في آبـــها /

فاطمة كانت في المصلى عندها اوف بعد صلاة الظهر ساعتين ماتختلط كثير

باالممرضات حتى الغدا تاخذ لها شي خفيف وتجلس في المصلى تكمل وردها من

القرآن او تراجع حفظها اليوم الآثنين صايمه و جاها اتصال ان المدير يبيها

وراحت تشوف وش عنده واقفه عند باب المكتب وهي تتآكد من حجابها..

قبل تدخل معها الممرضة وهي متوترة دخلت وهي تسلم بصوت منخفض ..

المديرة: وهو مسند على المكتب يوقع اوراق معه سمع صوتها وهي تدخل وتسلم رد

بكل اتزان ووقار وهو مازال بصره على الآوراق اللي بيده وعليك السلام ورحمة الله

اخت فاطمة حيااك الله تفضلي والباب كان مفتوح ومعها الممرضه

المدير : رجل يبلغ من العمر 45سنه إنسان ملتزم متواضع ذو لحيه سوداء يتخللها

بعض الشعر الآبيض ذو شخصية محبوبه وحازم اتخذ من منصبه منبرآ لدعوه الى الله

قال : كيفك يافاطمة والله ماادري وش اقول لك بس اللي سمعته افرحني كثير وصلني

انه اسلم على يدك من الممرضات 4ماشاءالله الله يجعلها في موازين حسناتك انت مثال رائع

للممرضة السعودية القدوة والشريفة انت مثلتي الممرضة السعودية خير تمثيل مدير قسمك

يثني عليك وعلى آمانتك وحسن تعاملك سواء مع الطاقم العمل او المرضى ومن هذا المنطلق

حبيت اقول لك انه راح نعمل له كريم بسيط على مجهودك خاصة في الدعوة كان مجهود مملوس

ورائع ..

الشي الثاني بما ان عندك اللغة الآنجليزية ممتازة وسليمه 100% قررنا نقلك لقسم الآشعه نحتاج

مترجمة وراح يكون الشغل خفيف عليك ..

فاطمة: بكل اتزان وهي تناظر تحت مشكور استاذ حمد باالنسبة لحكاية اسلام الممرضات انا سويت

الشي ذا من آجل الله بس وكنت اتمنى يكون الآمر ذا سر بيننا بس قسم شؤون الموظفين رفض علشان تعديل

بيانتهم والتكريم مشكور وماتقصر ولآابي شي واتمنى مااحد يعرف حتى اهلي معي في البيت مايعرفون

اما نقلي لقسم الآشعة انا اعتذر استاذ حمد المكان هناك فيه نوع من الآختلاط بعكس القسم اللي انا فيه كله

حريم واتمنى تعفيني من المهمة ذي

المدير: بس راح الشغل يكون عليك اخف بدال من حدود 11 ساعه عمل يصير عندك بس 6ساعات

فاطمة : مااقدر والله استاذ حمد اعفني ارجوك

المدير : طيب على راحتك اخت فاطمة واتمنى إذا احتجتي أي شي تقولي لي ترى ابوك إنسان غالي علي

وسبق وخدمني خدمة ماانساها طول حيااتي

فاطمة: إن شاء الله ومشكور انا استآذن منك بروح عندي شغل وخرجت ...

وصلت لقسم الباطنية وقابلت صديقتها تهاني قالت فطوم وينك اتصل عليك ماتردي

فاطمة: معروف جوالي صامت على طول كنت عند المدير والله ,,

تهاني : عمومآ عندك مريضة انت مسؤوله عنها بالآضافه للي من قبل يعني 4 مريضات

فاطمة: جد الظهر ماجاء احد والله

تهاني : إلآ قبل شوي انا جبتها من عندنا من قسم الولاده اسمها فاطمة تخيلي سميتك تحزن

مره عمرها فوق 58سنه ومسوين لها عملية والله رحمتها مسكينه

فاطمة: بتآثر عملية ايش

تهاني : والله جتنا امس في الليل عندها نزيف حاد وبعد التحاليل والآشعه اتضح ان عندها ورم ليفي

في الرحم وعملوا لها عملية استئصال رحم كامل تخيلي الورم كان مره كبير سبحاان الله

فاطمة: لااله إلآ الله من وين جاها الورم ذا الله يكفينا

تهاني : الآستشاريه : تاني تقول احتمال كبير ان العجوز ذي حملت من زمان وسقطت وتعرفي

زمان مايعرفون شي اسمه عملية تنظيف وظل بقايا من الجنين والمشيمه وتكون منها سرطان الرحم

فاطمة : وهي متآثره الله يعينها مسكينه مالها حيل على العمليات طيب ليش ماخليتوها عندكم في قسم

الولاده

تهاني : زحمه زحمه مره لدرجة في حريم منومين في ممر غرفة الآتنظاار تخيلي

راح تمرها الآستشاريه العصر ومع اوراقها نشرة علاجها والجرعات..

فاطمة: اهاا طيب انا بروح اجل اشوفها يله مع السلامه وراحت وهي تفكر في المريضه

ذي ياارب تكفينا من ذي الآمراض ..

دخلت غرفة التنويم فيها اربع آسره تفصل بينهم ستارة طويله ودورة ميااه مشتركة

رجعت تناظر في السرير اللي كان قبل الظهر فاضي ذحين فيه وحده قربت وهي ترفع

الستارة وتشوف إلآ حرمه كبيرة في السن التعب بااين على وجها رق قلبها لها مره وقفت

عند راسها وهي تشوفها مغمضة عيونها حطت يدها على راسها وهي تقول خالة فاطمة

تحس بسخونة جبينها رجعت تناديها بصوت مرتفع شوي خالة فاطمة لين حست فيها

تفتح عيونها اللي التعب بااين فيها قالت بصوت حنون سلامتك ياخالة وماتشوفي شر إن شاء

الخاله : وهي تحس حيلها مهدود من التعب وموقادرة حتى تروح الحمام ماعندها مرافقه

قالت بصوت متعب الله يسلمك يابنتي ويعافيك

فاطمة :وهي ترجع تمسك يدها وتقول وش يوجعك ياخاله

هي: ودموعها تسبق كلامها تبكي من التعب ذا اللي انهك جسمها السرطان ذا اللي جاها في

اصعب مكان لها فترة تعاني واستحت تتكلم ماتبيهم يكشفون عليها وهي اللي عمرها كله محد شافها

