السلام عليكم صباح الخير

كيفكم ان شاء الله طيبين

الف شكر انكم عذرتوني

يارب توفق كل من دعاء لاامي ولي
تسلموووووون ربي مايحرمني منكم

لبى قلوبكم الكبير الي انتظرتني وصبرت علي




دقايق وينزل البارت واتمنى انه يحوووز على ارضاكم

وبلييييييييييز لو فيه ملاحظه على اسلووبي بلييييز نبهوني والله استفييييد منكم

ومستحيــــــــــل ازعل من نقدكم

البـــــــــارت الســــابع عشــــــر

___________
أدري أنك صرت ضمن المستحيل...
..بس قلبي رغم بعدك ما نساك
وادري اني منك ضيعت الدليل والسبب...
.....لا شك هو كثرة غلاك وادري اني من سبب بعدك
مريض الله اكبر صار حبك لي هلاك وادري اني ممكن.....
.............القى لك بديل بس وين اللي يساويك بغلاك
....
...
..
.

بشرـــكة الرواد
هادي دخل على رواد بالمكتب وهو معصب مو شايف الدنياء قدااامه من الغضب :انـــــــــــت شسويــــــــت
ليش تتصرف من راسك بدون ماتقووووول لي لييييييش

رواد فز بصدمه من هجومه :وووش فيك وش صاااير
هادي الي وصل له ومسكه من عند حلقه:لييش لييش تهدم بيتي كذا انا قلت لك قبل انه هالموضوع راح يهدم بيتي ليش
..صرخ فيه وهو يدفعه على الزجاج وراه:ليييييييش ياصديقي ..وبعبره خنقته..راح كل شي يارواد انت هدمت كل حياتي الي بنيت
رواد يحاول يفك نفسه منه وهو مصدووووم منه مايعرف وش مسوي عشان يتصرف .فك يدينه وبعد عنه بالقوه
وهو يصرخ فيه:هيــــــــه انت جنيـــــت وش صاير لك
هادي مو قادر يتحكم بعصابه وهو يتذكر كلام رائد وخالد :والكلام الي سمعته من عيال الجاد
رواد بنرفزه دفه على وراء:اي كلاااااام قل وش هو بالضبط عشان افهـــــمك مو تدخل علي ثاير كذا بدون ماتفهني وش السالفه
هادي يحاول يهدي نفسه بس كل ماتذكر الكلام تزيد عصبيته استغفر بعمق وهو يكتم انفاسه الثايره :رووااد انت وش قايل لخالد
رواد بضياع وهو يجاول يذكر منو خالد:وش ابقوله ومنو خااالد هاذا بعد
هادي بدا يعصب :تستهبل علي انت خالد ولد الجاد
رواد وهو صدق مايعرف منو خالد:هادي والله مادري منهو خالد ماذكر واحد اسمه خالد الجاد
هادي بنرفزه:خالد حفيد الجاد مو ولدهم نسيت بس كان يتكلم مع ولـــــــد الجاد
رواد بصوت عالي :وعيال الجاد وين شفتــــهم
هادي بنفس مستوى صوت:وين يعني هنا بمكاتبهم وانا مار سمعتهم يتكلمون
روادد بدت اعصابه تشتد ويعصب:ولد الجاد عندي هنا بالشركه
هادي استغرب:ايه عندك وله سنه بس مو موضوعنا انا ابعرف كيف عرفو فيني وفي سالفتي وانت تقول ماتعرف شي
رواد الي حس الغضب يعميه دفه عن وجهه وتوجه لمكتبه جلس وهو يصرخ بغضب:اطربني يااا .ا يا هاري وش السالفه

....


