كاتب الموضوع :
نبضي آبها
المنتدى :
القصص المكتمله من وحي قلم الاعضاء
رد: جنوبي وعشق مهرة من مهرة جنوبية
البارت الرابع عشــر
تعال اسكن وسط صدري وبدد وحشة الوجدان
واذا حسيت بالغربه تسلّى رتّب ضلوعي
تعال اسكن بصدرٍ ماتمتّع في دفاه انسان
سوى اللي من عرفت وحبهم بالقلب مشروعِي
هلا بك وسط صدري وانتبه للقلب والشريان
ماهو خوفٍ عليه الا غلاكم فيه مزروعِي
ياورد طايفي ياجوريٍ مايزرعه لبنان
ياهتّان الربيع المختلف بالكم والنوعِي
لفى طيفك ولج بمنزلك يالغالي التحنان
عسى طيفك بشوفك ياشفاة الروح متبوعِي
على وزن اليتيم اللي كتبته مامعاه اخوان
نويت اكتم مشاعر خاطرٍ بالحيل مليوعِي
علشان الوحيد اللي ذنوبه مالها غفران
ذكرته مانسيته لو ذنوبه فيني تروعِي
رقيق احساس والالماس منه يغار بالاثمان
كريمٍ في شعوره باتجاهي ماقطع جوعي
بخيلٍ بالوصل للي تجرع منة الحرمان
تقبلت الكرم بس البخل ماهو من طبوعي
قبل كانت مشاعر داخلية ضامها الكتمان
على صدفة تفجر في حشاي وتوقد شموعي
هلا ياوردة في خاطري ماضمها البستان
اسج احيان لكن لو ذكرتك ضاعت سنوعي
هلا ياللؤلؤ المكنون في المحار يالمرجان
هلا يا سر سجّاة الخيال وسبة فزوعي
تعال اسكن وسط صدري وبدد وحشة الوجدان
واذا حسيت بالغربه تسلّى رتّب ضلوعي
تعال اسكن بصدرٍ ماتمتّع في دفاه انسان
سوى اللي من عرفت وحبهم بالقلب مشروعِي
خلود/
احس اني مو طبيعية مره متضايقة وابكي ومره عادي والغثيان والترجيع مستمر معي
خاصة لما اصحى من النوم ومستغربه من حالي صايره عصبيه نار خاصه على احمد
ولساني طويل ماكنت كذا من قبل ذحين حتى لو يخرب فراش السرير سويت له سالفه
كنت مقرره اروح زعلانه بيت اهلي بس فكرة ليش اروح والبيت بيتي انا وبنفس الوقت
ما ابي احد يدخل بيني وبين احمد خاصه امي راح تاخذ موقف منه حتى لو تصالحت
معه احسن اعاقبه بطريقتي كل يوم اكشخ كآني بروح عرس واسبح نفسي باالعطر
رغم اني ارجع من ريحته بس كانوع من التعذيب للآحمد اكثر من مره حاول يراضيني
وانا اصده وجاب لي بوكيه ورد ورجعتها وبنفس الوقت مشتاقه انام بحضنه بس بمجرد
مااشم ريحته يجيني غثيان وقرف رغم انه يتحمم اكثر من مره ومشتهيه اعضه مره
بس صعبه وانا زعلانه منه شاكه اني حامل ونفس الوقت خايفه لآن احمد سبق وقال لي
انه مايبي عيال ذحين مره اعيش صراع نفسي عجيب خاصة لما شفت حلقة على قناة
بداية عن حقوق الزوج وسمعت حديث
(قال رسول الله صلى الله عليه وسلم (إذا دعا الرجل امرأته إلى فراشه فلم تأته فبات غضبان عليها ؛
لعنتها الملائكة حتى تصبح ))
وقال رسول الله صلى الله عليه وسلم (والذي نفسي بيده ما من رجل يدعو امرأته إلى فراشه فتأبى عليه إلا