غير زوجها لكن آمس كلآشافها لكن آمر الله قالت والله يابنتي احس بدوخه وتعب بكل جسمي

فاطمة: ماتشوفي شر طبيعي تتعبي علشان العملية لكن إن شاء الله يومين راح تكوني بخير تغديتي

طيب

هي :لآوالله ماطب بطني الزاد يابنتي اكل المستشفى مالي به(أي لااريده) كان معي شغالتي امس

مرافقه معي فلبينيه ولما ادخلوني العمليات اعطوها ذهبي ومحفظتي معها والجوال وصحيت اليوم ماعاد

لقيتها حولي شردت الله لا يوفقها ويهبها في وجهها ذا اليوم وهي تبكي ماعندي غيرها ربي احوجني بها

بناتي ماهم حولي وحده في كندا والثانيه في تبوك اللي بلا بنيه تضيع حياته ليتني مت ولا جتني ذا المصايب

تالي عمري

فاطمة : وهي تشاركها الدموع لا ياخاله الله يطول في عمرك ويخليك إن شاء الله واعتبرني بنتك

انا هنا اخدمك بعيوني وش تبغين وانا خدامه لك ياخالة ..

هي: فديتك جعلك سالمه ابغى جوال اطمن ولدي علي اكيد انه يدق على جوالي وهو مع بنت الحرام ذيك

تقلينه قلقان علي وهو تعبانه في نفسه

فاطمة: وهي تخرج جوالها ابشري من عيوني هذا الجوال رقمه معك طيب

هي: بعجز لاوالله يابنتي كل الآرقام في الجوال مع الشغاله

فاطمة: وهي تشوف حال الخاله كيف تقطع القلب قالت ابشري مين جابك المستشفى امس

هي: ولدي سلطان فديته ووليد

فاطمة: اجل ابشري ذحين اروح الآستقبال واخذ رقمه اكيد مسجله مع البيانات وخرجت ..


في مكان آخر/

سلطان: وهو مقهور من نفسه من الوضع اللي هو فيه يكره نفسه يكره عجزه الآعاقة ذي ذبحته

رجال بطول وعرض ولايقدر يسوي شي امه تعبانه من امس وفي المستشفى ولايعرف عنها شي

الجوال يدق عليه مقفل والشيطان يلعب فيه ..ابوه سلطان امك ياسلطان وش قومها مقفله الجوال

سلطان والله ماادري ياابوي ليش حتى جوال الشغاله الحماره ماترد علي رغم اني موصيها امس

ومعطيها فلوس علشان تنتبه للأمي

ابوه : طيب خلنا نروح المستشفى احسن

سلطان: ابوي من بيودينا ذا الحزة وليد مداوم وماراح يخلص دوامه إلآ 2 ورسلت له رساله

وقال راح يمر علينا 3العصر وقت الزيارة الله يصبرني بس ليتني مت في الحادث ذا ولااصير حمل ثقيل

عليكم وعلى الناس بموت قهر والله ياارب خذ عمري وارتااح بدال الحالة ذي اللي انا فيها

ابوه : وقلبه ينعصر على ولده وحاله وهو يشوفه مشلول على الكرسي في ريعان شبابه وهوعاجز

قال بعصبيه سلطان اتق الله في نفسك تعترض على حكمة الله وتدعي على نفسك ماصار لك ذا إلآ قضاء

وقدر ياولدي اصبر واحتسب وانت احسن من غيرك شوف الداعية عبدالله بانعمة شلل كامل ولايقدر

يبعد ذبانه عن وجهه ولاتسخط على قضاء الله وقدره وشوف كيف يسافر وداعيه كم اسلم واهتدى على يده

وانت الحمدلله تاكل وتشرب بيدك وإلآ المشي ربك كريم ياسلطان ماياخذ شي من شخص إلآ يعوضه

وهو يمسح دموعه اصعب شي دموع الرجل عندما تنزل قهر وعجز هذا هو سلطان يبكي عجزه وقلة حيلته

استغفر وهو يسمع صوت الجوال اللي يدق شاف انه رقم غريب فرح يمكن امه تتصل من جوال ناس معها

رد وهو يسمع صوتها الباكي يمه سلطان انا امك كيفك ياابوي كيف ابوك بشري عنكم

سلطان هو مو مصدق انه يسمع صوت امه يمه فديتك جعل سلطان فدا تراب رجولك وينك

عن الجوال يمه والله قلقان اناوابوي عليك مره ..

امه : الله يطعني عن روحك والله اني بخير ماغير ذا الشغاله الخبيثه شردت واخذت الجوال والمحفظه

وذهبي الله لايردها

سلطان : جعل كل شي فداك ياالغاليه وابشري باالعوض يا آم سلطان لاتشيلي هم فديتك جوال مين

ذا يمه تتصلين منه ..

امه: جوال ممرضه بنت حلال عندي عسى ربي يحفظها ويوفقها ويستر عليها

سلطان : طيب انت في أي قسم علشان ازورك وهو يسمعها تسآل وحده جنبها

رجعت تقول قسم الباطنيه غرفة رقم 2فديتك

سلطان : طيب مع السلامه إن شاء الله العصر بجيك انا وابوي

آمه : طيب خواتك إذا اتصلوا لاتخوفهم ياسلطان فديتك قول طيبه وجوالها خربان

سلطان : ابشري ابشري مع السلامه ..





العــصر وقت الزيارة

فاطمة وهي جالسة في كونتر الخاص في الممرضات وهي تنتظر الآستشاريه علشان تشوف الخالة

فاطمة مره آثر فيها حالتها آشبه باالولاده وتعبانه وتحتاج تغذيه وآكل المستشفى مايصلح لها

يبي لها اشياء ساخنه اتصلت على آمي فديتها وقلت لها وش صار مع الخاله فاطمة وقلت يمه سوي

آكل يناسبها وقهوة قشر وحليب وقالت طيب وفعلآ ابوي فديته جابها لي قبل تفتح الزيارة بشوي

واعطيتها وانا اشوف الفرحة في وجهها وهي تدعي لي وتبكي الحمدلله ...




