السلام عليكم ....


صباح الخير...



دقايق وينزل البارت

السلام عليكم ....تنبيــه ..

اتمنى انكم تعذروووني لنه غصب عنــي
السبوع هاذا ماقدر انزل بارت الا يمكن ان شاء الله اخر السبوع اذا قدرت

الأيام هاذاي وربـــــي تعبانه والله يالله ضغطت على نفسي حتى اكتب البارت السادس عشر و انزله لكم
وان شاءالله احاول اني اقرب موعد تنزيل البارت لعيونكم ادعو لامي ولي بالشفاء ..
وربي انكم تستااااهلون على دعمكم وتشجيعكم لي ادري اني مقصره بحقكم
بس اتمنى تعذروني




البـــــــارت السادس عشر



________
بالبـداااااايه تعريف بالبطال الباقين
...

عايلة ابو سعود
ابو سعود نايف...ام سعود .ام وجـد.
...سعود35 متزوج طيف بنت خاله...رواد34 مطلق وعده ولد يمان 5سنوات...
متعب دكتور 33عزوبي..فهد 30متوفي قبل 6شهور..علياء26 متزوجه تركي خال وجد...
محمد28يشتغل نائب مدير مصنع كبير بحائل متزوج ريفال اخت وجد...
وجدان 25 فاتحه مشغل وتشتغل فيه هديه من رواد...
راما 18ثالث ثنوي لاما16اول ثنوي ....غالي10برابع بتدائي
---------
خوال وجد ابو تركي الجد
الخاله ام ماجد
عيالها ماجد متزوج علياء عنده ولد سعود 8سنوات
مروة 27 متزوجه ولد عمها مالها دور بالروايه كثير
خوله24ظهورها قليل
--------
ام جلاد عيالها جلاد جنى جلال
عرفنا فيهم قبل
------
تركي 34متزوجه علياء عنده بنت وجد 3سنوات
________
ابطال اخرين
هادي 29 .علي 33.. جود 24


وترقبو البطل الخير




_____________

تَعْبَانْ قَلْبِيْ وَغَارِقٌ بِ أَحْزَانُهُ مَا عِنْدِيْ الا ضِيْقَتِيْ وَجُدْرَانِيَّ !..!

----
بنفس الوقت


علي جالس بمجلس الرجال بالمزرعه
ومقابله هادي
هادي يرتشف من كوب الشاي :ماقلت لي متى جماعتك بيربعوون هههه
علي متمدد على الكنبة ومغطي عيونه بيده وبضيق :مدري عنهم بس يمكن اخر السبوع
هادي يناظر له:انت وش فيك تقل ميت لك احد
علي بحسره:وهو وينه هالحد حتى يموت
هادي بضيق:انت مشقي حالك ياعلي لو اجي هالك الي تبكي عليهم اعايشين حياتهم ومايدرون عنك
علي تعدل وبصوت متغير:هادي حس فيني انت عانيت مثلي واكثر هادي انا ابي اشووفهم لو مايبوني ابعرفهم ابي اعرف اصلي
ابي اشوف ابوي.وعبد الله امي الله يرحمها مقالت شي عنهم ولاعمرها فتحت فمها حتى لخالتي او لخالي الله يسامحها