كان الذي في السماء ساخطاً عليها حتى يرضى عنها))
وخوفني الحديث الثاني خاصة ان سخط الله اعظم من لعنه الله يغفر لي
يعني لي شهر وثلاث اسابيع وربي غضبان وساخط علي استاهل انا اللي
تزوجة كنت مرتاحه والله ..الله واكبر على الرجال كل الآحاديث في
صالحهم محتارة وبنفس الوقت مستحيل انا اروح اقول له يمه اتخيل
نفسي بس المشكله اكون طبيعيه لمايكون مداوم واشتاق له وإذا دخل
البيت تلبسني الف جني منه بس هو شخصية غريبه يشك مره ويغار حتى من آبوه جاء الآسبوع الماضي
علشان عنده دوره في آبها واحمد آخذ ايجازه من الدوام ولا يروح المسجد إلآ بعد مايروح ابوه مره اتعبني
بتصرفاته كل ذا حب
احمد/
وهو يبدل ملابسه علشان الدوام خلود على السرير بيدها جوالها وهو يناظر لها في المرايه قدامه
اشتااق له حيل بس هي تصده كان متوقع لماراحت عند اهلها ماعاد ترجع مره بس رجعت لكن
صارت تمارس عليه حرب صامته تكشخ كآنه عروس ولاتخلي عطر إلآ تحط منه وكل انواع الدلع
بس لما اجي اقرب منها تنفر مني نفور غير طبيعي وبعض الآحيان ترجع كل اللي ببطنها حاولت
اراضيها بس رافضه مره رغم انها ماتقصر من ناحية ملابسي جاهزه على طول وآكلي جاهز كل الآنواع
بس انا ماابغى ذا ابيها هي صراحة ماعاد عندي طاقه اتحمل اتمنى تروح عند اهلها بدال العذاب اللي انا
اعيشه بقربها وانا محروم منها صح انا غلطان بس غصب عني اغار عليها انتمى احطها بصندق واقفل
عليها تنهد وهو يشوفها تناظر فيه قال صح انا وسيم ياخلود
خلود وهي كانت سرحانه فيه وفي ملامحه شكله في ملابس الدوام مره رزه تتمنى تصوره قالت وهي ترجع
تناظر جوالها مشكلتك انك واثق من نفسك مره
رجع يلف عليها اكيد واثق من نفسي لو مواثق ماكنت سرحانه فيني طول الوقت وهو يضحك
خلود وهي تبي تغير السالفه احضر لك الفطور او تاخذه معك
احمد وهو ويجلس على طرف السرير ويلبس جزمات الدوام ايش فطورك اليوم
خلود موانت امس قلت تبي عريكة تمر سويتها اليوم
احمد وهو يبي يطول معها في الكلام عريكة لا انا قلت عصيده اتوقع
خلود ومزاجها يرجع ينقلب قامت وهي تقول بحضر لك العريكه وبكره اسوي لك عصيده ياالشايب
احمد وهو يشوفها تمر من عنده اعترض طريقها بيده ومسكها وهو يضحك انا شايب ياخلود بذمتك
الوسامه ذي كلها وتقولي شايب وهو يمسكها بيدينه ويبوس يدها ويقول فديت ذا اليدين اللي سوت العريكه
خلود وهي تقاوم الغثيان اللي رجع عليها بمجرد مامسك يدها وبنفس الوقت تبي الآمور بينهم ترجع طبيعيه
بدون ماتعتذر هي علشان ربي مايغضب عليها قالت احمد فك يدي بروح احضر لك الفطور بتتآخر والله
