السلااام علييكم

هلا وجد ماشاءالله اللهم زد وباارك .. كل يوم جزء كللولييييش >> فيس مبسووط خخخخخ

وجد رحمتهاا ماأمداهاا تفرح بهالغالي الا وبيجي ابوها وياخذهاا

بس تبين الجد هذا هو الصح البنت مهما كاان تكون عند ابوهاا احسسسن .. خااصه ان اللي حولها شباب

مو محرم لهاا وملزومه تختلط معهم ..

سعووود ... اتوقع هو اللي عايش بالقصرر .. بس غريبه اهله مايعرفون عنه شي ..وياترى وش طبيعه شغله

لانه وااضح انه مايبي احد يعرف عن شغله شي ....!!!!!!!



وجدد الكااتبه ..

قصتس حماااس وفيها عفويه .. بس الى الان ماتعرفناا على وجد باي مرحله تدرس ؟

بانتظاارتس يالغاليه كل يوووووووووووووووووووم ..

السلام. عليكم
يعطيك الف عافيه وجدد
على الاحداث الحلوه
طبعا اللي فهمته ان وجد ب 13 من عمرها
بس غريبه
راحتها بالكلام مع العيال سواﺀ عيال عمها ابو سعود
او عيال خالها او حتى خالتها ام جلاد
واللي فهمته من البدايه انها محجبه. ومو قاطه ميانه معهم

لو كنت غلطانه في عمرها

فو الله اللي مثلها ما يضفها الا بيت ابوها وتتحجب عن العيال
مثل بنات الناس المحترمه
....
وجددد
انتي ما وضحتي لنا
بدايه القصه اللي حكيتي عن العشاﺀ ببيت ابو سعود
اللي رفضت وجد تحضره بسبب وجود العيال وعدم رغبتها بالاختلاط
هل كان بنفس مرحلتها العمريه
والا ذا مرحله كانت فيه اكبر وتحجبت عن العيال
وبعدين اختها اللي قعدت معها هل هي بنت ابو سعود من ترف والا بنته من ام رواد
......
ومحمد كنت افكره من كثر ميانته معهم اخوها
واليوم بهالبارت اكتشفت انه ولد ابو سعود من ام سعود
صراحه صار لي خربطه
حتى علاقه العيال بمرة ابوهم اشوفها غريبه
تضل ضرة امهم
ليه يحبونها كنها اللي مربيتهم مع ان امهم عايشه
وبعد يبين ابو سعود يحب ام وجد اكثر

في كم شي دوخني صراحه


وانتظر التوضيح والقادم بشووووق

........
ملاحــــــظه القصة لسى مابدت هاذي بس مقتطفات من الماضي
وتذكر بس المواقف الي لها اثر بحياتها

الحاضر يبدى باحداث متسلسله من البارت الخامس عشر

اتمنـــــــــى ان اسلوب الروايه يحوز على رضاكم
واتقبل النتقاد والاملاحظات بكل حب وود من كم

ودمتم بود ومحبه




البــــارت السابع




........

___

وش اول واخر جروحك ؟
وش اخر واول فراقي ؟
_


بعد مرور سنتين


الخميس
الساعة8:00 باليل
في بيت ابو سعود الثاني
وتحديد بغرفة وجد جالسه على السرير وبحضنها غالي تضمه وتلاعبه وتغني له
.. احبك يا ......ياغالي واغلى من روحي .
أحبك حب ما حبه على وجه البشر انسان...
أحبك كلمةٍ اكبر من أني معك أنطقها أحبك
.والحقيقه فوق ماتتصور الأذهان.
أحبك يانظر عيني فداك الروح ..و


