كاتب الموضوع :
Julianna
المنتدى :
القصص المكتمله من وحي قلم الاعضاء
رد: ذكريات وهل الحب ينسى
الفصل الرابع
فرصة سعيده وافترقنا على خير
كنت اتمنى تكون قسمة حياتي
هذا نصيبي واللي جنته المقادير
تبعد وأنا أبعد في سكون وسكاتي
ذكراك هذي وانتهت دون تفسير
صارت تسمى ماضي ذكرياتي
فرصة سعيده جمعتنا على خير
خلك بقايا ساكنه ماضياتي
/
/
/
طلال كان في حالة يرثى لها .. من قال انه قلبه معلق كثير قلوب فيه يختار وحدة لاول مرة يشوفها سلبته نومه وصحوته سبحان الله كيف كيف الانسان لا تعلق باحد يتمنى بس...يتمنى شو ..؟ يتمناها شريكة حياته !! طلال ما هو خلق البنات ولا دلعهم !! اخته ريم اعطته للاسف نموذج غلط عن بنات جنسها..مر اسبوع وللحين ما ردوا علينا معقولة تسرعت واذا رفضتك ؟ شو الحل ؟ بتنسى ولا بتنتظر اليوم الي ممكن توافق عليك اذا رفضتك ؟؟ وليش ترفضني ؟ !! كان داير بدوامة مالها اخر كله من امي كنت مرتاح لا لي ولا علي كله قبل اشوفها واتمنى وصالها !!
من جهة ثانية شخص واحد كان متاكد من رفض ذكريات الموضوع صارله اسبوع والكل تقريبا كانو على نار بين انها بتوافق او بترفض !! كان يعرف طينتها لذكريات ومتاكد بشو وكيف تفكر ... مسالة وقت لا غير ها مسكين بينصدم طلال ..شافه من كم يوم وكان فعلا الي يشوفه يقول مسكين مهوم !! بس ان شالله ما توافق لان الريم ما بترحمها وكيف ترحمها لو صارت مرت اخوها !!
بيت ام محمد بعد الفطور كانو متجمعين يشربون فيمتو الا ذكريات ما كانت تحبه كانت تحب تانج !! عكس الاغلبية ..
ناصر يشوف اخته تتلذذ بتانج وهي سرحانة بالتلفزيون: ايه انتي من متى ما تشربين فيمتو ؟؟
ذكريات حاست بوزها اففف على الغلاسة: من متى ؟؟ اصلا متى شفتني اشربه ؟؟ الا انت ما تنبته على شي !! ^^
ناصر بقق عيونه فيها بعد وترد: بالله اقول بنت مطر لسانك اشوفه طولان !!
ذكريات صخت وناظرته انا شقلت ؟؟ وقعدت تراجع كلامها الا بضحكة اخوانها عليها..
محمد: صح من متى تشرب فيمتو ما ذكر انها شربته اصلا في حياتها انت مضيع يالحبيب..
ناصر يقال بعصبية: اقول ناقصني انت ادافع عنها شاف الساعة ورد عليه متى بتروحون ؟؟
ام محمد عصبت: ولد احشم عمرك اخوك العود !!
عزيز: هاهاي ولد ويوووو احفظ ماء وجهك ياخي !!
ناصر تنح وناظر اخته بقو: كله من ام عيوون..
ذكريات ابتسمت بدلع وسبلت عيونها: فديت عيوني مقهور ناصر ^^
ام محمد تشوف بنتها بابتسامة واعطت اخوها محمد نظرة فهموها اثنينهم..: يلا طلعو من غير مطرود انت واخوك في كلمة راس بني نقولها !!
ذكريات غصت بالعصير وقلبها دق طبول يا ساتر استر يا رب !!
طلعو اخونها وهي تناظرهم بلؤم يتكركرون عليها هين انا اراويكم !!
محمد بحنية الاب وتفهم الاخ: ها يا اختي ما رديت علينا نبي جواب نعطيه للجماعة ايه او لاء ؟؟
ذكريات ناظرت امها شوي تحس ان امها موافقة بس ما تعرف بتزعل او بتفرح ؟؟ لكنها قوت قلبها وردت: انا استخرت واحس عمري متضايقة ...
ام محمد ابتسمت عرفت ان بنتها بتلجا للاستخارة: متضايقة يعني مش موافقة صح..
ذكريات هزت راسها بس..
ام محمد بعطف الام اللامحدود: يمه هذا حقك ولا تخافين الزواج قسمة ونصيب..