احمد وهو يناظر فيها مشتاق لها وهي قلبها قاسي متآكد انها ماتحبه علشان تصرفاته بس هو يحبها بجنون
اول مره ماتنفر منه وتكون هاديه باالعاده تثور عليه تنهد وهو يناظر في وجها الصافي والناعم الزمام اللي
معطي خشمها جمال عيونها اللي باقي محتفظه ببقايا كحل البارح شفايفها الجافه والمتقصف لابسه بيجاما
حرير ورديه بحمالات صدر وقف وهو يحاول يضمها لصدره هو يقول خلود لين متى الصد ذا ترى تعبت
والله ماعاد عندي صبر اعرف اني غلطان والله بس غصب عني الشي ذا
خلود وهي تحاول تضغط على نفسها وتتحمل بس موقادرة ريحته تخنقها وتحس خلاص بترجع تحاول تدفه
احمد بعد عني خلاص وهو يشد عليها في حضنه ماراح ابعد انا تعبت والله ابي حقوقي ياخلود تفهمي ابي حقوقي
ماعاد بسكت لك إذا مو برضاك غصب عنك
خلود وهي تسمع كلامه زاد معها الغثيان وهي تتذكر اول لقاء كيف صار حاولت تفك نفسها وهي تقول مالك حقوق عندي
يااحمد مره فكني وهي تحس بآنفاسه تحرق رقبتها
احمد وهو يحضنها بقوه إلآ لي حقوق وباخذها غصب عنك دافع فيك مهر ليش قولي علشان بس تطبخي وتغسلي اجيب
شغاله احسن
خلود جن جنونها من كلامه طلقني وارجع لك المهر دبل وفوقه هدية لحسن تعاملك معي واخلاقك العاليه
فكني لاتتقوى علي كذا يااحمد لاتحسبها رجوله فكني يااخي مو قاده اتحمل ريحتك فكني ماعندك كرامه انت
تاخذ شي غصب عني
احمد وهو يدفها على السرير ويثبتها طال لسانك ياخلود مره وبعرف كيف اقصه لك واعلمك كيف الرجوله
خلود وهي موقادرة تتحرك حيلها مهدود وهي تحس فيه يحرق رقبتها و وجها وشفايفها والقرف منه واصل
معها احمد قوم عني والله برجع يااحمد فكني
احمد وهو يشوفها وجها الآحمر ودموعها اللي تنزل غصب عنه يرحمها حتى لوعصب بس لمايشوف دموعها
يضعف فكها وهي على طول راحت الحمام وصوتها وهي ترجع واصل لعنده جلس على طرف السرير وهو يحط يده
على وجهه محتار معها موقادر يتصرف معها حط يده على فمه ويحس بطعم دم عرف انه من شفايفها هي السبب تخليه
يقسى عليها تنهد وهو يروح يشوفها متسنده على المغسله وهي ترجع محتار خايف يدخل وتثور وخايف يخليها ويصير لها
شي اخر شي قرر يروح يجيب لها مويه خرج من جناحهم لين وصل المطبخ كان نظيف ومرتب هي مره تحب النظافة والنظام
في كل شي شاف حافظة آكل وجنبها ثلاجة قهوة فتحها كانت عريكة مزينتها باالتمر كل يوم يصحى الصباح تجهز له فطور وتجهز
ملابسه ماتقصر تعب من نفسه وتصرفاته خلود معها حق تزعل وبنفس الوقت هو يسوي كذا غصب عنه يغارغصب عنه حتى من
ابوه تنهد وهو ياخذ كوب مويه ودخل وشافها جالسة على طرف السرير وبيدها منديل تمسح وجهها حط كوب المويه وخرج ..