هادي بحزن على حاله:الله يارحمها عارف امي كانت تحاول تعرف شي عنهم بس خالتي كانت تتضايق بقوه من الطاري وكانت تقول فكيني من
سيرتهم بس اقولك
ياولد خالتي ريح عمرك وعش حياتك مثلي انا من قبل ماكنت ابعرف من اهلي بالرغم من اني اتمنى اني اعرف اصلي
بس كان فيه احساس يمنعني .وعرفت بعدين انه مكان من الفروض اعرفهم وحتى يوم عرفتهم تندمت كثــيـــر ياعلي بارغم من اني ماعرفت الكل بس
من عرفت الي يقاله ابوي كرهت عمري لني عرفت وش موقعي بينهم
انا ماقولك لاتعرف اصلك ان كان انت تبي تعرف اتمنى انك تلقاهم وانا راح اقف معك وادورهم واقول لرواد بعد يدور لك عنهم
فز علي بخوف:لااااا رواد لا انت تعرف انه اخو محمد
هادي بستغراب:طيب واذا كان اخوه
علي بتوتر:هادي افهمني لو عرفو اني سعودي بيرفضوني من الشغل واين اروح بعدها
هادي بتفكير:اصلا شي حلو لو طردك مثلا تعال عندي وبكذا تصير حر وتقدر تبحث بكل وقت
علي برفض :لاااا لا ياهادي انا كذا مرتاح وفيه شي بداخلي يقول انت قريب من اهلك
هادي تنهد بضيق:انا ابي اعرف شي واحد ليه جدي يزوج بناته سعوديين كان الحين احنى بنعمه
علي بحزن:نفس اشي .وضحك بحسره.ههه لو كنت هندي مت جوع ياهادي
هادي بقهر:نموت جوع وفقر ولا نموت قهر وحسره وبعدين الله الرازق ياخوك هاذا احنى جينا هنا واشتغلنا وعشنا حياتنا ومحد يدري وش جنسيتنا
علي بتريقه:هههه ايه مره ماشاء الله عشنا ياحبيبي شف الفرق بيني وبينك شف وش وضيفتك ليش لنك طلعت سعودي كرمك مديرك وقربك
وخلاك صديقه بعد لكن .ويشر على نفسه بحسر.انـــا ..ههه انا شف كيف عايش بغرفه ماتجي كبر حمامك اكرمك الله
كل هاذا ليش لني هندي انا ماعترض على قدري وحكمة ربي بس ابعلمك كيف العيشه الي انت مستانس فيها ابقولك كيف يرمون عيالهم
ومايسئلون فيهم تدري مو بس هنود يتزوجون هنود وفلبينيين ومدري ايش .وبقهر.طيب ليييش ترمي ولدك يوم انت السبب بقدومه على هالدنياء
ااااخ يالقهر وربي يحرقون قلبي تعرف ياهادي قبل شهر شفت برنامج على التلفزيون السعودي يتكلمون عن الي مثل وضعنا.
يروح الرجل رحلت شغل فتره مؤقته وبهالفتر يتزوج ومن يخلص شغله مشى وخلاها مايعرف هي حامل اولا ولا لو حملت هرب وخلها عشان
مايتبلا في ولده الي جا على الدنيا يهرب ويتبرا من ولده بدون ذنب حتى اقل شي الجنسيه يحرمه منها ليييش طيب كله خايف لاهله يعرفون
او زوجته الاولى تعرف وتخليه او يكون رجل اعمال ويخاف الفضيحه ليش فضيحه لنه اخذ من هنديه او فلبينيه كلهم اوادم ومسلمين وشفيها
هادي بحزن يعترف :كل هاذا بقلبي ياعلي وعارف بس ايش بيدي تعرف اني شفت البرنامج وشوي وروح لهم بس باخر لحظه تراجعت
انا بكيت حزن على واحد بنفس البرنامج تصدق طلع ولد رجل اعمال كبيير وهو متشتت بالفقر وامه رافضه لاتعلمه تدري لي لنها عارفه
ان لو عرف من ابوه بيموت حسره من نكران ابوه له مايقدر يعترف لنه لو عاترف فيه بيكون انحرم من كل الفلوس الي يعيش فيها
فلوس زوجته الاولـى وينفضح بين اهله على حسب قوله حتى السفاره حاولة تساعده وعرف مكان ابوه ومن يكون
وبالخير رفض يعترف فيه يقول هاذا يتبلى علي
علي دمعت عيونه قهر وحزن:هادي بكلامك تخوفني بس مايمنعني اني ادور على اهلي في شي بقلبي مارح القى الراحه الا لو لقيتهم
حتى لو رفضوني اهم شي اعرف من هم
هادي جاء بيرد عليه .دق جواله .ناظر له .وقف :مدري ياعلي الله يرشدك لطريق الصح ياخوي .استاذنك ابروح اجيب المدام من الشغل
علي من قلب:آآآآميــــن مع السلامه
طلع هادي
وهو رجع ينسدح ويسرح فكره بأمه .وبحياته كيف يلقى طريقه يبحث عن اهله

_____
قبل 10دقايق

بالمستشفى


كاترينا دخلت ووجد وراها :السلام عليكم
لف متعب واحمد للي دخلن ردو :وعليكم السلام
وجد وقفت وراها بس تراجعت بصدمه من الي جالس
لفت بتطلع وتجمدت من الي دخل وراها بسرعه
وقفت مصدومه وش تسوي رجعت على كاترينا ووقفت وراها وبهمس قبل تتكلم كاتي :كاتي لتقولين ولاحرف امشي بسرررررعه
بسرعه خلينا نطلع