..
.
:هاذي سالفه مع وجهك
غالي بحماس:جلالوه اقوولك بنروح للقصييييييم وش فيك انت
جلال برود :طيب الله يسهل دربكم
غالي بقهر:انقلع الشرهه علي الي متعب عمري وداق عليك ابشرك هين والله اذا رحت هناك راح اقول لوجد انك ماتحمست للروحه وانك ماتحبها
وني قلت لك وانت عييت لاتجي
جلال بصدمه من هجومه:هييييه ول مو السان بالع راديو وبعدين انت ماقلت لي انكم بتروحون لوجد
غالي :ياخبل مو لوجد بنروح لمزرعة محمد الي قريبه من القصيم بس بيعزمون وجد
جلال اابتسم:والله من جدك تصدق مشتاق لها.وبحزن.ياليت اقدر اروح معكم
غالي بحماس:تعاااال معنا والله وجد بتستانس فيك تعرف تحبك
جلال بضيق :ماقدر امي مراح توافق
غالي بحماس:ييوووه جلال مو لازم خالتي تروح محمد عزم خالي تركي وبيجي تعال معه بليييييييز
جلال :انا صدق ودي اروح عشان اشوف وجد بس لو امي ماحبت تجي ماراح اتركها
غالي بخيبة امل:طيب براحتك
جلال حس بضيقه:غالي لاتضايق ياخوي لعيونك ابحاول بامي تواقف تروح ان كان عازم ابوي سعد
غالي باكيد:ايه جدي معزوم اول واحد
جلال ببتسامه حب:طيب حلووو خلاص اشوف الووضع يالله مع السلامه
سكر من غالي والتفت على امه الي دخلت وجلست على بعد مسافه منه فز وتقدم لها بخطواته نزل لمستواها وهو يقبل راسها:مساء الخير
يااحلى ام في الدنياء
ام جلاد بحب :يامساء النور والسرور ياقلب امك
جلس قريب منها وهو يحضنها من عند خصرها :يمه احبــــــك
ام جلاد بضحكه:ههه ياروح امك وانا احبك بس هات من الأخر
جلال فقع ضحك:هههههههه يايمــــه حرام يعني مااحبك الا ابي شي
ام جلاد ضربته على راسه بخفه:لو ماني حافظه حركاتك كان صدقتك بهالحظه هههههه
جلال ببتسامه وهو لسى حاضنها رفع يدها له وقبلها:يافديت اجمل ام بهالدنياء بس والله احببببك
ام جلاد رفعت يدها وحضنته :ههههه خلاص صدقتك بس وش تبي
جلال :هههههه ملزززمه اقول وش ابي
ام جلاد حركت راسها على ورا بعدت شوي عنه:هات وش عندك ياولد رائد
جلال تعدل وهو يناظر لها:على طاري رائد فيه عزيمه بالقصيم واطلب من سعادتك توافقين على الذهاب للعزيمه
ام جلاد بضيق تغيرت ملامحها:ومنو صاحب العزيمه
جلال لاحظ الضيق على امه:محمد النايف
ام جلاد بستغراب ولانت ملامحها :محمد النايف وش يوديه للقصيم
جلال منتبه لتغيرات امه:له مزرعته بالقصيم او قريب من القصيم وقرر ياخذ اهله لها لمدت سبوع تقريبا وعزم جدي وخالي
ام جلاد صدت عنه وهي تكره طاري القصيم بس تحاول ماتبين لعيالها:اها طيب وابوي وافق يروح
جلال بهدو رد وهو حاس فيها:مدري تو غالي قالي وماوجهته..سكت شوي بعد دقايق..يمه ان كان ماودك تروحين انا اجلس عندك لو راح
ابوي سعد عادي لاتهتمين
ام جلاد بتسرع عشان ماتبين له شي:لا لا وشو ماودي عادي اذا راح ابوي اكيد ابورح
جلال :لـ..
:السلااام عليكم
لف جلال للي دخل وفرحه فز :وعليــــكم السلام هلا والله بالخال حيااااك الله
ام جلاد وقفت وهي ترد السلام:وعليكم السلام ياهلا يابو وجد
تقدم تركي وهو يسلم على ام جلاد ولف يسلم على جلال:الله يحييكم وش اخباركم
ام جلاد تجلس بعد ماجلس تركي:بخير ياجعلك بخير وش اخبارك انت واخبار وجد وامها
تركي ببتسامه:الحمد الله بخير ربي يسلمك .. التفت على ورا ... جا معي سعود بس مدري وين راح
:انااا هنااااا
لفت ام جلاد له وهو يدخل مع الباب:هلا وغلا بسعوود
سعود قرب وسلم عليها:كيفك خالتي
ام جلاد ضمته بفرحه وحب:ياقلب خالتك بخير ياروحي وش لونك ياسعود
جلال :حياالله البطل سعود
سعود ضحك ولف عليه وهويصافحه وسلم عليه:هههه الله يحييك لاتقول بطل احس اني بزر
جلال بتطنز:كم عمرك
سعود يرز نفسه:11سنه
جلال ضحك:هههههه لا مشاء الله كبرت يابطل ااقصد يارجل
تركي بدفاع عنه:ايه ولدي كبر وصار رجال هو الي يقلط الضيوف لنزلو لبيت ابوه
جلال بعجاب :جد ماشاء الله ..وبضحكه.حتى انا اقلط الضيوف واسئل ابوي سعد ههههه
تركي بمزحه:ههههه ماشاء الله طيب يابطل ماشوفك قلطت ظيفك سعود
سعود ضحك بقوه:هههههههههه بالجبهه ياولد خالتي
جلال ضحك:ههههه طيب ساعدني على جمعها ياولد ماجد بعد ماتفرقت
تركي بتذكر:صح قبل انس ابو ترف عازمنا على طلعه لمزرعته
ام جلاد بهدو:ايه تو قالي جلال
تركي :وش رايك بتروحين
ام جلاد على هدوها :شوف ابوي معه انا

