طيوبه تسلمين وتسلم يمنك مدي أم الشحم لاهنتي وخلينا نعقد اتفاقيه أما انك تقضبينا الرجال وعمه وندبغهم لما يعرفون ان الله حق والا حادث بالسياره وهو رايح بيته بعد ماطفح جعل مابه عافيه الحين متعشي برياني وبتتغدا مفطح نطحك...... اسكت أزين
الله يصبرك عليه يالشيهانه أجل اليوم اغمى عليك وانخفض ضغطك بس اصبري السكته القلبه في الطريق ان ما هجيتي لبيت أبوك
حتى العرس غصايب بنتك وغصبتها وبكيتها ولولا وسم الضعيفه وراحت كبش فدا كان ذبحت سمو والشيهانه
والا المخفه بنته الي معجبها راجح وتشوف فيه ابوها والله مدري ويش تشوف فيك اساساً من صفات امحق أبو
لكن قالوها كل فتاة بأبيها معجبه مهما كانت عيوبه تشوفه أزين ماخلق ربي
وماهو ماشي وتغصب في خلق الله ولاتبي أحد يخالف شورك ويناقشك الله يأخذ هالخشه الي تقل خشة بعير يزبد
حتى أخوه ماسلم منه غاصبه على العرس ويكذب ياقال تحب أخوك وتبي مصلحته روح يا الوح وعرس انت قبل وتسنع وترك الشيهانه لبيتها وعيالها وانت كل يوم ناط في حلقها وأخوك متى ماطاح إلى براسه بيعرس اهب ياوجهه متسلط وكذاب

الله يستر عليك ياراجح أن كانك مثل شرف عز الله ان البنت وأمها مالهم نصيب ولاحظ بالعرس مير نتصبر ونشوف فعايلك
ان اضمن انك بعد ماتغدى بتجيب الملاك وتملك على البنت قبل تشوفها وعاد أكيد وسم بنت أمها مزيونه وان شفتها خذيتها بعباتها خخخخخ يشين الثقه

و فهد الله بلاك بأخو وبنت عم بس مالك الا الصبر ومعوض خير كسر خاطري وهو يقول بس هي ماتبيني <<لا تخاف تعال طب وتنقى بليلاس به بنات مزاين واختار الي موافقه ترفع يدها
لكن هو عارفها عوبه ولسانها يرش ويكنس بتقعد تعايره بماضيه وتمسح بكرامته الأرض
بس تصبر وطنش ولا تلحق شرف وتسوي سواته وتسمع نصايحه لانه فاشل بالحياة الزوجيه مع مرتبة الشرف

طيوبه الاتفاقيه وش صار عليها نقول تم والا نتوكل والا نغسل يدنا من طيبة قليبك والا بتخلين الرجال يركد ويعقل والا تدرين اشغليه بحرب التجار وخسريه خخخخ ياكافي حاقده حقد من عشر سنين طيوبه ادري هذرتي طالت بس تحملي الله يسلمك واستري ماواجهت
ننتظرك على خير وعلوم زينه

خاااااطري ابكي ودي اكوم الفصول واقراها مره وحده بس الشكوى لله ما قدرت*
وبعد المتابعه الصامته ...*

شرف *كم نزوه عابره هدمت بيوت وموتت قلوب .. وهو غدر ب الشيهان *خذلها وهي ما تشوف من الرجال غيره والحين جاي بكل تجبر يسترجع الي كان يامر وينهي *في عياله ومن اول يداري فجيعته من زوجته ...انت اخر واحد يقدم نصائح لفهد وهو مهبول اذا سمع منك*
بس ما حبيت تحكمه حتى في بناته وزواج سمو .. و وسم *ياما بيوفقها الله مع *راشد او بترجع له مطلقه ويمكن ب ارباح*

فهد مافمت هو يحب نجلا والا لا وليه عازف عن الزواج*

ابو نجلاء على انه شايب لعبها صح بعاطفة بنته بس متاكد ان ولد اخوك ما يسوي سوات اخوه شرف *

شكرا لك

احبابي واخواتي .. اطال الله اعماركن ع طاعته
اشكر كل من تفاعل وعلق وانتقد وحلل وعقد وربط ..
وارحب بمن استجد وحضر .. من اعماقي اشكركم ..

