البـــــــــارت العشرين

::::::::::::::::::::::::::::
البسمة المصطنعة كالوردة المصطنعة تكتشف بسهولة.

.............ـ



وقف وهو معطيه ظهره
عبد العزيز بغضب وهو ملغي وجود الجميع بمافيهم جدته:اشوفك ساكت ليش ماتتكلم تقول
.وجود واقفه بزاوية الباب من برا وميته رعب من عبد العزيز الي معصب ركضة على برا رايحه للبنات
..جاد يحاول يتماسك مو بصالحه لو قال حرف واحد بيصير ضده:عبد العزيز اقصر الشر مافيه شي
عبد العزيز تقدم له ولفه مقابل له:لو مافيه شي على قولتك كان ماعطيتني ظهرك وانت تتكلم
جاد ياحاول يهدى بس الغضب بدا يتملكه وهو يشوف نظرات عمه وابوه وجده له
عبد العزيز انتبه عليه وعلى نظراته لف شاف خلف يرسل لنظرات تهديد مع الجده:جـــــاد للمره الأخيره
اسئلك وجاوبني والله ياجاد والله الي عالي في سماه وانت تعرفني لو عرفت شي انت تخبيه عني
ماتلوم الا نفسك ماينفعك لاعمي خلف ولاجدتي
جاد لف عليه بقوه مصدوم من كلامه يكون عارف شي وساكت
تدخلت الجده بغضب من شافت خوف جاد:انت وش فيك على ولد عمك وش تبي منه بالضبط
عبد العزيز بغضب وصوت قوي:ابي اعرف وليش يماطل باختي كذا ترا اختي كلن يتمناها كان مايبيها ليش اخذها
ام خلف بحقد:وش سوا باختك تحمد ربها بنت حنان لقت من يضفها
عبد العزيز صرخ بغضب:وشوووو وشلون لقت من يضفها وش قصدك
ابو رواف بعصبيه :عزييييز احترم جدتك لاترفع صوتك عليها
عبد العزيز معميه غضبه :انت وجدتي ساس البلاوي كلها اقص يدي لو مكان من تحت روسكم السالفه
ابو عبد العزيز بالرغم من ان كلام ولده عاجبه بس مايبيه يرفع صوته على امه واخوه الكبيرتكلم بهدو:عزيييز ياوليدي
هد نفسك وتفاهم بالهداوه مع ولد عمك كلنا نبي نعرف هو ليش يسوي كذا
ام خلف بقوه:مانبي نعرف شي الولد هو حر ياخر يقدم عرسه وكيفه
عزيز تقدم من جاد مسك من قدام مع ثوبه وبصراخ :لاااااا ماهو على كيفه .هزه بقوه..تكلم لا ادفنك هنا
جــاد انفجرو فقد اعصابه من مسكه فك يدينه ودفه عنه:خلاااص ابقولك .اخذ نفس ..
اختك مااابيها مابيها سمعت انا انغصبت عليها
من جدتك رمتها بحلقي ادري ماتحببها بس بعد مو منغلاي عندها بس كانت ببتخلص منها لاياخذها واحد من احفادها
وتبتلش بحنان جديده على قولتها مثل ماهي تحفر وتسوي البلاوي عشان تبعد رواف عن وجد بكل وسيله
اتخذتها ماتبي بنت ترف زوجته من اول يوم رفضته وجد فيه
العجوز عصبت وصرخت فيه:بس بس انت مابين بعينك كل شي سويته لك تجي تنكره باكل سهوله
جاد بصراخ كل البيت سمعه حتى وسن وجنى طلعو على الصراخ وسمعو كل الاكلام
:اي خير سويتيه تكرهين ترف وحنان ماقلنا شي مانعرف السبب اصلا ليش تكرهينهم لاكن تكرهين عبد الله
ليش الي يسويه ولدك خلف مسواه برك اكثر من عيالك
وبالخير تجازينه بالكره له ولعياله وبالتفرقه لاتحبينا بس لاتفريقن بينا وين عيال عمامي
..بدر هو مشهور ركضو له يحاولون يسكتونه لن شافو ابوهم بدا يعصب:جاد خلاص
عبد العزيز اعترض طريقهم:هـــاذ كله مو مبرر يخليك تسوي كذا اختي وش ذنبها مالها دخل في كل الي قلته
تفرغ غضبك فيها كذا
جاد بعصبيه:قلت لك اختك مابيها مو عيب فيها بس كذا ماتنغصب نفس على نفس ياولد عمي
عزييز بغضب:وليش سكت لا ليش وافقت من البدايه
جاد يناظر لعمه خلف بحقد:لن عمك العزيز غصبني عليها وهددني لو مااخذتها ..سكت ..
عبد العزيز ناظر لعمه ورجع ناظر فيه:وش هددك فيه
جاد سكت شوي :...يزوجها صديقه ابو حمد
عبد العزيز بصدمه:وشو يزوجها صديقه ..ضحك بستهزاء..ههههه حلوه وانت صدقته
..وبغضب..بنته هي عشان يهدد على كيفه وليش مارفضت وخليته كان صادق يزوجها على كيفه
جاد بعصبيه:وليش ماصدق عادي عمي مايرفض له امر
ابو عبد العزيز حزت بقلبه كلمته جاد بس بلعها وهو ساكت هو الي جابه لنفسه يستاهل
...عبد العزيز بقوه :طلقها وكان به خير يزوجها الشايب صديقه
جاد بصدمه:اطلقها؟؟؟ لاااااا مستحيييل
عبد العزيز زئر بغضب :بطلقها وانت ماتشوف الدرب
تدخلت العجوز:مو على كيفك تطلقهم وهو مايبي ويمكن اختك بعد ماتبي الطلاق البنت ماتفكر بالطلاق وهي مادخلت على
رجالها وش بيقولون الناس عنها
عبد العزيز بقسوه:اناس ماعلي منهم اخر همي الناس واختي الحين اجيبها ولكم تسمعون رايها

....ـ
عند المدخل كانو البنات كلهم واقفات يسمعون
شهقت جنى وهي تسمع رد عبد العزيز:
وسن مسكت يدها هي وعبير واقفه بالقرب منها:حبيبتي هدي
جنى برجفه:سمعتي لا لا مابي
عبير حضنتها تكلمت وسن:لاتخافين حبيبتي لو ماتبين تتطلقين مراح يطلقك وذا تبين مراح احد يلومك
جاد محد يصبر عليه
سمعن صوت عبد العزيز يصرخ بأسمها
انتفضت بخوووف من الموقف
عبير ضمتها :جنى جنى اهدي وخليـــك قووويه لاحد يثر عليك الاقرار بالخير لك
والحياه حياتك انتي وبس فكري بنفسك وعزيز معك عزيز مايرضى بالضيم لخواته
:جنــــــــــــــــــى
جنى تماسكت وتقدمت له متغطيه بالجلال
قربت للباب كان واقف عليه شافها جايه طلع خطوتين لها وحضنها وهو يقبل راسها
وبهمس:اضن سمعتي كل شي صح مايخفى لن الصووت كان عالي
جنى هزت راسهابيه وهي :
عبد العزيز بهمس:بندخل واسئلك عن رايك وتقولينه بكل قوه وصوت مرتفع اما رفض او قبول
بدون تردد وانا معك
جنى هزت راسه وبهمس:ان شاء الله
مسك يدها وتوجه داخل فيه وقف قدامهم وهيي واقفه بلقرب منه ونصفها وراه:هاذاي اختـــــــــي
وبتسمعون رايها وانا معه اذا واقفك واذا رفضت
وجه كلامه لجنى:جنى انتي موفقه تبقين مع جاد او لا
جنى بدون تفكير وهي تذكر كلامه ((اختك مابيها)):لااااا مابيه
جاد برتد عضامه من الصدمه ماتوقع انها ترفضه وقدامهم تراجع على ورا بيطلع
عبد العزيز انتبه له:لحـــضه جاد
جاد وقف وبرود:نعم
عبد العزيز يضغط على يد جنى:سمعت وش قالت اختي
جاد ببرود :سمعت
عبد العزيز بقسوه :وش تنتظر اختي ماتبيك طلقـــها
جاد لف عليهم بقهر من كلم ماتبيك:ولا انا بيها .واضاف.انتي طالق ياجنى طالق طالق
..وطلع بسرعه



