي متذبذه شوي اول شهر
من الزواج علاقتنا كانت ممتازة كاعلاقة أي زوجين بس الآيام ذي بداء معه آلم فضيع في الظهر
وصار عصبي مره علي ووقت النوم يتهرب احيانآ ينام في المجلس او يروح عند وليد لين الفجر
وبعض الآيام يكون طبيعي ويجلس معي كل الوقت حتى لما اروح عند اهلي كل شوي يتصل علشان
ارجع يقول اشتقت لك محتارة معه ...اخذت تقاريره الطبية بدون مايعرف وعرضتها على استشاري
عندنا في المستشفى وقال عنده ضربه على النخاع الشوكي ويحتاج عملية بس نسبة نجاحها ضعيف
20% واي خطاء راح يصاب بشلل كامل.وسمعت ان فريق طبي من خارج المملكة راح يزور
المستشفى العسكري واعطيت ابوي تقاريره وقالوا نفس الكلام تحطمت مره وقالوا المفروض
مايبذل أي مجهود خاصة العلاقة الزوجية راح يتآثر مع مرور الوقت .واتصلت على مستشفى
في المانيا اخذت رقمه من النت وارسلت لهم تقاريره قالوا يحتاج عملية ونسبة نجاحها 88%
مع تطور الطب هنا فرحت مره لكن العملية راح تكلف مبلغ كبير وكلمت عمي وعمتي وفرحوا
مره وقلت انا عندي رصيد في البنك وعندي عماره راح ابيعها وابوه قال ببيع ارض معي وابوي
قال انا راح اسافر معك وكانت المشكلة الكبيرة هو كيف افاتح سلطان في الموضوع خاصة انه
رافض حتى الكلام عن الحادث وكيف صار توكلت على الله وقلت له وصار اللي كنت خايفة
منه عصب وثار وهاوش وقال وش دخلك مني انت رضيتي فيني وانا كذا وإذا ماعجبك روحي
بيت اهلك وثار اكثر لما عرف ان ابوه راح يبيع ارض وانا بعطيه من فلوسي وله حدود اسبوع
مايكلمني ..
سلطان / وهو يشوفها في المطبخ تجهز الغدا من تزوجها وهي مو مقصره معه خلال الشهرين
ذي تعود على وجودها في حياته لدرجة صار يفقدها وقت الدوام او إذا راحت عند اهلها ملاحظ
ان جمالها زاد صارت فتنه يتمنى يكون يقربها كل الوقت بس الآيام ذي صار يتضايق من وجودها
يمكن علشانها تبالغ في الآهتمام فيه سمع صوتها وهي تقول سلطان بغيت شي ...قال ابوك في المجلس
وخرج وهو يسمعها تقول بفرحة جد ابوي هنا فديته ومارد عليها بداء يتعلق فيها و يحبها غصبآ عنه..
في المجلس/ ابوخالد بطيبة قلبه وبتواضعه المعروف وهو يشوف فاطمة تدخل وقف وهو يمشي لها
هلا هلا في حبيبة ابوها هلا في آمي الغالية وهو يحضنها ويبوس راسها وهي تتمسك فيه ..
سلطان وهو يشوف عمه كيف محتفي في فاطمة وهو حاضنها بكل حنان وحب وهو يجلس
فاطمة جنبه وهو حاضنها ويده الثانية يمسح على شعرها علاقته في عياله علاقه عجيبة مثل
ماقالت لي فاطمة وعلى كثر اشغاله إلآ انه يتصل عليها يوميآ الصباح وقبل ينام ..