احبتي سأعجل بالبارت الاسبوعي وانزله هذه الليله
لضروف خاصه ونلتقي الجمعه بعد القادمه ..
اعتذر عن التعليق ع ردودكن لهذا البارت فانا ع عجلة من امري ..

السلام عليكم*
_________

*قال عطاء الخرساني : إن الرجل إذا قام من الليل متهجداً أًصبح فرحاً يجد لذلك فرحاً في قلبه..وإذا غلبته عينه فنام أصبح حزيناً منكسر القلب
_____________

( 7 )




.. خرجَ وهوَ لايرى طرِيقهُ منْ شِدَّة الغضب ..
.. حتَّى انَّه نسيَ انْ يُودِّعَ ابآهآ ويشْكُره علَى حُسَنِ ضيآفتِه ..
.. ضربَ بيده على المِقْود غير مبآل لألم بسيط ألمَّ به ..
.. في الطَّريق حصلَ على مُخآلفتين مرورِيَّتين منْ كآميرآت الرَّصد ..
احدآهمآ لقطعه للآشآره والآُخرى لًتجآوزه السُّرعه المسْموح بهآ ..
.. دلفَ لمنزلهمْ لِيجد أبآه يتطهَّر استعدآدآ لصلآة العصر ..
.. نظرَ لوآلده نظرةَ المُتحدِّي وهيئته توُحي بآنفلآتِ اعصآبه قبل انْ يتفوه ..
فـ (شمآغه ) الآحمر مُنَزلقٌ للخلفْ قليلآ ..*
وحآجبآه معقُودآن وجبينهُ مُتغضِّن ..
وعينآه المُتَّقِده توُحي بـِ شرٍّ آتٍ ..
سأله والده بنظره شآمله له ..
/ شفت البنت ... !

.. اتَّكأ على الجدآر خلْفه وهو يُميل بِوقوفه ويدآه معقودتآن على صدره اجآب بِسُخريه ..
/ هه وذي تسميهآ بنت بالله ..!
.. هذي تمتْ للأنوثه بصله ..!
والَّآ تنتمي لبنآت حوآ ..!
.. مهيب طبيعيه آبدآ مهيب طبيعيه ..
.. يعني مآجتْ على انَّهآ بزر وتصرُّفآتهآ صبيآنيه ووبس ...
.. لاااا ليته على كذآ كآن يمكنْ الوآحد يرتجي من ورآها خير ..
يقول بكره تكبر وتعقل ..
لكن ذي منتهيه بالمرررره .. مافى رجآ منهآ ولآذرة امل ..
.. مُستحييييل اربط نفسي مع هبلآ وجآهله وسفيهه مثلهآ ..
لآوبعد عليهآ قلب .. مدري وش يبي ..
هذي مآهيب للعرس ابد .. ابد مآتنفع له ..
ولآ للدرآسه ولآ يمكن تفلح بشي الآ وظيفه وحده ..
هذي يبي لهآ سجُون تفرًّغ طآقتهآ فيهم ..
يبي لهآ مُجرمين تتلذذ بتعذيبهم ..
يبي لهآ جنَّ ازرق يشيلهآ ..

.. مسح آبيه على وجهه الَّذي يقطر مآء ..
وعلآمآت الاستغْرآب على وجهه ..!
لًيُردف ..
/ ووش فيك .. وش فيهآ البنت ..!
انت شفتهآ والآ مآشفتهآ ..
مهمآ كانت مآتوصل لحد وصفك لهآ ..
يخي مآخليت فيهآ شين صآحي ..!