محمد ارتاح اخيرا هو رافض اصلا لانها صغيرة ووراها دراسة : مثل ما قالت امي وانا بزيد ركزي على دراستك وشدي حيلك وخلك من عوار الراس لبعدين ..
ذكريات جبل عن ظهرها انزاح امها واخوها ريحوها لكن بيت خالها شلون ؟ طلال ولد خالتهم ؟ يا رب ما تصير حساسيات بينا كله الا بيت خالي !!
محمد: خلاص يمه ردي عليهم وان شالله يلقون بنت حلال ثانية لولدهم..مسح على راس اخته بنتنا بعدنا نبيها..
حظنها محمد وباس راسها وهو يدعي ان الله يختار لها الاحسن..
بيت ام ريان
كانو البنات متجمعين في الصالة وامهم معهم وحالتها حالة مغتبصة فوق تحت ..
ميعاد تكلمت لاول مرة: يمه شفيك قسمة ونصيب وخلاص ما هي من نصيبه...لشو كل هالزعل !!
ام ريان بعصبية: انتي انطمي شرايك ؟ لو تسمعين اختي شو قالت ما خلت بنفسها الا ورمته بوجهي !!
ميعاد بفرحة لرفض ذكريات: يمه عاد وللي يسلمك خالتي ما قالت هين بتخطبله احسن البنات خلاص تروح تدور وبتلاقى الي تبيه لا تضايقين عمرك فديت هالوجه..
ام ريان بطرف عينها ايا المسلونة لكنها هدت شوي ...الا بدخلت بو ريان وعيالها..
بو ريان حس الجو مكهرب وجه زوجته ما يطمن: السلام عليكم.. خير شصاير؟
البنات كلهم: كل خير..
بو ريان والعيال ناظرو بعض وقعدو يبالها قعدة: شفيكم ؟
ام ريان هزات بناتها: مالت عليكن من بنات صدق قليلات حيا ..!!
بو ريان بضحكة: افا شصاير ؟
ريان حس ان الموضوع فيه ان..وقال: بنت عمتي رفضت طلال !!
البنات شهقو وقالو: يمه منك ما يفوتك شي حشا ساحر !! لا ومسوي فيها مسكين ما تعرف شي !!
ام ريان: وانت شدراك بعد بعده الموضوع فرش ^^
ريان ضحك: الله يا فرش تطورنا يمه !!
ام ريان عصبت عليه وسكتت..
بو ريان مستانس اخر وناسة: وانتي ليش مضايقة عمرك تراها مو لدك الي رفضته !!
ام ريان: بس هذا الي قاصر ترفض عيالي ومن احسن عنهم !!
فيصل تنحنح بما انه هو الاعزب الوحيد : اقول ترى بنت عمتي مثل اختي ولا يروح تفكيرك لبعيد يمه تكفين !!
البنات ضحكو على اخوهم دلوع امه ...
بو ريان بجدية: فهميني انتي ليش ضايقة ؟
ام ريان ناظرته شو اقوله اختي الفاهمة هزاتني وصارخت علي تقول بنت صغيرة !!
بو ريان: قسمة ونصيب ولا تخلي هالموضوع ياثر بينكم اختك لو زعلانة وهذا شي طبيعي بكرة ترضى وتنسى بنت اختي لا هي اول ولا اخر بنت !! الله يختار لهم الافضل..
ام ريان هدت ما يهديها الا كلامه وهزت راسها: والنعم بالله..
ريان كان يفكر وابتسامة غامضة على شفايفه .. طلال الحين شلون وضعه كان حاسس والحين تاكد ريم بتكون طايرة من الفرح عرف انها ما تحب بنت عمته يمكن تغار منها لكنه اقنع نفسه انه شي مؤقت ومع الوقت بروح..
ميعاد ما فاتها شكل اخوها والابتسامة الخبيثة الي على وجهه بسم الله هذا شفيه تخبل !! الحمدلله والشكر..وقامت من عندهم بتروح تكلم ذكريات سوالف الحين بتصير !!
بيت ام طلال...
طلال كان قاعد وما هو حاس باللي حواليه رفضتني !! ليش ؟؟ حس بطعنة بقلبه ما عمري تعلقت بحد ولما تعلق قلبي للاسف بوحدة ما تبيه !! غمض عيونه بالم تمنيتك تكونين لي زوجة وام لعيالي لكنك هدمتي كل ما بنيته وانتي انتي بس كنتي الاساس للي بنتيه !! اااه يا ذكريات شو سويتي فيني ..
ريم للاسف كانت شمتانة باخوها حست بلذة انتصار قالت ما هي من ثوبنا لكنه يبس راسه وخطبها خله يذوق من كاسها الحين بسوي ميت حساب قبل لا يخطب احد واكيد غير ذكريات ...