عنــــد الخالة فاطمة /

سلطان في كرسيه المتحرك وهو قريب من آمه منكب على يدها وهو يقبلها ويبكي اليدين ذي

اللي شالتها وهو صغير وشالته وهو كبير اليدين ذي اللي نظفته وهو صغير وهو كبير اليدين

ذي اللي اطعمته وهو صغير وهو كبير كيف بيقدر يرد جزاها كان يتمنى انه هو يغسل يديها

ورجولها فصارت في تغسل يديه ورجوله ..كان يتمنى انه هو يونسها ويسعدها فصارت هي

تحرم نفسها من الطلعه علشان تجلس معه وتونسه ثلاث سنوات من بعد الحادث وهي محرمة

الخرجة من البيت وهو وحده كيف بيقدر يجازي آمه

وليد: وهو يشوف سلطان كيف يبكي سبحان الله سلطان عصبي مره ونار خاصة من

بعد الحادث لكن إذا صار عند آمه يتحول لشخص ثاني مستحيل يرفض لها طلب

قال علشان يلطف الجو ماشاء الله ياخالة حركات معك جوال جالكسي جراند وهو يمد

يده وياخذه

الخاله فاطمة: لاوالله ياامك ماهو لي ولااعرف حتى له حق الممرضه حلفت ماتاخذه

تقول علشان يطمن علي سلطان الله يوفقها

وليد: حركات جوال جديد من حقها ممرضة اقل شي كل شهر تدق ب سبع الف ريال

وهي مرتاحه

سلطان: وهو يناظر في وليد وهو يتقلب الجوال بيده قال وليد جيب الجوال يله

وليد: وهو يناظر فيه بمعني وش دخلك انت ليه اعطيك حق خالتي وهو يضحك

ويقول والله ان فيها خير ياخاله البنت ذي

سلطان : وهو يضغط زر في الكرسي علشان يتحرك وراح يسحب الجوال من يد وليد

وهو يقول والله انك ملقوف صدق البنت اعطت امي وانت تاخذه

الخاله فاطمة: انا اشهد ياامك انها بنت حلال واتصلت على آمها وجابت لي آكل

وهي تآشر على حافظات آكل وثلات ثلاجات

وليد : وهو يقوم ياسلام جاء الآكل ذا بوقته والله اني جوعان ماتغديت وسلطان كآنه الشيطان

على راسي يله يله

سلطان : وهو يناظر في وليد وهو يفتح حافظات الآكل قال لو انا بصحتي واسوق ماكان احتجت

لك ياشيخ وليد

وليد: وهو مطنش سلطان اللي صار حساس من كل كلمة فتح الحافظه وهو يقول ماشاء الله مرق

وفتح الثانيه وهو يقول وكمان شوربه يم يم وفتح القصدير وهو يخرج قرصان بر ابيض واسمر

وخبز احمر ويقول ماشاء الله شغل ميفا بعد الحمدلله ان سلطان جابني هنا وهو ياكل

الخاله فاطمة : وهي تضحك عليه باالعافية قرب من سلطان خله يآكل معك

وليد : وهو يآكل لا ياعمه يتعبه الاكل ذا مايصلح له وهو يضحك

الخالة فاطمة : وهي تناظر في وجه ولدها وزوجها ساكتين ابوسلطان قرب وخذ لك لقمه

مع وليد انت وسلطان اكيد ماتغديتو

ابو سلطان :لاوالله آذن الظهر وحنا نفطر

الخالة فاطمة: طيب شوف قهوة قشر وتمر خذ لك فنجان

وليد : وقهووة كمان وينها ياعمه والله اني خرمان سلطان صب لي فنجان لاهنت وهو يضحك

سلطان : وهو يتمنى ان وليد ماجاء معه وهو يقول والله انك تفشل الواحد تخيل يجي ناس وانت

كذا

وقبل وليد يتكلم تحركت الستارة وكانت الممرضة فاطمة وهي تقول برسميه السلام عليكم

لوسمحتوا الدكتورة بتجي تشوف المريضة ممكن ..

سلطان : وهو يناظر فيها كانت متوسطة الطول ولابسه بالطوا ابيض وفضفاض نوعآ ما

طرحة كبيره مغطيه معظم جسمها ونقاب ضيق وفوقه طبقه من نفس القماش يعني عيونها مو واضحه

لابسه في يديها جونتي اسود..عجبه شكلها وحشمتها حتى كلامها برسميه لاتغنج ولاتمطع هو يؤيدعمل

الممرضة السعودية بس مستحيل يتزوج ممرضه او يسمح للآخته تكون ممرضة سمع صوت

آبوه وهو يقول يله ياوليد خلنا نخرج

وليد: وهو يآكل ومطنش اسبقني إذا خلصت الآكل راح الحقك جيعان والله

سلطان : وهو يتمنى يقوم يسحبه فعلآ وليد مايستحي مره خاصة إذا السالفه فيها آكل

دخلت الآستشاريه وكانت هندية معها الممرضة السعودية وهو يراقب الممرضة في كل

حركاتها من جاء عند آمه وهي ماغير تتكلم عنها وتدعي لها فعلآ يتمنى ان كل الممرضات

مثلها ...

الآستشاريه وهي تتكلم انجليزي ونفس الشي الممرضة وترجع السعودية تسآل آمي وتكتب

في ملف بيدها سبحان الله كانت تكتب بسرعه رقم انها لابسه جوتني اللي تبي الستر ماراح

يصعب عليها شي ..واستمرت هي والاشتشاريه وهي ترطن مثلهاا ماشاء الله بلبل في الآنجليزي

وارجع اناظر في وليد اللي مبلحق فيهم ..خرجت الآستشاريه وهي بمجرد ماخرجت قال وليد وهو

يتريق كاالعاده سلطان وش كانوا يقولون وهو يضحك يرطنون رطن الله واكبر عليهم خاصة السعودية

آم الجوال ..

