بعد صلاة العشاء /


في مجلس ابوخالد ابومازن كان حاضر معهم جسدآ والروح هناك مع تلك الراحلة

منذ ان رحلت عن دنياها والحزن يسكن جنبات روحه وهذا الحزن يتجدد كل يوم بسؤال

مازن ..بابا وين ماما..بابا متى ماما تجي ..سؤال لايستطيع ان يجد له ايجابه شافيه كل اللي

يقدر يقوله له ماما راح تجي إن شاء الله قريب ..منذ ان وارى جسدها الثرى وهو يبكيها في

كل حين ..فهي سعادته وكان لها من اسمها نصيب اسمها سعاد فهي السعادة والراحة ولآنس

لم تكدره بكلمه او بتصرف ,,لم تقول له لا منذ ان عرفها فمن هي التي سوف تكون عوض

له عن سعاد لذا قرر عدم الزواج سخر نفسه وكل حياته في خدمة آمه وابنه مازن اكتفى بهم

إلآ ان آمه هذه المره اقسمت ايمانآ مغلظة ان لآتحادثه حتى يتزوج فماكان منه إلا ان يوافق

مجبرآ استشار صديقة ورفيق عمره آبوخالد فوافقه الرآي وقال له تثق فيني ترى زوجتك

عندي ياابومازن إنسانه ملتزمة ومن بيت صالح متواضع تريد الستر وراح تهتم في مازن

وآمك وعلى مسؤليتي .قلت له اهم شي عندي ولدي وآمي وماابغاها صغيرة مره ابغى

وحده عاقلة تفهمني وتقدر وضعي ..قال ابشر باالخير وماراح تندم ..ومن شفت بيتهم

المتواضع وانا احس براحة اخوها الصغير في السن ابهرني بتصرفاته وبكلامه اللي

يسمع كلامه معي يعطيه فوق 25سنه رغم انه ماتجاوز 19سنه في النظرة الشرعية

مااهتميت تكون جميلة نهائيآ وكنت متوقع انها نفس اخوها فضل اسمر شوي

وعادي اهم شي تحب مازن وتعوضه حنان آمه دخلت علي إمرأة ذات قوام

ممشوق اطول مني بشوي عيونها واسعه خشمها الطويل ذات بشرة سمراء

برونزيه ملابسها عاديه جدآ بلوزة وردي وتنوره جنز وحاطه طرحتها على

شعرها حتى الكحل مو حاطة بس فيها جاذبيه بشكل كبير حتى حركاتها جلستها

دخلت علي بالشكل ذا كآنها تقول انا كذا على طبيعتي بدون مكياج ولاشي

واثقه من نفسها بمجرد شوفتها وانا احس بشي قديم سبق ودفنته مع سعاد

تجاهلته ...رجع من افكاره على صوت ابوخالد : ابو مازن الشيخ يكلمك ..

ابومازن وهو يحس بآحراج هلا يايشيخ معك ..

الشيخ : نملك ذحين علشان مشغول والله

ابو مازن على بركة الله ..

الشيخ : من ولي آمر العروسة وهل عندها شروط علشان نوثقها

فضل : وهو يحس انه محتاج يبكي من شدة الفرحة اخيرآ راح يطمن على

اخته ..انا ياشيخ ولي آمرها والشروط سبق واتقفنا عليها ..

الشيخ : كم المهر

ابو مازن : مئة الف ريال

فضل : ياشيخ ولايهون الحاضرين حنا شرطنا مئة الف لكن 20الف مني للأبو مازن

هو قبيلته بدال دخلتهم علي ...وعشرة الف ريال مساعده منا له في اثاث لبيت آختي

وعشرة الف مساعدة في تكاليف الزواج ولانبغى فلوس توقيع ولا كسوه ولاشي..

وفلوس المرواح في بيته حسب استطاعته يعني المهر 50الف بس

ابومازن : لايافضل انا موافق على كل الشروط من البداية وانا مقتدر الحمدلله

فضل : برجاحة عقل الله يزيدك ياابو مازن من فضله وحنا نشتري رجال مثلك

والفلوس وسخ دنيا تروح ولاتبقى إلآ الشيمة والمعروف اهم شي انك تعز اختي

وتحترمها والنبي صلى الله عليه وسلم (بارك الله في قليلة المهر ) وحنا ماوافقنا

عليك وحنا داخلين على طمع ..

كل اللي في المجلس بصوت واحد : بارك الله فيك يافضل


في بيت ام فضل المجاور /


الحوش كله مفروش زل آحمر كراسي وعقود اللمبات كاملة حفلة ملكة بسيطة مختصره

اهل العريس وجيران ام فضل المرآة المحبوبة ريحة البخور تعج في المكان وانواع

مختلفة من الحلويات والمعجنات والعصائر كل شي في الملكة متكفل فيه ابوخالد حتى

الدي جيه وفستان نادية حالف محد يساعده بشي مو غريبة على ابوخالد ...

ام فضل قاعده مع الحريم بهيئتها المعتادة والبسيطة قاعدة تقاوم ماتنزل دموعها وهي

قاعدة تشوف الحوش اللي كان خير شاهد على معناتها فهنا كانت تخبز تحت لهيب الشمس

الحارقة ..وهناك كانت تبكي عندما لاتجد مايسد حاجتها ..وعند شجرة الحنا كانت تقف عاجزه

عندما اجتاحت مياه الآمطار بيتها في كل زاوية من هذا المكان كان لها فيه وقفه مع دموعها هنا

وهناك كانت عروسها هذه الليله تشاركها تلك الوقفات بصمت وذلك الرجل الصغير

فضل لكن لايدوم حزن ولا يستمر عسر فكل دعواتها تلك لم تذهب عبث كان لها

عند الله آمد ووقت معلوم ..هذا المكان هذه الليله شاهد على فرحة عظيمه لاتستطيع التعبير

عنها الليلة ملكة نادية رجعت من افكارها على صوت الباب الخارجي وفضل ينادي

يمه وراحت له شافت وجهه وهو منور ويضحك قرب منها وقال اول ابارك لك انت

مبروك ملكة نادية يمه وعقبال سماهر يارب خذي الدفتر خل نادية توقع وتتجهز شوي

راح يدخل ابو مازن وكلمي آمه واخواته يدخلون يمه يدخل المجلس عند نادية مافي لا زفه

عند الحريم ولاشي طيب لااسمع انه انزف معها مايجوز يمه ..

ام فضل : وهي تاخذ الدفتر فديتك ياروح آمك وعقبال مااشوفك عريس يافضل

فضل : وهويضحك اوووه باقي بدري يمه الزواج علي حرام لين ابني لك عمارة

تليق بك واجيب لك شغاله واعوضك عن الآيام الماضية ...وخرج


في مجلس الرجال /

ابوخالد : بفرحة مبروك ياابومازن اخيرآ مابغيت الحمد لله بس شوف ترى

نادية في ذمتك لو جت تشتكي منك والله محد يوفق لك إلآ انا تراها يتيمه

ابومازن : إن شاء الله بس انت مو ملاحظ ان غثيتني اليوم كله خلاص الوصيه

مره وحده ..