ذكريات كانت قمة بالسعادة فعلا محمد معاه حق خلني اركز بدراستي ولاحقه على الهم !! شافت نفسها بالمراية وصورت ابوها تحس انها كل ما كبرت قامت تشبهه اكثر شافت شعرها يباله تضبيط خليه بضبطه على عرس المرجوجة ميعاد ما بقاله شي ...كان شعرها لنص ظهرها اطرافه ملفوفة فير رباني ^^ لكنها ما عرفت لو شافت ريم او ام طلال كيف بيكون الوضع بينهم ريم ها ريم من الله ما تعين خير لا شافتني شلون الحين ..الله يستر بس...ان شالله ما تكلمني ولا اكلمها !!
خلص شهر الخير وراح العيد وبدت بداية عام دراسية لـ ذكريات وعايشة وشهد ^^ وميعاد المخبوصة بنفسها لان عرسها قرب والنفسية الصعبة الي تعيشها ^^
وقرر بو ريان مع اتفاق بينه وبين محمد انهم يطلعون طلعة عائلية للشاليهات يغيرون جو ويستانسون وطبعا الكل عجبته الفكرة خصوصا البنات ^^ لكن الا ميعاد الي طلعت ميت حجة عشان ما تروح لكن وين والبنات فوق راسها...
وكان يوم الخميس بعد الظهر الكل تجمع ببيت بو ريان ذكريات كان راكبة مع اخوها محمد وامها واخوانها في سيارة ولا لها ولا عليها الا ميعاد عندها ودقت عليها..
ميعاد: السلام عليكم بابتسامة ساذجة ^^
ذكريات عارفة ليش جاية عندها حفظت بنت خالها:وعليكم السلام ...هلا بغيتي شي ..؟
ميعاد ينعن ابو الاستعباط: لا سلامتك نزلي يلا ركبي معانا..
ذكريات تتدلع : مابي بروح مع اخوي ...
محمد من دون اسلوب: سمعتي يلا من غير مطرود..
ميعاد بلمت هذا من وين طلعلي لكنها طنشته ورد تقنع ذكريات: يلا ذكريات نزلي..
محمد لف عليها كانت تكلم ذكريات وراه كان بيتكلم لكنها ما خلته : ذكريات بلا غلاسة ..لكنها سكتت يوم قربت منهم سيارة..
ميعاد اخيه الحين صح ورطة..لفت تشوف ردت فعل ذكريات الي من عيونها تسالها من ؟
ميعاد: بيت خالتي وصلو الحين بنتحرك يلا شو بتروحين ولا لاء..
ذكريات ما توقعت هالطلعة بتكون من ضمنهم انصدمت ومحمد ما فاته هالشي صح ليش يجون معهم !!
ذكريات بهمس عشان يقال يعني محمد ما يسمع لكنها ما تعرف انهم يسمعون احسن عنا ^^ : ما قلتي انهم بيجون ؟؟
ميعاد حاست بوزها: ما قلنا لهم لكن اخوي الله يحفظه قال لريم وهي قالت لاهلها والي صار صار...
ذكريات ضلت ساكتة كانت تبي تاجل المواجهة لفترة اطول لكن امنيتها مهدورة !!
محمد ضاق خلقه ويبي يروح: اقول بنت خالي اذا خلصتو يلا مشينا..
ميعاد برجاء عشان تركب معهم ذكريات لكنها اصرت تبقى مع اخوها..وقرصتها من ايدها ومشت وذكريات بوجع تحسست زندها وهي تقولها هبلة..
محمد: كسر يدك لا تلمسين اختي !!
ميعاد قفطت اووويه ما يفوته شي وسوت حركة لذكريات انها بتشوف وراحت عنهم وذكريات ضحكة عليها من الخاطر...
محمد سال اخته ليكون صدق تبي تروح لكنها خجلانة مني: ذكريات تبين تروحين روحي تراني امزح ؟
ذكريات ابتمست لاخوها: لا فديتك بروح معك
محمد تشقق وانتفخ حده ^^
من جهة ثانية ذكريات كانت قلقانة شوي من لقاءها بام طلال وبنتها بس ان شالله تمر الطلعة على خير دون منغصات وكلام جارح ...
رجعت ميعاد لسيارة اخوها ريان كانت راكبة معه هي وعايشة وشهد مع فيصل وامها وابوها
عايشة: ها ما رضت ؟
ميعاد ببوز: لاء لا واخوها مسوي فيها اخوية يباها معاه مالت بس..
