فديتك والله على هالجزء الغاوي ماقصرتي يالشيخة
نجي للبارت اولا الحمدلله عاى سلامة خالد
ثانيا ضحكت كثيرا على كلمة خالد الوعد باجر الله يعينك نيران عليه
ننتظر الجزء القادم باحداث جديدة
تحياتي الود

السلااام علييكم


طيووووووووووفه ..ياحلو الاحدااث لمشت بسرررعه وخااصه لكاانت تخدمناا هههههه

يالبي هالخااالد والله رحمته احسه رغم عصبيته وكبريائه وقوته ..كل هالشي يكون ولا شي

قداام نيرااان ..

يالله اهم شي انه بخيييييييير ..وهالنيرااان تحمد ربهاا بتاخذ وااحد مثله

بس هااه طيووفه ياويلها وسواد ليلهاا نيرانوووه ان هبلت بخااالد ترى بتجيها دعااوي جدتي خخخخخخخ

طيووووفه ألحين هي نيراان جت لبيته والا بس مرسله اغراضهاا وتنتظر جيته ؟؟

مدري لييه حسيت انها بالبيت مسويه له سبرااايز >> فيس مخرف خخخخخخخخخخ

اما لو تسويهاا كان يطيح خاالد من الخرعه وينجلط من الفرحه ههههههههههههههه

اكبر طااف ..

تسلم الاياادي ..وبانتظاارك الاسبوع الجااي وبانتظاار الاكشن اللي بيكون بين نيران وخالد

بسلمو حبيبتى فصل رائع وأحلى حاده انك سرعتى شفاء خالد ويلا خلينا نشوف نيران هتعمل فيه ايه هههههههههههههههه

ألبآرت السآبع ..

جو المطروالغيـم وأنا وزانــــك,,,,
يحـي حشيـم عـروق قلـب "ن",,, يبـــاريك...
قلــب"ن" يحبــــك صدق ويعز شانــك
وما يصــدق الهرجـات لاذي,,, ولا ذيـك...
ولـــو كنت تـدري فـي " الحشا " وش مكانك !!
ماسقتنــــــــي شرهه ولا قلت وش فيك
ريح المــــــــطر طـرى "غلاك" وزمانـك...
وأنـا علي "به" نـذر مانــي بناســيك ...
الغيـم "وجهـك" والمطــر من " حنانــك "
"والجــو" كنه " ضحكتك" كـل ماجيك...
صوتـــــــــك دفااي ومسمعـي " ترجمانـك"
أدعـي المشاعــر" كل أبيها " وتـــاتيـك...
الثلـج كنه ذايــــــبٍ "ن" فــي " ثمانـك "
والملــح كـنه ينتثر فــي " خطاويـك"...
والـى ألتفت وفــــــــاح لـــي "زعفرانك"
شفـت " الجديـل " اللي لي الساق يضفيـك...
دلـــوع " أبيك " اللي يحشمـك وصانك
رجـل "ن" عـلى عذب السجايـا " مربيك"...
والله وأمـان الله " وأماني " وأمانيـك
انـي " مولـع " بك وأحبــك ..وشاريك ...
تــدري أنا ليه أتنفـــس ؟؟؟؟؟ " عــــشانك "
وتـدري وش يصبـر خفـوقي ؟؟؟ " رجاويك "...
أجمـل حكاوي " الشوق " .. تسكن لسانك
وأغلـى الدقايــق كلها يــوم " أحاكيك"...
اللي بقولـه وأنت عــارف " مكانــك "
(( لاتبطي بوصلك تــرى القلب يدعيك ))...


آعتلت اصوآت الغآريـــــــــــــــــــــط على كبر آنحآء القآعه ..

فالليله ليست بحفلة زوآج شخـــــص عآدي ..
آنمآ حفلة زوآآج
خآلد & نيرآن ..

ازدآدت اصوآت الاغآني و الزغآريط ...
وآزآد معهآ رقص الحوريآت ..
و آزدآدت فرحــــة المعآزيم ..

وبالمقآبل ..

آعتلت اصوآت الفرقه الحربيه بالاغاني ..
و اعتلت ربشــــة الرجآل باليوله و الرزفه ..

لربمــــآ لم يشعر بقيمة هذه الفرحه شخـــص آكثر من خآلد ..