يشوف عمه يضحك ويمسح دموع فاطمة بيده ..وابوه يقول انا ابو سلطان عسى فاطمة شكت
عليك من سلطان اشوفها تبكي ..ابو خالد وهو يضحك لاوالله جعلك سالم ..فاطمة وهي تمسح دموعها
حتى انت ابوي لو زعلتي سلطان رح اشكي عليك بس بكيت من الفرحة علشان ابوي قال بيغدا عندنا
ابو سلطان ياهلا فيه ويامرحب ليت ان عندي خبر من بدري كان نقوم بواجبك ..ابوخالد جعلك تسلم
وخيركم سابق انا كل جمعه اتغدا عند بنتي خلود وقلت الجمعه ذي اتغدا عند فطوم لها حق علي ومقصر
معها ووالله مايكتب لي إلآ غدا من غداكم وهي طابخه مقلوبة عز الطلب والله اني مشتاق لطبخها
بعد صلاة العصر وهي في المطبخ وهي تكمل شغلها دخل سلطان بعصبيه وصراخ فاطمة ليش طلبتي
ابوك سواق وسيارة وانت عارفه اني رافض الفكرة نهائيآ وإلآ علشان تمشي كلامك علي رحتي تطلبي
ابوك ليييييييش ..فاطمة ..سلطان لو سمحت تكلم علي بشويش ليش الصراخ ذا تعوذ من الشيطان ووالله
العظيم اني ماطلبت ابوي لاسواق ولا سيارة ونسيت الموضوع من وقت ماقلت لي لا وحتى انا تفاجئت
لما ابوي قال السواق برا ..سلطان وهو يحرك الكرسي لين وصل عندها وهو يمسك يدها ويهزها ذحين
تتصلين على ابوك ياخذ سواق والسيارة مالي حاجه عليها وإذا انت تبين سيارة وسواق روحي بيت اهلك
فاطمة بنفاذ صبر والله ما اتصل على ابوي وهو حلف ليش انت تبي المشاكل كانت تكلمت وهو موجود وقلت
ماابي السيارة ولا السواق ..سلطان وبكل قوته يسحب يدها لين وصلت عنده وهو يعطيها كف فاطمة إذا قلت
لك كلمة لآاعيدها تفهمي وبنفس الوقت الكرسي ينلف وصوت كف ثاني على وجهه ابوه سلطان تضرب
زوجتك ياعديم المرجله تتقوى عليها تف عليك ومايضرب الحرمه إلآ الضعيف من الرجال..سلطان وهو
مصدوم اول مره في حياته ابوه يضربه والمشكلة قدام زوجته ..فاطمة ياعم خلاص انا الغلطانه والله ياعم
ابوسلطان لاوالله الغلط منه هو انا سمعت كل شي وابوك كثر الله خيره ووالله ياالسواق مايخرج من هنا وانا
حي وعطيت ابو خالد ماتنرد وانت يله قدمي خذي اغراضك واوصلك بيت اهلك مالك قعده عند الخسيس
ذا.ام سلطان وهي تمسك زوجها دخيلك خلها تتفاهم هي وزوجها..ابو سلطان .لاباالله ماتجلس والخسيس
ولدك ضربها هو يحسب انها وافقت عليه انها بايره او اهلها مرخصينها مايدري ان ولد عمها يبغاها لين
اليوم وهو احسن وارجل من ولدك ..سلطان وهو ندمان يناظر في وجه فاطمة وهي حاطه يدها مكان
الكف ندمان انه ضربها بس صار ماعاد يتحكم في نفس مايرتاح لين يهاوشها بسبب او بدون رجع يناظر
في آبوه ابوي وقبل مايكمل ..ابوه انقلع مااني ابوك تضرب مرتك ياسلطان ها من الآسبوع الماضي وانا
ناقد عليك تهوشها قدمنا مااحترمتنا ولااحترمتها تهاوشها علشانها تبي تعالجك ومن فلوسها تبي مصلحتك
زوجتك سترك وغطاك ياسلطان ضحت بكل شي علشانك ولا اثمر فيك المعروف ياالخسيس احمد ربك انها
صابره عليك ..سلطان طيب خلاص بتفاهم انا وزوجتي ..ابوه بعصبيه وهو يناظر في فاطمة ملك زوجة عندي
اوصلها عند ابوها واقول خذ بنتك ترى ولدي مايستاهلها وخرج وهو يقول فاطمة تجهزي ذحين بجي ..
فاطمة/ وهي تعبانه نفسيآ ومصدومه ماتوقعت سلطان يضربها وعلى شي مايستاهل اصلآ الضرب في عائلتهم
شي كبير ابوي ماعمره ضرب آمي خرجت غرفتها وهي محتاره اخذت لها ملابس ودخلت الحمام تحس
بحراره بكل جسمها خرجت وهي تنشف شعرها وسلطان يراقبها وهي واقفه قدام التسريحه وهي تشوف مكان
الكف اول مره احد يضربها ماتدري كيف تتصرف..