ابوخالد: بروحه الطيبة احذرك بس وتجهز علشان تدخل ووين الهدية اللي

قلت لك تشتريها لايكون ماجبتها .

ابو مازن : والله ماله داعي ادخل ..والهدية في السيارة يااخي انت عليك حركات مراهقة..

ابوخالد: ليه حرام عليك تكسر فرحتها ..وحركات المراهقة يازينها باالحلال ترى بعطيك

دروس في الرومنسية ترى اعجبك هههههههههههه

ابو مازن : لافكنا باالله من خبالك ياابو الرومنسية والليالي الحمراء والله انك مراهق صدق

ابوخالد: يعني لما اروح فندق انا وزوجتي ونسافر لوحدنا صرت مراهق الله يعين نادية عليك ..

ابو مازن : مستنكر محمد انت من جدك باقي تروح انت وزوجتك فنادق وحركات خبال من جدك

ابوخالد: والله اروح عادي مو حرام ولاعيب يله توكل على الله فضل جاء وخلك رومنسي شوي ..


ناديــــــه/

لم ترسم في مخيلتها فارس احلامها كيف يكون ..كل احلامها قيدتها وزجت بها

زنزانة الآهمال ليس يأس وقنوط ولكن من منطلق لن يآخذ رزقي آحد

كانت لها امنيه واحده فقط ان تستطيع ان تمسح كل لحظة شقاء وتعب

عن آمها كثيرآ ماكانت تشارك آمها تلك الدموع تواسيها تصبرها بآن الحال لن يدوم

فبعد الليل البهيم فجر جميل احسنت الظن باالله فجائتها السعادة من كل حدب وصوب

وظيفة وزوج مقتدر لم يتجاوز 43سنة مرحلة النضج والكمال في الرجل ...

آم فضل/ يمه نادية خلاص اخلي رجلك يدخل جاهزه

نادية : بخوف فطري ايوه يمه بس خليك معي طيب

آم فضل : وهي تحارب دموعها طيب فديتك انا حولك

ابو مازن وهو واقف وشايل ولده ومعه آمه واخواته يباركون له

وآمه تبكي مو مصدقة ان ولدها تزوج 4سنة ونص وهي تحاول فيه ويرفض

وغصب اقتنع ورفض بنات عمه وبنات خواله يقول بتزوج وحده من خارج

العائلة افضل واللي مريحها اكثر اهل زوجته مره متواضعين وناس طيبه

ابومازن وهو يسولف مع ولده /

مازن بابا صح حنا ذحين بروح عند ماما انت قلت لي البارح ترى اللي يكذب

ابله ابرار تقول ربي يدخله النار ..

ابومازن: بتنهيده ايوه حبيبي ذحين نروح عندها بس خلك مؤدب

ودخل ومعه امه واخواتها وصوت الدي جي واصل لحد عنده وصوت

آمه وهي تدعي له بمجرد دخوله حس بشعور غريب يتسلل له موقادر

يميز الشعور ذا دخل وهو يشوف نادية جالسة معها آمها بمجرد دخولهم وقفت

كانت جميله سمارها الجذاب عيونها الواسعة وزادها الكحل جمال اهدابها الكثيفة

لم تتكلف كثيرآ مجرد تسريحة بسيطة ومكياج بسيط وفستان موضح تفاصيل جسمها

لاحظت لما آمي سلمت عليها رجعت هي تبوس راس آمي ويدها مره انبسط من حركتها

ذي إن شاء الله انها بنت حلال وسلمت عليها ولبستها الدبله قالت آختي يله يمه خلي العرسان

يجلسون لوحدهم وخرجوا ومازن مارضي يخرج معهم وقال لي بصوت هامس بابا عادي

اروح اسلم على ماما قلت روح عادي يله وانا اراقبة بمجرد ماوقف قدامها ومد يده مسكت يده

وقربته منها حضنته وهي تبوس رآسه ..

نادية: ماادري وش هي حقيقة مشاعري الليلة مو فرحانه ولا متضايقة عادي اللي احسه اني ارتحت

مره لماشفت آمه ولماجاء ولده سبحان الله حسيت براحه اكثر احب العيال الصغار مره وهو يتيم

شكله مره يجنن ماشاء الله لابس ثوب ابيض ودقله وغترة بيضاء سمعته يكلم ابوه شوي وجاني

لماشفت وجهه على طول بدون شعور حضنته انا ذقت طعم اليتم رغم ان آمي ماقصرت علينا

وفقد لآب اهون من فقد الآم رجعت من افكاري على صوته الصغير صح انت ماما ..

لماسمعت كلمته ذي على طول دموعي نزلت بلعت ريقي وانا اقول ايوه حبيبي انا ماما

مازن : وين كنت ياماما تآخرتي مره كل يوم آسآل بابا اقول وين ماما ويقول قريب بتجي

نادية : لاتعليق ودموعها تنزل آسف حبيبي كنت مشغوله بس لاخلاص ذحين ماعاد اروح

واخليك ..

مازن: ايوه لاعاد تروحين ماما علشان كل يوم في الروضة اصحابي منهد وحسام يقولون لي

مسكين انت يتيم ماعندك ماما وانا ابكي ..

نادية: وهي تشد عليه في حضنها ياحبيب ماما انت مو يتيم انت شاطر وهو قالوا لك كذا

علشان هم غيرانين منك

مازن : بفرحة حتى ابله ابرار قالت لي كذا وحطتهم عند الوجه الزعلانه علشان هم اشقياء

وانا اعطتني هدية وخلتني العب في الرمل ..طيب عادي تجين يوم الحفلة في الروضة كل يوم

اقول لجده تروح معي وتقول انا تعبانه ..

نادية : بروح معك كل يوم إن شاء الله لآني احبك خلاص

مازن : بفرحة بابا شفت ماما نادية تروح الروضة معي يوم الحفل

ابومازن : وهو يسمع الحوار المحزن المبكي بين نادية ومازن كان حتى هو يبكي اعجبه تفاعل

نادية معه رغم انها اول مره تشوفه خاصة لما قال له (كل يوم آسآل بابا وين ماما ويتقول قريب تجي)

اخذ الكيس ووقف قريب منها وهي على طول نزلت مازن ووقفت وهو يناظر فيها عيونها مليانه دموع

قرب منها لين مسح دموعها وهو يقول المعذرة مازن خرب عليك المكياج ..

ارتجفت من حركته الغير متوقعه وهي تمسك مازن وتقول لآوالله عادي فديته عسل ..