وقبل ارد عليه رجعت الممرضة السعودية ومعها علبة فيها ادوات طبية واشوفها وهي تمسك يد آمي

وتضربها آبره ..وتاخذ منها تحليل دم بمهارة وسرعة وجت بتخرج قلت لو سمحتي كيف الوالده

وقفت وهي تناظر في آمي وهي تقول إن شاء الله انها بخير راح ناخذ عينه من الورم ويخضع لتحليل

علشان نعرف وش نوعه وقدامها العافية إن شاء الله ..قلت طيب متى تخرج ..قالت الآستشارية

ماقالت لي بس احتمال يومين باالكثير وهي خارجه وقبل تطلع قالت خاله فاطمة إذا احتجتي شي

في جرس عندك اضغطي عليه واجيك وخرجت

وليد: ماشاء الله اول مره اشوف ممرضة سعودية كذا من قبل كنت ماخذ فكرة سيئه عنهم

سلطان: شوف وليد الناس مو مثل بعض والمجتمع ظالم الممرضة السعودية وننظر له

بمنظور ضيق للأسف حتى انا ..لكن شوف الممرضة ذي ماشاء الله خير شاهد شوف

تعاملها مع آمي كيف هذا وهي ماتعرفها بعكس الآجانب تتوقع لوكانت هنديه او فلبينيه راح

تعطي آمي جوالها او تجيب لها آكل ..

وليد: وهو يصب من الثلاجة ويقرب الفنجال من فمه وهو يقول اععع خالة وش ذي موقشر

حلبه يعععع

الخالة فاطمة: وهي تضحك الله يصلحك هي ثلاث ثلاجات قشر وحليب وحلبه وانت ماانتبهت

وليد: لاوالله بس ماشاء الله عليهم طبخ يجنن خالة تعرفي عليهم زين علشان إذا عندها اخوات

مو ممرضات اتزوج منهم وهو يضحك ..

الخالة فاطمة: الله يوفقك انت وسلطان وافرح فيكم

وليد: وهو يقول آميييييييييييين اهم شي انها تطبخ مثل كذا ..

سلطان : وهو يقلب الجوال بيده جاه فضول يفتحه فعلآ كان بدون نمط يمكن خلته كذا علشان

آمي تقدر تستخدمه عندها اكثر من مكالمه لم يتم الرد عليها وعلامة الواتس آب كثيره

على طول دخل على تطبيق الواتس وهو يشوف محادثات كثيره جديده لفت انتباهه

محادثة احبك فتحها وكانت قروب ..اول محادثة من زيزو كاتبه فطوم الدبا ليش الآكل

اللي خليتي آمي تسويه ها اعترفي شكلك موصايمه ها طيب ياحمارة خلتي آمي تخليني

اخبز وانا صايمه يارب جعله سم في بطنك انت وخوياتك وجع يوجعكم حتى الحلبه طلبتي

يامقرفه نفايس انتم .. ومرسله فيس معصب ,,غصب ضحك على المحادثه ذي

وليد: وهو يقرب منه ماشاء الله حلال عليك تفتح الجوال وحرام علي ها

سلطان : وهو يقفل الجوال وليد انقلع عني ترى مو رايق لك يحس يندم ليش فتح

جوالها استغفر الله
في جدة/

قاعد يفكر في الآيام اللي راحت ماكآنه عريس مره قضى اغلب وقته في المستشفى

وفي الفندق والسبب الآول والآخير هو بتسرعة وجهله وش كان ينقصه لو شرا

كتاب عن ليلة الزواج او بضغطه وحده على الآيفون توضح له كل شي ..

كاره نفسه حيل يحس ان خلود ذحين مرعوبه منه بشكل فضيع وتعبانه

صحتها متدهوره خجل من كلام الدكتوره رغم انها صادقة في كل كلمه قالتها

يذكر الحديث اللي دار بينها وبينه بعد ماخرجت من عند خلود هو ندمان حيل

احمد: بشري دكتورة كيفها زوجتي

الدكتورة : وهي تسند نفسها على مكتبها وهي تقول زوجتك تعبانه مره

والحمدلله انك جبتها بسرعة علشان نقدر نوقف النزيف الحين انا مهمتي

انتهت والباقي عليك انت

احمد: وهو يناظر فيها يبيها تكمل ماعاد فيه صبر وطاقه انه يحثها على الكلام قال

كيف طيب

الدكتورة : زوجتك صار معها نزيف حاد وعلشان نوقف النزيف ذا ضروري

خياطة وتحتاج راحه تامه لمدة لاتقل عن 3اسابيع إلى شهر الراحة تشمل كل

شي ممنوع أي اتصال بينكم الحركة الكثيره الآهتمام بالغذاء بشكل كبير خاصة

الفواكه والخضار وخاصة الجرجير عندها نقص حاد في الدم ورافضه زوجتك

اسعاف الدم بالآضافه راح اصرف لها مقويات وفيتامينات ومراهم خاصة

احمد: وهو يحس باالندم طيب دكتورة هي ليش صار معها النزيف ذا

الدكتورة : السبب الآول هو العنف والشي الثاني زوجتك الغشاء عندها

كان من النوع السميك المفروض كانت تحتاج تدخل جراحي بسيط قبلك

حتى ماتتعب باالشكل ذا باالاضافه انها كانت متوتره وخايفة واعصابها

مشدودة ...

كان ينقصك شوي حكمة في التعامل مع وضعها ذا كتاب يمكن مايكلفك 2ريال

كان ريحت نفسك وريحتها لكن قضاء وقدر ...المفروض مع تحليل الزواج تكون

هناك دورة بسيط لاتقل عن ساعة يوضح فيها كل مايخص الزواج ...

احمد: موقادر يرد عليها طيب اقدر اشوفها ..

الدكتورة : اكيد هي راح تظل عندنا 48ساعة تحت الملاحظه الغثيان المستمر معها

يحتاج علاج ...