فأمة محمد آجتمعت اليوم لتهنئة خآلد بزفآفه ..
ولتهنئة بعودته من آلمآنيآ من بعد رحلة العلاج ..

شعـــر بألم بسيط في رجله ..
فهو فقط بالامس رجع من ألمآنيآ ..
ورجله ليست بمعتآدة على كثـــرة الارهآق ..

جلس على الكرســـي و بجآنبه نآصر و عمه بوحميد و حميد و البعض من اقربائه و اصدقائه ... والبعض من ممن كآن يعرفهم آبآه المتوفي وهو على معرفه بهم ..

توزعت عينآه على الحظور و المعآزيم ..

فمن رحمـة ربه ..
منذ آن آصبح الصبح اختارت الغيوم الممطره سمآء الامارات ..
لتنزل حمولتها على اراضي دولتنآ العزيزه ...

آمآ الان فالجو آشبه بالخيآل ..
دفوّه غريبه ... و بعض الرذآذ المنعش المتقطع ..

..

اعتلت اصوآت الزفــــه لتحلن حضور ملكـة الحفله ..
وهيه بالفعل في حلتها اليوم آشبه بالملكـــــه ..
فالفستآن الابيض اللبنآني ... ذو كرستالات بسيطه لكـن بلمعه قويه .. آبهــــــر جميع الحضور ..
آمآ التسريـــــحه الرومانيه جعلتهآ تبدوآ وكآن الشعـر الذي تحمله نيـرآن لاتحمله اي فتآه آخرى ..

وآمآ المكيآج الهآدئ الممزوج باللون الوردي و الاسود جعلهآ تبدوآ وكأنهآ حوريه نآدره ..

فقط .. نيرآن من حملت ذآك الجمآل ..
فقط هي من لهآ الحق اليوم بأن تكون ملكـة السآحه ..

دخلت للصآله .. وهيه متزنه بخطوآتهآ .. و الابتسآمه مرسومه على شفتيهآ ..
فدرس الابتسآمه درس من دروس روضه ..

لتتمركز على " الكوشه " ومن بعدهآ تستقـــــر على عرش الملكه ..
حتـــى يبدآ النآس بالانسكآب اتجآههآ ..
فالجميع يريد تهنئة نيرآن بهذآ الزوآج .. و الدعآء لهآ بدعوه صآدقه بأن تكون حياتها مع خآلد سعيده ..

مضـى بعض الوقت ..
ليتجهــــز الجميع لدخـول خآلد الى القاعه ..
دقائق ..
لتعلن القآعه انصياعها لهيبة خآلد ..

مشــى بخطوآت منظمه و ذآت هيبه و دآله على صاحبهآ ..
صعد الى " الكوشه " ..
ليقترب آكثر بأكثر من نيرآن ..
لتعلن يدآه تسللهآ على " ذقن " نيرآن ..
و تتسلل شفتيه الى " جبين " نيرآن ..

ومآ آن تسللت يدآه الى نيرآن .. مآ آن آحس بالرجفه وكأنهآ انتقلت من نيرآن أليه ..

قبّل جبينهآ ..
ليقف بجانبهآ ..
ليبدأ بو حميد بالسلام عليهآ ..

خآلد بصوت مخفوت : ذيج الرجفه آبد مآلهآ لزوم ..

وكأن خآلد لم ينطق بحرف وآحد ..
فـ نيرآن لم تعيره اي اهتمآم ..

جلسوآ على الكنبه ..
بالقرب من بعض ...

لتتسلل عينآ خآلد الى يدي نيرآن ..
ليشآد تلك اليد المشدوده بقبضة الورد ..
وكأنهآ تمنع يديهآ من الارتجآف ...

خآلد بطمأنينه : نيرآن آدي و تعوذي من بليــــس ..

ولكـــن كعآدتها .. لايوجد اي اهتمام او مبالاه ..

جلس خآلد بضع الوقت ..
ليعلن خآلد بدآية خروجه من القآعه و معه نيرآن ...
وصلآ الى البآب ..
ليخرج هو ليسآرع في تقديم السيآره الي البآب ..
وفي نفس الوقت تقوم نيرآن بلبس العبآيه ..

دقآئق ..
او بالأحرى نصف سآعه فقط ..

