كاتب الموضوع :
Julianna
المنتدى :
القصص المكتمله من وحي قلم الاعضاء
رد: ذكريات وهل الحب ينسى
الفصل الثامن
دورت بين قلبي والهدب درب نوم
وامرحت وين مدري المهم امرحت
تنحت اسمي بقلبٍ جيت فيه معزوم
واسمها بين جلدي والعظام انحت
مثل جفني لعيني بالنعاس محكوم
كل مانمت نامت كل ماصحى صحت
بيت ام محمد ،، غرفة ذكريات
ذكريات تتثاوب وهي تكلم ريان شافت الساعة كانت وحدة ونص!! يا سلام انا من متى اسهر هالوقت على قولة عزيز صوصة انام من العشر لكن كل هذا تغير بسبب ريان الي تقريبا كل يوم تكلمه غير السهر مع بعضهم عالتلفون..
-ريان..
تنهد وهو يتعلق فيها اكثر واكثر:امري فديتك روحك..
ذكريات شابة ضو وهو ما يرحمها من كلامه الحلو: ممكن انام؟
-افا بعدنا سهرانين شوي وبنسكر اوك؟
ضحكت عليه:انت ما وراك دوام؟
-عادي بنام بعدين المهم اسهر معك..
-ريان عرس عزيز بعد يوم وانا مو شبعانة نوم كله منك..
ضحك بصوت عالي وهي عصبت وقالت: تضحك على شو قلت نكتة!!
-لا ما قلتي خلاص موافق روحي نامي،، بس لما تكونين عندي ما في نوم!!
شهقت:ريــــان..
-يلا تصبحين على خير حبيبتي..
-وانت بخير..
-بس؟
-بس شو؟
-ناشفة لينيها شوي..
ضحكت عليه وهو ما يمل: وانت بخير ريان..
-بس عاد قلت طريها مو تقولين اسمي ،، بس راضي يا حلاته من لسانك..
-ريان باي..
وهي تبي تسكر هذا بروحه ياخذ 10 دقائق..وهو وهي بين كلمة هنا وهناك..
رحمها وقال:باي حبي..
سكر من عندها وابتسامة ما فارقت شفاته اذا كان يشوف نفسه انه كان يحبها فالحين هو ميت عليها..حبوبة وطيبة ومثل ما يعاملها تعامله واكثر رقيقة وناعمة..بعد رمضان بيتم زواجهم مو مصدق انه وذكريات بيجمعهم بيت واحد سوى..
راح لبيته الي كان طابق واحد وفتحه بعد ما كان مسكر سبحان الله كان مكتوب وحدة غيرها تكون ملكة فيه لكن قدر الله وما شاء فعل..تعاقد مع شركة ديكورات مرموقة على الاقل الديكور يكون جاهز لين ما يفضى هو وهي عشان ياثثوه كان متابع الامور وما حب يشغلها يكفيها عرس اخوها..
حان اليوم الموعود عرس عزيز وهند ^^
طبعا الكل كان على قدم وساق وذكريات كانت منسقة وقتها كالعادة كلمت ريان اول ما صحت من النوم وهي تشرب الكوفي على رواق وما سكر الا لما وعدته انه يشوفها قبل ما تروح القاعة..مكار يعرف كيف يطوعها على حسب مزاجه.
الكل كان منتشر هنا وهناك وخلصت هي وامها وكان حرمة اخوهم محمد معهم لبسوا فساتينهم وهي راحت لاخوها عزيز غرفته..دقت الباب ودخلت بعد ما سمح لها..شافته منور ما شالله بالبشت غصت تتذكر ابوها..
قربت منه وهي تبتسم وتسمي عليه: مبروك يا الغالي..
قرب من حبيبته وهي يبوس راسها ومعجب بجمالها: الله يبارك فيك ..ما شالله شهالحلاة بتغطي عالعروس..