__________________ـ


متعب وعلي بالسياره
علي بطفش:متعب ماطفشت ترا لنا ساعه نفر خلنا نرجع
متعب بتطنيش:اليووم الجو جنااان نفسي اسوي شي
علي بعصبيه:وش مثله لاتقول بتفحط
متعب ضحك:ههههههههه احمد ربك اني ماحب التفحيط ولا الحين منتفك تنتيف
مرو من قدام مزرعه محاطه باشجار السور مو باين الي داخلها بس البوابه فخخمه متعب :
هالمزرعه مشابهه لمزرعة محمد من بعيد نفسي ادخلها
علي بضحكه:ههه مو نفسك تسوي شي يالله غامر واددخلها
متعب بحماس:فكره بس يمكن فيها احد
علي بتريقه:لا مهجوره
علي صدقه:والله طيب ندخــ.. انقطع كلامه وهو يشوف السياره
..انتفتحت البوابه وطلعت منها سياره مثل الصاروخ ..
السايق مايشوف من السرعه . متوجه لهم حاولو يتلافونه يالله قدرو بالحضه الخيره ربط بريك متعب ووقف والثاني وقف
وخشوم السيارتين متلاصقات نزل متعب من سيارت
والشاب نزل معصب وهو يصرخ:ماااااااتشوف انت ليش ماتبعد عن الطريق
متعب من عند سيارته بتريقه :ليش الشارح مكتوب باسم ابوك نفضيه لك
الولد ناوي الشر تقدم منه متعب لاحظ شكله وبصدم :جـــــاد
جاد وقف مستغرب كيف يعرف اسمه هدى شوي وهو لا زال معصب بس يحاول يمسك اعصابه:
انت منو وش عرف باسمي
متعب بستغراب:ماعرفتني
جاد يدقق فيه النظر:اعذرني مخي مشوش ولا والله احس اني شايفك قبل كذا
متعب بهدو وهي حزت بخاطره :انا متعب النايف
جاد تذكر وجد:اها اهل وجد
متعب ابتسم بخفه:ايه
جاد لاحظ ابتسامته:اها حياك الله..وتقدم يصافحه ويسلم عليه..وش اخبارك
متعب يسلم عليه :الحمد الله انت وش اخبارك
جاد بضيق:الحمد الله عايش باهالدنيا
متعب ملاحظ عليه الضيق :خيران شاء الله احسك مو على بعضك من اول مانزلت معصب
جاد تذكر:مشاكل بالبيت ههه..ضحك بسخريا.هههه احمد ربك مافرغت فيك غضبي لني كنت كاتمه
متعب بمزح:هههههه الحمد الله اني عرفتك
جاد رما نظره لسياره يشوف الي جالس فيه:هههه زين .من معك
متعب توهق:هاذا ا .ا
علي يسمعه لنهم كانو قريبين طلع راسه من السياره:بابا متئب فيه مسكل
متعب كتم ضحكته:نهي علي..لف على جاد.هاذا علي عامل المزرعه
جاد بفهم :اها على بالي واحد من اخوانك
متعب ابتسم:لا طلعت افرفر وقلت اخذه يونسني
جاد بتفكير :هههه شكلك طفشان تعال نجلس بكافي او اي شي نسولف من زمان عن بعض
متعب راقت له الدعوه:طيب يـ..دق جواله قطع كلامه طلع من جيبه ناظر له .ابو ترف يتصل بك..
اووه او ترف اكيد عنده شي .فتح الخط
:هلا والله ابو ترف
محمد :وينك مختفي
متعب يناظر لجاد:ابد بس افرفر بالسياره من الطفش
محمد بضيق:رايح تدوج وحنا محتاجينك
متعب بستغراب:وش فيه محتاجيني
محمد :انا ذبحت تقريبا 3 ذبايح ناوي اعزم الجيران الي حولنا
متعب بتعجب:وش المناسبه
محمد بتفكير:كذا بس بدون مناسبه اسمع ابكي تمشي المزارع الي حولنا تعزمهم
متعب ناظر الجاد :ابشر واول المعزومين الجاد
محمد فرح:تعرف مكانهم
متعب بضحكه:المزرعه المقابله لك الي عليها اشجار السور مسكرتها هي مزرعتهم
محمد بسعاده:والله طيب اتركهم على جنب انا ابعزمهم بس مر على جيران الباقيين
متعب ابتسم على فرحته :من عيوني ابشر يالله مع السلامه
سكر من محمد ولف على جاد:محمد مسوي عشاء كبير وعازم كل الجيران واهلك معهم
جاد بضيق:والله
محمد انتبه لتغير وجهه:لاتقول مو حاضر
جاد بتاكيد:ايه مراح احضر
متعب بستغراب:افا ليش العشاء كبير 3ذبايح
جاد بضيق يحاول يخفيه: انا وراي شغل مسافر لاألرياض بعد شوي
متعب بخيبه:لاااا ماتقدر تاجله
جاد بضيقه بانت بوجهه:ياليت اجلته من البدايه ياخوك
متعب حاس ان فيه شي:جاد والله احسك ضايق فيك شي
جاد تحرك بيمشي مايقدر ياقف اكثر:لا تطمنا مافيني شي عن اذنك انا ماشي
متعب ودعه وهو يراقبه ركب سيارته ومشى واختفى عن عيونه تحرك راجع لسيارته ركب ولف على علي
انتبه له سرحان مد يده وهزه :علي
علي انتفض كان سرحان وخوفه متعب:بســــم الله خوفتني
متعب ضحك عليه:ههههههههههه من ماخذ عقلك يكون راعية الخبز
علي ضحك:هههههه ماتنسى تراها قصيده عاديه
متعب تحرك ماشي:هههههههه علينا والله شكلك عاشقن لك هنديه مثل ولد خالتك
علي تذكر هادي:هههههههه اسكت لاتذكرني فيه هذا ماله شبيه مجنون كاتي
متعب تنهد:ااااااه الله يرزقنا كاتي نعشقها مثل هادي واكثر وتعشقنا
علي انفجر ضحك:هههههههههههههههههههههه نلقى قاتي ونعشقها سهل بس وينهي الي بتعشقنا
متعب بتنهد بحزن:انا اشهد وينها الي بتحبنا بدون مانتعذب
علي حس انه يحب :الي يحب يستاهل من قاله يحب من البدايه ههههههههه
متعب ضربه على كتفه:والقلب ملك يدينا عشان نتحكم فيه يافيهم
علي تاكد من احساسه:هههههه صح عليك
متعب وقف قدام بوابة مزرعه قريبه منهم ونزل ينادي بس كانت فاضيه
مشى رايح لمزرعه ثانيه

_______________________ـ

لگل شيء نهآية ، هذآ مَ يجب آن ندرگه من البدآية
.....ـ
منهاره من طلعت من عندهم رجعت لنفس الغرفه تبكي بقوه
وعبير ووسن عندها ويبكون من بكاها
دخلت ام نادر عليهم ناظرت برحمه لجنى قربت منها وجلست بجنبها:جنى حبيبتي
اهدي
جنى رمت حالها بحضن عمتها:عمتي صرت مطلقه وانا ماتزوجت ليش حرام
ام نادر بضيق ورحمه تحضنها :جنو استغفري ربك عادي واذا صرتي مطلقه مانتي اخر ولا اول وحده تتطلق
جنى ببكاء:عمتي انتي مو حاسه بالي احس فيه
ام نادر :لا حبيبتي حاسه فيك والله حاسه بس مو نهاية الدنياء تتطلقين وبتتزوجين عادي مافيها شي
عبير بتاييد :صح كلام عمتي مو نهاية العالم وفكري بيجابيه احمدي ربك انك عرفتيه الحين قبل تتزوجينه وتندمين
وسن بحزن :سامحيني جنى
جنى رفعت راسها لوسن وبعتاب من بين دموعها:ماسويتي شي وسن انتي مالك ذنب
..دخلت وجود تركض ..وقفت تاخذ نفس ..جنى عزييز يبيك بسرررعه اطلعي له
جنى فزت واقفه بخوف :هاااه لييش
عبير وقفت معها وتهديها:وش فيك حبيبتي خايفه عزيز مو مسوي لك شي
جنى بتوتر :طيب


________________ـ

في قلب كل شتاء ربيع نابض ووراء كل ليل فجر باسم
........ـ

سند راسه على الكرسي واسترخى رافع راسه فوق ومغمض عيونه
سرح بتفكيره بامه تنهد بحزن على الحاله الي هي عايشه فيها خنقته العبره
تعب وهو يركض يدور حل لها 17 سنه جالسه على الكرسي.عاهد نفسه يعالجها ولين اليوم يقاتل
...تعدل بجلسته طاح نظره على ابوه صورته تتوسط مكتبه اخذه نص الجدار الي قدامه
همس له يكلمه:يبه تعبت والله تعبت وش الحل يبه انا السبب بالي حصل لكم
ادري..بكى ..فقدتك وفقدت بسمة امي من بعدك
سمع جواله يدق مسح على وجهه وتنحنح يعدل صوته رفع الجوال وشاف المتصل((جنتــي))
فتح الخط ورد:هلا بجنتي
ام فارس بحب:نظر عيني وش لونك
فارس :بخير يا بعدي
ام فارس بحساس الام:يمه فارس احس فيك شي طمن قلبيبي عليك يامك
فارس مسح على عوارضه الكثيفه وبحب:تطمني ياروح فارس ياعساني فداء لرجليك مافيني الا كل خير
ام فارس :متى ترجع
فارس :مدري يالغاليه بس يمكن اتاخر شوي سلطان عندك
ام فارس :لا تعال بدري معزومين من جيرانا بالمزرعه
فارس بصدمه:يمه انتي بالمزرعه
ام فارس تدف كرسيها وهي تتمشى وبيدها لِي الماء تسقي الورد الي يملى ارضية المزرعه من جهت الايمين
:ايه حسيت بطفش وشلت عفشي ورحت لها
فارس بقهر من نفسه:ليش ماقلتي لي اوديك
ام فارس :خلاص حبيبي رحت وانتهت السالفه
فارس بخوف:يمه عسى ماتعبتي من الطريق
ام فارس بحنيه:لايمك ماتعبت الحمد الله بس تعال بدري بنلبي الدعوه يابوي
فارس بخضوع :ان شاء الله تامرين امر ياجنتي