ريان ضحك عليها: خلاص ليش منقهر بكيفها...
ميعاد مفولة منه اصلا لانه السبب بجية بيت خالتها: اقول امشي احسن..وفر كلامك !!
ريان: حريم ما تنعطون وجه..
ريان كان حاس بشوية ذنب بس شو كان بايده يسويه ما توقع ريم تعزم نفسها لان الوضع بينهم وبين بيت عمته شوي متكهرب لكن بالنهاية بتلاقون الحين او بعدين !!
وصلو الجماعة للشاليهات والجو كان روعة لكن زحمة شوي والبنات على طول راحو للبحر بيستغلو كل الدقائق ^^ وكانت معهم الريم الي لا كلمت ذكريات والثانية تحاشت تحتك فيها ما هي مجبورة تراضي خلق الله على حساب كرامتها !!
ريم ما تعرف ليش تحس بفرح اذا ضايقت ذكريات يوم شافتها وما سلمت عليها احرجتها لكنها ما اهتمت ولامتى ؟؟؟
ميعاد كانت تحس بغصة بتشتاق لاهلها وخواتها حياة جديدة كليا بانتظارها حست عليها ذكريات وابتسمت بحنية ومسكت ايديها وشدت عليها وكلام العين كان ابلغ سبحان الله كيف يفهمون على بعض..
ذكريات: بتوحشينا يالدبة..
ميعاد دمعت عيونها وحضنت ذكريات بقوو وبكو الاثنتين وهذا الشي لفت انتباه البنات والحريم الي كانو متجمعين بالحديقة تابعة للشاليه...خواتها ما تحملو هم من الله ماسكين نفسهم ما يبو يكدرو خاطر اختهم لكن الواضح اختهم ما متحملة نفسها مثلهم..وقامو حضنو بعض صح شكلهم كان يضحك اربع بنات لامين بعض لكن بنفس الوقت شكلهم يبكي...وام ريان ما قدرت ميعاد الحبيبة بتفارقها ومسحت دمعة خاينة نزلت...
ام محمد كانت تناظر الريم غريبة هالبنت لا قربت منهم ولا قالت كلمة...الله يعلم بالنفوس !!
في اليوم الي برحون فيه الاهل كل عايلة كانت ماخذة شاليه قرب بعض...كان موعد صلاة المغرب..راحت ذكريات لشاليه بيت خالها لان امها نست تلفونها وكانت بطريق الرجعة الا تفاجات ان ريم قدامها..
مشت تبي تروح الا الريم وقفت قدامها: لا تحسبين انك احسن البنات لانك رفضتي اخوي..
ذكريات ها بدت ريم: الحمدلله ماني احسنهم ومن قال اني احسنهم؟
ريم بحقد وغل من هالبنت قربت اكثر من ذكريات الي خلاها تخاف منها شوي هذي مجنونة اكيد..
-انا عارفة طينتك زين اذا قدرتي تضحكين على بيت خالي تراك غلطانة وبجي اليوم يا ذكريات الي اكشفك فيه !!
ذكريات باستهزاء: والله المشكلة انك واثقة وللاسف لا تراهنين بشي مكتوبله الفشل ...
قالت كلامها وخلتها وراحت.. الا ريم بكل حقد وبصوت عالي قالت: بنشوف يا بنت ابوك..
ذكريات بلمت حست انه قلبها وقف ورد خفق بنت ابوك تعايرني بابوي !!
لفت عليها وبكل عصبية: بنت ابوي !! سمعيني زين ريم تراني محترمة انك قريبة بيت خالي بس والله ثم والله اني يبتي طاري ابوي على لسانك لا قصه قص فهمتي !!
ريم بقوات عين: لا تسوين علي شريفة يا بنت .....
الاثنتين ما حسو الا بكف على خد ريم ذكريات كان صوت يطن باذنها وهي تشوف ريان قدامها وخالها !!
ناظرتهم شو قالت بنت شو الحرامي !! انا بنت الحرامي...كانت ترتجف من الغضب والصدمة من قال ابوي حرامي..؟؟
ريم مسكت خدها وبصدمة ناظرت ريان الي كان وجهه ما يتفسر وقال لها: افا يا بنت خالتي تنمين على الميت حسافة بس...
بو ريان كان يناظرها بكل احتقار لف على بنت اخته: ذكريات روحي لاخوانك..
ذكريات ما عرفت كيف كلامها طلع: خـــالي...
خالها: ذكريات روحـــــي..
ذكريات ما تحملت وبكت: هي شو تقصد !!
مسكها خالها من كتوفها وباس راسها ومسح دموعها: ارفعي راسك وانا خالك..سمعي الكلام وروحي الحين..