ابومازن : خذي ذا جوال ومسجل فيه ارقامي إذا احتجتي شي اتصلي ...وهو يمسك يد مازن

ويقول يله يا بابا نروح ..مازن وهو يمسك في فستان ناديه لا بجلس عند ماما هي تحبني

ابومازن : وهو يحس انه تورط ذحين كيف يفهمه قال حبيبي مازن ذحين نروح عند الرجال

عيب نجلس مع الحريم

مازن: لالا بجلس مع ماما

نادية وهي تشوفه كيف متعلق فيها قالت بخجل ابو مازن خله معي عادي بحطه في عيوني

ابومازن : وهو يحاول يهرب من قربها المتعب له ماتقصري بس ضروري اخذه

نادية : وهي تنزل لمستوى مازن وهي تقول حبيبي روح ذحين مع بابا عند الرجال وبعدين

إن شاء الله انا بجي خلاص وخلك شاطر علشان اجيب لك هديه حلوه

مازن : وهو ماسك فيها بروح بس انت لاتروحين طيب علشان نجي وناخذك

نادية : وهي تحضنه طيب ياروحي انتظرك وخرج ...



في بيت الجده/

بمجرد ماشافت وجهه الكريه وصوته البغيض تيبس فيها كل شي تحس انها روح

بلا جسد تبي تتحرك تهرب من امام نظراته الوقحه بس موقادة كآن الآرض التصقت فيها

شيلتها على رقبتها موقادرة ترفعها وتستر نفسها كل تفكيرها ان جابر راح يفضحها

جابر : ياسلام ماخذين بيتنا شقة لكم علشان جدتك تنام بدري وانتوا تاخذون راحتكم

احمد: مو مستوعب شي يحس بآنه يحلم خاله جابر مسجون وغير كذا كلامه الوقح

كل همه يخبي خلود عنه اللي صارت وراه وحاطه وجهها في ظهره وتبكي عجز

يتصرف قال: خلاص ياخال لوسمحت اطلع برا شوي زوجتي هنا

جابر: بواقحة حلوه زوجتي اصلآ انت اخذتها وانا ابغاها وراح تطلق وانت متشوف

الطريق هي لي عمي محمد قال خلود لك

احمد : جن جنونه وهو يقفز عليه ايش تحلم ذي زوجتي واحترم نفسك ورجع يطالع فيني

وهويقول بصراخ ادخلي يله عند جدتي بسرعة

خلود: وهي تتمنى انها تحلم هي تعرف جابر شراني مايعرف لامذهب ولاسلوم ومن بكره

ماراح يخلي احد إلآ يعلمه واول من بيفرح عمتها صفية وسيرتها راح تكون على كل لسان

قالت احمد تعال خلاص خله الله يخليك وهي تشوف احمد تضارب مع جابر وجدتها جت على صوتهم

وتحاول تفك بينهم وتهاوش جابر واحمد وتدعي عليهم وكل ماقال جابر كلمه نط احمد عليه وجدتي

تعبت بينهم ..اخيرآ حطت الشيلة على شعرها والباقي على وجهها بس موقادرة تدخل بينهم

هي تشوف جدتها كآنها لعبه بينهم كل واحد يدفها شوي علشان يضرب الثاني شوي اللي تحس بواحد

يدخل مع الباب ويدف احمد بقوة عن جابر ويبعد جدتي عنهم وهو يقول خير وش صار اصواتكم

لين الشارع ..

جابر: وهو يحاول يوقف النزيف من خشمه والله ولد عمتك ال.....) حصلته مع خلود ال....) هنا

مستغلين ان جدتك نايمه وماخذين راحتهم يحسبون انهم في آبها ودوبه يكمل كلامه إلآ احمد يرجع يقز

عليه واسمع اصواتهم ويرجع عبدالرحمن يبعد احمد عن جابر وهو يقول خير يااحمد تضرب

خالك ولا في بيته كمان استح على وجهك ..

احمد: بعصبية ايوه بضربه وادق لحيه دق دامه يتكلم في زوجتي

اخيرآ تحركت انا واسحب احمد وانا اترجاه احمد تعال خلاص احمد حرام عليك وجدتي

معي وغصب اخذه للغرفه الثانية وانا منهاره خلاص

فاطمة : كنت قاعدة في الغرفة مع تولين ومشاري وخلود مع زوجها شوي إلآ اسمع انا وجدتي صياح

وهوشة تخرج جدتي والبس انا جلال الصلاة واشوف إلآ احمد ماسك عمي جابر ومضاربه جابر قاعد

يتلفظ بكلام وقح على خلود بصراحة انا فار دمي اكره اعمامي وعمتي صفية مااطيقهم ومستحيل اتصل

على ابوي عند الملكة قلت مافي حل إلا خالي عبدالله واتصل بسرعة ويرد قلت خال تعال بسرعة حنا

في بيت جدتي فاطمة خلود تعبانة واقفل واخرج عندهم الصالة إلآ على صوت عمي جابر وهو يقول

ذي ....,..........)كلام وسخ وقذف ..ويقول مثل آمها صالحة تربيتها لكن والله ماغير احمد يطلقها واخذها

انا عمي محمد قال خلود لي وبعدها اعرف اربيها وانا لماسمعت كلامه جن جنوني

وادخل الصالة واقوول تررراب في وجهك ياخريج السجون صالحة وبناتها تاج على راسك انت وغيرك

واحترم نفسك ياوقح المفروض انت ماتتكلم لآنك شوهت سمعت ال حريقي

جابر : اوووووووه الحلوه الثانية هنا الدكتورة فاطمة أي سمعه تتكلمي عنها وانت

وش وضعك في المستشفى ياحلوه ..

فاطمة : اجتمع في قلبها قهر وحقد على عمها جابر وعمها حسن اللي حاربوها بمجرد

دخولها التمريض ماحست بنفسها كيف مشت لين وصلت لعنده وهي تقول تفووووووو

عليك ياالسربوت ياالحرمة انا رجولي في الآرض اطهر منك ومن عشرة مثلك صحيح انا

ممرضة لكن حافظه نفسي

جابر: وهو منصدم من حركتها ويمسح وجهها انا سربوت يافاطمة ال.....) وامك...)

وقبل لاينطق ماحس إلآ في شي شايله من الآرض ويرصه على الجدار عبدالله وكل جنون

الدنيا راكبته وتبغى مين .....) ها ياجابر تبغى مين تكلم ويد مثبته بها في الجدار واليد الثانية

ماسك فكه وهو يقول انطق احسن لك وعبدالرحمن يحاول يفك عمه من يد عبدالله لكن وين

عبدالله اطول واضخم جابر وهو عارفه انه ماراح يفلت انا جيت وحصلت خلود مع احمد هنا

تخيل حصلتهم وحدهم وهم ........) عبدالله لماسمع اسم خلود ثار من جديد وكف قوي سكت

جابر ويرجع يشد شعره قاعد تقذف خواتي ياسربوت وبنات اخوك ياعديم المرجلة وش دخلك

خلود مع زوجها انت وش دخلك ..ويرجع يركله على بطنه ويمسك فكه ويعصره ويقول جابرطلع

لسانك انا سبق وحذرتك خلود ماعاد تجيب سيرتها لابخير ولا بشر بس الظاهر انك تحسبني امزح

طلع لسانك والله اقطعه لك انا شيمتك ياكلب بس منت حق شيمة ..