سلطان / وهو يقرب منها ومعه ثلج في صحن اسف فطوم والله ماادري كيف ضربتك بس انا من زمان
حالف على ابوي مايدخل السواق بيتنا رغم اننا كنا نحتاجه وصعب ذحين اخليه وهو يقرب منها ويقول
اجلسي علشان احط لك ثلج فاطمة وهي تجلس على حافة السرير وهو يحط ثلج مكان الضربه وهي تناظر
في وجهه مكان اصابع عمها واضحها في خده صح عمها كبير في السن بس ماشاء باقي بصحته ..ساكته
وهي تناظر وجه سلطان وهو قريب منها مره وجه جميل مره ابيض مشرب بحمره عيونه الواسعه خشمه
الطويل حواجبه كآنها مرسومه رسم عنقه الطويل تحبه بجنون تتمنى تقدم حياتها وتشوفه وهو يمشي على
رجوله ..اترجفت وهي تحس بشفايفه على خدها مكان الضربه غمضة عيونها وهي تستنشق عطره هي ماتبي
تروح عند اهلها وبنفس الوقت ضروري تعاقبه سمعت صوتها عمتها من عند الباب تناديها
وقفت وهي تقول تفضلي ياعمه ادخلي ..عمتها لاوالله ماادخل مايجوز لي لكن تعالي هنا ..ضحكت على عمتها
مره عسل مستحيل تدخل غرفتها تقول مايجوز لي ..وهي تشوف وجه عمتها المتغير هلا عمه ..
آم سلطان وهي تمسك يدها بروحي عن ذا اوجه يافاطمة ليت الضربه في وجهي عنك الله يصلح سلطان
فاطمة سلامتك ياعمه عادي ماصار شي ...هي طيب طلبتك يافاطمة ماتروحي عند اهلك والله كآنها عيني
يتخرج وربي شاهد اقعدي في بيتك وازعلي عليه هنا والله انه يحبك وإذا رحتي عندها يغدي كآنه خبل ومايرتاح
لين تجين طلبتك ..فاطمة .طيب ابشري من عيوني ورجعت الغرفة وهو باقي مكانه لماشافها قال فطوم قولي أي
شي لاتسكتي كذا ..فاطمة سلطان ضربك لي شي كبير و لو ماعمتي كان رحت عند اهلي بس هي طلبتني
وبجلس بس عندي شروط ...سلطان وهو يآشر على عيونه ابشري ..فاطمة سلطان الصلاة ياسلطان تصلي كل
الفروض في المسجد وتروح مركز التآهيل الشامل وتسوي تمارين علشان ظهرك ..سلطان طيب يصير خير
..اهم شي انت ماتروحي عند اهلك ...
بسمة/
جاء ابوي وقال لي خطبك مني واحد وانا واقفت وهو في المجلس تعالي شوفيه انا مو مستوعبه كلام
ابوي زوج ونظره كلها بنفس الوقت اخاف يكون حلم مثل كل مره احلم اني اتزوج والبس فستان وكل
شي بس بدون عريس واقوم من النوم ابكي صار عندي عقده ابي اتزوج بس من كلام آمي وجدتي
كل يوم آمي تعيد لي نفس الكلام ماتزوجتي ولا توظفتي وشوفي بنات فلانه تزوجوا كآن الآمر بيدي
وآمي لما سمعت ابوي بغت تموت من الفرحه قالت قول له مواقفه خلاص بدون نظره ولا شي اهم
شي الذهب والمهر رحت مع ابوي اشوف فارس احلامي دخلت المجلس وكان اخوي يوسف معه
ومن شافني وهو يضحك ويحرك حواجبه دخلت وانا اسلم واشوف رجل سمين مره ماراح ينفع معه
لا رجيم ولا رياضة ذا يبي له قص الآمعاء الدقيقة والغليظة سلمت عليه وهو يمسك يدي بقوة واجلس
وانا اناظر فيه يمكن انه فوق 50 سنه اسمر محني لحيته وثوبه سابقآ هو ابيض بس تحول اصفر والثوب
شكله قصير لآن كرعانه قد خرجت فيها حفله من الآكزيميا والتراب ايش الفارس ذا شكله جاء على رجوله
مو على فرس سمعت صوت ابوي وهو يقول ياابو نايف هذي بسومة ياسلام اول مره ابوي يدلعني .رد وهو
يضحك ماشاء الله تبارك يابسومتي والله انه خطير من البداية بسومتي ياشين الشيبان إذا جتهم المراهقه
متآخره يجيبون العيد قال انا عيسى متزوج وعندي 3 بنات متزوجين يمكن انهم في عمرش
ابو اكبر شوي وولدين واحد مات له سنه والثاني يدرس 2ث وزوجتي تعبانه من بعد مامات ولدها تبكي
ليل نهار وانا رجال ابغى لي مره تقوم بحقوقي وابغى لي عيال صغار اتونس بهم وابشري بهب لش بيت
وحدش وشغاله والمهر لش الى مئة الف وذهب اللي انت تبغينه انا حاضر عندي حلال ومعارض الحمدلله
ابوي بفرحة حياك الله وبسمة موافقه حدد موعد الملكة ونسوي التحاليل والزواج على طول ..رد هو الملكه
تحددها بسومتي وهو يضحك بشكل مقزز ياحظي المكسور كلها من دعاوي جدتي علي الله يكسر
حظك لين جاء ذا المصيبه ليت قطار الزواج فاتني ولم يدهسني الدهس ذا ابوي ماعطاني فرصة
اتكلم ..