لتكون نيرآن و خآلد عالقين في الزفه ..
وعلى آحد الاغاني في أف آم ..
بات خالد يردد الاغنيه مع المغنــي بصوت خفيف و مهموس ..
ليقطع عليه صوت الهآتف ...

خآلد : يآلعنبوك حتـــى في ليلة عرسيه حآشرنيه ..
حآمد : هههههه عنبوه ذآ الويه لك .. مب منك منيه انا اللي مسوي فيك خيـر ..
خآلد : هههههه خف علينآ بو الخيـر انته .. هآه علومك ..!!
حآمد : ترآني عشآكم وصلته البيت .. وعن تبآ تيلس تحولف .. العشآ آستوى ...
خآلد : ههههه حق شوه آحولف .. و الله توني معشنك وتآرس بطنك لين مآمتنآقعآت ظلوعك ..
حآمد : ههه خآآآم ..
خآلد : زين اجلب ويهك ..

سكـــروآ عن بعض ..
ليرجع خآلد الى تكرار الاغنيه مع المغنــــي ..

خآلد : عمري عمري .. قلب قلب .. انا احسك آممممم . بالشرايآن تجري .. همي .. صبري .. انا من دونك احير .. آممم .. كبد بد فدوه اروح لهالخد .. آممم ..
لتعلن الاغنيه انتهآئهآ ..

وليعن خآلد بدأ حديثه مع نيرآن ..

خآلد : يوعآنه ..!!
نيرآن : لا ..
خآلد : شكلج تعشيتي ..!!
نيرآن : لا .. بس مب يوعانه ...
خآلد : عيل بو ميثا يايب عشا في البيت ...

فضلت نيرآن السكـــوت ..
بينمآ خآلد انشغل في تبديل قنآوآت الدرآديو ..

مضــــى بعض الوقت ... حتــى وصلآ الى المنزل ...
ليبركـــن خالد السياره امام باب الصاله مباشــــره ..

خآلد : صبري بيسآعدنج الحريم ..

نزل خآلد من السيآره ..
و توجه الى خآرج الفله كآمله ..
فـ في الخآرج وضع متلف تمآمآ ..
الكثــــــير من الشبآب الذين حضروآ الزفـــه توقفوآ هنآ آمآم منزل العريس .. لاستعراض مهآرآتهم بالسيآرآت ..
دقائق قليه .. حتى صارت تلك المسآحه غآرقه بالدخآن .. و حرآق " التواير " ..


وآحد في موتر ويسوي حبتين لـ خآلد : بوسيف شوف والله لعيونك بس ..
خآلد : ههههههه ماتقصر ماتقصر ..

تجدم الريآل من الشآرع ... و بدى في استعرآضه ..

دقآئق من الفوضـــى ..
دقآئق من المتعه ..
دقائق من المغآمره ..
دقآئق من المخآطره ..
دقآئق من الفرحـــه ..

ليملـئ صوت الشرطه المكآن ..
لتفضــى تلك المسآحه بكل السيايير ..

فكمآ يقال " الشررررررده نص المرّيله "

في المقآبل ..
توجهن بعض الحريم الى سياره خآلد .. لمسآعدة نيرآن في النزول ..
ومن من هؤلاء النسآء " آم حميد .. و روضه .. و ميـــره ... و بعض من نسـآآآء العائله "

توجهن بهآ الى قســــم خآلد دآخل المنزل ..
تطمنن عليهآ ليخرجن جميعآ مآعآدآ روضه ..

روضه : نيرآن حيآتي تراها هاي ليلتج .. مآيحتآي انج تضيعينهآ بذكريآتج ويآ سيف .. خلاص ذي حيآتج يديد ويا خالد .. و كلنآ نشوف ان خآلد من قبل لا اييبج عنده هنآ حآطنج في عيونه .. صونيه وحطيه في عيونج ..
نيرآن و عيونهآ كلهن دموع : مآ آقدر رويض مآآقدر .. كل شي يذكــــرني بسيف .. حتــــى ذي ليلتيه تذكـــرني بسيف ..
روضه بضيج : نيرآن سيف مايستآهلج على شوه انتي يالسه تصيحينه ... سيف عطيناه اياج آمآنه .. الا مآكآن قد هالامانه .. بعديــن مسحي دموعج .. هاييلا حراام يطيحن على شخص مثل سيف .. بس خلي في تفكيـــرج خآلد و ربج .. و ان شاء الله ربج بيكون في عونج ..