احمد: طيب حتى السفر باالطائرة ماتقدر علشان رحلتنا على دبي بكره

الدكتورة : ماراح تقدر تمشي حتى خطوتين ولا راح تتحمل الجلوس عوضها

مره ثانية

احمد : وهو يوقف إن شاء الله

رجع من افكاره على صوتها وهي تناديه كانت لابسه بنطلون برمودا بيج وبلوزه اسود

مخرم مبينه بياض جسمها شعرها مرفوع كله لفوق وخصل نازله بشكل عشوائي وكحل

وروج وردي خفيف تعذبه خلود بدون ماتحس اليوم راح تكمل اربع اسابيع من العملية

إلآ انها باقي تعبانه حتى المشي تمشي بشويش تعبان نفسيآ عليها وهو يشوفها نحفانه حيل

بدال ماكان جسمها رويان كل ذا بسببه لو آجل الزواج لشهر 10وش كان ينقص منه هو

في النهاية ضر نفسه يعيش ضغط نفسي كبير وهو معها بنفس المكان ولا يقدر حتى يلمسها

عذاب وصراع هو فيه قدامه انثى تمتلك كل مقومات الفتنه والآغراء حتى لو ماتكشخ هي فاتنه

يعيش مع خلود التضاد في كل شي يحس ان قربها سعادة وراحة نفسيه له بس القرب ذا يعذبه

هو في النهاية رجل ومستحيل يخليها تروح عند آهلها هو بيتحمل فترة تعبها ذا هو كان لها مثل

الآم الحنون رغم خوفها منه بس يهتم فيها حتى ملابسها هو يغسلها لآنها رفضت تخليه يوديها

المغسلة يضحك على نفسه تغير حيل مع خلود ..والعجيب في ان وزنه زاد بشكل غير طبيعي

رجعت تناديه مره ثانيه احمد بسم الله عليك ايش فيك وهي واقفه بيعد عنه شوي

احمد: وهو يسمع صوته اللي يعذبه خاصه لما تنطق آسمه تنهد وهو يقول ياعيون آحمد وهو

يآشر على المكان جنبه ويقول تعالي اجلسي هنا عندي شي بقوله لك ..

جلست جنبه بس بينهم مسافه وحس فيها انها خايفه هوقرب منها وهو يحط يده على كتفها ويقربها

منه لين صدره وهو يقول خلود ليش الخوف ياروح احمد انا حلفت لك مااقرب منك إلآ برضااك

تكفين ياخلود ترى إذا شفت خوفك ذا مني اكره نفسي....

خلود: وهي سمع كلامه عورها قلبها عليه صح انها كانت حاقده عليه والآسبوع الآول كله ماتكلمه

إلا عند الضرورة وكانت تحس بخوف منه بس اهتمامه بها وندمه خلاها ترضى عنه واصلا هي تحبه

ولا ترتاح إلآ قربه بس اللي صار سبب فجوه بينهم بس هو ماقصر معها... الآيام ذي تحس صار طبيعي

ماتخاف منه مثل قبل حتى النوم صارت تنام في حضنه وماتخاف يمكن علشانه وعدها وهي تتعمد تكون

باالقرب ذا منه تختبر صبره عليها وهو مازال على وعده في كل ليله تحس فيه وهو يقوم من عندها ويروح

يكمل نومه في الغرفه الثانيه والعصر يروح يهرول ولايجي إلآ بعد المغرب ويصوم الآثنين والخميس يستاهل

المتوحش ..

احمد : وهو يحاول يتجاهل كل اللي يحس فيه رفع صندق متوسط الحجم مغلف بشكل انيق وحلو

ويقول خلود ذي هدية صباحيتك ولو انها جت متآخره المعذرة رغم اني مجهزه من آبها

بس اللي صار خلاني انسى حتى اسمي وهو يفتحها عبارة عن طقم ذهب آبيض لآزوردي ناعم

مثبت بوسط الصندوق وحوله عشرة الف ريال كل الف مربوطه مع بعض على شكل وردة حول

الطقم وورد مجفف منثور في اسفل الصندوق ...

خلود: وهي تشوف الصندوق عجبها شكل الصندق مره ..وبكل عفويه مشكور ياقلبي

مره ذوقك حلو يااحمد

احمد: وهو يتنهد تستاهلي اكثر من كذا ياروح احمد

خلود: الله يحفظك الطقم عادي بآخذه بس الفلوس لاوالله مااخذها

احمد: وهو يناظر في وجهه ليش خلود

خلود: وهي تمسك يده احمد افهمني انا من البداية مو راضية على الشروط اللي في الزواج

وبنفس الوقت موقادرة اتكلم علشان جدتي وإلآ آمي عادي وانت ماقصرت معي بشي يكفي

خسارتك على علاجي مدري كم كلفك

احمد: وهو يضغط على نفسه خلود تذبحه بكلامها وحركاتها بدون ماتحس فك يدها وهو يتكتف

خلود الفلوس مستحيل باقي ترجع وعشرة المرواح إن شاء الله اعطيك إذا رجعنا الديرة

خلود: وهي ترجع تفك يده وتمسكها وهي تقول احمد انت ماعندك شي اسمه تفاهم الفلوس ذي والله

مالها داعي حتى فلوس التوقيع ترى ناويه ارجعها لك احمد انا عارفه وضعك المادي كيف وإذا انت

خايف من آمي او شي ترى عادي والله آمي مو من النوع اللي يسآل عن الفلوس والله

احمد: خلود طيب الفلوس ذي وش اسوي فيها الحمدلله معي مبلغ والله لاتخافي

خلود: وهي تقرب منه وهي تبوس راسه جعلك تسلم يااحمد بس الفلوس ذي هي

فلوس المرواح حولها على حساب عمي لآني سمعتك اليوم تكلم امك شكلها تطلبك فلوس صح

احمد: وهو يتنهد ويقول خلود خفي علي ترى باقي ماكملتي شهركامل انتبهي وهو يضحك

خلود: بحركة سريعه وهي تبعد عنه وهي تقول احمد انت حلفت صح

احمد: وهو يضحك امزح والله عمومآ تجهزي ننزل السوق تاخذي هدايا للآهلك وفستان علشان

حفلة المرواح ذي اللي امي صجتني بها تعالوا تعالوا بسرعه

خلود: الفستان معي والله اكثر من واحد شريتها مع الجهاز مايحتاج والهدايا بشتريها من حسابي

احمد: وهو يناظر فيها وهو معصب ايش ياخلود تشتري من فلوسك ليش مو مالي عينك انا

خلود: وهي اول مره تشوفه معصب كذا احمد مااقصد والله وانت ماتقصر بس انت ظروفك

شوي صعبه وانا بشتري اكثر من شي

احمد : وهو يقوم خلود لاعاد اسمعك تطري فلوسك عندي دام انت زوجتي انا راح اصرف عليك

واشتري اللي انت تبينه ماراح اقول لك لا يله تجهزي انتظرك وخرج ..