ضربت بخفة على كتفه:مستحيل العروس لها هيبتها ومحد ينافسها عليه..
-متى بتروحين امي على ما اظن راحت..
توهقت هذا الحين شو بقوله: ايه راحت بس انا...اممم انتظر ريان..
رفع حاجب الخبل بعد شو يبي فيها يوم عرسي: ليش؟
حمرت وخضرت: بس بشوفني قبل لا اروح..
ضحك عليها: اها زين يا الحبايب..وقرر ان ما يخلي ريان يتهنى ^^
وصلتها رنة وحدة تعلن وصول ريان رفعت نظرها لاخوها وهو يبتسم بسخرية..
قالتله وهي طالعة من عنده: تراك سخيف..ولو معرس يعني !!
وصلت للصالة بعد ما فتحت الباب الخارجي تنتظره..دخل وهو مبهت فيها وهي تدعي انها تندفن بارضها..قرب منها وهو سمي عليها ولو ان الغيرة بتاكله عليها وعطاها وردة لونها ابيض..
ذكريات كانت جميلة بمكياج خفيف جدا لكن حلو وفستانها طبعا ما عليه كلام..
-شمعنى بيضاء؟
-الاحمر شي معتاد عليه انا غير لان حبيبتي غير..طالعة تخبلين..
-الا انت الي خبل !!
لفو اثنينهم للصوت وهي ميتة من الفشلة تسحب ايدها من ايد ريان مالت على عزيز هادم اللحظات الرومانسية..لكن ريان مسكها بقو وما تركها..
-وعله انت شعندك ..مو كافي اليوم عرسك قاعد تحسدنا نحن الفقارى على شوية ثواني..
-انتو فقارى كذوب ما تشوف اختي كيف صايرة سهيرة درجة اولى!!
شهقت ذكريات طلعت مكشوفة في البيت وهي ما تدري قالت باعتراض:عـــــزيز!!
ضحك ريان على ردت فعلها واخوها رد:عزيز شو بعد تنكرين انك سهيرة!!
قاطعه ريان هو جاي يشوف عزيز ولا زوجته!!: اقول يا الطيب وراك عرس عطنا مقفاك..
-تهبي وخليكم لحالكم،،حامض على بوزك..
ضم ريان ذكريات يقربها منه وهي ضاعت بين مشاعرها والاحراج وهي تشوف عزيز كيف ضيق عيونه على حركة ريان الي تعني التملك وبس..
-اذا انا بروح عرسي هي بعد عندها عرس اخوها ولا ناسي ولد الخال!!
-لا ابد بس لو سمحت خلنى دقائق بروحنا..
قالت ذكريات وهي حاسة انها بتتاخر:لا خلاص خلنا نمشي..
بقق فيها ريان هو الحين يصرف اخوها وهي تبي تمشي: خلك واقفة..
ابتسم بخبث وهو شايف ريان شوي وبحترق:زين فايف منت وبرجع يلا..
-اوووف اخوك غلس غلطان انا؟
ضحكت عليه:ايه هو غلس غلس،، ريان امي بتذبحني اذا تاخرت وانا قايلة اني شوي وبلحقها..
ما رد عليها هو يتابع حركة شفايفها مسك ايدها وباسها:اقراي على نفسك المعوذات..
ناظرته انا وين وهو وين!! ردت:ان شالله..
-متى يا ربي متى؟
ردت وهي مو فاهمة: شو متى؟
باسها على خدها وانفاسه على وجهها:متى تكونين معي انا وانتي وبس!!!
شاف الاحمرار يزحف على خدودها وسالها: بتروحين مع عزيز؟ ولا تروحين معي؟
بصراحة ما اضمن!! قالت بينها وبين نفسها،وهي تشوف هيامه فيها..:لا بروح مع عزيز..
-اوك..أحــــــبــــــك
لثواني ويمكن دهور حست نفسها مو من هالعالم اعترافه بحبه لها لجم لسانها وقلبها بحالة عاصفة!!