:الله الله كل هالحب لغالي وحنا وش بقى لنا ياوجدنا
وجد فزت مفزووعه برعب من الصوت لفت على الباب ووقفت مصدومه
مشهور واقف كيف ومتى جا نزلت غالي وهي تصرخ بفرحه :مشهوووووور
متى جيت ،وركضت له وتعلقت برقبته بفرحه عارمه،،ميييشو وحشتني بقووووه
مشهور يضمها :وانا اكثر كيفك وجوده اشتقت لك بقوه
وجد فكت يدينها من رقبته وحضنته على جنب :انا تمام الحمد الله انت كيفك وكيف خلاتي واخواني كلهم كبير وصغير
مشهور لاف يده على كتفها:الحمد الله كلهم بخير و اااابووي بخير بعد
وجد بضيق صدت عنه وقالت بغصه:دوم ان شاء الله
مشهور ندم وحاول يضيع السالفه:ماقلت لك معي مفاجئة بتفرحين فيها
وجد نست الضيقه او تناستها :واللله وشي قل بسرعه بسرعه وشي
مشهور بضحكه:ههههه شوي شوي علي وبعدين لو قلت لك ماتصير مفاجئة
وجد بعدم صصبر :مييييشو حرام عليك قل وشي
مشهور برفض:لاااااا
وجد ضربت رجلها بالارض ب دلع صرخت :ميييييشو
مشهور :هههههههه خلاص لايطيح حلقج امشي معي المفاجئة عند خالتي ترف
،،ماانها كلامه الا بس غبرتهاطارت مات ضحك عليها تحرك بيطلع ونتبه لا غالي الي يناظر له بصمت نسيه وهو طفل هادي مايصيح حتى انه مايستنكر
..تقدم له ونزل لمستواه..وتكلم بحنان ..غالي تعال ..ويشر بيدينه له..تعال حبيبي
،،غالي رفع يدينه وهو جالس بمكانه،،ضحك مشهور



ورفعه من الارض طلع من الغرفة ..
ومشى طالع من الصاله .على الحوش وكمل لين وصل المجلس كانت وجد واقفه على الباب
وتناظر للي جالسين ولد وبنتين ،..وقف مشهور بجنبها وتكلم
.:وجد اخوانك ،واشر على الولد ،هاذا جاد
وجد بصدمه لفت عليه:هاه مين
مشهور حط غالي على يده اليسار وحضن وجد باليمين:الي سمعتي هاذا جاد
وهاذي،،واشر على بنت جالسه مقابل لامها،،ريفال اختك
وجد بصدمه تنقل نظرها بينهم وبين امها ومشهور استقر نظرها عليها بنت عمرها تقريبا18كذا شعرها مسيحته
على ورا طويل اسود سواد اليل وعيونها وساع وفمها صغير بشفايف مليانه وبيضاء
بخدود مورده البنت بختصار جمال فتاك ،جا على بالها محمد وهو يمدحها قالت بقلبها
لو يشوف هاذي والله ليستخف رسمي عاد هو بدون شي مزعجني يبيني اتعرف على اخواني يمكن يالقى بنت من خواتي تناسبه على قولته تخيلته

يشوفها والله ينجن
ماحست بنفسها وهي سرحانه بوجه ريفال وتبتسم انتبهت على صوتها وهي
تقول :مابتسلمين انا ريفال
وجد انفضت راسها من الفكار وردت برتباك:هلا هلا ،،وتمد يدها تصافحها،،كيفك،،
ريفال تجاهلت يدها الممدوده ،،وحضنتها بشوق،،ماتتخيلين وش كثر كنت اتمنى اشوفك ومشهور يسولف عنك
بس الحمد الله ان ماجد قرر يعرس حتى نشوفك هههههه
وجد منصدمه بندفاعها وماقدرت ترد غير بكلمات بسيطه:هاه ايه الحي يتلاقا لو بعد مية سنه
جاد من ورا ريفال :ريفوه وخري ابسلم انا بعد مو بس انتي
ريفال بعدت بس لسى ماسكه يدها ،،تقدم جاد وحضنها ،،انا مو مصدق اني قدامك
بكيت على ابوي لين وافق اججي معهم ،،جد جد فرحان بقووووه
كل هاذا ووجد واقفه ومتصنمه ماتحركت من على الباب

مشهور دخل وهو شايل غالي .وقف بجنبها وببتسامة:وجدي هاذا اخوك .ويشر لجا.جــاد .وهاذي .ريفال اخوانك
وجــد بجمود واقفه ماتحركت ولا تكلمت
ام وجد قربت لها وحضنتها :وجد حبيبتي اخوانك جايين يتعرفون عليك ويسلمون وش فيك ساكت قولي شي تكلمي