سلطان / وهو يناظر في الدروع والميداليات والآوسمه اللي حصل عليها في سباق اختراق الضاحية كان يحرز المركز الآول
دائمآ هو رياضي من الدرجة الآولى يحب ممارسة رياضة المشي منذ ان كان عمره 14سنه ويمارس رياضة رفع الاثقال
يمتلك جسم رياضي معضل رفع نظره لصور له مثبته على الجدار وهو يضحك صور له وهو يستلم درع التميز في اختراق
الضاحية المركز الاول .صورة ثانية مع مشرف اختراق الضاحية في القاعدة الجوية في خميس مشيط تنهد وهو يتحسس
رجوله اللي ذبلانه من ثلاث سنوات حتى لو يحط عليها جمر مايحس بحرارته قرب لين الدروع وهو يرميها على الآرض
وترتطم باالآرض محدثه صوت وش الفائده من الدروع ذحين وهو مايقدر حتى يوفق ليش باقي محتفظ فيها عاجز هو مايستحق
ان يعش عاله على ابوه وعلى آمه ضحك بسخريه على نفسه صار منطوي منبوذ كل الناس اللي كانت تبارك له وتحاول التقرب
منه ذحين ماصار يشوف احد منه هو يتعمد ماعاد يخرج مكان يكره نظرات الشفقه والرحمة منهم هو كان قوي كان يمشي مثلهم
كل اصحابه اللي معه في الدوام بعد الحادث تخلوا عنه الحادث اللي صار له وهو في طريقه عنده خطيبته مها اللي بعد ماعرفت
انه ماعاد يمشي قالت باالحرف الواحد مستحيل اتزوج واحد مشلول مكسح ليش ابلش عمري به وطلبت الطلاق كان مملك عليها
ومن شدة حبه لها يروح كل خميس الطائف علشان يجلس معها وصار عليه الحادث وهو راجع على كثر ماكان يحب مها إلآ انه صار
يكرهها ويكره جنس الحريم ماعندهم وفاء ابد تخلت عنه بوقت هو يحتاجها اكثر من مره قالت له مستحيل يا سلطاني اتخلى عنك واول
ماعرفت اني معاق تخلت عني وذحين آمه ناويه تزوجه ليش يتزوج مين ذي اللي بترضى فيه وهو معاق مين ذي اللي راح تضحي
بنفسها وشبابها علشانه علشان واحد معاق مايقدر حتى يسوق سيارة اللي بتوافق عليه اكيد انها عانس او تاخذه من باب الآجر والشفقه
والرحمة وهو يتمنى يتزوج علشان ترتاح آمه من همه وتعبه آمه اللي لو يعطيها عيونه مايرد لوربع جزاها امه لو تقول له طب في
النار ماراح يقول لها لا قالت بخطب لك الممرضة اللي شفتها في المستشفى بنت حلال وانا ياسلطان حبيتها وارتحت لها قلت يمه
مستحيل توافق يمه وبعدين كيف اتزوج وحده ممرضة مستحيل يمه قالت والله ياسلطان ان ماسمعت كلامي ان قلبي
غضبان عليك ولاانت ولدي ولا اعرفك وبكت عندي وهي تقول سلطان ارحم شيبي وضعفي انا داخله على الله ثم عليك
ماتردني خلني افرح فيك ..
وليد/ وهو واقف يشوف سلطان وكيف الزجاج متناثر على الآرض كان جالس مع عمته وسمع الصوت خاف يحسب
سلطان طاح او شي تنهد وهو عارف ان سلطان كان يتذكر الماضي قال وهو يحاول يغيرمزاجه سلطان جعلك الماحي
قول آمين يله قوم ابوك وعمتي جاهزين باالله ذا وجه واحد رايح يخطب قوم والله انك تجيب المرض ليتني انا اللي بخطب
اخ بس .سلطان وهو يناظر في وليد هو اللي باقي معه ثلاث سنوات انه ملازم له ولد خاله واخوه من الرضاعة من بعد
الحادث وهو في خدمتة اخذ ملابسه وساكن معي ويتحمل عصبيتي ومزاجي الصعب ضغط زر في الكرسي وهو يخرج
ساكت ماعنده كلام يقوله راح يروح مع اهله وهو متوقع 100%انهم راح يرفضون شاف آمه كيف فرحانه ولابسه ذهبها
ومن الليل حاطه حنا على يديها ورجولها اول مره من بعد الحادث يشوفها لابسه ثوب كله مشغول باالخرز قالت يمه وليد
فديت وجهك يله جعلني ارقص في عرسك وليد بفرحه آمين عمه آمين وباالله عليك اليوم ضبطي وضعي حتى انا هناك
اهم شي عندي انها تطبخ وخرج وهو يضحك ..