عبدالرحمن : وهو يشوف ملابس عبدالله كلها دم وعمه متكور على نفسه ويرجع عبدالله يرفعه

ويضربه قال : عبدالله خلاص فكه حرام عليك والله تراها بحق وفيها حقوق تضربه في بيته

عبدالله وهو آذن من طين وآذن من عجين كل اللي يشوفه ذحين دموع خلود قدامه اكثر من مره

يحذر جابر قال جابر قول التوبة ياصالحة وخلود ماعاد تجيب سيرتهم

جابر : وهو يحس بطعم الدم في حلقه والله ماعاد اجيب سيرتهم بس فكني والله بموت

ياعبدالله حرام عليك فكي بينكسر والله

عبدالله : وهويشد عليه اكثر تستاهل والله جابر ان جاني خبر وسمعت انك قلت

اللي صار الليلة لجنس مخلوق قسم باالله ماغير اهب لك ضربه تسبب لك عاهة مستديمة

ودفه لين طاح على الارض والتفت وهو يقول فاطمة وين خلود ..





في الغرفة عند خلود منهارة تبكي

احمد وهو حاضنها يحاول فيها تسكت بس هي منهاره مره وتبكي وهويقول خلود اش خلاص

ياقلبي اسكتي ماصار شي خلاص

الجدة: حسبي الله عليك انت وجابر صدق من قال( انسب الخال يجيك الولد) لعنبوا ذاك

الخال على ذاك الولد كل اللي صار من تحت راسك يااحمد اقول لك اسر عنا وانت ماريحتني

منت ساعي خير خل قلبك يبرد ذحين هي بتموت وجابر من بكره بيتهرج بها على كل واحد

واول من بيفرح آمك حسبي الله على جابر ونعم الوكيل اشقاني وهو صغير واشقاني وهو كبير

آحمد: وهو موناقص كلام جدته والله ان تكلم ان ذبحه على يدي هذا حلفت ترى ماعندي مشكلة

خلود بمجرد ماسمعت كلام احمد بكت اكثر وهو يحضنها وهو يقول انا اسف والله ياخلود

ويشد عليها في صدره ويحس دموعها مثل النار تحرق صدره

عبدالله وهو داخل شاف خلود بحضن احمد منهاره بسرعة جلس عندها وهو يقول

وش سوا فيها لايكون ضربها السربوت ذا

احمد: لآ بس شافته وخايفة

خلود: بمجرد ماشافت عبدالله وثوبه الآبيض كله دم قالت عبدالله لايكون ذبحته ليش الدم ذا ..

عبدالله : بقهر على خلود ايوه ذبحته وراح اذبح أي احد يعترض لك حتى لوكان ابوي

خلود: ماعاد قدرت تقول ولا كلمة كل اللي تحسه صداع وتنمل في اطرافها

احمد: لما شافها انجن وهو يضرب خدها يحاول يصحيها وعبدالله نفس الشي

فاطمة اللي كانت واقفة عند الباب وشافت كل شي ماعاد تحملت دخلت وهي تقول

احمد لوسمحت اطلع خلني اشوفها يمكن انخفاض ضغط

احمد: مثل المجنون يضرب في وجهها ويقول خلود لاتموتي والله اذبح جابر والله واذبح روحي

بعدك خلود قومي

الجدة : وسع عنها خل اختها تشوفها وهو قام فاطمة تمسك يدها فعلآ النبض ضعيف مره

قالت خال انخفاض ضغط بروح اجيب لها ملح واجي ...



بعد ربع ساعة /

خلود سادحة واحمد وعبدالله عندها رافضة تروح المستشفى

احمد : إذا جاء خالي وش نقول له

عبدالله : ماراح نقول له شي بقول له شافت البسه(القطه) وتروعت ماله داعي

احد يعرف وجابر ماراح يتكلم ..


عبدالرحمن/ في السيارة علشان يجيب علاج لعمه جابر قاعد يتذكر شكل فاطمة

اووووووووف عصبية نار شخصيتها قوية انا لماشفتها ماعاد قدرت حتى اتحرك

ولآارمش شكلها ماانتبهت اني موجود عليها بس جلال الصلاة ووجهها كله باين

مره حلوه رغم انها كانت معصبة وكل كلامها في كفه لماتفلت عمي جابر في كفه

هههههههههههههههه انصدم ماتوقع تسويها حسيتها لوكانت لآبسه حذيان اتوقع

انها راح تضربه شريرة بقوة والله اني رجال لكن مو مثلها اعوذ باالله نار وجن

جنونها لما جاب سيرة التمريض حسيتها تقصد ابوي ..بس حزنت على زوجة

احمد مسكينة الله يصلحه عمي جابر صوتها وهي تبكي تقطع القلب الله يستر

لوعرف خالي محمد بتصير مذبحه واللي جاه من عبدالله يكفي اعوذباالله من

عبدالله كآني ماسك جدار مو راضي يتحرك سمعت صوت الفك حق عمي

جابر بس يستاهل والله مادافعت عنه حب لآوالله إلآ من باب انه عمي وعيب

في حقي ينضرب وفي بيته ولآافزع معه ...

ولماشفت فاطمة طنشت عمي جابر وجلست اتآمل فيها وهي معصبة وتناظر

في عبدالله وهو يضرب عمي جابر بنظرات كلها تشفي اعوذ باالله قلبها قاسي

علشان كذا هي ممرضة اااه الليلة احس اني حبيتها اكثر اعشق القوة في الآنثى

اتمنى امي كذا واخواتي اااه يارب جعلها من نصيبي ويهدي ابووي ..








ناصر/ من بعد ملكة خلود وانا تعبان نفسيآ موقادر اركز حتى بشغلي صورتها

وانا شايلها من راضية تفارق خيالي رحت مكه وانا ادعي و ابكي ان ربي ينسيني

حب خلود وزاد حبي وتعلقي بها ليلة ملكتها بكييييييييت قهر ليش توافق على احمد

وانا لا ومن حقدي عليه ماباركت له وحضرت علشان عبدالله وابوخالد وجالس اعذب

نفسي والمشكلة انا توسط لهم في المستشفى علشان تخرج التحاليل بسرعة ..

محاسن وهي تدخل يمه ناصر وش فيك طعني قلبي عنك ..