..............
..........
......
..
.
:انت بعقلك تتكلم تبي الصدق احسك شارب حاجه هالأيام مانت على بعضك ابد
هادي تنهد بقهر وبحيره:طيب وش قصدهم بالكلام مو معقوله يعرفون شي عني مستحيييييل ماحد يعرف شي الا انت وعليـ..
رواد برفعت حاجب بعد مالقط الأسم:علي؟؟
هادي بتوتر :ماقلت علي
رواد :قل قسم اصقه انا الظاهر
هادي بتبرير:ماقلت كذا انا اخطيت باسم علي ولد خالتي
رواد بتعجب:ولد خالتك ماعمرك جبت طاريه
هادي بحزن :ايه ولد خالتي بس توه جا لسعوديه بيشتغل
رواد بفزعه:يشتغل وينه خله يجي هنا ويبشر بالوظيفه الي يطلب لعيونك
هادي بهدو يخفي قهره على الي يعتبره اخوه:تسلم ماتقصر يارواد بس هو خلاص لقى وظيفه ومستقر فيها من فتره
رواد حس انه مايبي يتكلم:اها الله يوفقه بس لو مكان مرتاح فيها يجي هنا
هادي وقف مايبي يتكلم اكثر وبيهرب منه:ماتقصر يالغالي بس هو مرتاح حاليا .واردف.استاذنك ابروح اكمل شغلي جيت وقلبت المكتب عليك
.وبضحكه. ههههههه اشكرك حلى حسن تعاملك لو غيرك كان فنشنييي ومع ثالث دور بالشركه حذفني منه
رواد ضحك:هههههههه ياقولك المثل الحب اعمى وانا من حبي لك نسيت هجومك من شفتك ضايق
.وتحجير .اجلس اجلس وقلي ليش متضايق كذا
هادي تراجع وجلس وبضيق من تذكر كاترينا:اسكت ذكرتي بحال كاتي قالبه علي البيت حزن ودموع
رواد بخووف على صديقه:خييير عسى ماشر
هادي من قلب ضااايقه:رواد لو اني استقلت ورحت اشتغل مكان ثاني او جلست بالبيت وش بتكون ردت فعلك
رواد بستغراب من سؤاله:اكيد ابتضايق وبعرف وش السبب الي يخليك تستقيل بس وش عندك على هالسؤال
هادي :كاترينا صديقتها استقالت وتركت الشغل بالمستشفى ومن يومها قالبه البيت حزن وماتبي تداوم
رواد بصدمه:استقااااالت لييييييييش
هادي بستغراب:وشو الي ليش
رواد انتبه لنفسه:هاه لااا بس استغربت ليش تستقيل
هادي بقهر عشان كاتي:تقول كاتي لنها اكتشفت ان ولد عمها هو مديرها الجديد والنائب تعرفه بعد وستقالت كله عشان
ماتصير تحت امره
رواد بستغراب:مو معقول عشان ماتصير تحت امره تستقيل
هادي :انا بعد مستغرب بس هاذا الي قالت كاتي وانا ماسئلتها ليش لني الصراحه خفت من رتد فعلها ههههه
صايره كبريييييت وحاقده على الرجال بسبب رواف هاذا
رواد سكت يفكر برواف وش ليش استقالة بسببه
فجائه تذكرر رائد لف على هادي بسرعه:هااااااادي
هادي الي ساهي شوي فز بخوف من صرخته:وجــــع ليش تصرخ
رواد طنش وهو معصب:كيف رائد متوظف عندي وله نصف سنه وانا اخر من يعلم
هادي بعدم اهتمام:لاتنسى اني نايب المدير وانت مخولني بكل شي بدون ماارجع لك وانا شفت ملفه سليم ويستحق الوظيفه
رواد مقهوووور بقوه ولد الجاد عنده ومايدري سكت ماعنده رد صادق هادي ومايلومه لنه مايعرف شي عنهم..