____________________ـ
______ـ
مزرعــــــة محمد
الساعة 8 باليل

البيت حالة استنفار بسبب العشاء

وجد بغرفة راما ولاما جالسه من حرجه ماتبي تطلع بسبب الضيوف
وجدان تخانق وجد:والله مالك داعي لين الحين ماتركتي طبعك
وجد بضيق:ماهو على كذا بس احراج بصفتي منو
انزل لاضيوف والله صعـــــــبه
تاليا الي دخلت على اخر جمله :بصفت الشغالتنا ..وادففت بغضب..انتي ماتتركين حركات وشلون يعني بصفتك منو
عادي وحد من هالبنات ويكوون بعلمك اهلك معزومين واكيد بيحضرون
وجد بصدمه:بيحضروون من جدك
تاليا بتاكيد :ايه محمد راح لهم بنفسه وعزمهم
راما بوناسه:حلوووووو يعني مالك عذر وبتجي جنى ياسلاااام ام الوناسه
وجدان بفرح:يــــس ..فزت واقفه..يالله عن اذنكم بجهز العزبه مدام فيها جنى ووسن
وطلعت بسرعه
راما تاقف :وانا بساعدها عن اذنكم
لاما وقفت معها:خوذيني معك
طلعو كلهم ..مشت تاليا وجلست قدام وجد على كري التسريحه:انتي من جدك ولا بس عذر
وجد ناظرت فيها شافت نظراتها الي ماتمزح واظح فيها احتارت وش تجاوب ان قالت ايه مشكله ون قالت لا هم بعد مشكله
بهالحظه دخلت ريفال فرحت ودها تنط وتحب راسها انقذتها
ريفال مستغربه من سكوتهم:وش عندكم .وبنظره.ليكون قطعت لقاء سري بينكم
وجد بسرعه:لااااااا وش دعوا مافيه اسرار عنك
ريفال بعدم تصديق:مدري عنكم
تاليا بتاكيد لكلام وجد وهي تخزها:صادقه وجد وش بنخبي عليك مثلا
ريفال بطيبه صدقت:على العموم كنت امزح معكم وانا جايه ابخبركم ان جدتي ام خلف هنا
بصوت واحد:قطــــــــيه
ناظرو في بعض ونفجرو ضحك.جد+تاليا:ههههههههههههههه
ريفال بضيق :بنات لاتحشن بخلق الله بالعكس انتي بكذا تسفطين لها الخير
وجد ضحكت :هههههههههه الستغفر الله الستغفر الله

..طق طق طق..ثلاث دقات على الباب معروف صاحبهن
وجد بحب:ادخلي يابعد كل البنات يام الذوق كله
جود دخلت وبكل نعومه:مرحبا بنات
تاليا تقلدها:وعليكم المرحبا بنات
وجد :هههههه مراااحب
جود ضحكت بنعووومه:هههههه ..واضافت..بنات خالتي تقول انزلو سلمو على ام فارس جارتهم الجديد



..................ـ
...................انتهـــــــــــــــــــى البـــارت................


انتظروني قريب ان اشاء الله

البـــــــــــ الواحد والعشرون ـــــــــارت

__________الجـــــــرح في هالــــزمن مثل التحيه..

.......مزرعة محمد
غرفة راما
تاليا دخلت تغير بالحمام(اكرمكم الله)
ووجد جالسه تفكر وش تززين بشعرها كالعاده يكون شغلها الشاغل شعرها فهو عقدتها ماتعرف تسوي فيه شي
فجائه انفتح الباب بقوه ودخلت مثل العاصفه من الغضب:وجـــــد والله لو ماتركتي حركاتك هاذي وربي ماتلومين الا نفسك
اسمعيني زين انتي الدلع ماينفع معك كل عزيمه تجين فيها تفشيلني من كثر مايسئلون عنك وماتنزلين ألا اخر الناس
وجد فاتحه فمها بصدمه من هجوم امها وبعدم استيعاب:يمـــه
ام وجد بقهر من طبع بنتها:وصمه تصم العدو مابي اعتراااض فاهمه الحيين تنزلين قدامي ماعندي استعداد
اسمع كلام ام خلف الي يسم البدن
وجد اخيرا استوعبت اها ام خلف هي سبب ثورت امها قالت بهدو:تخسى تسمعك كلام يسم وبعدين يايمه ياقلبي انا ابنزل
وحتى تاليا معي هنا بننزل سوا
ام وجد هدت وبحراج:ام سعود هنا؟؟
تاليا الي سمعت كل كلامها قالت بمزح:بدري كملي اخناق يالله
ام وجد بقهر:اعذريني بس كله من هالعجوز الستغفر الله
والله مكان ودي ينعزمون بس الله يسامح محمد
تاليا بدفاع عنه:لو عرف انك ماتبينهم كان ماعزمهم
ام وجد:لالا مو قصدي انا مااكره احد بس اتضايق منها ترمي علي كلام قدام الي يسوا والي مايسوا
تاليا تناظر لوجد:ادري قلبك ابيض مايعرف الكره ليتك مورثته بنتك يام غالي الله اكبر عليها حقد وكره عدو عيني
تعاديه
وجد بحقد وهي انشحنت زياده من كلام امها:والله حبيبتي الي مايستاهل الحب وليش نحبه الا نكرهه ونكرهه بالعيشه بعد
ام وجد تحركت بتطلع:ييالله بسرعه انزلن ونتي ياوجد كفي شرك لاتذبحينها وش جابك هنا الا هوشتك معها
وجد بعتراض:لاااااا يمه استني بننزل معك وبعدين انا ماخطيت على احد الي يتعرض لي هو الي جنى على نفسه
تاليا ناظرت فيه بستغراب بس لمحت نظرت تحدي:يالله انا مخلصه
وجد وقفت :بس دقايق واخلص


_________________ـ

تحت بمجلس الحريم الي يتوسط الصاله ومفتوح عليها
جالسه ام خلف وتقز ام فارس:الله يادنيا الحين انتي عمة سلطان وتونا نعرفك
ام فارس الي مارتاحت لها:مالله قسم نلتقي يام خلف ..وتلفتت تتشوف صاحبة البيت بتجاهل لها:ماشوف ام غالي
وين راحت
ام سعود بهدو والحزن واضح عليها:طلعت تنادي بنتها الحين بتجي
ام خلف بقهر وكره بهمس :قطيعه تقطعها
ام فارس الي قريبه منهاجالسه بكرسيها ملاصق لكنبة ام خلف رمقتها بنظره مستغربه من عداوتها
والمره واضح انها طيبه ومالها بالشر ماعلقت سمعت صوت مشي انتبهت لام غالي تدخل ورااها ثلاث بنات
جود الي سلمت عليها واعجبتها واضافتها لقايمة الترشيح لولدها.بنت ثانيه تتبعها
وراها بنت مو واضحها الا بطولها كانت اخر وحده تمشي