ذكريات برجفة مشاعر غير مفهومة هجوم وطعنات بروحها ما فاهمة شي تبي تفهم هذا الحقيرة شو تقصد ..قبل لا تروح وجهت نظرة لريم الي كانت ماسكة خدها ومنزلة راسها ولريان الي كان متكتف وصاد عنها..
مشت وهي تحس انها تمشي على شوك في شي انا ما اعرفه ؟؟ ابوي فديت روحك باباتي حرامي ؟؟ ما صدق الا ابوي ..
بو ريان بغضب كبير: انتي من شو مصنوعة.؟؟
ريم ارتجفت مو مصدقة ان ريان مد ايده عليها وقدام من قدام ذكريات !! بخليك تندم وربي !!
بو ريان بصراخ: تكلمي ...
ريم بوقاحة: هالسالفة الكل يعرف فيها والظاهر الوحيدة بنته ما تعرفها...
ريان بوعيد: ريـــــم ..
بو ريان كتف ايدينه وقالها: ومن قالك ؟ الظاهر انتي بعد توك تعرفين ..
ريم على اساس تبي تثبت انها على حق: ابــوي
بو ريان بنظرة لولده العود اكنه يقوله شفت هز راسه: ابوك !!
-يا بنت ابوك السالفة هذي قبل لا يتجوز بو محمد اختي والسالفة كانت فبركة في فبركة لكنها وصلت للمحاكم وحكمو لصالح بو محمد ..يعني اسمه نظيف فلا انتي ولا عشرة من امثالك على اخر الزمن يتكملون عنه بالسو فهمتي !!
ريان يناظر الريم كانه ما يعرفها ويسال نفسه معقولة الحب اعمى؟ لهدرجة؟ ليش يا الريم كان يقول انها غيرة بنات وبتمر ؟ لكن الي اتضح اكبر عن كذا الموضوع في حقد وغل مو بس غيرة !! ريم ما عرفت انه الكل سمع كلامها كانو يصلون في الحديقة الخارجية والكلام يوصل ما نسى شكل عيال عمته كيف كان انحرج تمنى الارض تنشق وتبلعه لكن ابوه عرف ان السالفة ما رح تمر على خير !! ريم غلطت وغلطة كبيرة واليمة !!
كان طريق الرجعة غير غضب وقهر والم وحزن ..عيال بو محمد على رغم من اعتذار ريان وخالهم الا انهم ما قدرو ينسو الاهانة الي توجهت للاسف لاختهم الصغيرة لكن الله سبحانه قدر ان الكل يسمع ..ريم بعد كلام عمها ندمت كان المكان غلط ووالوقت غلط يصلون وسمعوها يالله يا الريم كبيرة بحقهم وريان ما تنسى كيف نظرته كانت كلها الم وحسافة !! ذكريات محد فتح معها الموضوع اجلوه لوصولهم للبيت كان شايفين وجها الي ما يتفسر مسكينة حسبالها بس هي عارفة وكعادتها ما قالت حق احد !!
بعدها بيوم الكل لاحظ ان ابوهم في شي مو طبيعي وريان بعد ..لكنهم ما تكلمو ..فجاة دخل عليهم ابوهم الصالة وكان وجهه غريب ووجه كلامه لريان: ريان تعال ابيك..
ريان قام وقلبه مو مطمن دخل وراه ابوه للمكتب..وابوه يناظره بعمق..
ريان: خير يبه..
بو ريان هز راسه: خير ان شالله..
تكلم بو ريان ومع كلمة ريان كان قلبه يتقطع ..وروحه تخنقه بلا رحمة..
بو ريان بعد ما خلص كلامه وولده العود ساكت..: بعد عرس اختك ميعاد
ريان ما عرف شو يقول: بس يبه..
بو ريان صد عنه وعطاه ظهره: اذا ما نفذت كلامي ما بكون راضي ريان !!
ريان كله الا رضى ابوه وامه داس على قلبه: ان شالله ما يصير الا الي تبيه..
قرب وحب راس ابوه ومشى ..وقرر يروح البحر يشكي همه وما الشكوى الا لله !!
/
/
/
/
سالت دموعي والجروح القديمة
وهاج الضمير وبدل الفرح بأحزان
أنا اللذي عايش حياته ظليمة
ولاني براجي ورا حبك أحسان
لأجلك شربت المر روحي سقيمة
وأنت اللي تجازيني على الحب حرمان
|
27-01-13, 09:03 AM
جديد مواضيع قسم القصص المكتمله من وحي قلم الاعضاء
العرض العادي