............
......
......
.
من بكرا
على الساعه 4العصر نزلت على تحت
لقت العايلة كالعاده مجتمعه
:السلام عليكم
الكل رد السلام:وعليكم السلام
قربت لابوها وحبته على راسه:مساءالخير
ابو مشهور رد ببتسامه:مساااء النووور تعالي هنا بجنبي..ويشر بجنبه...
وجد تقدمت وجلست بجنبه
جاد بمحارش:كان ماانزلتي
وجد ببرود:مو لعيونك نزلت عشان ابوي
بدر فقع ضحك:هههههههههههههههههههه بنص الجبهه
وسن بشماته:ههههههههه تستاهل
جاد قبل يتكلم دق جواله سحبه ورد عليه برومانسييه:هلا وغلا بهالصوت ياعلني فدااااه
..اااه اياقلبي اكيد اصير بخير من اسمع صوتك
...وش دعوا انا والله اني ااحبببببك ياروح جاااد
ابو مشهور بنرفزه منه:جااااااد طس كلم بغرفتك صدق ماتستحي
جاد يناظر لابوه وفجائه فقع ضحك ههههههههههههههههههههههههههههه لا والله يابو تـــــرف قلبي رف من سمع صوتك
ابو مشهور صد عنه وهو كان يناظر له بعصبيه من سمع الاسم
جاد هدى:هههه لاوالله مافيني شي بس كنت ابرفع ضغط ناس ورفعت ضغط ابوي وانا مانتبهت
:.....
:ههههههههه وربي صادق ...لاجد انا موقصدي
..ايه اسمعك..
.لا والله صدق ....ههههههه اكيد عاد انتم من دون وجد ماتسعدون بالطلعات اعرفها اختي على كثر ماترفع ضغطي وتفشلني بين معششر عائلتي
الجميله الا اني ماصبر دقايق بدون مااشوفها و احبها ....ولا يهمك راح اخخبرها ..طيب انت بتقوله ..
خلا ص ..حلو ياالله مع السلامه

سكر من محمد ولف على وجد:ابو ترف يعزم شخصيك الكريم على مزرعتة نهاية السبوع
وجد اخجلت من ابوها ونظراته لها سكتت
شوي ودق جوال ابو مشهور وكان المتصل محمد
......
...
.
:الحمد الله بخير وش اخبارك ياعم
ابو مشهور:الحمد الله وش اخبار اهلك عساكم بيخر
محمد بحترما لابو زوجته:بخير الله يسلمك وكيف صحتك
ابو مشهور :الحمد الله بالف خير
محمد :اقول ياعمي انا مسوي عزيمه عندكم بالقصيم بمزرعتي واتمنى تشرفوووني فيها
ابو مشهور بعتذار:يشرفني يابوك بس والله الوالده عازمتنا عندها ومااقدر اجي ان شاء الله تستانسون في طلعتكم ياولدي
محمد بخيبة امل:اها كان ودي انكم تشرفوني لن ماتزين الطلعه بدونك ياعمي
ابو مشهور بهدو :موفقين يابوك مره ثانيه انجتمع ان شاء الله
محمد :على خير ان شاء الله يالله استاذنك مع السلامه سلم على الجماعة
ابو مشهور : الله يسلمك مع السلامه
سكر من ابو مشهور ولف على ريفال الي جالسه بجنبه وتلاعب بنتها
ريفال نزلت بنتها بجنبها وعطتها اعروسه تلعب فيها لفت عليه:خير ان شاء الله كاني فهمت ان ابوي مو حاضر
محمد:مع الأسف رفض يقول بيروح للوالده
ريفال بصدمه:وشوو مو جاي لييش
محمد تنح فيها :اقولك بيروح لجدتك
ريفال بقهرر:وش هالحب الي نزل فجئه يروح مره ثاني
محمد استغرب من اسلوبها:وش فيك مكانها جتدك
ريفال ببرود:ومن قال انها جدتي
محمد مندهش بردت فعلها وبصدمه:شلووون ماهي جدتك ماهي ام ابوك
ريفال بتوضيح:لا هي مرت جدي وربت ابوي ابوي وحيد امه وعمامي كلهم من جدتي ام خلف
محمد بصدمه من اسلوبها الي تغير من انذكر طاري ام خلف:اها قولي كذا بس ليش احسك ماتحبينها
ريفال بتدارك الموقف مهما كان الي في لبها لايمكن انها تطلعه لزوجها تخاف تتغير نظرته لها:لا ماقلت كذ اكيد احبها هي الي ربت ابوي
وجدتنا اكيد نحبها ونحترمها بس انقهرت لني كنت متحمسه للجمعه لني توقعت اهلي بيحظرون بس انصدمت
محمد ابتسم وحظنها:خلاص ولا يهمك لااهلك عزيمه خاصه فيهم لعيونك
ريفال تلف يديها من ورا خصره :فديتك حبيبي ربي مايحرمني منك
ترف تعلقت بامها من ورا وهي تصيح بدلع :ماااما
محمد بعد يده وسحبها :مااااما يغياره ماتخليني اقرب لاامك ..حضنها وهو يعض خدها..امك لي قبل تطلعييين يالفنعوووووصه
ترف صرخت بالآلم من عضت:هئئئئئئئ ماااااما
ريفال تضحك وتحاول تفك بنتها :حمووود حرام عليييك فكها اوجعتها
محمد مستمر يعضها وهي تصيح:لاااالا خليها تفكر تخرب علي الفنعوووصه
ريفال تسحبها منه:ههههههههههههه حراااام عليك
.........
........