تقدمت ام غالي:سلام عليكم
ام فارس والبقيه ردو السلام بستثاناء ام خلف الي صدت على جنب :وعليكم اسلام
ام غالي تاشر لتاليا:هاذاي تاليا الفهـادي اخت جارتي ام سعود وزوجة ولد اختي
تقدمت تاليا ببتسامه وسلمت عليها:ياحياالله من جانا تو مانور الماكن يام فارس
ام فارس تسلم عليها:الله يحييك منور باهله وش لونك يابنتي
تاليا تتراجع على جنب:الحمد الله بخير
ام غالي ببتسامه تاشر لوجد:هاذي بنتــي وجــد الجاد
ام فارس انبهتت فيها عليها جمال فاتن وجسم مر كلام سلطان ببالها عن بنت عمه اسمها وجد واهذي وجد تكون هي
تقدمت وجد بخجل من نظراتها نزلت لمستوها وحبتها على خدها وراسها:حياك الله خالتي نور المكان بوجودك
ام فارس بعجاب واضح بعيونها :الله يحييك منور بك يابنتي وش لونك
وجد وهي صدق ميته خجل:الحمد الله بخير انتي وش اخبارك بشرينا عنك
ام فارس ردت وهي ودها تعرف هي نفسها الدكتوره او لا:الحمد الله على كل حال مثل ماتشوفين
على هالكرسي الحمد الله
وجد بندفاع:ماتشوفين شر سببه حادث ولا من الطفوله
تاليا فتحت فمها جت بتتكلم بس سمقتها ام فارس بالرد:لاوالله حادث قبل 17 سنه تعرضةلحادث
من ذاك اليوم مثل ماتشوفين
وجد بتسرع:لاااا هينه مثل هالحلات بس تبي دكتور شاطر ومرض عنده عزم وسنه بالكثير وهو يمشي بقدرت الله سبحانه
ام فارس بعجاب بكلامها :الحمد الله على كل حال ولدي ماقصر من 8 سنوات يركضبي
يدور علاج
وجد بحماس كيف وشي يدخل بشغلها:وليش يدور العلاج وهو عندك
ام فارس استغربت :كيف عندي
وجد توجهت وجلست بجنب تاليا مقابل لاام فارس متجاهله ام خلف الي ترمي نظرات الكره لها من فتره لفتره
:انتي تعالجين نفسك بنفسك بالعزم والاصرار مع دكتور شاطر
ام فارس بسؤال مباغت:انتي دكتوره
وجد تنحت ماتوقعت تسئلها ردت بهدو وهي متحفضه:ايه بس حاليا موقوفه عن العمل
ام فارس بصدمه:موقوفه كيف يعني
وجد بتوضيح :لا لا قصدي ماشتغل وموقت ان شاء الله انا استقلت من شغلي قبل شهر تقريبا بسبب المدير
مغرور وجلف وماتحملت يوم واحد من عرفت انه استلم الاداره
ام فارس بترقب:وماقدمتي على مستشفى ثاني
وجد استرقت النظر لاام رواف الي جالسه بجنبه ام خلف:الا قدمت وانتظر المواقفه
ام فارس حست فيه شي بينهم هي تاكدت انها هي وجد بنت عم سلطان بس ليش تحس فيه كره متبادل ويينها وبين
جدتها:اها الله يوفقك ولو ماحصلتي الاموافقه وضيفتك تنتظرك .وبتفكير.ماقلتي لي وشو المستشفى الي قدمتي عليه
وجد تحاول تتذكره:مستشفى الفتوهـ
ام فارس ببتسامة فخر:والله ماشاءالله اهاذ مستشفى ولدي فارس
وجد ردت لها البتسامه وبمزحه:والله زين بضمن الوظيفه اجل
ام فارس بسعاده:تضمنينها ونص لا وبعد ابحول حالتي من فارس عليك تعالجيني
وجد بصدمه:هاه
ام فارس ضحكت على صدمتها:ههههه وش فيك الا..وبستعطاف.. لو ماتبيني تعالجيني هاذ شي ثاني
وجد بتبرير :لالا مو قصدي بس ولدك دكتور مشهور والكل يعرفه كيف اخذ حاله منه لا وامه بعد هو مستحيل يرضى
وغير هاذا كله هو عنده خبره وانا مالي نصف سنه متوظفه
ام فارس بمتعت الحديث معها:معليك منه 4سنين متولي حالتي بدون تقدم يمكن بعد الله يكون شفائي على يدك
وجد مصدومه:خالتي فجاتئني وصدمتيني انتي اكيد تمزحين
ام فارس ابتسمت بغموض:ههههه امزح الله يوفقك ويقبلك ولد جادي
وجد تنفست براحه من مزح العجوز الي هبل فيها:ههههه الله يسامحك خالتي ارعبتيني اميــن
....استمرت الجلسه ضحك وسوالف كلهم مجتمعين الحريم والبنات سوى

________.....___ـ
ببيت الشعر ورا الفيلا بمسافة 200متر
الكل مجتمع فيه
ابو تركي وابو سعود متصدرين المجلس
وعلى اليمين ابو مشهور وابورواف عبد العزيز وفارس وسلطان فارس مقابل لهم من اليسار ابوعبد العزيز
وسعودوتركي وولده سعود جالس بجنبه وورواد ماجد و محمد مشهور متعب جلاد رائد

...جلال وغالي وعلي جالسين عند الدلال باخر المجلس...
جلال يصلح القهوه وغالي وعلي يصبون كل شوي يوقف واحد يمشي عليهم يقهويهم
ابو سعود ناد على ولد تركي:سعـــود
سعود ولده فز هو وسعود الماجد:سم يبـــه
ضحك ابو سعود :سم للعدو ههههه انا اقصد ولد ماجد ارتح بمكانك ياولدي
ضحك سعود:هههه ابشر ..جلس بمكانه وهو مبتسم
ماجد بمزحه :انتبه تنسى مره ثانيه ترا لك سمي اخذ حتى مكانك عند ابوك ههههههههه
سعود :والله ولدك بديت احقد عليه كل شي اخذه مني حتى اسمي
تركي ضحك بقوه لفت انتبههم:هههههههههههههه لاتلوم سعود لوم ابوك وامك ليش يرضعون امه هم السبب
اابو تركي عطاه نظره يعني اسكت فشلتنا تكركر:هههه حسبي الله على عدوك شف ابوي الحين يفشلني قدامهم وانت السبب
سعود بتشفي:تستاهل
تركي بحزن مسطنع:ابوي دايم يفشلني حتى شيبي ماشفع لي من سنين وانا طايحه هيبتي عند احفاده
سعود انفجر ضحك:ههههههههههههههههههههههههههههههههه اما عاد مالك هيبيه
ابو تركي زجرهم:بس عيب عليكم لعنبو بليسكم شيبان الشيب ظاهر بلحاكم وتكركرون تقل بزران
سعود دورو ماتلقونه وتركي ماقدر يمسك نفسه من الضحك:ههههههههههه تستاهل
ابو تركي عصب :قم اطلع انت ويها من المجلس يالله
ابو سعود بتهديه:اهدى يابو تركي وش يطلعون مايصير
ابو تركي بعصبيه:ماتشوفهم
ابو سعود بهدو:عادي يضحكون ابو تركي مافيه الا الخير يمزحون مع بعض
قطع كلامه دخول وجد ام 3سنوات تركض له وترتمي بحضنه
:بااابا
تتلقفى بيدينه وهو يحضنها:ياروح بابا انتي
تركي ابتسم بفرح من شاف بنته يعرف تعلق ابوه فيها بتنسيه السالفه
وفعلا ابو تركي :وجد ياحيا الله سميت الوجد تعالي يابوك حبيني
وجد تنزل من جدها ابو سعود وتروح له
..فرحو فيها وكل ششوي تروح لواحد من خوالها ويلاعبونها
جلاد يحاول ياخذها من متعب الي ماسكها بتملك:تعال حبيبي جوجي
وجد تهز راسها بالا وتحضن متعب الي منهبل عليها
جلاد بمزحه:ااافا ترفضيني ياوجد انا خاطبك حلفت ماخذ غيرك معرس عليك معرس
رواف ناظر فيه وفي باله عارف انه مايقصدها
متعب حضنها بقهوه ورد بمزح:تعــقب حنا مانغصب بناتنا على العرس هي ماتبيك وش نسوي لك
جلاد يجاريه:الله يخليك انا ابيها لاتحرمني منها
متعب بحزن حاول يخفيه:ماكل من تبيه يبيك يابو رائد
جلاد بمزحه وماتنبه للمحت الحزن الي فيه:هو لقينا احد بالساس
ابو تركي الي يتصيد عليه :انت بس قرر تعرس ونجيبها لك
جلاد ببستهبال يجاري جده ومادري انه جاد بكلامه :خلاص تم لو تبي الحين
رائد الي جالس قريب من جلاد قال بمزحه:وانا بعد ياعمي مو بس جلاد
ابو تركي بجديه :وانت معه ابشرو بعزكم ولحريم جاهزات
جلاد تجمد من حس بكلام جده الصدق
ورائد يضحك مزحه وعدت بس لاااا الجد له كلام ثاني
لف على ابو سعود وبجديه وصوت مرتفع شووي يسمعونه كلهم:ابــو سعــود
ابو سعود لف عليه :ســـم يابو تركي
ابو تركي:طالبك القرب يابو سعود
ابو سعود مصدوم بس قال:ابشر لك طلبك يابو تركي
ابو تركي كمل :طالبك بنتي وجدان لولدنا رائد وبنتي راما لولدنا جلاد
ابو نايف بفرحه:ابشر ياخوي بناتك وزوجهن الي تبي ويشرفنااا قربك للمره الرابعه
يابو تركي ..وبتفكير..بس يابو تركي الكبيره مخطوبه
ابو تركي بسرعه :خلاص لاما
ابوسعود بصدمه لاما صغيره بس رد:ابشر
ابو تركي بتفكير :والله انا الي لي الشرف بس هاه عاد يابو سعود لازم تاخذ رايهن
ابو سعود بقوه:ابشـــر انا ماتعودت اغصب بناتي
صدمه
صدمـــه
صدمه
عمت الكل
جلاد ماقدر ينطق حرف من هول مايسمع
جده خطبله وحطه بموقف لا يحسد عليه
وش يرد الحين يقول مابيها
لالا هي اخت وجد مستحيل يحط نفس بموقف مع وجد
وجد اذا حقدت ماتنسى والدليل مع جاد
....رائد بالرغم من انه مصدوم بس عادي عنده
هو مفكر يتزوج بس مايبي من بنات العايله
ورمى ربي بطريقه ابو سعود وانقذه من تسلط ابوه
ابو رواف مقهووووووور من عمه كيف يتصرف من كيفه ويخطب للعيال
جلاد بالرغم من ان امه معارضه انه ياخذ من بناته بس لا هو ولد عمهن وحقد الحريم معليه منه
بس خرب كل شي خطط له
وولده الي يبيه ياخذ بنت عبد الله خرب عليه
بعد رد رائد عم الهدووو
:يشرفني ياعمي نسبك والله اني كنت اتمنااه من سمعتك الطيبه
جلاد كتم كل شي بقلبه واجل التفكير من شاف رد رائد:ايوالله صادق ولد عمي سمعتك تسبقك ياعمي ولنا الشرف
بنسبك ونسب عيالك خوالن لعيالنا
هدووووو
هدوووووووو
ابو تركي مشط المجلس بعيونه يتفقد عيال عيال اخوه
فقد جاد ..وبدر
مشى لين طاح نظره على ابو مشهور:عبـــد الله
ابو مشهور فز وتعدل بجلسته:سم ياعمي
ابو تركي :وين عيالك جاد وبدر ماشفته
ابو مشهور تلعثم:هاه اا مدري والله ياعمي..قال الصدق .. جاد طلع قبل نجي ومدري وين راح