.. وقفَ بآعتدآل وهو يحآول كبْح جمآح غضبه ..
فـ اجآب برويِّه مُزيَّفه ..
/ تخيييييل .. تخييييل معي ووش شفت ..!
طبعآ ابوها طلّْعهآ للحوش بدون مآتدري انَّي اطلّْ عليهآ منْ شبَّآك المشب ..
قآل لي أبوهآ دقآيق وتوكل ع الله ..
.. وقفت متحمَّس وعيوني تبي تصورهآ تصوير ..
ابيهآ تقرًّب عشآن اشوف ملآمحهآ زين ..
.. وابوهآ دخل للمجآلس داخل وخلآني اتمقَّل عشآن مآ انحرج منه ..
.. ابد .. دقآيق الا وهي رآفعه قميصهآ ذآك الابيض وتطرد ورى قطوه ..
قلت عآدي .. يمكن تخآف تدخل جوآ البيت وتنجسه ..
.. القطه صغييره مآلقت مهرب بعد مآحدّتهآ ورى الشجر ..
.. مسكتهآ من ذيلهآ والله لآيوريك ..
.. اول شي وطت على ذيلهآ برجلهآ والقطه تصيح وهي تضحك ..
.. ثم شالتهآ من ذيلهآ ولفت بهآ السبع لفَّآت ..
قسم رآسي دآخ من كثر مآ دارت بهآ ..
قلت بس ذيلهآ بينقطع في يدهآ الحين ..
آخر شي الحيواااااانه يوم سمعت صوت ابوهآ فلتتهآ على نفس السرعه ..
لمن ضربت القطه في البآب .. تخيل ..!*
كنت بطلع وألعن جدفهآ وامسكهآ بكشتهآ وادور فيهآ لين تعرف ان الله حق ..
بس دخلت بالبيت ع طوول ..
هذا شغل يهوووود مآهوب مسلمين ..!
وطلعت قبل لآ اواجه ابوهآ ..
خفت انفجر واحط حرَّتي فيه ..


.. يُقآل شرُّ البليَّةِ مآيُضحك ..
وهذآ حآل ابيه ..
/ هههههه من جدك ..
تقوله صاادق ..!

.. زفر بضيق ..
/ الله يغثهآ .. خلت غدآي يقلب على كبدي ..
كلم الرَّجآل وقل له خلاااص ..
مآحنَّآ بلمكم ..*

.. مسحَ ابيه على وجهه .. وهو يذكرالله ..
/ تعآل هالحين نصلًّي وتدحر ابليس عنك*
ونشوف من العلوم ابركهآ ..
ورآك عجل كذا .. من موقف واحد خلاص حكمت ع البنت ..!

.. لمْ يُجآدل آبيه البتَّه ..
فـ الموضوع انتَهى بالنسبَة اليه ..
وحَسْمِه مُجرَّد مُكآلمه هآتفيه فقط ..




.. جلَسَ مُقآبلآ لهآ بعْد ان هَتَفَ بالخآدمه لِتُحضرَ كُوب مآء ..
سكبَ القليل منهُ في كفِّه ومسَحَ على وجههآ بِسُرعه ..

.. التَفَّتْ اهدآبهآ منَ البلل وبدأتْ ترِفُّ بِبُطء ..
.. يدُه بدأتْ بالآرتجآف وهو يهيمُ في تفآصيلُهآ ..
آهكذآ غدَتْ منْ بعدي ...!
آهي شيهآنتي ذآتهآ الَّتي هجرتْ ..!
آيُّ النًّسآء تلك الَّتي آمآمي ..!

.. لآ والله ..!
.. *ليستْ هيَ منْ ادرتُ لهآ ظهري ..
وليستْ هذه تلك الفتآه البسيطةُ بريئة الملآمح ..
.. وليستْ بِذَآك الطُّهر الذي عهدته ..
.. هذه اُنثى لَعُوب ..*
.. وجْهٌ تعدَّى الطُّهر ليأسِرَ كُلَّ نآسك ..
رِمْشآن بِهمآ مِنَ الحًدَّةِ مآيدميآن به القَلب ..
.. شفَتآنِ عذْبتآن تدْعيآن بالويل والثُّبور لمنْ دنى منهمآ ومنْ لمْ يدنُ ..
.. وجنتآن كَحُمرَةِ وردٍ في بُسَتآن ..