كاترينا تراجعت وطلعت بسرعه مع وجد وهي مو فاهمه بس على طلب وجد
وجد مشت بتخبط من الصدمه مو مستوعبه
الي شافته مستحيل فوق طاقتها لو طلع متعب النائب من يكون المدير الي دخل لا يارب مايكون هو
دخلت مكتبها ورتمت على الكرسي وهي تحط يديها على راسها وتردد:يارب مايكون حقيقه يارب مستحيل لاا فوق طاقتي
كاترينا مصدومه من تصرفها:وجـــد وش فيك وش صار
رنا الي جالسه بالمكتب ماطلعت تنتظر بخوف من دخلت وجد كذا عرفت ان المدير سوا لها شي:دكتوره كاترينا وش صار
كاتي تهز كتفها :مادري دخلنا وكانت وراي اول ماجيت ابتكلم قالت لي امشي لاتقولين شي بسرعه
لفيت وطلعنا وحنا طالعن شفت المدير.وشهقت وبصدمه.وجــد انتي خايفه منه عشان كذا طلعتي
وجد رفعت راسها بسرعه:يــــعقب اخاف منه .وبسؤال :المدير وش اسمه
رنا وهي متوتره: الدكتور رواف الجــاد
شهقت كاترينا بصدمه:شووووو رواف
رنا تراجعت بخوف من صرختها:ايه ليش
كاترينا لفت على وجد وهي تشوفها تحط يديها على راسها سمعتها تتكلم:هاذا الي كنت خايفه منه ماخلصت من متعب عشان يرجع رواف
ياااااارب وش هالهم يارب فكني منهم يارب وفجئه بكت بقهر تحسها محاصرها من كل جهه
كاترينا ركضت لها ورنا جابت ماء .
تحضنها :ياقلبي اهدي وش صار عليك
رنا بعبره تمد لها الماء:دكتوره خوذي الماء اشربي تهدين
كاترينا اخذت الماء منها وفتحته وتمده لها:خوذي اشربي يالله واهدي الحين ايجي احد يشوفك وعاد تصير فضيحه لو دخلت
فاتن والله تعلم كل المستشفى وتقول وجد الجاد تبكي
رنا بصدمه:الجاد دكتوره المدير يقرب لك
كاترينا :ايه ولد عمها
وجد ببكاء :ماهي على رواف حتى متعب هنا كاتي وش اسوي بعمري انا مستحيل اجلس دقيقه هنا لا وهو المدير.وقفت بقوه .انا مراح اجلس دقيقه
بالمستشفى
كاترينا وهي تستشف من كلامها شي :وججد عن الجنان لاتتهورين تعوذي من الشيطان
وجد بعناد وكره :مستحيل اجلس وهو مدير والله ماجلس دقيقه تحت رحمته
سحبت اورقه ودقايق وهي مخلص ولفت على رنا :رنا لوسمحتي ممكن تودين الورقه هاذي للمدير
رنا بخوف :لاا دكتوره انا قلت له انك رحتي الحين يعرف اني اكذب
وجــد بتهديه:لتخافين قولي له توها جت وراحت للنائب تدور عليك لنها عرفت انك تبيها وعطيه الورقه واطلعي بسرعه واذا سئلك عني
قولي طلعت ووقفت وهي تدق على السواق وطلعت من المكتب بسرعه ورنا وراها:يالله مع لسلامه
كاتي واقفه مصدومه مو قادره تتكلم بالحضه صار كل شي ووجد خلاص مراح تداوم معها بعد اليوم والسبب رواف
دقت على هادي وهي تكتم عبرتها وقالت له يجي
.دقايق وهو يدق عليها
هادي الي حس بصوتها شي بس سكت :يالله اطلعي حبيبتي انا برا
طلعت له كانت لابسه وتنتظره وقفت وطلع له بسرعه
..
فتحت الباب وركبت وهي تكتم دمعتها
هادي مستغرب منها ركبت وماتكلمت مثل العاده :كاتي وش فيك
كاتي بس سممعت سؤاله انفجرت صياح
هادي انصدم من صياحها حتى انه لخبط بالسواقه:كاااتي وش فيك اهدي وش صار خوفتيني
كاتي بصياح :وجد .وخرطت ببكاء ماقدرت تتكلم
هادي بخوف عليها وقف السياره على جنب ولف عليها وهو يمسك يديها ويحاول يهديها:كاتي حبيبتي اهدي وقولي لي وش صاير ياقلبي والله
خوفتيني عليك وش فيها وجد صاير لها شي
كاترينا مو قادر تتكلم وهي متقطعه صياح
هادي انهبل :كاتي والله اهبلتي فيني اهدي.فتح الباب ونزل لف على السياره وفتح الباب قرب لها وحضنها :كاتي حبيبتي اهدي وقولي لي وش فيك
كاتي تحاول تكلم :وجد .تشهق .استقالـ. تـ. خلا.ص بتتركني
هادي برتد اعضامه وحس ان زي الماء انكب عليه كل هالصياح واخر شي السالفه كذا:كاتي ايش تقولين
كاتي سكتت شووي عن البكاء:اقولك وجد استقالت خلااااص ماعد بتداوم السبب الحقييير ولد عمهــــا
هاددي تنهد براحه:ااه الله يهديك انا قلت انها صاير لها شي اكبر
كاتي صاحت:اقولك استقالت مراح اشوفها بعد اليوم هاري حس فيــني
هادي ضمها وهو يكتم ضحكته لنه يحس الموضوع مايستاهل:لاا والله حبيبتي حاس فيك بس مو معناها استقالت خلاص معاد بتشوفينها
اكيد بتشوفينها .وببتسامه .شوفتي حبيبتي هي اكيد بتشتغل بمستشفى ثاني وبنفس اليوم الي هي بتداوم فيها انتي عندها وش تبين اكثر
كاتي بفرحه:والللله .تراجعت بحزن.بس ماتوقع انها بترجع
هادي بيطمنها:لا اكيد برجع شغلها مستحيل تستغني عنه
كاتي تمسع دموعها وبكره لطاريه:مدام ولد عمها موجود وهو منكد عليها حياتها وفرصته انها استقالة مراح يخليها تدخل اي مستشفى
هادي بعد ماركب وحرك السياره وبستغراب:ولد عمها وش دخله فيها هي مالها ابو واخوان
كاتي بكره حقد: الاعندها اخوان وابو بس هو حقير ويتدخل بكل شي يخصها حاقد عليها انها دخلت طب
هادي بتعجب:طيب واذا دخلت طب وش فيها عادي
كاتي :هو واحد متسلط ومن خطبها ورفضته حقد عليها وصر ينكد عليها بكل شي
سكت هادي وهو يفكر كيف كاتي بتقضي وقتها بالمستشفى بدون وجد كان متطمن يوم كانت فيه وبدون تفكير :كاتي وش رايك انتي تستقيلين بعد
كاتي تفكر نفس تفكيره:كنت افكر استقيل
هادي بصدمه :وشوووو.ماستوعب مكان جاد واصلا لو كان جاد ماتوقع انها تفكر واحد بالميه انها تستقيل
كاتي بهدو:ماقدر ارجع وماشوف وجــد صعب هاري
...
_______