.........ـ
....ـ
هناك باخر المجلس فز قلبه من سمع الاسم
هو عينه عليه من دخل وجلس وهو غصب عنه تطيح عينه عليه كل شو فيه شي يجذبه له
اعتصر قلبه ألآم وضيق وهو يفكر لو كان هو اخوه
وهذولي اهله وش رددت فعل هادي


__________________ـ
الفيلا بعد ساعه
طلعت وجد تتمشى برا ومعها جنى الي من جت ساكته وماتكلمت وعيونها كل شوي تغرق دمع سحبتها معها
تمشي بجهت اللعاب جلست على المرجيحه الي باخر شي والطفال يلعبون عندهم بس بمساافه بعيده:
جنــى وش فيك
جنى جلست بجنبها وتناظر لقدام بضيق وتتهرب مكانت ناويه تطلع معها بس هي سحبتها:مافيني شي بس متضايقه شوي
وجد بضيق:تخبين علي جنى
جنى بعبره:ماقصدي بس
وجد تحثها:بس ايش جاد مضايقك بشي
جنى من جا طاريه بكت:جاد .سكتت شوي تنع شهقتها ..جاد طلقني ياوجد
وجد بصدمه صرخت:وشووووو طلقك ليييش
جنى بحزن قصت لها السالفه من دخول وجود لين دخولها عندهه :من مشيتي دخلت الفيلا
ولقيت جدتي هناك وخانقتني وماخلت كلمه مقالتها وانا مدري وش السالفه ماقدر اتحمل وهربت للغرفه>>>>الى اخر الموقف
وجد مصدومه:الحقـــــر وربي ماخليها له والله ليندم قد شعر راسه
جنى برجاء:لالالا تكفين انسي انا اصلا مااابيه جت منه احسن
سكتت وجد ماتعرف وش تقول اصلا هي ماتعرف تواسي احد ليتها تواسي نفسها
سمعت صراخ البزران يزود وهي جنونها تسمع صريخهم احيان تدعي وودها مافيه اطفال على ووجه الارض
والعكس تعشق الطفل الهادي المطيع
شافت وجود تصيح بقوه انزلت وركضت لها
..ـ
وصلتها وهي تلهث:وجود خير وش فيك تصيحين
وجود برعب ويالله تتكلم :انس تهئئئ انس
وجد بنافذصبر صرخت فيها :انس وش فيييه تكلمي وينه
وجود تاشر لجهت الرجال :انس طاح
جنى وصلت لعندهم:وش فيه
وجود تصيح بقوه:انس ماات والله هو طاح
صرخت وجد برعب من كلمت مات:وييييينه انطقي بسرعه
وجود وقفت ومسكت يدها:هنا امشي
وركضت معها وجنى وراهم
وصلت للمكان المطلوب
..ورا الفيلا بجهت اليسار بركه كبيره وجنبها بير مغطاء بحديد عليه سور قصير وله باب
والبركه قريبه وحدها طويل مايلحقونه الصغار
وجد برعب مو قادره تتحرك وهي تناظر للمكان وتستنتج وين ممكن يكون البير ومغطاء يكون بالبركه
بس مرتفعه شوي مايقدر لفت نظرها جهت اليمين من البركه فيها مرتفع تراب مكبوب لين مواسي سطح البركه
خلاص عرفت المكان بس ماقدرت تتحرك وهي تفكر وش صار فيه يكون مات خلاص
جنى صاحت برعب:طايح بالبركه
وجد مو قادره تتحرك
جنى ببكا:وجود روحي صوتي لرجال يجون يساعدونه
ركضت وجود بسرعه لجهت الرجال
وجد بصدمه:متى يجون يمدي الولد مات ...وركضت تصعد المرتفع
طلت بالبركه كبيييره ومليانه ماء صابتها رجفه ماقدرت تناظر زين
حاول تشوفه لحسن حضها البركه توها مجدد لها الما وشافته غاطس تحت ويتحرك
صرخت بفرحه:جنى شفته حي والله حي
جنى صعدت تناظر وصرخت بفرح:ايه حي بس وش نسووي
مانعرف نسبح
وجد برعب:ولا انا ماعرف اسبح وعندي فوبيا من الما الكثير وربي احس بدوخه وانا اناظر
جنى بكت بحزن عليه:وجد وش نسوي حرام يموت
وجد بعبره :مدري مدري والله حرام يموت المفروض ابوه بمكانه
جنى نهرتها بدموع:وجد حرام عليك انسي ابوه وفكري فيه
وجد بدون شعور من شافت الماء تطلع منه فقعات حست انه يحتضر
اخذت نفس وقفزت بالماء
على صرخات جنى تحذرها لا تغرق
خلاص وصلو الرجال يطلعونه
.............ـ
يركض بدون شعور حافي حتى نعول مالبس
ولده غرق كيف وصل هنا
جلاد ومشهور وراه على طول لنهم سمعو
وجود وهي تصيح وتقول انس غرق ووجد بتنقذه
جلاد اكثر واحد عارف وجد ورعبها من الماء
ركض وراه بكل خوف عليهم ثنينهم
والباقي ركضو وراهم وشيبان جلسو يذكرون الله ويدعون له


...........وجد اغطست تحت الما وهي تحاول تساعده وكاتمه نفسها
وصلت له ومسكته ورتفعت شوي لين طلع راسها من الماء وهي تاخذ شهيق وتصرخ :جنـــــــــــــــــى
ورجعت تنزل وهي رافعه يدينها بقووه فوق السطح الماء شاسله انس
.كانت على الحد دفت رجلها بحد البركه ورتفعت شوي مره ثانيه شهقت تاخذ نفس وهي بدت تحس انها تفقد تركيزها
والسيطره على نفسها:جنــــى خوذيـــه
,,ورفعته بقوه بس جنى ماقدرت تمسكه
وصل رواف وبرعب يصرخ:ويين وين ولدي وش صا انس وينه
صرخت وجد من شافته:هنـــــــــــا رواف
رواف انتبه لها قريبه منه
وجد ترفع انس :امسك امسكه قبل اغطس بسرررررررررعه
رواف بدون شعور قفز الا وهو عندها شاله منها وسبح على السلم القريب رقى عليه وطلع
جلاد شاف حنى واقفه وتصيح ركض لها وهو يصرخ:جنى وين وجــــد
جنى تشر على وجد الي غطست وهي تصيح:غرقت جلاد غرقت وجد انقذت انس وغرقت
رواف انتبه على اصياحها وهو يحضن ولده بعد ماطلع الماء من صدره لحقته وجد قبل يغمى عليه
وصار دايخ بس فز بخوف هي انقذت ولده مهما حقد عليها تبخر بالحظه انقذت حيات ولده وحيده
قبل يتحرك شاف جلاد يقفز بالما قرب له واشفه يسبح بجهتها نزل عليها وحملها على كتفه
وسبح لجته السلم الي بالجهه الثانيه ناولها لبدر ومشهور شالوها غايبه عن الوعي نزلوها بالارض وبدر بدا يسعفها
صعد جلاد وركض لهم وهو يصرخ :بدر اسرع ساعدها لا يصير فيها شي
بدر بربكه وخوف عليها:جلاد اهد وبعد لو سمحت لاتربكني
جلاد بعد بخووف يحس انه بينجن اخذ شوي وهي ماصحت
ركض له:بـــدر سو شــي لسى ماصحت ليييييييش
بدر بدى يخاف :مددري مدري
فارس من بعيد :انا اتصلت بالسعاف وجاي قريب
دقايق ودخل السعاف وشالها
وجلاد رفض انهم يشيلونها هو الي شالها وركبها السعاف
وانطلق معهم
تحت نظرات رواف
لحقوه بدر ومشهور