ناصر : اول مره احد يشوف ضعفه لكن تعب وهو يكتم قال تعبان يمه ولدك تعبان

وبيموت والله

محاسن : بخوف بسم الله عليك جعل يومي قبل يومك ايش متعبك

ناصر: بكل صراحة وجرئه خلووووووووووود يمه اتعبتني موقادر

انساها والله يمه تعبان صح انه غلط بس انا تعبان قلبي يمه موبيدي

محاسن :وقبلها ينعصر على ولدها بس ضروري ينسى خلود واللي يسويه

غلط قالت بحزم ناصر حرام ياولدي اتق الله البنت متزوجة باقي تفكر فيها

خلاص هي مو من نصيبك اتق الله في نفسك ..

ناصر: غصب عني والله يمه قلبي مو انا

محاسن : مافي شي غصب عني وصلاتك ياناصر معقوله مانهتك عن

الافكار ذي اجل صلاتك مو صحيحة اربط على قلبك وخل خلود في حالها ياناصر

اللي جاها من ابوها يكفي والله يرزقها مع احمد ويكفيها شر آمه وانت ربي يوفقك

مع بنت عمك خلاص ياولدي بنت عمك امانه عندك حتى هي ضحية مثلك لاتكون

انت والزمن عليها عاملها بمايرضي الله ..وخلود ياناصر طيب النفس منها خلها تسعد

مع زوجها ترى ان قعد كذا نفسك فيك ماراح تتوفق مع زوجها وادع ربك بكل صلاة

ان ربي يرزقك حب عبير..
وخلود آنساها براضي عنك ياناصر انسى خلود والله اني تمنيتها


لك وتقعد عندي وتحت نظري واعوضها لكن ربي ماكتب حكمة الله ياولدي..






بعد اسبــــــــوعين ..

احمد: وهو واصل حده اسبوعين وهو مايشوف خلود و لآترد على جوالها راح اكثر

من مرة بس خالد يقول نايمة او في السوق مع آمي ..ضغطه مرتفع مشتاااااااق لها

وهي تصد عنه صح انها تعبت بسببه بس خلاص اعتذر منها بس مدري وش فيها

زعلانه اوشكلها خلاص كرهتني واليوم حنا رايحين البحر مع اهل خالي محمد

وعبدالرحمن واهله وعبدالله والغثيث ناصر مجبر اروح لعل وعسى ترضى

اشوفها الآسبوع الجاي عندي مداهمة مع الهيئة وفرق من الطواري وكر دعارة

وتصنيع خمور في جبل في آبها والله يستر بس ..تنهد وهو يسمع امه تعيد نفس

السالفة ..

صفية : نادية عليها حظ تعينت وتزوجت بنفس الوقت الله يرزق بناتنا

بسمة: قولي ماشاء الله ياخالة والله نادية تستاهل مسكينة ظروفهم كان ربي

يعلم فيها

صفية : امس رحنا عندهم وجتهم آم زوجها وتسلم على رآسها ويدها وتحتفي

فيها مؤدبه ماشاء الله رغم ان مهرها إلآ 50الف بس وحنا اللي مهر يكسر

الذهب مالقينا شيمة ولا معروف عند صالحة وبنتها..

احمد: بضيق واخلاقه قافلة يمه من النهاية ليش تبغين خلود تسلم على يدك وراسك غصب

هو هي بنت الناس مو بنتك مالك شرط عليها ..

صفية : زوجة ولدي وواجب عليها تحترمني

ابراهيم ( زوجها) كاالعادة راكب قدام ويده في الجوال صح هو ساكت بس إذا

تكلم يوجع الله واكبر يازوجة ولدك وتحترمك انت اسآلي نفسك متى اخر مره سلمتي

على آمي وهي خالتك بغض النظر عن انها آم زوجك ولا بينك وبينها إلآ جدار وتروحي

هناك تسولفي إذا في جمعة حريم ولا تسلمي على آمي هيا خلي خلود في حالها ياصفية

آخر مره احذرك ذحين بنطلع نستانس واسمع انك كدرتي خاطر خلود بكلمة انت او بناتك

احمد: براحة من كلام ابوها والله لوسمعت ان وحده من البنات تكلمت على خلود انهم ليندمون




في سيارة ابو خالد الجو هناك مختلف وناسة وضحك

ابوخالد: حنا إن شاء الله اليوم رايحين جازن مدينة الفل حاجز شاليه لين يوم

الجمعة علشان خلود تغير نفسيتها شوي

زينة : بلقافة فديتك ياابووي احبك والله خلنا نروح الراشد مول والقرية التراثية وخيمة

الآسر المنتجة بليز لاتردني

ابوخالد: وهو يضحك كل ذي نروح لها مافي وقت مره يادوب نجلس على البحر

واللي قلتي عنها مره ثانية نروح إن شاء الله

زينة : خلاص زعلانه منك انت الخسران

فاطمة: الله اكبر وش بيخسر إلآ بيرتاح منك

ابوخالد: كل شي ولا زعل زينه الغالية لها عندي خبر راح يفرحها

زينة: وهي تنط لين وصلت عند ابوها قدام قول وش هو فديتك ..

ابوخالد: فكري وش هو يله ..

زينة : امممم صح انك موافق اسكن في جازن علشان ادرس هندسة

ابوخالد: اغسلي يدك اخليك تسكني في جازان تداومي كل يوم من آبها وترجعي

زينة : اووووم التحطيم طيب اممم خطبت صح ويتتزوج ..

آم خالد: وهي تقرصها خبط ذا الراس قولي آمين

زينة: اح يمه اعوذباالله ماتعرفين المزح طيب عادي إذا تزوج إنسان

متقدر ماليآ خليه يساهم في القضاء على العنوسة حرام عليك كم لك متزوجة يمه

28او29سنة خلاص اعطي ابوي مسكين اخلاء طرف ..زينة أي يمه اح خلاص

والله انه ماراح يتزوج عليك مدري وش سويت فيه شكل عمتي صفية صادقة ههههه

آم خالد: بعصبية طيب يازبنة شكلي ماربيتك صدق

ابوخالد: هههههههههههههههههه وهو يضحك ويبي يغير السالفة زينة ابشرك

يوم السبت راح تجي الشغالة

زينة: بفرح قوووووووول والله من جد اخيرآ

فاطمة: ابوي وش جنسيتها

ابوخالد: اثيوبية طبعآ امك رافضة الفلبينية ..

وفاطمة: ليش مانبيها والله وسخين ومتوحشين

زينة : ليه امي ترفض الفلبينية كان جتنا وحده مزيونه علشان تتعرف على زوجة

عمي آبراهيم ..