______
حذفت القلم حلى الطاوله حطت يدينها على الطاوله ونزلت راسها ونهارت بالبكاء
وهي تهمس بضعف
:ماقدر اكتب كيف اعبر واقول شلون اخذوني من بين اهلي ومن حياتي
.وبصياح يقطع القلب.وقفت وهي منهاره مشت لسرير ورمت حالها عليه بنيهار.
ماتتخيل ذاك اليوم
صحيح اول مره تشوف اخوانها بس من شافتهم وهي حاسه ان بتنقلب حياتها حتى الفرحه مافرحت فيهم
برغم من انها تتمنى تشوفهم
صارت تصيح بقوه وهي تحاول تنسى الموقف كله الكل كان ضدها في ذاك اليوم محد وقف معها حتى امها الي شكلها واضح
منهاره صياح بس كانت تقول لها البنت مالها غير بيت ابوها
خواتها يصيحون بصمت

وهي حاله ثانيه صابها جموووود
الدمعه وحده مانزلت
.دفنت وجهها بالوساده وصياحها يزيد
فقدت الثقه بك شخص بعد ذاك اليوم
هي عارفه ان فيه شي صار عشان يجي ابوها وياخذها
بس ماهي عارف ولين اليوم ماعرفت
وش السبب
تتذكر كيف استقبلوها وكيف اهلها كلهم فرحو فيها
وحريم عمامها يعزموها كذ مره بس مافكر تروح لهم ومن دخلت بين الجاد تغيرت صارت وجد الجديده
وبعدتهم عنها عمدا لن في قلبها حقد عليهم
بسبب ابوها ابوها مستحيل تحقد عليه امها ماربتها على كذا
بس تحول كل الحقد ولكره لعايلة الجاد كلهم
وحتى اخوانها بس اخوانها من شدت تمسكهم فيها قدرو يغيرونها وتتعلق فيهم
لين صارت تضحي في نفسها لعيونهم
....تعدلت وهي تمسح وجهها
.قامت وراحت تغسل وجهها
رجعت وجلست على المكتب اخذت القلم وفتحت المذكره
حاولت تكتب بس ماقدرت ودموعها تخونها وتعميها
تذكرت موقف بزواج سعود

---

-
.
واقفة ورا باب القاعة وتقراء اذكارها
بعد اربع سنوات ترجع تشوفهم من جديد من راحت مع اخوانها في ذاك اليوم المشؤم بالنسبه لها
صحيح تزور امها بستمرار بس ولا مره شافتهم او شافوها عيال وزوجة عمها ابو سعود هاذي اول مره بعد3سنين
وبزواج سعووود ماتخيلت ولا بمجرد خيال انها بتحضر زواجه قوت قلبها ونفضت الفكار من راسها لازم تواجهم كلهم وماعليها من احد لازم لازم تكسر

راس كل واحد يفكر انه يذلها او يستغلها واولهم عايلة الجاد
اخذت نفس قوي وستغفرت عشر مرات
وقدمت رجلها اليمنى .خطت الخطوه ورا الثاني .رفعت رجلها ونزلتها على عتبت باب القاعة ..,دخلت وبكل ثقه وراسها مرفوع لفووق ..,الخطوه الثاني

دااااخل القاعة وسط الحضووور ..الخطوه الثالثه واظلمة القاعة توقفت بصدمه وش الي صار وقبل تتحركه تسلطت عليها اضواء قويه نازلة على اقدامها

رفعت راسها وهي مصدومه والصدمه الكبيره بالشاشة كانت صورتها
والأضائه على الجز الاسفل منها فجائه صدح صوت الزفه''هنا تجمدت بمكانها وش يصير
حست فيه شي غلط