..

أدري أنك صرت ضمن المستحيل....بس قلبي رغم بعدك ما نساك
.......


دخل للمزرعه بعد عمل شاق هاذا رابع يوم يداوم فيه وهو يحاول يطلع من هالمصيبه الي دخل نفسه فيها
بدون مايفتح مشاكل عليه لن لو احد انتبه له صارت مصيبه
خلى سيارته برا حبا للمشي شاف بوابة المزرعه مفتوح ودخل
قرب للبيت الي يتوسط المزرعه دخل مع الباب مفتوح .استغرب بيبان المزرعه مشرعه وش السالفه
تلفت يتشوف احد ماشف احد قبل ينادي على علي سمع احد يغني

ياليتني في حاره الزين خباز **
أسابق المذن واسوي عجينه
ابيه لاصار للخبز معتاز **
امد له الخبز والمس يدينه
و اولع التنور وارفع على الغاز **
ولو احترق فدوه لرمشه وعينه
..فتح فمه بصدمه من هاذا
قرب لصوت شافه بجهت المطبخ
تقدم ببطئ وطل براسه شاف علي جالس ويخببز على الصاج متربع على الارض
علي يغني مو هنا الصدمه لا الصدمه بالعربي وسعودي خاصه وهو دايم يقول لهم مايفهم عربي وعذبهم
تراجع بصدمه وطلع مع الباب..مشى للمزرعه وهو محتار فيه شلون يتكلم سعودي
كيـ...دق جواله وقطع تفكير
طلعه وشاف رواد يتصل.
:الوو هلا رواد
رواد بعصبيه:وين طسيت من اليوم انتظرك على الغداء
متعب ضرب راسه:ايوووووه سوووري نسيت لاعطيك خبر اني ابطلع لمزرعة محمد موصيني اششوف الناقص
بيجون بكرا
رواد بنرفزه:لا احلف وتوك تقول وانا مقابل الغداء برد وانا انتظرك
متعب :يووه ترا قلت سورري وش تبي بعد
رواد بتطنيش :طيب طس الشرهه على الي يفكر فيك ومتعب عمره
متعب :ههههه طيب ابطس بس تصدق الي نساني الغداء معك وانا دخال المزرعه شفت شي غريب
رواد بستغراب:وش شفت
متعب :تعرف علي سواق محمد
رواد يحاول يذكره:مدري ماذكر شفته الا مره يعني ماذكر شكله ليش
هادي الي جالس قريب من رواد ويطقطق على جواله بعد ماتعب من التصال على علي ومايرد ويسمع متعب بصوته المرتفع خاف متعب ينتبه لشي
متعب بتعجب :مدري سمعت شي غريب ومو مستوعب لين الحين
رواد بدا يقلق:وش سمعت تكلم
متعب تردد:سمعت واحد يغني وو.سكت بسرعه
هادي طاح جواله من يده بصدمه وتكسر ..لف عليه رواد .سلمت
هادي بتوتر نزل على جواله:الله يسلمك.لم قطع جواله وهو ساكت حاول يركبه
متعب سمع الضجه :الوو رواد
رواد رد عليه:هلا معك ايه وبعدين من طلع الي يغني
متعب يستهبل بيضيع السالفه:علي هههههههههههه
رواد بنرفزه:تبـــن وموترني ومزعجني واخر شي يطلع علي ايغني
متعب مايعرف ليش تكتم على الموضوع وبتضييع :هههههههه اول مره اسمع واحد يغني هندي
هادي سمع رده وتنهد براحه .شغل جواله وارسل لعلي (متعب عندك بالمزرعه انتبه )
رواد بمنرفزه من اخباله:طيب طــس ياله انت شكلك واحد فاضي
متعب ضحك:ههههههه اشحني
رواد عصب وقطع الخط بوجهه
متعب اناظر للجوال.طو طوطو
:ههههههههه
دخل الجوال بجيبه وصار يتمشى بالمزرعه دخل على النخل مشى وهو سرحان بتفكير
بعد خطوااات مشاها حس انه صدم بشي وقف انتبه للمكان وضحك على نفسه:هههههههههه
مهبول وش جابني هنا.لف على ورا شاف البيت بعيد بمساافه عنه كل هامسافه مشاها مانتبه..
ناظر لقدام شاف الشجار الشاهقه الي تحيط بالمزرعه بدون جدار القى نظره على المزرعه كلها
بعجاب هو اول مره يدخلها بيت من دورين يتوسط المزرعه الجهه اليمين تخيل والجهه ا ليسار اشجار فوأكه
الغرب جلسات الشرق مكان خاص باللعاب للكبار والصغار
تصييم غريـــب .رجع بصره للمكان القريب منه
..قرب لشجر حاول يشوف الي ورا
ماقدر رمى معطفه الي كان ليه من رجع من الشغل و بتهوور تسلق شوي ودس نفسه بالقوه حتى يشوف
......
..
..