دخلت مع الباب الداخلي وشافت الكل جالس على طاولة الطعام
بدر بستغراب من دخولها المفاجئ وهي قايله بتتاخر:وجــــد غريبه ماقلتي بتتاخرين
وجد بهدو رمت السلام وهي ماشيه بطلع لقغرفتها:السلام عليكم
الكل: وعليكم اسلام
ابو مشهور نادها:وجد تعالي تغدي
وجد بحتارم تقدمت وحبته على راسه :مساء الخير
ابومشهور :مساء النور اجلسي يابوك تغدي
سلطان جاء بياقف عشان تاخذ راحتها
بس وجد تكلمت بسرعه وهي تلمحه:لا يبه تغديت بالدوام بالعافيه على قلوبكم .مشت بسرعه طالعه لغرفتها
دخلت الغرفه ورمت الشنطه والعبايه والمعطف ورحت على طول للحمام( اكرمكم الله) ارتمت بالبانيو بملابسها اغرقت نفسها بالماء
وغرق وجهها بالدموع صارت تصيح:متى انام واصحي والقى دنيتي متغيره اااااه متى افقتك من حياتي هاذي متى .صاحت بقوه .
غطست وجهها بالماء قوه دقايق وطلعته وهي تشهق وقفت وهي تحاول تتناسا الي صار كله نزل ملابسها ومدت يدها واخذت المنشفه الكبيره ولفتها على
جسمها وطلعت راحت لجهت ملابسها لبست بجامه وراحت لجهت السرير ورمت حالها عليه
حاولت تنام قبل يذان العصر باقي ساعه .سكرت عيونها وحتضنت المخده مر ببالها متعب اقتلبت وبتفكير كيف وصل هنا
شلون ومتى تنهدت .وهي تذكر الخبر قبل يومين تم تعيين المدير الجديد ومعه نائبه بتفكير :يعني هو النائب همست بقهر:كل عمري هرب منهكم
واطيح فيكم سوا الاول اكرهه كره العمى والثاني ..غمضت عيونها ..ااااه منك يافهد الله ينتقم منك لو انك تحت التراب حتى وانت ميت
مخرب علي حياتي وحارمني من كل شي اتمناه سرحت بفكرها قبل سنين ايام الثنوي والمراهقه وحبها لرواد حبته بس كان حب مرراهقه
عرفت بعدين نه هو سديم وكرهته كرهت حبه مو شخصه صار مايهمها بس من كبرت عرفت انها ماحبت احد كثر حبها لمتعب
بس تحاول تنساه لنه من المستحيل ترتبط فيه وهو يعرف كل شي عن فهد لو مصار شي بس يكفي انه كان يعرف عنها وسكت
وعترف بنفسه لها نه كان خايف يتكلم عشان ماتنفضح يعني هي انفضحت عنده بنظره.. انفضت راسها من الفكار الي تدور براسها..
اقتلبت علي يمينها.وطاحت عينها على صورة يمان على الكومدينا .تحب هالطفل تعشقه مدت يدها بس ماوصلت له بعيد بالجه الثانيه سحبت يدها
ببتسامه اقتلبت على الجهه اليسرى وهي تبحث عن النوم طاحت عينها على انس تذكرت الي حصل اليوم وبكره مدت يدها له وضربت الصوره
بقوه طاحت بالارض وتكسرت همست بكره:اكره ابوك حقير واقف بحلقي زي الاعظم ليتك مو ولده انت كل البراءه كيف تكون ولده
بقهر من نفسها :انا مدري وش خلاني احبك ااااف لا اصلا انا اكرهك ابوك رواف واش ابحب فيك مالت عليه
..يارب انا صدق اموت بالطفال بس على حسب الي هادي ومطيع انا مجنونه فيه والصغير الي بعمر سنتين و 3سنوات اما المجنون
الي يزعجني بذيك الحظه لو امسكه اتوقع يموت بيدي اقل شي هههههه ..تنهدت بقهر..ومصار على حسب موصفاتي الا عيال الستغفر الله بس
اهاذ الي اقدر اقوله ..
دفنت راسها بالمخده وتغطت كلها عشان ماتفكر
اخذت وقت حتى نامت
والقزاز متناثر بجهه اليسرى من السرير بسبب سقوط الصوره