___
وراءها كانت العروس تستعد لادخول
مقابل لباب القاعة فيه باب يطلع عليه من ثم تدخل مع الباب حق القاعة
وخواتها معها يحاولن يعدلن الفستان ينتظرن الشارة
بس استغربن وهن يسمعن صوت للزفة
واحده من خوات العروس:وش فيهم شغلو الزفه قبل العروس تاصل وش هالخبال
العروس طيف بتوتر وخوف:نجلا شوفي وش يصير ليش بدو قبل ناصل
دخلت بانفاس لاهثه من الركض
خوفها دخول العروس الي بدلوها بدلا عمتها :عمممه عمممه فيه عروس دخلت قبلك
طيف بصدمه طاحت باقت الورد من يدها:شوووو
نجلا بخوف على اختها :وش تخربطين انتي اي عروس العروس عمه طيف بس
بنت اخوها ببراءة:والله شفتها وهي تدخل لابسة فستان اسود „وبكل براءة ”صح العروس تلبس ابيض هي ليش لا بسها مو ابيض
..
تراجعت برعب من الي يصير تشوف الاضائة ترتفع من الارض شوي شوي عليها رجعت على ورا بخوف وربكه
مكانت بعيده عن الباب ..عينها على الشاشة بخوف لا يطلع شكلها ..دقت رجلها بعتبت الباب ،،لفت على ورا وطلعت
مع الباب .تنفست براحه ..انفتح الباب الي قدامها
طلعت طفله تركض لفت بسرعه وركضت برا القاعة راحت لجهت غرفة التبديل الي نزلة عباتها فيها
..دخلت الغرفة وقفلت الباب ..اركضت لشنطتها وسحبت الجوال ..وبيدين ترجف اتصلت على مشهور
.يدق لين انقطع ..دقت مره ثانية وثالثة مايرد خوفها زاد من ان يدخل احد عليها ويعرف انها هنا

بربكه دورت رقمه مالها غيره طلعت الرقم وضغطت عليه
دقت رنه ثنتين واثلاثه انفتح الخط
قبل يتكلم اندفعت بالكلام :ترررركي تكفى تعال انا بقاعة الزواج بسرعه قبل تبدى الزفه ابطلع

---
الجوال متجمد على اذنه وعينه على تركي الي يستعد مع سعود لزفه بيزفه مع اصدقائه
مو مصدق يسمع صوتها من بعد 5سنوات غياب عنه متغييير كثير من طفله الى صوت انوثي طااااغي

.
.
.
وجد بتوتر من صمته:تركي تركي
ملتزم الصمت بس قلبه يدق بقوه:___
وجد خافت وهي تسمع اصوات قريبه لها:تركي الله اليخليك رد علي انا بورطه ومحد يدري اني جيت تعال طلعني بسرعه من هنا
وقف بسرعه من قالت انه محد يدري بجيتها استغرب بس استغلها حاول يقلد صوت تركي:طيب انتي وينك
وجد من الخوف ماميزت الصوت :انا بغرف التبديل الي بجنب المطبخ الخارجي حق القهوه برا
الجوال على اذنه وقلبه يدق بخوف من الخطوه الي بيخطيها بس مشى يتبع قلبه الخبيث ,مافكر باي عاقبه الشيطااان اعماه
وخلاه يمشي بدون تفكير:وجد لاتحركين انا اجيك
وجد بربكه :تركيي في اصوات عن الباب
:لحضة بيزفون سعود ابدخل معه
وجد بخوف:لاااا يشوفونك
توهق :هاه ابحاول ماينتبهون
وجد برفض :لااا انا البس واطلع لك على طول
رد بسرعه:وجججد عن الجنان

ردد وراه بصدمه :وجججد
لف بقوه على الصوت كان متعب واقف وراه الضبط وهو واقف بجنب باب قاعة الرجال
,نزل الجوال من اذنه وقفل الخط خافها تسمع:متعب
متعب مصدوم :انت تكلم من
رد بتوتر:هاه محد من اكلم ايه علياء
محمد بقوه :كذاااااب مو عليا سمعتك وانت تقول وجد منهي وجد
رجع على ورا بخووف :يتهيئ لك ماقلت وجد سمعتني غلط
تقدم منه لين صار لاصق فيه :فهد قلي الصدق من وجد,لمح الجوال بيده مد يده وسحبه بسرعه ورجع على ورا عشان ماياخذه.,ناظر فيه
:هاذا مو جوالك منو جواله
بتوتر وتبرير:الا جوالي هاته بسرعه
دق الجوال بيد متعب .ناظر فيه مكتوب ((وجد قلبي))رفع نظره له ورجع نزله للجوال رفعه وفتح الخط وحطه على اذنه
وجد تكلمت بسرعه وبصراخ:تررركي انننت وش فيك علي طلعني من هنا ياللله
متعب قطع الخط .ناظر فيه
وبكل قهر وحريقه قلب تفل عليه:تفووووو عليك من اخو عز الله انك مانت اخوي من بعد اليوم
ياعديم المرجله والنخوه ياعديم الشرف يالتافه
تراجع بمشيته وهو يسب فيه ويشتم
دخل داخل القاعه.يدور بعينه على تركي