.. شعرَ بضيقٍ يخنقُ صدره ..
.. لآ يعرفُ مآ السبب ..
ولكن ...!
.. بًقُربهآ هذآ أحسَّ بِبُعدِهآ بأميآل عنه ..
ليسَ لِحُسْنِهآ الفَتَّآنْ مُقآبل توآضع جمآله ..
بلْ شيءٌ اعمَق عَجِزَ عنْ تحْدِيَده ..
..*

.. احَسَّت بتأمُّلآته ويدُه الَّتي تُلآمس ملآمحهآ فـ آستعآدتْ ذآكرتهآ ..
وايْنْ هي ومآحدثْ ..
ابعدتْ يدُهُ بِعُنْف وخجل وآدآرت وجههآ عنْه وهي تستعدلُ جآلسه ..
وتبَحثُ عنْ خِمآرهآ دُون انْ تلتفِتَ له ..
.. وشعْرُهآ الغَجَري تبَعْثرَ لِيقفَ سدَّآ دونَ عينيْه المُتَطَفًّله ..
.. صآمًتٌ بِـ وجعْ .. مُتأمِّلٌ بـ حَسْره ..

.. لبستْ سًترهآ كيفمآ يكُون وعآدتْ لهآ قُوَّتُهآ .. لِـ تَنْتَقِدهُ بغضبْ وربْكه وحِدَّه *..
/ عسى مآشر ي آبو مُصعب ..!
وشْ مْدخّْلك وسط البيتْ بلآ آحم ولآ دستُور ..!
.. لو سمحت اطلع قبل يِجي آحد منْ العًيآل ويشُوفك هنآ ..
مآهيب زينه لآ في حقي ولآ حقَّك ..
.. غضِبَ منْ غضبِهآ .. وقسْوةُ الفآظهآ ومنْ غطآئهآ المُتشدِّده بلبسه أمآمه ..
.. وقفَ بِسُرعه وهوَ يتفَوَّه بِسُخريه مُبطَّنه بِتهديد ..
/ هه شآيلك جثَّه بين يديني مآيتحرك فيك رمش ..
وين تبيني اوديك يعني ..!
اخليك على عتبة البآب عشآن الحدود الممنوع المرور فيهآ ..!

*.. ترآ الآيام الجآيه مآهيب وآقفه على آخترآق الحدود والتبجح في وسط البيت بس ..
لااا يآ بعدي ..
.. بنعيد زمآنٍ مضى ..
ونعيش حآلنآ حآل خلق الله ..

.. لآتُريد المآضي برمآده ..
ولآ لسْعة جمَره وحرَّة وطء نآره ..
ولآ ايَّآم وليآل خوآلي كآنتْ كآلغربآنْ في غيبته ..
.. بَرْد وسُهآد وظُلمه وضعْف وَوِحْده وليييلٍ طويل ..
وآطفآلٍ يعبثُون بقلبهآ ببرآءه ..

بـِ بُحَّه وهدوء .. سآيرته ..
/ المؤمنين على شرٰوطهم ..
وانتْ وعدتني مآتعدى المجآلس*
وبنفسك رضيتْ بهآلشَّرط ..

.. بمُبآغته هجمَ عليهآ وهوَ يهُزُّهآ من اكتآفهآ بِشِدَّه ..
/ انااااا مآحد يتشرَّط علي ..
ولآتقوليني قول مآقلته ...
لآوالله اخلًّي غدآ اليوم سبب لرجعتك لي ..
واعزم عليه القآصي والدَّآني ..

.. شعرتْ بالخوف منه فعلآ ..
فـ هوَ حينَ يُريد شيئآ مآ يضربُ بالآعرآف والوآجبآت عرض الحآئط ..
رفعتْ صوتهآ المُحآيد تجنبآ لِجُنونه ..
فـ هوَ الآن مركزْ قُوَّه وهيَ الضَّعف ..
/ اذكر الله يآ شرف وفكني*
.. وش فيك تعوذ من ابليس ..


.. تركهآ وابتعد ..
مسح على جبينه والغضب يستبِدُّ بكلِّ خلآياه ..
وبخشُونه وكأن شيئآ لم يكُن ..
/ خلاص بااودي الغدآ للمطبخ مدامك تعبآنه ..
وخلي البنات يجهزون الباقي .. ارتاحي انتي ..

.. هدأت قليلآ وهيَ تُضفي غطآئها على كفيها ..
/ لاا طيبه مافيني الا العآفيه
يمديني اسويه ..
بس جيب البنآت من دوامهم ..

هزَّ جيبآه الجآنبيَّآن يبحثُ عن مفآتيحه .. ثُمَّ خرج وهو يُؤكد..
/*الساعه 2 وهو جآهز ..