انتهــــــــــــــــــــــــــــــــــــــــــــــــى

..........لاتنسون امي من دعاكم لها بالشفا عسى ان فيكم من يستجيب له الله

السلام عليكم اعتذر عن التاخير
بس ان شاء الله كل تاخيره وفيها خيره


..ملاحظه قربنا من النهـــــــــــــايه

البارت الثاني والاعشرون
22

ِِِِِ
ٍَِِِِِِِ

وصل السعاف للمستشفى
نزلوها منه ودخلوها على طول لطواري
جلاد كان يركض وراهم وعند الباب وقفوه منوعه يدخل
عشر دقايق وطلع الدكتور
جلاد ركض له وبخوف:دكتور كيفها ختـــــي
الدكتور بهدووهو ملاحظ خوفه:اهدى اهدى اختك بخير الي فيها شي بسيط
ماتوقع من سبب الغرق لنها مابتلعت ماء ولا شرقت فيه حتى
انا مستغرب ايش سبب الغماء بس بعد ماسئلتها عرفت السبب
جلاد وهو عارف الاجابه:خوف عارف هي تخاف من المياه الكثيره
الدكتور بتعجب:وبمانها تخاف ليش تدخل الماء
جلاد بقهر بس كبته:غرق واحد من اطفالنا وجازفت وانقذته لنها كانت اقرب واحد له..واردف ..اقدر اشوفها
الدكتور ببتسامهه:اكيد ختك بطله مافيها الا العافيه اصلا ماله داعي احظاركم لها
تكلم وهو يلتقط اخر كلامه:لالا اطردهم بعد من المستشفى دكتور حمد
حمد لف بصدمه:دكتور فارس
فارس كتم ضحكته على شكله المرعوب:لا امه وش قاعد تخربط لضيوفي
جلاد بصدمه:ضيوفك
فارس ببتسامه:ايه ضيوف استاذ جلاد هاذا مستشفى الفتوهـ ماشفت اسمه وانت داخل
جلاد بعدم استيعاب:لا وين اشوفه كنت خايف على وجد كثير زين شفت طريقي
الدكتور حمد بعتذار:اسف .عن اذنكم
جلاد بنظرت عتاب لفارس:على وشو تعتذر حياك ومشكور انك سادعتنا
فارس ابتسم :بشر كيفها اختك
جلاد ببتسامه:الحمد الله بخير والله وجيد طلعت بطله وانا مادري اول مره اشوفها تجازف بحياته عشان شخص
وليته يستاهل بعد
فارس بستغراب:ليش
جلاد انتبه لنفسه:الستغفر الله لا مو لشي بس لنه ولد روافوه ياخي اكرهه هالشخص وهي اكثر
فارس بتعجب:ولد عمك
جلاد بنفسه وش فيني خربتها وقمت اقط خيط وخيط بترقيعه: لالا خلاف بسيط مو شي
فارس مامشت عليه بس سكت:اها الله يصفي قلوبكم لبعض
بدر ومشهور من وراهم:جلااد كيفها وجد
جلاد ابتسم وهو يطمنها:لاااا ماشاء الله اختكم قطوه بسبع ارواح مافيها الا العافيه
بدر بسرعه:بسم الله عليها من عيونك اذكر الله
جلاد بنرفزه:الله اكبر ماقلنا شي بس اختك تستاهل الي جاها من قالها تجازف بروحها على شي مايسوا
فارس الي حس بالموضوع شي وطريقة كلامه عن ولد عمه استغربها بس ماتدخل مايحق له حتى تراجع وراح لمكتبه
بياخذ منه شغله قبل يرجع للمزرعه
...مشهور بزجر:جلاد مهما كان الكره الي تكن لولد عمك ماتاصل انك تتمنى لولده الموت
جلاد بصدمه:الستغفر الله انا ماقصد كذا
رواف الي جاي متاخر ماقدر يصبر بيتطمن عليها هي بالمستشفى بسبب ولده ولازم يتطمن عليها
سمع كلامه وقهر:اجل وش قصدك ياولد عمي
جلاد لف بسرعه وصدمه له:روااااف
رواف بحزن ماقدر يخفيه:تتمنى الموت لولدي يا جلاد
جلاد بحقد:انت عارف اني ماكنت اقصد كذا واكثر واحــــد يعرف قصدي انــــــــــت يارواف
رواف تراجع بصدمه:وشو قصدك ياجلاد
جلاد بدون شعور:قصدي ترف ياولد خلف
رواف بستغراب:تــــرف وش تقصد مافهمت
جلاد بقوه:ايه بنت خالتي ترف مراح تاخذها وتصير عبد الله جديد او رائد لالالا ياولد الجاد
كان زمان ولا ومات تتحكمون بالناس على كيفكم
رواف بقهر ونفجار:وانت وش يخصك ولا بس جودك على بنت ترف رح شف اختك الي رماها ولد عمك
قبل عرسها
جلاد تراجع بصدمه:ايـــــــش كيف رماها وش قصد بكلامك
..لف بسرع على بدر ومشهور..وش يقصد بكلامه
سكتو ماعرفو وش يردون وحقدو على رواف كيف يتكلم بمكان مثل كذا
ناظر فيهم عرف ان فيه شي كبير صرخ بصوت عالي:تكلموووووو وش قصده جاد وش مسوي باختي
طلع فارس من مكتبه وسمع اصواتهم تعلى ..جاء يركض بسرعه
:وش فيكم ليش صراخكم واصل اخر المستشفى
جلاد فقد اعصابه ركض لرواف ومسكه مع جيبه:انطق تكلمممم وش قصدك بالكلام
فارس ركض له:جلاد هد مو كذا لميت الناس علينا
جلاد انتبه لمراجعين والممرضين والناس تتجمع وتناظر فكه وبتهديد:وربي الي خلقني لو كنت بس بتغيضني بكلامك
ماتحلم بوجد حتى بالحلم بتشوفها كوابيسك ي يا ولد عمي
رواف دفه عنه وبسخريا ونغزه:وش بتسوي بتتزوجها عشان تمنعها عني اكيد معلوم ماهي حبيبة القلب
جلاد عند اخر جمله ماقدر يسيطر على نفسه ولكمه بكل قوته على فمه:ياخســــــيس ياواطي
وجد اختي ياحمار
تراجع بقوه مو من الضربه لا منقوت الكلمها الي نطقها جلاد مو معقوله كنت اتهمها بشرفها واتهمه معها
بعدم تصديق تكلم وهو متجاهل دمه الي نزف بسبب الضربه الي جت على فمه:كيييف مستحيل
جلاد الي ماسكه فارس وبالقوه :لنك واحد غبـــــي تشوفني اطلع واجي معها عادي قدام الكل
من شفتك ذاك اليوم وانت تناظر لنا من عند خيلك عرفت انك تشك فينا
..وبنفجار تام:وكملت عليها الظهر مع جدتك يادكتور يامحترم مو كفايه حرمتها من الشغل تجي تضيق عيشتها
رواف انلجم مو قادر ينطق حرف:اناا ا
جلاد بدون شعور صرخ فيه:انت ايييش تتهمها بشرفها لنها طالعت اخوها انت واحد ماعندك ضمير تحسب الناس كلها مثلك
رواف مو قادر يرد عليه من الصدمه ...
بدر+مشهور اككبر علامة تعجب:؟؟؟
تكلم مشهور:وش تقصد بشرفها
جلاد بقهر:فجر نجتمع بالمزرعــ..
فارس انجن منهم يحاول يسكتمهم مو معطينه وجه حس ان كلامه كبير فاصرخ فيه:جلاااااااااااااد
جلاد بستغراب وعصبيه لف عليه:نعععععم

فارس دفع جلاد وبعصبيه:قدامي على المكتب فضحتني قدام موضفيني

جلاد بعصبيه نفض يده:بعد عنيي وش دخلك انت

بدر صرخ عليه:جلااااد بس

جلاد بصراخ :وشو بـ...