خلود/
الحمد لله حياتي مستقره مع احمد رغم انه باقي يغار بس خلاص تعود عليه صرت اتجنب
أي شي يثير غيرته علشان اتجنب المشاكل معه خاصة اني اعرف انه يحبني بجنون لدرجة
من حملت مايخليني اشتغل في البيت هو يغسل ويكنس حتى ملابسي هو يغسلها ويكويها لي برا
بس يغار بجنون انا احب اتابع قناة بداية وهو يعصب يقول كلها رجال وراح وحذفها وإذا رحت
السوق نفس الشي بتحمله دامه طبعه خاصة اني سويت اشعة وقالت لي داخله الشهر الثالث وعندي
توأم علشان كذا احس بثقل غير طبيعي وبطني بارز شوي خايفه مره ولا قلت للآحد إلآ لفطوم بس
حتى احمد.. اليوم في المدرسة المعلمات يسولفون عن ازواجهم ووحده قالت ان زوجها كان يحبها
بجنون وفي يوم طلبها شي ورفضت وراح السوق وصار عليه حادث ومات تقول ندمانه مره اتمنى
انه يرجع واعطيه كل شي انا قلبي عورني مره خاصة اني مقصره في حق احمد من الناحية ذي
بس غصب عني الحمل مره متعبني والدوام ..ووحده من المعلمات تشكي من زوجها تقول ياخذ
راتبها كله لدرجة انها تعبانه ورافض يوديها المستشفى تتعالج حتى الملابس رافض انها تشتري
الحمد لله على النعمة اللي انا فيها احمد مستحيل يخليني اصرف من راتبي ولا ريال حتى فاتورة
جول وهو يسددها لي ..اليوم هو مستلم من البارح ولا رحت عند اهلي قلت بسوي له حفلة بسيطه
اعوضه عن الآيام اللي راحت بما ان وحامي خف وهو جته ترقية رسلت سعود في جوال وطقم
كبك وقاتوه عليه صورته وورد جوري كثير رتبت البيت وبخرته واتصلت عليه وقال راح يجي
بعد المغرب وجهزة عشاء خفيف وانا ضبط نفسي ولابست قميص نوم جرئ شوي سعود جاب لي
كل اللي طلبتها إلآ القاتوه قال بجيبه بس سيارتي تعطلت بشوف احد يوصلني
احمد/ تعبااااااااااااااااااان مستلم من البارح ماابي شي غير حمام ساخن انام وخلود في البيت اول مره
تجلس وحده باالعاده لما اكون مستلم تروح عند اهلها وصل عند البيت وهو يشوف سيارة ناصر واقفه
عند الباب ايش يجيب ناصر هنا حتى زوجته رفضت خلود تروح لها معقوله خلود تخونني معه لا
مستحيل الشيطان يلعب بي وانا اتذكر صديقي ياسر كنا في مداهمه مع الهيئة لشقة جانا بلاغ
ان فيها حفلة مختلطه ودعارة ودخلنا الشقة وكان من ضمن البنات زوجة ياسر مع طليقها
ياسر انصدم واخرج مسدسه وقتلها قدامنا نزلت وانا اشوف ناصر يخرج من الباب معه
ورده بيده ونفس الشي سعود وهو يضحك قلت خير ايش عندكم هنا انت وذا سعود وهو يناظر
فيني حلوه ذي ايش جابني هنا جيت عند عمتي وهو يركب السيارة وناصر ساكت يناظر فيني
دخلت البيت وافتح الباب الداخلي وكانت الصالة ظلام ماغير شموع واصوات شلالات مويه
وعصافير وريحة البخور ودخلت غرفة النوم وكانت الآضاءه خافته ماغير شموع في الآرض
دخلت وانا اشوفها جالسة على طرف السرير وهي لابسه قميص احمر شفاف قصير مايستر شي
من جسمها وهي كاشخه وقفت لماشافتني و تقول هلا احمد حبيبي لماشفت جسمها في القميص