في بيت ابوخالــد/
صالحة وهي مستغربه من زيارة ام سلطان ذا ماتعرفها إلآ مع فاطمة البارح اتصلت على فاطمة وقال اعطيني
آمك وبعد السلام قالت بكره راح اجيكم مسيره وطلبت رقم ابو خالد اتوقع انهم يبون محمد يتوسط لولدهم او شي
ثاني الله يجعله خير..رجعت تناظر في خلود اللي حاطه منديل على خشمها من ريحة البخور
احس انها حامل ..زينه نزلي البخور مجلس الحريم بعدين الرجال وخلي الشغاله تحط الشاي
والقهوه والتمر في مجلس الرجال بسرعه ..زينه يمه حرام عليك كل ذا انا اسويه وفاطمة وخلود
وش شغلتهم .. صالحة زينه روحي بلا هذره ولا اشوفك تدخلي إذا جت الحرمه
زينه يممممممممممممه ليش والله حرام خليني ادخل ايش معنى خلود تدخل وفاطمة وانت
صالحة زينه وش مدخلك والحرمه ماتعرفيها وخلود بتدخل عادي قدها متزوجه وفاطمة تعرفها من قبل
زينه وهي تروح المجلس معصبه ..صالحة وهي ترجع تناظر في خلود يمه خلود تعالي جنبي ..خلود وهي
تحاول تكون طبيعيه بعد اللي حصل الصباح جلست جنب آمها مشتاقه لحضنها بس من بعد زواجها صارت
تستحي صالحة وهي تناظر فيها تعالي هنا وهي تآشر لها على رجولها حطي راسك هنا خلود بدون ماتتكلم
تحط راسها وامها تحط يدها على شعرها وخلود مغمضه عيونها تحس خلاص بتبكي صالحة يمه خلود متى آخر
دورة لك خلود وهي تفتح عيونها الدورة مو منتظمه عندي مثل ماتعرفي يمه تجيني في الشهر مرتين واخر شي غسلت
منها قبل الزواج بيوم ..صالحة وهي تحرك يدها على شعر خلود الشهر ذا جتك طيب ..خلود وهي تراقب وجه آمها اللي
تحبه وهي تحرك راسه بلا وهي ساكته ..صالحة طيب اشك انك حامل باين عليك ..خلود وهي ماتبي تصدق انها حامل يعني
حتى آمها ملاحظه عليها بس كيف تحمل واحمد مالمسها من بعد ذيك المره ..خلود لا يمه مستحيل اكون حامل ..صالحة بشك
ليش مستحيل وانت الغثيان معك مستمر وجسمك مره نحفان حتى ريحة البخور مو طايقتها والحرب اللي بينك
انت وزينه..خلود يمه مادري بس مستحيل اكون حامل متآكده وزينه ههههه هي تستفزني بكلامها ..صالحة وهي تركز في
عيون خلود ليه مستحيل تكوني حامل وزوجك عندك على طول عسى بينكم مشاكل او شي ..خلود وهي مستحيه من آمها
يمه مابيننا مشاكل ولا شي عادي الوضع فديتك والدورة هي مو منتظمه معي ..صالحة خلود عومآ انا متآكده انك حامل انتبهي
لنفسك وهي تبعد راس خلود وتقوم
زينه: سلامات وش عندك في حضن آمي وهي تقرب من خلود شكلك فاقده احمد صح وهي تضحك
خلود: وهي تلتفت تشوف آمها هي باقي موجوده زينه ياحمارة والله انك وسخه بروح لفطوم احسن
لي من وجهك ذا
زينه وهي تضح ههههههههههههههههه اهم شي حطي مخفي او كريم اساس على اللي في رقبتك
ههههههههههههههههه ترى الحريم الكبار ينقدون انتبهي ههههههههههههههههههههه
خلود: وهي تلقائي تحط يدها على رقبتها باينه مره يازينه
زينه : وهي تضحك ابد كآنها ختم اضاحي ماشاء الله هههههههههه
خلود: وهي تروح حسبي الله عليك انت واحمد