.. آخذَتْ تتنفس بتوَتُّر وخُوف ..
سـتُقدم على عملٍ قدْ لآتُحْمدُ عُقبآه ..
.. فـمآتنوي فعلهُ مُخآلفٌ لتربيةِ والديهآ وللعقْل والمنْطِق الَّذي تعتقده ..
.. لكنْ لآبُدَّ ممآ ليسَ مِنَهُ بُد ..
.. اغلقت القِفل مرَّاتٍ عِدَّه .. ربتَتْ على قلبهآ علَّه يهدِّيء منْ خَفقآنه ..

.. سحبتْ اوكْسُجينآ وزفرت قلقآ ..
.. معْ كُلِّ دقَّه يتصآعدُ الدُّم لعُروُقِهآ وينبضُ قلبهآ بًقوَّه مؤلمه ..
آجآب الطَّرفُ الآخر بعدَ انَ كآدت انْ تُغلقه بـ ..
/ هلاااا .. الوووو

احسَّت بِغَصَّه وتشَتُّت ..*
لثوآن رآودتهآ فِكرةُ اغلآقه ..
لكنْ انْ اضآعت تلكَ الفُرصه .. فـ ستضًيعُ آحلآمهآ وآمآلهآ وامنيآتهآ حتمآ ..

.. بالمُقآبل عبثتْ به الحيره ..
لمَ الصَّمتْ وهوَ منْ بآدرَ بالآتصآل ..!
.. لآبُدَّ انَّهآ امرأه .. فـ لو كآنَ رجُلآ لنْ يخشى الكلآم والآعتذآر انْ كآن مُخطئآ ..
حدْسُه لمْ يُخيبه .. فـقد آنسآب لمسآمعه صوُتٌ انثويٌّ رخِيم مُتردًّد ..
.. بِـ دورهِ بقي صآمتآ كيْ لآ يحْرِجهآ .. ينتظرُ منهآ الاعتذآر ..
فهمستْ ..
/ الوووو فهد آنآ نجلآ ..

ابعد الهآتف قليلآ وهو ينظرُ لهٰ بِشكّْ عفوي ..
وآعآده لآذنه وهوَ يهًمُّ بالخروج عنْ رفآقه ويُردف برسميَّه بآلغه ..
/ اهاا ووش تبين يآنجلآ ..!


.. اخذتْ تُقطًّع شفتآها بقلق وهي تندفِع بالحديثِ معه ..
/ فهد ابوي قالي ع الخطبه ..
وانت عآرف انك مثل اخوي الكبير وفي معزة عقاب واخواني ..
.. لكن زواج ومآزواج انت ادرى انا مآنصلح لبعض ..
لانت من جيلي ولا انا من جيلك ..
وتفكيري غير تفكيرك وكذلك اهتماماتي ..
لذلك الحياه بينا مستحيله ..
وبدل مآنجرب ونخسر نختصر من اول الطريق*
والله يوفقك باللي افضل مني وتسعدك ..

اجآب بمسآيره ..
/ اهاا طيب انا خطبت وانتي بيدك الرفض ..
محد بيجبرك خصوصا ابوك ..

اجابت بدفآع ..
/ ادري ماغصبني ولاراح يغصبني ..
لكن شيبه وغالي .. وجاني بالطيب واحرجني واستحيت ارده ..
.. انسحب انت ..

اردف ببرود يتقنه ..
/ واناا مثلك بالضبط ..
شيبه وغالي ومربيني واقل جميل ممكن ارده له اخذ بنته ..

بغضب رفعت صوتها قليلاا ..
/ ترد جميله في شي ثاااني*
مهوب في بنته ..!
ثم منيب بايره ولاعانس عشان تتفضل علي وتاخذني ردة جميل ..!
.. اناااا الف واحد تحت رجلي يتمنآني ..*
وانت ماحسبتك منهم لاني وبالعربي *مااااا ابيك ..*
فهمت ...!