بعد شهر واسبوعين قضاها في جده ومكه والطائف

احمد وهو يسوق خلود ليش ساكته سولفي ترى بناام

خلود: ماعندي كلام احس من كثر ماانا فرحانه بشوفة اهلي ماعاد عندي كلام

وبعدين مثل ماانت شايف الآجواء في آبها كيف تجنن مشتااااااااااااااقه حيل للآبها

كآن لي سنه منها

احمد : وهو يحس فيها مره فرحانه وصحتها احسن من قبل اليله حفلة المرواح حقتها

وخايف من آمه وخايف آمها تاخذها عندها اوهي خلود تقول بروح عند آهلي مايقدر يستغني

عنها

خلود: احمد ليش تمشي بشويش الله يخليك ترى باقي بروح المشغل وامر اهلي ونروح عند اهلك

احمد: بضيق خلود ضروري المشغل يعني والله انت تعرفي تضبطي نفسك

واصلآ انت ماتحتاجي مكيااج ماله داعي المشغل

خلود: لاباالله عروس وتبيني مااروح مشغل سلامات لآ إن شاء الله بروح

احمد: بمزج متعكر وإذا قلت لا ماتروحي بصوت مرتفع

خلود: وهي تلف عليه بكامل جسمها احمد الشغله هي عناد وتحدي وبعدين لاعاد تنفخ علي

لوسمحت

احمد: لا موعناد بس انا مااحب المشاغل ذي مره كلها تصوير وقلة حيا

خلود : بضيق من تصرفات احمد وغيرته اللي ذبحها فيها حتى في السوق مايخليها

تاخذ راحتها حتى لو كان المحل فيه نساء يشتغلون مستحيل يخليها تدخل يقول فيه تصوير

حتى لماصبغت شعرها في جده غصب خلاها تروح المشغل بعد مابكت من القهر قالت

احمد أي تصوير المشغل معروف لبنات من الديره واعرفهم لاتنكد علي باالله

احمد : طيب تروحي ومن المشغل على بيت اهلي على طول ما تروحي بيت آهلك

خلود: وهي معصبه وبصوت مرتفع احمـــــد وبعدين انت معك اهلي مااروح اسلم عليهم

ليش وادخل بيت اهلك من غير آمي وعمتي وخواتي لاباالله ماادخل إلآ بآهلي موعلى كيفك

احمد: خلود لاعاد تنفخين علي مو اصغر عيالك انا لاتخلني احلف ذحين ماعاد تدخلي بيت اهلك

خلود: ياسلام انت تنفخ عادي وانا اسكت لاباالله مااسكت يااحمد ولاراح تحلف علي

وقبل يرد دق جواله وهو يزفر خاله يتصل عليه كآنه حااس

رد هلا وغلا

ابوخالد: هلا احمد اخبارك وكيف خلود وينكم ذحين

احمد : وهو يناظر فيها وهي تطالع من الشباك كلنا بخير والله باقي شوي على العقبه

ابوخالد: الله يحفظكم اجل بلغ خلود حنا راح نزل متآخر مره يمكن عقب العشاء إذا تبغى

تروح البيت معها نسخه او تروح عند جدتها وتتنظرنا هناك

احمد: وهو يحمد الله ان خاله اتصل اتصاله ذا حل المشكلة قال الله يحفظكم لا بستآجر

شقة نرتاح لين العصر وخلود بتروح المشغل واذا وصلتوا الديرة اتصل علي ونتقابل

ابوخالد: براحتك سلم على خلود الله يحفظكم

احمد: الله يسلمك مع السلامه ..

احمد: وهو يشوفها مطنشه اكيد زعلانه قال وهو يحاول يراضيها خلودي زعلانه وهو يمد يده علشان يمسكها

خلود: وهي تدف يده بعد عني احمد لو سمحت بطل من حركاتك ذي وتصرفاتك الغريبة ترى ماعندي قدرة

على التحمل مره تكلم معي بآسلوب وضح لي موكل شي عسف وتجبر وتحكم منك ترى في جده سكت عنك

بكيفي لكن ذحين والله ماعاد اسكت لك

احمد: وهو يشوف ثورتها عليه يعني مستقوية هنا بآهلك

خلود: وهي تلف عليه موعلشان اهلي اول مره تحملت بس ذحين ماعاد بتحمل مره

احمد : وهو معصب مره نزل عند الآنفاق وخلى الباب حقه مفتوح وراح يطل على الوادي

خلود: وهي ترجع تطالع وين نزل وتلف إلآ تشوف قرود كثيره بخوف وتعلق على بوري السيارة

تخاف من القرود بشكل غير طبيعي وهي تناديه وهو مطنش رجعت توقف ونطت لين وصلت مكانه وهي تنزل

بخوف وهي تلتفت حولها لين وصلت عنده وهو معطيها ظهره حس فيها وهي تنزل لين عنده قالت ليش خليت

الباب مفتوح وماشاء الله واقف في مكان كله قرود تبيني انجن انت تعرف اني اخاف منها

احمد : وهو مطنشها لف وينزل النظارة ويحطها في جيبه وهو ساكت وشاف قرد صغير جاي عندهم

وهي قدامه حب يآدبها شوي قال شوي من جاء وراك

هي التفتت وهي تشوف القرد وتصيح بقوه وتتمسك فيه وهي خايفه احمد الله يخليك خله يبعد عني وهي تدس

راسها في صدره وهو يضحك اول مره تحضنه هي باالشكل ذ مستمتع بقربها حاول يكون نذل معها وهو يحاول

يبعدها عنه ويقول بعدي عني وهي تمسك فيه احمد الله يخليك بعده عني احمد فديتك بعده

احمد: وهو يقول ها باقي تبغي المشغل وهو يضحك

خلود: بخوف لا لا بعده عني خلاص

احمد: طيب اول هنا وحده وهويآشر على خده يله وإلآ اخلي الكبير اللي هناك يجي

خلود: وهي خايفة احمد والله خايفه موقتك والله

احمد : وهو يحاول يفك يدها اجل تحملي

خلود : وهي تقرب منه وتطبع بوسه على السريع وهي ترجف من الخوف

احمد: وهو مستمتع وينزل الآرض وياخذ حجر ويرمي القرد وهو يمسك يدها

و يقول شكلي باخذ لي قرد وحطه معي في البيت ويضحك ..