_________
عند العريس


واقف سعود وهوو يحاول يرسم ابتسامه على وجهه بالقوه
ابو سعود واقف بجنبه سعيد بزواج اول اولاده
وتركي بالجهه اليمين يهمس له:فك الكشر انا شتوفك
سعود بضيقه :حتى تعبيرر عن مشاعري بتحرموني منه
تركي بضيق على اعز اصدقائه :حاس فيك ياصديقي بس عشان خاطر شيبات ابوك ابتسم شف كيف فرحته بك
سعود ناظر لاابوه يشوفه كيف فرحان :الله يسامحه هو السبب ماكنت ابي هازواج كله
تركي شهق :اششش بتفضحنا باخوانها يامجنون لاحد يسمعك
سعود بقرف:ولي يرحم والديك سد السالفه خلاص بلوى وابتليت فيها
تركي بمحاوله:ياسعود يامكن فيها خيره الك وتــ .قطع كلامه دخول متعب وهو يمد له الجوال
متعب :رد على جوالك ازعج العالم بسرعه وترا في واحد من البزران فتحه انا لقيته معهم
تركي اخذه وبستغراب:غريبه من بيدق علي كلهم يدرون اني هنا
متعب بضيق :وانا وش دراني شف منو داق عليك يمكن يبيك بشي ضروري
تركي فتح على المكلمات لم يرد عليها مافيه احد :ماحد متصل كـ ..وسكت وهو يشوف الاسم .اللهم اجعله خير وش عندها
,.فتح الخط وحطه على اذنه :الوو وجدي

وجد بسبب الموقف الي صار لها مع سوات تركي الي سواه فيها انهارت تبكي تجمع كل شي عليها:تركييي حرام عليك وينك تعاااال
والله ابموت
تركي بصدمه وخوف عليها فز برعب من بكاها:وجـــــد وش فيك وش صاير وينك
وجد ببكاء يقطع القلب:انا هنا هنا ياتركي بالزواج بس محد يدري انا كم مر اعيد
تركي مانتبه لااخر كلامها :انتي هنااا بالزواج طيب ليش تبكيـــن
وجد بصياح:طلعني طلعني واقولك كل شي
تركي بربكه وتهديه :طيب طيب اهدي انتي الحين وقولي لي وينك
وجد تحاول تصيطر على نفسها :تهئ ئى انا.,وتشهق بقوه ,ئئئئئهئ .انا بقاعة اقصد بالغرف الي برا القاعة انا ابطلع برا بشارع وانت تعال
تركي :خلاص ياقلبي بس اهدي ووين راما
وجد :لاااا لاتقول لحد اني هنا ماحد يدري انت طلعني واقولك كل شي
تركي تغير وجهه :خلاص خلاص دقايق وانا عندك يالله مع السلامه
وجد بسرعه :تركي لاسكر
تركي بسغربا من حالتها :ليش ابسلم على العريس واطلع
وجد سكتت:__
تركي ماسمع منها رد:طيب
كل هاذا صار قدام سعود ومتعب الي يترقب بيتطمن عليها خاف انها عرفت الي رد عليها اول
بس واضح انها ماحست
تركي :اسف ياخوي كنت ناوي واصلك لين باب الفندق بس ماقدر وجد مادري وش فيها ولازم اطلع لها هي برا تنتظرني
سعود بصدمه:هي حاظره الزوااااج
تركي بضياع :ايه ومنهاره تصيح مدري وش صاير لها والمشكلها ماحد يعرف انها حاضره



انتهـــــــــــــى البارت