.. بنفس توازن حروفه اردف ..
/ حيلك حيلك هدي هدي ..
انا ماعندي لك شي ..
خطبه مانيب متراجع عنهاا واكسر خاطر عمي وشرف لعيونك ..
والبااقي عليك .. ماتبيني ابركها من ساعه ..
هذا ابوك واخوانك عندك قولي لهم ما ابيه ..
ووعد مني ماعاد اقبل على باب بيتكم خآطب ..
وهذا اخر كلام عندي ..
وان عآد اتصلتي علي من ورى اهلك ..
بخلي عقآب هو اللي يرد عليك من جوالي ..
البنت الستيره ماتكلم رجال ماهم محآرمها من ورى اهلها
وتاخذ وتعطي معهم ...
اغلقه قبل ان تُغلقِه ..
ابتسمَ لهكذآ مُكآلمه وحيآةٌ تُنذِر بالانهيآر قبل الآبتدآء ..



.. لمْ يكُن رآجح وحده هوَ منْ شآهد فعلَ وسم المُشِين ..
كيفَ لهآ ان تفعل ذلك بحيوآنٍ ضعيف لآحول ولآقوة له الآ بالله ..!
الم تعلم بِقصةِ تلك المرأه التي دخلت النآر في هِرَّه ..!
من اجل انها حبستها فقط ..

فكيف تُعذًّبها بهذا الشَّكل ..!
*.. لقد رأى شرف جُزأً من ذاك التَّعذيب ..
مِمآ دفعه للخروج لهآ بغضب ..
ولاول مرَّه في حياتها حملهآ بشعرهآ ..
وقدمآها بالكآد تُلامس الآرض ..
فمنظر القطعه وهي تتألم وتنزف دمآ لم يغب عن عينيه ..
بشآعه لم يكن يتوقعها من ابنته ( وسم ) بالذات ..!


.. بكت .. صرخت .. تألمت .. ترجت ..
لكن اباهآ كالـغضنفر المُتوحش ..
قطع شعرهآ صفعهآ وبخهآ دفعهآ ارضآ دون رحمه ..
ولم يُخلصهآ من بين يديه سوى شيهآنه التي استنجد بهآ مثنى وسمو ..
واخيرآ مصعب ..
زمجر بغضب وهو يتوعدهآ من خلف اُمِّها ..
/ ورب البيييت اشوفك ماسكه حشره بس لو جرااده
لافرمك فرم ..
ماتخافين ربي ..!
مافي قلبك رحمه ...!
وش سلطك عليها عشان تعذبينها ..!


.. احتضنت والدتها من الخلف وهي تدفن رآسهآ بضهر والدتها ..
وتبكي بنحييب وهذيآن ..
بينمآ والدتها تحآول تهدئته ..
/ ياابن الحلااال خلاص ..
جاها اكثر من اللي جا القطووه ..
هي ماضربتها من الباب للطاقه ..
صح انها غلطت وان عليها اثم لكن وسم بعد عانت وهي صغيره منها
عشان كذا تكره القطط ..
اناا الغلطااانه ..
مفروض عالجتها نفسيا قبل لاتكبر هالعقده فيها ..

.. وكأنه هدأ قليلاا ..
بينما مصعب اشآر لسمو بأن تأخذ وسم للداخل ..

سأل باستفسآر ..
/ وش عقدته ..!
وش جايها منها *لهدرجه تعذبها كذا ..!


بآختصار اجابت ..
/ وهي صغيره كانت عندنا بسه ولها 3 صغار ..
ووسم دايما تراقبهم تبي تاخذهم وتلعب معهم ..
لكن كل ماقربت لهم القطه تكوش عليها وتخوفها وتطردها ..
ومره تحسب القطه غافله عنها فقربت بشويش تبي تمسك واحد من عيالها ..
لكنها كانت منتبهه لها بس بعد ماشالته ..
نطت عليها القطه ومخشتها وجرحت وجهها وجرحت شبكية عينها وجلست شهر والشاش على عينها ..
والابر المضاده اتعبت نفسيتها ..
ومن يومها مآعاد تطيق القطط*
وكل قطه تشوفها تبي تنتفم منها ..
وكنها هي اللي اذتها ..
ووبس هذي القصه كلها ..
والغلطه غلطتي تساهلت المشكله ولاعالجتها في حينها ..