علي طلع يتمشى بعد ماتغدى اخذ جوله بالمزرعه انتبه على شي باخر المزرعه ركز شوي وشاف رجال يحاول يدخل او يطلع مو واضح
ركض له وهو يسحب سلاحه الصغير من جيبه مخبيله للمواقف الي كذا السرقات والسطو
قرب ورفع المسدس عليه وهو يصرخ عليه:وقــــف ولا حركه ولا اطلقت عليك النار
متعب تصلب جسمه من الخوف خاف يتهور ويطلق النار. نزل شوي شوي شوي وهو يرفع يدينه وهو يلف عليه ببطى
علي كان متأهب له من لف علي تيبس بمكانه بدون شعوب :متـعـــــــب
متعب ناظر له بدون مايرمش :علـــي
علي طاح السلاح من يده وانلجم ماقدر يتكلم:
متعب نزل يدينه وهو يتقدم له:علي انت تتكلم عربي
علي ماعنده رد انكشف له بكل وضوح الحين شلون يرقع بس كيف يجيب له عذر :انـ. ـا اأ...سكت ماقدر يتكلم..
متعب تاكد من شكوكه :كيف مو انت تقول انك ماتعرف عربي شلون لا وبعد سعودي تهرج
علي مو مستوعب كيف كشف نفسه وبكل سهوله :
متعب الي بدا يعصب مع انه مو اي شي يعصبه بسهوله بس حسه يستغفلهم صرخ فيه:تكلـــــــم
علي بدون استيعاب للموقف :انا سعودي
متعب بصدمه:وشوووووووو سعووووودي كذاب
علي انتبه لزلة السانه بس ماعنده مفر ثاني:صادق انا سعودي
متعب بعدم تصديق:مستحيل مااصدقك وش الي يخليك تشتغل هالشغله.وبصرخه.ولو كنت صاادق لييييييييش تستغفلنا
علي بثقه برغم من الخوف الي يخفيه عن لاينكشف:مااستغفلكم بس اخوك هو الي جاني بمكاني وانا واحد ادور على شغل
متعب:اخوي جابك من الهند يعني انت تكذب لو سعودي وش يوديك هناك
علي استغل جهله:من قال اني من الهند اخوك جا للمكتب وطلب استقدام عامل وانا مقدم من 3اشهر تقريبا ومن جتني الفرصه جيت
متعب مو مصدق علي الي له سنه الا شهرين يطلع سعودي وبفضول:ليش طيب تنكرت وبمكانك تشتغل اي شغله بماانك سعودي
علي بقهر وتهور:لو اني سعودي صدق
متعب بتعجب:انت وش تخربط مره سعودي ومره لا وش سالفتك بالضبط
علي بكل حزن لقى نفسه يحكي له قصته بدون تردد وبتفصيل>>>>>>>