بصوت تعبان:جلاااد

جلاد قطع كلامه وهو يلف بقوه:وجددددد...ركض لها وحضنها..خوتيييني عليك

وجد بادلته الحضن وبعتب:جلاد وش فيك على الرجال

جلاد يحاول يكتم غضبه وبهمس:قهرني ياخوك يرمي كلام على جنى

وجد بتذكر:كلام ابو انس صدق ياخوي النذل طلق جنى

جلاد انتفض بغضب وحاول يبعد ..بس وجد تمسكت فيه بقوه وهي تترجاه
بهمس ذليل ?اول مره
بحياتها تنرجى احد كذا :جلاد تكفى الله يخليك
رجيتك ياجلاد تأجل الموضوع تكفى ياخوي كان لي معزه عندك
لتردني
بس لين نرجع لبيوتنا دخيلك ياولد امي

جلاد بوجه قالب اسود:لتكسريني وجد جاد مايستاهل دفاعك
وجد بنفي:لالا مو دفاع منو هو اصلا كل هاذا لجنى بعدين بتفهم
جلاد بكل برود تراجع وبهدو:اوكيه انا ماشي تعالي مع بدر

وجد مسكت يده وبعصبيه مصطنعه:قبل تمشي اعتذر من الدكتور فارس مو مستعده اخسر وظيفتي عشان تهورك

جلاد بستغراب:وش دخل

وجد :مديري ياحلو
جلاد ابتسم بخفه:ابشري من عيون..تراجع ومشى بتجاه فارس الي واقف على جنب ..مد يده له
:اسف اني رفعت صوتي عليك بس اعذرني كنت معصب

فارس الي ملاحظ كل خطوه سواها..مد يده
وصافحه بضيق حاول يخفيه:اهلين مصار شي

جلاد عرف انه زعل:لالا افا ابواحمد زعل ..شد يده وحوط يديه على كتفه
..دخيلك لا تزعل وربي تشوتني وجد

فارس بستغراب :عفواا

جلاد بمزح: مو انت مديرها الجديد لزوم ماتكون زعلان

فارس :يعني مو عشاني

جلاد بضحكه :ههههه لا حشاك يالغالي انت الاساس
بس عاد وجد اهم
فارس ابتسم بغموض:ههههه طيب مقبول عشان موضفتي الجديده لني ماحب يصير بيني وبين موضفيني خلاف
جلاد ضحك بقوه وهو يلتفت يشوف وجد تمشي طالعه مع اخوانها
ورواف ماله اثر
لف يسولف مع فارس ويعلق
وبدت صداقه جديده بينهم



______________ـ¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤


ٍَِِِِِِِ

لا تشتري من حاولو يخسرونك ولاتخسر من فكر يشتريك








ٍَِِِِِِِبعد شهر


....


دخلت المكتب بسرعه مو مستوعبه الخبر الي سمعت وجت بتعرف بنفسها
،،،وقفت مصدومه وبصرخه نست هي وينها:كااااااااتي

كاتي طاح الملف من يدها ولفت على الصرخه
وصرخت بدون شعور:وجججججججد
.,ركضت وجد لها وهي بالمقابل ركضت وحضنن بعض بقوووه

كاتي بعبره:وججد وحشتييييني وين غبتي .شهر شهر يالظالمه
وين اختفيتي

وجد ضمتها وبحب:وربي انك وحشتييني موووت كاتي بس الضروف اقوى
مني

كاتي بعدت شوي ومسكت يدها:تعالي اجلسي واحكي لي وش سويتي
بالايام الي غبت عنك فيها
وجد مشت وجلست بالكرسي مقابل لها وبحماس وفرحه:كااترينا قولي لي
كيييف ومتى مقدمه هنا

كاترينا بغمزه:كله بفضل الله وثم فضل الحبيب

وجد فهمت عليها:كاتي قوللي عن المزح

كاتي ببتسامه:اسمعي من عرفت انك هنا قدمت لني استقلت بنفس اليوم الي استقلتي فيه

وجد بصدمه:استقلتي مجنوووونه

كاترينا بقهر:وش تبيني اسوي اجلس عند واحد انتي ماليه قلبي عليه حقد
وكره ههههه المهم فارسك رفض يقبلني يقول مكتفين
وروح لهادي وابكي عنده كم دمعه ومافيه فايده.يقول مافي يدي حيله
وعرفت من هادي انه متقدم لك واطلب منه يقوله اني صديقتك
من عرف شبه وافق بس يقول مافي مكان ومابي اظلم احد
بعد
اسابيع دقو علي وقالو تمت الموافقه على الوظيفه وتقدرين تداومين باي
وقت
وجيت ولي يومين وانا ادور عليك والحين لقيتيني هههههه


وجد حاطه يدها على خدها وهيام مسطنع :ووواي فديييته اكيد وافق عليك عشاني

كاتي بتفكير :وجد متى خطبك

وجد بتشتت:قبل سبوعين ولسى مارديت عليهم متردده

كاتي :وليش متردده دكتور ومزيون ومنصب وغني

وجد بسرعه:وولد امه

كاتي بصدمه:ايش من جدك هاذ عذر ..وبصدمه..ليكون تفكرين ترفضينه
وجد بضيق :من السباب

كاتي برفعت حاجب:لتجيبين فيه عذاريب وجد تراه الرجال كامل والكامل
الله سبحانه وكفيك انه
بار بامه بشكل ماحد يتخيله

وجد بتردد:من الناحيه هاذي ماعندي عذر بس اهلي كاتي

كاتي بقهر وحقد:اي هل وجد وينهم عنك ايام رواف وسوياه فيك
مع احترامي لك انتي غبيه لو فكرتي تعبريننهم

وجد بتفكير:تصدقين سلطان وجلاد يقنعوني فيه وخالي
كلهم يمدحونه

كاتي بقناع وشحن:شوفي اغلا ثنين معك والباقي معليك منهم
وفاارس فرصه مراح يجيك احسن منه وبترجعين على رواف وبيغصبونك عليه
وتذكري كلامي

وجد بخوف من جا طاريه :??? مستحيل يغصبوني عليه
طق الباب ودخلت لممرضه :دكتوره وجد المدير طاللك
وجد انتفضت: وشووو

كاتي فقعت صحك:ههههههههههههه شوفي وجهك

وجد بتوتر:وش يبي
الممرضه بستغراب منها:مدري بس دخلت عنده حرمه كبيره

وجد :اببيش ..تهاوت على الكرسي ولفت على كاتي.. شفتي امه هنا

كاتي بتضييع على الممرضه :ايه عندها مراجعه روحي وجد يمكن فيه شي
وسوت حركه لها بعيونها

وجد بفهم وقفت بتوتر:طيب روحي وجايتك

طلعت الممرضه ..ووجد لفت على كاتي .:كاتي اميشي معي
كاتي وقفت وتجهت لها ودفتها:وجد عن البلاهه وش يبي فيك اكيد شغل

وجد بحيره:اي شغل كاتي فيه اتصال وهو عارف اني ماطل كثير

كاتي بمحاولة اقناع:اكيد شي ضروري توكلي على الله وامشي
ولو صار شي انا مستعده اطلعك الحين انتي روحي ونا ابدق على هادي

وجد بصدمه :هاادي عرفتي

كاتي بهدو يخفي وراه اشياء كثير:ايه عرفت ياصديقتي
سنه تعرفين ومخبيه عني

وجد بحزن وحب:انتي قلتيها صديقتك ولني صديقتك ماقدرت اعلمك
خفت خفت اخرب بيتك

كاتي بغموض :كيف عرفتي
وجد بتعجب:انتي الي كيف عرفتي و? انامايهم وش سويتي
..وبمزح..وش شعورك وانتي متزوجه سعودي ههههه

كاتي بصرار بتعرف شي:سالفه طويله بعدين اعلمك انتي كيف عرفتي

وجد بحسره:من عرفت انكم اهنود حاولت اعرف هو من وين جاء ومن هو ولده

كاتي بستغراب:بس؟؟ وش تستفيدين طيب
وجد جلسة على الكرسي وراها وهي متناسيه المدير وطلبه:
:عمي .. جدي تزوج هنديه وجاب منها ولد طلقها وبعد سنين صحى
ضميره بس الموت مااسعفه وقبل يموت علم ابوي وقاله دور عليه

كاتي بتوجس:وعرفتوه
وجد بدون شعور خنقتها العبره:? ماقدرت القى اي خبر عنه
انا ومشهور ندور عليه بس ماقلنا لابوي
وابوي اسمع اتصالاته كل يوم يسئل الي موكلهم وهو يبكي ويترجاهم
خايف يموت وهو مالقاه...عند هالنقطه بكت وهي تتذكر ابوهها...
كاتي ذبحني القهر على ابوي والله كل يوم اموت مية مره من الحزن عليه

كاتي وقفت مشت لجهتها ..وحظنتها:اهدي حبيبتي
وان شاءالله ربي يسهلها عليك
وبتعرفون مكانه وعن قريب
وجد فزت بفرحه:جد كاتي ..مسكتها مع معطفها من قدام:تعرفين عنه شي
تكفين قولي لي

كاتي بعبره:ياليت يقلبي والله مابخل عليك بس ابشرك ابقول لهادي
وان شاءالله بتنحل بذن الله اوعدك وجد اوعدك ابذل كل الي اقدر عليه
بكت وجد بنهيار وهي تذكر حزن ابوها الصامت