نيـرآن : رويض خبريني شسوي الحين ... و الله مب عافه شي .. مب عارفه شي ..
روضه : لاتسوين شي .. خلي كل شي يمشـي بدون تخطيط .. خلي كل شي فيه خيره يستوي .. مسحــــي دموعج .. استهدي بالرحمن ... و اقري الحمد و الانشرآح .. وان شاء الله ربج بيسهل .. بس لاتيبسين رآسج .. وخلج لينه ويآ خآلد .. ترى مآحد بيفيدج غــيره ..

هزت نيرآن رآسهآ بالانصيآع ..
ومن بعدهآ خرت روضه واقفه ..

روضه : لازم اطلع .. عادي ريلج الحين يحدر الحين .. نيرآن صلاتج لاتنسينهآ ..

هزت نيرآن راسها للمـره الثانيه بأنصيآح ..

ولتعلن نيرآن خروجها من الغرفه ..
جلست نيرآن على الكنبه ..


في الخآرج ...

خآلد : تعالي ميره ابآج ..
ميره : هلا .. آمر ..
خالد : ربيعي يايب عشآ ومخلنه في المطبخ .. دخيلج شوفيله ترتيب ... تراني بخبص الحابل بالنابل ان رحت انا ..
ميره : ههههه لاتحاتي خلّود .. انا يبت بشكارتيه هنا .. و هيه مابتقصر .. وبرايها هاليومين هنا لين ماتستقرون ..
خالد يضربها بمزح على يبهتها : زين آم نوفه ماتقصرين .. يالله قبضي الدرب انتي وهالحريم ..
ميـره : هههه يالملقووف ..

توجــه خآلد الى القسم مآله ..
ليتفآجئ بنيرآن جآلسه على الكنبه ..
وهآدئه .. لربمآ مستعده الى العيش معـي ..

تقدم من نحوهآ ..
تقدم و تقدم ..
الى ان جلس بجآنبهآ ..

خآلد : شو حآلج الحين ..؟؟
نيرآن : زينه ..
خآلد و هو يمسك ايدهآ : اتوقع ذيج النفضه رآحت عنج .. و رآح معآهآ الخوف ..
ليقشعـر بدنهآ من لمسته : ..
خآلد يشد على ايدهآ : نيـــرآن والله ماله داعي هالخوف ..
نيرآن : مب خايفه ..
خالد وهو يرفع ويهآ بطرف صبوعه : بس انا مآشوف جي ..

فقط هنآ ..
هنآ و لنتهـــي الهدوء ..
وتعلن نيرآن بدآية بكآئهآ ..

فـ هنآ فقط ..
انهآر خآلد آمآم دموعهآ ..
فهذه ليست دموع اي أمرأه آخرى ...
انمآ دموع نيـرآن ..
نيرآن التي سعى لهآ بشتـــــى الطرق ..

خآلد بهدوء : بنت العـــم .. ترآهن دموعج و رب الكعبه غاليآت عليه .. ومآتهونين عليه اشوفج بهالحآل في اول ليله عنديه .. آطـمني .. ترآني والله عد مآقلت لج و هددتج ترآه الا كلام و رمسه .. ولا والله انيه مآخذته بمحور الجد .. آطمـــني ..
نيـرآن وهيه تسحب ايدهآ عنه : خآلد آرجوك ..
خآلد يقآطعهآ وهو يحآول يلمهآ في حضنه : انتي اللي ارجوج .. خلي كل شي يصير بهوآه .. من غير لانحدده لا انا و انتي .. خلي كل شي يصير بعفويه وبدون خوف ..

نيرآن وتحآول الابتعآد عنه : فجــني خآلد .. بليـــز ..
خآلد وهو يآخذ نفس بسيط : مب فاجنج ..
نيرآن وتحاول كتم شهقاتها : ارجوك ..

لتتحــرر من حظــن خآلد ..

خآلد وهو يتنهد : اوك قومي ويآي ..
طالعته بنظرآت مملوءه دموع ..
خالد بهمس : قومي ..