كان يبتسم!كيف يبتسم وتوه قال اغلى كلمة!!
نزلت راسها بخجل وقرب باسه وهو يوصيها تنتبه على نفسها..وراحت مع اخوها المعرس للقاعة وهي بعالم اخر!! عالم في بس ريان وعواطفه ورمانسيته وحبه..
كان العرس رائع الكل فرحان وهي اكثرهم لان هند صديقتها عزيزة عليها تستاهل اخوها العزيز..وتمنت ان الله يوفقهم ويسعدهم..
البنات يوم شافو ذكريات وفستانها الي اخوهم سوى سوايا عشان خاطرها كان جنااااااان وكانو شايفين نفسهم فيها اخلاقه عالية ما افسده جمالها ولا دلالها..
ميعاد واقفة مع ذكريات:اسم الله عليك طالعة تهبلين زوزو..
ناظرتها ذكريات بنص عين: زوزو يا حلاة كلامك قبل ما تنهيه بـ زوزو ..هذا يا مدام محجوز لـ زينب بعدين انا ذكريات..ما عندي دلع صعب..
-ها تبي تفهميني ان العاشق الولهان اخوي الكريم ما يدلعك..
ضحكت بصدمة: ما لك دخل اخوك بشو يدلعني..
-الله قولي تكفين ..
سرحت شو ذكريات بريان واسم الدلع الي طلعه عليها صادق اسمها صعب يدلع!!...لكنه قالها انتي "ذكرياتي" ملكية وحقوق تامة لشخصه..رجعت للواقع لاخته : ما بقولك !!
-هين بتمين زوزو وما بغيره..
ضحكت على بنت خالها وهي تحس باحاسيس جميلة سببها ريان لروحها ..كان نفسها تقوله انها هي تحبه لكنها تبي تتاكد اكثر ما هي كلمة وتنقال والسلام..
انتهى يوم عزيز وهند باحلى ما يكون والكل فرحان ومرتاح واكيد مرهق..
ريان كان واقف قريب القاعة ينتظر امه وخواته شاف مجموعة حريم طالعين واكيد من العائلة لان الوقت تاخر ومحد بعيد تم لين هالوقت...نزل من سيارته يسلم على عمته ويبارك لها..وهو يتفقد غياب حبيبته ما كانت معهم..تلفت حواليه وخواته شهد وعايشة يضحكون عليه وما فاتهم شكله..
شهد تساسر عايشة:شوفي كيف شكله تقولي ولد مضيع امه خخخخ
عايشة دزتها عشان تكست: سكتي الحين يسمعك شو يفكنا منه..
-لا لا ريان صاير حبوب صار هادي ومو عصبي مثل اول ..فديته والله شحلاته..
-ما شالله وينها تسمعك تتغزلين فيه..
-خليها الاول تحظر بعدين لكل حادثا حديث..
ما قدر يسكت اكثر هذي وينها؟؟ سال عمته: الا وين ذكريات؟
ابتسمت ام محمد: مع العروس الحين تجي..
-من بوصلكم؟...ما يضيع فرصة ابدا ^^
-ناصر محمد روح هو وحرمته..
-بوصلكم انا..
-لا فديتك روحو انتو ناصر موجود ما تقصر ..
الا ذكريات طالعة مع اخوها والعروس وطنشته !! وهي مو قاصدة مركزة كل اهتمامها مع هند وهي معصبة اصلا منه هذا ليش واقف هني؟؟ وصلو لسيارة عزيز ودخلتها ذكريات وضبطت امورها وباستها ودعت لهم وسكرت الباب ومشت لامها وهي تحس ان رجلها تحترق من الالم وراسها بينفجر من الصداع!!
سلمت وهي تقول لامها انهم يمشون...
ريان مبهت فيها هذا شفيها عطاها نظرة ومشى من دون ولا كلمة وهو يقول لخواته يلا..