ابوخالد: زينة فكينا من عمتك صفية لاتسمعك بس ..يله انا بعبي بنزين وانتوا

اللي تبغى تشتري من السوبر تنزل وابتصل على خالد ينزل معكم

زينة: فطوم زينب يله ننزل وانت ياخلود

خلود: وهي ساكته طول الوقت لا مالي خلق انزل

زينة : بهمس ترى النفسية ذي كلها من اسبوعين عارفة سببها

عشان ماشفتي احمد ترى واضح كل شي هههههههههههه ذحين عوضي ياماما

الليلة قمرة 15 اجلسي معه على البحر وانواع الرومنسية بس انتبهوا ترى الناس

تصور هههههههههههههههههههههههههههههههه

خلود: يممممممممه شوفي زينة الوسخة

ام خالد: انا عارفة انها وسخة طيب في زينة

زينة: وهي نازلة سبحان الله جبنا سيرة القط جانا ينط هذا احمد

مرتز في السيارة هههههههههههههههههههههههههههههه

خلود: تلتفت وتشوفه وهو جالس يعبي بنزين قريب مره تحس بنبض قلبها

تزيد مشتااقة له مره بس كل اتصل ماترد وإذا جاء البيت تصرفة موقادرة تنسى

اللي صار لها بسببه رغم ان ربي نصرها على جابر الآسبوع الماضي مسكته

الشرطة وهو يهرب اسلحة ومجهولين وذحين مسجون واكيد راح يطلع إذا شمله العفوا..


عبدالرحمن : واقفين كلهم في المحطة قال له عمه محمد خالد وسعود شكلهم سبقونا

عبدالرحمن : ايوه سعود تجاوزني يمكن له ربع ساعه ليش وش بغيته

ابوخالد: البنات نزلوا السوبر وماعاد فيني انزل معهم لكن بكلم عبدالله يلحقهم

عبدالرحمن : وهو فرحان لاانا بنزل بس مين اللي نزل

ابوخالد: زينة وفاطمة وزينب ومعهم الصغار انتبه لهم ..

عبدالرحمن : وهو ينزل ويدخل السوبر زحمة كان ماعرفهم ويدخل لين

قسم الشبسات ويشوف ثلاث واقفين عرفهم ب مشاري مشى لين وقف قريب منهم

وشال مشاري اللي شافته فاطمة تحسبه حرامي بياخذ مشاري وانها تهجم عليه نزل

اخوي ياحرامي بسرعه نزله قبل اجمع الناس عليك

عبدالرحمن : لماشافها معصبة وترجف قرب منها وقال اص ولا كلمة انا عبدالرحمن

عمي قال لي اجي معكم

فاطمة : برعب حسبي الله عليك طيحت قلبي نزل مشاري بسرعة اشوف

عبدالرحمن : وهو مطنشها واخواتها واقفين قال يله خلصوا عمي ينتظرنا

اللي تخلص اغراضها تحطها عند المحاسب وترجع السيارة وانا بجيبها

فاطمة : بعناد وكره له سحبت يد تولين وهي تقول اشتروا واللي تخلص

تجي عندي ونروح مع بعض نحاسب معي الفلوس وراحت

عبدالرحمن : وهو يشوفها تمشي بعصبية طيب يافاطمة نشوف

كان يراقبها اخواتها خلصوا وهي باقي تعاند وجينا عند الحساب اخذت

اغراض اخواتها كلها بنفس العربية وراحت تحاسب عناد فيني ورحت معها

ووقفت قريب منها قلت فاطمة بلا عناد خلي الآغراض وارجعي السيارة

انا بحاسب قالت : بكل وقاحة محد طلب منك وهي تكلم العامل

عجزت معها قويه شوي ويدخل عبدالله معصب لما اخواتها شافوا

خالهم عبدالله خرجوا وهو وقف وقال بنت ليش واقفه هنا قالت بحاسب

رجع ناظر فيني وقال خلاص ارجعي السيارة انا بجيك ...


في السيارة :

زينة: يممممممممممممممه انا في وجهك خالي عبدالله راح يذبحنا والله علشان نزلنا

يمممممه امنعيني من اخوك

آم خالد: فديته جعله يسلم ان ذبحك

شوي يجي ومعه عامل شايل الآغراض وهو يسلم

عبدالله : زينة وفاطمة وزينب والله العظيم لوباقي اشوف وحده فيكم تنزل السوبر

او غيره راح احش رجولها حش ..

ام خالد: فديتك جعلك تسلم وزينة لااوصيك

عبد الله : اكييييييييييييييييييييييييييييييد



بعد صلاة العشاء على شاطئ اجواء ساحرة اصوات الدبابات والآلعاب النارية

ضوء القمر الساطع الليلة 15

احمد وهو جالس بطفش ملل ابوه حصل له خمه من الفلبين وقاعد معهم على ريحة

الحبايب ..وخالي محمد على الآيباد اكيد يخلص اشغاله وعبدالرحمن مع ناصر وعبدالله

وسعود وانا اكره ناصر ومستحيل اجلس معه من العصر رحنا مرسى الآحلام صح هو حلو بس

قلة حيا اختلاط بنفس المكان وشيش ودخان جلسنا شوي وانا ماعجبني وبعد المغرب جينا شاطئ

اللحظات السعيدة قريب من سلوى والمرجان بس افضل شوي ..وخلود ماشفتها مره ابيها كلمت خالي

قال تبغى مرتك اتصل عليها واتصل ماترد ..حتى بسمة الحيوانة ماترد

كلمت عبدالله قلت باالله اتصل على خلود ابغاها ضروري من بعد اللي صار ماترد

على جوالها زعلانه مني وبصراحة انا ابي راضيها بس هي مو معطيتني فرصة

عبدالله اخرج جواله واتصل وعلى طول ردت قال لها انتظريني عند السيارة شوي بجيك

قالت طيب وابوس راس عبدالله واشكره قلت صعبة نجلس هنا عبدالرحمن واخوه موجودين

باخذها في السيارة قريب ماراح اطول قال عادي زوجتك بس انتبه لها ..

خلود وهي واقفه قريب من السيارات تنتظر عبدالله بس تآخر رجعت تنزل لين

وصلت البحر واقفه تتآمل البحر وهي رافعة عبايتها علشان الموية قاعدة تحسب

كم باقي على زواجها شهر بس وراح تدخل حياة جديدة مع احمد الشخص اللي حبته

على طول ماتدري كيف ومتى وليه هي حبته بس وصارت تشتاق له بس مستحيل

تصرح له وتقولها له مستحيل ...

حست في احد واقف وراها توقعته عبدالله بس قرب منها لين حاوطها مع خصرها

بخوف وهي تحاول تفك نفسها وهو يقربها لين لصقت في صدره ويقرب منها وهو

يقول لاتخافي انا احمد ...

تحولت الرجفة من الخوف لشي ثاني رجفة شوق صوته بعثرها حضنه همسه لها

قالت وهي تحاول تكون طبيعيه احمد الله يصلحك ضروري تخوفني كذا انت ماراح

ترتاح لين تسبب لي جلطة ..

رجع يلفها له وصارت مقابلة له وهو يقول سلامتك من الجلطة ياروحي احمد

كل ذا زعل ياخلود او تغلي وإلآ ايش اسميه اسبوعين وانا تعبان ياخلود حرام

عليك ..