قآموآ مع بعض ..
ومسك خالد بيد نيرآن ..
وآتجهوآ لغرفة النوم ..
لتنصدم نيـــــرآن بترتيب الغـــرفه ...
بالفعل آبهرهآ تنظيــــم الغرفه ..

اللون الابيض المنتشر في كل الغرفه .. الكرفايه البيضآ .. التي تحمل سرير ابيض بغطآء ابيض ..
بعض الطآولات البيض ..
و البعض الاخر من الكنبه البيضآء ..
ومع الاضآءه الخآفته الصفرآء ..
ومع بعض الورد الاحمر المنثور على اجزآء السرير ..
وبعض من اجزآءه الاخرى منثوره على ارضية الغرفه ..

مازل خالد مآسك بيدهآ ..
ليجـــر بهآ الى الكنبه ..
ليتركهآ هنآك ..
ويتوجه اتجآه السرير .. و يأخذ الروب النسآئي و الفوطه .. ويتوجه بهن الى نيـرآن .

خآلد : ذيلا الفوط .. و دخلـــي تسبحـــي و ريحي عمرج .. وخلينآ نتعـشى .. و خلاف لكل حآدث حديث ..
هزت راسها بانصيآع ..
آمآ هو خرج خآرج الغرفه ...
واتجه للصآله ..

مدد جسمـه على الكنبه ...
من بعدما ازال " الغتره و العقال " من على رأسه ..
اغمض عينه ..
كآن يومآ شآق ..
والتعامل مع نيرآن اشق من اليوم الشآق ..
فـ على " آدنآت الدون " بكـــت ..

حسننآ فل تقل مايرضيهآ .. ولادآعي للبكآء ..

آمآ في الغرفه ..
فنهضت من على الكنبه ..
و اتجهت للبآب .. وأغلت الباب بأحكآم ...
وبدأت في نزع " الشبآصآت " من شعرهآ ..
ومن ثم " تبطيل " الذهب من على عنقهآ ..
و من ثم " فصخ " الفستآن ...
توجهت للحمآم ..
وبدآت بأخذ الشآور ..

حآولت بقدر المستطآع بآن تنتهي بسرعه ..
لـكن .. لاجدوى ..
فالشعر غارق بمثبتات الشعـر ..
استخدمت العديد من الشآمبوهات
ولكـــن لاجدوى ..
الى ان يأست .. و اغلقت المآء ..
و بدأت في تنشيف نفسهآ من المآء .. .

كآن المآء الدآفي له تأثير ايجآبي لنيرآن ..
آستطآعت تهدئة تفسهآ ..
آستطآعت التحكم في قراراتها ..

خرجت من الحمآم ..
وتوجهت الى خزآنة الملابس ..
وبدآت في لبس ملابسهآ مع لبس مغربي خفيف ..


سمع انفتآح قفل البآب ..
ففز وآقفآ ليتجـــه اتجآه الغرفه ..

رآهآ وآقفه آمآ المرآه ...
وظهــرهآ متجه اتجآه البآب ..
و شعرهآ البني منسدل على كتفيهآ ..
و اللون الذهـبي في المغربي اعطى رونقآ خآصآ ..

خآلد : نعيمآ ..
نيرآن : الله ينعم عليك ..
خآلد : ننزل نتعـشى .. و لا بيمدي لي اتسبح ..
نيرآن : على رآحتك ..
خآلد وهو يتجدم منهآ : لا ... باللي يريحج انتي ..
نيرآن تتراجع لورى : ابا اصلي ...
خالد بأبتسآمه : يعني ادخل اتسبح لين ماتخلصين ..!!
هزت راسها بالايجآب ..
خآلد : على أمرج ..


وقف عند زاوية الغرفه ..
و خلع كندورته و فانيلته .. و شل فوطه و حدر الحمآم ..
هدأت نيرآن ..
وآخذت الفوطه .. و بدأت في تنشيف شعرها من المآء ..

والكل يعلم .. و نيرآن ايضآ تعلم .. بأن اقصر وقت سبوح يقضيه الانسآن .. هو سبوح الشبآب ..
اللهم لاحسد دقيقتين وهو خالصين ..