حست انه زعلان من شو ما تعرف؟؟ ما تبي تفكر تبي تروح البيت وتنااااام وبس..
بعد ما وصلت وتغسلت واكلت شي خفيف لانها ما اكلت شي في العرس اتصلت فيه لكنه ما رد عليها بعد كم محاولة ياست ونامت..
ارسل لها على الواتس اب من الصبح "زين تذكرتيني" هين يا بنت عمتي كان مقهور منها البارحة طنشته وتبي تروح على طوول ويوم اتصلت ما رد عليها خليها انا اعرف اطنش بعد ..!! لكن مر اليوم من دون اتصال ولا كلام..يمكن زعلت؟
صار العصر وللحين ولا خبر منها!! اتصل بعمته يطمن عليها..
-السلام عليكم..شخبارك عمتي..
ام محمد بصوت متعب ومرهق:الحمدلله ..
-انتو في البيت؟
-ايه يمه في البيت..كان يبي يسال عن ذكريات الا عمته تسبقه وتقول: ذكريات مسخنة ما ادري شفيها!!!
لوهلة ما عرف ينطق بكلمة!! مريضة وانا مقسي قلبي عليها؟؟: انا في الطريق...
سكر ولبس ونزل على عجل شاف امه وابوه قاعدين يشربون شاي في الصالة..
بو ريان: خير خير شفيك؟
-بروح اشوف ذكريات عمتي تقول انها مسخنة...
ام ريان:حسبي الله ونعم الوكيل..اكيد عين وصابتها روح وانا امك وقول حق عمتك تقرا عليها الرقية ان شالله بتتحسن..
بوريان: لا حول ولا قوة الا بالله ..ناس ما يملى عينها الا التراب!!
ريان مشى وبينه وبين نفس يقول الا ناس ما يملى عينها الا الرصاص!! محسودة؟ معقولة لهدرجة؟
وصل لبيت عمته وشاف عمته كيف متفاجاة من شكله!! كان لابس شورت وتيشرت قطني وكاب لكنها ما علقت ولا هو اهتم كان يبي يوصل لها بسرعة..
-ها عمتي كيفها الحين؟
-والله قاعدة من الصبح احط لها كمادات ..
-ما اخذتوها المستشفى؟ يمكن عندها فقر دم؟
-اخذها ناصر الصبح سحبها سحب اعطوها مغذي لكني ما اشوف له فايدة!!
-اقدر اطلع اشوفها؟
-اكيد وانا امك انت زوجها ..روح انا شوي وبجيكم...
دخل غرفتها وهو يشوفها نايمة على جنبها الايمن متكورة ومكشرة شوي وشفايفها مفتوحة
وتعبانة..تقطع قلبها عليها قرب ومسح على شعرها وحط ايده على جبينها كانت حرارتها مرتفعة...ليته فيني ولا فيك يا بعد روحي انتي ركع على الارض عشان يكون مستوى وجهه نفس وجهها نادى باسمها لكنها ما ردت..شكلها مبعثر من المرض...
-ذكريات حبيبتي..؟؟
-هممم..
-اسم الله عليك فديت روحك..
قرب راسه منها وهو يحس بسخونة انفاسها..يمسح على شعرها وهو يقرا المعوذات عليها وكل دعاء مر بخاطره ..
ام محمد قربت وهي تسمع صوت ريان يقرا القران...دمعت عيونها ووقفت بس تشوفهم سبحان الله
لكنها رجعت للمطبخ تبي تسوي ليمون لبنتها...وتشوف شو تضيف ريان حبيبها..
كل مكان في جسمها تحسه متكسر...وهلوسات غريبة واحلام!! لكنها الحين تحس بهدوء وراحة..فتحت عيونها وهي تشوف عين ريان عليها كان تقريبا نايم جنبها خفق قلبها بقوو رمشت بعيونها وهو ابتسم وشكله حزين...