في الليل وصفـــية غصب عنها وهي ترحب في خلود وآمها هي وبناتها وهي تشوف

خلود كاشخه على آخرشي قربت منها منال وقالت يمه الله يخلف عليك في ولدك بخير

قسم الله راح عقله على خلود اتصل علي ويتحلف لو نسوي شي لخلود ليذبح الكبير

والصغير.. آمهاحسبي الله عليها هي وآمها صالحه آم الآسحار ماهو بعقله مسحور

العصر اتصل عليه اقول تعالي جيب لي اغراض قال بودي خلود المشغل موفاضي

خلود وهي تحس بضيق من اول مادخلت وزاد عليها احمد غصب خلاها تروح المشغل

صالحة: وقلبها مقبوض من شافت خلود متغيره مره نحفانه حيل والتعب مبين عليها

اقتربت منها يمه خلود ايش فيك كذا نحفانه تعبانه

خلود: وهي ماتدري وش تقول للآمها عادي يمه مو تعبانه والله والحمدلله احمد

مومقصر علي بشي بس كنت مره مشتااقه لكم

صالحة : وكلام خلود مااقنعها مره طيب إذا خلصنا تروحي معنا فقدك ابغى اسولف

معك

خلود: وهي متوهق مستحيل احمد يوافق طيب يمه بشوف احمد علشانه

تعبان مره اليوم من رجوله


اليوم الثاني الظهر /وهو يشوفها زعلانه حيل علشانه رفض يخليها تروح عند اهلها

جالسة تسولف مع آبوه على الغدا هي طبخت طبعآ آمي واخواتي ينامون لين العصر

والعصر كانت جاهزه علشان عمتها محاسن مسويه لها حفلة العصر

المشكله مايقدر يمنعها وبنفس الوقت راح تعصب وتثور كفايه البارح..

قالت يله وصلني جاهزة قلت وانا اشوف الساعة وانسدح باقي بدري ياخلود

تكتفت وهي تقول وين بدري يااحمد الساعه 5 ذحين حتى امك واخوانك خلاص راحوا

واناباقي قلت سوي لي شاي وبعدين روحي ..خرجت من غير ماتقول شي ..

مااحبها تخرج من عندي مره خاصة عند عمتها محاسن وناصر موجود هنا



في الحفله :وصالحة تسآل صفية عن خلود ردت والله ماادري عنها رحنا وهي صاحيه



محاسن : بقلب طيب على راحتها باقي بدري وهي عروس وتعبانه من حفلة البارح

وماكنت بسوي الحلفه اليوم إلآ لما عرفت ان احمد بتخلص إيجازته

صفية: لاوالله لاتعبانه ولاشي صاحية من الظهر كان يمديهاتتجهز وتجي

صالحة: وهي مقهور كل الحريم موجودين وخلود اللي حفله لها ماقد جت شوي

إلآتسمع صوت عمتها محاسن وهي تغطرف وهي تشوف خلود تدخل سلمت وجلست

جنبها قالت ليش تآخرتي كذا الناس تنتظرك حتى عمتك جت وانت باقي

خلود: وجوالها في يدها وترسل للآحمد انها دخلت خلاص قالت يمه احمد كان

مشغول وانا ماخلصت بدري

امها : طيب حنا بنرجع آبها على الساعة 12روحي معي ياخلود ابغاك وخواتك كمان مشتاقين لك

خلود: قالت طيب يمه وهي ترسل للآحمد لاتجي انا بروح مع اهلي وبعدين ابوي بيرجعني

شوي إلآ يرجع يتصل عرفت انه راح يقول لها لا رجعت الجوال الشنطه وهي تقول بكيفه..



في بيت آهلهــا مره مستانسه مع اخواتها وآمها ونسيت من احمد حتى جوال خلته صامت

آمها : خلود كيف احمد معك

خلود: يمه كم مره اعيد الكلام والله احمد مره كويس معي مايرفض لي طلب

آمها : بشك وهي حاسه ان خلود تكذب طيب ليش نحفانه كذا ياخلود والسمار ذا متغيره

مره ذبلانه ماكآنك عروس

فاطمة: وهي تشوف آمها كيف تحقق مع خلود يمه الله يصلحك طبيعي تتعب كذا حياة جديدة

اكيد راح تتغير والنحف عادي مو مره

صالحة : وهي تقوم طيب خلود إذا مو مرتاحه عادي تكلمي لاتكتمي في قلبك وخرجت

زينه: خلوود صدق اشبك كذا متغيره صادقة آمي والله لايكون سلفر متعبك

خلود: وهي تضحك هههههههههههههه حرام عليك زينه تقولي عنه كذا

زينه : إلآ والله كآنه سلفر اللي كان يجي في جزيرة الكنز زمان شفته البارح يعرج

فاطمة: كيف شهر العسل في دبي انبسطي عسى بس صورتي

خلود: الحمد لله كان مره حلوووو والتصوير لاوالله ماصورة شي

زينة : رحتي سكي دبي و دانه دبي و رويال ميراج والآسواق

خلود: وهي تتنهد زينه كلها رحت فيها

زينة: حظك والله قهر حنا السنة اللي قبل الماضية رحنا بس ماش مارحنا كل مكان

خلود: وهي تشوف جوالها يدق احمد ردت قال خلود اخرجي انا في السيارة بسرعه

زينه : وهي تشوف خلودتاخذ عبايتها وين بدري خلي سلفر يروح وحنا نوصلك

خلود: لاوالله بروح مره نعسانه بنام ...وخرجت


خلود يارب ارحمني من احمد وتصرفاته المتناقضة فجئه يعصب وبعدين يرضى

من نفسه ركبت السيارة وعادي ماقال شي ووصلنا البيت وجلست مع عمي اسولف

وهو راح ينام شوي اتصل وقال تعالي استحيت من عمي ورحت له كان على السرير

بيده جواله انا طنشته وانا احس بضيق فضيع ودي ابكي احتاج آمي كثير وصعب اقول

لها اتمنى احضنها وابكي بدون ماتسآل وش فيني احس ان الغثيان رجع علي

وآلم اسفل بطني وظهري الله يستر لاتكون الدورة مو وقتها انا خلقه تعبانه ..