كاتي جلستها على الكرسي وهي تحضنها:خلاص اهدي وجد. .
تراجعة ولفت على الثلاجه الصغيره بمكتبها وسحبة منها علبة ماء .سكرتها
.ومشت راجعه لها .فكت العلبة ومدتها لها:اشربي وجد

وجد تحاول تتماسك مدت يدها واخذت العلبه شربة شوي ومدت لها
وشهقاتها تتلا
وجد معطيه الباب ظهرها وكاتي واقفه وراها وحاظنه كتفها
:تعبت .هئ ا .مقدر خلاص ماني حمل كل الي يصير لي ..شهقت بقوه
..وبنهيار...كلهم ضدي ماحد معي جلاد الي تشوفينه معي بقلبه ?
مايبيني اوافق ادري كلامه من ورا قلبه بس مايبيني ازعل

كاتي حضنتها بقوه وهي تسكتها خوف من كلامها اكثر:بس بس وجد
اهدي كل شي تبينه يصير بس اهدي الحين


¤¤¤¤¤¤¤¤¤¤¤¤

تراجعت مصدوومه من الي سمعت
مو معقوله مستحيل
هي اكيد فهمت الكلام خطاء
شلون هي حطت ولدها بشكله كبيره وهي ماتدري

شلون يطلعون منها خلاص هي تورطت
بهالبنت
ومالها الا تنتظر حتى تشوف ردها

..................،
ببيت ابو مشهور

ابو رواف معصب
:اسمعني زين ياعبد الله بنتك ماتاخذ ولد الجادي من برا العايله وبناتنا مستحيل يطلعن
ابو عبد العزيز بتاييد:صادق ابو رواف ولد عمها احق من الغريب
العجوز بقهر بين نارين ماتبيها تاخذه لنه رجال والكل يتمناه وخايفه تاخذ من عيالها:مو مناسب لها لاتزوجها ياعبد الله له
ابو مشهور بحيره:والله مدري ياخاله حيرتوني بس انا عطيت الولد كلمه والراي الخير للبنت
ننتظر وش تقول
الشباب كلهم حاظرين وجالسين على جنب كلن محتفض برايه
رواف مولع قهر بعد كل يش صار ورفضها يبيها ماينساها من شافها اول مره
اول مارجع من دراسته برا كان جاي يسلم على عمه وابوه كان عندهم كان يمشي للمجلس وقبل يدخل طلعت بنت
تصادم معها عند الباب بس ماعطته فرصه وبلمح البصر اختفت بس بقت راسخه بباله ومانسها
كان جالس باخر المجلس ويطحن بنفسه بقهر خايف تطير من يده بس لو جدته مايده كان خذها وهو مغمض
تنفس قووه ورفع بصره لجلاد الي جالس قدامه ويرمي عليه نظرات تسم لو النظر يقتل كان من زمان هو من اعداد
الموتى
صد بعيونه عنه لبدر بجنبه مشهور وجاد كلهم هدووو محد يعرف وش يفكرون به
ناظر لعبد العزيز جالس باول المجلس ويلعب بالسبحه ولا علا باله من شكله وهيئته
رائد عبد الله ونادر كلن ملتهي بنفس رائد ونادر يخططون لزواج رائد الي بعد شهر
وعبد الله طايح على الجلكسي وماهو يم احد
جلال مو بعيد عن جلاد ومكان كذا بس الكيد فارن مخه جلاد علي الحقد واضح بعيونه
انتفظ وهو يسمع ابوه يسئله صد له بصدمه :نعـــم
ابو رواف برفعت حاجب:ترسك نعامه وش هالرد رد علي زين
رواف بتوتر:سم طال عمرك بس مانتبهت كنت غافل
جلاد بسرعه تدخل:وش تبي برايه ماله دخل فيها لااخوها ولا ابوها
ابو رواف بقهر:وانت وش دخلك حتى انت مانت اخوها
جلال بحقد:لا اخوانها غصب على الي مايرضى
عبد العزيز ابتسم على جنب من كلامهم بس ماتخل...
ابو رواف بقوه :وجد ماتطلع من العايله وبنشوف من كلمته الي تمشي
جلاد بنفس القهو:كلمت وجد هي الي بتمشي ..ومسك لحيته الي مقبض اليد ..وان مامشت هالحيه ماهي على رجال
...وقف بسرعه وطالع مع الباب..
عبد العزيز اخيرا تكلم:لحظه جلاد
جلاد وقف بثبات بدون مايلف:سم
عبد العزيز :عدوك لسم كانك عند كلمتك جب اختك الحين وخذ رايها
جلاد تذكر موقفه مع جنى لف عليه:راين سديد يابو رائد ابشر الحين اروح لها واجيبها من الشغل لمجلسكم هنا على طول
طلع..وعم المجلس اعتراضات وعصب ابو رواف
صرخ على عزيز:انت بتقوي الحريم علينا ياولد رائد اول اختك جنى والحين العوب الثانيه
عزالله ماتلتفت لنا بعدها لو وقفت معها
عبد العزيز بثقه وقوه:مع احترامي لك ياعمي بس بناتنا ماينغصبن وجنى اختي وهاذي اخت جلاد فاهي اختي
جلال ابتسم له بمتنان وشكر
وعبد العزيز رد له البتسامه

ٍٍٍٍَِِِِِِِِِِِِِِِِِِِِِِِِ
دق جوال وجد

كاترينا تاظر لوجد :ردي جوالك
وجد بتطنيش :خليه يولي مو فاضيه له
كاترينا سكتت ورجعت تكمل شغلها
..وجد تلعب بايبادها
..دق مره ثاني وثالثه
..كاتي صرخت عليها:ردددددي ولا قفليه نرفزتيني اااف
وجد بطفش سحبت الشنطه بتذمر:ااف على راسك هو ترا مالي خلق توي باكيه لين صفى راسي ارجع اشحنه ليش
تــ... جلااااد وش عنده ..فتحت الخط ..الو هلا جلاد..نعم ليش
...طيب بس قلي وش فيه
..جلاد والله خوفتني بتقول ولا كيف
...خلاص جايه الله يستر منك
...طيب مع السلامه
.,سكرت منه ولفت على كاتي:يقولي البسي واطلعي انا عند الباب
كاتي بستغراب وخوف عليها:ليش
وجد بتوتر :مدري انا خايفه فيه شي
كاتي بتطمنها :اهدي وش بيكون مراح يصير يش
وجد خلصت لبس وسحبت الشنطه:الله يستر يالله مع السلامه وادعي لي
كاتي تودعها :مع السلامه الله يوفقك
طلعت وجد تمشي بسرعه استخدمت الفت وهو عدوها ماتدانيه ابد وطلعت للبوابه بسرعه لقت جلاد على الباب ركبت معها
وهي تسلم:السلام عليكم
جلاد بضيق :وعليكم السلام
وجد حست انه ضايق وفيه شي:جلاد خيير وش فيه من مصيبه والله انا حاسه فيه مصايب
جلاد بتريقه:وحساس مقالك نوع المصيبه
وجد بقهروتوتر:لا تتريق تكلم بسرعه قلي وش صاير
جلاد :الجاد كلهم ببيت ابوك
وجد بستغراب:وشووو بس احنا بنص السبوع مافيه جمعه
جلاد :مو يجتمعون يخربون ياوجد معترضين على خطبتك
وجد بصدمه:اييش معترضين وش دخلهم
جلاد بحقد:مالهم دخل بس لعانه كذا ولا الجده وش تقول تقول ايه ولد الجادي مايصله ارفضه بكرا يجيك غيره
مقالت زوجها من عيالنا لنها ماتبينا ماتبي عيال ترف وحنان
ونا كارهتني زياده من خطبت راما
لا ومحاربه رائد لين يهون من خطبت لاما هههههه شر البليه مايضحك
لف عليها ومسك يدها..بس لاتخافين انا معك عزيز اقترح علي يسمعون رايك كلهم
وانا معك موافقه او رافضه
وجد بسؤال مباغت:وانت وش رايك
تجمد من سؤالها ماعرف وش يرد:..
وجد بحزن:مايحتاج ترد وصل ردك
جلاد بقوه لف :لااااااا انا معك والله معك انا الرجال ماشوف فيه شي يعيبه غير كذا
الراي بالخير لك ايه او لا
وجد تشجعت :انا موافقه عليه مستحيل اخذ رواف او واحد من العايله بكرا عمك المتسلط يغصبني عليهم
مثل جنى وجاد

تسلم الايادي وجد

روايه حلوه ومشوقه وانا اتابعها اول باول
هذا اول رد لي معك

وجد شخصيه قويه بس هل راح تقدر توقف اهلها عند
رغبتها وتكون لها كلمه عليهم

جني حبيتها وحقدت على جاد يوم قهرها بس احسن قهرته
هي وقالت ماتبيه

الجده عجوز النار وش هل حقد اللي في قلبش


عبدالله ضعيف شخصيه لانه حنون

هل علي هو العم مو هادي معقول ؟

في انتظار البارت القادم