-صحي النوم يا قمر..كيف حاسة
-صح بدنك.. الحمدلله احسن ..متى جيت؟
كان نفسها تسال انت ليش هني؟؟ شافته يشوف الساعة واستغرب لكنه ابتسم وقال: مر الوقت جيت يا عمري الساعة اربع ونص تقريبا والحين الساعة عشر..
حط ايده على جبينها وهو يحس ان الحرارة خفت:الحمدلله ما في حرارة
تنهدت وهي تحاول تلم شعرها الي منتشر عليه وعليها..:الحمدلله ..امي وين؟؟
-راحت تصلي...بمتعة وهو يشوف ارتباكها وخجلها..قام من عندها وسالها: روحي غسلي وجهك انا بنتظرك اخاف يصير عليك شي..
نزلت رجلها وهي تحس بوهن سحبها من ايدها ووقف يدقق فيها تكفى روح شكلي قرف..لكنه كان يقول العكس باس راسها وحظنها بقو وكانه يكلم نفسه همس بهمس وصل لاعماق روحها: سلامتك ان شالله انا ولا انتي...
اه ما كانت تهلوس هو قال هالكلام وهي حسبته هلوسات الحرارة...فكها شوي وهو يعض على شفته: روحي الحين..اذا احتجتي شي ناديني..
كيف اناديك قمة الاحراج وين امي شكله عاجبها الوضع هين انا وريك يا ام محمد...
لكنها الحمدلله يوم نادت كانت امها موجودة اتسبحت وهي تحس بانتعاش ولبست لبس خفيف ومريح..طلعت ما شافت احد!! يمكن نزل للصالة..لكنها تفاجات انه راح!! كيف يروح وما يسلم علي..من جهتها امها تضحك على شكلها المصدوم كانت الساعة عشر ونص..وهي قاعدة بالصالة الا بدخلة ريال حامل معاه كياس!! الظاهر راح يجيب عشا!!
وقفت وهي تشوفه فرحانة وما فاته فرحها بشوفته الظاهر عمته سمعت كلامه انها ما تقول لها انه راجع..
سالته بعتب: ليش متعب نفسك؟
-افا اذا ما تعب نفسي عشانك من يستاهل التعب!!
انحرجت من كلامه وامها قاعدة منسجمة بالفلم الرومانسي..وتدعي ان الله ما يغير عليهم..
-احترت لكني عارف انك تحبين المعكرونات جبت لازانيا وانا والعمة بناكل بيتزا..
قربت منه وتبي تاخذ الاكياس منه:مشكور ما قصرت..
-هس هس يلا هناك الشغالة بتجهز كل شي انتي ارتاحي..
-اوك..وابتسمت..
اكلو وخلصو وقال انه بيمشي وراه دوام وصلته للباب وهو يوصيها تنام وترتاح..
-تصبحين على خير..
-وانت بخير ..تجرات وكملت:حبيبي
ناظرها بقو وبسمة ومسك اذنه:شو شو ما سمعت..
-عاد بكفيك انا ما رح اعيد..
-تكفين عيدي..
بنظرة حب:حبيبي..
-ااااه الرحمة كلام الحب ما قدر عليه..
اذا هو ما يقدر عليه انا شو اقول!! ضحكت على شكله ودزته شوي: يلا توكل الله يحفظك..
مشى ورمى بوسة طايرة لها وغمزة غمزة تذبح..
تحبه وتموت فيه ^^
خصها الله بوصفٍ من خيال معدوم
لا اذان اسمعتبه ولاعيون المحت
كن ربي خلقها من بياض الغيوم
ومن كفوف السحابه بالورد القحت
عن سواها فرقها بالقمر والنجوم
وكل عذرى تباها بالجمال انزحت
|
31-03-13, 06:33 AM
جديد مواضيع قسم القصص المكتمله من وحي قلم الاعضاء
العرض العادي