عند باب الفـــله /
وليد وهو يشوف فخامة الفله ومساحتها الكبيره والسيارات الفخمه اللي واقفه قال عمه خلينا نرجع احسن
بكرامتنا
آم سلطان وليد الله يصلحك دق بوري او انزل دق على الباب
وليد والله الجواب باين من عنوانه شوفي ماشاء الله الفله كيف ناس شبعانه يعني راح توافق
ابوسلطان : وهو قلقان ومتوتر حاس ماراح يوافقون وتتعب نفسيت سلطان قال وليد انزل دق ياولد
وقبل مايفتح وليد الباب انفتحت البوابه الكبيره وخرج عامل ومعه رجل متوسط الطول اسمر البشره ملتحي
ومعه ولد وبنت صغار وهو يرحب ياهلا والله ومرحب ادخل السيارة يامرحب والله
سلطان وهو يشوف الرجل اللي يرحب فيهم اللي شوف وجه يرتاح تلقائي له هيبه من وقفته
وليد ياسلام من اولها حركات ندخل السيارة وهو يحرك ويقول ماشاء الله تبارك الله ايش الحديقة
ذي ماشاء الله وقف وهو ينزل هو وابوسلطان
ابوخالد وهو يقرب منهم ويسلم على ابو سلطان ياهلا ويامرحبا حياكم الله ياهلا ويسلم على وليد
حيااكم خل الحرمه تنزل وتدخل مع االباب ذا ويآشر على باب المدخل ام خالد قدامها ياهلا ومرحب الف
ام سلطان وهي تنزل تحس فرحانه وتحس بخوف بنفس الوقت وبمجرد مانزلت لفت تشوف وليد وهو يساعد
سلطان ينزل وتشوف عيال صغار ويناظرون في ولدها دخلت مع الباب وهي تسمي ونذكر الله على كل ماتقع
عليه عيونها ودخلت وهي تقول بسم الله الرحمن الرحيم ماشاء الله تبارك الله لاقوة إلآ باالله
وهي تفتح غطوتها وتشوف بنتين نازلين مع الدرج ويرحبون فيها ياهلا ياهلا ام سلطان يامرحب
تفضلي بمجرد ماشافتهم ارتاحت بس فاطمة مو معهم وهي ترد عليها وتدخل المجلس
خلود وهي تمد لها باالقهوة ياهلا ياخالة فاطمة كيفك بشري عن صحتك كيف ابوسلطان وسلطان عساكم بخير
ام سلطان بآعجاب لخلود وهي تذكر الله عليها في نفسها الحمد لله بخير في نعمه من الله انتم كيفكم بشرو عنكم
ام خالد يامرحب والله كلنا بخير الحمد لله
دار بينهم حديث عادي عن عملية ام سلطان ووش صار لها وبعد فترة قالت آم سلطان وين ام خالدعساها مشغوله
ام خالد وهي تضحك انا آم خالد ياام سلطان
ام سلطان وهي مو مصدقه تحسب ان اللي استقبلوها بناتها وهي تحط طرف شيلتها على فمهاوهي تقول ماشاءالله
تبارك الله الله يحفظك يابنتي الله يحفظك ماشاء الله
ام خالدالله يسلمك يارب وذي بنت خلود تزوجة في الصيف ذا
ام سلطان ماشاء الله الله يرزقها ويحفظها وقفت وهي تشوف فاطمة داخلها عليها اول مره تشوفها من غير حجاب
الله وضع لها حب في قلبها من اول ماشافتها وهي مصممه تخطبها لسلطان حتى لو ماهي جميله رغم انها كانت تتمنى
تزوجه وحده في مستوى جماله ووسامته واجمل من خطيبته مها بس ذحين وهي تشوف فاطمة زاد اصرارها تخطبها
لسلطان كانت طويله لون بشرتها البرونزي شعرها الناعم وخشمها الطويل يكفي بسمتها وتواضعها صح اختها خلود ابيض
واجمل منها بس فاطمة فيها جمال روح غير طبيعي ..