خلود : وهي تحاول تشتت نظراتها بعيد عن وجهه علشان مايلاحظ ارتباكها وتآثيره عليها

بس طريقته في العتاب عورة قلبها حيييييييييييل بلعت ريقها وهي تقول ماادري يااحمد بس

الآيام الماضية كنت احتاج اكون لوحدي

احمد: وهو ملاحظ رجفتها انفاسها الغير منتظمه قال بصوت هامس خلود معقولة مااشتقتي

لي

خلود: وهي تناظر فيه وهي ساكته

احمد : عمومآ انا ترى قلت لعبدالله يقول لك تجين هنا لاني عجزت وانا ادق وهو يمسك يدها

يله تعالي معي ابغاك والله في شي مهم بقوله لك ..

خلود: والخوف يتملكها وذكرى دخول جابرعليهم ترجع تداهمها قالت احمد مستحيل اروح معك

احمد: خلود والله العظيم قلت لعبدالله وقال عادي نروح ماراح نبعد ياخلود هنا صعب نجلس

شوفي العيال عندنا

خلود: بتفكير احمد الله يخليك كفاية اللي صار

احمد: وهو يقرب منها مره وهو يقول خلود انا محتاج لك والله اول مره اطلبك لاترديني ويمكن

يكون اخر طلب

خلود: بخوف احمد وش صاير لاتروعني

احمد : بضحكه فديت اللي تخاف علي ويقرب منها وهي تدفه والله عندي يوم السبت مداهمة

وكر تصنيع الخمور تملكها عصابة اثيوبية ولا احد يدري إلآ انت تعالي ياخلود خلنا نجلس

لوحدنا شوي يمكن تكون اخر جلسة لي معك ..

خلود: بخوف احمد لاتقول كذا الله يخليك ترى موناقصة ربي يحفظك

احمد : فديت اللي تدعي لي يله تعالي وخليك شاطره ...



في السيارة احمد حياالله بنت محمد نورت السيارة فيك

خلود: وهي خجلانه احمد الله يخليك شوي ونرجع طيب

احمد : ياربي مدري اسمي حلو او صوتك محليه ابشري من عيوني بس شيلي غطوتك

ترى ماحولنا احد ...

خلود: وهي تضبط الشيلة وهوياكلها بنظراته قالت احمد وبعدين بلاش من النظرات ذي

احمد: وهو يتنهد طيب ابشري يله سولفي لي كيف اليوم حلو

خلود: حلو مره عجبني البحر انا احب جازان مره دائم نجي هنا

احمد : وهو يتنهد وانا احبك طيب وغيره

خلود: وهي تناظر في وجهه تبي تغير السالفة احمد شكلك تعبان عيونك مره حمرا

احمد: مواصل يومين دوام وعلشان العمال يشتغلون في الملحق اللي بنسكن فيه.و قرب

منها لين سند جسمه عند رجولها وهي بخرعه تبعد عنه هو يضحك ياخوافه طيب افتحي

الدرج وطلعي عطر منه هي فتحت الدرج وطلعت عطر موغريب لها قال لها تذكرين

العطر ذا قالت لك انت طيب قال وهو يضحك ذا عطرك ياحلوه ,,

خلود: مستغربة من جد ايش جابه عندك من بعد حادثة السيل ماعاد حصلته ونسيت منه

احمد : وهو يمسك يدهاخالي اعطاني اغراضك ونسيتها معي وبعدين فتشتها وحصلت

العطر واخذته ههههههههه حرامي صح

خلود: وهي تضحك عادي فداك العطر

احمد : بتمثيل وهويحط يده على قلبه خلود ارفقي بي ارجوك لين يخلص

الشهر ذا على خير وبعدها تدلعي على كيفك علشان اعرف كيف ارد على الدلع

ذا ..

خلود: وهي خجلانه احمد خلاص وبعدين ...

احمد: وهو يخرج كيس فيه عقد فل قال تحبي الفل ياخلود

خلود: بفرحة مره احب الفل حتى حنا اليوم شرينا فل من عند الآشارة

احمد: حتى انا احب الفل مره إن شاء الله بعد زواجنا اخليك تسوي شعرك كله فل

خلود: والله حتى نفسي من زمان اسوي كذا ..

احمد : وهو يقرب منها ويلبسها عقد الفل وهويقول لها خلود لاعاد تحطين كحل كذا ترى عيونك تذبحني

و يله انزلي خلينا نجلس شوي برا نزلوا وجلسوا على سجاد صغير وهو لاصق

فيها مره وهي تقول احمد خير بعد...احمد خلود عندي طلب عادي

خلود: إذا اقدر عليه ابشر ..احمد اجلسي زين وبحط راسي في حضنك وانت

مسدي راسي احسه بينفجر ماراح اسوي شي ..

خلود: وهي تعدل جلستها واحمد يحط راسه بحضنها ماتوقع توافق قالت له من ايش

الصداع ...احمد : علشاني بطلت تدخين مثل ماقلتي لي احس راسي مره بينفجر ..

خلود: وهي تمرر يدها على شعره تحمل إن شاء الله ايام وتتخلص منه والصلاة

يااحمد كيف تحافظ عليها .

احمد: وهو مغمض عيونه مستمتع بقربها قال والله اصلي كل الفروض في المسجد

حتى ابوي مستغرب يقول ماشاء الله صاير مطوع ..وصلاة الوتر ماانساها والضحى

والآذكار الحمدلله وكل الصور والمقاطع فرمت الجهاز كامل

خلود: وهي فرحانه انها قدرت تآثر على احمد الحمدلله الله يثبت قلبك ..

هدوء ساد بينهم ماغير صوت ارتاطم الآمواج وهي تحرك يدها على شعره كامل

واخذ يدها الثانية وحطها على شفايفة ويبوس فيها قال خلود سولفي عن أي شي

الهدوء ذا مو من مصلحتك ترى وهو يضحك ..

خلود: وهي فهمت قصده ماعندي أي شي اقوله

احمد: أي شي تكلمي عن جازان طيب اعتبري نفسك في حصة تعبير

خلود: جازان غنيه عن التعريف خاصة بعد النهضة والتطور اللي حصل فيها

في السنوات الماضية ..بس اغرب معلومات سمعتها عن جازان معنى كلمة جازان ومعلومات ثانية.

سبب التسمية بهذا الأسم :

يقال بأنها كانت المدينة التي يسجن فيها نبي الله سليمان عليه السلام جِنه . وقد أمّر عليهم من أكابر الجن آنذاك وكان يدعى ( زان) ...


وعندما يأتي يصيحون (جا )( زان) أي قدم أو أتى فغلب عليها ذلك الأسم .



تلقب ب( المخلاف السليماني ) كونه عندما مات نبي الله سليمان خلف جلّ ملكه فيها من جن وعفاريت ويقال نسبة لسليمان الحكمي.