تخيلت شكلها وناصر يشوفها خاصة ان جسمها صار ممتلئ مع الحمل مشيت لين عندها
وانا اصرخ وامسك يدها واقول ايش كان يسوي الخسيس ناصر هنا والديوث ولد اخوك
خلود مصدومه من احمد مو مستوعبه احمد ايش فيك ..احمد وهو يمسكها بقوة ويغرس
اصابعه في يدها ناصر ياخلود كان عندك صح تكلمي ..خلود لا يااحمد والله ماكان هنا قسم باالله
حتى مادخل ولا شفته ..احمد الآ كان هنا ياخلود شفته بعيني خارج من هنا علشان كذا اليوم مارحتي
عند اهلك ..خلود لالالالالالالالالالالالالالالا حرام عليك والله انك ظلمتني قسم باالله ..احمد وهو يشوف
صدرها جن جنونه وبدون مايحس اعطها كف وهو يشوف صورة ناصر مع خلود وهو يقول ايش
ذا اللي في صدرك مين اللي سوها لاتقولي انا لانك سبق وقلتي لاعاد اسوي وماعاد سويتها وهو
يسحبها عند المرايه ويمسك صدرها ايش ذا ياطاهره يامعلمة الاجيال ياحافظة لكتاب الله ..
خلود وهي تصرخ وتفك نفسها منه يامريض ذا عطر والله وانا عندي حساسيه وطبع والله ..
احمد وهو يمسكها كذابه انا موصغير وتلعبي علي ناصر نزل وهو فرحان بعدما ...وقبل
مايكمل حس بكف قوي على وجهه خلود اص لاتكمل انا اشرف منك يامريض يانجس
احمد جن جنوني حرمه تضربني وهو ناسي انها حامل ويمسك يدها وهو يلويها حتى لوصدقتك
ان ناصر الكلب مادخل خرجتي عن سعود الرخمه كذا.خلود لاوالله انا اخاف من ربي قبل خوفي
منك وهي ترمي علي روب طويل كنت لابسه ذا يامريض
خلود وهي تبكي وتمسك بطنها حسبي الله عليك يااحمد انت انسان مريض انا رسلت سعود
في اغراض لك وهي تمشي لين الطاولة وتسحب علبة الجوال وترميها شوف يامريض شريت لك
جوال وهدايا بمناسبة ترقيتك وهي ترمي اكواب العصير والقاتوه على الآرض يامريض يامتخلف
سعود بس اللي كان هنا والله وناصر كان في الحوش والله مادخل حتى وهي تبكي..
جلست على طرف السرير وانا اتعوذ باالله من الشيطان دوبي افهم حسبي الله عليك ياناصر
الله ياخذك وارتاح منك رجعت اناظر لها وهي تبكي وواقفه قدام دولاب الملابس وهي تبدل
قدامي اول مره بروب عادي وهي تمسك ظهرها وتبكي واخذت الجوال عرفت
انها راح تتصل على خالي قمت وانا اسحب الجوال من يدها خلود خلينا نتفاهم ..خلود بصراخ
اص ولاكلمه ماعاد بيننا تفاهم وهي تضربني على صدري رجع الجوال يامريض وهي تسحبه
احمد طيب بشويش انت حامل قالت بصراخ اص وش دخلك مو انا اخونك اكيد ان اللي في
بطني مو منك مالك دخل فيني..
قمت وانا احاول احضنها وهي تدفني ابعد عني ياخسيس وهي تتصل بس مارد ورجعت تتصل
وهي ترجف سمعتها تقول سعود وينك تعال لي ضروري وحدك سعود تعال فديتك ضروري
لامافيني شي تعال بسرعه ..قامت تاخذ عبايتها وانا لحقتها قلت خلود قالت اص لاتنطق اسمي
اكرهك يااحمد اكرهك قلت انا اسف رمتني باالجوال على صدري وهي تقول لا تنطق اسمي
ورقة طـــــــلاقي توصلني فاهم ..
انتهى
|
23-05-13, 04:12 AM
جديد مواضيع قسم القصص المكتمله من وحي قلم الاعضاء
العرض العادي