متعب مصدوم :معقووووله فيه ناس كذا
علي بحزن :مابي اعرف ليش سوا كذا ابي اشوفه ابي اعرف انا منو خلاص الي فات مات بس ابيه الحين ابي اصلي يامتعب
مت عذاب وحزن من التفكير بديت ادخل مرحلة الجنون
متعب بحزن على حاله ضمه وهو يربت على كتفه:ابشر بعزك ياعلي راح ابحث معك عنهم وان شاء الله قريب بتعرف من اهلك
علي بادله الحضن وهو يشكره:مشكووور يامتعب الحمد الله الي بعثك لي
متعب بشهامه:لاتقول كذا اعتبرني اخوك ومابين الاخوان شكر ياخوي
علي دمعت عينه بس مسحها بسرعه مستحيل تنزل دمعه قدام احد هو اخذ عهد على نفسه:ويشهد الله علي من دخلت عليكم عتبرتكم اخواني بدون
استثاناء
متعب بمزحه ويحاول يغير الجو:ليكون احنا اخوانك صدق ترا القلب دليل هههههههههههه
علي ضحك:ههههههههه صادق عشان كذا قلبي يقول مانتم اهلي
متعب توجه لمعطفه الطبي وشاله من الارض:هههه زين ريحتني تخيل ابوي متزوج غير ضحى وترف والله يمكن يقطعنه الاولى حقد والثانيه غيره
هههههههه
علي ضحك بقووه:ههههههههههههههه حسبي الله على عدوك .وتذكر .تعالي ليش انت كنت تمرقى على اشجر والله بغيت اطخك بالمسدس
متعب تذكر وفقع ضحك:ههههههههههههههه والله جتني الحاله حقت الطلح انا قبل فتره كنت ادووج من بر في بر واتمرقى الطلح
وهنا بالقصيم ماتشوف طلح ابد وجتني الحاله ومالقيت غير شجر مزرعتكم ههههههههه
.وبغيض.بس خربت علي قبل اصل للقمه نطيت فيني فقعت قلبي
علي ميت ضحك عليه:ههههههههههههههههه تستاهل لا والسلاح بدس حتى محمد مايعرف عنه شي مهربه تهريب من هادي راع الفزعات
متعب يذكر الاسم:هادي مين كني سمعت فيه من قبل
علي بتاكيد:ايه اكيد سمعت فيه صديق رواد
متعب بتعجب:تعرفه
علي:اكيد ولد خالتي ولعلمك من ربعي يعني سعودي بعد بدون ههههههههههههه
متعب يناظر له حاس فيه ان ضحكته ضحكت ألم: ليش تضحك
علي يضحك:هههههههههه مدري.وبحزن.صح شر البليةٌ مايضحك
متعب ربت على كتفه:ماضاقة الا وتفرج ياعلي توكل على ربك
علي بتنهيده:ونعم بالله ياخوي
متعب تحرك ماشي :روح للبيت انا ميت جوع ماتغديت
علي مشى معه:يخسى الجوع فيه خبز يحبه قلبك من يديني
متعب تذكر شكله وهو جالس يخبز ويغني تذكر لكمات وفقع ضحك:ههههههههههههههههههه
علي بستغرب :خير ضحكنا معك
متعب ولسى فيه ضحكه:هههه ..ويلحن..ياليتني في حارة الزين خباز **
شهق علي بصدمه:ههئئئئ
متعب :ههههه دخلت عليك وانت تغني ومن صدمتي فيك طلعت ومانتبهت الا وانا باخر المزرعه وافكر فيك
علي مصدوم:يالله شلون مانتبهت عليك
متعب دخل مع باب البيت وعلي يمشي وراه:هههههه مالومك ملتهي بالزين ودك تصير خباز له
علي :هههههههه سريلك يابوي
متعب فقع ضحك:هههههههه تتابع النقيب شكلك
علي :هههه ياحلوهم والله مايشل همومك الا زد رصيدك ومتسابقينه والله ينسونك الوقت والزمن والحزن الي مستوطنك..قال اخر كلمه وهو يدخل المطبخ
متعب جلس بالصاله ينتظره وهو يفكر بحاله وكيف يعرف اهله او يلقى طريق لهم مو عارف يبدا من وين
بعد دقايق علي جالس قدامه بعد مانزل الغداء ومانتيبه له
:لاتعب عمرك بالتفكير يامتعب سنه كامله افكر من وين ابدا ماعرفت ليني ماعرف عنهم شي
متعب حس مداء معناته بس طنش لنه مايبي يفتح جروحه بدون فايده وقرر ينسيه اهل هو يبحث بدون مايعطيه خبر لين يعرف مكانهم ومن هم
تعدل وقرب للغدء :ماشاءالله ويش هالزين .ورفع نظره له.قرب تغدا معي
علي يرتكي على الكنبه وهو يمسح على كرشه:بالعافيه تغديت قبل اطلع لك
متعب سحب الخبز وبجوع بدا ياكل بشراهه:تصدق علي متى اخر مره ذقت خبز صاج قبل 12سنه
علي بتعجب:ااف 12سنه ليش عاد
متعب بحزن :لني الي تصلحه طفلتي وراحت للبعيد
علي بستغراب بتغير مزاجه:طفلتك ممممم يعني الحين كبرت .وبسؤال.بس وين راحت
متعب بتضييع السالفه:جد انت طباخ ماهر وليه ياحضي بدال ماتكرف بالمزرعه رحت تشتغل بحدا المطاعم
علي : متعب تقدح من راسك وش به المهاره بخبز صاج ومرقة تيس هههههههه
متعب بمزح وهو يتذكر وجد: ايه ويازينه من خبز ومرق يحلمون يذوقونه من يد علي الجاد ههههههههههه