__________

قبل دقايق بالمستشفى

نسي اهم موضوع بالنسبه له ورجع بسرعه بعد مامشى بسيارة دخل بسرعه وهو مستعجل وقف وهو يشوف بنات يدخلن
قبل يدخل شاف وحده تلف بسرعه بتطلع بس وقفت كانه مصدومه ورجعت وسحبت الثانيه وطلعت بسرعه
.دخل مستغرب وهو يسئل متعب:مين هاذولي
متعب : الدكتوره كاترينا بس مادري من معها وهي طلعت بسرعه
جاء وجلس مقابل لأحمد :وش عندها
متعب يهز كتفه علامة مدري:مدري عنها دخلت وسلمت مامداني ارد السلام لاوالثانيه ساحبتها وطلعت بسرعه
احمد الي مايفوته شي :انا حسيتها انتبهت لشي يوم لفت بس رجعت وسحبت صديقتها
رواف بغرور رفع حاجبه:وش قصدك يعني شافتني مثلا
احمد بنغزه:لا جنيك
متعب كتم ضحكته بس طلعت غصب:هههههههههه
رواف عصب:مخصوووم منكم يومين صح نسيتوني الي جاي عشانه الدكتوره الــ..قطع كلامه طق الباب ودخلة رنا بعد رد متعب عليها
رنا وهي تقدم خطوه وترجع خطوه ..كان رواف يناظر فيها وكلهم لفو لها..
رنا ناظرت لهم رواف واحمد متقابلين ومتعب على مكتبه ومن الرتباك جت ومدت الورقه الي ارسلتها فيها وجد لمتعب بدون ماتتكلم
لا وتراجعت وطلعت بسرعه وهي ترجف خوف هي تعترف انها جباااانه
متعب اخذ الورقه بستغراب منها ماتكلمت ولا قالت شي.ناظر اللورقه بتعجب :استقــاله غريبه وليش بتستقيل
رواف رفع حاجبه:من الي بيستقيل
متعب وهو يقرا : من غيرها رنـ... بتر كلامه وهو يتجمد نظره على اسمها .تردد بباله وجد وجد كانت هنا ومجرد مادخل هنا تستقيل لييييش
رواف استغرب من سكوته وشكله الي تغير:استاذ متعب وش عندك تجمدت كذا
متعب مو يمه مصدووم كيف كانت تشتغل هنا
رواف ماتحمل سكوته وقف وسحب الورقه منه ناظر فيها وانصدم استقاله بسرعه تحرك وطلع من عندهم
احمد فاتح فمه :وش السالفه وش فيها الورقه قلبتكم كذا
متعب انتبه لااحمد وماعرف وش يرد عليه سكت
احمد مستغرب من سكوته:متعب وش فيك ليه ماتتكلم
متعب بيرقع :مافيه شي بس حسيت بتعب شوي
احمد رفع حاجبه:لاوالله عطني حلاوه بعد على الكذبه تسني بزر عندك
متعب ضحك وهو صدك مايدري كيف يرقع:هههههههههه حلوووه تسنك بزر طيب يابابا مدري كيف اقولك خلها لبعدين اقولك كل شي اوكيه
ووقف يطلع من المكتب يتهرب منه
احمد عرف انه بيهرب:تعال وين بتهرب