اخذت لي ملابس ورحت اتسبح احس بحرارة بكل جسمي وقرف حتى من نفسي ..


احمد: احس بطفش وهي زعلانه من البارح واليوم كمان رسلت لي انها بتروح مع اهلها

وارجع اتصل عليها ولاترد عرفت انها زعلانه ورحت اخذها وانا ساكت وصلنا البيت وتجلس

مع ابوي تسولف وانا رحت انام بس ماجاني نوم وهي تحت وانا إنسان اغار حتى من آبوي والليله

كانت كاشخه مره اتصلت عليها وجتني وهي معصبه ودخلت الحمام عجزت من نفسي انا عصبي وغيور

وهي مدلعه ماتتحمل شي وموكفايه اني صابر شهر وعليها وهي عادي مااهتمت خرجت من الحمام وهي لابسه

بجامه وتجفف شعرها وتتعطر وتدهن جسمها بمرطب وبعدها قامت تصلي وانا ناوي الليلة اكلمها خلاص

كملت شهر واسبوعين. طولت وهي تصلي كآنها تصلي التراويح طفشت منها وانا انتظر قمت اصلي الوتر

ورجعت انام شوي إلآ اسمع صوتها تبكي وهي ساجدة ياليل الدلع اكره ماعندي اللي يبكي بدون سبب

انتظرتها لين خلصت الصلاة واجلس على ركبي قدمها وانا اشوف وجها احمر وعيونها من كثر مابكت

قلت خلود ليش الدموع ذي ايش فيك وكل ماسآلتها زاد بكاها قلت لها وانا اهزها خلود تكلمي ترى طفشت

منك ومن دلعك رفعت راسها وقالت دام انك طفشت مني ومن دلعي ليش ماتتكلم من بدري واروح مع اهلي

وليش تتزوج اصلآ دام انك موقد الزواج وإذا انت طفشت من دلعي فآنا طفشت من تصرفاتك ومن غيرتك

اللي مالها داعي لاتحسب اني مافهمتك العصر لما غصب وصلتني عند عمتي كنت خايف اقابل ناصر هناك

واخوانك صح يااحمد وهي تبكي انت انسان مريض باالشك حتى جوالي كل يوم تفره تشوف من يتصل علي

واللي خلقني ماعمري عرفت رجل غيرك حتى لماكنت بنت اجل كيف ذحين وانا متزوجه لماسمعتها كرهت

نفسي بس الشعور ذا غصب عني حضنتها باالقوة غصب عنها وهي تبكي وتقول فكني يامريض فكني

لاتحسب اني بسكت لك ماعندي استعداد ابني حياتي مع شخص مريض اللي يسمعك وانت تقول ناصر

كآني قد خرجت معه حتى ابوي يخليني انام عند عمتي محاسن لآنه واثق فيني قلت لها خلود اطلبي وش

يرضيك واسويه قلت ودني عند اهلي قلت وغيره قالت اهلي ماعاد اقدر اتحملك قلت والناس وش راح تقول

عنك مطلقه وماكملتي شهرين قالت عادي كلام الناس مايهمني ليش اتحملك واغبن نفسي فكت نفسها مني

وجت بتقوم حسيتها بتطيح حاولت اساعدها دفت يد قالت لاتلمسني رجعت تجلس وهي تبكي ماتحملت شكلها

شلتها غصب عنها وهي تبكي بصوت مرتفع لين حطيتها على السرير وهي تقاومني بس ثبتها وقربت وجهي

منها وهي تقوم شوي سكتت فكيتها وانسدحت جنبها شوي إلاتقوم بسرعه على الحمام وترجع وانا اسمع

صوتها واروح اشوفها وهي مسنده على المغسله شكلها يقطع القلب لوشافها خالي محمد قسم باالله ماعاد

يخليها تجلس عندي قلت لها اجيب لك مويه قالت بعصبيه احمد انقلع عندي ترى مو طايقه اشوف وجهك

لماسمعت كلامها عصبت وانا اقول خلود عن طول اللسان لاتحسبين اني احبك يعني اسكت لك

ترى باقي ماعرفتي منهو احمد..

ماردت وهي تغسل وجها طنشتها ورحت انام ذا كله بسبب ناصر الله لايوفقك ياناصر..

ماادري كيف نمت صحيت الساعة 2الظهر وانا احس بصداع والغثيان باقي معي صليت

الفجر والظهر وبدلت ملابسي شوي دخل وقال تجهزي بنرجع آبها فرحت مره رتبت

الغرفه واخذت اغراضنا ونزلت السيارة وحركنا الهدوء يعم السيارة وانا حاطة سماعات

الجوال في آذني واسمع القرآن احس بوحشه في قلبي اعراض الدورة كلها وقفنا عند محطة

قال وش تبغين اجيب لك قلت ولا شي نزل وجاب اغراض ومشينا لين وصلنا آبها قلت

لوسمحت ودني عن اهلي قال خلود تعوذي من الشيطان زعلانه ازعلي في بيتك قلت احمد

وصلني بيت اهلي خلاص قال طيب بكره اوديك قلت ذحين قال كيف تروحي ووجهك كذا قلت عادي

قال بعصبيه اعوذ باالله من الشيطان الرجيم وهو مسرع باالسيارة طنشته وانا اخرج جوالي واتصل على

آبوي وانا اسلم عليه قلت في البيت انت قال لاوالله انا وامك واخوانك في تنومه من الصباح ليتك عندنا

قلت ياليت والله .قال بغيتي شي قلت لاعادي انا في آبها قلت امركم قال اجل اسبقينا البيت وحنا بنجي

قلت لاوالله استانسوا الله يحفظكم وبكره اجيكم سلم على الكل واقفل والتفت واشوف احمد إلآ هو يضحك

طيب يااحمد والله ماعاد اسكت لك ..


انتهى