علي برجفه سرت فيه من الاسم ضحك بتوتر:ههههه علي الجاد ومن الجــاد
متعب ببتسامه:هاذا الله يسلمك اهل الطفله الي قلت لك عنها فا انا قرنتك باسمها لنك ذكرتني فيهاا هههههههه
علي مايدري ليش حس بتوتر فضيع ومتعب يتكلم عنهم حاول يتجاهله: اها قل اني ذكرتك بالحب هههههه
متعب سكت وسرح بفكره ذيك الايام ضحكاتها الي تملى المكان طفله ام 5سنوات
يسرق الحلاوه من دكان الحاره الي يبعد عن بيتهم مسافة نصف كيلو
صحيح كان عمره 16سنه بس مكان يملك ريال يشري لها
مكان يمنع نفسه انه يسرق عشان بس يشوف فرحتها يوم يمد لها الحلاوه
ابتسم بحزن على الذكرا الحلوه قبل يقتلب كل شي بدون مايعرف ايش السبب واكتشفى بعد فتره
بس بعد ايش بعد مفات الفوت فمكان بيده شي يسويه الا طريقه وحده وهي الي بتنقذها قبل تضيع من يده ويبقى ندمان طول عمره
نفذ خطته بحكام بدون للاحد يشك فيه وهو عارف ومتيقن ان حياته بتتغير بعد افراقها بس قال يخسر كل احلامه ولو حتى يخسرها
ولا هي تضيع
.....
...
..
ابو مشهوور بحزم وقف وهو ينهي الجدال قبل يبتدي مثل كل مره يفكر يروح لمرت ابوه والرفض الي يالقاه من عياله
وهو عارف السبب بس مستحيل يقطع فيها ويزعل اخوانه عشان يراضي عياله وعارف هالمره اكثر شي بيزعلون لن محمد عزمهم
وحتى وجد بالقوه بيجبرها تروح معهم لو زعلت ناظر لزوجته وعياله جاد ووجد وسن ووجود وسلطان ولد زوجته الي يعتبره ولده
:لاسمع حرف قومي يام سلطان ولمي عيااااالك كلهم يمشون قدامي الكبير قبل الصغير
وحتى سلطان ووجد بيروحون هالمره وماااااابي اعترااض سااامعيني .ويلف على وجد.
ماحد يجلس جدتكم مسوي عشى كبير وماتبي احد يتاخر فااهمين
وجد بقهر :هاذا لو اعتبرت نفسها جدتنا
ابو مشهور صرخ فيها:وووووجججد
وجد نزلت راسها:سوووووري مو قصدي بس هاذ الصدق
ابو مشهور بصرامه:وجد احترميني اقل شي
وجد فزت و راحت لهم مسكت يده وحبتها:سوووووووري
ابو مشهور بتريقه :كانتس سووووووري على قولتس تمشين قدامي بدون اعتراض
وجد بخضوع:ان شاء الله
طلع ابومشهور وهي رجعت وجلست وهي تزفر بقوووه:اوووووف وش هالقرف يعني انحرم من جمعت اهلي وخوالي على شي تافه
ام سلطان تناظر فيها وهي بعد ضايقه
جاد استانس من قرار ابوه بس انقهر من كلامها:وشو اهلك ترا حنى اهلك مو هم .ويرص على الحروف.الجـــــاد اهلك مو النـــايف
وجد وقفت وهيي فاقده اعصابها من كلامه وعصب فيه ضربت طاولة الزجاج الي قدامها برجله وهي تصرخ فيه:انـــــت جـــــــب ولاحرف
من زين الجاد ..وبدون شعور والغضب معميها.لعلــــمك كل الجاد مايجون ربع قدر النايف فاهم..مشت بسرعه بس مانتبهت انها طيحت الطاولة
وكسرتها تعثرت بزاويتها وطاحت بس تمسكت بطرفها وصار مكسرو وحاااااد
فا ارتكز طاعن كفاها وهي تكتم الأآهـ بعضها لشفاتها عشان ماتصرخ
سلطان الي ساكت وبدون مايتدخل كا لعاده نقاش وعترضات وبنهايه عمه يحسم امره ويمشيهم غصب الا وجد يمكن مره او مرتين راحت
بس هو ولا مره راح بس تفاجئ بعمه يقول حتى سلطان بيروح انصدم بس ماعطته وجد فرصه وهي تحتج
بس بالنهايه وافقت وابوها طلع انتبه لمشاداتها مع جاد رغم انه يحس جاد يموت فيها بس حب عمامه معمي قلبه وخاص هالرواف الي يبط كبده
بغرورة ومستناس ان وجد ارفضته قبل ثلاث سنوات .وقف بصدمه وهو يشوف وجد ترمي الطواله وتصرخ عليه
مامداها تنفجرفيه الا وتتحرك بتروح بس تتعثر وتطيح


انتهـــــــــى البارت



_________________فائده



قال شيخ الإسلام ابن تيمية - رحمه الله-: ليس في كتاب الله آية واحدة يُمدح فيها أحد بنسبه ولا يُذم أحد بنسبه.


...................

يتبع

انتظرونــــــــــــــــــي قريب

يعطيك العافيه وتسلم اناملك


احداث تنكشف كل مره شخصيه وغموض


الحين متعب النايف يعرف ان وجد بنفس المستشفى الي هو فيه وعرف بستقالته


وش سر خوف ابو مشهور من العجوز زوجة ابوه لدرجة يرغم الجميع بحضور جمعتها حتى ولد زوجته


بانتظار المزيد وبنشوف لقاء وجد مع رواف