من غرائب هذه المدينة :


01 يبلغ متوسط الصواعق السنوي على هذه المدينة مايقارب من ( 50000 ) صاعقة رعدية في العام ( كونها مربط الجن والشياطين).

02 لاتوجد على وجه البسيطة أشجارٌ تحتفظ بنكتها على مدار العام كا أشجارها .

03 95 % من شبابها لايمكن أن يبلغ السن العشرين دون زواج ( عار على من يفعل ذلك ) .



04 72 % من أدباء وقضاة المملكة من تلك المنطقة .

05 يوجد بها أكثر من ( 3000 ) مدرسة لكل الفئات .

06 أكثر مدن المملكة العربية السعودية سكاناً بذاتها أي من غير العاملين بها .

07 يطلق عليها المتكاملة ( لوجود البحروالجزر والسهل والجبل والصحراء والضباب والبرد

والثلج )

احمد: بسم الله الرحمن الرحيم وش جاب سيرة الجن ذحين ماتخافي منهم ..

خلود: ليه خاف اهم اضعف من اخاف انا منهم الحمدلله محافظة على اذكاري كاملة

ووردي سورة البقرة يوميآ حصن لي يعني مستحيل شي يقرب مني ..

احمد: اووووووف اوما سورة البقرة يوميآ طويلة

خلود: هي صح طويلة بس انا خلاص متعوده يوميآ وردي من القرآن سورة البقرة

والحمدلله صرت حافظتها وبعدبن شوف كم من الوقت نضيعه على الواتس والتويتر شي ماينفع

احمد : وهو يناظر فيها وهو في حضنها ماشاء الله عليك ياخلود

رجع الصمت من جديد بينهم وهي مازالت تمرر يدها على شعره شوي قال

خلود لو فرضآ انا صار علي حادث ومت عادي راح تتزوجي ...

خلود: بمجرد ماسمعت كلامه انقبض قلبها وهي تقول احمد خير وش فيك الليلة مو

طبيعي ..

احمد : بجد ياخلود جاووبي علي احس ان زواجنا ماراح يتم عندي احساس

خلود: وهي تقول احمد تعوذ من الشيطان وساوس

احمد : طيب له جاوووووبي بسرعة ..


خلود: طيب انت راح تتزوج بعدي لما امووت

احمد: وهو يبغى يشوف ردة فعلها اكيد راح اتزوج امي ماراح تفوت فرصة وهو يضحك

خلود: صدقني حتى انا نفس الشي راح اتزوج اكيييييييييييييييد ..

احمد: بمجرد ماسمع كلامها رفع نفسه من حضنها ومسك يدها وقال راح اذبحك ياخلود لو تزوجتي

خلود: وهي تضحك ماتقدر صاير تحت التراب تخيل بس

احمد: وهو متخيل ناصر او زايد معها قام ومسك يدها وحشرها على باب السيارة وقرب

منها لين صار خشمه يلامس خشمها وهو يقول خلود لاعاد اسمعك نقولي كذا احسن لك

خلود: وهي فرحانه تستاهل مو انت سآلت وانا جاوبت حلال عليك تتزوج وحرام علي ..

احمد : ولسانك ذا اللي جاوب يغى له يتآدب صح وهي تدفه بس قوته اكبر من قوتها ....




يوم الخميس الفجر الكل جاهز لهم حدود اسبوعين ورد لهم بلاغ عن وجود مصنع للخمور

في الجبل ويدير المصتع ذا عصابة مسلحة من الآثيوبين حدود 20 رجل و5 حريم من نفس

الجنسية المشكلة ان مكونات الخمر ذا من مياه المجاري ودماء الحيض ودماء من يعاني منهم

من مرض الكبد الوبائي ودماء نقص المناعة المكان عبارة عن غرفتين شعبية متهالكه بها حوش

قديم استغلوا بعد المكان وانقطاعة عن الناس في ترويج الخمور والدعارة وبيع الآسلحة وسهرات

ماجنة ومختلطة مع نساء من نفس الجنسية.. المفروض تكون المداهمة

ايام الآسبوع بس النساء اللي معهم يشتغلون ايام الآسبوع في البيوت ويجتمعون بس ليلة الآربعاء

والخميس ..

المقدم منصور ياشباب بعد شوي راح ننطلق معنا قوة مسانده من الطوارى والهيئة

وإن شاء الله الوضع مسيطر عليه حطينا لهم كمين واحد اتصل في قائد العصابة وطلب منه

خمر وسلاح بمجرد مايوصل له راح يعطينا اشارة بعدها راح تتحركون

في الوقت المحدد وعند تسليم البضاعة وقع الآ ثيوبي في الكمين ومسكوه وسآلوه عن

باقي العصابة ووصف لهم المكان كان طريق وعر وصعب اثناء صعود الشرطة والآمن

واحد من افراد العصابة كان يراقب من بعيد وشاف كل شي كان بعيد عن المكان شوي

وصلوا افراد الشرطة قبله بس هو كان مسلح ولا احد انتبه له ..

الباب كان متهالك فمااحتاجوا مجهود علشان ينفتح والكل كان نايم بشكل مقرف ووضعيات

ساقطه المكان وسخ وفيه روائح تجيب المرض الكل قام مفجوع والشرطة محاوطة المكان

قالوا لهم يله بسرعه الكل على الجدار ويرفع يديه لفوق بدون أي مقاومة البعض من النساء

كانت شبه عارية بملابس لآتستر شي من جسمها تم تفتيشهم وربط يديهم للخلف ..

الحراسة من خارج البيت كانت مجموعة من ضمنهم احمد اللي كان معطي ظهره لجبل

وقت الفجر الدنيا ظلام والضباب مغطي المكان بشكل كثيف الكل كان في حالة ترقب

وخوف ..شوي إلآ صوت اطلاق نار من ناحية الآشجار متصوبه للحرس اللي برا

احمد على تحرك هو وخويه علشان يعرفون مين اللي يطلق النار مشوا حدود ثلاث

متر من الموقع ناحية الآشجار لآن الصوت جاي منها شوي إلآ طلقة تستقر فيه

ومن بعدها يطيح من طوله من قمة الجبل لين قريب من موقع المداهمة وخوية نفس

الشي ....



في آبها

يوم الخميس بعد صلاة الظهر كان ابوخالد كاالعادة صايم جالس في مكتبه معه اوراق

قدامه آم خالد شوي إلآ يدق جواله برقم غريب ويرد ابوخالد:هلا ايه نعم معك محمد عبدالرحمن

ايه اعرفه ولد اختي ..ايش وقام مثل المقروص وهو يقول لآاله إلا الله لاحول ولاقوة إلآ باالله

ام خالد: بخوف وهي تشوف زوجها شاحب لونه ابوخالد ايش صار

ابوخالد: موقادر حتى يتكلم وهو غصب يقول احمد ياصالحة .

انتهى