...
بمكتب رواف دخل بكل قهر بسرعه جلس ودق على رنا :نادي الدكتوره وجد بسرررررعه
رنا بخوف ورجفه:طلعت دكتور
رواف من سمع ردها سكر بوجهها بدون كلام ورمى بالورقه بعصبيه
.وبغرور :اكيد استقلتي خوفا مني ههههه مافيه كلام بس هي انا لك بالمرصاد وجد الحين احلمي يستقبلك مستشفى حتى موظفة استقبال لاتحلمين فيها
هـــــــدى نفسه بالكلام الي قال واخذ ورقتها ووقعها بكل تحدي لها
_________
المغرب صحت على جوالها يدق
سحبته ناظرت للمتصل وبعصبيه فتحت الخط:نعــــــم
:نــعامه ترفسك قومي صلي يالله خامده هالوقت قومي لاتدخلك الشياطين اعوذ بالله
وجد بنرفزه:اقامو عزاك بلا صدق انتي ازعاج
جنى بصرخ:ووجع لا تدعين علي ادعيلي صحيتك لصلاه وتعالي مسوين جمعه عند رهف عازم عبير تعالي فيه سهره على كيف كيفك
وجد بنرفزه:يووووه جنى حرام عليك مصحيتني من احلى نومه واخر شي مجتمعه مع البنات
جنى صرخت عليها:ووووجـــد اصحي اقولك الصلاه فاتت وش فيك انتي ماتسمعين
وجد فزت بخوف وفزع :وشو الصلاه .رمت الغطاء ولفت ناظر لساعه شافتتها 6:30المغرب انتفضت بخوف من الله:ياربييي العصر ماصليت
.تذكرت رواف وبحق:الله ياخذك يارواف كل منك ضاعت صلاتي الستغفر الله العظيم
جنى على الخط:الووو وجد وين رحت
وجد بستعجال رفعت الخط:مع السلامه جنى اكلمك بعدين ابصلي ..سكرت منها وفزت تتوضى وتصلي
وهي تستغفر وتسب برواف بكره وحقد عليه