وهذآ مآحدث .. دقيقتآن و خآلد ظآهر من الحمآم ..
القت نيران عليه نظرات الصدمه .. لم تتوقع خروجه آبدآ ..

بدآ خآلد في لبس ملابسه ..
وونظـر الى نيرآن .. : ننزل نتعشـى ..!!
نيرآن : لا .. ما صليت بعدني ..
خآلد : صح .. و لا انا صليت بعد .. تعالي ..

أحضرت نيران شيلتها ..
ورات خالد " فارش " السيآده بشكل عرضي ..
وقفت لتصلي ..
ووقف خالد على يمينها ..

وبدأوآ بالصلاه ..
وفي نهآية الصلاه ..
اقشعـــــر بدن نيرآن عندمآ سمعت خآلد وهو يدعـوآ لـ آخوته و آمه و آبآه ..
يآآه يآ خآلد ..

وفي نهآية الدعآء مسح على وجهه ..
و خر واقفآ ..

: يالله قومي ..

نهضوآ وآقفين ..
ونزعت نيرآن لبس الصلاه ..
و تبعته الى الخآرج ..
جلسآ يتنآولان العشآ الذي آحضره حآمد ..
و من ثم " شغل " خالد التيلفزيون وبدأ في التبديل من قناه الى قناه دون الاستقرار على محطه واحده ..

نيرآن : خآلد ..
خآلد : هلا ..
نيرآن : بطلع فوق ..
خآلد : كلنا بنطلع ..

اغلق التيلفزيون و صعدآ الى الاعلــى ..

انسدح خآلد على طول على الكرفايه ..
آمآ نيرآن ذهبت لتبديل ملابسهآ ..
اغلق الابجوره ..
لانه يدري بنيرآن .. اذآ كان مستيقضآ .. و الاضآءه عاليه .. لن تنآم بجآنبه آبدآ ..

آغمض عينآه .. و تضآهر بالنوم ..
وبالفعل ..
ارتدت نيرآن ملابس النوم ..
وتقدمت بتردد وخوف اتجآه خآلد ..
وقفت بضع الوقت بجآنبه .. لتتطمن من نومه ..
ومن ثم دخلت للفرآش ...
ونآمت على طرف السرير ..
وأغلقت اضآءة الابجوره

آحس بدخولهآ للفرآش ..
واغلاقها لاضاءة الابجوره ...
فتقلب اتجآههآ بخبث ..

ليجعلهآ تغرررق في آحضآنه ...

نيرآن بأنزعآج : لا خآلد .. لا ..
خآلد : آشششش .. مابسوي فيج شي ...
نيرآن و هيه تحآول الابتعاد : خالد فجنـــي ...
خآلد : مابفجج .. بتنآمين عندي ..
نيرآن وشوي بتصيح : خآلد ...
خآلد : مابسوي فيج شي .. ارتاحي و اطمني و نامي ...
نيرآن وهيه تصيح : مآبآ مآبآ ..
خالد بعنآد : قلت لج مابسوي فيج شي .. سمعي الكلام ..
نيرآن بصوت مبحوح به رنة الصيآح : ليش تسوى جي ... وانت تعرف اني مآدآنيك ..
خآلد : آسوي جي لانج حرمتيه ... والحين صرتي حلالي ...ولي الحق بكل شي ...

آكتفت نيرآن بالسكوت .. و محاولتها للابتعاد عن خآلد ..
ولكـــن خآلد كآن شاد عليها في حضنه ..

كيف له بتكرهآ ..
وهو يتمنـــــى هذآ اليوم من 4 سنوات ..
كيف له يتركهآ .. وكل مافي جسده مشتآق اليهآ ..


ولنآ لقآء يتكـــرر في يوم السبت القآدم ..
و آعذروني لتأخر البآرت ..
^ ^ النت كآن مقطوع ..

ياهلاااااااااااااااء

النت مادري وش سالفته هالايام

البارت حلوووووو رايق<<<,كنا نفتكر انه اكشن *اكشن

يلااا الاكشن بنششوفه بالبارتاتت الجاييه


نيران شكلها بتميييل لخالد بسسسسسسسسسسسسرعه <<<اذا كانت معامله خالد لها كيذا طبعا

وخالد بيكون مبسوط انو نيران كانتن زوجه لسيف بسس على ورق

وفي انتظارك يوم السبت