فاطمة وهي فرحانه بشوفة ام سلطان اخر مره شافتها في المسشفى هلا والله حياالله الغاليه وهي تسلم على راسها وآم سلطان
تحضنها فديت ذا الوجه يافاطمه كيفك بشري عنك فقدك وربي شاهد
خلود تناظر في آمها ايش سر الحب والآهتمام اللي تشوفه في عيون آم سلطان لفاطمة فاطمة عسل تستاهل توقعت ان الزيارة
ذي فيها خطبه لفاطمة الحمد لله عمتها طيبة عكس عمتي صفية ..
في مجلس الرجال/ بعد السلام والتعارف
ابوسلطان بوقار ابوخالد حنا جيناك طالبين القرب منك ولدي سلطان وهو يآشر على سلطان ببنتك فاطمة
ابوخالد وهو حاس ان جيتهم ذي خطوبة بس ماتوقع يكون سلطان رد بآتزان حياك الله انت وسلطان يامرحب
اشاور البنت و آسآل عنكم وبيننا اتصال والله يكتب مافيه الخير
ابوسلطان على خير اجل وليد دق على عمتك خلنا نروح
ابوخالد لاباالله ماتخرجون إلآ بعد العشاء ذبيحتكم جاهزه والله
ابوسلطان لاتكلف على نفسك جعلك تسلم
ابوخالد وهو يقوم ابد ماتكلفت والله ودخلتكم علي مو بسيطه حياكم الله
الساعة 11في الليل /
خلود وهي تتصل على جوال احمد مايرد اول مره يخليها لين الوقت ذا حتى ابوي اتصل عليه علشان
العشاء مع الرجال مايرد خايفه مره آمها خلود فديتك اكيد انه نايم والجوال صامت نامي عندنا الليله
خلودوهي تلبس عبايتها مااقدر يمه انام هنا خايفه يكون فيه شي العصر قال برجع لك الساعة 9 بخلي
ابوي يوصلني وهي تسلم على يد آمها مع سلامه يمه ونزلت
في السيارة قلقانه مره الله يستر ..ابوخالد كيفك ياخلود بشري عن احمد كيفه معك
خلود: الحمد ابوي انا بخير واحمد مو مقصر علي بشي
ابوخالدوهو يشغل محاضرة قال الحمد لله إذا احتجتي شي قولي لي طيب
خلودوهي تسمع المحاضرة إن شاء الله زينه كانت تتكلم معها وماترد عليها كانت تسمع امحاضرة
لشيخ نبيل العوضي كانت محاضرة قيمه ومفيدة خاصة مع اسلوب الشيخ في الطرح كان شيق وممتع
وذكر حديث عن النبي صلى الله عليه وسلم ، قال : « يطلع الله على خلقه في ليلة النصف من شعبان فيغفر لجميع خلقه إلا لمشرك أو مشاحن ))
احس الحديث ذا ذبح روحي استغفر الله معقوله اكون محرومة من الفضل ذا بسبب
احمد والله احتاج الفضل والمغفره ذي من ربي وانا ابكي بصمت خاصة لماقال الشيخ
ترى مافي شخص في الدنيا يستاهل انك تخسر فضل عظيم مثل كذا تخيل بشرى
من الله باالمغفرة ابداء من الآن عندك اخ اوصديق بينك وبينه خلاف اصلح مابينكم
حتى لاتحرم من هذا الفضل وقال قد يكون زوج وزوجته بينهم خلاف وخصام
الذكي هو الذي لن يدع هذا الفضل العظيم يفوته ..سمعت ابوي يقول لاحول ولاقوة
إلآ باالله كيف زوج وزوجته بنفس البيت ولايكلمون بعض الحمد لله على العافية بس
نزلت وانا امسح دموعي معي مفتاح فتحت وانا عازمه اعتذر للآحمد واسوي
أي شي يبيه خلاص مابقى على رمضان شي واخاف الله يقبض روحي وهو
غضبان علي واخسرالجنه كان البيت هادئ ماغير صوت القرآن
مشيت لين المطبخ واحصل القهوة والحلى مثل ماهي مااخذ منها شي
رحت جناح غرفة النوم واحصله شبه مفتوح واحمد نايم على ظهره الغرفة بارة وظلام
ماغير ضوء من الشباك خفيف واسمع صوت آنينه وافتح النور واقرب منه إلآ اشوف
دم على السرير بشكل يخوف حسيت بصداع قوي وانا احاول اصحيه وحرارته
مرتفعه..