بعد نص ساعة جالسه على سريرها وتتفقد جوالها شافت اتصال من كاترينا ورساله تسئل عن حالها
فتحت الرسائل وارسلت لها تطمنها
دق جوالها بيدها فتحته :الوو
جنى بستعجال:وجد يالله ننتظرك مارحنا بنروح سوا
وجد برفض :مابي اروح
جنى بعتراض:لاااااا وجد بلييييز ليش
وجد :جى افهميني اليوم صار موقف بالمستشفى والسبب المغرور ومابي اروح لبيتهم ويكمن اصادف وبذيك الساعه يمكن اذبحه
جنى :وجد تكفين تعالي بعدين الجمعه بنات مراح يجي ابد
وجد بتردد:جنى بلييز افهميني ماقدر ولا ودي اجي واشارك عبوره فرحتها
جنى بتشجيع :تعااالي ماراح يكون فيه غير بناااااات بس يالله تكفييييين
وجد بتفكير :طيب بس ابشوف الوضع هنا بالبيت وادق عليك لني مانزل من صحيت من النوم
جنى بفرحه انها اقتنعت :اووووكي انتظر اتصالك يالله لاتتاخرين
وجد :اوك باي..سكرت منها ووفقت طالعه من الغرفه
طللعت وسكرت الباب بشويش
.مشت نازله نزلة مع الدرج وعلى اخر اعتبه سمعت صوت قريب منها تقدمت شوي وشافت ابوها جالس ومعطيها ظهره ويكلم
جوال بصوت منخفض قربت شوي بتسلم عليه بس تجمدت خطواتها من سمعت كلامه
ابو مشهور:طالبك ماتقطع الأمل والله قلبي كان يقول لي انه هو كيف مايطللع هو انا متاكد من اسم العايله يابو نواف والله متاكد
سكت يسمع الطرف الثاني..
تكلم ابو مشهور:ابو نواف اسمعني زين اقولك كل هالمده بحثت عنه وكل المعلومات كانت تدور حوله كيف يضيع تعبي كذا بدون نتيجه
الموضوع هاذا بدا يجيب لي ضغط
سكت شوي يسمع..
رد:انا مو نااقص كفايه ضغط خلف علي كل يوم يهدد ويتوعد لو فكرت اني ادور عليه مو عشان كذا انا ادور عليه بالخفى
سكت شوي والطرف الثاني يتكلم.....
رد:الله يعين يابو نواف اتمنى هالمره ننجح بس تدري في شي بداخل يقولي انه حول مو بعيد
سكت شوي:...
رد:تتوقع انه بالهند يعني تـ..قطع كلامه من سمع الصوت وراه
..
وجد كانت مصدومه وهي تسمعه ابوها ومدى الألم بصوته حزنت عليه وحقدت على عمها
ماحست بجوالها يوم طاح من يدها
الا على فزت ابوها نزلت له وصارت تشل قطعه وقفت وتقدمت لاابوها بهدو وهي مو مبينه له
شي سلمت:السلام عليكم
ابو مشهور بتوتر وهو يراقب ملامحها يشوف سمعت شي او لا:وعليكم السلام هلا يبوي
وجد نزلت على راسه وقبلته:مساك الله بالخير يبه
ابو مشهور بهدو يخفي التوتر الي اجتاحه من شافها :هلا هلا يبه مساء كالله بالرضى والمحبه يابوي وش لونك
وجد جلست بجنبه :بخير ياجعلك بخير
ابو مشهور يناظر لها:وش فيتس تقل متضايقه
وجد حست بشعوور غريب من سؤاله عنها دايم تحسه بعييد عنها :مافيه شي فديتك بس توي اصحي من النوم
ابو مشهور الي حاس ان فيها شي من جت اليوم من الدوام:لا يابوتس انا حاس ان فيتس شي من جيتي من شغلتس اليوم
وجد من جد حست العبره تخنقها كيف هو حاس فيها وهي مانتبهت بالعكس دخلت ولا فكرت تقول له شي لنها عارفه مراح يحس فيها
تكلمت بضضييق:يبه انا تركت الشغل
ابو مشهور بصدمه:وشـــووو تركتي الشغل لييييييش
وجد استغربت من ردت فعله:هاه مو تركته ترك بس استقلت من المستشفى الي كنت اشتغل فيه
ابو مشهور صدق مصدوم منها شلون بعد كل شي سوته ووقوفها بوجه الجاد تجيه بكل بورد وتقول استقلت حس بغضب منها:وشووووله تسقيلين
وجد توترت منه :يبه ابقدم على مستشفى ثاني
ابو مشهور معصب صدق كيف لو عرفو اخوانه:كيف تقدمين على ثاني ليييش تستقيلين من البداية
وجد بعتراف:يبه المدير الجديد طلع ابو انس ولد عمي وانا مستحيل اكون تحت امرته
ابو مشهور سكت شوي ..تنهد وبهدو:زين كان كذا على راحتك والمستشفى الي تبين قدمي عليه بس اسرعي انا مو حمل عمامك ياوجد
ماسكين يديني عن كل شي .وبقهر وهو يتذكر اخوه وصيت ابوه له.عن كل شي ياوجد
وجد عرفت انها سالفة عمها :ابشر يبه من باكرا ابقدم على كذا مستشفى واشوف
ابو مشهور وقف:زين يابوتس الله يوفقتس انا طالع سلام عليكم
وجد ردت عليه وهي تاقف:وعليكم السلام
.وطلعت لغرفتها تكلم جنى وتعطيها خبر انها بتروح معهم
...
..
..
..


.....


بعد ثلاث ايام

مرت مافيه شي يذكر بحيات البطال

..