.. نظر اليهآ مُتسآئلا ..
/ وانا وين كنت من هذآ كله ..!
ليش ماقلتي لي ..!


بنظرة مُعآتب اجابت دون تفكير ..
/ كنت في حزنك على فوز ..
ومع ذكريآتك معهآ ..!
ادرات ظهرهآ ورحلت دون استأذان ..
وهو الآخر أدار ظهره بندم وخرج ..




.. تأكُل بنهم منَ الرُّز بالخُضآر واللحم ..
وتُلحقْه بكوبٍ بآرد من اللبن ..
حتى ضآقتْ انفآسُهآ ولم تعُد تستطيع ادخآل المزيد ..
نظرَ لهآ والدهآ بعزآء لحآلها ..
/ يآبنت قللي اكلك الله يصلحك*
ي امّي شوفي جسمك كنك ام عيآل وانتي توك باول العشرين ..


.. اغلقت عينآها بقليلٍ من الصبر*
وهيَ تقف بِثُقل وعينآن دآمعه ..
/ ياحوول منكم .. عينكم على لقمتي دآيم ..
كن ماياكل بهالبيت الاا انااا ..
جعل رزقي مهوب بين ايديكم*
ماغير تعدون علي كم لقمه بلعت ..
.. تركتهم وهيَ تدُق الارض بغيض ..

علَّقت والدتهآ ..
/ الله يهديك يآ ابو عزه*
ماغير تناكدهاا عند لقمتها ..
اذكر الله يآ اخي ولا تنشب لها ..
تراها كذا تعاند وتزيد ..


هز رأسه بيأس لمآ وصلت اليه حالهآ ..
/ لا اله الا الله ..
انا ماهمني الاكل ولآ قيمته كله فدآ صحتهآ ..
بس شوفة عينك ..
قومتهآ وقعدتهآ قومة عجوز ..
انتي اخف وانشط منهآ ..
ولو تمشي مترين لهثت ..
وانتقدهآ انا عشآن مصلحتهآ
ولاينتقدهآ غيري عشآن يشمت فيهآ*
والا يضحك النآس عليهآ ..
هذا منظر بنت ..!
يبي لها تنزل ع الاقل 20 كيلوو ..
وكيف بتنزلهم وهي مآعندها اراده ولاعزيمه ..!*
.. مآلها الآ حل واحد ..
كلنآ نسوي ريجيم عشآنها ..
كبسات وشحم ولحم وزيوت وحلوياات ماعآد فيه ..
من اليوم وطالع اكلنا بيكون كله ..
خضار وسمك وربيان وصدور دجاج*
وسلطات خفيفه و بُر ..
والغازيات ممنووعه .. نستبدلها بعصآير ..
وحيل الله اقوى .. نآكل كلنا مثل اكلهآ ..


صعدت للاعلى وهي تُقلب حقيبتهآ الجآمعيه بضيق ..
اخرجت عُلبة البيبسي البارد لتفتحهآ بسُرعه وترتشف منهآ بانتعآش ..

.. وضعت العُلبه على الطآوله لتمسحَ مآتبلل منْ ملآبسهآ*
بعد انْ انكبَّت عليه نُقُط من المشروُب ..
.. رأت انعكآس صورتهآ في المرآه لتُزيح انظآرها بطرفة عين ..
.. تكرررره المرآه .. وتكره النظر اليهآ ..
فـ هي ووآلدهآ دآئمآ يسخرآن منهآ ..


.. تنآولت العُلبه مرَّة اُخرى وهي تغُضُّ الطَّرف عن مرآتهآ ..
.. تجرَّعتهآ حتى انتهت ..
بدأ تأنيب الضمير يكثِر الملآم عليهآ
سُرعآن مآ اسكتته وهي تضُمُّ مخدتهآ وتندسُّ في سريرهآ ..
وتُحلِّقُ باحلآمهآ الورديه كأترآبهآ ..
انهآ اصبحت جميله ..*
والرًّجآل يخطبُون ودَّهآ ..
وذآك الفآرس المُلثم فآز بهآ بعد عرآك ..
ووووووو ....... واحلآم لآتنتهي
حتى استَّل النَّوم يقضتهآ واحلآمهآ ...




_____ تآبعوني مع الشيهآنه والصقآر ______