عبدالرحمن/ وهو معصب يمه وبعدين مع ابوي تراه ذبحني والله غصب وافق يروح
معي نخطب فاطمة واليوم يقول لي لا يلعب بي هو
ليلى بحزن على ولدها وانا ايش بيدي ياعبدالرحمن اصبر ياولدي اصبر وابوك
ترى ماتغير كلامه إلآ بعد ماجت عمتك صفية حسبي الله عليها قال لها بنخطب
فاطمة لعبدالرحمن قالت نصحية لاتخطبها وش تبغى فيها والله ان ولدك راح عند
صالحة ماعاد تشوفه شوف احمد من تزوج عندهم ولاعاد اشوفه مره حتى الآتصال
ماعاد يتصل علي انتبه صالحة ساحره ولدي ماعاد يشوف إلآ بنتها حتى باب السيارة
يفتحه له ويقول زوجتي لااحد يتكلم عليها لكن إذا تبغى تفرح في ولدك منال
فديتها اجمل من فاطمة ولاارح احط عليكم لامهر ولا شي انت اخوي وولدك ولدي
عبدالرحمن والله لتكون منال آخر بنت ماتزوجته ليه بايع نفسي انا وخرج
وهو معصب فاطمة لي بخطبها غصب
في اطهر بقاع الآرض مكة المكرمة/
ابومازن جالس بممل ينتظر نادية وهي تحاول في مازن ينام وهو مو راضي ندم
انه اخذه معه مره متعلق في نادية وهي نفس الشي تنهد وهو يروح عندهم وقف وهو
يناظر فيها نايمه على السرير ومازن في حضنها ويدها على شعره سبحان الله له من
من تزوج اسبوع يحس بسعادة غير طبيعية مع نادية فيها جمال روح وجذابه بشكل
كبير في كل شي رفضت نروح شهر العسل إلآ مازن معنا
حست فيه واقف رفعت جسمها وهي تحاول تعدل شعرها القصير قالت المعذرة
تآخرت وقفت جنبه وهو يناظر فيها قال والنهاية مع مازن ذا شكلي برجعه
عند آمي باالبريد الممتاز ضحت وهي تمسك يده تعال قبل يقوم حرام عليك
ترجعه والله ياعبدالعزيز اني احبه مره
هو يناظر فيها اول مره تنطق اسمه كذا من غير ابو مازن تنهد وهو يقول
وانا تحبيني او الحب كله لمازن بس وهو يمسكها مع خصرها ها يانادية
انا لي نصيب من الحب ذا او لا وهو يناظر في عيونها ويقرب وهو يبوس
عيونها
نادية وهي تحس ان ريحته تغلغل في روحها مو ريحة عطر ريحة ثانيه
ممزوجه بعطره وغمضة عيونها وهي مستمتعه بقربه ربي عوضها
بزوج رائع عاقل متزن في كل تصرفاته فتحت عيونها وهي تسمعه
يعيد نفس السؤال نادية تحبيني..
تنهدة وهي تشد عليه كثر وهي تقول بصوت خافت بس سمعهاتقول
الله يحفظك ياابومازن ويخليك يارب..
هو يحس بآنفاسها المضطربة ناديه لاعاد تقولي ابو مازن مره
قولي عبدالعزيز احسها بصوتك شي ثاني طيب..
انتهى
|
16-05-13, 09:14 PM
جديد مواضيع قسم القصص المكتمله من وحي قلم الاعضاء
العرض العادي