.جالسين بالصاله
.وجد جالسة بين مشهور وبدر وساكته متضايقه بسبب رفض الي لقته من كذا مستشفى قدمت عليه
بدر يحتضنها مع كتفها :وجدي ليش الضيقه ترا الشغل مو نهايت العالم عادي اوذا قعدتي بالبيت بالعكس خوذي فترت راحه
انتي من تخرجتي توضفتي مارتحتي
وجد صدت عليه بضيق::انت عقلك تتكلم بدر انا مو متعوده اجلس كل هالوقت وربي كني جالسه سنتين مو يومين حسبي الله عليه بس
مشهور مو عارف وش يقول لها عشان يخفف ضيقها :انا اقول ياوجد ارتاحي هالشهر وبعدها قدمي واي مستشفى تقدمين له بيقبل فيك اكيد
وجد بقهر :وين المستشفى الي بيقبل يامشهور وولد عمك واقف بحلقي ويعطل اي طلب لي انا عارفه انه منه الرفض اكيد يتدخل من وراي
حسبي الله علي .وبحقد. والله كانت سمعتي زين بالمستشفى بس من جاء قلب كل شي علي
سلطان الي جالس باخر المجلس ويسولف بجواله مع صديقه سمع كلامها والقهر والضيقه الي بصوتها تدخل
بفزعه اخويه لها تكلم بهدو:قدمي على مستشفى الفارس
وجد اتبهت لكلامه ردت عليه:الفارس بس هاذا اهلي صح
سلطان رد عليها وهو لسى منزل نظره لجواله احترااما لها ولخوانها بالرغم من انها متغطيه وبعيده:ايه اهلي بس صاحبه صديقي
مشهور بمزحه ضحك:انت ماتطيح الا واقف كل اخوياك هوامير
سلطان بخوف:تف من عيونك اذكر الله ياولد امي بتصكني عين
مشهور فقع ضحك:ههههههههههههه الله اكبر ماشاء الله لاتخاف عيني بارده
بدر بتفتين:العين حق يابو عبد الله هههههههه
سلطان بتطنيش لهم وجه كلامه لوجد:وش قلتي بتقدمين عليه اقول لبو البراء
وجد بحيره:مدري والله محتاره ماحس الااهليات فيهن راحه
سلطان باقناع:انا اقول قدمي والله ترتاحين باذن الله وكل الخدمات فيه .وبتحريض وضغط. كان بتقهرين ولد عمك وتخلينه ياكل بنفسه
بدون مايقدر يسوي لك شي قدمي عليهم
وجد من حقدها على رواف تشجعت شوي:خلاص ان شاء الله ابستخير وارد عليك بكرا
سلطان ابتسم بخفه:اوكي انتظر ردك على خير
جاد الي مو عاجبه الكلام من البدايه:هيـــه هي ناقصه تحريض عليه عشان تحرضها على رواف والله انه رجال وانعم فيه

وجد لفت عليه بحقد:اكرمنابسكوتك ياجاد ماتعرف تتكلم الا بكلام يجيب النفسيييه ااااف.وقامت طالعه من عندهم

____________________________
بشرـــكة الرواد
هادي دخل على رواد بالمكتب وهو معصب مو شايف الدنياء قدااامه من الغضب :انتــــــــي سويــــــــت
ليش تتصرف من راسك بدون ماتقووووول لي لييييييش

رواد فز بصدمه من هجومه :وووش فيك وش صاااير
هادي الي وصل له ومسكه من عند حلقه:لييش لييش تهدم بيتي كذا انا قلت لك قبل انه هالموضوع راح يهدم بيتي ليش
..صرخ فيه وهو يدفعه على الزجاج وراه:ليييييييش ياصاحبي ..وبعبره خنقته..راح كل شي يارواد انت هدمت كل حياتي الي بنيت
رواد يحاول يفك نفسه منه وهو مصدووووم منه مايعرف وش مسوي عشان يتصرف


انتـــهــــــــــــى البارت

انتظروني قريب باذن الله

ماشاء الله وتبارك الله


وجدد ابدعتي بعلق على البارتين والبارت بعد ماقراه ان شاء الله


بالنسبه لوجد ليش عاندت اهله ودخلت تخصص هل هو حب التخصص ولا بس بتقهر اهل ابوها وعيال عمها


حكاية فهد انطوت بخيرها وشرها بس متعب ليش ساكت وهو دايم يشوفه يتحرش بوجد ليش مابلغ ابوه بما ان ابوه يحب وجد وراح يحميه منه


هادي وعرفنا سره بس علي هذا مين لايكون بعد من عيالهم وش جنسية امه؟؟؟


مدير وجد الجديد من عيال عمها الي ماتعرفنا عليهم والله يستر من المواجهه هو ومتعب


يعطيك العافيه وجد والله يشفي والدتك ويعافيها ويجمع لها بين الاجر والعافيه ويشفيك ويجعل ماصابك تمحيص لذنوبك يارب


منتظرينك وخوذي راحتك واهم شي صحتك :)

السلام عليكم

ياحبييلك ياوجد تدرين حبيت هالوجد من حب هالعالم لهاا ههههههههههههههههه

بس قهرتني لييه تكره روااد وهو تعامله رااقي معهاا .. بس ان شاءالله يمان يصفي الجو بينهم

ياليت تخلين سلطاان هاللي مرتز كل يوم عندهم يصير اخوهم من الرضاعه ههههههههه اقل شي وجد تاخذ راحتها

فيس حاااس فيهاا خخخخخخخخخخ

وجد قصتك رغم الخيااال الواااااااسع الا انها توسع الصدر

متاابعه لك

ربي يشفيك ويشفي الوالده ويجعل مااصابكم تطهيير يااارب